ដោយៈសុខុម

តូក្យូ: ប្រទេសជប៉ុននៅថ្ងៃព្រហស្បតិ៍ ទី២ កញ្ញា នេះបានប្រកាសដាក់ចេញគំនិត  ផ្តួចផ្តើមជាច្រើន ដែលខ្លួននឹងផ្តោតជាសំខាន់ ដើម្បីលើកកម្ពស់បច្ចេកវិទ្យាបៃតង និងការធ្វើឌីជីថលនីយកម្ម ក្នុងគោលបំណងជំរុញកំណើនសេដ្ឋកិច្ច រយៈពេលវែងរបស់ខ្លួន។ នេះបើយោងតាមការចុះផ្សាយរបស់សារព័ត៌មាន CNA។

ផែនការយុទ្ធសាស្ត្រនេះ ទំនងជានឹងដើរតួនាទីសំខាន់បំផុត សម្រាប់កញ្ចប់ថវិកាជំរុញសេដ្ឋកិច្ចថ្មីណាមួយ ដែលរដ្ឋាភិបាលអាចនឹងចងក្រងនៅចុងឆ្នាំនេះ។

ការដាក់ចេញផែនការយុទ្ធសាស្ត្រនេះ ក៏ធ្វើឡើងផងដែរនៅមុនការប្រកួតប្រជែងដណ្ដើមតំណែងជាមេដឹកនាំ ក្នុងជួរគណបក្សកាន់អំណាច ដែលនាយករដ្ឋមន្ត្រី Yoshihide Suga ត្រូវតែឈ្នះដើម្បីបន្តធ្វើជាប្រមុខរដ្ឋ និងបន្តអនុវត្តគំនិតផ្តួចផ្តើមគោលនយោបាយនានារបស់លោក។

ក្នុងផែនការយុទ្ធសាស្ត្រនេះ រដ្ឋាភិបាលក៏បានគូសបញ្ជាក់ពីវិស័យនានា ដែលត្រូវឆ្លងកាត់ការពិនិត្យពិច័យកាន់តែហ្មត់ចត់ ក្នុងរយៈពេលប៉ុន្មានខែខាងមុខ រួមទាំងវិធានការនានាដាក់បញ្ចូលក្នុងយុទ្ធសាស្ត្រ ជំរុញកំណើនសេដ្ឋកិច្ចរបស់លោក Yoshihide Suga ដែលត្រូវបានបញ្ចេញកាលពីខែមិថុនា ផងដែរ។

ក្នុងផែនការនេះ ក៏រួមមាន វិធានការសម្រាប់ការពង្រីកសមត្ថភាព ផលិតអាគុយរថយន្តអគ្គិសនី និងការសាងសង់ស្ថានីយបញ្ចូលអគ្គិសនី សម្រាប់រថយន្តអគ្គិសនី ព្រមទាំងការជួយគាំទ្រ ដើម្បីទាក់ទាញរោងចក្រផលិតបន្ទះឈីបនានា នៅក្នុងប្រទេសជប៉ុនផងដែរ។

យុទ្ធសាស្ត្រនេះ ក៏រួមបញ្ចូលទាំងវិធានការធ្វើឌីជីថលនីយកម្ម នូវសេវាកម្មសាធារណៈដូចជាការថែទាំសុខភាពជាដើមផងដែរ។

សេដ្ឋកិច្ចរបស់ប្រទេសជប៉ុន បានងើបឡើងពីការដាំក្បាលចុះ ដែលបង្កឡើងដោយការរីករាលដាលវីរុសកូវីដ-១៩ កាលពីឆ្នាំមុន ហើយការងើបឡើងនេះ ដោយសារការនាំចេញទទួលបានកំណើន។ ប៉ុន្តែក្រុមអ្នកវិភាគរំពឹងថា ការងើបឡើងបន្ថែមទៀតនឹងតិចតួចប៉ុណ្ណោះ ខណៈការកើនឡើងខ្ពស់នូវករណីឆ្លងវីរុសកូវីដ-១៩ ជះផលប៉ះពាល់ដល់តម្រូវការប្រើប្រាស់។

រដ្ឋាភិបាលសង្ឃឹមថា នឹងបង្កើនកំណើនរយៈពេលវែង របស់ប្រទេសជប៉ុនតាមរយៈការបង្កើនផលិតភាពការងារ និងអត្រាចូលរួម។

ក្នុងផែនការយុទ្ធសាស្ត្រជំរុញកំណើនសេដ្ឋកិច្ចនេះ រដ្ឋាភិបាលក៏បានអំពាវនាវឱ្យមានការប្រឹងប្រែងច្នៃបង្កើតថ្មី និងធ្វើឌីជីថលនីយកម្មផងដែរ ប៉ុន្តែផែនការនេះអាចជួបបញ្ហារអាក់រអួល ខណៈជំហរនយោបាយរបស់លោក Yoshihide Suga ហាក់មិនសូវមានភាពច្បាស់លាស់នៅមុនការបោះឆ្នោត៕

ដោយៈវឌ្ឍនៈ

ភ្នំពេញៈ ដើម្បីដល់សម្រួលដល់ការធ្វើធុរកិច្ចរបស់ធុរជន ដោយអាចរក្សាបានគុ​ណ​តម្លៃនៃភាសាខ្មែរ និងប្រាក់រៀលព្រមទាំងអាចធានាបាននូវការអនុវត្ត ប្រកបដោយប្រសិទ្ធភាពក្រសួងសេដ្ឋកិច្ច និងហិរញ្ញវត្ថុបានណែនាំដល់សហគ្រាស ធ្វើរបាយការន៍ហិរញ្ញវត្ថុ ក្នុងបញ្ជីគណនេយ្យដោយប្រើប្រាស់ភាសា និងរូបិយប័ណ្ណកម្ពុជាផង។

យោងតាមសារាចរណែនាំស្ដីពី ការប្រើប្រាស់ភាសា និងរូបិយប័ណ្ណក្នុងបញ្ជីគណនយ្យ និងរបាយការណ៍ហិរញ្ញវត្ថុរបស់ក្រសួងសេដ្ឋកិច្ច និងហិរញ្ញវត្ថុបានណែនាំនូវចំណុចមួយចំនួនដូចជា ទី១ សហគ្រាស ឬអង្គភាពមិនស្វែងរកប្រាក់ចំណេញ អាចប្រើប្រាស់ភាសាអង់គ្លេសក្នុងប្រព័ន្ធគណនេយ្យកុំព្យូទ័រ ឬប្រព័ន្ធកុំព្យូទ័រផ្សេងៗទៀត សម្រាប់ការកត់ត្រាប្រតិបត្តិការគណនេយ្យក្នុ ងករណីដែលសហគ្រាស ឬក៏អង្គភាពមិនស្វែងរកប្រាក់ចំណេញ ពុំទាន់អាចរក្សារកបានប្រព័ន្ធកុំព្យូទ័រទាំងនោះ ដែលអាចប្រើប្រាស់ភាសាខ្មែរបានតាមតម្រូវការប្រតិបត្តិការរបស់ខ្លួន។

សហគ្រាស ឬអង្គភាពមិនស្វែងរកប្រាក់ចំណេញ ពុំបានតម្រូវឱ្យស្នើសុំលើការប្រើប្រាស់ភាសាអង់គ្លេស ក្នុងប្រព័ន្ធកុំព្យូទ័រទាំងនោះឡើយ ប៉ុន្តែសហគ្រាសឬអង្គភាពមិនស្វែងរកប្រាក់ចំណេញ ត្រូវជូនដំណឹងជាលាយល័ក្ខអក្សរ មកនិយ័តករគណនេយ្យនិងសវនកម្មដោយបញ្ជាក់ឱ្យច្បាស់ពីឈ្មោះ និងប្រភពនៃប្រព័ន្ធកុំព្យូទ័រដែលកំពុងប្រើនោះ​។

ទី២ ឯកសារគណនេយ្យផ្ទៃក្នុង ដែលគាំទ្រដល់កិច្ចបញ្ជិកាគណនេយ្យ ត្រូវជាភាសាខ្មែរ។ ឯកសារទាំងនោះ អាចត្រូវបានអនុញ្ញាតឱ្យប្រើប្រាស់អង់គ្លេស អបជាមួយភាសាខ្មែរបាន។ ចំពោះឯកសារគណនេយ្យ ដែលបង្កើតចេញពីប្រព័ន្ធកុំព្យូទ័រ ដែលមិនអាចប្រើប្រាស់បាន ដូចមានចែងក្នុងចំណុចទី១ខាងលើ និងឯកសារគណនេយ្យត្រូវបានរៀបចំនិងផ្ដល់ដោយដៃគុធុរកិច្ចបរទេស ឬដោយអង្គភាពដៃគូ ឬម្ចាស់ជំនួយបរទេស ឬសម្រាប់ធុរកិច្ចជាមួយដៃគូរធុរកិច្ចបរទេស ឯកសារទាំងនោះអាចជាភាសាអង់គ្លេសបាន ។

ក្នុងករណីឯកសារគាំទ្រការធ្វើធុរកិច្ច ឬប្រតិបត្តិការក្រៅពីភាសាខ្មែរ និងភាសាអង់​គ្លេស សហគ្រាស ឬអង្គភាពមិនស្វែងរកប្រាក់ចំណេញ ត្រូវទទួលខុសត្រូវបកប្រែឯកសារទាំងនោះទៅជាភាសាខ្មែរ ឬភាសាអង់គ្លេស ដោយមានប្រថាប់ត្រារបស់សហគ្រាសឬអង្គភាពមិនស្វែងរកប្រាក់ចំណេញផ្ទាល់ ។

ទី៣ សហគ្រាស ឬអង្គភាពមិនស្វែងរកប្រាក់ចំណេញ អាចជ្រើសរើសរូបិយប័ណ្ណមុខងារជាប្រាក់រៀល ឬរូបិយប័ណ្ណ បរទេសតាមគោលនយោបាយគណនេយ្យរបស់ខ្លួនដោយអនុលោមតាមស្ដង់ដារគណនេយ្យជាធរមាន សម្រាប់កត់ត្រាប្រតិបត្តិការគណ​នេយ្យប្រចាំថ្ងៃ  ។

ទី៤ សហគ្រាសឬអង្គភាពមិនស្វែងរកប្រាក់ចំណេញ ត្រូវមានរបាយការណ៍ហិរញ្ញវត្ថុប្រចាំឆ្នាំជាភាសាខ្មែរ និងបង្ហាញជាប្រាក់រៀល ឬបង្ហាញជាប្រាក់រៀលផង និងរូបិយប័ណ្ណបរទេសផង។ ក្នុងការរៀបចំរបាយការណ៍ហិរញ្ញវត្ថុប្រចាំឆ្នាំជាប្រាក់រៀល សហគ្រាស ឬអង្គភាពមិនស្វែងរកប្រាក់ចំណេញ ត្រូវអនុវត្តតាមការណែនាំក្នុងស្តង់ដារគណនេយ្យជាធរមាន ដោយប្រើអត្រាប្តូរប្រាក់ជាផ្លូវការ ដែលបានបោះផ្សាយដោយធនាគារជាតិនៃកម្ពុជា ហើយត្រូវបញ្ជូនរបាយការណ៍ហិរញ្ញវត្ថុប្រចាំឆ្នាំនោះ មកនិយ័តករគណនេយ្យនិងសវនកម្ម តាមសេចក្តីណែនាំរបស់និយ័តករគណនេយ្យ និងសវនកម្ម ដើម្បីជាកម្មវត្ថុនៃការរក្សាទុក និងការត្រួតពិនិត្យលើកម្រិតអនុលោម តាមភាពស្របតាមច្បាប់ស្ដីពី គណ​នេយ្យនិងសវនកម្ម និងលិខិតបទដ្ឋានគតិយុត្តពាក់ព័ន្ធជាធរមាន៕

ដោយៈសុជាតា

កណ្តាលៈ រដ្ឋាភិបាលបានសម្រេចរក្សាផ្ទៃបឹងធម្មជាតិ ក្នុងស្រុកល្វាឯម ទំហំប្រមាណ១០០០ហិកតា ជាសម្បត្តិរដ្ឋ ដោយបដិសេធសំណើរសុំវិនិយោគពីក្រុមហ៊ុនឯកជន។

យោងតាមលិខិតរបស់ទីស្តី ការគណៈរដ្ឋមន្រ្តីចុះថ្ងៃទី ២៧ ខែសីហា ឆ្នាំ២០២១ បានបង្ហាញអោយដឹងថា រដ្ឋាភិបាលកម្ពុជាសម្រេចរក្សាទីតាំងដី ស្ថិតនៅស្រុកល្វាឯម  ខេត្តកណ្តាល ក្នុងទំហំផ្ទៃដី១ពាន់ហិចតា ដែលក្រុមហ៊ុនសំណង់ឈ្នះ ឈ្នះ ស្នើសុំសម្រាប់ការអភិវឌ្ឍជាទីក្រុងរណបបែបទំនើប។

ជាងនេះទៀត រដ្ឋាភិបាលកម្ពុជា ក៏បានបញ្ជាក់ថា ត្រូវរក្សាទុកបឹងនេះ ហើយរកវិធីជីកអោយបានជ្រៅដើម្បីរក្សាទឹក  ជាពិសេស ក្រសួងកសិកម្ម និង រដ្ឋបាលខេត្តកណ្តាល ត្រូវបញ្ឍប់ ការទទួលនិង លើសំណើដីតំបន់នេះទៀត។

ក្រុមហ៊ុនសំណង់ ឈ្នះ ឈ្នះ តាមរយៈក្រសួង កសិកម្ម រុក្ខប្រមាញ់ និងនេសាទ និង រដ្ឋបាលខេត្កកណ្តាល បានស្នើសុំររាជរដ្ឋាភិបាលទិញដីបឹង១០០០ ហិចតា នៅឃុំបារុង ស្រុកល្វាឯម ខេត្តកណ្តាល ដើម្បីអភិវឌ្ឍជាទីក្រុងរណបបែបទំនើប និងហេដ្ឋរចនាសម្ព័ន្ធសំខាន់ៗ៕