ការសិក្សា​ទីផ្សារ​ច្បាស់លាស់ និង​ប្លង់​ស្ថាបត្យកម្ម​បានធ្វើ​ឲ្យ​បុរី Krek City Garden លក់បាន​ជាង ២០ភាគរយ​ហើយ

ដោយ​ស៊ីវ ម៉េង

ត្បូងឃ្មុំៈ ជាមួយនឹង​ដំណើរ​ឆ្ពោះទៅមុខ លើ​វឌ្ឍនភាព​នៃ​ការសាងសង់ បុរី Krek City Garden បានទទួល​ការគាំទ្រ បន្ទាប់ពី​អ្នកវិនិយោគ​បាន​សិក្សា​ពី​ទីផ្សារ តម្រូវការ និង​រៀបចំ​ប្លង់​ស្ថាបត្យកម្ម​របស់​គំរោង ប្រកបដោយ​ការគិតគូរ​ពី​សុខមាលភាព ដល់​អ្នករស់នៅ។

លោក​បណ្ឌិត​តេង រិ​ទ្ឋី អ្នក​អភិវឌ្ឍន៍​បុរី Krek City Garden ដែល​បាន​បោះទុន​ជាង៣០លាន​ដុល្លារ​លើ​ផ្ទៃដី​ជិត២០ហិកតា លើ​គំរោង​នេះ​បាន​មានប្រសាសន៍​ឲ្យ​ដឹង​កាលពី​ចុង​សប្តាហ៍​មុន​ថា មុនពេល​វិនិយោគ​លើ​បុរី​នៅ​ទីរួមស្រុក​ពញ្ញាក្រែក​នេះ ក្រុមហ៊ុន​បាន​សិក្សា​ពី​សក្តានុពល​របស់​តំបន់​នេះ ច្បាស់លាស់​រួចហើយ ទាក់ទង​នឹង​កម្រិតជីវភាព សក្តានុពល​សេដ្ឋកិច្ច និង​កត្តា​ប្រជាសាស្ត្រ​នៅ​តំបន់​នេះ។

លោក​បន្តថា “ខ្ញុំ​បាន​សិក្សា​ពី​តំបន់​នេះ​កាលពី៣ឆ្នាំមុន លើ​កត្តាសេដ្ឋកិច្ច និង​ប្រាក់ចំណូល​របស់​ប្រជាពលរដ្ឋ​នៅ​តំបន់​នេះ ដោយ​យើង​បាន​គិតពី​តម្លៃ​ដែល​យើង​បានដាក់​ចេញ គឺ​យើង​គិតថា​អាចធ្វើ​ទៅបាន ទើប​យើង​វិនិយោគ​គំរោង​នេះ​តែម្តង។ លោក​បន្ថែមថា “តាមពិត​ខេត្ត​ត្បូងឃ្មុំ​ជា​ខេត្ត​ថ្មី​មែនទែន ប៉ុន្តែ​ជា​ខេត្ត​មាន​សក្តានុពល ដោយមាន​មនុស្ស​រស់នៅ​ប្រមាណ៨០ទៅ៩០ម៉ឺន​នាក់ ដែល​ធ្វើ​ឲ្យ​មាន​តម្រូវការ​លំនៅដ្ឋាន​ស្តង់ដា ប៉ុន្តែ​មិនទាន់មាន​អ្នកវិនិយោគ​ណា​ចាប់អារម្មណ៍ ទើប​ខ្ញុំ​សម្រេចចិត្ត​វិនិយោគ​នៅ​ទីនោះ” ។

លោក​បណ្ឌិត​តេង រិ​ទ្ឋី ដែលជា​ស្ថាបត្យករ​ល្បីឈ្មោះ​មួយរូប បាន​មានប្រសាសន៍​ឲ្យ​ដឹង​ទៀតថា ជាមួយគ្នានេះ អាជ្ញាធរ​មូលដ្ឋាន​ថ្នាក់ឃុំ ស្រុក និង​ថ្នាក់​ខេត្ត​បាន​រីករាយ​សហការ​ជាមួយ​យើង បានធ្វើ​ឲ្យ​យើង​កាន់​តែមាន​ទឹកចិត្ត និង​មាន​ភាពងាយស្រួល​ធ្វើការ​សហការគ្នា ពិសេស​ប្រជាជន​មូលដ្ឋាន​បាន​រីករាយ​នឹង​គំរោង​នេះ ដោយសារ​ពួកគេ​ចង់​មាន​គេហដ្ឋាន​ល្អ មាន​ផ្សារ​ទំនើប ដែល​បើក​លក់​ពី​ព្រឹក​រហូតដល់​យប់​ជ្រៅ ដែល​វា​នឹងធ្វើ​ឲ្យ​សេដ្ឋកិច្ច​នៅ​មូលដ្ឋាន​មានការ​រីកចម្រើន។

លោក​បន្តថា “អ្វីដែល​យើង​ធ្វើ គឺ​រៀបចំ​លំនៅដ្ឋាន ផ្លួ​វ និង​ហេ​ដ្ឋា​រចនា​ស​ម្ព័​ន្ឋ​ដទៃទៀត​មាន​ស្តង់ដា​លំដាប់​អន្តរជាតិ ដូច​បុរី​មួយចំនួន​នៅ​រាជធានី​ភ្នំពេញ​ផងដែរ” ។ លោក​បន្តថា “យើង​សង្ឃឹម​ជឿជាក់ថា​គំរោង​នេះ​នឹង​ជោគជ័យ ដោយសារ​យើង​បាន​សិក្សា​ច្បាស់លាស់​ទាំង​ម៉ូត​ផ្ទះ តម្លៃ និង​តម្រូវការ​របស់​អតិថិជន ហើយ​រហូត​មកទល់ពេលនេះ យើង​មិនទាន់​បើក​លក់​ជា​ផ្លូវការ​ផង ប៉ុន្តែ​យើង​លក់​អស់​ជាង២០ភាគរយ​ហើយ” ។

លោក​បណ្ឌិត​តេង រិ​ទ្ឋី បាន​បន្តទៀតថា បច្ចុប្បន្ន​ក្រុមហ៊ុន​យើង​កំពុង​រៀបចំ​បុកគ្រឹះ​សាងសង់ និង​រៀបចំ​ហេ​ដ្ឋា​រចនា​ស​ម្ព័​ន្ឋ ពិសេស​ទុនវិនិយោគ​យើង​មាន​គ្រប់គ្រាន់ ដែល​មិនមាន​អ្វី​គួរ​ឲ្យ​បារម្ភ​ទេ។ ឥលូវ​នេះ​សេដ្ឋកិច្ច​នៅតាម​បណ្តា​រាជធានី ខេត្ត​ទាំង២៥មានការ​រីកចម្រើន​ល្អ ជាពិសេស​តំបន់​ទីប្រជុំជន​ស្រុក​ពញ្ញាក្រែក ដែលមាន​មនុស្ស​រស់នៅ​ប្រមាណ៣០,០០០នាក់ និង​កៀក​នឹង​ព្រំដែន​អន្តរជាតិ​ត្រពាំង​ផ្លុ​ង ដែលជា​ច្រកទ្វារ​អន្តរជាតិ​ធំ​ទី២ជាមួយ​ប្រទេស​វៀតណាម។

បុរី Krek City Garden ត្រូវបាន​គិតគូរ​យ៉ាង​ម៉ត់ចត់ ទៅលើ​ប្លង់​ស្ថាបត្យកម្ម ហេ​ដ្ឋា​រចនា​ស​ម្ព័​ន្ឋ ដូចជា​ផ្លូវ សួនច្បារ ការដាំ​ដើមឈើ និង​ការ​បន្សល់ទុក​ដី​មុខផ្ទះ​ចន្លោះ​ពី១៥ទៅ៣៥ម៉ែត្រ ដែលមាន​ភាព​អំណោយផល​ដល់​ការរស់នៅ ផ្តល់​បរិយាកាស​ស្រស់ស្រាយ និង​ខ្យល់​ចេញចូល​ស្រួល ដែល​ផ្តល់​ផាសុខភាព​ដល់​អ្នករស់នៅ​ក្នុង​បុរី​នេះ៕

វិនិយោគិន​អចលនទ្រព្យថ្មីៗនៅតែ​បន្ត​ដាក់ទុន​វិនិយោគ​លើ​វិស័យ​ដីឡូត៍ជាមួយ​ក្ដី​រំពឹង​ខ្ពស់

ដោយៈ​លក្ខិណា

ភ្នំពេញៈ បើទោះបីជា​បច្ចុប្បន្ននេះ ទីផ្សារ​ដីឡូត៍​ត្រូវបាន​មើលឃើញថា ហាក់​មាន​សន្ទុះ​ស្ទើរតែ​ដល់​កំពូល​ហើយ​ក្ដី ក៏​វិនិយោគិន​អចលនទ្រព្យថ្មីៗ បន្ត​ដាក់ទុន​ជាមួយនឹង​គម្រោង​ដី​ឡូ​ត៏ ដោយ​រំពឹងថា​នឹង​ទទួលបាន​ជោគជ័យ ខណៈ​អ្នកជំនាញ​អចលនទ្រព្យ​ក៏​ជំរុញ​ឱ្យ​យុវជន​គួរ​ទិញ​ដី​ទុក​សម្រាប់​អនាគត។

អ្នកស្រី ប៊ី ឧដ្ឋាន​វ​ត្តី អគ្គនាយិកា​ក្រុមហ៊ុន MT Property ជា​ម្ចាស់​គម្រោង​ដីឡូត៍​មួយកន្លែង​នៅ​ប៉ែក​ខាងលិច រាជធានី​ភ្នំពេញ​បានឱ្យដឹងថា អ្នកស្រី​បានចាប់ផ្ដើម​អភិវឌ្ឍន៍​គម្រោង​ដី​ឡូ​ត៏​នេះ នៅ​ចំ​ពេលដែល​ពិភពលោក​ជួបប្រទះ​នឹង​បញ្ហា ធ្ងន់ធ្ងរ​គឺ​កូ​វីដ១៩ ក៏ប៉ុន្តែ​អ្វីដែល​អ្នកស្រី ទទួលបាន​មកវិញ​គឺ​មិនគួរ​ជឿ ជាពិសេស​នៅ​អំឡុង​ខែតុលា ឆ្នាំ២០២០នេះ កម្ពុជា​ក៏​ជួបប្រទះ​នឹង​គ្រោះ​ទឹក​ជំនាន់​ធ្ងន់ធ្ងរ តែ​ការលក់​គម្រោង​ដី​ឡូ​ត៏​នៅពេលនោះ ទទួលបាន​ការគាំទ្រ​ពី​ប្រជាពលរដ្ឋ​ជាច្រើន ដោយ​ក្នុង​រយៈពេល​ខ្លី​មួយ​សោះ លក់​អស់​ជា​ពាក់កណ្ដាលភ្លាមៗ ។

អ្នកស្រី​បន្តថា ការគាំទ្រ​បែបនេះ អ្នកស្រី​ក៏​បង្កើត​គម្រោង​ដីឡូត៍ ជា​បន្តបន្ទាប់​ទៀត ដើម្បី​បំពេញតម្រូវការ​ដល់​អ​តិ​ថិ​ជន ដែល​ត្រូវការ​ដី​ពិត និង​ទទួលបាន​ឯកសារពិតៗពី​ក្រុមហ៊ុន ។

អ្នកស្រី​និយាយថា “បច្ចុប្បន្ននេះ យើង​ទទួលស្គាល់ថា​អាជីវកម្ម​ដីឡូត៍ ពិត​ជាមាន​ច្រើន និង​មានការ​ប្រកួតប្រជែង​ទាំង​តម្លៃ​និង​ទីតាំង ប៉ុន្តែ​ក៏មាន​ជន​មួយក្រុម​ធ្វើ​អាជីវកម្ម​មិន​ស្មោះត្រង់ ដោយ​ដី​ខ្យល់​ទៅ​អតិថិជន ទើប​អតិថិជន ត្រូវការ​អ្នក​អភិវឌ្ឍ​ដែលមាន​ភាពស្មោះត្រង់ មាន​ដី​ពិតប្រាកដ និង​មាន​ឯកសារ​ច្បាស់លាស់” ។

បើតាម​លោក​ឧកញ៉ា​បណ្ឌិត គីម ហ៊ាង ប្រធាន​ក្រុមហ៊ុន​KW Cambodia បាន​មានប្រសាសន៍​ផងដែរ​ថា មនុស្ស​កើតជា​រៀងរាល់ថ្ងៃ រៀងរាល់ឆ្នាំ តែ​ដី​អត់​មាន​កើត​តទៅទៀត​ទេ ដូច្នេះ​ការទិញ​ដី​ទុក​សម្រាប់​អភិវឌ្ឍ​ជា​លំនៅឋាន នៅពេល​អនាគត​នឹងមិន​ខុស​បំណង​ឡើយ ហើយ​ជាម​នុស្ស​ឆ្លាត​ទៀតផង​ដែរ ។

លោក​បន្តថា “គ្រាន់តែ​នៅ​ភ្នំពេញ​មួយ មាន​មនុស្ស​ចំណូល​ថ្មី​ចូលមក​រស់នៅ​រាប់ម៉ឺន​នាក់​ក្នុងមួយឆ្នាំៗ  ដូច្នេះ​រដ្ឋបាល​រាជធានី ត្រូវការ​ពង្រីក​ផ្ទៃដី​កាន់តែ​ធំ​ជាង​មុន ដោយ​កាត់​ផ្នែក​ខ្លះ​នៃ​ខេត្ត​ជាប់​ភ្នំពេញ ស្ថិតក្រោម​ការគ្រប់គ្រង​របស់​រដ្ឋបាល រាជធានី​ភ្នំពេញ ហើយ​តំបន់​ដីធ្លី ដែល​កំពុងពុះ​ឡូត៍​នៅជាយៗរាជធានី ក៏​អាច​កាត់​ចូល​ឱ្យ​ស្ថិតក្រោម​ការគ្រប់គ្រងរ​បស់​រាជធានី​ផងដែរ “ ។

លោក​បន្ថែមថា យុវជន​ដែល​កំពុងធ្វើការ​នៅ​ភ្នំពេញ និង​នៅជិតៗភ្នំពេញ គួរ​ទិញ​ដី​ឡូ​ត៏​ឱ្យបាន​ពីរ​ឡូ​ត៏ សម្រាប់​អនាគត ជាពិសេស​យុវជន​មិនទាន់​រៀបការ ។ នៅពេល​ដីឡូត៍​នោះ​មានតម្លៃ​ខ្ពស់ ពួកគេ​អាច​លក់​មួយ​ឡូ​ត៏​ដើម្បី​បាន​លុយ​រៀបការ ហើយ​ទុក​មួយ​ឡូ​ត៏​ដើម្បី​សង់ផ្ទះ​រស់នៅ​ក្រោយ​រៀបការ ។

បើតាម​អ្នកជំនាញ​វិស័យ​អចលនទ្រព្យ​ដទៃទៀត ក៏បាន​និយាយ​ផងដែរ​ថា សកម្មភាព​ពុះ​ដីឡូត៍ ត្រូវបាន​មើលឃើញថា កំពុងពុះ​ក​ញ្ច្រោ​ល​នៅ​តំបន់​ប៉ែក​ខាងលិច ហើយ​តំបន់​នេះ នឹង​កាន់​តែមាន​សក្ដានុពល​ប​ន្ថែ​ម​ទៀត ក្នុងពេល​ឧស្សាហកម្ម​រោងចក្រ ក៏ត្រូវ​បាន​កំពុង​រុះរើ ទៅ​ដាក់​ទីតាំង​ថ្មី​នៅ​តំបន់​នោះបណ្ដើរៗ ដូច្នេះ​ប៉ែក​ខាងលិច​រាជធានី​ភ្នំពេញ នឹង​ក្លាយជា​តំបន់ឧស្សាហកម្ម និង​លំនៅឋាន​ដ៏​មាន​សក្ដានុពល នៅពេល​អនាគត​ខាងមុខនេះ៕

សម្តេច​តេ​ជោ ហ៊ុន សែន៖ តំបន់​ផ្លូវ ៦០ម៉ែត្រ កំពុង​ក្លាយជា​ទីក្រុង​ថ្មី​ដ៏​ទាក់ទាញ

ដោយៈ រ៉ា​ណេ​ត

ភ្នំពេញៈ សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា​បានលើកឡើង​ថា តំបន់​ផ្លូវ៦០ម៉ែត្រ ស្ថិតនៅ​ភាគខាងត្បូង​នៃ​ទីក្រុង​ភ្នំពេញ បាន​នឹង​កំពុង​ប្រែ​ក្លាយទៅជា​ទីក្រុង​ថ្មី​ស្របតាម​ផែនការអភិវឌ្ឍន៍​រប​ស់រាជ​រដ្ឋាភិបាល​កម្ពុ​ជា។

សម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា កាលពី​ចុង​សប្តាហ៍​កន្លងមកនេះ​បាន​មានប្រសាសន៍ថា មនុស្ស​មួយចំនួន​បាន​រិះគន់ និង​មិនឱ្យ​មានការ​អភិវឌ្ឍន៍​តំបន់​ភាគខាងត្បូង​នេះ​នោះទេ ព្រោះ​ជា​តំបន់ដីសើម ប៉ុន្តែ​ជាក់ស្តែង​វា​បាន​នឹង​កំពុងមាន​ការី​ករ​ចំរើន និង​អភិវឌ្ឍន៍​ទៅជា​ទីក្រុង​ថ្មី​របស់​រាជធានី​ភ្នំពេញ។

សម្តេច​តេ​ជោ​បាន​មានប្រសាសន៍ថា “ឥឡូវ​ភាគខាងត្បូង​ផ្លូវ៦០ម៉ែត្រ កំពុង​ក្លាយជា​ទីក្រុង​មួយ​ថ្មី​ហើយ ភាគ​ខាងជើង​ក៏​រីក ភាគខាងត្បូង​ក៏​រីក ភាគ​ខាងលិច​ក៏​រីក ហើយ​បន្តិចទៀត​ទៅខាង​កើត​តំបន់​អរិយ​ក្សត្រ​ក៏​រីក​ដែរ” ។

សម្ដេច​តេ​ជោ​បាន​បញ្ជាក់ថា បន្តិចទៀត​ក្រោយពេល​មានការ​នាំយក​វ៉ាក់សាំង​មកចាក់​ជូន​ប្រជាពលរដ្ឋ​កម្ពុជា ក្រោម​គោលការណ៍​ស្ម័គ្រចិត្ត កម្ពុជា​នឹង​បង្កើន​ភាព​ទាក់ទាញ​ដល់​បណ្តា​អ្នកវិនិយោគ​អន្តរជាតិ​បន្ថែមទៀត នៅពេលដែល​ពួកគេ​ដឹង​ច្បាស់​ថា កម្ពុជា​មិនមែនជា​តំបន់​ដែល​ប្រឈម​ខ្ពស់ ឬ​ជា​ប្រទេស​ងាយ​ឆ្លង​ជំងឺ​នោះទេ។សម្តេច​បន្តថា នៅពេលដែល​កម្ពុជា អាច​ទប់ស្កាត់​ស្ថានភាព​ប្រឈម​បាន មាន​ការចាក់​វ៉ាក់សាំង​ការពារ​បានល្អ វា​នឹង​បង្កើន​ទំនុកចិត្ត​ដល់​ពួក​វិនិយោគិន ដែល​នឹង​ចូលមក​កាន់​កម្ពុជា​បន្ថែ​ម​ទៀត។

លោកស្រី តាំង ហួរ នាយិកា​ក្រុមហ៊ុន Amatak Property Service បានឱ្យដឹងថា ដូច​ទៅនឹង​ប្រសាសន៍​របស់​ប្រមុខ នៃ​រាជរដ្ឋាភិបាល​កម្ពុជា តំបន់​ផ្លូវ៦០ម៉ែត្រ បាននិងកំពុង​ក្លាយជា​តំបន់​ពាណិជ្ជកម្ម និង​លំនៅឋាន​កម្រិត​ខ្ពស់ ដែល​អ្នកមាន​ធនធានល្មមៗ គឺ​មិនអាច​ទៅ​ទិញ​លំនៅដ្ឋាន​នៅទីនេះ​បាន​នោះទេ ហើយ​សម្រាប់​ការ​ភិ​វ​ឌ្ឍ​វិញ​គឺមាន​គម្រោងធំៗ និងទំនើប។

លោកស្រី​បន្តថា សម្រាប់​ទីផ្សារ​ដីធ្លី​នៅ​តំបន់​នេះ​គឺមាន​ទំហំ​ធំ ហើយ​មានតម្លៃ​ខ្ពស់ ដែល​អ្នកទិញ​ភាគច្រើន ទិញ​យកទៅ​អភិវឌ្ឍន៍​សាងសង់​បណ្តុំ​លំនៅឋាន អគារ​ពាណិជ្ជកម្ម សាលារៀន និង​មន្ទីរពេទ្យ​កំរិត​ខ្ពស់ ពោលគឺ​គេ​មិនមែន​អភិវឌ្ឍន៍​លើ​គម្រោង​តូចតាច​នោះទេ។

លោកស្រី អាន សុ​ធិ​តា នាយិកា​ប្រចាំ​ប្រទេស​របស់​ក្រុមហ៊ុន CBRE Cambodia ឱ្យដឹង​ដែរ​ថា តំបន់​ផ្លូវ ៦០ ម៉ែត្រ​មានតម្លៃ​ដី​ខ្ពស់ មិនមែន​ទើបតែ​មាន​ពេលនេះ​ទេ ពោលគឺ​វា​បាន​ឡើង​ចាប់តាំងពី​សម្ពោធ​ផ្លូវ​នេះ​មក​ម្លេះ។ ដី​ដែលមាន​តម្លៃ​ល្អ គឺ​នៅជាប់​នឹង​ផ្លូវធំ និង​ក្បែរ​គម្រោង​អភិវឌ្ឍន៍ធំ។

លោកស្រី​បន្តថា ផ្លូវ៦០ម៉ែត្រ នឹង​ក្លាយទៅជា​តំបន់​ពាណិជ្ជកម្ម​កម្រិត​ខ្ពស់ របស់​ទីក្រុង​ភ្នំពេញ​នាពេលខាងមុខ ខណៈ​តំបន់​នេះ​កំពុង​ទាក់ទាញ គម្រោង​វិនិយោគធំៗចូលទៅ​យ៉ាងច្រើន ដូចជា​គម្រោង​បុរី​លំនៅឋាន​កម្រិត​ខ្ពស់ អគារ​ការិយាល័យ និង​អគារ​ពាណិជ្ជកម្ម ផ្សារ​ទំនើប​ជាដើម ដែល​នឹង​ប្រែក្លាយ​តំបន់​នេះ ទៅជា​តំបន់​អភិវឌ្ឍ៍​កម្រិត​ខ្ពស់​មួយ​ដ៏​សំខាន់ ហើយ​ក្នុង​រយៈពេល៥ឆ្នាំ​ខាងមុខ នឹង​ក្លាយជា​តំបន់​ដ៏​ពេញនិយម​សម្រាប់​ការរស់នៅ​បែប​ទំនើប និង​ការធ្វើ​ពាណិជ្ជកម្ម​របស់​ទីក្រុង​ភ្នំពេញ៕

ប្រធាន CVEA ថា អ្នកជំនួញ​ក្នុង​វិស័យ​អចលនទ្រព្យ​ពូកែ ត្រូវ​ប្រើ​ធនធាន​អ្នកដទៃ​ដើម្បី​ទទួលបាន​ជោគជ័យ

ដោយៈ រ៉ា​ណេ​ត

ភ្នំពេញៈ ការ​ធនធាន​អ្នកដទៃ ដើម្បី​អាច​ទទួលបាន​នូវ​ផលប្រយោជន៍ និង​ឈានទៅរក​ការសម្រេចបាន​នូវ​ភាពជោគជ័យ លើ​គម្រោង​របស់ខ្លួន ជា​សកម្មភាព​មួយ​ដែល​គួរតែ​ពិចារណា និង​យកមកអនុវត្ត​ប្រកបដោយ​ភាពត្រឹមត្រូវ និង​មាន​វិជ្ជាជីវៈ​ខ្ពស់បំផុត។ នេះ​បើតាម​ការលើកឡើង​រប​ស់​ប្រធាន CVEA កាលពីពេលថ្មីៗកន្លងទៅនេះ។

ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា (CVEA) លោក​ច្រឹ​ក សុខ​នី​ម បាន​មានប្រសាសន៍​កាលពី​ល្ងាច ថ្ងៃ​ចុង​សប្ដាហ៍​កន្លងទៅនេះ​ថា ការចេះ​ប្រើ​ធនធាន​អ្នកដទៃ ដើម្បី​អាច​សម្រេចបាន​ភាពជោគជ័យ ទៅលើ​គម្រោង​របស់ខ្លួន​គឺជា​វិធីសាស្ត្រ ដែល​អ្នកជំនួញ​នៅក្នុង​វិស័យ​អចលនទ្រព្យ យកមកប្រើ​ជា​ញឹកញាប់ ហើយ​ជាពិសេស​វិនិយោគិន​បរទេស​ដែលជា​នាយក​ក្រុមហ៊ុនធំ។

លោក​បាន​បញ្ជាក់ថា “ក្នុងន័យនេះ​ខ្ញុំ​ចង់​បញ្ជាក់ ទៅលើ​ការទទួល​ប្រើ​សេវា​របស់​បណ្តា​ក្រុមហ៊ុន​ភ្នាក់ងារ ដែលមាន​ជំនាញ​ត្រឹមត្រូវ និង​ស្របច្បាប់” ។ លោក​បន្តថា “ខ្ញុំ​ឧទាហរណ៍​ថា ប្រសិនបើ​អ្នក​ចង់រក​ទិញ​ដី សម្រាប់​អភិវឌ្ឍន៍​អាជីវកម្ម​អ្វីមួយ ដែល​ប្រាកដថា​ជា​តំបន់​ដែលមាន​សក្ដានុពល អំណោយផល​ដល់​អាជីវកម្ម នោះ​គឺ​ត្រូវតែ​ពឹង​ទៅលើ​ក្រុមហ៊ុន​ភ្នាក់ងារ ដែល​ពួកគេ​មាន​ជំនាញ មាន​ព័ត៌មាន​ជាច្រើន​នៅក្នុង​ដៃ​ស្រាប់​ងាយស្រួល​ក្នុង​ណែនាំ” ។

លោក​បាន​បន្តថា ភ្នាក់ងារ​ជំនាញ​ដែលមាន​ក្រមសីលធម៌ មាន​វិជ្ជាជីវៈ​ឆ្លងកាត់​ការបណ្តុះបណ្តាល​ត្រឹមត្រូវ នឹង​ផ្តល់​ប្រឹក្សា​ជាមួយ​អ្នកពាក់ព័ន្ធ ទៅនឹង​ការជ្រើសរើស​ដី​នៅ​ទីតាំង​ណាមួយ ដែល​អាច​ស្របទៅនឹង​ប្រភេទ​អាជីវកម្ម យល់ដឹង​ពី​តម្លៃ​ដីធ្លី​នៅលើ​ទីផ្សារ​ក្នុង​តំបន់​ច្បាស់លាស់ ហើយ​មាន​ភាពច្បាស់លាស់ ក្នុងការ​រៀបចំ​ឯកសា​រ​ច្បាប់ផ្សេងៗដែល​អាច​ជៀស​ផុតពី​ហានិភ័យ ឬ​ការខាតបង់​ក្រោយ​សម្រេចចិត្ត​ទិញ។ ផ្ទុយទៅវិញ​បើ​អ្នក មិន​ប្រើ​សេវា​ភ្នាក់ងារ​ស្របច្បាប់​នោះ អាច​នឹង​ប្រឈម​បញ្ហា​ច្រើន ដូចជា​ត្រូវ​ចំណាយពេល​ច្រើន​ក្នុងការ​ស្វែងរក​ទីតាំង​ល្អ ប្រឈម​នឹង​ការចាញ់បោក​ឈ្មួ្ញ​ញ​កណ្តាល ឬ​អ្នក​គួ​ក​ជេរ​ដី ឬ​អាច​ជ្រើសរើស​ទីតាំង​ខុសពី​ប្រភេទ​អាជីវកម្ម​របស់ខ្លួន​ក៏​អាច​ថា​បាន” ។

លោក​ច្រឹ​ក សុខ​នី​ម​បាន​បញ្ជាក់ថា អ្នកវិនិយោគ និង​អភិវឌ្ឍន៍​អន្តរជាតិ​ជាច្រើន ដែលមាន​ក្រុមហ៊ុនធំៗ មាន​គម្រោង​តម្លៃ​រាប់សិប​លាន​ដុល្លារ ពួកគេ​សុទ្ធតែ​ជ្រើសរើស​ការប្រើ​ក្រុមហ៊ុន​ភ្នាក់ងារ​ជា​ដៃគូ ពួកគេ​ជឿជាក់ថា ការប្រើ​សេវា​របស់​ក្រុមហ៊ុន​ភ្នាក់ងារ ដែលជា​ការប្រើប្រាស់​ធន​ធាន​របស់​អ្នកដទៃ សម្រាប់​សម្រេចបាន​ភាព​ជោគជ័យ ទៅលើ​គម្រោង​អភិវឌ្ឍន៍​របស់​ពួកគេ គឺអាច​ទទួលបាន​អត្រា​ខ្ពស់ ទាំង​ការស្វែងរក​ទីតាំង​សម្រាប់​អភិវឌ្ឍន៍​គម្រោង ក៏ដូចជា​ការលក់​គម្រោង​ទាំង​មុនពេល និង​ក្រោយពេល​បញ្ចប់​ការសាងសង់​ផងដែរ៕

លោកគាម សៀកឡុងៈផ្នែកសំខាន់បីនៃអចលនទ្រព្យនឹងមានសន្ទុះលឿនជាងគេនៅឆ្នាំនេះ

ដោយ ៖ ស៊ីវ ម៉េង

ភ្នំពេញៈ អ្នកជំនាញក្នុងវិស័យអចលនទ្រព្យបានអះអាងថា វិស័យអចលនទ្រព្យកំពុងចាប់ផ្តើម មានសញ្ញាល្អប្រសើរឡើងវិញហើយ ខណៈដែលប្រមុខរដ្ឋាភិបាលបានប្រកាសថាវ៉ាក់សាំងការពារជំងឺកូវីដ១៩ នឹងមកដល់កម្ពុជានៅតែកុម្ភៈមុខនេះ។

លោកគាម សៀកឡុងប្រធានក្រុមប្រឹក្សាភិបាលក្រុមហ៊ុនCentury21 Dream Propertyបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី២៣ មករានេះថា ប្រមុខរដ្ឋាភិបាលបានប្រកាសថា នឹងចាក់វ៉ាក់សសាំងដល់ប្រជាពលរដ្ឋខ្មែរឲ្យបាន៥០ម៉ឺននាក់ មុនចូលឆ្នាំខ្មែរខាងមុខ ដែលវាជាសញ្ញាល្អ ដែលកាត់បន្ថយការភ័យខ្លាចលើជំងឺនេះ និងបង្ហាញពីកម្ពុជា ជាប្រទេសមានសុវត្ថិភាពដែលជនបរទេស និងអ្នកវិនិយោគបរទេសនឹងចូលមកកាន់កម្ពុជា ព្រោះមូលដ្ឋានគ្រឹះរបស់កម្ពុជា មិនបានរងការខូចខាតដោយសារជំងឺកូវីដ១៩នោះទេ។

លោកបន្តថា “ផ្នែកសំខាន់ៗចំនួន៣ នឹងលេចធ្លោជាងគេនៅឆ្នាំនេះ គឺផ្នែកខុនដូ ដីធ្លី និងលំនៅដ្ឋាន ដោយសារនៅពេលមានលំហូរវិនិយោគិនបរទេសចូលមក ចរន្តសាច់ប្រាក់នឹងសាយភាយទៅគ្រប់ផ្នែក ដែលនឹងវានឹងធ្វើឲ្យសកម្មភាពទិញលក់កើនឡើង”។​ លោកបន្តថា “នៅកម្ពុជាវិស័យលំនៅដ្ឋាន ខុនដូ មិនរងការខូចខាតខ្លាំងនោះទេ ដោយ​សា​រធនាគារនៅតែផ្តល់ឥណទានជូនអតិថិជន ហើយកាលណាធនាគារនៅតែផ្តល់កម្ចីវិស័យនេះនៅតែរីកចម្រើន”។

លោកគាម សៀកឡុងបានបន្តថា បណ្តារាជធានីខេត្តជាច្រើននឹងបន្តមានសកម្ម​ភាពទិញលក់ និងអភិវឌ្ឍន៍ច្រើនដូចជា ក្រុងភ្នំពេញ វានឹងបន្តរីកចម្រើនដោយសារជាតំបន់ប្រមូលផ្តុំសកម្មភាពពាណិជ្ជកម្ម ខេត្តព្រះសីហនុនឹងងើបឡើងវិញ ដោយវិនិយោគិន​ចិននឹងមកកាន់ខេត្តនេះជាថ្មី ខណៈសេដ្ឋកិច្ចចិននៅតែមានភាពល្អប្រសើរ ទោះបីប្រទេ​ស​ដទៃមានបញ្ហាក្តី។

លោកបន្តថា ខេត្តកំពង់ស្ពឺ នៅតែរក្សាល្បឿននៃការរីកចម្រើនរបស់ខ្លួន ដោយសារសកម្មភាពទិញលក់ដីធ្លី តម្លៃដីធ្លីកើនឡើង ទោះខេត្តដទៃស្ងប់ស្ងាត់កំឡុងវិបត្តិ កូវីដ១៩ក្តី ហើយខេត្តមណ្ឌលគិរីនឹងបន្តរីកចម្រើន បន្ទាប់ពីរដ្ឋាភិបាលប្រកាសសាងសង់ព្រលានយន្តហោះក្នុងតំបន់ ដែលកំពុងសិក្សា និងវិនិយោគដោយក្រុមហ៊ុនPowerchina Group។

ក្រៅពីនេះ នៅមានខេត្តចំនួន២ទៀតដែលមានសក្ដានុពល រួមមានខេត្តកណ្តាល និងខេត្តសៀមរាប។ ខេត្តកណ្តាលដែលកំពុងបង្កើនភាពទាក់ទាញជាមួយនឹងគម្រោអភិវឌ្ឍន៍វិស័យលំនៅដ្ឋាន ជាពិសេសគម្រោងសាងសង់អាកាសយានដ្ឋានអន្តរជាតិភ្នំពេញថ្មី។ ដោយឡែកសម្រាប់ខេត្តសៀមរាបក៏មានកំពុងបង្ហាញពីភាពទាក់ទាញផងដែរដោយមានគម្រោងបង្កើតក្រុងរណបរបស់ចិន គម្រោងបង្កើតមណ្ឌលកម្សាន្តរបស់ក្រុម NAGA Corp រួមជាមួយនឹងគម្រោងស្ថាបនាហេដ្ឋារចនាសម្ព័ន្ធផ្លូវថ្នល់៣៨ខ្សែនៅក្នុងក្រុង ខណៈដែលគម្រោងសាងសង់អាកាសយានដ្ឋានអន្តរជាតិសៀមរាប-អង្គរកំពុងបន្តដំណើរការយ៉ាងសកម្ម៕

រដ្ឋាភិបាលគ្រោងរៀបចំក្រុងព្រះសីហនុត្រៀមដំណើរការសេវាថែទាំទីក្រុងវៃឆ្លាត

ដោយៈ រ៉ាណេត

ព្រះសីហនុៈ ក្រុងព្រះសីហនុ ដែលកំពុងមានការរៀបចំហេដ្ឋារចនាសម្ព័ន្ធ និងការអភិវឌ្ឍន៍គ្រប់វិស័យ ក្នុងនាមជាទីក្រុងពាណិជ្ជកម្មពហុបំណងដ៏ទាក់ទាញ បាននិងកំពុងត្រៀមដំណើរការលើសេវាថែទាំទីក្រុងវៃឆ្លាតក្រោមកិច្ចសហការ ពីសំណាក់វិស័យឯកជនដែលជាក្រុមហ៊ុនជំនាញរបស់ប្រទេសជប៉ុន។

លោកគង់ វិតាណ: អភិបាលរងខេត្តព្រះសីហនុ បានឱ្យនៅព្រឹកថ្ងៃចុងសប្ដាហ៍នេះថា ដំណើរការ និងគម្រោងនៃការថែទាំទាក់ទង នឹងសេវាទីក្រុងវៃឆ្លាត ក្នុងខេត្តព្រះសីហនុ ក្រោមកិច្ចសហការពីសំណាក់ក្រុមហ៊ុនឯកជន អាចនឹងត្រូវចាប់អនុវត្តក្នុងពេលឆាប់ៗខាងមុខនេះ ខណៈដែលការសិក្សាលម្អុត និងកិច្ចព្រមព្រៀងត្រូវបានបញ្ចប់រួចរាល់។

លោកបញ្ជាក់ថា “រដ្ឋបាលខេត្តបានបើកកិច្ចប្រជុំជាមួយក្រុមហ៊ុន មីនេបៀ (ខេមបូឌា) ជាច្រើនលើករួចមកហើយ ថ្ងៃនេះយើងបន្តពិភាក្សាលើកិច្ចព្រមព្រៀងស្តីពី ការដាក់ឱ្យដំណើរការ និងថែទាំអំពូលវៃឆ្លាតបំភ្លឺផ្លូវសាធារណ:ក្នុងក្រុងព្រះសីហនុ ដើម្បីសម្រេចនូវគោលគំនិតទីក្រុងវៃឆ្លាតដោយភ្ជាប់នូវឧបករណ៍ និងបរិក្ខារចាប់សញ្ញាផ្សេងៗសម្រាប់ថ្ងៃអនាគត(គម្រោងទីក្រុងវៃឆ្លាត)”។

ក្នុងឱកាសនោះ លោកគង់ វិតាណ: ក៏បានណែនាំឱ្យក្រុមហ៊ុន មីនេបៀ (ខេមបូឌា) បន្តពិភាក្សាជាមួយមេធាវីសាលាខេត្ត ដើម្បីរៀបចំខ្លឹមសារ ឯកសារគតិយុត្តិឱ្យបានត្រឹមត្រូវ មុនឈានទៅធ្វើការចុះកិច្ចព្រមព្រៀងដំណើរការថែទាំ ទាក់ទងនឹងសេវាទីក្រុងវៃឆ្លាតក្នុងខេត្តព្រះសីហនុ។

លោកAOK TAKASHI អ្នកគ្រប់គ្រងទីផ្សារក្រុមហ៊ុនមីនេបៀ (ខេមបូឌា) បានបង្ហាញពីសកម្មភាព ការងារបំពាក់អំពូលភ្លើងវៃឆ្លាត នៅលើផ្លូវ៣៤ខ្សែចំនួន ៥ ៣០០អំពូល និងខ្សែផ្លូវលេខ៨៣៥ ចំនួន១៣៦អំពូល ហើយបច្ចុប្បន្នអំពូលវៃឆ្លាតមួយចំនួនបានដាក់ឱ្យប្រើប្រាស់ និងមួយចំនួនទៀតរង់ចាំភ្លើងចូលដល់។

ជាមួយគ្នានេះក្រុមហ៊ុន ក៏បានពិនិត្យកិច្ចព្រមព្រៀង លើការដាក់ឱ្យដំណើរការ និងថែទាំទាក់ទងនឹងសេវា ទីក្រុងវៃឆ្លាតក្នុងខេត្តព្រះសីហនុ ខណៈដែលសកម្មភាពរបស់ក្រុមហ៊ុនកាលពិពេលកន្លងមកនេះ បានបំពាក់អំពូលវៃឆ្លាតក្នុងប្រទេសកម្ពុជា បានចំនួន១៤ ០០០អំពូលរួចទៅហើយនោះ៕

គម្រោងផ្ទះល្វែងប្រណិតនគរជ័យបង់រំលោះត្រឹម២៨៨ដុល្លារក្នុងមួយខែប៉ុណ្ណោះ

ដោយ ៖ គង់ សូរិយា

ភ្នំពេញៈ ប្រសិនបើលោកអ្នកកំពុងស្វែងរកលំនៅឋាន ដែលមានតម្លៃសមរម្យ សំណង់មានគុណភាពល្អ ហើយស្ថិតនៅតំបន់ទីប្រជុំជន ដែលកំពុងអភិវឌ្ឍខ្លាំង គម្រោងផ្ទះល្វែងប្រណិតនគរជ័យ ជាជម្រើសដ៏ស័ក្តសមសម្រាប់លោកអ្នក។

គំរោងនេះ មានទីតាំងស្ថិតនៅតាមបណ្តោយផ្លូវបេតុងទំហំ១៥​ម៉ែត្រ ក្នុងភូមិត្រពាំ​ងមាន សង្កា​​ត់ក្រាំងធ្នង់ ខណ្ឌសែនសុខ រាជធានីភ្នំពេញ ចំងាយប្រហែល៣០ម៉ែត្រពីផ្សារបុរីពិភពថ្មីឈូកវ៉ា២ គម្រោងផ្ទះល្វែងប្រណិតនគរជ័យ ផ្តល់ជូនគេហដ្ឋានអាជីវកម្ម (ផ្ទះល្វែង) ដ៏ស្រស់ស្អាតចំនួន​១០ល្វែង ដែលមានការរចនាម៉ូតទាំងផ្នែកខាងក្នុង និងខាងក្រៅ ប្រកបដោយភាពទាក់ទាញ រួមជាមួយតម្លៃដ៏សមរម្យ ដោយផ្តល់ជូនការបង់រំលោះត្រឹមតែ២៨៨ប៉ុណ្ណោះក្នុងមួយខែ ដែលសមស្របនឹងគ្រួសារ ដែលមានប្រាក់ចំណូលមធ្យម។​

គម្រោងផ្ទះអាជីវកម្មនេះ សាងសង់ជាប្រភេទផ្ទះល្វែង ដែលមានទំហំ៤,១ម៉ែត្រ គុណនឹង១៦,៥ម៉ែត្រ ទំហំផ្ទះ៤,១គុណនឹង១២ម៉ែត្រ សល់ដីខាងមុខផ្ទះ៣,៥ម៉ែត្រ និងមានដីខាងក្រោយផ្ទះ១ម៉ែត្រ ដែលមានចំនួន២ជាន់ មានបន្ទប់គេង៥ និងបន្ទប់ទឹកចំនួន៦។

គម្រោងនេះ ត្រូវបានស្ថាបនានៅលើទីតាំងពិសេស ដោយស្ថិតនៅក្នុងតំបន់អភិវ​ឌ្ឍន៍ចម្រុះ ដែលមានចំងាយប្រហែល៥នាទីពីផ្សារទំនើបអ៊ីអន២ និង៥នាទីពីអាកាសយានដ្ឋានអន្តរជាតិភ្នំពេញ នៅក្បែរចំណុចចាប់ផ្តើមផ្លូវល្បឿនលឿនភ្នំពេញ -ខេត្តព្រះស៊ីហនុ និងព័ទ្ធជុំវិញដោយសាលារៀន មន្ទីរពេទ្រ រោងចក្រ ផ្សារ គម្រោងបុរីធំៗ និង មានហេដ្ឋារចនាសម្ព័ន្ធគ្រប់គ្រាន់ ងាយស្រួលប្រកបមុខរបរ និងការរស់នៅ។

លំនៅឋាននិមួយៗ មានតម្លៃចាប់ផ្តើមពីតម្លៃ១៣០,០០០ដុល្លារ ដែលអតិថិជនមាន៣ជម្រើសក្នុងការបង់ប្រាក់។ ជម្រើសទី១ អតិថិជនអាចបង់ផ្តាច់១០០ភាគរយ ដើម្បីទទួលបានការបញ្ចុះតម្លៃរហូត ដល់១០,០០០ដុល្លារ នឹងថែមជូនរថយន្ត TOYOTA Prius ៥មួយគ្រឿង ទូរទឹកកក១គ្រឿង និងទូរទស្សន៍១គ្រឿង។

ជម្រើសទី២អតិថិជនអាចបង់មុន​ភាគរយ  ដើម្បីទទួលបានការបញ្ចុះតម្លៃ១ម៉ឺន​ដុល្លារ និងថែមម៉ូតូ HONDA Dream២០២១ ចំនួន1គ្រឿងភ្លាមៗ។ ជម្រើសទី៣ អតិថិជនបង់មុន១០ភាគរយ ដើម្បីទទួលបានការបញ្ចុះតម្លៃចំនួន២០០០ដុល្លារ អាមេរិកភ្លាមៗ។ នៅក្នុងរយៈពេលសាងសង់ អតិថិជនអាចបង់រំលោះដោយមិនគិតការប្រាក់ទេ។

គម្រោងផ្ទះល្វែងប្រណីតនគរជ័យ មានលក្ខណៈពិសេសជាច្រើន ដូចជា តម្លៃក្រោមទីផ្សារចន្លោះពី១០,០០០ទៅ20,000ដុល្លារ ផ្តល់ជូនបណ្ណកម្មសិទ្ធិប្លង់រឹង ផ្តល់ជូនទូរតាំងផ្ទះបាយលើក្រោម និងទូតាំងឈើនៅកន្លែងទទួលភ្ញៀវ។​​​​​​​​​​​​​​​​ គម្រោងផ្ទះល្វែងប្រណិតនគរជ័យ ទើបតែចាប់ផ្តើមបើកលក់នាដើមឆ្នាំ២០២១នេះប៉ុណ្ណោះ ដែលគ្រោងនឹងបញ្ចប់ការសាងសង់ទាំងស្រុង នាអំឡុងពាក់កណ្តាលឆ្នាំ២០២២ខាងមុខ។

ក្នុងរយៈពេលចុងក្រោយនេះ ខណ្ឌសែនសុខ មានសន្ទុះលើតម្រូវការអចលនទ្រព្យយ៉ាងឆាប់រហ័ស ទាំងការអភិវឌ្ឍលើវិស័យបុរីលំនៅដ្ឋាន អគារខ្ពស់ៗ និង គម្រោងអភិវដ្ឋន៍បែបអាជីវកម្ម ដូចជា គម្រោងអគារខុនដូ អគារពាណិជ្ជកម្ម និងផ្សារទំនើបជាដើម។ អ្នកជំនាញអចលទ្រព្យភាគច្រើនយល់ស្របគ្នាថា ខណ្ឌសែនសុខមានសក្តានុពលអាចក្លាយជាតំបន់ពាណិជ្ជកម្ម (CBD) នាពេលអនាគត។

សម្រាប់ព័ត៍មានបន្ថែម សូមទំនាក់ទំនងមកកាន់លេខ 099 89 20 18 / 016 89 2018៕

ក្រុមហ៊ុន LSCG សហការជាមួយក្រុមហ៊ុន KNN បោះទុនវិនិយោគរាប់លានដុល្លារ សម្រាប់ទទួលក្រុមហ៊ុនអន្តរជាតិក្នុងការដេញថ្លៃគម្រោងធំៗនៅកម្ពុជា

ដោយ ៖ គង់ ម៉ាលីន
ភ្នំពេញ៖ ជាមួយនឹងស្ថានភាពហាក់បានធូរស្បើយបន្តិវពីការគំរាមកំហែងពីវិបត្តិសេដ្ឋកិច្ចនាពេលបច្ចុប្បន្ន ក្រុមហ៊ុនអចលនទ្រព្យនៅកម្ពុជា LSCG បានសហការជាមួយក្រុមហ៊ុន KNN បានបណ្តាក់ទុនរាប់លានដុល្លារក្នុងវិនិយោគ សម្រាប់ទទួលក្រុមហ៊ុនអន្តរជាតិនានាក្នុងការដេញថ្លៃគម្រោងអភិវឌ្ឍន៍ធំនៅក្នុងប្រទេសកម្ពុជា។

ខណៈពេលដែលស្ថានភាពនៃដំណើរការអាជីវកម្មអន្តរជាតិជាច្រើនកំពុងទទួលរងនូវផលប៉ះពាល់ ហើយអ្នកវិនិយោគគិនមួយចំនួននៅបន្តភាពរអានៅក្នុងការបោះទុនវិនិយោគនោះ លោកលី សុខឆាយ អគ្គនាយកក្រុមហ៊ុនអចនទ្រព្យ LSCG REAL ESTATE Co.,LTD បានសហការជាមួយក្រុមហ៊ុន KNN ដ៏ល្បី ដោយការបណ្តាក់ទុនរួមគ្នាជាច្រើនលានដុល្លារ ដើម្បីស្វាគមន៍ទទួលបណ្តាក្រុមហ៊ុនបរទេសមកពីប្រទេសនានាក្នុងពិភពលោកក្នុងការដេញថ្លៃផ្គត់ផ្គង់គម្រោងអភិវឌ្ឍន៍ធំៗនៅក្នុងព្រះរាជាណាចក្រកម្ពុជា ដែលជាផ្នែកមួយក្នុងការជួយជ្រោមជ្រែងវិស័យអចលនទ្រព្យ និងសេដ្ឋកិច្ចនៅកម្ពុជាផងដែរ។

នៅក្នុងកិច្ចសម្ភាសន៍ជាមួយ លោក លី សុខឆាយ ដែលជាអ្នកជំនួញវ័យក្មេង និងមានបទពិសោធន៍ខ្ពស់នៅក្នុងវិស័យមួយនេះបានបង្ហើបឱ្យដឹងថា ដោយយោងតាមការសង្កេតមើលស្ថានភាពសេដ្ឋកិច្ច និងអចលនទ្រព្យនាពេលបច្ចុប្បន្ន គឺហាក់ដូចជាមានស្ថានភាពមិនសូវល្អនៅឡើយនោះទេ ពោលគឺការទិញលក់អចលនទ្រព្យភាគច្រើនមានការធ្លាក់ចុះ ប៉ុន្តែសម្រាប់លោកផ្ទាល់ បែរជាមើលឃើញថានៅក្នុងកាលៈទេសៈនេះ គឺជាឱកាសមាសដ៏កម្រ ដែលកំពុងតែបង្កប់នៅក្នុងស្ថានភាពដែលមិនសូវអំណោយផលនេះទៅវិញ ជាពិសេសគឺឱកាសក្នុងការបោះទុនវិនិយោគលើការផ្គត់ផ្គង់គម្រោងអចលនទ្រព្យធំៗតែម្ដង។

លោកបានបញ្ជាក់ថា “នៅក្នុងឱកាសដ៏ល្អកម្រមានមួយនេះ ក្រុមហ៊ុន LSCG បានសម្រេចចិត្តយកធនធានមួយផ្នែករបស់ក្រុមហ៊ុនធ្វើការវិនិយោគបន្ថែមរួមគ្នាជាមួយក្រុមហ៊ុនជំនាញ KNN ដោយផ្ដោតទៅលើការដេញថ្លៃប្រព័ន្ធគម្រោងធំៗនៅកម្ពុជា ព្រោះយើងបង្កើត និងបណ្តាក់ទុននៅពេលនេះគឺសម្រាប់ត្រៀមស្វាគមន៍ជាមួយក្រុមហ៊ុនអន្តរជាតិដែលកំពុងវិនិយោគទុននៅកម្ពុជា។

ជាមួយគ្នានេះ លោកបានបង្ហើបប្រាប់ផងដែរថា សម្រាប់គោលការណ៍រកស៊ីមួយ ដែលអ្នកជំនួញតែងតែប្រកាន់យកគឺ ត្រូវហ៊ាននៅពេលដែលមនុស្សជាច្រើនកំពុងតែខ្លាចរអា ប៉ុន្តែត្រូវប្រយ័ត្នប្រយែងនៅពេលដែលមនុស្សជាច្រើនកំពុងពុះកញ្ជ្រោល។ តាមរយៈទស្សនៈមួយនេះហើយ ទើបធ្វើឲ្យលោក លី សុខឆាយ ហ៊ានសម្រេចចិត្តបោះទុនវិនិយោគរហូតដល់ទៅរាប់លានដុល្លារនៅក្នុងស្ថានភាពមិនដែលមនុស្សជាច្រើនគិតថាវាជាបញ្ហានោះ។

សម្រាប់ព័ត៌មានបន្ថែមទាក់ទងនឹងអចលនទ្រព្យ លោកអ្នកអាចតាមដាននៅលើហ្វេសប៊ុកផេករបស់ក្រុមហ៊ុន LSCG REAL ESTATE Co.,LTD តាមអ៊ីមែល [email protected] ឬទំនាក់ទំនងតាមរយៈទូរស័ព្ទលេខ៖ 017 804 804 / 010 804 804 / 087 804 804 / 012 804 804

 

លោកឧកញ៉ាហួត អៀងតុង: ការឈានជើងចូលរបស់ធនាគារថ្មីៗនឹងផ្តល់ផលប្រយោជន៍ដល់ប្រជាពលរដ្ឋ

ដោយៈម៉ាណេត

 ភ្នំពេញៈ ប្រធានអគ្គនាយកធនាគារហត្ថាបានលើកឡើងថា ការពង្រីកខ្លួន និងការឈានជើងចូលរបស់ធនាគារថ្មីៗនឹងបង្កើតការប្រកួតប្រជែងកាន់តែខ្លាំង តែប្រជាពលរដ្ឋ អ្នកប្រើប្រាស់សេវាកម្មធនាគារនឹងប្រាកដជាទទួលផលប្រយោជន៍បានកាន់តែច្រើន ខណៈធនាគារហត្ថានៅតែឈរលើក្រមសីលធម៌ ដើម្បីប្រកួតប្រជែងក្នុងការចាប់យកចំណែកទីផ្សារ។

លោកឧកញ៉ាហួត អៀងតុង ប្រធានអគ្គនាយកធនាគារហត្ថា បានថ្លែងក្នុងកិច្ចសម្ភា​សន៍ពិសេសមួយជាមួយគេហទំព័រPropertyarea.asia នៅថ្ងៃទី២២ ខែមករា ឆ្នាំ២០២១ថា លោករីករាយខ្លាំងពេលឃើញមានធនាគារច្រើនចូលមកវិនិយោគប្រទេសកម្ពុជា ហើយក្រោមការដឹករបស់រាជរដ្ឋាភិបាលរហូតមកដល់ថ្ងៃនេះ ប្រទេសកម្ពុជាមិនខុសពីប្រ​ទេសគេទេ ហើយនៅទីកន្លែងណាក៏ឃើញមានធនាគារ។

លោកបានថ្លែងថា “នេះគឺជាការរីកចម្រើនមួយ ដែលរូបខ្ញុំផ្ទាល់មានការរីករាយយ៉ា​ងខ្លាំង”។ លោកបានថ្លែងថា “ខ្ញុំគិតថា ការប្រកួតប្រជែងគឺប្រាកដជាខ្លាំងក្លា ពីព្រោះការប្រកួតប្រជែងប្រាកដជាមានការកើនឡើង ដោយចាប់ចំណែកទីផ្សារពីគ្នាទៅវិញទៅមក និងដណ្តើមបុគ្គលិកគ្នាទៅវិញទៅមក”។

លោកបានបន្តទៀតថា “ប៉ុន្តែដើម្បីជាតិយើង ប្រជាពលរដ្ឋយើង ខ្ញុំមានការរីករាយក្នុងការមើលឃើញធនាគារទាំងអស់នោះចូលមក ហើយបង្កើតនូវការប្រកួតប្រជែង និងកាលណាបង្កើតនូវការប្រកួតប្រជែងកាន់តែខ្លាំង ប្រជាពលរដ្ឋ ដែលជាអ្នកប្រើប្រាស់សេវាកម្មធនាគារ គឺគាត់ប្រាកដជាទទួលផលប្រយោជន៍បានកាន់តែច្រើន ដូចជាអត្រាការប្រាក់ប្រាកដជានឹងចុះទាប សេវាកម្មរហ័ស និងសម្បូរបែប អាចឱ្យប្រជាជន និងអតិថិជនយើងជ្រើសរើសយកសេវាកម្មទៅតាមសេចក្តីត្រូវការរបស់ពួកគាត់”។

លោកឧកញ៉ាហួត អៀងតុងបានថ្លែងថា ធនាគារ ហត្ថា មានការប្រកួតប្រជែងល្អគួរសម មានយុទ្ធសាស្ត្រមួយ ដោយផ្តោតអារម្មណ៍ទៅលើអតិថិជនរបស់យើង ដែលជាគោលដៅធំបំផុត។ យើងចង់ធ្វើយ៉ាងឱ្យអតិថិជនរបស់យើង នៅពេលចូលមកប្រើសេវាកម្មរបស់យើងហើយ និងជួបជាមួយបុគ្គលិករបស់យើងហើយ គឺគាត់ចាប់អារម្មណ៍ជាប់ចិត្តក្នុងការប្រើប្រាស់សេវាកម្មរបស់យើង ដូច្នេះយើងពង្រឹងចំណុចនេះ។

លោកបានថ្លែងទៀតថា យើងពង្រឹងទំនាក់ទំនងជាមួយអតិថិជន យើងពង្រឹងប្រព័​ន្ធបច្ចេកវិទ្យារបស់ពួកយើង ដោយធ្វើយ៉ាងណាឱ្យប្រព័ន្ធបច្ចេកវិទ្យារបស់ពួកយើងមានភាពងាយស្រួល និងចំណេញដល់អតិថិជនរបស់យើង។ ពេលនៅដែលគាត់ប្រើប្រាស់ប្រព័ន្ធបច្ចេករបស់យើង គឺគាត់មានភាពងាយស្រួល ទុកចិត្ត ហើយគាត់នឹងបន្តប្រើប្រាស់ប្រព័ន្ធបច្ចេកវិទ្យារបស់យើងកាន់តែច្រើនឡើង។

លោកបានថ្លែងបន្តទៀតថា ហើយយើងអនុវត្តគោលនយោបាយរបស់យើងមួយឱ្យជាប់លាប់បំផុត គឺគោលនយោបាយគាំពាអតិថិជន ហើយយើងចាត់ទុកអតិថិជនជាគោលដៅធំរបស់ពួកយើង ហើយអតិថិជនគឺជាអ្នកជំរុញឱ្យធនាគាររបស់យើងមានការរីកចម្រើន ដូច្នេះហើយអ្វីៗដែលយើងធ្វើ គឺដើម្បីពួកគាត់គ្រប់ផលិតផលទាំងអស់ ដែលយើងបានរៀបចំឡើង គឺផលិតផលដែលពួកគាត់ត្រូវការ។

សម្រាប់ធនាគារហត្ថា តាំងចិត្តថា មិនធ្វើការប្រកួតប្រជែងដោយមិនមានក្រមសីលធម៌នោះទេ ពីព្រោះការប្រកួតប្រជែងដោយមិនមានក្រមសីលធម៌ និងមិនការគ្រប់​គ្រងបានច្បាស់លាស់ អាចនឹងមានផលប៉ះពាល់ដល់ធនាគារនោះវិញ ក៏ដូចជាមានផលប៉ះពាលដល់វិស័យនេះទាំងមូលផងដែរ។

លោកមានប្រសាសន៍ថា “គោលដៅរបស់យើង គឺយើងចង់ឱ្យអតិថិជនរបស់យើង ត្រឡប់មកប្រើប្រាស់សេវាកម្មរបស់ដោយស្ម័គ្រចិត្ត ហើយយើងរៀបចំផលិតណា ដែលត្រូវនឹងតម្រូវការរបស់ពួកគាត់ និងរៀបចំគោលនយោបាយ បង្រៀនដល់មន្ត្រីរបស់យើងឱ្យគាត់ចេះថែរក្សា និងគាំពាអតិថិជនរបស់យើង”៕

សា​ទរៈ Balactan ផលិតផល​ទឹកដោះគោ​ដែល​ផ្តោតលើ​សុខភាព​និង​អនាគត​របស់​កុមារ

ដោយៈ​រ៉ា​ណេ​ត

ភ្នំពេញៈ សេចក្តីស្រលាញ់​របស់​មា​តា បិតា​បាន​កើតមាន​ដំបូងបង្អស់ នៅពេល​ពួកគេ​ដឹងថា ពួកគេ​បានផ្តល់​កំណើត​ដល់​ទារក សំរាប់​ស្នង​ត្រកូល​ឬ​ទាយាទ​របស់​ពួកគេ​នាពេល​អនាគត។

ហេតុនេះ ការយកចិត្តទុកដាក់​ដល់​សុខភាព​របស់​ទារក និង​កុមារ​ជា​រឿង​សំខាន់ ដែល​ឳ​ពុក ម្តាយ​គ្រប់រូប​តែងតែ​យកចិត្តទុកដាក់​ជា​ចម្បង ប៉ុន្តែ​ការជ្រើសរើស​ផលិតផល​សំរាប់​ទារក និង​កុមារ​ត្រូវតែ​ជា​រឿង​សំខាន់ ខណៈ​វត្តមាន​ទឹកដោះគោ Balactan Premium Gold ម្សៅ​ទឹកដោះគោ​គ្មាន​ជាតិ​សណ្ដែក ដ៏​ល្បីឈ្មោះ​ត្រូវបាន​នាំចូល​មកពី​ប្រទេស​អេស្បាញ។

ម្សៅ​ទឹកដោះគោ បា​ឡាក់​តាន់ នូ​ទ្រី​សិន ដែល​ផលិត​ដោយ​សាជីវកម្ម​ផ្នែក​ចំណី អាហារ​របស់​ប្រទេស​អេ​ស្ប៉ា​ញ ប្រើប្រាស់​នូវ​បច្ចេកវិទ្យា​ចុងក្រោយ​បំផុត នៃ​ចង្វាក់​ផលិតកម្ម និង​ការអភិវឌ្ឍន៍​ស្រាវជ្រាវ លើ​គ្រប់​ផលិតផល​របស់ខ្លួន រហូត​ក្លាយជា​ម៉ាក​សញ្ញា​ឈានមុខ​គេ ឈរ​នៅ​លំដាប់​លេខ១នៅ​ទ្វីបអឺរ៉ុប លើ​ការផ្គត់ផ្គង់​ប្រភេទ​ទឹកដោះគោ​ម្សៅ​សំរាប់​ទារក​ដែល​គ្មាន​ជាតិ​សណ្តែក។

ទឹកដោះគោ​ម្សៅ បា​ឡាក់​តាន់ ព្រី​មៀម​ហ្គោល (Balactan Premium Gold) គឺជា​ទឹកដោះគោ​ម្សៅ ដែលមាន​រូបមន្ត​ឈានមុខ​គេ ដោយ​រួមបញ្ចូល​នូវ​ជីវជាតិ​ចិញ្ចឹម ដែល​បំពេញ​នូវ តំរូវការ​នៃ​ការលូតលាស់ ទៅតាម​វ័យនីមួយៗរបស់​កុមារ។

អគ្គនាយិកា​ក្រុមហ៊ុន MYSL C, Ltd លោកស្រី ថេ​ង សុខលី បាន​មានប្រសាសន៍​បញ្ជាក់ប្រាប់​ឲ្យ​ដឹងថា ចំណុចខ្លាំង​របស់​ទឹកដោះគោ​ម្សៅ បា​ឡាក់​តាន់ ព្រី​មៀម​ហ្គោល គឺមាន​កេរ្តិ៍ឈ្មោះ​ល្បីល្បាញ និង​ឈរ​នៅ​លំដាប់​កំពូល​នៅក្នុង​ទ្វីបអឺរ៉ុប ដោយបាន​ទទួលស្គាល់​ពី​ស្ថាប័ន និង​អង្គការ​សុខភាព​ជាច្រើន រហូត​ទទួលបាន​វិញ្ញាបនបត្រ បញ្ជាក់​ពី​គុណភាព និង​គុណសម្បត្តិ នៃ​ផលិតផល​រហូតដល់​ចំនួនផ្សេងៗគ្នា។

លោកស្រី​បញ្ជាក់ថា “អ្វីដែល​ពិសេស និង​កាន់តែ​មានគុណ​ប្រយោជន៍​ចំពោះ​សុខភាព​ខួរក្បាល ប្រាជ្ញារ​ស្មារតី និង​រាងកាយ គឺ​វត្ថុធាតុដើម​ចាំបាច់ ដែល​បាន​ចំរាញ់​ចេញពី​ប្រភេទ​បន្លែ ផ្លែឈើ​សរីរាង្គ មិនមាន​សារធាតុ​អវិជ្ជមាន ដល់​គុណភាព​និង​បរិស្ថាន” ។

ជាមួយគ្នានេះ អ្នក​ម្តាយ​ជាច្រើន​បាន​គាំទ្រ​លើ​ផលិតផល​នេះ ដែល​ពួកគេ​បានសម្រេច​ចិត្ត​ប្រើប្រាស់​វា ដោយសារ​ពួកគេ​មើលឃើញ​ពី​គុណភាព​របស់ Balactan ។

រោងចក្រ​ផលិត​ម្សៅ​ទឹកដោះគោ​នេះ បាន​ផលិតឡើង​យ៉ាង​សំរិតសំរាំង​បំផុត ដើម្បី​ផ្តល់​ការលូតលាស់​ដល់​ទារក និង​កុមា​រទាំង​សតិបញ្ញា​ស្មារតី។ ផលិតផល​នេះ​មាន​ចំនួន៣ប្រភេទ សំរាប់​ទារក និង​កុមារ​ដូចជា ទី១ ផលិតផល​ទឹកដោះគោ Balactan លេខ១ ប្រើប្រាស់​សំរាប់​កុមារ​ចាប់ពី០ខែ រហូតដល់៦ខែ។

ទី២ Balactan លេខ2 ប្រើប្រាស់​សំរាប់​កុមារ​ចាប់ពី៦ខែ រហូតដល់១២ខែ និង​ទី៣ Balactan លេខ៣ សំរាប់​កុមារ​ចាប់ពី ១២ខែ រហូតដល់ ៣៦ខែ។

លោកស្រី​ថេ​ង សុខលី​បាន​បន្ត​ជាមួយ​ស្នាមញញឹម​បណ្តើ​រថា “ដោយសារ​ខ្ញុំ​ជា​ម្តាយ ដែលមាន​បុត្រ​ចំនួន៤នាក់ ហេតុនេះ​ការប្រើប្រាស់​ផលិតផល​អ្វីមួយ ខ្ញុំ​តែងតែ​យកចិត្តទុកដាក់​បំផុត លើ​ការលូតលាស់​សុខភាព​ស្មារតី​របស់​ពួកគេ។ ដូច្នេះហើយ​ទើប​ខ្ញុំ​សម្រេច​នាំចូល​ផលិតផល​នេះ​មក​កម្ពុជា ដើម្បី​ផ្តល់ជូន​អ្នក​ម្តាយ​គ្រប់រូប នូវ​ផលិតផល​សំរាប់​កូន​ជាទី​ស្រលាញ់​របស់​ពពួក​គេ” ។

លោកស្រី​បន្ថែមថា “ខ្ញុំ​ក៏បាន​ប្រើប្រាស់​ផលិតផល Balactan Premium Gold ដើម្បី​ផ្តល់​ការលូតលាស់​ដល់​កូន​របស់ខ្ញុំ ឲ្យ​មាន​សុខភាព​ល្អ ប្រាជ្ញា​វាងវៃ​ផងដែរ” ។

មាន​សារធាតុ Prebiotic ជំនួយ​ដល់​ការលូតលាស់​បាក់តេរី​ល្អ ក្នុង​ពោះវៀន ដែល​ជួយ​អោយ​ការ​ស្រូបយក​សារធាតុចិញ្ចឹម​បានល្អ និង​ងាយ​បន្ទោ​របង់ រួម​ជាមួយនឹង​សារធាតុ Nucleotides ជំនួយ​ដល់​ការបង្កើត​នៅ​កោសិការ​សរីរាង្គ (ឌី​អេ​ន​អេ និង អរ​អេ​ន​អេ)។

យោងតាម​ឯកសារ​របស់​ក្រុមហ៊ុន​បាន​ឲ្យ​ដឹងថា នៅក្នុង​វត្ថុធាតុដើម​មិនមាន​សារជាតិ​ប្រេងដូង (Palm Oil Free) ជួយ​អោយ​កុមារ​ស្រូបយក ឌី​អេ​ច​អេ និង​កាល់ស្យូម​បាន​កាន់តែ​ប្រសើរ កាត់បន្ថយ​អត្រា​ជំងឺ​ពុក​ឆ្អឹង​នា​ថ្ងៃ​អនាគត និង​ជួយ​អោយ​ស្រួល​បន្ទោ​របង់ មាន​ជាតិ Taurine ជួយ​ទ្រទ្រង់​ដល់​ការលូតលាស់​ខួរក្បាល ភ្នែក និង​បេះដូង។

ផលិតផល​នេះ ក៏មាន​ផ្ទុក DHA ដែល​ជួយ​ដល់​ការលូតលាស់​ខួរក្បាល និង​ប្រាជ្ញា​ស្មារតី ហើយ​ថែមទាំង​មាន Calcium ជំនួយ​ដល់​ការ​លូត​កម្ពស់​យ៉ាង​ល្អប្រសើរ។ អតិថិជន ក៏ដូចជា​អ្នកប្រើប្រាស់ ពិសេស​អ្នក​ម្តាយ​គ្រប់រូប ដែល​ចង់បាន​បុត្រ​ធីតា​មាន​សុខ​ភាពល្អ គួរ​ឲ្យ​ស្រលាញ់ សូម​ទំនាក់ទំនង​លេខ​ទូរស័ព្ទ៖ 087 924 777, 078 925 777 ៕