ការបញ្ចុះពន្ធលើដីធ្លី និងសំណង់អគារនៅថៃ នៅតែមានសុពលភាពសម្រាប់ឆ្នាំ២០២២

ដោយ សុខុម

បាងកក: រដ្ឋមន្ត្រីក្រសួងហិរញ្ញវត្ថុថៃ លោក Arkhom Termpittayapaisith បានបញ្ជាក់ថា ពន្ធលើដីធ្លី និងសំណង់អគារនៅតែផ្តល់ការបញ្ចុះតម្លៃលើការទូទាត់សម្រាប់ឆ្នាំ២០២២ បើយោងតាមច្បាប់ដែលបានអនុម័តដើម្បីសម្រាលបន្ទុកដល់ម្ចាស់ដី។

រដ្ឋមន្ត្រីរូបនេះបានលើកឡើងថា ឆ្នាំ២០២២ នេះជាឆ្នាំចុងក្រោយហើយដែលច្បាប់ស្ដីពីពន្ធលើដីធ្លី និងសំណង់អគារផ្ដល់ការបញ្ចុះតម្លៃបែបនេះដល់ម្ចាស់ដី។ នេះបើយោងតាមកាសែត Bangkok Post ចុះផ្សាយនៅថ្ងៃច័ន្ទ ទី៤ ខែមេសា នេះ។

ច្បាប់នេះបានចូលជាធរមានក្នុងឆ្នាំ២០២០ និងផ្តល់ការបញ្ចុះតម្លៃលើការបង់ពន្ធសម្រាប់រយៈពេល៣ឆ្នាំដំបូងនៃការអនុវត្ត។

ក្នុងឆ្នាំ២០២០ រដ្ឋាភិបាលក៏បានចាប់ផ្ដើមបញ្ចុះពន្ធលើដីធ្លី និងសំណង់អគារ៩០%ផងដែរដើម្បីជួយសម្រាលបន្ទុកដល់ម្ចាស់ដី និងទីតាំងសំណង់អគារដោយសារផលប៉ះពាល់ធ្ងន់ធ្ងរដែលបង្កឡើងដោយវិបត្តិរីករាលដាលវីរុសកូវីដ-១៩។

ការបញ្ចុះពន្ធនេះបានចូលជាធរមានចាប់ពីឆ្នាំ២០២០-២០២១ នៅពេលក្រសួងហិរញ្ញវត្ថុបានបដិសេធមិនព្រមបន្តវាកាលពីឆ្នាំមុន។ ទោះជាយ៉ាងណា ការបញ្ចុះតម្លៃពន្ធដែលមានស្រាប់នៅតែបន្តមានសុពលភាពរហូតដល់ឆ្នាំ២០២២ នេះ។

រដ្ឋាភិបាលថៃ បានដាក់ចេញនូវវិធានការជាច្រើនដើម្បីសម្រាលបន្ទុកសេដ្ឋកិច្ចដែលបណ្តាលមកពីវិបត្តិកូវីដ-១៩ ដែលបានផ្ទុះឡើងនៅចុងខែមីនា ឆ្នាំ២០២០។

ការបញ្ចុះពន្ធលើដីធ្លី និងសំណង់អគារ៩០%បានធ្វើឱ្យរដ្ឋខាតបង់ប្រាក់ប្រមាណ១,០៤៤លានដុល្លារអាមេរិក ក្នុងមួយឆ្នាំសម្រាប់ឆ្នាំ២០២០-២០២១៕ Bangkok Post៕

អ្នកជំនាញអចលនទ្រព្យអន្តរជាតិបង្ហាញពីរបៀបរកប្រាក់ចំណូលពីការវិនិយោគអចលនទ្រព្យ

ដោយៈវឌ្ឍនៈ

ភ្នំពេញៈ វិស័យអចលនទ្រព្យកម្ពុជា បានហុចផលប្រយោជន៍ជាច្រើនដល់ប្រជាពលរដ្ឋ ដែលប្រឡូកក្នុងវិស័យមួយនេះ ។ ទន្ទឹមនឹងនេះដែរ ក៏មានប្រជាពលរដ្ឋជាច្រើន បានដាក់ទុនវិនិយោគនិងប្រមូលក្នុងវិស័យនេះ តែមិនទទួលបានជោគជ័យនិងឡុងចុងដើមទុនផងដែរ។

លោក វ៉ា វីរៈ គ្រូបង្វឹកប្រចាំក្រុមហ៊ុន Century21 Zillion Holding និងជាអ្នកជំនាញអចលនទ្រព្យអន្តរជាតិ បានមានប្រសាសន៍ឲ្យដឹងនាព្រឹកថ្ងៃទី៤ មេសានេះថា រៀបបង្កើតប្រាក់ចំណូល នៅក្នុងវិស័យអចលនទ្រព្យមាន៤ចំនុចធំៗ ហើយជាទូទៅការបង្កើតប្រាក់ចំណូលនេះ តាមរយៈការឡើងថ្លៃ នៃអចលនទ្រព្យ ដោយសារតែការទិញទុកហើយលក់វិញនៅពេលវាឡើងថ្លៃ ។

ជាឧទាហរណ៍ទិញដីធ្លីមួយកន្លែង ក្នុងតម្លៃ១០០ដុល្លារអាមេរិកក្នុងមួយម៉ែត្រ ហើយឆ្នាំក្រោយឡើងថ្លៃដល់ ១២០ដុល្លារអាមេរិក ក្នុងមួយម៉ែត្រការ៉េ។ ដូច្នេះក្នុងមួយឆ្នាំ គេអាចចំណេញ២០ដុល្លារ ក្នុងមួយម៉ែត្រការ៉េទៅហើយ ។

លោកបន្តថា តារយៈបទពិសោធន៍ក្រុមគ្រួសាររបស់លោក បានទិញដីមួយកន្លែងនៅតំបន់សែនសុខ កាលពីឆ្នាំ២០០៧ក្នុងតម្លៃ ១២ដុល្លារទៅ១៥ដុល្លារក្នុងមួយម៉ែត្រការ៉េ ហើយមកដល់ពេលនេះ ដីនោះបានឡើងរហូតដល់ជាង៣០០ដុល្លារអាមេរិកក្នុងមួយម៉ែត្រការ៉េ។ ដូច្នេះរយៈពេលជាង១៤ឆ្នាំ តំបន់នោះបានឡើងថ្លៃជាង២២ដង និងតំបន់ខ្លះទៀតក៏ឡើងថ្លៃលើសនេះទៅទៀត”។

លោកវ៉ា វីរៈបានបន្តថា ”ការកើនឡើងនៃតម្លៃអចលនទ្រព្យ គឺពឹងផ្អែកទៅលើទីតាំងភូមិសាស្ត្រ និងប្រភេទអចលនទ្រព្យ ហើយការកើនឡើងយ៉ាងខ្លាំងនេះ គឺទាក់ទងទៅនឹងតម្រូវការ នៃការប្រើប្រាស់អចលនទ្រព្យ ក្នុងនោះភាគច្រើនប្រើប្រាស់ក្នុងវិស័យពាណិជ្ជកម្ម ” ។

លោកបន្ថែមថា យើងបានមើលឃើញថាតម្លៃដីធ្លី នៅក្នុងរាជធានីភ្នំពេញ នៅជាយរាជធានីភ្នំពេញ មានការកើនឡើងយ៉ាងខ្លាំង ដោយសារមានតម្រូវការខ្ពស់ ពីព្រោះកំណើនប្រជាជនចូលមករស់នៅ ក្នុងរាជធានីភ្នំពេញ តម្រូវការក្នុងការប្រើប្រាស់ដីធ្លី សម្រាប់សាងសង់អគារខ្ពស់ៗ ប្រើប្រាស់សម្រាប់សង់រោងចក្រ ឬឃ្លាងសម្រាប់ស្តុកទំនិញជាដើម ដូច្នេះហើយទើបតម្លៃដីធ្លីបានបន្តឡើងថ្លៃជាបន្តបន្ទាប់ ។

ការបង្កើតចំណូលមួយទៀត ពីវិស័យអចលនទ្រព្យគឺការបង្កើតចំណូ​លប្រចាំខែ ជាក់ស្ដែងការទិញអចលនទ្រព្យ ហើយជួលបន្តយកចំណូលប្រចាំខែ ។ ប្រភេទទី៣ គឺការវិនិយោគរវាងប្រភេទទី១ និងទី២ ទិញដើម្បីជួលផងនិងទុកឡើងថ្លៃផង និងក្រោយមកលក់ចេញ ។

ប្រភេទទី៤ គឺបានមកតាមរយៈយកអចលនទ្រព្យនោះ មកប្រើប្រាស់ជាប្រយោជន៍ផ្ទាល់ខ្លួន៕

ខេត្តសៀមរាបនឹងមានសមិទ្ឋផលធំៗចំនួនពីរទៀតត្រៀមបង្ហាញខ្លួននាពេលខាងមុខ

ដោយៈគង់ សូរិយា

សៀមរបៈ ផ្លូវហាយវេថ្មីមួយខ្សែ នឹងសាងសង់ចេញពីព្រលានយន្តហោះអន្តរជាតិថថ្មី មកកាន់់ក្រុងសៀមរាបននាពេលខាងមុខនេះ ដែលផ្លូវនេះមានប្រវែង១៥គីឡូម៉ែត្រ។

សម្តេចតេជោហ៊ុន សែន នាយករដ្ឋមន្រ្តីនៃកម្ពុជាបានមានប្រសាសន៍ក្នុងពេលអញ្ជើញពិនិត្យការដ្ឋាន សាងសង់ព្រលានយន្តហោះអន្តរជាតិខេត្តសៀមរាបកាលពីថ្ងៃទី៣ មេសាកន្លងមកថា ដើម្បីរំដោះនិងសម្រួលការធ្វើដំណើរមកកាន់ព្រលានយន្តហោះថ្មីនេះ ផ្លូវហាយវេថ្មីមួយដែលចំណាយប្រាក់រហូតដល់១១០លានដុល្លារ នឹងសាងសង់ចេញពីព្រលាននេះ មកកាន់ក្រុងសៀមរាប។

ជាមួយគ្នានេះសម្តេចតេជោ បានស្នើឲ្យលោកទេសរដ្ឋមន្រ្តី ស៊ុន ចាន់ថុល រដ្ឋមន្រ្តីក្រសួងសាធារណៈការ និងដឹកជញ្ជូន រៀបចំសំណើរដើម្បីសុំជំនួយឥតសំណងពីរដ្ឋាភិបាលចិន។

ក្នុងពេលជាមួយគ្នានេះ សម្តេចតេជោក៏បានបង្ហើប ពីការកសាងទីក្រុងថ្មីមួយ ដែលមានឋានៈស្មើនឹងស្រុក នៅជិតព្រលានយន្តហោះថ្មីផងដែរនាពេលខាងមុខនេះ។

សម្តេចតេជោបានបន្តថា “ការកសាងទីក្រុងថ្មីនេះ ជារឿងចាំបាច់ ហើយសម្តេចក្រឡាហោមស ខេងនឹងធ្វើការងារនេះ”៕

ក្រុមហ៊ុនមួយទិញមូលបត្របំណុលតម្លៃ៣លានដុល្លារពីក្រុមហ៊ុនសាងសង់ព្រលានយន្តហោះអន្តរជាតិតេជោ

ដោយ៖ សុផារី

ភ្នំពេញ៖ ក្រុមហ៊ុន Medtecs International Corporation Limited (Medtecs) បានទិញមូលបត្របំណុលតម្លៃ៣លានដុល្លារពីក្រុមហ៊ុនសាងសង់ព្រលានយន្តហោះអន្តរជាតិតេជោ នៅថ្ងៃទី០៤ ខែមេសា ឆ្នាំ២០២២នេះ ដើម្បីចូលរួមគាំទ្រគម្រោងសាងសង់អាកាសយានដ្ឋានអន្តរជាតិថ្មីនេះ។

ពិធីនេះប្រព្រឹត្តក្រោមអធិបតីភាពអ្នកឧកញ៉ាបណ្ឌិត ពុង ឃាវសែ ប្រធានក្រុមហ៊ុន OCIC និងមានការចូលរួមពីសំណាក់លោក Clement Yang ដែលជាស្ថាបនិក និងជាប្រធានក្រុមប្រឹក្សាភិបាល រួមទាំងគណៈគ្រប់គ្រងជាន់ខ្ពស់នៃក្រុមហ៊ុន Medtecs និងតំណាងមកពីក្រុមហ៊ុន Cambodia Airport Investment Co., Ltd (CAIC)។

ការចុះហត្ថលេខា រវាងក្រុមហ៊ុន Medtecs និងក្រុមហ៊ុន CAIC នេះ ដើម្បីចូលរួមចំណែក ក្នុងគម្រោងសាងសង់អាកាសយានដ្ឋានអន្តរជាតិតេជោ ដែលជាគម្រោងគាំទ្រដោយរាជរដ្ឋាភិបាល ក្នុងការអភិវឌ្ឍន៍អាកាសយានដ្ឋានអន្តរជាតិទំនើប ដែលនឹងជួយជំរុញដល់វិស័យសេដ្ឋកិច្ច និងទេសចរណ៍។

តាមសេចក្ដីប្រកាសព័ត៌មាន របស់ក្រុមហ៊ុន CAIC បានបញ្ជាក់ថា ថវិកាដែលបានមកពីការវិនិយោគ លើសញ្ញាបណ្ណមានបុគ្គលធានានេះ នឹងត្រូវប្រើប្រាស់សម្រាប់ការសាងសង់ និងការអភិវឌ្ឍគម្រោងសាងសង់ អាកាសយានដ្ឋានអន្តរជាតិតេជោ។

ការចូលរួមទិញសញ្ញាបណ្ណនេះ គឺជាការចូលរួមការអភិវឌ្ឍន៍ព្រលានយន្តហោះថ្មី ដែលកាត់បន្ថយនូវការប្រើប្រាស់ទុន ពីក្រៅប្រទេស ហើយការគ្រឹះស្ថាន ហិរញ្ញវត្ថុទាំងនោះ ក៏ទទួលបានផលចំណេញពីអត្រាការប្រាក់ ដោយទទួលបានការធានាផ្នែកហានិភ័យ ស្មើសូន្យពីរាជរដ្ឋាភិបាលផងដែរ៕

What are the key factors driving the value of real estate in an area?

By: Sophary

Phnom Penh: Property prices in Phnom Penh, its suburbs and major provinces have risen sharply in recent years. At the same time, some provinces are quiet and property prices are not rising.

Why do the prices of real estate in one area increase so differently?

Mr. Va Virak, a trainer at Century21 Zillion Holding and an international real estate expert (CPIS), explained that there are three major factors driving real estate prices. These factors include demand for construction, population growth, and infrastructure.

The first factor is the need to build more buildings to serve various sectors. The sharp rise in property prices depends on the demand in the market of this sector. When there is need, it will increase the demand for real estate and push up the value of real estate. The current demand for real estate is in the commercial real estate sector.

The second factor is population growth in the area, as more people move to one area, the value of land and demand also increases. Land in Phnom Penh, on the outskirts of Phnom Penh, in the surrounding provinces and major provinces has increased due to the influx of people, resulting in the need to build high-rise buildings, houses, factories, warehouses, restaurants and so on.

Another important factor is the road infrastructure, the infrastructure is also a driving force for property prices in an area to increase significantly.

Mr. Virak continued, “Real estate in Cambodia is currently on the rise, with some noticing that in some areas the value of real estate is increasing by about 20 to 30 percent per year, or in other areas can go higher.

For instance, the price of land in Phnom Penh in Sen Sok district, which his family bought during 2008, has increased more than 22 times so far.

ធនាគារកណ្ដាលចិន ពង្រីកកម្មវិធីសាកល្បងប្រើប្រាស់ប្រាក់យ័នឌីជីថលE-CNYទៅកាន់ទីក្រុងសំខាន់ៗ

ដោយៈសុខុម

សៀងហៃ: ធនាគារកណ្តាលចិន បានប្រកាសកាលពីថ្ងៃសៅរ៍ ចុងសប្ដាហ៍កន្លងទៅថា ខ្លួននឹងពង្រីកកម្មវិធីសាកល្បងប្រើប្រាស់ រូបិយប័ណ្ណឌីជីថលរបស់ខ្លួនទៅកាន់តំបន់ជាច្រើនទៀត រួមទាំងបណ្ដាក្រុងក្នុងខេត្តចឺជាំង (Zhejiang) ភាគខាងកើត ដែលគ្រោងនឹងធ្វើជាម្ចាស់ផ្ទះរៀបចំព្រឹត្តិការណ៍កីឡា Asian Games នៅចុងឆ្នាំនេះផងដែរ។

ធនាគារប្រជាជនចិន (PBOC) ដែលជាធនាគារកណ្ដាលនិយាយថា ខ្លួននឹងជំរុញការស្រាវជ្រាវ និងការអភិវឌ្ឍរូបិយប័ណ្ណឌីជីថលចិន ដែលមានឈ្មោះថា e-CNY និងពង្រីកវិសាលភាពនៃកម្មវិធីសាកល្បងនេះ។

យោងតាមសេចក្តីថ្លែងការណ៍ របស់ធនាគារកណ្ដាលចិនបានឱ្យដឹងថា ក្រុងធានជីន(Tianjin) ក្រុងឆុងឈីង (Chongqing) ក្រុងគ័ងចូវ (Guangzhou) ក្រុងហ៊្វូចូវ (Fuzhou) ក្រុងស៊ាមិន (Xiamen) និងទីក្រុងចំនួន៦ទៀតក្នុងខេត្តចឺជាំង (Zhejiang) ជាប់មាត់សមុទ្រ នឹងត្រូវបានបញ្ចូលបន្ថែមទៅក្នុងទីក្រុង “សាកល្បង” សំខាន់ៗដែលមានស្រាប់ចំនួន១០ ដើម្បីសាកល្បងការប្រើប្រាស់ e-CNY។

ទីក្រុងទាំង៦ក្នុងខេត្តចឺជាំង (Zhejiang) ដែលរាប់បញ្ចូលទាំងទីរួមខេត្តហាងចូវ (Hangzhou) ផងនឹងធ្វើជាម្ចាស់ផ្ទះព្រឹត្តិការណ៍កីឡា Asian Games នៅខែកញ្ញា។

ធនាគារកណ្ដាលចិន បានបង្កើនការសាកល្បង ប្រើប្រាស់រូបិយប័ណ្ណឌីជីថល e-CNY ក្នុងរយៈពេលប៉ុន្មានឆ្នាំចុងក្រោយនេះ ហើយសង្ឃឹមថានឹងទាញយកអត្ថប្រយោជន៍ ពីព្រឹត្តិការណ៍កីឡាអូឡាំពិក រដូវរងាក្រុងប៉េកាំង (Beijing Winter Olympics) ជាឱកាសមួយដើម្បីលើកកម្ពស់ការធ្វើសកលភាវូបនីយកម្មរូបិយប័ណ្ណយ័ន។

ទោះជាយ៉ាងណា គោលបំណងរបស់ក្រុងប៉េកាំង ក្នុងការធ្វើឱ្យមានការភ្ញាក់ផ្អើលជាខ្លាំង ជាមួយរូបិយប័ណ្ណឌីជីថលរបស់ខ្លួន ត្រូវបានអាក់ខានដោយសារអ្នកទស្សនា ជាជនបរទេសមិនត្រូវបានអនុញ្ញាត ឱ្យចូលទស្សនាដើម្បីទប់ស្កាត់ការរីករាលដាលវីរុសកូវីដ-១៩។ ទន្ទឹមនេះអ្នកទស្សនានៅក្នុងស្រុកក៏មិនអាចប្រើប្រាស់ App ទូទាត់ឌីជីថលធម្មតារបស់ពួកគេបានទៀត។

សេចក្តីថ្លែងការណ៍របស់ធនាគារកណ្ដាលចិន ក៏បាននិយាយដែរថា ក្រុងប៉េកាំង និងក្រុងចាងជាខូវ (Zhangjiakou) ដែលធ្វើជាសហម្ចាស់ផ្ទះ រៀបចំព្រឹត្តិការណ៍កីឡាអូឡាំពិក រដូវរងាកាលពីខែកុម្ភៈ ក៏នឹងក្លាយជាទីក្រុង សាកល្បងប្រើប្រាស់រូបិយប័ណ្ណ e-CNY ផងដែរ៕ Reuters៕

កម្ពុជាស្នើឥណ្ឌាពន្លឿនការតភ្ជាប់ជើងហោះហើរត្រង់មកកាន់ភ្នំពេញនិងសៀមរាប ដើម្បីជំរុញលំហូរទេសចរ

ដោយៈ សុផារី

ភ្នំពេញៈ ក្រសួងទេសចរណ៍កម្ពុជា បានស្នើទៅកាន់រដ្ឋាភិបាលសាធា​រណរដ្ឋឥណ្ឌា តាមរយៈស្ថានទូតឥណ្ឌាប្រចាំរាជធានីភ្នំពេញ ជួយជំរុញចរន្តភ្ញៀវទេសចរពីឥណ្ឌា មកកាន់កម្ពុជាបន្ថែមទៀត និងស្នើពន្លឿនការរៀបចំឱ្យមានជើងហោះហើរត្រង់ពីឥណ្ឌា មកកាន់កម្ពុជា ដើម្បីគាំទ្រដល់ការទាក់ទាញលំហូរភ្ញៀវទេសចរចូលមកកម្ពុជា។

បច្ចុប្បន្នមិនទាន់មានជើងហោះហើរត្រង់ រវាងប្រទេសទាំងពីរ ដូច្នេះភ្ញៀវទេសចរ និងអ្នកដំណើរដែលធ្វើដំណើរតាមផ្លូវអាកាស ពីប្រទេសឥណ្ឌាមកកាន់កម្ពុជា គឺត្រូវផ្លាស់ប្ដូរជើងហោះហើរនៅប្រទេសថៃ ឬសិង្ហបុរី មុននឹងបន្តដំណើរមកដល់កម្ពុជា។

លោក ថោង ខុន រដ្ឋមន្ត្រីក្រសួងទេសចរណ៍បានលើកសំណើរនេះតាមរយៈលោកស្រីឯកអគ្គរដ្ឋទូត ទេវ្យានី ទៅកាន់រដ្ឋាភិបាលសាធារណរដ្ឋឥណ្ឌា ដើម្បីជួយជំរុញបន្ថែមទៀត នូវចរន្តភ្ញៀវទេសចរពីប្រទេសឥណ្ឌាមកកាន់កម្ពុជា ពិសេសនៅសៀមរាប-អង្គរ ដែលមានសក្ដានុពលផ្នែកទេស​ចរណ៍សាសនា និងទេសចរណ៍អាពាហ៍ពិពាហ៍ (Honeymoon) ខណៈដែលរាជរដ្ឋាភិបាលកម្ពុជា បានសម្រេចបើកដំណើរការឡើងវិញ ការផ្តល់ទិដ្ឋការពេលមកដល់ (Visa on arrival) សម្រាប់អ្នកដំណើរអន្តរជាតិទាំងអស់ ទាំងអ្នកដំណើរតាមផ្លូវអាកាស ផ្លូវគោក និងផ្លូវទឹក រួមជាមួយការលុបចោលកាត្វកិច្ច នៃការធ្វើតេស្តរហ័ស (Rapid Test) និងការធ្វើតេស្ត PCR សម្រាប់ភ្ញៀវទេសចរអន្តរជាតិដែលបានចាក់វ៉ាក់សាំងពេញលេញ។

លោកក៏បានជំរុញឱ្យភាគីឥណ្ឌា ជួយពន្លឿនការរៀបចំឱ្យមានជើងហោះហើរត្រង់ទៅមកកម្ពុជា-ឥណ្ឌា ដើម្បីគាំទ្រដល់ការជំរុញលំហូរទេសចរពីគ្នាទៅវិញទៅមក ប៉ុន្តែនៅចំពោះមុខនេះ គួរត្រូវចាប់ផ្តើមពីការរៀបចំមានហោះហើរមួយសប្តាហ៍ម្តងមកភ្នំពេញ ឬសៀមរាបជាមុនសិន។

លោកស្រី ទេវ្យានី ខូប្រាហ្កាដេ ឯកអគ្គរដ្ឋទូតឥណ្ឌាប្រចាំកម្ពុជា បានថ្លែងថា លោកស្រីកំពុងខិតខំពិភាក្សា និងជំរុញឱ្យវិស័យឯកជនខាងភាគីឥណ្ឌារៀបចំឱ្យមាន Charter Flight ឬ Direct Flight ពីទីក្រុងណាមួយរបស់ឥណ្ឌាមកកាន់កម្ពុជា។

លោក ថោង ខុន បានបញ្ជាក់បន្ថែមថា សម្រាប់ក្រសួងទេសចរណ៍កម្ពុជា ក៏នឹងសម្របសម្រួលដល់សមាគមទេសចរណ៍កម្ពុជា (CATA) សមាគមទេសចរណ៍អាស៊ីប៉ាស៊ីហ្វិក (PATA) ជាដើម បានជួបជាមួយដៃគូក្រុមហ៊ុនទេសចរណ៍ខាងឥណ្ឌា ដើម្បីឈានទៅដល់ការរៀបចំឱ្យមាន Charter Flight ឬ Schedule Direct Flight និងការងាររៀបចំទទួលភ្ញៀវទេសចរពីប្រទេសឥណ្ឌា៕

ខេត្តចំនួនពីរនឹងមានការអភិវឌ្ឍកាន់តែខ្លាំងនាពេលអនាគតបន្ទាប់ ពីរាជធានីភ្នំពេញ

ដោយៈវឌ្ឍនៈ

ភ្នំពេញៈ បណ្ដាខេត្តមួយចំនួន នៃព្រះរាជាណាចក្រកម្ពុជាកំពុងក្លាយជាចំណាប់អារម្មណ៍ ដ៏ទាក់ទាញរបស់វិនិយោគិន ក្នុងការអភិវឌ្ឍលើវិស័យអចលនទ្រព្យ ក្នុងនោះខេត្តចំនួនពីរ ត្រូវបានរដ្ឋាភិបាលយកចិត្តទុកដាក់ក្នុងការអភិវឌ្ឍហេដ្ឋារចនាសម្ព័ន្ធ ដែលធ្វើឱ្យខេត្តទាំងពីរ កាន់តែមានសក្ដានុពល ក្នុងការទាក់ទាញវិនិយោគលើអចលនទ្រព្យកាន់តែខ្លាំង។

ខេត្តទាំងពីរ ដែលកំពុងតែបង្ហាញសាច់ដុំ ក្នុងការទាក់ទាញវិនិយោគិនបណ្ដាក់ទុនវិនិយោគនោះ យើងឃើញយ៉ាងច្បាស់ គឺខេត្តព្រះសីហនុ នៃតំបន់ឆ្នេររបស់កម្ពុជា និងខេត្តសៀមរាប នៃតំបន់ទេសចរណ៍វប្បធម៌ប្រវត្តិសាស្ត្ររបស់កម្ពុជា ហើយខេត្តទាំងពីរនេះ ត្រូវបានរាជរដ្ឋាភិបាលបោះទុនវិនិយោគរាប់រយលានដុល្លារអាមេរិក ក្នុងការកសាងហេដ្ឋារចនាសម្ព័ន្ធរាប់ខ្សែ ដើម្បីសម្រួលដល់ការវិនិយោគ និងសម្រួលដល់ការធ្វើដំណើររបស់វិនិយោគិនក្នុងការស្វែងរការវិនិយោគផងដែរ ។

លោកច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានមានប្រសាសន៍ឲ្យដឹងនារសៀលថ្ងៃទី៤ មេសានេះថា  ខេត្តទាំងពីរ គឺខេត្តសៀមរាប និងខេត្តព្រះសីហនុ សុទ្ធតែមានសក្ដានុពលក្នុងការទាក់ទាញការវិនិយោគ ប៉ុន្តែរវាងខេត្តទាំងពីរនេះ គឺខេត្តព្រះសីហនុចាត់ទុកជាខេត្តមួយមានការអភិវឌ្ឍរួចទៅហើយ និងជាខេត្តបណ្ដុំដោយឧស្សាហកម្ម សម្រាប់សៀមរាបជាខេត្តទេសចរណ៍ ដូច្នេះការទាក់ទាញការវិនិយោគក៏ទៅលើវិស័យទេសចរណ៍ដែរ ។

លោកបន្តថា  “អ្នកវិនិយោគដែលឆ្ពោះទៅកាន់ខេត្តព្រះសីហនុ គឺគាត់សម្លឹងមើលឃើញពីគោលដៅ វិនិយោគរបស់គាត់ត្រឹមត្រូវ គឺអាចជារោងចក្រឧស្សាហកម្ម ឃ្លាំងស្តុកទំនិញ ផែស្ងួតជាដើម ពីព្រោះខេត្តនេះមានកំពង់ផែទឹកជ្រៅមួយរបស់កម្ពុជា ហើយសៀមរាបវិញអ្នកវិនិយោគគឺអាចសង់សណ្ឋាគារ ផ្ទះសំណាក់សម្រាប់បម្រើដល់ភ្ញៀវទេសចរជាតិ និងអន្តរជាតិ”។

នៅព្រឹកថ្ងៃទី ៤ មេសា ២០២២នេះ សម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវផ្លូវ៣៨ខ្សែ ក្នុងក្រុងសៀមរាបដែលជាសមិទ្ធផលដ៏ធំធេងមួយសម្រាប់កម្ពុជា ក៏ដូចជាខេត្តសៀមរាប ហើយសមិទ្ធផលនេះ នឹងក្លាយជាប្រយោជន៍ដល់កម្ពុជាទាំងមូល ជាពិសេសការស្រូបទាញទេសចរជាតិអន្តរជាតិ និងវិនិយោគិនចូលបណ្ដាក់ទុនបន្ថែមក្នុងខេត្តនេះ៕

តើកត្តាសំខាន់អ្វីខ្លះដែលជម្រុញតម្លៃនៃអចលនទ្រព្យនៅក្នុងតំបន់ណាមួយ?

ដោយៈ សុផារី

ភ្នំពេញៈ តម្លៃនៃអចលនទ្រព្យ នៅក្នុងរាជធានីភ្នំពេញ ជាយក្រុងភ្នំពេញ និងខេត្តសំខាន់ៗមានការកើនឡើងយ៉ាងខ្លាំង នៅក្នុងរយៈពេលប៉ុន្មានឆ្នាំចុងក្រោយនេះ។ ខណៈពេលដូចគ្នា មានបណ្តាខេត្តមួយចំនួនមានភាពស្ងប់ស្ងាត់ហើយតម្លៃនៃ អចលនទ្រព្យក៏មិនមនាការកើនឡើងខ្ពស់ផងដែរ។

តើមូលហេតុអ្វីបានជាបណ្តាលឱ្យតម្លៃ នៃអចលនទ្រព្យនៅក្នុងតំបន់មួយមានតម្លៃកើនឡើងខុសៗគ្នាបែបនេះ?

លោក វ៉ា វីរៈ គ្រូបង្វឹកប្រចាំក្រុមហ៊ុនCentury21 Zillion Holding និងជាអ្នកជំនាញអចលនទ្រព្យអន្តរជាតិ (CPIS) បានពន្យល់ថា មានកត្តាធំៗចំនួនបី ដែលជម្រុញឱ្យតម្លៃនៃអចនទ្រព្យ មានការកើនឡើងខ្ពស់នាពេលបច្ចុប្បន្ននេះ។ កត្តាទាំងនោះមានដូចជា តម្រូវការនៃការសាងសង់ កំណើនប្រជាជន និងកត្តាហេដ្ឋរចនាសម្ព័ន្ធ។

កត្តាទី១ គឺតម្រូវការនៅក្នុងការសាងសង់អគារច្រើន បម្រើឱ្យវិស័យនានា។ ការកើនឡើងខ្លាំង នៃតម្លៃអចលនទ្រព្យ អាស្រ័យនឹងតម្រូវការនៅក្នុងទីផ្សារនៃវិស័យនេះ។ កាលណាមានតម្រូវការ នោះនឹងធ្វើឱ្យអចលនទ្រព្យមានការចង់បានខ្ពស់ ហើយជម្រុញឱ្យតម្លៃនៃអចលនវត្ថុ មានការកើនឡើងខ្ពស់។ តម្រូវការនៃអចលនទ្រព្យបច្ចុប្បន្ន មានលើវិស័យអាជីវកម្ម ពាណិជ្ជកម្ម។

កត្តាទី២ គឺកំណើនប្រជាជននៅក្នុងតំបន់នោះ ដោយកាលណាមានប្រជាជនចូលទៅរស់នៅ ក្នុងតំបន់នាមួយច្រើន នោះតម្លៃនៃដីធ្លីនិងតម្រូវការក៏មានកំណើនផងដែរ។ ដីធ្លីនៅក្នុងរាជធានីភ្នំពេញ ជាយរាជធានីភ្នំពេញ នៅតាមបណ្តាខេត្តជុំវិញ និងបណ្តាខេត្តធំៗ មានការកើនឡើងដោយសារប្រជាជនចូលមករស់នៅ បណ្តាលឱ្យមានតម្រូវការ ក្នុងការកសាងអាគារខ្ពស់ៗ លំនៅដ្ឋាន រោងចក្រ ឃ្លាំង ភោជនីយដ្ឋាន ជាដើម។

កត្តាដែលសំខាន់មួយទៀតនោះគឺ ហេដ្ឋារចនាសម្ព័ន្ធផ្លូវថ្នល់នានា ហេដ្ឋារចនាសម្ព័ន្ធ ក៏ជាកត្តាជម្រុញឱ្យតម្លៃអចលនទ្រព្យ នៅក្នុងតំបន់មួយឱ្យមានការកើនឡើងខ្លាំងផងដែរ។

លោកវ៉ា វីរៈបានបន្តថា “អចលនទ្រព្យនៅក្នុងប្រទេសកម្ពុជានាពេលបច្ចុប្បន្ននេះមានការកើនឡើងខ្លាំង ដោយលោកសង្គេតឃើញថា ក្នុងតំបន់ខ្លះ តម្លៃនៃអចលនទ្រព្យមានការកើនឡើងប្រហែល២០ ទៅ៣០ភាគរយក្នុងមួយឆ្នាំឯណោះ ឬ តំបន់ខ្លះទៀតអាចកើនឡើងខ្ពស់ជាងនេះទៅទៀត”។

ជាក់ស្តែង តម្លៃដីធ្លីនៅក្នុងក្រុងភ្នំពេញ នៅខណ្ឌសែនសុខ ដែលគ្រួសារលោកបានទិញ កាលពីកំឡុងឆ្នាំ២០០៨ បានកើនឡើងជាង២២ដងគិតរហូតមកដល់ពេលនេះ៕

A real estate service company shows ambition to be a future project developer

On the morning of Sunday, April 3, 2022, Cambodian Heng Sin Real Estate Co., Ltd. held a grand opening ceremony of its new office located opposite Makro Mall to meet the demand for real estate services as well as the economic growth.

Cambodian Heng Xin Real Estate Co., Ltd. is a professional real estate agent company that focuses on project sales. Currently, the company also has some of exclusive projects on hand for Sales.

As a vison of the company, besides providing the professional real estate agent, Heng Xin will develop itself into a project developer in the future.

Mr. LIM Ravuth, Sales and Marketing Director of Cambodian Heng Xin Real Estate Co.,Ltd, said that the company’s mission is to help to reinforce the real estate sector by improving the quality of the real estate agents to become professional and efficiency.

He added that the reason why the company decided to choose this location is because he can see the potential of Sen Sok district. Many Development projects are decided to develop in Sen Sok District, such as Makro Mall, Aeon Mall 2 and Borey Prince.

Ms. Oum Chhom Charya, Channel Director of Cambodian Heng Xin, said that currently Heng Xin has many big projects in hand, at the same time, we also have some exclusive projects and most of the project are easy to sell due to the unique selling point of the project itself likes location, price and return on the investment.

Therefore, Heng Xin is looking for partners who can bring these benefits and good opportunities to customers. As for partners, we do not care whether they are professional agents or freelancer, it’s depending on their commitment to join us.

Charya added, talk about the benefits that Heng Xin will provide to partners, I dare to guarantee that we are the highest in the current market, both commission and other benefits. The more special is that the commission, they will get the commission fast no need to wait the customer paid the full amount or need to wait the commission from the Developers, Heng Xin can pay in advance.

Joining with Cambodian Heng Xin Real Estate, we have a strong and experiences key members in Real Estate sector waiting to provide the real estate training and skills for our partners to company professional agents.