ដោយៈ សុផារី

កណ្តាលៈ ក្រុមហ៊ុន Cambodia Airport Investment Co., Ltd បានកំពុង ស្នើសុំកែសម្រួលគន្លងផ្លូវថ្មី តភ្ជាប់មហាវិថីសម្តេចតេជោ ហ៊ុន សែន (ផ្លូវ៦០ម៉ែត្រ) ទៅនឹងគម្រោងផ្លូវចូលអាកាសយានដ្ឋាន អន្តរជាតិតេជោក្រុងតាខ្មៅ។

កន្លងមកក្រុមហ៊ុនបានដាក់សំណើរ ទៅកាន់ក្រសួងរៀបចំដែនដី នគរូបនីយកម្ម និងសំណង់ និងរដ្ឋបាលខេត្តកណ្តាល ដើម្បីស្នើសុំអនុញ្ញាតគោលការណ៍កែសម្រួល គន្លងផ្លូវតភ្ជាប់ជាមួយមហាវិថីសម្តេចតេជោ ហ៊ុន សែន ភ្ជាប់ទៅនឹងគម្រោងផ្លូវចូលអាកាសយានដ្ឋានអន្តរជាតិ តេជោក្រុង   ខ្មៅ។

កាលពីថ្ងៃទី៧ ខែមីនាកន្លងមក លោកគង់ សោភ័ណ្ឌ អភិបាលខេត្តកណ្តាល និងលោកបេងហុង សុជាតិខេមរ៉ូ អគ្គនាយកនៃអគ្គនាយកដ្ឋានលំនៅឋាន នៃក្រសួងរៀបចំដែនដី នគរូបនីយកម្ម និងសំណង់ និងជាប្រធា​នក្រុមការងារស្ថាបនា ព្រលានយន្តហោះអន្តរជាតិតេជោ ក្រុងតាខ្មៅ បានដឹកនាំកិច្ចប្រជុំពិនិត្យ ពិភាក្សាករណីសំណើរបស់ក្រុមហ៊ុនខាងលើនេះ។

ផ្លូវមួយខ្សែនេះមានទទឹងរហូតដល់៦០ម៉ែត្រ និងប្រវែងជាង១០គីឡូ​ម៉ែត្រ ដែលសាងសង់ចេញពីព្រលានយន្តអន្តរជាតិភ្នំពេញ នៅខេត្តកណ្ដា​ល តភ្ជាប់មកផ្លូវក្រវាត់ក្រុងមកតំបន់ប្រជុំជន ក្នុងរាជធានីភ្នំពេញ។

ផ្លូវមួយខ្សែនេះសំខាន់ណាស់ ព្រោះជាខ្សែផ្លូវមេក្នុងគម្រោងអភិវឌ្ឍប្រព័ន្ធដឹកជញ្ជូន របស់គម្រោងព្រលានយន្តហោះភ្នំពេញថ្មី ដែលគ្រោងដាក់ឱ្យដំណើរការនៅឆ្នាំ២០២៣។

គិតមកត្រឹមដើមខែមីនានេះ ក្រុមហ៊ុនបានឱ្យដឹងថា គម្រោងសាងសង់អាកាសយានដ្ឋានអន្តរជាតិតេជោ ក្រុងតាខ្មៅ សម្រេចបាន៣២%ហើយ ដោយទឹកប្រាក់សរុបចំនួន៤១៤លានដុល្លារអាមេរិក៕

ដោយ: ម៉ាលីស

កំពត: គំរោងវិនិយោគទេសចរណ៍ធម្មជាតិខ្នាតតូចចំនួន១៦ បាននិងកំពុងត្រៀមបង្ហាញខ្លួន នៅទីតាំងដ៏មានសក្តានុពលមួយចំនួន នៃទឹកដីក្រុងបូកគោ ខេត្តកំពត។

យោងតាមការចុះផ្សាយរបស់រដ្ឋលេខាធិការ ក្រសួងបរិស្ថានបានអោយដឹងថា មានគម្រោងសំណើសុំវិនិយោគទេសចរណ៍ធម្មជាតិ ខ្នាតតូចចំនួន១៦គម្រោងនៅក្នុងឧទ្យានជាតិ នៅក្រុងបូគោ។

លោកនេត្រ ភក្ត្រា អ្នកនាំពាក្យ និងជារដ្ឋលេខាធិការក្រសួងបរិស្ថាន បានចុះដឹកនាំក្រុមការងារចម្រុះមកពីក្រសួងបរិស្ថាន រដ្ឋបាលខេត្ត អាជ្ញាធរដែនដី និងមន្ទីរជំនាញ ចុះពិនិត្យលើគម្រោងសំណើសុំវិនិយោគទេស​ចរណ៍ធម្មជាតិខ្នាតតូចមានផ្ទៃដីក្រោម១០ហិកតា ចំនួន១៦គម្រោងនៅក្នុងឧទ្យានជាតិព្រះមុនីវង្សបូកគោ ក្នុងភូមិសាស្ត្រសង្កាត់កោះតូច និងសង្កាត់ព្រែកត្នោត ក្រុងបូកគោ ខេត្តកំពត កាលពីថ្ងៃទី៧ ខែមីនា ឆ្នាំ២០២២។

លោកបានថ្លែងថា “ទេសចរណ៍ធម្មជាតិជាចលករ មួយយ៉ាងសំខាន់ក្នុងការជំរុញកំណើនសេដ្ឋកិច្ចមូលដ្ឋាន ព្រោះបានបង្កើតការងារ ផ្តល់ប្រាក់ចំណូលជូនប្រជាពលរដ្ឋ”។

ក្នុងរយៈពេលចុងក្រោយនេះ ប្រជាពលរដ្ឋកម្ពុជាចាប់ផ្តើមស្គាល់ច្បា​ស់ពីតម្លៃនៃទេសចរណ៍ធម្មជាតិ និងបានដើរកម្សាន្តនៅតាមតំបន់ការពារធម្មជាតិនានា។

ជាមួយនឹងការដើរទស្សនាកមក្សាន្ត និងការស្នាក់នៅ ភ្លក់មុខម្ហូបរបស់ប្រជាសហគមន៍ ភ្ញៀវទេសចរបានចូលរួមផ្សព្វផ្សាយ នូវទេសភាពដ៏ស្រស់ស្អាតនៃតំបន់ការពារធម្មជាតិ ដល់ប្រជាពលរដ្ឋផ្សេងទៀត ជាការទាក់ទាញការចាប់អារម្មណ៍របស់ប្រជាពលរដ្ឋ ផ្សេងទៀតឱ្យធ្វើដំណើរកម្សាន្ត។

លោកនេត្រ ភក្ត្រា រដ្ឋលេខាធិការក្រសួងបរិស្ថានបានថ្លែងថា ឧទ្យានជាតិព្រះមុនីវង្សបូកគោ គឺជារមណីយដ្ឋានធម្មជាតិមួយ ដ៏មានសក្តានុពល និងបានទាក់ទាញភ្ញៀវទេសចរជាច្រើនមកទស្សនាកម្សាន្ត។

លោកបានថ្លែងថា ជាមួយការចូលរួមពីវិស័យឯកជន ក្នុងការការពារនិងអភិរក្សធនធានធម្មជាតិ តាមរយៈការអភិវឌ្ឍទេសចរណ៍ធម្មជាតិ ខេត្តកំពតដែលមួយផ្នែក គ្របដណ្តប់ដោយផ្ទៃដីឧទ្យានជាតិ នឹងមានការរីករាយ កាន់តែមានភាពទាក់ទាញ និងជាទិសដៅទេសចរណ៍ប៉ែកនារតីមួយយ៉ាងសំខាន់បំផុត៕

ដោយៈ សុផារី

បន្ទាយមានជ័យៈ ខេត្តបន្ទាយមានជ័យ ទើបទទួលស្វាគមន៍នូវការដាក់ឱ្យដំណើរការរោងចក្រផលិត ដែកដំបូងនៅក្នុងស្រុកម៉ាឡៃ ខេត្តបន្ទាយមានជ័យ ដែលជាការជម្រុញនូវការអភិវឌ្ឍទាំងសេដ្ឋកិច្ចក្នុងតំបន់ និងលើកមុខមាត់វិស័យអចលនទ្រព្យ នៅតំបន់ព្រំដែនប្រទេសថៃមួយនេះ។

រោងចក្រផលិតដែកដំបូងមួយនេះ ត្រូវបានវិនិយោគដោយក្រុមហ៊ុនអចលនទ្រព្យមួយគឺក្រុមហ៊ុនប៉ាង ណាគ្រីរៀលអ៊ីសស្ទេត ឯ.ក ដែលមានភាគហ៊ុនចម្រុះខ្មែរ ចិន ថៃ នៅដីតំបន់សេដ្ឋកិច្ចរបស់ខ្លួន ស្ថិតនៅផ្លូវជាតិលេខ៥៩ ភូមិខ្លាងាប់ ឃុំទួលពង្រ ស្រុកម៉ាឡៃ ខេត្តបន្ទាយមានជ័យ។

រោងចក្រផលិតដែក ដែលត្រូវបានសម្ភោធដាក់ឱ្យប្រើប្រាស់កាលពីថ្ងៃទី៨ខែមីនាឆ្នាំ២០២២នេះ ដោយមានការគាំទ្រយ៉ាងផុសផុល ពីផ្នែករដ្ឋបាលរដ្ឋ និងផ្នែកឯកជន ដោយចាប់ផ្តើមដំណើការផលិតកម្ម និងកែច្នៃដែកគ្រឿងសំណង់ឬរោងចក្រដែកទី១ ដំបូងបង្អស់នៅក្នុងខេត្តបន្ទាយមានជ័យ។

លោកតឹក ប៊ុនធឿន តំណាងលោកស្រីប៉ាង ណាគ្រី នៃក្រុមហ៊ុនប៉ាង ណាគ្រីរៀលអ៊ីសស្ទេត ឯ.ក បានឱ្យដឹងនៅក្នុងពីធីសម្ភោធក្រុមហ៊ុនថា ការឈានដល់ស្រុះស្រួលចូលភាគហ៊ុន និងសុំអាជ្ញាប័ណ្ណបើករោងចក្រដែកទី១ឬដំបូងគេនៅខេត្តបន្ទាយមានជ័យនេះ គឺជាការចូលរួមជាមួយអាជ្ញាធរ​មានសមត្ថកិច្ចនៃរាជរដ្ឋាភិបាល ដើម្បីអភិវឌ្ឍន៍សេដ្ឋកិច្ចនៅមូលដ្ឋាន។

លោកបន្តថា ដោយមានទីតាំងនៅកៀកព្រំដែនកម្ពុជា ថៃ និងជាពិសេសប្រែក្លាយតំបន់អតីតព្រៃដាច់ស្រយាល តំបន់អតីតសមរភូមិសង្គ្រាម និងតំបន់ចម្ការមីន គ្រាប់យុទ្ធភ័ណ្ឌ ហើយដែលក្លាយជាតំបន់ឈ្នួនសន្តិភាពមរតកសម្តេចតេជោហ៊ុន សែន ទៅជាតំបន់អភិវឌ្ឍន៍។

លោកតឹក ប៊ុនធឿន បន្ថែមថា “កន្លងមកនិងចំពោះមុខ ក្រុមហ៊ុនបាននឹងកំពុងអភិវឌ្ឍន៍តំបន់នោះ លើគម្រោងហេដ្ឋារចនាសម្ព័ន្ធផ្លូវជាច្រើនខ្សែចំណាយប្រមាណ៣លានដុល្លាសរអាមេរិក វិនិយោគលើវិស័យអចលនវត្ថុ បង្កើតផ្សារ រោងចក្រ សេវាកម្មមួយចំនួន ដែលស្របតាមគោលនយោបាយរបស់រាជរដ្ឋាភិបាល”។

លោកក៏បានបង្ហើបពីគម្រោងបន្តរបស់ក្រុមហ៊ុន ដែលមានគោលបំណងនឹងកសាងរោងចក្រផលិតសំបករថយន្ត និងអាជីវកម្មវិស័យផ្សេងទៀត ដើម្បីផលចំណេញក្រុមហ៊ុនផង និងរកការងារធ្វើជូនពលរដ្ឋក្នុងមូលដ្ខានផង។

លោកអ៊ុំ រាត្រី អភិបាលខេត្តបន្ទាយមានជ័យមានប្រសាសន៍អបអរសាទរ និងជូនពរដល់ផ្នែកឯកជននេះនិងអះអាងថា នឹងបន្តសម្របសម្រួល បង្កលក្ខណ:ងាយស្រួល ជូនវិនិយោគិនខ្មែរ និងបរទេសទាំងឡាយដើម្បីមកបន្ថែមទៀតបណ្តាក់ទុនរកស៊ីនៅក្នុងខេត្ត។

លោកមានប្រសាសន៍ថា “ពោលគឺនេះ វាស្របនឹងការគិតគូររបស់សម្តេចតេជោហ៊ុន សែននាយករដ្ឋមន្ត្រីដល់ជីវភាព របស់បងប្អូនប្រជាពលរដ្ឋនៅគ្រប់ច្រកល្ហក”។

លោកបានស្នើអោយក្រុមហ៊ុននិងម្ចាស់អាជីវកម្ម សូមផ្តល់អាទិភាពកម្លាំងពលកម្មជូនពលរដ្ឋ នៅឃុំទួលពង្រស្រុកម៉ាឡៃ ខេត្តបន្ទាយមានជ័យ។

លោកប៉ាន់ខែម ប៊ុនថន នាយករងខុទ្ទកាល័យសម្តេចតេជោហ៊ុនសែន បានរំលឹកពីគុណតម្លៃនៃមរតកសន្តិភាព ដែលចេញពីគោលនយោ​បាយឈ្នះ ឈ្នះរបស់សម្តេចនាយករដ្ឋមន្ត្រី ហើយនឹងសមិទ្ធផល ក៏ដូចជាការអភិវឌ្ឍន៍ទាំងឡាយ។

លោកបានបញ្ជាក់ថា តំបន់អភិវឌ្ឍន៍នៃក្រុមហ៊ុនឡេង ណាវ៉ាត្រា ក្រុមហ៊ុនប៉ាង ណាគ្រី នៅភូមិខ្លាងាប់នេះ នឹងភ្ជាប់តរហូតទៅតំបន់អភិវឌ្ឍន៍បឹងជង្រុកតេជោឈ្នះ ឈ្នះក្នុងភូមិសាស្ត្រឃុំទួលពង្រស្រុកម៉ាឡៃ ដែលក្រុមការងារខុទ្ទកាល័យសម្តេចតេជោ និងក្រុមការងារចម្រុះខេត្តបន្ទាយមានជ័យទើបនឹងដោះស្រាយទំនាស់ដីធ្លីដ៏រ៉ាំរ៉ៃចប់ ហើយបាននឹងអភិវឌ្ឍន៍ហេ  ដ្ឋារចនាសម្ព័ន្ធ ក៏ដូចជាលើកម្ពស់ជីវភាពពលរដ្ឋ៕

Netflix and TikTok are suspending all or part of their services in Russia, adding to a long list of companies boycotting the country over its war in Ukraine.

Netflix said on Sunday that it would stop streaming its content in Russia, though it did not specify what would happen to existing subscriber accounts.

“Given the circumstances on the ground, we have decided to suspend our service in Russia,” a company spokesperson told CNN.

Netflix joins a growing number of entertainment and media companies pulling back from Russia. Disney has paused all theatrical releases in the country.

Warner Bros, which is owned by CNN’s parent company, WarnerMedia, said its blockbuster “The Batman” would not hit Russian theaters.

TikTok also said on Sunday that it would prevent new uploads and livestreams on its platform in Russia, citing punitive new laws criminalizing the spread “fake” information concerning the government’s assault on Ukraine.

The law, passed by the Russian parliament on Friday, penalizes those who discredit the Russian armed forces or call for sanctions against the country. Lawbreakers could face a prison sentence of up to 15 years or a 1.5 million ruble ($14,085) fine, state media agencies reported.

The new rules pushed many international media organizations, including CNN, to stop reporting from Russia over fears for the safety of journalists, and have forced many independent Russian outlets to shut down.
Source: CNN

ដោយៈសុខុម

បាងកក: ទំហំនាំចេញរបស់ប្រទេសថៃ បានកើនឡើងជាង២០០%ក្នុងខែកុម្ភៈ ដើមឆ្នាំ២០២២ ចាប់តាំងពីកិច្ចព្រមព្រៀង ភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានចូលជាធរមាន ដែលធ្វើឱ្យទំហំនាំចេញសរុបរបស់ខ្លួនឈាន ដល់៣៥ពាន់លានដុល្លារអាមេរិក ក្នុងរយៈពេល២ខែដើមឆ្នាំនេះ។

លោក Pitak Udomwichaiwat អគ្គនាយកនៃអគ្គនាយកដ្ឋានពាណិជ្ជកម្មបរទេសនៃប្រទេសថៃបានថ្លែងថា ទំហំនាំចេញនេះត្រូវបានប៉ាន់ប្រមាណ តាមរយៈពាក្យស្នើសុំរបស់បណ្ដាក្រុមនាំចេញ ដែលស្វះស្វែងប្រើសិទ្ធិរបស់ខ្លួនក្រោមកិច្ចព្រមព្រៀង RCEP។ នេះបើយោងតាមសារព័ត៌មាន The Nation ចុះផ្សាយកាលពីថ្ងៃអង្គារ ទី៨ មីនា។

ចាប់ពីថ្ងៃទី០១ ខែមករា ដើមឆ្នាំ២០២២ ជាពេលដែលកិច្ចព្រមព្រៀង RCEP ចូលជាធរមាន រហូតដល់ថ្ងៃទី២៨ ខែកុម្ភៈ បណ្ដាក្រុមហ៊ុននាំចេញរបស់ប្រទេសថៃ បានស្វះស្វែងសុំវិញ្ញាបនបត្របញ្ជាក់ ប្រទេសប្រភពដើមសម្រាប់ការនាំចេញក្រោមកិច្ចព្រមព្រៀង RCEP ហើយទំហំនាំចេញទាំងនោះមានចំនួនសរុប៣៥ពាន់លានដុល្លារអាមេរិក។

លោក Pitak Udomwichaiwat បានបញ្ជាក់ថា បណ្ដាក្រុមហ៊ុននាំចេញបានស្វះស្វែងស្នើសុំវិញ្ញាបនបត្រ សម្រាប់ការនាំចេញក្រោមកិច្ចព្រមព្រៀង RCEP ដោយទំហំនាំចេញ មានចំនួន៨,៣៧លានដុល្លារអាមេរិក ក្នុងខែមករា ប៉ុន្តែចំនួននេះបានកើនឡើង ដល់ ២៦,៧លានដុល្លារអាមេរិក ក្នុងខែកុម្ភៈ។

លោកបានបន្ថែមថា ទំហំនាំចេញធំបំផុតដែលក្រុមហ៊ុនថៃ ស្វះស្វែងស្នើសុំវិញ្ញាបនបត្រក្រោមកិច្ចព្រមព្រៀង RCEP គឺការនាំចេញទៅកាន់ប្រទេ​សជប៉ុន ដែលមានទំហំ១៦,៣លានដុល្លារអាមេរិក។

ទំនិញនាំចេញភាគច្រើនជាត្រីខកំប៉ុង បន្ទាប់មកគឺបន្លែកំប៉ុង និងវាយនភណ្ឌ។ ប្រទេសចិន គឺជាប្រទេសនាំចូលធំបំផុតទី២ សម្រាប់ទំនិញថៃ ក្រោមកិច្ចព្រមព្រៀង RCEP ក្នុងទំហំ១៣,៧លានដុល្លារ ហើយទី៣ គឺប្រទេសកូរ៉េ ក្នុងទំហំ៥,១៦លានដុល្លារអាមេរិក៕ The Nation៕

ដោយៈសុខុម

អន្តរជាតិ: ប្រទេសរុស្ស៊ី បានប្រកាសក្ដែងៗដោយមិនញញើតថា ខ្លួនអាចនឹងបិទបំពង់បង្ហូរឧស្ម័ន (ហ្គាស) ដ៏សំខាន់របស់ខ្លួន ដែលភ្ជាប់ជាមួយប្រទេសអាល្លឺម៉ង់ ប្រសិនបើលោកខាងលិច ហ៊ានដាក់បម្រាមលើប្រេងរបស់រុស្ស៊ី។ នេះបើយោងតាមសារព័ត៌មាន BBC ចុះផ្សាយនៅថ្ងៃអង្គារ ទី៨ មីនា នេះ។

ឧបនាយករដ្ឋមន្ត្រីរុស្ស៊ី លោក Alexander Novak បានលើកឡើងថា “ការច្រានចោលប្រេងរបស់រុស្ស៊ី នឹងនាំឱ្យទីផ្សារពិភពលោក ឈានទៅដល់មហន្តរាយ” ដែលអាចបណ្តាលឱ្យតម្លៃប្រេងឆៅ ហក់ឡើងលើសពីទ្វេដងរហូតដល់៣០០ដុល្លារក្នុងមួយបារ៉ែល។

សហរដ្ឋអាមេរិក បាននិងកំពុងស្វះស្វែងកៀរគរសម្ព័ន្ធមិត្ត ដើម្បីដាក់បម្រាមលើប្រេងរបស់រុស្ស៊ី ជាមធ្យោបាយមួយដើម្បីដាក់ទណ្ឌកម្ម លើប្រទេ​សនេះ ចំពោះការឈ្លានពានចូលប្រទេសអ៊ុយក្រែន។

ទោះជាយាងណា ប្រទេសអាល្លឺម៉ង់ និងប្រទេសហូឡង់ បានច្រានចោលផែនការនេះកាលពីថ្ងៃច័ន្ទ ទី៧ មីនា។
ការជំទាស់នោះ គឺដោយសារសហភាពអឺរ៉ុប ពឹងផ្អែកខ្លាំងលើប្រទេសរុស្ស៊ី ផ្នែកឧស្ម័ន និងប្រេង។

បច្ចុប្បន្ន៤០%នៃឧស្ម័ន និង៣០%នៃប្រេងដែលសហភាពអឺរ៉ុប ប្រើប្រាស់ គឺទទួលបានការផ្គត់ផ្គង់ពីប្រទេសរុស្ស៊ី ហើយក្នុងករណីការផ្គង់ផ្គត់របស់រុស្ស៊ី ត្រូវរាំងស្ទះ ឬបិទខ្ទប់ គឺគ្មានអ្វីដែលអាចជំនួសបានដោយងាយៗនោះឡើយ និយាយរួមគឺអាសន្នធំតែម្ដង។

ក្នុងសុន្ទរកថា តាមទូរទស្សន៍រដ្ឋរបស់រុស្ស៊ី លោក Alexander Novak បានលើកឡើងថា “វាមិនអាចស្វែងរកអ្វីមកជំនួសប្រេងរបស់រុស្ស៊ី បានភ្លាមៗឡើយនៅលើទីផ្សារអឺរ៉ុប”។

លោកបានបន្ថែមទៀតថា “វានឹងត្រូវចំណាយពេលរាប់ឆ្នាំ ហើយវានៅតែមានតម្លៃថ្លៃជាង សម្រាប់អ្នកប្រើប្រាស់នៅអឺរ៉ុប។ ទីបំផុត ពួកគេនឹងត្រូវរងផលប៉ះពាល់ធ្ងន់ធ្ងរ បំផុតដោយសារលទ្ធផលនេះ”។

សំដៅដល់ការសម្រេចរបស់អាល្លឺម៉ង់ កាលពីខែមុននៅក្នុងការផ្អាកផ្ដល់អាជ្ញាប័ណ្ណ ដំណើការបំពង់បង្ហូរឧស្ម័ន Nord Stream 2 ជាបំពង់បង្ហូរឧស្ម័នថ្មីដែលតភ្ជាប់ប្រទេសទាំងពីរ លោកបានបញ្ជាក់ជំហរយ៉ាងម៉ឺងម៉ាត់ថា បើឈានដល់ការបិទខ្ទប់ប្រេងរបស់រុស្ស៊ី នោះប្រទេសរុស្ស៊ី នឹងធ្វើការសងសឹកវិញជាមិនខាន។

រុស្ស៊ី ជាប្រទេសផលិតឧស្ម័នធម្មជាតិ ធំបំផុតរបស់ពិភពលោក និងជាប្រទេសផលិតប្រេងឆៅធំបំផុតទី២ របស់ពិភពលោក ហើយការចាត់វិធានការណាមួយ ដើម្បីដាក់ទណ្ឌកម្មឧស្សាហកម្មថាមពល របស់ប្រទេសនេះនឹងធ្វើឱ្យខូចសេដ្ឋកិច្ចរបស់ប្រទេសនេះ រងផលប៉ះពាល់ធ្ងន់ធ្ងរ ឬរំលំរលា​យជាមិនខាន៕ BBC៕

ដោយ: ម៉ាលីស

អន្តរជាតិ: ក្រុមហ៊ុន Netflix និង TikTok កំពុងផ្អាកសេវាកម្មរបស់ពួកគេទាំងអស់ពីក្នុងប្រទេសរុស្ស៊ី វាបន្ថែមទៅក្នុងបញ្ជីនៃចំណោមក្រុមហ៊ុន​ជាច្រើនដែលធ្វើពហិការ ជុំវិញសង្រ្គាមនៅអ៊ុយក្រែន។

ក្រុមហ៊ុន Netflix បាននិយាយកាលពីថ្ងៃអាទិត្យថា ខ្លួននឹងបញ្ឈប់ការផ្សាយមាតិការបស់ខ្លួន នៅក្នុងប្រទេសរុស្ស៊ី ទោះវាមិនបានប្រាប់រឿងហេតុដែលនឹងកើតឡើងដល់អតិថិជនក៏ដោយ។

អ្នកនាំពាក្យក្រុមហ៊ុនបានប្រាប់ CNN ថា “ដោយសារកាលៈទេសៈនៅលើមូលដ្ឋាន យើងបានសម្រេចចិត្ត ផ្អាកសេវាកម្មរបស់យើងនៅក្នុងប្រទេសរុស្ស៊ី” ។

ក្រុមហ៊ុន Netflix ចូលរួមជាមួយក្រុមហ៊ុនកម្សាន្ត និងប្រព័ន្ធផ្សព្វ​ផ្សា​យជាច្រើន បានដកខ្លួនចេញពីប្រទេសរុស្ស៊ី។ ក្រុមហ៊ុន Disney បានផ្អាកការចេញផ្សាយទាំងអស់នៅក្នុងប្រទេសនេះ។

Warner Bros ដែលគ្រប់គ្រងដោយក្រុមហ៊ុនមេរបស់ CNN គឺ WarnerMedia បាននិយាយថា ខ្សែភាពយន្តរឿង “The Batman” របស់ខ្លួននឹងមិនចូលរោងកុនរុស្ស៊ីនោះទេ។

TikTok ក៏បាននិយាយកាលពីថ្ងៃអាទិត្យថា ខ្លួននឹងការពារការអាប់ឡូត និងការផ្សាយផ្ទាល់របស់ខ្លួន ពីក្នុងប្រទេសរុស្ស៊ី ដោយលើកឡើងពីច្បាប់ថ្មី ដែលដាក់ទណ្ឌកម្មឧក្រិដ្ឋកម្ម លើការរីករាលដាលព័ត៌មាន “ក្លែងក្លាយ” ទាក់ទងនឹងការវាយលុក របស់រដ្ឋាភិបាលរុស្ស៊ីលើអ៊ុយក្រែន។

ច្បាប់ដែលអនុម័ត ដោយ សភា រុស្ស៊ី កាល ពី ថ្ងៃ សុក្រ បានដាក់ ទណ្ឌកម្ម អ្នក ដែល បង្ខូច កិត្តិយស កងកម្លាំង ប្រដាប់ អាវុធ រុស្ស៊ី ឬ អំពាវនាវ ឲ្យ មាន ទណ្ឌកម្ម ប្រឆាំង នឹង ប្រទេសនេះ។ ភ្នាក់ងារប្រព័ន្ធផ្សព្វផ្សាយរដ្ឋបានរាយការណ៍ថា អ្នកបំពានច្បាប់អាចប្រឈមនឹងការជាប់ពន្ធនាគាររហូតដល់១៥ឆ្នាំ ឬពិន័យជាប្រាក់១.៥លានruble (១៤,០៨៥ដុល្លារ) ។

ច្បាប់ថ្មីនេះ បានជំរុញឱ្យស្ថាប័នប្រព័ន្ធផ្សព្វផ្សាយ អន្តរជាតិជាច្រើន រួមទាំងCNN បញ្ឈប់ការរាយការណ៍ពីប្រទេសរុស្ស៊ី ជុំវិញការភ័យខ្លាចចំពោះ​សុវត្ថិភាពរបស់អ្នកសារព័ត៌មាន ហើយបានបង្ខំឱ្យស្ថាប័នឯករាជ្យជាច្រើនរបស់រុស្ស៊ីខ្លួនឯងក៏ត្រូវបានបិទផងដែរ៕ ប្រភព: CNN