មហាយក្សចិនអនុម័តគម្រោងអចលនទ្រព្យជាមួយទុនវិនិយោគជាង១០០ពាន់លានដុល្លារក្នុងឆ្នាំ២០២១

ដោយ៖ សុខុម

ប៉េកាំង៖ គណៈកម្មាធិការជាតិអភិវឌ្ឍន៍ និងកំណែទម្រង់ (National Development and Reform Commission) នៃមហាយក្សចិន បានទម្លាយឱ្យដឹងនៅថ្ងៃអង្គារ ទី១៨ មករា នេះថា កាលពីធ្នូ ចុងឆ្នាំ២០២១ ខ្លួនបានអនុម័តគម្រោងវិនិយោគអចលនទ្រព្យចំនួន៦ដែលមានទំហំទុនវិនិយោគ១៨,៥ពាន់លានយ័ន (២,៩២ពាន់លានដុល្លារអាមេរិក)។

លោក Jin Xiandong អ្នកនាំពាក្យគណៈកម្មាធិការបានថ្លែងក្នុងសន្និសីទកាសែតថា ក្នុងឆ្នាំ២០២១ កន្លងទៅ គណៈកម្មាធិការដែលអង្គភាពរៀបចំផែនការរដ្ឋនៃប្រទេសចិន ខាងលើនេះបានអនុម័តគម្រោងបែបនេះរហូតដល់ទៅ៩០គម្រោង ដែលមានទំហំទុនវិយោគសរុបរហូតដល់ទៅ៧៧៥,៤ពាន់លានយ័ន (ជាង១២២ពាន់លានដុល្លារអាមេរិក)។

ក្រុមអ្នកបង្កើតគោលនយោបាយនៃប្រទេសចិន បានសន្យាថានឹងបង្កើនការជួយគាំទ្រផ្នែកសារពើពន្ធដើម្បីស្ដារសេដ្ឋកិច្ច ខណៈកំណើនសេដ្ឋកិច្ចធ្លាក់ចុះ។

ហើយដើម្បីមានលទ្ធភាពគ្រប់គ្រាន់ក្នុងការជួយគាំទ្រផ្នែកសារពើពន្ធ ក្រុមអ្នកបង្កើតគោលនយោបាយបានពន្លឿនការបោះផ្សាយលក់មូលបត្របំណុលរដ្ឋ ដើម្បីជំរុញការវិនិយោគហេដ្ឋារចនាសម្ព័ន្ធ និងផែនការកាត់បន្ថយពន្ធបន្ថែមទៀត៕

ក្រុង៣របស់កម្ពុជាជាប់ជាទីក្រុងទេសចរណ៍ស្អាតអាស៊ានលើកទី៣

ដោយ៖ សុផារី

ភ្នំពេញ៖ ទីក្រុងទេសចរណ៍ឆ្នើមរបស់កម្ពុជាចំនួន ៣ រួមមាន ទីក្រុងបាត់ដំបង ទីក្រុងព្រះសីហនុ និងទីក្រុងសៀមរាប ទទួលបានជ័យលាភីជាទីក្រុងទេសចរណ៍ស្អាតអាស៊ានលើកទី៣ សុពលភាពឆ្នាំ ២០២២-២០២៤។ នេះបើតាមសេចក្តីជូនដំណឹង គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ អំពីលទ្ធផលនៃការប្រឡងប្រណាំងទីក្រុងទេសចរណស្អាតអាស៊ានលើកទី៣។

ជ័យលាភីជាទីក្រុងទេសចរណ៍ស្អាតអាស៊ានលើកទី៣នេះ គ្រោងនឹងចែកនៅក្នុងពិធីប្រគល់ជ័យលាភីរង្វាន់ទេសចរណ៍អាស៊ាន នាឱកាសវេទិកាទេសចរណ៍អាស៊ាន ឆ្នាំ២០២២ នៅខេត្តព្រះសីហនុ។

គណៈកម្មាធិការជាតិវាយតម្លៃទីក្រុងស្អាត ទន្ទឹមនឹងនេះ រដ្ឋមន្ត្រីទេសចរណ៍អាស៊ាន នឹងប្រគល់រង្វាន់ទីក្រុងទេសចរណ៍ស្អាតអាស៊ាននេះ ជូនដល់ទីក្រុងទេសចរណ៍ចំនួន ២១ នៅក្នុងបន់អាស៊ាន។

ជាមួយគ្នានេះ គណៈកម្មាធិការជាតិវាយតម្លៃទីក្រុងស្អាត បាននិងកំពុងជំរុញចលនាប្រឡងប្រណាំងទីក្រុងស្អាត ទាំងនៅកម្រិតថ្នាក់ជាតិ និងកម្រិត តំបន់អាស៊ាន សំដៅចូលរួមដល់ការជំរុញការកសាងទីក្រុងឆ្លាតវៃ (Smart City) នៅក្នុងតំបន់អាស៊ាន។ ការណ៍នេះបានឆ្លុះបញ្ចាំងពីតួនាទី និងការចូលរួមរបស់កម្ពុជាក្នុងតំបន់ ក្រោមការដឹកនាំដ៏ឈ្លាសវៃប្រកប ដោយគតិបណ្ឌិតរបស់ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា។

គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ បានអះអាងទៀតថា ការប្រគល់រង្វាន់នេះ ធ្វើឡើងដើម្បីពង្រឹងភាពទាក់ទាញ និងបង្កើនភាពប្រកួតប្រជែង របស់ទីក្រុងទេសចរណ៍អាស៊ាន ក៏ដូចជាពង្រឹងគុណភាពផលិតផល និងសេវាកម្មទេសចរណ៍នៅតាម បណ្តាទីក្រុងរបស់អាស៊ាន ស្របតាមផែនការយុទ្ធសាស្ត្រទេសចរណ៍អាស៊ាន ឆ្នាំ២០១៦ ២០២៥ សំដៅ ធ្វើឱ្យអាស៊ានក្លាយជាគោលដៅទេសចរណ៍ប្រកបដោយគុណភាព និងភាពទាក់ទាញ ផ្តល់ភាពកក់ក្តៅ ដល់ភ្ញៀវទេសចរ។

 

 

ការប្រកួតប្រជែងនេះ ក៏បានជំរុញដល់ការរៀបចំមជ្ឈដ្ឋានរស់នៅរបស់ប្រជាពលរដ្ឋ តាមបណ្តាទីក្រុងនៅក្នុងតំបន់អាស៊ានឱ្យកាន់តែប្រសើរឡើង ព្រមទាំងចូលរួមយ៉ាងមានប្រសិទ្ឋភាពដល់ ការអភិវឌ្ឍទីក្រុងប្រកបដោយនិរន្តរភាព សុវត្ថិភាព និងបរិយាបន្ន។

 

ស្ដង់ដាទីក្រុងទេសចរណ៍ស្អាតអាស៊ាន ត្រូវបានដឹកនាំរៀបចំឡើងដោយក្រសួងទេសចរណ៍កម្ពុជា និងគណៈកម្មាធិការជាតិវាយតម្លៃទីក្រុងស្អាត តាំងពីឆ្នាំ២០១១ និងដោយមានការគាំទ្រ ពីរដ្ឋមន្ត្រីទេសចរណ៍អាស៊ាន ហើយស្ដង់ដានេះត្រូវបានអនុម័ត និងដាក់ឱ្យអនុវត្តន៍ជាផ្លូវការកាលពី វេទិកាទេសចរណ៍អាស៊ាន ឆ្នាំ២០១៥៕

Ministry nixes land and building tax cut

The Finance Ministry will not consider this year extending the period of the land and building tax reduction because of the fiscal burden, says Finance Minister Arkhom Termpittayapaisith.

The 90% tax cut took effect in June 2020. From 2020 to 2021, the tax reduction cost the state coffers around 30 billion baht per year, he said.

The ministry believes this tax cut should not be extended, said Mr Arkhom.

He said the tax is collected by local administrative organisations for their local development. Revenue loss from the tax cut has forced the ministry to seek income from elsewhere to offset the dip, said Mr Arkhom.

The government has launched a host of measures to relieve people’s economic burden caused by the pandemic, which started in late March 2020.

Under the law, first-home owners are exempt from property tax for the value of land and buildings up to 50 million baht, or 10 million baht if they only own the structures but not the land.

For ownership of houses other than the primary one, the rate is a step-up basis starting from 0.02%, varying depending on the land and house value.

The normal tax rate for farm land is 0.01-0.1%, while it is 0.02-0.1% for residential land.

The rate for land and buildings owned by individuals is 0.03-0.1%, while the rate for vacant land is 0.3-0.7%.

The government is inching towards imposing taxes on some products and ending tax waivers to ensure fiscal stability and expand the tax base.

Mr Arkhom said last week taxing profits from cryptocurrency trade and a plan to end the financial transaction tax waiver on share sales on the local bourse should help to expand the tax base and garner additional revenue for national development.

He said Thailand has not expanded the tax base for many years. Though GDP has expanded over the years, tax revenue has not increased in relation to GDP.

This is because the country offers a host of tax exemptions to support specific sectors, said Mr Arkhom.

The Finance Ministry forecast economic expansion this year of 4%.

The government set expenses for fiscal 2022 at 3.10 trillion baht and anticipates net revenue of 2.4 trillion baht. The government is expected to borrow 700 billion baht to offset the budget deficit.

Source: Bangkok Post

Macau casino operators gain billions as govt keeps licences at six, Sands China soars

HONG KONG, Jan 17 (Reuters) – Shares of Macau’s top casino operators racked up as much as HK$65.53 billion ($8.42 billion) on Monday – or 15% of their market value – as the government of the world’s largest gambling hub retained the limit on casino licences to six.
By the close of the Hong Kong market, the six Macau casino operators had gained 9.9% in value, or HK$42.2 billion, putting the overall market value of the oprators at about HK$469 billion. Sands China (1928.HK) led the rally.

Shares of Sands China Ltd (1928.HK), which jumped as much as 22.3%, ended the day up 14.6% in their biggest daily percentage gain since October 2011. That compared with a 0.7% decline in the benchmark Hang Seng Index (.HSI).

Wynn Macau (1128.HK)which jumped as much as 19.1%, closed up 11.9% in its best day since March 2020.

Macau’s government announced on Friday that the number of new casino operators allowed to function in the world’s largest gambling hub would be limited to six with an operating period of up to 10 years.

The regulatory announcement provides new clarity and should remove most investors’ key concerns such as dividends, government oversight, minimum shareholding by a Macau permanent resident, and gaming tax, Citi said in a research note.

The former Portuguese colony is the world’s biggest gambling hub in terms of money wagered.

Macau massively tightened scrutiny of casinos in recent years, with authorities clamping down on illicit capital flows from mainland China and targeting underground lending and illegal cash transfers.

The market value of U.S. casino operators, including Sands China, Wynn Macau, MGM China and Melco, gained as much as HK$43.23 billion ($5.55 billion in Hong Kong.
Citi raised target prices on the six Macau casino operators by 8%-14% following the government’s clarification on the revisions in gaming law.

Shares of Galaxy Entertainment (0027.HK), MGM China , SJM (0880.HK), and Melco finished up between 4.8% and 11.7%.

“The proposed bill would remove the current sub-concession structure, but not change to the competitive dynamics ultimately,” Jefferies wrote in a research note.

“As the government crackdown on junkets continue, we expect long-term pressure on VIP business,” Jefferies said, adding that the near-term gross gaming revenue outlook remains bleak amid uncertainties over timing of border reopening with recent COVID-19 outbreaks in Mainland and Hong Kong.

Source: Reuters

ភាគហ៊ុនរបស់ប្រតិបត្តិករកាស៊ីណូកំពូលៗនៅម៉ាកាវកើនឡើងខ្ពស់ ក្រោយ​រដ្ឋាភិបាលរក្សាទុកអាជ្ញាប័ណ្ណត្រឹម៦

ដោយសុខុម

ហុងកុង: ភាគហ៊ុនរបស់ប្រតិបត្តិករកាស៊ីណូកំពូលៗនៅម៉ាកាវ បានកើនឡើងខ្ពស់រហូតដល់ទៅ៨,៤២ពាន់លានដុល្លារអាមេរិក កាលពីថ្ងៃច័ន្ទ ទី១៧ មករា។

យោងតាមការចុះផ្សាយរបស់ទីភ្នាក់ងារព័ត៌មាន Reuters ឱ្យដឹងថា ការហក់ឡើងយ៉ាងគំហុកនៃភាគហ៊ុនរបស់ប្រតិបត្តិករកាស៊ីណូកំពូលៗនេះកើតមានឡើង នៅពេលរដ្ឋាភិបាលក្រុងម៉ាកាវ ដែលជាមជ្ឈមណ្ឌលកាស៊ីណូធំបំផុតរបស់ពិភពលោក បានរក្សាទុកចំនួនអាជ្ញាប័ណ្ណបើកដំណើរការកាស៊ីណូមកនៅត្រឹមតែ៦។

នេះមានន័យថា មានតែប្រតិបត្តិការកំពូលទាំង៦ប៉ុណ្ណោះដែលមានសិទ្ធិបើកដំណើរការកាស៊ីណូនៅម៉ាកាវ ដោយស្របច្បាប់។

នៅពេលបិទការជួញដូរលើទីផ្សារភាគហ៊ុនក្រុងហុងកុង ប្រតិបត្តិករកាស៊ីណូកំពូលទាំង៦នៅម៉ាកាវ បានកើនឡើងតម្លៃ៩,៩% ឬ ស្មើនឹង៥,៤២ពាន់លានដុល្លារអាមេរិក ដែលធ្វើឱ្យតម្លៃសរុបលើទីផ្សាររបស់ប្រតិបត្តិករទាំងនេះឈានដល់៦០,២ពាន់លានដុល្លារអាមេរិក។ ហើយប្រតិបត្តិករដែលកើនប្រាក់ខ្លាំងជាងគេគឺក្រុមហ៊ុន Sands China Ltd។

ក្នុងចំណោមប្រតិបត្តិករកំពូលទាំង៦ដែលទទួលបាន ឬ រក្សាបានអាជ្ញាប័ណ្ណបើកដំណើរការកាស៊ីណូរួមមានក្រុមហ៊ុន Sands China Ltd ក្រុមហ៊ុន Wynn Macau ក្រុមហ៊ុន MGM China ក្រុមហ៊ុន Melco ក្រុមហ៊ុន Galaxy Entertainment និងក្រុមហ៊ុន SJM។

រដ្ឋាភិបាលក្រុងម៉ាកាវ បានប្រកាសកាលពីថ្ងៃសុក្រទី១៤ មករា ថា ចំនួនប្រតិបត្តិករកាស៊ីណូថ្មីៗដែលត្រូវបានអនុញ្ញាតឱ្យដំណើរការនៅម៉ាកាវ គឺមានរយៈពេលដំណើរការរហូតដល់១០ឆ្នាំ។

ម៉ាកាវ ដែលជាអតីតអាណានិគមរបស់ព័រទុយហ្គាល់ គឺជាមជ្ឈមណ្ឌលកាស៊ីណូដ៏ធំបំផុតរបស់ពិភពលោកបើគិតពីចំនួនលុយភ្នាល់ល្បែង។

រដ្ឋាភិបាលម៉ាកាវ បានរឹតបន្តឹងការត្រួតពិនិត្យយ៉ាងខ្លាំងលើកាស៊ីណូក្នុងរយៈពេលប៉ុន្មានឆ្នាំចុងក្រោយនេះ ដោយចាត់វិធានការបង្ក្រាបការហូរចូលមូលធនខុសច្បាប់ពីប្រទេសចិន និងការចងការប្រាក់កម្ចីក្នុងទីផ្សារងងឹត និងការផ្ទេរសាច់ប្រាក់ខុសច្បាប់៕

រោង​ចក្រ​ផលិតអគ្គិសនីដើរដោយពន្លឺព្រះអាទិត្យធំជាងគេនៅកម្ពុជាបន្តពង្រីក​​អានុភាពដល់ទៅ១៥០មេកាវ៉ាត់

ដោយ៖ សុធារី

ពោធិ៍សាត់៖ ស្រុកក្រគរ នៃខេត្តពោធិ៍សាត់ បានក្លាយជាទីតាំងស្ថានីយ៍ ដែលផលិតអគ្គិសនី ដើរដោយពន្លឺព្រះអាទិត្យ ធំជាងគេបំផុតនៅក្នុងប្រទេសកម្ពុជា ដែលបច្ចុប្បន្នត្រូវបានក្រុមហ៊ុន SchneiTec Co.,Ltd ធ្វើការអភិវឌ្ឍ និងបានបញ្ចេញថាមពលចូលបណ្តាញជាតិរួចមកហើយ រហូតទៅដល់៩០មេកាវ៉ាត់ ហើយនាពេលឆាប់ៗខាងមុខ នឹងពង្រីកអានុភាពបន្ថែម១៥០មេកាវ៉ាត់ទៀត សរុបទៅដល់២៤០មេកាវ៉ាត់។

ទីតាំងស្ថានីយ៍ផលិតអគ្គិសនី ដើរដោយពន្លឺព្រះអាទិត្យ (Solar Station) បច្ចុប្បន្នត្រូវបានសាងសង់ឡើង នៅលើផ្ទៃដីចំនួន១៣៥ហិកតា ស្ថិតក្នុងភូមិអន្សរក្តាម ឃុំស្នាអន្សា ស្រុកក្រគរ ខេត្តពោធិ៍សាត់ ដែលតម្លៃប្រមាណ២៨លានដុល្លារអាមេរិក។

លោក កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គិសនីកម្ពុជា ថ្ងៃទី១៦ ខែមករា ឆ្នាំ២០២២ បានបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានឯកភាពឱ្យបន្តតម្លើងស្ថានីយ៍ថាមពលអគ្គិសនី ដើរដោយពន្លឺព្រះអាទិត្យ ក្នុងឃុំស្នាអន្សា ស្រុកក្រគរ ដែលសព្វថ្ងៃនេះវាធំជាងគេរួចមកហើយ នៅក្នុងព្រះរាជាណាចក្រកម្ពុជា ពី អានុភាពផលិត៩០មេកាវ៉ាត់ នឹងបន្ថែមអានុភាពដល់ទៅ១៥០មេកាវ៉ាត់ទៀត។

លោកថា ស្ថានីយនេះនឹងក្លាយជាស្ថានីយ៍ផលិតថាមពលអគ្គិសនី ដើរដោយពន្លឺព្រះអាទិត្យស្អាតឥតមានផ្សែង រហូតដល់ទៅដល់២៤០មេកាវ៉ាត់ ដែលនឹងបន្តក្លាយជាស្ថានីយ៍ធំជាងគេបង្អស់ របស់ប្រទេសកម្ពុជាយើង។

លោកបានបន្ថែមថា ទីតាំងនេះ ក៏នឹងក្លាយជាកម្មវត្ថុនៃការមកលេង និងការមកសិក្សាស្រាវជ្រាវ របស់ក្រុមសិស្សានុសិស្ស អ្នកបច្ចេកទេស ក៏ដូចជាអ្នកវិទ្យាសាស្ត្រមួយចំនួនផងដែរ ហើយនេះក៏ជាមោទនភាពបំផុតសម្រាប់ប្រជាជនក្នុងស្រុកក្រគរ និយាយជារួមនឹងនិយាយដោយឡែក សម្រាប់ប្រជាជនក្នុងខេត្តពោធិ៍សាត់ទាំងមូល ដែលត្រូវបានរាជរដ្ឋាភិបាល ជ្រើសរើសទីតាំងនេះ សម្រាប់ធ្វើការអភិវឌ្ឍបង្កើតទីផ្សារការងារ កាត់បន្ថយការធ្វើចំណាកស្រុក និងបាននៅជិតជួបជុំក្រុមគ្រួសារ។

ទីតាំងនេះដែរ ក៏ស្ថិតក្នុងតំបន់សេដ្ឋកិច្ចពិសេសក្រគរ ដែលបច្ចុប្បន្នត្រូវបានអភិវឌ្ឍន៍រួចរាល់ និងកំពុងអភិវឌ្ឍន៍ រួមមាន មានរោងក្រកាត់ដេរ រោងចក្រតម្លើងត្រង់ស្វូរ រោងចក្រផ្គុំ និងតម្លើងរថយន្ត Ford របស់សហរដ្ឋអាមេរិក ពហុកីឡដ្ឋានសម្តេចតេជោ ហ៊ុន សែន (SAMDACH HUN SEN SPORT CENTER) ជាដើម៕

CDC អនុម័តគម្រោងវិនិយោគធំៗ តម្លៃជិត២ពាន់លានដុល្លារ

ដោយ៖​សុធារី

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគធំៗចំនួន១០ទៀត សរុបទុនវិនិយោគជិត២ពាន់លានដុល្លារ និងអាចបង្កើតការងារ បានជាច្រើនកន្លែង។

តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖

១- INDEPENDENCE CLOTHING (CAMBODIA) CO., LTD: គម្រោងបង្កើតរោងចក្រកាត់ដេរសម្លៀកបំពាក់ដែលមានទីតាំងវិនិយោគស្ថិតនៅភូមិព្រៃព្រីងខាងត្បូង ១ សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៣,១លានដុល្លារអាមេរិក និងអាចបង្កើតការងារបានចំនួន៧១៤កន្លែង។

២- CAMBODIAN GUOXING YI QUN LANG PLYWOOD CO., LTD: គម្រោងវិនិយោគបង្កើតរោងចក្រកែច្នៃក្តារបន្ទះ (ពីឈើនាំចូល និងឈើដាំដុះក្នុងស្រុក) ដែលមានទីតាំងវិនិយោគស្ថិតនៅភូមិស្រឡៅតូង ឃុំបល្ល័ង្ក ស្រុកបារាយណ៍ ខេត្តកំពង់ធំ មានទុនវិនិយោគប្រមាណ ៣,៤លានដុល្លារអាមេរិក និងអាចបង្កើតការងារបានចំនួន ១៩២កន្លែង។

៣- MUTITA TEXTILE SOCIAL ENTERPRISE CO., LTD: គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិសូភី ១ សង្កាត់រតនៈ ក្រុងបាត់ដំបង ខេត្តបាត់ដំបង មានទុន វិនិយោគប្រមាណ ៣,៩លានដុល្លារអាមេរិក និងអាចបង្កើតការងារបានចំនួន៦៤៩កន្លែង។

៤- HAOPAI DECORATION MATERIAL (CAMBODIA) CO., LTD: គម្រោងវិនិយោគបង្កើតរោងចក្រផលិតការ៉ូជ័រ កម្រាលបាត ទ្រនាប់កម្រាលបាត និងជើងជញ្ជាំងជ័រ ដែលមានទីតាំងវិនិយោគស្ថិតនៅភូមិក្តាន់រយ ឃុំដំណាក់អំពិល ស្រុកអង្គស្នួល ខេត្តកណ្តាល មានទុនវិនិយោគប្រមាណ៤,២លានដុល្លារអាមេរិក និងអាចបង្កើតការងារបានចំនួន ១៩៤កន្លែង។

៥- TMH POULTRY CO., LTD: គម្រោងបង្កើតរោងចក្រកែច្នៃនិងវេចខ្ចប់សាច់ (មាន់ ទា ជ្រូក គោ) និង ផលិតម្ហូបអាហារ ដែលមានទីតាំងវិនិយោគស្ថិតនៅភូមិព្រៃច្រាបលិច ឃុំវាលពង់ ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ៥,៧លានដុល្លារអាមេរិក និងអាចបង្កើតការងារបានចំនួន ២២៦កន្លែង។

៦- ACADEMIC SOLAR ENERGY MFG CO., LTD: គម្រោងបង្កើតរោងចក្រផលិត និងផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល មានទុនវិនិយោគប្រមាណ៨,២លានដុល្លារអាមេរិក និងអាចបង្កើតការងារបានចំនួន ២៦៥កន្លែង។

៧- LONGFUITER ANLONG VENG ODDOR MEANCHEY AGRICULTURE PARK CO., LTD: គម្រោងវិនិយោគកសិកម្មដំណាំចេកនិងដំណាំហូបផ្លែ ដែលមានទីតាំងវិនិយោគស្ថិតនៅភូមិលំទងចាស់ ឃុំលំទង ស្រុកអន្លង់វែង ខេត្តឧត្តរមានជ័យ មានទុនវិនិយោគចំនួន ៥១លានដុល្លារអាមេរិក និងអាចបង្កើតការងារបានចំនួន ១.៨៦៧កន្លែង។

៨- K.B.X INVESTMENT CO., LTD: គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ៥ ចំនួន៥២៨បន្ទប់ដែលមានទីតាំងវិនិយោគស្ថិតនៅមហាវិថីព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ មានទុនវិនិយោគចំនួន ១២៩ លានដុល្លារអាមេរិក និងអាចបង្កើតការងារបានចំនួន៧៣៧កន្លែង។

៩- CAMBODIAN UPPER TATAY HYDROPOWER CO., LTD: គម្រោងវិនិយោគអភិវឌ្ឍន៍វារីអគ្គិសនីស្ទឹងតាតៃលើ អានុភាព ១៥០ MW ដែលមានទីតាំងវិនិយោគស្ថិតនៅស្រុកថ្មបាំង និងស្រុកកោះកុង ខេត្តកោះកុង មានទុនវិនិយោគប្រមាណ ៣៨៩ លានដុល្លារអាមេរិក និងអាចបង្កើតការងារបានចំនួន ១៥៨០កន្លែង។

១០- KAMPOT LOGISTICS AND PORT COMPANY LIMITED: គម្រោងវិនិយោគអភិវឌ្ឍន៍មណ្ឌល ភ័ស្តុភារកម្ម និងកំពង់ផែពហុបំណង ដែលមានទីតាំងវិនិយោគស្ថិតនៅភូមិចង្ហោន សង្កាត់ព្រែកត្នោត ក្រុងបូកគោ ខេត្តកំពត មានទុនវិនិយោគចំនួន ១.៣០០លានដុល្លារអាមេរិក និងអាចបង្កើតការងារបានចំនួន ៥៩០កន្លែង៕

កត្តា៥ជំរុញឱ្យខេត្តមណ្ឌលគីរីមានភាពទាក់ទាញការវិនិយោគវិស័យអចលនទ្រព្យ

ដោយ៖ លក្ខិណា​

ភ្នំពេញ ៖ ខេត្តមណ្ឌលគីរីគឺជាខេត្តមួយនៅប៉ែកឦសាននៃប្រទេស និងកំពុងមានការទាក់ទាញទៅលើការវិនិយោគវិស័យអចលនទ្រព្យដីធ្លី ជាពិសេសការវិនិយោគសម្រាប់គាំទ្រដល់វិស័យទេសចរណ៍ ខណៈរាជរដ្ឋាភិបាលកម្ពុជាក៏បានយកចិត្តទុកដាក់លើការអភិវឌ្ឍខេត្តទេសចរណ៍មួយនេះផងដែរ ។ កត្តា៥ ត្រូវបានចាត់ទុកជាចំនុចទាក់ទាញដល់ការអភិវឌ្ឍអចលនទ្រព្យនៅក្នុងខេត្តមណ្ឌលគីរី ។

១.ជាប៉ូលសេដ្ឋកិច្ចថ្មីនៅកម្ពុជា ៖ មណ្ឌលគីរីត្រូវចាត់ទុកជាខេត្តដែលបានផ្គត់ផ្គង់បន្លែ ផ្លែឈើនិងសាច់ ទៅកាន់ទីផ្សារក្នុងស្រុកនិងនាំចេញ ព្រមទាំងជាខេត្តគោលដៅទេសចរណ៍ដ៏មានសក្ដានុពលមួយផងដែរ ។ ឆ្នាំ២០៣៥ កម្ពុជារំពឹងថាខេត្តមណ្ឌលគីរី នឹងទទួលបានភ្ញៀវទេសចរជាតិនិងអន្តរជាតិចំនួន៣លាននាក់ក្នុងមួយឆ្នាំ ។

២.គម្រោងសាងសង់ព្រលានយន្តហោះ ៖ គម្រោងនេះ ក៏បានទាក់ទាញវិនិយោគិនជាតិអន្តរជាតិជាច្រើនផងដែរដើម្បីទៅដាក់ទុនវិនិយោគ នៅក្នុងមណ្ឌលគិរី ដែលគម្រោងនេះមានចំងាយត្រឹមតែ២០គីឡូម៉ែត្រពីក្រុងសែនមនោរម្យទីរួមខេត្តមណ្ឌលគីរីសាងសង់លើផ្ទៃដីជាង៣០០ហិចតាក្នុងទុនវិនិយោគ៨០លានដុល្លារអាមេរិក ។

៣. គម្រោងអភិវឌ្ឍន៍លំនៅឋានលំហែកាយធំៗ៖ នៅក្នុងខេត្តមណ្ឌលគីរីក៏មានគម្រោងអភិវឌ្ឍន៍លំនៅឋានលំហែកាយធំៗនិងតូចៗជាច្រើនទៀតបាននិងកំពុងធ្វើសកម្មភាពសាងសង់ជាបន្តបន្ទាប់ដែលជាការផ្ដល់ទំនុកចិត្តដល់វិនិយោគិនជាច្រើនទៀត ។

៤. ការបណ្ដាក់ទុនវិនិយោគលើវិស័យកសិកម្ម ៖ មានក្រុមហ៊ុនធំៗជាំច្រើនបាននិងកំពុងធ្វើសកម្មភាព ដាំដុះដំណាំសំខាន់ៗជាច្រើនប្រភេទ សម្រាប់បម្រើដល់ទីផ្សារក្នុងស្រុកនិងនាំចេញទៅកាន់ទីផ្សារអន្តរជាតិ ដូចជាស្វាយចន្ទី ចេកអំបូងលឿងជាដើម ។

៥.ជាខេត្តដែលមានច្រកព្រំដែនដល់ទៅ៤កន្លែង ៖ មណ្ឌលគីរីជាខេត្តមួយជាប់ជាមួយនឹងព្រំដែនប្រទេសវៀតណាម ហើយដើម្បីជំរុញដល់ការធ្វើពាណិជ្ជកម្មរវាងកម្ពុជានិងវៀតណាម រដ្ឋាភិបាលទាំងពីរបានសម្រេចបើកច្រកព្រំដែនថ្មីៗជាបន្តបន្ទាប់ ដែលធ្វើឱ្យតម្លៃអចលនទ្រព្យ ដីធ្លីនៅតាមតំបន់ច្រកព្រំដែនមានហាងឆេងកាន់តែខ្ពស់ ។

បើតាមលោកមាឃ ឬទ្ធីជ័យ ភ្នាក់ងារអចលនទ្រព្យមួយរូបប្រចាំខេត្តមណ្ឌលគីរីបានឱ្យដឹងថា បច្ចុប្បន្ន វិនិយោគិនក្នុងស្រុកជាច្រើនបានចូលមកកាន់ខេត្តមណ្ឌលគីរីដើម្បីរកមើលទីតាំងដីធ្លីដើម្បីត្រៀមអភិវឌ្ឍន៍នៅពេលអនាគតដ៏ខ្លីខាងមុខនេះ ។ សកម្មភាពនេះ បានជំរុញឱ្យតម្លៃដីធ្លីនៅតំបន់មួយចំនួនក្នុងខេត្តមណ្ឌលគីរី មានការកើនឡើងជាបន្តបន្ទាប់ ដូចជាដីធ្លីនៅជុំវិញគម្រោងសាងសង់ព្រលានយន្តហោះអន្តរជាតិខេត្តមណ្ឌលគីរី ដីធ្លីនៅតំបន់ជិតច្រកព្រំដែនកម្ពុជាវៀតណាម ជាដើម៕

អ្នកអភិវឌ្ឍន៍ដីឡូតិ៍កាន់តែច្រើន ចាប់ផ្ដើមផ្លាស់ប្តូរយុទ្ធសាស្ត្រដើម្បីទាក់ទាញអតិថិជន

ដោយ៖ វឌ្ឍនៈ​

ភ្នំពេញ ៖ អ្នកអភិវឌ្ឍន៍ដីឡូតិ៍នៅក្នុងប្រទេសកម្ពុជាកាន់តែច្រើនបានចាប់ផ្ដើមផ្លាស់ប្តូរយុទ្ធសាស្ត្រក្នុងការអភិវឌ្ឍ ដើម្បីទាក់ទាញអតិថិជនរបស់ខ្លួន គាំទ្រសម្រាប់គម្រោងអភិវឌ្ឍន៍ថ្មីៗ ក្នុងនោះដែរ អ្នកអភិវឌ្ឍន៍មួយចំនួនឃើញថាបន្តអភិវឌ្ឍន៍តាមរបៀបចាស់ខណៈមួយចំនួនធំ បានផ្លាស់ប្តូរពីរបៀបចាស់ទៅអភិឌ្ឍន៍តាមរបៀបថ្មីវិញ។

ជាការកត់សម្គាល់ ការអភិវឌ្ឍន៍ដីឡូតិ៍កាលពី៥ឆ្នាំមុនឃើញថាសកម្មខ្លាំងបំផុតទៅលើគម្រោងដីឡូតិ៍ ដែលមានទំហំ៥ម៉ែត្រគុណនឹង២០ម៉ែត្រ សំដៅដល់ការផ្គត់ផ្គង់សម្រាប់ប្រជាពលរដ្ឋក្នុងការសង់ផ្ទះ ឬហៅថាដីលំនៅឋាន ពីព្រោះជាដីតូចៗ។ ការអភិវឌ្ឍដីឡូតិ៍ប្រភេទនេះឃើញថាមានការទទួលស្គាល់និងគាំទ្រច្រើនពីសំណាក់ប្រជាពលរដ្ឋដែលកំពុងត្រូវការដីសម្រាប់សង់លំនៅឋាន និងជាប្រជាពលរដ្ឋប្រាក់ចំណូលទាបនិងមធ្យម។

រហូតមកដល់ពេលនេះ អ្នកអភិវឌ្ឍន៍ដីឡូតិ៍ក៏ចាប់ផ្ដើមប្រែយុទ្ធសាស្ត្រថ្មី ជាពិសេសអ្នកអភិវឌ្ឍន៍ថ្មីៗទៅលើប្រភេទដីឡូត៏ ដោយមួយចំនួនបានឈប់អភិវឌ្ឍន៍ដីដែលមានទំហំតូចៗនិងងាកទៅរកការអភិវឌ្ឍន៍ដែលមានទំហំធំៗ ហើយដាំដំណាំ លើដីនោះដូចជាដាំដូង ដាំស្វាយនិងដំណាំ ហូបផ្លែដទៃទៀតសម្រាប់ធ្វើជាដីលំហែ និងមានទីតាំងឆ្ងាយពីទីប្រជុំជន។

លោក ចេ សុន អ្នកអភិវឌ្ឍន៍ដីឡូតិ៍មួយរូបនៅជាយរាជធានីភ្នំពេញ បានឱ្យដឹងថា ពេលនេះ ដីឡូតិ៍ដែលមានទំហំ៥គុណ២០ម៉ែត្រ ទីផ្សារមានការធ្លាក់ចុះខ្លាំងបើធៀបនឹងរយៈកាលកន្លងមក ដោយអ្នកអភិវឌ្ឍន៍មួយចំនួនបានងាកទៅរកការអភិវឌ្ឍដីឡូតិ៍ ដែលមានទំហំធំៗ និងនៅឆ្ងាយពីរាជធានីភ្នំពេញ សម្រាប់ទុកជាទីតាំងលំហែកាយរបស់អតិថិជន។ ដោយឡែក ដីឡូតិ៍ ៥គុណ២០ម៉ែត្រគឺមានអភិវឌ្ឍន៍តិចតួចនៅតំបន់ជិតៗរាជធានីភ្នំពេញ តែមិនគក្រឹកគក្រេងដូចពីមុនទៀតឡើយ។

លោកបន្តថា សម្រាប់លោកដែលជាអ្នកអភិវឌ្ឍន៍ដីឡូតិ៍យូរឆ្នាំមកហើយនោះ ដីឡូតិ៍​ទំហំ ៥គុណនឹង២០ម៉ែត្រក៏នៅតែបន្តធ្វើវា និងបានងាករទៅកដីដែលមានទំហំធំៗ និងដាំដំណាំ នៅលើដីនោះជូនអតិថិជនអ្នកទិញដីនោះផងដែរ ហើយសកម្មភាពនេះក៏កាន់តែមានការកើនឡើងជាបន្តបន្ទាប់ផងដែរ។

លោក ហ៊ិន រស់ អ្នកអភិវឌ្ឍន៍ដីឡូតិ៍ចំការលំហែ ភូមិចំការដូងរីសតក៏បានឱ្យដឹងផងដែរថា បច្ចុប្បន្ននេះ អ្នកអភិវឌ្ឍន៍ដីឡូតិ៍ទំហំត្រឹម៥គុណ២០ម៉ែត្រគឺពិបាករកទីផ្សារបន្តិចហើយ ដោយអ្នកទិញដីឡូតិ៍ឥឡូវគេរកដីធំៗបន្តិចដើម្បីដាំដំណាំបាន និងសង់ជាផ្ទះសម្រាប់លំហែកាយបាន ដូច្នេះទើបលោកក៏បានអភិវឌ្ឍន៍ដីឡូតិ៍ទៅជាដីចំការលំហែដែលមានទំហំធំៗជាងពីមុន៕

តម្លៃប្រេងឥន្ធនៈកើនថ្លៃ១៥០រៀលថែមទៀតរហូតដល់បំណាច់ខែមករា

ដោយៈគង់ ម៉ាលីនណា

ភ្នំពេញៈ តម្លៃលក់រាយប្រេងឥន្ធនៈនៅកម្ពុជា បានហក់ឡើងថ្លៃជាបន្តបន្ទាប់ឡើងវិញ ជាក់ស្តែងចាប់ពីថ្ងៃទី១៦ ដល់ថ្ងៃទី២១ ខែមករា ឆ្នាំ២០២២នេះ តម្លៃប្រេងសាំងធម្មតាកើនថ្លៃដល់៤ ៣៥០រៀល។ រីឯប្រេងម៉ាស៊ូតកើនថ្លៃ៤០៥០រៀល ក្នុងមួយលីត្រ។

ក្រសួងពាណិជ្ជកម្ម បានបញ្ជាក់នៅក្នុងសេចក្តីជូនដំណឹងស្តីពីថ្លៃលក់រាយប្រេងឥន្ធនៈនៅតាមស្ថានីយ នៅរសៀលថ្ងៃទី១៧ ខែមករានេះថា ផ្អែកតាមតម្លៃមធ្យម ប្រេងឥន្ធនៈលើទីផ្សារអន្តរជាតិ ថ្លៃលក់រាយប្រេងឥន្ធនៈគិតក្នុងរយៈពេលដូចគ្នា ខាងលើនឹងត្រូវលក់៤៥១០រៀលក្នុង១លីត្រ សម្រាប់ប្រេងសាំងធម្មតាEA92 និង៤២១០រៀល សម្រាប់ប្រេងម៉ាស៊ូត ក្នុង១លីត្រ។

ក្នុងនោះ ដើម្បីជួយសម្រួល់ដល់ជីវភាពរបស់ប្រជាជន និងដោយមានការរួមចំណែកពីក្រុមហ៊ុន ចែកចាយប្រេងឥន្ធនៈនៅកម្ពុជា សម្តេចនាយករដ្ឋមន្រ្តី នៅតែបន្តនិងសម្រេចបញ្ចុះតម្លៃលក់រាយប្រេងឥន្ធនៈ នៅកម្ពុជាចំនួន៤សេនដុល្លារដដែល នៅក្នុង១លីត្រ។

បើផ្អែកតាមតម្លៃមធ្យមប្រេងឥន្ធនៈ លើទីផ្សារអន្តរជាតិ ថ្លៃលក់រាយប្រេងឥន្ធនៈចាប់ពីថ្ងៃទី១ ដល់ថ្ងៃទី១៥ ខែមករា ឆ្នាំ២០២២ នឹងត្រូវលក់៤ ៣៦០រៀល ក្នុង១លីត្រ សម្រាប់ប្រេងសាំងធម្មតាEA92 និង៣៩៦០រៀល សម្រាប់ប្រេងម៉ាស៊ូត ក្នុង១លីត្រ។

ពាក់ព័ន្ធការកំណត់ថ្លៃ លក់រាយប្រេងឥន្ធនៈនៅកម្ពុជាដដែលនេះ ក្រសួងពាណិជ្ជកម្មនៅតែរក្សាអំណះអំណាងថា គឺក្រសួងគ្រាន់តែស្រង់តម្លៃឡើង-ចុះ នៃប្រេងតាមទីផ្សារអន្តរជាតិ មកគណនាតាមប្រកាសដូចមានក្នុងឯកសារតែប៉ុណ្ណោះ៕