Saudi Arabia is embarking on an ambitious plan to build the world’s largest structure in the northwest of the kingdom, The Wall Street Journal (WSJ) newspaper reported, after viewing hundreds of pages of confidential planning documents that revealed for the first time the lay-out for the plan.

The structure, known as the Mirror Line, will be comprised of two glass reflective buildings measuring up to 488 metres (1,600 feet) high, running parallel for 120 kilometres (75 miles) across coastal, mountain and desert terrain.

The two buildings will be connected via walkways, and a high-speed train will run underneath them. The structure is expected to cost a whopping $1 trillion upon completion and is projected to house five million people who will be able to travel end-to-end within a 20-minute stretch.

The documents seen are from 2021, and include concept designs such as integrated vertical farming, a marina for yachts, and a sports stadium built up to 305 metres (1,000 feet) above ground.

The structure is the epicentre of Crown Prince and de facto ruler Mohammed bin Salman’s zero-carbon smart city project called Neom, which will cost another $500bn to build and is the size of the US state of Massachusetts.

Neom is owned by Saudi Arabia’s sovereign-wealth fund and is part of a framework called Saudi Vision 2030, a plan that seeks to diversify Saudi Arabia’s economy and reduce its dependence on oil.

While the deadline to build Neom is 2030, the WSJ reported that an initial impact assessment of the Mirror Line produced in January 2021 said the development would have to be constructed in stages, and could take 50 years to complete.

The Mirror Line’s initial design is by the US-based Morphosis Architects, founded by Pritzker Architecture Prize winner Thom Mayne, and involves at least nine other design and engineering consultants.

SOURCE: AL JAZEERA

ដោយៈ សុខុម

ក្រុងរីយ៉ាដ: ប្រទេសអារ៉ាប៊ីសាអូឌីត កំពុងចាប់ផ្តើមផែនការដ៏ធំមហិមាមួយ ពោលគឺការសាងសង់អគារ ដែលធំបំផុតរបស់ពិភពលោកនៅភាគពាយ័ព្យនៃព្រះរាជាណាចក្រមួយនេះ។ នេះបើយោងតាមការចុះផ្សាយរបស់កាសែត The Wall Street Journal (WSJ)។

ផ្អែកតាមសារព័ត៌មាន Aljazeera ដែលបានចុះផ្សាយកាលពីថ្ងៃច័ន្ទ ទី២៥ ខែកក្កដា ឱ្យដឹងថា សំណង់អគារដែលមានឈ្មោះថា Mirror Line ខាងលើនេះ នឹងមានអគារកញ្ចក់ភ្លោះ មានកម្ពស់រហូតដល់ទៅ៤៨៨ម៉ែត្រនៅភូមិសាស្ត្រដែលមានតំបន់ឆ្នេរ តំបន់ភ្នំ និងវាលខ្សាច់។

អគារភ្លោះនេះ នឹងត្រូវតភ្ជាប់គ្នាដោយស្ពានថ្មើរជើង ហើយរថភ្លើងល្បឿនលឿន នឹងរត់ពីក្រោមអគារនេះយ៉ាងអស្ចារ្យ។ កាមការរំពឹងទុក គម្រោងសំណង់អគារនេះ នឹងត្រូវបានសាងសង់ក្រោមទុនវិនិយោគមហាសាលរហូតដល់ទៅ១ទ្រីលានដុល្លារអាមេរិកឯណោះ។

គម្រោងនេះរួមបញ្ចូលទាំងការឌីហ្សាញ ដូចជា កសិកម្មបែបបញ្ឈរ (Vertical Farming) ដែលជាការដាំដំណាំជាលក្ខណៈបញ្ឈរ ផែសម្រាប់នាវាកម្សាន្តចូលចត និងពហុកីឡដ្ឋានដែលនឹងសាងសង់ កម្ពស់៣០៥ម៉ែត្រផុតពីដីផងដែរ។

សំណង់អគារនេះ គឺចំណុចស្នូលនៃគម្រោងទីក្រុងឆ្លាតវៃគ្មានកាបូនដែលមានឈ្មោះថា Neom របស់ព្រះអង្គម្ចាស់រាជទាយាទ Mohammed bin Salman។

គម្រោងទីក្រុងឆ្លាតវៃគ្មានកាបូន ដែលតាមការអះអាថា មានទំហំធំប៉ុនរដ្ឋ Massachusetts របស់សហរដ្ឋអាមេរិក នេះគ្រោងចំណាយទុនវិនិយោគ រហូតដល់ទៅ៥០០ពាន់លានដុល្លារអាមេរិក បន្ថែមទៀត៕ Aljazeera៕

ដោយៈ សុផារី

ភ្នំពេញៈ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាបានអនុវត្តន៍នូវយុទ្ធសាស្ត្រចំនួនពីរ ក្នុងការទាក់ទាញនូវវិនិយោគិនបរទេស មកកាន់ប្រទេសកម្ពុជា។

យុទ្ធសាស្ត្រទី១ គឺ “ត្រីណាមកដល់មុន គឺចាប់យកត្រីនោះ” និងទី២ “ត្រូវធ្វើយ៉ាងណាឱ្យក្រុមហ៊ុនទាំងអស់ដែលមកកម្ពុជា មានជំនឿចិត្តចំពោះកម្ពុជា”។

នេះបើយោងតាមការថ្លែងរបស់សម្តេចតេជោ ហ៊ុន សែន នៅថ្ងៃទី២៦ ខែកក្កដា ឆ្នាំ២០២២ ក្នុងឱកាសអនុញ្ញាតឱ្យលោក យ៉ូស៊ីហ៊ីសា កៃនុម៉ា (Yoshihisa Kainuma) នាយកប្រតិបត្តិក្រុមហ៊ុនមីនីបៀ (Minebea Mitsumi) ចូលជួបសម្តែងការគួរសម និងពិភាក្សាកិច្ចការមួយចំនួនពាក់ព័ន្ធការវិនិយោគរបស់ក្រុមហ៊ុននៅកម្ពុជា។

លោក កៃនូម៉ា បានរាយការណ៍ថា ក្រុមហ៊ុនមីនីបៀ បានដាក់ទុនវិនិយោគសរុបប្រមាណ១,១២៤ពាន់លានយ៉េន នៅទូទាំងពិភពលោក ដែលមាន៩៥កន្លែង។ ក្រុមហ៊ុនយកចិត្តទុកដាក់ខ្លាំង ទៅលើគុណភាព តម្លៃ សេដ្ឋកិច្ច សេវាល្អ និងល្បឿនលឿន និងជាពិសេសទៅលើវិស័យបរិស្ថាន។

លោក កៃនូម៉ា បានបន្ថែមថា រោងចក្ររបស់លោកផលិតភ្លើងអំពូលអិលអ៊ីឌី១០០% នៅកម្ពុជា ហើយនាំចេញទៅលើទីផ្សារទូទាំងពិភពលោក។ នៅក្នុងប្រទេសកម្ពុជា ក្រុមហ៊ុនបានតំឡើងអំពូលLED បានចំនួន18.880អំពូល ដោយបានកាត់បន្ថយការប្រើប្រាស់អគ្គិសនី និងការសាយភាយឧស្ម័នកាបូនិច និងការចំណាយលើអគ្គិសនី ប្រមាណ១លានដុល្លារក្នុង១ឆ្នាំផងដែរ។

លោកក៏បានគោរពអញ្ជើញសម្ដេចតេជោ ជាអធិបតីក្នុងពិធីខួបទី១០ឆ្នាំនៃវត្តមានរបស់ក្រុមហ៊ុន មីនីបៀនៅកម្ពុជាផងដែរ។

ជាការឆ្លើយតបសម្ដេចតេជោ បានសម្ដែងនូវការរីករាយ និងសាទរជូនចំពោះក្រុមហ៊ុន ដែលរយៈពេល១០ឆ្នាំកន្លងមក បានទទួលជោគជ័យក្នុងការពង្រីកសកម្មភាពរបស់ខ្លួនជាបន្តបន្ទាប់។

សម្ដេចតេជោ ក៏បានរំឭកអំពីប្រវត្តិក្រុមហ៊ុនមីនីបៀ ជាពិសេសនៅពេល ដែលក្រុមហ៊ុនសម្រេចចិត្តមកវិនិយោគនៅកម្ពុជា។

សម្តេចបានមានប្រសាសន៍ថា ពេលនោះសម្ដេចបានអនុវត្តនូវយុទ្ធសាស្ត្រចំនួន២គឺ “ត្រីណាមកដល់មុនគឺចាប់យកត្រីនោះ” និង“ត្រូវធ្វើយ៉ា​ងណាឱ្យក្រុមហ៊ុនទាំងអស់ ដែលមកកម្ពុជាមានជំនឿចិត្តចំពោះកម្ពុជា”៕

ដោយៈ គង់ សូរិយា

       ភ្នំពេញៈ ក្រោយសហភាពអឺរ៉ុប បានរកឃើញផលិតផលមីកញ្ចប់ ដែលនាំចូលពីប្រទេសវៀតណាមមួយចំនួន មានសារធាតុអេទីឡែនអុកស៊ីត (ethylene oxide) ដែលជាសារធាតុហាមឃាត់លើសកម្រិត ភាគីប្រទេសកម្ពុជា នឹងធ្វើការពិនិត្យលើផលិតផល មីកញ្ចប់វៀតណាមប្រភេទនោះ។

លោកផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយ​ក នៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ (ក.ប.ប) ក្នុងករណីរកឃើញ មីកញ្ចប់ប្រភេទនោះ កំពុងចរាចរណ៍ទីផ្សារនៅក្នុងប្រទេសកម្ពុជា អគ្គនាយកដ្ឋាន ក.ប.ប នឹងចាត់វិធានប្រមូលយកទាំងអស់។

លោកបានថ្លែងប្រាប់បណ្ដាញព័ត៌មាន នៅថ្ងៃទី២៦ ខែកក្កដា ឆ្នាំ២០២២នេះ លោកផាន អូនបានឲ្យដឹងថា ទាក់ទងនឹងសារធាតុអេទីឡែនអុកស៊ីត (ethylene oxide) ដែលជាសារធាតុហាមឃាត់លើសកម្រិត យើងក៏បានប្រជុំជជែកគ្នា កាលពីម្សិលមិញ ដើម្បីពិនិត្យមើលលើវិធានការចំនួន៣ ក្នុងការអនុវត្ដ ក្រោយខាងសហភាពអឺរ៉ុប បានរកឃើញនៅក្នុងមីកញ្ចប់ ដែលនាំចូលពីប្រទេសវៀតណាម។

លោកបានឲ្យដឹងថា តាមការស្រាវជ្រាវរបស់អគ្គនាយកដ្ឋាន ក.ប.ប បានបញ្ជាក់ថា ការនាំចូលមីកញ្ចប់ មានរយៈពេលយូរមកហើយ ដូច្នេះដើម្បីជាវិធានការបង្ការ អគ្គនាយកដ្ឋាន ក.ប.ប នឹងចាត់មន្ដ្រីចុះត្រួតពិនិត្យ ថាតើមីកញ្ចប់ប្រភេទនោះ មានការធ្វើចរាចរណ៍ នៅក្នុងប្រទេសកម្ពុជាដែរ ឬទេ។

អគ្គនាយកនៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួត ប្រជែង និងបង្ក្រាបការក្លែងបន្លំ បានគូសបញ្ជាក់ថា បើសិនជារកឃើញមីកញ្ចប់ប្រភេទនោះ កំពុងចរាចរណ៍ទីផ្សារ នៅក្នុងប្រទេសកម្ពុជា អគ្គនាយកដ្ឋាន ក.ប.ប នឹងចាត់វិធានប្រមូលយកទាំងអស់។

លោកផាន អូន បានបន្ថែមថា អគ្គនាយកដ្ឋាន ក.ប.ប នឹងសហការជាមួយអគ្គនាយកដ្ឋានគយ និងរដ្ឋាករកម្ពុជា ដើម្បីដាក់ជាទំនិញមីកញ្ចប់ប្រភេទនោះ ជាទំនិញមានហានិភ័យ ដោយត្រូវមានការបញ្ជាក់វិញ្ញាបនបត្រ ដែលបញ្ជាក់ថា គ្មានសារធាតុអេទីឡែនអុកស៊ីត។

ប្រទេសអាល្លឺម៉ង់ បានចេញការព្រមាន ចំពោះផលិតផលមីកញ្ចប់ ដែលនាំចូលពីប្រទេសវៀតណាមមួយចំនួន ដែលមានសារធាតុអេទីឡែនអុកស៊ីត (ethylene oxide) ដែលជាសារធាតុហាមឃាត់លើសកម្រិត។ នេះបើយោងតាមកាសែត VN Express របស់វៀតណាម។

កាសែត VN Express បានរាយការណ៍ថា អាជ្ញាធរអនាម័យ និងភូតគាមអនាម័យ និងស៊ើបអង្កេតវៀតណាម (SPS) ស្ថិតក្រោមក្រសួងកសិកម្ម និងអភិវឌ្ឍន៍ជនបទវៀតណាមបានឲ្យដឹងថា ខ្លួនបានទទួលការព្រមានពីសហភាពអឺរ៉ុប ទាក់ទងនឹងផលិតផលមីកញ្ចប់មួយចំនួន ដែលនាំចេញដោយក្រុមហ៊ុនវៀតណាម។

ប្រទេសអាឡឺម៉ង់ បានចេញការព្រមានអំពីផលិតផលមីកញ្ចប់ ដែលមានរសជាតិសាច់មាន់ ដែលផលិតដោយក្រុមហ៊ុន Asiafoods Corporation ដោយសារមានផ្ទុកកម្រិតអេទីឡែនអុកស៊ីតខ្ពស់ ជាងស្តង់ដារសហភាពអឺរ៉ុប៕

ដោយ: លាងហួរ

ប៉េកាំង: ប្រទេសស្រីលង្ការ បានស្នើសុំជំនួយពីប្រទេសចិន លើផ្នែកពាណិជ្ជកម្ម ការវិនិយោគ និងទេសចរណ៍ ដើម្បីស្តារឱ្យប្រទេសនេះរីកចម្រើនប្រកបដោយនិរន្តរភាពឡើងវិញ។
បេសកជនរបស់ទីក្រុងកូឡុំបូ ប្រចាំទីក្រុងប៉េកាំងបាននិយាយកាលពីថ្ងៃចន្ទថា ប្រទេសស្រីលង្កាកំពុងចរចា សម្រាប់កញ្ចប់ថវិកាសង្គ្រោះបន្ទាន់ចំនួន៤ពាន់លានដុល្លារ ដើម្បីស្តារប្រទេសចេញពីវបត្តិសេដ្ឋកិច្ច។

ប្រទេសស្រីលង្ការ ជាប្រទេសដែនកោះមួយ ដែលមានប្រជាជន២២លាននាក់ កំពុងជួបនូវវិបត្តិសេដ្ឋកិច្ចដ៏អាក្រក់បំផុត មិនធ្លាប់មានរបស់ខ្លួនបើរាប់ចាប់តាំងពីប្រទេសនេះ ទទួលបានឯករាជ្យនៅឆ្នាំ១៩៤៨មក។
លោក Palitha Kohona ឯកអគ្គរដ្ឋទូតស្រីលង្ការ បាននិយាយសង្កត់ធ្ងន់ថា ប្រទេសចិនជាកូនសោរដ៏សំខាន់ ដើម្បីចាក់ឈានទៅស្តារសេដ្ឋកិច្ចរបស់ប្រទេសស្រីលង្ការ ខណៈទីក្រុងប៉េកាំងជាម្ចាស់បំណុលបរទេសដ៏ធំបំផុតមួយរបស់ប្រទេសស្រីលង្ការ រួមជាមួយនឹងប្រទេសជប៉ុន។ ប្រទេសចិន ក៏កាន់កាប់បំណុលខាងក្រៅ របស់ប្រទេសស្រីលង្ការ ប្រហែល១០ភាគរយផងដែរ។

នៅក្នុងបទសម្ភាសន៍ជាមួយ សារពត៌មានReuters នៅស្ថានទូតស្រីលង្ការ លោក Palitha Kohona បាននិយាយថា ទីក្រុងកូឡុំបូចង់ឱ្យក្រុមហ៊ុនចិន ទិញតែខ្មៅរបស់ស្រីលង្ការ ត្បូងកណ្តៀង គ្រឿងទេស និងសម្លៀកបំពាក់ និងដើម្បីធ្វើឱ្យច្បាប់នាំចូលរបស់ចិនកាន់តែមានតម្លាភាព។
លោកបានបន្តថា ទីក្រុងប៉េកាំងក៏អាចជួយវិនិយោគបន្ថែម ទៅក្នុងគម្រោងកំពង់ផែដ៏ធំ ដែលគាំទ្រដោយប្រទេសចិន នៅក្នុងទីក្រុងកូឡុំបូនិងទីក្រុងHambantota ខណៈផែនការវិនិយោគធំៗរបស់ចិន បានជាប់គាំង ដោយសារតែជំងឺរាតត្បាតកូវីដ១៩។

លើសពីនេះទៀត ប្រទេសស្រីលង្ការ ក៏ចង់ឃើញភ្ញៀវទេសចរចិនកាន់តែច្រើន ចូលមកកាន់ប្រទេសខ្លួនឡើងវិញ ដែលចំនួនរបស់ភ្ញៀវទេសចរចិនបានធ្លាក់ចុះពី២៦៥.០០០នាក់ ក្នុងឆ្នាំ២០១៨មកស្ទើរតែសូន្យ ក្រោយពីការវាយប្រហារអត្តឃាត និងជំងឺរាតត្បាតក្នុងឆ្នាំ២០១៩៕

ដោយៈ សុខុម

ភ្នំពេញ: មន្ត្រីជាន់ខ្ពស់កម្ពុជាបានទម្លាយឱ្យដឹងកាលពីថ្ងៃច័ន្ទ ទី២៥ ខែកក្កដា ថា ឧស្សាហកម្មធានារ៉ាប់រងរបស់កម្ពុជា មានការរីកចម្រើនគួរឱ្យកត់សម្គាល់ ក្នុងរយៈពេល៥ឆ្នាំចុងក្រោយនេះ ជាមួយនឹងអត្រាកំណើនជាមធ្យម២០%ក្នុងមួយឆ្នាំៗ។

ថ្លែងក្នុង “ទិវាធានារ៉ាប់រងឆ្នាំ២០២២” លោក ប៊ូ ច័ន្ទភីរូ អគ្គនាយកនិយ័តករធានារ៉ាបរងកម្ពុជា មានប្រសាសន៍ថា បច្ចុប្បន្នកម្ពុជា មានក្រុមហ៊ុនធានារ៉ាប់រងទូទៅចំនួន១៨ ក្រុមហ៊ុនធានារ៉ាប់រងអាយុជីវិតចំនួន១៤ ក្រុមហ៊ុនធានារ៉ាប់រងខ្នាតតូចចំនួន៧ និងក្រុមហ៊ុនធានារ៉ាប់រងបន្តចំនួន១ ព្រមទាំងក្រុមហ៊ុនអន្តរការីធានារ៉ាប់រងចំនួន១៨ ភ្នាក់ងារសាជីវកម្មចំនួន៣៤ និងក្រុមហ៊ុនធានារ៉ាប់រងកាតខាតបង់ចំនួន២។

លោកលើកឡើងថា “ទន្ទឹមនឹងការកើនឡើង នូវចំនួនក្រុមហ៊ុនធានារ៉ាប់រង ទំហំទីផ្សារធានារ៉ាប់រង ក៏កំពុងរីកចម្រើនយ៉ាងឆាប់រហ័សផងដែរ ដោយបុព្វលាភសរុប កើនឡើងដល់ប្រមាណ៣០០លានដុល្លារអាមេរិក ក្នុងឆ្នាំ២០២១ ហើយអត្រាកំណើនជាមធ្យម សម្រាប់រយៈពេល៥ឆ្នាំចុងក្រោយ គឺស្ថិតក្នុងរង្វង់ប្រមាណ២០ភាគរយ។

លោកបន្ថែមទៀតថា “ជាពិសេស ទីផ្សារធានារ៉ាប់រងបានរក្សាបាននូវកំណើនវិជ្ជមានរបស់ខ្លួន ក្នុងរង្វង់៨%ក្នុងឆ្នាំ២០២០ និងប្រមាណ១០%ក្នុងឆ្នាំ២០២១ ទោះបីជាមានការរីករាលដាលវីរុសកូវីដ-១៩ ក្ដី”។

លោកបានបន្តថា ទីផ្សារធានារ៉ាប់រងរបស់កម្ពុជា មានទ្រព្យសកម្មសរុបប្រមាណ៩៤៨លានដុល្លារ ហើយបានបង្កើតការងារពេញម៉ោងប្រមាណ៤.០០០កន្លែង និងការងារក្រៅម៉ោងប្រមាណ១០.០០០កន្លែង៕ Xinhua៕