ដោយៈយិន លាងគង់ សហស្ថាបនិក និងជាអគ្គនាយកគេហទំព័រ Propertyarea.asia

ភ្នំពេញៈ ប្រធានាធិបតីសហរដ្ឋអាមេរិក លោកចូ បៃដិនកាលពីពេលថ្មី​ៗនេះ បានផ្ញើរលិខិតកាទូតជាន់ខ្ពស់បំផុត ជូនសម្តេចតេជោហ៊ុន សែននាយករដ្ឋមន្រ្តីនៃកម្ពុជា ដោយអញ្ជើញសម្តេចចូលរួមកិច្ចប្រជុំ កំពូលអាស៊ានអាមេរិកនាពេលខាងមុខនេះ។

តើកិច្ចប្រជុំកំពូលអាមេរិក អាស៊ានមានគោលដៅលើសពីទំនាក់ទំនង និងនឹងពង្រីកទំនាក់ទំនងសេដ្ឋកិច្ច?
ច្បាស់ណាស់ វាមិនត្រឹមតែជាកិច្ចប្រជុំដើម្បីជជែកគ្នា ហើយញាំភីហ្សា និងមាន់បំពងនោះទេ ប៉ុន្តែកិច្ចប្រជុំដ៏មានសារៈសំខាន់នេះ នឹងការការបង្ហា​ញពីទំនាក់ទំនងយ៉ាងជិតស្និទ្ឋ រវាងមេដឹកនាំាំអាស៊ាន អាមេរិក ដែលបាននិងកំពុងរងភាពរង្គោះរង្គើរមួយចំនួន ចាប់តាំងពីការកើនឡើងនៃឥទ្ឋិពលចិននៅតំបន់អាស៊ាន និងក្របខ័ណ្ឌេពិភពលោក។

តើអាមេរិក នឹងមានផលចំណេញអ្វីពីកិច្ចប្រជុំនេះ មានហេតុផលជាច្រើន ដែលអាមេរិកអាចទាញយកផលចំណេញបាន ដូចជា ទី១ ការពង្រឹងទំនាក់ទំនង និងកិច្ចសហប្រតិបត្តិការលើវិស័យកាទូត ទី២ អាមេរិកនឹងពង្រីកទំនាក់ទំនង និងផ្លាស់ប្តូរពាណិជ្ជកម្ម ទី៣ បង្ហាញថាអាមេរិកនៅតែជាបងធំទី១ និងបន្តពង្រីកឥទ្ឋិពលរបស់ខ្លួនលើពិភពលោក តាមរយៈអាវុធរបស់ខ្លួន គឺ “សិទ្ធមនុស្ស និងប្រជាធិបតេយ្យ”។

បញ្ហាសិទ្ធមនុស្ស និងប្រជាធិបតេយ្យ មិនអាចប្រើប្រាស់លើប្រទេសមួយបាន ប្រៀបដូចប៊ីចេញចាក់លើសម្លឡើយ ប៉ុន្តែពេលខ្លះវាប្រៀបបានទឹក និងប្រេង ដោយ​សា​រភាពខុសគ្នា នៃភូមិសាស្រ្តនយោបាយ ផលប្រយោជន៍ កម្រិតចំណេះដឹង និងវប្បធ៌មរបស់ប្រទេសនិមួយៗ។

តើសម្តេចតេជោនឹងទទួលបានផលប្រយោជន៍អ្វី?
ប្រមុខនៃរាជរដ្ឋាភិបាលកម្ពុជា សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា ត្រូវបានមេដឹកនាំលើពិភពលោក ចាត់ទុកជា អ្នកាទូតដ៏ជាញជ័យ និងប៉ិនប្រសព្វម្នាក់។

តាមរយៈការទទួលបានលិខិតអញ្ជើញជាផ្លូវការ ពីប្រធានាធិបតីអាមេរិក លោកចូ បៃដិនកាលពីថ្ងៃម្សិលម៉ិញនេះ វាបង្ហាញពីមោទនភាពមួយសំរាប់មេដឹកនាំ ក៏ដូចជា ប្រជាជនកម្ពុជា បើទោះបីជាកម្ពុជា ទី១ ជាប្រទេសតូច និងការអភិវឌ្ឍន៍នៅមានកម្រិតក្តី ប៉ុន្តែតួនាទី និងឋានៈកម្ពុជានៅតែមានភាពស្មើមុខ ស្មើមាត់ជាមួយប្រទេសធំៗ ទី២ បង្ហាញពីកិត្យានុភាពកម្ពុជា លើឆាកអន្តរជាតិ ក្នុងនាមជាប្រទេសកំពុងលេចឡើង យ៉ាងឆាប់រហ័ស និងមានមេដឹកនាំដ៏វាងវៃម្នាក់។

ទី៣ ជាឱកាសដែលសម្តេចតេជោហ៊ុន សែនអាចស្នើសុំឬចចារដើម្បីទទួលបានការអនុគ្រោះពន្ឋ (GSP) លើមុខទំនិញដូចជា សម្លៀកបំពាក់ ស្បែកជើង និងកាបូបធ្វើដំណើររបស់កម្ពុជា អាចនាំចេញទៅអាមេរិក ដោយរួចពន្ឋជាបន្តទៀត។

ទី៤ ជាឱកាសដ៏ល្អ ដែលសម្តេចអាចណែនាំ លោកឧត្តមសេនីយ៍ឯកបណ្ឌិតហ៊ុន ម៉ាណែត ជាបេក្ខជននាយករដ្ឋមន្រ្តី នាពេលអនាគ​តទៅលោកចូ បៃដិន ស្របពេលលោកហ៊ុន ម៉ាណែតធ្លាប់បានសិក្សារៀនសូត្រ នៅសាលាបណ្ឌិ​តសភាយោធា ដ៏មានកិត្យានុភាពរបស់សហរដ្ឋអាមេរិក និងសិក្សាបណ្ឌិតផ្នែកវិទ្យាសាស្រ្ត នយោ​បាយនៅអាមេរិកផងដែរ។

លោកឧត្តមសេនីយ៍ឯកបណ្ឌិតហ៊ុន ម៉ាណែត ត្រូវបានមជ្ឈដ្ឋានបញ្ញាជន និងអ្នកវិភាគជាច្រើនលើកឡើងថា លោកជាបេក្ខភាពនាយករដ្ឋមន្រ្តីនៃកម្ពុជាដ៏ស័ក្តិសមបំផុត ដោយសារទី១ លោកមានចំណេះដឹងខ្ពង់ខ្ពស់ទាំាំងផ្នែកសេដ្ឋកិច្ច នយោបាយ និងសេដ្ឋកិច្ច ទី២ លោកមានក្រមសីលធ៌មខ្ពស់ក្នុងនាមជាយុវជន និងជាមនុស្សកំណែទម្រង់យ៉ាងស៊ីជម្រៅ លើជួរកងទ័ព និងអភិវឌ្ឍន៍សមត្ថភាពកងទ័ព។

ទី៣ លោកជាមនុស្សមានចិត្តអំណត់ ឬចិត្តធ្ងន់ ដែលភាពជាមេដឹកនាំចាំបាច់ត្រូវមាន ទី៣ លោកបានសិក្សាពពីមូល ដ្ឋាននៃភាពជាអ្នកដឹកនាំាំដ៏ជាញជ័យ ពីសំណាក់ឪពុករបស់លោក ទី៤ ជាមេដឹកនាំមានប្រជាប្រិយភាព ក្នុងចំណោមជួរថ្នាក់ដឹកនាំជំនាន់ក្រោយ និងទី៥ លោកជាបុគ្គលដែលចាត់ទុកការកែទំរង់ និងភាពស្អាតស្អំក្នុងជួរកងកំលាំងទ័ព ក្រុមគ្រូពេទ្យ និងសហគមន៍និស្សិតនានា។

តើលោកចូ បៃដិននឹងអញ្ជើញមកចូលរួមកិច្ចប្រជុំ កំពូលអាស៊ាន អាមេរិក ដែលកម្ពុជាធ្វើជាម្ចាស់ផ្ទះ?
វាជាសំណួរមួយ ដែលទាមទារឲ្យយើងឆ្លើយដោយប្រុងប្រយ័ត្ន និងឈរលើមូលដ្ឋាននយោបាយផង និងមូលដ្ឋានវិទ្យាសាស្រ្តនយោបាយផង។

សំណួរត្រូវមានចម្លើយ ចម្លើយគឺថា មេដឹកនាំអាមេរិកររូបនេះ នឹងអញ្ជើញ​ មកចូលរួមកិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះ ដោយសា​រហេតុផលមួយចំនួនដូចជា ទី១ សម្តេចតេជោហ៊ុន សែននឹងអញ្ជើញលោកចូ បៃដិនដោយផ្ទាល់ ពេលសម្តេចអញ្ជើញចូលរួមធ្វើជា សហប្រធានកិច្ចប្រជុំកំពូលអាមេរិក អាស៊ាននាពេលខាងមុខ ដែលលោកចូ បៃដិន​ពិបាក​នឹងបដិសេធជាទីបំផុត ទី២ លោកចូ បៃដិននឹងមកចូលរួម ដើម្បីបង្ហាញពីកិច្ចសហប្រតិបត្តិការ និងពង្រឹង ពង្រីកលើការធ្វើពាណិជ្ជកម្មរួមគ្នា ទី៣ វត្ត​មានលោកចូ បៃដិនជាការផ្ញើរសារទៅមេដឹកនាំចិនថា ខ្លួននៅតែមានតួនាទី និងឥទ្ឋិពលសំខាន់នៅតំបន់នេះ។

ទី៤ អាមេរិកអាចយកកម្ពុជា ជាវេទិកាវាយប្រហារចិនម្តងទៀតលើបញ្ហាសមុទ្រចិនខាងត្បូង បញ្ហាប្រទេស មីយ៉ាន់ម៉ា ដូចក្នុងរជ្ជកាលលោកបារ៉ាក់ អូបាម៉ា ដែលបានអញ្ជើញចូលរួមកិច្ចប្រជុំកំពូលអាស៊ាន ដែលកម្ពុជាធ្វើជាម្ចាស់ផ្ទះកាលពីឆ្នាំ២០១២ ។ ទី៥ អាមេរិកក៏អាចយកឱកាសនេះ ដើម្បីវាយតម្លៃ​ ទំនាក់ទំនងរវាងមេដឹកនាំអាស៊ាន និងចិនជាថ្មីម្តងទៀត ក៏ដូចជា ប្រើប្រាស់ឥទ្ឋិពលរបស់ខ្លួនបំបែកអាស៊ាន តាមរយៈគោលនយយោបាយឥណ្ឌូប៉ាស៊ីហ្វិករបស់ខ្លួន និងទី៦ ទំនាក់ទំនងអន្តរជាតិ ភូមិសាស្រ្តនយោបាយ នៅតែដើរតួនាទីសំខាន់ ដែលមេដឹកនាំអាមេរិកកំពុងមានកង្វល់យ៉ាងខ្លាំង ចាប់តាំងពីការកើនឡើងនូវឥទ្ឋិពល របស់មហា​យក្សចិនលើពិភពលោក។

លិខិតរបស់លោកចូ បៃឌិន
លោក ចូ បៃដិន (Joe Biden) ប្រធានាធិបតីអាមេរិក នាថ្មីៗនេះ បានផ្ញើលិខិតជូន សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដោយបញ្ជាក់អំពីការទន្ទឹងរង់ចាំស្វាគមន៍ សម្តេចទៅចូលរួមកិច្ចប្រជុំពិសេសអាស៊ាន-អាមេរិក នៅរដ្ឋធានីវ៉ាស៊ីនតោន សហរដ្ឋអាមេរិក។ នេះបើតាមលិខិតលោក ចូ បៃដិន។

ក្នុងសារលិខិតនេះ លោក ចូ បៃដិន បានបញ្ជាក់ប្រាប់សម្តេចតេជោ ហ៊ុន សែនថា “ខ្ញុំសង្ឃឹមថា សម្ដេចតេជោនាយករដ្ឋមន្ត្រី បានប្រកបដោយសុខភាពល្អ នៅពេលទទួលបានលិខិតនេះ។ រដ្ឋបាលរបស់ខ្ញុំ ទន្ទឹងរង់ចាំធ្វើការជាមួយកម្ពុជា ក្នុងនាមជាប្រធានអាស៊ាន សម្រាប់ឆ្នាំ២០២២។ ក្រោមភាពជាប្រធានអាស៊ានរបស់កម្ពុជា សហរដ្ឋអាមេរិកសង្ឃឹមថា ទំនាក់ទំនងអាស៊ាន-សហរដ្ឋអាមេរិក នឹងកាន់តែរីកចម្រើន និងបន្តឆ្ពោះទៅសម្រេចគោលដៅរួមរបស់យើងនៅក្នុងតំបន់។

លោកចូ បៃដិន បានបញ្ជាក់បន្ថែមថា សហរដ្ឋអាមេរិកគាំទ្រមជ្ឈភាពអាស៊ាន ហើយគាំទ្រឥតងាករេចំពោះនិម្មាបនកម្មតំបន់ ដែលមានអាស៊ានជាស្នូល និងដែលជាបេះដូងនៃតំបន់ឥណ្ឌូ-ប៉ាស៊ីហ្វិក។ ខ្ញុំរំពឹងថា សម្តេចតេជោនាយករដ្ឋមន្តី បានជ្រាបរួចហើយតាមរយៈឥណ្ឌូនេស៊ី ដែលជាប្រទេ​សសម្របសម្រួល ទំនាក់ទំនងអាស៊ាន-សហរដ្ឋអាមេរិក ក្នុងការពាំនាំការតាំងចិត្តរបស់ខ្ញុំ អញ្ជើញថ្នាក់ដឹកនាំអាស៊ាន ចូលរួមកិច្ចប្រជុំកំពូលពិសេសជាមួយខ្ញុំ នៅរដ្ឋធានីវ៉ាស៊ីនតោន នៅប៉ុន្មានខែខាងមុខនេះទៀត។

លោកចូ បៃដិនបានបន្តថា “ខ្ញុំសរសេរលិខិតនេះ គឺចង់ទាក់ទងទៅ សម្ដេចតេជោនាយករដ្ឋមន្ត្រី ដោយផ្ទាល់ផងដែរដើម្បីគូសបញ្ជាក់ថា ខ្ញុំរង់ចាំស្វាគមន៍ សម្តេចអញ្ជើញមកកាន់រដ្ឋធានីវ៉ាស៊ីនតោន នៅឱកាសដ៏ឆាប់ខាងមុខ”។

សារលិខិតរបស់សម្តេចតេជោផ្ញើរត្រលប់
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នាថ្មីៗនេះ បានផ្ញើលិខិតមួយជូន លោក ចូ បៃដិន (Joe Biden) ប្រធានាធិបតីអាមេរិក ដែលបានផ្ញើលិខិតអញ្ជើញសម្តេចចូលរួម ក្នុងកិច្ចប្រជុំកំពូលអាស៊ាន-អាមេរិក នៅរដ្ឋធានីវ៉ាស៊ីនតោន នាពេលខាងមុខនេះ។ នេះបើតាមលិខិតរបស់ សម្តេចតេជោ ហ៊ុន សែន ដែលបណ្តាញព័ត៌មាននានាទទួលបាន។

ជាមួយនឹងការទទួលបានលិខិតអញ្ជើញនេះ សម្តេចតេជោ ហ៊ុន សែន បានបញ្ជាក់ថា “ក្នុងនាមកម្ពុជា ជាប្រធានអាស៊ាន ឆ្នាំ២០២២ ខ្ញុំសូមបញ្ជាក់សារជាថ្មី អំពីការប្តេជ្ញា និងការគាំទ្រយ៉ាងពេញទំហឹងចំពោះសហរដ្ឋអាមេរិក ក្នុងការរៀបចំកិច្ចប្រជុំកំពូលពិសេសអាស៊ាន-សហរដ្ឋអាមេរិក នៅរដ្ឋធានីវ៉ាស៊ីនតោន”។

លិខិតរបស់សម្តេចតេជោ ហ៊ុន សែន បានបញ្ជាក់ថា “ខ្ញុំសូមអរគុណ ឯកឧត្តមប្រធានាធិបតី ដែលបានផ្ញើលិខិតបញ្ជាក់ អំពីគោលបំណងរបស់ ឯកឧត្តម អញ្ជើញខ្ញុំ និងថ្នាក់ដឹកនាំអាស៊ាន ចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក ដែលគ្រោងរៀបចំ នៅក្នុងរយៈពេលប៉ុន្មានខែខាងមុខនេះ និងបំណងប្រាថ្នា ក្នុងការពង្រឹងទំនាក់ទំនងអាស៊ាន-សហរដ្ឋអាមេរិកបន្ថែមទៀត ក្នុងពេលកម្ពុជា ធ្វើជាប្រធានអាស៊ាន។

សម្តេចតេជោ ហ៊ុន សែន មានជំនឿថា កិច្ចប្រជុំកំពូលនេះ នឹងផ្តល់នូវកាលានុវត្តភាពល្អមួយ សម្រាប់យើងផ្លាស់ប្តូយោបល់គ្នាថា តើត្រូវធ្វើយ៉ាងណា ដើម្បីឱ្យកិច្ចសហប្រតិបត្តិការអាស៊ាន -សហរដ្ឋអាមេរិក រីកចំរើនទៅមុខបន្ថែមទៀត។

សម្តេចក៏បានបញ្ជាក់អំពីការទន្ទឹងរង់ចាំ ធ្វើការយ៉ាងជិតស្និទ្ធជាមួយឯកឧត្តម និងជួបជាមួយឯកឧត្តមដោយផ្ទាល់ នៅរដ្ឋធានីវ៉ាស៊ីនតោនផងដែរ។

លោកចូ បៃដិន កាលពីថ្ងៃទី១៤ ខែមករា ឆ្នាំ២០២២ បានផ្ញើលិខិតមួយអញ្ជើសម្តេចតេជោ ហ៊ុន សែន ចូលរួមកិច្ចប្រជុំកំពូលអាស៊ាន-អាមេរិក នៅទីក្រុងវ៉ាស៊ីនតោន ដែលកិច្ចប្រជុំនេះ សម្តេចតេជោហ៊ុន សែន និង លោក ចូ បៃដិន នឹងធ្វើជាសហប្រធានដឹកនាំកិច្ចប្រជុំរួមគ្នា៕

ដោយ៖ សុផារី

ភ្នំពេញ៖ ក្រុមហ៊ុនអឺរ៉ុប BilderBerg Investment Group គ្រោងនឹងវិនិយោគទីក្រុងទំនើបឆ្លាតវៃមួយ ឈ្មោះថា “អនាគត” នៅលើទឹកដីនៃខេត្តកោះកុង ដែលគ្រោងនឹងចំណាយរាប់លានដុល្លារ។

ក្នុងសន្និសីទសារព័ត៌មាន នៅថ្ងៃទី០៣ ខែកុម្ភៈ ឆ្នាំ២០២២ នាសណ្ឋាគារសូហ្វីតែល លោក ដេននីស កូកូវីច ប្រធានក្រុមហ៊ុន BilderBerg Investment Group បានឱ្យដឹងថា កម្ពុជាជាប្រទេសដែលមានស្ថិរភាពនយោបាយ និងសន្តិភាព ក្រោមការដឹកនាំរបស់សម្តេចតេជោ នាយករដ្ឋមន្ត្រី ដែលបានបើកទូលាយ សម្រាប់ការវិនិយោគទាំងក្នុង និងក្រៅស្រុក ដែលគឺជាកត្តាចម្បង ធ្វើឱ្យលោកសម្រេចចិត្តប្រកាសពីគម្រោងវិយោគមួយនេះ។

តាមរយៈវេបសាយផ្លូវការរបស់ក្រុមហ៊ុនបានឱ្យដឹងថា គម្រោងនេះនឹងចំណាយទឹកប្រាក់ប្រមាណ៦០០ពាន់លានដុល្លាអាមេរិក សហការជាមួយវិនិយោគិនបណ្តាក់ទុនសំខាន់ៗចំនួន១៤០នាក់ និងវិនិយោគិនតូចៗផ្សេងទៀតចំនួន៣០០នាក់។
ប្រភពដដែលបានឱ្យដឹងថា គម្រោងនេះនឹងចំណាយពេលប្រហែល ៦ទៅ៧ឆ្នាំ គ្រោងបញ្ចប់នៅឆ្នាំ២០២៩។ តាមរយៈគម្រោងនេះ រំពឹងថានឹងផ្តល់ការងារបានជាង៧សែនកន្លែង ដែលនេះអាចចូលរួមចំណែកក្នុងកំណើនផលិតផលក្នុងស្រុក ដល់៩៥ពាន់លានដុល្លាអាមេរិកក្នុងឆ្នាំ២០២៩។

លោក ដេននីស កូកូវីច បានឱ្យដឹងទៀតថា ខេត្តកោះកុង គឺជាខេត្តឋានសួគ៌នៃធម្មជាតិ មានសក្តានុពលខ្ពស់ ចំពោះវិស័យទេសចរណ៍ ឧស្សាហកម្ម និងកសិកម្មជាដើម។

គម្រោងទីក្រុងទំនើបឆ្លាតវៃនេះ លោកផ្តោតលើ វិស័យកសិកម្មបែបទំនើប កសិ-ទេសចរណ៍ អគារខ្ពស់ៗ រោងចក្រ សហគ្រាស មជ្ឈមណ្ឌល សាសនាចម្រុះ ដែលអាចទាក់ទាញភ្ញៀវជាតិ និងអន្តរជាតិ វិនិយោគិនមកពីគ្រប់ទិសទីទៅលេង រស់នៅ និងលេងកម្សាន្ត។

បន្ថែមពីនោះទៀត លោក ដេននីស កូកូវីច បានថ្លែងថា គម្រោង “អនាគត” នឹងចូលរួមចំណែកដល់កំណើនសេដ្ឋកិច្ចជាតិកម្ពុជា កាត់បន្ថយការចំណាកស្រុក ជួយលើកស្ទួយកម្រិតជីវភាព របស់ពលរដ្ឋនៅក្នុងខេត្តកោះកុង ក៏ដូចជាទូទាំងប្រទេស ព្រោះនៅពេលគម្រោងនេះ លេចជារូបរាងក្នុងរយៈពេល៥ ទៅ៧ឆ្នាំទៀតនោះ នឹងត្រូវការកម្លាំងពលកម្ម បុគ្គលិកជំនាញ ទៅតាមវិស័យនីមួយៗ ដែលមាន នៅក្នុងគម្រោងមួយនេះ។

ក្រុម ហ៊ុន BilderBerg Investment Group ជា ក្រុមហ៊ុន វិនិយោគ លើ វិស័យនានា ក្នុង ប្រទេស ជាច្រើន ក្នុង តំបន់អាស៊ី អាគ្នេយ៍ ដូចជា ប្រទេស កម្ពុជា ប្រទេស ថៃ និង ប្រទេស វៀតណាម ជា ដើម ។
នៅ ក្នុង ប្រទេស កម្ពុជា ដ្លាប់បាន វិនិយោគ ទៅ លើ គម្រោង ជាច្រើន ក្នុង ខេត្ត សៀមរាប និង ខេត្ត កំពត ជា អាទិ៍ គម្រោង SIEM REAP Bilderberg Kulen City Apartments Bilderberg Kulen City Individual Bilderberg Kulen City Villas និង KOMPOT Bilderberg French Riviera Marina Apartment Bilderberg French Riviera Marina idividual Bilderberg French Riviera Marina Villas Brochure French Riviera SmartCity Project៕

ដោយៈ សុខុម

វៀងចន្ទន៍: ប្រទេសឡាវ នៅពេលនេះមានអត្រាកំណើនអតិផរណាខ្ពស់បំផុតទី២ ក្នុងតំបន់អាស៊ាន ដែលបង្កការព្រួយបារម្ភ កាន់តែខ្លាំងឡើង ខណៈប្រជាជនឡាវ កំពុងជួបការលំបាកផ្នែកហិរញ្ញវត្ថុ។ នេះបើយោងតាមសារព័ត៌មាន Laotian times ចុះផ្សាយកាលពីថ្ងៃសុក្រ ទី៤ កុម្ភៈ។

ផ្អែកតាមការចុះផ្សាយរបស់សារព័ត៌មាន Vientiane Times ឱ្យដឹងថា អត្រាអតិផរណាក្នុងប្រទេសឡាវ បានហក់ឡើងពី៥,០៤%ក្នុងខែវិច្ឆិកា ដល់៥,២៧%ខែធ្នូ ឆ្នាំ២០២១ ដែលជាតួលេខខ្ពស់បំផុត មិនធ្លាប់បានកត់ត្រាចាប់តាំងពីខែសីហា ឆ្នាំ២០២០ មក។

ប្រទេសឡាវ មានអត្រាអតិផរណាខ្ពស់បំផុត ក្នុងចំណោមបណ្ដាប្រទេសជាសមាជិកអាស៊ាន លើកលែងតែប្រទេសមីយ៉ាន់ម៉ា ដែលអត្រាអតិ​ផរណាបានកើនឡើងរហូតដល់៦,៥១%។

ប្រទេសឥណ្ឌូណេស៊ី មានអត្រាអតិផរណា១,៨៧% កម្ពុជាមាន៣,៨% ម៉ាឡេស៊ីមាន៣,២% សិង្ហបុរី៤% វៀតណាមមាន១,៨១% ថៃ មាន២,១៨% ហើយព្រុយណេមាន១,៨០%។

ប្រទេសជាច្រើនជុំវិញពិភពលោក បានរងផលប៉ះពាល់ដោយការកើនឡើងអតិផរណា ចាប់តាំងពីការរីករាលដាលវីរុសកូវីដ-១៩ បានចាប់ផ្តើម ផ្ទុះមក ដោយសហរដ្ឋអាមេរិ មានអត្រាអតិផរណា៧% រុស្ស៊ីមានអត្រា៨,៤% ហើយប្រទេសជាច្រើននៅអឺរ៉ុប មានអត្រាអតិផរណាលើសពី៥%។

មូលនិធិរូបិយវត្ថុអន្តរជាតិ (IMF) លើកឡើងថា ការហក់ឡើងនូវតម្លៃថាមពល និងការរាំងស្ទះនូវផ្គត់ផ្គង់បាន បណ្តាលឱ្យមានអតិផរណាកាន់តែខ្ពស់លើសពីការរំពឹងទុក ជាពិសេសនៅសហរដ្ឋអាមេរិក និងទីផ្សារកំពុងរីកចម្រើនជាច្រើន ព្រមទាំងនៅបណ្ដាប្រទេសកំពុងអភិវឌ្ឍន៍។

យោងទៅតាមទីភ្នាក់ងារដាក់កម្រិតឥណទានអាមេរិក Fitch Ratings ឱ្យដឹងថា បណ្ដាទីផ្សារតូចៗនឹងងាយរងគ្រោះ ដោយសារការដំឡើងអត្រាការប្រាក់ របស់ធនាគារកណ្តាលអាមេរិក (Federal Reserve) តួយ៉ាងដូចជាប្រទេសស្រីលង្កា ប្រទេសប៉ាគីស្ថាន និងប្រទេសឡាវ ជាដើម។

ក្នុងពេលជាមួយគ្នានេះ តម្លៃប្រេងឥន្ធនៈបានបន្តហក់ឡើងជាបន្តបន្ទាប់នៅក្នុងប្រទេសឡាវ រួមជាមួយនឹងថ្លៃចំណាយជីវភាព ដែលហក់ឡើងយ៉ាងឆាប់រហ័សផងដែរ។

យោងតាមការិយាល័យស្ថិតិឡាវឱ្យដឹងថា ការចំណាយលើការដឹកជញ្ជូនបានកើនឡើង១២,៧% ខណៈអត្រាសណ្ឋាគារ និងភោជនីយដ្ឋានបានកើនឡើង៨,៣% ហើយការថែទាំសុខភាព និងថ្លៃថ្នាំពេទ្យកើនឡើង៨,២% ហើយថ្លៃទំនិញ និងសេវាកម្មផ្សេងទៀតកើនឡើង៧,៩%។

គ្រឿងស្រវឹង និងថ្នាំជក់បានកើនឡើង៦,៨% ខណៈថ្លៃទឹកភ្លើង និងថ្លៃហ្គាសចម្អិនអាហារ បានកើនឡើង៥,៨%។ សម្លៀកបំពាក់ និងស្បែក​ជើងបានកើនឡើង៥,៤% ហើយតម្លៃគ្រឿងសង្ហារិម បានកើនឡើង៤,៩%។

ក្រុមសមាជិកសភាក្នុងប្រទេសឡាវ បានចាប់ផ្តើមការពិភាក្សាកាលពីសប្តាហ៍មុន ជុំវិញការដំឡើងប្រាក់ឈ្នួលអប្បបរមា ស្របពេលអតិផរណា និងថ្លៃចំណាយជីវភាពទូទាំងប្រទេស កំពុងកើនឡើងជាលំដាប់៕ Laotian Times៕

ដោយៈគង់ សិរីជេស៊ីកា

អាមេរិកៈ ជាថ្មីម្តងទៀត សហរដ្ឋអាមេរិកកំពុងត្រៀមប្រើប្រាស់ច្បាប់ថ្មីមួយ ជាឧបករណ៍៍របស់ខ្លួន ដើម្បីទប់ល្បឿននៃការឈានឡើងទៅកាន់អំណា​ចទី១របស់ពិភពលោករបស់ប្រទេសចិន។

ជាក់ស្តែងសភាជាន់ទាបសហរដ្ឋអាមេរិក នៅថ្ងៃពុធសប្តាហ៍នេះបានពន្លឿនមួយឈ្មោះថា ច្បាប់ស្តីពីការប្រកួតប្រជែងអាមេរិក ដែលមានទឹកប្រាក់រាប់សិបប៊ីលានដុល្លារ ដែលមានបំណងបង្កើនការប្រកួតប្រជែងរបស់អាមេរិកជាមួយប្រទេសចិន និងបង្កើនការផលិតឧបករណ៍ពាក់កណ្តាលចម្លងអាមេរិក ដោយកំពុងពន្លឿនឆ្ពោះ ទៅរកការអនុម័តពេញលេញ នៅសប្តាហ៍នេះ។ នេះបើយោងតាមទីភ្នាក់ងារព័ត៌មានរ៉យទ័រ។

រដ្ឋាភិបាលរបស់លោកប្រធានាធិបតីអាមេរិក Joe Biden មកពីគណបក្សប្រជាធិបតេយ្យបាន និងកំពុងធ្វើការងារ ដើម្បីបញ្ចុះបញ្ចូលសភាទាំងពីរថ្នាក់ឱ្យអនុម័តច្បាប់នេះ ដែលរួមបញ្ចូលទឹកប្រាក់ចំនួន៥២ពាន់លានដុល្លារ ដើម្បីផ្តល់ឧបត្ថម្ភធនដល់ផលិតកម្ម និងការស្រាវជ្រាវវិស័យឧបក​រណ៍ពាក់កណ្តាលចម្លង ខណៈដែលបញ្ហាកង្វះខាតគ្រឿងបង្គុំសំខាន់ៗ ដែលប្រើប្រាស់ក្នុងរថយន្ត និងកុំព្យូទ័រកាន់តែមានភាពធ្ងន់ធ្ងរ ដោយសារបញ្ហាចង្វាក់ផលិតកម្ម។

ទីភ្នាក់ងារព័ត៌មានរ៉យទ័របានរាយការណ៍ថា សភាជាន់ទាបដែលគ្រប់គ្រង ដោយគណបក្សប្រជាធិបតេយ្យ បានអនុម័តច្បាប់នេះដោយសំឡេង២១៩ ទល់នឹង២០៣។ ក្រុមអ្នកជំនួយការសភាជាន់ទាបបានឱ្យដឹងថា ពួកគេរំពឹងថានឹងមានការបោះឆ្នោតអនុម័តច្បាប់ ពេញលេញនៅថ្ងៃសុក្រសប្តាហ៍នេះ បន្ទាប់ពីពិចារណាកែប្រែមួយចំនួន។

ច្បាប់ស្តីពីការប្រកួតប្រជែងអាមេរិកនេះ មានបទប្បញ្ញត្តិពាណិជ្ជកម្មមួយចំនួន ហើយក៏នឹងអនុម័តទឹកប្រាក់ចំនួន៨ពាន់លានដុល្លារ សម្រាប់ធ្វើជាវិភាគទានរបស់អាមេរិក ចំពោះមូលនិធិអាកាសធាតុបៃតង (Green Climate Fund) ដែលបង្កើតឡើងដោយកិច្ចព្រមព្រៀងទីក្រុងប៉ារីស ដើម្បីប្រយុទ្ធប្រឆាំងនឹងការប្រែប្រួលអាកាសធាតុ។

សមាជិកសភាមកពីគណបក្សសាធារណរដ្ឋ បានស្នើឱ្យមានការកែប្រែដោយដកចេញការផ្តល់មូលនិធិនេះ ចំណែកសមាជិកសភាមកពីគណបក្សប្រជាធិបតេយ្យចង់បង្កើនមូលនិធិនេះចំនួន ៣ប៊ីលានបន្ថែមទៀត។

អ្នកនាំពាក្យសភាលោកស្រី Nancy Pelosi បានឱ្យដឹងកាលពីសប្តាហ៍មុនថា ច្បាប់ដែលមានកម្រាស់២.៩០០ទំព័រនេះ នឹងជួយបង្កើនការវិនិ​យោគក្នុងវិស័យឈីប បង្កើនការផលិត និងការស្រាវជ្រាវអាមេរិក និងព ន្លឿនភាពនាំមុខរបស់អាមេរិក ខណៈដែលកំពុងប្រជែងជាមួយប្រទេសចិនដែលកំពុងស្ទុះងើបឡើង។

សមាជិកសភា មកពីគណបក្សសាធារណរដ្ឋបានលើកឡើងថា គណបក្សប្រជាធិបតេយ្យ មិនបានរួមបញ្ចូលទឹកប្រាក់នេះ នៅក្នុងការធ្វើសេចក្តីព្រាងច្បាប់នេះទេ។ ពួកគេបានរិះគន់យ៉ាងចាស់ដៃ ទៅលើបទប្បញ្ញត្តិស្តីពីអាកាសធាតុ និងថាបទប្បញ្ញត្តិទាំងនេះ អាចត្រូវបានប្រើប្រាស់ ដើម្បីជួយទីក្រុងប៉េកាំង៕

By: Jessica

Battambang: The location connecting main national road from Siem Reap to Battambang province has gradually revealed specific information.

Mr. In Dara, President of KW Battambang, said by telephone on the afternoon of January 4 that the national road connecting the above base has been revealed by specific officials. This road will be dragged out of Siem Reap crosses the Tonle Sap River and leads to Battambang City, located in Otaki area, connecting to Ring Road 2 in Thmor Kol District, Battambang Province.

“Due to the clear development plans of the government and the private sectors, the real estate market in Battambang is increasing, especially the flow of land sales,” he said. “Obviously, the price of land in Ring Road 2 area is between $25 and $150 per square meter, depending on the location and actual size of the land,” he said.

Mr. In Dara said some big projects such as the project of Neak Ouknha Leng Navatra has already started to build houses, while the second project is gradually filling the land and most of buyers are Battambang residents, which covers 50% and another 50% are from Pursat, Banteay Meanchey, Poipet and Phnom Penh.

Oknha Phou Puy, President of Battambang Provincial Chamber of Commerce, also said the location of the road base claimed by the officials is in Otaki area in Thmor Kol district, Battambang province, where the road from Siem Reap connects to Battambang province.

“With the economic growth and the increase in the living standards of people, Battambang province has made great progress in the real estate sector, especially affordable houses and leisure houses,” he said.