ប្រទេសថៃនឹងបើកប្រទេសស្វាគមន៍ទេសចរអន្តរជាតិដោយមិនតម្រូវឱ្យធ្វើចត្តាឡីស័ក

ដោយៈសុខុម

បាងកក: រដ្ឋាភិបាលថៃបានប្រកាសគួរឱ្យភ្ញាក់ផ្អើលថា ចាប់ពីថ្ងៃទី១ វិច្ឆិកា តទៅ ភ្ញៀវទេសចរតាមជើងហោះហើរពី៥ប្រទេស ដែលចាក់វ៉ាក់សាំងគ្រប់ដូស នឹងមិនត្រូវបានតម្រូវឱ្យធ្វើចត្តាឡីស័កទៀតឡើយពេលចូលប្រទេសថៃ ហើយគោលដៅទេសចរណ៍ក្នុងខេត្តជាច្រើនទៀតរបស់ថៃ ក៏នឹងត្រូវបើកឡើងវិញស្វាគមន៍ទេសចរបរទេសផងដែរ។

លោក Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានការណ៍កូវីដ-១៩ (CCSA) បានលើកឡើងថា CCSA កាលពីថ្ងៃព្រហស្បតិ៍ ទី១៤ តុលា បានសម្រេចអនុញ្ញាតឱ្យភ្ញៀវទេសចរ ដែលចាក់វ៉ាក់សាំងគ្រប់ដូសមកពី៥ប្រទេស រួមមានអង់គ្លេស សហរដ្ឋអាមេរិក អាល្លឺម៉ង់ សិង្ហបុរី និងចិន ធ្វើដំណើរចូលក្នុងប្រទេសថៃ ដោយមិនចាំបាច់ត្រូវឆ្លងកាត់ការធ្វើចត្តាឡីស័ក ប្រសិនបើពួកគេឆ្លងផុតដំណាក់កាលធ្វើតេស្តរកវីរុសកូវីដ-១៩ មុនពេលមកដល់ សម្រាប់ដំណាក់កាលដំបូងចាប់ពីថ្ងៃទី០១ វិច្ឆិកា ដល់ថ្ងៃទី៣១ ធ្នូ។

ភ្ញៀវទេសចរមកពីប្រទេសទាំង៥នេះ ត្រូវបានគេចាត់ទុកថា មានហានិភ័យទាបដែលអាចឆ្លងវីរុសកូវីដ-១៩ ទើបបានជាប្រទេសថៃ មិនតម្រូវឱ្យពួកគេធ្វើចត្តាឡីស័ក។

ចំនួនគោលដៅដែលបើកស្វាគមន៍ភ្ញៀវទេសចរ ក៏នឹងពង្រីកពីខេត្តចំនួន៤រហូតដល់១៧ខេត្តផងដែរ។ លោក Taweesilp Visanuyothin បានបញ្ជាក់ថា ការបើកនេះរាប់បញ្ចូលគោលដៅទាំងអស់ ក្នុងក្រុងបាងកក ខេត្តសាមុតប្រាកាន (បើកតែអាកាសយាន ដ្ឋានសុវណ្ណភូមិ) ខេត្តប្រាជួបគិរីខាន់ (បើកតែស្រុកហួហ៊ីន) និងគោលដៅទាំងអស់ក្នុងខេត្តក្រាប៊ី និងខេត្តផាំងង៉ា ផងដែរ។

ចាប់ពីថ្ងៃ ទី១ ធ្នូ តទៅ ខេត្តធំៗចំនួន១៦ផ្សេងទៀត ក៏នឹងបើកឡើងវិញរួមមានទាំងខេត្តឈៀងរ៉ៃ និងសុខោទ័យផងដែរ។

នាយករដ្ឋមន្រ្តីថៃ លោក ប្រាយុទ្ធ ចាន់អូចា បានថ្លែងកាលពីរសៀលថ្ងៃព្រហស្បតិ៍ ម្សិញមិញនេះថា ប្រទេសថៃបានត្រៀមរួចជាស្រេច ដើម្បីបើកឡើងវិញក្នុងរយៈពេល២សប្ដាហ៍ខាងមុខ។

លោកបានបន្ថែមទៀតថា “ប្រទេសជាច្រើនចង់អនុញ្ញាត ឱ្យពលរដ្ឋរបស់ខ្លួនមកលេងនៅប្រទេសថៃ។ វាគឺជាការចាប់ផ្ដើមទ្រង់ទ្រាយតូច ដើម្បីឱ្យពលរដ្ឋអាចបន្តរកទទួលទាន”៕ Bangkok Post ៕

ស្រុកទឹកផុស ខេត្តកំពង់ឆ្នាំងត្រៀមបង្ហាញសក្តានុពលលើគំរោងលំនៅដ្ឋាន និងដីឡូតិ៍លំហែរកាយ

ដោយៈ សិរីជេស៊ីកា

ភ្នំពេញៈ ជាមួយនឹងទេសភាពវាលស្រែខៀវស្រងាត់ បឹងឈួក ព្រលឹតរីករហង់ អមនឹងជួរភ្នំវែងអន្លាយ ស្រុកទឹកផុស ខេត្តកំពង់ឆ្នាំងប្រៀបបាននឹងបុប្ឆាលាក់ខ្លួន ដែលអ្នកវិនិយោគលើវិស័យអចលនទ្រព្យបានមើលរំលង។

តំបន់ដែលមានទេសភាពដ៏ឆើតឆាយ ជាមួយនឹងរមណីយដ្ឋានធម្មជាតិទឹកធ្លាក់ថ្មក្រាល នៅអមនឹងជើងភ្នំ បាននិងកំពុងទាក់ទាញការចាប់អារម្មណ៍បណ្តើរៗហើយ ខណៈតម្លៃដីធ្លីនៅទាបនៅឡើយ ធៀបនឹងតំបន់ដទៃទៀត ដែលមានសក្តានុពលដូចគ្នា និងមាន​ចម្ងាយត្រឹម១០០គីឡូម៉ែត្រប៉ុណ្ណោះពីរាជធានីភ្នំពេញ។

ទីប្រឹក្សាសមាគមអចលនទ្រព្យសកល លោកយិន លាងគង់ ដែលបានចុះសិក្សាពីភូមិសាស្រ្តនៅតំបន់នោះកាលពីថ្ងៃទី១៤ តុលាកន្លងមកបានមានប្រសាសន៍ថា បណ្តាឃុំមួយចំនួន ក្នុងស្រុកទឹកផុស ខេត្តកំពង់ឆ្នាំង ពិតជាមានធនធានធម្មជាតិដ៏ស្រស់ស្អាត ពិសេសជូរភ្នំវែងអន្លាយ ភ្ជាប់ជាមួយនឹងជួរភ្នំឱរ៉ាល់ ក្នុងខេត្តកំពង់ស្ពឺ ដែលអ្នកវិនិយោគលើវិស័យអចលនទ្រព្យកំពុងមើលរំលង។

លោកបន្តថា “សម្បត្តិធម្មជាតិដ៏មហាសាល ដែលមានតម្លៃមិនអាចកាត់ថ្លៃបាននេះ ប្រៀបបាននឹងពេជ្រមិនទាន់ច្នៃ ដែលនឹងត្រូវបានច្នៃនាពេលខាងមុខ ដែលនឹងផ្តល់នូវភាពរីកចម្រើននាពេលអនាគត”។ លោកបន្តថា “ដីនៅតំបន់នេះ មានតម្លៃចាប់ពី១ដុល្លារដល់១០ដុល្លារប៉ុណ្ណោះក្នុងមួយម៉ែត្រការ៉េ ដែលមានភាពសមស្របសំរាប់គំរោងវិនិយោគលំនៅដ្ឋាន និងដីឡូត៍លំហែរកាយ”។

លោកយិន លាងគង់បានបន្តថា បើគេធ្វើដំណើរទៅកាន់តំបន់នេះ អាចចេញតាមផ្លូវជាតិលេខ៥ និងចូលតាមផ្លូវជាតិលេខ៥៣ និងផ្លូវមួយចំនួនទៀតនៅតំបន់នេះ ដែលផ្លូវភាគច្រើននៅតំបន់នេះ បានចាក់កៅស៊ូរួចទៅហើយ ប៉ុន្តែផ្លូវមួយចំនួនបានចាក់ក្រួសក្រ​ហម ប៉ុន្តែអាចធ្វើដំណើរបានងាយស្រួលផងដែរ។

លោកបន្តថា ហេដ្ឋារចនាសម្ព័ន្ឋពិតជាបាន និងកំពុងជួយលើកកំពស់វិស័យអចលនទ្រព្យ ហេតុនេះនៅពេលផ្លូវជាតិលេខ៥បញ្ចប់ការសាងសង់នាឆ្នាំ២០២៤ខាងមុខ ការធ្វើដំណើរទៅកាន់តំបន់នេះចំណាយពេល១ម៉ោងកន្លះ ទៅ២ម៉ោងប៉ុណ្ណោះ អាស្រ័យលើល្បឿននៃការបើកបរ។

ជាមួយគ្នានេះ អ្នកនាងឆយ ហ្រ្វីដាអគ្គនាយិកាក្រុមហ៊ុន Angel Realty និងជាទីប្រឹក្សាជាន់ខ្ពស់នៃគេហទំព័រ Propertyarea.asia បានមានប្រសាសន៍ឲ្យដឹងថា តំបន់ភាគច្រើនក្នុងឃុំជៀប ពោរពេញដោយជួរភ្នំ មានទេសភាពខៀវស្រងាត់ ដែលពិតជាស្រស់ស្អាត និងជាទីតាំងសំរាប់សំរាកលំហែរកាយ យ៉ាងស័ក្តិសមសម្រាប់គ្រួសារខ្មែរ ដែលមានជីវភាពចាប់ពីកម្រិតមធ្យមឡើងទៅ។

អ្នកនាងបន្តថា “ទីតាំងនេះ បើធៀបនឹងសក្តានុពលនៃខេត្តជាប់តំបន់ឆ្នេរ មានសភាពម្យ៉ាងម្នាក់ ដែលចម្ងាយមិនឆ្ងាយពេក និងមិនជិតពេក បើធ្វើដំណើរពីរាជធានីភ្នំពេញ”។ អ្នកនាងបន្តថា “តំបន់នេះពិតជាមានសក្តានុពល និងស័ក្តិសមសំរាប់រមណីយដ្ឋានលំហែរកាយ និងសាងសង់ផ្ទះលំហែរកាយនាពេលអនាគត”៕

ប្រធាន CVEA បង្ហាញគន្លឹះចំនួន៤សំរាប់អ្នកចង់វិនិយោគលើវិស័យអចលនទ្រព្យ

ដោយៈ សិរីជេស៊ីកា

ភ្នំពេញៈ វិស័យអចលនទ្រព្យកម្ពុជាកំពុងមានសន្ទុះរីកចម្រើន និងកាន់តែមាន​ប្រជាប្រិយភាពខ្ពស់ ប៉ុន្តែអ្នកវិនិយោគដែលគ្មានមូលដ្ឋានចំណេះដឹងច្បាស់លាស់ ច្បាស់ ជាមានហានិភ័យ។

ដោយមើលឃើញបញ្ហានេះ ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) លោកច្រឹក សុខនីមបានមានសរសេរលើបណ្តាញទំនាក់ទំនងសង្គមរបស់ខ្លូន ដោយបានចែករំលែកនូវគន្លឹះសំខាន់ៗចំនួន៤ ដើម្បីជាការសិក្សាស្វែងយល់។

គន្លឺះ៤សំខាន់ៗសំរាប់លោក អ្នកដែលមានបំណងចង់ វិនិយោគក្នុង អចលនទ្រព្យរួមមានដូចជា៖

១ ទីតាំងភូមិសាស្ត្រ
ជាតំបន់ដែលមានលំហូរចរាចរណ៍ល្អ ព្រមទាំងអាចមានលទ្ធភាព ការអភិវឌ្ឈន៍ ជាពហុបំណង ដូចជាផ្សារ សាលារៀន រោងចកក្រសហគ្រាសជាដើម។ ដោយសារតំបន់ទាំងនេះ នឹងមានការចាប់អារម្មណ៍ខ្លាំងពីសំណាក់អ្នកទិញ និងអ្នកវិនិយោគ ជាពិសេសងាយស្រួលសម្រាប់ប្រកបអាជីវកម្ម។

២ ប្រព័ន្ធហេដ្ឋារចនាសម្ព័ន្ធ
ទីតាំងដីត្រូវមានហេដ្ឋារចនសម្ព័ន្ធស្រាប់ ដែលងាយស្រួលក្នុងការធ្វើដំណើរក្នុងនោះក៏ត្រូវមើលអំពី ប្រព័ន្ធទឹក ភ្លើងលូ ហើយដីត្រូវមានចម្ងាយមួយ ដែលសមស្របពីកន្លែងមួយចំនួនដូចជា សាលារៀន ផ្សារ និងសេវាសាធារណៈផ្សេងៗ ។ល។

៣ ផែនការមេអភិវឌ្ឍន៍របស់រដ្ឋាភិបាល
ត្រូវប្រាកដថា តំបន់ដីនឹងមានគម្រោងផែនការមេរបស់រដ្ឋាភិបាល ដូចជា ការបង្កើតទីក្រុងរណបថ្មី ការស្ថាបនាផ្លូវជាដើម នេះមានន័យថា ដីនឹងមានតម្រូវការខ្ពស់ ហើយតម្លៃក៏នឹងកើនឡើងលឿនផងដែរ។

៤ បញ្ហាផ្លូវច្បាប់
មុននឹងសម្រេចចិត្តទិញដីធ្លី លោកអ្នកមិនគួរមើលរំលងផ្នែកច្បាប់នោះទេ។ លោកអ្នកត្រូវបា្រកដថា ដីធ្លីនោះមានសុវត្ថិភាព ដែលទទួលស្គាល់ពេញលេញ ត្រឹមត្រូវដោយច្បាប់ ជាពិសេសពីអាជ្ញាធរ និងការទទួលស្គាល់ដោយថ្នាក់ជាតិ (ក្រសួងដែនដី) ទាំងទំហំដី ក្បាលដី ប្លង់ទន់ និងប្លង់រឹង៕

ហេតុផល៩យ៉ាងជំរុញទឹកចិត្តអ្នកធ្វើអាជីវកម្ម

ហេតុផល៩យ៉ាងជំរុញទឹកចិត្តអ្នកធ្វើអាជីវកម្ម

ដោយ៖ កុសមា

មនុស្សម្នាក់ៗ តែងមានបំណងប្រាថ្នាខុសៗគ្នា ត្បិតពួកគេចង់ រស់ក្នុងសេចក្តីថ្លៃថ្នូរ និងក្នុងជីវភាពមួយ ដែលល្អប្រសើរ ក្នុងសង្គម ។ អ្នកខ្លះប្រកបបកិច្ចការងារ ឯអ្នកខ្លះទៀតបើកអាជីវកម្មផ្ទាល់ខ្លួន។ យោងតាមសៀវភៅ “ចាប់ផ្តើមធ្វើអាជីវកម្មផ្ទាល់ខ្លួន” របស់ លោកអួន សារ៉ាត់ បានប្រាប់ពីហេតុផលជំរុញទឹកចិត្តដែលនាំអោយមនុស្សធ្វើអាជីវកម្ម មានដូចជា
១. ឱកាសចំណេញ៖ នៅលើផែនដីនេះមានសម្បូរទៅដោយឱកាស តែមនុស្សខ្លះមើលមិនឃើញហើយ អ្នកខ្លះទៀតមើលឃើញ។ អ្នកដែលមិនឃើញឱកាសចំណេញ គេមិនចាប់ផ្ដើមធ្វើជំនួញទេ គេធ្វើអ្វីដែលគេមើលឃើញនៅចំពោះមុខពួកគេ តែប៉ុណ្ណោះចំណែកអ្នកដែលមើលឃើញ ឱកាសចំណេញ គេនឹងហក់ត្របាក់ភ្លៀម ដូចកង្កែបមើលឃើញមួយនុយដ៏ល្អ ឆ្ងុយឆ្ងាញ់គួរសមដល់ការឆី អញ្ចឹងដែរ។
២. មហិច្ឆតាទ្រព្យសម្បត្តិ៖ អ្នកដែលចាប់ផ្ដើមធ្វើអាជីវកម្ម ពួកគេសុទ្ធសឹងតែ ជាបុគ្គលមានចំនង់ពេញបេះដូង ចំណង់ដែលកើតចេញពីមហិច្ឆតានេះហើយ ដែលបង្កើត ឱ្យមានកម្លាំងជំរុញក្នុងខ្លួន ធ្វើឱ្យបុគ្គលនោះ នៅមិនសុខមិនស្ងៀម រិះរកវិធីយ៉ាងណាដើម្បីបានប្រាក់ និងដើម្បីសម្រេចមហ្ចិតា មានតែការធ្វើអាជីវកម្មទេ ដែលនាំឲ្យបានប្រាក់ ដូច្នេះហើយ ទើបពួកគេសម្រេចចិត្តថា ត្រូវវតែធ្វើអាជីវកម្ម។
៣. ភាពធុញទ្រាន់ក្នុងការធ្វើការងារឱ្យអ្នកដទៃ៖ អ្នកខ្លះធ្វើការឱ្យគេយូរមុខមកហើយ ធុញទ្រាន់ ចង់ធ្វើអ្វីដែលប្លែកហើយថ្មី គិតទៅឃើញគេធ្វើជំនួញឡូយ ក៏ប្រថុយធ្វើនឹងគេដែរ ប៉ុន្តែលទ្ធផលមិនដូចគេសោះ ព្រោះអីយើងគ្មានចំណង់ ចេញពីក្នុងចិត្តទេ ធ្វើជំនួញ ដោយគ្រាន់តែសម្រួលអារម្មណ៍ ធុញទ្រាន់របស់យើងប៉ុណ្ណោះ ។ បើសិនជាយើង ធុញទ្រាន់នឹងការងារ មិនត្រូវឈប់ធ្វើការភ្លាមទេ ត្រូវបញ្ឆេះអារម្មណ៍ចំណង់និងរៀនសូត្រ ពីការធ្វើអាជីវកម្ម ឲ្យមានមហិច្ឆតាពិត និងចេះច្បាស់លាស់សិនចាំរៀប គម្រោងធ្វើអាជីវកម្ម។
៤. ការសាងស្នាដៃខ្លួនឯង៖ អ្នកខ្លះមិនចង់ពឹងការជួយពីអ្នកដទៃ ពួកគេចង់កសាងទ្រព្យសម្បត្តិដោយខ្លួនឯង បុគ្គលប្រភេទនេះ តែងមានការជឿជាក់លើខ្លួនឯងមាំណាស់ គេយកឈ្នះលើភាពភ័យខ្លាច គេហ៊ានប្រថុយប្រថាននិងមានទំនួលខុសត្រូវ ជាមនុស្សដែលមានភាពជាម្ចាស់ការ គេធ្វើអាជីវកម្មដើម្បីបង្កើតជោគវាសនាឲ្យខ្លួនឯង ភាពជោគជ័យតែងតែកើតមានចំពោះបុគ្គលដែលមានការតាំងចិត្តយ៉ាងប្រាកដបែបនេះ។
៥. ឯករាជ្យភាព៖ ការធ្វើការងារឲ្យអ្នកដទៃគ្មានភាពឯករាជ្យឡើយត្រូវធ្វើតាមគំនិត និងការបញ្ជារបស់គេ ជាកត្តាធ្វើឲ្យបាត់បង់ឯករាជ្យគ្មានការសម្រេចចិត្តខ្លួនឯង ដូច្នេះពួកគេសម្រេចចិត្តថាចាប់ផ្ដើមធ្វើអាជីវកម្មដោយខ្លួនឯង តែការចាប់ផ្ដើមអាជីវកម្មខ្លួនឯងពុំទាន់ទទួលឯករាជ្យបានភ្លាមនោះទេ ផ្ទុយទៅវិញនៅតែលំបាកស្មុគស្មាញ ជាងមុនទៅទៀតហើយ ត្រូវរវល់ជាងមុន ព្រោះត្រូវសួរនឹងធ្វើតាមយោបល់របស់អ្នកដែលមានបទពិសោធន៍ និងអ្នកអនុវត្តផ្ទាល់ និងអតិថិជនដែលជាអ្នកប្រើប្រាស់ផលិតផលឬសេវាផ្ទាល់ផងដែរ។

៦. ការបញ្ចេញសមត្ថភាពផ្ទាល់ខ្លួន៖ ការធ្វើអាជីវកម្មផ្ទាល់ខ្លួនមានឱកាសបញ្ចេញសមត្ថភាពបានច្រើនជាងព្រោះវាជាអាជីវកម្ម និងការទទួលខុសត្រូវរបស់យើង។ ធ្វើការឱ្យគេ ត្រូវខ្លាចមុខក្រោយ និងខ្លាចខូចខាតរបស់គេ មិនអាចធ្វើអ្វីដែលខុស ការកំណត់របស់គេឲ្យធ្វើឡើយ។ ធ្វើអាជីវកម្មខ្លួនឯង នាំអោយកើនសមត្ថភាពខ្ពស់ ហ៊ានសាកល្បង ហ៊ានប្រថុយ
៧. ឧត្ដមភាពនិងកិត្តិយសនៃជីវិត៖ ការធ្វើអាជីវកម្មផ្ទាល់ខ្លួននាំមកនូវកិត្តិយសនិងឧត្ដមភាពនៃជីវិតពិតប្រាកដ។ កាបើរស់នៅអត់ការងារធ្វើនាំឲ្យ ជីវិតគ្មានក្ដីសុខ និងសេចក្តីថ្លៃថ្នូរ ។ ការដែលធ្វើការងារឲ្យគេឈ្មោះថាអ្នកស៊ីឈ្នួលឲ្យគេ ចំណែកការដែលមានអាជីវកម្មផ្ទាល់ខ្លួនឈ្មោះថា ជាម្ចាស់ជំនួញ ឬថៅកែ តើអ្នកណាមិនចង់បាន? មិនចង់ទទួលការសរសើរ? នេះជាកិត្តិយសនិងឧត្ដមភាពនៃជីវិត ព្រោះអ្វីៗកើតឡើងដោយសារអ្នកហើយជាលទ្ធផលសម្បើមផង។
៨. សេរីភាពនៃជីវិត៖ ជីវិតដែលមានសេរីភាពគឺគេមានប្រភពចំណូលមួយជាក់លាក់ និងមានស្ថេរភាព មិនមែនក្រោកព្រឹកឡើង ត្រូវធ្វើការងារ រឺបើមានបញ្ហាគ្រោះអាសន្នអត់បានធ្វើការ អត់ប្រាក់ចំនូលដែរនោះទេ ដើម្បីមានសេរីភាពហិរញ្ញវត្ថុត្រូវចាប់ផ្ដើមធ្វើអាជីវកម្មសាងឃ្លាំងប្រាក់។
៩. ការសម្រេចសុបិន្ត ៖ មនុស្សដែលមានសុបិន្តចង់ក្លាយជាសេដ្ឋីប្រាក់ លុះត្រាតែធ្វើអាជីវកម្ម។ មនុស្សម្នាក់ទោះចេះដឹងឬ មានសមត្ថភាពខ្ពស់យ៉ាងណា ក៏ដោយក៏មិនអាចរកប្រាក់បានច្រើន មហាសាលនោះដែរ ទាល់តែប្រើកម្លាំងរបស់មនុស្សអោយបានច្រើននាក់ ឬច្រើនគ្នា៕

គំរោងដីឡូត៍និងលំនៅដ្ឋានទំហំជាង៩០ហិកតាបាននិងកំពុងបង្ហាញខ្លួននៅតំបន់ផ្លូវជាតិលេខ៥១

ដោយៈ សុផារី

ភ្នំពេញៈ ផ្លូវជាតិលេខ៥១ បាននិងកំពុងក្លាយតំបន់សក្តានុពលសេដ្ឋកិច្ច ដែលមិនគួរមើលរំលង ព្រោះជាតំបន់មានភាពរីកចម្រើនខ្ពស់ មានហេដ្ឋានរចនាសម្ព័ន្ធផ្លូវខ្វាត់ខ្វែងទៅកាន់រាជធានីភ្នំពេញ និងបណ្តាលខេត្តផ្សេងៗ ដែលភ្ជាប់ពីផ្លូវជាតិលេខ៣ ទៅលេខ៤ និងលេខ៥ និងជាតំបន់អភិវឌ្ឍន៍ឧស្សាហកម្មថ្មី ដែលមានរោងចក្រធំៗជាច្រើនរួមមានសួនឧស្សាហកម្មកាណាឌីយ៉ាថ្មីផងដែរ។

ស្របតាមយុទ្ធសាស្រ្តរបស់រាជរដ្ឋាភិបាល ក្នុងការពង្រីករាជធានីភ្នំពេញ ដែលតំរូវអោយរោងចក្រ សហគ្រាសជាច្រើន ត្រូវផ្លាស់ទីតាំងទៅឆ្ងាយពីទីក្រុង ផ្លូវជាតិលេខ៥១ជាទីតាំងត្រូវនឹងចំងាយស័ក្តិសម ក្នុងការធ្វើដំណើរ និងដឹកជញ្ជូនទៅតំបន់ផ្សេងៗ ។ ក្នុងនោះផងដែរ តំបន់បាត់ដឹងជាទីប្រជុំជនចាស់ ដែលមានប្រជាជនរស់នៅច្រើន នៅក្បែរអនុស្ថានីយ៍អគ្គីសនីកម្ពុជា ផ្លូវស្ថានីយ៍រថភ្លើងអាស៊ាន រោងចក្រ ផ្សារ គ្រឹះស្ថានមីក្រូហិរញ្ញវត្ថុ ធនាគារ សាលារៀន មន្ទីរពេទ្យដែលមានសក្តានុពលសេដ្ឋកិច្ចល្អ។

លោកស្រី ឆេង ឆាយហុង នាយិកាផ្នែកលក់ និងទីផ្សាររបស់ក្រុមហ៊ុន KEY Real Estate បានមានប្រសាសន័អោយដឹងតាមទូរស័ព្ទ កាលពីព្រឹកថ្ងៃទី១៣ តុលានេះថា គម្រោងអភិវឌ្ឍន៍លំនៅដ្ឋាន និងឧស្សាហកម្មបាត់ដឹងជាតំបន់មានសក្តានុពលសេដ្ឋកិច្ចខ្ពស់ ព្រោះស្តិតនៅតាមបណ្តោយផ្លូវ៥១ និងទល់មុខផ្លូវចូលអនុស្ថានីយ៍អគ្គីសនី ជាគម្រោងអភិវឌ្ឍន៍ចម្រុះ រួមមានរោងចក្រ ឃ្លាំង ផ្ទះអាជីវកម្ម ផ្ទះល្វែង វីឡាទោល ដីឡូតិ៍លំនៅដ្ឋាន និងមានប្រព័ន្ធ ទឹក ភ្លើង ប្រព័ន្ធលូ សួនច្បារ ផ្លូវបេតុងក្នុងគម្រោង ព្រមទាំងមានផ្លូវចេញចូលជាច្រើនច្រក ដែលភ្ជាប់ទៅនឹងផ្លូររដ្ឋ។

លោកស្រីបន្តថា “កត្តាទាំងនេះ បានផ្តល់ភាពងាយស្រួលដល់អតិថិជនរស់នៅនិងប្រកបអាជីវកម្មបាន ឬវិនិយោគដើម្បីបានផលចំណេញ។ ជាពិសេសគំរោងនេះមានចំងាយត្រឹមតែ២នាទី ពីផ្សារបាត់ដឹងជាទីប្រជុំជន និងមានរោងចក្រផ្សេងៗជាច្រើននៅក្បែរៗផងដែរ”។

លោកស្រីឆេង ឆាយហុង បានបន្តថា គម្រោងនេះ មានការអភិវឌ្ឍជាដំណាក់កាលនិងបន្តបន្ទាប់ ក្នុងទំហំដីប្រមាណជាង៩០ហិតតា។ បច្ចុប្បន្នបានអភិវឌ្ឍន៍ដល់គម្រោងទី៥ ជាដីឡូតិ៍និងគម្រោងវីឡាទោល។ រីឯគម្រោងដែលបានពុះជាដីឡូតិ៍លំនៅដ្ឋាន ដីរោងច្រក ឃ្លាំង ព្រមទាំងមានអតិថិជនជាច្រើន ចាប់ផ្តើមសាងសង់ផ្ទះ ដើម្បីប្រកបអាជីវកម្មនិងរស់នៅផងដែរ។ សម្រាប់គម្រោងមុនៗ បានលក់អស់៩០% ហើយ”។
បច្ចុប្បន្នតំបន់នេះ មានការអភិវឌ្ឍន៍បែបដីឡូតិ៍ និងលំនៅដ្ឋានកម្រិតទាប និងមធ្យម សំរាប់អតិថិជនក្នុងស្រុកដែលមានបំណងរស់នៅ ប្រកបអាជីវកម្ម ឬធ្វើជាផ្ទះជួល។ ចំនែកឯអ្នកវិនិយោគបរទេស ភាគច្រើនជនជាតិចិន ក៏សម្លឹងមើលទីតាំងដើម្បីធ្វើរោងចក្រ ឃ្លាំង ឬសហគ្រាសផងដែរ។

លោកស្រីឆេង ឆាយហុង បានអះអាងថា ទោះបីជាក្នុងរយៈពេល៣ត្រីមាសដំបូងរបស់ឆ្នាំ២០២១នេះ ដោយសារស្ថានភាពកូវីតក្នុងពេលកន្លងមក ការលក់មានភាពយឺតបើធៀបទៅនឹងឆ្នាំមុនៗពិតមែនក្តី លោកស្រីនៅតែមានសុទិដិ្ឋនិយមថា ចរន្តនៃការលក់នឹងមានលក្ខណៈល្អប្រសើរ នៅត្រីមាសចុងក្រោយនេះ ដោយសារការអភិវឌ្ឍគម្រោងជាច្រើន ធ្វើឱ្យតំបន់នេះកាន់តែអ៊ូអរមមាញឹក និងសស្រាក់សស្រាំទាំងអ្នកទិញនិងអ្នកលក់។ ជាពិសេស ដោយសារគោលនយោបាយរបស់រដ្ឋាភិបាល ជម្រុញការចាក់វ៉ាកសាំង និងការអនុវត្ត “3កុំ 3ការពារ” និងការរស់នៅធម្មតាតាមបែបគន្លងថ្មី។

លោកស្រីបន្ថែមថា “គម្រោងនឹងមានផ្សារ សាលារៀន ហាងអាជីវកម្មផ្សេងៗ ម្យ៉ាងទៀតទីតាំងមិនឆ្ងាយពីរាជធានីភ្នំពេញ សាកសមសំរាប់ជាផ្ទះសំរាកលំហែ សំរាប់បងប្អូនរស់នៅក្នុងក្រុង ដែលចង់បានបរិយាកាសបរិសុទ្ធ ឬសំរាកនាពេលចុងសប្តាហ៍។ ចំណែកលក្ខខណ្ឌបង់ប្រាក់ងាយស្រួល និងអាចរំលោះបានរយៈពេលយូរផងដែរ”។

គម្រោងអភិវឌ្ឍន៍លំនៅដ្ឋាន និងឧស្សាហកម្មបាត់ដឹង មានគម្រោងដីឡូតិ៍ គុណ២០ម៉ែត្រ និង១០ គុណ២០ម៉ែត្រ ដែលមានតម្លៃចាប់ពី ៨៩០០ក្នុងមួយឡូតិ៍ ដែលអាចបង់រំលោះរយៈពេល៣ឆ្នាំ។ ចំណែកគម្រោងវីឡាទោលទំហំ ១០គុណ២០ ម៉ែត្រ និងទំហំ៨គុណនឹង២០ម៉ែត្រ មានតម្លៃចាប់ពី៦ម៉ឺនដុល្លារឡើងទៅ។ អតិថិជនអាចទាក់ទងសាកសួរព័ត៌មានបន្ថែម តាមរយៈលេខទូរស័ព្ទ ០៨១ ៨១៦ ១០០ ០៨១ ៨១៦ ០០៨៕

As China becomes less attractive a manufacturing hub, other countries in the region stand to gain, says economist Keun Lee.

by: Keun Lee

SEOUL: COVID-19 has exposed the myriad weaknesses of cross-border value chains. Once the backbone of globalisation, now they are associated with vulnerability to disruption.
Thanks to the pandemic, value chains are being reconfigured with a focus on resilience. At the same time, China’s changing role in the global economy is forcing companies to reconsider it as a manufacturing hub.
The world’s factory has reinvented itself as the world’s investor. Increasing digitalisation of production and ongoing trade tensions with the United States have also contributed to an exodus of companies from China.

The departures include firms from a wide range of countries and industries. US toymaker Hasbro closed its Chinese factory in favour of facilities in Vietnam; Japanese electronics giant Sony has transferred operations to Thailand; and South Korea’s Cotton Club is relocating production to the Philippines, Cambodia, and Indonesia.

Even Chinese firms are leaving the country for less expensive destinations. Wage rates in China are more than double those in Vietnam and close to 70 per cent of those in South Korea. Labour shortages also have made it difficult to keep manufacturing costs down.

Moreover, fierce competition in the Chinese market from local manufacturers has made the country less attractive as a production centre. A decade ago, Samsung’s Galaxy phone held more than 20 per cent of the Chinese market; today, its market share is less than 0.5 per cent.
Given such trends, Samsung decided to relocate all of its manufacturing capacity for final consumer goods outside of China.
The company currently maintains only three factories in China, and they make intermediate parts – semiconductor chips, batteries for electric cars, and multi-layer ceramic condensers that stabilise electricity flow in circuit boards.

SOUTH KOREA BRINGS PRODUCTION HOME
South Korea in particular has taken steps to encourage its companies to bring production home. Over the past decade, the South Korean government has enacted a number of policies – including tax benefits, subsidies and discounts on land – to encourage reshoring.

In 2019, the country further modified its “U-turn act” to apply to a wider range of industries, including information- and knowledge-based companies.
These policies, combined with external factors, have contributed to a steady rise in the number of South Korean companies that have reshored production – from nine in 2018 to 16 in 2019 and 21 in 2020.
The returning firms represent a diverse group of industries – from electronics to jewellery to automobiles – and most of them are relocating from China.
The digitalisation of production has been another factor driving the increase in reshoring. More companies are finding that it makes sense to build highly digitised “smart factories” in their home countries and close down old production lines in China.
For example, the South Korean apparel firm G&G Enterprise built a new, fully automated smart factory in southwest Korea that enabled it to be price competitive and more flexible in product variety – even in the labour-intensive textile sector.
For companies that face challenges with this digital transformation, the South Korean government has set up a special public-private collaborative vehicle to help businesses reshore and construct smart factories.
Increasing digitalisation also seems to be an effective way to cope with the challenge of supply-chain disruptions.
Hyundai Motors, for example, previously outsourced all of its production of wiring harnesses to suppliers in China, but COVID-19 shut down output of this simple but labour-intensive product.
Thanks to South Korea’s digital transformation programme, Hyundai’s manufacturing of wiring harnesses is now being reshored.

Source: CNA

គ្រឿងលើកទឹកចិត្តដ៏គួរឱ្យទាក់ទាញកំពុងជំរុញឱ្យក្រុមហ៊ុនជាច្រើនរើរោងចក្រចេញពីចិន មកកាន់កម្ពុជា និងប្រទេសអាស៊ាន

សុខុម

ភ្នំពេញ: ដោយសារប្រទេសចិន ជាទីផ្សារធំដែលមានសក្ដានុពលខ្លាំង ក្រុមហ៊ុនអន្តរជាតិជាច្រើនបានសម្រុកហក់ចូលវិនិយោគក្នុងប្រទេសដែលជាសេដ្ឋកិច្ចធំបំផុតទី២ របស់ពិភពលោកមួយនេះ ដោយបានសាងសង់រោងចក្រជាច្រើនក្នុងរយៈពេលជាច្រើនឆ្នាំមកនេះ។

ទោះជាយ៉ាងណា ពេលនេះគ្រឿងលើកទឹកចិត្តដ៏គួរឱ្យទាក់ទាញកំពុងជំរុញឱ្យក្រុមហ៊ុនជាច្រើនក្នុងចំណោមនោះរើរោងចក្ររបស់ខ្លួនចេញពីប្រទេសចិន មកកាន់កម្ពុជា និងបណ្ដាប្រទេសជាសមាជិកអាស៊ាន។ នេះបើយោងតាមសារព័ត៌មាន CNA ចុះផ្សាយនៅថ្ងៃព្រហស្បតិ៍ ទី១៤ តុលា នេះ។

ក្រុមហ៊ុនដែលចាកចេញនោះជាក្រុមហ៊ុនមកពីប្រទេសច្រើន។ តួយ៉ាង ក្រុមហ៊ុនផលិតរបស់ក្មេងលេងរបស់សហរដ្ឋអាមេរិក Hasbro បានបិទរោងចក្ររបស់ខ្លួនក្នុងប្រទេសចិន ហើយរើមកសាងសង់នៅក្នុងប្រទេសវៀតណាម ជំនួសវិញ។ ចំណែកឯក្រុមហ៊ុនអេឡិចត្រូវនិកយក្សរបស់ជប៉ុន Sony ក៏បានរើរោងចក្ររបស់ខ្លួនមកកាន់ប្រទេសថៃ ហើយក្រុមហ៊ុនកូរ៉េខាងត្បូង Cotton Club ក៏កំពុងរើមកកាន់ប្រទេសហ្វីលីពីន ឥណ្ឌូនេស៊ី និងកម្ពុជា យើងផងដែរ។

មិនតែប៉ុណ្ណោះ សូម្បីក្រុមហ៊ុនចិន ក៏កំពុងចាកចេញពីប្រទេសចិន មកកាន់ប្រទេសដែលថ្លៃផលិតកម្មថោកជាងផងដែរ។ អត្រាប្រាក់ឈ្នួលក្នុងប្រទេសចិន គឺខ្ពស់ជាងទ្វេដងបើធៀបទៅនឹងអត្រាប្រាក់ឈ្នួលក្នុងប្រទេសវៀតណាម ហើយខ្ពស់ជាងជិត៧០%បើធៀបនឹងអត្រាប្រាក់ឈ្នួលក្នុងប្រទេសកូរ៉េខាងត្បូង។ កង្វះកម្លាំងពលកម្មក៏ជាកត្តារួមចំណែកធ្វើឱ្យតម្លៃផលិតកម្មពិបាកនឹងធ្លាក់ចុះផងដែរ។

ទន្ទឹមនេះ ការប្រកួតប្រជែងយ៉ាងខ្លាំងក្លានៅក្នុងទីផ្សារប្រទេសចិន ពីបណ្ដាសហគ្រាសផលិតក្នុងស្រុក ក៏បានធ្វើឱ្យប្រទេសចិន មានភាពទាក់ទាញតិចជាងមុនផងដែរក្នុងនាមជាមជ្ឈមណ្ឌលផលិតកម្ម។

កាលពី១ទសវត្សរ៍មុន ផលិតផលទូរស័ព្ទ Galaxy របស់ក្រុមហ៊ុន Samsung ដណ្ដើមបានចំណែកទីផ្សារដល់ទៅជាង២០%នៃទីផ្សារប្រទេសចិន ប៉ុន្តែបច្ចុប្បន្នបានធ្លាក់ចុះខ្លាំងមកនៅមិនដល់០,៥%ផងនោះទេ។ ដោយសារតែបែបនេះ ក្រុមហ៊ុន Samsung បានសម្រេចចិត្តរើសរោងចក្រផលិតផលិតផលសម្រេចទាំងអស់របស់ខ្លួនចេញពីប្រទេសចិន។

បច្ចុប្បន្ន ក្រុមហ៊ុន Samsung រក្សាទុករោងចក្រតែ៣ប៉ុណ្ណោះនៅក្នុងប្រទេសចិន ដែលសុទ្ធតែជារោងចក្រផលិតគ្រឿងបង្គុំដូចជាបន្ទះឈីប អាគុយរថយន្តអគ្គិសនីជាដើម៕ Reuters៕

វេទិកាទេសចរណ៍អាស៊ានលើកទី40 នឹងធ្វើឡើងនៅក្រុងព្រះសីហនុ

ដោយ៖កុសមា

ភ្នំពេញ៖ រាជរដ្ឋាភិបាលសម្រេចផ្លាស់ប្ដូរទីកន្លែងសម្រាប់វេទិកាទេសចរណ៍អាស៊ានលើកទី៤០ (ASEANTourism Forum, ATF22) ដែលនឹងប្រព្រឹត្តទៅនៅថ្ងៃទី ១៦-២២ ខែមករា ឆ្នាំ២០២២ ពីភ្នំពេញ ទៅកាន់ក្រុងព្រះសីហនុវិញ។
លោកលោក ម៉ាង ស៊ីណេត អភិបាលរងខេត្តព្រះសីហនុ មានប្រសាសន៍កិច្ចប្រជុំត្រួតពិនិត្យបញ្ចប់ការរៀបចំផែនការ នៃការការពារវេទិកាទេសចរណ៍អាស៊ានលើកទី៤០ កាលពីថ្ងៃទី១៣ ខែតុលាថា “ខេត្តព្រះសីហនុត្រូវបានជ្រើសជាកន្លែងរៀបចំកិច្ចប្រជុំវេទិកាទេសចរណ៍អាស៊ាន លើកទី៤០ ឆ្នាំ២០២២ (ASEAN Tourism Forum, ATF22)”។

លោកបានបន្តថា ដូច្នេះយើងត្រូវរៀបចំផែនការការពារសន្តិសុខ សុវត្ថិភាព និងសណ្តាប់ធ្នាប់សម្រាប់គណៈប្រតិភូមកពីប្រទេសអាស៊ានទាំង១០ និងឈានទៅបើកទេសចរណ៍ ដើម្បីស្តារសេដ្ឋកិច្ចសង្គមឡើងវិញ បន្ទាប់ពីអាក់ខានកន្លងមកដោយសារជំងឺរាតត្បាតកូវីដ-១៩។“

កិច្ចប្រជុំនេះមានការមានការចូលរួមពីលោកនាយករងរដ្ឋបាលសាលាខេត្ត ស្នងការនគរបាលខេត្ត មេបញ្ជាការកងរាជអាវុធហត្ថខេត្ត មេបញ្ជាការប្រតិបត្តិការសឹករងខេត្ត និងមន្ទីរអង្គភាពពាក់ព័ន្ធ។ ជាមួយគ្នានេះផងដែរលោកក៏បានស្នើឱ្យមន្ទីរអង្គភាព ស្ថាប័នពាក់ព័ន្ធទាំងអស់ ត្រៀមរៀបចំកម្លាំងចូលរួមការពារសន្តិសុខ សុវត្ថិភាព និងសណ្ដាប់ធ្នាប់សាធារណៈជូនគណៈប្រតិភូឱ្យបានល្អ៕

ប្រេនលំដាប់ពិភពលោកធំៗថ្មីចំនួន៤ ចូលមកទីផ្សារលក់រាយកម្ពុជា ក្នុងត្រីមាសទី៣ ឆ្នាំ២០២១ ទោះបីជាមានវិបត្តិកូវីដ១៩ ក៏ដោយ

ដោយ៖ សុផារី

ភ្នំពេញ៖ នៅក្នុងត្រីមាសទី ៣ សកម្មភាពអភិវឌ្ឍន៍ទីផ្សារលក់រាយមិនមានការថយចុះឡើយ ទោះបីជាមានវិបត្តិកូវីដ១៩ ក៏ដោយ។ គេសង្កេតឃើញមានប្រេនលំដាប់ពិភពលោកធំៗថ្មីចំនួន៤ បានចូលមកកាន់កម្ពូជា មានដូចជា Pizza 4Ps, Pizza Hut, 7 Eleven and Mini BigC បានចូលមកកាន់ប្រទេសកម្ពុជា។ នេះបើយោងតាមរបាយការណ៍អចលនទ្រព្យប្រចាំត្រីមាសទី៣ ឆ្នាំ២០២១នេះ របស់ CBRE ចេញផ្សាយលាកពីថ្ងៃទី ១២ ខែតុលានេះ។

បើគិតត្រឹមត្រីមាសទី៣ ឆ្នាំ២០២១ CBRE ថាគម្រោងធំៗចំនួន៣ បានបញ្ចប់រួចរាល់ហើយ មានដូចជាគម្រោង The Commune SCG Design Village និង MC Park។ គម្រោងទាំង៣នេះជាប្រភេទ Community Malls ដែលបន្តែមការផ្គត់ផ្គង់បន្ថែមសរុបប្រហែល ១៧,០០០ ម៉ែត្រការ៉េ។

របាយការណ៍នេះបានបង្ហាញថា ការជួលក្នុងទីផ្សារលក់រាយក្នុងកំឡុងត្រីមាសទី ៣ បានធ្លាក់ចុះ ៩,០០% សម្រាប់ត្រីមាសជាប់ៗគ្នាមក ដែលមានតម្លៃជាមធ្យម ២០,២២ ដុល្លារក្នុងមួយម៉ែត្រការ៉េក្នុងមួយខែ។

តាមរបាយការណ៍ដដែលនេះ CBRE រំពឹងថា ការផ្គត់ផ្គង់ចូលក្នុងទីផ្សារលក់រាយនឹងកើនឡើងបន្ថែម ៤៧,៩៥៨ ម៉ែត្រការ៉េ នៅត្រឹមចុងឆ្នាំ២០២១នេះ៕

ដូនពេញ៖ ខណ្ឌដែលសំបូរអគារការិយាល័យច្រើនជាគេនៅរាជធានីភ្នំពេញ

ដូនពេញគឺជាខណ្ឌដែលស្ថិតនៅក្នុងតំបន់ពាណិជ្ជកម្មសំខាន់ជាងគេមួយនៅកណ្តាលទីក្រុងភ្នំពេញ ដែលមានផ្ទៃដី៧.៤៤ គីឡូម៉ែត្រការ៉េ និងមានប្រជាជនសរុបជាង ១៥៥.០០០ នាក់។ ខណ្ឌនេះត្រូវបានបែងចែកជា ១១ សង្កាត់ដែលរួមមាន៖ សង្កាត់ស្រះចក​ វត្តភ្នំ ផ្សារចាស់ ផ្សារកណ្តាលទី១ ផ្សារកណ្តាលទី២ ជ័យជំនះ ចតុមុខ បឹងរាំង ផ្សារថ្មីទី១ ផ្សារថ្មីទី២ និងផ្សារថ្មីទី៣។

 

ប៉ុន្តែអ្វីដែលមនុស្សភាគច្រើនបានដឹង និងស្គាល់អំពីខណ្ឌមួយនេះ​ គឺថាវាមានចំនួនអគារការិយាល័យច្រើនជាងគេ ដោយបច្ចុប្បន្នដូនពេញមានការផ្គត់ផ្គង់ទីផ្សារការិយាល័យរហូតដល់​២៥% នៃចំនួនផ្គត់ផ្គង់សរុបក្នុងក្រុងភ្នំពេញ។ យោងតាមរបាយការណ៍ប្រចាំឆមាសទីពីរ ឆ្នាំ២០២០ របស់ Knight Frank ខណ្ឌដូនពេញមានអត្រានៃការផ្គត់ផ្គង់ការិយាល័យសរុបខ្ពស់ជាងគេដល់ទៅ២៥% បន្ទាប់មកគឺខណ្ឌចំការមន២០% ខណ្ឌ​៧មករា ១៨% និងខណ្ឌបឹងកេងកង១៦% ។

របាយការណ៍​ដដែលបង្ហាញថា នៅក្នុងឆមាសទី២ ឆ្នាំ២០២០ ការផ្គត់ផ្គង់ការិយាល័យសរុបនៅក្នុងក្រុងភ្នំពេញមានចំនួនជាង៦០៩.០០០ ម៉ែត្រការ៉េ កើនឡើង៣.៦% បើធៀបនឹងឆមាសទី១ ឆ្នាំ២០២០។ ក្នុងនោះការិយាល័យកម្រិតB មានការផ្គត់ផ្គង់ច្រើនជាងគេដល់ទៅ៥០ភាគរយ​ បន្ទាប់មកគឺកម្រិតC ៤១ភាគរយ និងកម្រិត A ៩ ភាគរយ ។ ទោះជាយ៉ាងណាក៏ដោយ នៅចុងឆ្នាំ២០២១ តួលេខនេះនឹងមានការប្រែប្រួល ដោយទីផ្សារការិយាល័យកម្រិតA អាចមានការផ្គត់ផ្គង់រហូតដល់ទៅ៦៧% ប្រសិនបើការអភិវឌ្ឍន៍គម្រោងការិយាល័យមួយចំនួនត្រូវបានបញ្ចប់តាមផែនការគ្រោងទុក។

ក្រៅពីជាប់ចំណាត់ថ្នាក់ខ្ពស់ជាងគេខាងការផ្គត់ផ្គង់ការិយាល័យ​ ខណ្ឌដូនពេញក៏មានអាជីវកម្ម និងកន្លែងសំខាន់ៗជាច្រើនផ្សេងទៀតដូចជា ផ្សារធំថ្មី ផ្សារទំនើបសូរិយា ព្រះបរមរាជវាំង សារមន្ទីរជាតិ វត្តភ្នំ និងវិមានឯករាជ្យជាដើម ដែលភាគច្រើនជាទិសដៅទេសចរណ៍ដ៏ពេញនិយម។

 

យោងតាមរបាយការណ៍របស់ក្រុមហ៊ុន​ Key Real Estate តម្លៃដីនៅខណ្ឌដូនពេញ គឺថ្លៃជាងគេបំផុតនៅក្នុងទីក្រុងភ្នំពេញ ដោយដីលំនៅឋានដាក់លក់ក្នុងតម្លៃជាមធ្យម៣.៥០០ ដុល្លារ​អាមេរិកក្នុងមួយម៉ែត្រការ៉េ ខណៈដែលដីពាណិជ្ជកម្មជាមធ្យម ៦.១០០ដុល្លារ​អាមេរិក​ក្នុងមួយម៉ែត្រការ៉េ។

នៅក្នុងខណ្ឌដូនពេញ សង្កាត់ផ្សារថ្មីទី​១ ទី២ និងទី៣ មានតម្លៃដីពាណិជ្ជកម្មថ្លៃជាងគេបំផុត ជាមធ្យមតម្លៃ ៩,០០០ដុល្លារអាមេរិក​ក្នុងមួយម៉ែត្រការ៉េ ចំណែកឯដីលំនៅឋាន​ក្នុងសង្កាត់ផ្សារចាស់​ មានតម្លៃខ្ពស់បំផុត ៤.០០០ ដុល្លារក្នុងមួយម៉ែត្រការ៉េ។

 

នៅក្នុងបទសម្ភាសន៍ជាមួយបណ្ដាញផ្សព្វផ្សាយក្នុងស្រុក លោក ស៊ន សៀប ដែលជាស្ថាបនិក​ និងជានាយកប្រតិបត្តិនៃក្រុមហ៊ុនអចលនទ្រព្យ ឃី រៀលអ៊ីស្ទេត បានលើកឡើងថា​ មូលហេតុចម្បងដែលបណ្ដាលឱ្យដីមានតម្លៃខ្ពស់ក្នុងខណ្ឌនេះ​ គឺដោយសារទីផ្សារអចលនទ្រព្យក្នុងតំបន់នេះមានភាពចំណាស់ជាងគេ និងមានតម្លៃដីធ្លីខ្ពស់បំផុតនៅតាមសង្កាត់នីមួយៗ។

 

លោកបានបន្តថា៖ «ដូនពេញជាតំបន់អភិវឌ្ឍន៍ដែលចំណាស់ជាងគេបំផុត​ រួមមានផ្សារធំៗចំនួនបី​ គឺផ្សារចាស់ ផ្សារកណ្តាល និងផ្សារថ្មី។ លើសពីនេះទៅទៀត តំបន់ទាំងនេះគឺជាទិសដៅទេសចរណ៍ដ៏ពេញនិយមបំផុតសម្រាប់ភ្ញៀវទេសចរណ៍ជាតិ និងអន្តរជាតិ ​មានដូចជាព្រះបរមរាជវាំង​ និងតំបន់មាត់ទន្លេជាដើម។»