ដោយៈវឌ្ឍនៈ

ភ្នំពេញៈ បើនិយាយពីអ្នកដែលប្រឡូក ក្នុងវិស័យអចលនទ្រព្យកាលពីមុនៗ គេសង្កេតឃើញថា ភាគច្រើនគឺជាបុរស និងមិនសូវមានស្ត្រី ជាអ្នកចូលរួមប្រឡូកឬប្រកបអាជីពក្នុងវិស័យនេះប៉ុន្មានទេ។

ប៉ុន្តែក្រោយមកដោយសារតែកំណើននេះ កាន់តែមានភាពរីកចម្រើនក៏ឃើញថាមានស្ត្រី កាន់តែច្រើនបានចូលប្រឡូកក្នុងវិស័យអចលនទ្រព្យ ។ តើស្ត្រីត្រូវជួបឧបសគ្គអ្វីខ្លះ នៅក្នុងការប្រឡូកជាមួយវិស័យអចលនទ្រព្យនេះ?។

លោកស្រី អាន សុធីតា ជាអ្នកជំនួញស្ត្រីមួយរូបក្នុងវិស័យអចលនទ្រព្យជាយូរមកហើយនោះ បានថ្លែងនៅក្នុងកិច្ចសម្ភាសន៍ ជាមួយគេហទំព័រ Property area ឱ្យដឹងថា នៅក្នុងវិស័យអចលនទ្រព្យ វាមិនមែនសំដៅទៅលើតែការទិញលក់ មួយប៉ុណ្ណោនោះទេ ។ នៅក្នុងវិស័យនេះ វាមានច្រើនផ្នែក តួយ៉ាងដូចជាសេវាកម្មខាងវាយតម្លៃ ដែលតម្រូវឱ្យបុគ្គលិកចុះទៅវាយតម្លៃផ្ទាល់ៗ នៅតាមខេត្ត មិនថាអចលនទ្រព្យប្រភេទអ្វីក៏ដោយ មិនថាកសិកម្មឬឧស្សាហកម្មផ្សេងៗឡើយ ។

លោកស្រីបន្តថា ពេលខ្លះបុគ្គលិកជាស្ត្រីរបស់យើង ក៏ចុះទៅតាមខេត្តដោយធ្វើដំណើរជាមួយបុរសៗភាគច្រើន ឬទៅជួបជាមួយនឹងភ្ញៀវដែលមិនស្គាល់មុខ តែនៅមានឧបសគ្គមួយចំនួនទៀត ដែលបុគ្គលិកផ្នែកអចលនទ្រព្យជាស្ត្រី ត្រូវប្រឈមដូចជាចុះទៅតាមការដ្ឋានសំណង់ដែលកំពុងសាងសង់ ដែលជាហានិភ័យសម្រាប់ស្ត្រីទាក់ទងនឹងគ្រោះថ្នាក់ ហើយអ្វីដែលប្រឈមបំផុតសម្រាប់ស្ត្រី ក្នុងវិស័យអចលនទ្រព្យនោះ គឺទាក់ទងនឹងផ្នែកទិញលក់។

លោកអាន សុធីតាស្រីនិយាយថា “ជាទូទៅតែងមានគេនិយាយថា ដើម្បីលក់អច​លនទ្រព្យបានគឺត្រូវតែហ៊ានលះបង់ ដូចជា ការទៅញ៉ាំកាហ្វេជាមួយភ្ញៀវ ញ៉ាំបាយជាមួ​យភ្ញៀវមិនថាបាយថ្ងៃត្រង់ ឬបាយល្ងាច និងធ្វើឱ្យភ្ញៀវសប្បាយចិត្ត “។លោកស្រ្តីបន្តថា “ជាទស្សនៈខ្ញុំគិតថាវាខុសទាំងស្រុង ពីព្រោះថាបើសិនជាធ្វើបែបនេះ គឺវាខុសនឹងក្រមសីលធម៌ហើយ ។ ការទិញលក់មិនចាំបាច់ទាល់តែ ធ្វើឱ្យភ្ញៀវស្រវឹងទើបសម្រេចការទិញលក់នោះទេ”។

លោកស្រីបន្ថែមថា បើសិនយើងគិតថាជាឧបសគ្គនោះ វានឹងក្លាយជាឧបសគ្គតែបើយើងគិតងាយៗ យើងមិនចាំបាច់ធ្វើដល់ថ្នាក់នោះឡើយ ។ បើត្រឹមតែយើងញ៉ាំកាហ្វេជជែកជាមួយភ្ញៀវ ពិភាក្សាជាមួយនិងពន្យល់ភ្ញៀវពីសេវាកម្ម និងផលិតផលនោះវាមិនមានអ្វីជាឧបសគ្គសម្រាប់ស្ត្រី ក្នុងជំនួញអចលនទ្រព្យនោះទេ។ អ្វីដែលស្ត្រីក្នុងជំនួញអចលនទ្រព្យត្រូវដឹងនោះ គឺស្គាល់ពីផលិតផលឱ្យច្បាស់ និងស្គាល់ភ្ញៀវ ហើយសំខាន់បំផុតនោះគឺស្វែងរកដំណោះស្រាយជូនភ្ញៀវ ។

ជាការកត់សម្គាល់ក្នុងវិស័យអចលនទ្រព្យកម្ពុជានេះ ស្ត្រីកាន់តែច្រើនបានប្រឡូកក្នុងវិស័យអចលនទ្រព្យ ក្នុងនោះរាប់តាំងពីការលក់ដីឡូត៏ លក់ផ្ទះ លក់ខុនដូ និងមានស្ត្រីជាច្រើនទៀត បានក្លាយជាអ្នកដឹកនាំ ក្នុងក្រុមហ៊ុនអចលនទ្រព្យ និងកំពុងទទួលបានការគាំទ្រពីវិនិយោគិន និងសាធារជនក្នុងប្រទេសកម្ពុជាផងដែរ៕

ដោយៈវឌ្ឍ​នៈ​​

ភ្នំពេញៈ ការវិនិយោគដីធ្លីនៅក្នុងប្រទេសកម្ពុជា នារយៈពេលជាង១ទសវត្សរ៍កន្លងមកនេះឃើញថា កាន់តែមានសន្ទុះ និងមានការអភិវឌ្ឍខ្លាំង ជាក់ស្ដែងក្នុងអំឡុងនៃកូវីដ១៩នេះក្ដី ក៏ការវិនិយោគដីធ្លីនៅតែមានសន្ទុះ និងការចាប់អារម្មណ៍ខ្លាំងពីវិនិយោគិនដដែល ក្នុងនោះដែរដី៥ប្រភេទ ដែលវិនិយោគគួរយល់ដឹងនិងពិចារណា ក្នុងការស្វែងរកការវិនិយោគដើម្បីទទួលបានប្រាក់ចំណេញខ្ពស់និងភ្លាមៗ។

លោកស្រីហ្គ្រេស រចនី ហ្វុងនាយិកាក្រុមហ៊ុនCentury 21 Cambodia បានមានប្រសាសន៍ឲ្យដឹងនាព្រឹកថ្ងៃទី៧ កញ្ញានេះថា ដី៥ប្រភេទដែលរដ្ឋាបាលបានគូសជាប្លង់មេដែលភាគច្រើន មិនសូវបានចាប់អារម្មណ៍ រួមមាន

ទី១ ដីសម្រាប់សាងសង់ជាពាណិជ្ជកម្មឬក៏អគារខុនដូ

ដីប្រភេទនេះ អ្នកវិនិយោគគួរពិនិត្យមើលថា តើមានផ្លូវចេញច្រើនដែរទេអាចសាងសង់អគារឡើងបានប៉ុន្មានជាន់ ហើយការរស់នៅលក្ខណៈក្នុងខុនដូមានភាពងាយស្រួលកម្រិតណា ។

ទី២ ជាដីសម្រាប់ការរស់នៅ

ដីប្រភេទនេះ គឺផ្ដោតលើការចាប់អារម្មណ៍ សម្រាប់អ្នកសាងសង់លំនៅឋានជាបុរី ហើយម្ចាស់បុរីធំៗនៅកម្ពុជា តែងតែចាប់អារម្មណ៍លើដីប្រភេទនេះ ។

ទី៣ ដីសម្រាប់ការសាងសង់ជាឃ្លាំង

ដីប្រភេទនេះគឺមានលក្ខណៈខ្នាតធំៗ និងមានផ្លូវសម្រាប់ឡានកុងតឺន័រធំៗ ចេញចូលក្នុងការលើកដាក់ទំនិញបាន ។ នៅប្រទេសក្រៅការវិនិយោគលើឃ្លាំង គឺរដ្ឋាភិបាលគេរៀបចំដីម្ដុំ សម្រាប់ងាយស្រួលក្នុងការស្តុកទំនិញនានា។

ទី៤ ដីដែលសំខាន់មួយទៀតគឺប្រភេទដីកសិកម្ម

អ្នកវិនិយោគលើវិស័យកសិកម្ម ក៏ត្រូវសិក្សាទៅលើដីប្រភេទនេះផងដែរថា តើវាអាចដាំដុះលើដំណាំអ្វីបានខ្លះ។ អ្នកវិនិយោគខ្លះទៀតមុននឹងចាប់ផ្ដើម ដាក់ទុនលើដំណាំអ្វីមួយទៅលើដីប្រភេទកសិកម្ម ក៏មានក្រុមជំនាញផ្នែកកសិកម្មធ្វើតេស្តដីថា តើវានឹងផ្ដល់សក្ដានុពលលើដំណាំប្រភេទ ដែលគ្រោងវិនិយោគបានដែរទេ។

ទី៥ ដីទេសចរណ៍

ដីប្រភេទនេះអាចសាងសង់ជារីសត និងជាសណ្ឋាគារបាន ។ ដូចយើងបានឃើញហើយថាតំបន់ណា ដែលមានរមណីយដ្ឋាន និងកន្លែងកម្សាន្ត តែងតែទទួលបានការវិនិយោគទៅលើអចលនទ្រព្យ ដែលគាំទ្រដល់វិស័យទេសចរណ៍ ដូចជា ខេត្តកែប កំពត និងខេត្តព្រះសីហនុជាដើម។

ជាមួយគ្នានេះ លោកឧកញ៉ាកាង សុធីអគ្គនាយកក្រុមហ៊ុនCentury21 Land stationបានមានប្រសាសន៍ឲ្យដឹងផងដែរថា សព្វថ្ងៃនេះ លោកបានវិនិយោគលើដី៣ប្រភេទ ទី១ ជាប្រភេទដីសម្រាប់សាងសង់ ទី២ ជាប្រភេទដីសម្រាប់ជួលបើកជាសិប្បកម្ម និងមួយទៀត គឺការវិនិយោគដីសម្រាប់វិនិយោគពេលយូរ ដែលមានន័យថាទិញដីទុកសម្រាប់យកប្រាក់ចំណេញ នៅពេលអនាគត ពេលដែលវាឡើងថ្លៃ ។

លោកឧកញ៉ាបន្តថា មុននឹងលោកទិញដីសម្រាប់ធ្វើអ្វីមួយ នៅតំបន់ណានោះគឺលោកបានសិក្សាច្បាស់លាស់ ទៅលើសក្ដានុពលនៅពេលបច្ចុប្បន្ននៅអនាគត ។ លោកថា៖«ការវិនិយោគទៅលើដី គឺមានឱកាសក្នុងការរកប្រាក់ចំណេញ ជាងអចលនទ្រព្យផ្សេងៗ ពីព្រោះដីដែលមិនទាន់ច្នៃ គេអាចកែច្នៃទៅតាមអ្វី ដែលជាជំនាញរបស់អ្នកអភិវឌ្ឍន៍៕

ដោយៈសុជាតា

ប្រទេសចិនៈ អាជ្ញាធរកណ្តាលប្រទេសចិន បានដាក់ផែនការថ្មីសម្រាប់អភិវឌ្ឍតំបន់សហប្រតិបត្តិការផ្នែកតំបន់ខាងត្បូង ស៊ីនជិន និងតំបន់រដ្ឋបាលពិសេសហុងកុង។

បើយោងតាមផែនការ កំណែទម្រង់ និងបើកទូលាយ នូវសេវាកម្មទំនើបនូវតំបន់ឧស្សាហកម្ម ហុងកុង ស៊ីនជិន នឹងត្រូវកែទំរង់ដោយស៊ីជំរៅ គ្រប់ជ្រុងគ្រប់ជ្រោយ។

ផែនការនេះ នឹងត្រូវដាក់ដោយគណកម្មាធិការកណ្តាល និងក្រុមប្រឹក្សារដ្ឋ ដែលបានប្រកាសជាសាធារណៈ កាលពីថ្ងៃច័ន្ទ។ ផែនការទូទៅនេះ ត្រូវបង្កើតតំបន់សហប្រតិបត្តិការ ដោយដាក់ពាក្យស្នើសុំដោយក្រុមប្រឹក្សារដ្ឋកាលពីឆ្នាំ២០១០។

បើយោងតាមទិន្នន័យផ្លូវការកាលពីខែសីហា បានបង្ហាញអោយដឹងថា ក្រុមហ៊ុនវិនិយោគហុងកុង សរុបជាង១១,៥០០ក្រុមហ៊ុន ជាមួយដើមទុនវិនិយោគ១៩៨ ពាន់លានដុល្លារនឹងចូលរួមក្នុងគំរោងនេះ។

តំបន់សហប្រតិបត្តិការសរុប នឹងពង្រីកទំហំរហូតដល់ ១២០.៥៦ Km square ពីទំហំជិត១៥ km square ពីដើម។

ផែនការមេថ្មីនេះ នឹងជួយនឹងQianhai ដើរតួនាទីដ៏សំខាន់ ក្នុងការអភិវឌ្ឍសម្រាប់តំបន់សមុទ្រម៉ាកាវ ហុងកុង និង Guangdong ។

នៅត្រឹមឆ្នាំ ២០៣៥ តំបន់Qianhai នឹងក្លាយទៅជាមជ្ឈមណ្ឌលជំនួញលំដាប់ពិភពលោក ដែលនឹងក្លាយទៅជាម៉ាស៊ីន សម្រាប់ការអភិវឌ្ឍគុណភាពខ្ពស់ជាមួយនឹងការបែងចែកធនធានរបស់ពិភពលោក។

ការបើកទូលាយហិរញ្ញវត្ថុ
ផែនការនេះ នឹងជំរុញអោយបើកទូលាយតំបន់ហិរញវត្ថុផងដែរ ហើយប្រទេសចិនបានគាំទ្រស្ថាប័នហិរញ្ញវត្ថុ ក្នុងការវិនិយោគមូលបត្រឆ្លងព្រំដែន និងជំនួញផេ្សងៗ នៅតំបន់។

ផែនការនេះ នឹងគាំទ្រកម្មវិធីសាកល្បង ដែលភ្ជាប់រូបិយវត្ថុក្នុងស្រុក និងបរទេសនៅក្នុងគណនីធនាគារ ហើយនិងផ្តល់ទីផ្សារជួញដូរ Qiahai ក្នុងការធ្វើពាណិជ្ជកម្មវត្ថុធាតុដើមផ្សេងទៀតផងដែរ៕

ដោយៈគង់ សូរិយា

ភ្នំពេញៈ រដ្ឋបាលរាជធានីភ្នំពេញបាន និងកំពុងសាងសង់ផ្លូវពីរខ្សែទៀត តភ្ជាប់ពីរាជធានីភ្នំពេញ ទៅកាន់តំបន់ស្តាតមរតកតេជោ សម្រាប់សម្រួលការធ្វើចរាចរណ៍ អំឡុងពេលកម្ពុជា រៀបចំកីឡាស៊ីហ្គេមនៅឆ្នាំ២០២៣ខាងមុខនេះ។

តាមព៌តមានទទួលបានពីរដ្ឋបាលរាជធានីភ្នំពេញបានឲ្យដឹងថា កំណាត់ផ្លូវ២ខ្សែចាប់ពីចំណុចផ្លូវជាតិលេខ៦ រហូតដល់មហាវិថីឈ្នះ ឈ្នះ ស្ថិតនៅសង្កាត់បាក់ខែង និងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។ ពេលនេះរដ្ឋបាលរាជធានីភ្នំពេញបាននិងកំពុងស្ថាបនាយ៉ាងមមាញឹក ដើម្បីត្រៀមការប្រកួតកីឡាស៊ីហ្គេមនៅចុងឆ្នាំ ២០២៣ ដែលកម្ពុជាធ្វើជាម្ចាស់ផ្ទះ។

អភិបាលនៃគណៈអភិបាលរាជធានីភ្នំពេញ លោក ឃួង ស្រេងបានបើកកិច្ចប្រជុំនៅរសៀលថ្ងៃទី៦ កញ្ញាកន្លងមកនេះ ដើម្បីពិភាក្សាទៅលើបញ្ហាបច្ចេកទេសនិងផលប៉ះពាល់ជាមួយគម្រោងនៃការស្ថាបនាផ្លូវទាំងពីរខ្សែនេះ។

លោកឃួង ស្រេង បានជំរុញឲ្យអនុគណៈកម្មការបច្ចេកទេសដែលដឹកនាំដោយលោកស៊ុយ សេរិទ្ធ អភិបាលរងរាជធានី និងលោកមាន ចាន់យ៉ាដា ជាអនុគណៈកម្មការដោះស្រាយផលប៉ះពាល់​ ត្រូងអនុវត្តការងារនេះឲ្យបានលឿន និងទាន់ពេលវេលា ដើម្បីឲ្យក្រុមការងារនៃការស្ថាបនាផ្លូវ អនុវត្តការងារឲ្យបាន​លឿន មិនមានការរាំងស្ទះ។ ចំពោះផលប៉ះពាល់នៃការស្ថាបនាផ្លូវនេះ រដ្ឋបាលរាជធានីភ្នំពេញនឹងធ្វើការដោះស្រាយជាមួយបងប្អូនប្រជាពលរដ្ឋ។

ជាមួយគ្នានេះ លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញបានបញ្ជាក់ថា កំណាត់ផ្លូវ២ខ្សែ ចាប់ពីចំណុចផ្លូវជាតិលេខ៦ រហូតដល់មហាវិថីឈ្នះ ឈ្នះ ស្ថិតនៅសង្កាត់បាក់ខែង និងសង្កាត់ព្រែក​តាសេក ខណ្ឌជ្រោយចង្វារ ក្នុង​មួយ​ខ្សែៗមានប្រវែងជិត១០គីឡូម៉ែត្រ ដែលមានទទឹង១៥ម៉ែត្រ សាងសង់អំពីបេតុងឆ្អឹងដែក ដែលមានចិញ្ចើមផ្លូវ២ម៉ែត្រសងខាង។

ការស្ថាបនាផ្លូវនេះ ក៏ដាក់បណ្តាញលូនៅសងខាងផ្លូវទំហំជាង១ម៉ែត្រ ហើយខ្សែផ្លូវខ្លះត្រូវ​ដាក់លូជា អក្សអ៊ុយ (U) នៅកណ្តាលទ្រូងផ្លូវតែម្តង ដើម្បីរំដោះទឹកជូនប្រជាពលរដ្ឋ៕