តើអ្នកបានដឹងអ្វីខ្លះពីស្ថាបត្យកម្ម និងលក្ខណៈពិសេសនៃសំណង់វិមានឯករាជ្យ

ដោយៈ វិវឌ្ឈន៍

ភ្នំពេញៈ វិមានឯករាជ្យ អាចចាត់ទុកជាដូងព្រលឹងនៃរាជធានីចតុមុខ ឬរាជធានីភ្នំពេញ ប៉ុន្តែមនុស្សមិនច្រើនទេបានដឹងពីអត្ថន័យ និងលក្ខណៈពិសេសនៃស្ថាបត្យកម្មនេះ។

សំណង់ដែលតំណាងឱ្យការទាមទារសេរីភាព ហើយក៏ជានិមិត្តរូបដែលបញ្ជាក់ថា ប្រទេសកម្ពុជាទទួលបានឯករាជ្យពេញលេញ ពីប្រទេសបារាំងនៅថ្ងៃទី០៩ ខែវិច្ឆិកា ឆ្នាំ១៩៥៣ផងដែរ។

វិមានឯករាជ្យមានទីតាំងស្ថិតនៅចំណុចប្រសព្វគ្នា រវាងមហាវិថីព្រះនរោត្តម និងមហាវិថីព្រះសីហនុ ស្ថិតចំកណ្តាលទីក្រុងភ្នំពេញនៃប្រទេសកម្ពុជា។

តើបិតាស្ថាបត្យកម្មកម្ពុជា លោកវណ្ណ ម៉ូលីវណ្ណ បានស្ថាបនា និងរចនាប្លង់ស្ថាបត្យកម្មនេះ មានលក្ខណៈពិសេសដូចម្តេច? វិមានឯករាជ្យត្រូវបានសាងសង់ឡើង ដោយវីរស្ថាបត្យករ វណ្ណ ម៉ូលីវណ្ណ ក្នុងកំឡុងឆ្នាំ ១៩៥៨។

សំណង់វិមានឯករាជ្យ មានកម្ពស់សរុប ២០ម៉ែត្រ មានក្បាច់រចនាចំនួន ៥ជាន់។ លើសពីនេះទៀត សំណង់ដ៏លេចធ្លោនេះ បានលំអដោយក្បាលនាគចំនួន ១០០ (១ជាន់មានក្បាលនាគរាជចំនួន២០)។

ក្បាលនាគចំនួន ១០០នេះ មានឯកសារខ្លះបានពន្យល់ថា យកតាមចំនួនឆ្នាំ ដែលប្រទេសកម្ពុជា ស្ថិតនៅក្រោមអាណានិគមនិយមបារាំង ជិតមួយសតវត្សរ៍ (១សតវត្សរ៍ មាន ១០០ឆ្នាំ) គឺ ៩០ឆ្នាំ (១១ សីហា ១៨៦៣-៩ វិច្ឆិកា ១៩៥៣)។

កាលនៅមានជីវិត លោកសាស្ត្រាចារ្យ ភឿង សុភ័ណ្ឌ រដ្ឋលេខាធិការ​ក្រសួងរៀបចំដែនដី នគរូបនីយកម្ម និងសំណង់ ដែលបានផ្តល់បទសម្ភាសន៍ពិសេសផ្តាច់មុខ ជាមួយអគ្គនាយកគេហទំព័រ Propertyarea.asia ថា វិមានឯករាជ្យ បានយកលំនាំតាមប្រាសាទបាគង ក្នុងខេត្តសៀមរាប ជាតំណាងឲ្យទស្សនប្រាសាទភ្នំ ដែលបានសាងសង់នៅសតវត្សរ៍ទី៩ ដោយព្រះបាទជ័យវរ្ម័នទី១ ។

លោកសាស្ត្រាចារ្យធ្លាប់បានពន្យល់ថា “ប្រាសាទវិមានឯករាជ្យជាតំណាងឲ្យវប្បធម៌ អរិយធម៌ខ្មែរ ដែលសមស្របតាមនយោបាយដឹកនាំប្រទេសនាសម័យនោះ និងក្សត្រខ្មែរយើង ត្រូវគេចាត់ទុកជាបុត្ររបស់ព្រះព្រហ្ម ដែលយកអំណាចពីឋានលើ មកដឹកនាំប្រទេសជាតិ ទើបគេសាងសង់ប្រាសាទឲ្យខ្ពស់បែបនេះ”។

លោកភឿង សុភ័ណ្ឌ បានបន្ថែមថា ការសាងសង់វិមានឯករាជ្យ ជាការបូកបញ្ចូលនូវទស្សនៈធំៗទាំងអស់នេះ និងការបង្ហាញស្នាព្រះហស្តរបស់សម្តេចសីហនុ ដែលលោកបានយាងចុះតាមគ្រប់ខេត្ត ក្រុងទាំងអស់ ហើយចលនាឲ្យមានការបង្កើតកងកម្លាំង បង្កើតកាំភ្លើងឈើ ដើម្បីបង្ហាញកម្លាំងទាមទារឯករាជ្យ រហូតដល់បារាំងផ្តល់ឯករាជ្យភាពដល់កម្ពុជា អាចគ្រប់គ្រងដោយខ្លួនឯង។

ចំណែកក្បាលនាគទាំង ១០០ នៅលើវិមានឯករាជ្យ លោកសាស្ត្រាចារ្យ ភឿង សុភ័ណ្ឌ បានថ្លែងថា ជាទូទៅ ក្នុងទំនៀមទម្លាប់ប្រពៃណីខ្មែរយើង សត្វនាគតំណាងឲ្យទេវកថា ព្រោះយើងមិនដែលឃើញនាគរាជទេ យើងឃើញតែពស់។ នាគរាជនៅលើវិមានឯករាជ្យ មានក្បាលចំនួន៥ និងបែរមុខទៅទិសទាំង៤ ដែលតំណាងឲ្យបារមីព្រះមហាក្សត្រ គ្រប់គ្រងដឹកនាំប្រទេស ។

លោកបន្តថា ក្បាលនាគទាំង១០០ បង្ហាញពីអំណាចបារមី នៃការខិតខំប្រឹងប្រែងរបស់ព្រះមហាក្សត្រ ក៏ដូចជាប្រជារាស្ត្រខ្មែរទាំងអស់ ដើម្បីការពារនូវឯករាជ្យភាពជាតិរបស់ខ្មែរ”។

ចំណុចពិសេសមួយទៀតរបស់វិមានឯករាជ្យ គឺដោយសារតែសំណង់នេះមានរចនាបថយ៉ាងលេចធ្លោរ ក៏ត្រូវបានគេយកលំនាំសាងសង់ នៅតាមបណ្តាខេត្តនានាមួយចំនួនផងដែរ ដូចជាខេត្តតាកែវ ខេត្តកំពង់ស្ពឺ ខេត្តកែប ខេត្តឧត្តរមានជ័យ ខេត្តប៉ៃលិន ខេត្តព្រះសីហនុ ខេត្តកំពង់ឆ្នាំង ខេត្តព្រះវិហារ ខេត្តរតនគិរី ខេត្តមណ្ឌលគិរី ខេត្តក្រចេះ ខេត្តកំពង់ធំ ខេត្តស្វាយរៀង។

សំណង់វិមានឯករាជ្យ គឺមានភាពលេចធ្លោរយ៉ាងខ្លាំង ហើយបានរំលេចចេញយ៉ាងច្បាស់ នូវអត្តសញ្ញាណស្ថាបត្យកម្មខ្មែរ និងពេលយើងមើលទៅសំណង់វិមានឯករាជ្យ ហាក់ដូចជាកំពូលប្រាសាទ បានឈរនៅចំកណ្តាលទីក្រុងភ្នំពេញផងដែរ។

សំណង់វិមានឯករាជ្យ ជាសំណង់ស្ថាបត្យកម្មប្រវត្តិសាស្រ្ត ដ៏អស្ចារ្យមួយនៅក្នុងប្រទេសកម្ពុជា ព្រោះសំណង់នេះ បានបង្ហាញពីការទទួលបានឯករាជ្យពេញលេញពីអាណានិគមបារាំង ហើយការសាងសង់សំណង់វិមានឯករាជ្យនេះឡើង គឺដើម្បីរំលឹកទៅដល់វីរភាពរបស់បុព្ធបុរសខ្មែរ ដែលបានតស៊ូពលីជីវិត ក្នុងការដណ្តើមឯករាជ្យពីបារាំងវិញ។
សំណង់វិមានឯករាជ្យ ក៏បានបង្ហាញពីអច្ឆរិយនៃស្ថាបត្យកម្មខ្មែរ គួបផ្សំជាមួយសិល្បៈសម័យទំនើបផងដែរ៕

ស្ថាប័នចំនួន៤ ត្រូវបានអនុញ្ញាតឲ្យរៀបចំកម្មវិធីអបអរពិធីបុណ្យចូលឆ្នាំប្រពៃណីជាតិនៅខេត្តព្រះសីហនុ

ដោយៈ សូរិយា វង្ស

ព្រះសីហនុៈ ដើម្បីអបអរសាទរ ពិធីបុណ្យចូលឆ្នាំថ្មី ប្រពៃណីខ្មែរ ដែលនឹងប្រព្រឹត្តទៅ ចាប់ពីថ្ងៃទី ១៤-១៥-១៦ ខែមេសា ឆ្នាំ២០២២ នាពេលខាងមុខ រដ្ឋបាលខេត្តព្រះសីហនុ បានអនុញ្ញាតជាគោលការណ៍ និងសម្របសម្រួលឱ្យស្ថាប័ន និងក្រុមហ៊ុនចំនួន៤រៀបចំកមកមវិធីផ្សេងៗ ដើម្បីអបអរពិធីបុណ្យជាតិដ៏ធំនេះ។

ស្ថាប័ន និងក្រុមហ៊ុន ដែលនឹងចូួលរួមរៀបចំព្រឹត្តិការណ៍ខាងលើរួមមាន ទី១ -ក្រុមប្រឹក្សាយុវជនកម្ពុជា កាយរិទ្ធិ កាកបាទក្រហម និងសហភាពសហព័ន្ធយុវជនកម្ពុជា នៃវិទ្យាល័យក្រុងព្រះសីហនុ និងវិទ្យាល័យហ៊ុនសែនមិត្តភាព រៀបចំលេង ល្បែងប្រជាប្រិយខ្មែរ ចាប់ពីថ្ងៃទី១០-១២ ខែមេសា ឆ្នាំ២០២២ នៅដីចំណីឆ្នេរសាធារណៈ (ឆ្នេរពយជំទាវម៉ៅ) ក្បែរបន្ទប់ទឹកសាធារណៈលេខ១១ ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ។

ទី២ -សហព័ន្ធកីឡាទាញព្រ័ត្រកម្ពុជា រៀបចំព្រឹត្តិការណ៍ការ ប្រកួតកីឡាទាញព្រ័ត្រឆ្នេរខ្សាច់ ជ្រើសរើសជើងឯកថ្នាក់ជាតិ ឆ្នាំ២០២២ នៅឆ្នេរឯករាជ្យ និងការប្រគុំតន្ត្រីនៅដីឡូត៍ ឯកជនជាប់អតីតពហុកីឡដ្ឋានក្រុមមឿង ស្ថិតក្នុងសង្កាត់លេខ៣ ក្រុងព្រះសីហនុ ចាប់ពីថ្ងៃទី១០-១៦ ខែមេសា ឆ្នាំ២០២២។

ទី៣ -ក្រុមហ៊ុន ហនុមានប៊ែរវើរីជីសឯ.ក រៀបចំព្រឹត្តិការណ៍ការ ប្រគុំតន្ត្រី និងលក់ស្រាបៀរ ភេសជ្ជៈ ចាប់ពីថ្ងៃទី១៤-១៥-១៦ ខែមេសា ឆ្នាំ២០២២ នៅទីតាំងដីឡូត៍របស់ឧកញ៉ា គុយ ណាត ទល់មុខឆ្នេរអូរឈើទាល២ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ។

ទី៤ -ក្រុមហ៊ុនគ្លូប៊ល ភីអិនអិន ហូលឌីង សហការជាមួយក្រុមហ៊ុនវឌ្ឍនៈប្រូវើរី រៀបចំព្រឹត្តិការណ៍ការ ប្រគុំតន្ត្រី និងបាញ់កាំជ្រួច ចាប់ពីថ្ងៃទី ១៤-១៥-១៦ ខែមេសា ឆ្នាំ២០២២ នៅទីធ្លា ទីលានតេជោ ឆ្នេរសុខា ស្ថិតក្នុងសង្កាត់លេខ៤ ក្រុងព្រះសីហនុ។

ទន្ទឹមនេះ រដ្ឋបាលខេត្តព្រះសីហនុស្នើឱ្យលោក លោកស្រីជាម្ចាស់សំណើ ត្រូវចាត់ចែងរៀបចំអនុវត្តឱ្យ បានម៉ឺងម៉ាត់បំផុតនូវវិធានការសុខាភិបាល គឺត្រូវពាក់ម៉ាស់ ធ្វើការវាស់កម្ដៅ លាងដៃសាប៊ូ ឬអាល់កុល ដែលនិងរក្សាគម្លាតសុវត្ថិភាព ដើម្បីចូលរួមទប់ស្កាត់ការឆ្លងរាលដាលនៃ វីរុសកូវីដ-១៩ ព្រមទាំងធ្វើការសហការជាមួយសមត្ថកិច្ច និងអាជ្ញាធរមូលដ្ឋាន ក្នុងរក្សាសន្តិសុខ សណ្តាប់ធ្នាប់ អនាម័យ បរិស្ថាន និងរបៀបរៀបរយទាំងអំឡុងពេល និងក្រោយប្រារព្ធពិធី។

ជាមួយគ្នានេះ រដ្ឋបាលខេត្តព្រះសីហនុ សូមអំពាវនាវដល់ម្ចាស់សណ្ឋា​គារ ផ្ទះសំណាក់ ភោជនីយដ្ឋាន អាហារដ្ឋាន និងបងប្អូនអាជីវករលក់ចំណីអាហារ មុខទំនិញគ្រប់ប្រភេទ សូមកុំលក់ដំឡើងថ្លៃ នៅក្នុងឱកាសពិធីបុណ្យចូលឆ្នាំថ្មី ប្រពៃណីខ្មែរ ដែលនឹងប្រព្រឹត្តទៅ ចាប់ពីថ្ងៃទី ១៤-១៥-១៦ ខែមេសា ឆ្នាំ២០២២ នាពេលខាងមុខ៕

ធនាគារពិភពលោកបង្ហាញពីកត្តាសំខាន់ៗចំនួនបីនឹងជួយទាក់ទាញការវិនិយោគមកកម្ពុជា

   ដោយៈគង់ សូរិយា

        ភ្នំពេញៈ ធនាគារពិភពលោកបានចង្អុលបង្ហាញនូវកត្តាសំខាន់ៗចំនួនបី ដែលនឹងរួមចំណែកដល់ការទាក់ទាញ វិនិយោគិនអន្តរជាតិមកកាន់កម្ពុជា។

យោងតាមរបាយការណ៍របស់ធនាគារពិភពលោក ដែលបានចេញផ្សាយនៅថ្ងៃទី៥ មេសាម្សិលម៉ិញនេះបានឲ្យដឹងថា ច្បាប់វិនិយោគថ្មី កិច្ចព្រមព្រៀងពាណិជ្ជកម្មសេរីរវាងកូរ៉េ ចិន និងកម្ពុជា និងភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់ នឹងជួយជំរុញការវិនិយោគនៅកម្ពុជាមួយកម្រិតធំ ខណៈកំណើនសេដ្ឋកិច្ចឆ្នាំ ២០២២ ក៏ត្រូវបានព្យាករណ៍ថាអាចមានដល់ទៅ៤,៥ភាគរយ។

របាយការណ៍ដដែលបានបន្តថា ភាពជាដៃគូសេដ្ឋកិច្ចគ្រប់ជ្រុងជ្រោយថ្នាក់តំបន់ ឬRCEP គឺជាកិច្ចព្រមព្រៀងរវាង១០ប្រទេសនៃអាស៊ាន និងដៃគូពាណិជ្ជកម្ម មានចិន ជប៉ុន កូរ៉េខាងត្បូង អូស្ត្រាលី និងញូវសេឡែន។

RCEP កិច្ចព្រមព្រៀងពាណិជ្ជកម្មសេរីរវាងកម្ពុជា ចិន បានចូលជាធរមានរួចហើយ នៅដើមឆ្នាំ២០២២នេះ ខណៈកិច្ចព្រមព្រៀងពាណិជ្ជកម្មសេរីរវាងកម្ពុជា កូរ៉េខាងត្បូង អាចនឹងចូលជាធរមានឆាប់ៗនេះ។

របាយការណ៍របស់World Bank ក៏បានព្យាករថា សេដ្ឋកិច្ចកម្ពុជា នឹងមានកំណើនចន្លោះពី៣,៨ភាគរយនៅឆ្នាំនេះ និងកើនឡើងដល់៤,៥ភាគរយក្នុងឆ្នាំ២០២២ខាងមុខ៕

 

US economy will tumble into a recession in 2023 as Federal Reserve jacks up rates, Deutsche Bank says

The US will tumble into a recession next year as the Federal Reserve jacks up interest rates to combat high and widening inflation, Deutsche Bank economists David Folkerts-Landau and Peter Hooper said in a report on Tuesday.

They see the Fed raising rates by 50 basis points at each of its next three meetings on its way to a peak above 3.5 per cent by the middle of next year. The Fed’s current target for the federal funds rate is 0.25 per cent to 0.5 per cent, after it lifted off levels near zero last month.

Deutsche Bank is one of the first major banks to forecast a US recession. Goldman Sachs Group economists led by Jan Hatzius said in a report on Monday that an economic downturn was “far from inevitable,” in part because consumers and companies are “flush” with cash.

The US will tumble into a recession next year as the Federal Reserve jacks up interest rates to combat high and widening inflation, Deutsche Bank economists David Folkerts-Landau and Peter Hooper said in a report on Tuesday.

They see the Fed raising rates by 50 basis points at each of its next three meetings on its way to a peak above 3.5 per cent by the middle of next year. The Fed’s current target for the federal funds rate is 0.25 per cent to 0.5 per cent, after it lifted off levels near zero last month.

Deutsche Bank is one of the first major banks to forecast a US recession. Goldman Sachs Group economists led by Jan Hatzius said in a report on Monday that an economic downturn was “far from inevitable,” in part because consumers and companies are “flush” with cash.

“Our call for a recession in the US next year is currently way out of consensus,” Folkerts-Landau and Hooper acknowledged in their report, adding, “We expect it will not be so for long.”

On top of the Fed rate increases, Deutsche forecasts the US central bank will reduce its US$8.9 trillion balance sheet by almost US$2 trillion by the end of next year, the equivalent of three or four additional 25- basis point hikes.

“The US economy is expected to take a major hit from the extra Fed tightening by late next year and early 2024,” Folkerts-Landau and Hooper wrote in a report entitled “Over the Brink.”

Under the forecast, US unemployment rises sharply to 4.9 per cent in 2024. Joblessness in March clocked in at 3.6 per cent.
The yield on the 10-year Treasury note is seen climbing to 3.3 per cent this year while stocks suffer a “transitory decline on the order of 20 per cent” by the summer of 2023 as the recession takes hold.

Folkerts-Landau is group chief economist. Former Fed official Hooper is global head of economic research.
While Deutsche Bank is among the first major banks to predict a recession, many finance professionals are coming to the view that a downturn is likely as the Fed tightens credit, according to a recent survey by Bloomberg.

Source: South China Morning Post

អាមេរិកនឹងធ្លាក់ចូលក្នុងវិបត្តិសេដ្ឋកិច្ចនៅឆ្នាំ២០២៣ ពេលធនាគារកណ្ដាលរបស់ខ្លួនដំឡើងអត្រាការប្រាក់កាន់តែខ្ពស់

ដោយៈសុខុម

អន្តរជាតិ: អ្នកជំនាញសេដ្ឋកិច្ច David Folkerts-Landau និង Peter Hooper ប្រចាំធនាគារអាល្លឺម៉ង់ Deutsche Bank លើកឡើងក្នុងរបាយការណ៍មួយកាលពីថ្ងៃអង្គារ ទី៥ ខែមេសា ថា អាមេរិក នឹងធ្លាក់ចូលក្នុងវិបត្តិសេដ្ឋកិច្ច នៅឆ្នាំក្រោយ នៅពេលធនាគារកណ្តាល Federal Reserve របស់ខ្លួនដំឡើងអត្រាការប្រាក់ ដើម្បីទប់អតិផរណាដែលហក់ឡើងកាន់តែខ្ពស់ និងរីកកាន់តែធំ។

យោងតាមសារព័ត៌មាន South China Morning Post ដែលចុះផ្សាយនៅថ្ងៃពុធ ទី៦ ខែមេសា នេះឱ្យដឹងថា អ្នកជំនាញសេដ្ឋកិច្ចទាំងនេះមើលឃើញថា ការដំឡើងអត្រាការប្រាក់របស់ធនាគារកណ្ដាលអាមេរិក ចំនួន៥០ពិន្ទុនៅឯកិច្ចប្រជុំនីមួយៗ ក្នុងចំណោមកិច្ចប្រជុំបន្ទាប់ចំនួន៣ នឹងធ្វើឱ្យអត្រាការប្រាក់ឡើងខ្ពស់ លើសពី៣,៥%នៅពាក់កណ្តាលឆ្នាំក្រោយ។

ធនាគារ Deutsche Bank ស្ថិតក្នុងចំណោមធនាគារធំៗដំបូងគេ ដែលបានព្យាករពីការធ្លាក់ចុះ នៃសេដ្ឋកិច្ចរបស់សហរដ្ឋអាមេរិក។ ក្រុមអ្នកជំនាញសេដ្ឋកិច្ចនៅធនាគារអាមេរិក Goldman Sachs Group ដែលដឹកនាំដោយលោក Jan Hatzius បានលើកឡើងក្នុងរបាយការណ៍មួយ កាលពីថ្ងៃច័ន្ទ ទី៤ ខែមេសា ថា ការធ្លាក់ចុះនៃសេដ្ឋកិច្ចនេះគឺ “ពិបាកនឹងជៀសផុតណាស់”។

បន្ថែមពីលើការដំឡើងអត្រាការប្រាក់ របស់ធនាគារកណ្តាលអាមេរិក ធនាគារ Deutsche Bank ព្យាណករណ៍ថា ធនាគារកណ្ដាលអាមេរិក នឹងកាត់បន្ថយតារាងតុល្យការ (Balance Sheet) ៨,៩ទ្រីលានដុល្លារ របស់ខ្លួនជិត២ទ្រីលានដុល្លារ នៅដំណាច់ឆ្នាំក្រោយដែលស្មើនឹងការកើនឡើង៣ ឬ៤ពិន្ទុបន្ថែមទៀត។

អ្នកជំនាញសេដ្ឋកិច្ច David Folkerts-Landau និង Peter Hooper ប្រចាំធនាគារ Deutsche Bank បានសរសេរនៅក្នុងរបាយការណ៍នោះថា “សេដ្ឋកិច្ចអាមេរិក នឹងទទួលរងផលប៉ះពាល់យ៉ាងខ្លាំង ពីការរឹតបន្តឹងកាន់តែខ្លាំងដោយធនាគារកណ្ដាល នៅចុងឆ្នាំក្រោយ និងដើមឆ្នាំ២០២៤”។

នៅក្រោមការព្យាករនេះ អត្រាគ្មានការងារធ្វើរបស់សហរដ្ឋអាមេរិក នឹងកើនឡើងយ៉ាងខ្លាំង រហូតដល់៤,៩%នៅឆ្នាំ២០២៤ ខណៈអត្រាគ្មានការងារធ្វើក្នុងខែមីនា មាន៣,៦%។

ខណៈធនាគារ Deutsche Bank ស្ថិតក្នុងចំណោមធនាគារធំៗដំបូងគេ ដែលព្យាករពីវិបត្តិសេដ្ឋកិច្ច អ្នកជំនាញផ្នែកហិរញ្ញវត្ថុជាច្រើនទៀត ក៏បង្ហាញទស្សនៈស្រដៀងគ្នាដែរថា ការធ្លាក់ចុះសេដ្ឋកិច្ចអាមេរិក ទំនងជាកើតមានឡើង នៅពេលធនាគារកណ្ដាលអាមេរិក រឹតបន្តឹងការផ្ដល់ឥណទាន។ នេះបើយោងតាមការស្ទង់មតិមួយ ដែលសារព័ត៌មានដ៏ល្បីល្បាញ Bloomberg បានធ្វើឡើងកាលពីពេលថ្មីៗនេះ៕  South China Morning Post៕

ព្រមានៈអគ្គនាយកដ្ឋានពន្ឋន្ធដារដកហូតអាជ្ញាប័ណ្ណភ្នាក់ងារសវាកម្ម ពន្ធដារមួយ

ដោយៈសុផារី

ភ្នំពេញៈ  អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុ បានសម្រេចដកហូត អាជ្ញាប័ណ្ណបញ្ឈប់សកម្មភាពអាជីវកម្ម ភ្នាក់ងារសេវាកម្មពន្ធដារជាស្ថាពរ របស់ក្រុមហ៊ុន ហ្វេតថាក់ ប៊ីហ្សនេស សីលូសិន ឯ.ក ចាប់ពីថ្ងៃទី០៥ ខែមេសាតទៅ។

ការឈានដកការដកហូតអាជ្ញាប័ណ្ណមួយនេះ ក្រោយពីអគ្គនាយកដ្ឋានពន្ធដារ បានធ្វើការស៊ើបអង្កេត និងបានរកឃើញថា ក្រុមហ៊ុន ហ្វេតថាក់ ប៊ីហ្សនេស សីលួស៊ិន ឯ.ក (FEDTAX BUSINESS SOLUTION CO., LTD.) មិនបានបំពេញកាតព្វកិច្ចជាភ្នាក់ងារសេវាកម្មពន្ធដារស្របតាមប្រការ១០ និងបានប្រព្រឹត្តអំពើខុសឆ្គងដូចមានចែងក្នុងប្រការ ១៥ នៃប្រកាសលេខ៤៥៥ សហវ. ប្រក ចុះថ្ងៃទី១២ ខែមេសា ឆ្នាំ២០១៣ ស្តីពីភ្នាក់ងារសេវាកម្មពន្ធដារ។

បើតាមសេចក្តីប្រកាសរបស់អគ្គនាយកដ្ឋានពន្ធដារ បានឱ្យដឹងថា ក្រុមហ៊ុនខកខាន មិនអនុវត្តបានត្រឹមត្រូវតាមប្រកាសនេះ ល្មើសច្បាប់ និងបទប្បញ្ញត្តិនានាស្តីពីពន្ធដារ ដោយមិនបានប្រកាស និងបង់ពន្ធក្រុមហ៊ុនខ្លួនឯងឱ្យបានត្រឹមត្រូវតាមច្បាប់ និងបទប្បញ្ញត្តិនានាស្តីពីពន្ធដារ។

ក្រុមហ៊ុនខាងលើនេះក៏ផ្តល់សេវាចុះបញ្ជី និងបច្ចុប្បន្នភាពព័ត៌មានសហត្រាស និងសេវាប្រកាសពន្ធឱ្យអតិថិជន ដោយពុំមានវិជ្ជាជីវៈ និងសុច​រិតភាព និងមិនបានចូលរួមចំណែកទប់ស្កាត់ បទល្មើសកេងបន្លំប្រាក់ពន្ធតាមរយៈការផ្តល់ព័ត៌មាន ជូនរដ្ឋបាលសារពើពន្ធ អំពីសកម្មភាពគេចវេសពន្ធ។

តាមរយៈការសម្រេចដកហូតអាជ្ញាប័ណ្ណ បញ្ឈប់សកម្មភាពអាជីវកម្មជាស្ថាពរនេះ ក្រុមហ៊ុន ហ្វេតថាក់ ប៊ីហ្សនេសសីលូសិន ឯ.ក ពុំមាននីតិស   ម្បទាជាភ្នាក់ងារសេវាកម្មពន្ធដារ និងមិនអាចបន្តប្រកបអាជីវកម្មជាភ្នាក់ងារសេវាកម្មពន្ធដារ៕

ADBត្រៀមថវិកា១,៤៧ពាន់លានដុល្លារអាមេរិកសម្រាប់កម្ពុជា ស្ដារសេដ្ឋកិច្ចឡើងវិញ

     ដោយៈកុសមា

ភ្នំពេញៈ ធនាគារអភិវឌ្ឍន៍អាស៊ី(ADB)នៅថ្ងៃនេះបានប្រកាសពីការត្រៀមកញ្ចប់ថវិកាជាតិជិត១៥០០លានដុល្លារ ដើម្បីជួយកម្ពុជាស្តារសេដ្ឋកិច្ចឡើងវិញក្រោយវិបត្តិ។

តាមសេចក្ដីប្រកាសព័ត៌មាន របស់ធនាគារអភិវឌ្ឍន៍អាស៊ី នៅថ្ងៃទី៦ មេសា ២០២២នេះ ដើម្បីជួយកម្ពុជាក្នុងការស្ដារសេដ្ឋកិច្ចឡើងវិញពីវិបត្តិកូវីដ១៩ ធនាគារអភិវឌ្ឍន៍អាស៊ី បានត្រៀមថវិកាសម្រាប់កម្ពុជា ពីឆ្នាំ២០២២ ដល់ឆ្នាំ២០២៥ ក្នុងទំហំទឹកប្រាក់រហូតដល់១,៤៧ពាន់លានដុល្លារអាមេរិក។

ក្នុងសេចក្ដីប្រកាសក៏បានឱ្យដឹងផងដែរថា បច្ចុប្បន្ន ADB កំពុងអនុវត្តន៍ គម្រោងវិនិយោគចំនួន២,៣ពាន់លានដុល្លារនៅកម្ពុជា ។ សម្រាប់ឆ្នាំ ២០២១ ADB បានអនុម័តផ្តល់ប្រាក់កម្ចី និងជំនួយឥតសំណងចំនួន ៣២៧,១លានដុល្លារ ហើយបានកៀគរថវិកាបន្ថែមចំនួន៥លានដុល្លារ តាមរយៈសហហិរញ្ញប្បទានសម្រាប់ប្រទេសកម្ពុជា។

សេចក្ដីប្រកាសបង្ហាញថា ថវិការបស់ ADB ដែលត្រៀមសម្រាប់កម្ពុជាក្នុងឆ្នាំ ២០២២-២០២៥ រួមមានកម្ចីសម្បទានចំនួន ១,៤៤ ពាន់លានដុល្លារអាមេរិក និងជំនួយឥតសំណងចំនួន៣៧ លានដុល្លារអាមេរិក ដើម្បីគាំទ្រដល់ការអភិវឌ្ឍសេដ្ឋកិច្ច និងការងើប ឡើងវិញពីជំងឺរាតត្បាតកូវីដ១៩ ។

ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវ វិបុលភាព បរិយាប័ន្ន ភាពធន់និងនិរន្តរភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រខ្លាំង។ បង្កើតឡើងនៅឆ្នាំ ១៩៦៦ ធនាគារនេះត្រូវបានគ្រប់គ្រងដោយសមាជិកចំនួន៦៨ ប្រទេស ដែលក្នុងនោះមាន៤៩ប្រទេស មកពីតំបន់ខាងលើនេះ៕

លោកហ៊ុន ម៉ានីៈថ្ងៃនេះខេត្តកំពង់ស្ពឺទទួលបានសមិទ្ធផលថ្មីរហូតដល់ទៅ២ទីតាំង

ដោយៈ ម៉ាលីនណា

        កំពង់ស្ពឺៈ តំណាងរាស្រ្តមណ្ឌលខេត្តកំពង់ស្ពឺ លោកហ៊ុន ម៉ានីបានថ្លែងថា ក្នុងពេលតែមួយរួមមាន អគារសម្ភព និងរោគស្ត្រី នៃមន្ទីរពទ្យបង្អែកខេត្តកំពង់ស្ពឺ និងអគារអន្តេវាសិក នៃមជ្ឈមណ្ឌលបណ្តុះបណ្តាលវិជ្ជាជីវៈខេត្តកំពង់ស្ពឺ។

លោកហ៊ុន ម៉ានីបានលើកឡើងក្នុងបណ្តាញទំនាក់ទំនងសង្គមនាព្រឹកថ្ងៃទី៦ មេសានេះថា “ខ្ញុំសូមរំឭកបន្តិចពីប្រវត្តិ ដែលនាំឲ្យមានការសាងសង់អគារទាំង២នេះ។ កាលនោះផ្ដើមចេញពីការចុះជួបសំណេះសំណាល របស់ខ្ញុំជាមួយលោក  លោកស្រីវេជ្ជបណ្ឌិត និងមន្ត្រីបុគ្គលិកនៃមន្ទីរពេទ្យបង្អែកខេត្តកាលពីថ្ងៃទី២ ខែសីហា ឆ្នាំ២០១៨”។

លោកបន្តថា ពេលនោះតាមរយៈរបាយការណ៍ របស់លោកប្រធានមន្ទីរពេទ្យបង្អែក និងការចុះពិនិត្យជាក់ស្តែងដល់អគារសម្ភព បានឲ្យឃើញថាជាមន្ទីរពេទ្យបង្អែកខេត្តកំពង់ស្ពឺ ពិតជាមានការខ្វះខាតជាផ្នែកសម្ភពពិតប្រាកដមែន ជាពិសេសបន្ទប់រង់ចាំសម្រាល និងក្រោយសម្រាល។ លើសពីនេះទៅទៀតនោះគឺ បន្ទប់វះកាត់សម្រាល ត្រូវបានដាក់រួមគ្នាជាមួយនឹងបន្ទប់វះកាត់ទូទៅ។

លើសពីនេះទៅទៀត ដោយសារទីធ្លាអគារសម្ភពទាំងមូល មានលក្ខណៈតូចចង្អៀត ដាក់គ្រែក៏បានតិច ហើយបងប្អូនប្រជាពលរដ្ឋយើង មកទទួលសេវាផ្នែកសម្ភពនេះកាន់តែច្រើន ដែលជាហេតុនាំឲ្យពិបាករកទីកន្លែងសមរម្យសម្រាប់អង្គុយរង់ចាំ។

លោកហ៊ុន ម៉ានីបានបន្តថា ឆ្លើយតបទៅនឹងបញ្ហាទាំងអស់នេះ ក្រុមការងារ ក៏បានខិតខំស្វះស្វែងកៀរគរប្រភពថវិកា ដើម្បីចូលរួមឆ្លើយតបជាមួយតម្រូវការដ៏ចាំបាច់របស់ប្រជាពលរដ្ឋ។ ទន្ទឹមនឹងនេះដែរ ចំពោះមូលហេតុនៃការកសាងអគារអន្តេវាសិក នៅក្នុងមជ្ឈមណ្ឌលបណ្ដុះបណ្ដាលវិជ្ជាជីវៈ ក៏បានកើតចេញពីការជួបសំណេះសំណាល និងពិនិត្យការរៀន និងបង្រៀន នៅមជ្ឈមណ្ឌលបណ្ដុះបណ្ដាលវិជ្ជាជីវៈខេត្តកំពង់ស្ពឺ ក្នុងឱកាសនៃទិវារំលឹកគុណគ្រូ កាលពីថ្ងៃ០៥ ខែតុលា ឆ្នាំ២០១៧។

លោកបន្តថា “ខ្ញុំទទួលបានសំណូមពរពីគណៈគ្រប់គ្រង លោកគ្រូ អ្នកគ្រូ និងសិស្សនៃមជ្ឈមណ្ឌលនេះ ដើម្បីសាងសង់អគារស្នាក់នៅសម្រាប់គ្រូ និងសិស្សដែលមានជីវភាពខ្វះខាត រៀនសូត្រជំនាញបច្ចេកទេសវិជ្ជាជីវៈ”។

តាមរយៈការពិនិត្យជាក់ស្ដែងនៅទីតាំង យើងពិតជាឃើញមានការលំបាកមួយចំនួន សម្រាប់ការស្នាក់នៅរបស់គ្រូ និងសិស្ស ដោយហេតុថាអគារ ដែលមានស្រាប់មានសភាពទ្រុឌទ្រោម។ឆ្លើយតបជាមួយនឹងសំណូមពរ រួមទាំងសមិទ្ធកម្មជាក់ស្តែង ទើបមានការលេចរូបរាងថ្មីនៃអគារអន្តេ​វាសិក​ស្របតាមតម្រូវការចាំបាច់ទាំងអស់នោះ។

ក្នុងនាមជាតំណាងរាស្ត្រមណ្ឌលកំពង់ស្ពឺ និងក្នុងនាមខ្ញុំផ្ទាល់ ខ្ញុំសូមចូលរួមអបអរសាទរជាមួយមន្ត្រីបុគ្គលិក សុខាភិបាល លោកប្រធានមន្ទីរពេទ្យបង្អែកខេត្ត លោកគ្រូ អ្នកគ្រូ និងសិស្ស នៃមជ្ឈមណ្ឌលបណ្ដុះបណ្ដាលវិជ្ជាជីវៈខេត្តកំពង់ស្ពឺ រួមទាំងបងប្អូនប្រជាពលរដ្ឋ ដែលបានទទួលនូវសមិទ្ធផលថ្មីពីរបន្ថែមទៀត សម្រាប់បម្រើឲ្យសេចក្ដីត្រូវការនៅក្នុងមន្ទីរពេទ្យ ក៏ដូចជា មជ្ឈមណ្ឌលបណ្ដុះបណ្ដាលវិជ្ជាជីវៈ និងសេចក្ដីត្រូវការរបស់ប្រជាពលរដ្ឋយើងនៅក្នុងក្របខ័ណ្ឌ ខេត្តកំពង់ស្ពឺនិយាយជារួម និងនិយាយដោយឡែកសម្រាប់ក្រុមអ្នកក្រុងច្បារមនរបស់យើង៕

វិភាគៈសម្តេចតេជោៈ តារារះនៅទិសឧត្តរ”​ ទស្សនទាននិងសក្តានុពលអ្វីខ្លះ កំពុងមាននៅតំបន់នេះ?

      ដោយៈសុផារី

        តំបន់ឧត្តរទិសៈ បន្ទាប់ពីប្រសិទ្ឋនាមតារារៈនាទិសនារតី សម្តេចតេជោហ៊ុន សែននាយករដ្ឋមន្រ្តីនៃកម្ពុជា បានប្រសិទ្ឋនាមតំបន់ថ្មីមួយទៀតជា “តារារះនាទិសឧត្តរ” ដែលផ្នែកខ្លះនាំតំបន់នៅលង់លក់នៅឡើយ។

ប៉ុន្តែព្រះអាទិត្យថ្មី ចាប់ផ្តើមរះនៅតំបន់នេះហើយ ដែលតំបន់នេះភាគ​ច្រើនបានបង្កប់នូវដោយធនធានធម្មជាតិ វប្បធ៌ម ប្រវត្តិសាស្រ្ត ពិសេសសំណង់ប្រាសាទដ៏មានតម្លៃ និងជាសម្បត្តិបេតិកភ័ណ្ឌមនុស្សជាតិ បន្ទាប់ពីប្រាសាទព្រះវិហារ ប្រាសាទសម្បូរព្រៃគុក ត្រូវបានចុះក្នុងបញ្ជីរបេតិកភ័ណ្ឌវប្បធ៌មរបស់អង្គការយូណេស្កូុជាបន្តបន្ទាប់។

សម្តេចតេជោហ៊ុន សែននាយករដ្ឋមន្រ្តីនៃកម្ពុជា បានថ្លែងក្នុងពិធីចុះពិនិត្យដំណើរកាេសាងសង់ ព្រលានយន្តហោះអន្តរជាតិខេត្តសៀមរាប កា​លពីថ្ងៃទី៣ មេសា ដោយប្រសិទ្ឋនាមតំបន់ភាគខាងជើងបប្រទេសជា “តារារះនាទិសឧត្តរ” ដែលតំបន់នេះនឹងគ្របដណ្តប់ លើខេត្តកំពង់ធំ សៀមរាប ឧត្តរមានជ័យ និងផ្នែកខ្លះនៃខេត្តព្រះវិហារ។

ទស្សនទានសេដ្ឋកិច្ចពីអ្នកវិភាគ

        ការរីកចម្រើន នៃសេដ្ឋកិច្ចសង្គមរបស់តំបន់ណាមួយ វាផ្អែកលើទីតាំងភូមិសាស្រ្ត សក្តានុពលនៅមូលដ្ឋាននានា និងកត្តាប្រជាសាស្រ្ត ហេដ្ឋារចនាសម្ព័ន្ឋផងដែរ។

លោក​បណ្ឌិត​ ហុង វណ្ណៈ អ្នក​ជំនាញ​សេដ្ឋកិច្ច​នៃ​វិទ្យាស្ថាន​ទំនាក់ទំនង​អន្តរជាតិ​នៃ​រាជ​បណ្ឌិត​សភា​កម្ពុជា​​ បាន​មាន​ប្រសាសន៍ថា​ ខេត្តសៀមរាបជាខេត្តមួយ ដែលមានសក្តានុពលទេសចរណ៍វប្បធម៌ ប្រវត្តិសាស្រ្ត ជាយូរមកហើយ។ ការចង្អុលបង្ហាញទិសរបស់សម្តេចតេជោ មិនមែនត្រឹមតែសំដៅទៅលើប៉ូលខេត្តសៀមរាបមួយនោះទេ ប៉ុន្តែក៏សំដៅដល់តំបន់ជុំវិញ ដែលមានភាពពាក់ព័ន្ធ មានខេត្តព្រះវិហារ ប៉ូលសេដ្ឋកិច្ចនានាជាប់បឹងទន្លេសាប តំបន់ចុងឃ្នាស ជាដើម។

លោក​បណ្ឌិត​បន្តថា “កាលពីមុនសេដ្ឋកិច្ចរបស់ខេត្តមួយនេះ មួយផ្នែកធំពឹងផ្អែកលើវិស័យទេសចរណ៍ ទាំងចំណូលផ្ទាល់និងប្រយោល ព្រមទាំងបាន​ផ្តល់ការងារយ៉ាងច្រើនដល់ប្រជាពលរដ្ឋកម្ពុជា”។

ការប្រសិទ្ធិនាមថ្មីដល់ខេត្តសៀមរាប និងបណ្តាខេត្តនៅជុំវវិញ គឺចង់បង្ហាញថាតំបន់នេះ នឹងមានសក្តានុពលដូចកាលពីមុនអញ្ចឹង ដោយសារតែកន្លងមក ឥទ្ធិពលនៃជំងឺរាតត្បាតបានជះឥទ្ធិពល ដល់ចំណូលក្នុងវិស័យទេសចរណ៍ពីមួយឆ្នាំទៅមួយឆ្នាំ ឱ្យ​មានការធ្លាក់ចុះយ៉ាងគំហុក សឹងតែដល់សូន្យ ជាពិសេសលើអាជីវកម្មសណ្ឋាគារ ផ្ទះសំណាក់ ភោជនីយដ្ឋាន និងអាជីវកម្មពាក់ព័ន្ធនឹងទេសចរណ៍។

លោក​បណ្ឌិតហុង វណ្ណៈបានបន្តថា “សម្តេចមានប្រសាសន៍នេះ ជាក្តីរំពឹងរបស់លោកគិតថា ស្ថានភាពកូវីដរបស់កម្ពុជាក៏បានថមថយ ស្របពេលការបើកប្រទេស និងការបន្ធូរបន្ថយលក្ខខណ្ឌទេសចរណ៍ ដើម្បីធ្វើឱ្យមានសកម្មភាពទេសចរណ៍បរទេស មកទស្សនានៅកម្ពុជា​ជាប្រក្រតីបណ្តើរៗវិញ”។

លោក​បណ្ឌិតបន្តថា វិស័យទេសចរណ៍នៅ​ក្នុង​ខេត្ត​សៀមរាប ព្រះវិហារ កំពង់ធំ ឧត្តរមានជ័យ ជា​ចលករ​សំខាន់​បំផុត​ ដែល​បានជំរុញដល់​វិស័យផ្សេងៗទៀតជា​ច្រើន ដូចជា វិស័យសំណង់ វិស័យអចលនទ្រព្យ វិស័យធនាគារ ជាដើមឱ្យ​ដំណើរ​ការ​ទៅ​​ដោយ​រលូន​។ ​

លោកយល់ថា “ការរំពឹងរបស់ប្រមុខរាជរដ្ឋាភិបាល លើការប្រសិទ្ធិនាមថ្មីនេះ គឺរំពឹងថាចរន្តសេដ្ឋកិច្ចរបស់ខេត្តសៀមរាប នឹងវិលត្រឡប់មកប្រក្រតីវិញនៅក្នុងរយៈពេល២ទៅ៣ឆ្នាំខាងមុខនេះ”។

សក្តានុពលវិស័យអចលនទ្រព្យ

        ក្នុងចំណោមបណ្តាខេត្តនៅភូមិភាគឧត្តរ ខេត្តសៀមរាបមានភាពលេចធ្លោជាងគេ លើការអភិវឌ្ឍវិស័យអចលនទ្រព្យ ដោយបច្ចុប្បន្នមានសំណង់បុរីធំៗ មានខុនដូ អាផាតម៉ិន រមណីយដ្ឋានកែច្នៃជាដើម ប៉ុន្តែខេត្តដទៃទៀតដូចជាកំពង់ធំ ព្រះវិហារ ឧត្តរមានជ័យ ល្បឿននៃការអភិវឌ្ឍន៍វិស័យអចលនទ្រព្យនៅមានកម្រិត។

 

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីម បាន​មាន​ប្រសាសន៍ថា ការប្រសិទ្ធិនាមជាចំណុចចាប់ផ្តើមនៃការទាក់ទាញវិនិយោគិន នាំឱ្យវិនិយោគិនស្គាល់ច្រើន ដើម្បីសម្រេចចិត្តក្នុងការធ្វើការវិនិយោគឬទេ។

លោក​បញ្ជាក់ថា “ការប្រសិទ្ធិនាម “តារារះនៅទិសឧត្តរ”​ ប្រៀបដូចជា Brand (ស្លាកយីហោ) ឱ្យខេត្តសៀមរាប។ ឈ្មោះដែលចាប់អារម្មណ៍ ជាចំណុច ចាប់ផ្តើមនាំឱ្យមានការនិយាយអំពីខេត្តច្រើន ការចង់ឬមិនចង់វិនិយោគជាចំណុចបន្ទាប់”។

យ៉ាងណាក្តី លោកប្រធាន​សមាគម​​យល់​​ឃើញ​ថា ការប្រសិទ្ធិនាមល្អ​និង​ងាយ​ស្រួល​ក្នុង​ការ​ចងចាំ​នេះ ជាចំណុចចាប់ផ្តើមនៃការទាក់ទាញចំណា​ប់អារម្មណ៍របស់សាធារណជន និងអ្នកវិនិយោគផងដែរ​។

ពាក់ព័ន្ធ​នឹង​ការ​អភិវឌ្ឍ​ខេត្ត​សៀមរាប និងបណ្តាខេត្តជុំវិញឱ្យ​ស័ក្តិសម​នឹង​ឈ្មោះ​ដ៏​អស្ចារ្យ​ លោក​សុខនីម​បាន​មាន​ប្រសាសន៍​ថា ការ​កសាង​នូវ​ហេដ្ឋារចនាសម្ព័ន្ធជា​កត្តា​ចំបាច់ ​និង​សារទរ​ចំពោះ​ខេត្ត​ទេសចរណ៍​មួយ​នេះ។

លោក​បាន​មាន​ប្រសាសន៍ថា “ការសាងសង់ខ្សែក្រវាត់ ឬហេដ្ឋារចនាសម្ព័ន្ធផ្លូវនានា ជាការផ្តល់នូវភាពងាយស្រួលក្នុងការធ្វើដំណើរ សម្រាប់ប្រជាជននៅក្នុងខេត្ត និងគាំទ្រនូវវិស័យទេសចរណ៍នាពេលអនាគត ក្រោយពេលកូវីដបានបញ្ចប់ទៅ”។ លោកបន្តថា “ហេដ្ឋារចនាសម្ព័ន្ធ ដែលបានបញ្ចប់ និងដាក់ឱ្យដំណើរការរួចរាល់ ជាសញ្ញានៃការទទួលបាន និងប្រសិទ្ធភាពនៃកិច្ចការងារគាំទ្រដល់វិស័យទេសចរណ៍ និងការដឹកជញ្ជូន។ ជាពិសេស វាជាយន្តការនៃការអភិវឌ្ឍ និងមុខមាត់ប្រទេសកម្ពុជាផងដែរ”។

ជាអ្នកមានមូលដ្ឋាននៅខេត្តសៀមរាប និងកំពុងវិនិយោគលើវិស័យអចលនទ្រព្យ លោក កែវ សុធារ៉ា នាយកប្រតិបត្តិ KW សៀមរាប បានមានប្រសាសន៍ថា ការលើកឡើងរបស់សម្តេចតេជោ ដែលចាត់ទុកខេត្តសៀមរាបជា “តារារះនៅទិសឧត្តរ” នឹងក្លាយជាចំនុចទាក់ទាញមួយដ៏អស្ចា   រ្យ ដោយសារនេះ​សរ​បញ្ជាក់ថា រដ្ឋាភិបាលរបស់យើងបានយកចិត្តទុកដាក់យ៉ាងខ្លាំង ក្នុងការប្រែមុខមាត់ខេត្តសៀមរាប ឱ្យ​កាន់តែប្រសើរឡើង ក្នុងចំណោមខេត្ត សក្តានុពលដទៃទៀតរបស់ប្រទេសកម្ពុជាយើង។

វិស័យទេសចរណ៍

        ព្រះវិហារ កំពង់ធំ ឧត្តរមានជ័យ សុទ្ឋតែមានភាពលេចធ្លោ និងសក្តានុពលផ្សេងៗគ្នា ក្នុងវិស័យទេសចរណ៍ គ្រាន់តែអ្វីសំខាន់តើរដ្ឋាភិបាល និងវិស័យឯកជន បានទាញយកមកប្រើប្រាស់ឲ្យអស់លទ្ឋភាព នូវធនធានទាំងនោះហើយឬនៅ?។

ជាអ្នកជំនាញទេសចរណ៍ជើងចាស់មួយរួប លោក ហូ វណ្ឌី ទីប្រឹក្សាសមាគម​ទីភ្នាក់​ងារ​ទេសចរណ៍​កម្ពុជា​​ បានលើកឡើងថា “បើ​និយាយពី​តំបន់​នេះ ក្រុងអង្គរ ដែលប្រមូលផ្តុំនូវប្រាង្គប្រាសាទជាប្រព័ន្ធ និងជាសួនឧទ្យានប្រវត្តិសាស្រ្តដ៏ធំអស្ចារ្យមួយ ក្នុងពិភពលោកទាំងមូល។

លោកបន្តថា “មិនមានប្រទេសណាមួយ ដែលមានប្រាង្គប្រាសាទពោរពេញទៅដោយសួនឧទ្យាន ដែល​អជ្ញាធរអប្សរាបានកំណត់យុទ្ធសាស្ត្រវែងឆ្ងាយប្រកបដោយនិរន្តរភាព ក្នុងការទាក់ទាញភ្ញៀវទេសចរបែបវប្បធម៌”។​

លោកបន្តថា ជាការពិតណាស់ ប្រទេសកម្ពុជា ជាពិសេសប្រាង្គប្រាសាទបុរាណទាំងឡាយនៃក្រុងអង្គរ ត្រូវបានបណ្ដាញសារព័ត៌មាន និងបណ្ដាញផ្សព្វផ្សាយនានា ក្នុងពិភពលោកបានកោតសរសើរស្ញប់ស្ញែង និងផ្តល់តម្លៃនិងគុណតម្លៃ ដែលមិនអាចកាត់ថ្លៃបាន។

លោក​បញ្ជាក់ថា “តារារះនាទិសឧត្តរ”  គឺជាប្រសិទ្ធិនាមថ្មីរបស់ខេត្តសៀមរាប និងបណ្តាខេត្តជុំវិញ ដែលជាទាក់ទាញភ្ញៀវទេសចរទូទាំងពិភពលោក មកឈ្វេងយល់ពីកម្ពុជា”។

លោកវណ្ឌីមានប្រសាសន៍បន្ថែម​ថា ស្ថានភាពនៃវិស័យទេសចរណ៍នៅក្នុងឆ្នាំ២០២២នេះ មានសភាពល្អប្រសើរជាងកាលពីឆ្នាំ២០២០ និង២០២១ ដែលរងផលប៉ះពាល់ពីការលុកលុយ នៃមេរោគកូវីដ១៩កន្លងមក។ លោកសង្ឃឹមថា ចាប់ពីពេលនេះតទៅ អាជីវកររកស៊ីនៅក្នុងវិស័យទេស​ចរណ៍ និងបដិសណ្ឋារកិច្ច នឹងមានក្តីសង្ឃឹមច្រើនជាងឆ្នាំទៅ។

ជាមួយគ្នានេះ លោក បេ តៃសែ ប្រធានស្ដីទីនាយកដ្ឋានសណ្ដាប់ធ្នាប់ នៃអាជ្ញាធរជាតិសំបូរព្រៃគុក បាន​លើកឡើង​ថា ​បើ​និយាយ​ពី​តំបន់​ឧត្តរ​ ខេត្ត​សំខាន់​ៗ ​ដែល​មា​នសក្តានុពល​ទេសចរណ៍​ខ្លាំង ​បំផុតមាន​ចំនួន​៤ គឺ​ ​ខេត្ត​សៀមរាប ខេត្ត​កំពង់​ធំ​ ឧត្តរមានជ័យ និង​ខេត្ត​ព្រះ​វិហារ​។

ខេត្ត​ទាំង​បី​នេះ​ មាន​តំបន់ទេសចរណ៍​ទាក់ទាញ​ភ្ញៀវ​ជាតិ ​និង​អន្តរជាតិជាច្រើន​។​​​ នៅ​ក្នុង​ខេត្ត​សៀមរាប​មាន​ ប្រាសាទ​អង្គរវត្ត​ ប្រាង្គ​ប្រាសាទ​បុរាណ​នានា​ ដែល​មាន​អាយុ​រាប់​ពាន់​ឆ្នាំ​មក​ហើយ​ និង​មាន​កេរ្តិ៍​ឈ្មោះ​​ល្បី​ល្បាញ​ខ្លាំង។​ ក្រៅ​ពី​សម្បត្តិ​បុរាណ ក៏​មាន​ការ​បង្កើត​​​តំបន់ទេសចរណ៍​កែច្នៃជា​ច្រើន​ផងដែរ​។​​ ​ចំណែកខេត្ត​កំពង់​ធំ​ក៏​មាន​​ ប្រាសាទ​សំបូរព្រៃ​គុក ដែ​លត្រូវ​បាន​ដាក់​ជា​សម្បត្តិ​​បេតិកភណ្ឌ​ពិភពលោកកាលពី​ឆ្នាំ​២០១៧។​

សម្រាប់​ខេត្ត​ព្រះ​វិហារ មាន​ប្រាសាទ​​ព្រះ​វិហារ ដែល​ត្រូវបាន​ដាក់​ជា​សម្បត្តិ​បេតិកភណ្ឌ​ពិភពលោក នៅ​ក្នុង​ឆ្នាំ​២០០៨​ ​ និង​​ប្រាសាទ​ព្រះ​ខ័ន ដែល​កំពុង​ត្រូវ​បាន​រៀបចំ​ ដាក់​ចូល​​​ជា​សម្បត្តិ​បេតិកភណ្ឌ​ពិភពលោក ​និង​ប្រាសាទ​កោះកេរ ដែល​បាន​ស្នើ​ដាក់ចូល​​ជា​សម្បត្តិ​ បេតិកភណ្ឌ​ពិភពលោកផងដែរ​។​​​

លោកបន្តថា ក្រៅពីនេះ​ តំបន់បឹង​ទន្លេ​សាប​ក៏​ជា​តំបន់ ​ដែល​មាន​សក្តានុពល​ខ្ពស់ ​ក្នុង​ការ​ទាក់ទាញ​ភ្ញៀវ​មក​ទស្សនាកំសាន្ត​ នៅ​ក្នុង​តំបន់ផងដែរ​។​

លើសពីអ្វីដែលអ្នកជំនាញលើកឡើង តារារះនាទិសនារតី ជាអ្វីដែលប្រសិទ្ឋនាមដោយសម្តេចតេជោ គឺមានន័យលើសពីនេះ គឺរាជរដ្ឋាភិបាល នឹងរៀបចំផែនការ គោលនយោបាយថ្មីៗបន្ថែមទៀត ដើម្បីពង្រីកសក្តានុពលលើបណ្តាខេត្តទាំងនេះ ដើម្បីជម្រុញការរីកចម្រើនសេដ្ឋ​កិច្ច សង្គម ពិសេសការធ្វើយ៉ាងណា ឲ្យល្បាយនៃការអភិវឌ្ឍន៍ ឬការវិនិយោគ​បានសាយភាយទៅគ្រប់ទិសទីនៃប្រទេស តាមរយៈការវិភាជន៍ថវិកាជាតិ ដើម្បីកសាងនូវមូលដ្ឋានហេដ្ឋារចនាសម្ព័ន្ឋ កសាងនិងពង្រឹងនូវសក្តានុពល និងទាញយកធនធាន ដែលមានស្រាប់យកមកប្រើប្រាស់ ឲ្យអស់សក្តានុពល និងកសាងមូលដ្ឋានសេដ្ឋកិច្ច សម្រាប់ប្រជាពលរដ្ឋនៅមូលដ្ឋាន ពិសេសតំបន់ឆ្ងាយៗខិតកាន់តែកៀកនឹងទីក្រុង និងពង្រីកនូវល្បឿននៃការអភិវឌ្្ឍន៍ឲ្យបានគ្រប់ទិសទី។

តារារះៈនាទិសនារតី បាននិងកំពុងរះហើយ ប៉ុន្តែតារារះនាទិសឧត្តរ” ក៏បាននិងកំពុងរៀបចំបញ្ចេញពន្លឺផងដែរ ដើម្បីស្នាមញញឹម សុខមាលភាព​និងវិបុលភាព របស់ប្រជាពលរដ្ឋនាពេលអនាគត ដែលមើលឃើញនូវពន្លឺឺដ៏ត្រចះត្រចង់មួយ៕

ការសិក្សា: បំណុលរបស់រដ្ឋាភិបាលទូទាំងពិភពលោកនឹងហក់ឡើងខ្ពស់រហូតដល់ជិត១០ភាគរយក្នុងឆ្នាំនេះ

ដោយៈសុខុម

ក្រុងឡុងដ៍: ក្រុមហ៊ុនគ្រប់គ្រងទ្រព្យសកម្មដ៏ធំរបស់អង់គ្លេស Janus Henderson បានចេញរបាយការណ៍មួយកាលពីថ្ងៃទី៥ ខែមេសាថា បំណុលរបស់រដ្ឋាភិបាលទូទាំងពិភពលោក អាចនឹងហក់ឡើង៩,៥%នៅឆ្នាំនេះ ឈានដល់៧១,១ទ្រីលានដុល្លារអាមេរិក មិនធ្លាប់មាន ដែលនាំមុខដោយសហរដ្ឋអាមេរិក ជប៉ុន និងមហាយក្សចិន។

យោងតាមសារព័ត៌មាន CNA ចុះផ្សាយនៅថ្ងៃពុធ ទី៦ ខែមេសា នេះឱ្យដឹងថា រដ្ឋាភិបាលទូទាំងពិភពលោក បានបង្កើនការខ្ចីប្រាក់ចាប់តាំងពីវិបត្តិកូវីដ-១៩ បានផ្ទុះឡើងកាលពី២ឆ្នាំមុន នៅពេលពួកគេព្យាយាមការពារសេដ្ឋកិច្ចរបស់ខ្លួនពីការដួលរលំ។

ក្រុមហ៊ុន Janus Henderson និយាយថា ការបង្កើនការខ្ចីប្រាក់នោះ បានធ្វើឱ្យបំណុលរបស់រដ្ឋាភិបាល ទូទាំងពិភពលោកកើនឡើងខ្ពស់មិនធ្លាប់មាន រហូតដល់៦៥,៤ទ្រីលានដុល្លារអាមេរិក ក្នុងឆ្នាំ២០២១ បើធៀបនឹង៥២,២ទ្រីលានដុល្លារអាមេរិក ក្នុងខែមករា ឆ្នាំ២០២០។ ក្នុងនោះដែរ បំណុលរបស់ប្រទេសចិន បានកើនឡើងលឿនបំផុត និងច្រើនបំផុតគិតជាសាច់ប្រាក់ ដោយកើនឡើង១ភាគ៥ ឬ៦៤០ពាន់លានដុល្លារអាមេរិក កាលពីឆ្នាំមុន។

ក្នុងចំណោមសេដ្ឋកិច្ចអភិវឌ្ឍន៍ធំៗ បំណុលរបស់ប្រទេសអាល្លឺម៉ង់ បានកើនឡើងច្រើនបំផុតគិតជាភាគរយ ដោយបានកើនឡើង១៥% ដែលស្ទើតែទ្វេដង បើគិតពីល្បឿនជាមធ្យមរបស់ពិភពលោក។

យោងតាមក្រុមហ៊ុន Janus Henderson ឱ្យដឹងថា បំណុលរបស់រដ្ឋាភិបាលទូទាំងពិភពលោក បានកើនឡើងគុណនឹង៣ក្នុង     រយៈពេលពីរទសវត្សរ៍ចុងក្រោយនេះ។

របាយការណ៍សិក្សារបស់ក្រុមហ៊ុន Janus Henderson បង្ហាញថា ការងើបឡើងយ៉ាងរឹងមាំនៃសេដ្ឋកិច្ចពិភពលោក បានធ្វើឱ្យអនុបាតបំណុលធៀបនឹង GDP ទូទាំងពិភពលោកមានភាពប្រសើរឡើង មកនៅត្រឹម៨០,៧%ក្នុងឆ្នាំ២០២១ បើធៀបនឹង៨៧,៥%ក្នុងឆ្នាំ២០២០។

ទោះជាយ៉ាងណា ពេលនេះការចំណាយលើបំណុល អាចនឹងកើនឡើងយ៉ាងខ្លាំង ដោយក្រុមហ៊ុន Janus Henderson ប៉ាន់ប្រមាណថា បន្ទុកការប្រាក់នៅទូទាំងពិភពលោក នឹងកើនឡើងជិត១៥%ឈានដល់១,១៦ទ្រីលានដុល្លារអាមេរិកក្នុងឆ្នាំ២០២២នេះ៕ Reuters៕