តើប្រមុខរដ្ឋាភិបាលកម្ពុជា ម៉ាឡេស៊ីសម្រេចបានលទ្ឋផលអ្វីខ្លះនៃការបង្កើនទំនាក់ទំនងរវាងប្រទេសទាំងពីរ

ដោយៈសុផារី

 ភ្នំពេញៈ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានទទួលជួបពិភាក្សាការងារ ជាមួយលោក Ismail Sabri Yaakob) នាយករដ្ឋមន្ត្រីនៃប្រទេសម៉ាឡេស៊ី ក្នុងឱកាសដែលលោកអញ្ជើញបំពេញ ទស្សនកិច្ចផ្លូវការនៅកម្ពុជារយៈពេលពីរថ្ងៃ។

នៅក្នុងជំនួបទ្វេភាគីនេះ សម្ដេចតេជោហ៊ុន សែន និងលោកនាយករដ្ឋមន្ត្រីម៉ាឡេស៊ី បានពិភាក្សាគ្នាស៊ីជម្រៅ អំពីកិច្ចសហប្រតិបត្តិការលើវិស័យជាច្រើនក្នុងក្របខណ្ឌទ្វេភាគី និងពហុភាគីនិងបានផ្លាស់ប្ដូរទស្សនៈជុំវិញបញ្ហាតំបន់ និងអន្តរជាតិ ដែលជាផលប្រយោជន៍ និងក្តីកង្វល់រួមក្នុងស្មារតីមិត្តភាពយូរអង្វែងសាមគ្គីភាព និងការយោគយល់គ្នាទៅវិញទៅមក។

នាយករដ្ឋមន្ត្រីម៉ាឡេស៊ី បានអបអរសាទរចំពោះសម្ដេចតេជោនាយករដ្ឋមន្ត្រី ដែលទទួលបានពានរង្វាន់សន្តិភាព ស៊ុនហាក់ឆ្នាំ២០២២ និងបានកោតសរសើរ ចំពោះរាជរដ្ឋាភិបាលកម្ពុជា ដែលសម្រេចបាននូវការរីកចម្រើនយ៉ាងខ្លាំង គួរឲ្យកត់សម្គាល់ក្នុងការអភិវឌ្ឍន៍ជាតិ។

ថ្នាក់ដឹកនាំទាំងពីរក៏បានសម្ដែងនូវក្តីរីករាយ ដែលប្រទេសទាំងពីរអាចគ្រប់គ្រង ការរីករាលដាលនៃជំងឺកូវីដ-១៩បានយ៉ាងល្អ តាមរយៈយុទ្ធនាការជាតិ ចាក់វ៉ាក់សាំងបង្ការជំងឺកូវី-១៩ ដ៏មានប្រសិទ្ធភាព។ ប្រទេ​សទាំងពីរបានកោតសរសើរគ្នាទៅវិញ ទៅមកអំពីការប្ដេជ្ញាជំនះបានលើជំងឺរាតត្បាតកូវីដ-១៩ និងផលប៉ះពាល់នានាមកលើសេដ្ឋកិច្ច។ អត្រាខ្ពស់នៃការចាក់វ៉ាក់សាំងបង្ការជំងឺកូវីដ-១៩ របស់ប្រទេសទាំងពីរ នឹងត្រួសត្រាយផ្លូវសម្រាប់ការងើបឡើងវិញ បានឆាប់រហ័សលើគ្រប់វិស័យ។ ភាគីទាំងពីរក៏បានគូសបញ្ជាក់ អំពីកំណើនសេដ្ឋកិច្ចវិជ្ជមានក្នុងឆ្នាំ២០២១ ដោយម៉ាឡេស៊ីទទួលបាន៣,៥% និងកម្ពុជាទទួលបាន៣% នឹងត្រូវព្យាករណ៍ថានឹងមានភាពល្អប្រសើរជាងនេះ ទៅទៀតសម្រាប់ឆ្នាំ ២០២២។

រាជរដ្ឋាភិបាលកម្ពុជា បានថ្លែងអំណរគុណ ចំពោះរដ្ឋាភិបាលម៉ាឡេស៊ី  ស្ថានទូតម៉ាឡេស៊ីនៅភ្នំពេញ  ក្រុមហ៊ុន និងសហគមន៍ម៉ាឡេស៊ីនៅកម្ពុជាដែលបានផ្ដល់ជំនួយសប្បុរសធម៌ រួមចំណែកក្នុងការប្រយុទ្ធប្រឆាំងការរាគក្បាលជំងឺកូវីដ-១៩នៅកម្ពុជា។ រដ្ឋាភិបាលម៉ាឡេស៊ី ក៏បានសម្តែងនូវការអរគុណ ចំពោះជំនួយសប្បុរសធម៌ ដែលផ្ដល់ដោយរាជរដ្ឋាភិបាលកម្ពុជា សម្រាប់ប្រជាជនម៉ាឡេស៊ីនៅកម្ពុជា ក្នុងអំឡុងពេលនៃការរីករាលដាលជំងឺកូវីដ-១៩។

នាយករដ្ឋមន្ត្រីនៃប្រទេសទាំងពីរ បានសំដែងនូវការពេញចិត្តចំពោះទំនាក់ទំនង យ៉ាងជិតស្និទ្ធចំណងមិត្តភាពរឹងមាំ និងកិច្ចសហប្រតិបត្តិការដែលផ្ដល់ផលប្រយោជន៍ ទៅវិញទៅមកជាច្រើនវិស័យរវាងកម្ពុជា និងម៉ាឡេស៊ីក្នុងរយៈពេល៦ទសវត្សរ៍កន្លះចុងក្រោយនេះ។ ប្រជាជាតិទាំងពីរ នឹងបង្កើនទំនាក់ទំនងគ្រប់កម្រិត ព្រមទាំងពង្រឹងទំនាក់ទំនងរវាងប្រជាជន និងប្រជាជនឲ្យកាន់តែជិតស្និទ្ធ ដើម្បីឲ្យមានការយោគយល់គ្នា និងមិត្តភាពកាន់តែស៊ីជម្រៅបន្ថែមទៀត។

ថ្នាក់ដឹកនាំទាំងពីរក៏បានឯកភាព បន្តជំរុញបន្ថែមទៀតនូវវិស័យពា​ណិ​​ជ្ជកម្មទ្វេភាគី ការវិនិយោគ សុខាភិបាល  ទេសចរណ៍ វិទ្យាសាស្រ្ត និងបច្ចេកវិទ្យា និងទំនាក់ទំនងរវាងប្រជាជន និងប្រជាជន ក្នុងគោលបំណងជំរុញស្ដារសេដ្ឋកិច្ចក្រោយវិបត្តិកូវីដ-១៩។

ដើម្បីសម្រេចគោលបំណងនេះ នាយករដ្ឋមន្ត្រីទាំងពីរក៏បានឯកភាពគ្នា ក្នុងការពិនិត្យលទ្ធភាពបង្កើតឲ្យមានភាពជាដៃគូ និងសម្ព័ន្ធមេត្រីភាពរវាងទីក្រុងព្រះសីហនុ និងទីក្រុងសៀមរាប ជាមួយទីក្រុងនានានៅប្រទេសម៉ាឡេស៊ីផងដែរ។  ថ្នាក់ដឹកនាំទាំងពីរបានប្ដេជ្ញាចិត្ត ក្នុងការពង្រឹងកិច្ចសហប្រតិបត្តិការ ក្នុងវិស័យអភិវឌ្ឍន៍ធនធានមនុស្ស ការងារសេដ្ឋកិច្ចឌីជីថល និងសេដ្ឋកិច្ចបៃតង ដើម្បីសម្រេចបាននូវការរីកចម្រើន ប្រកបដោយសុខមាលភាពរយៈពេលវែង និងអភិវឌ្ឍន៍ប្រកបដោយចីរភាពសម្រាប់ផលប្រ​យោ​ជន៍ នៃប្រទេសទាំងពីរ។

ថ្នាក់ដឹកនាំទាំងពីរ ក៏បានលើកទឹកចិត្តដល់ធុរជន និងវិនិយោគិនឲ្យស្វែងរកកាលានុវត្តន៍ភាព បន្ថែមទៀតអំពីឱកាសអាជីវកម្ម និងវិនិយោគនៅប្រទេសទាំងពីរ ដោយប្រទេសទាំងពីរ មានកិច្ចព្រមព្រៀងស្ដីអំពីការជៀសវាងយកពន្ធត្រួតគ្នា និងការបង្ការការគេចពន្ធទាក់ទង នឹងការយកពន្ធលើប្រាក់ចំណូលរវាងប្រទេសទាំងពីរ ដែលបានចូលជាធរមានកាលពីថ្ងៃទី១ មករា ឆ្នាំ២០២១ និងច្បាប់វិនិយោគថ្មីរបស់កម្ពុជា ដែលផ្ដល់នូវក្របខ័ណ្ឌច្បាប់ដែលបើកចំហ  មានតម្លាភាព  អាចព្យាករណ៍បាន  និងមានប្រសិទ្ធភាពជាងមុនសម្រាប់ការវិនិយោគ។

ប្រទេស ម៉ាឡេស៊ីបានបង្ហាញចំណាប់អារម្មណ៍ ក្នុងការស្វែងរកកិច្ចសហការផ្នែកធុរកិច្ច លើវិស័យបច្ចេកវិទ្យាព័ត៌មាន និងគមនាគមន៍បច្ចេកវិទ្យាហិរញ្ញវត្ថុ និងសន្តិសុខតាមប្រព័ន្ធអ៊ីនធឺណិតនៅកម្ពុជា។ ភាគីទាំងពីរបានផ្ដល់អាទិភាពដល់ការពង្រឹង សហគ្រាសធុនតូច និងមធ្យម និងអាជីវកម្មបង្កើតថ្មី និងរំលឹកឡើងវិញអំពីកិច្ចព្រមព្រៀងរវាង MRANTI (ពីមុនត្រូវបានគេស្គាល់ថា MaGIC Malaysia) និងមជ្ឈមណ្ឌល  Impact Hub ភ្នំពេញ (Impact Hub Phnom Penh) ដើម្បីលើកកម្ពស់អាជីវកម្មបង្កើតថ្មី និងការបណ្ដាក់ទុនរកស៊ី របស់សហគ្រិនវ័យក្មេងនៅក្នុងប្រទេសទាំងពីរ។

ម៉ាឡេស៊ីនឹងបន្តផ្ដល់ឱកាស ដល់មន្ត្រីរាជការកម្ពុជាចូលរួមក្នុងវគ្គបណ្ដុះបណ្ដាល និងកសាងសមត្ថភាព តាមរយៈកម្មវិធីកិច្ចសហប្រតិបត្តិការបច្ចេកទេសម៉ាឡេស៊ី(MTCP) និងកម្មវិធីកិច្ចសហប្រតិបត្តិការការពារជាតិម៉ាឡេស៊ី(MDCP)។

លោកនាយករដ្ឋមន្ត្រីម៉ាឡេស៊ី បានបញ្ជាក់អំពីការគាំទ្រពេញលេញដល់កម្ពុជាក្នុងនាមជាប្រធានអាស៊ានឆ្នាំ២០២២ ក្រោមប្រធានបទ: អាស៊ានរួមគ្នាធ្វើដោះស្រាយបញ្ហាប្រឈមទាំងអស់គ្នា។ ថ្នាក់ដឹកនាំទាំងពីរក៏បានឯកភាពគ្នាបន្តធ្វើការងារយ៉ាងជិតស្និទ្ឋ ក្នុងការពង្រឹងសហគមន៍អាស៊ាន និងដោះស្រាយបញ្ហាតំបន់ និងអន្តរជាតិក្នុងក្របខណ្ឌអាស៊ាន និងយន្តការពហុភាគីនានា ក្នុងគោលដៅរួមសំដៅថែរក្សាមជ្ឈភាពអាស៊ាន ការរួបរួមគ្នារក្សាសន្តិភាព ស្ថេរភាព និងការអភិវឌ្ឍប្រកបដោយចីរភាព និងវិបុលភាពនៅក្នុងតំបន់ និងពិភពលោក។

ថ្នាក់ដឹកនាំទាំងពីរក៏បានផ្លាស់ប្ដូរទស្សនៈ ដោយត្រង់ទៅត្រង់មក លើបញ្ហាតំបន់ និងអន្តរជាតិនានា ដែលជាផលប្រយោជន៍ និងក្តីកង្វល់រួមដូចជាបញ្ហាមីយ៉ាន់ម៉ា សមុទ្រចិនខាងត្បូង និងការប្រកួតប្រជែងភូមិសាស្ត្រនយោបាយ ក្នុងចំណោមប្រទេសមហាអំណាច។ នាយករដ្ឋមន្ត្រីទាំងពីរក៏បានគូសបញ្ជាក់អំពីសារសំខាន់ចាំបាច់ ក្នុងការធានានូវការអនុវត្តកិច្ចព្រមព្រៀងជាឯកច្ឆន្ទទាំង៥ ចំណុចរបស់ប្រមុខដឹកនាំអាស៊ាន ប្រកបដោយប្រសិទ្ធភាពនិងទាន់ពេលវេលា។

ម៉ាឡេស៊ីបានសំដែងនូវការគាំទ្រយ៉ាងពេញទំហឹង ចំពោះការងាររបស់ប្រេសិតពិសេស របស់ប្រធានអាស៊ានស្ដីពីមីយ៉ាន់ម៉ា និងទន្ទឹងរង់ចាំដំណើរទស្សនកិច្ចលើកដំបូង របស់ប្រេសិតពិសេស ទៅកាន់ប្រទេសមីយ៉ាន់ម៉ា។

ថ្នាក់ដឹកនាំទាំងពីរបានបញ្ជាក់សាជាថ្មី អំពីការអនុវត្តឲ្យបានពេញលេញ និងប្រកបដោយប្រសិទ្ធភាពនូវសេចក្តីថ្លែងការណ៍ស្តីពី ការប្រតិបត្តិរបស់បណ្ដាភាគី នៅសមុទ្រចិនខាងត្បូង (DOC) នឹងបញ្ចប់ឲ្យបានឆាប់នូវក្រមប្រតិបត្តិ(COC)នៅសមុទ្រចិនខាងត្បូង ដែលមានប្រសិទ្ធភាព និងខ្លឹមសារស្របជាមួយនឹងច្បាប់អន្តរជាតិ រួមមាន អនុសញ្ញាអង្គការសហប្រជាជាតិស្ដីអំពីច្បាប់សមុទ្រឆ្នាំ១៩៨២ តាមពេលវេលាដែលមានការឯកភាព គ្នា។

ថ្នាក់ដឹកនាំទាំងពីរក៏បានលើកទឹកចិត្ត ជំរុញកិច្ចសហប្រតិបត្តិការជាក់ស្តែងរវាងអាស៊ាន និងបណ្ដាប្រទេសដៃគូក្រៅតំបន់ ក្នុងក្របខ័ណ្ឌនៃទស្សនទានអាស៊ានស្ដីពីឥណ្ឌូប៉ាស៊ីហ្វិក។

លោកនាយករដ្ឋមន្ត្រីម៉ាឡេស៊ី ក៏បានលើកឡើងអំពីបញ្ហាជនបាត់បង់ទីលំនៅជនភៀសខ្លួនមកពីរដ្ឋរ៉ាក់ខាញ រួមទាំងជនជាតិរ៉ូហ៊ីងយ៉ា ជាមួយនាយករដ្ឋមន្ត្រីកម្ពុជាផងដែរ និងបានបញ្ជាក់សាជាថ្មី នូវសារៈសំខាន់នៃការដោះស្រាយមូលហេតុជាឫសគល់ នៃជម្លោះ និងការធ្វើមាតុភូមិនិវត្តន៍របស់ពួកគេដោយស្ម័គ្រចិត្តមានសុវត្ថិភាព និងភាពថ្លៃថ្នូរ។

នៅក្នុងឱកាសនោះផងដែរ លោកនាយករដ្ឋមន្ត្រីម៉ាឡេស៊ីក៏បានអញ្ជើញសម្ដេចតេជោ ទៅបំពេញទស្សនកិច្ចផ្លូវការ នៅប្រទេសម៉ាឡេស៊ី ដើម្បីអបអរសាទរខួបអនុស្សាវរីយ៍លើកទី៦៥ នៃទំនាក់ទំនងការទូតរវាងប្រទេសទាំងពីរផងដែរ។

សម្ដេចតេជោក៏បានថ្លែងអំណរគុណយ៉ាងជ្រាលជ្រៅ និងទទួលយកនូវការអញ្ជើញ ទៅបំពេញទស្សនកិច្ចនៅប្រទេសម៉ាឡេស៊ី ដោយក្តីរីករាយ នាពេលវេលាសមស្របណាមួយនាពេលខាងមុខ៕

រ៉ូយ៉ាល់លៀវវីងផ្លាហ្ស គឺជាពាណិជ្ជកម្មគុំរូនៅភ្នំពេញនាពេលអនាគត

ដោយៈសហសេវិក

ភ្នំពេញៈ សុទិដ្ឋិនិយមសម្រាប់ប្រទេស ដែលកំពុងអភិវឌ្ឍន៏ក្នុងពិភពលោក ការរីចម្រើនពាណិជ្ជកម្ម បានឆ្លងកាត់ដំណាក់កាល៤ប្រភេទ ជំនាន់១ជាផ្សារដែលគ្មានសណ្តាប់ធ្នាប់ ជំនាន់២ជាហាងលក់ទំនិញ ជំនាន់៣ជាមជ្ឈមណ្ឌលទិញទំនិញ រហូតដល់ជំនាន់៤ ដែលជាទីកន្លែងបទពិសោជន៏នៃការប្រើប្រាស់នាពេលអនាគត់។

រ៉ូយ៉ាល់លៀវវីងផ្លាហ្សា បាននាំពាណិជ្ជកម្មជំនាន់ថ្មីចូលមកកាន់ពិភពលោកនាពេលអនាគត បង្កើតផ្សារទំនើបទាន់សម័យ និង “ជីវភាពរស់នៅដ៏រីករាយ” បទពិសោជន៏នៃការប្រើប្រាស់ទីកន្លែងកម្សាន្ត គឺដូចជាផ្សារទំនើបអ៊ីអន ដែលមានបរិយាកាសប្រកបដោយផាសុខភាព។

G1ជាលំនៅដ្ឋានរស់នៅ G2ជីវភាពដ៏ស្រស់បំព្រង G3ជីវភាពឆើតឆាយ នៅមានSKYSHOP ដ៏ប្រណិតកម្ពស់១៧៨ម៉ែត្រ បានបំពេញនៅទីផ្សារក្នុងទីក្រុងភ្នំពេញ ហើយបានក្លាយជាជម្រើសនៃការជួបជុំ សម្រាប់ជនបរទេសនឹងអ្នកមានទ្រព្យ។

  1. ទីតាំងល្អ អតិថិជនច្រើន៖ ផ្សារទួល​ទំពូង មានជនបរទេស និងអ្នកមានលុយខុនដូរ៉ូយ៉ាល់​ស្កាយ​លែនមានមនុស្សរស់នៅ5000នាក់។
  2. ផ្សារទំនើបល្អ ភ្ញៀវជួលច្រើន៖ បទពិសោជន៏នៃការប្រើប្រាស់ផ្សារទំនើបលំដាប់ខ្ពស់អាជីវករដណ្តើមជួល។
  3. ស្តង់ដាខ្ពស់ តម្លៃជួលខ្ពស់ បរិយាកាសដើរទិញទំនិញការប្រើប្រាស់មានគ្រប់លំដាប់តម្លៃជួលខ្ពស់ជាងផ្ទះល្វែង។
  4. ប្លង់រឹង SKYSHOP ទេសភាពគ្មានគូរប្រៀបនៅលើអគារកម្ពស់១៧៨ម៉ែត្រ បរិយាកាសល្អប្រណិត។
  5. GROUND SHOP ប្លង់រឹងហាងG1កម្ពស់4M អាចចែកជា២ជាន់បានទទួលបានតម្លៃជួល២ដង ចំណូលទ្វេគុណ៕

 

 

សំណួរចម្លើយសំខាន់ៗចំនួន៥ ដែលអ្នកគួរដឹងពេលអ្នកបើកបរលើផ្លូវល្បឿនលឿនភ្នំពេញ ព្រះសីហនុ

ដោយៈគង់ សិរីជេស៊ីកា

ភ្នំពេញៈ ស្របពេលផ្លូវល្បឿនលឿនភ្នំពេញ ព្រះសីហនុនឹងបើកដំណើរការសាកល្បង នៅអំឡុងខែកកក្កដាខាងមុខ ការយល់ដឹងពីវិធីសាស្រ្តប្រើប្រាស់ផ្លូវ និងព៌តមានសំខាន់ដទៃទៀត គួរតែជារឿងគួរសិក្សាស្វែងយល់។

សំណួរសំខាន់ៗចំនួន៥ នឹងបង្ហាញពីព៌តមានសំខាន់ៗជាច្រើន ដែលជាការងារចាំបាច់ត្រូវធ្វើអំឡុងពេលបើកលើផ្លូវ ដែលមានតម្លៃ២០០០លាន​ដុល្លារ និងអាចអនុញ្ញាត្តឲ្យអ្នកបើកបរក្នុងល្បឿន បានចន្លោះពី១០០ទៅ១៥០គីឡូម៉ែត្រក្នុងមួយម៉ោងនេះ។

សំណួរៈបើឡានរបស់យើងជិតអស់សាំង តើយើងគួរធ្វើយ៉ាងម៉េច?

ចម្លើយៈ នៅតាមដងផ្លូវល្បឿនលឿន គឺមានកន្លែងផ្តល់សេវាកម្ម ក្នុងនោះមានដូចជា ស្ថា​នី​យ៍​ប្រេង​ឥ​ណ្ធ​នៈ ចំណតឡាន កន្លែងឈប់សម្រាក អាហារដ្ឋាន បន្ទប់ទឹកនិងយាន្តដ្ឋាន។ល។ ដែលអាចបំរើសេវាកម្មចាំបាច់ជូនអ្នកធ្វើដំណើរផ្លូវឆ្ងាយ និងសូមចាប់អារម្មណ៍ មើលស្លាកសញ្ញានៅលើដងផ្លូវជាមុន។

សំណួរៈ បើខ្ញុំជិះហួសច្រកចេញ តើខ្ញុំអាចថយឡានទៅក្រោយទេ?

ចម្លើយៈប្រាកដជាមិនបានដាច់ខាត យើងត្រូវចាប់អារម្មណ៍ទៅលើរាល់ស្លាកចរាចរណ៍ទាំងអស់ ដែលចង្អុលបង្ហាញច្រកចេញ នៅលើផ្លូវល្បឿនលឿន បើជិះហួសច្រកចេញ អ្នកត្រូវតែបើកបន្តទៅមុខរកច្រកចេញបន្ទាប់ ការថយឡានទៅក្រោយគឺ គ្រោះថ្នាក់ខ្លាំងណាស់។

សំណួរៈ បើខ្ញុំឈឺបត់ជើងតើអាចឈប់ឡានបត់ជើងបានទេ?

ចម្លើយៈ ប្រាកដជាមិនអាចទេ ផ្លូវល្បឿនលឿនមានយានជំនិះ ធ្វើ

ដំណើរជិត100km/h ប្រាកដជាមិនអាចឈប់ឡាន ថយឡាន និងជិះបញ្ច្រាស់ជាដាច់ខាត បើមិនចឹងងាយនឹងមានគ្រោះថ្នាក់ដល់ អាយុជីវិតណាស់។

សំណួរៈតើអ្នកគិតថាម៉ូតូអាចជិះនៅលើផ្លូវល្បឿនលឿនបានទេ?
ចម្លើយៈ មិនអាចទេ! យោងទៅតាមច្បាប់ អ្នកដំណើរ យានជំនិះ​​​​​​​ ម៉ូតូ

ឡានត្រាក់ទ័រ​ តុកតុក និងយានយន្ត ផ្សេងៗដែលមានល្បឿនតិចជាង 70km/h គឺមិនអាចឡើងផ្លូវល្បឿនលឿនបានទេ៕

លោកស្រី Angelina Jolie ចូលរួមផ្សព្វផ្សាយពីអង្គរនិងអភិរក្សធនធានធម្មជាតិនៅកម្ពុជា

ដោយ: ម៉ាលីស

ភ្នំពេញ: នៅព្រឹកថ្ងៃទី២៤ ខែកុម្ភៈ ឆ្នាំ២០២២ នៅទីស្តីការក្រសួងបរិស្ថាន លោក សាយ សំអាល់ រដ្ឋមន្ត្រីក្រសួងបរិស្ថានបានជួបសម្តែងការគួរសម ជាមួយលោកស្រី Angelina Jolie តារាភាពយន្តហូវីដដ៏ល្បីល្បាញនៅអំឡុងលោកស្រី ធ្វើទស្សនកិច្ចនៅព្រះរាជាណាចក្រកម្ពុជា។

លោករដ្ឋមន្ត្រីក្រសួងបរិស្ថានបានថ្លែងអំណរគុណ ចំពោះលោកស្រី Angelina Jolie តារាភាពយន្តហូវីដដ៏ល្បីល្បាញ ដែលបានចូលរួមជាមួយរាជរដ្ឋាភិបាលកម្ពុជា ក្នុងការការពារនិងអភិរក្សធនធានធម្មជាតិ នៅតំបន់ប្រើប្រាស់ច្រើនយ៉ាងសំឡូត និងការសហការលើផ្នែកផ្សេងៗទៀត។

លោក សាយ សំអាល់ ក៏បានគូសបញ្ជាក់ពីការបន្តកិច្ចសហការ និងការគាំទ្ររបស់ក្រសួងបរិស្ថាន ចំពោះគម្រោងអភិរក្ស ដែលផ្តួចផ្តើមដោយលោកស្រី  Angelina Jolie ផងដែរ។

ក្រៅពីបេសកកម្មនេះ តារាភាពយន្តហូលីវ៉ូដAngelina Jolie មកបំ​ពេ​ញបេសកកម្មក្នុងរមណីយដ្ឋានអង្គរ ដើម្បីបង្កើតកម្មវិធីចិញ្ចឹមឃ្មុំសម្រាប់ស្ត្រី និងបានចូលរួមពិធីសម្ពោធជាផ្លូវការ នៃកម្មវិធីចិញ្ចឹមឃ្មុំសម្រាប់ស្ត្រី(Women for Bees) ក្រោមកិច្ចសហការជាមួយអង្គការយូណេស្កូ និងសម្របសម្រួលដោយអាជ្ញាធរជាតិអប្សរា។

លោកស្រីAngelina Jolie គឺជាស្ថាបនិកនៃគម្រោងUNESCO-GUERLAIN “Women for bees” ដែលឧបត្ថម្ភដោយក្រុមហ៊ុន GUERLAIN។ ក្នុងបេសកកម្មនេះ លោកស្រីAngelina Jolie បានទៅទស្សនាប្រាសាទអង្គរវត្តផងដែរ។

ការបង្ហាញវត្តមានដ៏សំខាន់ ក្នុងបេសកកម្មរបស់ខ្លួននៅពេលនេះ តារាហូលីវូដរូបនេះ ក៏បានជួយផ្សព្វផ្សាយតំបន់រមណីយដ្ឋានអង្គរ ទៅកាន់ពិភពលោកថែមមួយកម្រិតទៀត ពិសេសក្នុងអំឡុងពេលវិបត្តិជំងឺកូវីដ១៩ដើម្បីបញ្ជាក់ថា កម្ពុជាជាគោលដៅទេសចរណ៍ប្រកបដោយសុវត្តិភាព៕

ការប្រឈមនិងឱកាសអ្វីដែលកើតមានសម្រាប់ភ្នាក់ងារអចលនវត្ថុក្នុងបរិបទកូវីដ

ដោយៈវឌ្ឍនៈ

ភ្នំពេញៈ នៅក្នុងបរិបទកូវីដ១៩ គ្មានវិស័យមួយណា ដែលគេចផុតពីការទទួលរងនូវឥទ្ធិពលនោះទេ ហើយក៏មានបញ្ហាប្រឈមផងដែរ នៅក្នុងការធ្វើអាជីវកម្ម តែយ៉ាងណាក្ដីទន្ទឹមនឹងបញ្ហាប្រឈមនោះដែរ អ្នកវិនិយោគក៏នឹងមានឱកាសសម្រាប់ការពង្រីក និងបង្កើនសកម្មភាពអាជីវកម្មផងដែរ។

លោកសន សៀប ស្ថាបនិកនិងជាអគ្គនាយកក្រុមហ៊ុនឃីរៀលអ៊ីស្ទេតបានមានប្រសាសន៍ឱ្យដឹងនាព្រឹកថ្ងៃទី២៤ កុម្ភៈនេះថា បញ្ហាជាច្រើនដែលយើងបានជួបប្រទះ នៅក្នុងវិបត្តិនៃកូវីដ១៩នេះ ក្នុងនោះរួមមានការជួបមុខគ្នា កត្តានេះជាបញ្ហាមួយសម្រាប់ពួកយើង ដោយសារតែនៅក្នុងវិស័យអចលនទ្រព្យ យើងត្រូវការជួបប្រាស្រ័យទាក់ទងគ្នារវាងអ្នកទិញ អ្នកលក់ និងរូបយើង។

លោកបន្តថា “ក្នុងដំណាក់កាលនេះ យើងត្រូវរកដំណោះស្រាយណាមួយ ដូចជាករជួបគ្នាតាមប្រព័ន្ធអនឡាញ ធ្វើយ៉ាងណាឱ្យការទំនាក់ទំនងយើងកាន់តែមានប្រសិទ្ធភាព”។ លោកបន្តថា “នៅក្នុងស្ថានភាពបែបនេះតម្រូវការលើអចលនទ្រព្យឃើញថា មានការថយចុះមួយចំនួន ពីព្រោះថាក្នុងដំណាក់កាលនេះ មនុស្សខ្លាចរអារកូវីដ ជាពិសេសតម្រូវការអ្នកមកពីខាងក្រៅ ដោយសារតែពិបាកធ្វើដំណើរចូលមកកម្ពុជា ហើយពេលត្រលប់ទៅវិញ ក៏ប្រទេសរបស់គេតម្រូវឱ្យមានវិធានការចត្តាឡីស័កផងដែរ”។

លោកបន្ថែមថា តែយ៉ាងណាក្ដី ទោះបីជាយើងបានជួបនឹងវិបត្តិបែបនេះក្ដី ក៏អ្នកវិនិយោគនិងអ្នកពាក់ព័ន្ធ ក្នុងវិស័យមានឱកាសក្នុងការពង្រឹងអាជីវកម្ម និងសមត្ថភាពខ្លួនឯងដែរ។ ក្នុងដំណាក់ដែលលំបាក អ្នកដែលមានសមត្ថភាពនៅតែអាចធ្វើការបាន អ្នកដែលខិតខំប្រឹងនៅតែលេចធ្លោ ហើយដែលមិនខំប្រឹង នៅតែពិបាកមិនលេចធ្លោឡើយ។ ដូច្នេះនៅក្នុងដំណា​ក់កាលនេះ យើងគួរតែរៀនសូត្របន្ថែម ពង្រឹងសមត្ថភាពរបស់ខ្លួនបន្ថែម។

ជាមួយគ្នានេះ លោកច្រឹក សុខនីមប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាបានឱ្យដឹងថា ដូចពាក្យចាស់លោកថា  នៅក្នុងគ្រោះតែងតែមានលាភ ទោះបីមានភាពប្រឈមយ៉ាងណាក៏ដោយ អ្នកវិនិយោគមានឱកាសវិនិយោគក្នុងសម័យនេះដែរ។

លោកបន្តថា “ក្នុងពេលនេះ អ្នកដែលមានបញ្ហាខ្លាំង គាត់អាចប្រឹក្សាជាមួយអ្នកជំនាញអចលនទ្រព្យ ដើម្បីសិក្សាពីតម្រូវការអចលនទ្រព្យនិងរកដំណោះស្រាយនានា”។

លោកច្រឹក សុខនីមបានបញ្ជាក់ថា ទោះបីជាមានបញ្ហាប្រឈមយ៉ាងណាក្ដី តែតម្លៃអចលនទ្រព្យទាំងនៅកម្ពុជា និងប្រទេសអាស៊ានជាច្រើនមិនទាន់មានការធ្លាក់ថ្លៃទេ តែផ្ទុយទៅវិញអចលនទ្រព្យតម្លៃថ្លៃៗ ក៏នៅតែមានការទិញលក់ដែរ។ ទាំងនេះវាបានបញ្ជាក់កូវីដ១៩ វាបានជះឥទ្ធិពលដល់សុខភាពសាធារណៈ តែវាមិនទាន់មានឥទ្ធិពល ដល់ការធ្វើឱ្យសេដ្ឋកិច្ចដួលរំលំនោះទេ ដូច្នេះវាជាឱកាសក្នុងការបណ្ដាក់ទុនវិនិយោគ សម្រាប់បន្តដំនើរសេដ្ឋកិច្ចទៅមុខ៕

អ្នកអភិវឌ្ឍន៍និងអ្នកទិញក្នុងស្រុកក្លាយចំណែកដ៏ធំមួយក្នុងការស្តារវិស័យអចលនទ្រព្យកម្ពុជា

ដោយៈ សុផារី

ភ្នំពេញៈ អ្នកជំនាញនៃវិស័យអចលនទ្រព្យ បានមើលឃើញពីសន្ទុះនៃតម្រូវការក្នុងស្រុកមានការងើបឡើងវិញ ដែលជាកម្លាំងចលករមួយជំរុ​ញដល់សកម្មភាពអចលនវត្ថុនៅប្រទេសកម្ពុជា ស្របពេលដែលប្រទេសនេះ កំពុងខិតទៅជិតការស្តារឡើងវិញនៃសេដ្ឋកិច្ច ជាមួយនឹងអត្រានៃការចាក់វ៉ាក់សាំងមានសន្ទុះកើនឡើងយ៉ាងខ្លាំង នៅទូទាំងផ្ទៃប្រទេស។

នៅក្នុងវេទិកាកម្មវិធីពិភាក្សាតុមូលសារព័ត៌មាន ដែលដាក់សម្ពោធជាផ្លូវការ នៃកម្មវិធីពានរង្វាន់អចលនទ្រព្យកម្ពុជា PropertyGuru លើកទី៧  វគ្គ edition ប្រចាំឆ្នាំ២០២២ នៅថ្ងៃទី២៣ ខែកុម្ភៈ អ្នកស្រី គីម គិនកេសា ប្រធានជាន់ខ្ពស់ផ្នែកស្រាវជ្រាវ និងទីប្រឹក្សា CBRE Cambodia បានលើកឡើងថា “អតិថិជនក្នុងស្រុក កំពុងក្លាយជាចំណែកដ៏ធំមួយ របស់អ្នកទិញនាពេលនេះ។ អ្វីដែលយើងកំពុងមើលឃើញគឺថាកាលពីមុន អគារខុនដូមួយចំនួន គឺសម្រាប់តែអតិថិជនជាជនជាតិចិនប៉ុណ្ណោះ។

ប៉ុន្តែឥឡូវនេះ អ្នកអភិវឌ្ឍន៍កំពុងតែមានការផ្លាស់ប្តូរការរចនាម៉ូត ឬលក្ខខណ្ឌនៃការប្រគល់ផ្ទះ ដើម្បីឱ្យកាន់តែមានភាពទាក់ទាញ ចំពោះអ្នកទិញក្នុងស្រុកថែមទៀត។

PropertyGuru (PropertyGuru Property Report) នៅថ្ងៃទី២៣ ខែកុម្ភៈ បានរាយការណ៍ថា អតិថិជនក្នុងស្រុកនៅក្នុងប្រទេសកម្ពុជា ដែលស្វែងរកការលក់រហ័ស ដើម្បីទទួលបានផលចំណេញច្រើន បានបង្វែរការចាប់អារម្មណ៍យ៉ាងខ្លាំង ចំពោះវិស័យអចលនទ្រព្យ នាឆ្នាំកន្លងទៅ បន្ទាប់ពីមានការកើតឡើងនូវជំងឺរាតត្បាតសកល។

ស្ថា័នដដែលបានរាយការណ៍ថា ជាលទ្ធផល ទីផ្សារកម្ពុជាបានរក្សាកំណើនកាន់តែមានភាពប្រសើរឡើង និងប្រកបដោយនិរន្តរភាព ដោយអ្នកអភិវឌ្ឍបានទម្លាក់តម្លៃ ក្នុងកម្រិតមួយយ៉ាងសមរម្យ និងផ្តល់ជូននូវជម្រើសបន្ថែមតាមតម្រូវការរបស់អតិថិជន ដូចជាទៅលើការរចនាម៉ូត និងការបំពាក់គ្រឿងបរិក្ខារ ស្របទៅតាមការពេញនិយមបែបខ្មែរជាដើម៕

គ្រូអចលនទ្រព្យៈការកសាងទំនុកចិត្តមានសារសំខាន់ក្នុងការប្រឡូកវិស័យអចលនទ្រព្យ

ដោយៈវឌ្ឍនៈ

ភ្នំពេញៈ នៅក្នុងវិស័យអចលនទ្រព្យកម្ពុជាបាន និងកំពុងទាក់ទាញមនុស្សជាច្រើន បានចូលប្រឡូកដើម្បីរកប្រាក់ចំណេញ ហើយក៏មានមនុ​ស្សមួយចំនួនទទួលបានជោគជ័យ ពីការប្រឡូកក្នុងវិស័យនេះ និងមួយចំនួនទៀត ក៏មិនបានជោគជ័យទៅតាមអ្វីដែលខ្លួនប្រាថ្នា។

គ្រូបង្គោលនៃវិស័យអចលនទ្រព្យ​ ប្រចាំក្រុមហ៊ុនមួយបានបញ្ជាក់ថាការកសាងទំនុកចិត្ត មានសារសំខាន់ណាស់ ក្នុងការប្រឡូកវិស័យអចលនទ្រព្យ ដែលអ្នកប្រឡូកក្នុងវិស័យនេះត្រូវតែមាន។

លោកព្រាប កុល គ្រូបង្គោលនៃក្រុមហ៊ុនអចលនទ្រព្យ Century 21 Cambodia បានមានប្រសាសន៍ឲ្យដឹងនាព្រឹកថ្ងៃទី២៤ កុម្ភៈនេះថា ការកសាងទំនុកចិត្តគឺជាទុនមួយដ៏សំខាន់ ក្នុងការលក់អចលនទ្រព្យ ក៏ដូចជាការវិនិយោគក្នុងវិស័យនេះ ហើយនៅពេលមានទំនុកចិត្តខ្ពស់ និងមានការទុកចិត្តពីមនុស្សជាច្រើន នោះនឹងធ្វើឱ្យការវិនិយោគការលក់ អចលនទ្រព្យរបស់បុគ្គលនោះនឹងទទួលបានការជោគជ័យខ្ពស់ផងដែរ ។

លោកបន្តថា “ដើម្បីទទួលទំនុកចិត្តពីអ្នកណាម្នាក់ យើងត្រូវការកសា​ងទំនាក់ទំនងជាមួយមនុស្សឱ្យបានច្រើន ហើយការកសាងទំនាក់ទំនងយើងត្រូវតែបង្កើតទំនាក់ទំនងឱ្យបានល្អ និងបង្ហាញពីភាពស្មោះត្រង់ចំពោះដៃគូទំនាក់ទំនងរបស់យើងដែរ”។ លោកបន្តថា “បើសិនជាយើងមិនមានទំនាក់ទំនងល្អៗ ជាមួយអ្នកដែលមានសក្ដានុពល ក្នុងការទិញអចលនទ្រព្យហើយនោះ យើងក៏មិនអាចឈានទៅដល់ ការកសាងទំនុកចិត្តដែរ ព្រោះមិនដឹងថាយើងផ្ដល់ទំនុកចិត្តទៅអ្នកណា”។

លោកព្រាប កុលបានបន្ថែមថា ចង់ឱ្យជំនួញរបស់យើងទទួលបានជោគជ័យ យើងត្រូវការពេលវេលា ដើម្បីកសាងទំនាក់ទំនង ទំនុកចិត្ត មិនមែនយើងប្រឡូកវិស័យនេះភ្លាម ហើយយើងចង់បញ្ចប់កិច្ចសន្យាលក់អច​លនទ្រព្យតម្លៃរាប់លានដុល្លារនោះទេ។ ជំនាញមួយទៀត ដែលភ្នាក់ងារអចលនទ្រព្យទទួលបានជោគជ័យនោះ គឺជាអ្នកពូកែសម្របសម្រួល គឺជួ​យឱ្យអ្នកលក់បន្ទាន់បញ្ចុះតម្លៃបន្តិច អ្នកទិញហ៊ានឡើងថ្លៃបន្តិច នោះការលក់នឹងត្រូវរូវគ្នា ហើយយើងនឹងអាចបញ្ចប់ការលក់ ដោយជោគជ័យផងដែរ ។

លោកបន្ថែមថា “ភាពស្មោះត្រង់ ការគោរពគ្នាទៅវិញទៅមក ក៏ជាកត្តាសំខាន់មួយ ក្នុងការកសាងទំនុកចិត្ត និងជាបាតគ្រឹះនៃការចូលរួមប្រឡូកក្នុងជំនួញអចលនទ្រព្យ ជាអ្នកសម្របសម្រួលរវាងអ្នកលក់និងអ្នកទិញ”។ លោកបន្តថា “យើងត្រូវចាំថាលុយ គឺជាផ្នែកមួយតែប៉ុណ្ណោះសម្រា​ប់អ្នកមានលុយ ។ អ្នកមានគេត្រូវការមនុស្សដែលពូកែ ធ្វើឱ្យគេសប្បាយចិត្ត ជាអ្នកដែលមានភាពស្មោះត្រង់ជាមួយ ហើយនៅពេលគេទុកចិត្តលើអ្នកណាម្នាក់ ហើយគេមិនស្ដាយនឹងការចំណាយនោះទេ”។

ចំណែកលោកឃីម សុខហេង ទីប្រឹក្សាសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាបានថ្លែងថា តួនាទីជាភ្នាក់ងារអចលនទ្រព្យគឺមា​នសារសំខាន់ណាស់ ពីព្រោះពួកគេបានជួយដល់អ្នកទិញ និងអ្នកអភិវឌ្ឍន៍អចលនទ្រព្យ និងជាពិសេសនោះគឺជួយដល់ធនាគារផងដែរ។ ដូច្នេះភ្នាក់​ងារនេះត្រូវតែមានក្រមសីលធម៌ ត្រូវតែមានចំណេះដឹង ជំនាញ ច្បាស់លា​ស់”៕

China Evergrande facing criminal probe

 

An allegation of criminal conduct has been filed against the directors of China Evergrande, Asia Markets can reveal.

Dr Marco Metzler, a credit analyst and Evergrande creditor, is accusing the Chinese property giant of committing insolvency fraud in documents submitted to the Director of Public Prosecutions in the Cayman Islands.

“The company defaulted in December … but the directors did not file for bankruptcy in the Caymans, where the group his headquartered,” Dr Metzler said.

“(Therefore) they are in breach of their duties (and this is) a crime in the Caymans. We have reported this to the public prosecutor to start an investigation.”

Dr Metzler says he’s doing this to ensure Evergrande is declared bankrupt and goes into a default status with the ratings agencies.

“Hopefully we will bring this to an end, I’m committed to that,” Dr Metzler said.

“This takes time. To be declared bankrupt by the court can take another three to four weeks.”

Dr Metzler, who has been outspoken in his criticism of Evergrande since its troubles became widely publicised last year, says his team sees itself as the “trustee” of all international Evergrande creditors.

“In order to reduce the cost risk for each claimant, we are offering other international and national creditors to join our proceedings,’ Dr Metzler said.

“As the management of Evergrande Holding has so far failed to initiate insolvency proceedings, there is a strong suspicion that the directors of Evergrande have caused substantial pecuniary loss to the company’s creditors through deception and breaches of their duty of care.

“Such conduct is punishable according to the Cayman Islands Criminal Code!”

Dr Metzler says it is now the responsibility of the local authorities to investigate the case and hold the directors personally liable.

“We have to prevent further asset transfers to the detriment of international creditors,” Dr Metzler said.

“The company has already sold shares and assets several times in a distress sale, knowing full well that it was making losses.

“Worse still, in recent months there have been multiple illegal transfers of assets, causing significant damage to us as international creditors, as this illegal action is likely to have severely impacted their chances of recovering their assets.

“As more and more distress sales are taking place and overdue bond interest is repeatedly not paid to foreign investors, we had to act in our own interest but also in the interest of all international creditors.”

Asia Markets provides a different perspective from the fastest growing region on the planet. Subscribe free here.

Source: Asia Market

ក្រុមហ៊ុនអចលនទ្រព្យលំដាប់យក្សចិន China Evergrande កំពុងជួបព្យុះភ្លៀងថ្មីមួយទៀត

ដោយៈសុខុម

អន្តរជាតិ: សារព័ត៌មាន Asia Markets បានទម្លាយឱ្យដឹងកាលពីពុធ ទី២៣កុម្ភៈ ថា ពេលនេះក្រុមនាយក នៃក្រុមហ៊ុនអភិវឌ្ឍន៍អចលនទ្រព្យខ្នាតយក្សរបស់ចិន ដែលសម្បូររឿងអាស្រូវ China Evergrande កំពុងទទួលរងពាក្យបណ្ដឹងបទព្រហ្មទណ្ឌ។

លោកបណ្ឌិត Marco Metzler ដែលជាអ្នកវិភាគវាយតម្លៃឥណទាន និងជាម្ចាស់បំណុលរបស់ក្រុមហ៊ុន Evergrande កំពុងចោទប្រកាន់ក្រុមហ៊ុនអចលនទ្រព្យ ដែលជំពាក់បំណុលច្រើនបំផុត របស់ប្រទេសចិន ជាមួ​យនឹងបំណុល រហូតដល់ទៅជាង៣០០ពាន់លានដុល្លារអាមេរិក មួយនេះថា បានប្រព្រឹត្តអំពើក្លែងបន្លំជុំវិញការក្ស័យធន តាមរយៈឯកសារដែលបានដាក់ជូន នាយកកិច្ចការអយ្យការនៅកោះ Cayman Islands នៃប្រទេសអង់គ្លេស។

បណ្ឌិតរូបនេះអះអាងថា “ក្រុមហ៊ុននេះ បានខកខានសងបំណុលតាមពេលវេលាកំណត់កាលពីខែធ្នូ ប៉ុន្តែក្រុមនាយកនៃក្រុមហ៊ុននេះមិនបានដាក់ពាក្យសុំក្ស័យធននៅកោះ Cayman Islands ជាកន្លែងដែលក្រុមហ៊ុនរបស់ខ្ញុំ មានការិយាល័យកណ្ដាលនៅទីនោះឡើយ”។ លោក បន្ថែមថា “ដូចនេះ ពួកគេបានបំពានលើកាតព្វកិច្ចរបស់ខ្លួន ហើយទង្វើបែបនេះ គឺជាបទល្មើសព្រហ្មទណ្ឌនៅកោះ Cayman Islands។ យើងបានរាយការណ៍រឿងនេះ ទៅព្រះរាជអាជ្ញាឱ្យបើកការស៊ើបអង្កេតហើយ”។

លោកប្រាប់ថា មូលហេតុដែលលោកធ្វើបែបនេះ គឺដើម្បីឱ្យប្រាកដថា ក្រុមហ៊ុន Evergrande ត្រូវបានប្រកាសក្ស័យធន និងធ្លាក់ចូលក្នុងស្ថានភាពខកខានសងបំណុលជាផ្លូវការ ដូចការវាយតម្លៃរបស់បណ្ដាទីភ្នាក់ងារវាយតម្លៃកម្រិតគុណភាពបំណុល។

លោកបានបន្តថា “សង្ឃឹមថាយើងនឹងបញ្ចប់រឿងនេះ ហើយខ្ញុំប្តេជ្ញាធ្វើរឿងនេះ ឱ្យខាងតែបាន។ រឿងនេះត្រូវការពេលវេលា ហើយដើម្បីឱ្យតុលាកាសសម្រេចប្រកាស ដាក់ក្រុមហ៊ុននេះក្ស័យធន អាចនឹងត្រូវការពេលពី៣ទៅ ៤សប្ដាហ៍ទៀត”។

លោកបណ្ឌិត Marco Metzler តែងតែរិះគន់ក្រុមហ៊ុន Evergrande ដោយមិនសំចៃមាត់ ចាប់តាំងពីវិបត្តិរបស់ក្រុមហ៊ុននេះ ត្រូវបានសារព័ត៌មា​ន​ចុះផ្សាយព្រោព្រាត ល្បីសុសសាយពេញពិភពលោក ក្នុងឆ្នាំ២០២១កន្លងមក៕ Asia Markets៕

ខេត្តព្រះសីហនុមានកិច្ចសហប្រតិបត្តិការទំនាក់ទំនងមិត្តភាពជាមួយចិនលើខេត្ត ក្រុងចំនួន១៨

ដោយៈគង់ ម៉ាលីនណា

ព្រះសីហនុៈ អភិបាលនៃគណៈអភិបាលខេត្តព្រះសីហនុ លោកគួច ចំរើន បានឲ្យដឹងថា ខេត្តព្រះសីហនុបានសហប្រតិបត្តិការជាមួយ ខេត្តក្រុងរបស់ចិនចំនួន១៨ ដើម្បីចំណងមិត្តភាព និងវិបុលភាពរួមគ្នា។

លោកគួច ចំរើន បានមានប្រសាសន៍ឲ្យដឹងបែបនេះ ក្នុងពេលអនុ​ញ្ញាតឱ្យលោក ហ៊ូ វៃ (HU WEI) ប្រធានផ្នែកកុងស៊ុលចិន ប្រចាំខេត្តព្រះសីហនុ ចូលជួបសម្តែងការគួរសមកាលពីដើមសប្តាហ៍នេះថា ក្នុងចំណោម​ខេត្ត ក្រុងចំនួន១៨នោះ មានខេត្ត ក្រុងចំនួន១៤ បានបង្កើតជាសម្ព័ន្ធភាពជាខេត្តក្រុងបងប្អូន ដោយឡែកនៅខេត្តក្រុងចំនួន៤ទៀត កំពុងធ្វើការទំនាក់ទំនងជិតស្និទ្ធ ដើម្បីឈានទៅដល់ការចុះហត្ថលេខាផ្លូវការ សម្រាប់សម្ព័ន្ធភាពបងប្អូននាពេលខាងមុខ។

លោកបន្តថា រយៈពេលពីរឆ្នាំដែលកម្ពុជា ក៏ដូចខេត្តព្រះសីហនុ ជួបប្រទះផលប៉ះពាល់ ដោយសារជំងឺកូវីដ-១៩។ ក្នុងនោះខេត្តព្រះសីហនុ បានទទួលការគាំទ្រពីមិត្តចិន ដែលបានផ្ដល់ជាសម្ភារៈ ឧបករណ៍ និងថវិកាចូលរួមប្រយុទ្ធប្រឆាំងនឹងជំងឺកូវីដ-១៩ តាមរយៈបុគ្គល និងតាមសមាគមខេត្តជាំងស៊ូ ជាបន្តបន្ទាប់ សកម្មភាពទាំងនេះ គឺបានបង្ហាញពីទឹកចិត្តជួយគ្នាក្នុងគ្រាលំបាក និងសូមអរគុណដល់ថ្នាក់ដឹកនាំចិន អ្នកទេសចរ និងអ្នកវិនិយោគចិន ដែលជួយអភិវឌ្ឍនៅខេត្តព្រះសីហនុ។

លោក ហ៊ូ វៃ (HU WEI) ប្រធានផ្នែកកុងស៊ុលចិន ប្រចាំខេត្តព្រះសីហនុ ថ្លែងអំណរគុណលោកអភិបាលខេត្តព្រះសីហនុ ដែលអនុញ្ញាតិឱ្យរូបលោក និងសហការីចូលជួបសម្តែងការគួរសម ពិភាក្សាការងារ និងដោះស្រាយបញ្ហាប្រឈមនានា ក្នុងកិច្ចសហប្រតិបត្តិការដៃគូយុទ្ធសាស្ត្រ រវាងប្រទេសទាំងពីរ ដែលមានអ្នកវិនិយោគ និងអ្នកទេសចរចិន បានមកធ្វើការវិនិយោគនៅតំបន់សេសកិច្ចពិសេស ក្រុងព្រះសីហនុ វាបានផ្តល់ឱកាសការងារជូនបងប្អូនប្រជាពលរដ្ឋកម្ពុជា ក្នុងការរួមចំណែកអភិវឌ្ឍសេដ្ឋកិច្ចសង្គម និងមានទំនាក់ទំនងល្អ ពិសេសផ្នែកពាណិជ្ជកម្មកាន់តែល្អប្រសើរថែមទៀត៕