ដោយៈសហការី

ភ្នំពេញៈ ប្រយោគដែលប្រជាជនខ្មែរវ័យក្មេងជាច្រើន តែងតែបានឮជាប្រចាំគឺ “ពិបា​​កមុនស្រណុកក្រោយ” ស្របបេលចំនួនប្រជាជនខ្មែរវ័យក្មេងជាច្រើន ដែលកំពុងតែសកម្មក្នុងភារកិច្ចការងារនៅតាមវិស័យផ្សេងៗ ធ្វើឲ្យប្រយោគនេះត្រូវបានយកចិត្តទុកដាក់កាន់តែខ្លាំងពីគ្រប់មជ្ឈដ្ឋាន។

មិនដូចនៅក្នុងបណ្ដាប្រទេសនៅអាស៊ីអាគ្នេយ៌ផ្សេងទៀត ដែលទទួលរងផលប៉ះពាល់យ៉ាងធ្ងន់ធ្ងរពីការរីករាលដាលនៃជម្ងឺឆ្លង ទំហំផលិតផលក្នុងស្រុកសរុបរបស់ប្រទេ​សកម្ពុជា លើគ្រប់វិស័យហាក់មិនបង្ហាញនូវសញ្ញាណធ្លាក់ចុះនោះឡើយ។ សេណារីយ៉ូនេះបង្ហាញថា ប្រជាជនខ្មែរវ័យក្មេងទាំងអស់ នៅតែមានឱកាសក្នុងការទទួលបាន ចំណូ​លខ្ពស់ និងការងារកាន់តែមានភាពប្រសើរឡើង។

ដោយសារកំណើននៃប្រាក់ចំណូល អ្នកជំនាន់ក្រោយគួរតែងាកមកពិចារណាអំពីការវិនិយោគចំណូលអកម្មរបស់ពួកគេ ជាជាងការចំណាយទៅលើសម្ភារៈនិយម ដែលពួកគេមិនត្រូវការចាំបាច់ទាល់តែសោះ។ យើងអាចដឹងបានថា ប្រជាជនខ្មែរដែលមានចំណូលខ្ពស់ មានសមត្ថភាពគ្រប់គ្រាន់ ក្នុងការការវិនិយោគលើអចលនទ្រព្យ ដើម្បីទទួលបាននូវប្រាក់ចំណូលកាន់តែខ្ពស់ ដូចដែលពួកគេស្រម៉ៃចង់បាននាពេលអនាគត។

នៅក្នុងឆ្នាំ ​2021 នេះ ផ្ទះនៅក្នុងទីក្រុងភ្នំពេញ មានតម្លៃប្រហែល USD200,000 ខណៈពេលដែលតម្លៃផ្ទះ នៅតាមជាយក្រុងភ្នំពេញ មានតម្លៃប្រហែលUSD130,000។ សម្រាប់ខុនដូ ប្រណីតក្នុងតំបន់ពាណិជ្ជកម្មនៃទីក្រុងភ្នំពេញវិញ អាចមានតម្លៃជិត USD 100,000។ តម្លៃអចលនទ្រព្យខ្ពស់ទាំងនេះ បានធ្វើឲ្យប្រជាជនខ្មែរវ័យក្មេងភាគច្រើនបោះបង់ក្ដីសង្ឃឹម ក្នុងការវិនិយោគទៅលើវិស័យអចនទ្រព្យ ក៏ប៉ុន្តែវិស័យអចលនទ្រព្យមិនមែនមានត្រឹមតែផ្ទះ ខុនដូ និង ដីធ្លីប៉ុណ្ណោះទេ។

យើងបានមើលឃើញអំពីទំនោរថ្មី ដែលវិស័យអចលនទ្រព្យពាណិជ្ជកម្មកាន់តែទទួលបានការចាប់អារម្មណ៍កាន់តែខ្លាំង ពីគ្រប់មជ្ឈដ្ឋានបន្ទាប់ពីការទទួលបាន នូវការវិនិយោគផ្ទាល់ពីបរទេសជាមួយនឹង ប្រេនអន្តរជាតិល្បីៗជាច្រើន ដែលបង្កើតនូវមូលដ្ឋានគ្រឹះដ៏រឹងមាំនៅក្នុងប្រទេសកម្ពុជាយើង។ ប្រជាជនខ្មែរវ័យក្មេង គួរតែសាកល្បងធ្វើការវិនិយោគ ទៅលើគម្រោងអភិវឌ្ឍផ្សារដែលផ្ដល់ជូននូវប្លង់រឹង និងទទួលបានផលចំណេញខ្ពស់ពីការវិនិយោគ។
នាពេលបច្ចុប្បន្ននេះ មានប្រភេទនៃគម្រោងអភិវឌ្ឍ បែបពាណិជ្ជកម្មជាច្រើនដែលផ្ដល់សម្រាប់តែការជួលប៉ុណ្ណោះ ហើយកម្រមានម្ចាស់គម្រោងណា ដែលលក់តូបផ្សារព្រមជាមួយនឹងប្លង់រឹងណាស់។

ប្រភេទនៃការវិនិយោគលើតូបផ្សារនេះ ជាឱកាសដ៏ល្អបំផុតមួយក្នុងឆាកជីវិត ដោយសារតែតម្លៃ លក់សមរម្យនៅពេលចាប់ផ្ដើមគម្រោង ហើយបន្តឡើងថ្លៃមិនឈប់ពីមួយឆ្នាំ ទៅមួយឆ្នាំដោយសារតែលក្ខណៈបែបនេះ យើងបានឃើញរួចមកហើយនៅក្នុងការអភិវឌ្ឍគម្រោងផ្សារថ្មី ផ្សារអូរឫស្សី និងផ្សារអូរឡាំពិក។ នាពេលបច្ចុប្បន្ននេះ មានតែផ្សារជីស៊ី អូរឫស្សីតែប៉ុណ្ណោះ ដែលបានធានាផ្ដល់ជូននូវលក្ខខណ្ឌបែបនេះ ជាមួយនឹងតម្លៃតូបទាប ត្រឹមតែ USD2X,000។ ការអភិវឌ្ឍប្រភេទថ្មីនេះបានបើកនូវឱកាសថ្មីបន្ថែមសម្រាប់ប្រជាជនខ្មែរវ័យក្មេងទាំងអស់។

ផ្សារជីស៊ី អូរឫស្សីគឺជាគម្រោងផ្សារបោះដុំ និងលក់រាយដែលមានកម្ពស់ 6 ជាន់។ អ្នកវិនិយោគខ្មែរទទួលបាននូវអត្ថិភាពពិសេសក្នុងការវិនិយោគលើតូបផ្សារលក់អាហារស្រស់នៅជាន់ផ្ទាល់ដីហៅថា “​ផ្សារយើង” ហើយគាត់ក៏អាចទិញតូបនៅជាន់ខាងលើផងដែរ។ វិនិយោគនៅក្នុងផ្សារយើងអាចឲ្យលោកអ្នកទទួលបាននូវប្រាក់ចំណូលរហូតដល់ 15%ក្នុងមួយឆ្នាំ ជាមួយនឹងចំណូលជាងUSD300 ពីតូបដែលទិញក្នុងតម្លៃ USD 2X.000។

នេះគឺជាឱកាសដ៏ល្អបំផុតមួយ ដោយយើងមើលឃើញថា ការវិនិយោគទៅលើលំនៅឋាន និងខុនដូផ្ដល់ អត្រាចំណេញប្រចាំឆ្នាំត្រឹមតែពី 5% ទៅ 8% ប៉ុណ្ណោះ។ យើងក៏អាចមើលឃើញពីអត្រាផលចំណេញ ពីការឡើងថ្លៃនៃតូបផ្សារមានកម្រិតខ្ពស់ខ្លាំងបើធៀបទៅនឹងអចលនទ្រព្យផ្ទះ និងដីធ្លី។ ការវិនិយោគនេះ ក៏មានភាពទាក់ទាញផងដែលបើធៀបទៅនឹងរបស់របរដែលយុវវ័យភាគច្រើនចំណាយទិញ។

ឧទាហរណ៍ថា យើងចំណាយលុយទិញឡានតម្លៃ USD 20,000 ដែលមានអត្រាធ្លាក់ថ្លៃរហូតដល់ 12% ក្នុងមួយឆ្នាំ។ នេះមានន័យថាយើងខាតលុយ USD 2,400 ក្នុងមួយឆ្នាំ លើយានយន្តដែលនេះ មិនទាន់រាប់បញ្ចូលថ្លៃជួសជុលថែទាំផង។ ការទិញផលិតផលប្រណីតវិ ញក៏រឹតតែមិនល្អទៅទៀត ដោយសារតែការវិនិយោគនេះ មិនមានផលចំណេញ និងអាចត្រូវចំណាយដល់ USD 10,000 ក៏អាចថាបាន។

ប្រជាជនខ្មែរវ័យក្មេង គួរតែមានភាពរវៀសជាមួយ នឹងប្រាក់ចំណូលរបស់ពួកគេដោយសារតែនៅពេលនេះ គឺជាឱកាសមាសសម្រាប់ជួយជម្រុញសេដ្ឋកិច្ច ប្រទេសកម្ពុជា។ យើងជឿជាក់ថា ការសម្រេចចិត្តក្នុងការវិនិយោគ ចូលទៅក្នុងវិស័យអចលនទ្រព្យចាប់ពីវ័យក្មេងទៅគឺជាជំហានដ៏អស្ចារ្យមួយ។

សម្រាប់ព័ត៌មានបន្ថែមអំពីផ្សារយើង សូមចូលទៅកាន់គេហទំព័រហ្វេសប៊ុក របស់យើង៖
GC Orussey Market – ផ្សារជីស៊ីអូរឫស្សី:
https://www.facebook.com/gc.orusseymarket
ឆានែលតេឡេក្រាម – https://t.me/GCOrusseyMarket
លេខទូរស័ព្ទ និងតេឡេក្រាម: 099 331015, 098 331015
ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ 360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City GC Land GC Empire GC Realty GC Design GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ និង Lixin Century Innovation Park។

រៀបរៀងដោយការិយាល័យទីផ្សារ GCC
សម្រាប់ព័ត៌មានបន្ថែម សូមទំនាក់ទំនង
អ្នកនាង Leong Ka Yen ប្រធានផ្នែកទីផ្សារ
លេខទំនាក់ទំនង: +855 96 820 6822 Email: [email protected]
លោកង៉ែត ឧត្តមមុន្នី ប្រធានត្រួតពិនិត្យទីផ្សារ
លេខទំនាក់ទំនង: +855 98831868 Email: [email protected] ៕

ដោយៈសុខុម

សិង្ហបុរី: ការសិក្សាស្រាវជ្រាវថ្មីមួយ ធ្វើឡើងដោយក្រុមហ៊ុនប្រឹក្សាយោបល់ចលនទ្រព្យអង់គ្លេស Knight Frank កាលពីពេលថ្មីៗនេះបង្ហាញថា ខណៈកម្រិតជីវភាពពលរដ្ឋក្នុងប្រទេសសិង្ហបុរី កាន់តែប្រសើរឡើង តម្រូវការលំនៅដ្ឋានប្រណីតក្នុងប្រទេសនេះក៏កំពុងកើនឡើងជាលំដាប់។

ការសិក្សាខាងលើបង្ហាញថា នៅឆមាសទី១ ឆ្នាំ២០២១ ប្រតិបត្តិការទិញលក់អចលនទ្រព្យប្រភេទលំនៅដ្ឋាន ប្រណីតបានឈានដល់៧,៥ពាន់លានដុល្លារសិង្ហបុរី (ជាង៥,៥៣ដុល្លារមេរិក)។

ចំនួននៃការលក់សរុប សម្រាប់អចលនទ្រព្យប្រភេទលំនៅដ្ឋាន ដែលសាងសង់លើដីជួលពីរដ្ឋ (Non-landed Residential Properties) ក្នុងឆមាសទី១ ឆ្នាំ២០២១ បានឈានដល់២ពាន់លានដុល្លារសិង្ហបុរី (ជាង១,៤៧ពាន់លានដុល្លារអាមេរិក) ជាតួលេខខ្ពស់បំផុតចាប់តាំងពីឆមាសទី២ ឆ្នាំ២០១០ ដែលការលក់នៅក្នុងផ្នែកទីផ្សារលំនៅដ្ឋានប្រណីតមានចំនួនសរុប មានត្រឹមតែប្រមាណ២,៤ពាន់លានដុល្លារសិង្ហបុរី (ជាង១,៨៤ពាន់លានដុល្លារអាមេរិក)។

ដោយងើបឡើងវិញពីវិបត្តិសេដ្ឋកិច្ច ដែលបង្កឡើងដោយការរីករាលដាលនៃវីរុសកូវីដ-១៩ នៅក្នុងឆ្នាំ២០២០ សកម្មភាពលក់ក្នុងឆមាសទី១ ឆ្នាំ២០២១ បានកើនឡើងទ្វេដង បើធៀបនឹងចំនួន១ពាន់លានដុល្លារសិង្ហបុរី (៧៣៨លានដុល្លារអាមេរិក) ដែលត្រូវបានកត់ត្រាក្នុងឆមាសទី២ ឆ្នាំ២០២០ ហើយបានកើនលើស១.៧ពាន់លានដុល្លារសិង្ហបុរី (ជាង១,២៥ពាន់លានដុល្លារអាមេរិក) ក្នុងឆ្នាំ២០២០ ទាំងមូល។

ជាការកតសម្គាល់ ប្រតិបត្តិការទិញលក់លំនៅដ្ឋាន ដែលសាងសង់លើដីជួលពីរដ្ឋក្នុងឆមាសទី១ ២០២១ រួមមានទាំងការលក់យូនីតទាំងអស់នៅអគារ Eden ដោយក្រុមហ៊ុនអភិវឌ្ឍន៍អចលនទ្រព្យ Swire Properties ក្នុងតម្លៃ២៩៣លានដុល្លារសិង្ហបុរី (ជាង២១៦លានដុល្លារអាមេរិក)ផងដែរ ជាមួយនឹងតម្លៃជាមធ្យម៤.៨២៧ដុល្លារសិង្ហបុរី (៣.៥៦០ដុល្លារអាមេរិក) ក្នុងមួយហ្វីតការ៉េ (១ម៉ែត្រការ៉េ=១០,៧៦ហ្វីតការ៉េ)។ តួលេខនេះ បង្ហាញពីតម្រូវការកើនឡើងសម្រាប់ផ្ទះជាងមុន ដែលសាងសង់លើដីជួលពីរដ្ឋនៅក្នុងសង្កាត់ដែលមានដីមានហាងឆេងខ្ពស់។

ប្រតិបត្តិការទិញ លក់គួរឱ្យកត់សម្គាល់ផ្សេងទៀត នៅក្នុងផ្នែកនេះរួមមានទាំងអគារខុនដូ Les Maisons Nassim (តម្លៃ៣៩លានដុល្លារសិង្ហបុរី ឬ ២៨,៨លានដុល្លារអាមេរិក តម្លៃជាមធ្យម៥.៩៣០ដុល្លារសិង្ហបុរី ឬ៤.៣៨០ដុល្លារអាមេរិក ក្នុងមួយហ្វីតការ៉េ) និងគារខុនដូ Park Nova (តម្លៃ៣៤.៤លានដុល្លារសិង្ហបុរី ឬ ២៥,៤លានដុល្លារអាមេរិក តម្លៃជាមធ្យម៥.៨៣ដុល្លារសិង្ហបុរី ឬ ៤.៣១០ដុល្លារអាមេរិកក្នុងមួយហ្វីតការ៉េ) ផងដែរ។

ទន្ទឹមនឹងនេះ ចំនួននៃការលក់សរុប សម្រាប់អចលនទ្រព្យប្រភេទលំនៅដ្ឋាន ដែលសាងសង់លើដីឯកជន (Landed Residential Properties) មានចំនួន៤,៣ពាន់លានដុល្លារសិង្ហបុរី (ជាង៣,១៧ពាន់លានដុល្លារអាមេរិក)។ តម្រូវការនេះបានហក់ឡើងខ្ពស់ដោយសារកត្តាមួយចំនួនដូចជា អ្នកមានផ្ទះរួច ប៉ុន្តែចង់បានផ្ទះធំទូលាយជាងមុន ព្រមទាំងពលរដ្ឋ លក់ផ្ទះឯកជនរបស់ពួកគេចេញក្នុងតម្លៃខ្ពស់ ដោយសារទីផ្សារផ្ទះឯកជនមានភាពសកម្ម និងរឹងមាំ។ នេះបើយោងតាមការសិក្សាស្រាវជ្រាវដដែល៕

ដោយៈគង់ សូរិយា

ភ្នំពេញៈ ស្របពេលក្រុងកំពត នឹងត្រូវពង្រីកនាពេលអនាគត ដោយកាត់ឃុំចំនួន៣ ចូលមកដែនរដ្ឋបាលក្រុង នឹងធ្វើឲ្យឥទ្ឋិពលនៃការវិនិយោគកើនឡើង ទៅកាន់តំបន់ជាយក្រុងនេះកាន់តែច្រើន។

អ្នកជំនាញកំពុងមានសុទិដ្ឋិនិយម លើតំបន់ស្ថិតនៅជុំវិញផ្លូវជាតិលេខ៤៣ ដែលនឹងទាក់ទាញការវិនិយោគ លើវិស័យអចលនទ្រព្យនាពេលអនាគតឆាប់ៗនេះ ខណៈតម្លៃដីធ្លីតំបន់នេះកំពុងឡើងថ្លៃរួចទៅហើយ។

លោក Coolor Tan អគ្គនាយកក្រុមហ៊ុន Youngsia Real Estate បានមានប្រសាសន៍៍ឲ្យដឹងកាលពីសប្តាហ៍មុនថា ខេត្តកំពតមានភាពអំណោយផលខ្លាំង លើវិស័​យទេស​ចរណ៍ ព្រោះខេត្តនេះមានទីតាំងជិតរាជធានីភ្នំពេញ មានព្រៃភ្នំ មានស្ទឹងធម្មជាតិ និងខ្យល់អាកាសបរិសុទ្ឋ ដែលអំណោយផលដល់ការវិនិយោគ លំនៅដ្ឋានលំហែរកាយ និងសេវាកម្ម រមណីយដ្ឋានទេសចរណ៍ធម្មជាតិ និងកែច្នៃ។

លោកបន្តថា “ដោយសារមានទីតាំងកៀងនឹងក្រុងកំពត ខ្ញុំជឿថាតំបន់ជាប់ផ្លូវជាតិលេខ៤៣ ស្ថិតនៅក្នុងភូមិសាស្រ្តកៀកក្រុងកំពត និងតំបន់ដៃទៃទៀត នឹងទាក់ទាញអ្នកវិនិយោគកាន់តែច្រើនថែមទៀត”។ លោកបន្តថា “ផ្លូវជាតិលេខ ៤៣ សមស្របសំរាប់ដីឡូត៍លំហែរកាយ ផ្ទះលំហែរ និងជាតំបន់អភិវឌ្ឈន៍វិស័យឧស្សាហកម្មជាដើម”។
លោក Coolor Tan បានបន្តថា បើគិតពីផ្លូវជាតិលេខ៣ ទៅកាន់ផ្លូវជាតិលេខ៤៣ គឺមានចម្ងាយជិត ដែលនឹងធ្វើឲ្យតម្លៃដីធ្លីកើនឡើងថែមទៀត ព្រោះតំបន់នេះនឹងមានការរីកចម្រើនខ្លាំងនៅក្នុងចន្លោះរយៈពេល៣ទៅ៥ឆ្នាំខាងមុខនេះ។

ជាមួយគ្នានេះ លោកកែវ សុជាតិ ប្រធានក្រុមហ៊ុន KW Cambodia ប្រចាំខេត្តកំពតបានមានប្រសាសន៍ឲ្យដឹងផងដែរថា បច្ចុប្បន្នទោះបីកម្ពុជាកំពុងប្រឈមមុខនឹងបញ្ហាជំងឺកូវីដ១៩ក្តី ប៉ុន្តែចរន្តទិញលក់ដីធ្លីនៅក្នុងខេត្តកំពត និងតំបន់ជុំវិញក្រុង និងបណ្តាស្រុកនានាបានកើនឡើងខ្លាំង ដោយសារប្រជាពលរដ្ឋមើលឃើញសក្តានុពលរបស់ខេត្តនេះ នឹងមានការរីកចម្រើនលឿននាពេលអនាគត។

អភិបាលនៃគណៈអភិបាលខេត្តកំពត លោកជាវ តាយបានមានប្រសាសន៍ឲ្យដឹងកាលពីពេលថ្មីៗនេះថា ខេត្តនឹងកាត់ឃុំចំនួន៣ នៅក្នុងស្រុកទឹកឈូ ចូលមកក្នុងដែនរដ្ឋបាលក្រុងកំពតនាពេលអនាគត ដែលការប្រកាសជាផ្លូវការ នឹងធ្វើឡើងនៅក្នុងការបោះឆ្នោតជ្រើសរើស ក្រុមប្រឹក្សាឃុំ សង្កាត់ឆ្នាំ២០២២ខាងមុខនេះ។

លោកបន្តថា “ខេត្តកំពតកំពុងមានភាពរីកចម្រើន និងទាក់ទាញលំហូរទុនវិនិយោ​គកាន់តែច្រើន ពិសេសទោះបីជាមានបញ្ហាជំងឺកូវីដ១៩ក្តី ប៉ុន្តែរាល់គំរោងវិនិយោគនៅក្នុងខេត្ត និងក្រុងមិនបានផ្អាកសកម្មភាពឡើយ”៕