តើវិបត្តិក្រុមហ៊ុនចិន Evergrande នឹងជះផលប៉ះពាល់ដល់បណ្ដាក្រុមហ៊ុនអភិវឌ្ឍន៍ ចិនដែលកំពុងវិនិយោគគម្រោងធំៗឬទេ?

ដោយៈសុខុម

ភ្នំពេញ: ដោយសារតែមានក្រុមហ៊ុនអភិវឌ្ឍន៍ចិនជាច្រើន កំពុងវិនិយោគគម្រោងធំៗនៅកម្ពុជា ទើបនាំឱ្យមានការចោទជាសំណួរថា តើវិបត្តិក្រុមហ៊ុនអភិវឌ្ឍន៍ចិន Evergrande ដែលបានបង្កចលាចលពេញវិស័យអចលនទ្រព្យក្នុងប្រទេសចិន និងធ្វើឱ្យទីផ្សារពិភពលោករងការរង្គោះរង្គើនោះ នឹងជះផលប៉ះពាល់ដល់កម្ពុជា ដែរឬយ៉ាងណា?។

ជាក់ស្ដែងគម្រោងខ្នាតយក្ស Phnom Penh Habour Bay របស់ក្រុមហ៊ុនចិន Yuetai Group Co Ltd ដែលគ្របដណ្ដប់លើផ្ទៃដីសរុប៩ហិកតា ស្ថិតនៅតាមបណ្ដោយមាត់ទន្លេសាប ក្នុងរាជធានីភ្នំពេញ កំពុងបន្តដំណើរការសាងសង់ធម្មតា គ្រាន់តែមានសន្ទុះយឺតជាងការរំពឹងទុក។

ការសាងសង់ផ្នែកដែលមានតម្លៃធូរថ្លៃ រួមមានខុនដូ និងShophouse នៃគម្រោងខ្នាតយក្សមួយនេះ បានឈានដល់ដំណាក់កាលទី២ និងដំណាក់កាលទី៤ ហើយដើម្បីបំពេញឱ្យបំពេញទាន់តាមតម្រូវការរបស់អ្នកទិញ។

ទោះជាយ៉ាងណា ផ្នែកមានតម្លៃថ្លៃនៃគម្រោង ដែលមានទំហំទុនវិនិយោគសរុប៨០០លានដុល្លារ នេះដែលយើងមើលមិនឃើញ គឺការចាប់ផ្ដើមដំណើរការសាងសង់អគារការិយាល័យភ្លោះ ផ្សារទំនើប មជ្ឈមណ្ឌលសិល្បៈ និងវប្បធម៌ ប្លុកខុនដូខ្ពស់ៗ និងសណ្ឋាគារ White Swan Hotel លំដាប់ផ្កាយ៥។

សម្រាប់ពេលនេះ ក្រុមហ៊ុន Yuetai Group Co Ltd ដែលជាបុត្រសម្ព័ន្ធរបស់ក្រុមហ៊ុនចុះបញ្ជីនៅក្រុងសៀងហៃ ប្រទេសចិន Guangzhou Yuetai Group Co Ltd  កំពុងតែសម្រុកសាងសង់ផ្នែក ដែលមានតម្លៃធូរថ្លៃនៃគម្រោង ពោលគឺខុនដូដែលមានតម្លៃចន្លោះពី៤.០០០ដុល្លារ ដល់១០០.០០០ដុល្លារ ក្នុងមួយយូនីត និងផ្ទះអាជីវកម្មដែលមានតម្លៃចន្លោះពី២០០.០០០ដុល្លារ ដល់៤០០.០០០ដុល្លារ ក្នុងមួយជុង។

តំណាងភ្នាក់ងារលក់ប្រចាំក្រុមហ៊ុន Yuetai Group Co Ltd ឈ្មោះ លីម សេង បាននិយាយថា “សម្រាប់គម្រោងផ្ទះអាជីវកម្ម និងខុនដូ យើងលក់បានប្រមាណ៧០% ហើយ ហើយអតិថិជនភាគច្រើនគឺជាជនជាតិខ្មែរ”។

ទោះជាយ៉ាងណា បុរសជាតំណាងភ្នាក់ងារលក់រូបនេះបានបដិសេធភ្លាមៗថា គាត់មិនដឹងឡើយជុំវិញការចាប់ផ្ដើម ដំណើរការសាងសង់ផ្នែកផ្សេងៗទៀតនៃគម្រោងនេះ។ លេចធ្លាយព័ត៌មានថា ម្ចាស់ភាគហ៊ុនធំនៃក្រុមហ៊ុនមេរបស់ក្រុមហ៊ុន Yuetai Group Co Ltd បានដាក់ពាក្យសុំប្រកាសក្ស័យធន ហើយពេលសាកសួរទាក់ទិនរឿងនេះ បុរសខាងលើនេះក៏មិនបានឆ្លើយនោះដែរ។

ផ្អែកតាមរបាយការណ៍ផ្សារភាគហ៊ុន ក្រុងសៀងហៃបានបង្ហាញថា ក្រុមហ៊ុន Guangzhou Yuetai Group Co Ltd មានបញ្ហាហិរញ្ញវត្ថុ ក្នុងរយៈពេលប៉ុន្មានឆ្នាំចុងក្រោយនេះ។

ការជួបបញ្ហាហិរញ្ញវត្ថុ មិនមែនកើតមានតែចំពោះក្រុមហ៊ុន Guangzhou Yuetai Group Co Ltd នោះទេ ពោលគឺមានក្រុមហ៊ុនអភិវឌ្ឍន៍អចលនទ្រព្យចិន ជាច្រើនទៀតនៅក្នុងប្រទេសចិន ដែលកំពុងជួបវិបត្តិហិរញ្ញវត្ថុធ្ងន់ធ្ងរ ក្រោយផ្ទុះវិបត្តិក្រុមហ៊ុន Evergrande ដែលជំពាក់បំណុលគរដូចភ្នំ ដែលមានទំហំរហូតដល់ទៅ៣០៥ពាន់លានដុល្លារ ខណៈរដ្ឋាភិបាលចិន ដាក់ចេញវិធានការរឹតបន្តឹង លើការផ្ដល់កម្ចីដល់បណ្ដាក្រុមហ៊ុនអភិវឌ្ឍន៍។

អ្នកជំនាញបានលើកឡើងថា ប្រសិនបើបុត្រសម្ព័ន្ធនៅកម្ពុជា នៃក្រុមហ៊ុនអភិវឌ្ឍន៍ចិន ទាំងនោះពឹងផ្អែកលើស្ថាប័នហិរញ្ញវត្ថុរបស់ប្រទេសចិន សម្រាប់ហិរញ្ញប្បទានសម្រា​ប់ជំរុញគម្រោងរបស់ខ្លួន នោះនឹងមានបញ្ហាហើយ។

អ្នកជំនាញបានគូសបញ្ជាក់ថា កង្វះហិរញ្ញប្បទានអាចនឹងធ្វើការការបញ្ចប់គម្រោងត្រូវពន្យារពេល អ្នកផ្គត់ផ្គង់មិនទទួលបានការទូទាត់ទាន់ពេលវេលា ហើយខកខានក្នុងការបង់ការប្រាក់លើបំណុល៕

រដ្ឋាភិបាលប្រមូលចំណូលពន្ធបានជិត៤ពាន់លានដុល្លារអាមេរិកក្នុងដំណាច់ ត្រីមាសទី៣

         ដោយៈលក្ខិណា

ភ្នំពេញៈ បើទោះបីជាកម្ពុជាប្រឈមនឹងបញ្ហា ដោយសារតែជំងឺកូវីដ១៩យ៉ាងណាក៏ដោយ ក៏កម្ពុជានៅតែទទួលបានចំណូលពីពន្ធដារ និងពន្ធគយប្រមាណជាង៣៨០០លានដុល្លារអាមេរិក ដែលធ្វើឱ្យកម្ពុជានៅតែមានលទ្ធភាព ក្នុងការគ្រប់គ្រងចំណូលចំណាយរបស់ខ្លួនដោយប្រសិទ្ធភាព។

យោងតាមរបាយការណ៍របស់អគ្គនាយកដ្ឋានគយ និងរដ្ឋករនៅថ្ងៃទី១៥តុលា២០២១នេះឱ្យដឹងថា រយៈពេល៩ខែដើមឆ្នាំ២០២១នេះ អគ្គនាយកគយនិងរដ្ឋាករកម្ពុជាប្រមូលចំណូលពន្ធ បានប្រមាណជិត១៧០០លានដុល្លារអាមេរិក ក្នុងនោះចំណូលបានមកពីការនាំចូលយានយន្ត មាន៤១,៩ភាគរយនៃចំណូលសរុប ទំនិញចម្រុះមានអត្រាប្រមាណ២៨,៣ផាគរយនៃចំណូលសរុប ផលិតផលតេលសិលាមាន២៣,៥ភាគរយ និងសម្ភារៈសំណង់ និងកម្រៃផ្សេងៗមាន៦,៣ភាគរយនៃចំណូលសរុប។

ក្រលេកទៅមើលអគ្គនាយកដ្ឋានពន្ធដារឯណោះវិញ ក្នុងរយៈពេល៩ខែនេះដែរ ក៏រកចំណូលបានជាង២១០០លានដុល្លារអាមេរិកផងដែរ ដោយសម្រេច៩៤,១២ភាគរយនៃផែនការច្បាប់ហិរញ្ញវត្ថុ សម្រាប់ការគ្រប់គ្រងឆ្នាំ២០២១ ធៀបនឹងចំណូលពន្ធអាករក្នុងរយៈបេលដូចគ្នាក្នុងឆ្នាំ២០២០ឃើញថាថយចុះប្រមាណ៦,០៥ភាគរយ ។

តាមរយៈចំណូលនេះដែរ នឹងធ្វើឱ្យកម្ពុជានៅតែអាចគ្រប់គ្រងការចំណាយដ៏ច្រើនរបស់ខ្លួននៅក្នុងវិបត្តិកូវីដ១៩ ដែលត្រូវបង្កើនការចំណាយច្រើន ជាងឆ្នាំ២០២០កន្លងមក ជាពិសេសការចំណាយទៅលើការទប់ស្កាត់ ការរីករាលដាលនៃជំងឺកូវីដ១៩ និងការជួយសង្គ្រោះប្រជាពលរដ្ឋ ដើម្បីកុំឱ្យធ្លាក់ទៅរកភាពក្រីក្រ ដោយសារតែវិបត្តិកូវីដ១៩តាមរយៈការដាក់ចេញ នូវវិធានការជំនួយសង្គ្រោះបន្ទាន់ ។

ក្រៅពីចំណូលទាំងនេះ កម្ពុជាក៏មានចំណូលពីប្រភពផ្សេងទៀត ដើម្បីទប់ទល់នឹងការចំណាយ ហើយទោះបីជាជាមានការចំណាយខ្ពស់បែបនេះ ក្ដីក៏កម្ពុជានៅតែមានកញ្ចប់ថវិកា សម្រាប់អភិវឌ្ឍន៍សាងសង់ហេដ្ឋារចនាសម្ព័ន្ធ ជាបន្តបន្ទាប់ទៅតាមផែនការរបស់ខ្លួនដដែល ជាក់ស្ដែងនៅក្នុងវិបត្តិនេះដែរ កម្ពុជានៅតែបន្តអភិវឌ្ឍន៍ ហេដ្ឋារចនាសម្ព័ន្ធជាបន្តបន្ទាប់ ដើម្បីសម្រួលដល់ការធ្វើដំណើររបស់ប្រជាពលរដ្ឋទូទាំងប្រទេស និងសម្រួលដល់ការធ្វើដំណើររបស់ទេសចរក៏ដូចជាវិនិយោគិនជាដើម៕

Railway links China and Laos, carving out new international route

With the last steel beam laid, a railway stretching over 1,000 kilometers from southwest China’s Kunming, capital of Yunnan Province, to Vientiane of Laos, was completed on Tuesday.

The track construction of the China-Laos railway was completed in Mengla County of the Xishuangbanna Dai Autonomous Prefecture, which is near a land port on the China-Laos border.

The direct transport route, where a cross-border railway service is due to be inaugurated in December, is expected to slash the travel time between the two cities to less than a day, according to China State Railway Group Co., Ltd.

This year marks the 60th anniversary of diplomatic ties between China and Laos. The China-Laos Railway is a docking project between the China-proposed Belt and Road Initiative and the strategy of Laos to convert itself from a landlocked country to a land-linked hub.

Source: Xinhua News Agency

ចិននិងឡាវបានបញ្ចប់ការសាងសង់ផ្លូវដែកអន្តរជាតិថ្មី ប្រវែងជាង ១.០០០ គីឡូម៉ែត្រ

ដោយ៖ សុធារី

ចិន: ផ្លូវដែកដែលលាតសន្ធឹងប្រវែងជាង ១.០០០ គីឡូម៉ែត្រពីទីក្រុងគុនមីងភាគនិរតីប្រទេសចិននៃខេត្តយូណានឆ្ពោះទៅទីក្រុងវៀងចន្ទន៍ប្រទេសឡាវត្រូវបានបញ្ចប់នៅថ្ងៃអង្គារនេះ។

ការស្ថាបនាផ្លូវដែកចិន-ឡាវ ត្រូវបានបញ្ចប់នៅស្រុកម៉េងឡា (Mengla) នៃតំបន់ស្វយ័ Xishuangbanna Dai ដែលនៅជិតកំពង់ផែដីគោកមួយនៅព្រំដែនចិន-ឡាវ។

សេវាកម្មផ្លូវដែកឆ្លងកាត់ព្រំដែន គ្រោងនឹងបើកសម្ពោធនៅខែធ្នូ ឆ្នាំ២០២១ នេះ ។ គេរំពឹងថាផ្លូវដឹកជញ្ជូនដោយផ្ទាល់នេះ នឹងកាត់បន្ថយពេលវេលាធ្វើដំណើររវាងទីក្រុងទាំងពីរមកនៅតិចជាងមួយថ្ងៃ។ នេះបើយោងតាមក្រុមហ៊ុន China State Railway Group Co. , Ltd.។

ឆ្នាំ២០២១នេះ គឺជាខួបលើកទី ៦០ នៃចំណងការទូតរវាងចិននិងឡាវ។ ផ្លូវដែកចិន-ឡាវគឺជាគម្រោងតភ្ជាប់ រវាងគំនិតផ្តួចផ្តើមខ្សែក្រវ៉ាត់ និងផ្លូវ (Belt and Road Initiative) ដែលស្នើឡើងដោយប្រទេសចិននិងយុទ្ធសាស្ត្ររបស់ឡាវ ក្នុងការប្រែក្លាយខ្លួនពីប្រទេសព្រំដែនគោក ទៅជាមជ្ឈមណ្ឌលតភ្ជាប់ដីគោក។

Source: Xinhua News Agency

China to send another 3 astronauts to its space station on Saturday

By Cao Qingqing, Gao Yun, Gong Zhe

Three Chinese astronauts, or taikonauts, Zhai Zhigang, Wang Yaping and Ye Guangfu will head to the core module of China’s space station at 12:23 a.m. Beijing Time on October 16 (4:23 p.m. GMT on October 15), China Manned Space Agency (CMSA) announced on Thursday during a press briefing.

The mission, called Shenzhou-13, is the second of the four manned missions for the construction of China’s space station, Tiangong.

The trio will stay in space for six months, the longest ever in-orbit duration for taikonauts.

The launch will be carried out with a Long March-2F carrier rocket from the Jiuquan Satellite Launch Center in northwest China. All facilities at the launch site are in good condition, said Lin Xiqiang, deputy director of the CMSA.

After entering orbit, the spaceship will conduct a fast automated rendezvous and docking with the in-orbit space station core module Tianhe.

The taikonauts will live and work in the core module according to the same timetable as on Earth, said Lin.

After six months, they will return to the Dongfeng landing site in north China’s Inner Mongolia Autonomous Region taking the return capsule.

After entering orbit, the spaceship will conduct a fast automated rendezvous and docking with the in-orbit space station core module Tianhe.
The taikonauts will live and work in the core module according to the same timetable as on Earth, said Lin.
After six months, they will return to the Dongfeng landing site in north China’s Inner Mongolia Autonomous Region taking the return capsule.
Zhai Zhigang

Born in October 1966, Zhai is the first Chinese to conduct a spacewalk, making China the third country in the world to master the technology for extravehicular activities.

As the most experienced crew member of Shenzhou-13, he will be the commander of the mission.

Zhai was admitted to the first batch of taikonauts in 1998. He was among the final groups to train for the Shenzhou-5 and Shenzhou-6 flights, but finally flew aboard the Shenzhou-7 spacecraft.

During the Shenzhou-7 mission in September 2008, Zhai served as the commander of the spacecraft. He performed a landmark 20-minute spacewalk with the help of Liu Boming, who later became one of the Shenzhou-12 crew.

Wang Yaping

Born in 1980, Wang is China’s first millennial taikonaut and the second female taikonaut who has been to space.

She will become the country’s first female taikonaut to work in China’s space station, and also the first female taikonaut to conduct extravehicular activities, according to the CMSA.

In May 2010, Wang was selected to be a member of the second batch of taikonauts.

In June 2013, Wang and two other crewmates, Nie Haisheng and Zhang Xiaoguang, were sent to space aboard Shenzhou-10. She gave a lecture about space during the mission through live broadcast, a first for China, reaching and inspiring millions of school children across China.

Ye Guangfu

Ye, also born in 1980, was selected into the second batch of taikonauts in 2010 and qualified for manned space flight in 2014. This will be his maiden flight in space.

He was once an air force pilot with 1,100 hours of jet fighter flight time. He took the European Space Agency’s underground astronaut training course, dubbed CAVES, in June 2016.

Ye speaks fluent English and is regarded as one of the key taikonauts to host foreign counterparts when China’s space station becomes fully operational.

What is China doing with the Shenzhou-13 mission?

The major tasks of the mission include:

1. Test of key technologies used to assemble the new space station, like robotic arm-assisted cabin redocking and manually controlled telerobotics;

2. Two to three spacewalks to install a robotic arm adaptor and suspension system used for future space station assembling works;

3. Further verification of life support technologies that can safeguard taikonauts’ health, life and work for six months;

4. Scientific experiments and demonstrations in areas such as space medicine and microgravity;

5. Comprehensive performance and compatibility assessment of all systems.

China’s space station will be completed by end of 2022

China has planned a total of 11 missions to complete the construction of its space station over 2021 and 2022, namely three launches of space station modules, four cargo vessel flights, and four manned missions.

The Shenzhou-13 is the fifth mission this year, following the launch of the Tianhe core module in April, Tianzhou-2 cargo craft in May, Shenzhou-12 crewed spaceship in June and Tianzhou-3 cargo ship in September.

The Tianzhou-3 cargo ship delivered supplies for the Shenzhou-13 mission, including one extravehicular spacesuit for backup, supplies for extravehicular activities, space station platform materials, payloads and propellants.
The Tianhe core module, Tianzhou-2 and Tianzhou-3 cargo spacecraft have formed a complex operating in orbit. The three Shenzhou-12 taikonauts spent three months in space and returned to Earth in September.

After the completion of the Shenzhou 13 manned mission in April 2022 and a comprehensive evaluation of the entire system of the project, China will carry out the remaining six missions to complete a fully-operational space station by the end of next year.

Source: CGTN

ចិននឹងបញ្ជូនអវកាសយានិក ៣ នាក់ទៀតទៅកាន់ស្ថានីយអវកាសរបស់ខ្លួននៅថ្ងៃសៅរ៍នេះ

ដោយ៖ សុផារី

ចិន៖ អវកាសយានិកជនជាតិចិនបីនាក់ នឹងធ្វើដំណើរទៅកាន់ម៉ូឌុលស្នូលនៃស្ថានីយ៍អវកាសចិននៅវេលាម៉ោង ១២:២៣ នាទីព្រឹក ម៉ោងនៅប៉េកាំង នៅថ្ងៃទី ១៦ ខែតុលា នេះបើតាមការប្រកាសរបស់ទីភ្នាក់ងារអវកាសចិន (CMSA) នៅថ្ងៃព្រហស្បតិ៍នេះក្នុងសន្និសីទសារព័ត៌មានមួយ។

អវកាសយានិកជនជាតិចិនបីនាក់នោះមានឈ្មោះ Zhai Zhigang, Wang Yaping and Ye Guangfu ដែលជាអ្នកជំនាញក្នុងវិស័យអវកាសចិនជាយួរឆ្នាំ។

បេសកកម្មនេះមានឈ្មោះថា Shenzhou-១៣ ដែលជាបេសកកម្មទី ២ ក្នុងចំណោមបេសកកម្មដែលមានមនុស្សបួននាក់ សម្រាប់ការសាងសង់ស្ថានីយ៍អវកាសចិនធានកុង។

អវកាសយានិកទាំងបីនឹងស្ថិតនៅក្នុងលំហរយៈពេល ៦ ខែដែលជារយៈពេលវែងបំផុតដែលមិនធ្លាប់មាននៅក្នុងគន្លងតារាវិថីសម្រាប់អវកាសយានិកចិន។

លោក Lin Xiqiang អនុប្រធានទីភ្នាក់ងារអវកាសចិន បាននិយាយថា “គ្រឿងបរិក្ខារទាំងអស់នៅកន្លែងបាញ់បង្ហោះស្ថិតនៅក្នុងស្ថានភាពល្អ។ ការបាញ់បង្ហោះនេះនឹងត្រូវធ្វើឡើងជាមួយរ៉ុកកែតផ្ទុក Long March-2F ចេញពីមជ្ឈមណ្ឌលបាញ់បង្ហោះផ្កាយរណប Jiuquan នៅភាគពាយ័ព្យប្រទេសចិន។”

លោក Lin Xiqiang បានបន្តថា អវកាសយានិកចិននឹងរស់នៅនិងធ្វើការនៅក្នុងម៉ូឌុលស្នូលដូចគ្នានឹងកាលវិភាគដូចនៅលើផែនដីដែរ។ បន្ទាប់ពីប្រាំមួយខែពួកគេនឹងត្រលប់ទៅកន្លែងចុះចត Dong Feng នៅតំបន់ស្វយ័តម៉ុងហ្គោលី ភាគខាងជើងប្រទេសចិន។

ប្រទេសចិនបានរៀបចំផែនការបេសកកម្មចំនួន ១១ ដើម្បីបញ្ចប់ការសាងសង់ស្ថានីយ៍អវកាសរបស់ខ្លួននៅឆ្នាំ ២០២១ និង ២០២២ មានដូចជា ការបាញ់បង្ហោះម៉ូឌុលស្ថានីយ៍អវកាសចំនួន ៣ ជើងហោះហើរនាវាដឹកទំនិញ ៤ គ្រឿងនិងបេសកកម្មមនុស្ស ៤ នាក់៕

មជ្ឈមណ្ឌលផលិតផែនទីដែលជាជំនួយរបស់ចិន បានបញ្ចុះបឋមសិលាបើកការដ្ឋានសាងសង់ហើយ

ដោយ៖ សុផារី

នាយកដ្ឋានភូមិសាស្ត្រ ក្រសួងការពារជាតិ បានប្រារព្ធពិធីបញ្ចុះបឋមសិលា បើកការដ្ឋានសាងសង់មជ្ឈមណ្ឌលផលិតផែនទី នាព្រឹកថ្ងៃទី១៤ ខែតុលា ឆ្នាំ២០២១នេះ ស្ថិតក្រោមអធិបតីភាពលោក ឯល វ៉ាន់សារ៉ាត រដ្ឋលេខាធិការសួងការពារជាតិ និងលោក ចាង ជៀន (CHANG JIAN) ទីប្រឹក្សាអមស្ថានឯកអគ្គរដ្ឋទូត នៃសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា ។

អគារមជ្ឈមណ្ឌលផលិតផែនទី ដែលជាជំនួយឧបត្ថម្ភរបស់ក្រសួងការពារជាតិ សាធារណរដ្ឋប្រជាមានិតចិននេះ សង់ឡើងអំពីថ្ម ដែលមាន៣ជាន់ តាមគម្រោងផែនការនឹងបញ្ចប់ការសាងសង់ នៅពាក់កណ្តាលឆ្នាំ២០២២ខាងមុខនេះ។

លោក ទេព ចម្រើន នាយកនាយកដ្ឋានភូមិសាស្ត្រ ក្រសួងការពារជាតិ បានមានប្រសាសន៍ថា ការបញ្ចុះបឋមសិលាថ្ងៃនេះជាសមិទ្ធផលថ្មីមួយទៀតដែលក្រសួងការពារជាតិ នៃព្រះរាជាណាចក្រកម្ពុជា ទទួលបានពីជំនួយឧបត្ថម្ភដ៏ថ្លៃថ្លារបស់ ក្រសួងការពារជាតិ សាធារណរដ្ឋប្រជាមានិតចិន អនុវត្តតាមកិច្ចព្រមព្រៀងវាស់វែងគូរផែនទី និងសេវានាំផ្លូវរវាងក្រសួងការពារជាតិកម្ពុជា និងក្រសួងការពារជាតិ សារធារណរដ្ឋប្រជាមានិតចិន ពីឆ្នាំ២០១៨កន្លងមក។

លោកបានមានប្រសាសន៍ថា “តាមពិតទៅសំណង់មជ្ឈមណ្ឌលផលិតផែនទីនេះ ត្រូវចាប់ផ្តើមដំណើរ ការសាងសង់តាំងពី ឆ្នាំ២០២០ កន្លង មកម្លេះ ប៉ុន្តែដោយបញ្ហាវិបត្តិសកលនៃជំងឺកូវីដ-១៩ ធ្វើអោយការសាងសង់ត្រូវបានពន្យាររហូតដល់ពេលនេះ។ “

លោក ឯល វ៉ាន់សារ៉ាត បានមានប្រសាសន៍បន្តថា “នេះជាមោទនភាពបំផុតរបស់នាយកដ្ឋានភូមិសាស្ត្រ ក្រសួងការពារជាតិកម្ពុជា ដែលទទួលបាននូវមជ្ឈមណ្ឌលផលិតផែនទី ដែលជាយូរយារណាស់មកហើយ កងយោធពលខេមរភូមិន្ទពុំធ្លាប់មាន។”

លោកបានបញ្ជាក់ថា ពេលស្ថិតក្រោមអាណានិគមបារាំង ឆ្នាំ១៨៩៩ រដ្ឋាភិបាលបារាំងបានបង្កើតក្រុមភូមិសាស្ត្រមួយសម្រាប់ឥណ្ឌូចិន ហើយអោយឈ្មោះថា (សេវាភូមិសាស្ត្រឥណ្ឌូចិន) ដែលស្ថិតនៅទីក្រុងដាឡាត់ អតីតវៀតណាមខាងត្បូង និងមានរោង ពុម្ពនៅទីនោះ។ លុះដល់ឆ្នាំ១៩៥៥ ក្រោយពីប្រទេសកម្ពុជា ទទួលឯករាជ្យថ្ងៃទី០៩ ខែវិច្ឆិកា ឆ្នាំ១៩៥៣ ក្រុមភូមិសាស្ត្រឥណ្ឌូចិនក៏បានរំលាយខ្លួន ហើយប្រទេសនីមួយៗបង្កើតស្ថាប័នភូមិសាស្ត្ររៀងៗខ្លួន ដោយឡែកកម្ពុជាស្ថិតក្រោមការដឹកនាំ របស់រដ្ឋមន្ត្រី ក្រសួងសេដ្ឋកិច្ចជាតិ ឈ្មោះថា ក្រុមភូមិសាស្ត្រខ្មែរ។ លុះដល់ខែមិថុនា ឆ្នាំ១៩៥៦ នាយកដ្ឋានភូមិសាស្ត្រ ផ្ទេរអោយក្រសួងការពារជាតិគ្រប់គ្រងវិញឈ្មោះថា នាយកដ្ឋានភូមិសាស្ត នៃកងយោធពលខេមរភូមិន្ទ ប៉ុន្តែមិនទាន់មានរោងពុម្ពផលិតផែនទីផ្ទាល់ខ្លួននៅឡើយទេ។

លោក ឯល វ៉ាន់សារ៉ាត បានផ្ដាំផ្ញើដល់ក្រុមវិស្វករអ្នកបច្ចេកទេសជំនាញ ត្រូវយកចិត្តទុកដាក់ធ្វើយ៉ាងណា សាងសង់អគារនេះប្រកបដោយគុណភាពរឹងមាំ អាចប្រើប្រាស់យូរអង្វែង និងសហការឱ្យបានល្អជាមួយនាយកដ្ឋានភូមិសាស្ត្រ ក្រសួងការពារជាតិ ធានាបានលទ្ធផលល្អ តាមការកំណត់នៃគម្រោងផែនការសាងសង់៕

កូនៗមិនមែនជាកូនជ្រូកសន្សំលុយ ពេលដែលអ្នកចាស់ទៅឬយ៉ាងណា?

ដោយៈគង់ សិរីជេស៊ីកា

ភ្នំពេញៈ ការរស់នៅប្រកបដោយភាពសប្បាយរីករាយ នៅពេលឈានដល់វ័យចំណាស់ប្រកបដោយផាសុកភាព និងភាពស្ងប់ស្ងាត់ដោយគ្មានបន្ទុកហិរញ្ញវត្ថុ គឺជាក្តីស្រមៃរបស់មនុស្សគ្រប់គ្នា។

រឿងដែលសំខាន់ជាងនេះទៅទៀតនោះ គឺការមើលឃើញកូនៗទទួលបាននូវភាពជោគជ័យ នៅក្នុងជីវិតរបស់ពួកគេនាពេលអនាគត ក៏ជាសុភមង្គលនៅក្នុងជីវិតរបស់ឪពុក ម្តាយនាពេលចូលនិវត្តន៍ផងដែរ។ ប៉ុន្តែតើក្តីស្រមៃរបស់យើងប្រាកដថា នឹងអាចក្លាយជាការពិតដូចបំណងប្រាថ្នាដែរឬទេ ខណៈដែលគ្រួសារផ្សេងៗជាច្រើន សុទ្ធ​តែមានតម្រូវការខុសៗគ្នា ហើយហានិភ័យជាច្រើន សុទ្ធតែអាចកើតឡើងគ្រប់ពេលវេលា និងគ្រប់ទីកន្លែងដែលយើងមិនអាចដឹងមុននោះ?។

យោងតាមទិន្នន័យ MISI (សន្ទស្សន៍ទស្សនៈវិនិយោគិនមេនូឡាយហ្វ៍) លើកទី ១០ការសន្សំប្រាក់សម្រាប់ការអប់រំ គឺជាអាទិភាពទីមួយរបស់ឪពុកម្តាយ ឬវិនិយោគិននៅក្នុងការគ្រប់គ្រងហិរញ្ញវត្ថុ។ ការសន្សំប្រាក់សម្រាប់ការអប់រំមានចំនួនខ្ពស់បំផុត ក្រៅពីការសន្សំប្រាក់សោធនចូលនិវត្តន៍ និងសម្រាប់ការចំណាយលើការមើលថែសុខភាព។

ចំណុចដែលគួរឱ្យចាប់អារម្មណ៍មួយទៀតនោះ គឺប្រជាជនសុខចិត្តជំពាក់បំណុលគេរហូតដល់២៨ភាគរយ សម្រាប់ការបម្រុងប្រាក់ទុកដាក់ សម្រាប់ការអប់រំរបស់កូនៗខណៈដែល៣៤ភាគរយ ផ្សេងទៀតសម្រាប់ទ្រទ្រង់ដល់ការរស់នៅរបស់ខ្លួន។

ខណៈដែលទិន្នន័យនៃ MISI លើកទី៦បង្ហាញថា មានតែប្រជាជនចំនួន5.34% ប៉ុណ្ណោះដែលមានផែនការប្រាក់សោធន ឬប្រមាណតែ3.3 លាននាក់នៅក្នុងចំណោមប្រជាជន120លាននាក់នៅក្នុងប្រទេសឥណ្ឌូនេស៊ី ដែលបានគិតគូរដល់ជីវិតនាវ័យចំណា​ស់របស់ខ្លួន។ នេះគឺជាចំនួនតិចតួចណាស់ ហើយឱកាសក្នុងការធ្លាក់ក្នុងស្ថានភាពមេគ្រួសារមានឪពុកម្ដាយចាស់ និងកូនក្នុងបន្ទុកគឺនៅមានច្រើន។

នេះជាស្ថានភាពមួយដែលកូនៗរបស់យើង ត្រូវជួយផ្គត់ផ្គង់ប្រាក់កាក់ដល់ឪពុក ម្តាយចាស់ចូលនិវត្តន៍ផង និងត្រូវបំពេញតម្រូវការក្នុងជីវិត និងគ្រួសារផ្ទាល់ខ្លួនផង។

ប្រជាជនភាគច្រើននៅក្នុងប្រទេសឥណ្ឌូនេស៊ី បានក្លាយជាមេគ្រួសារមានឪពុកម្ដាយចាស់ និងកូនក្នុងបន្ទុក ដោយសារតែកត្តាផ្សេងៗគ្នាជាច្រើន។ កត្តាដ៏សំខាន់មួយគឺកង្វះចំណេះដឹងអំពីផែនការហិរញ្ញវត្ថុ ក៏ដូចជា ផលិតផលវិនិយោគដ៏ត្រឹមត្រូវសម្រាប់ពេលអនាគត ដែលជាសេចក្ដីត្រូវការដ៏ចាំបាច់របស់ខ្លួន។

លើសពីនេះទៀត វាបានក្លាយទៅជាទំនៀមទម្លាប់ ​និងជារឿងធម្មតាទៅហើយក្នុងប្រទេសឥណ្ឌូនេស៊ី ដែលមនុស្សម្នាក់ត្រូវផ្តល់លុយ កាក់ផ្គត់ផ្គង់គ្រួសារផ្ទាល់ខ្លួនផង និងឪពុកម្តាយរបស់ខ្លួនផងនោះ។ ស្ថានភាពបែបនេះ នៅតែបន្តកើតឡើងនៅក្នុងសង្គមរបស់យើង ហើយហាក់ដូចជា មិនមានការផ្លាស់ប្ដូរឱ្យល្អប្រសើរនោះឡើយ។

ដល់ពេលដែលឪពុក ម្តាយ ត្រូវផ្លាស់ប្តូរផ្នត់គំនិតរបស់ខ្លួនហើយ ពីព្រោះថាកូនៗមិនមែនជាកូនជ្រូកសន្សំលុយរបស់ខ្លួននោះទេ។ កូនៗគ្មានកាតព្វកិច្ចត្រូវរ៉ាប់រងលើថ្លៃចំណាយទៅលើការរស់នៅ នាពេលដែលឪពុក ម្តាយចូលដល់វ័យចាស់ជរានោះទេ។

លើសពីនេះទៀត ឪពុកម្តាយមិនគួររំពឹង “ការសងគុណ” ពីកូនៗសម្រាប់ការចំ​ណាយ និងបំណុលទាំងអស់ដែលខ្លួនមាន ដោយសារតែចិញ្ចឹមបីបាច់កូនៗឡើយ។ ពីព្រោះថា យើងជាឪពុក ម្ដាយចង់មើលឃើញកូនៗរបស់យើង ទទួលបានជោគជ័យនាពេលអនាគត ហើយមានជីវិតរស់នៅប្រកបដោយសុភមង្គល ជាមួយគ្រួសាររបស់ពួកគេ។

កត្តាដែលធ្វើឱ្យយើង ក្លាយជាមេគ្រួសារមានឪពុកម្ដាយចាស់ និងកូនក្នុងបន្ទុកនេះ អាចលុបបំបាត់បាននាពេលបច្ចុប្បន្ននេះ តាមរយៈការលើកកម្ពស់ឱ្យសាធារណៈជនមានចំណេះដឹងផ្នែកហិរញ្ញវត្ថុ និងសិក្សាស្វែងយល់បន្ថែមអំពី ការរៀបចំផែនការហិរញ្ញវត្ថុឱ្យបានត្រឹមត្រូវ និងទាន់ពេលវេលាតាមដែលអាចធ្វើទៅបាន។

ជំហានបន្ទាប់ អ្នកត្រូវស្វែងរកព័ត៌មានអំពីផលិតផលហិរញ្ញវត្ថុ និងការវិនិយោគ ដែលសមស្របទៅនឹងតម្រូវការ និងសមត្ថភាពរបស់អ្នក។ សូមចងចាំជានិច្ចថាត្រូវបន្ថែមសមាសធាតុការពារ នៅក្នុងផែនការហិរញ្ញវត្ថុរបស់អ្នកជានិច្ច ដើម្បីអាចឱ្យអ្នករស់នៅដោយភាពស្ងប់ចិត្ត ដើម្បីសមតាមក្ដីស្រមៃ និងបំណងប្រាថ្នារបស់ខ្លួន ដោយមិនចាំបាច់មានការព្រួយបារម្ភ អំពីហានិភ័យផ្សេង​ៗ ដែលអាចកើតឡើង នៅក្នុងជីវិតរបស់អ្នកនោះឡើយ។

ប្រសិនបើត្រូវការ សូមពិគ្រោះជាមួយទីប្រឹក្សា ហិរញ្ញវត្ថុ ឬភ្នាក់ងារធានារ៉ាប់រងរបស់អ្នក ដើម្បីទទួលបានដំណោះ​ស្រាយហិរញ្ញវត្ថុដ៏ត្រឹមត្រូវសម្រាប់អ្នក។

កត្តាសំខាន់មួយទៀតនោះ គឺឪពុកម្តាយគួរតែផ្តល់ការអប់រំផ្នែកហិរញ្ញវត្ថុដល់កូនៗរបស់ខ្លួនចាប់ពីពេលដែលពួកគេនៅតូច ដូចជា ការសន្សំប្រាក់ ការវិនិយោគ ធានារ៉ាប់រង និងការរៀបចំផែនការហិរញ្ញវត្ថុជាដើម ក្នុងគោលបំណងដើម្បីឱ្យពួកគេ ស៊ាំតាំងពីតូចជាមួយនឹងរឿងហិរញ្ញវត្ថុ ក៏ដូចជា មានការយល់ដឹងអំពីរបៀបគ្រប់គ្រងហិរញ្ញវត្ថុ និងប្រើប្រាស់លុយកាក់ ឱ្យបានត្រឹមត្រូវនៅក្នុងជីវិតប្រចាំថ្ងៃរបស់ពួកគេ ចាប់តាំងពីពេលនៅក្មេងតទៅ។

យើងគួរតែធ្វើយ៉ាងណាដើម្បីធានាថា កូនៗរបស់យើងអាចក្លាយជាមនុស្សជំនាន់ក្រោយ ដែលមានចំណេះជ្រៅជ្រះអំពីហិរញ្ញវត្ថុ អាចរស់នៅប្រកបដោយភាពសប្បាយរីករាយនៅក្នុងជីវិត ដោយមានការការពារផ្នែកហានិភ័យផ្សេងៗ នៅក្នុងជីវិតដោយផលិ​តផលធានារ៉ាប់រងត្រឹមត្រូវ ព្រមទាំងអាចកាត់ផ្ដាច់លែងឱ្យកូនៗរបស់យើង ធ្លាក់ចូលទៅក្នុងវដ្ដក្លាយជាគ្រួសារ ដែលមានឪពុកម្ដាយចាស់ និងកូនក្នុងបន្ទុកទៀត៕

អារ៉ាប់រួមអេមីរ៉ាត និងកូរ៉េខាងត្បូង ព្រមព្រៀងចរចាលើកិច្ចព្រមព្រៀងពាណិជ្ជកម្មសេរី CEPA

ដោយៈសុខុម

ឌូបៃ: អារ៉ាប់រួមអេមីរ៉ាត និងកូរ៉េខាងត្បូង កាលពីថ្ងៃព្រហស្បតិ៍ ទី១៤ តុលា បានព្រមព្រៀងគ្នាចាប់ផ្តើមការចរចាស្តីពី កិច្ចព្រមព្រៀងពាណិជ្ជកម្មទ្វេភាគីមួយ ដែលប្រទេ​សទាំង២សង្ឃឹមថា នឹងពង្រីកឱកាសសេដ្ឋកិច្ច រួមទាំងកិច្ចសហប្រតិបត្តិការផ្នែកបច្ចេកវិទ្យា និងបញ្ហាបម្រែបម្រួលអាកាសធាតុផងដែរ។

កាលពីខែមុន ប្រទេសអារ៉ាប់រួមអេមីរ៉ាតបានប្រកាសឱ្យដឹងថា ខ្លួននឹងស្វះស្វែងបង្កើតកិច្ចព្រមព្រៀងសេដ្ឋកិច្ចទូលំទូលាយ ដែលគ្របដណ្តប់លើពាណិជ្ជកម្ម និងការវិនិ​យោគជាមួយប្រទេសចំនួន៨ រួមមាន ឥណ្ឌា អង់គ្លេស តួកគី កូរ៉េខាងត្បូង អេត្យូពី ឥណ្ឌូនេស៊ី អ៊ីស្រាអែល និងកេនយ៉ា។

ប្រទេសទាំង២ បានចេញសេចក្តីថ្លែងការណ៍រួមគ្នាថា កិច្ចព្រមព្រៀងជាមួយប្រ​ទេសកូរ៉េខាងត្បូង ដែលមានឈ្មោះថា “កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ” (Comprehensive Economic Partnership Agreement) ហៅកាត់ CEPA នេះមានគោលបំណងធ្វើ “សេរីភាវូបនីយកម្មពាណិជ្ជកម្ម ដែលផ្ដល់ផលប្រយោជន៍ទៅវិញទៅមកលើមុខទំនិញ សេវាកម្ម និងការវិនិយោគ”។

លោក Yeo Han-Koo រដ្ឋមន្ត្រីក្រសួងពាណិជ្ជកម្មកូរ៉េខាងត្បូងបានថ្លែងថា “កិច្ចព្រមព្រៀងនេះ នឹងក្លាយជាកិច្ចព្រមព្រៀងពាណិជ្ជកម្មសេរី (FTA) លើកដំបូងរបស់យើងជាមួយប្រទេសក្នុងតំបន់មជ្ឈិមបូព៌ា”។ លោកបានបន្ថែមទៀតថា “ប្រទេសអារ៉ាប់រួមអេមីរ៉ាត គឺជាដៃគូពាណិជ្ជកម្មធំបំផុតរបស់ខ្លួននៅក្នុងតំបន់មជ្ឈិមបូព៌ា”។

ចំណែកឯលោក Thani Al Zeyoudi រដ្ឋមន្ត្រីពាណិជ្ជកម្មបរទេសនៃប្រទេសអារ៉ាប់រួមអេមីរ៉ាតបានថ្លែងថា លោករំពឹងថា កិច្ចចរចានឹងចាប់ផ្តើមធ្វើឡើង ក្នុងរយៈពេល២ខែខាងមុខ ហើយលោកសង្ឃឹមថា នឹងសម្រេចបានកិច្ចព្រមព្រៀងមួយ ក្នុងរយៈពេលមួយឆ្នាំ។

លោកបានបង្ហាញសុទិដ្ឋិនិយមថា “ខ្ញុំសង្ឃឹមថា ពាក់កណ្តាលនៃកិច្ចព្រមព្រៀង CEPA ជាមួយប្រទេសទាំង៨ នឹងសម្រេចបាននៅត្រឹមដំណាច់ឆ្នាំ២០២២”។

ការជំរុញរបស់ប្រទេសអារ៉ាប់រួមអេមីរ៉ាត ដើម្បីពង្រីកទំនាក់ទំនងសេដ្ឋកិច្ចរបស់ខ្លួននេះធ្វើឡើង បន្ទាប់ពីខ្លួនទទួលរងផលប៉ះពាល់ធ្ងន់ធ្ងរ ដោយសារវិបត្តិកូវីដ-១៩ ដែលធ្វើឱ្យសេដ្ឋកិច្ចរបស់ខ្លួន ដាំក្បាលចុះយ៉ាងខ្លាំងក្នុងឆ្នាំ២០២០ ហើយក៏ធ្វើឡើងស្របពេលប្រទេសនេះ កំពុងប្រឈមការប្រកួតប្រជែងផ្នែកសេដ្ឋកិច្ច កាន់តែខ្លាំងឡើងពីអារ៉ាប៊ីសាអូឌីត។

លោក Yeo Han-Koo បានគូសបញ្ជាក់ថា ប្រទេសអារ៉ាប់រួមអេមីរ៉ាត និងកូរ៉េខាងត្បូង បាននិងកំពុងពង្រឹងកិច្ចសហប្រតិបត្តិការ លើវិស័យថាមពល ដោយលើកឡើងថា រោងចក្រអគ្គិសនី ដើរដោយនុយក្លេអ៊ែរ Barakah Nuclear Energy Plant នៅក្រុងអាប៊ូដាប៊ី (Abu Dhabi) ប្រទេសនេះ កំពុងស្ថិតក្រោមការសាងសង់ដោយក្រុមហ៊ុន Korea Electric Power Corp (KEPCO)៕ Arab News ៕

អ្នកជំនាញអចលនទ្រព្យមកពីប្រទេសច្រើនជាង១៥នឹងចូលរួមសមាជអចលនទ្រព្យអាស៊ាន ដែលកម្ពុជាធ្វើជាម្ចាស់ផ្ទះ

ដោយៈគង់ សូរិយា

ភ្នំពេញៈ លោកច្រឹក សុខនីម ប្រធានសមាគមអ្នកវាយតម្លៃអចលនវត្ថុអាស៊ាន(ASEAN Valuers Association – AVA) និងជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA)នៅព្រឹកថ្ងៃទី១៤ ខែតុលាកន្លងមកនេះ បានបើកកិច្ចប្រជុំជាមួយសមាគមអចលនវត្ថុ មកពីប្រទេសក្នុងតំបន់អាស៊ាន និងក្រុមប្រឹក្សាបច្ចេក​ទេស ដើម្បីជជែកពីក្របខណ្ឌការងារ សម្រាប់សមាជលើកទី២៣ ដែលនឹងប្រារព្ឋនៅចុងខែវិច្ឆិកាខាងមុខនេះ។

កិច្ចប្រជុំដែលដឹកនាំដោយលោកច្រឹក សុខនីម ប្រធានសមាគមអ្នកវាយតម្លៃអច​លនវត្ថុអាស៊ាននេះ គឺធ្វើឡើងនៅមុនពេលដែលសមាជលើកទី២៣ នឹងត្រូវធ្វើឡើងរយៈពេល២ថ្ងៃពីថ្ងៃទី២៤ – ២៥ ខែវិច្ឆិកា ឆ្នាំ២០២១ តាមរយៈកម្មវិធី Webinar ហើយជាកិច្ចប្រជុំដែលកម្ពុជាជាម្ចាស់ផ្ទះ។

កិច្ចប្រជុំកំពូលនេះ ធ្វើឡើងក្នុងគោលបំណង ដើម្បីពិភាក្សាអំពីទីផ្សារអចលនទ្រព្យ និងស្តង់ដារបច្ចេកទេស នៃការវាយតម្លៃក្នុងតំបន់អាស៊ាន អំឡុងពេលនៃការរីករាលដាលជំងឺកូវីដ-19 ជាសកល។

ក្នុងសមាជលើកទី២៣ ដែលជាកិច្ចប្រជុំកំពូលរបស់សមាគម អ្នកវាយតម្លៃអចលនវត្ថុអាស៊ាន(ASEAN Valuers Association – AVA) នឹងមានការអញ្ជើញចូលរួមពីគណៈប្រតិភូមកពី៨ ប្រទេសជាសមាជិកអាស៊ាន (និងអ្នកតំណាងមកពីឡាវ ភូមា) សហរដ្ឋអាមេរិក សហភាពអឺរ៉ុប ចិន ជប៉ុន និងប្រទេសកូរ៉េ ។ល។៕