ដោយៈ សុផារី

ខេត្តព្រះសីហនុៈប្រតិភូសាជីវកម្មហិរញ្ញវត្ថុអន្តរជាតិ (International Finance Corporation) ដឹកនាំដោយលោក Sylvain Adoue អនុប្រធានផ្នែកហិរញ្ញវត្ថុនៃក្រុមហ៊ុន SCA ជួបសំដែងការគួរសម និងពិភាក្សាការងារជាមួយលោក ឡុង ឌីម៉ង់ អភិបាលរងខេត្តព្រះសីហនុ ថ្ងៃទី២២ ខែមិថុនា ឆ្នាំ២០២២ ដើម្បីស្វែងយល់អំពីសក្តានុពលសេដ្ឋកិច្ច និងការអភិវឌ្ឍថ្មីៗរបស់ខេត្តព្រះសីហនុ។

លោក ឡុង ឌីម៉ង់ អភិបាលរងខេត្តព្រះសីហនុ បានជម្រាបជូនពីសក្តានុពលរបស់ខេត្តព្រះសីហនុ ការអភិវឌ្ឍសេដ្ឋកិច្ចលើវិស័យពាណិជ្ជកម្ម ឧស្សាហកម្ម ទេសចរណ៍ កសិ-ឧ្សាហកម្ម សំណង់ អចលនទ្រព្យ និងកំពង់ផែទឹកជ្រៅ។ ខេត្តព្រះសីហនុ ជាខេត្តមាត់ច្រក ទំនាក់ទំនងពាណិជ្ជកម្មអន្តរជាតិ ដែលត្រូវបានកំណត់ដោយរាជរដ្ឋាភិបាលកម្ពុជា ដែលមានអាកាសយានដ្ឋានអន្តរជាតិ មានផ្លូវរត់វែងជាងគេក្នុងទូទាំងប្រទេស មានប្រវែង៣.៤០០ម៉ែត្រ មានកំពង់ផែសមុទ្រអន្តរជាតិ មានផ្លូវដែក និងជាពិសេសមានផ្លូវល្បឿនលឿន ដែលមានប្រវែង១៩០គ.ម តភ្ជាប់ទៅកាន់រាជធានីភ្នំពេញ។

ដោយឡែកការវិនិយោគរបស់ក្រុមហ៊ុន AEON MALL Cambodia LOGIPLUS Co,LDT សាងសង់ឃ្លាំងស្តុបទំនិញលើផ្ទៃដី៣ហិកតា ក្នុងតំបន់សេដ្ឋកិច្ចពិសេសកំពង់ផែក្រុងព្រះសីហនុ បានបង្ហាញពីការតភ្ជាប់នៃការធ្វើពាណិជ្ជកម្មក្នុងតំបន់ និងការជឿជាក់របស់ក្រុមហ៊ុនអន្តរជាតិលើសុខសន្តិភាពរបស់ប្រទេសកម្ពុជា។

លោកអភិបាលរងខេត្តបានបន្តថា ខេត្តព្រះសីហនុជាតំបន់ប៉ូលអភិ​វ ឌ្ឍជាតិមួយ ដ៏សំខាន់នៅតំបន់ឆ្នេរសមុទ្រកម្ពុជា ដែលរាជរដ្ឋាភិបាល បានកំណត់ក្នុងផែនការរៀបចំដែនដី ចក្ខុវិស័យឆ្នាំ២០៣០។ ការអភិវឌ្ឍន៍ខេត្កព្រះសីហនុ នឹងធ្វើឡើងប្រកបដោយចីរភាព តាមរយៈការប្រែក្លាយទីក្រុងទំនើប រមណីយដ្ឋានឆ្នេរសមុទ្រ ដែលស្អាតជាងគេលើសកលលោក និងជាតំបន់សេដ្ឋកិច្ចពិសេសគំរូពហុបំណង ច្រកចេញចូលអន្តរជាតិ មជ្ឈមណ្ឌលកំណើនជាតិ មជ្ឈមណ្ឌលភស្តុភារកម្មជាតិ ដោយមានទំនាក់ទំនងជាមួយទីផ្សារអាស៊ាន និងទីផ្សារសកលលោក និងជាមជ្ឈមណ្ឌលឧស្សាហកម្ម ផលិតកម្មបច្ចេកទេសទំនើប ដែលមានសុខដុមនីយកម្មជាមួយបរិស្ថានរស់នៅល្អប្រសើរ។

លោក Sylvain Adoue អនុប្រធានផ្នែកហិរញ្ញវត្ថុនៃក្រុមហ៊ុន SCA និងក្រុមការងារអ្នកជំនាញ IFC បានថ្លែងអំណរគុណលោកអភិបាលរងខេត្តព្រះសីហនុ ដែលបានអនុញ្ញាតឱ្យគណៈប្រតិភូ ចូលជួបសម្តែងការគួរសម និងស្វែងយល់ឱកាសវិនិយោគនៅក្នុងប្រទេសកម្ពុជា ពិសេសនៅខេត្តព្រះសីហនុ ដោយសាររយ:ពេលពីឆ្នាំកន្លងមកនេះ យើងមានការប៉ះពាល់ដោយសារជំងឺកូវីដ-១៩ ធ្វើឱ្យរាំងស្ទះដំណើរការចង្វាក់ផលិតកម្ម ក៏ដូចជាការអភិវឌ្ឍន៍ផ្សេងៗទៀត។

លោកសង្ឃឹមថា “ក្រោយពីចប់កូវីដ យើងនឹងចាប់ដៃគូរសហការឱ្យបានឆាប់រហ័សតាមអ្វី ដែលយើងអាចធ្វើទៅបាន”៕

ដោយ៖ សុផារី
កោះកុង៖ កំពង់ផែដងទង់ ក្រុងខេមរភូមិន្ទ ដែលមានតម្លៃប្រមាណ១,៥លានដុល្លារអាមេរិក គ្រោងដាក់ឱ្យដំណើរការជាផ្លូវការនៅក្នុងចុងឆ្នាំ២០២២នេះ ដើម្បីបម្រើឱ្យវិស័យទេសចរណ៍ និងដឹកជញ្ជូនក្នុងស្រុក និងប្រទេសជិតខាងផងដែរ។

នេះបើតាមការបញ្ជាក់របស់លោកទេសរដ្ឋមន្ដ្រី ស៊ុន ចាន់ថុល ក្នុងឱកាសដឹកនាំក្រុមការងារបច្ចេកទេសក្រសួងចុះពិនិត្យវឌ្ឍនភាពការងារគម្រោងសាងសង់កំពង់ផែដងទង់ ក្រុងខេមរភូមិន្ទ នៅថ្ងៃទី២៣ ខែមិថុនា ឆ្នាំ២០២២។

លោកទេសរដ្ឋមន្ត្រីបានឱ្យដឹងថា កំពង់ផែនេះជាកំពង់ផែខ្នាតមធ្យម មានទំហំ១១៥ម៉ែត្រ x១៦,៥ម៉ែត្រ សាងសង់ឡើងសម្រាប់បម្រើដល់នាវាទេសចរណ៍ ក្រោមកិច្ចព្រមព្រៀងបណ្តោយឆ្នេរសមុទ្រប្រទេសកម្ពុជា វៀតណាម និងថៃ។

គម្រោងមួយនេះ សម្រាប់នាវាដឹកទំនិញកសិផលមកពីបណ្តាខេត្តមួយចំនួននៅប៉ែកពាយព្យប្រទេស ដែលរួមមានដូចជា ខេត្តបាត់ដំបង បៃលិន ពោធិ៍សាត់ បន្ទាយមានជ័យ ឧត្តរមានជ័យ ព្រមទាំង បម្រើដល់ការ នាំចូលទំនិញពីប្រទេសវៀតណាម និងថៃផងដែរ។
កំពង់ផែនេះគ្រោងនឹងបញ្ចប់ការសាងសង់ជាស្ថាពរ និងសម្ពោធដាក់ឱ្យដំណើរការជាផ្លូវការនៅក្នុងចុងឆ្នាំ២០២២នេះ៕

ដោយ៖ សុផារី

កោះកុង៖ កំណាត់ផ្លូវជាតិលេខ៤ ចាប់ពីឃុំបែកចាន ស្រុកអង្គស្នួល ខេត្តកណ្តាល ទៅកាន់ឃុំបិតត្រាំង ស្រុកព្រៃនប់ ខេត្តព្រះសីហនុ (គ.ម២១៥+៨០០) ដែលត្រូវបែងចែកជា៧កញ្ចប់សាងសង់ ដែលនៅក្នុងនោះ៣កញ្ចប់សម្រេចបាន១៥%ហើយ។

នេះបើតាមការបញ្ជាក់របស់លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ត្រីក្រសួងសាធារណការ និងដឹកជញ្ជូន ក្នុងឱកាសចុះពិនិត្យវឌ្ឍនភាពការងារគម្រោងស្ថាបនាពង្រីក និងជួសជុលថែទាំកំណាត់ផ្លូវជាតិលេខ៤ ថ្ងៃទី២២ ខែមិថុនា ឆ្នាំ២០២២។

ក្រសួងសាធារណការ និងដឹកជញ្ជូន បានឱ្យដឹងថា រាជរដ្ឋាភិបាលកម្ពុជា បានទទួលប្រាក់កម្ចីសម្បទានពីធនាគារពិភពលោកសម្រាប់ធ្វើការស្ថាបនាពង្រីក និងជួសជុលថែទាំកំណាត់ ផ្លូវជាតិលេខ៤ ដើម្បីបង្កើនសុវត្ថិភាពដល់ការធ្វើដំណើររបស់ប្រជាពលរដ្ឋ ការដឹកជញ្ជូនទំនិញ និងធានា ភាពធន់នឹងការបម្រែបម្រួលអាកាសធាតុ។

បើតាមលោកទេសរដ្ឋមន្ត្រី ក្នុងថវិកាចំនួន១១០លានដុល្លារនេះត្រូវបានបែងចែកចេញជាការងារចំនួន៧កញ្ចប់ ក្នុងនោះ៣កញ្ចប់កំពុងដំណើរការសាងសង់ដោយសម្រេចលទ្ធផលបាន១៥% ហើយមានការយឺតយ៉ាវបន្តិច ប៉ុន្តែក្រុមហ៊ុននឹងពន្លឿនការសាងសង់តាមកិច្ចព្រមព្រៀង ដោយឡែក២កញ្ចប់ទៀត ក្រសួងបានចុះហត្ថលេខាលើកិច្ចព្រមព្រៀងរួចហើយ ក្រុមហ៊ុនកំពុងតែរៀបចំបញ្ជូន គ្រឿងចក្រសម្ភារៈមកសាងសង់។

ចំណែក២កញ្ចក់ទៀត ក្រសួងកំពុងស្នើសុំក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យលទ្ធភាពជ្រើសរើសក្រុមហ៊ុនដែលបានដាក់ដេញថ្លៃសាងសង់ដើម្បីពង្រីកស្ពាន ចំនួន៤៨កន្លែងឱ្យបាន១០ម៉ែត្រ និងសាងសង់ស្ពានថ្មីចំនួន៨កន្លែង។

ប្រភេទកាងារមានដូចតទៅ ១) ការងារពង្រីកផ្លូវកៅស៊ូបច្ចុប្បន្នពីទទឹង៧ម៉ែត្រ ទៅទទឹងចាក់កៅស៊ូ១០ម៉ែត្រ និងកន្លែងខ្លះ១១ម៉ែត្រ ២) ការងារពង្រីកស្ពានបេតុង និងលូចំនួន៤៦ទីតាំង និង៣) ការងារស្ថាបនាស្ពានថ្មីចំនួន០៨ទីតាំង ដើម្បីធានាដល់ការធ្វើចរាចរណ៍នៅគ្រប់រដូវកាល ដែលឆ្នាំខ្លះកន្លងមកត្រូវទឹក ជំនន់ជន់លិច កំណាត់ផ្លូវជាតិលេខ៤ បង្កការលំបាកដល់ការធ្វើដំណើរ និងការដឹកជញ្ជូនទំនិញ។ ការងារស្ថាបនាពង្រីក និងជួសជុលថែទាំកំណាត់ផ្លូវជាតិលេខ៤នេះ ចាប់ផ្តើមពីខែធ្នូ ឆ្នាំ២០២១ រហូតដល់ខែធ្នូ ឆ្នាំ២០២៦។

លោកទេសរដ្ឋមន្ត្រី បានបន្តថា ក្រសួងក៏បានជំរុញឱ្យក្រុមហ៊ុនបង្កើនល្បឿននៃការស្ថាបនាពង្រីកផ្លូវនេះឱ្យចប់ផែនការដែលបានគ្រោងទុកផងដែរ ដោយបានលើកឡើងពីលក្ខណៈបច្ចេកទេសស្ថាបនាផ្លូវខុសគ្នាពីផ្លូវ មួយទៅផ្លូវមួយ អាស្រ័យលើស្ថានភាពភូមិសាស្ត្រ កម្រិតថវិកាដែលមាន និងចំនួនរថយន្តធ្វើដំណើរឆ្លងកាត់។

លោកបានមានប្រសាសន៍ថា ឧទាហរណ៍ ផ្លូវជាតិលេខ៤៨ យើងចាក់បេតុងកៅស៊ូត្រឹមតែ៧សង់ទីម៉ែត្រប៉ុណ្ណោះ ដោយសារចំនួនរថយន្តបើកលើផ្លូវជាតិលេខ៤៨មានចំនួនតិចជាងរថយន្តដែលបើកលើផ្លូវជាតិលេខ៥ ដែលជាផ្លូវឆ្អឹងខ្នងសេដ្ឋកិច្ចយ៉ាងសំខាន់របស់ជាតិយើង ជាផ្នែកមួយរបស់ផ្លូវអាស៊ានហាយវេលេខមួយ តភ្ជាប់ប្រទេសថៃ មកកម្ពុជា ទៅវៀតណាម តាមផ្លូវជាតិលេខមួយ ដូច្នេះផ្លូវនេះត្រូវលើកកម្រិតគុណភាពតាមចំនួនរថយន្តដឹកទំនិញធុនធ្ងន់៕

ដោយ៖ សុផារី

កោះកុង៖ គិតមកទល់ពេលនេះ គម្រោងសាងសង់លើកកម្រិតគុណភាពផ្លូវជាតិលេខ៤៨ ប្រវែងសរុប១៤៨គីឡូម៉ែត្រ ចាប់ពីចំណុចប្រសព្វជាមួយផ្លូវជាតិលេខ៤ ដល់ក្រុងខេមរភូមិន្ទ ខេត្តកោះកុង សម្រេចវឌ្ឍនភាពបាន៨ភាគរយ ហើយគ្រោងនឹងបញ្ចប់នៅខែមិថុនា ឆ្នាំ២០២៤។

ស្របពេលនេះ ក្រសួងកំពុងពិនិត្យលទ្ធភាពពង្រីក ផ្លូវជាតិលេខ៤៨នៅចំណុចមួយចំនួនប្រវែង៤គីឡូម៉ែត្រកន្លះ ពីរគន្លងទៅបួនគន្លង ហើយក្រសួងបាន យកសំណូមពរនេះទៅពិចារណា និងបានពិភាក្សាជាមួយក្រសួងសេដ្ឋកិច្ច និងហិរញ្ញវត្ថុ និងក្រុមហ៊ុនទីប្រឹក្សាបច្ចេកទេស ដើម្បីស្វែងរកថវិកាមកសាងសង់តាមសំណូមពររបស់សម្ដេច។

នេះបើតាមការបញ្ជាក់របស់លោក ស៊ុន ចាន់ថុល ទេសរដ្ឋមន្ដ្រី រដ្ឋមន្ត្រីក្រសួងសាធារណការ និងដឹកជញ្ជូន ក្នុងឱកាសចុះពិនិត្យវឌ្ឍនភាពការងារគម្រោងសាងសង់ផ្លូវជាតិលេខ៤៨ ថ្ងៃទី២២ ខែមិថុនា ឆ្នាំ២០២២។

លោកទេសរដ្ឋមន្ត្រី បានបញ្ជាក់ថា ការសាងសង់មានគុណភាពល្អអាចទទួលបានយកបាន ហើយគិតរហូតមកទល់ពេលនេះ គម្រោងសាងសង់ផ្លូវជាតិលេខ៤៨នេះសម្រេចវឌ្ឍនភាពការងារបានចំនួន៨%ហើយ។

ទន្ទឹមជាមួយគ្នានោះ លោក ស៊ុន ចាន់ថុល បានឱ្យដឹងថា សម្ដេចពិជ័យសេនា ទៀ បាញ់ ឧបនាយក រដ្ឋមន្ត្រី រដ្ឋមន្ត្រីក្រសួងការពារជាតិ បានស្នើឱ្យក្រសួងសាធារណការ និងដឹកជញ្ជូន ពិនិត្យលទ្ធភាពពង្រីក ផ្លូវជាតិលេខ៤៨នៅចំណុចមួយចំនួនប្រវែង៤គីឡូម៉ែត្រកន្លះ ពីរគន្លងទៅបួនគន្លង ហើយក្រសួងបានយកសំណូមពរនេះទៅពិចារណា និងបានពិភាក្សាជាមួយក្រសួងសេដ្ឋកិច្ច និងហិរញ្ញវត្ថុ និងក្រុមហ៊ុនទីប្រឹក្សាបច្ចេកទេស ដើម្បីស្វែងរកថវិកាមកសាងសង់តាមសំណូមពររបស់សម្ដេច។

គម្រោងសាងសង់លើកកម្រិតគុណភាពផ្លូវជាតិលេខ៤៨នេះ គ្រោងប្រើថវិកាសរុប ប្រមាណ៦៥,១៤លានដុល្លារអាមេរិក ក្រោមឥណទានសម្បទានពីរដ្ឋាភិបាលនៃសាធារណរដ្ឋកូរ៉េ តាមរយៈមូលនិធិនៃកិច្ចសហប្រតិបត្តិការអភិវឌ្ឍន៍សេដ្ឋកិច្ច (EDCF) រួមជាមួយថវិកាបដិភាគរបស់រាជរដ្ឋាភិបាលកម្ពុជាសម្រាប់ការដោះស្រាយផលប៉ះពាល់ ការបោសសម្អាតគ្រាប់មីនយុទ្ធភណ្ឌមិនទាន់ផ្ទុះ និងពន្ធអាករផ្សេងៗ និងប្រើរយៈពេលសាងសង់ចំនួន៣២ខែ ដែលគ្រោងនឹងបញ្ចប់នៅខែមិថុនា ឆ្នាំ២០២៤។

ផ្លូវនេះមានចំណុចប្រសព្វចំនួន៥កន្លែង ដែលនឹងត្រូវធ្វើការកែសម្រួលរួមមាន៖ ចំណុចប្រសព្វចំការហ្លួង ចំណុចប្រសព្វស្រែអំបិល ចំណុចប្រសព្វផ្លូវបំបែកចូលទៅគិរីសាគរ ចំណុចប្រសព្វផ្លូវបំបែកចូលទៅទំនប់វារីអគ្គិសនី និងចំណុចប្រសព្វផ្លូវបំបែកចូលទៅព្រលានយន្តហោះខេត្តកោះកុង។

ផ្លូវនេះតភ្ជាប់ជាមួយផ្លូវជាតិលេខ១០ ដែលកំពុងដំណើរការសាងសង់ និងតភ្ជាប់ទៅខេត្តពោធិ៍សាត់ ខេត្តបាត់ដំបង និងខេត្តប៉ៃលិន មកកាន់តំបន់ឆ្នេរកម្ពុជា ដែលភ្ជាប់ប្រទេសកម្ពុជាទៅប្រទេសថៃត្រូវបានចាត់ទុកជាសរសៃឈាមសេដ្ឋកិច្ចដ៏មានសក្តានុពលរបស់កម្ពុជា ក្នុងការជួយសម្រួលដល់ការតភ្ជាប់ទំនាក់ទំនងគមនាគមន៍ និងការធ្វើសមាហរណកម្មតភ្ជាប់ផ្ទៃក្នុងប្រទេស ជាពិសេសកំពង់ផែទឹកជ្រៅនៅក្រុងព្រះសីហនុ សំដៅរួមចំណែកក្នុងការជំរុញការដោះដូរពាណិជ្ជកម្ម វិនិយោគ និងការដឹកជញ្ជូនដំណាំកសិផល និងកសិឧស្សាហកម្មឱ្យកាន់តែមានប្រសិទ្ធភាពខ្ពស់ ឆាប់រហ័ស និងចំណាយតិច ហើយក៏ជាផ្នែកមួយនៃផ្លូវអាស៊ានហាយវ៉េ១២៣ (ASEAN Highway 123) និងជារបៀងមាត់សមុទ្រខាងត្បូងរបស់មហាអនុតំបន់មេគង្គ GMS (R10)ផងដែរ។

បន្ថែមពីលើនេះ ផ្លូវនេះនឹងជួយជំរុញបន្ថែមសក្តានុពលតំបន់ទេសចរណ៍នៅក្នុងខេត្តកោះកុង ក៏ដូចជា តំបន់ទេសចរណ៍គិរីសាគរ ដែលជាគោលដៅទេសចរណ៍ដ៏សំខាន់មួយនៅភាគនិរតីកម្ពុជា និងជំរុញការ អភិវឌ្ឍសេដ្ឋកិច្ចក្នុងតំបន់ជាប់ព្រំប្រទល់ជាមួយប្រទេសជិតខាង និងរំពឹងថានឹងរួមចំណែកក្នុងការទាក់ ទាញវិនិយោគិន និងជំរុញការនាំចេញនៅតំបន់សេដ្ឋកិច្ចពិសេសចំនួន៤ ដែលស្ថិតនៅតាមបណ្តោយផ្លូវនេះ រួមមាន តំបន់សេដ្ឋកិច្ចពិសេសកោះកុង តំបន់សេដ្ឋកិច្ចពិសេស ស៊ួយ ឆេង តំបន់សេដ្ឋកិច្ចពិសេសគិរីសាគរកោះកុង និងតំបន់សេដ្ឋកិច្ចពិសេសរតនា។

ផ្លូវនេះមានប្រវែងសរុប១៤៨គីឡូម៉ែត្រ ចាប់ផ្តើមពីចំណុចប្រសព្វជាមួយផ្លូវជាតិលេខ៤ ត្រង់គីឡូម៉ែត្រលេខ១៤១+៧៥០ ស្ថិតក្នុងភូមិអូរជ្រៅ ឃុំបឹងព្រាវ ស្រុកស្រែអំបិល រហូតដល់ក្រុងខេមរភូមិន្ទ ខេត្តកោះកុង។ ក្នុងនោះ ផ្លូវមាន២គន្លងមានប្រវែង១២២,៩គីឡូម៉ែត្រនិងទទឹង១១ម៉ែត្រ ផ្លូវមាន៤គន្លងមានប្រវែង២៥,១គីឡូម៉ែត្រ និងទទឹងមានចាប់ពី១៨,៥ម៉ែត្រ ដល់២១,៥ម៉ែត្រ ក្រាលបេតុងកៅស៊ូ(AC) កម្រាស់ ៧សង់ទីម៉ែត្រ និងក្រាលបេតុងសរសៃដែកកម្រាស់២៥សង់ទីម៉ែត្រ (ត្រង់ផ្លូវប្រសព្វ) សាងសង់ស្ពានថ្មីចំនួន០៤កន្លែងមានប្រវែងសរុប១១៣ម៉ែត្រ និងដាក់លូមូលបេតុង១៤០កន្លែង (ថ្មី១៥កន្លែង និងពង្រីក១២៥កន្លែង) និងលូប្រអប់១៥កន្លែង (ថ្មី៣កន្លែង និងពង្រីក១២កន្លែង) រួមទាំងការងារបំពាក់បរិក្ខារសុវត្ថិភាពផ្លូវថ្នល់ និងបរិក្ខារចរាចរណ៍ផងដែរ៕

ដោយសុខុម

ឡាវ: យើងសង្កេតឃើញថា វិស័យអចលនទ្រព្យនៅកម្ពុជា មានសន្ទុះរីកចម្រើនយ៉ាងខ្លាំងនៅរយៈពេលប៉ុន្មានឆ្នាំចុងក្រោយនេះ មិនថាប្រភេទសំណង់លំនៅដ្ឋាន ឬការពុះដីឡូត៍លក់។ ហើយអ្វីដែលគួរឱ្យចាប់អារម្មណ៍បំផុតនោះគឺថា ដីកសិកម្មរួមមានទាំងដីស្រែ និងដីចម្ការត្រូវបានពុះឡូត៍លក់យ៉ាងផុសផុលពាសពេញផ្ទៃប្រទេស។

ទោះជាយ៉ាងណា ប្រទេសឡាវ ហាក់ដើរបញ្ច្រាសពីកម្ពុជា ដោយពួកគេព្យាយាមការពារដីកសិកម្មទុកសម្រាប់ផលិតស្បៀងអាហារដែលបម្រើឱ្យសេចក្ដីត្រូវការដ៏ចាំបាច់ ដែលអត់មិនបានសម្រាប់ពលរដ្ឋរបស់ខ្លួន។

យោងតាមសារព័ត៌មាន Laotian Times ចុះផ្សាយកាលពីថ្ងៃពុធ ទី២២ ខែមិថុនា ឱ្យដឹងថា ប្រទេសឡាវ គ្រោងនឹងរឹតបន្តឹងការអភិវឌ្ឍលើដីកសិកម្មដោយសារបារម្ភខ្លាចអស់ដីធ្វើស្រែ និងដាំដំណាំដើម្បីបញ្ចៀសការខ្វះខាតស្បៀងអាហារដែលអាចកើតមាននាពេលអនាគត។

កាសែត Paxason Newspaper បានចុះផ្សាយថា ឯកឧត្តម Phet Phomphiphak រដ្ឋមន្ត្រីក្រសួងកសិកម្ម និងរុក្ខាប្រមាញ់ឡាវ បានមានប្រសាសន៍ក្នុងសម័យប្រជុំរដ្ឋសភាថា ក្រសួងនឹងធានាថា ប្រទេសឡាវ អាចរក្សាបាននូវគម្របព្រៃឈើចំនួន៧០%រួមទាំងដីនៅតាមមាត់ស្ទឹង មាត់ទន្លេផងដែរ។

បច្ចុប្បន្នប្រទេសឡាវ មានផ្ទៃដីកសិកម្មចំនួន៤,៥លានហិកតា ដោយក្នុងនោះ២លានហិកតាទុកសម្រាប់ធ្វើស្រែ ហើយសល់ប៉ុន្មានទុកសម្រាប់ដំណាំកសិកម្ម និងកសិដ្ឋានចិញ្ចឹមសត្វ។

ក្រសួងកំពុងអនុវត្តគម្រោងបែងចែកដី និងបោះបង្គោលកំណត់ព្រំប្រទល់សម្រាប់តំបន់ការពារឆ្លើយតបទៅនឹងការវិនិយោគខ្នាតតូច ខ្នាតមធ្យម និងខ្នាតធំ ដើម្បីផ្តល់អាទិភាពដល់ការបង្កបង្កើនផលដំណាំសម្រាប់លក់ចេញនៅលើទីផ្សារ។

ទោះជាយ៉ាងណា ថ្វីដ្បិតតែមានដីកសិកម្មច្រើនយ៉ាងច្រើនសន្ធឹកសន្ធាប់យ៉ាងណាក្ដី ក៏កសិករក្នុងប្រទេសឡាវ កំពុងជួបបញ្ហាកង្វះប្រេងឥន្ធនៈ និងការឡើងថ្លៃជីកសិកម្ម៕

ដោយសហការី

ភ្នំពេញ: អ្វីជាលក្ខណៈពិសេសនៃដីនៅក្នុងតំបន់នេះ?

ទី១ បងប្អូនចំណាយពេលត្រឹមតែ១នាទីប៉ុណ្ណោះ ពីផ្សារលើក្រុងកំពង់ឆ្នាំង និងចំណាយពេលត្រឹមតែ១នាទី ពីរង្វង់មូលទូក ដែលជាតំបន់រមណីយដ្ឋានមានភាពស្រស់ស្អាតអាចមើលឃើញទេសភាពភ្នំ ដ៏ស្រស់ស្អាត។

ទី២ ទីតាំងដីស្ថិតនៅជិតគម្រោងបុរីអ្នកឧកញ៉ាឡេងណាវ៉ាត់ត្រា ជាតំបន់មានសក្ដានុពលខ្ពស់សម្រាប់ការវិនិយោគ និងល្អបំផុតសម្រាប់ការសាងសង់បុរីលំនៅដ្ឋានផ្ទះល្វែង។

ទី៣ អ្វីដែលកាន់តែពិសេសជាងនេះទៀត ទីតាំងដីស្ថិតនៅជិតគម្រោងស្ពាន ដែលមានប្រវែងវែងជាងគេបំផុតនៅក្នុងប្រទេសកម្ពុជា តភ្ជាប់ពីកំពង់ឆ្នាំងទៅកំពង់ធំ។

ទី៤ ដីខាងលើនេះជាដីដែលស្ថិតនៅកែងផ្លូវ១៥ម៉ែត្រ និងផ្លូវខ្វាត់ខ្វែងជុំវិញដីជាច្រើន។

ដីធ្លីនៅក្នុងតំបន់ខាងលើនេះត្រូវបានអ្នកជំនាញអចលនទ្រព្យអះអាងថា នឹងមានតម្លៃលើនឡើងថ្លៃខ្ពស់នាពេលអនាគត។ ការវិនិយោគនាពេលនេះជាពេលវេលាល្អបំផុតព្រោះបច្ចុប្បន្ននេះ ដីនៅក្នុងតំបន់ នៅមានដីធ្លីនៅសម្បូរច្រើន និងមានតម្លៃសមរម្យនៅឡើយ។

ដីមានលក្ខណៈពិសេស សាកសមសម្រាប់ការសាងសង់គ្រប់ប្រភេទ ឬទិញយកទុកលក់ មានទីតាំងនៅជិតទីប្រជុំជន ងាយផ្តល់ផលចំណេញនៅក្នុងរយៈពេលដ៏ខ្លីខាងមុខ។

សម្រាប់ព័ត៌មានបន្ថែម សូមទាក់ទងទូរស័ព្ទលេខ ☎️ Tel: 098 848 178, 096 7 679 961 ឬទាក់ទងតាមរយៈ Telegram: 098 848 178 ទាក់ទងបាន ២៤ម៉ោង៕

ដោយៈ គង់ សូរិយា

តំបន់ឆ្នេរៈ ដោយសារល្បឿននៃការអភិវឌ្ឍ និងវិនិយោគហេដ្ឋារចនាសម្ព័ន្ឋរបស់រដ្ឋាភិបាល បានធ្វើឲ្យខេត្តជាប់មាត់សមុទ្រចំនួន៣ បាននិងកំពុងមានសកម្មភាពទិញលក់ដីធ្លីឡើងវិញ។

តាមរយៈការចុះសិក្សាដោយផ្ទាល់ ជាបន្តបន្ទាប់របស់សហស្ថាបនិកគេហទំព័រ Propertyarea.asia ក្នុងរយៈពេលប៉ុន្មានចុងសប្តាហ៍កន្លងមក​នេះ លោកយិន លាងគង់ បានរកឃើញថា សកម្មភាពទិញលក់អចលនទ្រព្យនៅក្នុងខេត្តកែប កំពត បាននិងកំពុងចាប់ផ្តើមមានសញ្ញាល្អប្រសើរ ដោយសារវិនិយោគិនក្នុងស្រុក បានស្វែងរកដីសាងសង់ផ្ទះលំហែរ ដីលំហែរ និងការវិនិយោគរកផលចំណេញ។

លោកបន្តថា “ទោះជាកម្មភាពទិញលក់ដីធ្លីកើនឡើងក្តី ប៉ុន្តែតម្លៃមិនទាន់ហក់ឡើងនោះទេ ព្រោះវាត្រូវការរយៈពេលបន្ថែមទៀត បើទោះបីជាសកម្មភាពសេដ្ឋកិច្ចកើនឡើងប្រសើរក្តី”។ លោកបន្តថា “ទីផ្សារនេះត្រូវការពេលវេលាបន្ថែម ដើម្បីឲ្យសុខភាពក្នុងវិស័យនេះវិលមករកភាពប្រក្រតី”។

លោកយិន លាងគង់បានបន្តថា ទោះបីវិបត្តិកូវីដ១៩ នៅកម្ពុជាហាក់បានបញ្ចប់ក្តី ប៉ុន្តែវានៅតែមានឥទ្ឋិពលលើទីផ្សារ ដោយសារប្រទេសមួយចំនួននៅតែបន្តប្រឈម និងបញ្ហាវិបត្តិរុស្ស៊ី និងអ៊ុយក្រែន មិនទាន់បញ្ចប់ ដែលវាបាន និងកំពុងជះឥទ្ឋិពលដល់សេដ្ឋកិច្ចពិភពលោក។

លោកបន្តថា “ការឡើងថ្លៃប្រេងឥទ្ឋនៈជាបន្តបន្ទាប់ពីវិបត្តិអ៊ុយ ក្រែនកំពុងអន្រួនសេដ្ឋកិច្ចពិភពលោកឲ្យរង្គោះរង្គើរ និងត្រូវចំណាយពេលបន្ថែមទៀត ដើម្បីស្តារសេដ្ឋកិច្ចឲ្យបានល្អដូចមុនវិបត្តិកូវីដ១៩។

ជាមួយគ្នានេះ អ្នកជំនាញលំដាប់អន្តរជាតិក៏កំពុងមើលឃើញទីផ្សារប្រកបដោយសុទិដ្ឋិនិយមផងដែរ។

អ្នកស្រីអាន សុធីតា អគ្គនាយិកាក្រុមហ៊ុន ProPNex Cambodia បានមានប្រសាសន៍ឲ្យដឹងនាថ្ងៃដដែលថា សកម្មភាពវិនិយោគលើទីផ្សារដីធ្លី នៅក្នុងខេត្តកែប កំពត កោះកុងមានភាពល្អប្រសើរ ប៉ុន្តែខេត្តព្រះសីហនុ ត្រូវការរយៈពេលវែងបន្ថែមទៀត ដើម្បីឲ្យទីផ្សារអាចស្រូបយកអ្វីដែលបានដាក់ចូលទីផ្សារយ៉ាងច្រើនលើសលុបរួចទៅហើយ។

អ្នកស្រីបន្តថា “ដោយសាររដ្ឋាភិបាលបានវិនិយោគ និងកំពុងវិនិយោ​គលើហេដ្ឋារចនាសម្ព័ន្ឋធំៗ និងចាំបាច់ ទើបធ្វើឲ្យខេត្តទាំងបីនេះមានសញ្ញាវិជ្ជមានលើទីផ្សារដីធ្លីឡើងវិញ”៕