ដោយ៖ សុផារី
កែប៖ ក្រសួងបរិស្ថានស្នើឱ្យពលរដ្ឋឈប់ចាញ់បោកមេខ្យល់ឬក្រុមជនខិលខូច ដោយនាំគ្នាទៅទិញដីឬទន្ទ្រានយកដីរដ្ឋធ្វើជាកម្មសិទ្ធិ គ្មានជនណាម្នាក់មានសិទ្ធិទិញឬលក់ដីធ្លីនៅក្នុងតំបន់ការពារធម្មជាតិនិងរបៀងអភិរក្សជីវៈចម្រុះនៅតាមបណ្ដាខេត្តនានាបានឡើយ ព្រោះមិនមានការទទួលស្គាល់ឡើយ ហើយអាចនឹងប្រឈមមុខនឹងវិធានការច្បាប់ថែមទៀតផង។

នេះបើការថ្លែងរបស់លោក នេត្រ ភក្ត្រា រដ្ឋលេខាធិការក្រសួងបរិស្ថាន នៅព្រឹកថ្ងៃទី១៥ ខែមីនា ឆ្នាំ២០២២ នៅក្នុងពិធីបើកសិក្ខាសាលាផ្សព្វផ្សាយច្បាប់ពាក់ព័ន្ធនឹងវិស័យបរិស្ថាននិងធនធានធម្មជាតិនៅរដ្ឋបាលខេត្តកែប។

លោករដ្ឋលេខាធិការបានបញ្ជាក់ថា “គ្មានជនណាម្នាក់មានសិទ្ធិទិញឬលក់ដីធ្លីនៅក្នុងតំបន់ការពារធម្មជាតិនិងរបៀងអភិរក្សជីវៈចម្រុះនៅតាមបណ្ដាខេត្តនានាបានឡើយ ហើយក្រសួងបរិស្ថានស្នើឱ្យពលរដ្ឋឈប់ចាញ់ បោកមេខ្យល់ ឬក្រុមជនខិលខូច ដោយនាំគ្នាទៅទិញដី ឬ ទន្ទ្រានយកដីរដ្ឋធ្វើជាកម្មសិទ្ធិ ព្រោះមិនមានការទទួលស្គាល់ឡើយ មិនតែប៉ុណ្ណោះអាចនឹងប្រឈមមុខនឹងវិធានការច្បាប់ថែមទៀតផង”។

លោកបានមានប្រសាសន៍ថា “សូមស្នើដល់រដ្ឋបាលឃុំ សង្កាត់ រដ្ឋបាលស្រុក បញ្ឈប់រាល់ការចុះហត្ថលេខាបញ្ជាក់លើលិខិតផ្ទេរសិទ្ធិ ពាក្យស្នើសុំកាន់កាប់ប្រើប្រាស់ដីធ្លី លិខិតទិញលក់ដីរដ្ឋ ឬការបញ្ជាក់លើប្លង់បង្ហាញទីតាំងដីជាអាទិ៍ នៅលើដីដែលស្ថិតក្នុងតំបន់ការពារធម្មជាតិ និងរបៀងអភិរក្សជីវៈចម្រុះនៃដែនសមត្ថកិច្ចរបស់ខ្លួន”។

លោកបានឱ្យដឹងថា មានក្រុមជនខិលខូចមួយចំនួនបានប្រើប្រាស់ប្រជាពល រដ្ឋដោយការជួលឱ្យទន្ទ្រានដីឱ្យខ្លួនលក់ក្នុងតម្លៃថោកៗ និងពេលខ្លះប្រើប្រាស់ពលរដ្ឋដើម្បីជាខែលក្នុងការតវ៉ាជាមួយអាជ្ញាធរដើម្បីស្នើសុំកាត់ឆ្វៀលដីឱ្យខ្លួនថែមទៀតផង។

លោកក៏បានអំពាវនាវដល់ក្រុមជនខិលខូចគួរបញ្ឈប់វប្បធម៌ចូលទន្ទ្រានដីព្រៃរដ្ឋដោយខុសច្បាប់ ហើយពេលខ្លះប្រើប្រាស់ឯកសារក្លែងក្លាយដើម្បីទាមទារកាត់ឆ្វៀលដីមកធ្វើកម្មសិទ្ធិ។ មានករណីមិនប្រក្រតីជាច្រើនត្រូវបានរកឃើញ ហើយសមត្ថកិច្ចបាននិងកំពុងចាត់ការតាមនីតិវិធីច្បាប់។

លោកបានថ្លែងថា ដើម្បីធ្វើការការពារ អភិរក្ស និងគ្រប់គ្រងធនធានធម្មជាតិឱ្យមានប្រសិទ្ធភាព គឺតម្រូវឱ្យមានការចូលរួមចំណែកពី គ្រប់ភាគីពាក់ព័ន្ធទាំងអស់ ទើបអាចសម្រេចតាមផែនការនិងគោលដៅជាយុទ្ធសាស្ត្ររបស់រាជរដ្ឋាភិបាល និងគោលនយោបាយយុទ្ធសាស្ត្រចតុកោណរបស់រាជរដ្ឋាភិបាលកម្ពុជា។

ដោយៈសុខុម

ប៉េកាំង: ការវិនិយោគលើអចលនទ្រព្យ នៅក្នុងប្រទេសចិន បានកើនឡើងបន្តិច ក្នុងរយៈពេល២ខែដើមឆ្នាំ២០២២ បន្ទាប់ពីធ្លាក់ចុះក្នុងខែធ្នូ។ នេះបើយោងតាមទិន្នន័យផ្លូវការ បានបង្ហាញកាលពីថ្ងៃអង្គារ ទី១៥ មីនា។

កំណើននៃការវិនិយោគនេះកើតមានឡើង ក្រោយពីរដ្ឋាភិបាលក្រុងប៉េកាំង បានចាត់វិធានការបន្ធូរបន្ថយ ការរឹតបន្តឹងលើវិស័យអចលនទ្រព្យដើម្បីសម្រាលវិបត្តិសាច់ប្រាក់ដ៏ធ្ងន់ធ្ងរ ដែលបណ្ដាក្រុមហ៊ុនអភិវឌ្ឍន៍ប្រឈ​ម ហើយវិធានការទាំងនោះ បានធ្វើឱ្យចំណាប់អារម្មណ៍ទិញអចលនទ្រព្យកើនឡើង។

ការវិនិយោគលើអចលនទ្រព្យ បានកើនឡើង៣,៧%ធៀបនឹងឆ្នាំ២០២១ ឈានដល់២២៧,១៩ពាន់លានដុល្លារអាមេរិក ក្នុងរយៈពេល២ខែដើមឆ្នាំ២០២២ បន្ទាប់ពីធ្លាក់ចុះ១៣,៩% ហើយតួលេខនេះគឺច្រើនជាង បើធៀបនឹងទំហំវិនិយោគ២១៩,៥ពាន់លានដុល្លារអាមេរិក សម្រាប់រយៈពេលដូចគ្នាក្នុងឆ្នាំ២០២១។

ទីផ្សារអចលនទ្រព្យរបស់ប្រទេសចិន បានដាំក្បាលចុះកាលពីឆ្នាំមុន នៅពេលរដ្ឋាភិបាលក្រុងប៉េកាំង ចាប់ផ្ដើមយុទ្ធនាការរឹតបន្តឹងការខ្ចីប្រាក់ក្នុងវិស័យអចលនទ្រព្យ ដែលបានបណ្ដាលឱ្យក្រុមហ៊ុនអភិវឌ្ឍន៍អចលនទ្រព្យធំៗជាច្រើនជួបវិបត្តិសាច់ប្រាក់ធ្ងន់ធ្ងរ រហូតឈានទៅដល់ការខកខានសងថ្លៃមូលបត្របំណុលតាមពេលកំណត់ ធ្វើឱ្យតម្លៃភាគហ៊ុនដាំក្បាលចុះ ហើ​យគម្រោងនានាត្រូវបានផ្អាក ឬជាប់គាំងកណ្ដាលទី។

រដ្ឋាភិបាលបានដាក់ចេញនូវវិធានការជាច្រើន ដើម្បីជំរុញការលក់ និងសម្រាលវិបត្តិសាច់ប្រាក់ របស់បណ្ដាក្រុមហ៊ុនអភិវឌ្ឍន៍ នៅពេលក្រុមអ្នកបង្កើតគោលនយោបាយព្រួយបារម្ភខ្លាចវិបត្តិនេះ បង្កឱ្យមានវិបត្តិហិរញ្ញវត្ថុកាន់តែធំ។ វិធានការទាំងនោះ រួមមាន ទាំងការអនុញ្ញាតឱ្យបង់ប្រាក់ជាមុន (Down Payment) តិចជាងមុនសម្រាប់ការបង់រំលស់ផ្ទះ និងបញ្ចុះអត្រាការប្រាក់សម្រាប់ប្រាក់កម្ចីទិញផ្ទះជាដើម៕ Reuters៕

SINGAPORE: Sales of new private homes fell 22.5 per cent last month, according to data from the Urban Redevelopment Authority on Tuesday (Mar 15).

Excluding executive condominiums (ECs), developers sold 527 units in February, down from 680 for January.

Region (RCR), where 266 units were sold. There were 160 units sold for Outside Central Region (OCR), and in the Core Central Region (CCR), 101 units were sold.

Ms Christine Sun, senior vice-president of research and analytics at OrangeTee & Tie, noted that on a year-on-year basis, new sales excluding ECs declined by 18.3 per cent from the 645 units sold in February last year.

“The private residential market is reeling under a triple whammy of cooling measures, declining housing supply and global uncertainties from the Russia-Ukraine conflict,” said Ms Sun.

She also pointed to other challenges faced by property buyers, such as rising interest rates, property tax hikes from next year and fewer home options, given a smaller slate of project launches this year.

Developers launched 194 units in February – a slight increase from the 178 units launched the month before.

“February is usually a slow month for developer sales because (Chinese New Year) tends to fall in the month,” said Huttons Asia’s senior director for research Lee Sze Tereck.

‘Harder hitting’ cooling measures will slow home sales, en bloc market: Analysts
Noting February was the second month where the launch volume was lower than 200 units, Mr Lee said last month marked the third lowest launch volume for February since URA began providing data.

“The only launch in February, Royal Hallmark, did reasonably well – selling almost one-third of its units against the backdrop of cooling measures in December 2021 and some uncertainties created by the war in Ukraine,” he added.

“One positive takeaway from February sales was that the proportion of transactions (that were) S$2 million and above … stayed at the same level before the cooling measures,” said Mr Lee.

“This means that affordability remained unchanged despite the cooling measures, as there remains ample liquidity in the market.”

Mr Mohan Sandrasegeran, research and content analyst at Ohmyhome, said market sentiment for the private new sales market is likely to “remain positive in the coming months”.

“We expect new sales to be in the range of 2,000 to 2,300 in the first quarter of 2022,” he said.

OrangeTee & Tie’s Ms Sun said that there could be a revival in demand for safe-haven purchases as “war tensions continue to escalate”.

She said: “Looming uncertainties may instead benefit our real estate market as investors shift their focus back to defensive asset classes like properties.”

Source: CNA

ដោយៈគង់ សូរិយា

ភ្នំពេញៈ ប្រធានបុរីវិមានភ្នំពេញ អ្នកឧកញ៉ាលី ហួរ បានបង្ហើបពីគំរោងវិនិយោគបុរី និងផ្សារនៅទីរួមខេត្តត្បូងឃ្មុំ ដែលនឹងធ្វើឡើងនៅពេលខាងមុខនេះ។

អ្នកឧកញ៉ាបានមានប្រសាសន៍ឲ្យដឹង តាមទូរស័ព្ទកាលពីសប្តាហ៍មុនថា កាលពីពេលថ្មីៗនេះ លោកបានអភិវឌ្ឍន៍ និងវិនិយោគបុរិវិមានភ្នំពេញ នៅទីរួមស្រុកស្នូល ក្នុងខេត្តក្រចេះ ដើម្បីផ្តល់លំនៅដ្ឋានដែលមានស្តង់ដា ផាសុខភាព និងអាចប្រកបអាជីវកម្មសំរាប់ប្រជាពលរដ្ឋ ប៉ុន្តែសំរាប់គំរោងនៅទីរួមខេត្តត្បូងឃ្មុំថ្មី យើងនឹងរៀបចំនាពេលខាងមុខនេះ។

លោកបន្តថា “យើងត្រូវសិក្សាទីផ្សារឲ្យបានច្បាស់លាស់ ព្រោះដីយើងមានរួចហើយ ហេតុនេះបើស្ថានភាពសេដ្ឋកិច្ចល្អ ចប់សង្រ្គាមរវាងរុស្ស៊ី និងអ៊ុយក្រែន យើងនឹងរៀបចំគំរោងអភិវឌ្ឍន៍នៅទីនោះ”។

នៅពេលសួរថា តើគំរោងអាចនឹងចាប់ផ្តើមឡើងនៅពេលណា? អ្នកឧកញ៉ាលី ហួរ បានមានប្រសាសន៍ថា គំរោងវិនិយោគនៅមូលដ្ឋានខាងលើនេះ អាចនឹងចាប់ផ្តើមនៅរយៈពេល២ទៅ៣ឆ្នាំខាងមុខនេះ។

កាលពីពេលថ្មីៗនេះ សម្តេចតេជោហ៊ុន សែននាយករដ្ឋមន្រ្តីនៃកម្ពុជា ទើបបានសម្ភោធ ដាក់ឲ្យប្រើប្រាស់មន្ទីរពេទ្យមិត្តភាពកម្ពុជា ចិន ដែលជាអំណោយរបស់រដ្ឋាភិបាលចិន នៅទីរួមខេត្តត្បូងឃ្មុំ ដែលចំណាយទុនវិនិយោគអស់ប្រមាណ៥០លានដុល្លារអាមេរិក។ មន្ទីរពេទ្យនេះ នឹងដើរតួនាទីសំរាប់កម្រិតតំបន់ផងដែរ មិនត្រឹមតែបំរើការពិនិត្យ ព្យាបាល និងថែរទាំអ្នកជំងឺនៅខេត្តត្បូងឃ្មុំតែមួយនោះទេ។

ខេត្តត្បូងឃ្មុំ ត្រូវបានរដ្ឋាភិបាលបំបែកចេញពីខេត្តកំពង់ចាម ដោយផ្នែកខាងត្បូងទន្លេមេគង្គ រួមមាន ក្រុងសួង ស្រុកពញ្ញាក្រែក ដំបែរ មេបត់ ក្រូចឆ្មារ ស្រុកអូរាំងឳ ត្រូវបានកាត់បញ្ចួលមកកាន់ខេត្តត្បូងឃ្មំ ពិសេសទីរួមខេត្តនេះ ស្ថិតនៅទីប្រជុំ ឬចំណុចប្រសព្វរវាងក្រុងសួង ស្រុកពញ្ញាក្រែក និងស្រុកដំបែរ៕

ដោយៈ សុផារី

ភ្នំពេញៈ អវត្តមាននៃភ្ញៀវទេសចរណ៍ និងអ្នកវិនិយោគបរទេសដោ​យសារវិបត្តិកូវីដ១៩ ក្នុងរយៈពេលជាង២ឆ្នាំនេះ បានធ្វើឱ្យទីផ្សារជួលមានភាពស្ងប់ស្ងាត់ខ្លាំងជាងទីផ្សារផ្សេងទៀត នៅក្នុងវិស័យអចលនទ្រព្យកម្ពុជា។

អ្នកជំនាញនៃវិស័យអចលនទ្រព្យជាច្រើនរូប បានសំដែលនូវសុទិដ្ឋិ​និយម ចំពោះការងើបឡើងវិញនៃវិស័យអចលនទ្រព្យ នៅដើមឆ្នាំ២០២២នេះ ដែលត្រូវបានជំរុញដោយកំណើនវិនិយោគក្នុងស្រុក និងការបើកប្រទេ​សស្វាគមន៍ភ្ញៀវទេសចរបរទេសឡើងវិញ។

យ៉ាងណាក្តី ស្របពេលលំហូរទេសចរណ៍ ចូលមកកម្ពុជាចាប់ផ្តើមមានសញ្ញាវិជ្ជមានបណ្តើរៗ អ្នកជំនាញនៅតែមើលឃើញពីការងើបឡើងវិញយឺតនៃទីផ្សារជួលនៅកម្ពុជា ជាពិសេសនៅក្នុងរាជធានីភ្នំពេញ។

លោក ប៉ូវ អ៊ាវគង់ អគ្គនាយកក្រុមហ៊ុន បានមានប្រសាសន៍ប្រាប់គេហទំព័រ Property Area Asia កាលពីសប្តាហ៍មុនថា ការអូសបន្លាយនៃជំងឺកូវីដ១៩បានធ្វើឱ្យទីផ្សារជួល ជាពិសេសការជួលការិយាល័យមិនទាន់មានអ្វីប្រែប្រួលខ្លាំងនោះឡើយ។ យើងគិតថា វាដូចជាសញ្ញាវិជ្ជមាន ដែលកើតមានឡើងនៅក្នុងដើមឆ្នាំ២០២២នេះ តែគ្រប់យ៉ាងត្រូវបានអូសបន្លាយព្រោះតែអូមីក្រុង។

បើសង្កេតលើអត្រាជួល (Occupancy Rate) នៃអគារការិយាល័យដែលនៅទំនេរចាប់ពីចុងឆ្នាំ២០២១ រហូតដល់ដើមខែមីនា លោកមើលឃើញថា អត្រានៃការជួលមានតិចតួចណាស់។

លោកមានប្រសាសន៍បន្ថែមថា ស្របពេលដែលពិភពលោកកំពុងប្រឈមនឹងកូវីដ១៩ ប្រភេទបំប្លែងថ្មីអូមីក្រុង នៅក្នុងខែកុម្ភៈនេះ សង្គ្រាមរវាងរុស្សី និងអ៊ុយក្រែនបានធ្វើឱ្យរង្គើរ ដល់ប្រព័ន្ធថាមពលពិភពលោក និងស្តុកមួយចំនួនផងដែរ។

លោកបន្តថា បញ្ហាខាងលើនេះបណ្តាល ឱ្យប៉ះពាល់ដល់ចរន្តនៃការទូទាត់ក្នុងប្រព័ន្ធហិរញ្ញវត្ថុ និងអារម្មណ៍របស់មនុស្សទូទៅ។ មិនថាអ្នកវិនិយោគក្រៅស្រុកឬក្នុងស្រុកនោះទេ បញ្ហានេះបណ្តាលឱ្យទិសដៅនៃការប្រើប្រាស់ទុនវិនិយោគ កាន់តែមានការប្រុងប្រយ័ត្នបន្ថែមទៀត ដែលសាងទៅជារបាំងមួយថ្មីក្នុងវិស័យអចលនទ្រព្យ។

អ្នកជំនាញនៃវិស័យអចលនទ្រព្យមួយរូបទៀតគឺ លោកស្រី តាំង ហ៊ួរ ដែលជាអគ្គនាយិកាក្រុមហ៊ុន Amatak Property Service Co, Ltd បានមានប្រសាសន៍កាលពីពេលថ្មីៗនេះថា ទីផ្សារជួលក្នុងរាជធានីភ្នំពេញនៅដើមឆ្នាំ២០២២នេះ បានត្រលប់មកវិញ តែស្ថិតនៅក្នុងអត្រាទាប។

លោកស្រីបានមានប្រសាសន៍ថា “Office Space មិនសូវមានគេសួររកនោះទេ ភាគច្រើនគេសួររកឃ្លាំង ផ្ទះក្នុងក្រុងដើម្បីធ្វើអាជីវកម្មច្រើនជាង”។ លោកស្រីបន្តថា “ទាក់ទងនឹងតម្រូវការ office space មិនសូវមានតម្រូវការទេ មានតិច មិនទាន់មានភាពប្រសើរនោះទេ”។

កន្លងមក ទីផ្សារជួលអចលនទ្រព្យ នៅក្នុងប្រទេសកម្ពុជាភាគច្រើនពឹងផ្អែកលើអតិថិជន ដែលជាជនជាតិបរទេស។

យោងតាមរបាយការណ៍របស់ក្រុមហ៊ុន CBRE Cambodia បានធ្វើព្យាករណ៍ថា នៅក្នុងឆ្នាំ ២០២២នេះ ការផ្គត់ផ្គង់ការិយាល័យនឹងធ្លាក់ចុះពីពាន់ម៉ែត្រការ៉េ នៅក្នុងឆ្នាំ២០២១ ដល់៩៧ពាន់ម៉ែត្រការ៉េ៕