ដោយៈសុខុម

បាងកក: ប្រទេសមីយ៉ាន់ម៉ា នៅពេលនេះកំពុងដុតដៃដុតជើង បង្ហើយនីតិវិធីសម្រា​ប់ការបើកប្រទេសឡើងវិញ ដើម្បីស្វាគមន៍ភ្ញៀវទេសចរសបរទេស នៅដើមឆ្នាំ២០២២ ហើយជាដំបូង នឹងផ្តោតជាសំខាន់លើភ្ញៀវទេសចរមកពីអាស៊ីអាគ្នេយ៍ រួមទាំងកម្ពុជា ផងដែរ។ នេះបើយោងតាមសារព័ត៌មាន Bangkok Post ចុះផ្សាយនៅថ្ងៃច័ន្ទ ទី១៨ តុលា នេះ។

លោក Htay Aung រដ្ឋមន្ត្រីទេសចរណ៍របស់មីយ៉ាន់ម៉ាថ្លែងថា កិច្ចខិតខំប្រឹងប្រែងនេះធ្វើឡើង នៅពេលករណីឆ្លងវីរុសកូវីដ-១៩ ថ្មីនៅក្នុងប្រទេសដែលមានចំនួន៥៥លាននាក់នេះថ្មីបានធ្លាក់ចុះ ដែលបានធ្វើឱ្យរដ្ឋាភិបាល សម្រេចលុបចោលបម្រាមធ្វើដំណើរឆ្លងខេត្តភ្លាមៗ។

លោក Htay Aung បញ្ជាក់ថា “ការបន្ធូរបន្ថយនេះ និងថ្ងៃបុណ្យឈប់សម្រាកប្រពៃណីបានជំរុញឱ្យពលរដ្ឋមីយ៉ាន់ម៉ា ធ្វើដំណើរកម្សាន្ត”។លោកបន្តថា “យើងកំពុងត្រៀមរៀបចំកិច្ចព្រមព្រៀងចាំបាច់ សម្រាប់បើកច្រករបៀងធ្វើដំណើរ(Travel Bubbles) ជាមួយប្រទេសថៃ ដើម្បីឱ្យយើងត្រៀមខ្លួនរួចជាស្រេច នៅពេលពួកគេទាក់ទងមកយើងតាមរយៈបណ្តាញផ្លូវការ។ យើងក៏មានបំណងបើកព្រំដែនឡើងវិញ ជាមួយប្រទេសកម្ពុជា ឡាវ វៀតណាម នៅត្រីមាសទី១ ដើមឆ្នាំ២០២២ ផងដែរ”។

លោកថ្លែងថា គោលដៅនៃការបើកព្រំដែននេះ គឺដើម្បីឱ្យពលរដ្ឋថៃ អាចមកទស្សនាគោលដៅទេសចរណ៍ពេញនិយមនានា នៅក្នុងប្រទេសមីយ៉ាន់ម៉ា។ ប្រទេសមីយ៉ាន់ម៉ា មានព្រំប្រទល់ជាប់ប្រទេសចំនួន៥ គឺថៃ ចិន ឥណ្ឌា បង់ក្លាដែស និងឡាវ ហើយនៅតែហាមឃាត់ការហោះហើរពាណិជ្ជកម្មអន្តរជាតិ។

លោករំពឹងថា នៅក្នុងដំណាក់កាលដំបូង នៃការបើកព្រំដែនឡើងវិញនេះ នឹងទទួលបានភ្ញៀវទេសចរបរទេស ប្រមាណ៣០០.០០០នាក់។ លោកបញ្ជាក់ថា ទោះបីជាសណ្ឋាគារ និងផ្ទះសំណាក់ពាក់កណ្តាល នៅក្នុងប្រទេសនេះត្រូវបានផ្អាកដំណើរការក្ដី ក៏មានបន្ទប់ទំនេរ សម្រាប់ទទួលភ្ញៀវរហូតដល់ទៅប្រហែល៩០.០០០បន្ទប់។

ផ្អែកតាមរបាយការណ៍ចុងក្រោយរបស់ធនាគារអភិវឌ្ឍន៍អាស៊ី (ADB) បង្ហាញថា សេដ្ឋកិច្ចរបស់មីយ៉ាន់ម៉ា បានធ្លាក់ចុះ១៨,៤%ក្នុងឆ្នាំសារពើពន្ធ ដែលបានបញ្ចប់កាលពីថ្ងៃទី៣០ ខែកញ្ញា ក្រោយយោធាធ្វើរដ្ឋប្រហារ ដណ្ដើមគ្រប់គ្រងប្រទេសកាលពីខែកុម្ភៈ ដើមឆ្នាំនេះ។

ទោះជាយ៉ាងណា ធនាគារនេះមិនបានព្យាករ សម្រាប់ឆ្នាំសារពើពន្ធ២០២២ នោះទេដោយសារ “ស្ថានភាពមិនប្រាកដប្រជា។

យោងតាម World Travel & Tourism Council ដែលជាវេទិកាដើម្បីឧស្សាហកម្មធ្វើដំណើរនិងទេសចរណ៍បង្ហាញថា ទេសចរណ៍បានរួមចំណែកប្រមាណ៦% នៃផលិត​ផលក្នុងស្រុកសរុប (GDP) របស់មីយ៉ាន់ម៉ា ក្នុងឆ្នាំ២០១៩ មុនពេលផ្ទុះវិបត្តិកូវីដ-១៩៕ Bangkok Post ៕

WRITER: KANANA KATHARANGSIPORN

Bangok: The discontinuation of the Bangkok skytrain’s 30-day pass will be a game changer for the condo market as stations near workplaces become more attractive, according to Sena Development Plc.

Kessara Thanyalakpark, Sena’s managing director, said the 30-day pass gave condo buyers many location options with one fixed rate.

“After this pass is discontinued, the distance between condo and workplace will influence travel cost,” she said.

For instance, condo buyers whose workplace is in the Asoke area could choose a larger condo unit at Phraek Sa skytrain station rather than a smaller one near On Nut, which is much closer to the workplace.
However, their travel expenses will double after the discontinuation of the 30-day pass as the skytrain fare cost might soar from around 3,000 baht to 6,000-7,000 baht per month, said Ms Kessara.
“In the past condo buyers had many choices, not just one or two stations. All along the line the average fare was fixed by the 30-day pass,” she said.

Ms Kessara said this change is likely to rev up the condo market in some locations.
“The radius of condo locations from the buyer’s workplace will be smaller, reducing from up to 10 stations to only a few stations,” she said. “People will buy a home near their workplaces.”

The sluggish condo market should gradually pick up as the number of unsold condo inventory decreases, said Ms Kessara. Two key drivers were a cut in condo prices and fewer new launches, she said.

Sena announced last week the acquisition of condo developer Pataranan Asset for 385 million baht. Pataranan is developing low-rise condos on Charoen Nakhon Road worth 2 billion baht, which Sena will continue to construct.

Sena also acquired two more condo projects on Rattanathibet Road and in the Bang Sue-Tao Poon area.
All three of the new projects, worth a combined 3 billion baht, are being developed under a new brand called Flexi.
The impact of the pandemic caused Sena to cut its 2021 presales target to 7.1 billion baht from 11 billion, slashing its transfer target to 6.94 billion baht from 10 billion.

Source: Bangkok Post

ដោយ: សុផារី

បាងកក៖ ការបញ្ឈប់ការប្រើប្រាស់ប័ណ្ណធ្វើដំណើររយៈពេល៣០ថ្ងៃរបស់រថភ្លើងក្នុងក្រុងបាងកក នឹងជះឥទ្ធិពលដល់ទីផ្សារខុនដូ ដោយសារស្ថានីយនៅជិតកន្លែងធ្វើការនឹងកាន់តែទាក់ទាញជាងមុន។ នេះបើតាមការមើលឃើញរបស់លោកស្រី Kessara Thanyalakpark នាយកគ្រប់គ្រងរបស់ក្រុមហ៊ុនអចលនទ្រព្យ Sena Development Plc.។

លោកស្រីបានមានប្រសាសន៍ថា កន្លងមក ប័ណ្ណធ្វើដំណើររយៈពេល៣០ថ្ងៃនេះបានធ្វើឱ្យអ្នកទិញខុនដូអាចជ្រើសរើសទីតាំងជាច្រើនក្នុងអត្រាតម្លៃថេរមួយ។

លោកស្រីបាននិយាយថា “បន្ទាប់ពីប័ណ្ណនេះត្រូវបានបញ្ឈប់ការប្រើប្រាស់ ចម្ងាយរវាងខុនដូនិងកន្លែងធ្វើការនឹងជះឥទ្ធិពលដល់ថ្លៃធ្វើដំណើរ”។ លោកស្រីបន្តថា ការចំណាយលើការធ្វើដំណើររបស់អ្នកដំណើរក្នុងក្រុងបាងកកនឹងកើនឡើងទ្វេដង បន្ទាប់ពីការបញ្ឈប់ប័ណ្ណធ្វើដំណើររយៈពេល៣០ថ្ងៃ ដោយសារថ្លៃសំបុត្ររថភ្លើងអាចឡើងពី ៣,០០០ បាតទៅ ៦,០០០-៧,០០០ បាតក្នុងមួយខែ។

លោកស្រី Kessara Thanyalakpark បាននិយាយថា ការផ្លាស់ប្តូរនេះទំនងជាធ្វើឱ្យទីផ្សារខុនដូមានភាពប្រសើរឡើងនៅក្នុងទីតាំងមួយចំនួន។

កាលពីសប្តាហ៍មុនក្រុមហ៊ុន Sena Development Plc. ទិញយកក្រុមហ៊ុនអភិវឌ្ឍខុនដូផា Pataranan Asset ក្នុងតម្លៃ ៣៨៥ លានបាត។ Pataranan Asset បាននិងកំពុងអភិវឌ្ឍខុនដូទាបៗ នៅលើផ្លូវ Charoen Nakhon Road ដែលមានតម្លៃ ២ ពាន់លានបាត ដែលពេលនេះក្រុមហ៊ុន Sena នឹងបន្តការសាងសង់។

Sena ក៏ទទួលបានគម្រោងខុនដូពីរបន្ថែមទៀត ដែលគម្រោងថ្មីទាំង ៣ នេះមានតម្លៃសរុប ៣ ពាន់លានបាតកំពុងត្រូវបានបង្កើតឡើងក្រោមម៉ាកថ្មីមួយឈ្មោះ Flexi ។

ផលប៉ះពាល់នៃកូវីដ១៩ បានធ្វើឱ្យក្រុមហ៊ុន Sena កាត់បន្ថយគោលដៅលក់ក្នុងឆ្នាំ ២០២១ របស់ខ្លួនមកត្រឹម ៧,១ ពាន់លានបាតពី ១១ ពាន់លាន៕

ដោយៈសុខុម

សឹង្ហបុរី: ការនាំចេញទំនិញប្រើប្រាស់ក្នុងផ្ទះ ដែលមិនមែនជាប្រេង (NODX) របស់សិង្ហបុរី ទទួលបានកំណើន១២.៣%ក្នុងខែកញ្ញា នេះហើយនេះបង្ហាញពីកំណើនដែលទទួលបានរយៈពេល១០ខែជាប់ៗគ្នាគួរឱ្យអបអរសាទរ។

យោងតាមទិន្នន័យចេញផ្សាយដោយ Enterprise Singapore ដែលជាទីភ្នាក់ងាររដ្ឋាភិបាល ស្ថិតក្រោមចំណុះក្រសួងពាណិជ្ជកម្ម និងឧស្សាហកម្មនៅថ្ងៃច័ន្ទ ទី១៨ តុលា នេះបង្ហាញថា ទំនិញមិនមែនអេឡិចត្រូនិកទទួលបានកំណើនភាគច្រើន ហើយទន្ទឹមនេះការនាំចេញគ្រឿងអេឡិចត្រូនិកក៏បានកើនឡើងដែរ។

ការនាំចេញគ្រឿងអេឡិចត្រូនិក បានកើនឡើង១៤,៤%ក្នុងខែកញ្ញា ដែលជំរុញដោយការនាំចេញបន្ទះឈីប កុំព្យូទ័រផ្ទាល់ខ្លួន និងឧបករណ៍ទូរគមនាគមន៍។

ការនាំចេញផលិតផល មិនមែនគ្រឿងអេឡិចត្រូនិក បានកើនឡើង១១,៧%ក្នុងខែកញ្ញា ធៀបនឹងឆ្នាំមុនដែលនាំមុខដោយគីមីឥន្ធនៈ គ្រឿងចក្រ និងឱសថ។

ទីភ្នាក់ងាររដ្ឋាភិបាល Enterprise Singapore បាននិយាយថា ការនាំចេញទៅកាន់ទីផ្សារកំពូលៗ សរុបជារួមទទួលបានកំណើនក្នុងខែកញ្ញា បើទោះបីជាការនាំចេញទៅកាន់សហភាពអឺរ៉ុប ដែលមានសមាជិក២៧ប្រទេស ប្រទេសម៉ាឡេស៊ី និងថៃ បានធ្លាក់ចុះក៏ដោយ។

ទីភ្នាក់ងាររដ្ឋាភិបាល បានគូសបញ្ជាក់ថា អ្នករួមចំណែកធំៗបំផុតចំពោះកំណើននាំចេញនេះគឺប្រទេសចិន សហរដ្ឋអាមេរិក និងកូរ៉េខាងត្បូង៕  CNA ៕

         ដោយៈវឌ្ឍនៈ

ភ្នំពេញៈ រាជរដ្ឋាភិបាលកម្ពុជាបានចាប់ផ្ដើមបើកទូលាយ និងបានប្រកាសពីការបើកដំណើរការឡើងវិញ នូវប្រព័ន្ធស្នើសុំលិខិតបញ្ជាក់លើការធានា និងលិខិតបញ្ជាក់លើការអញ្ជើញសម្រាប់អ្នកដំណើរការជាវិនិយោគិន និងបុគ្គលិកជំនាញបច្ចេកទេស។

យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី១៧ តុលា ២០២១កន្លងទៅនេះ ឱ្យដឹងថាក្រសួងសេដ្ឋកិច្ច និងហិរញ្ញវត្ថុបានសហការជាមួយអនុគណៈកម្មការទី២ នៃគណៈប្រចាំការនៃគណៈកម្មការ ប្រយុទ្ធប្រឆាំងនឹងជំងឺកូវីដ១៩ ក្រសួងសុខាភិបាលនិងក្រសួងស្ថាប័នពាក់ព័ន្ធ នឹងដាក់ដំណើរការឱ្យប្រើប្រាស់ជាផ្លូវការឡើងវិញ នូវប្រព័ន្ធស្នើសុំលិខិតបញ្ជាក់លើការធានា និងលិខិតបញ្ជាក់ការអញ្ជើញក្នុងគោលដៅគាំទ្រ និងសម្រួលដល់របបនៃការធ្វើចត្តាឡីស័ក ដល់អ្នកដំណើរការបរទេ​ស ដែលជាវិនិយោគិន បុគ្គលិកជំនាញបច្ចេកទេស និងក្រុមគ្រួសារចូលមកក្នុងប្រទេសកម្ពុជា ដោយចាប់ផ្ដើមអនុវត្តពីថ្ងៃទី១៨ខែតុលា ២០២១នេះតទៅ ។

យន្តការនៃការធានានិងអញ្ជើញនេះ ធ្វើឡើងនៅលើថ្នាល់ផ្លាស់ប្តូរទិន្នន័យកម្ពុជា (CamDX) តាមរយៈគេហទំព័រ www.registrationservices.gov.kh ។ អ្នកដំណើរជាជនជាតិខ្មែរ និងបរទេសដែលជាវិនិយោគិន បុគ្គលិកជំនាញបច្ចេកទេស និងក្រុមគ្រួសារ ត្រូវមានការធានា ឬអញ្ជើញពីដៃគូក្នុងស្រុក ដែលជានីតិបុគ្គលស្របច្បាប់ មានការចុះបញ្ជី និងបង់ពន្ធត្រឹមត្រុវនៅកម្ពុជា ។

លិខិតបញ្ជាក់ទាំងពីរប្រភេទមានសុពលភាព៣០ថ្ងៃ ដែលអាចប្រើប្រាស់បានតែ១ដងគត់ និងមានទម្រង់ឌីជីថល ដែលអ្នកដំណើរអាចទាញយកនិងបោះពុម្ពបានដោយខ្លួនឯងតាមគេហទំព័រខាងលើ មុនធ្វើដំណើរមកកម្ពុជា។

វិនិយោគិននិងអ្នកជំនួញកម្ពុជា បានបង្ហាញពីក្ដីសាទរចំពោះចំណាត់ការ របស់រាជរដ្ឋាភិបាលកម្ពុជា ក្នុងការបើកទូលាយនូវដំណើរការសេដ្ឋកិច្ចកម្ពុជាឡើងវិញ ជាមួយនឹងវិធានការការពារជំងឺកូវីដ១៩។ ចំណែកអាជីវករក្នុងស្រុកវិញ ក៏បានបង្ហាញពីការសាទរនិងត្រៀមខ្លួន ក្នុងការបើកដំណើរការអាជីវកម្មរបស់ខ្លួន ដែលបានបិទអស់រយៈពេលជាយូរខែមកហើយផងដែរ៕

ដោយៈ សុផារី

ភ្នំពេញៈ រាជរដ្ឋាភិបាលបានអនុញ្ញាតឱ្យធនាគារជាតិនៃកម្ពុជា ចេញផ្សាយធនប័ត្រអនុស្សាវរីយ៍ប្រភេទ ៣០.០០០រៀលគំរូថ្មី ដើម្បីដាក់ឱ្យចរាចរ និងប្រើប្រាស់ទូទាំងព្រះរាជាណាចក្រកម្ពុជា ទន្ទឹមនឹងបណ្តាប្រភេទក្រដាសប្រាក់ ដែលបានចេញផ្សាយរួចហើយ។

ក្រដាសប្រាក់៣ម៉ឺនរៀលថ្មីនេះ បានរំលេចនូវព្រះឆាយាល័ក្ខណ៍ព្រះករុណា ព្រះ​បាទសម្ដេចព្រះនរោត្តម សីហនុ នាឱកាសកិច្ចព្រមព្រៀងសន្ដិភាពទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ និងរូបសំខាន់៤ទៀត នៅផ្ទៃខាងក្រោយនៃក្រដាសប្រាក់គឺរូបសម្ដេចសីហនុ “ព្រះបរមរតនកោដ្ឋ” ចាប់ដៃជាមួយសម្ដេចតេជោ លើកឡើងលើនាឱកា​សនៃការយាងនិវត្តន៍មកកាន់មាតុភូមិវិញ របស់ព្រះករុណាព្រះបរមរតនកោដ្ឋ នៅថ្ងៃទី១៤ ខែវិច្ឆិកា ឆ្នាំ១៩៩១ រូបវិមានឯករាជ្យនៅរាជធានីភ្នំពេញ ប៉មអេហ្វែលនៅទីក្រុងប៉ារីស និងរូបនៃសន្នីសីទនៃការចុះកិច្ចព្រមព្រៀងសន្ដិភាព ទីក្រុងប៉ារីសឆ្នាំ១៩៩១ផងដែរ។

តាមរយៈធនាគាំរជាតិនៃកម្ពុជាបានឱ្យដឹងថា ការចេញក្រដាសប្រាក់ប្រភេទ ៣០.០០០រៀលនេះ ដើម្បីអបអរសាទរខួប៣០ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស (២៣ តុលា ១៩៩១ – ២៣ តុលា ២០២១) និងខួប៣០ឆ្នាំនៃការយាងនិវត្តន៍របស់ ព្រះករុណាព្រះបាទសម្តេចព្រះនរោត្តម សីហនុ “ព្រះបរមរតនកោដ្ឋ” មកកាន់មាតុភូមិវិញ (១៤ វិច្ឆិកា ១៩៩១ – ១៤ វិច្ឆិកា ២០២១)។

លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាសមាជិករដ្ឋសភាបានសម្តែងការអបអរសាទរ នៃការដាក់ឲ្យចរាចរនូវក្រដាសប្រាក់ប្រភេទ ៣០,០០០រៀលថ្មីនេះ។ លោកបានសរសេរថា “ការសម្រេចនេះ មិនត្រឹមតែបានឆ្លុះបញ្ចាំងពីមនោសញ្ចេតនាដ៏ជ្រៀលជ្រៅរបស់កូនចៅ ចៅទួតចំពោះសម្តេចតា សម្តេចតាទួតរបស់យើងទាំងអស់គ្នាប៉ុណ្ណោះទេ ប៉ុន្តែក៏បានឆ្លុះបញ្ចាំងពីដំណើរវិវឌ្ឍន៍ ប្រកបដោយភាពវិជ្ជមានរបស់សង្គមកម្ពុជា ក្នុងរយៈពេល ៣០ឆ្នាំកន្លងមកនេះ”៕