WASHINGTON: Sanctions imposed on Russia over its war in Ukraine should give China a “good understanding” of the consequences it could face if it provides material support to Moscow, US Deputy Secretary of State Wendy Sherman said on Wednesday (Apr 6).

Sherman said the “range of sanctions” and export controls coordinated among US allies and partners against Russian President Vladimir Putin, the country’s economy, and oligarchs, should serve as an example for China’s leader Xi Jinping.

“It gives President Xi, I think, a pretty good understanding of what might come his way should he, in fact, support Putin in any material fashion,” Sherman told a House of Representatives Foreign Affairs Committee hearing.

She said Beijing should “take away the right lessons” from the coordinated Western response over Ukraine that any moves by China to take the democratically governed island of Taiwan by force would not be acceptable.

“We hope that the PRC understands that any such action would see a response from the international community, not just from the United States,” she said, referring to the People’s Republic of China.

China has refused to condemn Russia’s action in Ukraine or call it an invasion and has criticised Western sanctions on Moscow, although a senior Chinese diplomat said last week that Beijing is not deliberately circumventing those sanctions.

Beijing and Moscow have developed increasingly close ties in recent years, including the announcement of a “no limits” partnership in February.

Sherman said Beijing was showing signs of being “conflicted” about being so closely linked to Russia, including following the emergence of grim images of bodies of civilians shot at close range in the northern Ukrainian town of Bucha when it was retaken from Russian forces.

“That’s not to say they don’t see Russia as a partner. I’m not naive. They do. But they have also been public to say it is not an alliance,” Sherman said.

US President Joe Biden warned Xi during a video call in March of “consequences” for any material support to help Russia counter Western sanctions or to provide military assistance.

Biden later said that China knows its economic future is tied to the West, not Russia.

Source: Reuters

ដោយ៖ សុខុម

វ៉ាស៊ីនតោន: អនុរដ្ឋមន្ត្រីការបរទេសអាមេរិក លោកស្រី Wendy Sherman បានប្រកាសច្បាស់ៗ នៅថ្ងៃពុធ ទី៦ ខែមេសាថា ទណ្ឌកម្មលើរុស្ស៊ី ចំពោះការបញ្ឆេះសង្គ្រាមចូលឈ្លានពានអ៊ុយក្រែន គួរតែជាមេរៀនដ៏ល្អ ដើម្បីឱ្យមហាយក្សចិន “យល់ច្បាស់” ពីផលវិបាកដែលខ្លួនប្រឈម ប្រសិនបើហ៊ានផ្តល់ជំនួយគាំទ្រដល់ទីក្រុងមូស្គូ។

បើយោងតាមសារព័ត៌មាន CNA ចុះផ្សាយនៅថ្ងៃទី០៧ ខែមេសានេះបានឱ្យដឹងថា លោកស្រី Wendy Sherman លើកឡើងថា ទណ្ឌកម្មធ្ងន់ធ្ងរជាបន្តបន្ទាប់ និងការរឹតបន្តឹងការនាំចេញក្នុងចំណោមសម្ព័ន្ធមិត្ត និងដៃគូរបស់សហរដ្ឋអាមេរិក ប្រឆាំងប្រធានាធិបតីរុស្ស៊ី លោក វ្ល៉ាឌីមៀ ពូទីន សេដ្ឋកិច្ចរុស្ស៊ី និងក្រុមមេដឹកនាំជាន់ខ្ពស់ ព្រមទាំងមហាសេដ្ឋីរុស្ស៊ី គួរតែធ្វើជាគំរូសម្រាប់មេដឹកនាំចិនលោក ស៊ី ជីនភីង។

ក្នុងសវនាការរបស់គណៈកម្មាធិការកិច្ចការបរទេសនៃសភាអាមេរិក លោកស្រី Wendy Sherman បានលើកឡើងថា “ខ្ញុំយល់ថា វានឹងធ្វើឱ្យប្រធានាធិបតី ស៊ី ជីនភីង យល់ច្បាស់ពីអ្វីដែលលោកប្រឈម ប្រសិនបើហ៊ានគាំទ្រលោកពូទីនក្នុងទម្រង់សម្ភារៈណាមួយ”។

លោកស្រីបានបន្ថែមទៀតថា រដ្ឋាភិបាលក្រុងប៉េកាំងគួរតែ “ទទួលយកមេរៀនដ៏ត្រឹមត្រូវ” ពីការឆ្លើយតបរួមគ្នារបស់លោកខាងលិច ចំពោះសង្គ្រាមនៅអ៊ុយក្រែន ហើយថា រាល់ចំណាត់ការណាមួយរបស់មហាយក្សចិន ដើម្បីវាយដណ្តើមកាន់កាប់កោះតៃវ៉ាន់ ដែលគ្រប់គ្រងតាមបែបប្រជាធិបតេយ្យនឹងមិនអាចទទួលយកបានឡើយ។

លោកស្រីបានលើកឡើងបន្តទៀតថា “យើងសង្ឃឹមថា សាធារណរដ្ឋប្រជាមានិតចិនយល់ថា ចំណាត់ការណាមួយបែបនេះនឹងទទួលបានការឆ្លើយតបពីសហគមន៍អន្តរជាតិ ដែលមិនត្រឹមតែមកពីសហរដ្ឋអាមេរិក មួយនោះឡើយ”៕

ដោយ៖ វឌ្ឍនៈ

ភ្នំពេញ: ធនាគារព្រីនស៍ក្លាយជាអ្នកវិនិយោគធំជាងគេលើសញ្ញាបណ្ណមានបុគ្គលធានា តាមរយៈការវិនិយោគជាលក្ខណៈឯកជន នៃគម្រោងអាកាសយានដ្ឋានអន្តរជាតិតេជោ របស់ក្រុមហ៊ុន CAIC ក្រោយបណ្តាក់ទុនវិនិយោគបន្ថែម៣៥លានដុល្លារអាមេរិក ដែលធ្វើអោយទុនវិនិយោគសរុបស្មើនឹង៥០លានដុល្លារអាមេរិក។

ពិធីចុះហត្ថលេខាធ្វើឡើងកាលពីរសៀលថ្ងៃទី០៧ ខែមេសា ឆ្នាំ២០២២នេះ ដោយមានការចូលរួមពីអ្នកឧកញ៉ា ពុង ឃាវសែ អគ្គនាយកក្រុមហ៊ិនOCIC និងអ្នកឧកញ៉ាចេនហ្ស៉ី ប្រធានក្រមប្រឹក្សាភិបាលក្រុមហ៊ុនព្រីនស៍គ្រុប។

ទឹកប្រាក់វិនិយោគ ដែលទទួលបានពីសញ្ញាបណ្ណមានបុគ្គលធានារបស់គម្រោងអាកាសយានដ្ឋានអន្តរជាតិតេជោ នឹងត្រូវបានប្រើប្រាស់សម្រាប់ការសាងសង់ និងការអភិវឌ្ឍន៍គម្រោងអាកាសយានដ្ឋានអន្តរជាតិតេជោនៅខេត្តកណ្តាល។

គម្រោងអាកាសយានដ្ឋានអន្តរជាតិតេជោ បច្ចុប្បន្ននេះ សម្រេចបាន៣១,១% ត្រូវនឹងទឹកប្រាក់សរុប ៤៣៤លានដុល្លារអាមេរិក (ដោយមិនរាប់បញ្ចូលថ្លៃដី) ដែលវិនិយោគរួចដោយCAIC។ អត្រាការប្រាក់(Coupon rate) របស់សញ្ញាបណ្ណនេះគឺ ៥,៥%ក្នុងមួយឆ្នាំ សម្រាប់រយៈពេល (tenor) បីឆ្នាំ ដែលត្រូវបានធានាដោយក្រុមហ៊ុនOCIC។

ក្រុមហ៊ុនOCIC គឺជាក្រុមហ៊ុនវិនិយោគក្នុងស្រុកធំជាងគេមួយក្នុងប្រទេសកម្ពុជា ដែលជំនាញនៅក្នុងការអភិវឌ្ឍន៍លើវិស័យអចលនទ្រព្យ សំណង់ ការគ្រប់គ្រងអចលនទ្រព្យ ការអប់រំ វេជ្ជសាស្ត្រ ផ្សារទំនើប សណ្ឋាគារ រោងម៉ាស៊ីនកិនស្រូវ និងសង្វាក់ផលិតកម្មជាដើម ជាមួយនឹងគម្រោងសំខាន់ៗជាច្រើនដូចជា អាកាសយាន្តដ្ឋានអន្តរជាតិតេជោ ទីក្រុងកោះពេជ្រ កោះនរា ទីក្រុងរណបជ្រោយចង្វារ និង ទីក្រុងទំនើប Olympia ជាដើម។

CAIC គឺជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា ដែលតំណាងដោយរដ្ឋលេខាធិការដ្ឋានអាកាសចរស៊ីវិល និងក្រុមហ៊ុនOCIC។ រាជរដ្ឋាភិបាលកម្ពុជាបានផ្តល់សិទ្ធិឱ្យក្រុមហ៊ុនCAIC ក្នុងការកាន់កាប់រចនាប្លង់ សាងសង់ ធ្វើហិរញ្ញប្បទាន និងគ្រប់គ្រងប្រតិបត្តិការគម្រោងអាកាសយានដ្ឋានអន្តរជាតិតេជោ។

ធនាគារ ព្រីនស៍ បានចាប់ផ្តើមប្រតិបត្តិការរបស់ខ្លួនក្នុងឆ្នាំ២០១៥ ក្នុងនាមជាគ្រឹះស្ថានមីក្រូហិរញ្ញវត្ថុឯកជនមួយ ដែលមានឈ្មោះចាស់ថា “គ្រឹះស្ថានមីក្រូហិរញ្ញវត្ថុ ព្រីនស៍ ហ្វាយនែន ភីអិលស៊ី” ហើយបន្ទាប់មកត្រូវបានប្រែក្លាយទៅជាធនាគារពាណិជ្ជ ដែលមានអាជ្ញាប័ណ្ណធ្វើប្រតិបតិ្តការធនាគារពីធនាគារជាតិនៃកម្ពុជានៅខែកក្កដា ឆ្នាំ២០១៨។

ដោយមានមូលដ្ឋានដើមទុនដ៏រឹងមាំ ជាមួយនឹងការប្រើប្រាស់បច្ចេកវិទ្យាទំនើប ប្រកបដោយជំនាញច្បាស់លាស់ និងការយល់ដឹងយ៉ាងទូលំទូលាយអំពីទីផ្សារក្នុងស្រុក ធនាគារ ព្រីនស៍ មានភាពជឿជាក់ក្នុងការក្លាយជាគ្រឹះស្ថានឈានមុខក្នុងវិស័យធនាគារ ដោយផ្តល់ដំណោះស្រាយហិរញ្ញវត្ថុច្រើនជម្រើស និងសម្បូរបែបដល់អតិថិជនរបស់ធនាគារ ព្រីនស៍ តាមរយៈសេវាកម្ម និងផលិតផលជាច្រើនប្រភេទ ដែលប្រកបដោយភាពងាយស្រួល និងបទពិសោធន៍ដ៏ល្អឥតខ្ចោះ ជូនអតិថិជន៕

ធនាគារព្រីនស៍ធ្វើការយកចិត្តទុកដាក់ក្នុងការចូលរួមអភិវឌ្ឍសហគ្រាសធនតូច និងមធ្យម ដែលជាវិស័យគន្លឹះនៃអតិថិជនគោលដៅរបស់ធនាគារព្រីនស៍។ បច្ចុប្បន្នធនាគារ ព្រីនស៍ មានសាខាចំនួន៣២ និងទូរ ATM ៧៩ទីតាំងទូទាំងប្រទេស ៕

ដោយ៖ សុខុម

អន្តរជាតិ: សហភាពអឺរ៉ុប បានរួបរួមសាមគ្គីគ្នាដោយប្ដេជ្ញាឈប់ទិញឧស្ម័នរុស្ស៊ី ក្នុងវិធានការដាក់ទណ្ឌកម្មលើរុស្ស៊ី ក្រោយរុស្ស៊ី ចូលឈ្លានពានអ៊ុយក្រែន។ ជាការឆ្លើយតប បុរសខ្លាំងរុស្ស៊ី លោក វ៉្លាឌីមៀ ពូទីន បានគំរាមកាត់ផ្ដាច់ការផ្គត់ផ្គង់ឧស្ម័នហ្គាសដល់ប្រទេសអឺរ៉ុបណា ដែលមិនព្រមទូទាត់ថ្លៃឧស្ម័នហ្គាសរបស់ខ្លួនជារូបិយប័ណ្ណរុស្ស៊ី Rouble ចាប់ពីថ្ងៃទី០១ ខែមេសាតទៅ។

រហូតមកទល់ពេលនេះ តើប្រទេសអឺរ៉ុប ណាខ្លះហើយដែលចាញ់គំរាមរុស្ស៊ី ដោយបង្ខំចិត្តប្រើរូបិយប័ណ្ណ Rouble ដើម្បីទិញឧស្ម័នរុស្ស៊ី?

ជាក់ស្ដែង អឺរ៉ុបពឹងផ្អែកយ៉ាងខ្លាំងលើឧស្ម័នហ្គាសរបស់រុស្ស៊ី រហូតដល់ទៅ៤០% នៃតម្រូវការសរុបសម្រាប់ចម្អិនអាហារបរិភោគ និងជាពិសេសសម្រាប់ដុតកម្ដៅក្នុងផ្ទះក្នុងរដូវរងា។ បើរុស្ស៊ីកាត់ផ្ដាច់ការផ្គត់ផ្គង់ឧស្ម័នហ្គាសដូចការគំរាមមែន រុស្ស៊ី នឹងខាតបង់ធ្ងន់ធ្ងរផ្នែកសេដ្ឋកិច្ច ខណៈខ្លួនកំពុងទទួលរងទណ្ឌកម្មជុំទិសទៅហើយនោះ។ ប៉ុន្តែអឺរ៉ុប នឹងខ្វះឧស្ម័នហ្គាសប្រើប្រាស់សម្រាប់ចម្អិនអាហារបរិភោគ ឬអាចនឹងត្រជាក់ដល់ស្លាប់ បើគ្មានឧស្ម័នហ្គាសសម្រាប់ដុតកម្ដៅក្នុងផ្ទះ។

ដោយសារគ្មានជម្រើស ប្រទេសហុងគ្រី បាននិយាយកាលពីថ្ងៃទី៦ ខែមេសាថា ខ្លួនបានត្រៀមរួចជាស្រេចដើម្បីទិញឧស្ម័នរុស្ស៊ី ដោយប្រើរូបិយប័ណ្ណរុស្ស៊ី Rouble។ នេះបើយោងតាមទីភ្នាក់ងារព័ត៌មាន Reuters ចុះផ្សាយនៅថ្ងៃព្រហស្បតិ៍ ទី៧ ខែមេសានេះ។

នាយករដ្ឋមន្ត្រីហុងគ្រី លោក Viktor Orban បានថ្លែងក្នុងសន្និសីទកាសែតដើម្បីឆ្លើយតបទៅនឹងសំណួររបស់អ្នកយកព័ត៌មាន Rueters ថា ប្រទេសហុងគ្រីនឹងទូទាត់ថ្លៃឧស្ម័នរុស្ស៊ីជារូបិយប័ណ្ណ Roulbe ប្រសិនបើរុស្ស៊ីទាមទារ។

ទន្ទឹមនេះ ប្រទេសស្លូវ៉ាគីក៏គ្មានជម្រើសដូចគ្នាដែរ ដោយសារស្លូវ៉ាគីមិនអាចឈប់នាំចូលឧស្ម័នរុស្ស៊ី។ នាយករដ្ឋមន្ត្រីស្លូវ៉ាគី លោក Richard Sulík បាននិយាយកាលពីថ្ងៃអាទិត្យចុងសប្ដាហ៍កន្លងទៅថា ប្រទេសរបស់លោកនឹងត្រូវទូទាត់ថ្លៃឧស្ម័នរុស្ស៊ីជារូបិយប័ណ្ណ Rouble ប្រសិនបើចាំបាច់។ នេះបើយោងតាមសារព័ត៌មាន Euractiv ចុះផ្សាយកាលពីថ្ងៃទី៤ ខែមេសា៕

ដោយ៖ សុផារី

ភ្នំពេញ៖ រដ្ឋាភិបាលសាធារណរដ្ឋកូរ៉េខាងត្បូង បានផ្តល់ឥណទានសម្បទានជាង៦៦លានដុល្លារអាមេរិក ដល់ក្រសួងសុខាភិបាលកម្ពុជា ដើម្បីសាងសង់មន្ទីរពេទ្យសាកលវិទ្យាល័យវិទ្យាសាស្ត្រសុខាភិបាល ដែលស្ថិតនៅសង្កាត់ឃ្មួញ ខណ្ឌសែនសុខ រាជធានីភ្នំពេញ។

កាលពីថ្ងៃទី០៦ ខែមេសា ឆ្នាំ២០២២ លោកស្រី យក់ សម្បត្តិ រដ្ឋលេខាធិការក្រសួងសុខាភិបាល តំណាងក្រសួងសុខាភិបាល ជួបពិភាក្សាការងារជាមួយប្រតិភូនៃក្រុមហ៊ុនកូរ៉េ ដែលពិនិត្យលើសាងសង់អគារសាកលវិទ្យាល័យវិទ្យាសាស្រ្តសុខាភិបាលនេះ។

លោកស្រីរដ្ឋលេខាធិការ បញ្ជាក់ថា គម្រោងនេះ គម្រោងសាងសង់អាចចាប់ផ្តើមដំណើរ ក្នុងដើមឆ្នាំ២០២៣ ដោយប្រើរយៈពេលជាង៤០ខែ ដែលនឹងធ្វើឱ្យកម្ពុជានឹងមានមន្ទីរពេទ្យទំនើបមួយទៀត នៅក្នុងខណ្ឌសែនសុខ។

គម្រោងនេះជាកម្ចីរបស់រដ្ឋាភិបាលកូរ៉េខាងត្បូង ដែលមានការប្រាក់ទាប ដែលនឹងត្រូវចំណាយថវិកាប្រហែលជាង៦៦លាន៥០ម៉ឺនដុល្លាអាមេរិក សាងសង់លើផ្ទៃដីជាង២ហិកតា មានកម្ពស់៨ជាន់ មានគ្រែសម្រាប់អ្នកជំងឺសម្រាក២០០គ្រែនឹងអាចពង្រីករហូតដល់៤០០គ្រែ ដែលហៅថាមន្ទីរពេទ្យសាកលវិទ្យាល័យ គឺទទួលអ្នកជំងឺចូលព្យាបាលផង និងទទួលនិស្សិតចូលរៀនផង។

លោកស្រី យក់ សម្បត្តិ បានបន្ដថា អគារមន្ទីរពេទ្យនេះ ជាសាខានៃសាកលវិទ្យាល័យវិទ្យាសាស្ត្រសុខាភិបាល ហើយនៅពេលដែលសាងសង់រួច និស្សិតនឹងមានឱកាសទៅសិក្សារៀនសូត្រ ហើយក៏អាចបញ្ចេញបទពិសោធន៍របស់ខ្លួននៅទីនោះដែរ ដោយសារសាកលវិទ្យាល័យវិទ្យាសាស្ត្រសុខាភិបាលនៅភ្នំពេញ មាននិស្សិតច្រើនកំពុងសិក្សារៀនសូត្រ។

លោកស្រី បន្តថា នៅពេលមន្ទីរពេទ្យថ្មីមួយនេះ ស្ថាបនារួច វាការផ្តល់ឱកាសដល់និស្សិតដែលសិក្សានៅទីនោះ ក៏ដូចជានិស្សិតផ្សេងៗ និងនិស្សិតបរទេសដែលមានបំណងចង់សិក្សានៅទីនោះ ដកស្រង់បទពិសោធន៏ផ្ទាល់ខ្លួនបាន៕