TOKYO: Japan’s Honda Motor Co said on Tuesday (Apr 12) it plans to spend US$64 billion on research and development over the next decade, laying out an ambitious target to roll out 30 electric vehicle (EV) models globally by 2030.

Its goals also include producing about 2 million EVs a year by 2030. The strategy marks a push to take ground in the fast-growing market for EVs, where Tesla Inc leads and Japanese automakers risk falling behind traditional European and US rivals.

Honda and other Japanese automakers have long said that even as they go electric, they won’t give up on older, hybrid technology. Proponents of hybrids point to the many markets – especially some emerging markets – where infrastructure to support battery EVs will be a long time coming.

“By no means is this the end of hybrids and the replacement of all hybrids with EVs,” Honda Chief Executive Toshihiro Mibe told the presentation.

“We will develop our current hybrids and use them as a weapon in our business.”

The bulk of the 8 trillion-yen (US$64 billion) investment would be in electrification and software technologies. That includes about 43 billion yen of spending on a demonstration line for the production of solid-state batteries, with the aim of starting that in spring 2024.

Shares of Honda finished up 0.7 per cent at the close of morning trade in Tokyo, outperforming a 1.4 per cent decline in the Nikkei 225 index.

Source: Reuters

    ដោយៈគង់ សូរិយា

        ភ្នំពេញៈ លោកបណ្ឌិតហ៊ុន ម៉ាណែត ប្រធានក្រុមប្រឹក្សាភិបាល សមា​គមគ្រូពេទ្យស្ម័គ្រយុវជនសម្តេចតេជោ បានថ្លែងថា អ្វីៗដែលយើងមានបានមកដល់ពេលបច្ចុប្បន្ននេះ គឺដោយសារសុខសន្តិភាពដែលធ្វើឱ្យយើងមានឱកាសបម្រើប្រជាពលរដ្ឋ។

ការថ្លែងបែបនេះ របស់លោកបណ្ឌិតហ៊ុន ម៉ាណែត បានក្នុងឱកាសដែលលោកបានអញ្ជើញជាអធិបតី ក្នុងពិធីចុះអនុស្សរណៈនៃការយោគយល់ជាមួយសមាគម គ្រូពេទ្យស្ម័គ្រចិត្តយុវជនសម្តេចតេជោ (TYDA) និងធនាគារវីង (ខេមបូឌា) ម.ក ក្នុងគោលបំណងផ្តល់ការគាំទ្របន្ថែមដល់បុព្វហេតុដ៏ថ្លៃថ្លារបស់សមាគម ក្នុងការផ្តល់សេវាព្យាបាលដោយឥតគិតថ្លៃដល់ប្រជាពលរដ្ឋនៅទូទាំងប្រទេសកម្ពុជា ។

អនុស្សរណៈនេះត្រូវចុះហត្ថលេខា ដោយលោកបណ្ឌិត ហ៊ុន ម៉ាណែត និងអ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង ដោយមានវត្តមានរបស់លោកស្រីបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រយុវជនសម្តេចតេជោ និងភ្ញៀវកិត្តិយសជាច្រើនរូបទៀត ។

តាមរយៈអនុស្សរណៈនេះ អ្នកឧកញ៉ាគិត ម៉េង លោកស្រី ម៉ៅ ចំណាន និងក្រុមគ្រួសារ នឹងបរិច្ចាគថវិកាចំនួន ១០០,០០០ដុល្លារ ក្នុងរយៈពេល៥ឆ្នាំ តាមរយៈធនាគារ វីង ដើម្បីគាំទ្រដល់ការងារមនុស្សធម៌របស់សមាគមគ្រូពេទ្យស្ម័គ្រយុវជនសម្តេចតេជោ។

អ្នកឧកញ៉ា គិត ម៉េង បានមានប្រសាសន៍ថា ក្រុមហ៊ុន រ៉ូយ៉ាល់ គ្រុបក៏ដូចជាធនាគារវីង បានជួយលើការងារមនុស្សធម៌ជាច្រើន ជាមួយនឹងរាជរដ្ឋាភិបាលកម្ពុជា ជាមួយសម្ដេចតេ ជោ ហ៊ុន សែន នៅក្នុងវិស័យសុខាភិបាល និងវិស័យផ្សេងៗជាច្រើនទៀត។ សម្រាប់ទិសដៅទៅមុខទៀត ក្រុមហ៊ុន នឹងជំរុញការងារមនុស្សធម៌ ជាមួយនឹងសមាគមគ្រូពេទ្យស្ម័គ្រចិត្តយុវជនសម្ដេចតេជោ (TYDA) ឱ្យកាន់តែរីកចម្រើនបន្ថែមទៀត តាមរយៈការភ្នាក់ងារ wing ទូទាំងប្រទេសដែលមានសាខាចំនួនជាង១ម៉ឺនសាខាបានចូលរួមចំណែក នៅក្នុងសកម្មភាពមនុស្សធម៌នេះផងដែរ។

អ្នកឧកញ៉ាបានបន្ដថា “យើងពិតជាមានសំណាងណាស់ ដែលមានសម្តេចតេជោ ហ៊ុន សែន ជាប្រមុខរាជរដ្ឋាភិបាល បានដាក់ចេញនូវយុទ្ធសា  ស្ត្រជាច្រើនដើម្បីអភិវឌ្ឍន៍គ្រប់វិស័យ រួមទាំងវិស័យទាំងវិស័យសុខាភិបាលពាណិជ្ជកម្មជាដើម”។

អ្នកឧកញ៉ាបានបង្ហាញមោទនភាព និងកោតសរសើរចំពោះសកម្ម​ភាពរបស់សមាគម គ្រូពេទ្យស្ម័គ្រចិត្តយុវជនសម្ដេចតេជោ (TYDA) ដែលក្នុងរយៈពេលកន្លងមកនេះ ជាពិសេសរយ:ពេល២ឆ្នាំចុងក្រោយនេះ ថ្នាក់ដឹកនាំ ក្រុមការងារ និងកម្លាំងស្ម័គ្រចិត្តទាំងអស់នៃសមាគម TYDA បានលះបង់គ្រប់បែបយ៉ាង ខិតខំបម្រើប្រជាពលរដ្ឋដោយមិនគិតពីការនឿយហត់ នៅក្នុងការប្រយុទ្ធប្រឆាំងជំងឺកូវីដ១៩ តាមរយៈការរៀបចំមជ្ឈមណ្ឌលធ្វើចត្តាឡីស័ក ការយកសំណាក ការព្យាបាលអ្នកជំងឺ១៩ ការចាក់វ៉ាក់សាំង និងការងារជាច្រើនទៀតផងដែរ។

លោកបណ្ឌិត ហ៊ុន ម៉ាណែត បានថ្លែងថា នេះគឺជាលើកទីមួយនៃការចុះអនុស្សរណៈអនុស្សរណៈយោគយល់ (MOU) គឺជាពេលវេលាដែលល្អដែលយើងបានធូរស្រាលពីជំងឺកូវីដ១៩ អាចធ្វើឱ្យយើងមានឱកាសពេលវេលារីករាយ ដើម្បីធ្វើការងារមនុស្សធម៌ និងការជួបជុំគ្នាដោយរីករាយក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ។

ប្រធានក្រុមប្រឹក្សាភិបាលសមាគម បានបញ្ជាក់ថា សមាគមគ្រូពេទ្យស្ម័គ្រចិត្តយុវជនសម្តេចជោគ (TYDA) គឺមានគោលការណ៍៣ នៅក្នុងការអនុវត្តកិច្ចការមនុស្សធម៌ ដើម្បីបុព្វហេតុជួយដល់ប្រជាពលរដ្ឋដូចជា ទី១ ការផ្ដល់ផលប្រយោជន៍ជូនប្រជាពលរដ្ឋ តាមរយៈការព្យាបាលឥតគិតថ្លៃ និងបញ្ជូនមកវះកាត់ និងព្យាបាលបន្តនៅរាជធានីភ្នំពេញ ក្រោមការឧបត្ថម្ភថ្លៃថ្លារបស់សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីផ្តល់ក្តីសង្ឃឹម ស្នាមញញឹម និងក្តីសុខរបស់ប្រជាពលរដ្ឋ។

ទី២ ដើម្បីប្រមូលផ្ដុំ និងផ្តល់ឱកាសដល់កម្លាំងស្ម័គ្រចិត្ត ដែលមានជំនាញ ទឹកចិត្ត ឆន្ទៈដើម្បីចូលរួមធ្វើសកម្មភាពមនុស្សធម៌ ដើម្បីបុព្វហេតុសង្គម តាមរយៈការចុះពិនិត្យនិងព្យាបាល ជូនប្រជាពលរដ្ឋដែលគិតថ្លៃនៅទូទាំងប្រទេស និងទី៣ ផ្ដល់លទ្ធភាព ការបណ្ដុះបណ្ដាលសមត្ថភាពដល់សមាជិក និងក្រុមការងារ ដើម្បីអភិវឌ្ឍន៍ខ្លួនឱ្យកាន់តែរីកចម្រើន ក្នុងការយកជំនាញ បច្ចេកទេសព្យាបាលជូនប្រជាពលរដ្ឋ និងចូលរួមអភិវឌ្ឍវិស័យសុខាភិបាលនៅកម្ពុជា។

លោកបណ្ឌិតហ៊ុន ម៉ាណែត បានគូសបញ្ជាក់ថា អ្វីៗដែលយើងមានបានមកដល់ពេលបច្ចុប្បន្ននេះ គឺដោយសារសុខសន្តិភាព ដែលធ្វើឱ្យយើងមានឱកាសបម្រើប្រជាពលរដ្ឋ។ ជាលទ្ធផល គិតដល់ថ្ងៃនេះសមាគមបានពិនិត្យ និងព្យាបាលជំងឺជូនប្រជាពលរដ្ឋក្រីក្រ ទូទាំងប្រទេសបានចំនួន ៣៣៦,៣៥៣នាក់ អ្នកជំងឺធ្ងន់ចំនួន៦,១៥៣នាក់ ត្រូវបញ្ជួនមកព្យាបាលបន្តនៅរាជធានីភ្នំពេញ និងជាមួយដៃគូរសហការនានា នៅក្នុងនោះផងដែរ និងមានអ្នកជំងឺបេះដូងធ្ងន់ធ្ងរចំនួន៥៦នាក់ ត្រូវបានព្យាបាលដោយឥតគិតថ្លៃ​៕

ដោយៈ សុផារី

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានវាយតម្លៃខ្ពស់លើវត្តមានរបស់ឥណ្ឌា ដែលបានចូលរួមចំណែកយ៉ាងសំខាន់ ក្នុងការជួយស្ដារសង្គម-សេដ្ឋកិច្ចកម្ពុជាឡើងវិញ ហើយសម្តេចក៏បានស្នើពង្រឹងទំនាក់ទំនងបន្ថែម ពាក់ព័ន្ធពាណិជ្ជកម្ម ការវិនិយោគ បច្ចេកវិទ្យាព័ត៌មាន ការបន្ធូរបន្ថយលក្ខខណ្ឌធ្វើដំណើរ និងការតភ្ជាប់ជើងហោះហើរត្រង់ និងការជំរុញការអភិវឌ្ឍវិស័យទេសចរណ៍។

សម្ដេចតេជានាយករដ្ឋមន្ត្រី បានថ្លែងនៅក្នុងពិធីប្រគល់និងទទួលអំណោយកសាំងកូវីដ-១៩ ពីប្រជាជន និងរដ្ឋាភិបាលនៃសាធារណរដ្ឋឥណ្ឌា នៅព្រឹកថ្ងៃទី១២ ខែមេសា ឆ្នាំ២០២២នេះ។

សម្តេចតេជោបានសម្តែងនូវអំណរគុណ ដល់សាធារណរដ្ឋឥណ្ឌ ដែលជាមិត្តយល់ចិត្តថ្លើមរបស់កម្ពុជា។ វត្តមានរបស់ឥណ្ឌា តាំងពីឆ្នាំ១៩៨១ ក្រោយការបិទបញ្ចប់របបខ្មែរក្រហម ដែលបានចូលរួមចំណែកយ៉ាងសំខាន់ ក្នុងការជួយស្ដារសង្គម-សេដ្ឋកិច្ចកម្ពុជាឡើងវិញ តាមរយៈជំនួយមនុស្សធម៌ ការជួយគាំទ្រវិស័យពាណិជ្ជកម្ម និងវប្បធម៌ និង ការផ្តល់កម្ចីហិរញ្ញប្បទាន ជាដើម ទាំងក្នុងក្របខណ្ឌទ្វេរភាគី និងពហុភាគី ។

សម្តេចបានលើកឡើងថា ជាលទ្ធផល ទំនាក់ទំនងសង្គម-សេដ្ឋកិច្ច ពាណិជ្ជកម្ម និងការវិនិយោគរវាង កម្ពុជា-ឥណ្ឌា មានការរីកចម្រើនគួរឱ្យកត់សម្គាល់ បើទោះបីជាមានការថមថយបន្តិចបន្តួច ក្នុងអំឡុងពេលមានការឆ្លងរាលដាលនៃជំងឺកូវីដ-១៩ ក៏ដោយ។

ក្នុងបរិការណ៍ដែលការឆ្លងរាលដាលនៃជំងឺកូវីដ-១៩ បានថមថយ និងជារួមដោយយើងបានគ្រប់គ្រង់ ស្ថានការណ៍នៃការឆ្លងរាលដាលបានយ៉ាងល្អប្រសើរ សម្តេចក៏ស្នើលើកទឹកចិត្ត ឱ្យមានការពង្រឹងចំណងមិត្តភាព ការជំរុញកិច្ចសហប្រតិបត្តិការ និងការពង្រឹងទំនាក់ទំនងបន្ថែមទៀតរវាងកម្ពុជា និងសមាជិកនៃគំនិតផ្តួចផ្តើម ចតុភាគី ជាពិសេសរវាងកម្ពុជា-ឥណ្ឌា ពាក់ព័ន្ធពាណិជ្ជកម្ម ការវិនិយោគ បច្ចេកវិទ្យាព័ត៌មាន ការបន្ធូរបន្ថយលក្ខខណ្ឌធ្វើដំណើរ និងការតភ្ជាប់ជើងហោះហើរត្រង់ និងការជំរុញការអភិវឌ្ឍវិស័យទេសចរណ៍៕

ដោយ៖ សូរិយា

ភ្នំពេញ៖ ស្ថានីយរថភ្លើង រ៉ូយ៉ាល់ រៀលវ៉េ ខេមបូឌា នៅថ្ងៃទី១២ ខែមេសា ឆ្នាំ២០២២នេះ បានបើកឱ្យដំណើរការឡើងវិញ ដើម្បីបម្រើឱ្យការដឹកជញ្ជូនអ្នកដំណើរ រវាងក្រុងភ្នំពេញ និងខេត្តគោលដៅចំនួន៦ រួមមាន ខេត្តតាកែវ ពោធិ៍សាត់ បាត់ដំបង កំពត កែប និងខេត្តព្រះសីហនុ។

កញ្ញា សក់ វណ្ណនី អ្នកគ្រប់គ្រងខ្សែអ្នកដំណើរ នៃរ៉ូយ៉ាល់ ត្រេនសឃ្វែរ (Royal Train Square) បានប្រាប់ឱ្យដឹងថា ការបើកឱ្យដំណើរការផ្លូវដែកឡើងវិញនាពេលនេះ ដើម្បីឆ្លើយតបទៅនឹងតម្រូវការរបស់ប្រជាពលរដ្ឋ ក៏ដូចជាដើម្បីអបអរសាទរពិធីបុណ្យចូលឆ្នាំប្រពៃណីជាតិខ្មែរ ដែលនឹងឈានមកដល់នាពេលខាងមុខ។

កញ្ញាឱ្យដឹងទៀតថា “ក្រោយជូនដំណឹងតាមរយៈបណ្តាញសង្គមនានា អំពីការដាក់ឱ្យដំណើរការរថភ្លើងឡើងវិញមកដល់ពេលនេះ ឃើញមានប្រជាពលរដ្ឋជាច្រើនបាននាំគ្នាបញ្ជាទិញ និងកក់សំបុត្រទុកជាបន្តបន្ទាប់ ដើម្បីត្រៀមចេញទៅខេត្ត ក្នុងគោលបំណងធ្វើដំណើរកម្សាន្ត និងទៅស្រុកកំណើតជាដើម”។

កញ្ញា វណ្ណនី បានបន្ថែមថា “ការបើកឱ្យដំណើរការឡើងវិញក្នុងពេលនេះ មានតែមួយជើងប៉ុណ្ណោះក្នុងមួយថ្ងៃ គឺម៉ោង៦និង៤០នាទីព្រឹក សម្រាប់ការចេញដំណើរទៅកាន់ខេត្តតាកែវ ពោធិ៍សាត់ បាត់ដំបង និង៧ព្រឹក ទៅកាន់ខេត្តកំពត កែប និងព្រះសីហនុ”។

កញ្ញាបានបន្តថា ប្រសិនបើអ្នកដំណើរនៅតែបន្តគាំទ្រការធ្វើដំណើរដោយរថភ្លើងដូចថ្ងៃចាប់ផ្ដើម ក្រុមហ៊ុននឹងបើកឱ្យដំណើរឱ្យបានច្រើនជើង និងទៀងទាត់ឡើងវិញ។

ការបើកឱ្យដំណើរការផ្លូវដែកឡើងវិញខាងលើនេះ រថភ្លើងបើកទទួលតែអ្នកដំណើរប៉ុណ្ណោះ ដោយមិនមានទទួលដាក់រថយន្ត ឬទោចក្រយានយន្តដូចមុននោះទេ ដោយសារការបើកដំណើរការពេលនេះ គឺតេស្តសាកល្បង បន្ទាប់ពីផ្អាកមួយរយៈពេលធំ ដោយសារវិបត្តិកូវីដ១៩។

ដោយឡែក ទាក់ទងនឹងតម្លៃសំបុត្រ ធ្វើដំណើរចាកចេញពីភ្នំពេញទៅកាន់ខេត្តតាកែវ តម្លៃ២៤.០០០រៀល ឬ៦ដុល្លារអាម៉េរិក ខេត្តពោធិ៍សាត់២៨.០០០រៀល ឬ៧ដុល្លារ ខេត្តបាត់ដំបង៣២ ០០០រៀល ឬ៨ដុល្លារ ខេត្តកំពត និងខេត្តកែប មានតម្លែដូចគ្នាគឺ៣៦.០០០រៀល ឬ៩ដុល្លារ និងខេត្តព្រះសីហនុតម្លៃ ៤០.០០០រៀល ឬ១០ដុល្លារ សម្រាប់មនុស្សម្នាក់៕

ដោយៈសុខុម

តូក្យូ: ក្រុមហ៊ុនផលិតរថយន្តជប៉ុន Honda Motor Co Ltd គ្រោងនឹងបោះទុនវិនិយោគរហូត ដល់ទៅ៦៤ពាន់លានដុល្លារអាមេរិក លើការស្រាវជ្រាវ និងការអភិវឌ្ឍក្នុងរយៈពេល១០ឆ្នាំខាងមុខ ខណៈក្រុមហ៊ុននេះ មានគោលបំណងបញ្ចេញរថយន្តអគ្គិសនី (EV) ដល់ទៅជាង៣០ម៉ូឌែលទូទាំងពិភពលោកនៅត្រឹមឆ្នាំ២០៣០។

គោលដៅប្រកបដោយមហិច្ឆតាយ៉ាងធំនេះ ត្រូវបានលាតត្រដាងតាម រយៈបទបង្ហាញរបស់ក្រុមហ៊ុន ដែលធ្វើឡើងនៅថ្ងៃអង្គារ ទី១២ ខែមេសា នេះ។

ក្រុមហ៊ុនជប៉ុនមួយនេះ បានសម្រុកយ៉ាងខ្លាំងនៅក្នុងការប្រកួតប្រជែង ដើម្បីដណ្ដើមចំណែកទីផ្សាររថយន្តអគ្គិសនី ដែលកំពុងរីកចម្រើនយ៉ាងឆាប់រហ័ស។

នៅរយៈពេលចុងក្រោយនេះ ក្រុមហ៊ុនផលិតរថយន្តជប៉ុន កាន់តែច្រើន បានងាកមកសម្រុកផលិតរថយន្តអគ្គិសនី ដើម្បីដណ្ដើមចំណែកទីផ្សារ ខណៈខ្លួនប្រឈមហានិភ័យ ធ្លាក់មកនៅក្រោយក្រុមហ៊ុនថ្មីៗដូចក្រុមហ៊ុនផលិតរថយន្តអគ្គិសនីអាមេរិក Tesla Inc ព្រមទាំងក្រុមហ៊ុនអឺរ៉ុប និងក្រុមហ៊ុនអាមេរិក ដែលជាគូប្រជែងផ្សេងៗទៀតផងដែរ។

ក្រុមហ៊ុន Honda ក៏បានទម្លាយឱ្យដឹងដែរថា ខ្លួនមានគម្រោងផលិតរថយន្តអគ្គិសនី ឱ្យបាន២លានគ្រឿងក្នុងមួយឆ្នាំៗ នៅត្រឹមឆ្នាំ២០៣០។ ក្រុមហ៊ុននេះបញ្ជាក់ថា មួយចំណែកធំនៃការវិនិយោគយ៉ាងច្រើនសន្ធឹកសន្ធាប់នេះគឺសម្រាប់ការស្រាវជ្រាវ និងការអភិវឌ្ឍបច្ចេកវិទ្យាអគ្គិសនី ព្រមទាំងសូហ្វវែរ។

ក្រុមហ៊ុននេះនិយាយទៀតថា ខ្លួននឹងចំណាយប្រាក់ប្រមាណ៣៤៣លានដុល្លារអាមេរិក លើខ្សែសង្វាក់បង្ហាញ សម្រាប់ការផលិតអាគុយរថយន្តអគ្គិសនី ដោយមានគោលបំណងចាប់ផ្តើមនៅនិទាឃរដូវឆ្នាំ២០២៤៕  Reuters៕