ដោយៈសុផារី

ភ្នំពេញៈ រាជរដ្ឋាភិបាលកម្ពុជា សម្រេចបន្ដលើកលែងពន្ធប្រថាប់ត្រា ចំពោះអចលនទ្រព្យ ដែលមានតម្លៃស្មើ ឬទាបជាង៧ម៉ឺនដុល្លារបន្ថែម១ឆ្នាំទៀត ដល់ដំណាច់ខែធ្នូ ឆ្នាំ២០២២។ នេះបើយោងតាមសេចក្ដីជូនដំណឹង របស់អគ្គនាយកដ្ឋានពន្ធដារ ចុះថ្ងៃទី២២ ខែមេសា ឆ្នាំ២០២២ និងបានចេញផ្សាយនៅក្នុងថ្ងៃនេះ។

យោងតាមសេចក្ដីជូនដំណឹងបានឱ្យដឹងថា “អនុលោមតាមក្របខណ្ឌយុទ្ធសាស្ត្រ និងកម្មវិធីស្តារ និងជំរុញកំណើនសេដ្ឋកិច្ចកម្ពុជា ក្នុងការរស់នៅជាមួយគ្នាកូវីដ១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣ របស់រាជរដ្ឋាភិបាល និងផ្នែកតាមចំណារដ៏ខ្ពង់ខ្ពស់ របស់សម្តេចតេជោនាយករដ្ឋមន្ត្រី រាជរដ្ឋាភិបាលសម្រេច បន្តលើកលែងពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅដ្ឋានគ្រប់ប្រភេទ) ដែលមានតម្លៃស្មើ ឬទាបជាង៧ម៉ឺនដុល្លារអាមេរិក ដល់ដំណាច់ខែធ្នូ ឆ្នាំ២០២២”។

ការលើកលែងពន្ធប្រថាប់ត្រា លើការផ្ទេរកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅដ្ឋានគ្រប់ប្រភេទ) តាមលក្ខខណ្ឌដូចខាងក្រោម ទី១ ការទទួលកម្មសិទ្ធិ ឬសិទ្ធិកាន់កាប់អចលនទ្រព្យ ដែលមានតម្លៃស្មើ ឬទាបជាង៧ម៉ឺនដុល្លារអាមេរិក តាមតម្លៃទីផ្សារជាក់ស្តែង ដែលមានចែងនៅក្នុងកិច្ចសន្យាទិញ-លក់ ចាប់ពីថ្ងៃទី២៥ ខែកុម្ភៈ ឆ្នាំ២០២០ ដល់ថ្ងៃទី៣១ ខែធ្នូ ឆ្នាំ២០២២ និងមកធ្វើការប្រកាសបង់ពន្ធប្រថាប់ត្រា ក្នុងអំឡុងពេលនេះ។

ទី២ ការទទួលកម្មសិទ្ធិ ឬសិទ្ធិកាន់កាប់អចលនទ្រព្យ (លំនៅដ្ឋានគ្រប់ប្រភេទ) ពីក្រុមហ៊ុនអភិវឌ្ឍន៍លំនៅដ្ឋាន ដែលបានចុះបញ្ជីនៅក្រសួងសេដ្ឋកិច្ច និងហិរញ្ញវត្ថុកន្លងមក ឬបច្ចុប្បន្នទៅជានិយ័តករអាជីវកម្មអចលនវត្ថុ និងបញ្ចាំ ឬទៅតាមមន្ទីរសេដ្ឋកិច្ច និងហិរញ្ញវត្ថុ។

ទី៣ ក្រុមហ៊ុនអភិវឌ្ឍន៍លំនៅដ្ឋានទាំងអស់ ត្រូវធ្វើកិច្ចសន្យាទិញ-លក់ឱ្យបានត្រឹមត្រូវ ដោយផ្អែកលើតម្លៃទីផ្សារជាក់ស្តែង។ ក្នុងករណីចាំបាច់ អគ្គនាយកដ្ឋានពន្ធដារ អាចនឹងធ្វើការត្រួតពិនិត្យឡើងវិញ ចំពោះក្រុមហ៊ុនអភិវឌ្ឍន៍លំនៅដ្ឋាន ដែលបានឆ្លៀតឱកាសបន្ថយតម្លៃទិញលក់ ខុសពីទីផ្សារជាក់ស្តែង ធ្វើឱ្យប៉ះពាល់ដល់ចំណូលពន្ធដារ។

កាលពីខែកុម្ភៈ ឆ្នាំ២០២០កន្លងទៅសម្តេចតេជោហ៊ុន សែន បានប្រកា​សលើកលែងពន្ធប្រថាប់ត្រា សម្រាប់ផ្ទះស្មើ ឬក្រោមតម្លៃ៧ម៉ឺនដុល្លារ រយៈពេល១ឆ្នាំនេះអនុវត្តន៍ចាប់ខែកុម្ភៈ ឆ្នាំ២០២០ ដល់ខែមករា ឆ្នាំ២០២១។ ប៉ុន្តែនៅពេលនេះ សម្តេចតេជោ ហ៊ុន សែន បានសម្រេចបន្តអនុគ្រោះរយៈពេល១ឆ្នាំថែមទៀត រហូតដល់ដំណាច់ឆ្នាំ២០២២៕

   ដោយៈគង់ សូរិយា

        ភ្នំពេញៈ អគ្គនាយកនៃអគ្គនាយកដ្ឋានពន្ឋដា លោកគង់ វិបុលបានមានប្រសាសន៍ឲ្យដឹងថា អគ្គនាយកដ្នានពន្ធដារ បាននិងកំពុងរៀបចំនិតីវិធីបោះពុម្ភវិក្កយបត្ពន្ធអលចនទ្រព្យប្រចាំឆ្នាំ បញ្ជូនទៅដល់ផ្ទះរៀងរាល់ឆ្នាំ ដើម្បីក្រើនរំលឹកដល់អ្នកជាប់ពន្ធ។

និតោវិធីនេះ ជាផ្នែកមួយនៃការបង្កើនប្រសិទ្ធភាព ប្រមូលពន្ធអលចនទ្រព្យនៅកម្ពុជា។

រដ្ឋមន្រ្តីប្រតិភូអមនាយករដ្ឋមន្រ្តី និងជាអគ្គនាយកពន្ឋដារូបនេះបានមានប្រសាសន៍ឲ្យដឹងទៀតថា “ខ្ញុំកំពុងតែណែនាំឱ្យអង្គភាពក្រោមឱវាទពន្ធដារ ធ្វើការបោះពុម្ពវិក្កយបត្រ អចលនទ្រព្យ ហើយផ្ញើជូនទៅលំនៅដ្ឋានរៀងៗខ្លួន ដូចវិក័្កយប័ត្រទឹក និងភ្លើង ដើម្បីកុំឱ្យភ្លេចបង់ពន្ធជូនរដ្ឋ”។

ជាមួយគ្នានេះ លោកបានឲ្យដឹងផងដែរថា ក្នុងករណីមន្ត្រីពន្ធដារកមិនឃើញផ្ទះអ្នកជាប់ពន្ធ ក៏ស្នើឱ្យសាលាសង្កាត់ និងខណ្ឌ សហការជួយរកលំនៅដ្ឋានរបស់អ្នកជាប់ពន្ធនោះផងដែរ។

ក្នុងរយៈពេលត្រីមាសទី១នេះ ចំណូលពន្ធសរុបមានដល់១២៦៣ លានដុល្លារអាមេរិក ដែលក៏កើនឡើងជាង២២ភាគរយ បើធៀបរយៈពេលដូចគ្នាឆ្នាំមុន៕

ក្នុងនោះ ចំណូលពន្ធប្រថាប់ត្រា លើការផ្ទេរកម្មសិទ្ធិអចលនទ្រព្យ ក្នុងត្រីមាសទី១ ឆ្នាំ ២០២២ នេះ មានសរុប២២៦ប៊ីលានរៀល ឬ ៥៥,៧លានដុល្លារ ដែលកើន៣៥%។ (អានបន្ថែម)

USA: The Arlington County Board gave unanimous approval Saturday to Amazon’s plans to build a unique, helix-shaped tower as the centerpiece of its emerging second headquarters in Northern Virginia.

Amazon announced the plans in February 2021 for the eye-catching, 350-foot tower to anchor the second phase of its redevelopment plans. The new office towers will support a second headquarters for Amazon that is expected to welcome more than 25,000 workers when it’s complete.

The helix is one of several office towers granted approval, but the helix stands out. The spiral design features a walkable ramp wrapping around the building with trees and greenery planted to resemble a mountain hike.

Amazon has said the building is designed to help people connect to nature, and the outdoor mountain climb will be open to the public on weekends.

Tech and corporate workers: Amazon to allow employees to work remotely indefinitely

Since then, the plans have gone through the famously thorough review process of Arlington County, including numerous public hearings. Earlier this month, the county planning commission voted 9-0 to support the project.

On Saturday, the County Board voted 5-0 to approve the plans. The plans include park space and will accommodate a community high school and ground-level retail.

Amazon has said it hopes to complete the project in 2025. Because skyscrapers are banned in the District of Columbia and the Amazon buildings will be among the tallest in Arlington County, from some vantage points the helix will dominate the region’s skyline like no building other than the Washington Monument.

Source: USA Today

ដោយ៖ សុខុម

វ៉ាស៊ីនតោន: ក្រុមហ៊ុនបច្ចេកវិទ្យាខ្នាតយក្ស Amazon ទទួលបានភ្លើងខៀវ សម្រាប់ការចាប់ផ្ដើមសាងសង់អគារការិយាល័យកណ្ដាលថ្មីរបស់ខ្លួន ដែលមានរូបរាងចម្លែកគ្មានពីរនៅរដ្ឋ Virginia សហរដ្ឋអាមេរិក។

យោងតាមសារព័ត៌មាន KCCI News ចុះផ្សាយកាលពីថ្ងៃអង្គារ ទី២៦ ខែមេសា ឱ្យដឹងថា អគារដែលមានរាងគូទខ្យងចម្លែកខុសគេគ្មានពីរនេះ ពិតជាគួរឱ្យចាប់អារម្មណ៍ខ្លាំងមែនទែន ប៉ុន្តែទន្ទឹមនេះក៏ផ្ទុះការសើចចំអកពេញបណ្ដាញអ៊ីនធឺណិតផងដែរដោយសារតែរូបរាងរបស់វា។

ប្លង់អគារការិយាល័យកណ្ដាលថ្មីរបស់ក្រុមហ៊ុន Amazon ដែលគ្រោងនឹងសាងសង់នៅវ៉ាស៊ីនតោន ឌីស៊ី នេះគឺជាគំនិតច្នៃប្រឌិតរបស់ក្រុមអ្នកឌីហ្សាញរបស់ក្រុមហ៊ុននេះផ្ទាល់តែម្ដង។

អគារនេះមានរចនាប័ទ្មជារង្វង់មូលកួចពីក្រោមឡើងទៅលើ ដែលមិនខុសពីគូទខ្យងនោះឡើយ ហើយគែមនៃរង្វង់ខាងក្រៅដែលព័ទ្ធពីក្រោមទៅដល់កំពូល គឺមានផ្លូវដែលអាចដើរបាន និងហ៊ុមព័ទ្ធដោយដើមឈើ និងរុក្ខជាតិបៃតង។

ក្រោយការសាងសង់បញ្ចប់ជាស្ថាពរ អគារដ៏ចម្លែកនេះនឹងបើកទទួលស្វាគមន៍សាធារណជន២ដងក្នុង១ខែ ដើម្បីឱ្យពួកគេមានឱកាសបានគយគន់ភាពស្រស់ស្អាតនៃរចនាប័ទ្មផ្នែកខាងក្រៅ។

យោងតាមសារព័ត៌មាន USA Today ដែលបានចុះផ្សាយកាលពីថ្ងៃច័ន្ទ ទី២៥ ខែមេសា ឱ្យដឹងថា ក្រុមហ៊ុន Amazon បានប្រកាសប្លង់អគារដ៏ចម្លែកកម្ពស់១០៧ម៉ែត្រនេះកាលពីខែកុម្ភៈ ឆ្នាំ២០២១ ហើយវានឹងមានសមត្ថភាពផ្ទុកបុគ្គលិកធ្វើការបានជាង២៥.០០០នាក់។

ក្រុមហ៊ុន Amazon និយាយថា ខ្លួនរំពឹងថា គម្រោងនេះនឹងត្រូវសាងសង់បញ្ចប់ជាស្ថាពរនៅក្នុងឆ្នាំ២០២៥។ ទោះជាយ៉ាងណា ក្រុមហ៊ុននេះមិនបានបញ្ជាក់ពីទំហំទុនវិនិយោគលើសំណង់អគារនេះទេ៕

ដោយ៖ សុផារី

ភ្នំពេញ៖  ការវិនិយោគរបស់បរទេស ត្រូវបានរំពឹងថា ចាប់ផ្តើមមានសញ្ញាប្រសើរឡើងវិញបណ្តើរៗ ក្រោយមានការបន្ធូរបន្ធយលក្ខខណ្ឌធ្វើដំណើរចូលមកកាន់ប្រទេសកម្ពុជា ជាបន្តបន្ទាប់។ ស្របពេលជាមួយគ្នានេះ នៅតាមបណ្តាប្រទេសវិនិយោគធំៗ នៅមិនទាន់មានការបើកចំហរសេដ្ឋកិច្ច និងលក្ខខណ្ឌនៃការធ្វើដំណើរចេញចូលនៅបន្តមានការរឹតត្បឹតយ៉ាងខ្លាំង។

ការណ៍នេះ ចង់ឬមិនចង់ កម្ពុជានឹងអាចនៅតែបន្តប្រឈមនឹងអត្រាទាបនៃលំហូរការវិនិយោគពីបរទេស ដែលជាផ្នែកមួយនឹងជំរុញកំណើនសេដ្ឋកិច្ចប្រទេសកម្ពុជាផងដែរ។ ដូច្នេះ តើបរិយាកាសវិនិយោគផ្ទាល់របស់បរទេសនៅក្នុងប្រទេសកម្ពុជានៅតែបន្តមានភាពរឹងមាំពិតឬទេ?

របាយការណ៍រួមគ្នារបស់ក្រុមប្រឹក្សាអភិវឌ្ឍន៍កម្ពុជា និងធនាគារជាតិនៃកម្ពុជា ចេញផ្សាយនៅថ្ងៃទី២៥ ខែមេសា ឆ្នាំ២០២២នេះ បានបង្ហាញថា គិតត្រឹមចុងឆ្នាំ២០២១ វិនិយោគផ្ទាល់បរទេសនៅកម្ពុជានៅបន្តមានភាពរឹងមាំ។

របាយការណ៍នេះបានឱ្យដឹងថា អត្រាការវិនិយោគផ្ទាល់ពីបរទេសមកកាន់ប្រទេសកម្ពុជា មានចំនួន១៦៨,៨ពាន់ពាន់លាន​រៀល (ត្រូវជា៤១,៧៨ពាន់លានដុល្លារអាមេរិក) បានកើនឡើង១១,២ភាគរយ ធៀបនឹងចុងឆ្នាំ២០២០ ដែលគាំទ្រដោយវិនិយោគពីបណ្តាប្រទេសមួយចំនួន ក្នុងវិស័យហិរញ្ញវត្ថុមានចំនួន២២,៩ភាគរយ កម្មន្តសាល ២០,៨ភាគរយ អចលនទ្រព្យ ១២ភាគរយ សណ្ឋាគារនិងភោជនីយដ្ឋាន ១០,៧ភាគរយ កសិកម្ម ១០,៣ភាគរយ និងសំណង់ ៦,២ភាគរយ។

ប្រទេសវិនិយោគធំបំផុតគឺ ប្រទេសចិន វិនិយោគក្នុងទុនសរុបចំនួន៧៤ពាន់ពាន់លានរៀល (៤៣,៩ភាគរយ) កូរ៉េខាងត្បូងក្នុងទុនសរុបចំនួន២០,១ពាន់ពាន់លានរៀល (១១,៩ភាគរយ)  វៀតណាមក្នុងទុនសរុបចំនួន១០,២ពាន់ពាន់លានរៀល (៦,១ភាគរយ) សិង្ហបុរីក្នុងទុនសរុបចំនួន១០,៩ពាន់ពាន់លានរៀល (៦,៥ភាគរយ) ជប៉ុន ក្នុងទុនសរុបចំនួន១០ពាន់ពាន់លានរៀល (៥,៩ភាគរយ) និងម៉ាឡេស៊ី ក្នុងទុនសរុបចំនួន៧,៨ពាន់ពាន់លានរៀល (៤,៦ភាគរយ)។

ជុំវិញបញ្ហាការទាក់ទាញវិនិយោគបរទេស លោកបណ្ឌិត គីម ហ៊ាង ប្រធាន KW Cambodia និងជាអ្នកជំនួញអចលនទ្រព្យជើងចាស់មួយរូប បានលើកឡើងនៅថ្ងៃទី២៥ ខែមេសានេះថា ប្រទេសកម្ពុជាមានចំណុចល្អៗជាច្រើន ដែលអាចលើកយកមកនិយាយផ្សព្វផ្សាយ ដើម្បីជម្រុញការវិនិយោគបន្ថែមមកកាន់ទឹកដីរបស់យើង ប៉ុន្តែមានចំណុចមួយ ដែលប្រទេសកម្ពុជានៅមានភាពខ្វះខាត នោះគឺ “ការធ្វើទីផ្សារ”ដែលនឹងជំរុញកេរ្តិ៍ឈ្មោះប្រទេសនៅក្នុងផ្លូវវិជ្ជមានឱ្យពិភពលោកបានស្គាល់។

លោកឧកញ៉ាថ្លែងថា “បើនិយាយពីកម្ពុជា យើងអាចលើកយកនូវចំណុចល្អជាច្រើន កម្ពុជាជាប្រទេសប្រជាធិបតេយ្យ សេដ្ឋកិច្ចកម្ពុជារីកចម្រើនក្នុងអត្រា៧ភាគរយក្នុង រយៈពេល៧ឆ្នាំចុងក្រោយ ប្រជាជនកម្ពុជាវ័យក្មេងស្ទើរតែ៧០ភាគរយ កម្ពុជាមានសណ្ឋានដីល្អ មានច្បាប់ទម្លាប់ល្អ ច្បាប់វិនិយោគដ៏ល្អ ដែលសម្រួលដល់ការវិនិយោគរកស៊ីរបស់បរទេសនៅក្នុងប្រទេសកម្ពុជា ប្រទេសកម្ពុជាជាប្រទេសដែលមានប្រជាជនរួសរាយរាក់ទាក់”។

លោក W. Patrick Murphy ឯកអគ្គរដ្ឋទូតសហរដ្ឋអាមេរិកប្រចាំកម្ពុជា នៅថ្ងៃទី២៦ ខែមេសានេះ បានមានប្រសាសន៍ទាក់ទងនឹងការវិនិយោគដោយផ្ទាល់របស់វិនិយោគិនអាមេរិក ដែលជាមហាអំណាចសេដ្ឋកិច្ចទី១ នៅក្នុងពិភពលោកថា ប្រទេសកម្ពុជា គឺជាទីផ្សារដ៏ល្អមួយ មានកម្លាំងពលកម្មដែលជាយុវជនច្រើន។

ឆ្លើយតបនឹងសំណួរថា តើបច្ចុប្បន្ននេះ សហរដ្ឋអាមេរិកចាត់ទុកថា កម្ពុជាជាប្រទេសមួយដែលមានបរិយាកាសវិនិយោគល្អដែរឬទេ លោកឯកអគ្គរដ្ឋទូតសហរដ្ឋអាមេរិកបានអះអាងថា “សហរដ្ឋអាមេរិកមានក្រុមប្រឹក្សា ដែលត្រួតពិនិត្យទៅលើលក្ខខណ្ឌ ថាតើប្រទេសកម្ពុជាមានសក្តានុពលកម្រិតណា?”។

លោកអះអាងថា “យើងមើលឃើញថា ទីផ្សារកម្ពុជាមានការរីកចម្រើនខ្ពស់។ វិនិយោគិនអាមេរិកបាននិងកំពុងមើលឃើញសក្តានុពល និងបាននាំចូលមកនូវទុនវិនិយោគបន្ថែមទៀត មកកាន់ប្រទេសកម្ពុជា។ ជាក់ស្តែង ក្រុមហ៊ុន កូកាកូឡា ក្រុមហ៊ុន Ford ដែលនឹងបើករោងចក្រតំឡើងរថយន្តនៅក្នុងខេត្តពោធិ៍សាត់ ក្រុមហ៊ុន Crown Factory ដែលនាំចូលការផលិតដប ជាដើម”។

ដើម្បីជម្រុញការវិនិយោគរបស់វិនិយោគិនអាមេរិកមកកម្ពុជាបន្ថែមទៀត លោកបានបញ្ជាក់ថា សហរដ្ឋអាមេរិកក៏ចង់បង្កើនការវិនិយោគមកលើទីផ្សារកម្ពុជា លុះត្រាណាតែប្រជាជនកម្ពុជាគាំទ្រផលិតផលរបស់អាមេរិកផងដែរ។ សព្វថ្ងៃនេះ សហរដ្ឋអាមេរិកបានទទួលទិញទំនិញជាច្រើនពីកម្ពុជា ហើយយើងរំពឹងលើការពង្រីកទីផ្សារបន្ថែមទៀត”។

សម្តេចតេជោ ហ៊ុន សែន កាលពីថ្ងៃទី២៥ ខែមេសានេះ បានថ្លែងថា បរិយាកាសវិនិយោគនៅកម្ពុជា មានភាពល្អប្រសើរ ដោយមូលហេតុសំខាន់ៗ៥ រួមមាន កត្តាសុខសន្តិភាព និងស្ថិរភាព ដែលជាមូលដ្ឋានគ្រឹះសម្រាប់ការវិនិយោគ ច្បាប់វិនិយោគ ដែលផ្ដល់ការងាយស្រួលដល់អ្នកវិនិយោគ ក្បាលម៉ាស៊ីនគ្រប់គ្រងច្រកចេញចូលតែមួយ សម្រាប់ការជួយសម្រួលដល់ការវិនិយោគ លក្ខខណ្ឌមិនតំរូវឲ្យអ្នកវិនិយោគប្រើតែប្រាក់រៀល ដោយអនុញ្ញាតការប្រើប្រាក់ដទៃទៀតដូចជា ប្រាក់ដុល្លារជាដើម និងកម្លាំងពលកម្មវ័យក្មេងច្រើន៕

ដោយ៖ វឌ្ឍនៈ

ភ្នំពេញ ៖ យោងតាមរបាយការណ៍របស់តំបន់សេដ្ឋកិច្ចពិសេសក្រុងព្រះសីហនុ បានឱ្យដឹងថា ចាប់ពីខែមករា ដល់ដំណាច់ខែមីនា ២០២២ ការនាំចេញនាំចូលទំនិញ នៃតំបន់សេដ្ឋកិច្ចពិសេសក្រុងព្រះសីហនុ របស់កម្ពុជាមានទំហំទឹកប្រាក់ជាង៧១០លានដុល្លារអាមេរិក ធៀបនឹងរយៈពេលដូចគ្នានឹងឆ្នាំ២០២១កន្លងទៅមានការកើនឡើងប្រមាណជាង៥០ភាគរយ ។

យោងតាមទិន្នន័យពីអគ្គនាយកដ្ឋានគយ បានឱ្យដឹងថា ក្នុងត្រីមាសទីមួយនៃឆ្នាំ២០២២ទំហំពាណិជ្ជកម្មអន្តរជាតិរបស់កម្ពុជាមានចំនួនជាង១៣ពាន់លានដុល្លារអាមេរិក កើនឡើង៩,១ភាគរយ ធៀបនឹងរយៈពេលដូចគ្នាក្នុងឆ្នាំ២០២១។ ក្នុងនោះ ការនាំចេញរបស់កម្ពុជាមានចំនួន៥,៧១ពាន់លានដុល្លារអាមេរិក កើនឡើង២៥,៧ភាគរយ ការនាំចូលមានចំនួន៧,៤៤ពាន់លានដុល្លារ ធ្លាក់ចុះ០,៩ភាគរយ។

នាពេលបច្ចុប្បន្ននេះ សហគ្រាសចំនួន១៧០ មកពីប្រទេសចិន អឺរ៉ុប អាមេរិក អាស៊ីអាគ្នេយ៍ និងប្រទេស និងតំបន់ផ្សេងទៀតត្រូវបានបញ្ចូលទៅក្នុងតំបន់នេះ បង្កើតការងារបានជិត៣ម៉ឺននាក់។

ក្នុងឆ្នាំ២០២១ ទោះបីជាមានការប្រឈមនឹងបញ្ហានៃការរាតត្បាតនៃជំងឺកូវីដ១៩ក្ដី សហគ្រាសក្នុងតំបន់សេដ្ឋកិច្ចពិសេសក្រុងព្រះសីហនុ សម្រេចបានទំហំនាំចូល និងនាំចេញសរុបចំនួន ២,២៣ពាន់លានដុល្លារអាមេរិក កើនឡើង ៤២,៧៥ភាគរយ ធៀបទៅនឹងឆ្នាំ២០២១កន្លងទៅ។ ការសម្រេចបាននូវការអភិវឌ្ឍយ៉ាងឆាប់រហ័សនេះបានបង្ហាញពីភាពរឹងមាំនៃអាជីវកម្មក្នុងស្រុក ។

គម្រោងផ្លូវល្បឿនលឿនភ្នំពេញ ក្រុងព្រះសីហនុ ដែលជិតរួចរាល់ស្ទើរទាំងស្រុងទៅហើយនោះ នឹងធ្វើឱ្យប៉ូលសេដ្ឋកិច្ច ខេត្តព្រះសីហនុកាន់តែមានសន្ទុះងើបឡើងបន្ថែមទៀត ហើយនឹងអាចទាក់ទាញការវិនិយោគបន្ថែមទៀតទៅកាន់ខេត្តព្រះសីហនុ៕

ដោយ៖ សុខុម

ក្រុងឡុងដ៍: ប្រទេសឥណ្ឌាហាក់មិនខ្វល់សូម្បីតែបន្តិច ចំពោះការអំពាវនាវរបស់លោកខាងលិច ដែលសុំឱ្យដកខ្លួនចេញឆ្ងាយពីរដ្ឋាភិបាលក្រុងមូស្គូ បន្ទាប់ពីរុស្ស៊ីបញ្ឆេះសង្គ្រាមចូលឈ្លានពានអ៊ុយក្រែន ហើយគិតតែសម្ងំសម្រុកបង្កើនការទិញប្រេងពីរុស្ស៊ី រហូតដល់ទ្វេដងបើធៀបនឹងឆ្នាំ២០២១។

មិនតែប៉ុណ្ណោះ រដ្ឋាភិបាលឥណ្ឌាថែមទាំងបានចេញមុខការពារចំណាត់ការទិញប្រេងពីរុស្ស៊ីទៀតផង ដោយលើកឡើងថា អ្វីដែលខ្លួនទិញពីរុស្ស៊ី ក្នុងរយៈពេលមួយខែ គឺមិនស្មើនឹងអ្វីដែលអឺរ៉ុបទិញពីរុស្ស៊ី ក្នុងពេលត្រឹមតែមួយថ្ងៃនោះឡើយ។ នេះបើយោងតាមសារព័ត៌មាន BBC ចុះផ្សាយនៅថ្ងៃពុធ ទី២៧ ខែមេសានេះ។

ហេតុអ្វីឥណ្ឌា សម្រុកទិញប្រេងពីរុស្ស៊ី កាន់តែច្រើន?

វាគ្មានអ្វីចម្លែកទេ នោះគឺរឿងផលចំណេញផ្នែកសេដ្ឋកិច្ច។ ប្រទេសឥណ្ឌា បានសម្ងំសម្រុកទិញប្រេងរុស្ស៊ី ដែលលក់បញ្ចុះតម្លៃថោកៗក្នុងគ្រា ដែលតម្លៃថាមពលទូទាំងពិភពលោកកំពុងហក់ឡើងឥតឈប់ឈរ។ នេះបានសេចក្ដីថា ឥណ្ឌាចំណេញកប់ក្ដោងពីការទិញប្រេងរុស្ស៊ី ហើយក៏ជាការបើកផ្លូវឱ្យរុស្ស៊ីមានដង្ហើមសេដ្ឋកិច្ច ខណៈរុស្ស៊ីទទួលរងទណ្ឌកម្មជុំទិស។

សហរដ្ឋអាមេរិក និយាយអំពីឥណ្ឌាទិញប្រេងរុស្ស៊ីថា ទោះបីជាការនាំចូលប្រេងទាំងនេះមិនបំពានទណ្ឌកម្មក៏ដោយ ក៏ “ការគាំទ្រប្រទេសរុស្ស៊ី គឺស្មើនឹងការគាំទ្រទង្វើឈ្លានពាន ដែលជាក់ស្តែងកំពុងបង្កផលប៉ះពាល់យ៉ាងធ្ងន់ធ្ងរ”។

រដ្ឋមន្ត្រីការបរទេសអង់គ្លេស លោក Liz Truss ក៏បានជំរុញឱ្យឥណ្ឌាកាត់បន្ថយការពឹងផ្អែករបស់ខ្លួនលើរុស្ស៊ីផងដែរ អំឡុងដំណើរទស្សនកិច្ចទៅកាន់ក្រុងដេលី កាលខែមីនា ដែលបានកើតឡើងក្នុងពេលដំណាលគ្នានឹងដំណើរទស្សនកិច្ចរបស់រដ្ឋមន្ត្រីការបរទេសរុស្ស៊ី លោក Sergei Lavrov។

លោក Sergei Lavrov បានប្រាប់សមភាគីឥណ្ឌាថា រុស្ស៊ីមានឆន្ទៈចង់ពិភាក្សាអំពីទំនិញ ដែលឥណ្ឌាចង់ទិញ ហើយបានជំរុញឱ្យទូទាត់ថ្លៃទំនិញជារូបិយប័ណ្ណ Rouble របស់រុស្សី។

បន្ទាប់ពីសហរដ្ឋអាមេរិក និងប្រទេសចិន ឥណ្ឌាគឺជាអ្នកប្រើប្រាស់ប្រេងធំជាងគេបំផុតទី៣ របស់ពិភពលោក ដោយ៨០%នៃតម្រូវការសរុបរបស់ខ្លួនត្រូវបានពីការនាំចូល។

ទោះជាយ៉ាងណា ក្នុងឆ្នាំ២០២១ ក្នុងចំណោមការនាំចូលប្រេងសរុបរបស់ខ្លួន គឺមានតែប្រមាណ២%ប៉ុណ្ណោះដែលនាំចូលពីប្រទេសរុស្ស៊ី។ នេះបើយោងតាមក្រុមសិក្សាស្រាវជ្រាវអំពីទំនិញ Kpler៕

ដោយ៖ វឌ្ឍនៈ

ភ្នំពេញ៖ សម្ដេចតេជោ ជំរុញឱ្យមានការកែប្រែតំបន់ធ្លាប់ប្រយុទ្ធគ្នា ឬតំបន់សមរភូមិក្ដៅ ឱ្យទៅជាតំបន់អភិវឌ្ឍន៍ តំបន់សេដ្ឋកិច្ចពិសេស នៅតាមព្រំដែនកម្ពុជា-វៀតណាម។ ការបញ្ជាក់នេះធ្វើឡើងនៅក្នុងជំនួបជាមួយ សមាជិកការិយាល័យនយោបាយបក្សកុម្មុយនីស្ដវៀតណាម នៅព្រឹកថ្ងៃទី ២៧ មេសា នៅវិមានសន្តិភាព។

សម្តេចតេជោ ហ៊ុន សែន បានមានប្រសាសន៍ថា ទំហំពាណិជ្ជកម្មរវាងប្រទេសទាំងពីរ មានការកើនឡើងលើសផែនការរាប់ពាន់លានដុល្លារ។ យើងត្រូវតែយកចិត្តទុកដាក់បន្ថែមទៀត ក្នុងការជំរុញកិច្ចសហប្រតិបត្តិការក្នុងវិស័យសេដ្ឋកិច្ច ពាណិជ្ជកម្ម កែប្រែតំបន់ធ្លាប់ប្រយុទ្ធគ្នា ឱ្យទៅជាតំបន់អភិវឌ្ឍន៍ តំបន់សេដ្ឋកិច្ចពិសេស និងពាណិជ្ជ កម្មបន្ថែមទៀត រួមជាមួយនឹងការពិនិត្យមើលអ្វី ដែលរដ្ឋធានីហាណូយ និងរាជធានីភ្នំពេញ អាចធ្វើការរួមគ្នាបន្តទៀត។

លោក ឌិញ ទៀនហ្ស៊ុង បានវាយតម្លៃខ្ពស់ចំពោះការចាត់វិធានការទប់ស្កាត់ការរីករាលដាលជំងឺកូវីដ១៩ របស់កម្ពុជា ហើយក៏បានគោរពរាយការណ៍ជូនសម្តេចតេជោ អំពីស្ថានភាពកូវីដ១៩ នៅរដ្ឋធានីហាណូយ ជាមួយស្ថានភាពសេដ្ឋកិច្ច ទិសដៅអភិវឌ្ឍន៍របស់រដ្ឋធានី និងការប្ដេជ្ញាចិត្តពង្រឹងពង្រីកកិច្ចសហប្រតិបត្តិការរវាងរដ្ឋធានីហាណូយនិងរាជធានីភ្នំពេញ ពង្រីក ពង្រឹងមិត្តភាពនៃការអនុវត្តឲ្យទទួលបានជោគជ័យ នៅលើសេចកីថ្លែងការណ៍ កិច្ចព្រមព្រៀងនិងរាល់សេចក្ដី សម្រេចទាំងឡាយរបស់ថ្នាក់ដឹកនាំទាំងពីរ៕

ដោយ៖ សុផារី

ភ្នំពេញ៖ ប្រទេសកម្ពុជា និងម៉ាល់ឌីវ បានពិភាក្សាគ្នាលើការបង្កើនកិច្ចសហប្រតិបត្តិការលើវិស័យទេសចរណ៍ ការតភ្ជាប់ជើងហោះហើរ ដើម្បីជំរុញកំណើនភ្ញៀវទេសចរ និងការជួយគាំទ្រគ្នាទៅវិញទៅមកក្នុងកម្រិតទេសចរណ៍អន្តរជាតិ ជាពិសេសក្នុងក្របខ័ណ្ឌអង្គការទេសចរណ៍ពិភពលោក ព្រមទាំងដើម្បីបើកផ្លូវឱ្យកាន់តែទូលំទូលាយថែមទៀត ក្នុងការពង្រឹង និងពង្រីកកិច្ចសហប្រតិបត្តិការទេសចរណ៍រវាងប្រទេសទាំងពីរផងដែរ។

ភាគីទាំងពីរ ក៏បានឯកភាពគ្នារៀបចំឱ្យមានជាសេចក្ដីព្រាងអនុស្សរណៈយោគយល់ស្តីពីកិច្ចសហប្រតិបត្តិការលើវិស័យទេសចរណ៍នៃប្រទេសទាំងពីរ ហើយត្រៀមចុះហត្ថលេខាលើកិច្ចព្រមព្រៀង Air Service Agreement នាពេលខាងមុខដើម្បីបើកផ្លូវឱ្យកាន់តែទូលំទូលាយថែមទៀត ក្នុងការពង្រឹង និងពង្រីកកិច្ចសហប្រតិបត្តិការទេសចរណ៍រវាងប្រទេសទាំងពីរផងដែរ។

ការឯកភាពលើការពង្រឹងកិច្ចសហប្រតិបត្តិការនេះត្រូវបានលើកឡើងក្នុងជំនួបសម្ដែងការគួរសម និងពិភាក្សាការងាររវាងលោក Mohamed Jinah ឯកអគ្គរដ្ឋទូតនៃសាធារណរដ្ឋម៉ាល់ឌីវ ប្រចាំកម្ពុជា ដែលមាននិវេសនដ្ឋាននៅរាជធានីបាងកក ប្រទេសថៃ និងលោក ថោង ខុន រដ្ឋមន្ត្រីក្រសួងទេសចរណ៍ នារសៀលថ្ងៃទី២៦ ខែមេសា។

លោករដ្ឋមន្ត្រី ថោង ខុន បានថ្លែងថា សកម្មភាពសង្គមសេដ្ឋកិច្ច និងវិស័យទេសចរណ៍ក៏បានបើកឡើងវិញនៅក្នុងប្រក្រតីភាពថ្មី និងបន្តវិធានការសុវត្ថិភាពមួយចំនួនផងដែរ។ កម្ពុជាបានទទួលយកភ្ញៀវទេសចរចាក់វ៉ាក់សាំងរួចហើយ ដោយតម្រូវឱ្យមានតែកាតចាក់វ៉ាក់សាំងមកបង្ហាញ គឺអាចចូលទស្សនានៅកម្ពុជាបាន ហើយអាចសុំទិដ្ឋាការនៅពេលមកដល់កម្ពុជា។

លោកបានបន្តថា ស្ថានភាពនេះ គឺមានតែកម្ពុជាទេ ដែលឈានមុខគេក្នុងការបើកទទួលភ្ញៀវទេសចរអន្តរជាតិ ហើយកន្លងមកក៏មានកំណើននូវចំនួនភ្ញៀវទេសចរអន្តរជាតិមកទស្សនានៅកម្ពុជា និងកំណើនទេសចរណ៍ក្នុងស្រុកក៏មានការកើនឡើងផងដែរ ។

លោកមានប្រសាសន៍ថា “ក្រសួងក៏បានស្នើសុំ និងមានការឯកភាពគ្នាភាគីទាំងពីរនេះ គឺធ្វើយ៉ាងម៉េចយើងជំរុញឱ្យមានការហោះហើរទៅវិញទៅមក ទោះបីប្រទេសម៉ាល់ឌីវជាប្រទេសតូចមែន ប៉ុន្តែជាប្រទេសដែលសម្បូរទៅដោយកោះ អញ្ចឹងថ្ងៃក្រោយយើងអាចទៅសិក្សាយកបទពិសោធន៍ពីការអភិវឌ្ឍកោះរបស់ប្រទេសគាត់ មកធ្វើការអភិវឌ្ឍកោះនៅកម្ពុជា”។

ទន្ទឹមនឹងនេះដែរ លោករដ្ឋមន្ត្រីទេសចរណ៍ ក៏បានលើកឡើងអំពីសមិទ្ធផលសំខាន់ៗ ជាពិសេសអំឡុងពេលកូវីដ១៩នេះ នៅឆ្នាំ២០២០ និងឆ្នាំ២០២១ ដោយសង្កត់ធ្ងន់ថា ទោះបីកូវីដ១៩ ប៉ុន្តែរដ្ឋាភិបាលបានអភិវឌ្ឍន៍នូវហេដ្ឋារចនាសម្ព័ន្ធជាច្រើនដើម្បីទ្រទ្រង់ដល់វិស័យទេសចរណ៍ ដូចជាផ្លូវថ្នល់ជាច្រើនខ្សែនៅខេត្តសៀមរាប នៅខេត្តព្រះសីហនុ ដូច្នេះកម្ពុជាត្រៀមខ្លួនរួចជាស្រេចក្នុងការទទួលយកភ្ញៀវទេសចរអន្តរជាតិ៕