ដោយៈសុខុម

អន្តរជាតិ: សហរដ្ឋអាមេរិក និងបណ្តាប្រទេសសម្ព័ន្ឋមិត្តរបស់ខ្លួន តែងតែបង្កកទ្រព្យសម្បត្តិ​របស់ជនបរទេស មេដឹកនាំឬរបស់ប្រទេសណាមួយ នៅពេលពួកគេយល់ថា អ្នកទាំងនោះធ្វើអ្វីដែលប្រាសចាកប្រព័ន្ឋនៃការគិតរបស់ខ្លួន ជាជាងការគោរពសិទ្ឋអ្នកដទៃ។

ជាក់ស្តែង ក្រៅពីការដាក់ទណ្ឌកម្មសេដ្ឋកិច្ចលើរុស្ស៊ី ពីសំណាក់អាមេរិក និងបណ្ដាសម្ព័ន្ធមិត្តរបស់ ក្រុមមេដឹកនាំទាំងនោះ ក៏បានបង្កកទុនបម្រុងអន្តរជាតិជាង១០០ពាន់លានដុល្លារ របស់ធនាគារកណ្ដាលរុស្ស៊ី បង្កកទ្រព្យទ្រព្យសម្បត្តិរបស់ក្រុមមហាសេដ្ឋីរុស្ស៊ី ទ្រព្យសម្បត្តិរបស់ប្រធានាធិបតីរុស្ស៊ី វ៉្លាឌីមៀ ពូទីន និងក្រុមមន្ត្រីជាន់ខ្ពស់រុស្ស៊ីផងដែរ ក្រោយប្រទេសនេះបញ្ឆេះសង្គ្រាមចូលឈ្លានពានអ៊ុយក្រែន។

*និយាយដល់ការបង្កកទ្រព្យសម្បត្តិ តើសហរដ្ឋអាមេរិក ប្រើច្បាប់ពិសេសអ្វីដើម្បីបង្កកទ្រព្យសម្បត្តិរបស់ជនបរទេស ឬប្រទេសណាមួយ?

ជាការពិតណាស់ សហរដ្ឋអាមេរិក គឺជាមហាអំណាចសេដ្ឋកិច្ចទី១ និងជាមហាអំណាចយោធាទី១ របស់ពិភពលោក ហើយប្រទេសនេះតែងតែដាក់ទណ្ឌកម្ម ឬគំរាមដាក់ទណ្ឌកម្មសេដ្ឋកិច្ច ទៅលើប្រទេសណា ដែលខ្លួនយល់ថាមិនគោរព តាមគោលការណ៍លទ្ធិប្រជាធិបតេយ្យ បំបិទសិទ្ធិសេរីភាព ឬធ្វើទុក្ខបុកម្នេញពលរដ្ឋ ក្នុងរូបភាពមិនអាចទទួលយកបាន ឬការបញ្ឆេះសង្គ្រាមចូលឈ្លានពានប្រទេសណាមួយជាដើម។

សហរដ្ឋអាមេរិក មិនត្រឹមតែអាចបង្កកទ្រព្យសម្បត្តិរបស់បុគ្គលមានអំណាច ឬមហាសេដ្ឋីជាជនបរទេសណាម្នាក់ ដែលរងការចោទប្រកាន់ថា ជាប់ពាក់ព័ន្ធអំពើពុករលួយ ឬអំពើល្មើសច្បាស់នៅក្នុងប្រទេសកំណើតរបស់បុគ្គលរូបនោះប៉ុណ្ណោះទេ គឺថែមទាំងអាចបង្កកទ្រព្យសម្បត្តិរបស់បុគ្គលនោះនៅក្រៅប្រទេសបានទៀតផង ឬសូម្បីទ្រព្យសម្បត្តិរបស់ប្រទេសណាមួយ តួយ៉ាងដូចប្រទេសរុស្ស៊ី ពេលនេះ។

យោងតាមការសិក្សាស្រាវជ្រាវបង្ហាញថា រដ្ឋាភិបាលសហព័ន្ធនៃសហរដ្ឋអាមេរិក មានសិទ្ធិអាចបង្កករាល់ទ្រព្យសម្បត្ដិ ដែលដាក់តម្កល់ក្នុងធនាគារ នៅក្នុងទឹកដីសហរដ្ឋអាមេរិក។ ចំណុចនោះបានដាក់សម្ពាធយ៉ាងខ្លាំង ទៅលើបណ្ដាធនាគារបរទេស ជុំវិញមូលនិធិនៅក្នុងសហរដ្ឋអាមេរិក។

លើសពីនេះ រដ្ឋាភិបាលសហរដ្ឋអាមេរិក ក៏អាចដាក់សម្ពាធឱ្យធនាគារអាមេរិកនានា បង្កកទ្រព្យសម្បត្តិនៅក្រៅប្រទេសបានផងដែរ។ រដ្ឋាភិបាលសហរដ្ឋអាមេរិក អាចគំរាមកំហែងធនាគារនានានៅក្រៅប្រទេសថា នឹងប្រឈមផលលំបាកផ្សេងៗ នៅក្នុងទឹកដីសហរដ្ឋអាមេរិក ដូចជា ការមិនទទួលបានសេវាដិតដល់ ការយកថ្លៃសេវាខ្ពស់ជាងធម្មតា ការរុកគួន ។ល។ បើមិនព្រមធ្វើតាមខ្លួន។

មិនតែប៉ុណ្ណោះ សហរដ្ឋអាមេរិក ក៏មានឥទ្ធិពលខ្លាំងមិនធម្មតា ដែលអាចដាក់គំនាបឱ្យបណ្ដាប្រទេសសម្ព័ន្ធមិត្ត ជួយបង្កទ្រព្យសម្បត្តិតាមអ្វីដែលខ្លួនចង់បានថែមទៀតផង។

នេះសរបង្ហាញឱ្យឃើញថា រដ្ឋាភិបាលសហរដ្ឋអាមេរិក មានវិធីច្រើនយ៉ាងណាស់ដើម្បីធ្វើឱ្យធ​នា​គារ ក្នុងប្រទេសនានាធ្វើតាមខ្លួនទាំងក្នុងរូបភាពសូកប៉ាន់ និងរូបភាពដាក់ទំនាប់ ឬគំរាមកំហែង។ តួយ៉ាង កាលពីពេលថ្មីៗនេះសហភាពអឺរ៉ុប និងបណ្ដាប្រទេសជាសម្ព័ន្ធមិត្ត ធ្វើតាមការអំពាវនាវរបស់សហរដ្ឋអាមេរិក ដោយបានចាត់វិធានការបង្កក ទ្រព្យសម្បត្តិរបស់ក្រុមមហាសេដ្ឋីរុស្ស៊ី និងសូម្បីទ្រព្យសម្បត្តិរបស់រដ្ឋាភិបាលក្រុងមូស្គូ។

និយាយតាមផ្លូវច្បាប់វិញ ប្រធានាធិបតីសហរដ្ឋអាមេរិក មានសិទ្ធិអំណាចធំធេងណាស់ នៅក្នុងការបង្កកទ្រព្យសម្បត្តិក្រោមច្បាប់ស្ដីពី អំណាចគ្រាអាសន្នផ្នែកសេដ្ឋកិច្ចអន្តរជាតិ International Emergency Economic Powers Act (IEEPA) និងច្បាប់ស្ដីពីការធ្វើពាណិជ្ជកម្មជាមួយបច្ចាមិត្រ (Trading with the Enemy Act)។
ម្យ៉ាងវិញទៀត ដោយសារតែប្រទេស និងក្រុមហ៊ុនធំៗជាច្រើន បានដាក់តម្កល់ប្រាក់យ៉ាងច្រើន សន្ធឹកសន្ធាប់នៅក្នុងធនាគារ និងមូលនិធិវិនិយោគនានាក្នុងទឹកដីសហរដ្ឋអាមេរិក បានផ្ដល់លទ្ធភាពឱ្យរដ្ឋាភិបាលសហរដ្ឋអាមេរិក អាចលេងហ្គេមហ៊ុមព័ទ្ធសេដ្ឋកិច្ចនេះ បានតាមអំពើចិត្តចាប់តាំងពីឆ្នាំ១៩៥៩ មកម៉្លេះ។

*តើទ្រព្យសម្បត្តិដែលបង្កកទាំងនោះ នឹងប្រគល់ឱ្យម្ចាស់ដើមវិញ នៅពេលវេលាសមរម្យណាមួយ ឬមួយក៏រឹបអូសស៊ីដាច់តែម្ដង?

តាមរយៈការចុះផ្សាយរបស់គេហទំព័រ www.rferl.org លោក Charles Intriago ប្រធានសមាគមអ្នកឯកទេសដោះស្រាយបទល្មើសហិរញ្ញវត្ថុ ACFCS ដែលមានមូលដ្ឋាននៅក្រុងម៉ៃអាមី (Miami) និងជារដ្ឋអាជ្ញាសហព័ន្ធរបស់សហរដ្ឋអាមេរិក លើកឡើងថា សម្រាប់ទ្រព្យសម្បត្តិដែលត្រូវបានបង្កក រដ្ឋាភិបាលក្រុងវ៉ាស៊ីនតោន នឹងមានជម្រើស៤ ដូចជា ទី១: រក្សាទុកទ្រព្យសម្បត្តិទាំងនោះ

ទី២: លក់វាឱ្យទៅអ្នកដែលហ៊ានដេញថ្លៃខ្ពស់ជាងគេ ហើយយកលុយដែលលក់បាន ទៅប្រើប្រាស់តាមបំណងរបស់ខ្លួន។ ទី៣: ដកលុយទាំងនោះទុកខ្លះ ហើយសល់ប៉ុន្មានប្រគល់ទៅឱ្យប្រទេសដើមវិញ និងទី៤: ប្រគល់ប្រាក់ទាំងអស់បានពីការលក់ឱ្យទៅប្រទេសនោះវិញ។

*ចុះក្នុងករណីបង្កកទ្រព្យសម្បត្តិរបស់រុស្ស៊ី?
យោងតាមកាសែតអាមេរិក Washington Post ចុះផ្សាយកាលពីថ្ងៃទី៣ ខែមីនាបានឱ្យដឹងថា ទ្រព្យសម្បត្តិបង្កករបស់លោក ពូទីន និងទ្រព្យសម្បត្តិរបស់ក្រុមមហាសេដ្ឋីរុស្ស៊ី ឬសូម្បីទុនបម្រុងអន្តរជាតិរាប់រយពាន់លានដុល្លារ របស់ធនាគារកណ្ដាលរុស្ស៊ី នឹងត្រូវយកទៅប្រើប្រាស់សម្រាប់ផ្ដល់ជំនួយមនុស្សធម៌ នៅក្នុងប្រទេសអ៊ុយក្រែន និងជួយដល់ជនភៀសខ្លួនអ៊ុយក្រែនជាង១លាននាក់។

ប្រសិនបើ និងនៅពេលប្រទេសអ៊ុយក្រែន ត្រូវបានដោះលែងឱ្យមានសេរីភាព ពីការត្រួតត្រាដោយរុស្ស៊ី ទ្រព្យសម្បត្តិបង្កកទុកដែលនៅសល់ប៉ុន្មាន អាចនឹងត្រូវបានប្រើប្រាស់សម្រាប់ជួយកសាងប្រទេសអ៊ុយក្រែនឡើងវិញ៕

      ដោយៈ លក្ខិណា

ភ្នំពេញៈ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី បានបានស្វាគមន៍ចំពោះបណ្ដា ក្រុមអ្នកវិនិយោគនៃប្រទេសនិយាយភាសាបារាំង ដែលមានបំណងចង់មកធ្វើការវិនិយោគនៅក្នុងប្រទេសកម្ពុជា។ ការប្រកាសនេះធ្វើឡើងនៅក្នុងជំនួបជាមួយលោកជំទាវ ល្វីស មូស៊ីគី វ៉ាបូ អគ្គលេខាធិការ  នៃអង្គការអន្តរជាតិហ្រ្វង់កូហ្វូនី ចូលជួប សំដែងការ គួរសម  និងពិភាក្សាការងារ នៅថ្ងៃទី២៩ ខែមីនានេះ។

នៅក្រោយជំនួបរវាងសម្ដេចតេជោហ៊ុន និងលោកស្រី ល្វីស មូស៊ីគីវ៉ាបូ លោក អ៊ាង សុផល្លែត ជំនួយការផ្ទាល់សម្តេចតេជោនាយករដ្ឋមន្ត្រី  បានឱ្យដឹងថា លោកស្រី ល្វីស បានកោត សរសើរអំពីសេដ្ឋកិច្ចរីកចម្រើន របស់កម្ពុជា ដែលជាការការទាក់ទាញ  និងជាគំរូ  នៃការអភិវឌ្ឍន៍វិស័យពាណិជ្ជកម្ម សម្រាប់ប្រទេសនិយាយ ភាសា បារាំងផងដែរ។

ក្នុងនោះដែរ សម្ដេចតេជោ ហ៊ុន សែន  បានសំដែងនូវការអបអរ សាទរចំពោះជោគជ័យ  នៃជំនួបរវាង អ្នក វិនិយោគ មកពីបណ្ដាប្រទេសនិយាយភាសាបារាំង និងអ្នកវិនិយោគកម្ពុជា ។

សម្ដេចតេជោបានមានប្រសាសន៍ថា  សេដ្ឋកិច្ចពាណិជ្ជកម្ម និងវិនិយោគ ជាចំណុចស្នូល នៃកិច្ចសហប្រតិបត្តិការ រវាងប្រទេសនិងតំបន់  ដែលមានសក្តានុពល  គ្រាន់តែមិនទាន់មានឱកាសនៅឡើយប៉ុណ្ណោះ។ ដូច្នេះ​គប្បីរួមគ្នាបង្កឱកាសដើម្បីចាប់យកសកម្មភាព  សក្តានុពលទាំងឡាយណា ដែលមាននេះដើម្បីមិនត្រឹមតែពង្រីក  និងពង្រឹងកិច្ចសហប្រតិបត្តិការរវាងប្រទេស និងតំបន់ទាំងពីរទេ តែសម្រាប់ជាទំនាក់ទំនងនយោបាយល្អ រវាងប្រទេសទាំងពីរផង  និងតំបន់ផង ព្រោះថាទំនាក់ទំនងល្អលើវិស័យសេដ្ឋកិច្ច  ពាណិជ្ជកម្ម  និងវិនិយោគ នឹងនាំ ទៅ ដល់ភាពជិតស្និទ្ធផ្នែកនយោបាយ។

សម្ដេចតេជោ បានជម្រាបជូនលោកស្រីអគ្គលេខាធិការ អង្គការអន្តរជាតិហ្វ្រង់កូហ្វូនីថា ក្នុងនាមជាប្រធានអាស៊ាន  អ្វីដែលសម្ដេចចង់ បាន  គឺជំរុញការអនុវត្ត អាស្តា និងអាស៊ឹមឲ្យចលនាសេដ្ឋកិច្ច ពាណិជ្ជកម្ម និងវិនិយោគ និងរបៀងដំណើរទេសចរណ៍ក្នុងតំបន់អាស៊ាន  ឱ្យមានដំណើរការប្រក្រតីភាពឡើងវិញ៕

ISTANBUL/DUBAI – Wealthy Russians are pouring money into real estate in Turkey and the United Arab Emirates, seeking a financial haven in the wake of Moscow’s invasion of Ukraine and Western sanctions, according to many property companies.

“We sell seven to eight units to Russians every day,” said Gul Gul, co-founder of the Golden Sign real estate company in Istanbul. “They buy in cash, they open bank accounts in Turkey or they bring gold.”

In Dubai, Thiago Caldas, CEO of the Modern Living property firm, has hired three Russian-speaking agents to meet Russian interest, which he says has leapt tenfold.

Sanctions imposed since the Feb. 24 invasion include Russia’s exclusion from the SWIFT banking system, and the targeting of individual such as oligarchs deemed to be close to President Vladimir Putin.

While Turkey and the UAE have criticised the Russian offensive, Ankara opposes non-U.N. sanctions on Russia and both countries have relatively good ties with Moscow and still operate direct flights, potentially offering routes out for Russians and their cash.

“They are wealthy Russians but not oligarchs,” said Gul of Golden Sign, one of a dozen real estate companies interviewed by Reuters. “They are finding ways to bring their money to Turkey.”

“There are customers buying three to five flats,” Gul added.
Russians have been big buyers of Turkish property for years, behind Iranians and Iraqis, yet the real estate players said there had been a spike in demand in recent weeks.

Though it’s still early days, industry figures bolster their accounts; In February, as troops massed on Ukraine’s border before advancing, Russians bought 509 houses in Turkey, nearly double the number they snapped up last year, according to the country’s statistics office.

Source: reuters

       ដោយៈ សុផារី

ភ្នំពេញៈ តាមរយៈការចូលរួមក្នុងសិក្ខាសាលា បង្កើនការយល់ដឹងអំពីស្តង់ដាយូរ៉ូកូដ (Eurocodes) រយៈពេល២ថ្ងៃ កាលពីចុងសប្ដាហ៍កន្លងទៅនេះ សិក្ខាកាមមកពីរដ្ឋាភិបាលនិងវិស័យឯកជននៅកម្ពុជា មានការយល់ដឹងកាន់តែច្បាស់ពីប្រភេទស្តង់ដាអឺរ៉ុបចំនួន១០ស៊េរី សម្រាប់ផ្តល់នូវអភិក្រមរួមមួយ សម្រាប់ប្រើប្រាស់ក្នុងការរចនាប្លង់អគារ ព្រមទាំងការងារវិស្វកម្មសំណង់ស៊ីវិល  និងផលិតផលសំណង់ដទៃទៀត។

យោងតាមសេចក្ដីប្រកាសព័ត៌មានរបស់ស្ថានទូតសហភាពអឺរ៉ុបប្រចាំកម្ពុជាឱ្យដឹងថា សិក្ខាសាលាបង្កើនការយល់ដឹងអំពីស្តង់ដារយូរ៉ូកូដ គឺជាវេទិកាមួយ ដែលអ្នកជំនាញរបស់សហភាពអឺរ៉ុប ចែករំលែកចំណេះដឹងរបស់ពួកគេអំពីទិដ្ឋភាពបច្ចេកទេស និងឧបករណ៍ដែលមាន សម្រាប់អនុវត្ត និងប្រើប្រាស់ស្តង់ដារយូរ៉ូកូដ ។

សិក្ខាកាមក៏បានយល់ដឹងពីស្តង់ដារ យូរ៉ូកូដ ជំនាន់ក្រោយដែលនឹងត្រូវឱ្យអនុវត្ត ដើម្បីឆ្លើយតបចំពោះបញ្ហាថ្មីៗដែលនឹងកើតឡើង ដូចជា ការកែសម្រួលការរចនាប្លង់អគារ ដើម្បីបន្ស៊ាំនឹងការប្រែប្រួលអាកាសធាតុ ជាដើម។

សិក្ខាកាមបានទទួលការណែនាំជាទូទៅអំពីប្រព័ន្ធសម្រាប់រចនាប្លង់អគារ និងហេដ្ឋារចនាសម្ព័ន្ធនានា ដែលជាប្រព័ន្ធស្តង់ដាររបស់យូរ៉ូកូដ ព័ត៌មានលម្អិតផ្នែកបច្ចេកទេសស្ដីពីការរចនាសំណង់បេតុង និងសំណង់ដែក ព្រមទាំងការរចនាប្លង់បច្ចេកទេសទៅតាមស្ថានភាពភូមិសាស្ត្រ ដោយប្រើប្រាស់ស្តង់ដារយូរ៉ូកូដ។ ករណីសិក្សាដែលបង្ហាញពីការយកស្តង់ដារយូរ៉ូកូដ ទៅប្រើប្រាស់នៅតាមប្រទេសដែលមិនមែនជាសមាជិកសហភាពអឺរ៉ុប ដូចជា ប្រទេសសិង្ហបុរី និងប្រទេសស៊ែប៊ី ជាដើម បាន ផ្តល់ជាឧទាហរណ៍ជារួមអំពីជំហានចាំបាច់ សម្រាប់អនុវត្តស្តង់ដារយូរ៉ូកូដ ព្រមទាំងក្របខ័ណ្ឌគតិយុត្ត ក្របខ័ណ្ឌស្តង់ដារ កម្មវិធីបណ្ដុះបណ្ដាល និងតំហែទាំ ដែលត្រូវមានអមជាមួយ។

លោកស្រី Camilla Lombard អនុប្រធានសហប្រតិបត្តិការ – និងជាទីប្រឹក្សានៃប្រតិភូសហភាពអឺរ៉ុបប្រចាំព្រះរាជាណាចក្រកម្ពុជាបានពន្យល់ថា ស្ដង់ដារយូរ៉ូកូដ គ្របដណ្តប់លើរាល់វត្ថុធាតុដើមសំខាន់ៗទាំងអស់ ដែលប្រើប្រាស់ក្នុងវិស័យសំណង់ និងជាក្រមអនុវត្តដែលមានបច្ចុប្បន្នភាពបំផុត ដែលផ្តល់លទ្ធភាពឱ្យប្រទេសនីមួយៗយកទៅធ្វើការកែសម្រួលឱ្យស្របតាមស្ថានភាពរៀងៗខ្លួន។ ប្រព័ន្ធស្តង់ដារដែលមានលក្ខណៈគ្រប់ជ្រុងជ្រោយសម្រាប់ វិស័យសំណង់បែបនេះ នឹងជួយធានានូវសុវត្ថិភាព ស្តង់ដារកម្រិតខ្ពស់ និងការសាងសង់ដែលមានការគិតគូរពីបរិស្ថានក្នុងតំបន់អាស៊ាន។

លោក លាង ម៉ូនីរិទ្ឋ                   រដ្ឋលេខាធិការក្រសួងរៀបចំដែនដី នគរូបនីយកម្ម និងសំណ​ង់កម្ពុជាបានគូសបញ្ជាក់ថាលោក មានការជឿជាក់យ៉ាងមុតមាំថា សិក្ខាសាលាផ្សព្វផ្សាយពីស្តង់ដារយូរ៉ូកូដនៅថ្ងៃនេះ គឺជាសិក្ខាសាលាដ៏មានប្រយោជន៍ និងផ្តល់នូវធាតុចូលល្អៗជាច្រើន សម្រាប់ការកំណត់ពីកូដ និងស្តង់ដាររចនាអាគាររបស់កម្ពុជា ដែលកំពុងស្ថិតនៅក្នុងការពិចារណា ។

ក្រសួងរៀបចំដែនដី នគររូបនីយកម្ម និងសំណង់ និងវិទ្យាស្ថានស្តង់ដារកម្ពុជា បានបង្ហាញពីចំណាប់អារម្មណ៍អំពីសិក្ខាសាលានោះ បន្ទាប់ពីព្រឹត្តិការណ៍បង្ហាញស្តង់ដារយូរ៉ូកូដ ដល់រដ្ឋជាសមាជិកអាស៊ានទាំងអស់កាលពីឆ្នាំ ២០២១។        សិក្ខាសាលានេះ ត្រូវបានរៀបចំឡើង ក្រោមការសម្របសម្រួលរបស់កម្មវិធីលើកកម្ពស់កិច្ចពិគ្រោះយោបល់ និងថ្នាក់តំបន់រវាងសហភាពអឺរ៉ុបនិងអាស៊ាន (E-READI) ដែលទទួលបានថវិកាគាំទ្រពីសហភាពអឺរ៉ុប ៕

ដោយៈសុខុម

      ហុងកុង: តម្លៃផ្ទះឯកជននៅក្រុងហុងកុង បានធ្លាក់ចុះយ៉ាងលឿនក្នុងខែកុម្ភៈ មកដល់កម្រិតទាបបំផុតមិនធ្លាប់មានចាប់តាំងពីខែមករា ដើមឆ្នាំ២០២១ នៅពេលមជ្ឈមណ្ឌលហិរញ្ញវត្ថុប្រចាំអាស៊ី មួយនេះទទួលរងការវាយប្រហារពីវិបត្តិកូវីដ-១៩ រលកថ្មី។

ទិន្នន័យផ្លូវការបង្ហាញនៅថ្ងៃអង្គារ ទី២៩ ខែមីនា នេះថា តម្លៃផ្ទះបានធ្លាក់ចុះ២,០៨%កាលពីខែមុន ដែលជាការធ្លាក់ចុះដ៏ខ្លាំងបំផុត មិនធ្លាប់មានចាប់តាំងពីខែវិច្ឆិកា ឆ្នាំ២០១៨ ហើយធៀបនឹងការធ្លាក់ចុះ០,៨៩%ក្នុងខែមករា។

ក្នុងខែនេះទីក្រុងហុងកុង ត្រូវបានក្រុមហ៊ុនស្ទង់មតិ Demographia ដាក់ចំណាត់ថ្នាក់ជាថ្មីម្ដងទៀតជាទីផ្សារលំនៅដ្ឋានដែលថ្លៃបំផុត របស់ពិភពលោកសម្រាប់រយៈពេល១២ឆ្នាំជាប់ៗគ្នា។

ទោះជាយ៉ាងណា តម្លៃផ្ទះចាប់ផ្ដើមធ្លាក់ចុះ ក្រោយហក់ឡើងដល់កម្រិតខ្ពស់បំផុតមិនធ្លាប់មាន ក្នុងខែកញ្ញា ឆ្នាំ២០២១។ ទីផ្សារលំនៅដ្ឋាននេះនៅតែមានភាពធន់ ទ្រាំ គួរឱ្យកត់សម្គាល់អំឡុងមហាបាតុកម្ម ដែលបានធ្វើឱ្យក្រុងនេះ ធ្លាក់ចូលក្នុងស្ថានភាពចលាចលក្នុងឆ្នាំ២០១៩ និងបានឆ្លងកាត់វិបត្តិរីករាលដាលវីរុសកូវីដ-១៩ យ៉ាងស្វាហាប់រយៈពេល២ឆ្នាំមកនេះ។ នោះក៏ដោយសារទីផ្សារនេះទទួលបានកំណើនរឹងមាំ និងអត្រាការប្រាក់ចុះថោកជាងមុន។

ការធ្លាក់ចុះតម្លៃបានបង្កើនល្បឿនកាលពីខែមុន នៅពេលករណីឆ្លងកូវីដ-១៩ ហក់ឡើងស្រឺតៗ

រដ្ឋាភិបាលក៏បានដាក់ចេញ នូវវិធានការរឹតបន្តឹងការជួបជុំយ៉ាងតឹងរ៉ឹងបំផុតចាប់តាំងពីខែមករា ដែលបានបង្កផលប៉ះពាល់ខ្លាំងដល់អាជីវកម្មជាច្រើន និងជំរុញឱ្យភ្នាក់ងារអចលនទ្រព្យនានា បន្ទាបការព្យាកររបស់ខ្លួនសម្រាប់តម្លៃពេញមួយឆ្នាំ។

ក្រុមហ៊ុនប្រឹក្សាអចលនទ្រព្យ Cushman & Wakefield រំពឹងថា ចំនួនប្រតិបត្តិការទិញលក់ផ្ទះនឹងធ្លាក់ចុះរហូតដល់ទៅជិត៥០%ក្នុងឆមាសទី១ បើធៀបនឹងឆ្នាំមុនមកដល់កម្រិតទាបបំផុតចាប់តាំងពីឆ្នាំ២០១៦ ប៉ុន្តែវានឹងងើបឡើងវិញនៅឆមាសទី២ ប្រសិនបើវិបត្តិកូវីដ-១៩ អាចគ្រប់គ្រងបាននៅមុនពាក់កណ្តាលឆ្នាំនេះ។

ក្រុមហ៊ុនរំពឹងថា តម្លៃផ្ទះនឹងហក់ឡើងពី០%ទៅ៣%សម្រាប់ឆ្នាំ២០២២ ទាំងមូល៕ Reuters៕