ដោយ៖ សុធារី

ភ្នំពេញ៖ បើយោងតាមរបាយការណ៍ព្យាករណ៍ប្រចាំឆ្នាំរបស់ក្រុម​ហ៊ុនអន្តរជាតិ CBRE នៅឆ្នាំ ២០២២ ការផ្គត់ផ្គង់ក្នុងទីផ្សារលំនៅឋានជារួមទាំងខុនដូ និងបុរី នឹងមានតិចជាងមុន ខណៈនិន្នាការលក់ក្នុងតម្លៃប្រូម៉ូសិននឹងនៅតែបន្តពិសេសសម្រាប់ខុនដូ ទិសដៅដើម្បីលក់យូនីតដែលជាប់គាំងចេញ ក្រោយមានការធ្លាក់ចុះយ៉ាងគំហុក២ឆ្នាំចុងក្រោយនេះ។

របាយការណ៍បានបន្ថែមថា ក្នុងពេលជាមួយគ្នានេះ អ្នកទិញផ្ទះក្នុងស្រុកក៏នឹងផ្លាស់ប្តូររសនិយម និងវិធីជ្រើសរើសលំនៅឋានផងដែរ។

ក្រៅពីចង់បានផ្ទះដែលមានតម្លៃសមរម្យ អ្នកទិញភាគច្រើននឹងងាកមកផ្ដោតលើគុណភាពផ្ទះ និងភាពប្លែកថ្មីនៃការរចនាម៉ូតផ្ទះដែលទំនើបនឹងស្របតាមនិន្នាការលោកជាងមុន។ កត្តានេះនឹងធ្វើឱ្យ អ្នកអភិវឌ្ឍន៍ពិចារណាឡើងវិញទាំងកត្តាតម្លៃ គុណភាព និងការរចនា មុននឹងសម្រេចចិត្តសាងសង់គម្រោងណាមួយ។

យោងតាមរបាយការណ៍ដដែលបាន​ឱ្យ​ដឹង​ថា​ ក្នុងឆ្នាំ២០២១ ខុនដូមាន​សរុបត្រឹម​៤គម្រោង ដែល​មាន​ជាង ១000យូនីត និង បុរី៦២ ដែលមាន​ជាង ២០ 000ខ្នង ត្រូវបានប្រកាសលក់ ប្រៀបធៀបនឹង​​ឆ្នាំ២០២២ បុរីនឹងមានដល់ ៥0 000ខ្នង ខណៈខុនដូនឹងមានប្រមាណ ១៣ ០០០យូនីត៕

ដោយ៖ សុផារី

ភ្នំពេញ៖ ច្បារអំពៅគឺជាតំបន់មួយស្ថិតនៅខាងកើតរាជធានីភ្នំពេញ ដែលមានដងទន្លេសងខាង រាប់ចាប់ពីខាងកើតស្ពានស្ពានព្រះមុនីវង្សឬស្ពានច្បារអំពៅ។ កាល​ពី​ប៉ុន្មាន​ឆ្នាំ​មុន​ តម្លៃ​ដីធ្លី​នៅ​ក្នុង​ខណ្ឌ​នេះ​មិនសូវជា​មាន​តម្លៃ​ខ្ពស់​ទេ តែ​បច្ចុប្បន្ន​ដោយសារ​វត្តមាន​នៃ​បុរី​ធំៗមួយ​ចំនួន​បាន​ធ្វើឱ្យ​មាន​ការ​ងើបឡើង​គួរ​ឱ្យ​កត់សម្គាល់។ តើនៅ​ក្នុង​ឆ្នាំ​២០២២​នេះ​ ស្ថានភាពអចលនទ្រព្យនៅទិសខាងកើតវិវត្តបែបណា?

លោកឧកញ៉ាបណ្ឌិត គីម ហ៊ាង ប្រធានក្រុម​ហ៊ុន K​W Cambodia បានលើកឡើងថាដើម្បីដឹងថាស្ថានភាព​ដីធ្លីនៅច្បារអំពៅ កៀនស្វាយយ៉ាងមិច យើងត្រូវស្គាល់ពីតាំងភូមិសាស្រ្ត ការស្គាល់ភូមិសាស្រ្តច្បាស់អាចក្លាយទៅជាលោកធំ មនុស្សដែលស្គាល់ប្រវត្តិសាស្រ្តច្បាស់ និងអាចក្លាយទៅជាអ្នកនយោបាយដ៏ឆ្នើម ស្គាល់ភូមិសាស្រ្តច្បាស់និងអាចទិញដីចំណេញបានលុយច្រើន ចឹងដើម្បីដឹងថាភូមិសាស្រ្តខាងកើតយ៉ាងមិចទាល់តែយើងដឹងច្បាស់ពីភូមិសាស្រ្ត។

លោកឧកញ៉ាបណ្ឌិតបន្តថា ច្បារអំពៅគឺជាតំបន់មួយស្ថិតនៅខាងកើតរាជធានីភ្នំពេញ ដែលមានដងទន្លេសងខាង តម្លៃ​ដីធ្លី​នៅ​ក្នុង​ខណ្ឌ​នេះ​មិនសូវជា​មាន​តម្លៃ​ខ្ពស់​ទេ​ បើ​ប្រៀបធៀប​នឹង​តំបន់​កណ្តាល​ក្រុង​ ព្រោះ​ប្រជាជននៅតំបន់នោះមិនសូវ​មានជនជាតិអឺរ៉ុបនិង​ចិនរស់នៅ​ទេ​។

កត្តាទី១ ព្រោះ​ការណ៍​មិនសូវមានចិនទៅរស់នៅ​ក្នុង​តំបន់ ធ្វើឱ្យ​តម្លៃ​ដីធ្លី​ក្នុង​ខណ្ឌ​ច្បារអំពៅមិនអាច​ឡើងថ្លៃបានខ្ពស់​ កត្តា​ទី​២ ព្រោះ​ជនជាតិ​អឺរ៉ុបមិនសូវនិយម​ ព្រោះជនជាតិ​ស្បែកស​ចូលចិត្ត​នៅកន្លែងណាផ្ទះថ្លៃ ដោយសារពួកគេគិតពីសុវត្ថិភាព ភាគច្រើននៅខណ្ឌទួលគោក ព្រោះទួលគោកជាតំបន់កណ្តាលក្រុង មានសុវត្តិភាព។ ចំណែក នៅក្នុង​ខណ្ឌ​ច្បារអំពៅមានតែបងប្អូនខ្មែរប៉ុណ្ណោះដែលរស់នៅ។

លោកឧកញ៉ាបណ្ឌិតបន្តទៀតថា កាលពី១០ទៅ២០ឆ្នាំមុន ច្បារអំពៅគឺជាតំបន់មួយដែលមានការរីកចម្រើនតិចបំផុត ដោយឡែកបច្ចុ​ប្បន្ន ដោយសារ​មាន​វត្តមាន​នៃ​បុរី​ធំមួយ​គឺ​បុរីប៉េងហួត ដែលទាញអោយដីធ្លីនៅខណ្ឌច្បារអំពៅឡើងថ្លៃខ្ពស់ជាងមុន​។

លោកឧកញ៉ាបណ្ឌិត​មាន​ប្រសាសន៍ថា “ច្បារអំពៅកាលពី២០ឆ្នាំមុន ដីធ្លីមិនសូវឡើងថ្លៃទេ ព្រោះតំបន់នេះឆ្លងស្ពានប្រជាជនខ្មែរមិនចូលចិត្តឆ្លងស្ពានទេ ជាហេតុធ្វើឱ្យ​អ្នកវិនិយោគធំៗមិនហ៊ានចូលមកវិនិយោគនៅតំបន់នោះ”។

លោកឧកញ៉ាបណ្ឌិតអះអាងថា ដីធ្លីក្នុង​តំបន់​ច្បារអំពៅ កៀនស្វាយ ឆ្នាំ២០២២នេះ​នឹង​ឡើងថ្លៃបាន ប៉ុន្តែតិច។

បើតាម​លោកឧកញ៉ាបណ្ឌិត តំបន់ប៉ែកខាងកើតរាជធានីភ្នំពេញ ជាតំបន់លំហែកំសាន្ត និងស្នាក់នៅ តំបន់នោះជាតំបន់សាងសង់បុរីសម្រាប់មនុស្សនៅ ដោយសារមានដងទន្លេ មានទឹក មានដើមឈើច្រើនអាកាសធាតុត្រជាក់។ ដី​ធ្លី​ក្នុង​តំបន់​ទាំង​នេះ​ ស័ក្តិសម​ដើម្បីធ្វើផ្ទះនៅ ជាពិសេសសម្រាប់មនុស្សមានវ័យចំណាស់ ប៉ុន្តែមិនសូវ​ល្អ​សម្រាប់​ការ​សង់ខុនដូ អាផាតមិន សណ្ឋាគារ អាគារការិយាល័យទេ។​

តើមនុស្សប្រភេទណាខ្លះដែលទិញអចលនទ្រព្យនៅច្បារអំពៅ លោកឧកញ៉ាថា៖ តំបន់ប៉ែកខាងកើតរាជធានីភ្នំពេញមិនសូវមានអាគារខ្ពស់ៗទេ បានសម្រាប់តែទិញដើម្បីសង់ផ្ទះនៅប៉ុណ្ណោះ។​

លោកបណ្ឌិត​អះអាង​​ថា ក្នុង​ខណ្ឌ​ច្បារអំពៅគ្មានផ្នែកណាមួយដែលដីអាចឡើងថ្លៃបានទេ លើកលែងតែតំបន់កោះនរាហ៍​ ដោយ​ជាទូទៅតម្លៃដីនៅចន្លោះ១០០០ដុល្លាអាមេរិក​ ទៅ២៥០០ដុល្លាអាមេរិកប៉ុណ្ណោះ សរុបជារួម ដីធ្លីនៅច្បារអំពៅមិនអាចឡើងលើស៣០០០ដុល្លាអាមេរិក​ទេ ហើយ៥ឆ្នាំទៀតក៏មិនលើសនិងដែរ លើកលែងតែដីមាត់ទន្លេ។

លោកឧកញ៉ាបន្តថា ”បើបងប្អូនមានដីនៅច្បារអំពៅ ហើយគេអោយតម្លៃសមរម្យហើយលក់ចេញទៅ កុំចាំឡើងថ្លៃពេលក្រោយទៀត គីម ហ៊ាង ថាលែងឡើងហើយ” ៕

ដោយ៖ វឌ្ឍនៈ

ភ្នំពេញ ៖ អចលនទ្រព្យជាមុខជំនួញមួយដែលកំពុងពេញនិយមនៅក្នុងប្រទេសកម្ពុជា។ អ្នកមានល្បីៗ នៅក្នុងប្រទេសកម្ពុជា ជាច្រើនក៏បានលើកឡើងថា ជំនួញក្នុងវិស័យមួយនេះ ជារបរមួយដែលធ្វើឱ្យអ្នកប្រកបអាជីពនេះក្លាយជាអ្នកមានបាន។ អ្នកជំនាញមួយរូបលើកយកពីរបៀបបង្កើតប្រាក់ចំណូលក្នុងវិស័យអចលនទ្រព្យ៤ចំណុចដែលគួរយល់ដឹង។

លោក វ៉ា វីរៈ គ្រូបង្វឹកប្រចាំក្រុមហ៊ុន Century 21 Zillion Holding និងជាអ្នកជំនាញអចលនទ្រព្យអន្តរជាតិបានឱ្យដឹងថា របៀបបង្កើតប្រាក់ចំណូលក្នុងវិស័យអចលនទ្រព្យមាន៤ចំនុចធំ រួមមាន ១. ការបង្កើតប្រាក់ចំណូលតាមរយៈការឡើងថ្លៃនៃអចលនទ្រព្យ។ ឧទាហរណ៍ ថាឆ្នាំនេះ ទិញដីក្នុងតម្លៃ១០០ដុល្លារអាមេរិក ដល់ឆ្នាំក្រោយវាឡើងដល់១២០ដុល្លារអាមេរិកក្នុងមួយម៉ែត្រ ហើយកន្លែងខ្លះទៀត ក៏បានឡើងថ្លៃបន្តទៀត។

លោកថា”មានដីមួយកន្លែងកាលពី២០០៧ មានតម្លៃ ១៥ដុល្លារអាមេរិកក្នុងមួយម៉ែត្រការ៉េ ហើយដល់ពេលនេះតម្លៃដីនៅកន្លែងនោះបានឡើងដល់៣០០ដុល្លារអាមេរិកក្នុងមួយម៉ែត្រការ៉េ”។

លោកបន្តថា ការកើនឡើងនៃតម្លៃអចលនទ្រព្យ ជាធម្មតាគឺកើនឡើងដោយសារតែមានតម្រូវការខ្ពស់ ហើយបើគ្មានតម្រូវការនោះទេ ការកើនឡើងតម្លៃនៃអចលនទ្រព្យមិនអាចកើនឡើងខ្លាំងនោះទេ។ ជាក់ស្ដែង តម្លៃអចលនទ្រព្យនៅក្នុងរាជធានីភ្នំពេញបានកើនឡើងជាបន្តបន្ទាប់ ស្របពេលកំនើនប្រជាពលរដ្ឋនៅក្នុងរាជធានីភ្នំពេញ ក៏បានកើនឡើងពីមួយឆ្នាំទៅមួយឆ្នាំ ហើយតម្រូវការលំនៅឋានទីតាំងផ្ដល់សេវាកម្ម ឃ្លាំងរោងចក្រក៏បានកើនឡើងដែរ ។

របៀបទី២ ក្នុងការបង្កើតចំណូលពីអចលនទ្រព្យគឺចំនូល Cash Flow។ ការបង្កើតចំណូលនេះអាចជាការទិញផ្ទះដើម្បីទុកជួលបន្តសម្រាប់អ្នកធ្វើអាជីវកម្ម ហើយជាចំណូលប្រចាំខែមួយផងដែរ។ របៀបទី៣ជាការបង្កើតចំណូលតាមរយៈទាំងពីរគឺទិញវិនិយោគផង និងលក់យកចំណេញផង។ ក្នុងន័យនេះគឺគាត់ទិញហើយជួលបណ្ដើរនិងប្រកាសលក់ ដូច្នេះទំរាំតែអាចលក់បានគឺអាចរកចំណូលពីការជួលបានមួយចំនួន។

លោក វ៉ា វីរៈ បានបន្ថែមថា របៀបរកចំណូលមួយទៀត គឺការទិញសម្រាប់ខ្លួនឯង។ វិធីនេះ គឺការទិញអចលនទ្រព្យ ដើម្បីប្រើប្រាស់ជាប្រយោជន៍ផ្ទាល់ខ្លួន ដូចជាការបម្រើដល់ការធ្វើអាជីវកម្មរបស់ខ្លួន ដោយមិនចាំបាច់ជួលទីតាំងជួលអចលនទ្រព្យ ក្នុងការធ្វើអាជីវកម្មរបស់ខ្លួននោះទេ៕

NEW YORK: China’s real estate sector will likely see “significant easing” in the policies that govern it, BNP Paribas Asset Management said, months after starting to build a long position in that sector’s debt.

“We are of the view that we are at a major inflection point in terms of policy and we are likely to see some significant easing,” said Jean Charles Sambor, head of emerging market fixed income at BNP Paribas Asset Management (BNPPAM) in London.

“We are involved in the sector and we are positive in the sector. We have built this position over the last couple of months.”

Sambor could only discuss the overall sector, not company-specific investments.

Chinese real estate sector assets came under a lot of pressure last year after stricter financing rules for property development set in 2020 met with a mountain of debt, effectively engineering a contraction. The outsized importance of China’s real estate in the global economy sent shivers down many portfolio managers’ backs.

The CSI China Mainland Real Estate Index fell as much as 28 per cent last year before closing down 15 per cent, with stocks in China Evergrande, one of the biggest developers in the midst of a restructuring, down 89 per cent in 2021.

Evergrande carries about US$300 billion in liabilities including about US$20 billion in international bonds. The foreign bonds, which traded above 90 cents in some cases last year, are now at default levels at under 20 cents on the dollar.

“The property market had been under pressure because (the government) wanted to deleverage and to some extent they achieved that,” Sambor said. “Now China wants to make sure that the rest of the sector is not at risk.”

Some international investors expect state-owned enterprises (SOEs) to help smooth debt restructurings, but others worry that it could open the door for Beijing to use the limited returns to pay its local debts first.

Sambor said a sector restructuring cannot be led by the state because private sector involvement in the property market is very large.

“SOEs are a significant part of the market but are not dominating it so it is difficult for them to engineer an SOE-lead restructuring. You need to have strong participation from the private sector,” he said.

Sambor said BNPPAM’s view on the real estate sector is part of a wider bet on fixed income returns within emerging markets.

“We think it’s going to be the year of the great normalisation in Asia high yield, with a focus on China,” Sambor said. “Asian high yield, and China more specifically, will be a key driver of EM fixed income performance in 2022.”

Source: Reuters

ដោយ៖ សុខុម

ញូវយ៉កៈ គោលនយោបាយគ្រប់គ្រងវិស័យអចលនទ្រព្យរបស់ប្រទេសចិន ទំនងជានឹងមានការ “បន្ធូរបន្ថយជាងមុនច្រើន” ប៉ុន្មានខែបន្ទាប់ពីប្រទេសចិន បានចាប់ផ្តើមកសាងជំហរដ៏រឹងមាំនៅក្នុងការដោះស្រាយបញ្ហាបំណុលរបស់វិស័យនេះ។

នេះបើយោងតាមការទម្លាយឱ្យដឹងពីក្រុមហ៊ុនគ្រប់គ្រងទ្រព្យសកម្មអន្តរជាតិ BNP Paribas Asset Management ដែលជាបុត្រសម្ព័ន្ធមួយនៃធនាគារបារាំង BNP Paribas Group។

លោក Jean Charles Sambor ប្រធានផ្នែកចំណូលថេរក្នុងទីផ្សាររីកចម្រើនឆាប់រហ័សនៃក្រុមហ៊ុន BNP Paribas Asset Management (BNPPAM) ដែលមានមូលដ្ឋាននៅទីក្រុងឡុងដ៍ ប្រទេសអង់គ្លេស បានលើកឡើងថា ក្រុមហ៊ុនលោកមានសុទិដ្ឋិនិយមថា គោលនយោបាយគ្រប់គ្រងវិស័យអចលនទ្រព្យរបស់ប្រទេសចិន ទំនងជានឹងមានការបន្ធូរបន្ថយជាងមុនច្រើន ព្រោះពួកលោកបានចូលរួមពាក់ព័ន្ធនៅក្នុងវិស័យនេះ។

វិស័យអចលនវត្ថុរបស់ប្រទេសចិន បានទទួលរងសម្ពាធយ៉ាងខ្លាំងក្លាក្នុងឆ្នាំ២០២១ កន្លងទៅ បន្ទាប់ពីវិធានស្តីពីការផ្ដល់ហិរញ្ញប្បទានសម្រាប់ការអភិវឌ្ឍន៍អចលនទ្រព្យ ត្រូវបានរឹតបន្តឹងកាន់តែខ្លាំងក្នុងឆ្នាំ២០២០ ក្នុងគោលបំណងទប់បំណុលដែលគរដូចភ្នំនៅក្នុងវិស័យនេះ ប៉ុន្តែជាលទ្ធផលបានធ្វើឱ្យវិស័យនេះជួបវិបត្តិសាច់ប្រាក់ធ្ងន់ធ្ងរ និងថែមទាំងធ្វើឱ្យសេដ្ឋកិច្ចពិភពលោករងភាពរង្គោះរង្គើទៀតផង។

សន្ទស្សន៍ទីផ្សារភាគហ៊ុនអចលនទ្រព្យប្រទេសចិន CSI China Mainland Real Estate Index បានធ្លាក់ចុះដល់ទៅ២៨%កាលពីឆ្នាំ២០២១ ហើយក្នុងនោះភាគហ៊ុនរបស់ក្រុមហ៊ុនអភិវឌ្ឍន៍អចលនទ្រព្យយក្សចិន China Evergrande ដែលស្ថិតក្នុងចំណោមក្រុមហ៊ុនអភិវឌ្ឍន៍ធំៗបំផុតដែលកំពុងស្ថិតក្នុងដំណើរការរៀបឥណទានឡើងវិញ ព្រមទាំងរចនាសម្ព័ន្ធដឹកនាំផងនោះបានដាំក្បាលចុះរហូតដល់ទៅ៨៩%ក្នុងឆ្នាំ២០២១។

ក្រុមហ៊ុន China Evergrande ជំពាក់បំណុលគរដូចភ្នំរហូតដល់ទៅប្រមាណ៣០០ពាន់លានដុល្លារអាមេរិក រួមទាំងមូលបត្របំណុលអន្តរជាតិប្រមាណ២០ពាន់លានដុល្លារអាមេរិក ផងដែរ។

លោក Jean Charles Sambor បានគូសបញ្ជាក់ថា ទីផ្សារអចលនទ្រព្យប្រទេសចិន បានទទួលរងសម្ពាធយ៉ាងខ្លាំង ប៉ុន្តែពេលនេះប្រទេសចិន កំពុងប្រឹងប្រែងយ៉ាងខ្លាំងធ្វើយ៉ាងណាឱ្យប្រាកដថា ផ្នែកផ្សេងៗទៀតនៃវិស័យនេះមិនមានហានិភ័យ។

អ្នកជំនាញរូបនេះបានសង្កត់ធ្ងន់ថា “យើងយល់ថា ២០២២ នឹងក្លាយជាឆ្នាំដែលតំបន់អាស៊ី ទទួលបានកំណើនខ្ពស់ ដោយផ្តោតលើប្រទេសចិន។ ការទទួលបានទិន្នផលខ្ពស់នៅអាស៊ី ជាពិសេសប្រទេសចិន នឹងក្លាយជាកត្តាជំរុញដ៏សំខាន់នៅក្នុងលទ្ធផលប្រាក់ចំណូលថេរក្នុងទីផ្សាររីកចម្រើនឆាប់រហ័សសម្រាប់ឆ្នាំ២០២២ នេះ”៕ Reuters៕

ដោយ៖ សុធារី

កំពត៖ កំពតបានក្លាយជាខេត្តដែលមានសក្តានុពល មិនត្រឹមតែក្នុងវិស័យទេសចរណ៍ជាប់សមុទ្រប៉ុណ្ណោះទេ តែក្នុងវិស័យអចលនទ្រព្យក៏រីកចម្រើនច្រើនផងដែរ។ មានគម្រោងសាងសង់លំនៅដ្ឋាន បុរី ផ្ទះល្វែង និងផ្ទះលំហែជាច្រើន បានសាងសង់ឡើង។ ប៉ុន្តែដោយសារវិបត្តិធ្វើឱ្យជាប់គាំងជាច្រើនគម្រោង។ អ្នកជំនាញអចលនទ្រព្យក្នុងខេត្តមួយនេះមើលឃើញថា ការជាប់គាំងនេះបណ្តាលមកពីការសាងសង់មិនត្រូវនឹងស្តង់ដារ ហើយការផ្គត់ផ្គង់លើសពីតម្រូវការ។

លោក សុខ គែន អគ្គនាយកក្រុមហ៊ុន Kampot Property បានមានប្រសាសន៍តាមបណ្តាញតេឡេក្រាម នៅក្នុងថ្ងៃទី២៤ ខែមករានេះថា គម្រោងសាងសង់លំនៅដ្ឋាន ប្រភេទបុរីនិងផ្ទះល្វែងនៅជុំវិញក្រុងកំពតកន្លងមកមានជាហូរហែ ទោះក្នុងរយៈពេលពីរបីឆ្នាំចុងក្រោយនេះប្រឈមនឹងវិបត្តិកូវីដ១៩ក្តី ក៏នៅតែមានគម្រោងដែលបង្កើតឡើងថ្មីៗ។

ទោះយ៉ាងណា លោកមើលឃើញថា មានគម្រោងខ្លះប្រឈមមុខនឹងផ្អាកដំណើរការសាងសង់ ដោយសារការសាងសង់របស់គម្រោងទាំងនោះមិនមានស្តង់ដារ និងខ្លះមិនបានបំពេញបែបបទទៅតាមការកំណត់របស់ច្បាប់។ លោកមិនមានទិន្នន័យច្បាស់លាស់អំពីគម្រោងដែលបានផ្អាកដំណើរការនោះទេ។

ចំណែកគម្រោងដែរបានស្ងាត់ លោកថាបណ្ដាលមកពី អតិថិជនដែលបានទិញ ជាពិសេសអ្នកដែលរស់នៅក្នុងខេត្តកំពតតែម្តង មិនសូវមានតម្រូវការបន្ថែមទៀតនោះឡើយ ព្រោះពួកគាត់បានទិញឬមានលំនៅឋានផ្ទាល់ខ្លួនរួចស្រេចហើយ។ លោកថា “គម្រោងស្ងាត់ អាចថា អតិថិជនដែលបានទិញក្នុងខេត្តកំពត អ្នកដែលគាត់មានលទ្ធភាពអាចទិញបានជាលក្ខណៈនៅឋានលំហែកាយឬ លំនៅឋានរស់នៅអចិន្ត្រៃយ៍បានទិញរួចរាល់អស់ទៅហើយ”។

កត្តាមួយទៀតដែលធ្វើឲ្យគម្រោងទាំងអស់នោះមានភាពស្ងប់ស្ងាត់ឬជាប់គាំង ព្រោះតម្លៃរបស់គម្រោងដែលនៅជុំវិញក្រុងកំពតមានតម្លៃថ្លៃ។ លោកបន្ថែម “និយាយជារួម សម្រាប់អ្នកដែលមានលទ្ធភាពនឹងចូលចិត្តសម្រាប់គម្រោងបុរី ឬវីឡាមានតិចតួចណាស់ សម្រាប់ប្រជាពលរដ្ឋនៅក្នុងខេត្ដកំពត។ ម្យ៉ាងទៀត កន្លងមក គាត់បានសាយលុយទិញអស់ហើយសម្រាប់អ្នកដែលមានលទ្ធភាព”។

ទោះជាយ៉ាងណាក្តី លោកថាតម្រូវការនៅតែមាន ប៉ុន្តែដោយសារតម្លៃខ្ពស់របស់គម្រោងបុរីឬលំនៅឋានទាំងនោះ ភាគច្រើន អតិថិជនខ្វះលទ្ធភាពក្នុងការទិញដែលបណ្ដាលឱ្យខ្វះសមាមាត្ររវាងការផ្គត់ផ្គង់និងតម្រូវការ។

ប្រសិនបើ គម្រោងទាំងនោះធ្វើតាមស្តង់ដារនិងមានការសិក្សាពីតម្រូវការទីផ្សារច្បាស់លាស់ ជាពិសេសគម្រោងលំនៅឋានដែលមានតម្លៃចន្លោះ៥ទៅ៧ម៉ឺន ក្នុងមួយល្វែង អាចលក់ចេញបានងាយស្រួលជាង។ ប្រសិនបើមានតម្លៃថ្លៃលើសពីនេះទៀតនោះមានការពិបាកនៅក្នុងការលក់ចេញ៕