ដោយៈគង់ សិរីជេស៊ីកា

ភ្នំពេញៈ ស្របពេលទីផ្សារដីឡូត៍នៅតែទទូលបានការគាំទ្រ និងមានបញ្ហាខ្លះៗបានលេចឡើង អ្នកជំនាញនៅក្នុងវិស័យនេះ បានលើកឡើងនូវនិតិវិធីច្បាប់សំខាន់ៗចំនួន៦ដើម្បីសិក្សានិងបញ្ចៀសបាននូវហានិភ័យ។

លោកលី សុខឆា យអគ្គនាយកក្រុមហ៊ុន LSCG បានមានប្រសាសន៍ឲ្យដឹងកាលពី​សប្តាហ៍មុនថា អ្នកទិញដីឡូត៍ដើម្បីមានសុវត្ថិភាព និងបញ្ចៀសបាននូវហានិភ័យគួរសិក្សាចំណុចសំខាន់ៗដូចជា៖

👉: ទី១. ក្រុមហ៊ុនអភិវឌ្ឍន៍ដីឡូត៍នោះត្រូវមាន វិញ្ញាបនបត្របញ្ជាក់ការចុះឈ្មោះក្នុងបញ្ជីពាណិជ្ជកម្ម។
👉: ទី២. ក្រុមហ៊ុនអភិវឌ្ឍន៍ដីឡូត៍នោះ ត្រូវមានវិញ្ញាបនបត្រចុះបញ្ជីពន្ធដា
👉: ទី៣. ក្រុមហ៊ុនអភិវឌ្ឍន៍ដីឡូត៍នោះត្រូវមាន ប័ណ្ណពន្ធប៉ាតង់
👉: ទី៤. ក្រុមហ៊ុនអភិវឌ្ឍន៍ដីឡូត៍នោះត្រូវមាន អាជ្ញាប័ណ្ណអភិវឌ្ឍន៍ដីឡូត៍
👉: ទី៥. ក្រុមអភិវឌ្ឍន៍ដីឡូត៍នោះត្រូវមាន វិញ្ញាបនបត្រសម្គាល់ម្ចាស់អចលនវត្ថុ (ប្លង់ដី) ដែលមានឈ្មោះក្រុមហ៊ុន ឬឈ្មោះម្ចាស់ក្រុមហ៊ុនជាម្ចាស់កម្មសិទ្ធិដីអភិវឌ្ឍន៍នេះ។

👉: ទី៦. ក្រុមហ៊ុនអភិវឌ្ឍន៍ដីឡូត៍នេះត្រូវតែ បញ្ចាក់ថា វិញ្ញាបនបត្រសម្គាល់ម្ចាស់អចលនវត្ថុ (ប្លង់ដី) មិនជាប់បន្ទុកធនាគារ ឬជាប់បញ្ចាំឯកជនណាមួយនោះទេ៕

ដោយៈ ជេស៊ីកា

ភ្នំពេញៈ មជ្ឈមណ្ឌលពាណិជ្ជកម្ម លំនៅដ្ឋាន ខុនដូ ដែលកំពុងអភិវឌ្ឍន៍នៅរាជធានីភ្នំពេញ មិនថមថយល្បឿននោះទេ ជាក់ស្តែងខ័ណ្ឌទួលគោកបានផ្លាស់ប្តូរមុខមាត់យ៉ាងឆាប់រហ័ស ក្នុងរយៈពេលបីឆ្នាំចុងក្រោយនេះ ដោយផ្លាស់ប្តូរពីតំបន់លំនៅដ្ឋាន ទៅជាតំបន់ពាណិជ្ជកម្មយ៉ាងរសរវើក។

យោងតាមការសិក្សារបស់ក្រុមហ៊ុន CBRE Cambodia កាលពីចុងឆ្នាំមុនបានរកឃើញថា ដោយ​សារកំនើននៃការវិនិយោគនៅតំបន់នេះ ពិសេសការកសាងខុនដូ អាផាតម៉ិន និងអាគារ​ពាណិជ្ជកម្មនានាបានធ្វើឲ្យតម្លដីធ្លី នៅក្នុងខ័ណ្ឌទួលគោកកើនឡើងជាប្រចាំ។

រហូតមកទល់ពេលនេះដីនៅតាមបណ្តោយផ្លូវធំៗ និងជាតំបន់មជ្ឈមណ្ឌលពា​ណិជ្ជកម្មបានកើនឡើងដល់ចន្លោះ៥០០០ ទៅ៦០០០ដុល្លារួចទៅហើយ ក្នុងមួយម៉ែត្រការ៉េ។

អគ្គនាយិកាប្រចាំប្រទេសនៃក្រុមហ៊ុន PropNex Cambodia អ្នកស្រីអាន សុធីតាបានមានប្រសាសន៍ឲ្យដឹងកាលពីពេលថ្មីៗនេះថា តំបន់ទួលគោកបានផ្លាសប្តូរយ៉ាង​លឿន ដោយសារការកើនឡើ​ង នូវការអភិវឌ្ឍមជ្ឈមណ្ឌលពាណិជ្ជកម្ម (CBD) នៅក្នុងមូលដ្ឋាននេះកើនឡើងច្រើន ពិ​សេ​សកំនើននៃការវិនិយោគពីអ្នកវិនិយោគក្នុងស្រុក និងជនបរទេ​ស ដែលបានប្រែក្លាយតំបន់នានាក្នុងខ័ណ្ឌទួលគោក ក្លាយជាមជ្ឈមណ្ឌលពាណិជ្ជកម្មយ៉ាងរសរវើក។

អ្នកស្រីបានបន្តថា “ការរីកចម្រើននេះ បានធ្វើឲ្យអ្នកវិនិយោគកាន់តែផ្តោតលើតំបន់នេះ ហើយនាពេលអនាគតតម្លៃលំនៅដ្ឋាន និងដីធ្លីនឹងមានកំនើនខ្ពស់ថែមទៀត”។ ​អ្នកស្រីបន្ថែមថា “បច្ចុប្បន្នគំរោងខុនដូ អាផាតម៉ិនជាច្រើនបានបញ្ចប់ការសាងសង់ និងកំពុងសាងសង់នៅតំបន់នេះ ដែលវាជាតំបន់ទី២បន្ទាប់ពីខ័ណ្ឌចំការមន ខ័ណ្ឌ៧មករានិ​ង​ខ័ណ្ឌដូនពេញ”។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកច្រឹក សុខនីមបានមានប្រសាសន៍ថា ការរីកចម្រើនខ័ណ្ឌទួលគោក មួយផ្នែកដោយសារឥទ្ឋិពលចេញពី​ខ័ណ្ឌចំការមន ដូនពេញ និងខ័ណ្ឌ៧មករា ពិសេសតម្លៃនៅទីនោះមានភាពសមស្របងា​យស្រួលវិនិយោគកាលពីកំឡុង៣ទៅ៥ឆ្នាំមុន។

លោកបន្តថា “ទោះជាយ៉ាងណាបើគិតពីតំលៃជួលអាផាតម៉ិន នៅតំបន់ទួលគោក ធៀបនឹងខ័ណ្ឌចំការមន តំបន់ទួលគោកមានតម្លៃទាបជាងប្រមាណ១៥ភាគរយ តែបើធៀបតែតំបន់បឹងកេងកង១ តម្លៃខុសគ្នារហូតដល់ប្រមាណ៣០ភាគរយ”។

លោកច្រឹក សុខនីមបានបន្តថា តំបន់ទួលគោកនឹងបន្តរីកចម្រើនថែមទៀត ដោ​យ​សារកំនើន នៃការវិនិយោគរបស់ជនបរទេស កត្តាហេដ្ឋារចនាសម្ព័ន្ឋល្អប្រសើរ និងភាពទាក់ទាញដែលមានស្រាប់នៅតំបន់នេះ ពិសេសតង់ស៊ីតេប្រជាជនមានកំនើនខ្ពស់នៅក្នុង​ខ័ណ្ឌមួយនេះ ដែលវាជាខ័ណ្ឌមានភាពរីកចម្រើន បន្ទាប់ពីខ័ណ្ឌបីទៀត គឺចំការមន ដូនពេញ និងខ័ណ្ឌ៧មករា៕

ដោយៈគង់ សូរិយា

ភ្នំពេញៈ ក្រុមហ៊ុនជប៉ុនធំមួយ នឹងបើកសណ្ឋាគាររបស់ខ្លួន នៅទីក្រុងភ្នំពេញ ស្ថិតនៅតំបន់ ដែលមានការធ្វើពាណិជ្ជកម្មរសរវើកមួយ ស្ថិតនៅក្នុងសង្កាត់ទួលទំពូង រាជធានីភ្នំពេញ។

សណ្ឋាគារដែលគ្រោងបើកដំណើរការនេះ មានឈ្មោះ Nikko Phnom Penh ដែលសណ្ឋាគារនេះ នឹងរួមបញ្ចូលនូវការិយាល័យ អាផាតម៉ិន ពោលគឺជាអគារប្រើប្រាស់ច ម្រុះ។

តាមផែនការសណ្ឋាគារនេះ នឹងបើកដំណើរការនៅឆ្នាំ២០២៤ខាងមុខនេះ ខណៈបច្ចុប្បន្នក្រុមហ៊ុននេះកំពុងសាងសង់អាគារប្រើប្រាស់រួមនេះនៅឡើយ។

សណ្ឋាគារនេះមានបន្ទប់សរុបចំនួន២០១ នៅចន្លោះជាន់ទី១៤ដល់២២ នៃអគារកំពស់ ៣៦ជាន់ ដែលកំពុងសាងសង់នៅឡើយ។ សណ្ឋាគារនេះ ក៏មានរួមបញ្ចូលនូវភោជនីយដ្ឋានលំដាប់ខ្ពស់ ជាមួយរសជាតិអាហារបែបជប៉ុន និងមាន Skybar នៅជាន់ទី២៣ ដែលអ្នកស្នាក់នៅអាយគយគន់ទិដ្ឋភាពរាជធានីភ្នំពេញផងដែរ។

ក្រុមហ៊ុនវិនិយោគសណ្ឋាគារនេះ នឹងបំពាក់នូវសម្ភារៈបរិក្ខាប្រណីតៗ ដែលមានស្តងដាអន្តរជាតិ ពិសេសជាទីតាំាំងមួយសម្រាប់ការជួបជុំ និងកន្លែងប្រជុំ និងជាទីតាំងចងបណ្តាញអ្នកធុរកិច្ចលំដាប់អន្តរជាតិផងដែរ៕

វិមានសិល្បៈដែលស្ថិតនៅកណ្តាលទីក្រុងភ្នំពេញនិងមានតែមួយគត់នៅអាស៊ី

ភ្នំពេញ៖ វិមានសិល្បៈដែលមានតែមួយគត់នៅអាស៊ី-ពីកាសូ ស៊ីធី ហ្គាដិន​ ត្រូវបានបញ្ចប់ការសាងសង់ ដែលទទួលបានការអបអរសាទរ និងកោតសរសើរពី ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក។ ទីតាន ស្តូន គ្រុប នៅទីក្រុងហុងកុង មិនខ្លាចជំងឺកូវីដ-19 បានជំនះរាល់ការលំបាក និង​ ក្នុងគោលបំណងនាំយកអាគារខុនដូបែបសិល្បៈនេះបង្ហាញទៅកាន់ពិភពលោក។ ទីតាន ស្តូន គ្រុប រំពឹងថា ពីកាសូ ស៊ីធី ហ្គាដិននឹងក្លាយទៅជាស្តង់ដារថ្មីមួយ នៃលំនៅដ្ឋានប្រណិត និងវិស័យអចលនទ្រព្យនៅក្នុងរាជធានីភ្នំពេញ។

ពីកាសូ​ ស៊ីធី ហ្គាដិនជំនះរាល់ឧបសគ្គ ដើម្បីពង្រីកទីផ្សារអចលនទ្រព្យ
ការរីករាលដាលនៃជម្ងឺកូវីត​ ធ្វើអោយមានការប៉ះពាល់ខ្លាំងលើគ្រប់វិស័យ។​ ប៉ុន្តែ ទីតាន ស្តូនគ្រុបនៅទីក្រុងហុងកុង មិនអនុញ្ញាតឱ្យជំងឺរាតត្បាតប៉ះពាល់ដល់គម្រោងសាងសង់មួយនេះឡើយ។ ទីតាន ស្តូន គ្រុបនៅទីក្រុងហុងកុងបានអនុវត្តវិធានការបង្ការជំងឺរាតត្បាតតាមស្តង់ដារខ្ពស់បំផុត និងរៀបចំការចាក់វ៉ាក់សាំងសម្រាប់បុគ្គលិក កម្មករ និងក្រុមគ្រួសាររបស់ពួកគេ។ ស្ថេរភាព​នៃលំហូរហិរញ្ញវត្ថុបានជំរុញអោយការដ្ឋាននៅតែបន្តដំណើរកា​រសាងសង់​ និងធ្វើឱ្យ ពីកាសូ ស៊ីធី ហ្គាដិន​ក្លាយជាគម្រោងមួយក្នុងចំណោមគម្រោងមួយចំនួនតូចក្នុងទីក្រុងភ្នំពេញដែលនឹងបញ្ចប់ក្នុងឆ្នាំនេះ ដែលជាការ​ជួយជ្រោមជ្រែងមួយយ៉ាងសំខាន់ក្នុងការលើកតម្កើងវិស័យ អចលនទ្រព្យដែលកំពុងតែធ្លាក់ចុះ។

បទពិសោធន៍គ្រប់គ្រងអាគារ និង​ឧបករណ៍ដ៏ប្រណិត
ផ្តល់សេវាកម្មគ្រប់គ្រង ទ្រព្យសម្បត្តិ សេវាបម្រើអតិថិជន និងសេវាកម្មផ្សេងទៀតដូចគ្នាទៅនឹងសណ្ឋាគារលំដាប់ផ្កាយប្រាំមួយ។ ពីកាសូ ស៊ីធី ហ្គាដិន ក៏មានមជ្ឈមណ្ឌលពាណិជ្ជកម្មនៅជាន់ទី 19 និងសាលជប់លៀងរួមបញ្ចូលគ្នាជាមួយភោជនីយដ្ឋាន មី ឈី លីន ដើម្បីបំពេញតម្រូវការរបស់ អតិថិជនដែលធ្វើការ ឬ អតិថិជនដែលបានចូលរួមកម្មវិធីជប់លៀងនៅអគារនេះ ។ នៅជាន់ទី 19 ក៏មានអាងហែលទឹក និងកន្លែងហាត់ប្រាណ ផងដែរ។​ ពីកាសូ ស៊ីធី ហ្គាដិន ផ្តល់នូវបទពិសោធន៍កម្រិតអន្តរជាតិទៅកាន់ភ្ញៀវ ដែលកន្លែងហាត់ប្រាណត្រូវបានបំពាក់ដោយឧបករណ៍ទំនើប​ Technogym ដែលជាឧបករណ៍ដែល ក្រុមហ៊ុន ​Ferrari ក្រុមហ៊ុន McLaren ក្រុមបាល់ទាត់ជម្រើសជាតិអ៊ីតាលី និងស្ថាប័នអន្តរជាតិកំពូលៗផ្សេងទៀតប្រើប្រាស់។

ផែនការបង្ការការរាតត្បាតសំខាន់ៗចំនួន ៧ ដើម្បីធានាសុខភាពរបស់អតិថិជន
ការទប់ស្កាត់ជំងឺកូវីដនៅក្នុងបរិយាកាសរស់នៅបានក្លាយជាចំណុចសំខាន់នៃការរៀបចំផែនកាអចលនទ្រព្យនាពេលបច្ចុប្បន្ននេះ។ ពីកាសូ ស៊ីធី ហ្គាដិន មានផែនការសំខាន់ៗចំនួន 7 រួមមាន “ការការពារពេលចេញចូលអាគារ ការសម្លាប់មេរោគក្នុងទីសាធារណៈ ការបស្សុទ្ធ ខ្យល់ ការរក្សាអនាម័យ ការផ្គត់ផ្គង់ទឹកស្អាត ការប្រើប្រាស់សម្ភារៈប្រឆាំងនឹងបាក់តេរី និងសេវាកម្មបង្ការការរាតត្បាត”។​ ឧបករណ៍ទាំងនោះមានដូចជា៖ បំពង់ស្រូបក្លិនមិនល្អ ម៉ាស៊ីនកំចាត់បាក់តេរីដោយកាំរស្មីអ៊ុលត្រាវីយូឡេ និងបន្ទះថ្នាំសំលាប់មេរោគ ទុយោស្តុកទឹក និងសន្ទះ ស្រូប ក្លិនកខ្វក់ ដើម្បីធានាអោយការការពារកាន់តែមានប្រសិទ្ធិភាព និងធានាដល់សុខភាពអ្នករស់នៅ។

កម្ពុជាសាកសមនូវលំនៅដ្ឋានលំដាប់ខ្ពស់ ទីតាន ស្តូននៅទីក្រុងហុងកុងនឹងបន្តការចាក់ឬសនៅប្រទេសកម្ពុជា
លោក Darren Teng នាយកគ្រប់គ្រងទូទៅនៃ ទី តាន ស្តូន គ្រុបនៅទីក្រុង ហុងកុង និងជាប្រធាន ក្រុមហ៊ុន ពីកាសូ ស៊ីធី ហ្គាដិន ដីវេឡុបម៉ិន ឯ.ក បានមានប្រសាសន៍ថា “ទីតាន ស្តូន គ្រុបនៅទីក្រុង ហុងកុង បានមើលឃើញពីសក្តានុពលទៅលើការអភិវឌ្ឍន៍របស់ប្រទេសកម្ពុជា ហើយជឿជាក់ថាគ្រប់គ្នាសាកសមនឹងទទួលបានផលិតផល និងសេវាកម្មដែលមានគុណភាពខ្ពស់នេះ ។ ដូច្នេះហើយ ការនាំយកស្លាកយីហោ ពីកាសូ លំដាប់អន្តរជាតិ គឺដើម្បីជាតម្រូវការអាជីវកម្មបង្កើតជាគំរូផ្ទះប្រណិត ។​ ​​​​​​​​​​​​​​​​​​​​​​​​​​​​​​​​​​​​ យើងក៏បានបង្កើតក្រុមហ៊ុនធានារ៉ាប់រងអាយុជីវិតទីតាន ស្តូន ឡាយហ្វ៍ និងតំបន់សេដ្ឋកិច្ចពិសេសទី តាន ស្តូន ដោយសង្ឃឹមថាសកម្មភាពអាជីវកម្មទាំងអស់នេះនឹងក្លាយជាធនធានអន្តរជាតិសម្រាប់ផ្តល់ផលិតផលដែលមានគុណភាពខ្ពស់ទៅកាន់មហាជន និងជួយអោយមានការអភិវឌ្ឍគ្រ​ប់វិស័យនៅក្នុងប្រទេសកម្ពុជា។ បន្ថែមពីលើផែនការបច្ចុប្បន្ន យើងនឹងបន្តវិនិយោគក្នុងប្រទេសកម្ពុជាជាបន្តបន្ទាប់នាពេលអនាគត ដើម្បីរីកចម្រើនជាមួយគ្នា។

ពីកាសូ ស៊ីធី ហ្គាដិនធ្វើជាគំរូមួយដ៏ល្អសម្រាប់ខុនដូដែលមានលក្ខណៈល្អប្រណិត
ការ​បញ្ចប់​គម្រោង Picasso City Garden គឺជា​ព្រឹត្តិការណ៍​ដ៏​សំខាន់​មួយ​ក្នុង​វិស័យ​អចលនទ្រព្យ​ក្នុង​ទីក្រុង​ភ្នំពេញ។ ទីតាន ស្តូន គ្រុបនៅទីក្រុង ហុងកុង រំពឹងថានឹងការលេចចេញនូវ គំរូខុនដូប្រណិតមួយនេះអាចលើកកម្ពស់គុណភាពនៃលំនៅដ្ឋាន ដើម្បីឱ្យសាធារណជនអាចរស់នៅប្រកបដោយសុវត្ថិភាព ផាសុខភាព និងសោភ័ណ្ឌភាព។ ពួកយើងសង្ឃឹមយ៉ាងមុតមាំថា ដំណឹងល្អនៃការបញ្ចប់គម្រោងនេះ អាចក្លាយជាកម្លាំងចលករសម្រាប់ វិស័យអចលនទ្រព្យ និងជំនះការលំបាកក្នុងពេលបច្ចុប្បន្នជាមួយគ្នា និងទន្ទឹងរង់ចាំស្ថានភាពល្អប្រសើរឡើង នាពេលខាងមុខ។

អំពី ទី តាន ស្តូន​ គ្រុប
ទីតាន ស្តូន គ្រុប ត្រូវបានបង្កើតឡើងក្នុងទីក្រុងហុងកុងក្នុងឆ្នាំ 2003 ជាក្រុមហ៊ុន វិនិយោគហិរញ្ញវត្ថុដែលមានជំនាញវិជ្ជាជីវៈ។ សកម្មភាពអាជីវកម្មរបស់ ទីតាន ស្តូន គ្រុប មានដូចជា៖ អចលនទ្រព្យនៅក្រៅប្រទេស និងការទិញភាគហ៊ុន ការគ្រប់គ្រងទ្រព្យសកម្ម ការគ្រប់គ្រងទ្រព្យសម្បត្តិឯកជន។ល។ ទី តាន ស្តូន គ្រុបមានបទពិសោធន៍រហូតដល់ 18 ឆ្នាំ ក្នុងវិស័យហិរញ្ញវត្ថុនិងមានបទពិសោធន៍ទៅលើការ វិនិយោគដ៏សំបូរបែប។ ជាមួយនឹងចក្ខុវិស័យពិសេសលើសពីទីផ្សារ ពួកយើងបានផ្តល់ឱ្យសហគ្រាស និងអ្នកវិនិយោគនូវឱកាសវិនិយោគឈានមុខគេបំផុត។ ទីតាន ស្តូន គ្រុបផ្តោតសំខាន់នៅក្នុងតំបន់អាស៊ី ដើម្បីអភិវឌ្ឍសេវាកម្មវិនិយោគពេញលេញ បង្កើនចំនួនវិនិយោគិននិងប្រកាន់ខ្ជាប់នយោបាយឈ្នះ-ឈ្នះសម្រាប់ រដ្ឋាភិបាលនិង សាធារណៈជន ក្នុងតំបន់ ។ ដើម្បីស្វែងយល់បន្ថែមអំពី ទីតាន ស្តូន គ្រុប សូមចូលទៅកាន់ http://www.titanstonegroup.com​ ។​