ការអភិវឌ្ឍផ្ទះអាជីវកម្មនៅកម្ពុជាចាប់ផ្ដើមមានភាពប្រកួតប្រជែងនឹងប្រទេសអាស៊ាន

         ដោយៈ លក្ខិណា

         ភ្នំពេញៈ ជាការកត់សម្គាល់ការអភិវឌ្ឍផ្ទះអាជីវកម្ម កាលពីដើមឡើងគេសង្កេតឃើញថា មានការអភិវឌ្ឍឬសាងសង់ ត្រឹមតែជាផ្ទះល្វែងនៅជុំវិញផ្សារឬហៅថា ( Flat House ) ដូចជានៅជុំវិញផ្សារថ្មី ផ្សារអូរឬស្សី ឬផ្សារអូរឡាំពិកជាដើម ដែលសុទ្ធតែជាផ្សារធំៗនៅក្នុងរាជធានី។

ការអភិវឌ្ឍផ្ទះប្រភេទនេះ ធ្វើឱ្យម្ចាស់ផ្ទះអាចស្នាក់នៅផងនិងធ្វើអាជីវកម្មផង បុន្តែ យើងក្រលេកទៅមើលផ្ទះអាជីវកម្ម ដែលអភិវឌ្ឍន៍នៅក្នុងប្រទេសកម្ពុជា នាពេលបច្ចុប្បន្ននេះ ចាប់ផ្ដើមមានភាពទំនើប និងកាន់តែមានការប្រកួតប្រជែង ជាមួយនឹងបណ្ដាប្រទេសអាស៊ាន ឬគេហៅថា Shop House។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោកច្រឹក សុខនីមបានមានប្រសាសន៍ថា វិស័យអចលនទ្រព្យកម្ពុជាយើងឃើញថា មានការវិវត្តន៍យ៉ាងច្រើនពីមួយឆ្នាំទៅមួយឆ្នាំ ហើយបើយើងក្រលេកទៅមើលការអភិវឌ្ឍលំនៅឋាន មិនទាន់មានភាពទំនើបកម្មនោះទេ ដោយភាគច្រើនគឺធ្វើឡើងតាមបែបប្រពៃណី ប៉ុន្តែដល់សព្វថ្ងៃនេះវិញ យើងមើលឃើញអំពីរចនាបថ ការគូរប្លង់ និងការសាងសង់ គឺមានការប្រកួតប្រជែងច្រើន គួបផ្សំជាមួយនឹងគ្រឿងសង្ហាររឹម នឹងការតុបតែងនៃសំណង់មានភាពល្អឯកផងនោះ ធ្វើឱ្យរចនាបថនៃការកសាងលំនៅឋាន និងផ្ទះអាជីវកម្មនៅក្នុងប្រទេសកម្ពុជាយើងមិនមានភាពចាញ់នឹងបណ្ដាប្រទេសជិតខាងរបស់យើង ក្នុងតំបន់អាស៊ាននោះទេ ។

លោកបន្តថា ដោយសារតែកត្តាទាំងនេះ យើងអាចវាយតម្លៃបានថា ការអភិវឌ្ឍវិស័យអចលនទ្រព្យ នៅក្នុងប្រទេសកម្ពុជានាពេលបច្ចុប្បន្ន និងនៅពេលអនាគតយើងអាចនិយាយបានថា សក្ដានុពលនៃការវិវត្តអចលនទ្រព្យ នៅក្នុងប្រទេសកម្ពុជាយើងនឹងកាន់​តែរីកចម្រើន និងរីកចម្រើនកាន់តែខ្លាំងផងដែរ ជាពិសេសការធ្វើអាជីវកម្មផ្ទះអាជីវកម្ម នឹងកាន់តែពេញនិយម នៅក្នុងទីផ្សារអចលនទ្រព្យក្នុងប្រទេសកម្ពុជា។

លោកស្រីGrace Rachny Fong អគ្គនាយិកាក្រុមហ៊ុនអចលនទ្រព្យ Century 21 Cambodia បានមានប្រសាសន៍ថា តាមពិតទៅប្រជាពលរដ្ឋកម្ពុជា យើងចូលចិត្តវិនិយោគលើផ្ទះ អាជីវកម្មនេះតាំងពីដើមមកម្ល៉េះ ដោយយើងឃើញភស្តុតាងមួយចំនួនស្រាប់ ដូចជា ផ្ទះនៅជុំវិញផ្សារកណ្ដាលរាជធានី សុទ្ធតែជាផ្ទះដែលអាចធ្វើអាជីវកម្ម និងមិនមានផ្ទះណាទុកទំនេរចោល ឬសម្រាប់តែការរស់នៅទេ។ ម្ចាស់ផ្ទះបានធ្វើអាជីវកម្មខ្លួនឯងនៅជាន់ក្រោម ហើយស្នាក់នៅជាន់ឡៅតឿ ដែលអាចធ្វើឱ្យពួកគាត់ទទួលបានចំណូលផង និងអាចស្នាក់នៅ ដោយមិនចាំបាច់ជួលផ្ទះស្នាក់នៅខាងក្រៅ។

លោកស្រីបន្តថា ការរីកចម្រើននៃវិស័យអចលនទ្រព្យ គ្រប់ផ្នែកនេះដែរក៏បានជំរុ​ញឱ្យតម្លៃអចលនទ្រព្យជាពិសេសតម្លៃដីធ្លី នៅក្នុងរាជធានីភ្នំពេញបានហក់ឡើងជាបន្តបន្ទាប់ ជាក់ស្ដែងយើងបានឃើញថាដីធ្លីមួយចំនួននៅខណ្ឌ សំខាន់ៗក្នុងរាជធានីភ្នំពេញដូចជាទួលគោកជាដើម កាលពីមុនត្រឹម១០០ដុល្លារអាមេរិកតែពេលនេះ បានហក់ដល់រាប់ពាន់ដុល្លារអាមេរិកក្នុងមួយម៉ែត្រការ៉េ៕

Skytrain move set to impact condo market

WRITER: KANANA KATHARANGSIPORN

Bangok: The discontinuation of the Bangkok skytrain’s 30-day pass will be a game changer for the condo market as stations near workplaces become more attractive, according to Sena Development Plc.

Kessara Thanyalakpark, Sena’s managing director, said the 30-day pass gave condo buyers many location options with one fixed rate.

“After this pass is discontinued, the distance between condo and workplace will influence travel cost,” she said.

For instance, condo buyers whose workplace is in the Asoke area could choose a larger condo unit at Phraek Sa skytrain station rather than a smaller one near On Nut, which is much closer to the workplace.
However, their travel expenses will double after the discontinuation of the 30-day pass as the skytrain fare cost might soar from around 3,000 baht to 6,000-7,000 baht per month, said Ms Kessara.
“In the past condo buyers had many choices, not just one or two stations. All along the line the average fare was fixed by the 30-day pass,” she said.

Ms Kessara said this change is likely to rev up the condo market in some locations.
“The radius of condo locations from the buyer’s workplace will be smaller, reducing from up to 10 stations to only a few stations,” she said. “People will buy a home near their workplaces.”

The sluggish condo market should gradually pick up as the number of unsold condo inventory decreases, said Ms Kessara. Two key drivers were a cut in condo prices and fewer new launches, she said.

Sena announced last week the acquisition of condo developer Pataranan Asset for 385 million baht. Pataranan is developing low-rise condos on Charoen Nakhon Road worth 2 billion baht, which Sena will continue to construct.

Sena also acquired two more condo projects on Rattanathibet Road and in the Bang Sue-Tao Poon area.
All three of the new projects, worth a combined 3 billion baht, are being developed under a new brand called Flexi.
The impact of the pandemic caused Sena to cut its 2021 presales target to 7.1 billion baht from 11 billion, slashing its transfer target to 6.94 billion baht from 10 billion.

Source: Bangkok Post

គម្រោងអភិវឌ្ឍន៍ហេដ្ឋារចនាសម្ព័ន្ធច្រើនខ្សែ ធ្វើឱ្យវិនិយោគិនជាតិនិងអន្តរជាតិជាច្រើនកំពុងបាញ់ឆ្ពោះទៅខេត្តសៀមរាប

ភ្នំពេញ ៖ រដ្ឋាភិបាលបានចំណាយថវិកាប្រមាណ១៥០លានដុល្លារសាងសង់ហេដ្ឋារចនាសម្ព័ន្ធក្នុងក្រុងសៀមរាបចំនួន៣៨ខ្សែ ដើម្បីសម្រួលដល់ការធ្វើដំណើររបស់ប្រជាពលរដ្ឋក្នុងមូលដ្ឋាន ដល់ភ្ញៀវទេសចរជាតិនិងអន្តរជាតិ និងជាការទាក់ទាញដល់វិនិយោគិនផងដែរ ។ នៅទីបំផុតគម្រោងសាងសង់ហេដ្ឋារចនាសម្ព័ន្ធនេះ ក៏បានចាប់ផ្ដើមជាបន្តបន្ទាប់ ទន្ទឹមនឹងនោះដែរ វិនិយោគិនជាតិនិងអន្តរជាតិជាច្រើនក៏បាននិងកំពុងបាញ់ឆ្ពោះទៅកាន់ខេត្តសៀមរាបដើម្បីស្វែងរកការវិនិយោគរបស់ខ្លួនជាបន្តបន្ទាប់ផងដែរ ។
បើតាមលោកអាន រដ្ឋាអគ្គនាយកកក្រុមហ៊ុន Siem Reap Land House Co.,Ltd បានឱ្យដឹងថា គម្រោងអភិវឌ្ឍន៍ហេដ្ឋារចនាសម្ព័ន្ធនៅក្រុងសៀមរាប បានធ្វើឱ្យវិនិយោគិនជាច្រើនចាប់អារម្មណ៍លើការវិនិយោគនៅក្នុងទឹកដីនៃខេត្តសៀមរាប ហើយបូករួមនឹងសក្ដានុពលនៃវិស័យទេសចរណ៍ក្នុងខេត្តនេះផ្ទាល់ក៏បានធ្វើឱ្យវិនិយោគិនកាន់តែចាប់អារម្មណ៍លើការបណ្ដាក់ទុនវិនិយោគ។
លោកបន្តថាមកដល់ពេលនេះមានគម្រោងយក្សធំៗមួយចំនួនបានបង្ហាញពីគម្រោងវិនិយោគរបស់ខ្លួននៅក្នុងខេត្តសៀមរាប ជាក់ស្ដែងកាលពីជាង២សប្ដាហ៍មុន រដ្ឋបាលខេត្តសៀមរាប បានចុះហត្ថលេខាយល់ព្រមឱ្យក្រុមហ៊ុនយក្សរបស់ជប៉ុន អាចអភិវឌ្ឍន៍ក្រុងសៀមរាបទៅជាទីក្រុងឆ្លាតវៃ ( Smart City ) ព្រមទាំងមានក្រុមហ៊ុនជាតិជាច្រើនទៀតក៏បានសម្រុកទៅអភិវឌ្ឍន៍នៅក្នុងខេត្តសៀមរាបផងដែរ ។ លោកថា៖«សក្ដានុពលដែលធ្វើឱ្យវិនិយោគិនចាប់អារម្មណ៍លើការវិនិយោគនៅក្នុងខេត្តសៀមរាប ក្រៅពីហេដ្ឋារចនាសម្ព័ន្ធក្នុងក្រុងសៀមរាបទាំង៣៨ខ្សែ ព្រលានយន្តហោះអន្តរជាតិថ្មីនៅក្នុងទឹកដីខេត្តសៀមរាបក៏បានលើកទឹកចិត្តនិងទាក់ទាញដល់ការវិនិយោគនៅក្នុងខេត្តមួយនេះផងដែរ» ។
លោកបន្ថែមថា វិនិយោគិនដែលចំណាយថវិការាប់រយលានដុល្លារវិនិយោគទៅលើខេត្តសៀមរាប មិនមែនជាការស្រមើស្រម៉ៃនោះទេ ប៉ុន្តែពួកគាត់បានដឹងច្បាស់ថាខេត្តសៀមរាបមានសក្ដានុពលអ្វី មានគម្រោងធំៗអ្វីខ្លះ ព្រោះទឹកប្រាក់រាប់រយលានដុល្លារអាមេរិកវាមិនមែនជាទឹកប្រាក់តិចតួចឡើយ ។
វិនិយោគិនជនជាតិចិនមួយរូបដែលបានបោះទុនវិនិយោគនៅក្នុងប្រទេសកម្ពុជារាប់ពាន់លានដុល្លារអាមេរិកតំណាងក្រុមហ៊ុនព្រីនស៍រៀលអ៊ីស្ទេតក៏បានបញ្ជាក់ផងដែរ ក្រៅពីរាជធានីភ្នំពេញ ខ្លួនបានជ្រើសរើសយកខេត្តពីរផ្សេងទៀតជាស្លាបនៃផែនការរបស់ខ្លួនគឺខេត្តព្រះសីហនុ និងខេត្តសៀមរាប ដូច្នេះ ខេត្តទាំងពីរនេះ នឹងក្លាយជាខេត្តដែលមានសក្ដានុពលខ្ពស់សម្រាប់ការវិនិយោគរបស់វិនិយោគិនជាតិនិងអន្តរជាតិនៅពេលអនាគតដ៏ខ្លី ៕

ទីផ្សារខុនដូថៃហាក់ល្អប្រសើរឡើងខណៈមានការបញ្ឈប់ការប្រើប្រាស់ប័ណ្ណធ្វើដំណើរតាមរថភ្លើងរយៈពេល៣០ថ្ងៃ

ដោយ: សុផារី

បាងកក៖ ការបញ្ឈប់ការប្រើប្រាស់ប័ណ្ណធ្វើដំណើររយៈពេល៣០ថ្ងៃរបស់រថភ្លើងក្នុងក្រុងបាងកក នឹងជះឥទ្ធិពលដល់ទីផ្សារខុនដូ ដោយសារស្ថានីយនៅជិតកន្លែងធ្វើការនឹងកាន់តែទាក់ទាញជាងមុន។ នេះបើតាមការមើលឃើញរបស់លោកស្រី Kessara Thanyalakpark នាយកគ្រប់គ្រងរបស់ក្រុមហ៊ុនអចលនទ្រព្យ Sena Development Plc.។

លោកស្រីបានមានប្រសាសន៍ថា កន្លងមក ប័ណ្ណធ្វើដំណើររយៈពេល៣០ថ្ងៃនេះបានធ្វើឱ្យអ្នកទិញខុនដូអាចជ្រើសរើសទីតាំងជាច្រើនក្នុងអត្រាតម្លៃថេរមួយ។

លោកស្រីបាននិយាយថា “បន្ទាប់ពីប័ណ្ណនេះត្រូវបានបញ្ឈប់ការប្រើប្រាស់ ចម្ងាយរវាងខុនដូនិងកន្លែងធ្វើការនឹងជះឥទ្ធិពលដល់ថ្លៃធ្វើដំណើរ”។ លោកស្រីបន្តថា ការចំណាយលើការធ្វើដំណើររបស់អ្នកដំណើរក្នុងក្រុងបាងកកនឹងកើនឡើងទ្វេដង បន្ទាប់ពីការបញ្ឈប់ប័ណ្ណធ្វើដំណើររយៈពេល៣០ថ្ងៃ ដោយសារថ្លៃសំបុត្ររថភ្លើងអាចឡើងពី ៣,០០០ បាតទៅ ៦,០០០-៧,០០០ បាតក្នុងមួយខែ។

លោកស្រី Kessara Thanyalakpark បាននិយាយថា ការផ្លាស់ប្តូរនេះទំនងជាធ្វើឱ្យទីផ្សារខុនដូមានភាពប្រសើរឡើងនៅក្នុងទីតាំងមួយចំនួន។

កាលពីសប្តាហ៍មុនក្រុមហ៊ុន Sena Development Plc. ទិញយកក្រុមហ៊ុនអភិវឌ្ឍខុនដូផា Pataranan Asset ក្នុងតម្លៃ ៣៨៥ លានបាត។ Pataranan Asset បាននិងកំពុងអភិវឌ្ឍខុនដូទាបៗ នៅលើផ្លូវ Charoen Nakhon Road ដែលមានតម្លៃ ២ ពាន់លានបាត ដែលពេលនេះក្រុមហ៊ុន Sena នឹងបន្តការសាងសង់។

Sena ក៏ទទួលបានគម្រោងខុនដូពីរបន្ថែមទៀត ដែលគម្រោងថ្មីទាំង ៣ នេះមានតម្លៃសរុប ៣ ពាន់លានបាតកំពុងត្រូវបានបង្កើតឡើងក្រោមម៉ាកថ្មីមួយឈ្មោះ Flexi ។

ផលប៉ះពាល់នៃកូវីដ១៩ បានធ្វើឱ្យក្រុមហ៊ុន Sena កាត់បន្ថយគោលដៅលក់ក្នុងឆ្នាំ ២០២១ របស់ខ្លួនមកត្រឹម ៧,១ ពាន់លានបាតពី ១១ ពាន់លាន៕

លោកស្រីGrace Rachny បើចង់ក្លាយជាអ្នកវិនិយោគជោគជ័យកុំស្រលាញ់ អចលនទ្រព្យខ្លាំងពេក

ដោយៈវឌ្ឍនៈ
ភ្នំពេញៈ អ្នកមានៗនៅស្រុកខ្មែរជាច្រើននាពេលបច្ចុប្បន្ន រួមទាំងមហាសេដ្ឋីនៅលើពិភពលោកផងដែរ គេសង្កេតឃើញថាកើតចេញពីការរកស៊ី ក្នុងវិស័យអចលនទ្រព្យ ហើយនៅថ្ងៃនេះដែរ។

អ្នកស្រីGrace Rachny Fong នាយិកាក្រុមហ៊ុនCentury21 Cambodoiaនិងជា វិនិយោគិនអចលនទ្រព្យមួយរូបបានមានប្រសាសន៍ឲ្យដឹងថា ចង់ក្លាយជាអ្នកវិនិយោគអចលនទ្រព្យជោគជ័យ កុំស្រលាញ់អចលនទ្រព្យនោះខ្លាំងពេក។

អ្នកស្រីបានបន្តថា នៅពេលទិញដីធ្លីទិញផ្ទះ ឬទិញអចលនទ្រព្យប្រភេទណាមួយនោះ សូមកុំដេកអោបអចលនទ្រព្យនោះទុក ដោយមិនៅព្រមលក់ចេញ ទោះគេឱ្យចំណេញយ៉ាងណាក៏ដោយនោះ។

អ្នកខ្លះទិញដីធ្លីបានត្រឹមរយៈពេលខ្លីប៉ុណ្ណោះ តែដោយសារតែមានការអភិវឌ្ឍរបស់រាជរដ្ឋាភិបាល នៅក្នុងតំបន់ដែលគាត់បានទិញដី បានធ្វើឱ្យដីធ្លីនោះឡើងថ្លៃភ្លាមៗ ហើយក៏មានអ្នកបេតីដីធ្លីនោះ សម្រាប់អភិវឌ្ឍន៍និងត្រូវការទិញដីនោះសម្រាប់យកទៅអភិវឌ្ឍន៍។

អ្នកស្រីបន្តថា “ដូច្នេះក្នុងនាមជាអ្នកអភិវឌ្ឍន៍គួរតែកុំរង់ចាំ យើងអាចពិចារណាលក់ដីនោះ ហើយទៅរកទិញនៅតំបន់ណា ដែលមានតម្លៃទាបជាងដើម្បីបានប្រាក់ចំណេញ”។

អ្នកស្រីGrace Rachny បានបន្តថា ក្រៅពីដីធ្លី ការទិញផ្ទះទុកចំណេញក៏ដូចគ្នា បើសិនជាគេមានតម្រូវការ ក្នុងការទិញផ្ទះដែលយើងបានទិញហើយនោះ តើយើងគួរទុកវាបន្តទៀតដោយអត់មានចំណូលអ្វីសោះ ឬក៏យើងត្រូវលក់វាដោយទទួលបានចំណូលសម្រាប់បង្វិលលំហូរសាច់ប្រាក់ សម្រាប់អាជីវកម្មរបស់យើង ។

ជាសាររបស់លោកស្រី ការស្រលាញ់អចលនទ្រព្យវាមិនខុសទេ តែសូមកុំដេកអោបអចលនទ្រព្យនោះ ដោយមិនមានលំហូរសាច់ប្រាក់បង្វិល៕

ការនាំចេញរបស់សិង្ហបុរី កើនឡើង១០ខែជាប់ៗគ្នាជាមួយនឹងអត្រា កំណើន១២,៣ភាគរយក្នុងខែកញ្ញា

ដោយៈសុខុម

សឹង្ហបុរី: ការនាំចេញទំនិញប្រើប្រាស់ក្នុងផ្ទះ ដែលមិនមែនជាប្រេង (NODX) របស់សិង្ហបុរី ទទួលបានកំណើន១២.៣%ក្នុងខែកញ្ញា នេះហើយនេះបង្ហាញពីកំណើនដែលទទួលបានរយៈពេល១០ខែជាប់ៗគ្នាគួរឱ្យអបអរសាទរ។

យោងតាមទិន្នន័យចេញផ្សាយដោយ Enterprise Singapore ដែលជាទីភ្នាក់ងាររដ្ឋាភិបាល ស្ថិតក្រោមចំណុះក្រសួងពាណិជ្ជកម្ម និងឧស្សាហកម្មនៅថ្ងៃច័ន្ទ ទី១៨ តុលា នេះបង្ហាញថា ទំនិញមិនមែនអេឡិចត្រូនិកទទួលបានកំណើនភាគច្រើន ហើយទន្ទឹមនេះការនាំចេញគ្រឿងអេឡិចត្រូនិកក៏បានកើនឡើងដែរ។

ការនាំចេញគ្រឿងអេឡិចត្រូនិក បានកើនឡើង១៤,៤%ក្នុងខែកញ្ញា ដែលជំរុញដោយការនាំចេញបន្ទះឈីប កុំព្យូទ័រផ្ទាល់ខ្លួន និងឧបករណ៍ទូរគមនាគមន៍។

ការនាំចេញផលិតផល មិនមែនគ្រឿងអេឡិចត្រូនិក បានកើនឡើង១១,៧%ក្នុងខែកញ្ញា ធៀបនឹងឆ្នាំមុនដែលនាំមុខដោយគីមីឥន្ធនៈ គ្រឿងចក្រ និងឱសថ។

ទីភ្នាក់ងាររដ្ឋាភិបាល Enterprise Singapore បាននិយាយថា ការនាំចេញទៅកាន់ទីផ្សារកំពូលៗ សរុបជារួមទទួលបានកំណើនក្នុងខែកញ្ញា បើទោះបីជាការនាំចេញទៅកាន់សហភាពអឺរ៉ុប ដែលមានសមាជិក២៧ប្រទេស ប្រទេសម៉ាឡេស៊ី និងថៃ បានធ្លាក់ចុះក៏ដោយ។

 

ទីភ្នាក់ងាររដ្ឋាភិបាល បានគូសបញ្ជាក់ថា អ្នករួមចំណែកធំៗបំផុតចំពោះកំណើននាំចេញនេះគឺប្រទេសចិន សហរដ្ឋអាមេរិក និងកូរ៉េខាងត្បូង៕  CNA ៕

ដំណឹងល្អៈរដ្ឋាភិបាលអនុញ្ញាតឱ្យវិនិយោគិនបរទេសនិងអ្នកជំនាញបច្ចេកទេសចូលមកក្នុងប្រទេសកម្ពុជាឡើងវិញហើយ

         ដោយៈវឌ្ឍនៈ

ភ្នំពេញៈ រាជរដ្ឋាភិបាលកម្ពុជាបានចាប់ផ្ដើមបើកទូលាយ និងបានប្រកាសពីការបើកដំណើរការឡើងវិញ នូវប្រព័ន្ធស្នើសុំលិខិតបញ្ជាក់លើការធានា និងលិខិតបញ្ជាក់លើការអញ្ជើញសម្រាប់អ្នកដំណើរការជាវិនិយោគិន និងបុគ្គលិកជំនាញបច្ចេកទេស។

យោងតាមសេចក្តីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី១៧ តុលា ២០២១កន្លងទៅនេះ ឱ្យដឹងថាក្រសួងសេដ្ឋកិច្ច និងហិរញ្ញវត្ថុបានសហការជាមួយអនុគណៈកម្មការទី២ នៃគណៈប្រចាំការនៃគណៈកម្មការ ប្រយុទ្ធប្រឆាំងនឹងជំងឺកូវីដ១៩ ក្រសួងសុខាភិបាលនិងក្រសួងស្ថាប័នពាក់ព័ន្ធ នឹងដាក់ដំណើរការឱ្យប្រើប្រាស់ជាផ្លូវការឡើងវិញ នូវប្រព័ន្ធស្នើសុំលិខិតបញ្ជាក់លើការធានា និងលិខិតបញ្ជាក់ការអញ្ជើញក្នុងគោលដៅគាំទ្រ និងសម្រួលដល់របបនៃការធ្វើចត្តាឡីស័ក ដល់អ្នកដំណើរការបរទេ​ស ដែលជាវិនិយោគិន បុគ្គលិកជំនាញបច្ចេកទេស និងក្រុមគ្រួសារចូលមកក្នុងប្រទេសកម្ពុជា ដោយចាប់ផ្ដើមអនុវត្តពីថ្ងៃទី១៨ខែតុលា ២០២១នេះតទៅ ។

យន្តការនៃការធានានិងអញ្ជើញនេះ ធ្វើឡើងនៅលើថ្នាល់ផ្លាស់ប្តូរទិន្នន័យកម្ពុជា (CamDX) តាមរយៈគេហទំព័រ www.registrationservices.gov.kh ។ អ្នកដំណើរជាជនជាតិខ្មែរ និងបរទេសដែលជាវិនិយោគិន បុគ្គលិកជំនាញបច្ចេកទេស និងក្រុមគ្រួសារ ត្រូវមានការធានា ឬអញ្ជើញពីដៃគូក្នុងស្រុក ដែលជានីតិបុគ្គលស្របច្បាប់ មានការចុះបញ្ជី និងបង់ពន្ធត្រឹមត្រុវនៅកម្ពុជា ។

លិខិតបញ្ជាក់ទាំងពីរប្រភេទមានសុពលភាព៣០ថ្ងៃ ដែលអាចប្រើប្រាស់បានតែ១ដងគត់ និងមានទម្រង់ឌីជីថល ដែលអ្នកដំណើរអាចទាញយកនិងបោះពុម្ពបានដោយខ្លួនឯងតាមគេហទំព័រខាងលើ មុនធ្វើដំណើរមកកម្ពុជា។

វិនិយោគិននិងអ្នកជំនួញកម្ពុជា បានបង្ហាញពីក្ដីសាទរចំពោះចំណាត់ការ របស់រាជរដ្ឋាភិបាលកម្ពុជា ក្នុងការបើកទូលាយនូវដំណើរការសេដ្ឋកិច្ចកម្ពុជាឡើងវិញ ជាមួយនឹងវិធានការការពារជំងឺកូវីដ១៩។ ចំណែកអាជីវករក្នុងស្រុកវិញ ក៏បានបង្ហាញពីការសាទរនិងត្រៀមខ្លួន ក្នុងការបើកដំណើរការអាជីវកម្មរបស់ខ្លួន ដែលបានបិទអស់រយៈពេលជាយូរខែមកហើយផងដែរ៕

រាជរដ្ឋាភិបាលដាក់ឱ្យចរាចរនិងប្រើប្រាស់ក្រដាសប្រាក់ប្រភេទ៣០.០០០រៀល ជាលើកដំបូង

ដោយៈ សុផារី

ភ្នំពេញៈ រាជរដ្ឋាភិបាលបានអនុញ្ញាតឱ្យធនាគារជាតិនៃកម្ពុជា ចេញផ្សាយធនប័ត្រអនុស្សាវរីយ៍ប្រភេទ ៣០.០០០រៀលគំរូថ្មី ដើម្បីដាក់ឱ្យចរាចរ និងប្រើប្រាស់ទូទាំងព្រះរាជាណាចក្រកម្ពុជា ទន្ទឹមនឹងបណ្តាប្រភេទក្រដាសប្រាក់ ដែលបានចេញផ្សាយរួចហើយ។

ក្រដាសប្រាក់៣ម៉ឺនរៀលថ្មីនេះ បានរំលេចនូវព្រះឆាយាល័ក្ខណ៍ព្រះករុណា ព្រះ​បាទសម្ដេចព្រះនរោត្តម សីហនុ នាឱកាសកិច្ចព្រមព្រៀងសន្ដិភាពទីក្រុងប៉ារីស នៅថ្ងៃទី២៣ ខែតុលា ឆ្នាំ១៩៩១ និងរូបសំខាន់៤ទៀត នៅផ្ទៃខាងក្រោយនៃក្រដាសប្រាក់គឺរូបសម្ដេចសីហនុ “ព្រះបរមរតនកោដ្ឋ” ចាប់ដៃជាមួយសម្ដេចតេជោ លើកឡើងលើនាឱកា​សនៃការយាងនិវត្តន៍មកកាន់មាតុភូមិវិញ របស់ព្រះករុណាព្រះបរមរតនកោដ្ឋ នៅថ្ងៃទី១៤ ខែវិច្ឆិកា ឆ្នាំ១៩៩១ រូបវិមានឯករាជ្យនៅរាជធានីភ្នំពេញ ប៉មអេហ្វែលនៅទីក្រុងប៉ារីស និងរូបនៃសន្នីសីទនៃការចុះកិច្ចព្រមព្រៀងសន្ដិភាព ទីក្រុងប៉ារីសឆ្នាំ១៩៩១ផងដែរ។

តាមរយៈធនាគាំរជាតិនៃកម្ពុជាបានឱ្យដឹងថា ការចេញក្រដាសប្រាក់ប្រភេទ ៣០.០០០រៀលនេះ ដើម្បីអបអរសាទរខួប៣០ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស (២៣ តុលា ១៩៩១ – ២៣ តុលា ២០២១) និងខួប៣០ឆ្នាំនៃការយាងនិវត្តន៍របស់ ព្រះករុណាព្រះបាទសម្តេចព្រះនរោត្តម សីហនុ “ព្រះបរមរតនកោដ្ឋ” មកកាន់មាតុភូមិវិញ (១៤ វិច្ឆិកា ១៩៩១ – ១៤ វិច្ឆិកា ២០២១)។

លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាសមាជិករដ្ឋសភាបានសម្តែងការអបអរសាទរ នៃការដាក់ឲ្យចរាចរនូវក្រដាសប្រាក់ប្រភេទ ៣០,០០០រៀលថ្មីនេះ។ លោកបានសរសេរថា “ការសម្រេចនេះ មិនត្រឹមតែបានឆ្លុះបញ្ចាំងពីមនោសញ្ចេតនាដ៏ជ្រៀលជ្រៅរបស់កូនចៅ ចៅទួតចំពោះសម្តេចតា សម្តេចតាទួតរបស់យើងទាំងអស់គ្នាប៉ុណ្ណោះទេ ប៉ុន្តែក៏បានឆ្លុះបញ្ចាំងពីដំណើរវិវឌ្ឍន៍ ប្រកបដោយភាពវិជ្ជមានរបស់សង្គមកម្ពុជា ក្នុងរយៈពេល ៣០ឆ្នាំកន្លងមកនេះ”៕

ការផ្គត់ផ្គង់ទំហំការិយាល័យកើនឡើងដល់ជិត៨០ម៉ឺនម៉ែត្រការ៉េហើយ រហូតមកទល់ពេលនេះ

ដោយៈ សុផារី

ភ្នំពេញៈ ការផ្គត់ផ្គង់ការិយាល័យសរុបនៅត្រីមាសទី៣ ឆ្នាំ២០២១មានចំនួន៧៨៦,៩៣១ម៉ែត្រការ៉េ ដែលភាគច្រើនផ្តោតលើគម្រោង ដែលគ្រប់គ្រងដោយកម្មសិទ្ធិកណ្តាល។

យ៉ាងណាក៏ដោយ ការផ្គត់ផ្គង់មានការផ្លាស់ប្តូរដោយធ្លាក់ចុះ ប្រហែលជា៤,៦% ដោយពីត្រីមាសមួយទៅត្រីមាសមួយ សម្រាប់ប្រភេទការិយាល័យ ដែលគ្រប់គ្រងក្រុមហ៊ុននានា។ នេះបើតាមរបាយការណ៍ប្រចាំត្រីមាសរបស់ក្រុមហ៊ុន CBRE Cambodia។

ក្នុងត្រីមាសទី៣ គេសង្គេតឃើញការបញ្ចប់ គម្រោងការិយាល័យចំនួនប្រាំពីរ ក្នុងមាត្រដ្ឋាននិងទីតាំងខុសៗគ្នា។ ជាង៧០% នៃការផ្គត់ផ្គង់ការិយាល័យថ្មីបានមកពីគម្រោងGIA។ គម្រោងដែលនៅសេសសល់ជាគំរោងបែបសហកម្មសិទ្ឋកម្ម ប្រៀបធៀបទាំងការអភិវឌ្ឍធំៗទាំងប្រភេទ B និង C ។

ក្រៅពីគម្រោងការិយាល័យប្រភេទA និងB  គេបានមើលឃើញថា អត្រាជួលសម្រាប់គ្រប់ប្រភេទការិយាល័ យមានការធ្លាក់ចុះនៅត្រីមាសទី៣នៃឆ្នាំ២០២១។ អត្រាជួលការិយាល័យប្រភេទB និងC ដោយជនជាតិបរទេស ធ្លាក់ចុះក្នុងអត្រា២,៨២% (ប្រភេទ B) និង ២,០២% (ប្រភេទ C) ពីត្រីមាសមួយទៅត្រីមាសមួយ។

បើប្រៀបធៀបទៅនឹងតម្រូវការ កាលពីត្រីមាសមុន មានការធ្លាក់ចុះនៃតម្រូវការការិយាល័យក្នុងត្រីមាសនេះ។

តាមរយៈរបាយការណ៍ដដែលនេះ CBRE រំពឹងថា ទំហំទីផ្សារការិយាល័យនឹងកើនឡើងដល់៧៩០,៨៩០ ម៉ែត្រការ៉េនៃផ្ទៃជួលសុទ្ធ។ ការកើនឡើងមានចំនួន១៤៧,១៤៤ ម៉ែត្រការ៉េពីឆ្នាំមួយទៅឆ្នាំមួយ។ នៅឆ្នាំ២០២២ ការផ្គត់ផ្គង់នេះត្រូវបានគេរំពឹងថានឹងកើនឡើងបន្ថែមទៀតរហូតដល់ជាង១លានម៉ែត្រការ៉េ៕

សូចនាករចំនួន៥ បញ្ជាក់ពីហេតុដែលអ្នកគួរវិនិយោគលើវិស័យអចលនទ្រព្យ?

ដោយៈ កុសមា

ភ្នំពេញៈ ដោយសារកំនើនប្រជាជន និងការអភិវឌ្ឍក្នុងប្រទេស  វិស័យអចលនទ្រព្យនៅកម្ពុជា មានការរីកចំរើនខ្លាំង ក្រៅពីការរស់នៅ ប្រជាជនមួយចំនួន ទិញអចលនទ្រព្យដើម្បីធ្វើការវិនិយោគផងដែរ។

យោងតាមសៀវភៅ “វិថីអចលនទ្រព្យ” របស់លោក គាម សៀកឡុង បានអោយដឹងថា មានមូលហេតុសំខាន់ៗមួយចំនួន ដែលនាំអោយពួកគេជ្រើសរើស ការវិនិយោគលើអចលនទ្រព្យ។

ទទួលបានលំហូរសាច់ប្រាក់:

អ្នកវិនិយោគ អចលនទ្រព្យសម្រាប់ដាក់ជួល ពួកគាត់នឹងទទួលបានចំណូលអកម្មប្រចាំខែ មិនចាំបាច់ប្រើកំលាំងនឹងប្រើពេលវេលាផ្ទាល់ខ្លួន ទៅដូរនឹងប្រាក់ខែ រឺរកជំនូលសម្រាប់អាជីវកម្មផ្ទាល់ខ្លួនឡើយ។

ការកើនតំលៃ:

នេះជាអ្វីដែលពិសេសបំផុតជាពិសេស នៅក្នុងបណ្ដាប្រទេស កំពុងអភិវឌ្ឍប្រទេ​សយើងសព្វថ្ងៃអចលនទ្រព្យដែល មានតម្លៃទាបនៅឡើយ មានឱកាសកាន់តំណែងខ្ពស់ និងលឿន ទៅតាមការអភិវឌ្ឍន៍ជុំវិញដែលសាយភាយទៅ ដល់នឹងការពង្រីកទីក្រុងជាដើម។

-ជាទ្រព្យបញ្ចាំធានាបំណុល:

នៅក្នុងប្រទេសកម្ពុជាបច្ចុប្បន្នអចលនទ្រព្យ គឺជាទ្រព្យដាក់ធានាបំណុលចាំបាច់ដែលមិនអាចខ្វះបាន ដើម្បីទទួលបានប្រាក់កម្ចីពីធនាគារ ហើយធនាគារនេះហើយដែលបានរួមចំណែកយ៉ាងសកម្ម គាំទ្រសកម្មភាពសេដ្ឋកិច្ចជាដៃគូល្អ ដែលផ្តល់ហិរញ្ញវត្ថុក្នុងការចាប់ផ្ដើម ពង្រីកអាជីវកម្ម រឺវិនិយោគដើម្បីទទួលបានប្រាក់ចំណេញ។

ហានិភ័យទាប និងអាចគ្រប់គ្រងបាន:

បើយើងយកលុយទៅ បើកអាជីវកម្មថ្មីថ្មោង ដែលគ្មានជំនាញ និងបទពិសោធន៍ អត្រាបរាជ័យមានខ្ពស់ណាស់ គឺប្រឈមមុខ នឹងការបាត់បង់ទាំងស្រុងតែម្ដង។ សម្រាប់ការវិនិយោគអចលនទ្រព្យវិញ ប្រសិនបើស្របច្បាប់ និងមានប្លង់កម្មសិទ្ធិត្រឹមត្រូវការវិនិយោគនៅតំបន់ខ្លះ គឺគ្រាន់តែកប់ដើមប៉ុណ្ណោះ។

ឧទាហរណ៍: ដីនៅបុរីកាំងម៉េង ផ្លូវជាតិលេខ២ កប់ចោលជាច្រើនឆ្នាំ ស្រាប់តែ២ ៣ឆ្នាំចុងក្រោយដីនៅតំបន់នោះ ចាប់ផ្តើមកំរើកឡើងវិញ ហើយក្នុងឆ្នាំ ២០២១ ដីក្នុងមួយឡូតិ៍ តំលៃជាង ១០មឺនដុល្លារ ទៅតាមផ្លូវនិងទីតាំងនិមួយៗ។

កត្តាប្រជារាស្ត្រ និងតំរូវការ:

កំណើនប្រជាជន និងកំណើនសេដ្ឋកិច្ចបានធ្វើ ឲ្យតម្រូវការច្រើននិងអចលនវត្ថុ ចេះតែកើនឡើង ដូចជាត្រូវការដីសម្រាប់សាងសង់ ការិយាល័យ ពាណិជ្ជកម្ម ផ្សារទំនើប ឃ្លាំងរោងចក្រ លំនៅដ្ឋាន សម្រាប់រស់នៅ និងដីចម្ការជាដើម។ គេតែងនិយាយថាមនុស្សកើត តែដី មិនកើត រឺមិនអាចប្រែប្រួលបានទេ តែពីមួយឆ្នាំទៅមួយឆ្នាំកំណើនមនុស្សកើនឡើង ក្នុងសេដ្ឋកិច្ចកាន់តែប្រសើរ ដូចនេះតម្រូវការអចលនទ្រព្យ ចេះតែកើនឡើងតាមនោះដែរ៕