By Sophary

Phnom Penh: Investment in the land sector is still influential and profitable, and investment in the suburbs will pay off sooner than investing in land near the city or city center.

A study by an international real estate company in Cambodia shows that investing in three areas will yield a return of 20 percent per year.

The study showed that the three areas, including Prek Pnov, Kamboul and some areas of Dangkor, because these areas seem to have the highest activity of land transactions and the rate of increase in land prices is also good.

Another factor that drives the price of land in those areas is that the government’s plan to expand Phnom Penh has also started gradually and can increase the price in that area.

Cambodian real estate experts also highlight the potential of the land sector in these three areas such the third city ring project, which runs through the three districts of Phnom Penh.

In addition, there are some other projects that will pass the potential to the land sector. There are a win-win monument and Techo national stadium in Khan Prek Pnov, Khan Kamboul also has a ring road project and many housing projects. In Dangkor district, there are also many large projects as well.

Mr. Chrek Soknim, President of Cambodian Valuers and Estate Agents Association, said that land investment still has a chance to get a return on investment, but also to look at the potential of the area where they will invest. Investor can invest for some time but can be very profitable.

      ដោយៈវឌ្ឈនៈ

ភ្នំពេញៈ ការវិនិយោគលើវិស័យដីធ្លី នៅតែមានឥទ្ធិពលនិងអាចទទួលបានប្រាក់ចំណេញមកវិញ ហើយការវិនិយោគនៅតំបន់ជាយក្រុង នឹងទទួលបានផលចំណេញឆាប់ជាង ការវិនិយោគដីធ្លីនៅតំបន់ជិតៗក្រុង ឬកណ្ដាលក្រុង ។

តាមការសិក្សារបស់ក្រុមហ៊ុនអចលនទ្រព្យអន្តរជាតិមួយ ប្រចាំកម្ពុជាបានបង្ហាញថា ការវិនិយោគនៅតំបន់ចំនួន៣ នឹងទទួលបានផលចំណេញ២០ភាគរយក្នុងមួយឆ្នាំ។

ការសិក្សាបានបង្ហាញការតំបន់ចំនួន៣នោះរួមមាន តំបន់នៃខណ្ឌព្រែកព្នៅ តំបន់នៃខណ្ឌកំបូល និងតំបន់មួយចំនួននៃខណ្ឌដង្កោ ព្រោះថាតំបន់ទាំងនេះសកម្មភាពនៃការទិញលក់ដីធ្លី ហាក់មានកំណើនខ្ពស់ជាងគេ ហើយអត្រានៃកំនើនតម្លៃដីធ្លីក៏ឃើញថាមានភាពល្អប្រសើរដែរ ។

កត្តាមួយទៀត ដែលចំរុញឱ្យតម្លៃដីធ្លីនៅតំបន់ទាំងនោះ អាចទទួលបានផលចំណេញ ពីព្រោះគម្រោងនៃការពង្រីកទីក្រុងភ្នំពេញ របស់រដ្ឋាភិបាលក៏បានចាប់ផ្ដើមបន្តិចម្ដងៗហើយផងដែរ និងអាចធ្វើឱ្យតម្លៃនៅតំបន់នោះកាន់តែកើនឡើង។

អ្នកជំនាញនៃវិស័យអចលនទ្រព្យកម្ពុជា ក៏បានលើកឡើងពីសក្ដានុពលនៃវិស័យដីធ្លីក្នុងតំបន់ទាំងបីនេះផងដែរ ក្នុងនោះដូចជា គម្រោងក្រវ៉ាត់ក្រុងទី៣ដែលរត់កាត់នៅខណ្ឌទាំង៣ នៃរាជធានីភ្នំពេញ ហើយក្រៅពីនេះដែរក៏មានគម្រោងមួយចំនួនទៀត ដែលនឹងហុចសក្ដានុពលដល់វិស័យដីធ្លី ដូចជាខណ្ឌព្រែកព្នៅ មានវិមានឈ្នះឈ្នះ មានពហុកីឡដ្ឋានជាតិមរតកតេជោ ខណ្ឌកំបូលក៏មានគម្រោងផ្លូវក្រវ៉ាត់ក្រុងទី៣ និងមានគម្រោងអភិវឌ្ឍន៍លំនៅឋានជាច្រើន ខណ្ឌដង្កោក៏មានគម្រោងធំៗជាច្រើនបាន និងកំពុងបញ្ចេញសកម្មភាពវិនិយោគនៅទីនោះដែរ ។

លោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ថាការវិនិយោគដីធ្លីនៅតែមានឱកាស ក្នុងការទទួលបានប្រាក់ចំណេញត្រលប់មកវិញ ប៉ុន្តែត្រូវចេះមើលទៅសក្ដានុពល នៃតំបន់ដែលខ្លួននឹងបណ្ដាក់ទុនវិនិយោគផងដែរ ។ តំបន់អ្នកវិនិយោគអាចបណ្ដាក់ទុន ក្នុងរយៈពេលខ្លះតែអាចទទួលបានផលចំណេញច្រើន៕

ដោយ: ម៉ាលីស

ភ្នំពេញ: ស្ថានភាពនៃវិស័យខុនដូនៅកម្ពុជា រហូតមកដល់ពេលនេះ មិនទាន់មានសញ្ញាណនៃការងើបឡើងវិញនៅឡើយទេ ខណៈគម្រោងសាងសង់ថ្មីៗមានឡើងជាបន្តបន្ទាប់។

លោករិន ច័ន្ទរឹទ្ធអគ្គនាយកក្រុមហ៊ុន DNZ Realty បានប្រាប់គេហទំព័រ Property Area នៅថ្ងៃ២៤ ខែមិនា នេះ ឱ្យដឹងថា វិស័យខុនដូនៅកម្ពុជាបានរងផលប៉ះពាល់ តាំងពីកម្ពុជាក៏ដូចជាពិភពលោកបានទទួលរងនូវវិបត្តិកូវីដ១៩ ហើយរហូតមកដល់ដើមឆ្នាំ២០២២នេះ វិស័យខុនដូនៅតែបន្តធ្លាក់ចុះនិងមិនទាន់មានសញ្ញានៃការងើបឡើងវិញនៅឡើយទេ ។

លោកបន្តថា “ចរន្តលក់ដូររឺជួលខុនដូនៅក្នុងពេលនេះ បានធ្លាក់ចុះសឹងតែគ្រប់គ្នាគ្រប់ក្រុមហ៊ុន។ កាលពីកូវីដ១៩ដំបូង មនុស្សនៅមានលុយទិញខុនដូ ហើយមកដល់ពេលនេះអ្នកដែលមានបំណងទិញខុនដូគឺមិនទាន់ទិញ ឬក៏មិនទិញតែម្ដង ហើយបើយើងសិក្សាទីផ្សារបានរកឃើញថា ខុនដូក្នុងពេលនេះអាចនិយាយថា មកពីការផ្គត់ផ្គង់មានច្រើនជាងតម្រូវការ នាំអោយមានការប្រកួតប្រជែងច្រើន ដែលធ្វើឱ្យក្រុមហ៊ុនអភិវឌ្ឍន៍ខុនដូថ្មីៗលក់មិនចេញ”។

លោកបន្តថា ”អតិថិជនដែលបានទិញខុនដូ តាំងពីមានវិបត្តិកូវីដ១៩ក៏កំពុងរងផលប៉ះពាល់បណ្ដើរៗដែរ ពីព្រោះថាអ្នកទិញខុនដូមួយចំនួនជាជនជាតិខ្មែរ មិនមែនទិញដើម្បីស្នាក់នៅទេ គឺទិញដើម្បីវិនិយោគដូចជាជួលបន្តដើម្បី យកកម្រៃនោះដោយបង់រំលស់ ឬដើម្បីយកវិនិយោគអ្វីផ្សេង តែពេលអត់មានអ្នកជួលក៏ធ្វើឱ្យមានបញ្ហាតែម្ដងទៅ ”។

លោកបន្ថែមថា ទោះបីជាវិស័យនេះ ទទួលរងផលប៉ះពាល់យ៉ាងនេះក្ដី ក៏អ្នកអភិវឌ្ឍន៍មិនអាចលក់បញ្ចុះតម្លៃបានដែរ ពីព្រោះថាការលក់យូនីតមុនៗ តម្លៃផ្សេងហើយពេលរងផលប៉ះពាល់បែរជាលកក់តម្លៃផ្សេងទាបជាងមុន នឹងធ្វើឱ្យប៉ះពាល់ដល់អ្នកទិញមុនៗ។

បើតាមលោកខន គង្គារ អគ្គនាយកក្រុមហ៊ុនERA Cambodia ក៏បានលើកដែរឡើងថា ទីផ្សារខុនដូបានចាប់ផ្ដើមផ្លាស់ប្តូរ ពីអតិថិជនបរទេសស្ទើរទាំងស្រុងជាអ្នកទិញ មកជាអតិថិជនខ្មែរឬអតិថិជនក្នុងស្រុកជាបណ្ដើរៗហើយ តែយ៉ាងណាវិស័យខុនដូនៅកម្ពុជា ក៏នៅតែពឹងផ្អែកលើការវិនិយោគពីបរទេសផងដែរ៕

    ដោយៈគង់ សូរិយា

      ភ្នំពេញៈ ខណៈដែលសុទិដ្ឋិនិយមត្រូវបានស្លោកស្រពោន ដោយសារវិបត្តិចំនួនពីរ បានធ្វើឲ្យអ្នកជំនាញក្នុងវិស័យនេះ មិនសូវមានសុទិដ្ឋិនិយមខ្ពស់ពេកនោះទេ លើល្បឿននៃការអភិវឌ្ឍ ស្របពេលលំហូរទុនវិនិយោគពីបរទេសហាក់ត្រូវបានជាប់គាំងនៅដើមឆ្នាំនេះ។

ទីផ្សារបុរីបានជាប់គាំង ដោយគំរោងជាច្រើនបានពន្យាពេលសាងសង់ ពិសេសបុរីថ្មីៗនៅតាមផ្លូវជាិលេខ៦អាបាននិងកំពុងបង្អង់ល្បឿនរបស់ពួកគេ លើការសាងសង់សំណង់បុរីនានា។

ក្រសួងសេដ្ឋកិច្ច និងហិរញ្ញវត្ថុកាលពីចុងឆ្នាំមុនបានព្យាករណ៍ថា ការរីកចម្រើនក្នុងវិស័យសំណង់នឹងកើនឡើងក្នុងរង្វង់៤,៨ភាគរយ កើនឡើងទ្វេរដងបើធៀបនឹងឆ្នាំ២០២១កន្លងមកនេះ។

អ្នកឧកញ៉ាលី ហួរប្រធានសមាគមអ្នកអភិវឌ្ឍន៍លំនៅដ្ឋានកម្ពុជា បានមានប្រសាសន៍ឲ្យដឹងកាលពីសប្តាហ៍កន្លងមកថា វិបត្តិអូមីក្រុង និងសង្រ្គាមឈ្លានពានពីសំណាក់ប្រទេសរុស្ស៊ី លើទឹកដីអ៊ុយក្រែន បាននិងកំពុងបង្អាក់ការសាងសង់ ដែលល្បឿននៃការសាងសង់យឺតជាងមុន ព្រោះការលក់មានការធ្លាក់ចុះខ្លាំង។

លោកបន្តថា “ទីផ្សារកំពុងរងផលប៉ះពាល់ ប៉ុន្តែវាមិនមានសញ្ញាធ្ងន់ធ្ងរពេកទេ ប៉ុន្តែយើងរំពឹងថា សង្រ្គាមនៅអ៊ុយក្រែន នឹងឆាប់បញ្ចប់”។លោកបន្តថា “ការលក់ពិតជាមានសភាពស្ងប់ស្ងាត់ បន្ទាប់ពីសង្រ្គាមរុស្ស៊ី នៅអ៊ុយក្រែនបានចាប់ផ្តើម”។

ជាមួយគ្នានេះ អ្នកស្រីអាន សុធីតាអគ្គនាយិកាក្រុមហ៊ុន PropNex Cambodiaបានមានប្រសាសន៍ឲ្យដឹងផងដែរថា ទីផ្សារអចលនទ្រព្យ មួយចំនួនពិតជាបាននិងកំពុងរងផលប៉ះពាល់ពីវិបត្តិនេះ ប៉ុន្តែវាមិនសូវមានលក្ខណៈធ្ងន់ធ្ងរខ្លាំងនោះទេ ប៉ុន្តែសញ្ញានៃផលប៉ះពាល់បានចាប់ផ្តើមមានឥទ្ឋិពលលើទីផ្សារបណ្តើរៗហើយ។

អ្នកស្រីបន្តថា “យើងមិនអាចនិយាយថា មិនមានផលប៉ះពាល់នោះទេ ប៉ុន្តែផលប៉ះពាល់កម្រិតណា វាអាស្រ័យតាមផ្នែកនិមួយៗ”។

ចំណែកប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍ឲ្យដឹងថា ទីផ្សារអចលនទ្រព្យ ចរន្តទិញលក់ នៅតែបន្តមានសកម្មភាព ហើយវិស័យនេះមិនប្រឈមហានិភ័យនៃការជាប់គាំងនោះទេ ដោយសារស្ថាប័នហិរញ្ញវត្ថុនានានៅតែបន្តផ្តល់ឥណទាន។

លោកបន្តថា “ទោះជាយ៉ាងណាផលប៉ះពាល់មួយចំនួន ពិតជាកើតមាន ប៉ុន្តែវាមិនទាន់ឃើញសញ្ញាគួរឲ្យបារម្ភពេកនោះទេ”៕

ដោយៈសុខុម

ហុងកុង: មូលនិធិអន្តរជាតិ និងវិនិយោគិនក្នុងស្រុក កំពុងសម្រុកទិញសណ្ឋាគារនៅហុងកុង ដើម្បីប្រែក្លាយវាទៅកន្លែងជួលរយៈពេលវែង និងធ្វើជាកន្លែងជួលសម្រាប់និស្សិតស្នាក់នៅជុំគ្នា ខណៈឧស្សាហកម្មទេសចរណ៍ក្នុងទីក្រុងនេះ ស្ថិតក្នុងស្ថានភាពមិនប្រាកដប្រជានៅឡើយ។

យោងតាមកាសែតថៃBangkok Post ដែលបានចុះផ្សាយកាលពីថ្ងៃពុធ ទី២៣ ខែមីនា ឱ្យដឹងថា កន្លងមក ម្ចាស់សណ្ឋាគារមានការស្ទាក់ស្ទើរ ក្នុងការដាក់លក់សណ្ឋាគាររបស់ខ្លួន ពីព្រោះក្នុងមួយឆ្នាំៗមានភ្ញៀវទេសចររាប់លាននាក់ហូរចូលមកក្នុងទីក្រុងនេះ។

ទោះជាយ៉ាងណា ម្ចាស់សណ្ឋាគារមួយចំនួនធំបានប្ដូរចិត្ត នៅពេលមហាបាតុកម្ម ប្រឆាំងរដ្ឋាភិបាលក្នុងឆ្នាំ២០១៩ និងការរីករាលដាលវីរុសកូវីដ-១៩ ដែលកំពុងបន្តអូសបន្លាយ បានធ្វើឱ្យឧស្សាហកម្មទេសចរណ៍ធ្លាក់ចុះដល់បាត។

លោកShaman Chellaram នាយកផ្នែកផ្ដល់សេវាវាយតម្លៃ និងប្រឹក្សាយោបល់ នៅក្រុមហ៊ុនផ្ដល់សេវាអចលនទ្យកាណាដាColliers ប្រចាំតំបន់អាស៊ីបានលើកឡើងថា  ចាប់តាំងពីផ្ទុះវិបត្តិកូវីដ-១៩ កាលពីដើមឆ្នាំ២០២០ មក សណ្ឋាគារចំនួន១៤នៅហុងកុង ត្រូវបានប្ដូរម្ចាស់ ដោយភាគច្រើនត្រូវបានទិញ ដើម្បីប្រែក្លាយវាទៅជាកន្លែងស្នាក់នៅគ្នាច្រើន ឬកន្លែងសម្រាប់និស្សិតជួលស្នាក់នៅជុំគ្នា។

ជាមួយគ្នានេះ លោកOscar Chan ប្រធានផ្នែកទីផ្សារមូលធនប្រចាំក្រុមហ៊ុនJLL នៅហុងកុង បានលើកឡើងថា “សណ្ឋាគារកាន់តែច្រើននឹងប្រកាសដាក់លក់នៅលើទីផ្សារជាបន្តបន្ទាប់”។

អ្នកជំនាញរូបនេះរំពឹងថា សកម្មភាពវាយតម្លៃសម្រាប់សណ្ឋាគារ នៅតាមតំបន់ក្រុងនៃក្រុងហុងកុង នឹងបន្តកើនឡើង នៅពេលអ្នកទិញចាប់អារម្មណ៍ លើសក្ដានុពលនៃប្រាក់ចំណូល មានស្ថិរភាពពីការជួលរយៈពេលវែង ឬ ការជួលសម្រាប់មនុស្សស្នាក់នៅរួមគ្នាច្រើន។

ការប្រែក្លាយសណ្ឋាគារ ទៅជាកន្លែងជួលរយៈពេលវែង និងធ្វើជាកន្លែងនិស្សិតជួលស្នាក់នៅ គឺជាទំនោរថ្មីនៅក្រុងហុងកុង៕ Bangkok Post៕