(រតនគិរី)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី៧ ខែមិថុនា ឆ្នា២០២៥ បានថ្លែងថាការអភិវឌ្ឍនៅខេត្ត​រត​ន​គិរី គឺអភិវឌ្ឍន៍រុញផលឱ្យទទួលបានទាំងអស់គ្នា ហើយការវិនិយោគនៅខេត្តភាគឦសាន មិនមែនជាការដណ្តើមការងារ ឬដណ្តើមដីរបស់ប្រជាពលរដ្ឋនោះឡើយ គឺដើម្បីតែជំរុញកំណើនសេដ្ឋកិច្ច និងភាពរីកចម្រើននៅក្នុងខេត្តតែប៉ុណ្ណោះ។

ការថ្លែងបែបនេះរបស់សម្ដេចធិបតី បានធ្វើឡើងនាឱកាសដែលសម្ដេច អញ្ជើញជាអធិបតីភាពដ៏ខ្ពង់ខ្ពស់ សម្ពោធដាក់ឱ្យប្រើ​ប្រាស់ជាផ្លូវការ នូវសមិទ្ធផលទាំងឡាយក្នុងវិស័យអប់រំ នៅខេត្តរតនគិរី ដែលជាមរតករបស់សម្តេចតេជោ ហ៊ុន សែន។

ចំពោះមុខអង្គពិធី, សម្ដេចប្រមុខរាជរដ្ឋាភិបាល បានថ្លែងថាការអភិវឌ្ឍនៅខេត្តរតនគិរី គឺជាការអភិវឌ្ឍរុញផលឱ្យទទួលបានទាំងអស់គ្នា ដោយមិនប្រកាន់ មិនបោះបង់នរណា ឬលុបចោលជនជាតិដើមភាគតិចនោះឡើយ។

ដោយ សម្ដេចបវរធិបតី បានថ្លែងយ៉ាងដូច្នេះថា៖ «បើសិនជាកំណើនសេដ្ឋកិច្ចនៅទីនេះ ប្រជាជនកើនកាន់តែលឿន ដោយសារអី? ដោយសារហ្នឹងមានប្រជាពលរដ្ឋដែលរស់នៅខេត្តផ្សេងៗ ចង់មករកឱកាសការងារ ឱកាសអភិវឌ្ឍន៍នៅខេត្តនេះកាន់តែច្រើន។ មករកប្រកបរបរអាជីវកម្ម រកស៊ីទទួលទាន រកការងារធ្វើនៅទីនេះ អ៊ីចឹងកើនឡើងកាន់តែច្រើន»។

ជាមួយគ្នានេះ សម្ដេចនាយករដ្ឋមន្ត្រី សង្ឃឹមថាប្រជាពលរដ្ឋក្នុងខេត្តរតនគិរី នឹងមិនមានការប្រកាន់ប្រជាពលរដ្ឋពីខេត្តផ្សេងៗ​ ដែលចូលមកវិនិយោគ ឬបំពេញការងារនៅក្នុងខេត្តរបស់ខ្លួន ដែលនេះមិនមែនមកដើម្បីដណ្ដើមដីប្រជាពលរដ្ឋនោះទេ តែមកបង្កើនកម្លាំងសេដ្ឋកិច្ច អភិវឌ្ឍន៍ក្នុងខេត្តឱ្យមានការរីកចម្រើនទ្វេដង៕

ដោយ: គង់ លាងហួរ
អន្តរជាតិ: គម្រោងអគារមានរាងគូប Mukaab ខ្នាតយក្សនៅទីក្រុងរីយ៉ាដ ដែលជារាជធានីរបស់ប្រទេសអារ៉ាប៊ីសាអូឌីត សម្រេចបានវឌ្ឍនភាពរីកចម្រើនគួរឱ្យកត់សម្គាល់ក្នុងដំណាក់កាលសាងសង់ដំបូងរបស់ខ្លួនគិតនៅត្រឹមខែមិថុនា ឆ្នាំ២០២៥។

ជាក់ស្តែង ការងារជីកខួងដីសម្រាប់សាងសង់អគារ Mukaab និងតំបន់ជុំវិញរបស់គម្រោងនេះ សម្រេចបានវឌ្ឍនភាពចំនួន៨៦ភាគរយ ដោយបានខួងដីចេញជាង១០លានម៉ែត្រគូប។

គម្រោង Mukaab ជា​អគារ​គូបខ្ពស់​កប់ពពក​ដែល​មាន​កម្ពស់ ទទឹង និង​បណ្តោយស្មើគ្នាប្រវែង៤០០ម៉ែត្រ។គម្រោងនេះត្រូវបានរចនាឡើងដើម្បីប្រែក្លាយជាការអភិវឌ្ឍន៍ចម្រុះ រួមមានលំនៅដ្ឋាន ពាណិជ្ជកម្ម និងកន្លែងកម្សាន្ត។

គម្រោងអគារ Mukaab ជាផ្នែកមួយនៃផែនការអភិវឌ្ឍន៍ “New Murabba” ដែលមានគោលបំណងប្រែក្លាយតំបន់កណ្តាលរាជធានី Riyadh ទៅជាមជ្ឈមណ្ឌលទីក្រុងសម័យទំនើបប្រកបដោយនិរន្តរភាព។

គម្រោងអគារមានរាងគូបនេះគ្រោងនឹងបញ្ចប់ការសាងសង់នៅឆ្នាំ២០៣០ខាងមុខ ដោយស្របតាមគំនិតផ្តួចផ្តើម“ចក្ខុវិស័យឆ្នាំ២០៣០” របស់រដ្ឋាភិបាលអារ៉ាប៊ីសាអូឌីត ដើម្បីធ្វើពិពិធកម្មសេដ្ឋកិច្ចរបស់ខ្លួន និងលើកកម្ពស់ការអភិវឌ្ឍន៍ទីក្រុង។

គម្រោងអគារ Mukaab គ្រោងចំណាយទុនវិនិយោគចំនួន៥០ពាន់លានដុល្លារអាមេរិក ដោយមានផ្ទៃក្រឡាខាងក្នុងសរុបជាង២លានម៉ែត្រការ៉េ។ អគារខ្ពស់កប់ពពកដ៏មហិមានេះនឹងក្លាយជាអគារធំជាងគេបំផុតរបស់ពិភពលោក បើគិតពីទំហំអគារ៕

ភ្នំពេញ៖ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងឱ្យដឹងថា ការអភិវឌ្ឍនៅតាមព្រំដែនគឺជា យុទ្ធសាស្រ្តល្អបំផុតក្នុងការការពារបូរណភាពទឹកដី ក្នុងរយៈពេលវែងតាមរយៈការយកប្រជាជន និងការអភិវឌ្ឍជាខឿនការពារព្រំដែន ដែលជាគោលនយោបាយក្នុងការ អភិវឌ្ឍនិងការពារទឹកដីដែលរាជរដ្ឋាភិបាលត្រូវបន្តធ្វើ។

សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ថ្លែងបែបនេះក្នុងឱកាសអញ្ជើញជាអធិបតី សម្ពោធដាក់ឱ្យប្រើប្រាស់ជាផ្លូវការនូវសមិទ្ធផល ទាំងឡាយក្នុងវិស័យអប់រំ នៅខេត្តរតនគិរី ដែលជាមរតករបស់សម្តេចតេជោ ហ៊ុន សែន៕

ដោយ: គង់ លាងហួរ
ប៉េកាំង: ប្រទេសចិនបានប្រកាសដាក់ចេញនូវ“ទិដ្ឋាការអាស៊ានពិសេស”ឬ ASEAN visa សម្រាប់អ្នកដំណើរធុរកិច្ចមកពីបណ្តាប្រទេសសមាជិកអាស៊ានទាំង១០ បូករួមទាំងប្រទេសទីម័រខាងកើត។

បណ្តាប្រទេស​រដ្ឋជាសមាជិក​អាស៊ាន​ រួមមាន ប្រទេសឥណ្ឌូនេស៊ី ប្រទេសម៉ាឡេស៊ី ប្រទេសហ្វីលីពីន ប្រទេសសិង្ហបុរី ប្រទេសថៃ ប្រទេសប្រ៊ុយណេ ប្រទេសវៀតណាម ប្រទេសឡាវ ប្រទេសមីយ៉ាន់ម៉ា និង​ប្រទេសកម្ពុជា។

យោងតាមក្រសួងការបរទេសចិនបានបញ្ជាក់ឱ្យដឹងថា អ្នកដំណើរមកពីបណ្តាប្រទេសអាស៊ានទាំង១១ ដែលមកទស្សនាប្រទេសចិនក្នុងគោលបំណងអាជីវកម្ម ដោយនាំមកជាមួយប្តី ឬប្រពន្ធ និងកូនរបស់ពួកគេ នឹងត្រូវបានផ្តល់ជូន “ទិដ្ឋាការអាស៊ាន”។

អ្នកទទួលបានទិដ្ឋាការនេះមានសិទ្ធិចេញ-ចូលប្រទេសចិនបានច្រើនដង(Mutiple-entry)ក្នុងរយៈពេល៥ឆ្នាំ ហើយអនុញ្ញាតឱ្យមានការស្នាក់នៅមួយលើកៗរយៈពេល១៨០ថ្ងៃជាអតិបរមា។

លោក Lin Jian អ្នកនាំពាក្យក្រសួងការបរទេសចិន បានថ្លែងនៅក្នុងសន្និសីទសារព័ត៌មានថា “ដោយសារការធ្វើដំណើរទៅវិញទៅមកជាញឹកញាប់រវាងប្រជាជននៃប្រទេសចិន និងបណ្តាប្រទេសអាស៊ាន ទិដ្ឋាការថ្មីនេះមានគោលបំណងជួយសម្រួលដល់ការធ្វើដំណើរឆ្លងដែនបន្ថែមទៀតនៅក្នុងតំបន់”។

គម្រោងដាក់ចេញទិដ្ឋាការអាស៊ានថ្មីនេះ នឹងបូកបន្ថែមពីលើកិច្ចព្រមព្រៀងលើកលែងទិដ្ឋាការដែលមានស្រាប់ រវាងប្រទេសចិនជាមួយបណ្តាប្រទេសក្នុងតំបន់ រួមមានសិង្ហបុរី ថៃ និងម៉ាឡេស៊ី។

បច្ចុប្បន្ន ប្រជាជនសិង្ហបុរី និងពលរដ្ឋចិនអាចធ្វើដំណើរទៅវិញទៅមករវាងប្រទេសទាំង២ ដោយមិនចាំបាច់មានទិដ្ឋាការក្នុងរយៈពេល៣០ថ្ងៃ ក្រោមកិច្ចព្រមព្រៀង ដែលបានចូលជាធរមានកាលពីខែកុម្ភៈ,ឆ្នាំមុន។ ចំណែក ប្រជាជនម៉ាឡេស៊ី និងប្រជាជនថៃក៏ទទួលបានការលើកលែងទិដ្ឋាការដូចគ្នានេះផងដែរ។

ចំណែក គម្រោង“ទិដ្ឋាការ Lancang-Mekong” ដែលបានចាប់ផ្តើមនៅក្នុងខែវិច្ឆិកា ឆ្នាំ២០២៤ ផ្តល់ជូនអ្នកធ្វើដំណើរក្នុងគោលបំណងអាជីវកម្មមកពីប្រទេសកម្ពុជា ឡាវ មីយ៉ាន់ម៉ា ថៃ និងវៀតណាម នូវទិដ្ឋាការចូលបានច្រើនដងរយៈពេល៥ឆ្នាំជាមួយនឹងរយៈពេលនៃការស្នាក់នៅអតិបរមាចំនួន១៨០ថ្ងៃ៕

ដោយៈ និស្ស័យ

    អូស្រ្តាលីៈ ប្រទេសនេះមានធនាគារច្រើន ប៉ុន្តែបើគិតត្រឹមឆ្នាំ 2025 ធនាគារកំពូលទាំង5 នៅសហរដ្ឋអាមេរិក ដោយទ្រព្យសម្បត្តិសរុបច្រើនមានដួចជា។

1. JPMorgan Chase & Co.

• ធនាគារដ៏ធំនេះ មានទីស្នាក់ការកណ្តាល៖ ញូវយ៉ក ញូវយ៉ក
• ទ្រព្យសកម្មសរុប៖ ជាង4ពាន់ពាន់លានដុល្លារឬជាង៤ទ្រីលានដុល្លារ។
• ចំណាំ៖ ធនាគារធំជាងគេនៅសហរដ្ឋអាមេរិក រ៉ឹងមាំក្នុងវិស័យធនាគារវិនិយោគ ការគ្រប់គ្រងទ្រព្យសកម្ម និងធនាគារអតិថិជន។

2. ធនាគារអាមេរិក

• ធនាគារនេះ មានទីស្នាក់ការកណ្តាល៖ ទីក្រុង Charlotte, NC
• ទ្រព្យសកម្មសរុប៖ ប្រហែល3.2ពាន់ពាន់លានដុល្លារ ឬជាង៣,២ទ្រីលានដុល្លារ។
• កំណត់សម្គាល់៖ អ្នកលេងដ៏សំខាន់ នៅក្នុងធនាគារអតិថិជន និងសាជីវកម្ម ជាមួយនឹងការបោះជំហានដ៏ធំនៅទូទាំងប្រទេស។

3. Citigroup (Citi)

• ជាប់ចំណាត់ថ្នាក់ទី៣ ជាធនាគារធំមួយ ធនាគារនេះមានទីស្នាក់ការកណ្តាល៖ ញូវយ៉ក ញូវយ៉ក។
• ទ្រព្យសកម្មសរុប៖ ជាង2.4ពាន់ពាន់លានដុល្លារឬ២,៤ទ្រីលានដុល្លារ។
• ចំណាំ៖ ស្គាល់សម្រាប់ប្រតិបត្តិការ ធនាគារពិភពលោក និងសេវាកម្មកាតឥណទាន។

4. Wells Fargo & Co.

• វាមានទីស្នាក់ការកណ្តាល៖ San Francisco, CA
• ទ្រព្យសកម្មសរុប៖ ប្រហែល 1.9 ពាន់ពាន់លានដុល្លារ ឬជិត២ទ្រីលានដុល្លារ។
• កំណត់សម្គាល់៖ មានភាពរឹងមាំក្នុងការផ្តល់ប្រាក់កម្ចីទិញផ្ទះ និងធនាគារលក់រាយ ទោះបីជាបានប្រឈមមុខ នឹងការត្រួតពិនិត្យបទប្បញ្ញត្តិក្នុងប៉ុន្មានឆ្នាំថ្មីៗនេះក៏ដោយ។

5. U.S. Bancorp (ធនាគារអាមេរិក)

• ធនាគារជាប់លំដាប់ទី៥នេះ មានទីស្នាក់ការកណ្តាល៖ Minneapolis, MN
• ទ្រព្យសកម្មសរុប៖ ជាង៦៥០ពាន់លានដុល្លារអាមេរិក។
• ចំណាំ៖ ធនាគារក្នុងតំបន់ដ៏ធំបំផុតនៅសហរដ្ឋអាមេរិក ដែលត្រូវបានគេស្គាល់ថាសម្រាប់ស្ថិរភាព និងវត្តមានដ៏រឹងមាំ នៅកណ្តាលខាងលិច និងខាងលិច៕

ដោយ: គង់ លាងហួរ
អន្តរជាតិ: ស្របពេលបច្ចេកវិទ្យា និងនវានុវត្តន៍បន្តបោះជំហានឆ្ពោះទៅមុខ បណ្តាប្រទេសនានាលើពិភពលោកបានសាងសង់អគារខ្ពស់ៗកប់ពពកជាច្រើន ដែលមានរចនាបថ និងការកែច្នៃខុសៗប្លែកពីគេ។ការណ៍នេះជាការបង្ហាញពីសក្តានុពលទៅកាន់ពិភពលោក។

ខាងក្រោមនេះជាអគារខ្ពស់ៗចំនួន៥មកពីជុំវិញពិភពលោក ដែលមានភាពលេចធ្លោលើការរចនាឌីហ្សាញដ៏ប្លែក។ អគារកប់ពពកទាំងនេះមិនត្រឹមតែខ្ពស់ប៉ុណ្ណោះទេ ប៉ុន្តែថែមទាំងបង្ហាញពីភាពច្នៃប្រឌិត និងគោលគំនិតផងដែរ៖

ទី១: អគារ CCTV Headquarters

អគារ CCTV Headquarters ជាទីស្នាក់ការកណ្តាលរបស់ទូរទស្សន៍រដ្ឋចិន CCTV ដែលមានទីតាំងនៅក្នុងរដ្ឋធានីប៉េកាំង ប្រទេសចិន។អគារនេះមានកម្ពស់២៣៤ម៉ែត្រ ដែលរចនាឡើងដោយស្ថាបត្យករហូឡង់លោក Rem Koolhaas។

ទី២: អគារ The Big Bend

គម្រោងអគារ The Big Bend ត្រូវបានស្នើសាងសង់ឡើងក្នុងកម្ពស់ជាង១.២០០ម៉ែត្រនៅទីក្រុងញូវយ៉ករបស់សហរដ្ឋអាមេរិក ដែលរចនាឡើងដោយក្រុមហ៊ុនស្ថាបត្យកម្ម Oiio Studio។គម្រោងអគារនេះមានរាងជាអក្សរ“U”ស្ថិតលើផ្លូវ 57th Street។

ប្រសិនបើត្រូវបានសាងសង់ឡើងមែន នោះអគារ The Big Bend នឹងក្លាយជាអគារខ្ពស់ជាងគេបំផុតមិនធ្លាប់មាននៅលើពិភពលោក។

ទី៣: អគារ Absolute World Towers

អគារ Absolute World Towers នៅទីក្រុង Mississauga ក្នុងប្រទេសកាណាដាមានប៉មចំនួន២។ ប៉មទី១មានកម្ពស់១៧៩ម៉ែត្រ ខណៈប៉មទី២មានកម្ពស់១៥៨ម៉ែត្រ ដែលរចនាឡើងដោយក្រុមហ៊ុនស្ថាបត្យកម្ម MAD Architects។ ប៉មទាំង២នេះមានរាងរមួល និងរាងកោងដូចទៅនឹងដងខ្លួនរបស់មនុស្ស។

ទី៤: អគារ Capital Gate

អគារ Capital Gate មានទីតាំងស្ថិតនៅទីក្រុងអាប៊ុយដាប៊ីរបស់ប្រទេសអេមីរ៉ាត់អារ៉ាប់រួម។អគារនេះមានកម្ពស់១៦៥ម៉ែត្រ ដែលរចនាឡើងដោយក្រុមហ៊ុនស្ថាបត្យកម្ម RMJM។

លក្ខណៈពិសេសប្លែកស្ថិតនៅត្រង់ថា អគារ Capital Gate មានទំនោរផ្អៀង១៨ដឺក្រេទៅទិសខាងលិច ខ្លាំងជាងអគារ Tower of Pisa ដ៏ល្បីល្បាញនៅប្រទេសអុីតាលីទៅទៀត។

ទី៥: អគារ MahaNakhon Tower

អគារខ្ពស់កប់ពពក MahaNakhon Tower ជាអគារដ៏ល្បីល្បាញនៅទីក្រុងបាងកកនៃប្រទេសថៃ។អគារនេះមានកម្ពស់៣១៤ម៉ែត្រ ដែលរចនាឡើងដោយស្ថាបត្យករអាល្លឺម៉ង់លោក Ole Scheeren។អគារនេះជានិមត្តិរូបក្នុងយុគសម័យសម័យឌីជីថលទំនើប៕