ដោយៈវឌ្ឈនៈ
ភ្នំពេញៈ ដើម្បីបង្កើនការគ្រប់គ្រងសំរាម និងសំណល់រឹងនៅក្នុងដែនរាជធានីភ្នំពេ​ញ រដ្ឋបាលរាជធានីភ្នំពេញបានប្រកាសពីប្រតិបត្តិករ៣ ចាប់ផ្ដើមធ្វើការប្រមូលសំរាមនិងសំណល់រឹងចាប់ពីថ្ងៃទី១កក្កដា ២០២១នេះតទៅនៅតំបន់ចំនួន៣ នៃខណ្ឌទាំង១៤នៃក្រុងភ្នំពេញ ។ នេះបើតាមសេចក្ដីជូនដំនឹងរបស់សាលារាជធានីភ្នំពេញ នៅថ្ងៃទី៣០ មិថុនា ២០២១នេះ។

នៅក្នុងសេចក្ដីជូនដំនឹងដដែលនេះឱ្យដឹងថា ក្រុមហ៊ុនដែលទទួលបានសិទ្ធិប្រមូលសំរាម និងគ្រប់គ្រងសំណល់រឹងនៅភ្នំពេញ ចាប់ពីថ្ងៃទី១កក្កដា ២០២១នេះតទៅរួមមាន ទី១- ក្រុមហ៊ុន 800 Super/Global Action for Environment Awareness Public Limited នឹងត្រូវផ្តល់សេវា ក្នុងតំបន់ទី១ ដែលមាន៥ខណ្ឌគឺ ខណ្ឌទួលគោក ខណ្ឌឫស្សីកែវ ខណ្ឌសែនសុខ ខណ្ឌជ្រោយចង្វារនិង ខណ្ឌព្រែកព្នៅ ។

ទី ២. ក្រុមហ៊ុន Mizuda Group Co, Ltd នឹងត្រូវផ្តល់សេវាក្នុងតំបន់ទី២ ដែលមាន៥ខណ្ឌគឺ ខណ្ឌដូនពេញ ខណ្ឌ៧មករា ខណ្ឌដង្កោ ខណ្ឌពោធិ៍សែនជ័យ និងខណ្ឌកំបូល ។

ទី ៣ ក្រុមហ៊ុន CINTRI (Cambodia/Everbright (China) នឹងត្រូវផ្តល់សេវាក្នុងតំបន់ទី៣ដែលមាន៤ខណ្ឌគឺ ខណ្ឌចំការមន ខណ្ឌបឹងកេងកង ខណ្ឌមានជ័យនិងខណ្ឌច្បារអំពៅ ។

ក្នុងដំណាក់កាល អន្តរកាលនៃការផ្ទេរការផ្តល់សេវាប្រមូល និងដឹកជញ្ជូនសំរាមសំណល់រឹងពីប្រតិបត្តិ ករចាស់ទៅប្រតិបត្តិករថ្មី គឺអាចនឹងមានភាពរអាក់រអួលខ្លះៗ នៃការផ្តល់សេវា ជាពិសេសនៅតំបន់ដែល ទទួលខុសត្រូវដោយប្រតិបត្តិករថ្មី ។

រដ្ឋបាលរាជធានីភ្នំពេញ សូមអំពាវនាវដល់ប្រជាពលរដ្ឋទាំងអស់នៅ រាជធានីភ្នំពេ​ញ មេត្តាវេចខ្ចប់ទុកដាក់និងបញ្ចេញសំរាម សំណល់រឹងរបស់ខ្លួន តាមការកំណត់ឱ្យបានត្រឹមត្រូវ ដើម្បីចូលរួមថែរក្សាអនាម័យ និងបរិស្ថាននៅរាជធានីភ្នំពេញ ឱ្យបានស្អាតល្អជានិច្ច និងមេត្តាយោគយល់ ចំពោះភាពរអាក់រអួលនៃការចាប់ផ្តើមដំបូងនេះ៕

ដោយៈសុខុម
អន្តរជាតិៈ នៅសប្ដាហ៍នេះ គេហទំព័រដ៏ល្បីល្បាញ ArchDaily បាននាំមកនូវចំណីអារម្មណ៍ប្លែក ផ្នែកស្ថាបត្យកម្មបែបថ្ងៃអនាគត នោះគឺគម្រោងស្ថាបត្យកម្មមិនទាន់សាងសង់ល្អដាច់គេ (Best Unbuilt Architecture) ចំនួន១៦ដែលឈ្នះការប្រកួត។

រាប់ចាប់ពីសារៈមន្ទីរ រហូតដល់ស្តូបរំឭកវិញ្ញាណក្ខន្ធ គម្រោងដ៏អស្ចារ្យទាំងនេះត្រូវបានដាក់ចូលរួមប្រកួតប្រជែង ពីប្រទេសជាច្រើនទូទាំងពិភពលោក រួមមាន ប្រទេសអ៊ុយក្រែន ប្រទេសរ៉ូម៉ានី ប្រទេសអេស្ប៉ាញ ប្រទេសចិន ប្រទេសថៃ ប្រទេសឥណ្ឌា ប្រទេសអ៊ីស្រាអែល ប្រទេសអ៊ីរ៉ង់ កូសូវ៉ូ និងប្រទេសហុងគ្រី។

តោះ! ដើម្បីជ្រាបកាន់តែច្បាស់ថា តើគម្រោងស្ថាបត្យកម្មបែបថ្ងៃអនាគតទាំងនោះស្រស់ស្អាតកម្រិតណា និងឌីហ្សាញប្លង់ដោយក្រុមហ៊ុនណា សូមមកស្វែងយល់ត្រួសៗទាំងអស់គ្នាដូចខាងក្រោម៖

*ទី១ គម្រោងកន្លែងហាត់ប្រាណ Bursa Sports Hall
ឌីហ្សាញដោយក្រុមហ៊ុន Tamirci Architects
ជាប់ចំណាត់ថ្នាក់លេខ៣

*ទី២ គម្រោងអគារការិយាល័យ Ivy Office
ឌីហ្សាញដោយក្រុមហ៊ុន NG Architects
ជាប់ចំណាត់ថ្នាក់លេខ១

*ទី៣ គម្រោងសារៈមន្ទីរ The New Academy and Museum of the Hebrew Language។
ឌីហ្សាញដោយក្រុមហ៊ុន Mayslits Kassif Roytman Architects
ជាប់ចំណាត់ថ្នាក់លេខ១

*ទី៤ គម្រោងអគារលំនៅដ្ឋាន Ghost to Host
ឌីហ្សាញដោយក្រុមហ៊ុន Pongpol Puangniyom x Mah Yi Jun
ជាប់ចំណាត់ថ្នាក់លេខ១

*ទី៥ គម្រោងសាលារៀន The Attendance – ការរៀបចំឡើងវិញនូវសាលារដ្ឋនានាក្នុងប្រទេសឥណ្ឌា។
ឌីហ្សាញដោយក្រុមហ៊ុន Ashish Dalal and Pratibha Christy
ជាប់ចំណាត់ថ្នាក់លេខ១

*ទី៦ គម្រោងមជ្ឈមណ្ឌលសង្គម និងវប្បធម៌ FAAHO206
ឌីហ្សាញដោយក្រុមហ៊ុន Tuungoo Arquitectos
ជាប់ចំណាត់ថ្នាក់លេខ១

*ទី៧  គម្រោងសណ្ឋាគារ Lviv Grand Hotel
ឌីហ្សាញដោយក្រុមហ៊ុន Symmetry
ជាប់ចំណាត់ថ្នាក់លេខ៣

*ទី៨ គម្រោង រោងចក្រអគ្គិសនីបែបអេកូឡូស៊ី Ecological Power Plant
ឌីហ្សាញដោយក្រុមហ៊ុន Leers Weinzapfel Associates
ជាប់ចំណាត់ថ្នាក់លេខ២

*ទី៩ គម្រោងឧទ្យានធម្មជាតិ East Park
ឌីហ្សាញដោយក្រុមហ៊ុន Metapolis, Studio Ana Horhat, Atelier Mass
ជាប់ចំណាត់ថ្នាក់លេខ១

*ទី១០ គម្រោងផ្សារទំនើបនៅតាមមាត់ដៃទន្ល Budapest Student City- Big Market Hall។
ឌីហ្សាញដោយក្រុមហ៊ុន BIVAK studio Ltd.
ជាប់ចំណាត់ថ្នាក់លេខ១

*ទី១១ គម្រោងសួនកម្សាន្ត Natural Futurism of Chongqing Amusement Park
ឌីហ្សាញដោយក្រុមហ៊ុន MLA+
ជាប់ចំណាត់ថ្នាក់លេខ១

*ទី១២ គម្រោងសាលមោស្រព និងមជ្ឈមណ្ឌលសិល្ប់ Theatre and Art Centre។
ឌីហ្សាញដោយក្រុមហ៊ុន PES-Architects
ជាប់ចំណាត់ថ្នាក់លេខ១

*ទី១៣ គម្រោងស្តូបរំឭកវិញ្ញាណក្ខន្ធ Memorial to the Heroes of the Heavenly Hundred and ATO soldiers
ឌីហ្សាញដោយក្រុមហ៊ុន VTA Architects
ជាប់ចំណាត់ថ្នាក់លេខ៣

*ទី១៤ គម្រោងកន្លែងលម្ហែសាធារណៈ Peak
ឌីហ្សាញដោយក្រុមហ៊ុន SuperSpace
ជាប់ចំណាត់ថ្នាក់កិត្តិយស

*ទី១៥ គម្រោងសារៈមន្ទីរសិល្បៈ Sara Hildén Art Museum
ឌីហ្សាញដោយក្រុមហ៊ុន Janne Hovi
ជាប់ចំណាត់ថ្នាក់លេខ១

*ទី១៦ គម្រោងពហុកីឡដ្ឋានចិន Hangzhou E-sports Ecological Park and E-sports Stadium
ឌីហ្សាញដោយក្រុមហ៊ុន Central-South Architectural Design Institute Co., LTD (CSADI)
ជាប់ចំណាត់ថ្នាក់លេខ១៕

ដោយៈ គៀតឈូ
គូឡាឡាំពួៈ ក្រុមហ៊ុនអភិវឌ្ឍន៍អចលនទ្រព្យម៉ាឡេស៊ី I-Bhd មានទំនុកចិត្តចំពោះចក្ខុវិស័យរបស់ខ្លួនលើស្ថានភាពហិរញ្ញវត្ថុ និងភាពជាដៃគូអាជីវកម្មដ៏រឹងមាំជាច្រើន ដែលនឹងផ្តល់ឱ្យភាពបត់បែន ផ្នែកហិរញ្ញវត្ថុដល់ក្រុមហ៊ុន ដើម្បីទាញយកផលចំណេញជាច្រើនទៀត។ នេះបើយោងតាមការចេញផ្សាយរបស់សារព័ត៌មាន The Star នៅថ្ងៃទី៣០ ខែមិថុនា ឆ្នាំ២០២១។

នៅក្នុងសេចក្តីថ្លែងការណ៍មួយបាននិយាយថា យុទ្ធសាស្ត្របង្រួបបង្រួមរបស់ខ្លួន នឹងជំរុញឱ្យក្រុមហ៊ុន មានរីកចម្រើនឆ្ពោះទៅមុខ នៅពេលដែលសេដ្ឋកិច្ចងើបឡើងវិញ។

លោកLan Sri Lim Kim Hong ប្រធានក្រុមហ៊ុមបានមានប្រសាសន៍ថា ការអភិវឌ្ឍទីក្រុងត្រីកោណI-city golden ដែលជាក្រុងបច្ចេកវិទ្យាលេខ១ របស់ប្រទេសម៉ាឡេស៊ី គឺផ្ដោតសំខាន់របស់ក្រុមហ៊ុនI-Bhd ខណៈវានឹងពង្រឹងជំហររបស់ក្រុមហ៊ន ដោយការបង្កើ​នតម្លៃ និងឱកាសបន្ថែម។

លោកបានថ្លែងបន្តថា “ទីក្រុងបច្ចេកវិទ្យារបស់យើង ជាមួយនឹងបំពាក់នៃបច្ចេកវិទ្យាចុងក្រោយ នឹងធ្វើឱ្យក្រុមហ៊ុនអាចប្រកួតប្រជែងជាដៃគូរបស់ខ្លួន និងទាក់ទាញក្រុមហ៊ុនជាច្រើនមកចូលទីក្រុងមួយនេះ”។

ការរកទីតាំងថ្មីនៃស្ថាប័នហិរញ្ញវត្ថុ ក្នុងតំបន់ថ្នាក់ទីមួយនៃទីក្រុងI-city អគារសាជីវកម្មបៃតងអាច នឹងមើលឃើញថាអត្រាកើនឡើង៨០ភាគរយ សម្រាប់អាគារដែលត្រូវបានសាងសង់ចប់នាពេលថ្មីៗនេះ។

ទីក្រុងបច្ចេកវិទ្យាគឺជាទិសដៅ ដែលត្រៀមរួចជាស្រេច សម្រាប់ក្រុមហ៊ុនបច្ចេកវិទ្យាសកល ដែលកំពុងផ្លាស់ប្តូរទីលំនៅទៅកាន់ប្រទេសម៉ាឡេស៊ី សម្រាប់ហេដ្ឋារចនាសម្ព័ន្ធលំដាប់ទី១របស់ខ្លួនហើយ និងបុគ្គលិកជំនាញ។ I-Bhd កំពុងផ្លាស់ប្តូរការអភិវឌ្ឍទៅជាមជ្ឈមណ្ឌលសកល នៃការច្នៃប្រឌិតបច្ចេកវិទ្យា និងជាមជ្ឈមណ្ឌលហិរញ្ញវត្ថុ ដែលគាំទ្រដោយសេដ្ឋកិច្ចឌីជីថលរបស់រដ្ឋាភិបាល។

ក្រៅពីនេះលោកលឹមបាននិយាយថា ក្រុមហ៊ុននេះ ក៏មានគម្រោងបន្ថែមមជ្ឈមណ្ឌ​លទិន្នន័យចំនួន២ទៀត ដែលមានទំហំ១០០,០០០ការ៉េហ្វីត ដើម្បីបំពេញតាមតម្រូវការ។ មជ្ឈមណ្ឌលទិន្នន័យដំបូងនេះ បានដំណើរការតាំងពីឆ្នាំ២០០៨ដល់បច្ចុប្បន្នមក       ម្លេះ។

ក្រុមហ៊ុមនេះបានបន្តទៀតថាកម្មវិធីចាក់វ៉ាក់សាំង គឺជាការផ្លាស់ប្តូរមួយសម្រាប់កំណើនសេដ្ឋកិច្ច និងការងើបឡើងវិញសម្រាប់ឆ្នាំ២០២១ និង២០២២៕

ដោយៈវឌ្ឈ​នៈ

ភ្នំពេញៈ ទោះបីជាមានការរីករាលដាលនៃកូវីដ១៩យ៉ាងនេះក្ដី ក៏វិនិយោគិនក្នុងស្រុក នៅតែបន្តគម្រោងរបស់ខ្លួនដដែល ជាមួយនឹងក្ដីរំពឹងពីទីផ្សារដដែល ជាក់ស្ដែងអភិវឌ្ឍន៍លំនៅឋាន នៃក្រុមហ៊ុនបុរីវិមានភ្នំពេញ របស់អ្នកឧកញ៉ាលី ហួរ បានប្រកាសបើកការដ្ឋានសាងសង់គម្រោងទី ១២ជាមួយនឹងជំនឿជាក់លើទីផ្សារ។

លោកឃួង ស្រេង អភិបាលរាជធានីភ្នំពេញ ដែលបានចូលរួមក្នុងពីធីបើកការដ្ឋានសាងសង់គម្រោងទី១២នៃបុរីវិមានភ្នំពេញ កាលពីថ្ងៃទី៣០ មិថុនា ២០២១នេះ បានឱ្យដឹងថា ការបើកការដ្ឋានសាងសង់របស់បុរីវិមានភ្នំពេញ នៅក្នុងអំឡុងពេលនៃការរីករាលដាលនៃកូវីដ១៩នេះ បានជួយផ្ដល់ឱកាសការងារដល់កម្មករសំណង់ជាច្រើន នៅក្នុងការដ្ឋាន ដែលអាចជួយសម្រាលបន្ទុកជីវភាពគ្រួសារ របស់ពួកគេមួយកម្រិតផងដែរ។

អ្នកឧកញ៉ាលី ហួរអគ្គនាយកក្រុមហ៊ុនលី ហួរគ្រុបក៏បានឱ្យដឹងផងដែរថា ការអភិវឌ្ឍលំនៅឋាន ដែលមានជាបុរីជាបន្តបន្ទាប់របស់បុរីវិមានភ្នំពេញ ក៏ដូចជាក្រុមហ៊ុនផ្សេងទៀត បានជួយកែប្រែតំបន់ដែលស្ងាត់ជ្រងំ តំបន់ដែលមិនមានមនុស្សរស់ ពីតំបន់វាលស្រែ ក្លាយជាតំបន់ដែលមានមនុស្សរស់នៅអ៊ូអរ មានសកម្មភាពអាជីវកម្ម និងធ្វើឱ្យតំបន់ជាយរាជធានីភ្នំពេញ កាន់តែខិតជិតកណ្ដាលរាជធានីភ្នំពេញ តាមរយៈការអភិវឌ្ឍហេដ្ឋារចនាសម្ព័ន្ធនានា តភ្ជាប់ពីកណ្ដាលទីក្រុងទៅកាន់ជាយក្រុង ។

ក្រៅពីគម្រោងរបស់វិនិយោគិនរូបនេះ ក៏មានគម្រោងអភិវឌ្ឍន៍លំនៅឋានរបស់វិនិយោគិនផ្សេងទៀតជាប្រភេទបុរី នៅតំបន់ជាយៗរាជធានីភ្នំពេញ និងស្ទើរតែគ្រប់ផ្នែកនៃរាជធានីភ្នំពេញ។

ជាមួយគ្នានេះ លោកសំ សុខនឿនប្រធានសមាគមអចលនទ្រព្យសកល បានលើកឡើងថា ទីផ្សារលំនៅឋាននៅកម្ពុជា ក្នុងបរិបទកូវីដ១៩នេះ ពិតជាមានផលប៉ះពាល់ តែផលប៉ះពាល់នៃទីផ្សារលំនៅឋាន ក៏មានភាពខុសៗគ្នា ទៅតាមតម្លៃនៃលំនៅឋានទាំងនោះ។

លោកបន្តថា “លំនៅឋានដែលមានតម្លៃក្រោម៥ម៉ឺនដុល្លារ មិនសូវជាប៉ះពាល់ទេ ហើយលំនៅឋានដែលមានតម្លៃកាន់តែខ្ពស់ ក៏មិនមានផលប៉ះពាល់ដែរ ដូចជាតម្លៃចាប់ពី២០ម៉ឺនដុល្លារឡើងទៅ ព្រោះលំនៅដ្ឋានប្រភេទនេះ គឺសម្រាប់អ្នកមានលុយគ្រប់គ្រាន់ទិញសម្រាប់ស្នាក់នៅ។