ការគ្រប់គ្រងអចលនទ្រព្យបានល្អជំរុញតម្លៃអចលនទ្រព្យកាន់ តែមានកំណើនខ្ពស់

ដោយៈសុផារី

ភ្នំពេញៈ សំណង់អាគារគ្រប់ប្រភេទ ទាមទារឱ្យមានការមើលថែទាំ និងគ្រប់គ្រងឱ្យបានល្អ ដើម្បីថែរក្សា និងការពារទ្រព្យមួយនោះឱ្យបានស្ថិតនៅសភាពល្អគង់វង្ស។

អ្នកជំនាញលើកឡើងថា ការគ្រប់គ្រងអចលនទ្រព្យបានល្អ ជំរុញតម្លៃអចលនទ្រព្យកាន់តែមានកំណើនខ្ពស់។

លោក កឺក ណារិន អគ្គនាយកក្រុមហ៊ុន Chestertons Cambodia មានប្រសាសន៍នៅថ្ងៃទី១៣ ខែមិថុនានេះថា នៅពេលដែលយើងមានការគ្រប់គ្រងអចលនទ្រព្យមួយល្អ ប្រកបដោយប្រសិទ្ធភាពខ្ពស់ ធ្វើឱ្យចំណូលរបស់អចលនទ្រព្យបានល្អ ហើយមានភាពងាយស្រួលក្នុងការជួល និងលក់ចេញនាពេលអនាគត។

លោកណារិនបញ្ជាក់ថា មួយវិញទៀត នៅពេលយូនីតណាមួយ ឬអាគារទាំងមូលមានការគ្រប់គ្រងបានល្អ នោះចំណូលក៏ទទួលបានផលកម្រៃខ្ពស់ ដែលជំរុញឱ្យតម្លៃអចលនទ្រព្យនោះ មានការកើនឡើងតាមនោះផងដែរ។

លោកបន្តថា “នៅពេលដែលយើងមានការគ្រប់គ្រងល្អ មានប្រសិទ្ធភាពខ្ពស់ ធ្វើឱ្យចំណូលនៃអចលនទ្រព្យបានល្អ ទី១ ងាយស្រួលជួល ទី២ ម្ចាស់អចលនទ្រព្យ ចង់លក់ចេញមានការងាយស្រួលលក់ ហើយមិនថាយូនីត ឬអាគារទេ កាលណាចំណូលខ្ពស់ បោះតម្លៃនៃអចលនទ្រព្យក៏កើនឡើងតាមនោះដែរ”។

យ៉ាងណាក្តី សម្រាប់ការគ្រប់គ្រងអចលនទ្រព្យ ឱ្យមានប្រសិទ្ធភាពខ្ពស់ ក្រុមហ៊ុនគ្រប់គ្រងត្រូវសិក្សា លើចំណុចមួយចំនួន រួមមាន ទីតាំង ទំហំគម្រោង Facility សំណង់អាគារ និងក្រុមអតិថិជនគោលដៅរបស់គម្រោងមួយនោះផងដែរ។

លោកកឺក ណារិនបានបន្តថា “ពេលខ្លះគម្រោងមួយ មានទីតាំងនៅឆ្ងាយពេក ខុសពីអាណាខេត្តដែលយើងគ្រប់គ្រង ទំហំនៃការអភិវឌ្ឍស្ថិតនៅក្នុងកម្រិតមួយ ដែលពិបាកក្នុងការគ្រប់គ្រង នោះការគ្រប់គ្រងនឹងមានប្រសិទ្ធភាពទាប”។

លោកបន្តថា “ក្នុងការគ្រប់គ្រងល្អ មានច្បាប់ទម្លាប់ មានបទបញ្ជាល្អ ជ្រើសរើសអតិថិជនដែលមាន Profileច្បាស់លាស់ នោះនឹងមានភាពងាយស្រួលជួល ជួលបានថ្លៃ លក់ក៏ងាយស្រួលលក់ លក់បានថ្លៃ។ ចំណែកអ្នកទិញថ្មី គាត់គិតថា ងាយស្រួលជួល អតិថិជនក៏ល្អ និងជួលបានថ្លៃ”៕

ក្រោយទទួលបានជោគជ័យលើគម្រោងទី១ បុរីចាន់ណាលែនបើកគម្រោងទី២ទទួលបានការគាំទ្រខ្លាំង

ដោយៈវឌ្ឍនៈ

ភ្នំពេញៈ បន្ទាប់ទទួលបានជោគជ័យនូវគម្រោងទី១ លើការអភិវឌ្ឍលំនៅឋាន បុរីចាន់ណាលែន ក៏បានសម្រេចអភិវឌ្ឍន៍គម្រោងទី២របស់ខ្លួន នៅលើទឹកដីនៃឃុំវិហារសួគ៌ ស្រុកខ្សាច់កណ្ដាលខេត្តកណ្ដាល។

លោកថាន់ ចាន់ណា អគ្គនាយកនៃក្រុមហ៊ុនអភិវឌ្ឍន៍បុរីចាន់ណាលែនបានមានប្រសាសន៍ឲ្យដឹងតាមទូរស័ព្ទ នាព្រឹកថ្ងៃទី១៣ មិថុនានេះថា កាលពីមុនក្រុមហ៊ុនរបស់លោក គឺជាក្រុមហ៊ុនអភិវឌ្ឍន៍លើអាជីវកម្មដីឡូត៏ ប៉ុន្តែដោយសារតែមើលឃើញ ពីតម្រូវការលំនៅឋាន នៅក្នុងប្រទេសកម្ពុជាជាពិសេសនៅរាជធានីភ្នំពេញ ហើយផ្គួបផ្សំនឹងជំនាញរបស់លោក ជាវិស្វករស្រាប់ លោកក៏បានបង្វែរការអភិវឌ្ឍមកលំនៅឋានវិញ។

លោកបន្តថា នៅក្នុងការអភិវឌ្ឍលំនៅឋានលើកដំបូង ខ្ញុំឃើញថាមានគាំទ្រពីអតិថិជនក្នុងប្រទេសកម្ពុជា ជាពិសេសអ្នកដែលកំពុងមានតម្រូវការលំនៅឋានស្នាក់នៅ ទើបលោកបានសម្រេចបង្កើតគម្រោងទី២បន្តទៀត”។ លោកបន្តថា “គម្រោងទី១មានផ្ទះតែជាង៤០ល្វែងប៉ុណ្ណោះ តែគម្រោងទី២នេះវិញមានផ្ទះរហូតដល់ជាង២០០ល្វែង ហើយនៅថ្ងៃបើកលក់ដំបូងកាលពីថ្ងៃទី១២ មិថុនា ក៏មានការគាំទ្រនិងលក់ដាច់ជាច្រើនល្វែងផងដែរ”។

លោកថាន់ ចាន់ណាបានបន្តទៀតថា ទីតាំងអភិវឌ្ឍន៍គម្រោងលំនៅឋានរបស់យើង ជាតំបន់ដែលមានសក្ដានុពល ក្នុងពេលបច្ចុប្បន្ននេះ និងអនាគត ។ ជាក់ស្ដែងជាតំបន់ ដែលមានមនុស្សម្នារស់នៅច្រើន រាប់ម៉ឺននាក់ បណ្ដុំឧស្សាហកម្ម និងជាតំបន់ដែលនៅមិនឆ្ងាយពីរាជធានីភ្នំពេញ។ លោកបន្តថា អ្វីដែលពិសេសរដ្ឋាភិបាលកម្ពុជានិងកូរ៉េ ក៏បានត្រៀមក្នុងការសាងសង់ស្ពានឆ្លងទន្លេពីភ្នំពេញ ទៅកាន់តំបន់អរិយក្សត្រ នឹងកាន់តែងាយស្រួលទៅកាន់តំបន់វិហារសួគ៌។

លោកបន្តថា “នៅពេលស្ពាននោះតភ្ជាប់ តំបន់នេះនឹងក្លាយជាតំបន់ដែលជិតភ្នំពេញមួយធៀបនឹងតំបន់ផ្សេងៗទៀត”។

លោកបន្ថែមថា បច្ចុប្បន្ននេះ តម្រូវការលំនៅឋានពីពលរដ្ឋកម្ពុជាកាន់តែមានច្រើនឡើងៗទាំងផ្ទះជាប់ដី និងខុនដូ ហើយប្រជាពលរដ្ឋកម្ពុជាភាគច្រើន ក៏នៅតែបន្តជ្រើសរើសយកផ្ទះជាប់ដី សម្រាប់ការស្នាក់នៅរបស់ខ្លួន ទើបក្រុមហ៊ុនបន្តអភិវឌ្ឍន៍លំនៅឋានផ្ទះជាប់ដី ។ បន្ទាប់ពីគម្រោងទី២នេះហើយ ក្រុមហ៊ុនក៏កំពុងសម្លឹងរកទីតាំងផ្សេងទៀត ដើម្បីអភិវឌ្ឍន៍គម្រោងទី៣ និងគម្រោងបន្តបន្ទាប់ទៀត ដើម្បីចូលរួមដល់ការរីកនៃទីក្រុងភ្នំពេញ។

ដើម្បីអបអរការសម្ភោធបើកលក់ផ្លូវការ #បុរីចាន់ណាលែន គម្រោងទី២ ឱកាសប្រូសិនពិសេសអតិថិជនកក់ប្រាក់ត្រឹមតែ 10% នឹងទទួលបានការដូរពិសេសគឺ iPhone 13Pro Max ១គ្រឿងភ្លាមៗ

អតិថិជនអាចទំនាក់ទំនង តាមរយៈលេខទូរស័ព្ទបីខ្សែខាងក្រោមនេះ017777507/086777507/0717777517។ Telegram 017777507៕

កញ្ចប់ទណ្ឌកម្មថ្មីរបស់EUទៅលើរុស្ស៊ីនឹងធ្វើឱ្យទីផ្សារថាមពលសកលកាន់តែរងភាពរង្គោះរង្គើ

ដោយ:លាងហួរ

អឺរ៉ុប: សង្គ្រាមអ៊ុយក្រែន- រុស្ស៊ី បានធ្វើឱ្យទីផ្សារថាមពលពិភពលោករង្គោះរង្គើកាន់តែខ្លាំង ខណៈវិបត្តិនេះ នឹងអាចធ្វើឲ្យមានវិបត្តិសេដ្ឋកិច្ចសកលជាថ្មី។

ការដាក់ទណ្ឌកម្មដែលបានអនុម័តកាលពីថ្ងៃសុក្រ ដោយសហភាពអឺរ៉ុប នឹងធ្វើឱ្យទីផ្សារថាមពលពិភពលោក កាន់តែមានភាពរង្គោះរង្គើ – មិនត្រឹមតែប៉ះពាល់ដល់ឧស្សាហកម្មដឹកប្រេងប៉ុណ្ណោះទេ ថែមទាំងសម្រាប់អ្នកប្រើប្រាស់ប្រេងម៉ាស៊ូត និងប្រេងសាំងរបស់អាមេរិកផងដែរ។

សហភាពអឺរ៉ុបគឺជាអ្នកទិញប្រេងរុស្ស៊ី ដ៏ធំសម្បើមជាងគេ ដែលបានហាមឃាត់ការនាំចូលពីរុស្ស៊ី កាលពីដើមខែមីនា។ ទណ្ឌកម្មថ្មីរបស់សហភាពអឺរ៉ុប នឹងបញ្ចប់ការនាំចូលប្រេងឆៅពីរុស្ស៊ី ចូលទីផ្សារអឺរ៉ុបនៅថ្ងៃទី៥ខែធ្នូ និងផលិតផលចម្រាញ់ប្រេងត្រឹមថ្ងៃទី៣ ខែកុម្ភៈឆ្នាំ២០២៣។

លើសពីនេះទៅទៀត សហភាពអឺរ៉ុប នឹងបន្តដាក់បម្រាមលើការធានារ៉ាប់រងសហភាពអឺរ៉ុប ការធានារ៉ាប់រងឡើងវិញ សេវាកម្មបច្ចេកទេស ឬសេវាកម្មហិរញ្ញវត្ថុណាមួយ សម្រាប់នាវាដឹកប្រេង និងផលិតផលរបស់រុស្ស៊ីទៅកាន់ប្រទេសណាមួយ រួមទាំងអ្នកទិញបច្ចុប្បន្ន នៅក្នុងប្រទេសឥណ្ឌា និងចិន ក្នុងរយៈពេលដូចគ្នានេះ។

ចក្រភពអង់គ្លេស ក៏ត្រូវបានកំណត់ផងដែរ ក្នុងការហាមឃាត់ការធានារ៉ាប់រង និងការធានារ៉ាប់រងឡើងវិញ សម្រាប់នាវាដឹកប្រេងរបស់រុស្ស៊ីបែបនេះ។

ជាង៩០%នៃកប៉ាល់ដឹងប្រេងរបស់ពិភពលោក ត្រូវបានធានារ៉ាប់រងនៅក្នុងទ្វីបអឺរ៉ុប និងចក្រភពអង់គ្លេស។ ការហាមឃាត់ការធានារ៉ាប់រងអាចមានបង្កជាផលប៉ះពាល់យ៉ាងខ្លាំង ដល់ពាណិជ្ជកម្មតាមផ្លូវសមុទ្រនៃផលិតផលប្រេង និងប្រេងរបស់រុស្ស៊ី។ផលប៉ះពាល់ដែលអាចកើតមាន មិនអាចនិយាយលើសពីនេះបានទេ៕

គម្រោងថ្មី !! PLATINUM SQUARE ចាប់បើកលក់ជាផ្លូវការហើយ

ភ្នំពេញ ៖ ការស្វែងរកទីតាំងល្អ ស្ថិតនៅកណ្ដាលទីក្រុងភ្នំពេញ សម្រាប់ការប្រកបអាជីវកម្ម បើកសហគ្រាស ក្រុមហ៊ុន ឬពង្រីកទំហំពាណិជ្ជកម្មបន្ថែម ក្នុងតំបន់ដ៏មានសក្ដានុពល ហេដ្ឋារចនាសម្ព័ន្ធខ្វាត់ខ្វែង និង មានចរន្តប្រជាជនច្រើន គឺជាតម្រូវការដ៏សំខាន់បំផុតរបស់ពាណិជ្ជករ និងវិនិយោគិន មិនអាចខ្វះបាន ដូចនេះ អគារ PLATINUM SQUARE បានកំពុងតែត្រៀមនិងលេចចេញនូវរូបរាងឡើងដើម្បីបំពេញនូវតម្រូវការចាំបាច់នោះបាន។

អគារ PLATINUM SQUARE នេះបង្កើតឡើងក្នុងគោលបំណងផ្គត់ផ្គង់បន្ថែម ទៅដល់សេចក្ដីត្រូវការ របស់វិនិយោគិន និងពាណិជ្ជករ គ្រប់រូប ដែលកំពុងស្វែងរកទីតាំងល្អ ឬមានតម្រូវការពង្រីកបន្ថែមនូវមុខជំនួញ អាជីវកម្ម ឬសេវាកម្មរបស់ខ្លួនឱ្យកាន់តែប្រសើរ។ អគារ PLATINUM SQAURE ជាអំណោយផលដ៏សមប្រកបសម្រាប់បណ្ដុំសេដ្ឋកិច្ចពាណិជ្ជកម្ម និងត្រូវបានអភិវឌ្ឍ សាងសង់ឡើងលើផ្ទៃដីប្រមាណ6,000 ម៉ែត្រក្រឡា មានចំនួនសរុប 18អគារ ស្របតាមបទដ្ឋាន និងកម្រិតស្តង់ដារបច្ចេកទេស ដោយក្រុមហ៊ុន The Olympia City Development ជាបុត្រសម្ព័ន្ធក្រុមហ៊ុន OCIC ដែលមានឈ្មោះល្បីល្បាញក្នុង វិស័យសំណង់ និងការសាងសងអគារ ហេដ្ឋារចនាសម្ព័ន្ធធំៗជាច្រើននៅកម្ពុជា ។

អគារ PLATINUM SQUARE នីមួយៗ មានកម្ពស់ចាប់ពី ៨ ទៅ ១០ ជាន់ ទទឹង 08 ទៅ 10ម៉ែត្រ និង បណ្ដោយប្រវែង20ម៉ែត្រ តាមការជ្រើសរើស ដែលត្រូវបានរចនាឡើងយ៉ាងយកចិត្តទុកដាក់ មានបំពាក់មកជាមួយជណ្ដើរយន្តប្រអប់ 01គ្រឿង ចំណតរថយន្តក្រោមដីផ្ទាល់ខ្លួន ទីធ្លាខាងក្រោយ និងខាងមុខធំទូលាយ ប្រកបដោយប្រណិតភាព កិត្យានុភាព ភាពថ្នៃថ្នូ និងស៊ីវីល័យសាកសមបំផុតចំពោះ អាជីវកម្មធំៗដូចជា ធនាគារ ឫ គ្រឹះស្ថានមីក្រូហរិញ្ញវត្ថុ ហាង សម្លៀកបំពាក់ កាបូប ម៉ាក់ល្បីៗ ហាងពេជ្រ ក្រុមហ៊ុនបោះដុំគ្រឿងអេឡិចត្រូនិច អគ្គិសនី បោះដុំក្រណាត់ ហូលផាមួង សម្លៀកបំពាក់ និងកាត់ដេរ ក៏ដូចជា ក្រុមហ៊ុនវិនិយោគ និងអាជីវកម្មផ្សេងៗ ដែលទាំងនេះជាកត្តាធ្វើអោយអគារ PLATINUM SQUARE ក្លាយជាជម្រើសដ៏ល្អប្រសើរសម្រាប់មុខជំនួញរបស់លោកអ្នក

អគារ PLATINUM SQUARE មានទីតាំងស្ថិតនៅតាមបណ្ដោយមហាវិថីសាធារណៈប៉ូឡូញ (ផ្លូវ163) សង្កាត់វាលវង់ ខណ្ឌ7មករា រាជធានីភ្នំពេញ (ចម្ងាយ 100ម៉ែត្រពីរង្វង់មូលសំពៅមាស)។

សម្រាប់ព័ត៌មានបន្ថែម លោកអ្នកអាចអញ្ជើញមកកាន់ការិយាល័យលក់ផ្ទាល់ដែលមានទីតាំង ទល់មុខរង្វង់មូលសំពៅមាស សង្កាត់វាលវង់ ៧ មករា រាជធានីភ្នំពេញ ឬ ទំនាក់ទំនងតាមរយៈលេខទូរស័ព្ទ ៖ Cellcard: 092 801 809/089 985 988/099 720 727, Smart: 093 801 809/086 985 988/086 720 727 ។

សម្តេចតេជោ៖ ជើងហោះហើរជាង៤០០ជើងចូលមកកម្ពុជាក្នុងមួយសប្តាហ៍ដំបូងនៃខែមិថុនា

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន បានមានប្រសាសន៍ថា គ្រាន់តែនៅក្នុងមួយសប្តាហ៍ដំបូងនៃខែមិថុនានេះ ប្រទេសកម្ពុជាទទួលបានជើងហោះហើរជាង៤០០ជើង។

សម្តេចតេជោ ហ៊ុន សែន ថ្លែងបែបនេះ នៅក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០ ២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង២ពាន់នាក់ នៅរាជធានីភ្នំពេញនៅព្រឹកថ្ងៃទី១៣ ខែមិថុនា ឆ្នាំ២០២២នេះ។

សម្តេចតេជោមានប្រសាសន៍ថា ស្របពេលដែលពិភពលោក កំពុងងើបចេញពីវិបត្តិកូវីដ នោះប្រទេសកម្ពុជាបានទទួលជើងហោះហើរជាង៤០០ជើង ក្នុងរយៈពេលមួយសប្តាហ៍ដំបូងនៃខែមិថុនានេះ៕

សម្តេចតេជោថ្លែងពីបញ្ហាការបោះឆ្នោតឃុំសង្កាត់ បញ្ហាសេដ្ឋកិច្ច និងការតំឡើងប្រាក់ខែជូនមន្ត្រីរាជការ

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នៅព្រឹកថ្ងៃទី១៣ ខែមិថុនា ឆ្នាំ២០២២នេះ បានថ្លែងពីបញ្ហាសំខាន់ៗចំនួនបី រួមមាន បញ្ហាការបោះឆ្នោតឃុំសង្កាត់ បញ្ហាសេដ្ឋកិច្ចដែលកំពុងមានការថមថយ និងការតំឡើងប្រាក់ខែជូនមន្ត្រីរាជការ ក្រោយខនខានអស់រយៈពេល២ឆ្នាំកន្លងមក។

ថ្លែងនៅក្នុងពិធីបិទ និងប្រគល់សញ្ញាបត្រក្នុងវគ្គបណ្ដុះបណ្ដាលឆ្នាំ២០២០ ២០២១ និងបើកវគ្គបណ្ដុះបណ្ដាលឆ្នាំ២០២២ របស់សាលាភូមិន្ទរដ្ឋបាលជាង២ពាន់នាក់ សម្តេចតេជោ មានប្រសាសន៍ថា សុំកុំឱ្យការបោះឆ្នោតមួយ ទៅជារឿងបែកបាក់ជាតិ ការបោះឆ្នោតចប់ហើយ ហើយនាំគ្នាទៅធ្វើស្រែចំការ។

សម្តេចមានប្រសាសន៍ថា “សុំកុំឱ្យការបោះឆ្នោតមួយទៅជារឿងបែកបាក់ជាតិ នាំគ្នាទៅចំការស្រែ ទៅដល់ពេលធ្វើស្រែចំការទៅ កុំលេងធន់បាត់ត្រា ឬទួលកៅអីទៅដាក់នៅតាមផ្ទះ កុំលេងបែបហ្នឹង យើងចាស់ទុំ ហើយសម្រាប់ការបោះឆ្នោតនៅកម្ពុជា”។

សម្ដេចតេជោក៏បានថ្លែងអំណរគុណដល់ប្រជាពលរដ្ឋខ្មែរ ដែលបានបោះឆ្នោតជូនគណបក្សប្រជាជនកម្ពុជា ទទួលបានសំឡេងគាំទ្រដ៏ច្រើនលើសលប់។

សម្ដេចតេជោ បានថ្លែងបន្តថា “ចំណុចនេះ វាបានបង្ហាញឲ្យឃើញច្បាស់ថា ប្រជាជនបានបោះឆ្នោតជ្រើសរើស យកសន្តិភាព និងការអភិវឌ្ឍហើយ ព្រោះនយោបាយរបស់គណបក្សប្រជាជន ពេលណា ក៏ដូចជាពេលណា គឺសន្តិភាព និងការអភិវឌ្ឍ”។

ពាក់ព័ន្ធនឹងបញ្ហាសេដ្ឋកិច្ច សម្តេចបានលើកឡើងថា ការថមថយសេដ្ឋកិច្ចរបស់កម្ពុជានៅក្នុងឆ្នាំនេះ ដោយសារតែឥទ្ធិពលនៃកូវីឌ១៩ និងសង្រ្គាមឈ្លានពានរបស់រុស្ស៊ី នៅក្នុងប្រទេសអ៊ុយក្រែន។

យ៉ាងណាក្តី សម្តេចតេជោ បានអះអាងថា សេដ្ឋកិច្ចកម្ពុជាមិនទាន់ឈានដល់កម្រិតដួលរលំ ឬឈានដល់ហានិភ័យនៃការដួលរលំនោះទេ ពីព្រោះថា នៅរយៈពេល៣ខែនៃដើមឆ្នាំ២០២២នេះ កម្ពុជាបាននាំចេញប្រមាណ៣៣ភាគរយឯណោះ។

សម្តេចបានថ្លែងថា “យើងត្រូវទទួលយកនូវការពិតមួយស្តីអំពីបញ្ហាសេដ្ឋកិច្ចថមថយ ផ្តើមចេញពីកូវីដផង និងសង្គ្រាមនៅអ៊ុយក្រែនផង យើងត្រូវរួមគ្នាខិតខំរក្សាស្ថេរភាពម៉ាក្រូសេដកិច្ចឱ្យបានល្អ ទប់ស្កាត់អតិផរណា រក្សាកម្លាំងទិញនៃប្រាក់រៀល”។

សម្តេច ហ៊ុន សែន ក៏បានប្រកាសផងដែរថា នឹងមានការតម្លើងប្រាក់បៀវត្សរ៍ជូនមន្ត្រីរាជការនៅឆ្នាំក្រោយ បន្ទាប់ពីបន្ទាប់ពីខកខាន ០២ឆ្នាំកន្លងមក។

ក្នុងនោះ គ្រូបង្រៀន និងគ្រូពេទ្យកម្ពុជា នឹងត្រូវដំឡើងប្រាក់បៀវត្សឲ្យបានដល់១លាន៥សែនរៀលដូចគ្នានៅក្នុងនៅក្នុងឆ្នាំ២០២២នេះ។ ចំណែក មន្រ្តីរាជការផ្សេងទៀត នឹងដំឡើងដល់១លាន៤សែនរៀល។ បើតាមសម្តេចនាយករដ្ឋមន្រ្តី គឺការដំឡើងប្រាក់បៀវត្សនៅក្នុងឆ្នាំនេះ គឺធ្វើតាមរបៀប មិនមែនឡើងតាមភាគរយនោះទេ៕

តើលិខិតយថាភូតមានន័យ និងប្រើប្រាស់ក្នុងទិដ្ឋភាពបែបណាលើអចលនទ្រព្យ

ដោយៈគង់ សូរិយា

ភ្នំពេញៈ កិច្ចសន្យាទិញលក់ដីធ្លី ឬផ្ទះ ឬអចលនទ្រព្យដទៃទៀត ត្រូវបានធ្វើឡើងជាច្រើនទម្រង់ ប៉ុន្តែជាទូទៅទម្រង់នីមួយៗនេះ ត្រូវគេហៅថា លិខិតយថាភូត។

យោងតាមមាត្រា៩នៃច្បាប់ស្តីពី ការអនុវត្តក្រមរដ្ឋប្បវេណីបានកំណត់ថា កិច្ចសន្យាលក់ទិញ ឬកិច្ចសន្យាប្រទានកម្ម ចាំបាច់ត្រូវមានលិខិតយថាភូត ដើម្បីបង្កើតអនុភាពកិច្ចសន្យា ក្នុងគោលបំណងផ្ទេរកម្មសិទ្ធិអចលនវ ត្ថុ។
ដូចនេះ កិច្ចសន្យាលក់ទិញអចលនវត្ថុ ត្រូវធ្វើឡើងតាមទម្រង់លិខិតយថាភូតចំនួន៣ទម្រង់ដូចជា

១. កិច្ចសន្យាធ្វើឡើងដោយសាការី
កិច្ចសន្យាប្រភេទនេះ គឺត្រូវសរសេរឡើងដោយសាការីផ្ទាល់ តែគេកម្រឃើញមានខ្លាំងណាស់ ក្នុងប្រតិបត្តិការទិញលក់អចលនវត្ថុនៅកម្ពុជា ដែលផ្ទុយពីប្រទេសបារាំង ដោយសារបច្ចុប្បន្ននេះ កម្ពុជានៅមិនទាន់មានច្បាប់ស្តីពី សហលក្ខន្តិកៈសាការីនៅឡើយ។

ប្រភេទនៃលិខិតយថាភូតមួយនេះ មានតែក្នុងទ្រឹស្តីច្បាប់តែប៉ុណ្ណោះននៅឡើយ។

២. កិច្ចសន្យាធ្វើឡើងដោយមានប្រថាប់ត្រាឃុំ សង្កាត់ឬក្រុង ស្រុក ខណ្ឌ
កិច្ចសន្យានេះ ធ្វើឡើងដោយមានសរសេរឈ្មោះ អត្តសញ្ញាណដីដែលជាកម្មវត្ថុនៃការចុះបញ្ជី និងចំណុចផ្សេងទៀត ដែលត្រូវសរសេរក្នុងទម្រង់ជាកិច្ចសន្យាមួយ ហើយអនុប្បទានិក អនុប្បទាយី សាក្សីពីររូប ចូលរួមផ្តិតស្នាមមេដៃ លើកិច្ចសន្យានៅមុខមេឃុំ ចៅសង្កាត់ ឬអភិបាលក្រុង ស្រុក ខណ្ឌ។

បន្ទាប់មក មេឃុំ ចៅសង្កាត់ ឬអភិបាលក្រុង ស្រុក ខណ្ឌ ចុះហត្ថលេខា និងប្រថាប់ត្រាផ្លូវការ ចំពោះមុខការិយាល័យចុះបញ្ជី។

៣. កិច្ចសន្យាឯកជនបញ្ជាក់ដោយសាការី
នេះជាប្រភេទលិខិតយថាភូតមួយប្រភេទ ដែលធ្វើឡើងដោយបុគ្គលឯកជន ហើយត្រូវបានបញ្ជាក់ពីភាពស្របច្បាប់ ដោយសាការី ដែលត្រូវចុះហត្ថលេខា កាលបរិច្ឆេទ និងបានចុះនិទ្ទេសអំពីការបញ្ជាក់លើលិខិតនោះ។

ជាមួយគ្នានេះផងដែរ ការចាត់ចែងហ៊ីប៉ូតែក ដើម្បីធានាបំណុលរវាងម្ចាស់បំណុល និងកូនបំណុល ក៏តម្រូវឲ្យមានលិខិតយថាភូតផងដែរ៕

មហាយក្សចិនប្រកាសប្ដេជ្ញា “ប្រយុទ្ធដល់ទីបំផុត” ដើម្បីរារាំងការប្រកាសឯករាជ្យរបស់កោះតៃវ៉ាន់

ដោយៈសុខុម

អន្តរជាតិ: មហាយក្សចិន បានប្រកាសប្តេជ្ញាជាថ្មីថានឹង “ប្រយុទ្ធដល់ទីបំផុត” ដើម្បីរារាំងការប្រកាសឯកភាពរបស់តៃវ៉ាន់។

រដ្ឋាភិបាលចិនក៏បានព្រមានថា ការជ្រៀតជ្រែកពីបរទេស ក្នុងបញ្ហាកោះតៃវ៉ាន់ “នឹងត្រូវបរាជ័យ” ដោយធ្វើឱ្យភាពតានតឹងឡើងកម្ដៅ កាន់តែខ្លាំង ជាមួយសហរដ្ឋអាមេរិក ជុំវិញកោះស្វយ័តមួយនេះ។

លោក Wei Fenghe រដ្ឋមន្ត្រីការពារជាតិប្រទេសចិន បានថ្លែងក្នុងកិច្ចប្រជុំកំពូលសន្តិសុខអាស៊ី Shangri-La Dialogue កាលពីថ្ងៃអាទិត្យ ទី១២ ខែមិថុនា ថា “ប្រសិនបើនរណាម្នាក់ ហ៊ានបំបែកកោះតៃវ៉ាន់ ចេញពីប្រទេសចិន យើងនឹងប្រយុទ្ធដល់ទីបំផុត ទោះក្នុងតម្លៃណាក៏ដោយ។ នេះជាជម្រើសតែមួយគត់សម្រាប់ប្រទេសចិន”។

ឆ្លើយតបធ្ងន់ៗ ទៅនឹងរដ្ឋមន្ត្រីការពារជាតិអាមេរិក លោក Lloyd Austin ដែលបានលើកឡើងកាលពីថ្ងៃសៅរ៍ ទី១១ ខែមិថុនា លោក Wei Fenghe និយាយថា “គ្មាននរណាម្នាក់អាចមើលស្រាល ការប្ដេជ្ញាចិត្តដ៏មោះមុត និងសមត្ថភាពរបស់កងកម្លាំងប្រដាប់អាវុធចិន នៅក្នុងការការពារបូរណភាពទឹកដីរបស់ខ្លួនបានជាដាច់ខាត”។
ប្រទេសមហាអំណាចទាំង២ បានផ្ទុះសង្គ្រាមពាក្យសម្ដី កាន់តែក្ដៅគគុក ជុំវិញកោះស្វយ័តកាន់លទ្ធិប្រជាធិបតេយ្យមួយនេះ ដែលមហាយក្សចិន តែងតែចាត់ទុកថាជាផ្នែកមួយនៃទឹកដីរបស់ខ្លួន ដោយរង់ចាំតែការបង្រួបបង្រួមឡើងវិញប៉ុណ្ណោះ។

ដោយនិយាយបញ្ឆិតបញ្ឆៀងឱ្យរដ្ឋាភិបាល ក្រុងវ៉ាស៊ីនតោន លោក Wei Fenghe លើកឡើងថា “ប្រទេសខ្លះបន្តលេងសន្លឹកបៀរ កោះតៃវ៉ាន់ ប្រឆាំងនឹងប្រទេសចិន” ដើម្បី “ជ្រៀតជ្រែកកិច្ចការផ្ទៃក្នុងរបស់ប្រទេសចិន”។

រដ្ឋមន្ត្រីការពារជាតិប្រទេសចិន រូបនេះបានប្រកាសក្ដែងៗយ៉ាងម៉ឺងម៉ាត់ថា “គ្មានអ្នកណាម្នា ក់អាចរាំងផ្លូវរបស់ប្រទេសចិន ឆ្ពោះទៅកាន់ការបង្រួបបង្រួមគ្នាឡើងវិញបានឡើយ”៕ Aljazeera៕

អភិបាលខេត្តកែបគាំទ្រគំរោងឆ្នេរសមុទ្រកោងកាងដំបូងគេនៅខេត្តកែប ដើម្បីជម្រុញទេសចរណ៍ និងការអភិវឌ្ឍ

ដោយៈ គង់ សូរិយា

ខេត្តកែបៈ រាជរដ្ឋាភិបាលកម្ពុជា បានរៀបចំផែនការមេអភិវឌ្ឍន៍ខេត្តកែប ជាតំបន់លំហែរកាយកម្រិតខ្ពស់ ដោយខេត្តនេះ នឹងមិនមានការសាងសង់អាគារខ្ពស់ៗ រោងចក្រ សហគ្រាស នានា ដែលធ្វើឲ្យមានផ្សែងបំពុលបរិយាកាសឡើយ។

ខេត្តកែប សព្វថ្ងៃនេះ បាននិងកំពុងចាប់ផ្តើម បង្ហាញសក្តានុពលលើគំរោងអភិវឌ្ឍន៍មួយចំនួន ដូចជា គំរោងសាងសង់ផ្លូវថ្មីតភ្ជាប់ជាមួយឆ្នេរសមុទ្រថ្មីៗ គំរោងអភិវឌ្ឍន៍កោះទន្សាយ និងគំរោងឆ្នេរសមុទ្រកោងកាង ដែលវិនិយោគដោយក្រុមហ៊ុន Youngsia Real Estate ក្នុងទុនជាង ១០លាន ដុល្លារអាមេរិកជាដើម។

ជាមួយគ្នានេះ តំបន់មួយចំនួន នៅខេត្តកែប ក៏បាននិងកំពុងត្រៀមខ្លួន ទទួលស្វាគមន៍ការវិនិយោគថ្មីៗ។ ជាក់ស្តែង គំរោងវិនិយោគឆ្នេរសមុទ្រកោងកាង បាននិងកំពុងផ្តល់ទស្សនទានអភិវឌ្ឍន៍បែបថ្មី ជាគំរោងដីលំហែរស្តង់ដាអន្តរជាតិ ដែលធំជាងគេ ជាលើកដំបូងនៅខេត្តកែប។ គំរោងនេះ ស្ថិតនៅភូមិដំណាក់ចំបក់ សង្កាត់អូរក្រសារ ក្រុងកែប ខេត្តកែប ចម្ងាយប្រមាណ២គីឡូម៉ែត្រ ពីរង្វង់មូលសេះ “ស” ។

ម្ចាស់គំរោងឆ្នេរសុទ្រកោងកាង លោក Cooler Tan បានមានប្រសាសន៍ឲ្យដឹង ក្នុងពិធីបើកសម្ភោធលក់គំរោងខាងលើ កាលពីចុងសប្តាហ៍មុនថា គំរោងឆ្នេរសមុទ្រកោងកាង មានភាពអំណោយផលពីធម្មជាតិ មានទិដ្ឋភាពឆ្នេរសមុទ្រដ៏ទាកទាញ មានដើមកោងកាងខៀវស្រេងាត់ មានទេសភាពស្រែអំបិលដ៏ឆើតឆាយ មានដងព្រែកធម្មជាតិដ៏ស្រស់ស្អាត ដែលគំរោងនេះ អំណោយផលដល់ការជិះទូកកាយ៉ាក់កំសាន្ត និងអាចស្ទូចត្រីបាន ជាពិសេសមានព្រែកធម្មជាតិ ដែលអាចជិះទូក អូប័រ ទៅលេងសមុទ្រ ផងដែរ។

លោកបន្តថា “គំរោងនេះ បាននិងកំពុងអភិវឌ្ឍន៍ ស្របតាមគោលនយោបាយរបស់រាជរដ្ឋាភិបាល ដើម្បីប្រែក្លាយខេត្តកែប ជាតំបន់លំហែរកាយកម្រិតខ្ពស់”។ លោកបន្តថា “ឆ្នេរសមុទ្រកោងកាង បាននិងកំពុងពង្រីកសក្តានុពលខេត្តកែប ដើម្បីក្លាយជាផលិតផលទេសចរណ៍ថ្មីមួយ ដែលមានបែងចែកតំបន់ដីលម្ហែ និងអគារអាហារដ្ឋាន ពិសេសជម្រុញខេត្តនេះ ឲ្យកាន់តែទាក់ទាញការវិនិយោគ និងអ្នកទេសចរបន្ថែមទៀត”។

អភិបាលនៃគណអភិបាលខេត្តកែប លោកបណ្ឌិតសោម ពិសិដ្ឋ បានបង្ហាញនូវការគាំទ្រលើគំរោងឆ្នេរមសុទ្រកោងកាងមួយនេះ ដោយបានចាត់ទុកថា គំរោងនេះ និងរួមចំណែកធ្វើឱ្យខេត្តកែប សម្រេចបាននូវគោលបំណងនៃយុទ្ធសាស្រ្តធំៗ ប្រែក្លាយទៅជាគោលដៅទេសចរណ៍ធម្មជាតិ សម្រាក់លំហែកម្សាន្ត ប្រណិតកម្រិតខ្ពស់។

អភិបាលខេត្តកែប បានលើកទឹកចិត្ត ឱ្យម្ចាស់គំរោងឆ្នេរសុទ្រកោងកាង អភិវឌ្ឍ និងកែច្នៃគំរោងមួយនេះ ធ្វើយ៉ាងណា ទៅជាទេសចរណ៍ធម្មជាតិ ក្នុងន័យអភិវឌ្ឍរក្សាបាននូវការអភិរក្ស ហើយអភិរក្សគាំទ្រដល់ការអភិវឌ្ឍ ដោយកែច្នៃ តំបន់នេះ ទៅជារមណីយដ្ឋានកម្រិតណាមួយតាមលទ្ធភាព ដែលរក្សាបាននូវធនធានព្រៃលិចទឹក ឬហៅថា ព្រៃកោងកាង មានការជិះទូកកាយ៉ាក់ មានអាហារដ្ឋាន លក់ម្ហូបចំណី ដែលមានគុណភាព និងអនាម័យ តាមស្តង់ដារ៕

រុស្ស៊ី ចាប់ផ្ដើមដំណើរការអាជីវកម្ម McDonald’s ក្រោមឈ្មោះថ្មី និងឡូហ្គោថ្មី

ដោយៈសុខុម

អន្តរជាតិ: ក្រុមហ៊ុនភោជនីយដ្ឋានអាហារទាន់ចិត្ត ខ្នាតយក្ស McDonald’s បានដកខ្លួនចេញពីប្រទេសរុស្ស៊ី ដើម្បីបង្ហាញការតវ៉ាចំពោះការបញ្ឆេះសង្គ្រាមរបស់រុស្ស៊ី ចូលឈ្លានអ៊ុយក្រែន ហើយបានលក់ភោជនីយដ្ឋានរបស់ខ្លួន ទាំងជាង៨០០ទីតាំងនៅនោះ ឱ្យទៅពាណិជ្ជករជនជាតិរុស្ស៊ី លោក Alexander Govor។

នៅទីបំផុត ភោជនីយដ្ឋានអាហារទាន់ចិត្ត ដ៏ល្បីល្បាញដែលប្ដូរម៉ាកយីហោថ្មី (Rebranding) ដំបូងគេបានចាប់ផ្ដើមបើកដំណើរការឡើងវិញហើយនៅទីក្រុងមូស្គូ កាលពីថ្ងៃអាទិត្យ ទី១២ ខែមិថុនា ក្រោមឈ្មោះថ្មី “Vkusno i Tochka” ដែលមានន័យថា “ឈ្ងុយឆ្ងាញ់”។

ឡូហ្គោ (Logo) ចាស់ដែលមានកំណោងពណ៌មាសរាងអក្សរ “M” ត្រូវបានប្ដូរជំនួយ ដោយឡូហ្គោថ្មីរាងអក្សរ “M” ដដែល ប៉ុន្តែលេងស្ទាយប្លែកភ្នែក ដែលត្រូវបានផ្គុំឡើងដោយស្នាមចុចមូល (Dot) មួយមានពណ៌ទឹកក្រូចចាស់ និងឆ្នូត២ពណ៌លឿងចាស់។ ឆ្នូតទាំង២តំណាងឱ្យចំណិតដំឡូងបារាំងបំពង ហើយស្នាមចុចមូលតំណាងនំបឺហ្គើ។

ម្ចាស់អាជីវកម្មថ្មីនេះសង្ឃឹមថា អតិថិជននឹងមិនកត់សម្គាល់ឃើញភាពខុសគ្នាច្រើនពេកនោះទេ។ ពួកគេបានធ្វើសន្និសីទសារព័ត៌មាន ក្នុងភោជនីយដ្ឋានដ៏ល្បីល្បាញនេះ នៅទីលាន Pushkin Square ទីដែលហាង McDonald’s ដំបូងបង្អស់នៅក្រុងមូស្គូ ត្រូវបានបង្កើតឡើងកាលពី៣២ឆ្នាំមុន។

លោក Oleg Paroyev នាយកប្រតិបត្តិក្រុមហ៊ុនថ្មី Vkusno i Tochka លើកឡើងថា “គោលដៅរបស់យើងគឺធ្វើយ៉ាងណា កុំឱ្យភ្ញៀវរបស់យើងកត់សម្គាល់ឃើញភាពខុសគ្នាខ្លាំង មិនថាទាំងគុណភាពអាហារ ឬបរិយាកាស”។

ភោជនីយដ្ឋានថ្មីទាំងនេះ មានព្យួរពាក្យស្លោកថា “ប្តូរឈ្មោះថ្មី តែក្ដីស្រលាញ់នៅដដែល”។ ក្រុមហ៊ុនថ្មីនេះបានបញ្ជាក់ថា គ្រឿងផ្សំក៏ដូចជារសជាតិបឺហ្គើមិនបានផ្លាស់ប្តូរទេ ហើយឧបករណ៍របស់ McDonald’s មានទាំងប៉ុន្មានគឺនៅរក្សាទុកដដែល និយាយរួមគឺគ្មានអ្វីក្រែប្រែច្រើនទេ៕ BBC៕

1...1,4111,4121,413...3,287 Page 1,412 of 3,287