ដោយ៖ សុផារី

ភ្នំពេញ៖ ក្រសួងពាណិជ្ជកម្មបានប្រកាសថា តម្លៃប្រេងសាំងធម្មតាត្រូវលក់ក្នុងមួយលីត្រ៤.៣៥០រៀល ដែលចុះថ្លៃចំនួន៥០រៀល ចំណែកប្រេងម៉ាស៊ូតលក់ក្នុងតម្លៃ៥.០០០រៀល ចុះថ្លៃចំនួន១០០រៀល សម្រាប់ការអនុវត្តតម្លៃចាប់ពីថ្ងៃនេះ ដល់ចុងខែវិច្ឆិកា។

យោងតាមសេចក្តីជូនដំណឹងរបស់ក្រសួងពាណិជ្ជកម្ម ចេញផ្សាយនៅថ្ងៃទី២១ ខែវិច្ឆិកានេះ បានឱ្យដឹងថា សម្រាប់ការអនុវត្តចាប់ពីថ្ងៃទី២១ ដល់ថ្ងៃទី៣០ ខែវិច្ឆិកា ឆ្នាំ២០២២នេះ តម្លៃប្រេងសាំងនៅក្នុងប្រទេសកម្ពុជានឹងត្រូវលក់នៅក្នុងតម្លៃ៤.៣៥០រៀល ចំណែកប្រេងម៉ាស៊ូតនឹងត្រូវលក់ក្នុងតម្លៃ៥.០០០រៀល ក្រោយឡើងថ្លៃកាលពីសប្តាហ៍កន្លងមក។

ក្រសួងបានបញ្ជាក់បន្ថែមថា ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែក ពីក្រុមហ៊ុនចែកចាយប្រេងឥន្ធនៈនៅកម្ពុជា សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានសម្រេចបញ្ចុះតម្លៃលក់រាយប្រេងឥន្ធនៈនៅកម្ពុជាចំនួន៦,៥សេនដុល្លារ ក្នុងមួយលីត្រ៕

ដោយៈ ជេស៊ីកា

       កំពតៈ ក្រុមហ៊ុនបូកគោ ហ្វាមបានសម្រេចបោះទុនវិនិយោគ២លានដុល្លារអាមេរិក ដើម្បីផលិតទឹកពិសា “ឋានសួគ៌បូកគោ” ដែលផលិតឡើងដោយប្រព័ន្ឋបច្ចេកវិទ្យាទំនើប និងកំពុងទទួលបានការគាំទ្រលើទីផ្សារ។

ជាមួយនឹងការគាំទ្រពីសាធារណៈជន ក្រុមហ៊ុនបូកគោ ហ្វាមកំពុងសិក្សាដើម្បីពង្រីកទុន និងទំហំផលិតកម្មបន្ថែមទៀត ស្របពេលទឹកពិសា ” ឋានសួគ៌បូកគោ”កំពុងមានប្រប្រជាប្រិយភាព និងគាំទ្រពីអតិថិជន។

លោកនុត សេងហុងប្រធានផ្នែកលក់ និងទីផ្សារនៃក្រុមហ៊ុនបូកគោហ្វាម បានមានប្រសាសន៍ឲ្យដឹងកាលថ្ងៃចុងសប្តាហ៍មុនថា មូលហេតុដែលទឹកពិសាឋានសួគ៌បូកគោ មានការគាំទ្រពីអតិថិជន ព្រោះទឹកនេះមានលក្ខណៈពិសេស ដែលត្រូវបានទាញយកពីទឹកភ្លៀង ដែលមានរយៈកំពស់១០៧៥ម៉ែត្រពីនីវូទឹកសមុទ្រ ប្រើប្រាស់ប្រព័ន្ឋផលិតតាមបច្ចេក​វិទ្យាទំនើប ចុងក្រោយ។

លោកបន្តថា “អ្វីកាន់តែពិសេស វិទ្យាស្ថានអន្តរជាតិមួយបានរកឃើញថា ទឹកពិសាឋានសួគ៌បូកគោ មានផ្ទុកសារធាតុPH8 ដែលសារធាតុនេះជួយកាត់បន្ថយជាតិអាស៊ីដ ក្នុងរាងកាយ ជួយដល់ថ្លើម និងសុខភាពរាងកាយកាន់តែប្រសើរ”។

កម្រិតPH8 របស់ទឹកពិសាឋានសួគ៌បូកគោ ជួយពង្រឹងជាតិអាល់កាឡាំង ដែលប្រឆាំងនឹងជំងឺបេះដូង ប្រឆាំងនឹងជាតិអាស៊ីតក្នុងរាងកាយ ជាពិសេសជួយឱ្យសម្ពាធឈាមដំណើរបានល្អ។ តាមការសិក្សា កម្រិតPH8លើសពី៧ ត្រូវបានគេទទួលស្គាល់ថា ជាទឹកអាល់កាលីន ដែលល្អសម្រាប់សុខភាព ព្រោះវាអាចជួយក្នុងការបន្សាបជាតិអាស៊ីតនៅក្នុងរាងកាយ។

លោកបន្តថា ស្របពេលជាមួយនឹងកំនើនបញ្ជាទិញពីអតិថិជន តាមម៉ាតមួយចំនួន បានធ្វើឲ្យការផលិតរបស់យើង បានកើនឡើងប្រមាណ៥០,០០០​ដបក្នុងមួយថ្ងៃ ហេតុនេះទើបក្រុមហ៊ុនកំពុងសិក្សាពង្រីកទុនវិនិយោគបន្ថែម”។

បច្ចុប្បន្នទឹកពិសារ “ឋានសួគ៌បូកគោ” បានចែកចាយនៅម៉ាតរបស់ក្រុមហ៊ុនសុខា ស្ថិតនៅលើផ្លូវភ្លោះក្រមួន “ស” នៅតាមម៉ាតធំៗនាទីក្រុងភ្នំពេញ និងចែកចាយនៅតាមសណ្ឋាគារទាំង៧របស់ក្រុមហ៊ុនសុខាគ្រុប។

លោកនុត សេងហុងបានបន្តឲ្យដឹងទៀតថា “លក្ខណៈពិសេសរបស់ “ទឹកពិសាឋានសួគ៌បូកគោ ជាទឹកធម្មជាតិ នៅលើកំពូលភ្នំបូកគោ ដែលមានរយៈកម្ពស់១.០៧៥ម៉ែត្រពីនីវ៉ូទឹកសមុទ្រ ខ្ពស់ជាងទឹកស្ទឹង អូរ អណ្តូង ទន្លេ ជាដើម”។

លោកបានបន្តថា “ប្រសិនបើទឹកពិសារចេញ ពីប្រភពទឹកស្ទឹង អូរ អណ្តូង ទន្លេរ គេត្រូវប្រើប្រាស់សារធាតុគីមី ដើម្បីបំបាត់ក្លិននិងធ្វើឱ្យថ្លា។ ប៉ុន្តែសម្រាប់ទឹកពិសាឋានសួគ៌បូកគោ ជាទឹកធម្មជាតិ ដែលមិនមានសារធាតុគីមីឡើយ”។

ទឹកពិសាឋានសួគ៌បូកគោជាទឹកពិសា ដែលទទួលស្គាល់ពីអង្គភាពអន្តរជាតិ ដែលបញ្ជាក់ពីសុវត្ថិភាពចំណីអាហារ មិនមានផលប៉ះពាល់ដល់សុខភាពអ្នកពិសា។

លោកនុត សេងហុងបានបន្តថា គ្រប់ដំណាក់កាលនៃការផលិត ត្រូវបានដំណើរការយ៉ាងល្អនិងមានការយកចិត្តទុកដាក់ខ្ពស់បំផុត ដោយត្រូវបានផលិតដោយដោយប្រព័ន្ធចម្រុះ Reverse Osmosis និងសម្លាប់មេរោគដោយ UV និងOzone និងតាមការតម្រូវនៃស្តង់ដារកម្ពុជា CS 009:2005 សម្រាប់ទឹកពិសារប្រកប ដោយអនាម័យនិងគុណភាពខ្ពស់ ISO 9001-2015 ជាទឹកពិសាដែលមានគុណភាព ទទួលស្គាល់តាមកម្រិតស្តង់ដារអន្តជាតិHACCP៕

 ដោយៈ សហការី

ក្នំពេញៈ ដើម្បីចូលរួមចំណែកក្នុងវិស័យអប់រំ អភិវឌ្ឍធនធានមនុស្សនៅកម្ពុជា នាព្រឹកថ្ងៃទី១៩ ខែវិច្ឆិកា ឆ្នាំ២០២២ ក្រុមហ៊ុន ប៉េង ហួត គ្រុប បានរៀបចំពិធីផ្តល់អាហារូបករណ៍ចំនួន៥០កន្លែង គិតជាទឹកប្រាក់ជាង ១១ម៉ឺនដុល្លារអាមេរិក ដល់អង្គការមូលនិធិកុមារកម្ពុជា(CCF)។

មូលនិធីនេះ សម្រាប់ជួយសម្រួលដល់ជីវភាពខ្វះខាត និងជាស្ពានចម្លងឆ្ពោះទៅកាន់អនាគតដ៏ភ្លឺស្វាង របស់ប្អូនៗថ្នាក់ទី១២ សរុបចំនួន ៥០នាក់ ដែលនឹងត្រៀមបន្តការសិក្សាថ្នាក់បរិញ្ញាបត្រនៅឆ្នាំ២០២៣។

ការចូលរួមផ្ដល់អាហារូបករណ៍ចំនួន៥០កន្លែងនេះ គឺជាការរួមចំណែ​កមួយនៃវិស័យអប់រំ ដែលស្ថិតក្នុងចំណោមសសរស្ដម្ភធំៗទាំងបី នៃការងារសង្គមរបស់ប៉េង ហួត គ្រុប ពោលគឺ “ការងារបរិស្ថាន អប់រំ និងសង្គម”។

លោកជំទាវ ហុង ដានី អគ្គនាយិការបុរីប៉េ ហួត បានមានប្រសាសន៍ថា “ការផ្តល់អាហារូបករណ៍ថ្នាក់បរិញ្ញាបត្រចំនួន៥០កន្លែង ដល់ប្អូនៗសិស្សានុសិស្ស របស់អង្គការមូលនិធិកុមារកម្ពុជា គឺជាការចូលរួមក្នុងវិស័យ​អប់រំ ដែលជាសសរស្ដម្ភធំទី១ នៃកិច្ចការសង្គមរបស់ក្រុមហ៊ុន ដែលក្នុងនោះអាទិភាពរបស់យើង ក៏ស្របទៅនឹងគោលការណ៍ របស់អង្គការសហប្រជាជាតិផងដែរ ​ហើយយើងសង្ឃឹមថាប្អូនៗ នឹងខិតខំប្រឹងប្រែងរៀនសូត្រឱ្យក្លាយជាទំពាំងស្នងឬស្សី ដើម្បីជួយខ្លួនឯង គ្រួសារនិងតបស្នងដល់សង្គមយើងវិញ”។

ជាមួយគ្នានេះ លោក Scott Neeson ស្ថាបនិក និងជានាយកប្រតិបត្តិ  នៃអង្គការមូលនិធិកុមារកម្ពុជា ក៏បានថ្លែងអំណរគុណដល់ ប៉េង ហួត គ្រុប ដោយលោកបានបញ្ជាក់ថា “គឺជាលើកទី១ ហើយសម្រាប់អង្គការមូនិធិកុមារកម្ពុជារបស់យើងខ្ញុំ ដែលទទួលជំនួយអាហារូបករណ៍ដ៏ធំដែលមិនធ្លាប់មានពីមុនមក ពីម្ចាស់ជំនួយក្នុងប្រទេសកម្ពុជា ខណៈដែលអាហារូបករណ៍ទាំងនេះ គឺជាស្ពានដើម្បីចម្លងកូនៗនៅទីនេះ ឱ្យទទួលបានការអប់រំ និងចំណេះដឹងកាន់តែខ្ពស់ ដើម្បីផ្លាស់ប្ដូរវាសនា ក៏ដូចជាបំពេញក្ដីសុបិន្តរបស់ពួកគេនាពេលអនាគត”។

លោកបន្ថែមទៀតថា នេះមិនមែនជាលើកទី១ទេ ដែលប៉េង ហួត គ្រុប បានផ្ដល់ជំនួយមកអង្គការយើងខ្ញុំ កន្លងមកក្រុមហ៊ុន ក៏បាននាំយកនូវគ្រឿ​ង​ឧបភោគបរិភោគ និងសម្ភារៈសិក្សាជាច្រើន ចែកជូនដល់ក្រុមគ្រួសារក្រីក្រក្នុងសហគមន៍ និងកូនៗដែលកំពុងសិក្សា ក្រោមការផ្គត់ផ្គង់របស់អង្គការមូលនិធិកុមារកម្ពុជាផងដែរ។

ក្រុមហ៊ុនប៉េង ហួត គ្រុប បានកំណត់អាទិភាពការងារសង្គមរបស់ក្រុមហ៊ុន ដែលមានសសរស្ដម្ភធំ ៣ ហើយក៏ស្របទៅនឹងគោលការណ៍របស់អង្គការសហប្រជាជាតិ ពោលគឺ “ការងារបរិស្ថាន អប់រំ និង សង្គម”។

កន្លងមកតាមរយៈការងារសង្គម ដែលក្រុមហ៊ុនបានធ្វើរួមមាន ការចូលរួមបរិច្ចាគថវិកាជារៀងរាល់ឆ្នាំ ជូនកាកបាទក្រហមកម្ពុជា មន្ទីរពេទ្យគន្ធបុប្ផា មន្ទីរពេទ្យកុមារអង្គរ មជ្ឈមណ្ឌលជាតិផ្តល់ឈាម សមាគមសិល្បៈ និង កីឡា ការសាងសង់ហេដ្ឋារចនាសម្ព័ន្ធបៃតង ប្រកបទៅដោយផាសុកភាពនៅគ្រប់គម្រោងរបស់បុរី   ប៉េង   ហួត   និងការចូលរួមសហការលើកកម្ពស់បរិស្ថានស្អាតជាមួយក្រសួងបរិស្ថាន ការសាងសង់ផ្លូវថ្នល់ កសាងព្រះវិហារ  កសាងផ្ទះជូនអតីតយុទ្ធជន និងយោធិនពិការ  កសាងសាលារៀន ការផ្តល់អាហារូបករណ៍ដល់និសិ្សតក្រីក្រ    ផ្តល់ឱកាសហាត់ការងារ  និង​ឱកាសការងារដល់សិស្សនិស្សិត ព្រមទាំងការឧបត្ថម្ភសម្ភារៈសិក្សាដល់សិស្សសាលាក្រីក្រនៅតាមបណ្តាខេត្តនានា៕

ដោយៈ សហការី

សៀមរាបៈ ក្រុមហ៊ុន អឹមអិល មង្គល រៀលធី ដែលជាក្រុមហ៊ុនវិនិយោគលើ វិស័យអចលនទ្រព្យ បាននាំយកថវិកាសប្បុរសធម៌ចំនួន៤០លានរៀល និងសម្ភារមួយចំនួនទៀតជូន មន្ទីរពេទ្យកុមារអង្គរ ដើម្បីចូលរួមក្នុង “យុទ្ធនាការជួយសង្គ្រោះជីវិតកុមារពីជំងឺមហារីក”។

តាមការសិក្សារបស់មន្ទីរពេទ្យបានឲ្យដឹងថា ជំងឺមហារីក គឺជាជំងឺមួយដែលអាចកើតឡើង លើមនុស្សគ្រប់រួបរួមទាំងកុមារផងដែរ។ ជំងឺមហារីក បង្កឡើងនៅពេលដែលកោសិកា នៅក្នុងរាងកាយបំលែងខ្លួនដោយមិនអាចគ្រប់គ្រងបាន និងរីករាលដាលចូលទៅក្នុងសេរីរាង្គផ្សេងៗទៀត ក្នុងខ្លួនរបស់យើង។

ជំងឺមហារីក ជាជំងឺដែលមិនប្រកាន់លើអាយុ ឬស្កានភាពសុខភាពនោះទេ មនុស្សគ្រប់រូបសុទ្ធតែអាចកើតមានជំងឺមហារីក។ ជំងឺមហារីកដែលកើតមានច្រើនជាងគេ គឺជំងឺមហារីកគ្រាប់ឈាម ខួរក្បាល ឆ្អឹងខ្នង និងភ្នែក។ អ្នកកើតជំងឺមហារីកត្រូវតែទទួលការព្យាបាល បើមិនដូច្នោះទេអ្នកជំងឺនឹងត្រូវប្រឈមនូវការបាត់បង់អាយុជីវិត។

ដោយមើលឃើញពីស្ថានភាពដ៏កាចសាហាវ នៃជំងឺមហារីកដែលបាននឹងកំពុងរីករាលដាលយ៉ាងខ្លាំងនេះ ក្រុមហ៊ុន អឹមអិល មង្គល រៀលដី ក៏បានផ្តួចផ្តើមនូវអំណោយ សប្បុរសធម៌ជាថវិកាចំនួន៤០លានរៀល ជូនដល់ មន្ទីរពេទ្យដើម្បីចូលរួមក្នុង “យុទ្ធនាការជួយសង្គ្រោះជីវិតកុមារពីជំងឺមហារីក ដែលយុទ្ធនាការនេះចាប់ផ្តើមពីថ្ងៃទី២៤ ខែតុលា -ដល់ថ្ងៃទី១២ ខែធ្នូ ឆ្នាំ២០២២។

គោលបំណង គឺដើម្បីចូលរួមលើកកម្ពស់ការយល់ដឹង អំពីជំងឺមហារីកកុមារ ដើម្បីឲ្យកុមារ កម្ពុជាទាំងអស់អាចទទួលបានការពិនិត្យ និងព្យាបាលឲ្យបានឆាប់រហ័ស និងជាការចូលរួមវិភាគទាន ដើម្បីឲ្យមន្ទីរពេទ្យអាចបន្ត សកម្មភាពព្យាបាលកុមារ ដែលកើតជំងឺមហារីកដោយមិនគិតប្រាក់កម្រៃ។

ក្រៅពីថវិកាជូនដល់មន្ទីរពេទ្យ ក្រុមហ៊ុន អ៊ឹមអ៊ិល មង្គល រៀលថ្មី ក៏មានជាមួកសុវត្ថិភាពចំនួន៥០មួក ជូនដល់បុគ្គលិកដែលកំពុងបម្រើការងារនៅក្នុងមន្ទីរពេទ្យ កន្សែងពោះគោចំនួន២០០កន្សែង រួមជាមួយនឹងថវិកា ចំនួន២០០០០រៀល ជូនដល់អ្នកជំងឺដែលកំពុង សម្រាកព្យាបាលនៅក្នុងមន្ទីរពេទ្យផងដែរ។

ក្នុងឱកាសនោះ ក្រុមហ៊ុន អឹមអិល មង្គល រៀលធី បានអំពាវនាវដល់សប្បុរសជនទាំងអស់ សូមចូលរួមក្នុង “យុទ្ធនាការ ជួយសង្គ្រោះជីវិតកុមារពីដ៏ងឺមហារីក! នេះទោះបីតិចក្តី ច្រើនក្តី ដើម្បីសង្គ្រោះកុមារកម្ពុជាយើង។

ក្រុមហ៊ុន អ៊ឹមអិល មង្គល រៀលជី ឯ.ក | ML. Mongkul Realty Co, Ltd គឺជាក្រុមហ៊ុនឯកជន ទទួលខុសត្រូវមានកម្រិត ដែលបានចុះបញ្ជីពាណិជ្ជកម្មក្នុងឆ្នាំ២០១៨ ហើយអាចទទួលយកព័ត៌មានផ្សេងៗ និងទំនា​ក់ទំនងតាមរយៈបណ្តាញសង្គមដូចជាគេហទំព័រhttp://MItionalRoal.comទំព័រហ្វេសប៊ុក៖ MI, Maingkul Realty_តេឡេក្រោម៖ ML Mongkulkalty ។ ក្រុមហ៊ុន អឹមអិល មង្គល រៀលធី ឯ.ក មានការិយាល័យកណ្ដាលរបស់ខ្លួន ស្ថិតលើផ្លូវ១១៥ ភូមិកំពង់សំណា​ញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល និងមានតម្រោងធំៗចំនួន ៥ ដូចជា

១ គម្រោង អ៊ឹមអិល វិមាន មង្គល ដែលមានអាសយដ្ឋានស្ថិតក្នុងភូមិកំបូល សង្កាត់កំបូល ខណ្ឌកំបូល រាជធានីភ្នំពេញ ផ្តល់ជូនជាប្រភេទផ្ទះល្វែងកូនកាត់ និងងហៅស៍។

២ គម្រោង ដី អឹមអិល ក ដែលមានអាសយដ្ឋានស្ថិតក្នុងភូមិទំនប់សាប ឃុំលំហាច ស្រុកអង្គស្នួល ខេត្តកណ្តាល ផ្តល់ជូនជាប្រភេទផ្ទះល្វែងកូនកាត់ និងដីឡូត៍។

៣ គម្រោង ដឺ អ៊ឹមឤល រឺឡា ដែលមានអាសយដ្ឋានស្ថិតក្នុងភូមិដូង សង្កាត់ស្ពានថ្ម ខណ្ឌដង្កោ រាជធានីភ្នំពេញ ផ្តល់ ជូនជាប្រភេទផ្ទះប្រណិត កីឡាព្រីនស៍ វីឡាទោល វីឡាភ្លោះ និងហ្សបហៅសី។

៤ គម្រោង គឹមអ៊ល ធារ៉ា ដែលមានអាសយដ្ឋានស្ថិតក្នុងភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្ត កណ្តាល ផ្ដល់ជូនជាប្រភេទផ្ទះប្រណិត វីឡាឃ្វីន វីឡាព្រីនស៍ វីឡាព្រីនស៍ (B) វីឡាទោល ហ្សបហៅស៍ និងលីងហៅស៍។

៥. គម្រោង អ៊ឹមវិល ហ្គ្រីន លែន ដែលមានអាសយដ្ឋានស្ថិតក្នុងភូមិក្រពើរទ្រោម សង្កាត់រលួស ខណ្ឌដង្កោ រាជធានីភ្នំពេញ ផ្តល់ជូនជាប្រភេទផ្ទះប្រណិត វីឡាទោល និងហូបហៅស៍ ៕

ដោយៈ សុខុម

ហុងកុង: ក្នុងសុន្ទរកថារបស់លោក ក្នុងឱកាសខួបលើកទី២៥ នៃការប្រគល់ក្រុងហុងកុង ឱ្យទៅប្រទេសចិនវិញ ប្រធានាធិបតីចិន លោក ស៊ី ជីនភីងបានបញ្ជាក់ថា រដ្ឋាភិបាលក្រុងប៉េកាំង ជួយគាំទ្រដល់ក្រុងហុងកុង “ក្នុងការរក្សានូវឋានៈ និងភាពខ្លាំងគ្មានពីររបស់ខ្លួន និងនៅក្នុងការពង្រីកទំនាក់ទំនងយ៉ាងរលូន និងងាយស្រួលជាមួយពិភពលោកទាំងមូល”។

ការលើកឡើងបែបនេះពីសំណាក់លោក ស៊ី ជីនភីង គឺស្របគ្នាឥតខ្ចោះ ទៅនឹងតួនាទីរបស់ហុងកុង និងការអភិវឌ្ឍនាពេលអនាគត ជាចំណុចតភ្ជាប់ទំនាក់ទំនងរវាងមហាយក្សចិន និងសមាគមប្រជាជាតិអាស៊ីអាគ្នេយ៍ (អាស៊ាន)។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃអាទិត្យ ទី២០ ខែវិច្ឆិកា។

ហុងកុង មានភូមិសាស្ត្រយុទ្ធសាស្ត្រ នៅលើផ្លូវដែលតភ្ជាប់ប្រទេសចិន (ចិនដីគោក) ជាមួយអាស៊ាន ដែលទីផ្សាររីកលូតលាស់លឿនបំផុតរបស់ពិភពលោក។ ទន្ទឹមនេះហុងកុង ក៏ជាកន្លែងមួយក្នុងចំណោមកន្លែងមួយចំនួនតូច ដែលមានទំនាក់ទំនងយូរអង្វែង និងរឹងមាំទាំងជាមួយប្រ​ទេសចិន និងអាស៊ាន។

ការបង្កើនតួនាទីជាអ្នកភ្ជាប់ដ៏អស្ចារ្យ នឹងជួយក្រុងហុងកុង ក្នុងយុគសម័យ នៃការផ្លាស់ប្តូរខ្សែសង្វាក់ផ្គត់ផ្គង់ និងការបង្កើតឡើងវិញនូវឧស្សា​ហកម្មជាយុទ្ធសាស្ត្រ។

បូកបញ្ចូលគ្នា អាស៊ាន ដែលមានសមាជិក១០ប្រទេសគឺជាសេដ្ឋកិច្ចធំទី៥ របស់ពិភពលោក ហើយនឹងក្លាយជាសេដ្ឋកិច្ចធំបំផុតទី៤ នៅដំណាច់ទសវត្សរ៍នេះ។ អាស៊ាន ក៏ជាសេដ្ឋកិច្ចដែលមានប្រជាជនច្រើនជាងគេលំដាប់ទី៣របស់ពិភពលោកផងដែរ ជាមួយនឹងប្រជាជនសរុបចំនួន៦៦០លាននាក់ផងដែរក្នុងឆ្នាំ២០២០៕ South China Morning Post៕