ការវិនិយោគលើវិស័យសំណង់ពហុមុខងារនៅក្នុងទីក្រុងភ្នំពេញដាំក្បាលចុះ ៥០ភាគរយ

ដោយៈវុត្ថា

ភ្នំពេញៈ នៅក្នុងអំឡុងពេលនៃវិបត្តិជំងឺកូវីដ១៩នេះ វិស័យសំណង់ស្ទើតែគ្រប់ប្រភេទ ជាពិសេសវិស័យសំណង់អគារពហុមុខងារ នៅក្នុងទីក្រុងភ្នំពេញបានធ្លាក់ចុះប្រមាណ៥០ភាគរយ ដែលបង្កឡើយជំងឺកូវីដ១៩ ។

លោកសារិន វណ្ណា ប្រធានមន្ទីររៀបចំដែនដី នគរូបនីយកម្ម និងសំណង់រាជធានីភ្នំពេញបានប្រាប់គេហទំព័រ Propertyarea.aia កាលពីថ្ងៃទី១១ ខែធ្នូម្សិលមិញនេះ ឱ្យដឹងថា នៅក្នុងវិបត្តិនៃជំងឺកូវីដ១៩នេះ កំណើននៃការវិនិយោគ លើវិស័យសំណង់ប្រភេទអគារពហុមុខងារនៅក្នុងទីក្រុងភ្នំពេញនេះ ធ្លាក់ស្ទើរតែពាក់កណ្តាលដោយសារ វិបត្តិនៃជំងឺកូវីដ ១៩ អូសបន្លាយចាប់តាំងពីដើមឆ្នាំ រហូតមកដល់បច្ចុប្បន្ននេះ ។

ប៉ុន្តែយ៉ាងណាក៏ដោយ លោកប្រធានមន្ទីររូបនេះ មិនបានបញ្ជាក់ពីតួលេខពិតប្រាកដនៃការធ្លាក់ចុះនោះទេ ដោយលោកគ្រាត់តែបញ្ជាក់ថា មានការធ្លាក់ចុះលើវិការវិនិោយោគ ដូចទៅនឹងបណ្តាប្រទេសនានាផងដែរ។

លោកសារិន វណ្ណាបញ្ជាក់ថា ជាមួយនឹងការធ្លាក់ចុះ នៃការវិនិយោគលើវិស័យសំណង់អគារពហុមុខងារ ក៏មានការស្នើសុំវិនិយោគខ្លះៗដែរ ប៉ុន្តែមិនច្រើនដូចមុននោះទេ ដោយសារវិនិយោគិនអន្តរជាតិមិនអាចធ្វើដំណើរមកកាន់ប្រទេសកម្ពុជា។

លោករំពឹងថា វិបត្តិនៃជំងកឺកូវីដ ១៩ មិនថានៅក្នុងប្រទេសកម្ពុជា និងនៅលើពិភពលោកនោះទេ គឺមានបញ្ហាប្រឈមយ៉ាងខ្លាំង ដែលទាមឱ្យក្នុងរយៈពេលយូបន្ថែមទៀត ទើបមានសន្ទុះឡើងវិញ បន្ទាប់ពីជំងឺនេះបានបង់ពិភពលោក និងមានលំហូរវិនិយោគិនបរទេលចូលក្នុងប្រទេស។

លោកស្រី អាន សុធិតា នាយិកាក្រុមហ៊ុន CBRE Cambodia ធ្លាប់បានឱ្យដឹងថា បើទោះបីកម្ពុជាកំពុង ប្រយុទ្ធប្រឆាំងទៅនឹងជំងឺ Covid-19 ដែលកំពុងរីករាលដាលជាសកលនាពេលនេះ តែកម្ពុជានៅតែទទួលបានគម្រោងវិនិយោគក្នុងស្រុក លើវិស័យអចលនទ្រព្យក្រោម ១លានដុល្លារអាមេរិក ប៉ុន្តែមិនច្រើនោះទេ ។

លោកស្រីបន្តថា “ការវិនិយោគនៅក្នុងស្រុកនៅតែមានមួយៗ គឺស្ថិតនៅក្នុងទំហំវិនិយោគដែលមានតម្លៃកន្លះលានដុល្លារអាមេរិក តែបើការវិនិយោគមកពីក្រៅស្រុកវិញ មិនមាននោះទេ ដោយសារវិនិយោគិនមានការព្រួយបារម្ភពីការឆ្លងជំងឺ Covid-19 ដែលកំពុងមានការរីករាលជាសកល។ ម្យ៉ាទៀតគម្រោងវិយោគចាប់២ ទៅ៣លានដុល្លារអាមេរិកគឺមិនមាននោះទេ” ។

លោកស្រីបន្តថា គម្រោងមួយៗក្រោម១លានដុល្លារអាមេរិក ដែលកម្ពុជាទទួលបាននៅពេលនេះ គឺគម្រោងវិនិយោគលើវិស័យលំនៅឋាន ខុនដូ និងដីធ្លីជាដើម។ យ៉ាងណាលោកស្រីរំពឹងថា ក្រោយពីស្ថានភាពនៃជំងឺ Covid-19 ស្ងប់ស្ងាត់ និងធូស្រាលឡើងវិញ គម្រោងវិនិយោគវិនិយោគជាច្រើននឹងចាប់ផ្តើមពុះគជ្រោលឡើងវិញ។

យោងតាមរបាយការណ៍របស់ក្រសួងរៀបចំដែនដី នគរូបនីយកម្ម និងសំណង់បង្ហាញថា តម្លៃទំហំទុនវិនិយោគវិស័យសំណង់ ទូទាំងប្រទេសនៅឆ្នាំ២០១៩ មានតម្លៃសរុបប្រមាណជាង១១ពាន់លានដុល្លារអាមេរិក ដោយបានកើនឡើងជាង៧៨ភារគរយ ធៀបនឹងរយៈពេលដូចគ្នាឆ្នាំ២០១៨ ។

របាយការណ៍ដដែលបន្តថា ការកើនឡើងនៃទំហំវិនិយោគ ក៏ដូចជាគម្រោងវិនិយោគលើវិស័យសំណង់ក្នុងឆ្នាំ២០១៩ ដោយសារតែមានគម្រោងសាងសង់ជាច្រើន រួមមានអគារពាណិជ្ជកម្មចម្រុះ សណ្ឋាគារ រមណីយដ្ឋាន ក្លឹបកម្សាន្ដ គម្រោងសាងសង់ផ្សារទំនើប អគារការិយាល័យ សំណង់អគារស្នាក់នៅរួមខ្ពស់ៗ សំណង់លំនៅដ្ឋានជាលក្ខណៈបុរី សំណង់អគាររោងចក្រឧស្សាហកម្មកាត់ដេរ និងស្បែកជើង និងគម្រោងអភិវឌ្ឍន៍តំបន់សេដ្ឋកិច្ចពិសេស៕

វិភាគ៖ តើប្រទេសចិនមានឥទ្ធិពលខ្លាំងនៅក្នុងតំបន់អាស៊ី បន្ទាប់ពីចុះកិច្ចព្រមព្រៀងបង្កើតប្លុកពាណិជ្ជកម្មធំបំផុតក្នុងលោក?

ដោយ វុត្ថា

អាស៊ីៈ ប្រទេសចិន បានក្លាយជាប្រទេសទទួលផលធំបំផុត និងមានឥទ្ធិពលនៅក្នុងតំបន់អាស៊ី បន្ទាប់ពីចុះកិច្ចព្រមព្រៀងភាពជាដៃគូសេដ្ឋកិច្ច ទូលំទូលាយក្នុងតំបន់ (RCEP) ដែលជាកិច្ចព្រមព្រៀងពាណិជ្ជកម្មក្នុងតំបន់ និងធំជាងគេបំផុតរបស់ពិភពលោក។

កិច្ចព្រមព្រៀង RCEP ត្រូវបានចុះហត្ថលេខាដោយប្រទេសចំនួន១៥ នៅក្នុងតំបន់អាស៊ីប៉ាស៊ីហ្វិកកាលពីថ្ងៃទី១៥ ខែវិច្ឆិកាឆ្នាំ ២០២០កន្លងមកនេះ បន្ទាប់ពីការចរចាដែលបានចាប់ផ្តើមក្នុងអំឡុងកិច្ចប្រជុំកំពូលអាស៊ានឆ្នាំ ២០១២ នៅកម្ពុជា។

ស្របពេលដែលប្រទេសចិន មានកិច្ចព្រមព្រៀងពាណិជ្ជកម្មទ្វេភាគី មួយចំនួនរួចហើយ នេះគឺជាលើកទីមួយ ដែលបានចុះហត្ថលេខាលើកិច្ចព្រមព្រៀង ពាណិជ្ជកម្មពហុភាគីក្នុងតំបន់។ RCEP រួមបញ្ចូលរដ្ឋជាសមាជិកចំនួន១០ មកពីអាស៊ាន និងមកពីប្រទេសរីកចម្រើនជាច្រើនទៀត ដូចជាអូស្ត្រាលី ចិន ជប៉ុន នូវែលសេឡង់ និងកូរ៉េខាងត្បូង។

យ៉ាងណាគួរឲ្យសោកស្តាយផងដែរ ដែលប្រទេសឥណ្ឌាបានដកខ្លួនចេញពីការចរចានៅក្នុងខែវិច្ឆិកាឆ្នាំ២០១៩ បន្ទាប់ពីកិច្ចពិភាក្សាអស់រយៈពេល៦ឆ្នាំ ដោយលើកឡើងពីក្តីបារម្ភជុំវិញការបើកវិស័យកសិកម្ម និងផលិតកម្មរបស់ខ្លួន។

លោក Shuqiang Bai សាស្ត្រាចារ្យ នៃសាកលវិទ្យាល័យពាណិជ្ជកម្មអន្តរជាតិនិងសេដ្ឋកិច្ច (UIBE) នៅទីក្រុងប៉េកាំងឱ្យដឹងថា កិច្ចព្រមព្រៀង RCEP ត្រូវបានគេមើលឃើញថា ជាជម្រើសរបស់ចិន ចំពោះភាពជាដៃគូអន្តរប៉ាស៊ីហ្វិក (TPP) ដែលនឹងមាន ជាកិច្ចព្រមព្រៀងពាណិជ្ជកម្មសេរី ធំជាងគេបំផុតរបស់ពិភពលោក បានធ្វើឡើងជាមួយអាមេរិក។

លោក Bai ថ្លែងថា “ប្រទេសចិនបានធ្វើសមាហរណកម្មរបស់ខ្លួន ឱ្យកាន់តែស៊ីជម្រៅជាមួយរដ្ឋផ្សេងទៀត និងមួយផ្នែកជាលទ្ធផលនៃគោលនយោបាយ របស់សហរដ្ឋអាមេរិក” ។លោកបន្តថា “សហរដ្ឋអាមេរិកចាំបាច់ត្រូវគិតឡើងវិញ ពីយុទ្ធសាស្ត្រសេដ្ឋកិច្ច និងសន្តិសុខរបស់ខ្លួននៅក្នុងតំបន់អាស៊ី ដើម្បីជំរុញផលប្រយោជន៍សេដ្ឋកិច្ចរបស់ខ្លួនរួមទាំងគោលដៅសន្តិសុខផងដែរ” ។

យោងតាមបទវិចារណកថាមួយ ដែលបានផ្សព្វផ្សាយលើបណ្តាញទូរទស្សន៍រដ្ឋចិន (CGTV) បានអោយដឹងថា “ប្រទេសចិនមានប្រសិទ្ធិភាព ក្នុងការឆ្លើយតបចំពោះបញ្ហាប្រឈមរបស់អាមេរិក មិនមែនតាមរយៈការប្រឈមមុខដាក់គ្នាទេ ដោយសារប្រព័ន្ធផ្សព្វផ្សាយ ធ្វើឱ្យមានការចាប់អារម្មណ៍នោះទេ ប៉ុន្តែតាមរយៈការធ្វើសមាហរណកម្មរបស់ខ្លួនឱ្យកាន់តែស៊ីជម្រៅជាមួយអ្នកដទៃ និងអនាគតនៃពាណិជ្ជកម្ម” ។

លោក Peter A. Petri សាស្ត្រាចារ្យហិរញ្ញវត្ថុអន្តរជាតិ នៅសាលាពាណិជ្ជកម្មអន្តរជាតិ Brandeis ដែលមានមូលដ្ឋាននៅបូស្តុនឱ្យដឹងថា កិច្ចព្រមព្រៀង RCEP នឹងជួយប្រទេសចិន ពង្រឹងទំនាក់ទំនងរបស់ខ្លួនជាមួយប្រទេសជិតខាង ប្រកដោយភាពអត់ធ្មត់អស់រយៈពេល៨ឆ្នាំមកហើយ។

ការរិះគន់ជាទូទៅអំពីកិច្ចព្រមព្រៀង RCEP គឺឥទ្ធិពលរបស់ចិនដែលមាននៅក្នុងនោះ ពិសេសការភ័យខ្លាចកាន់តែខ្លាំងនៅពេលឥណ្ឌាដកខ្លួនចេញ។ កិច្ចព្រមព្រៀងនេះផ្តល់ឱ្យប្រទេសចិន នូវសំលេងសំខាន់មួយ នៅក្នុងការកំណត់ស្តង់ដារ សម្រាប់ពាណិជ្ជកម្ម ក្នុងតំបន់បង្កើនអំណាចទន់របស់ទីក្រុងប៉េកាំង។

កិច្ចព្រមព្រៀង RCEP រួមបញ្ចូលទាំងសម្ព័ន្ធមិត្តអាមេរិកជាច្រើន រួមមាន ជប៉ុន កូរ៉េខាងត្បូង និងអូស្ត្រាលី ដែលបានចរចាជាមួយចិនដោយគ្មានជម្រើស ដៃគូអន្តរប៉ាស៊ីហ្វិក TPP ដោយបញ្ជាក់ថា ប្រទេសសេដ្ឋកិច្ចធំជាងគេទី២របស់ពិភពលោក នឹងនៅតែជាដៃគូសេដ្ឋកិច្ចដែលមិនអាចខ្វះបាន និងផ្តល់នូវភាពច្បាស់លាស់ ស្របពេលដែលការថយចុះឥទ្ធិពលរបស់អាមេរិកនៅក្នុងតំបន់អាស៊ីប៉ាស៊ីហ្វិក៕

រដ្ឋបាលក្រុងកំពង់ចាមកំពុងពន្លឿនការស្ថាបនាហេដ្ឋារចនាសម្ព័ន្ឋនៅទូទាំងក្រុង

ដោយៈ រ៉ាណេត

កំពង់ចាមៈ ស្ថិតនៅក្នុងផែនការនៃប្លងមេអភិវឌ្ឍន៍ក្រុង រដ្ឋបាលខេត្តកំពង់ចាមបានធ្វើការពន្លឿន នូវសកម្មភាពស្ថាបនាហេដ្ឋារចនាសម្ព័ន្ធនានា នៅទូទាំងក្រុងកំពង់ចាម ទាំងផ្លូវតូច និងផ្លូវធំក្នុងក្រុង ក៏ដូចជាផ្លូវវាងក្រុង បាន និងកំពុងពន្លឿនការសាងសង់ឱ្យកាន់តែមានភាពល្អប្រសើរ បង្ករភាពងាយស្រួលដល់ប្រជាពលរដ្ឋ ក្នុងការធ្វើដំណើរ និងដឹកជញ្ជូនផងដែរ។

អភិបាលខេត្តកំពង់ចាម លោក អ៊ុន ចាន់ដា នៅក្នុងដំណើរចុះត្រួតពិនិត្យការដ្ឋានស្ថាបនាដោយការអ៊ុតកៅស៊ូបេទីម លើកំណាត់ផ្លូវចំនួន៣ខ្សែ ស្ថិតនៅក្នុងក្រុងកំពង់ចាមនៅរសៀលថ្ងៃទី១១ខែធ្នូ ឆ្នាំ២០២០កន្លងមកបានមានប្រសាសន៍ថា រាល់ការសាងសង់ និងស្ថាបនាហេដ្ឋារចនាសម្ព័ន្ធនានានៅទូទាំងក្រុង និងខេត្តសុទ្ធតែស្ថិតនៅក្នុងគោលនយោបាយអភិវឌ្ឍន៍របស់រាជរដ្ឋាភិបាលកម្ពុជា ក្នុងគោលបំណងធ្វើយ៉ាងណាបង្កភាពងាយស្រួលដល់ប្រជាពលរដ្ឋ ដែលអាចបង្កើនកម្រិតជីវភាពឱ្យកាន់តែល្អប្រសើរ។

ជាមួយគ្នានេះ លោកអភិបាលក៏បានណែនាំដល់មន្ត្រីជំនាញ ក៏ដូចជាក្រុមការងារជំនាញត្រូវយកចិត្តទុកដាក់ អនុវត្តន៍តាមកម្រិតស្តង់ដា លក្ខណៈបច្ចេកទេសដើម្បីធានាគុណភាព សោភ័ណភាព និងអាចប្រើប្រាស់បានយូរអង្វែង។

ការអ៊ុតផ្លូវទាំង៣ខ្សែក្នុងក្រុងកំពង់ចាម ដែលមានប្រវែង២.៨៤៥ ម៉ែត្រប្រើប្រាស់ គម្រោងថវិកាប្រចាំឆ្នាំ របស់រដ្ឋបាលខេត្តកំពង់ចាម ដែលខ្សែទី១ ប្រវែង១.៥៦២ម៉ែត្រលើ ផ្លូវលេខ៧ចាស់ មានទទឹង១០ម៉ែត្រ ចាប់ពីផ្លូវកែងរង្វង់មូល (១-៧៩) ភូមិទី៦ សង្កាត់វាលវង់ ដល់ផ្លូវព្រះមុនីវង្ស ភូមិទី៤ សង្កាត់វាលវង់ក្រុងកំពង់ចាម។ ខ្សែទី២ (ផ្លូវលេខ៥១) ប្រវែង ៥១២ម៉ែត្រ ទទឹង ៨ម៉ែត្រ ចាប់ពីស្តុបលំហែរផ្លូវជាតិលេខ ៧ថ្មី ភូមិបឹងស្នាយ សង្កាត់សំបួរមាស ដល់ផ្លូវលេខ៧ចាស់ ភូមិទី៦ សង្កាត់វាលវង់ ក្រុងកំពង់ចាម។ ខ្សែទី៣ (ផ្លូវលេខ៥៥) ប្រវែង៧៧១ម៉ែត្រ ទទឹង ៧,៥-៨ម៉ែត្រ ចាប់ពីផ្លូវភ្លោះព្រះបាទមុនីវង្ស ភូមិទី៤ សង្កាត់វាលវង់ ដល់ផ្លូវលេខ ៨៥ ភូមិទី៦ សង្កាត់វាលវង់ ក្រុងកំពង់ចាម។

លោកអភិបាលខេត្តបានមានប្រសាសន៍ថា ពាក់ព័ន្ធវិស័យទេសចរណ៍ ខេត្តកំពង់ចាម មិនទាន់ប្រែក្លាយជាគោលដៅទេសចរណ៍ ដើម្បីប្រកួតប្រជែងជាមួយបណ្តាខេត្តផ្សេងទៀត ដែលមានប្រាំង្គប្រាសាទបុរាណល្បីៗ ដែលជាប់ចំណាត់ថ្នាក់ជាបេតិកភ័ណ្ឌពិភពលោកយ៉ាងណាក៏ដោយ ប៉ុន្តែយើងកំពុងរៀបចំតំបន់ រមណីយដ្ឋានទេសចរណ៍មួយចំនួនបន្ថែមទៀត។

លោកអ៊ុន ចាន់ដា បានមានប្រសាសន៍ទៀតថា“ទោះជាយ៉ាងណាយើងមានគោលដៅទេសចរណ៍ សម្រាប់ក្រុងកំពង់ចាម ដែលបាននិងកំពុងស្រូបបាននូវភ្ញៀវនូវភ្ញៀវទេសចរធ្វើដំណើរតាមកប៉ាល់ មកពីបណ្តាប្រទេសហ្វីពិន ប្រទេសឥណ្ឌូនេស៊ី ឆ្លងកាត់ប្រទេសវៀតណាមមកលេងក្រុងកំពង់ចាមតែម្តង” ។

លោកបានមានប្រសាសន៍បន្តថា ភ្ញៀវទាំងនោះបានឈប់សំចតកប៉ាល់នៅកំពង់ផែក្រុងនេះ ហើយបានធ្វើដំណើរឆ្ពោះទៅកាន់ តំបន់ទេសចរណ៍ប្រវត្តិសាស្ត្រ សាសនា វប្បធម៌ ដូចជា រមណីយដ្ឋានភ្នំហាន់ជ័យ រមណីយដ្ឋានប្រាសាទនគរបាជ័យ និងរមណីយដ្ឋានភ្នំប្រុសភ្នំស្រី ក្នុងស្រុកកំពង់សៀម៕

ចំណេះដឹង! តើគោលនយោបាយសម្បទានដីកសិកម្មត្រូវបានអនុវត្តដូចម្តេច?

ដោយៈវុត្ថា

ភ្នំពេញៈ គោលនយោបាយរបស់រាជរដ្ឋាភិបាល អំពីសម្បទានកសិកម្ម គឺត្រូវអនុវត្តអនុលោមទៅតាមច្បាប់ភូមិបាលដែលចែងថា ដីសម្រាប់អាជីវកម្មអតិថិផល មិនអាចមានទំហំលើសពី១០,០០០ ហិចតាទេ។

សម្បទានដែលសំរេចហើយលើសពីទំហំកំណត់នេះ ជាកម្មវត្ថុនៃការកាត់បន្ថយ ។ សម្បទានិក មិនអាចធ្វើការផ្ទេរសិទ្ធិលើដីសម្បទានបានទេ។ រីឯដីសម្បទានដែលមិនបានធ្វើអាជីវកម្មក្នុងរយៈពេល១២ ខែបន្ទាប់ពីបានអនុញ្ញាតិនឹងត្រូវលុបចោល។

ច្បាប់ភូមិបាលតម្រូវឱ្យរៀបចំអនុក្រឹត្យស្តីពី និតិវិធីនៃការផ្តល់សម្បទាន និងការកាត់បន្ថយសម្បទានកន្លងមក ដែលមានទំហំលើសពី១០.០០០ហិកតា។ គោលនយោបាយនេះ ត្រូវអភិវឌ្ឍដោយប្រុងប្រយ័ត្ន និងច្បាស់លាស់ ដោយសហការជាមួយក្រុមប្រឹក្សាអភិវឌ្ឍន៍កម្ពុជា ដើម្បីជៀសវាងការបាត់ជំនឿទុកចិត្តពីសំណាក់អ្នកវិនិយោគ។

គោលនយោបាយ និងនីតិវិធីជាក់លាក់សម្រាប់ណែនាំ ការផ្តល់សម្បទានគោលដៅសេដ្ឋកិច្ច និងការកាត់បន្ថយទំហំសម្បទាន ដែលមានស្រាប់នឹងត្រូវកំណត់ក្នុងអនុក្រឹត្យ។ សេចក្តីស្នើគោលនយោបាយនេះ ជាប់ពាក់ព័ន្ធនឹងការបង្កើតប្លង់គោល ដើម្បីណែនាំដល់ការផ្តល់សម្បទានកសិកម្ម និងការហាមឃាត់លើការផ្តល់សម្បទាន នៅតំបន់មួយចំនួន។

ផែនការនេះ ត្រូវសម្របសម្រួលទៅក្នុងផែនការ ប្រើប្រាស់ដីរបស់ខេត្ត ក្រុង និងមូលដ្ឋានហើយត្រូវសមស្រប នឹងគោលការណ៍ជាមូលដ្ឋាននៃការកម្ម អំពីចំនួសម្បទាន អំពីគោលបំណងទំហំនឹងទីតាំង៕

ក្រុមហ៊ុនG Capitalរបស់ម៉ាឡេស៊ីនឹងបង្កើតធនាគារថ្មីមួយនៅកម្ពុជា

ដោយៈប៊ី

ភ្នំពេញៈ ក្រុមហ៊ុន G Capital Bhd ដែលមានមូលដ្ឋាននៅប្រទេសម៉ាឡេស៊ីបានឱ្យដឹងថា ខ្លួនបានទទួលការយល់ព្រមជាគោលការណ៍ ពីធនាគារជាតិនៃម្ពុជា ដើម្បីបង្កើតធនាគារពាណិជ្ជកម្មពេញលេញមួយ នៅក្នុងប្រទេសកម្ពុជាជាមួយដៃគូរបស់ខ្លួន។

យោងតាមសារការចេញផ្សាយរបស់ព័ត៌មានម៉ាឡេស៊ី The Edge Markets កាលពីដើមសប្តាហ៍នេះបានឱ្យដឹងថា ក្រុមហ៊ុននេះ បានឈានដល់កិច្ចព្រមព្រៀងនៃកិច្ចព្រមព្រៀងជាមួយដៃគូចំនួនពីរ រួមមាននធនាគារ Public Bank Bhd ដែលមានលោក Datuk Phan Ying Tong ប្រធានតំបន់ប្រតិបត្តិការឥណ្ឌូចិន និងក្រុមហ៊ុន E S Packaging Co Ltd ក្នុងការដាក់ទុនរួមគ្នា។

ក្រុមហ៊ុននេះបានឱ្យដឹងថា “ក្រុមហ៊ុនថ្មីនេះបាន និងកំពុងត្រូវបានរៀបចំឡើង ដើម្បីគូសបញ្ជាក់អំពីសកម្មភាព និងកាតព្វកិច្ចដំបូងរបស់ភាគីនានា ដែលមានគោលបំណងដើម្បីឈានទៅរកកិច្ចព្រមព្រៀង ដែលមានចែងច្បាស់លាស់រវាងភាគីនានា ដើម្បីបង្កើតធនាគារ ដែលមានឈ្មោះថា Oriental Bank Plc” ។

ក្រុមហ៊ុន G Capital បានឱ្យដឹងថា ខ្លួននឹងកាន់កាប់ភាគហ៊ុនមិនតិចជាង ២០% នៃភាគហ៊ុនក្រុមហ៊ុនថ្មីនោះទេ ខណៈពេលដែលក្រុមហ៊ុនរបស់លោក Phan នឹងមានភាគហ៊ុន៥១ភាគរយ និងក្រុមហ៊ុន E S Packaging នឹងមាន២០ភាគរយ។

ក្រុមហ៊ុន G Capital បានឱ្យដឹងបន្តទៀតថា បន្ទាប់ពីទទួលបានគោលការណ៍យល់ព្រមពីធនាគារជាតិនៃកម្ពុជាធនាគារ ធនាការ Oriental Bank ឥឡូវនេះនឹងអាចត្រូវបានចុះបញ្ជីជាផ្លូវការ ជាមួយក្រសួងពាណិជ្ជកម្មរបស់ប្រទេសកម្ពុជា។

យោងតាមក្រុមហ៊ុននេះ បានបង្ហាញថា ស្ថានភាពហិរញ្ញវត្ថុរបស់ប្រទេសកម្ពុជាបានបង្ហាញពីកំណើនថេរ ហើយវិស័យធនាគាររបស់ខ្លួនបានលេចចេញ ជាឧស្សាហកម្មដ៏រឹងមាំបំផុតមួយ ក្នុងការរកប្រាក់ចំណេញ ដែលមានសុខភាពល្អ។

ក្រុមហ៊ុនបានឱ្យដឹងទៀតថា “ក្រុមហ៊ុន G Capital រំពឹងថាក្នុងរយៈពេលវែង ការចូលរួមភាគហ៊ុនរបស់ខ្លួន នៅក្នុងវិស័យធនាគារ នឹងពង្រឹងជំហរហិរញ្ញវត្ថុរបស់ខ្លួន និងពង្រីកវត្តមានរបស់ខ្លួននៅទូទាំងតំបន់”៕

បើទិញដីនៅតាមទីតាំងចំនួន៥នេះ នឹងពិបាកចំណេញ និងលក់ចេញ

ដោយគង់ សូរិយា

ភ្នំពេញៈ អ្នកជំនាញផ្នែកដីធ្លីបាននិយាយថា ការវិនិយោគដីធ្លី បើទិញខុសទីតាំងមិនត្រឹមតែមិនងាយទទួលបានផលចំណេញនោះទេ តែអាចជាប់គាំាំងលុយច្រើនឆ្នាំនៅតំបន់នោះទៀតផង។

ដីដែលអ្នកជំនាញឲ្យអ្នកវិនិយោគគួរប្រុងប្រយ័ត្នមានដូចជា

ទី១ ជិតផ្នូរខ្មោច

ទោះបីជាពេលនៅរស់ មានមនុស្សស្រលាញ់រាប់អានច្រើនក្តី ប៉ុន្តែពេលស្លាប់ទៅ គេតែងតែខ្លាចរអា និងមិនសូវចូលជិត និងចង់រស់នៅជិតនោះឡើយ។ ដែលអារម្មណ៍បែបនេះ តតែងតែកើតមានជាទូទៅនៅកម្ពុជា ក៏ដូចជាប្រជាជាតិនានានៅលើពិភពលោក។

២ ដីដែលស្ថិតនៅជិតវត្តអារ៉ាម

បើទោះបីជាវត្តអារ៉ាម ជាកន្លែងដែលមនុស្សចូលចិត្តទៅក្តី និងតែងតែជាទីគោរពបដិបត្តិរបស់ប្រជាពលរដ្ឋក៏ដោយ ក៏អ្នកមានដីជាប់របងវត្តពិបាករកម៉ូយទិញផងដែរ ព្រោះពួកគេមានអារម្មណ៍រំខានពីការសូត្រធ៌ម ពេលបុណ្យទានម្តងៗ ពិសេសពេលបុណ្យភ្ជុំបិណ្ឌ។

ដីនៅជិតវត្តអារ៉ាម តែងតែពិបាកលក់ ពិបាកចំណេញ និងពិបាករកម៉ូយទិញ ដោយសារអារម្មណ៍ខាងលើនេះ។

៣ ដីមានរូបរាងមិនស្អាត

សណ្ឋានរូបរាងដី ក៏ជាជម្រើសមួយដែរ ដែលអ្នកទិញដីមិនសូវចង់បានឡើយ ព្រោះពួកគេពិបាកក្នុងការរៀបចំផែនការអភិវឌ្ឍ និងសាងសង់លំនៅដ្ឋានផ្សេងៗ។

ដីស្ថិតនៅក្នុងស្ថានភាព និងសណ្ឋានបែបនេះមិនគូរវិនិយោគឡើយ ប្រសិនជាមិនចង់គាំងលុយ។

៤ ដីដែលមានផ្លូវតូច និងទាល់

តាមធម្មតាដីស្ថិតនៅផ្លូវតូច ទាល់ ពិបាករកម៉ូយណាស់ ដោយសារពិបាកធ្វើដំណើរ ពិសេសតំបន់ខ្លះមានដីធំ តែម្ចាស់ស្រលាញ់ដីពេក ពួកគេបានបង្រួមថ្នល់ ដែែលសម្បីតែរថយន្តជៀសគ្នាក៏មិនរួច។

គ្មានអ្នកណាចង់រស់នៅលើតំបន់ ដែលមានផ្លូវតូច ទាល់ និងពិបាកធ្វើដំណើរែបបនេះឡើយ។

៥ ដីដែលគ្មានផ្លូវ

អ្នកវិនិយោគខ្លះបានប្រថុយប្រថាន ទិញដីនៅក្រោយគេ ដែលគ្មានផ្លូវចូល ដោយសារតម្លៃថោក ប៉ុន្តែការទិញដីបែបនេះមានហានិភ័យខ្ពស់ណាស់ ព្រោះពេលខ្លះម្ចាស់ដីខាងមុខ បានធ្វើរបងព័ទ្ឋជិត ឬបង្អាប់ម្ចាស់ដីដែលគ្មានផ្លូវ ដើម្បីទិញបានក្នុងតម្លៃទាប។

ហេតុនេះការទិញដីក្នុងតម្លៃទាប ពិតជាមានហានិភ័យខ្ពស់ណាស់ ប្រសិនជាអាចមិនគួរវិនិយោគលើដីបែបនេះទេ៕

ទំហំពាណិជ្ជកម្មទ្វេភាគីរវាងកម្ពុជា-ជប៉ុន មានប្រមាណ ១,៧៤៨លានដុល្លារក្នុងរយៈពេល១០ខែ ឆ្នាំ២០២០

ដោយ ៖ រ៉ាណេត
ភ្នំពេញ ៖ ទំហំពាណិជ្ជកម្មទ្វេភាគីរវាងកម្ពុជា និងជប៉ុនបានកើនឡើងដល់តម្លៃ១,៧៤៨ លានដុល្លារក្នុងរយៈពេល ១០ ខែ ឆ្នាំ២០២០ មានការធ្លាក់ចុះប្រមាណ ៨ ភាគរយធៀបទៅនឹងរយៈពេលដូចគ្នាកាលពីឆ្នាំកន្លងទៅ។

តួលេខពីអង្គការពាណិជ្ជកម្មក្រៅប្រទេសជប៉ុន (JETRO) បានបង្ហាញនៅថ្ងៃទី១១ ខែធ្នូ ឆ្នាំ២០២០ថា ចាប់ពីខែមករាដល់ខែតុលាឆ្នាំ២០២០កន្លងទៅ កម្ពុជាបាននាំចេញទំនិញដែលមានតម្លៃប្រមាណ១,៣៥៨លានដុល្លារទៅកាន់ទីផ្សារប្រទេសជប៉ុន ធ្លាក់ចុះប្រមាណ៦ភាគរយបើប្រៀបធៀបនឹងរយៈពេលដូចគ្នាកាលពីឆ្នាំមុន។

ទន្ទឹមនឹងនេះ ប្រទេសកម្ពុជាបានចំណាយប្រាក់ចំនួន៣៩០លានដុល្លារក្នុងការនាំចូលផលិតផលពីប្រទេសជប៉ុនដើម្បីបំពេញសេចក្ដីត្រូវការទីផ្សារក្នុងស្រុក ដែលមានការធ្លាក់ចុះប្រមាណ១២ ភាគរយផងដែរ។

យោងតាមក្រសួងពាណិជ្ជកម្មកម្ពុជាបានបញ្ជាក់ថា ផលិតផលសក្តានុពលសម្រាប់នាំចេញទៅកាន់ទីផ្សារប្រទេសជប៉ុនគឺសម្លៀកបំពាក់ ស្បែកជើង និងគ្រឿងអេឡិចត្រូនិច។ កាលពីឆ្នាំ២០១៩ ទំហំពាណិជ្ជកម្មទ្វេភាគីរវាងប្រទេសទាំងពីរបានកើនឡើង ១៣ ភាគរយធៀបទៅនឹងឆ្នាំចាស់ ដែលមានតម្លៃស្មើនឹង ប្រមាណ២,២៩២ លានដុល្លារអាមេរិក៕

ធនាគារអភិវឌ្ឍន៍ជនបទបានបញ្ចេញកញ្ចប់ថវិកាប្រមាណ២៣០លានដុល្លារជំរុញវិស័យកសិកម្ម

ដោយ ៖ រ៉ាណេត

ភ្នំពេញ ៖ នៅក្នុងឆ្នាំ២០២០នេះ រាជរដ្ឋាភិបាលកម្ពុជា តាមរយៈធនាគារអភិវឌ្ឍន៍ជនបទ និងកសិកម្ម បានបញ្ចេញកញ្ចប់ថវិកាសរុបប្រមាណ២៣០លានដុល្លារ សម្រាប់ផ្តល់ទៅលើវិស័យកសិកម្ម កសិឧស្សាហកម្ម សហគ្រាសធុនតូច និងមធ្យម ព្រមទាំងអាជីវកម្មខ្នាតតូចនៅក្នុងស្រុក ដែលកំពុងត្រូវការទុនសម្រាប់ពង្រឹងកិច្ចដំណើរការរបស់ខ្លួននៅក្នុងស្ថានភាពដែលកំពុងប្រឈម។

អគ្គនាយកនៃធនាគារអភិវឌ្ឍន៍ជនបទ និងកសិកម្ម លោក កៅ ថាច បានប្រាប់ដឹងថានៅថ្ងៃទី១១ ខែធ្នូ ឆ្នាំ២០២០ថា នៅក្នុងទំហំទឹកប្រាក់ដែលបានផ្តល់ជូនទៅអតិថិជនក្នុងនោះមានប្រមាណ៧០ភាគរយ ត្រូវបានផ្តល់ទៅលើផ្នែកស្រូវអង្ករ សហគ្រាសធុនតូច និងមធ្យម អាជីកម្មខ្នាតតូច ដូចជា ការដាំបន្លែ ផ្លែឈើ ការចិញ្ចឹមសត្វ និងទៅលើវារីវប្បកម្ម ការចិញ្ចឹមត្រី បង្កង ជាដើម។

លោកបន្តថា “កញ្ចប់ថវិការបស់រាជរដ្ឋាភិបាលបានទម្លាក់ឲ្យធនាគារ៥០លានដុល្លាក្នុងឆ្នាំ២០២០ សម្រាប់ទុកឲ្យប្រជាពលរដ្ឋដែលខ្វះខាតទុនខ្ចីនោះ គឺនៅសល់ត្រឹមតែ ១៥ទៅ២០ភាគរយប៉ុណ្ណោះ ហើយម្យ៉ាងវិញទៀត សម្រាប់ប្រជាពលរដ្ឋដែលមានបំណងទទួលបានប្រាក់កម្ចីពីធនាគារត្រូវតែមានរបស់ដាក់ធានាបំណុល ដូចជា ប្លង់ដី និងរបស់មានតម្លៃផ្សេងៗទៀត ហើយបើសិនទាក់ទងស្រូវអង្ករវិញ គឺអាចដាក់ស្តុកស្រូវអង្ករជារបស់ធានាបំណុលបាន”។

លោក កៅ ថាច បានបញ្ជាក់ឱ្យដឹងផងដែរថា ធនាគារអភិវឌ្ឍន៍ជនបទ និងកសិកម្ម ត្រៀមខ្លួនជានិច្ចក្នុងការជួយភ្ជាប់រវាងអ្នកផលិតទៅកាន់អ្នកទទួលទិញ។ ទន្ទឹមនេះ ក្នុងករណីពលរដ្ឋមានគុណវុឌ្ឍន៍គ្រប់គ្រាន់ និងបំពេញបានតាមលក្ខខណ្ឌ ធនាគារនឹងជួយទំលាក់ឥណទានឲ្យបានទាន់ពេលវេលា ដើម្បីជួយពន្លឿនដល់ដំណើរការបង្កើនការផលិត និងពង្រីកអាជីវកម្មរបស់ខ្លួនបាន។

ជាមួយគ្នានេះលោកក៏បានស្នើសុំដល់មន្ទីរកសិកម្មខេត្ត បន្តជួយជាបច្ខេកទេសបន្ថែមផងដែរ ដើម្បីជួយដល់កសិករ និងស្នើដល់អាជ្ញាធរមូលដ្ឋាន លោកអភិបាលស្រុក សូមជួយផ្សព្វផ្សាយបន្តអំពីកញ្ចប់ហិរញ្ញប្បទានពិសេសនេះ អោយបានជ្រាបដល់ពលរដ្ឋ នៅតាមមូលដ្ឋានផងដែរ។

ឆ្លៀតក្នុងឱកាសនោះលោក កៅ ថាច ក៏បានដោះស្រាយនូវចម្ងល់ផ្សេងៗ ដែលបានសួរទៅកាន់លោក និងបានបំភ្លឺជូនដល់ពលរដ្ឋយ៉ាងផុសផុល និងមានភាពស្និតស្នាល៕

កម្ពុជាត្រូវបានជ្រើសជាប្រទេសគំរូលើកម្មវិធីភាពជាដៃគូប្រចាំប្រទេស(PCP) ដំបូងគេនៅអាស៊ីនិងប៉ាស៊ីហ្វិក

ដោយៈ វុត្ថា

ភ្នំពេញៈ ជាមោទនភាពរបស់កម្ពុជា ដែលត្រូវបានជ្រើសរើសជាប្រទេសទទួលការអនុវត្តជាគំរូលើកម្មវិធីភាពជាដៃគូប្រចាំប្រទេស (PCP) ដំបូងគេនៅតំបន់អាស៊ី និងប៉ាស៊ីហ្វិកពីសំណាក់អង្គការអភិវឌ្ឍន៍ឧស្សាហកម្ម របស់អង្គការសហប្រជាជាតិ(UNIDO)។

លោកទេសរដ្ឋមន្ត្រី ចម ប្រសិទ្ធ រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានមានប្រសាសន៍នៅក្នុងកិច្ចចុះហត្ថលេខា លើឯកសារកម្មវិធីដើម្បីភាពជាដៃគូប្រទេស (Programme for County Partnership 2020-2023)នៅថ្ងៃទី១០ ខែធ្នូ ឆ្នាំ២០២០ម្សិលមិញបានមានប្រសាសន៍ថា ការដាក់ឱ្យដំណើរការជាផ្លូវការនៃ PCP នេះ គឺមានភាពទាន់ពេលវេលា និងចាំបាច់នៅពេលដែលយើងត្រូវរួមកម្លាំង និងកៀរគរប្រភពធនធាន ដើម្បីកាត់បន្ថយផលប៉ះពាល់នៃជំងឺរាតត្បាត Covid-19 និងដើម្បីទ្រទ្រង់កំណើនសេដ្ឋកិច្ចរបស់យើងក្នុង“ ភាពប្រក្រតីថ្មីឡើងវិញ”។

លោកបានបន្តថា “សម្រាប់កម្ពុជានៅក្នុងកម្មវិធីភាពជាដៃគូប្រចាំប្រទេស (PCP) ដំបូងគេនៅតំបន់អាស៊ី និងប៉ាស៊ីហ្វិកពីសំណាក់អង្គការអភិវឌ្ឍន៍ ឧស្សាហកម្មបានអនុវត្តន៍ផ្តោតលើវិស័យគន្លឺះចំនួន០៣ គឺ៖ការអភិវឌ្ឍន៍វិស័យទេសចរណ៍ ប្រកបដោយចិរភាព-ការអភិវឌ្ឍន៍ ឲ្យមានការប្រកួតប្រជែងផ្នែកកសិ-ឧស្សាហកម្ម និងការបង្កើតឲ្យមានច្រវ៉ាក់តម្លៃឧស្សាហកម្ម(Industry Value Chains)-និងការធ្វើពិពិធកម្មឧស្សាហកម្ម (Indusrial Diversification) តាមរយៈការអភិវឌ្ឍន៍តំបន់សេដ្ឋកិច្ចពិសេស(SEZ)” ។

ជាមួយគ្នានេះ លោកបណ្ឌិតទេសរដ្ឋមន្រ្តី ចម ប្រសិទ្ធ ក៏បានថ្លែងអំណរគុណដល់ម្ចាស់ជំនួយរួមមានមកពីសហគមន៌អឺរ៉ុប រដ្ឋាភិបាលកូរ៉េ-ចិន-ទីភ្នាក់កិច្ចសហប្រតិបត្តិការអភិវឌ្ឍន៌នៃប្រទេសស្វីស (SDC) និងអង្គការបរិស្ថានសកល (GEF) ដែលបានផ្តល់ជំនួយអភិវឌ្ឍន៍ និងបច្ចេកទេស លើវិស័យអាទិភាពជាច្រើន ក្រោមក្របខណ្ឌ PCP នេះ ។

លោក លី យ៉ុង អគ្គនាយកអង្គការ UNIDO បានបង្ហាញពីការមើលឃើញនៃផលរីកចម្រើននៃសេដ្ឋកិច្ចកម្ពុជា និងបានបង្ហាញការប្តេជ្ញាចិត្ត ក្នុងកិច្ចសហការពង្រឹងក្នុងភាពជាដៃគូ សម្រាប់ការចូលរួមអនុវត្តន៍ឲ្យបានជោគជ័យ នៃកម្មវិធីPCP ដ៏មានសារៈសំខាន់នេះ។

លោកបន្តថា “ប្រទេសកម្ពុជា PCP នឹងក្លាយកំលាំងចលករបន្ថែម ដ៏សំខាន់មួយសម្រាប់ផែនទីបង្ហាញផ្លូវរបស់យើង ឆ្ពោះទៅរកការសម្រេចបាននូវ គោលនយោបាយអភិវឌ្ឍន៍ឧស្សាហកម្ម ២០១៥-២០២៥”។

លើសពីនេះទៀត នឹងត្រូវបានបំពេញបន្ថែមដោយអន្តរាគមន៍ ជាអន្តរវិស័យនៅក្នុងវិស័យគោលនយោបាយ និងស្ថិតិឧស្សាហកម្ម ហេដ្ឋារចនាសម្ព័ន្ធគុណភាព ការវិនិយោគនិងការលើកកម្ពស់ពាណិជ្ជកម្ម ពាណិជ្ជកម្មតាមប្រព័ន្ធអេឡិចត្រូនិច និងលទ្ធភាពទទួលបានហិរញ្ញវត្ថុ។ ការអភិវឌ្ឍជំនាញ ការពង្រឹងអំណាចសេដ្ឋកិច្ចរបស់ស្ត្រី និងការងារសមរម្យសម្រាប់យុវជន។ ប្រសិទ្ធិភាពភាពធនធាន និងបច្ចេកវិទ្យាថាមពលប្រកបដោយនិរន្តរភាព-ការផ្ទេបច្ចេកវិទ្យា និងការច្នៃប្រឌិត-ការគ្រប់គ្រងបរិស្ថាននិងការប្រែប្រួលអាកាសធាតុ៕

គំរោងខុនដូGarden Oneតម្លៃរាប់លានដុល្លារកំពុងផ្តល់ជម្រើសបង់ប្រាក់កាន់ តែងាយស្រួលដល់អតិថិជន

ដោយគង់ សូរិយា

ភ្នំពេញៈ ស្ថិតនៅតំបន់ទួលគោក ក្បែរសាលាឥន្ទរៈទេវី គម្រោងខុនដូទំនើប Garden One កំពុងទទួលបានការចាប់អារម្មណ៍យ៉ាងខ្លាំង ពីសំណាក់ប្រជាជនខ្មែរ ក៏ដូចជាវិនិយោគិនបរទេស។

បច្ចុប្បន្នអ្នកអភិវឌ្ឍន៍៍គម្រោងនេះ បាននិងកំពុងផ្តល់ជម្រើសបង់ប្រាក់ពិសេស ដោយបង់ត្រឹមតែ៤០០ដុល្លារក្នុងមួយខែ នឹងទទួលបានយូនីតដ៏ស្រស់ស្អាតនៅក្នុងគំរោង ដែលនឹងបញ្ចប់នៅចុងឆ្នាំ២០២១ខាងមុខនេះ។

គម្រោង Garden One ស្ថិតនៅក្នុងសង្កាត់បឹងកក់២ គម្រោង Garden One មានទីតាំងនៅចន្លោះផ្លូវ៥៧២ និង៥៧៤ ខាងក្រោយសាលាឥទ្ទ្រទេវី ជាតំបន់ទីប្រជុំជន ក្នុងខណ្ឌទួលគោក ដែលជាតំបន់សម្បូរដោយមជ្ឈមណ្ឌលពាណិជ្ជកម្ម និងជាតំបន់មួយក្នុងចំណោមតំបន់ ដែលកំពុងមានការរីកចម្រើនយ៉ាងខ្លាំងបំផុតនៅរាជធានី។ ជាមួយវត្តមាននៃគម្រោងអភិវឌ្ឍធំៗជាច្រើន ដែលបានកំពុងរីកដុះដាលស្ទើរគ្រប់ទីកន្លែង ដូចជា សំណង់លំនៅឋាន ផ្សារទំនើប អគារពាណិជ្ជកម្ម និងគម្រោងផ្សេងៗជាច្រើនទៀត។

អាគារទាំងមូលរបស់គម្រោង Garden One ត្រូវបានរចនាឡើងដោយភ្ជាប់ជាមួយរុក្ខជាតិបៃតងនៅតាមមាត់បង្អួច ទ្វារ និងរាលហានខាងមុខ ដែលនឹងជួយបង្កើតនូវបរិយាកាសស្រស់ស្រាយបែបធម្មជាតិគ្រប់ពេលវេលាទាំងអស់។

កញ្ញាឆាយ ថងឌីប្រធានគ្រប់គ្រងផ្នែកអភិវឌ្ឍន៍ធុរកិច្ច ប្រចាំគម្រោងខុនដូ Garden One បានប្រាប់ថា គម្រោង Garden Oneមានកម្ពស់២៩ជាន់ ហើយបច្ចុប្បន្ននេះការសាងសង់សម្រេចបាន១០ជាន់ហើយ។ គម្រោងមានជាន់ផ្ទាល់ដី១ជាន់ ជាកន្លែងទទួលភ្ញៀវ ដែលមានកន្លែងកាហ្វេ និងមីនីម៉ាត។ ចាប់ពីជាន់ទី១ ដល់ជាន់ទី៤ សម្រាប់ចំណតរថយន្ត ហើយចាប់ពីជាន់ទី៥ ដល់ជាន់ទី១៦សម្រាប់ធ្វើសណ្ឋាគារ និងចាប់ពីជាន់ទី១៧ដល់ជាន់ទី២៧ សម្រាប់ Residential (លំនៅឋាន) ។ ចំណែកក្នុងជាន់ពី២៨ គឺជាជាន់សម្រាប់ក្រុមការងារបច្ចេកទេសរបស់យើង និងជាន់ទី២៩ សម្រាប់អាងហែលទឹក ភោជនីយដ្ឋាន និង Sky Bar ជាដើម។

កញ្ញាបានលើកឡើងថា គម្រោង Garden One មានបន្ទប់ ២៧១ យូនីតខុនដូ ខណៈបច្ចុប្បន្ន គម្រោងបានលក់ចេញជាង៤០ភាគរយរួចហើយ ក្នុងនោះអតិថិជនទិញយូនីតខុនដូភាគច្រើនគឺជាអ្នកទិញក្នុងស្រុក។

កញ្ញាឆាយ ថងឌីបានឲ្យដឹងទៀតថា “គម្រោងរបស់ពួកយើង ស្ថិតនៅតំបន់វីឡា ដូច្នេះគម្រោងផ្តោតលើផ្តល់ជួនអតិថិជន នូវការរស់នៅបែបស្ងប់ស្ងាត់ ភាពប៉ៃតងព័ទ្ធជុំវិញខាងក្រៅអគារ ព្រោះរុក្ខាជាតិប៉ៃតងជួយឱ្យរូបភាពអគារស្អាតប្លែក និងជួយកាត់បន្ថយកម្តៅនៅក្នុងអគារ និងផ្តល់ខ្យល់បរិសុទ្ធ” ។

កញ្ញាបានបន្ថែមថា អ្វីដែលពិសេសគឺក្នុងមួយជាន់ យើងមានយូនីតខុនដូចន្លោះពី ១១ ទៅ១៣យូនីតតែប៉ុណ្ណោះ ហើយគ្រប់បន្ទប់មានវេរ៉ងដាទាំងអស់។

នីតិវិធីក្នុងប្រាក់មាន ៣ជម្រើស ក្នុងនោះទី១ បង់ដាច់ ទី២ បង់ជាដំណាក់កាល ដោយអត់មានអត្រាការប្រាក់រយៈ២០ខែ ហើយអ្វីដែលពិសេសនៅទីគឺកម្ចី ដោយសារភ្ញៀវនៅទីនេះ ត្រូវកក់១០០០ដុល្លារ ហើយបង់មុន២០ភាគរយ ហើយ១០ភាគរយត្រូវបង់ដោយគ្មានអត្រាការប្រាក់រយៈពេល២០ខែ និង៧០ភាគរយអាចបង់រំលស់ជាមួយធនាគារបស់ដៃគូរបស់ក្រុមហ៊ុន ក្នុងរយៈពេលដល់២០ឆ្នាំ ក្នុងអត្រាការប្រាក់ចណ្លោះពី៨ ទៅ១០ភាគរយ។

កញ្ញាឆាយ ថងឌីបាននិយាយថា “ខុនដូនេះ មានភាពងាយស្រួលមែនទែនតែម្តង ដោយសារអតិថិជនបង់ប្រាក់ ត្រឹមតែពី៤០០ ទៅ៥០០ដុល្លារក្នុងមួយខែតែប៉ុណ្ណោះ” ។

កញ្ញាបានបន្តទៀតថា ដោយសារចាប់ពីជាន់ទី៥ ដល់ជាន់ទី១៦ យើងធ្វើជាស ណ្ឋាគារ ដូច្នេះក្នុងជាន់ទាំងនេះ ពេលអតិថិជនទិញហើយ គាត់អាចទទួលបានការជួលត្រឡប់មកវិញក្នុងរយៈ១០ឆ្នាំ ដោយមានអត្រាផលចំណេញត្រឡប់មក ក្នុងរយៈអត្រា៨ភាគរយប្រចាំឆ្នាំ” ។ កញ្ញាបានបន្តទៀតថា ក្នុងករណីការជួលផុតរយៈពេល១០ឆ្នាំហើយ គាត់អត់ចង់បន្តកាន់កាប់យូនីតនេះទេ គាត់អាចលក់យូនីតនេះឱ្យក្រុមហ៊ុនវិញបាន ដូច្នេះការវិនិយោគរបស់គាត់អត់មានហានិភ័យទេ។

គម្រោង Garden One ត្រូវបានអភិវឌ្ឍដោយក្រុមហ៊ុនល្បីឈ្មោះ និងមានបទពិ សោធន៍ច្រើនឆ្នាំមកពីប្រទេសចិនគឺ ក្រុមហ៊ុន JianZhong YuTong Co., Ltd ។ ខុនដូប្រណីត Garden One មានកម្ពស់២៩ជាន់ ជាមួយយូនីតសរុប ២៧១ ជាប្រភេទ ស្ទូឌីយ៉ូ និង យូនីតដែលមានបន្ទប់គេងពីរ មានទំហំចាប់ពី ៤៤ដល់ ៩១ម៉ែត្រការ៉េ។

ជាមួយការគិតគូរពិសេសដល់អ្នករស់នៅ អ្នកអភិវឌ្ឍន៍គម្រោង Garden One បានបំពាក់ដោយសម្ភារបរិក្ខាទំនើបៗមានគុណភាពខ្ពស់ ប្រព័ន្ធប្រកាសអាសន្ន កាំមេរ៉ាសុវត្ថិភាព និងសេវាកម្មសន្ដិសុខ២៤ម៉ោង មានកន្លែងសម្រាប់ចតរថយន្ដជាច្រើនកម្ពស់៥ជាន់ លាតសន្ធឹងចាប់ពីជាន់ B1 ដល់ជាន់ទី៤ ដំណើរការដោយប្រព័ន្ធចំណតឆ្លាតវៃ។

អតិថិជនចង់បានខុនដូល្អ មានទីតាំងផ្តល់ភាពងាយស្រួលក្នុងការរស់នៅ និងប្រកបដោយផាសុខភាព សូមទំនាក់ទំនងលេខទូរស័ព្ទទៅកាន់ភ្នាក់ងារលក់ តាមរយៈលេខ 096 55 25 951, 011 444 647 ៕