តើពន្ឋប្រថាប់ត្រាមានជាប់ទាក់ទងដូចម្តេចនឹងការទិញលក់អចលនទ្រព្យ?

ដោយៈគង់ សូរិយា

ភ្នំពេញៈ តើពន្ឋប្រថាប់ត្រា ដែលអ្នកទិញលក់អចលនទ្រព្យ តែងតែលឺមានសុពលភាពផ្លូវច្បាប់ និងមានវិសាលភាពដូចម្តេច ទាក់ទងនឹងនិតិវិធីនៃការទិញលក់អចលនទ្រព្យ?។

ពន្ធប្រថាប់ត្រា(Registration Tax)

ជាពន្ធមួយប្រភេទ ដែលត្រូវប្រមូលចំពោះការផ្ទេរកម្មសិទ្ធិ ឬសិទ្ធកាន់កាប់អចលនទ្រព្យ ឬការដាក់ភាគហ៊ុនអចលនទ្រព្យទៅក្នុងក្រុមហ៊ុនណាមួយ ឬជាការផ្ទេរចំណែកណាមួយ ឬទាំងស្រុងនៃភាគហ៊ុនរបស់ក្រុមហ៊ុន ឬការទិញ លក់ មធ្យោបាយដឹកជញ្ជូន ឬយាន្តយន្តគ្រប់ប្រភេទ កិច្ចសន្យាផ្គត់ផ្គង់ទំនិញ ឬសេវា ដែលប្រើប្រាស់ថវិការដ្ឋលិខិតមានលក្ខណៈគតិយុត្តិ ជាអាទិ៍ លិខិតស្ដីពីការបង្កើតក្រុមហ៊ុន លិខិតស្ដីពីការរំលាយក្រុមហ៊ុនបញ្ចូលគ្នា ឬការបិទក្រុមហ៊ុនជាដើម។

តើនរណានឹងទទួលបន្ទុកក្នងការបង់ពន្ធប្រថាប់ត្រា?

អ្នកដែលទទួលសិទ្ធិក្នុងការផ្ទេរ ឬកាន់កាប់អចលទ្រព្យ ឬភាគហ៊ុនរបស់ក្រុមហ៊ុន

អ្នកដែលបានទិញ លក់មធ្យោបាយដឹកជញ្ជូន ឬយានយន្តគ្រប់ប្រភេទ អ្នកទទួលចុះកិច្ចសន្យាផ្គត់ផ្គង់ទំនិញ ឬសេវាដែលប្រើប្រាស់ថវិការដ្ឋ អ្នកទទួលសិទ្ធិលើលិខិតមានលក្ខណៈគតិយុត្ត។

ចុះនរណាខ្លះនឹងអាចជៀសផុតពីពន្ធប្រថាប់ត្រានេះបាន?

-អ្នកដែលទទួលកម្មសិទ្ធិ ក្នុងការកាន់កាប់ដីជាលក្ខណៈសម្បទាន ពីរាជរដ្ឋាភិបាល សម្រាប់ជាប្រយោជន៍ដល់សេដ្ឋកិច្ច ឬសង្គមជាតិ។

-អ្នកផ្ទេរឬទទួលកម្មសិទ្ធិកាន់កាប់អចលនទ្រព្យ ជាលក្ខណៈខ្សែស្រឡាយបងប្អូនដូចជា ការធ្វើសន្ដតិកម្ម (មរតក) រវាងឪពុកឬម្ដាយបង្កើតនិងកូនបង្កើត រវាងប្ដីនិងប្រពន្ធ និងរវាងយាយតាបង្កើត និងចៅបង្កើត។

ការធ្វើប្រទានកម្ម (អំណោយ) រវាងឪពុកម្ដាយបង្កើត និងកូនបង្កើត រវាងប្ដី និងប្រពន្ធ និងរវាងយាយតាបង្កើតនិងចៅបង្កើត សម្រាប់តែការផ្ទេរលើកទីមួយប៉ុណ្ណោះ។ ហើយចាប់ពីលើកទីពីរទៅ ត្រូវបានអនុញ្ញាតអោយដកមូលដ្ឋានគិតពន្ធប្រថាប់ត្រា ១០០លានរៀល។ សម្រាប់ការធ្វើសន្ដតិកម្ម និងប្រទានកម្មទាមទារអោយមានឯកសារបញ្ជាក់ទំនាក់ទំនងអំពីញ្ញាតិ ដូចជាសៀវភៅគ្រួសារ សំបុត្រកំណើត សំបុត្រអាពាហ៍ពិពាហ៍ ឬឯកសារទាក់ទងផ្សេងៗទៀត៕

ប្រទេសថៃគ្រោងបើកហាងលក់ផលិតផលសម្គាល់ភូមិសាស្ត្ររួមបញ្ចូលជាមួយផលិតផលកម្ពុជានិងអាស៊ាន

ដោយៈ ប៊ី

បាងកកៈ ហាងលក់ផលិតផលសម្គាល់ភូមិសាស្ត្រ (GI) ដំបូងបង្អស់ ដែលដាក់លក់ផលិតផលមានលក្ខណៈពិសេសពីទូទាំងប្រទេសថៃ គ្រោងនឹងបើកដំណើរនៅទីក្រុងបាងកកនា ខែកក្កដាខាងមុខនេះ ខណៈជាផ្នែកមួយនៃកិច្ចខិតខំប្រឹងប្រែង ដើម្បីជួយការលក់មានភាពប្រសើរឡើង ចំពេលវិបត្តិសេដ្ឋកិច្ចនេះ។

នាយកដ្ឋានកម្មសិទ្ធិបញ្ញាថៃ បានផ្តួចផ្តើមគំនិតបើកហាងលក់ផលិតផលសម្គាល់ភូមិសាស្ត្រនេះ ហើយមានផែនការលើកកម្ពស់ និងការពារសិទ្ធិកម្មសិទ្ធិបញ្ញាសម្រាប់ហាងលក់ផលិតផលសម្គាល់ភូមិសាស្ត្រទាំងក្នុងស្រុក និងទីផ្សារអាស៊ាន ដែលមានរួមានផលិតផលរបស់កម្ពុជាផងដែរ។ នេះបើយោងតាមការចេញផ្សាយរបស់កាសែតបាងកកប៉ុស្តិ៍ នៅថ្ងៃទី២០ ខែមេសា ឆ្នាំ២០២១។

GI គឺជាវិញ្ញាបនប័ត្រ ដែលបង្ហាញថាទំនិញ ដែលមានលក្ខណៈពិសេសៗមកពីតំបន់ជាក់លាក់ ខេត្ត តំបន់ ឬប្រទេសមួយចំនួន។
លោក Vuttikrai Leewiraphan ប្រធាននាយកដ្ឋានកម្មសិទ្ធិបញ្ញា បាននិយាយថា នាយកដ្ឋានកំពុងត្រៀមចុះអនុស្សរណៈយោគយល់គ្នាជាមួយផ្សារ MBK នៅក្នុងស្រុក Pathumwan ដើម្បីបង្កើតហាង GI ដំបូងគេ។

ផលិតផលអាហារនឹងត្រូវដាក់លក់ នៅពេលហាងដំបូងបើកនៅថ្ងៃទី១៣ ខែកក្កដាខាងមុខ ដែលជាផ្នែកមួយនៃពិធីបុណ្យ៥ថ្ងៃ ដែលមានគោលបំណងអប់រំប្រជាជនអំពីផលិតផលGI។

ហាងទំនិញ GI គឺជាបណ្តាញលក់ថ្មីមួយ ដែលស្ថិតក្រោមផែនការរបស់នាយកដ្ឋាន ដើម្បីផ្សព្វផ្សាយផលិតផលតាមអនឡាញ និងក្រៅប្រព័ន្ធអនឡាញ ហើយជួយអ្នកលក់ ដែលភាគច្រើនជាអ្នកភូមិ សម្រាលបន្ទុកពីវិបត្តកូវិដ១៩ ខណៈពិព័រណ៍ពាណិជ្ជកម្មកម្រត្រូវបានរៀបចំឡើងសម្រាប់ដាក់លក់ផលិតផល។

នាយកដ្ឋានបានរាយការណ៍ថា ថៃបានរកចំណូលបានចំនួន៣៦ពាន់លានបាត គិតចាប់តាំងពីរដ្ឋាភិបាលបានចាប់ផ្តើមផ្សព្វផ្សាយផលិតផលGI។

ផលិតផល GI បរទេសចំនួន១៧ ត្រូវបានចុះបញ្ជីនៅក្នុងប្រទេសថៃ រួមទាំងស្រាមកពីតំបន់ Napa Valley (អាមេរិក) ស្រា tequila (ម៉ិកស៊ិកូ) ស្រាវីស្គី Scotch (ស្កុតឡេន) ស្រាសំប៉ាញ (បារាំង; កាហ្វេប៊ុនម៉ាធូត (វៀតណាម) ម្រេចកំពត និងស្ករត្នោតកំពង់ស្ពឺ (កម្ពុជា) និងស្រា Brunello Di Montalcino (អ៊ីតាលី)៕

ទោះស្ថិតក្នុងវិបត្តិកូវីដ១៩ បុរីគីម ស័ងនៅតែផ្តល់សេវាកម្មដល់អតិថិជនតាមប្រព័ន្ឋទូរស័ព្ទនិងបណ្តាញសង្គម

ដោយៈគង់ សូរិយា

ភ្នំពេញៈ ទោះបីស្ថិតក្នុងវិបត្តិកូវីដ១៩ក្តី ប៉ុន្តែបុរីគីម ស័ងនៅតែផ្តល់សេវាកម្មដល់អតិថិជន ដែលចង់ទិញផ្ទះនៅក្នុង បុរី គីម ស័ង តាមរយៈប្រព័ន្ឋទូរស័ព្ទ និងបណ្តាញទំនាក់ទំនងសង្គម ដូចជាfacebook, Telegramជាដើម។

ប្រធានផ្នែកទីផ្សារបុរីគីម ស័ង លោកសុខ ស៊ីវផេង បានមានប្រសាសន៍ឲ្យដឹងតាមទូរស័ព្ទនៅព្រឹកថ្ងៃទី១៩ មេសាកន្លងមកថា ជាមួយនឹងការផ្តល់សេវាកម្មប្រកបដោយភាពរួសរាយរាក់ទាក់ និងប្រកបដោយភាពកក់ក្តៅ បុរីគីម ស័ង នៅតែផ្តល់សេវាកម្មជូនអតិថិជនជាទីស្រលាញ់ តាមរយៈបណ្តាញទំនាក់ទំនងសង្គមផ្សេង និងលេខទូរស័ព្ទផងដែរ។

លោកបន្តថា “ដោយផ្តោតលើប្រណីតភាព គុណភាព និងផាសុខភាពក្នុងការរស់នៅ បុរីគីម ស័ងបាននិងកំពុងទទួលបានការគាំទ្រ កាន់តែច្រើនពីអតិថិជន ជាក់ស្តែងទោះក្នុងវិបត្តិកូវីដ១៩ក្តី ក៏មានះអតិថិជនជាច្រើនបានបន្តកក់លំនៅដ្ឋានរបស់យើង”។

លោកស៊ីវ សុខផេងបានបន្តថា ជាមួយនឹងល្បឿននៃការអភិវឌ្ឍរាជធានីភ្នំពេញ និងកំនើនប្រជាពលរដ្ឋ កាន់តែកើនឡើងពីមួយថ្ងៃទៅមួយថ្ងៃ បានធ្វើឲ្យអ្នកវិនិយោគបុរី គីម ស័ង សម្រេចចិត្តវិនិយោគលំនៅដ្ឋានដ៏ប្រណីត ស្របនឹងបណ្តោយផ្លូវថៃ ហ្គ័រ ដែលបុរីនេះមានផ្ទៃដី៥ហិកតា និងកំពុងដាក់លក់ផ្ទះបីប្រភេទ ដូចជា Shop House, វីឡាកូនកាត់ និងវីឡាភ្លោះ ដែលមានតម្លៃចាប់ពី១៣ម៉ឺន ដល់២៦ម៉ឺនដុល្លារអាមេរិក។

លោកបន្តថា ជាមួយនឹងសេវាកម្មប្រកបដោយទំនុកចិត្ត និងលំនៅដ្ឋានដែលសាងសង់ឡើង ផ្តោតលើតម្លៃនិងគុណភាពជីវិត បុរីគីម ស័ងស្ថិតនៅលើផ្ទៃដីជាង៥ហិកតា និងមានទីតាំងស្ថិតនៅលើផ្លូវស្រាបៀតថៃហ្គ័រ ឆ្ពោះទៅស្ពានព្រែកសំរោង បាននិងកំពុងសាងសង់យ់ាងមមាញឹក ដើម្បីឆ្លើយតបនឹងផែនការអភិវឌ្ឍន៍របស់ម្ចាស់បុរីផង និងការឆ្លើយតបនឹងតម្រូវការរបស់អតិថិជនផង។

សម្រាប់ព័ត៌មានលម្អិតសូមទំនាក់ទំនងមកកាន់លេខ៖ 078 915 999/ 086 915 999ទីតាំងគម្រោង៖ផ្លូវលេខ114 (ផ្លូវថៃហ្គ័រ) ខណ្ឌ ច្បារអំពៅ រាជធានីភ្នំពេញ https://goo.gl/maps/KzpJBe1mvyMywny88 ៕

ប្រធានអង្គការសុខភាពពិភពលោកអះអាងថា ពិភពលោកអាចគ្រប់គ្រងជំងឺកូវីដ១៩បានក្នុងរយៈពេលប៉ុន្មានខែប៉ុណ្ណោះ

ដោយៈ ប៊ី

ភ្នំពេញៈ ប្រធានអង្គការសុខភាពពិភពលោក (WHO) បានប្រាប់សន្និសីទសារព័ត៌មានមួយកាលពីថ្ងៃចន្ទ ទី១៩ ខែមេសាកន្លងមកនេះថា ពិភពលោកអាចគ្រប់គ្រងការរាតត្បាតនៃជំងឺកូវីដ១៩បាន ដោយប្រើប្រាស់រយៈពេលប៉ុន្មានខែខាងមុខនេះ ប្រសិនបើធនធានចាំបាច់ត្រូវបានចែកចាយដោយស្មើភាព។ នេះបើយោងតាមករចេញផ្សាយរបស់សារព័ត៌មាន CNA នៅថ្ងៃទី២០ ខែមេសា ឆ្នាំ២០២១។

កុមារី Greta Thunberg សកម្មជនបំរែបំរួលអាកាសធាតុសកលលោក ដែលចូលរួមក្នុងសន្និសីទកាសែតនេះ ក្នុងនាមជាភ្ញៀវពីប្រទេសស៊ុយអែត តាមរយៈប្រព័ន្ធវីដេអូ Conference បានវាយប្រហារលើ “ការចាក់វ៉ាក់សាំងជាតិនិយម” ហើយបាននិយាយថា វាមិនសមហេតុផលទេ ដែលប្រទេសអ្នកមាន កំពុងផ្តល់អាទិភាពដល់ពលរដ្ឋវ័យក្មេងរបស់ពួកគេ ជាជាងការផ្តល់វ៉ាក់សាំងដល់ក្រុមងាយរងគ្រោះ នៅក្នុងប្រទេសកំពុងអភិវឌ្ឍន៍។

ចំណែកប្រធានអង្គការសុខភាពពិភពលោកលោក Tedros Adhanom Ghebreyesus មានប្រសាសន៍ថា“ យើងមានឧបករណ៍ ដើម្បីធ្វើឱ្យជំងឺរាតត្បាតនេះឱ្យស្ថិតក្នុងការគ្រប់គ្រងក្នុងរយៈពេលប៉ុន្មានខែ ប្រសិនបើយើងអនុវត្តវាឱ្យបានជាប់លាប់ និងប្រកបដោយសមធម៌”។

ទោះយ៉ាងណា លោកក៏បានសម្តែងការព្រួយបារម្ភចំពោះ “អត្រាប្រកាសអាសន្ន” ដែលកូវីដ១៩ កំពុងរីករាលដាលដល់អ្នកដែលមានអាយុពី២៥ ដល់៥៩ឆ្នាំ នៅទូទាំងពិភពលោក ដែលអាចបណ្តាលមកពីកូវីដ១៩ ក្លែងខ្លួនថ្មី។

លោកបានថ្លែងថា “ជំងឺកូវីដ១៩ ចំណាយពេល៩ខែ ដើម្បីធ្វើឱ្យមនុស្សស្លាប់១លាននាក់ រយៈពេល៤ខែមនុស្សស្លាប់២លាននាក់ និង៣ខែ នឹងមានមនុស្សស្លាប់ឈានដល់៣លាននាក់”។

កុមារី Thunberg បាននិយាយថា មនុស្សម្នាក់ក្នុងចំណោម៤នាក់ នៅក្នុងប្រទេសដែលមានប្រាក់ចំណូលខ្ពស់ បានចាក់វ៉ាក់សាំងប្រឆាំងនឹងជំងឺកូវីដ១៩ ខណៈមានតែមនុស្សម្នាក់ ក្នុងចំណោមមនុស្សជាង៥០០នាក់ នៅក្នុងប្រទេសក្រីក្របានទទួលការចាក់វ៉ាក់សាំងប្រឆាំងនឹងជំងឺកូវីដ១៩។

កុមារីរូបនេះបានថ្លែងថា “វ៉ាក់សាំងជាតិនិយមគឺជាបញ្ហា ដែលកំពុងធ្វើឱ្យដំណើរការចែកចាយវ៉ាក់សាំង មិនមានភាពស្មើគ្នា។ រឿងត្រឹមត្រូវខាងសីលធម៌តែមួយគត់ដែលត្រូវធ្វើ គឺផ្តល់អាទិភាពដល់ប្រជាជន ដែលងាយរងគ្រោះបំផុត មិនថាពួកគេរស់នៅក្នុងប្រទេសដែលមានប្រាក់ចំណូលខ្ពស់ ឬប្រទេសដែលមានប្រាក់ចំណូលទាបនោះទេ”៕

សម្តេតេជោបានលើកឡើងពីភាពដឹកនាំសកលរបស់មហាមិត្តចិន

ដោយៈស៊ីវ ម៉េង

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានវាយតម្លៃខ្ពស់លើភាពជាអ្នកដឹកនាំសកលរបស់ចិន និងគំនិតផលប្រយោជន៍នៃគំនិតផ្តួចផ្តើមខ្សែក្រវ៉ាត់១ និងផ្លូវ១របស់ចិន។

ក្នុងសុន្ទរកថាបើកវេទិកាបូអៅសម្រាប់អាស៊ី ដែលរៀបចំដោយប្រទេសចិន សម្តេចតេជោ ហ៊ុន សែន បានវាយតម្លៃខ្ពស់ចំពោះការយកចិត្តទុកដាក់ខ្ពស់ និងការប្តេជ្ញាចិត្តរបស់ប្រទេសចិន ក្នុងការអនុវត្ត «ផ្លូវសូត្រសុខភាព» ក្រោមគំនិតផ្ដួចផ្តើមខ្សែក្រវាត់ និងផ្លូវ និងតួនាទីឈានមុខក្នុងការផ្ដល់នូវថ្នាំពេទ្យ, គ្រឿងបរិក្ខារវេជ្ជសាស្រ្ត និងវ៉ាក់សាំងការពារកូវីដ-១៩ ទាន់ពេលវេលាទៅកាន់ ប្រទេសជាច្រើន ដែលនេះជាសក្ខីភាពមួយយ៉ាងប្រចក្សអំពីភាពដឹកនាំសកលរបស់ប្រទេសចិន។

សម្តេចតេជោ បានថ្លែងអំណរគុណយ៉ាងជ្រាលជ្រៅបំផុតចំពោះរដ្ឋាភិបាល និងប្រជាជនចិន ដែលបានផ្តល់ថ្នាំពេទ្យ, គ្រឿងបរិក្ខារវេជ្ជសាស្ត្រ ក៏ដូចជាវ៉ាក់សាំងការពារជំងឺកូវីដ-១៩ ចំនួន ២,៨លានដូសដល់កម្ពុជា។

វេទិកាបូអាវសម្រាប់អាស៊ីខួបទី២០ឆ្នាំ ត្រូវបានបើកជាផ្លូវការនៅព្រឹកថ្ងៃទី២០ ខែមេសា ឆ្នាំ២០២១ នៅក្នុងប្រទេសចិន។ ការបើកវេទិកានេះ ត្រូវបានធ្វើឡើងដោយមានការអញ្ជើញចូលរួមពីថ្នាក់ដឹកនាំនៃប្រទេសជាសមាជិក ដែលរួមមានសម្តេចតេជោ ហ៊ុន សែន នាយករដ្ឋមន្ត្រីកម្ពុជាផងដែរ។

ដោយសារតែវិបត្តិនៃជំងឺកូវីដ១៩ ការបើកវេទិកានេះ មិនអាចប្រព្រឹត្តទៅដោយអធឹកអធមដូចបណ្តាឆ្នាំកន្លងទៅនោះឡើយ ដោយត្រូវធ្វើឡើងតាមរយៈប្រព័ន្ធវីដេអូប៉ុណ្ណោះ។

វេទិកាបូអាវសម្រាប់អាស៊ី (BFA) ជាអង្គការក្រៅរដ្ឋាភិបាលអន្ដរជាតិ ដែលមិនរកប្រាក់ចំណេញ ស្ថិតក្នុងប្រទេសចិន និងជាវេទិកាបូអាវសម្រាប់អាស៊ីដ៏ល្បីល្បាញ និងសំខាន់បំផុតសម្រាប់អ្នកដឹកនាំ មកពីរដ្ឋាភិបាលធុរកិច្ច និងសាកលវិទ្យាល័យ នៅទ្វីបអាស៊ី និងទ្វីបដទៃទៀតដើម្បីចែករំលែកចក្ខុវិស័យ ស្តីពីបញ្ហាចំបងនៅក្នុងតំបន់ ដែលមានសក្តានុពលជុំវិញពិភពលោក។

នៅឆ្នាំ២០២១នេះ វេទិកានេះ ត្រូវបានប្រារព្ធធ្វើឡើងក្រោមប្រធានបទ “ពិភពលោកក្នុងការផ្លាស់ប្ដូរ៖ រួមដៃគ្នាដើម្បីពង្រឹងអភិបាលកិច្ចសកល និង លើកកម្ពស់កិច្ចសហប្រតិបត្តិការខ្សែក្រវាត់ និងផ្លូវ”។

សម្តេចតេជោ ហ៊ុន សែន បានថ្លែងអបអរសាទរចំពោះខួបគម្រប់ ២០ឆ្នាំនៃការបង្កើតវេទិកានេះ។ សម្តេចតេជោ បានគូសបញ្ជាក់ថា រយៈពេល២០ឆ្នាំកន្លងមក វេទិកានេះ បានចូលរួមចំណែកយ៉ាងសំខាន់ ក្នុងការជំរុញកិច្ចសហប្រតិបត្តិការនយោបាយ, សេដ្ឋកិច្ច-សង្គម, វប្បធម៌ និងបរិស្ថាន៕

សម្តេចតេជោៈការសម្រេចបានរបស់BRIបានរួមចំណែកដល់កិច្ចសហប្រត្តិបត្តិការលើពិភពលោក

ដោយៈគង់ សូរិយា

ភ្នំពេញៈ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានថ្លែងថា សន្ទុះវិជ្ជមាននៃគំនិតខ្សែក្រវ៉ាត់ និងផ្លូវ(BRI)ចាប់តាំាំងពីបានបង្កើតមក បានរួមចំណែកដល់កិច្ចសហប្រតិបត្តិការរលើពិភពលោក។

សម្តេចបានថ្លែងក្នុងវេទិកាបូអៅ តាមរយៈប្រព័ន្ឋទំនាក់ទំនងសង្គមនាមុនពេលនេះបន្តិចថា ចាប់តាំងពីការបង្កើតមក គំនិតផ្តួចផ្តើមខ្សែក្រវ៉ាត់ និងផ្លូវបានរួមចំណែកដល់កិច្ចសហប្រតិបត្តិការក្នុងកម្រិតតំបន់ និងពិភពលោកលើហេដ្ឋារចនាសម្ព័ន្ឋរឹង និងទន់ សេដ្ឋកិច្ច ពាណិជ្ជកម្ម កាលានុវត្តន៍ភាព ការវិនិយោគ ការផ្លាស់ប្តូរវប្បធ៌មរវាងប្រជាជន និងប្រជាជន ខណៈការតភ្ជាប់រវាងប្រជាជន និងប្រជាជន។

សម្តេចបានបន្តថា “ខណៈពេលដែលសេដ្ឋកិច្ចកំពុងធ្លាក់ចុះនេះ គំនិតផ្តួចផ្តើមខ្សែក្រវ៉ាត់ និងផ្លូវនៅតែជាកម្លាំងជម្រុញដើម្បីបន្តកិច្ចសហប្រតិបត្តិការ ក្នុងចំណោមប្រទេសក្នុងតំបន់ និងពិភពលោកសំរាប់បុព្វហេតុសន្តិភាព សន្តិសុខ វិបុលភាព និងការអភិវឌ្ឍប្រកបដោយចេរភាព”៕

សមាគមវារីវប្បករនៅកម្ពុជាៈ មិនមានការតម្លើងថ្លៃត្រី ក្នុងកាលៈទេសៈប្រទេសជួបវិបត្តិជំងឺកូវីដ១៩នោះទេ

ដោយៈ ប៊ី

ភ្នំពេញៈ សមាគមវារីវប្បករនៅកម្ពុជា អះអាងថា មិនកេងយកចំណេញហួសប្រមាណ និងមិនមានការតម្លើងថ្លៃ ក្នុងកាលៈទេសៈ ដែលប្រទេសកម្ពុជាកំពុងជួបប្រទះនូវវិបត្តិសកលនៃជំងឺកូវីដ១៩នោះទេ។ នេះបើយោងតាមសេចក្តីប្រកាសព័ត៌មានរបស់សមាគម នៅថ្ងៃទី២០ ខែមេសា ឆ្នាំ២០២១។

សមាគមបានឱ្យដឹងថា “ក្នុងនាមជនរួមឈាមខ្មែរតែមួយ បងប្អូនវារីវប្បករកម្ពុជាយើង មិនដែលកេងយកចំណេញហួសប្រមាណ ក្នុងកាលៈទេសៈដែលប្រទេសយើងកំពុងជួបប្រទះ នូវវិបត្តិសកលនៃជំងឺកូវីដ-១៩ នេះទេ”។

សមាគមបានបញ្ជាក់ឲ្យដឹងថា នៅក្នុងខែមេសា ឆ្នាំ២០២១នេះ បងប្អូនវារីវប្បករ ដែលជាសមាជិកសមាគមត្រឹមតែ២៧៣កន្លែង មានត្រីបួនប្រភេទ (ប្រា ពោ ឆ្ពោះ និងអណ្តែង) សរុប ១២ ៤៨៥ តោន ដល់ពេលត្រូវចាប់លក់ហើយ។

សមាគមវារីវប្បករកម្ពុជាលើកឡើងថា នៅក្នុងខែមេសា ឆ្នាំ២០២១នេះ បងប្អូនវារីវប្បករ ដែលជាសមាជិក សមាគមត្រឹមតែ២៧៣កន្លែង មានត្រីបួនប្រភេទ(ប្រា ពោ ឆ្ពោះ និងអណ្តែង) សរុប ១២ ៤៨៥ តោន ដែលដល់ពេលត្រូវចាប់លក់ ហើយមកដល់ថ្ងៃនេះ ត្រីទាំងបួនប្រភេទមានដល់ជាង៩០% នៅកកស្ទះក្នុងស្រះនៅឡើយ។ តម្លៃលក់ត្រីចេញពីស្រះ របស់បងប្អូនវារីវប្បករកម្ពុជាយើង គឺមិនមានការតម្លើងថ្លៃទាល់តែសោះ។

តម្លៃត្រីសំខាន់ៗ ក្នុងទីផ្សារលក់ចេញពីស្រះ ក្នុងខែមេសានេះគឺ៖ ទី១៖ ត្រីប្រា មានតម្លៃពី៤០០០រៀល ទៅ៤២០០រៀល ទី២៖ ត្រីពោ មានតម្លៃចាប់ពី៥៨០០រៀល ដល់៦០០០រៀល ទី៣៖ ត្រីអណ្តែង មានតម្លៃចាប់ពី៣៨០០រៀល ដល់៤៥០០រៀល និងទី៤៖ ត្រីឆ្ពោះមានតម្លៃចាប់ពី៩២០០រៀល ដល់១០២០០រៀល។

តម្លៃត្រីដែលលក់ចេញពីស្រះខាងលើនេះ បងប្អូនវារីវប្បករយើង នៅពុំទាន់រួចថ្លៃដើមផលិតនៅឡើយទេ ប៉ុន្តែត្រូវបង្ខំចិត្តលក់ ព្រោះបងប្អូនយើងមានកាតព្វកិច្ច ត្រូវបង់ប្រាក់សងធនាគារ បង់ថ្លៃទិញចំណីត្រី ប្រឈមការ បំរែបំរួលអាកាសសួធាតុ និងត្រីមួយចំនួនអាចធំ ហួសកម្រិតដែលទីផ្សារចង់បានទៀតផង។

ជាមួយគ្នានេះ សមាគមវារីវប្បករនៅកម្ពុជា សូមអំពាវនាវដល់បងប្អូនជនរួមជាតិកម្ពុជាទាំងអស់ បន្តជួយគាំទ្រផលិតផលក្នុងស្រុក។

ជារួមតម្លៃទំនិញមួយចំនួន ដូចជា អង្ករ មី សាច់មាន់ សាច់ជ្រូកសាច់គោ ត្រីងៀត ពងមាន់ ពងទា ទឹកត្រី ទឹកស៊ីអ៊ីវ ដែលលក់នៅផ្សារមួយចំនួន៣០ក្នុងរាជធានីភ្នំពេញ មានការឡើងថ្លៃបន្តិចបន្តួច លើកលែងតែត្រីដែលមានការឡើងថ្លៃខ្ពស់ជាងគេ។ កត្តា ដែលនាំឲ្យត្រីមានការឡើងថ្លៃ ដោយសារត្រីមួយភាពត្រូវបាននាំចូល ហើយពេលចូលឆ្នាំ អ្នកធ្វើការ និងភ្ជាប់មកដល់ពេលបិទខ្ទប់ផង ធ្វើឲ្យការរៀបចំឯកសារនាំចូលមានការយឺតយ៉ាវ។

លោកស៊ាង ថៃរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម បានមានប្រសាសន៍កាលពីថ្ងៃទី១៩ ខែមេសា ឆ្នាំ២០២១នេះថា ពេលនេះ ក្រសួងពាណិជ្ជកម្មបានធ្វើការជាមួយអគ្គនាយកដ្ឋានគយ និងរដ្ឋាករ សម្រួលឲ្យក្រុមហ៊ុនជំពាក់ឯកសារនាំចូល ធ្វើឲ្យត្រីអាចនាំចូលមកបាន។ ប៉ុន្តែនៅមានការលំបាកមួយទៀត គឺការដឹកជញ្ជូនក្នុងពេលបិទខ្ទប់ ដែលបញ្ហានេះនឹងត្រូវបានសម្រួលមកវិញដោយអាជ្ញាធរខេត្ត និងរាជធានី ពេលនោះតម្លៃត្រីនឹងចុះមកវិញជាមិនខាន។

លោកបានឱ្យដឹងទៀតថា ក្រុមការងារសង្កេតឃើញថា បញ្ហាស្បៀងអាហារ ត្រីសាច់ នៅក្នុងប្រទេសកម្ពុជាមានគ្រប់គ្រាន់សម្រាប់បម្រើតម្រូវការរបស់ប្រជាជនយើង តែបញ្ហាដែលត្រូវដោះស្រាយ គឺធ្វើយ៉ាងណាឲ្យទំនិញទាំងនោះ បានទៅដល់ដៃប្រជាពលរដ្ឋ ដោយរលូនក្នុងពេលបិទខ្ទប់នេះ៕

ផ្សារហ៊ុននៅក្នុងសង្កាត់ដ៏ល្បីល្បាញនៃទីក្រុងញូវយ៉កបានដាំក្បាលចុះ

ដោយ សុខុម

ញូវយ៉កៈ ទីផ្សារភាគហ៊ុនរបស់សហរដ្ឋអាមេរិក បានដាំក្បាលចុះកាលពីថ្ងៃច័ន្ទ ទី១៩ មេសា ក្រោយហក់ឡើងខ្ពស់មិនធ្លាប់មានកាលពីសប្ដាហ៍មុន ខណៈភាគហ៊ុននៃក្រុមហ៊ុន Tesla Inc របស់កំពូលមហាសេដ្ឋី Elon Musk បានដាំក្បាលចុះ ក្រោយមានគ្រោះថ្នាក់ចរាចរណ៍មួយដែលបណ្ដាលឱ្យមនុស្សស្លាប់។ នេះបើយោងតាមសារព័ត៌មាន The Edge Markets ចុះផ្សាយនៅថ្ងៃទី២០ មេសា នេះ។

ភាគហ៊ុនរបស់ក្រុមហ៊ុនផលិតរថយន្តអគ្គិសនីមួយនេះបានធ្លាក់ចុះ៣.៤% បន្ទាប់ពីរថយន្ត Tesla ដែលគេជឿថាអាចបើកបរដោយស្វ័យប្រវត្តិដោយមិនចាំបាច់មានតៃកុង បានជួបគ្រោះថ្នាក់បុកដើមឈើកាលពីថ្ងៃសៅរ៍ ចុងសប្ដាហ៍កន្លងទៅនៅភាគខាងជើងនៃទីក្រុងហ៊ូស្តុន (Houston) រដ្ឋតិចសាស សហរដ្ឋអាមេរិក បណ្ដាលឱ្យអ្នកជិះ២នាក់បាត់បង់ជីវិត។

ភាគហ៊ុនក្រុមហ៊ុននេះមានចំណែកធំបំផុតនៅផ្សារភាគហ៊ុន S&P 500 និងផ្សារភាគហ៊ុន Nasdaq Composite Index ។ ការធ្លាក់ចុះ៨,៤%កាលពីចុងសប្តាហ៍កន្លងទៅនូវតម្លៃរូបិយប័ណ្ណអេឡិចត្រូនិច Bitcoin ដែលក្រុមហ៊ុន Tesla ក៏មានការវិនិយោគដែរនោះ ក៏រួមចំណែកធ្វើឱ្យតម្លៃភាគហ៊ុនរបស់ខ្លួនធ្លាក់ចុះផងដែរ។

ផ្សារភាគហ៊ុន S&P 500 បានធ្លាក់ចុះច្រើនជាងគេ ដោយភាគហ៊ុនរបស់ក្រុមហ៊ុន Microsoft Corp ក្រុមហ៊ុន Amazon.com Inc និងក្រុមហ៊ុន Nvidia Corp ក៏បានធ្លាក់ចុះដែរ ខណៈក្រុមអ្នកវិភាគកំពុងសញ្ជឹងរង់ចាំអ៊ុតលទ្ធផលប្រាក់ចំណូលនៅសប្តាហ៍នេះ និងសប្ដាហ៍ក្រោយ។

យោងតាមទិន្នន័យរបស់ក្រុមហ៊ុនផ្ដល់ទិន្នន័យហិរញ្ញវត្ថុ និងហេដ្ឋារចនាសម្ព័ន្ធពិភពលោក Refinitiv IBES បង្ហាញថា ក្រុមអ្នកវិភាគរំពឹងថា ប្រាក់ចំណូលនៅត្រីមាសទី១ដើមឆ្នាំនេះនឹងកើនឡើង៣០,៩%ធៀបនឹងឆ្នាំមុននេះ។

អចលនទ្រព្យគឺជាវិស័យតែមួយគត់ក្នុងចំណោមវិស័យទាំង១១នៅផ្សារភាគហ៊ុន S&P 500 ដែលបានហក់ឡើង។

ក្រុមហ៊ុន Nvidia បានដាំក្បាលចុះ៣.៥% បន្ទាប់ពីរដ្ឋាភិបាលអង់គ្លេស បាននិយាយថា ខ្លួននឹងពិនិត្យវាយតម្លៃផលប៉ះពាល់ដល់សន្តិសុខជាតិជុំវិញបញ្ហាក្រុមហ៊ុននេះទិញយកក្រុមហ៊ុនឌីហ្សាញបន្ទះឈីបអង់គ្លេស ARM Holdings ក្នុងតម្លៃ៤០ពាន់លានដុល្លារ។

ភាគហ៊ុនក្រុមហ៊ុន Coca-Cola បានហក់ឡើង០,៦%ដោយសារការបន្ធូរបន្ថយវិធានការទប់ស្កាត់ការឆ្លងរាតត្បាតវីរុសកូវីដ-១៩ និងការចែកចាយវ៉ាក់សាំងយ៉ាងទូលំទូលាយ។ ភាគហ៊ុនរបស់ក្រុមហ៊ុនផលិតបន្ទះឈីប International Business Machine Corp បានធ្លាក់ចុះ០,៤% ។

ទន្ទឹមនេះ ផ្សារភាគហ៊ុន Dow Jones Industrial Average បានធ្លាក់ចុះ០,៣៦% ហើយផ្សារភាគហ៊ុន S&P 500 បានធ្លាក់ចុះ០.៥៣% ចំណែកឯផ្សារភាគហ៊ុន Nasdaq Composite បានធ្លាក់ចុះ០.៩៨% ។

យោងតាមទិន្នន័យបង្ហាញថា ទីផ្សារភាគហ៊ុននៅសហរដ្ឋអាមេរិក មានភាគហ៊ុនរហូតដល់ទៅ៩,៨៦ពាន់លានហ៊ុន៕

ឧកញ៉ាម៉ាន់ ច័ន្ទឌី ៖ ការបង់រំលោះលំនៅដ្ឋានតាមប្រព័ន្ធធនាគារអាចជួបឧបសគ្គបើសិនការបិទក្រុងនៅតែអូសបន្លាយ

ដោយ ៖ រ៉ាណេត

ភ្នំពេញ ៖ ថ្វីត្បិតវិបត្តិជំងឺកូវីដ បាននឹងកំពុងធ្វើឱ្យប៉ះពាល់ដល់ទីផ្សារនៃការលក់អចលនទ្រព្យនៅកម្ពុជាក៏ពិតមែន ប៉ុន្តែសម្រាប់អតិថិជនដែលមានភាពស្មោះត្រង់ និងមានមនសិកាទទួលខុសត្រូវដែលបានទិញគម្រោងលំនៅដ្ឋាននានានៅតែបន្តបង់រំលោះជាធម្មតា ដោយភាគច្រើនយកប្រព័ន្ធធនាគារធ្វើជាមធ្យោបាយក្នុងការប្រាក់ប្រចាំខែ។

លោកឧកញ៉ាម៉ាន់ ច័ន្ទឌី អគ្គនាយកក្រុមហ៊ុន PREMIUM Group បានមានប្រសាសន៍ថា ទោះជាស្ថិតនៅក្នុងកាលទេសៈដែលកំពុងប្រឈមនឹងបញ្ហាសេដ្ឋកិច្ចនាពេលបច្ចុប្បន្ននេះក៏ដោយ សម្រាប់អតិថិជនដែលមានឆន្ទៈ ភាពស្មោះត្រង់ និងមានលទ្ធភាពនៅតែបន្តបង់រំលោះប្រាក់ប្រចាំខែទៅលើការទិញគម្រោងលំនៅដ្ឋានដដែល ដោយក្នុងចំណោមអតិថិជនទាំងអស់មានភាគតិចណាស់ដែលជួបបញ្ហាមិនមានលទ្ធភាពក្នុងកំឡុងពេលនេះ។

លោកបានបន្តថា ការបង់វិលត្រឡប់ប្រចាំខែរបស់អតិថិជន គឺជាចំណែកមួយយ៉ាងសំខាន់ក្នុងជំរុញដំណើរការអភិវឌ្ឍន៍វិស័យលំនៅដ្ឋានឱ្យនៅតែមានសកម្មភាពដែលខុសប្លែកពីផ្នែកសំណង់ដទៃកំពុងផ្អាកសកម្មភាព។ ប៉ុន្តែទោះជាយ៉ាងណា លោកឧកញ៉ាក៏បានបង្ហាញពីក្ដីបារម្ភផងដែរពាក់ព័ន្ធទៅនឹងវិធានការបិទខ្ទប់រាជធានីភ្នំពេញ និងក្រុងតាខ្មៅដែលបណ្តាលមកពីព្រឹត្តិការណ៍២០កុម្ភៈថា ប្រសិនបើការបិទនេះនៅតែបន្តអូសបន្លាយលើសពី២សប្ដាហ៍ នោះអាចជាឧបសគ្គដល់ដំណើរការបង់ប្រាក់រំលោះប្រចាំខែរបស់អតិថិជន។

លោកឧកញ៉ាបានបញ្ជាក់ថា “អតិថិជនដែលទិញគម្រោងលំនៅដ្ឋានតម្លៃសមរម្យចាប់ពី៧ម៉ឺនដល់១០ម៉ឺនដុល្លារភាគច្រើនធ្វើការបង់ប្រាក់ប្រចាំខែតាមប្រព័ន្ធធនាគារទាំងអស់ ដូច្នេះប្រសិនបើការបិទរាជធានី និងក្រុងនៅតែអូសបន្លាយក្នុងរយៈពេលយូរ នោះអាចក្លាយទៅជាឧបសគ្គដល់ការបង់ប្រាក់របស់អតិថិជន ព្រោះធនាគារដែលស្ថិតនៅក្នុងភូមិសាស្ត្របិទខ្ទប់មិនអាចប្រត្តិការ ឬទទួលអតិថិជនបាននោះទេ ហើយអតិថិជនក៏មិនអាចចរាចរណ៍ទៅកាន់ទីតាំងសាខាធនាគារដទៃទៀតបាននោះដែរ” ។

ជាមួយនឹងការលើកឡើងពីក្ដីបារម្ភនេះ លោកឧកញ៉ាក៏បានសំណូមពរដល់បងប្អូនប្រជាពលរដ្ឋទាំងអស់ ជាពិសេសអ្នករស់នៅក្នុងភូមិសាស្ត្របិទខ្ទប់ មេត្តាចូលរួមជាមួយរាជរដ្ឋាភិបាលក្នុងការទប់ស្កាត់ការរីករាលដាលនៃជំងឺកូវីដ១៩ទាំងអស់គ្នា ដើម្បីអាចវិលត្រឡប់ទៅរកស្ថានការណ៍ល្អប្រសើរវិញក្នុងពេលដ៏ខ្លី៕

អ្នកស្រាវជាវចិនៈ កម្ពុជាអំណោយផលសម្រាប់ដំណាំចេកទ្រង់ទ្រាយធំ និងមានគុណភាពខ្ពស់

ដោយៈ ម៉ាណេត

ភ្នំពេញៈ បណ្ឌិត្យសភាវិទ្យាសាស្ត្រកសិកម្មត្រូពិកចិនបានឱ្យដឹងថា ប្រទេសចិនគ្រោងជួយបណ្តាប្រទេសក្នុងតំបន់មេគង្គ-ឡានឆាង ទាញយកសក្តានុពលពីដំណាំចេកក្នុងប្រទេសទាំងនេះ ខណៈប្រទេសកម្ពុជា ដែលស្ថិតនៅតំបន់នេះ មានថ្លៃដើមផលិតទាប និងលក្ខខណ្ឌអាកាសធាតុអំណោយផល។ នេះបើយោងតាមការចេញផ្សាយរបស់សារព័ត៌មាន China Daily នៅថ្ងៃទី១៩ ខែមេសា ឆ្នាំ២០២១ ។

លោក Xie Jianghui អនុប្រធានបណ្ឌិតសភា បានមានប្រសាសន៍ថា ឧស្សាហកម្មដំណាំចេកបានដើរតួនាទីកាន់តែសំខាន់នៅក្នុងប៉ុន្មានឆ្នាំថ្មីៗនេះនៅក្នុងបណ្តាប្រទេសនៅតាមដងទន្លេមេគង្គ-ឡានឆាង ខណៈចិនបានចាប់ផ្តើមស្វែងរកកិច្ចសហប្រតិបត្តិការនៅក្នុងតំបន់ និងជួយលើកកម្ពស់ប្រជាជនក្នុងតំបន់ចេញពីភាពក្រីក្រតាមរយៈអាជីវកម្មដែលពាក់ព័ន្ធនឹងដំណាំនេះ។

លោក Xie ជាប្រធានអ្នកវិទ្យាសាស្ត្រនៃឧស្សាហកម្មដំនាំចេកជាតិផងដែរនេះ បានថ្លែងថា ចិនគឺប្រទេសផលិត និងប្រទេសទទួលទានចេកធំជាងគេទី២លើពិភពលោក ហើយត្រូវបានគេប៉ាន់ស្មានថាផលិតបាន៩,៩ លានតោនគូប កាលពីឆ្នាំមុន និងបាននាំចូល៣លានតោន ពីហ្វីលីពីន និងអេក្វាឌ័រ។

លោក Wang Anbang ប្រធានគម្រោងសហប្រតិបត្តិការសម្រាប់ឧស្សាហកម្មដំណាំចេកក្នុងតំបន់បាននិយាយថា បណ្តាប្រទេសនៅតំបន់មេគង្គ-ឡានឆាង ដូចជាកម្ពុជា ឡាវ និងមីយ៉ាន់ម៉ា មានគុណសម្បត្តិក្នុងការដាំចេក ដូចជាថ្លៃដើមទាប និងលក្ខខណ្ឌអាកាសធាតុល្អ។

លោកបានមានប្រសាសន៍ថា “បណ្តាប្រទេសកំពុងរីកចម្រើន ដូចជាប្រទេសកម្ពុជា នៅតែមានដីស្រែចំការយ៉ាងសំបូរបែប ដោយមិនមានការប៉ះពាល់ និងមានការបំពុលថ្នាំសំលាប់សត្វល្អិតតិចទេ។ ទន្ទឹមនឹងនេះ ពន្លឺព្រះអាទិត្យ និងព្យុះទីហ្វុងតិច អាចកាត់បន្ថយវដ្តនៃការលូតលាស់ និងសមស្របសម្រាប់ការដាំចេកដែលមានទ្រង់ទ្រាយធំ និងមានគុណភាពខ្ពស់” ។

CATAS ដែលជាស្ថាប័នស្រាវជ្រាវវិទ្យាសាស្ត្រ និងស្ថិតក្រោមក្រសួងកិច្ចការកសិកម្ម និងជនបទ មានទីតាំងនៅខេត្តហៃណាន ចិនខាងត្បូង និងបង្កើតក្រុមជំនាញជាតិនៅហៃគូ ខេត្តហៃណាន ដើម្បីពង្រឹងសមត្ថភាពបច្ចេកវិទ្យារបស់ក្រុមហ៊ុនចេកចិន ហើយត្រូវបានផ្តល់មូលនិធិ ដោយកិច្ចសហប្រតិបត្តិការមេគង្គ-ឡានឆាង ដែលជាក្របខ័ណ្ឌដែ លស្នើដោយនាយករដ្ឋមន្ត្រីលី ខឺឈាង កាលពីឆ្នាំ២០១៤ ។

CATAS បានឱ្យដឹងថា ក្រុមការងារដែលរួមមានអ្នកជំនាញក្នុងការជ្រើសរើសពូជ ការដាំដុះ ការការពារសត្វល្អិត ការអភិរក្សផលិតផល និងដំណើរការឧស្សាហកម្មចេកដទៃទៀត ផ្តល់នូវការណែនាំខាងវិទ្យាសាស្ត្រ និងបច្ចេកវិទ្យាដល់បុគ្គលិកក្រុមហ៊ុននៅស្ថានីយ៍ពិសោធន៍ហៃគូ របស់ស្ថាប័នខ្លួន។

CATAS ក៏បានសាងសង់មន្ទីរពិសោធន៍មួយនៅកម្ពុជាជាមួយស្ថាប័នវិទ្យាសាស្ត្រ និងស្រាវជ្រាវក្នុងស្រុក ដើម្បីរួមគ្នាដោះស្រាយបញ្ហាសំខាន់ៗ ហើយបានអញ្ជើញអ្នកស្រាវជ្រាវឱ្យទៅសិក្សានៅប្រទេសចិន ដើម្បីផ្លាស់ប្តូរបច្ចេកវិទ្យា៕

1...1,9711,9721,973...3,260 Page 1,972 of 3,260