BYD, the Chinese carmaker backed by Warren Buffett’s Berkshire Hathaway, has overtaken Elon Musk’s Tesla as the world’s biggest electric vehicle producer by number of vehicles sold, as the country powers ahead with electric vehicle production and bolstering the industrial supply chain.

The Shenzhen-based carmaker sold about 641,000 new energy vehicles (NEVs), including electric vehicles and hybrids, in the first six months of the year, an increase of more than 300 per cent from the same period a year ago, according to a July 5 filing by the company.

This compares with 564,000 vehicles sold by Tesla in the first half, which was a year-on-year increase of 46 per cent from 386,200 vehicles sold in the same period a year ago.

Tesla sold 254,695 cars and SUVs from April until the end of June, an 18 per cent drop over the first three months of the year, as the Texas-headquartered firm’s production and sales were hit by Shanghai lockdowns to deal with Covid-19 outbreaks.

“The Shanghai lockdown had a big impact on Tesla, and it will be some time before the US carmaker can make up the lost ground [at its Gigafactory 3 in Shanghai],” said David Zhang, a researcher at the North China University of Technology.

BYD’s blade batteries have been well received by drivers and the rapid growth in sales of its electric cars is within expectations, said Zhang.

Tesla lost 50,000 to 70,000 units in production due to the two-month citywide lockdown in Shanghai, according to estimates by industry experts, and many say its supply chain is still under stress despite a resumption of full production

South China Morning Post

ដោយ៖ សុខុម

ប៉េកាំង: ក្រុមហ៊ុនផលិតរថយន្តចិន BYD ដែលមានក្រុមហ៊ុនខ្នាតយក្ស Berkshire Hathaway របស់កំពូលមហាសេដ្ឋីអាមេរិក Warren Buffett នៅពីក្រោយខ្នង បានជែងឈ្នះក្រុមហ៊ុនអាមេរិក Tesla របស់កំពូលមហាសេដ្ឋី Elon Musk ក្លាយជាក្រុមហ៊ុនផលិតរថយន្តអគ្គិសនីធំបំផុតក្នុងពិភពលោក។

បច្ចុប្បន្ន ក្រុមហ៊ុនផលិតរថយន្តចិន BYD ក៏កំពុងមានវត្តមាននៅក្នុងប្រទេសកម្ពុជា យើងផងដែរ ដោយទទួលបានការគាំទ្រច្រើនគួរឱ្យកត់សម្គាល់នៅរយៈពេលចុងក្រោយនេះ។

ការជែងឈ្នះគួរឱ្យភ្ញាក់ផ្អើលនេះកើតមានឡើង ស្របពេលប្រទេសមហាអំណាចទាំង២កំពុងសម្រុកផលិតរថយន្តអគ្គិសនី និងជំរុញខ្សែសង្វាក់ផ្គត់ផ្គង់ឧស្សាហកម្ម។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃអង្គារ ទី៥ ខែកក្កដា។

ក្រុមហ៊ុន BYD ដែលមានមូលដ្ឋាននៅទីក្រុងស៊ឹនជិន (Shenzhen) ប្រទេសចិន បានលក់រថយន្តប្រើថាមពលថ្មី (NEV) បានរហូតដល់ទៅប្រមាណ៦៤១.០០០គ្រឿង រួមទាំងរថយន្តអគ្គិសនី (EV) និងរថយន្តហាយប៊្រីដ (Hybrid) ផងដែរក្នុងរយៈពេល៦ខែដើមឆ្នាំ២០២២។

យោងតាមឯកសារចុះថ្ងៃទី៥ ខែកក្កដា របស់ក្រុមហ៊ុន BYD បង្ហាញថា តួលេខថ្មីនេះបង្ហាញពីកំណើនរហូតដល់ទៅជាង៣០០% បើធៀបនឹងរយៈពេលដូចគ្នាក្នុងឆ្នាំ២០២១។

ដោយឡែកក្រុមហ៊ុនអាមេរិក Tesla លក់រថយន្តបានចំនួន៥៦៤.០០០គ្រឿងក្នុងឆមាសទី១ ដោយកើនឡើង៤៦% បើធៀបនឹង៣៨៦.២០០គ្រឿងដែលលក់បានក្នុងរយៈពេលដូចគ្នាក្នុងឆ្នាំ២០២១។

ទោះជាយ៉ាងណា តួលេខនេះបង្ហាញថា ក្រុមហ៊ុន Tesla លក់រថយន្តបានតិចជាងក្រុមហ៊ុន BYD ក្នុងចំនួន៧៧.០០០គ្រឿង៕

ដោយ៖ វឌ្ឍនៈ

ភ្នំពេញ៖ នៅក្នុងឆមាសទី១នៃឆ្នាំ២០២២នេះ គម្រោងខុនដូ ដែលផ្អាកដំណើរការកាលពីវិបត្តិកូវីដ១៩កន្លងទៅនេះ បានចាប់ផ្ដើមបើកដំណើរការឡើងវិញ ដែលជំរុញឱ្យសកម្មភាពសាងសង់បានកម្រើកឡើងវិញ។

អ្នកនាង គឹម គិនកេសា អ្នកគ្រប់គ្រងក្រុមហ៊ុនអចលនទ្រព្យCBRE Cambodia បានឱ្យដឹងថា គម្រោងខុនដូ ដែលផ្អាកហើយបានដំណើរការឡើងវិញ ក្នុងរយៈពេលមួយឆមាសកន្លងមកនេះ មានចំនួនច្រើនជាងគម្រោងខុនដូដែលបើកថ្មី។ សកម្មភាពនេះបានធ្វើឱ្យសកម្មភាពសាងសង់នៅក្នុងប្រទេសកម្ពុជាចាប់ផ្ដើមដំណើរការល្អ និងជំរុញឱ្យការសាងសង់នៅក្នុងប្រទេសកម្ពុជា កាន់តែមានសន្ទុះ។

អ្នកនាងបន្តថា នៅពេលគម្រោងខុនដូទាំងនោះបានចាប់ផ្ដើមដំណើរការសាងសង់ឡើងវិញ  សកម្មភាពលក់ខុនដូទាំងនោះក៏ចាប់ផ្ដើមបើកដំណើរការ ដែលជាការជំរុញឱ្យការទិញលក់ខុនដូចាប់ផ្ដើមប្រសើរដូចគ្នា។ យ៉ាងណាក្តី សម្រាប់គម្រោងថ្មីៗ ក្នុងរយៈពេល៦ខែនេះ មិនទាន់មានច្រើនទេ ដែលយើងបានមើលឃើញថា មានការធ្លាក់ចុះនៃទុនវិនិយោគ និងគម្រោងសាងសង់។

អ្នកនាងបន្ថែមថា ទោះបីជាយ៉ាងនេះក្ដី វាមិនបង្ហាញថាវិស័យសំណង់មិនទទួលបានការចាប់អារម្មណ៍នោះទេ គឺវានៅតែទទួលបានការវិនិយោគពីវិនិយោគិនក្នុងស្រុក គ្រាន់តែមិនមានគម្រោងធំៗគួរឱ្យកត់សម្គាល់លេចឡើងក្នុងរយៈពេល៦ខែកន្លងមកនេះ។

លោក ខន គង្គា អគ្គនាយកក្រុមហ៊ុនអចលនទ្រព្យ ERA Cambodia ក៏បានឱ្យដឹងផងដែរថា ក្នុងរយៈពេលកន្លះឆ្នាំមកនេះ ទីផ្សារខុនដូក្នុងប្រទេសកម្ពុជាចាប់ផ្ដើមមានសន្ទុះ ដោយភាគច្រើននៃអតិថិជនជាអ្នកក្នុងស្រុក និងមានប្រជាជនកម្ពុជា ដែលរស់នៅក្រៅប្រទេស។ ទាំងនេះបានបង្ហាញពីការដំណើរការទីផ្សារខុនដូ និងការសាងសង់ចាប់ផ្ដើមឡើងវិញ នៅក្នុងឆ្នា២០២២នេះ។

លោកបន្តថា កំណើននេះ ជំរុញដោយការបើកប្រទេស ការចាក់វ៉ាក់សាំងកូវីដ១៩របស់ប្រជាជនបានច្រើន ដែលធ្វើឱ្យដំណើរការសេដ្ឋកិច្ចក្នុងប្រទេសចាប់ផ្ដើមមានកំណើន ជាមួយនឹងទេសចរបរទេស ចូលមកទស្សនា និងកំណើនការស្នាក់នៅក្នុងប្រទេសកម្ពុជា។ នៅពេលខាងមុខឆាប់ៗនេះ ទីផ្សារខុនដូនៅក្នុងប្រទេសកម្ពុជានឹងកាន់តែមានកំណើនឡើង ជាមួយប្រជាពលរដ្ឋក្នុងស្រុកកាន់តែច្រើនក៏បានចាប់អារម្មណ៍លើការរស់នៅក្នុងខុនដូបន្ថែមទៀត៕

ដោយ៖ សុផារី

កែប៖ ដោយមានការឯកភាពពីថ្នាក់ដឹកនាំនៃរដ្ឋបាលខេត្តកែប ក្រុមការងារអង្កេតអចលនទ្រព្យគ្រោងនឹងចាប់ផ្តើមចុះអនុវត្តការងារនៅសង្កាត់ទាំង៣ នៃក្រុងកែបខេត្តកែប ចាប់ពីថ្ងៃទី១១ ខែកក្កដា ឆ្នាំ២០២២ ខាងមុខនេះតទៅ។

នេះបើតាមការចុះផ្សាយរបស់អគ្គនាយកដ្ឋានពន្ធដារ នៅថ្ងៃទី០៧ ខែមិថុនា ឆ្នាំ២០២២នេះឱ្យដឹងថា កន្លងមក អគ្គនាយកដ្ឋានពន្ធដារបាន និងនីតិវិធីនៃការចុះផ្តល់សេវាពន្ធដារលើការចុះបញ្ជី និងផ្តល់សេវាពន្ធដារជូនម្ចាស់អចលនទ្រព្យនៅខណ្ឌទាំង១៤ នៃរាជធានីភ្នំពេញ និងតាមបណ្តាខេត្តមួយចំនួនរួមមាន ខេត្តកណ្តាល ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តកំពត និងខេត្តស្វាយរៀង។

លោកបណ្ឌិត កែន សម្បត្តិ អគ្គនាយករងនៃអគ្គនាយកដ្ឋានពន្ធដារ បានវាយតម្លៃខ្ពស់ ចំពោះការចុះអនុវត្តការងារអង្កេតអចលនទ្រព្យនៅតាមបណ្តាខេត្តកន្លងមក និងបន្តគាំទ្រដល់ការពង្រីកវិសាលភាព ការងារនៅខេត្តកែប សំដៅធ្វើយ៉ាងណាប្រមូលនូវទិន្នន័យអចលនទ្រព្យ ដើម្បីជាគុណប្រយោជន៍ដល់ការកៀរគរប្រមូលចំណូលពន្ធ។

លោកបណ្ឌិតបានលើកឡើង ពីអត្ថប្រយោជន៍សំខាន់ៗទាំង០៦ នៃការចុះអង្កេតអចលនទ្រព្យ នេះរួមមាន ១.រៀបចំគោលនយោបាយសារពើពន្ធប្រកបដោយ ភាពច្បាស់លាស់ ២.មានមូលដ្ឋានត្រឹមត្រូវជាក់លាក់ក្នុងការ រៀបចំផែនការថវិកាប្រចាំឆ្នាំឱ្យបានសមស្រប ៣.ធ្វើទំនើបកម្ម ក្នុងការផ្តល់សេវាជូនអ្នកជាប់ពន្ធ ៤.ទទួលបានទិន្នន័យ មូលដ្ឋានច្បាស់លាស់ ក្នុងការប្រមូលពន្ធលើអចលនទ្រព្យ និង ពន្ធពាក់ព័ន្ធដទៃទៀត ៥.មានទិន្នន័យគ្រប់គ្រាន់សម្រាប់ការវិភាគ និងរៀបចំរបាយការណ៍ និង ៦.ផ្ដល់ភាពងាយស្រួលដល់ការ គ្រប់គ្រង និងផ្តល់សេវាជូនអ្នកជាប់ពន្ធបានល្អ។

បច្ចុប្បន្នភាពព័ត៌មានអចលនទ្រព្យ ដែលហៅកាត់ថា ការងារអង្កេតអចលនទ្រព្យ ដែលកិច្ចការនេះ ក្រុមការងារត្រូវចុះដល់មូលដ្ឋាន ដើម្បីប្រមូលផ្ដុំទិន្នន័យអត្តសញ្ញាណម្ចាស់អចលនទ្រព្យព័ត៌មាន អចលនទ្រព្យរូបថតទីតាំងនិយាមកា និងព័ត៌មានចាំបាច់ផ្សេង ទៀតសម្រាប់ធ្វើបច្ចុប្បន្នភាព និងជំរុញការចុះបញ្ជីពន្ធដារឱ្យ បានត្រឹមត្រូវនិងច្បាស់លាស់នៅក្នុងប្រព័ន្ធគ្រប់គ្រងទិន្នន័យ អចលនទ្រព្យ និងប្រថាប់ត្រារបស់អគ្គនាយកដ្ឋានពន្ធដារ​។

បន្ថែមពីនេះ ការចុះអង្កេតអចលនទ្រព្យនឹងជួយគាំទ្រដល់ការ ប្រមូលចំណូលពន្ធ និងធ្វើទំនើបកម្មក្នុងការផ្តល់សេវាតាមរយៈ ១. ការបង់ពន្ធលើអចលនទ្រព្យតាមកម្មវិធី GDT Taxpayer Application ២.ការបង្កើនប្រសិទ្ធភាពគ្រប់គ្រង និងប្រមូល ចំណូលពន្ធលើអចលនទ្រព្យ ពន្ធលើដីធ្លីមិនបានប្រើប្រាស់ ដែល ជាពន្ធសម្រាប់ថ្នាក់ក្រោមជាតិ ៣.ការគ្រប់គ្រងការប្រមូលចំណូល ពន្ធលើប្រាក់ចំណេញមូលធន និងពន្ធលើចំណូលរូបវន្តបុគ្គល និង៤.រៀបចំគោលនយោបាយលើកទឹកចិត្តពន្ធលើអចលនទ្រព្យ លោក សិញ សេងហោ ប្រធានលេខាធិការដ្ឋានអង្កេត ឬប្រភេទពន្ធពាក់ព័ន្ធ៕

ដោយ៖ សុខុម

អន្តរជាតិ: ប្រទេសរុស្ស៊ី រកចំណូលបានរហូតដល់ទៅ២៥ពាន់លានដុល្លារ ពីការលក់ថាមពលឱ្យទៅមហាយក្សចិន និងមហាយក្សឥណ្ឌា ក្នុងពេលត្រឹមតែ៣ខែ បន្ទាប់ពីខ្លួនបញ្ឆេះសង្គ្រាមចូលឈ្លានពានអ៊ុយក្រែន។ នេះបើយោងតាមសារព័ត៌មាន Aljazeera ចុះផ្សាយកាលពីថ្ងៃពុធ ទី៦ ខែកក្កដា។

នេះជាសញ្ញាបង្ហាញថា ការឡើងថ្លៃថាមពលទូទាំងពិភពលោកកំពុងរឹតត្បិតកិច្ចប្រឹងប្រែងរបស់សហរដ្ឋអាមេរិក និងអឺរ៉ុប នៅក្នុងការដាក់ទណ្ឌកម្មប្រធានាធិបតីរុស្ស៊ី លោក វ៉្លាឌីមៀ ពូទីន។ បើនិយាយមួយបែបទៀតឱ្យកាន់ងាយស្ដាប់បានមានន័យថា លោក ពូទីន មិនខ្លាចទណ្ឌកម្មរបស់សហរដ្ឋអាមេរិកនិងអឺរ៉ុប ដែលដាក់មកលើខ្លួនលើយ ព្រោះលោកមានមហាយក្ស២ចាំទទួលទំនិញរបស់ខ្លួនគ្រប់ពេល ជាពិសេសថាមពលតែម្ដង។

ទិន្នន័យគយចុងក្រោយបំផុតបង្ហាញថា ប្រទេសចិន បានចំណាយដល់ទៅ១៨,៩ពាន់លានដុល្លារ ទិញប្រេង ឧស្ម័ន និងធ្យូងថ្មរបស់រុស្ស៊ី ក្នុងរយៈពេល៣ខែគិតមកទល់នឹងដំណាច់ខែឧសភា ដែលចំនួននេះស្ទើរតែកើនឡើងទ្វេដងបើធៀបនឹងឆ្នាំ២០២១។

ទន្ទឹមនឹងនេះដែរ ប្រទេសឥណ្ឌាបានចំណាយដល់ទៅ៥,១ពាន់លានដុល្លារ ក្នុងរយៈពេលដូចគ្នា ដែលច្រើនជាង៥ដង បើធៀបនឹងឆ្នាំ២០២១។ នោះមានន័យថា រុស្ស៊ីរកចំណូលបន្ថែមបានដល់ទៅ១៣ពាន់លានដុល្លារ ពីមហាយក្សទាំង២នេះ បើធៀបនឹងខែដូចគ្នាក្នុងឆ្នាំ២០២១។

ការចំណាយកាន់តែខ្ពស់ពីសំណាក់មហាយក្សទាំង២នេះ កំពុងជួយប៉ះប៉ូវការធ្លាក់ចុះការទិញពីសហរដ្ឋអាមេរិក និងប្រទេសមួយចំនួនទៀតដែលបានបញ្ឈប់ ឬកាត់បន្ថយការទិញថាមពលពីរុស្ស៊ី ដើម្បីដាក់ទណ្ឌកម្មលើប្រទេសនេះ ចំពោះការបញ្ឆេះសង្គ្រាមចូលឈ្លានពានអ៊ុយក្រែន។ ទណ្ឌកម្មទាំងនេះបានធ្វើឱ្យតម្លៃថាមពល ដែលផ្គត់ផ្គង់ជំនួសថាមពលរុស្ស៊ី ហក់ឡើងថ្លៃកាន់តែខ្ពស់ និងជំរុញអតិផរណា ដែលគំរាមកំហែងទាញសេដ្ឋកិច្ចធំៗ ឱ្យធ្លាក់ចូលក្នុងវិបត្តិសេដ្ឋកិច្ច។

លោក Lauri Myllyvirta អ្នកវិភាគជាន់ខ្ពស់នៅមជ្ឈមណ្ឌលស្រាវជ្រាវថាមពល និងខ្យល់ស្អាត (Centre for Research on Energy and Clean Air) ដែលបានតាមដានរំហូរថាមពលរបស់រុស្ស៊ី ចាប់តាំងពីផ្ទុះសង្គ្រាមនៅអ៊ុយក្រែន បានលើកឡើងថា “ប្រទេសចិនកំពុងសម្រុកទិញយកទាំងអស់នូវអ្វីដែលរុស្ស៊ី អាចនាំចេញបានតាមបំពង់បង្ហូរប្រេង និងកំពង់ផែនៅសមុទ្រប៉ាស៊ីហ្វិក។ ឥណ្ឌាជាអ្នកទិញទំនិញដ៏ធំចេញពីមហាសមុទ្រអាត្លង់ទិក ដែលអឺរ៉ុប លែងចង់បាន”។

អ្នកវិភាគរូបនេះ បានគូសបញ្ជាក់ថា ការសម្រុកទិញថាមពលរុស្ស៊ី ពីសំណាក់មហាយក្សទាំង២នេះទំនងជាមិនបញ្ឈប់ក្នុងពេលឆាប់ៗនេះឡើយ៕

ដោយ៖ សុផារី

ស្ទឹងត្រែង៖ គិតត្រឹមពាក់កណ្តាលឆ្នាំ២០២២នេះ សកម្មភាពអចលនទ្រព្យនៅក្នុងខេត្តស្ទឹងត្រែងនៅបន្តមានភាពស្ងប់ស្ងាត់ខ្លាំង។ អ្នកជំនាញមូលដ្ឋានលើកឡើងថា កត្តាស្ថានភាពជីវភាពប្រចាំថ្ងៃរបស់ប្រជាពលរដ្ឋ និងបញ្ហាកង្វះហេដ្ឋារចនាសម្ព័ន្ធធំៗ ជាឧបសគ្គដល់ការរីកចម្រើននៃវិស័យអចលនទ្រព្យ នៅក្នុងខេត្តជាប់ព្រំដែនមួយនេះ។

លោកជុំ វិចិត្រ ប្រធានសាខានៃក្រុមហ៊ុន Century 21 Zillion Holding ប្រចាំខេត្តស្ទឹងត្រែង មានប្រសាសន៍ថា “ស្ថានភាពសេដ្ឋកិច្ចរបស់ប្រជាជន មិនសូវមានចំណូលជាក់លាក់ ហើយស្ថានភាពបំណុល ដែលកំពុងកម្ចីមិនទាន់មានវិធីក្នុងការដោះស្រាយ ដោយសារតែរក (រកស៊ី) មិនបាន ហើយមិនមានបម្រែបម្រួលនៃប្រព័ន្ធហេដ្ឋារចនាសម្ព័ន្ធណាមួយ ដែលធ្វើឱ្យតម្លៃដីធ្លីហក់លោត”។

លោកវិចិត្របានឱ្យដឹងថា នៅក្នុងខេត្តស្ទឹងត្រែងមិនសូវមានប្រព័ន្ធហេដ្ឋារចនាសម្ព័ន្ធធំៗណាមួយ ដែលធ្វើឱ្យតម្លៃដីធ្លីហក់លោតឡើយ។ សម្រាប់អ្នកវិនិយោគនៅក្នុងខេត្តភាគច្រើនជាប្រភេទក្រុមហ៊ុនតូចៗ និងបណ្តាសាខារបស់ក្រុមហ៊ុន ធនាគារ ដែលពង្រីកសាខាថ្មីមកកាន់ទីរួមខេត្តមួយនេះតែប៉ុណ្ណោះ។

លោកបន្តថា “ប្រជាជននៅក្នុងខេត្តស្ទឹងត្រែង ភាគច្រើនប្រកបរបរកសិកម្ម កសិឧស្សាហកម្ម លក់ដូរតិចតួច និងនេសាទ ។ល។ ក្នុងឆ្នាំនេះ តម្លៃកសិផលលក់បានតម្លៃទាប ចំណាយច្រើនលើថ្នាំ ការថែទាំ និងពលកម្ម អញ្ចឹងប្រជាជនពិបាកក្នុងការគិតគូរពីការវិនិយោគ”។

បើតាមការបញ្ជាក់បន្ថែមពីអ្នកជំនាញមូលដ្ឋានរូបនេះ ទោះបីជាស្ទឹងត្រែងជាខេត្តជាប់ព្រំដែនជាមួយប្រទេសឡាវក្តី តែទំហំពាណិជ្ជកម្ម និងសក្តានុពលសេដ្ឋកិច្ចរវាងប្រទេសទាំងពីរហាក់មិនសូវមានទំហំធំនោះទេ៕

ដោយ៖ សូរិយា

ភ្នំពេញ៖ ប្រភពព័ត៌មាន ដែលគួរឱ្យទុកចិត្តបាន បានបង្ហើបឲ្យដឹងថា ផ្សារទំនើប BigC ធំមួយ នឹងបង្ហាញខ្លួននៅលើមហាវិថីហាណូយ ក្នុងសង្កាត់ឃ្មួញ ខណ្ឌសែនសុខ រាជធានីភ្នំពេញ។

ប្រភពព័ត៌មានគួរឱ្យទុកចិត្ដបានទទួលព័ត៌មានពីថ្នាក់ដឹកនាំធំមួយ នៃក្រុមហ៊ុនលំដាប់យក្សរបស់ថៃ ដោយបានបង្ហើបព័ត៌មានឱ្យដឹង កាលពីម្សិលមិញនេះ។

លោកបានបន្តថា ក្រុមហ៊ុនថៃ BigC បាននិងកំពុងពង្រីកមហិច្ឆតាកាន់តែធំ ដើម្បីចាប់យកទីផ្សារលក់រាយ នៅក្នុងប្រទេសកម្ពុជា ហេតុនេះហើយទើបក្រុមហ៊ុនបានកំពុងពង្រីកទីតាំងជាបន្តបន្ទាប់ និងកាន់តែច្រើនថែមទៀត នាពេលខាងមុខ សម្រាប់រាជធានីភ្នំពេញ និងតាមបណ្តាខេត្តសក្តានុពលសេដ្ឋកិច្ចធំៗនៅកម្ពុជា។

បច្ចុប្បន្ន ទីតាំងរបស់ផ្សារទំនើប BigC នេះ បាននិងកំពុងព័ទ្ធរបង ដើម្បីត្រៀមនឹងបើកការដ្ឋានសាងសង់នាពេលឆាប់ៗនេះ។

នៅក្នុងរយៈពេលប៉ុន្មានឆ្នាំចុងក្រោយនេះ ក្រុមហ៊ុនធំៗ របស់ប្រទេសថៃបានពង្រីកទីផ្សារមកកាន់ប្រទេសកម្ពុជា ដើម្បីធ្វើសកម្មភាពពាណិជ្ជកម្ម និងចាប់យកចំណែកទីផ្សារ ពីកំណើននៃអំណាចបញ្ជាទិញរបស់ប្រជាជនកម្ពុជា បន្ទាប់ពីប្រទេសមួយនេះបានក្លាយជាប្រទេសមានប្រាក់ចំណូលមធ្យមកម្រិតទាបនៅឆ្នាំ២០១៦កន្លងមក។

ផ្សារទំនើប ដែលមានវត្តមាននៅក្នុងប្រទេសកម្ពុជា រួមមាន ផ្សារទំនើប 7-Eleven ផ្សារទំនើប BigC ហាងកាហ្វេ Amazon និងប្រេនល្បីៗជាច្រើនទៀត បានចូលមកកាន់កម្ពុជា៕

ដោយ៖ លាងហួរ

ប្រទេសចិន៖ ប្រទេសចិនបានបន្តនាំចូលប្រេងឆៅថោកៗពីរុស្សី នៅក្នុងខែមិថុនា ដោយបានបន្ធូរបន្ថយការនាំចូលប្រេងឆៅសរុបរបស់ខ្លួនពីមជ្ឈិមបូព៌ា និងអាហ្រ្វិកខាងលិច។

ប្រទេសរុស្ស៊ីនៅតែជាអ្នកផ្គត់ផ្គង់កំពូលរបស់ចិនសម្រាប់២ខែជាប់ៗគ្នា ដោយវ៉ាដាច់អារ៉ាប៊ីសាអូឌីត នេះបើយោងតាមអ្នកឯកទេសតាមដាននាវាដឹកប្រេង Vortex Kpler និង Refinitiv។

ប្រទេសចិន គឺជាប្រទេសនាំចូលប្រេងឆៅលំដាប់កំពូលរបស់ពិភពលោក ហើយប្រេងរបស់រុស្ស៊ីបានជួយឱ្យការចំណាយរបស់ក្រុមហ៊ុនចម្រាញ់ប្រេងរបស់ចិនធ្លាក់ចុះ  ខណៈប្រាក់ចំណេញរបស់ក្រុមហ៊ុនផលិតទាំងនោះត្រូវបានកាត់បន្ថយ ដោយសារការថយចុះនៃតម្រូវការ ដែលបណ្តាលមកពីការរឹតបន្តឹងរបស់ទីក្រុងប៉េកាំងលើការនាំចេញប្រេង ចំពេលមានការព្រួយបារម្ភអំពីកង្វះខាតការផ្គត់ផ្គង់។

អ្នកវិភាគបាននិយាយថា ការនាំចូលប្រេងរបស់រុស្ស៊ី កាលពីខែមិថុនា រួមទាំងការដឹកជញ្ជូនតាមសមុទ្រ និងការផ្គត់ផ្គង់តាមបំពង់បង្ហូរប្រេង ត្រូវបានឱ្យដឹងថា មានសរុបប្រហែល២លានបារ៉ែលក្នុងមួយថ្ងៃ ឬ១៥ភាគរយ នៃតម្រូវការប្រេងឆៅរបស់ប្រទេសចិន ស្មើនឹងបរិមាណកំណត់ត្រា កាលពីខែឧសភា។

បើតាមការប៉ាន់ស្មានរបស់ Refinitiv ការនាំចូលប្រេងសរុបរបស់ប្រទេសចិន ពីប្រទេសអារ៉ាប៊ីសាអូឌីត នៅក្នុងខែមិថុនា ត្រូវបានព្យាករណ៍ថា នឹងធ្លាក់ចុះដល់កម្រិតទាបជិតពីរឆ្នាំគឺ១,៣លានបារ៉ែល ក្នុងមួយថ្ងៃ។

ក្រុមហ៊ុនវិភាគ បានឱ្យដឹងថា ការនាំចេញរបស់រុស្ស៊ីតាមសមុទ្រ ត្រូវបានគេប៉ាន់ប្រមាណថា មានចន្លោះពី១,០៤ ទៅ១,១៥លានបារ៉ែលក្នុងមួយថ្ងៃ កាលពីខែមុន ធៀបនឹងកម្រិតខ្ពស់បំផុត ក្នុងខែឧសភានៅប្រហែល១,១លានបារ៉ែល ក្នុងមួយថ្ងៃ។

ពាណិជ្ជករពីររូប ដែលមានចំនេះដឹងខាងផ្នែកពាណិជ្ជកម្ម បាននិយាយថា ប្រទេសចិនគ្រោងនឹងនាំចូលប្រេងពីរុស្ស៊ីប្រមាណ៨៨០.០០០ក្នុងមួយថ្ងៃ តាមរយៈបំពង់បង្ហូរប្រេង នៅមហាសមុទ្រស៊ីបេរី-ប៉ាស៊ីហ្វិកខាងកើត (ESPO) និងបំពង់បង្ហូរប្រេងកាហ្សាក់ស្ថាន-ចិន ក្រោមកិច្ចព្រមព្រៀងរបស់រដ្ឋាភិបាល  ដោយគម្រោងទាំងបីនឹងត្រូវបូមប្រេង ក្នុងអត្រាអតិបរមា។

ទន្ទឹមនឹងនេះ ប្រទេសឥណ្ឌា ដែលជាប្រទេសនាំចូលប្រេងឆៅធំជាងគេទី៣របស់ពិភពលោក និងជាមហាអំណាចសេដ្ឋកិច្ចអាស៊ី បានបង្កើនការនាំចូលប្រេងពីរុស្ស៊ី ចាប់តាំងពីខែឧសភាដូចគ្នា៕

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថាកម្ពុជានិងឡាវគប្បីដាក់ចេញនយោបាយជួយគ្នា និងបំពេញឱ្យគ្នាទៅវិញទៅមក ដើម្បីផលប្រយោជន៍រវាងប្រទេសទាំងពីរ។

សម្តេចតេជោ ហ៊ុន សែន បានលើកឡើងបែបនេះក្នុងពេលអនុញ្ញាតឱ្យលោក សាលើមសៃ គុំម៉ាស៊ីត ឧបនាយករដ្ឋមន្ត្រី រដ្ឋមន្ត្រីការបរទេសឡាវ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី០៧ ខែកក្កដា ឆ្នាំ២០២២។

លោក សាលើមសៃ គុំម៉ាស៊ីត អញ្ជើញមកកាន់ប្រទេសកម្ពុជានាពេលនេះ ដើម្បីធ្វើជាសហប្រធានជាមួយលោកឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេសកម្ពុជា ដឹកនាំកិច្ចប្រជុំលើកទី១៤ នៃគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី (14th JCBC) កម្ពុជា និងឡាវ។ កិច្ចប្រជុំនេះ គឺជាកិច្ចប្រជុំដ៏មានសារៈសំខាន់មួយក្នុងការពង្រឹងនូវកិច្ចសហប្រតិបត្តិការទាំងឡាយរវាងកម្ពុជា និងឡាវ។

នៅមុនកិច្ចប្រជុំគណៈកម្មការចម្រុះសម្រាប់កិច្ចសហប្រតិបត្តិការទ្វេភាគី (14th JCBC) កម្ពុជា និងឡាវចាប់ផ្តើមនោះ លោក បានគោរពសុំអនុសាសន៍ណែនាំពីសម្ដេចតេជោ ធ្វើយ៉ាងណាឱ្យទំនាក់ទំនង និងកិច្ចសហប្រតិបត្តិការរវាងប្រទេសទាំងពីរកាន់តែប្រសើរឡើងថែមទៀត។

តបតាមសំណើនេះ ទើបសម្តេចតេជោ បានចង្អុលបង្ហាញថា កិច្ចសហប្រតិបត្តិការទ្វេភាគីកម្ពុជា-ឡាវ គប្បីរួមគ្នាវាយតម្លៃ និងដាក់ចេញនូវនយោបាយជួយគ្នាទៅវិញទៅមក និងបំពេញឱ្យគ្នាទៅវិញទៅមក ដើម្បីផលប្រយោជន៍ប្រទេសទាំងពីរ។

បើតាមលោក អ៊ាង សុផល្លែ ជំនួយការសម្ដេចតេជោ បានឱ្យដឹងថា លោក សាលើមសៃ បានគោរពនាំនូវការផ្តាំផ្ញើសួរសុខទុក្ខពីលោកប្រធានាធិបតី និងនាយករដ្ឋមន្ត្រីឡាវ ជូនដល់សម្ដេចតេជោ ហើយបានសម្ដែងការអបអរសាទរជូនសម្ដេចតេជោ និងគណបក្សប្រជាជនកម្ពុជា ដែលទទួលបានជោគជ័យយ៉ាងត្រចះត្រចង់នៃការបោះឆ្នោតជ្រើសរើសក្រុមប្រឹក្សាឃុំសង្កាត់កន្លងមក។ លទ្ធផលនៃការបោះឆ្នោត គឺឆ្លុះបញ្ចាំងនូវជំនឿចិត្តរបស់ប្រជាជនលើការដឹកនាំនយោបាយដ៏ត្រឹមត្រូវរបស់សម្ដេចតេជោ។

លោក សាលើមសៃ ក៏បានសម្ដែងនូវការអបអរសាទរជូនសម្ដេចតេជោ ដែលដឹកនាំអាស៊ាន ទទួលបានជោគជ័យ ហើយប្រទេសឡាវ ប្ដេជ្ញាគាំទ្រកម្ពុជា ក្នុងការដឹកនាំជាប្រធានអាស៊ាន ជាពិសេសវិធានការរបស់កម្ពុជា ក្នុងការស្វែងរកដំណោះស្រាយលើបញ្ហាប្រទេសមីយ៉ាន់ម៉ា។

ក្នុងឱកាសនោះដែរ លោក សាលើមសៃ បានថ្លែងអំណរគុណយ៉ាងជ្រាលជ្រៅជាទីបំផុតជូនចំពោះសម្ដេចតេជោ រាជរដ្ឋាភិបាលកម្ពុជា ដែលបានបន្តជួយដល់ប្រទេសឡាវ ក្នុងការទប់ស្កាត់ការរីករាលដាលជំងឺកូវីដ១៩ និងវិស័យដទៃទៀត៕