ការសិក្សាថ្មីៈការផ្គត់ផ្គង់ខុនដូក្នុងត្រីមាសទី១សម្រេចបាន៥ភាគរយ តិចជាងការរំពឹងទុក

      ដោយៈវឌ្ឍនៈ

        ភ្នំពេញៈ ការផ្គត់ផ្គង់ខុនដូក្នុងទីផ្សារ នៃប្រទេសកម្ពុជាក្នុងរយៈពេល១ត្រីមាសដំបូងនៃឆ្នាំ២០២២នេះ សម្រេចបានត្រឹមតែ៥ភាគរយប៉ុណ្ណោះ នៃការរំពឹងទុកក្នុងឆ្នាំ២០២២ទាំងមូល ។ នេះបើតាមសិក្សារបស់ក្រុមហ៊ុនអន្តរជាតិប្រចាំកម្ពុជា CBRE Cambodia ។

យោងតាមរបាយការណ៍ និងការសិក្សារបស់ក្រុមហ៊ុនCBRE Cambodia ប្រចាំត្រីមាសទី១ឆ្នាំនេះ និងបានផ្សព្វផ្សាយចេញនាព្រឹកថ្ងៃទី៦ មេសានេះបានឱ្យដឹងថា ក្នុងឆ្នាំ២០២២ទាំងមូល ករផ្គត់ផ្គង់ខុនដូនៅលើទីផ្សារប្រទេសកម្ពុជារំពឹងថា នឹងមានចំនួនជាង១៣,០០០ពាន់យូនីត ហើយមកដល់ពេលនេះ ការផ្គត់ផ្គង់នៅមានចំនួនតិចតួចនៅឡើយ ។

អ្នកនាងជិន ច័ន្ទដាលុច្ស ប្រធានផ្នែកវាយតម្លៃ នៃក្រុមហ៊ុនCBRE Cambodia បានមានប្រសាសន៍ឲ្យដឹងថា បញ្ហាប្រឈមសម្រាប់ឆ្នាំ២០២២នេះ នៅតែមានសម្រាប់ទីផ្សារខុនដូប្រទេសកម្ពុជា ។ ដោយសារតែទីផ្សារខុនដូនៅកម្ពុជា នៅតែរំពឹងលើភ្ញៀវជាជនបរទេស ហើយរហូតមកដល់ពេលនេះ ជនបរទេសចូលមកកម្ពុជានៅតែបន្តធ្លាក់ចុះ ទើបធ្វើឱ្យវិស័យខុនដូនៅកម្ពុជាមិនទាន់អាចងើបឡើងវិញបានល្អប្រសើរ ។

អ្នកនាងបន្តថា ដូចយើងបានឃើញជាក់ស្ដែងហើយ អ្នកទិញខុនដូនៅកម្ពុជា មួយចំនួនធំគឺជាភ្ញៀវបរទេស ក្នុងនោះដែរភ្ញៀវចិនជាភ្ញៀវសំខាន់មួយ ក្នុងការទិញខុនដូនៅក្នុងប្រទេស ហើយមកដល់ពេលនេះហើយ ភ្ញៀវជនជាតិចិននៅតែបន្តធ្លាក់ចុះ និងមានចំនួនតិចតួចប៉ុណ្ណោះដែលមកដល់កម្ពុជា។

ជាមួយគ្នានេះ អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុនអចលនទ្រព្យCBRE Cambodia ក៏បានឱ្យដឹងផងដែរថា ដោយសារតែបញ្ហាប្រឈមទាំងនេះ ធ្វើឱ្យតម្លៃខុនដូរបស់គម្រោងមួយចំនួន បានធ្លាក់ចុះជាបន្តបន្ទាប់ ហើយវានៅទ្រឹងក្នុងឆ្នាំ២០២២នេះ ។

អ្នកនាងបន្តថា ដោយសារតែសកម្មភាពទិញលក់ខុនដូ នៅក្នុងត្រីមាសទី១នៃឆ្នាំ២០២២នេះបន្តធ្លាក់ចុះ ជាមួយតម្លៃក៏ធ្លាក់ដែរនោះ ទើបធ្វើ  ឱ្យគម្រោងខុនដូ ដែលយើងរំពឹងថានឹងសម្រេចបានជាង១៣ពាន់យូនីត នោះបានតែជាង៥ភាគរយប៉ុណ្ណោះ ហើយក្នុងឆ្នាំ២០២២ទាំងនេះខុនដូដែលគ្រោងនឹងបញ្ចប់ក៏អាចនឹងបន្តយឺតយ៉ាវដដែល៕

ADB ព្យាករណ៍កំណើនសេដ្ឋកិច្ចកម្ពុជាកើនឡើង៥,៣ក្នុងឆ្នាំ២០២២និងឆ្នាំក្រោយ កើនឡើង៦,៥ភាគរយ

ដោយ៖ វឌ្ឍនៈ

ភ្នំពេញ៖ យោងតាមរបាយការណ៍របស់ធនាគារអភិវឌ្ឍន៍អាស៊ី (ADB)នៅថ្ងៃទី៦ ខែមេសា ឆ្នាំ២០២២នេះ ឱ្យដឹងថា សេដ្ឋកិច្ចកម្ពុជាត្រូវបានព្យាករថានឹងកើនឡើង៥,៣% នៅឆ្នាំ២០២២ និង៦,៥% នៅឆ្នាំ២០២៣ ដោយសារកំណើននៃការនាំចេញទំនិញ និងលំហូរវិនិយោគផ្ទាល់ពីបរទេស។

នាយកស្តីទីប្រចាំប្រទេសកម្ពុជារបស់ ADB លោក Anthony Gill បានមានប្រសាសន៍ថា កំណើនសេដ្ឋកិច្ចរបស់ប្រទេសកម្ពុជាបានងើបឡើងវិញដល់ប្រមាណ៣,0% ក្នុងឆ្នាំ២០២១ បន្ទាប់ពីបានធ្លាក់ចុះ ៣,១% ក្នុងឆ្នាំ២០២០។

លោកបន្ថែមថា រាជរដ្ឋាភិបាលបានអនុវត្តគោលនយោបាយនានា ដើម្បីកាត់បន្ថយផលប៉ះពាល់អវិជ្ជមាននៃកូវីដ១៩ មកលើអាជីវកម្ម និងប្រាក់ចំណូលរបស់ប្រជាពលរដ្ឋ និងគាំទ្រដល់ការស្តារសេដ្ឋកិច្ចឡើងវិញ។ ការចាក់វ៉ាក់សាំងបានយ៉ាងទូលំទូលាយប្រឆាំងនឹងកូវីដ១៩បានអនុញ្ញាតឱ្យកម្ពុជាបើកព្រំដែនរបស់ខ្លួនឡើងវិញសម្រាប់ពាណិជ្ជកម្ម និងទេសចរណ៍ ដែលនាំទៅរកការរំពឹងទុកវិជ្ជមាននៃកំណើនសេដ្ឋកិច្ចសម្រាប់ឆ្នាំនេះ និងឆ្នាំ២០២៣។
យោងតាមរបាយការណ៍ទស្សនវិស័យអភិវឌ្ឍន៍អាស៊ី (ADO) ឆ្នាំ២០២២ ផលិតកម្មឧស្សាហកម្មត្រូវបានរំពឹងថានឹងកើនឡើង៨,១% នៅឆ្នាំ២០២២ និង៩,១% ក្នុងឆ្នាំ២០២៣។ កំណើននេះក៏នឹងត្រូវបានជំរុញដោយការអនុវត្តយុទ្ធសាស្ត្រអភិវឌ្ឍន៍វិស័យកាត់ដេរ ផលិតស្បែកជើង និងកាបូប ដែលមានគោលបំណងបង្កើនការប្រកួតប្រជែងនៅក្នុងផ្នែកនេះ។

របាយការណ៍ដដែលថា ការនាំចេញទំនិញ និងសេវាកម្មត្រូវបានព្យាករថានឹងកើនឡើងនៅឆ្នាំ២០២២ និង២០២៣ ដោយសារកំណើនតម្រូវការក្រៅស្រុកលើផលិតផលកម្ពុជា ព្រមជាមួយនឹងការងើបឡើងវិញជាបណ្តើរៗនៃវិស័យទេសចរណ៍។

វិស័យសេវាកម្មត្រូវបានព្យាករថានឹងងើបឡើងវិញនៅកម្រិត៤,៨%នៅឆ្នាំនេះ និងកើនដល់៦,៨%ក្នុងឆ្នាំ ២០២៣។ ការបើកសេដ្ឋកិច្ចឡើងវិញ និងការចាក់ថ្នាំបង្ការទូលំទូលាយប្រឆាំងនឹងកូវីដ១៩នឹងធ្វើឱ្យមានការងើបឡើងវិញបន្តិចម្តងៗនៃវិស័យទេសចរណ៍ ដែលនឹងជួយគាំទ្រតម្រូវការនៃកន្លែងស្នាក់នៅ ម្ហូបអាហារ ការដឹកជញ្ជូន និងសេវាកម្មផ្ទាល់ផ្សេងទៀត។

របាយការណ៍នេះអំពាវនាវឱ្យកម្ពុជាធ្វើពិពិធកម្មសេដ្ឋកិច្ចរបស់ខ្លួន ដើម្បីជំរុញកំណើនប្រកបដោយចីរភាព។ លោក Anthony Gill បានមានប្រសាសន៍ថា “ការបង្កើនពាណិជ្ជកម្ម និងទេសចរណ៍តែមួយមុខនឹងមិនគ្រប់គ្រាន់ ដើម្បីជួយកម្ពុជាឱ្យមាននិរន្តរភាពកំណើនសេដ្ឋកិច្ចខ្ពស់នោះទេ។ ប្រទេសកម្ពុជាដែលធ្លាប់តែផ្តោតលើការផលិត និងការនាំចេញសម្លៀកបំពាក់ ទំនិញធ្វើដំណើរ និងស្បែកជើង អាចទទួលបានអត្ថប្រយោជន៍ពីការធ្វើពិពិធកម្មនៃឧស្សាហកម្មធុនស្រាល ដូចជា កង់ គ្រឿងបន្លាស់ អេឡិចត្រូនិច និង ផលិតផលខ្សែភ្លើងជាដើម។ ការធ្វើពិពិធកម្មនេះនឹងធ្វើឱ្យសេដ្ឋកិច្ចមានភាពធន់នឹង វិបត្តិនានានៃតម្រូវការក្រៅស្រុក”៕

កាន់តែធំជាងមុន! ពិព័រណ៍អចលនទ្រព្យបានត្រលប់មកវិញហើយ!!!

ដោយ៖​ សហការី

ភ្នំពេញ៖ នេះជាលើក២​ហើយដែលក្រុមហ៊ុន360 Events បានធ្វើពិព័រណ៍នេះឡើង ក្នុងគោលបំណងលើកកម្ពស់វិស័យអចលនទ្រព្យនៅប្រទេសកម្ពុជា។

ពិព័រណ៍អចលនទ្រព្យនេះ នឹងត្រូវធ្វើឡើងក្នុងរយៈពេល២ថ្ងៃ

  • នៅថ្ងៃទី០៩ ដល់​ទី១០ ខែមេសា​​​ ឆ្នាំ២០២២
  • វេលាម៉ោង១០​ព្រឹក ដល់ម៉ោង៩យប់
  • នៅផ្សារទំនើបអុីអនភ្នំពេញ (អុីអន​១)​ ជាន់ផ្ទាល់ដី


លេាកអ្នកអាច ទស្សនាការដាក់បង្ហាញអចលនទ្រព្យចំនួនជិត ៣០ គម្រោងក្នុងថ្ងៃតែមួយ! ជាមួយនឹងការបញ្ចុះតម្លៃដ៏អស្ចារ្យ! តំលៃអចលនទ្រព្យចាប់ពី ២០០០០ ដុល្លារ! ព្រមទាំង ការផ្ដល់ជូនពត័មានលំអិតទាក់ទងនឹងគម្រោងអចលនទ្រព្យនីមួយៗ ពីក្រុមហ៊ុនល្បីៗដូចជា​

  • Oversea Cambodia Investment Corporation (OCIC)
  • Hanuman Real Estate
  • Sokha Real Estate
  • PropNex
  • Axis Residence
  • Sky 31
  • Urban Living Solutions (ULS)
  • ភូមិផ្កាត្រកួន
  • Creed/ Borey Arata
  • La Vista One
  • The Parkway
  • Borey ChanCastle

លើសពីនេះ អ្នកចូលរួមទស្សនានឹងទទួលបានការបញ្ជុះតម្លៃដែលមិនធ្លាប់មានពីមុនមក។

កាន់តែពិសេសជាងនេះទៅទៀត​ កម្មវិធីនេះក៏មានការសម្ដែង​ឆៃយ៉ាំ​ និងរបាំត្រុដិ​ ដើម្បីប្រារពពិធីបុណ្យចូលឆ្នាំថ្មីប្រពៃណីជាតិផងដែរ ក៏ដូចជា ការលេងហ្គេមយករង្វាន់យ៉ាងច្រើនសន្ធឹកសន្ធាប់រហូតដល់៣០០រង្វាន់។

សម្រាប់ពត័មានបន្ថែមសូមចូលតំណរតេឡេក្រាមគ្រុបនេះ៖​ http://bit.ly/PropertyTalk36

ទំនាក់ទំនងអ្នករៀបចំកម្មវិធី៖ ០១២ ៣០២ ៣៨២ / ០១០ ៥១៤ ១៤៣

សម្រាប់បច្ចុប្បន្នភាពបន្ថែម សូមចូលមើលតាមប្រព័ន្ធផ្សព្វផ្សាយរបស់យើងខ្ញុំដូចជា៖

ទំព័រហ្វេសប៊ុក៖ https://www.facebook.com/360ads.events



គម្រោងផ្លូវល្បឿនលឿនរបស់ប្រទេសឡាវជិតក្លាយជាការពិតហើយ

ដោយៈសុខុម

វៀងចន្ទន៍: គម្រោងផ្លូវល្បឿនលឿនមួយខ្សែ តភ្ជាប់រដ្ឋធានីវៀងច័ន្ទន៍ ជាមួយខេត្ត Houaphanh កាន់តែខិតជិតក្លាយជាការពិតហើយ បន្ទាប់ពីការសិក្សាសមិទ្ធលទ្ធភាព សម្រាប់គម្រោងនេះត្រូវបានប្រកាសកាលពីថ្ងៃច័ន្ទ ទី៤ ខែមេសា។

ពិធីចុះហត្ថលេខាមួយ ត្រូវបានធ្វើឡើងនៅរដ្ឋធានីវៀងចន្ទន៍ សម្រាប់ការសិក្សាសមិទ្ធលទ្ធភាព សម្រាប់គម្រោងនេះរវាងរដ្ឋាភិបាលឡាវ ក្រុមហ៊ុន Nana Chin Sole Co. Ltd និងក្រុមហ៊ុន Big Brother 456។

ពិធីចុះហត្ថលេខានេះ មានការអញ្ជើញចូលរួមពីរដ្ឋមន្ត្រីក្រសួងផែន​ការ និងវិនិយោគ Khamchanh Vongsenboun អនុរដ្ឋមន្ត្រីក្រសួងសាធារណការ និងដឹកជញ្ជូន Ngampasom Meuangmany និងមន្ត្រីជាន់ខ្ពស់ជាច្រើនរូបទៀត។

លោកស្រី Nanthale Saysena ប្រធានក្រុមហ៊ុន Nana Chin Company និងលោក Niyom Chanthamountry ប្រធានក្រុមហ៊ុន Big Brother 456 ក៏បានអញ្ជើញចូលរួម ក្នុងពិធីចុះហត្ថលេខានេះផងដែរ។

គម្រោងផ្លូវល្បឿនលឿនក្រុងវៀងច័ន្ទន៍-ខេត្ត Houaphanh (Vientiane-Houaphanh Expressway) នេះនឹងត្រូវអនុវត្តជា៣ដំណាក់កាល ដោយដំណាក់កាលទី១ តភ្ជាប់សង្កាត់ Xaythany ឆ្ពោះទៅស្រុក Anouvong ក្នុងខេត្ត Xaysomboun។

ដំណាក់កាលទី២ នឹងលាតសន្ធឹងពីខេត្ត Xaysomboun ឆ្ពោះទៅស្រុក Pek ក្នុងខេត្ត Xieng Khouang ចំណែកឯដំណាក់កាលទី៣ នឹងភ្ជាប់ខេត្ត Xieng Khouang ទៅខេត្ត Houaphanh។

ទោះជាយ៉ាងណា មិនទាន់មានការបញ្ជាក់ទេថា តើគម្រោងផ្លូវល្បឿនលឿន ដែលត្រូវបានដាក់ជូនរដ្ឋាភិបាល ដើម្បីអនុម័តកាលពីខែសីហា ឆ្នាំ២០២១ នេះមានប្រវែងប៉ុន្មានគីឡូម៉ែត្រ និងចំណាយអស់ដើមទុនប៉ុន្មាន និងប្រើពេលប៉ុន្មាននៅក្នុងការស្ថាបនានោះឡើយ៕ Laotian Times៕

រុស្ស៊ីទទួលបានប្រាក់ចំណូលបន្ថែម ៩,៦ពាន់លានដុល្លារ ក្នុងខែមេសានេះ ថ្វីបើរងទណ្ឌកម្មជុំទិស

ដោយៈសុខុម

អន្តរជាតិ: ក្រសួងហិរញ្ញវត្ថុរុស្ស៊ី ទម្លាយឱ្យដឹងថា ប្រទេសរុស្ស៊ីរំពឹងទទួលបានប្រាក់ចំណូល បន្ថែមដល់ទៅ៩,៦ពាន់លានដុល្លារ ពីការលក់ថាមពលក្នុងខែមេសា នេះដោយសារតម្លៃប្រេងហក់ឡើងខ្ពស់។

ក្ដីរំពឹងទទួលបានប្រាក់ចំណូលបន្ថែមនេះ បានកើតមានឡើង ខណៈ រដ្ឋាភិបាលក្រុងមូស្គូ ត្រូវការសាច់ប្រាក់ដើម្បីយកទៅដោះសងបំណុល ខណៈទុនបម្រុងអន្តរជាតិរបស់ខ្លួនត្រូវបានកាត់ផ្ដាច់ ឬប្រើប្រាស់មិនបាន។ នេះបើយោងតាមទីភ្នាក់ងារព័ត៌មាន Reuters ចុះផ្សាយកាលពីថ្ងៃអង្គារ ទី៥ ខែមេសា។

បន្ទាប់ពីការដាក់ទណ្ឌកម្មយ៉ាងធ្ងន់ធ្ងរលើរុស្ស៊ី រួមទាំងការកាត់ផ្ដាច់ប្រទេសនេះ ចេញពីប្រព័ន្ធទូទាត់ប្រាក់ជាសកល របស់ពិភពលោក SWIFT ផងដែរ បន្ទាប់ពីខ្លួនបញ្ឆេះសង្គ្រាម ចូលឈ្លានពានប្រទេសអ៊ុយក្រែន កាលពីខែកុម្ភៈ។

ពេលនេះបណ្តាប្រទេសលោកខាងលិច ក៏កំពុងពិភាក្សារកវិធីជំនួសការនាំចូលប្រេង និងឧស្ម័នពីក្រុងមូស្គូ ដើម្បីផ្ដាច់ដង្ហើមសេដ្ឋកិច្ចប្រទេសនេះ។

ខណៈពាក់កណ្ដាល នៃទុនបម្រុងអន្តរជាតិជាដុំមាស និងរូបិយប័ណ្ណបរទេសចំនួន៦៤០ពាន់លានដុល្លារ របស់ខ្លួនត្រូវបានបង្កក ឬមិនអាចប្រើប្រាស់បាន ប្រទេសរុស្ស៊ី បានសន្យាធ្វើការទូទាត់ថ្មីៗ និងផ្ដល់ជំនួយគាំទ្រដល់អាជីវកម្មច្រើនពាន់លានដុល្លារ ខណៈខ្លួនក៏ត្រូវការសាច់ប្រាក់សងសម្រាប់ដោះសងបំណុលក្នុងស្រុក និងក្រៅប្រទេសផងដែរ។

រុស្ស៊ី ដែលជាប្រទេសផ្គត់ផ្គង់ឧស្ម័នហ្គាស លំដាប់កំពូលរបស់អឺរ៉ុប និងជាប្រទេសនាំចេញប្រេងធំជាងគេទី២ របស់ពិភពលោកបន្ទាប់ពីប្រទេសអារ៉ាប៊ីសាអូឌីត បានប្រឈមការលំបាកកាន់តែខ្លាំង នៅពេលឧស្ម័នហ្គាស និងប្រេងរបស់ខ្លួនក៏បានទទួលរងទណ្ឌកម្ម។

កាលពីថ្ងៃច័ន្ទ ដើមសប្ដាហ៍នេះ សហរដ្ឋអាមេរិក បានរារាំងរដ្ឋាភិបាលរុស្ស៊ី មិនឱ្យយកទុនបម្រុងអន្តរជាតិរបស់ខ្លួន ដែលតម្កល់ទុកនៅធនាគារនានារបស់សហរដ្ឋអាមេរិក ទៅដោះសងបំណុលសាធារណៈជាង៦០០ពាន់លានដុល្លារ ដោយនិយាយថា ប្រទេសរុស្ស៊ី ត្រូវតែធ្វើការជ្រើសរើសរវាងការដកប្រាក់បម្រុងជាដុល្លារ ដែលនៅសេសសល់ ឬមួយក៏បញ្ចូលប្រាក់ចំណូលថ្មី ហើយបើមិនដូច្នោះទេ រុស្ស៊ីនឹងខកខានសងសំណុលរបស់ខ្លួនតាមពេលវេលាកំណត់ជាមិនខាន។

ពេលទីភ្នាក់ងារព័ត៌មាន Reuters ទាក់ទងទៅដើម្បីសុំឱ្យឆ្លើយបំភ្លឺ ជុំវិញផែនការដំណើរការទូទាត់បំណុល ក្រៅប្រទេសរបស់ខ្លួន ក្រសួងហិរញ្ញវត្ថុរុស្ស៊ី មិនបានឆ្លើយតបនោះទេ។

បន្ទាប់ពីជាប់បម្រាមរបស់សហរដ្ឋអាមេរិក ប្រទេសរុស្ស៊ី ធ្លាប់បាននិយាយថា ការទូទាត់នឹងធ្វើឡើង តាមរយៈរូបិយប័ណ្ណជាតិរ៉ូប៊ល របស់រុស្ស៊ី ប្រសិនបើប្រតិបត្តិការទូទាត់ ជារូបិយប័ណ្ណបរទេសត្រូវបានរារាំងឬបិទខ្ទប់៕ Reuters៕

ក្នុងកាលៈទេសៈបែបនេះម្ចាស់អាជីវកម្មត្រូវធ្វើការងារ​ និងជម្នះបញ្ហាបែបណា?

ដោយៈ វិវឌ្ឍន៍

ភ្នំពេញៈ ក្នុងបរិបទដ៏តានតឹងនៃជំងឺកូវីដ និងសង្រ្គាមឈ្លានពានរបស់រុស្ស៊ី លើទឹកដីអ៊ុយក្រែន ម្ចាស់អាជីវកម្មនិមួយៗ បានប្រឈមមុខលើបញ្ហាជាច្រើន និងកំពុងជម្នះបញ្ហាផងដែរ។

លោកឧកញ៉ាមំន សុខាប្រធានសមាគមអ្នកអភិវឌ្ឍន៍ដីឡូត៍កម្ពុជាបានចែករំលែក នូវចំណេះដឹងសំខាន់ៗមួយចំនួនដូចជា ក្នុង​វិបត្តិ​ជំងឺ​កូវីដ​ និង​សេដ្ឋកិច្ច​សកល​នេះ​ ម្ចាស់​អាជីវកម្ម​ អ្នក​ដឹក​នាំ​ក្រុម​ហ៊ុន​គ្រប់រូប ​កំពុង​ជម្នះ​ឧបសគ្គ​ជាច្រើន​ដូចជា​៖

– មានទំនួល​ខុសត្រូវ​ខ្ពស់​ជាង​មុន​
– ធ្វើ​ការ​ច្រើន​ជាង​មុន​
– ប្រេី​បញ្ញា​ស្មារតី​គិត​ជាងមុន​
– អត់​ធ្មត់​តស៊ូ​ព្យាយាម​ជាងមុន​
– ចិត្ត​គំនិត​វិជ្ជមាន​ ចាស់​ទុំ​ជាង​មុន​
– បន្ថែម​ម៉ោង​ការងារ​ច្រើន​ជាង​មុន​
– រវល់ច្រេីន​ជាងមុន​
– ដោះស្រាយ​បញ្ហា​ប្រឈម​ច្រើន​ជាង​មុន​
– ជួប​ភាព​ស្មុគស្មាញ​ច្រើន​ជាង​មុន​
– ប្រឹងប្រែង​បណ្តុះបណ្តាល​លេីក​ទឹក​ចិត្ត​បុគ្គលិក​ជាង​មុន​
– ជួប​វិបត្តិ​ហិរញ្ញវត្ថុ​ធ្ងន់ធ្ងរ​ជាង​មុន​️​
– ជ្រេីសរេីសដៃគូសហការណ៍បានល្អជាងមុន

អ្វី​ដែល​យេីង​ជា​សហគ្រិន​កំពុង​ធ្វើ​ គឺ​ជួយ​មនុស្ស​ជុំវិញ​ខ្លួន​ បុគ្គលិក​ សមាជិក​ សហគមន៍​ សង្គមជាតិ​ទាំង​មូល៕

សិក្សាពីវិធីសាស្រ្តបោកប្រាស់ និងដំណោះស្រាយសំខាន់ៗក្នុងវិស័យអចលនទ្រព្យ

ដោយៈគង់ សូរិយា

ភ្នំពេញៈ ដោយសារវាជាវិស័យដែលមានប្រជាប្រិយភាព និងមានប្រាក់ច្រើន វិស័យអចលនទ្រព្យតែងតែមានហានិភ័យ ប៉ុន្តែយើងក៏បាននាំមកនូវដំណោះស្រាយផងដែរ។

តើបើសិនជាអ្នកជួបបញ្ហាខាងក្រោមនេះ គួរដោះស្រាយបញ្ហាយ៉ាងដូចម្តេច?
ប្លង់រឹងក្លែងក្លាយ
កាលពីដើមឆ្នាំ២០១៨កន្លងទៅ មានករណីឆបោកលក់ដី ដោយប្រើប្រាស់ប្លង់រឹងក្លែងក្លាយ នៅក្នុងរាជធានីភ្នំពេញ។​ ការឆបោកនេះបានធ្វើឡើងជាស៊ែរីហើយម្ចាស់ដីនីមួយៗ បានលក់ដីក្នុងតម្លៃក្រោមទីផ្សារទៅអោយម្ចាស់តែមួយ។

ករណីខាងលើនេះ អ្នកទិញបានពិនិត្យប្លង់ដី  និងផ្ទៀងផ្ទាត់អត្តសញ្ញា​ណម្ចាស់កម្មសិទ្ធិករ អត្តសញ្ញាណប័ណ្ណ និងសៀវភៅគ្រួសារឃើញមានភាពត្រឹមត្រូវទាំងអស់។ ប៉ុន្តែប៉ុន្មានខែក្រោយមក បន្ទាប់ពីដាក់ឯកសារផ្ទេរកម្មសិទ្ធិដីភូមិបាលខណ្ឌរកឃើញថាជាប្លង់ដីក្លែងក្លាយ។

ជាដំណោះស្រាយ
អ្នកទិញអចលនទ្រព្យ គួរធ្វើការផ្ទៀងផ្ទាត់ប្លង់ ជាមួយការិយាល័យសុរិយោដី ឬភូមិបាលសុ្រក/ ខណ្ឌអោយបានច្បាស់លាស់ ជាមុនសិនមុនសម្រេចចិត្តកក់លុយ។

ដីមានវិវាទ
អ្នកអាចក្លាយទៅជនរងគ្រោះដោយមិនដឹងខ្លួន ប្រសិនបើអ្នកទិញដីកំពុងមានវិវាទ ឬមានការហាមឃាត់តាមផ្លូវតុលាការ។ អ្នកប្រហែលជាមិនងាយដឹងទេថាដីមានជម្លោះ ឬអត់ប្រសិនបើអ្នកមិនរស់នៅតំបន់នោះ។

ដំណោះស្រាយ
ការនិយាយជាមួយអ្នកជិតខាងជាធម្មតា អាចជួយអ្នកក្នុងការប្រមូលរាល់ព័ត៌មានចាំបាច់។ អ្នកក៏គួរតែធ្វើការស្វែងរកជំនួយ ឬកម្មសិទ្ធិកាន់កាប់​តាមរយៈក្រុមប្រឹក្សាឃុំ/សង្កាត់ ឬមន្រ្តីក្រសួងដែនដីដើម្បីដឹងថាដីនោះពិតជាមានសុវត្ថិភាព។

ភ្នាក់ងារអចលនទ្រព្យ ដែលមានជំនាញវិជ្ជាជីវៈ ឬមេធាវីដែលមានបទពិសោធន៍អាចជួយធ្វើការនេះ ជំនួសអ្នកបានប្រសិនបើអ្នកត្រូវការ ។

ម្ចាស់ក្លែងក្លាយ
អ្នកប្រហែលធ្លាប់ឃើញដីទំនេរធំៗ ​ដាក់ប្រកាសលក់។ ការឆបោកនេះជាប់ពាក់ព័ន្ធនឹងនរណាម្នាក់ ដែលតាំងខ្លួនជាម្ចាស់កម្មសិទ្ធិលើដីណាមួយ។

ដំណោះស្រាយ
អ្នកត្រូវសាកសួរអ្នកជិតខាង និងប្រធានភូមិអំពីអចលនទ្រព្យ និងប្រវត្តិរបស់ម្ចាស់ដីនោះ។ បន្ទាប់មកពិនិត្យថាតើអ្វីជាភាពខុសគ្នា រវាងព័ត៌មា​នដែលអ្នកទទួលបានពីមេភូមិ និងព័ត៌មានដែលអ្នកលក់បានអះអាង។  ការត្រួតពិនិត្យប្លង់កម្មសិទ្ធិគឺមានសារៈសំខាន់ ហើយប្រសិនបើម្ចាស់ដី មិនមានប្លង់កម្មសិទ្ធិ នោះគឺប្រាកដមានអ្វីមួយមិនប្រក្រតីជាមិនខាន។

ជារួមទៅជំនួយពីអាជ្ញាធរ ពាក់ព័ន្ធនឹងអាចបញ្ជាក់ថា នរណាជាម្ចាស់ពិតប្រាកដ។

ប្រយ័ត្នចំពោះប្រាក់កក់
អ្នកលក់ដីឡូតិ៍ខ្យល់ម្ចាស់ក្លែងក្លាយ ឬអ្នកលក់ក្លែងតែងតែចង់បានប្រាក់កក់មុនបំផុត។ អ្នកទិញត្រូវបានស្នើរឲ្យកក់ប្រាក់ ដើម្បីទទួលបានអចលនទ្រព្យមុនគេ។ បន្ទាប់ពីទទួលបានប្រាក់កក់ អ្នកលក់ក្លែងក្លាយបានគេចខ្លួនបាត់។

ដំណោះស្រាយ
អ្នកអាចជ្រើសយកជម្រើសនៃការផ្ញើប្រាក់កក់ តាមរយៈភាគីទីបីដែលអាចទុកចិត្តបាន ឬដាក់ក្នុងគណនីធនាគារអន្តរការី រង់ចាំរហូតដល់អ្វីគ្រប់យ៉ាងត្រូវបានដោះស្រាយ។  ធ្វើបែបនេះអាចការពារខ្លួនអ្នកពី​ការឆបោក។

អ្នកលក់ដីឡូតិ៍ខ្យល់
ពួកគេប្រើប្រាស់គម្រោងអ្នកដទៃ មកធ្វើទីផ្សារដោយប្រាប់ថា ជាដីរបស់ក្រុមហ៊ុន ឬគម្រោងរបស់ពួកគេ។  ពួកគេមិនមានក្រុមហ៊ុនច្បាស់លា​ស់តែមានក្រុមការងារច្រើន និងមានជាការិយាល័យបណ្តោះអាសន្ន។ អ្នកចាញ់បោកអ្នកលក់ដីឡូតិ៍ខ្យល់ អាចមកពីមិនបានធ្វើការស្វែងរយល់ស៊ីជម្រៅពីគម្រោង ពិសេសអ្នកធ្វើការនៅក្រៅប្រទេស (ដូចជាប្រទេសកូរ៉េជាដើម)។

ដំណោះស្រាយ
អ្នកទិញមិនត្រូវជឿដោយគ្រាន់តែឃើញ តាមរយ​ៈការផ្សព្វផ្សាយតាមហ្វេកប៊ុកនោះឡើយ។ អ្នកត្រូវដឹងពីប្រវត្តិក្រុមហ៊ុន និងភាពស្របច្បាប់របស់ក្រុមហ៊ុន​ និងកម្មសិទ្ធិស្របច្បាប់នៃអចលនទ្រព្យនោះ។

ករណីបើអ្នកមិនសូវយល់ដឹងពីទីផ្សារ អ្នកត្រូវស្វែងរកការប្រឹក្សាយោ​បល់ជាមួយភ្នាក់ងារ អចលនទ្រព្យ ឬអ្នកជំនាញមុននឹងសម្រេចចិត្តទិញ។

ការខូចខាតលាក់កំបាំង
មូលហេតុមួយដែលគេលក់ផ្ទះ ក្នុងតម្លៃទាបជាងទីផ្សារខ្លាំង គឺអាចដោយសារតែមានការខូចខាត ដែលអ្នកនឹងមិនអាចមើលឃើញ។ អ្នកលក់អាចប្រាប់ថា ប្រញាតប់លក់ក្នុងហេតុផលណាមួយ ហើយអ្នកទិញមិនអាចរកឃើញការខូចខាតទាំងនេះបានទេ ក្នុងពេលភ្លាមៗ ប៉ុន្តែនឹងដឹងនៅពេលទិញ និងចូលទៅស្នាក់នៅបានមួយរយៈពេល។

ដំណោះស្រាយ
ជាការណែនាំ អ្នកគួរនាំអ្នកជំនាញមកជាមួយ ដើម្បីឲ្យជួយពិនិត្យមើលប្រព័ន្ធទឹក អគ្គិសនី និងភាពរឹងមាំនៃសំណង់នោះ មុនពេលអ្នកទិញលំនៅដ្ឋានណាមួយ។

តំបន់មានទឹកជំនន់
“គ្មានទឹកជំនន់” គឺជាចំណុចដ៏ពិសេសមួយ នៃអចលនទ្រព្យសម្រាប់លក់។ អ្នកលក់នឹងធ្វើការផ្សព្វ ផ្សាយថាតំបន់នោះគឺគ្មា​នទឹកជំនន់ទេ បើទោះបីជាក្នុងតំបន់នោះ មានទឹកជំនន់ក៏ដោយ។ អ្នកទិញអាចនឹងមានបញ្ហានៅពេលដែលមានភ្លៀងធ្លាក់ច្រើននៅក្នុងតំបន់។

ដំណោះស្រាយ
អ្នកអាចត្រួតពិនិត្យមើលថា តើតំបន់នេះមានទឹកជំនន់ ឬក៏អត់ ដោយធ្វើការសាកសួរអ្នកក្នុងតំបន់​ ឬអ្នកជិតខាងនៅកន្លែងនោះ ថាតើតំបន់នោះពិតជាមានទឹកជំនន់ ឬក៏អត់។

ការបង់ប្រាក់មុនគម្រោង
អ្នកអភិវឌ្ឍក្លែងក្លាយបានផ្សព្វផ្សាយថា ពួកគេមានគម្រោងថ្មី​ និងចាប់បើកលក់មុនគម្រោង។   ពួកគេបើកឲ្យមានការទិញ និងបង់ប្រាក់ ឬកក់ប្រាក់មុនគម្រោង ហើយបន្ទាប់ពីប្រមូលបានប្រាក់ច្រើនល្មម ពួកគេស្រាប់តែគេចខ្លួនបាត់។

ដំណោះស្រាយ
ដើម្បីជៀសវាងរាល់បញ្ហាទាំងនេះ អ្នកអាចធ្វើការពិនិត្យឲ្យបានម៉ត់ចត់ លើប្រវត្តិរបស់គម្រោងពីមុនៗរបស់អ្នកអភិវឌ្ឍន៍។ អ្នកអភិវឌ្ឍន៍ដែលទុកចិត្តបាន ជាធម្មតាបានបន្សល់ទុកកេរ្តិ៍ឈ្មោះល្អ តាមរយៈគម្រោងកន្លងមក។ អ្នកអាចព្យាយាមរកមើលអត្ថបទព័ត៌មានល្អៗ ពីគេហទំព័រ ដែលអាចទុកចិត្តបាន​ ដែលផ្សព្វផ្សាយទាក់ទងនឹងគម្រោងអភិវឌ្ឍន៍នានា។

ប្រសិនបើជាក្រុមហ៊ុនស្របច្បាប់ ពួកគេមានអាជ្ញាប័ណ្ណក្រុមហ៊ុន អាជ្ញាប័ណ្ណសាងសង់ អាជ្ញាប័ណ្ណបុរី ផែនការមេ និងប្លង់រឹងជាដើម។ ប្រសិនបើអ្នកអភិវឌ្ឍន៍ មិនបង្ហាញនូវឯកសារទាំងនេះ ច្បាស់លាស់ទេ នេះជាសញ្ញាមិនល្អសម្រាប់អ្នកទិញ។

ប៉ុន្តែសូមចំណាំថា នេះមិនមែនមានន័យថា អ្នកអភិវឌ្ឍន៍ថ្មីគឺសុទ្ធតែជាអ្នកបោកប្រាស់ទាំងអស់នោះទេ។
ការឆបោករួមគ្នា

ការឆបោកបែបនេះ ត្រូវធ្វើឡើងដោយក្រុមហ៊ុនពីរ  ឬមនុស្សពីរនាក់ធ្វើការរួមគ្នា ដើម្បីបង្កើនតម្លៃអចលនទ្រព្យណាមួយ។ អ្នកទី១ទិញដីដែលមិនទាន់មានការអភិវឌ្ឍន៍។ ចំណែកអ្នកទី២បានប្រកាសថា នឹងមានគម្រោងអភិវឌ្ឍន៍នៅក្បែរនោះ។

ប៉ុន្តែការអភិវឌ្ឍន៍នេះ ជាធម្មតាមិនបានបញ្ជាក់ ពីទីតាំងជាក់លាក់ណាមួយទេ។ បន្ទាប់មកអ្នកទី១ ចាប់ផ្តើមលក់ដីដែលមិនទាន់មានការអភិវឌ្ឍនោះវិញក្នុងតម្លៃខ្ពស់។ បន្ទាប់មកពួកគេទាំងពីរនាក់ បានចែកប្រាក់ចំណេ​ញគ្នា ហើយទីបំផុតទៅដីនៅក្នុងតំ​បន់នោះ មិនមានគម្រោងសាងសង់ ឬការអភិវឌ្ឍណាមួយឡើយ។

ដំណោះស្រាយ
អ្នកអាចមើលដឹងថាវាជាការឆបោក ឬអត់ដោយសារគម្រោងអភិវឌ្ឍន៍ធំៗ ត្រូវទាមទារការឯកភាពពីក្រសួងពាក់ព័ន្ធជាច្រើន និងត្រូវអភិវឌ្ឍដោយក្រុមហ៊ុន ដែលមានបទពិសោធន៍ជោគជ័យ។ ជាធម្មតាជនបោកប្រាស់មិនមានការិយាល័យពិតប្រាកដឡើយ។ ដូចបានលើកឡើងខាងលើពួកគេចាំបាច់ ត្រូវតែមានបានអាជ្ញាប័ណ្ណក្រុមហ៊ុន អាជ្ញាប័ណ្ណសាងសង់ ប្លង់រឹងមេ និងប្លង់មេរបស់គម្រោងអភិវឌ្ឍ និងអាជ្ញាប័ណ្ណសាងសង់។
ប្រសិនបើការអភិវឌ្ឍនេះ មិនបង្ហាញនូវឯកសារទាំងនេះ ច្បាស់លាស់ទេវាជាសញ្ញាមិនល្អសម្រាប់អ្នកទិញនោះឡើយ៕

សភាពាណិជ្ជកម្មអឺរ៉ុបនឹងជួយដល់ផែនការរៀបចំទីក្រុងរបស់កម្ពុជា

ដោយៈគង់ សូរិយា

ភ្នំពេញៈ សភាពាណិជ្ជកម្មអឺរ៉ុបប្រចាំកម្ពុជា EURO CHAM Cambodia បានចុះហត្ថលេខាលើអនុស្សរណៈ នៃការយោគយល់គ្នា (MOU) ជាមួយក្រសួងរៀបចំដែនដី នគរូបនីយកម្ម និងសំណង់ ដើម្បីជួយកម្ពុជាពង្រឹងស្ដង់ដាវិស័យសំណង់ និងផែនការរៀបចំក្រុង។

អនុស្សរណៈនេះ ត្រួវបានចុះហត្ថលេខ កាលពីសប្តាហ៍មុន ដែលធ្វើឡើងរវាងលោកឆាន សាផាន រដ្ឋលេខាធិការក្រសួងរៀបចំដែនដី នគរូបនី​យកម្ម និងសំណង់ និ លោក Tassilo Brinzer ប្រធាន EuroCham Cambodia។

តាមរយៈអនុស្សរណៈនេះ សភាពាណិជ្ជកម្មអឺរ៉ុបនៅកម្ពុជា នឹងជួយផ្ដល់យោបល់ដល់ក្រសួង ក្នុងដំណើរការរៀបចំច្បាប់ និងគោលនយោបាយថ្មីៗ ពិសេសលើផ្នែកនៃការគ្រប់គ្រងដីធ្លី ផែនការរៀបចំទីក្រុង សំណង់ លំនៅឋាន និងការអភិវឌ្ឍន៍ឆ្នេរសមុទ្រកម្ពុជាជាដើម។

សភាពាណិជ្ជកម្មអឺរ៉ុបនៅកម្ពុជា ក៏បានបង្ហាញការគាំទ្រឌីជីថលនីយកម្មនៃវិស័យអចលនទ្រព្យ និងសំណង់ ក៏ដូចជាលើកកម្ពស់ការយល់ដឹងអំពីក្របខ័ណ្ឌច្បាប់នៃវិស័យទាំង២នេះ ឱ្យបានច្រើនជាងមុនផងដែរ៕

ចំណេះដឹងថ្មី! អ្វីទៅជាពន្ធលើការជួលអចលនទ្រព្យផ្សេងៗ?

ដោយៈ ជេស៊ីកា

ភ្នំពេញៈ ពន្ធលើការជួលអចលនទ្រព្យ គឺជាប្រភេទពន្ធដែលគិតលើថ្លៃឈ្នួលដែលបានមកពីការជួលដី អគារដែលសាងសង់លើដី ដូចជាអគារពាណិជ្ជកម្ម ឬឧស្សាហកម្ម និងលំនៅឋានលើទឹកជាដើម។

ពន្ធប្រភេទនេះ ត្រូវបានប្រមូលពីម្ចាស់ផ្ទះ ឬអ្នកជួលអចលនទ្រព្យដើម្បីជាប្រយោជន៍ដល់រដ្ឋបាលថ្នាក់មូលដ្ឋាន។

ពន្ធលើការជួលអចលនទ្រព្យ ត្រូវបានប្រកាសជារៀងរាល់ខែ ចាប់ពីថ្ងៃ ដែលកិច្ចព្រមព្រៀងជួល ត្រូវបានចុះហត្ថលេខា រវាងម្ចាស់ផ្ទះ និងអ្នកជួល។ ម្ចាស់ផ្ទះត្រូវតែប្រកាសពន្ធ លើការជួលអចលនទ្រព្យ ក្នុងរយៈពេល១៥ថ្ងៃ ចាប់ពីថ្ងៃចុះកិច្ចព្រមព្រៀងជួល ឬការផ្លាស់ប្តូរកាលបរិច្ឆេទនៃកិច្ចព្រមព្រៀងជួល ទៅនាយកដ្ឋានពន្ធដារ ដែលអចលនទ្រព្យនោះស្ថិតនៅ រួមជាមួយនឹងឯកសារកិច្ចព្រមព្រៀងជួលចម្លងមួយច្បាប់។

ក្នុងករណីដែលកិច្ចព្រមព្រៀងជួល ត្រូវបានបញ្ចប់ក្នុងរយៈពេលប្រ​ហែ​ល១៥ថ្ងៃ ម្ចាស់ផ្ទះត្រូវតែប្រកាសជាលាយលក្ខណ៍អក្សរ ទៅកាន់នាយកដ្ឋានពន្ធដារជាមុន។ ប្រសិនបើម្ចាស់ផ្ទះ បដិសេធមិនបង់ពន្ធ អ្នកជួល (ក្រុមហ៊ុន) ត្រូវដកថ្លៃជួលអចលនទ្រព្យពីម្ចាស់ផ្ទះ ដើម្បីបង់ពន្ធនេះ ហើយរាល់វិញ្ញាបនបត្រប្រកាសពន្ធ ត្រូវបញ្ចូលកាលបរិច្ឆេទ និងហត្ថលេខាឱ្យបានត្រឹមត្រូវ។

ពន្ធលើការជួលអចលនទ្រព្យ ត្រូវបានគិតក្នុងអត្រា១០ភាគរយ នៃថ្លៃជួលសរុបនៃអចលនទ្រព្យនោះ។ ថ្លៃឈ្នួលអចលនទ្រព្យសរុប សំដៅលើតម្លៃដែលបានព្រមព្រៀងគ្នា ក្នុងកិច្ចសន្យាជួលរវាងម្ចាស់ផ្ទះ និងអ្នកជួល។ ដូច្នេះ ពន្ធលើការជួលអចលនទ្រព្យដែលត្រូវបង់ = ថ្លៃជួលអចលនទ្រព្យសរុប x១០% ។

ទោះជាយ៉ាងណាក៏ដោយ ពន្ធនេះមិនរាប់បញ្ចូលប្រាក់កក់ ឬអចលនទ្រព្យ ដែលមានតម្លៃជួលក្រោម ៥០០.០០០រៀលនោះទេ។

ឧទាហរណ៍ៈ លោក ក ជួលផ្ទះមួយឲ្យលោក ខ ក្នុងតម្លៃ ៥០០ដុល្លារក្នុងមួយខែ។ លោក ខ ដាក់ប្រាក់កក់ចំនួន ១.៥០០ដុល្លារសម្រាប់ការជួសជុលផ្ទះ (ប្រសិនបើមានការខូចខាតណាមួយ) បន្ទាប់ពីកិច្ចសន្យាផុតកំណត់។ ទាំងលោក ក និងលោក ខ គឺជាបុគ្គល។ ដូច្នេះ ពន្ធលើការជួលអចលនទ្រព្យ = ៥០០ដុល្លារ x ១០% = ៥០ដុល្លារ។ លោក ក នឹងបង់ប្រាក់ចំនួន៥០ដុល្លារដល់នាយកដ្ឋានពន្ធដារ ដែលអចលនទ្រព្យនោះស្ថិតនៅ។

យ៉ាងណាម៉ិញ ប្រសិនបើលោក ខ គឺជាក្រុមហ៊ុនដែលជួលផ្ទះពីលោក ក លោក ខ នឹងទទួលខុសត្រូវលើការបង់ពន្ធ ដោយកាត់ទុកថ្លៃជួលពីលោក ក។

ក្នុងករណីលើកលែងមួយចំនួន ប្រសិនបើអចលនទ្រព្យរបស់អ្នកបង់ពន្ធរងការខូចខាត ឬអ្នកបង់ពន្ធស្ថិតក្នុងស្ថានភាពធ្ងន់ធ្ងរ គំរាមកំហែងដល់អាយុជីវិត ការបង់ពន្ធនេះអាចត្រូវបានពន្យារពេល ឬចំនួនប្រាក់ដែលត្រូវបង់នឹងត្រូវបានកាត់បន្ថយ ឬលុបចោលទាំងស្រុង៕

Siam Makro splashes B11bn on expansion

WRITER: PITSINEE JITPLEECHEEP

Bangkok: Siam Makro Plc, the operator of Makro cash-and-carry stores, looks set to splurge 11 billion baht this year to expand its business.

Suchada Ithijarukul, the group’s chief executive, said the investment will be used to open 30 new Makro stores in Thailand, three in India and two in Cambodia.

The expansion plan puts the total number of Makro stores at 184 this year. Of the total, 172 stores are located in Thailand and 12 are in foreign markets. “Our sales in the first quarter this year improved for restaurant and hotel units,” said Mrs Suchada.

She said opening Makro’s Food Service stores this year is a focus. The stores are sized between 1,000-2,000 square metres, which means they need less investment, while still meeting customer requirements, said Mrs Suchada. Makro’s original format will be upgraded to a delivery hub for Food Service customers, she said.

The company will also invest to expand the businesses of Siam Food Services Ltd, its importer and distributor of frozen and chilled products, said Mrs Suchada.

Another outlay is for “maknet”, a new B2B (business-to-business) marketplace platform expected to launch in the second quarter this year, said Mrs Suchada.

Siam Makro has engaged in offline-to-online business since 2019, starting with MakroClick, which provides all products at Makro’s physical stores online, both via the website and mobile applications.

This is in response to changes in the purchasing behaviour of B2B customers, who demand a one-stop solution for both products and services as well as convenience and effectiveness in making purchases, she said. MakroClick now has 500,000 customers.

“More younger customers are doing business with Makro and they require more product varieties and services. Maknet was created as a solution for business owners,” said Mrs Suchada. “The platform will help us expand not only the customer base and supplier base, but also the service base.”

She said the platform serves as an online wholesale marketplace, providing an end-to-end solution offering products and services to restaurant operators, allowing them to purchase items available in Makro stores or more than 1,000 partner stores, in addition to other services for restaurant operation.

The platform should provide small businesses access to this new channel, projected to offer 350,000 items in 2024, said Mrs Suchada. The company expects 7,000 businesses to sign up for its new platform.

“Maknet applications will be an important jigsaw piece to support the future growth of Makro, boosting sales from omni-channel from 12% of the total last year to 30% in three years,” she said.

Source: Bangkok Post