ដោយៈ សុផារី

ប្រទេសថៃៈ ស្ថានីយ៍រថភ្លើង Hua Lamphong ដែលមានអាយុរហូតដល់១៥០ឆ្នាំហើយនោះ នឹងត្រូវបិទដំណើរការទាំងស្រុងនៅចុងខែធ្នូឆ្នាំនេះ ដោយមជ្ឈមណ្ឌលផ្លូវដែកថ្មី នៃទីក្រុងបាងកក ត្រូវបានប្តូរទៅកាន់ស្ថានីយ៍ Bang Sue Grand វិញ។ នេះបើតាមការចុះផ្សាយរបស់ការិយាល័យព័ត៌មានជាតិ នៃប្រទេសថៃ ក្នុងថ្ងៃទី២៣ ខែវិច្ឆិកានេះ។

ផែនការអភិវឌ្ឍន៍ពាណិជ្ជកម្មដី ដែលមានទីតាំងនៅស្ថានីយ៍ Hua Lamphong ត្រូវបានគេរំពឹងថា នឹងបង្កើតចំណូលបានប្រហែល៨០០ពាន់លានបាត ក្នុងរយៈពេល៣០ឆ្នាំ ដែលនឹងជួយឱ្យស្ថាប័នរដ្ឋផ្លូវដែករបស់ប្រទេសថៃ (SRT) សងបំណុលចំនួន៦០០ពាន់លានបាតរបស់ខ្លួនបាន។

យោងតាមប្រភពស្ថាប័នរដ្ឋមួយនេះបានឱ្យដឹងថា សេវាកម្មផ្លូវដែកនៅ Hua Lamphong នឹងឈប់ដំណើរការទាំងស្រុងនៅថ្ងៃទី២៣ ខែធ្នូ ឆ្នាំ២០២១នេះតទៅ។ ទោះបីជាយ៉ាងណាក៏ដោយ មុនពេលបិទ ការធ្វើដំណើរប្រចាំថ្ងៃរបស់អ្នកដំណើរនឹងត្រូវកាត់បន្ថយពីចំនួន១៨៨ ទៅ២២លើកក្នុងមួយថ្ងៃ ហើយសេវាកម្មដឹកទំនិញនឹងត្រូវបង្វែរទៅស្ថានីយ៍ Chiang Rak Noi ក្នុងខេត្តអយុធ្យា ដើម្បីបញ្ចៀសចរាចរណ៍ទំនិញនៅស្ថានីយ៍ Bang Sue Grand។

លោក Saksayam រដ្ឋមន្ត្រីក្រសួងដឹកជញ្ជូនរបស់ថៃ បានមានប្រសាសន៍ឲ្យដឹងថា ផែនការបញ្ឈប់ការងារនៅស្ថានីយ៍ Hua Lamphong នឹងត្រូវបានអនុវត្តជាជំហានៗ ដើម្បីជៀសវាងការរំខាន ដល់សេវាកម្មដឹកជញ្ជូន នេះដើម្បីអនុញ្ញាតឱ្យមានពេលវេលាគ្រប់គ្រាន់សម្រាប់ការផ្លាស់ប្តូរ ដោយរលូនពីស្ថានីយ៍ Hua Lamphong និងស្ថានីយ៍ Bang Sue Grand៕

ដោយៈគង់ សូរិយា

ភ្នំពេញៈ អគ្គនាយិកាក្រុមហ៊ុន Angel Realty និងជាទីប្រឹក្សាជាន់ខ្ពស់ក្រុមហ៊ុនហ៊ួត ជាគ្រុបបាន អ្នកនាងឆយ ហ្រ្វីដា ចូលរួមចចែករំលែកចំណេះដឹង បទពិសោធន៍នៃភាពជាអ្នកដឹកនាំក្នុងវិស័យអចលនទ្រព្យ និងអាជីវកម្មនានា។

ការចែករំលែកនេះ ធ្វើឡើងក្នុងកម្មវវិធីជួបជុំសមាជិកគ្រួសារហ៊ួត ជាទាំង៧៨សា​ខា នៅសណ្ឋាគារបុរីអង្គរខេត្តសៀមរាប កាលពីចុងសប្តាហ៍មុន ដោយមានការចូលរួមពីលោកឧកញ៉ាហ៊ួត ជាអគ្គនាយកក្រុមហ៊ុនហ៊ួត ជាគ្រុប និងលោកឃឹម ហ្វីណង់អភិបាលស្រុកបន្ទាយស្រី ខេត្តសៀមរាប។

អ្នកនាងឆយ ហ្រ្វីដា បានមានប្រសាសន៍ឲ្យដឹងតាមបណ្តាញតេឡេក្រាម នៅថ្ងៃទី២៣ វិច្ឆិកា ដោយបានលើកឡើងនូវភារតភាព ក្នុងការរួមរួមរបស់សមាជិក ក្រុមហ៊ុនហ៊ួត ជាគ្រុបទូទាំងប្រទេស ការដេញថ្លៃគំរោង និងការប្រកួតប្រជែងក្នុងការលក់អចលនទ្រព្យ និងគ្រឿងសំណង់។

អ្នកនាងបានបន្តថា “ការប្រើប្រាស់ពេលវេលាអោយមានតម្លៃ អោយមានប្រយោ​ជន៍ គឺជាអ្វីដែល ខ្ញុំឈឺឆ្អាលចំពោះខ្លួនឯង និងអ្នកជុំវិញខ្លួន”។

ជាមួយគ្នានេះ អ្នកនាងឆយ ហ្រ្វីដា ក៏បានអរគុណនូវឱកាសដែលបានផ្តល់អោយ ការខិតខំ ប្រឹងប្រែងរបស់សមាជិក ក្រុមការងារជាគុណតម្លៃតែ១គត់ដែលថ្នាក់ដឹកនាំគ្រប់រូបចង់បាន។ រយះពេល៣ថ្ងៃពេញនៃការឈប់សំរាក យើងបានប្រជុំ ចែករំលែក រៀនសូត្រ លើកកម្ពស់ រវាងសមាជិក HC 78 សាខាទូទាំងប្រទេសទាំងមូលដើម្បីពង្រឹងអាជីវកម្មសារឡើងវិញ បន្ទាប់ពីវិប្បត្តិនេះមានវត្តមាន ហើយយើងកែប្រែការរស់នៅទាំងស្រុង។ យើងពង្រឹងការលក់គ្រឿងសំណង់ ការលក់អចលនទ្រព្យ ផ្អែកលើគោលការផលិតផលមានគុណភាពជូនអតិថិជន អ្នកលក់ចាំបាច់ត្រូវមានភាពស្មោះត្រង់ជានិច្ច។

អ្នកនាងបន្ថែមថា “សេចក្តីស្រលាញ់ សុច្ចភាព ភាតរភាព និរន្តភាព ឋិតក្នុងខ្លួនយើងទីនេះ។ ស្រលាញ់នូវអ្វីដែលយើងធ្វើ គឺការនឿយហត់មិនមានឡើយ”៕

ដោយៈគង់ សិរីជេស៊ីកា

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានប្រសិទ្ឋនាមស្ពានតភ្ជាប់រវាងស្រុកស្ទឹងត្រង់ ខេត្តកំពង់ចាម តភ្ជាប់ជាមួយស្រុកក្រូចឆ្មារ ខេត្តត្បូងឃ្មុំ ជាស្ពានភ្ជាប់និស្ស័យ។

សម្តេចតេជោនាយករដ្ឋមន្រ្តី និងលោកវ៉ាង វិនធានឯកអគ្គរដ្ឋទូតនៃសាធារណៈរដ្ឋប្រជាមានិតចិន បានអញ្ជើញសម្ពោធដាក់ឲ្យប្រើប្រាស់ជាផ្លូវការ នៅព្រឹកថ្ងៃទី២៣ ខែវិច្ឆិកា ឆ្នាំ២០២១នេះ។

សម្ដេចតេជោ ហ៊ុន សែន បានហៅស្ពានសម្ពោធថ្មីនេះថាជា “ស្ពានភ្ជាប់និស្ស័យ” បន្ថែមពីលើឈ្មោះបច្ចុប្បន្ន “ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ”។ សម្ដេចតេជោ ហ៊ុន សែន បានគូសបញ្ជាក់ថា “ស្ពានភ្ជាប់និស្ស័យ” នេះមានន័យទូលំទូលាយណាស់ ព្រោះប្រៀបដូចជាការភ្ជាប់និស្ស័យរវាងកម្ពុជា និងចិន។

សម្ដេចតេជោ ហ៊ុន សែន បានមានប្រសាសន៍យ៉ាងដូច្នេះថា “ខ្ញុំចង់បន្ថែមឈ្មោះពីលើឈ្មោះ ស្ពានមិត្តភាពកម្ពុជា-ចិនបន្ដិច ខ្ញុំចង់ហៅស្ពាននេះថាជា ស្ពានភ្ជាប់និស្ស័យ។ ស្ពានភ្ជាប់និស្ស័យនេះ គឺមានន័យទូលំទូលាយភ្ជាប់និស្ស័យម្ខាង រវាងកម្ពុជា និងចិន ដែលនេះជាន័យទូលំទូលាយក៏វាបម្រើឲ្យគោលដៅ នៃមិត្តភាពកម្ពុជា-ចិន”។

បន្ថែមពីការភ្ជាប់និស្ស័យរវាងកម្ពុជា-ចិនហើយនោះ សម្ដេចតេជោ ហ៊ុន សែន បានមានប្រសាសន៍ទៀតថា ស្ពាននេះក៏ភ្ជាប់និស្ស័យរវាងខេត្តកំពង់ចាម និងខេត្តត្បូងឃ្មុំ ខណៈកាលពីពេលកន្លងទៅជាខេត្តតែមួយ ប៉ុន្ដែបំបែកជាពីរ។ ស្ពាននេះក៏បានភ្ជាប់និស្ស័យរវាងអ្នកស្រុកស្ទឹងត្រង់ និងអ្នកស្រុកក្រូចឆ្មារ។

អ្វីដែលជាចំណុចដ៏គួរឲ្យចាប់អារម្មណ៍បន្ថែមទៀតនោះ គឺជាការភ្ជាប់និស្ស័យរវាងសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ដែលបានចាប់ដៃគ្នាជាប្ដីប្រពន្ធអស់រយៈពេលជាង៤០ឆ្នាំមកនេះ។ សម្ដេចតេជោ ហ៊ុន សែន គូសបញ្ជាក់ថា រយៈពេលជាង៤០ឆ្នាំមកនេះ សម្ដេច និងសម្ដេចកិត្តិព្រឹទ្ធបណ្ឌិត បានរួមរស់នៅជាមួយគ្នា បង្កើតបានជាកូន និងពួនជាចៅ រហូតដល់២២នាក់។

ព្រមពេលជាមួយគ្នានេះ សម្ដេចតេជោនាយករដ្ឋមន្ដ្រី ក៏បានអំពាវនាវដល់អ្នកដែ​លត្រៀមរៀបការ ឬរៀបការហើយ ចង់ថតរូបអនុស្សាវរីយ៍នានា ឬថត Pre-Wedding គប្បីថតនៅតាមបណ្ដាស្ពាន ហើយក៏មិនត្រូវបោះបង់ចោលស្ពានភ្ជាប់និស្ស័យ នៅស្រុកស្ទឹងត្រង់ និងស្រុកក្រូចឆ្មារនេះ ដែលសម្ដេចហៅស្ពាននេះថា ជាចំណង់មួយទាក់ទងធំណាស់។

ស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ បានចាប់ផ្តើមសាងសង់ក្រោមអធិបតីភាពរបស់សម្តេចតេជោ ហ៊ុន សែន កាលពីថ្ងៃទី០៩ ខែកុម្ភៈ ឆ្នាំ២០១៨។ ស្ពាននេះ ចាប់ផ្តើមនៅត្រង់គីឡូម៉ែត្រលេខ៥៨+២០០ ត្រើយខាងលិច ស្ថិតលើផ្លូវខេត្តលេខ២៧១៤ នៅចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ភ្ជាប់ទៅត្រើយខាងកើតទន្លេមេគង្គ នៅចំណុចភូមិក្តុលកណ្តាល ឃុំទ្រា ស្រុកក្រូចឆ្មារ ខេត្តត្បូងឃ្មុំ។

តួស្ពានមានប្រវែង ១,១៣១ម៉ែត្រ ទទឹង ១៣.៥ម៉ែត្រ ក្រាលបេតុងកៅស៊ូកម្រាស់ ៥សង់ទីម៉ែត្រ មានផ្លូវរថយន្តចំនួន ២គន្លង ផ្លូវម៉ូតូចំនួន ២គន្លង ផ្លូវថ្មើរជើងចំនួន ២គន្លង សម្រាប់ទៅមក។ ផ្លូវមេសងខាងស្ពាន តភ្ជាប់ទៅផ្លូវជាតិលេខ៧១C មានប្រវែង ៨.៣២៣ ម៉ែត្រ។ សរុបរួមទាំងស្ពាន និងផ្លូវតភ្ជាប់មានប្រវែងសរុប ៩,៤៥៤ម៉ែត្រ។

ស្ពាន និងផ្លូវតភ្ជាប់នេះ ត្រូវបានចំណាយពេលសាងសង់ ៤២ខែ ដោយក្រុមហ៊ុនសំណង់សៀងហៃ (SCG) និងត្រួតពិនិត្យបច្ចេកទេស ដោយក្រុមហ៊ុនទីប្រឹក្សាបច្ចេកទេ​សក្វាងចូវវ៉ានអាន ចំណាយថវិកាជិត៥៧លានដុល្លារអាមេរិក៕

ដោយៈសហការី

ភ្នំពេញៈ អចលនទ្រព្យជាច្រើន រួមមាន ដីធ្លី ផ្ទះវីឡា ផ្ទះអាជីវកម្ម និងខុនដូនៅក្នុងក្រុងព្រះសីហនុបានដាក់លក់ ក្នុងតម្លៃទាបជាងទីផ្សារពិតប្រាកដ ដោយសារម្ចាស់អចល​នទ្រព្យទាំងនេះត្រូវការដើមទុនសម្រាប់បង្វិល។

ដីសម្រាប់លក់
ដីដែលបាននិងកំពុងដាក់លក់ មានទំហំ១២គុណនឹង២០ម៉ែត្រ លក់ក្នុងតម្លៃ៨៥០ដុល្លារក្នុងមូយម៉ែត្រការ៉េ ជាដីប្រភេទប្លង់ររ៉ឹង ដែលមានទីតាំងស្ថិតនៅជិតសាលារៀនអូរពីរ។
ទំនាក់ទំនងលេខទូរស័ព្ទ ០១២៨៧១ ៣៣៣, ០៨១ ៩៣០ ០៣៩។

ផ្ទះសំរាប់លក់
ផ្ទះពីរល្វែងជាប់គ្នា មានទីតាំងនៅក្នុងក្រុងព្រះសីហនុ ជាផ្ទះបានបំពាក់សម្ភារៈបរិក្ខា និងគ្រឿងសង្ហាររឹមមួយឈុតពេញ។

ផ្ទះនេះសាងសង់លើទំហំដី១០គុណន២០ម៉ែត្រ ទំហំផ្ទះ៨,៤ម៉ែត្រគុណ១៤ម៉ែត្រ មានបន្ទប់គេង៨ បន្ទប់ទឹក១០ បន្ទប់ទទួលភ្ញៀវ១ ផ្ទះបាយពីរបន្ទប់។ លក់ក្នុងតម្លៃ២៥ម៉ឺនដុល្លារ ក្នុងការចចារ។
ទំនាក់ទំនងលេខទូរស័ព្ទ ០១២៨៧១ ៣៣៣, ០៨១ ៩៣០ ០៣៩។

ខុនដូសម្រាប់លក់
ជាខុនដូស្ថិតនៅទីក្រុងភ្នំពេញ ដែលមានតម្លៃចាប់ពី៣៨៥០០ដុល្លារឡើងទៅ និងកំពស់ចាប់ពីជាន់ទី៦ ជាខុនដូមានតម្លៃពិសេសមិនធ្លាប់មាន ជាមួយការផ្តល់ជូនគ្រឿងសង្ហាររឹម ពិសេសផ្តល់ជូននូវលក្ខខ័ណ្ឌបង់ប្រាក់ពិសេស។
ជាប្រភេទខុនដូមានប្លង់រ៉ឹង១០០ភាគរយ ស្ថិតនៅចំទន្លេបួនមុខ ជាតំបន់មានហុង ស៊ុយខ្ពស់សម្រាប់ផ្តល់នូវផផាសុខភាព និងអារម្មណ៍ស្រស់ស្រាយសំរាប់ការរស់នៅ។
ទំនាក់ទំនងតាមរយៈលេខទូរស័ព្ទ០៧០ ៨១១ ៦៨៦

ផ្ទះវីឡាសំរាប់លក់
ផ្ទះវីឡានេះ ស្ថិតនៅតំបន់អូរបី ក្រុងព្រះសីហនុ លក់ក្នុងតម្លៃ៤៥០,០០០ដុល្លារ ផ្ទះមានបន្ទប់គេង៥ បន្ទប់ទឹក៦ បន្ទប់ទទួលភ្ញៀវ១ មានឃ្លាំង សួនច្បារ ចំណតរថយន្តធំទូលាយ និងមានរបង។

ផ្ទះវីឡានេះមានចំណូលស្រាប់ ក្នុងមួយខែ២៨០០ដុល្លារ និងជាអចលនទ្រព្យប្រភេទប្លង់រ៉ឹង។
ទំនាក់ទំនងលេខទូរស័ព្ទ០១២ ៨៧១ ៣៣៣, ០៨១ ៩៣០ ០៣៩៕