ដោយ៖ សុផារី

ភ្នំពេញ៖ ក្រុមហ៊ុនក្នុងស្រុក MICROMAX Co., Ltd បានទទួលសិទ្ធិ​សម្រាប់​ការ​អភិវឌ្ឍ​ហេដ្ឋា​រចនា​សម្ព័ន្ធ​ខ្សែ​កាប​អុបទិក​សម្រាប់អ៊ីអនម៉ល៣ ដែល​ជា​គម្រោង​វិនិយោគ​មាន​ទឹក​ប្រាក់​ជិត៣០០លាន​​ដុល្លារ នៅភាគខាងត្បូងក្រុងភ្នំពេញ។

កិច្ច​ព្រមព្រៀង​នេះ​​​បាន​ធ្វើ​ឡើង​កាល​ពី​ថ្ងៃទី​២០ ខែ​មិថុនា ដោយ​មាន​ការ​​ចុះ​ហត្ថលេខា​រវាង​លោក Tsuboya Masayuki នាយក​គ្រប់គ្រង​នៃ​ក្រុមហ៊ុន Aeon Mall ​(Cambodia) Co., Ltd និង​លោកស្រី លឹម នាងនាថ អគ្គនាយិកា​ក្រុមហ៊ុន MICROMAX Co., Ltd។

ក្រុមហ៊ុន MICROMAX បានឱ្យដឹងតាមរយៈបណ្តាញសង្គមផ្លូវការរបស់ខ្លួនថា ក្រុមហ៊ុនមានមោទនភាពយ៉ាងខ្លាំងដែលបានចាប់ដៃគូជាមួយ ក្រុមហ៊ុនអ៊ីអនម៉ល (ខេមបូឌា) ខូ អិលធីឌី ដែលជាសហគ្រាសស្នូលរបស់ AEON GROUP ដែលមានឯកទេសក្នុងការអភិវឌ្ឍន៍ និងដំណើរការផ្សារទំនើប។

ក្រុមហ៊ុនឱ្យដឹងទៀតថា “ឥឡូវនេះ ក្រុមហ៊ុន អ៊ីអនម៉ល (ខេមបូឌា) ខូ អិលធីឌី មានសាខាចំនួនពីរ ដែលត្រូវបានបង្កើតឡើងជាមួយនឹងសាខាថ្មីមួយទៀត ដែលនឹងបើកដំណើរការ នាពេលឆាប់ៗខាងមុខនេះនៅកម្ពុជា”។
កិច្ចសហការលើគម្រោងទីបីនៃផ្សារទំនើបអ៊ីអនម៉លនេះ ធ្វើឡើងបន្ទាប់ពីក្រុមហ៊ុនបានសម្រេចសមិទ្ធិផលរៀបចំបណ្តាញហេដ្ឋារចនាសម្ព័ន្ធនៅសាខាទាំងពីររបស់ក្រុមហ៊ុនអ៊ីអនម៉លកន្លងមក។

យោងតាមក្រុមប្រឹក្សាអភិវឌ្ឍន៍កម្ពុជា គម្រោងវិនិយោគផ្សារទំនើបអ៊ីអនទី៣ មានទុនវិនិយោគប្រមាណ២៩០លានដុល្លារអាមេរិកនោះ ដែលនឹងលេចរូបរាងតាមបណ្តោយមហាវិថីសម្តេចតេជោ ហ៊ុន សែន ឬផ្លូវ៦០ម៉ែត្រ ស្ថិតនៅភូមិព្រែកតាឡុង៣ សង្កាត់ចាក់អង្រែក្រោម ដែលមានផ្ទៃក្រឡា១៧ម៉ឺនម៉ែត្រការ៉េ និងសាងសង់ដោយក្រុមហ៊ុន Hyundai Engineering៕

ដោយ វឌ្ឍនា

ភ្នំពេញ ៖ អ្នកជំនាញនៃវិស័យអចលនទ្រព្យជាច្រើនបានមើលឃើញថាក្នុងឆ្នាំ២០២២នេះ ថ្វីត្បិតតែរាជរដ្ឋាភិបាលបានបើកប្រទេសឡើងវិញនិងបានធ្វើឱ្យអាជីវកម្មជាច្រើនមានសកម្មភាពឡើងវិញក្ដីតែសម្រាប់វិស័យអចលនទ្រព្យទំនងមិនអាចវិលទៅរកស្ថានភាពដូចមុនកូវីដ១៩បានឡើយក្នុងឆ្នាំ២០២២នេះ ។

លោកស៊ីម សាមីឌី ប្រធានផ្នែកលក់នៃក្រុមហ៊ុន RENT KH បានឱ្យដឹងថា បើទោះបីជាយើងមើលឃើញថាស្ថានភាពកូវីដ១៩នៅក្នុងប្រទេសកម្ពុជាមានភាពប្រសើរឡើងក្ដី និងមានអាជីវកម្មចាប់ផ្ដើមដំណើរការឡើងវិញក្ដី តែសម្រាប់វិស័យអចលនទ្រព្យត្រូវការពេលវេលាបន្តិចដើម្បីស្ដារឱ្យបានដូចមុនស្ថានភាព កូវីដ១៩ ។

លោកបន្តថា ទីផ្សារអចលនទ្រព្យ២០២២នេះ នឹងមិនទាន់ត្រលប់មករកប្រក្រតីត្រឹមត្រូវទេ ដូច្នេះប្រហែលជាអាចចុងឆ្នាំ ២០២២ ឬដើមឆ្នាំ ២០២៣ ខាងមុខ ។ វិស័យនេះអាចនឹងវិលត្រលប់ទៅរកស្ថានភាពប្រក្រតីវិញទាល់តែប្រទេសមានដំណើរការសេដ្ឋកិច្ចល្អប្រសើរបន្ថែមទៀត វិនិយោគិនបរទេសចូលមកកម្ពុជា ក្នុងបរិមាណច្រើនឡើងវិញ ក្នុងនោះពួកគេក៏ត្រូវចាក់វ៉ាក់សាំងបានគ្រប់គ្នា ។

លោកបន្ថែមថាវិស័យនេះនឹងងើបវិញបន្ថែមទៀត នៅពេលមានវិនិយោគិនបរទេសធំៗមកបណ្ដាក់ទុនវិនិយោគនៅក្នុងប្រទេសកម្ពុជា និងមានរំរហូរទុនវិនិយោគ ផ្ទាល់ពីបរទេសកាន់តែច្រើនឡើងវិញពេលនោះ នឹងជំរុញឱ្យវិស័យនេះបានល្អប្រសើរនិងវិលត្រលប់ទៅរកស្ថានភាពមុនកូវីដ១៩ ។

ក្រៅពីលោកសាមីឌីក៏មានអ្នកជំនាញនៃវិស័យអចលនទ្រព្យជាច្រើនទៀតបានមើលឃើញថា ស្ថានភាពកូវីដ១៩ នៅកម្ពុជាបានប្រសើរមែនតែនៅបណ្ដាប្រទេសមួយចំនួនធំ នៅតែបន្តរឹតបន្តឹងការចេញចូលនៃវិនិយោគិនរបស់គេ ដូច្នេះហើយវិនិយោគិននៃប្រទេសទាំងជាពិសេសចិនមិនអាចចេញក្រៅប្រទេសដើម្បីស្វែងរកការវិនិយោគបាន ។

លោកច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាលើកឡើងថា ឆ្នាំ២០២៣ខាងមុខកម្ពុជាត្រូវត្រៀមខ្លួនក្នុងការងើបឡើងវិញនៃវិស័យអចលនទ្រព្យដោយរំពឹងថាវិនិយោគិនបរទេសពីអឺរ៉ុប និងចិន ត្រលប់មករកការវិនិយោគលើវិស័យនេះនៅកម្ពុជាវិញ ។

លោកបន្តថាវិបត្តិនៃសង្គ្រាមរវាងរុស្ស៊ីនិងអ៊ុយក្រែនបានបន្តធ្វើឱ្យសេដ្ឋកិច្ចនិងវិស័យអចលនទ្រព្យទទួលផលប៉ះពាល់ ក្រោយកូវីដ១៩ក្នុងប្រទេសមានភាពប្រសើរឡើងវិញ ។ បើមិនមានសង្គ្រាមនោះវិស័យអចលនទ្រព្យនិងសេដ្ឋកិច្ចកម្ពុជាអាចនឹងល្អប្រសើរជាងនេះ ៕

ដោយៈជេស៊ីកា

ភ្នំពេញៈ អ្នកជំនាញជាតិ អន្តរជាតិបានលើកឡើងថា កម្ពុជានៅតែជាប្រទេសមានភាពទាក់ទាញការវិនិយោគពីបរទេស និងមានភាពទាក់ទាញជាងបណ្តាប្រទេសក្នុងតំបន់ ដោយសារលក្ខខ័ណ្ឌជាច្រើន។

អគ្គនាយិកាក្រុមហ៊ុន ProPNex Cambodia អ្នកស្រីអាន សុធីតា បានមានប្រសាសន៍ឲ្យដឹងតាមទូរស័ព្ទ នារសៀលថ្ងៃទី២២ មិថុនាកន្លងមកថា បន្ទាប់ពីរយៈពេល៤ខែដើមឆ្នាំនេះ វិស័យអចលនទ្រព្យកម្ពុជាបានចាប់ផ្តើមមានភាពប្រសើរឡើងវិញបណ្តើរៗ ទាក់ទងនឹងដីធ្លី ទីផ្សារជួល និងការលក់ខុនដូ ហើយបណ្តាខេត្តមានសក្តានុពល មួយចំនួនមានសកម្មភាពទិញ លក់ដីធ្លីឡើងវិញ។

អ្នកស្រីបន្តថា “សម្រាប់ខ្ញុំសុខភាពក្នុងវិស័យនេះ មានភាពល្អប្រសើរហើយ ពិសេសកម្ពុជានៅតែមានភាពទាក់ទាញ ការវិនិយោគពីបរទេស ដោ​យសារផលចំណេញ ពីការវិនិយោគនៅមានអត្រាចន្លោះ៥ ទៅ៦ភាគរយ ក្នុងមួយឆ្នាំ”។ អ្នកស្រីបន្តថា “ផលចំណេញពីការវិនិយោគពីបរទេសនៅកម្ពុជា នៅតែខ្ពស់ជាងប្រទេសក្នុងតំបន់ ដែលមានអត្រាចំណេញចន្លោះត្រឹម២ទៅ៤ភាគរយក្នុងមួយឆ្នាំប៉ុណ្ណោះ”។

អ្នកស្រីអាន សុធីតា បានបន្តថា ទោះជាបច្ចុប្បន្នលំហូរ FDI (លំហូរទុនវិនិយោគពីបរទេស) ថមថយក្តី ប៉ុន្តែនាពេលខាងមុខទីផ្សារកម្ពុជា នឹងទាក់ទាញការវិនិយោគពីបរទេសឡើងវិញច្រើន។

ជាមួយគ្នានេះ លោក Tom OSullivan នាយកប្រតិបត្តិគេហទំព័រ Realestate.com.kh ដែលបានសិក្សាច្រើនលើទីផ្សារនេះបានលើកឡើង​ស្រដៀងគ្នាថា កម្ពុជាមានភាពទាក់ទាញច្រើន សម្រាប់ការវិនិយោគពីបរទេ​ស ហើយជនបរទេសនៅតែសម្លឹងមើលកម្ពុជា ក្នុងក្រសែភ្នែករបស់ពួកគេ។

លោកបន្តថា “វិនិយោគិនបរទេសនឹងចូលមកកម្ពុជាច្រើន ព្រោះទីផ្សា​រនេះនៅតែមានភាពរ៉ឹងមាំ បើទោះបីជារងផលប៉ះពាល់ខ្លាំងពីវិបត្តិកូវីដក្តី”។​ លោកបន្តថា “បើធៀបឧស្សាហកម្មអចលនទ្រព្យកម្ពុជា អូស្រ្តាលី កម្ពុជាមានភាពប្រសើរជាង ព្រោះអ្នកវិនិយោគមកកម្ពុជា ដើម្បីរកផលចំណេញ ប៉ុន្តែអ្នកទិញអចលនទ្រព្យនៅអូស្រ្តាលី ភាគច្រើនទិញលំនៅដ្ឋានសម្រាប់ការស្នាក់នៅរៀនសូត្រសម្រាប់កូនៗរបស់ពួកគេ”។

លើសពីនេះ លោកច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា បានមានប្រសាសន៍ឲ្យដឹងនៅថ្ងៃដដែលថា ក្រោ​យវិបត្តិនេះ អ្នកប្រមូលទិញអចលនទ្រព្យបានច្រើន នឹងមានឱកាសទទួល​បានផលចំណេញច្រើន ប៉ុន្តែអ្វីដែលជាបញ្ហាប្រឈមគឺខ្វះទុន សម្រាប់ទិញទុកសម្រាប់ប្រជាពលរដ្ឋមួយចំនួន។

លោកបន្តថា “អ្នកទិញអចលនទ្រព្យ ព្រោះតែពួកគេមើលឃើញផលចំនេញ ដោយសារកម្ពុជានៅតែជាប្រទេស ទទួលបានផលចំណេញខ្ពស់ពីការវិនិយោគ”។

លោកបន្តថា “តម្លៃអចលនទ្រព្យនៅកម្ពុជា ទាំងដីធ្លី ទាំងការជួល នៅមានកម្រិតទាបធៀបនឹងប្រទេសក្នុងតំបន់ ហេតុនេះទើបកម្ពុជានៅតែបន្តទាក់ទាញការវិនិយោគច្រើន ពីបរទេសនាពេលអនាគត”៕

BEIJING : China’s new home sales are likely to accelerate in June, according to a leading transaction data provider, signalling improving sentiment in the property market following a slew of stimulus measures this year and slightly easier COVID-19 curbs.

New home sales by floor area in 100 cities are expected to jump 21 per cent month-on-month to 25.06 million square meters, widening from a 14 per cent rise in May, E-house China Research and Development Institution forecast in a report published late on Tuesday.Authorities are scrambling to boost weak demand after a fall in sales in recent months, depressed by tight COVID-19 curbs and a slowdown in the world’s second-biggest economy.

Over 200 cities have taken steps to prop up the ailing property market, including subsidies, smaller down payments, cuts in mortgage rates and better terms for households with more than one child.

Among the 100 cities surveyed by E-House, 26 major cities, including Shanghai, are likely to see 13.14 million square metres in sales, up 13 per cent from a month earlier.

Sales in Shanghai, which was locked down for two months until the end of May, will leap 684 per cent on month, leading the surge in transactions.

Sales in 74 tier-three and tier-four cities are expected to rise 31 per cent to 11.92 million square metres.

Source: Reuters

ដោយ៖ សុផារី
ភ្នំពេញ៖ ក្រោយពេលសេដ្ឋកិច្ចកម្ពុជាបានងើបឡើងវិញពីកូវីដ១៩ ទីផ្សារការិយាល័យបាននិងកំពុងមានសញ្ញាវិជ្ជមានបណ្តើរៗ ដោយសង្គេតឃើញក្រុមហ៊ុនបរទេសមួយចំនួនបាន និងកំពុងស្វែងរកជួលអាគារការិយាល័យសម្រាប់ដំណើរការរបស់ខ្លួន។

អ្នកជំនាញរំពឹងយ៉ាងមុតមាំថា ប្រទេសកម្ពុជានឹងអាចក្លាយជាទីស្នាក់ការការិយាល័យកណ្ដាល ស្នូលកណ្តាល នៃក្រុមហ៊ុនបរទេសធំៗ ដែលមានសាខានៅតាមបណ្តាប្រទេសជិតខាង។

លោក ខេន ឡូ អគ្គនាយកក្រុមហ៊ុន Coldwell Banker Cambodia បានបង្ហាញក្តីរំពឹងថា ក្រោយឆ្នាំ២០២៣ នៅពេលដែលសេដ្ឋកិច្ចកម្ពុជាងើបឡើងវិញ ក្រុមហ៊ុនធំៗមួយចំនួននឹងបង្វិលក្រុមហ៊ុន ឬសាខារបស់គាត់ ដែលនៅប្រទេសជិតខាង នឹងមកបោះការិយាល័យនៅក្នុងប្រទេសកម្ពុជា។

បើតាមអ្នកជំនាញរូបនេះ កម្ពុជាមានភាពអំណោយផលច្រើន ជាពិសេសភាពភាពងាយស្រួល ក្នុងការហោះហើរទៅប្រទេសជិតខាង កំណើនសេដ្ឋកិច្ចនិងអចលនទ្រព្យមានភាពបត់បែន ជាពិសេសការបើកចំហទីផ្សារសេរីធំទូលាយរបស់កម្ពុជា។

លោកបានមានប្រសាសន៍ថា “ក្រុមហ៊ុនធំៗ ដែលមានការិយាល័យច្រើននៅក្នុងប្រទេសជិតខាង ដូចជា ប្រទេសថៃ វៀតណាម ឡាវ ភូមា ថ្ងៃក្រោយគាត់អាចជ្រើសរើសប្រភេទកម្ពុជាជាប្រទេសសម្រាប់ការិយាល័យកណ្ដាលរបស់គាត់ ដើម្បីគ្រប់គ្រងសាខានៅក្នុងបណ្តាប្រទេសជិតខាង ពីព្រោះវាមានភាពងាយស្រួល ក្នុងការហោះហើរទៅប្រទេសជិតខាង ម្យ៉ាងទៀតវិស័យសេដ្ឋកិច្ច អចលនទ្រព្យរបស់កម្ពុជាមានភាពបត់បែនល្អ ហើយមានការបើកចំហទីផ្សារសេរីច្រើនជាងប្រទេសជិតខាង”។

លោកបន្ថែមថា នៅពេលវិនិយោគិនមករកស៊ីនៅក្នុងប្រទេសកម្ពុជា លំហូរសាច់ប្រាក់នៅក្នុងក្រុមហ៊ុនអាចចេញចូលបានដោយសេរី ដែលផ្តល់អំណោយផល ដល់ការទាក់ទាញវិនិយោគិនបរទេសបន្ថែមទៀត មកកាន់ទីផ្សារកម្ពុជា។

ឆ្លើយតបនឹងសំណួរថាតើកម្ពុជាបានត្រៀមខ្លួនរួចរាល់ហើយ ឬនៅសម្រាប់ការស្វាគមន៍វិនិយោគិន លោក បានបញ្ជាក់ថា បណ្តាអ្នកអភិវឌ្ឍន៍ក្នុងស្រុក និងបរទេស បានសាងសង់ការិយាល័យប្រភេទ A ដែលជាទីពេញនិយមសម្រាប់ក្រុមហ៊ុន ឬអ្នកវិនិយោគិនធំៗ មានចំនួនច្រើនគួរសម នៅក្នុងរាជធានីភ្នំពេញ ដូចជា អាគារវឌ្ឍនៈ អាគារស្ថាបនា អាគារ Exchange Square ជាដើម។

លោកថា “អ្នកវិនិយោគិនក្នុងស្រុករបស់យើងបានត្រៀមខ្លួនរួចរាល់មួយចំនួនហើយ បានសាងសង់អាគាររួចរាល់ហើយ និងបានត្រៀមខ្លួនសាងសង់បន្ថែមទៀត ក្រោយទីផ្សារអំណោយផល”៕