ដោយវុត្ថា

ភ្នំពេញ៖ ឧកញ៉ាខ្មែរចំនួន ៨ ដែលវិនិយោគិនខ្មែរបាននឹងកំពុងចាប់អារម្មណ៍ក្នុងការបណ្តាក់ទុនវិយោគលើវិស័យជាច្រើនដូចជាវិស័កសិឧស្សាហកម្ម តំបន់ទេសចរណ៍ និងពិសេសវិស័យអចលនទ្រព្យ នៅតាមបណ្តោយផ្លូវជាតិសំខាន់ចំនួន ៣ នៅក្នុងមូលដ្ឋានខេត្តកំពង់ស្ពឺ។

លោក វ៉ី សំណាង អិបាលខេត្តកំពង់ស្ពឺង នៅក្នុងពិភាក្សាការងារ និងប្រគល់ទទួលនូវអង្ករប្រមាណជា ១០ តោន ពីវិនិយោគិនខ្មែរចំនួន ៨ រូប ដឹកនាំដោយលោកឧកញ៉ា អ៉ឹង ឃាង នាព្រឹកថ្ងៃទី ០៨ ខែតុលា ឆ្នាំ ២០២០ បានសម្តែងការស្វាគមន៍យ៉ាងកកក្តៅចំពោះវិនិយោគិនខ្មែរដែលចាប់អារម្មណ៍ចំពោះការវិនិយោគក្នុងខេត្តកំពង់ស្ពឺ ខណៈដែលខេត្តមួយនេះ បាននឹងកំពុងមានសក្តានុពលខ្ពស់ក្នុងវិនិយោគ។

លោកអភិបាលខេត្តថ្លែងថា “ក្នុងនាមពលរដ្ឋខ្មែរដូចគ្នា ខ្ញុំសប្បាយចិត្ត នៅពេលដែលខ្មែរយើង បានសាមគ្គីគ្នា ជាពិសេសលោកឧកញ៉ា ដែលជាវិនិយោគិនខ្មែរបានប្រមូលគ្នាយ៉ាងច្រើន (ឧកញ៉ា ៨រូប) បានសហការគ្នាមកអភិវឌ្ឍន៍ក្នុងខេត្តកំពង់ស្ពឹទាក់ទងនឹងវិស័យទេសចរណ៍ វិស័យអចលនទ្រព្យ និងឧស្សាហកម្មផ្សេង ៗ ដើម្បីផ្តល់ឱកាសការងារជូនដល់ពលរដ្ឋខេត្តកំពង់ស្ពឹដើម្បីចូលរួមជាមួយរាជរដ្ឋាភិបាលក្នុងការកាត់បន្ថយភាពក្រីក្រ។

លោកបន្តថា “ហើយនេះ ជាមោទនកភាពសម្រាប់អ្នកខេត្តកំពង់ស្ពឺយើង… យើងអាចនិយាយបានថា ខ្មែរយើងក៏មានសមត្ថភាពក្នុងការវិនិយោគផងដែរ មិនចាំបាច់វិនិយោគិនបរទេសនោះទេ”។ លោកបន្ថែមថា “ យើងខិតខំកៀរគរវិនិយោគិនទាំងនៅក្នុងស្រុក និងក្រៅស្រុក ដោយមិនប្រកាន់និន្នការនោះទេ អោយតែមកវិយោគហើយផ្តល់ឱកាសការងារជូនដល់ពលរដ្ឋនៅក្នុងខេត្តកំពង់ស្ពឺ”។

លោ វ៉ី សំណាង បញ្ជាក់ថា “វិនិយោគិនខ្មែរទាំងអស់បានចាប់អារម្មណ៍លើការវិនិយោគជាច្រើនទីតាំងនៅក្នុងខេត្តកំពង់ស្ពឺ តែទីតាំងចំនួន ៣ ដែលមានការចាប់អារម្មណ៍ខ្លាំង គឺ នៅតាមបណ្តោយជាតិលេខ៤៤ ផ្លូវជាតិ ៥១ និងផ្លូវជាតិ ៤១ ដែលជាផ្លូវជាតិដែលមានសក្តានុពលវិនិយោគ និងសេដ្ឋកិច្ច”។

លោកអភិបាលខេត្តបន្ថែមថា “តែយ៉ាងផ្លូវជាតិដែលក្រុមវិនិយោគិនខ្មែរទាំងនោះបានសិក្សារួចហើយ រួមានផ្លូវជាតិលេខ ៤៤ ផ្លូវជាតិលេខ ៥១ និងតំបន់ឱរាល់ដែលមានកន្លែងទេសចរណជាច្រើនក្នុងការវិនិយោគ”។

លោកបញ្ជាក់ទៀតថា “រដ្ឋបាលខេត្តកំពង់ស្ពឹ បានគាំទ្រ និងចូលរួមសហការយ៉ាងពេញទំហឹង ដើម្បីសម្រួលគ្រប់និតិវិធី ក្នុងការធ្វើយ៉ាងណាឱ្យគម្រោងវិនិយោគរបស់វិនិយោគិនខ្មែរទាំងនោះឱ្យទទួលបានជោគជ័យ និងតាមផែនការដែលបានគ្រោងទុក”៕

ដោយ៖ វុទ្ធី

ភ្នំពេញ៖ ពាណិជ្ជកម្មទ្វេភាគី រវាងជប៉ុន និងកម្ពុជាមានទំហំទឹកប្រាក់ ១ ៣៤៦លានដុល្លារគិតចាប់ពីខែមករាដល់ខែសីហាឆ្នាំ ២០២០ ធ្លាក់ចុះ ៧,៤២ ភាគរយស្មើនឹង បើប្រៀបធៀបនឹងរយៈពេលដូចគ្នាក្នុងឆ្នាំ២០១៩។ នេះបើយោងតាមស្ថិតិដែលចេញផ្សាយកាលពីពេលថ្មីៗនេះ ដោយអង្គការពាណិជ្ជកម្មក្រៅប្រទេសជប៉ុន (JETRO)។

ការនាំចេញរបស់ប្រទេសកម្ពុជាទៅកាន់ប្រទេសជប៉ុន មានតម្លៃ ១,០៤៥ ពាន់លានដុល្លារក្នុងរយៈពេល ៨ ខែដំបូងនៃឆ្នាំ ២០២០ ធ្លាក់ចុះ ៥,៣ ភាគរយ។ ខណៈការនាំចូលពីប្រទេសជប៉ុនបានធ្លាក់ចុះ ១៤,២ ភាគរយបើប្រៀបធៀបនឹងរយៈពេលដូចគ្នាកាលពីឆ្នាំ ២០១៩។

លោកបណ្ឌិត ហុង វណ្ណៈ អ្នកស្រាវជ្រាវសេដ្ឋកិច្ចនៅរាជបណ្ឌិត្យសភាកម្ពុជា បានឱ្យដឹងដែរថា នៅក្នុងវិបត្តិសេដ្ឋកិច្ចសកលនេះ បានធ្វើឱ្យសេដ្ឋកិច្ចនៅតាមបណ្តាប្រទេសនានាជួបបញ្ហាប្រឈម។ ជាមួយគ្នានេះ កម្ពុជាក៏ទទួលរងផលប៉ះពាល់ផងដែរ តែសម្រាប់កំណើនសេដ្ឋកិច្ចរវាងកម្ពុជា និងជប៉ុនក្នុងរយៈពេលនេះនៅតែមានភាពល្អប្រសើរ តែមិនខ្លាំងនោះទេ។

លោកបន្តថា ផលិតកម្មនានានឹងកាន់តែងើបឡើងកាន់តែខ្លាំងឡើងថែមទៀត បន្ទាប់ពីមានការទប់ស្កាត់ និងគ្រប់គ្រងបាននូវជំងឺ Covid-19 ជាពិសេសក្រោយការដាក់ឱ្យដំណើរការឡើងវិញនូវជើងហោះហើរ រួមជាមួយការបើកច្រកសេដ្ឋកិច្ច ដែលនឹងធ្វើឱ្យសេដ្ឋកិច្ចកាន់តែមានការរីកចម្រើនក្រោមកំណើននៃចំនួនវិនិយោគ និងពាណិជ្ជកម្ម។

យោងតាមក្រសួងពាណិជ្ជកម្មបានឲ្យដឹងថា ផលិតផលសក្តានុពលសម្រាប់នាំចេញពីប្រទេសកម្ពុជាទៅកាន់ប្រទេសជប៉ុនគឺ សម្លៀកបំពាក់ ស្បែកជើង និងគ្រឿងអេឡិចត្រូនិច។

JETRO បានឱ្យដឹងថា ប្រទេសជប៉ុនបាននាំចូលទំនិញ និងផលិតផលមកពីជុំវិញពិភពលោក ដែលភាគច្រើនជាវត្ថុធាតុដើមចំណីអាហារ វត្ថុធាតុដើម (ឈើ,សណ្តែក) ឥន្ធនៈ ( LNG, LPG) ផលិតផលផលិត (វាយនភ័ណ្ឌអំបោះនិងក្រណាត់) គ្រឿងម៉ាស៊ីនអគ្គិសនី សម្លៀកបំពាក់ គ្រឿងបន្លាស់ និងរបស់ផ្សេងទៀត។

កាលពីខែមុន វិនិយោគិនបរទេសបានស្នើសុំរដ្ឋាភិបាលកម្ពុជា កាត់បន្ថយថ្លៃដើមនៃវិញ្ញាបនបត្របញ្ជាក់ប្រភពដើម (CO) ដែលបច្ចុប្បន្នមានតម្លៃ ថ្លៃជាងបណ្តាប្រទេសដទៃទៀតនៅក្នុងតំបន់អាស៊ាន។

វិញ្ញាបនប័ត្រប្រភពដើមគឺជាឯកសារផ្លូវការ ដែលត្រូវបានប្រើដើម្បីបញ្ជាក់ថា ផលិតផលមួយត្រូវបានផលិតឬផលិតទាំងស្រុងនៅក្នុងប្រទេសមួយ។ ជាទូទៅវាជាឯកសារសំខាន់ដែលអ្នកទិញត្រូវការហើយអនុវត្តចំពោះផលិតផលនីមួយៗ។

ការលើកឡើងនេះ ត្រូវបានធ្វើឡើង ដោយសមាគមធុរកិច្ចជប៉ុននៅកម្ពុជា (JBAC) ក្នុងអនុសាសន៍គោលនយោបាយ ២០២០-២០២១ របស់ខ្លួន ដែលបានដាក់ជូនរដ្ឋាភិបាល ដោយនិយាយថា ថ្លៃដាក់ពាក្យស្នើសុំសម្រាប់ CO នៅកម្ពុជាមានតម្លៃថ្លៃជាងសមាជិកអាស៊ានដទៃទៀត ដែលមានតម្លៃរហូតដល់ ៥៨ ដុល្លារ។

នៅប្រទេសថៃ មានពាក្យសុំ បីប្រភេទ ហើយថ្លៃឈ្នួលគឺ ២៤.៥០ ដុល្លារ។ នៅប្រទេសសិង្ហបុរី វាមានតំលៃប្រហែល ៧ ដុល្លារ។ នៅប្រទេសម៉ាឡេស៊ី វាមានតម្លៃ ២,៣៩ ដុល្លារ ហើយនៅប្រទេសជប៉ុនគឺ ១០ ដុល្លារ៕

ដោយៈចរិយា

អន្តរជាតិៈ ភាគហ៊ុនអាស៊ី និងអាមេរិក ទទួលបានការចាប់អារម្មណ៍យ៉ាងខ្លាំង បន្ទាប់ពីលោក ដូណាល់ ត្រាំ (Donald Trump) បានជំរុញឱ្យមានការជួយសង្គ្រោះសេដ្ឋកិច្ចបន្ថែមទៀត តាមការសរសេរលើបណ្តាញសង្គមTwitterរបស់លោក បន្ទាប់ពីលោកបានចាកចេញពីការចរចាស្ដីពី កញ្ចប់ជំរុញសេដ្ឋកិច្ច និងធ្វើឱ្យផ្សារហ៊ុននៅWell street សកម្មភាពជួញដូរច្រើន។

សន្ទស្សន៍Topix របស់ជប៉ុនបានធ្លាក់ចុះ០,២ភាគរយ កាលពីរសៀលថ្ងៃពុធនេះ ដោយទទួលបានការធូរស្បើយឡើងវិញ ពីការខាតបង់ខ្លាំងនាពេលព្រឹកថ្ងៃដដែល ខណៈ Kospi របស់កូរ៉េខាងត្បូងកើនឡើង០,៥ភាគរយ ប៉ុន្តែផ្សារហ៊ុនរបស់ចិនដីគោកត្រូវបានបិទ ដោយសារថ្ងៃឈប់សម្រាកជាតិ។ នេះបើយោងតាមការចេញផ្សាយរបស់សារព័ត៌​មាន Financial Times របស់អង់គ្លេសនៅថ្ងៃទី៨ ខែតុលា ឆ្នាំ២០២០។

នៅ Well Street ក្រុមហ៊ុន  S&P 500 បានបិទការជួញដូរដោយធ្លាក់ចុះ១,៤ភាគរយ ហើយបច្ចេកវិទ្យាNasdaq បានធ្លាក់ចុះ១,៦ភាគរយ កាលពីថ្ងៃអង្គារ បន្ទាប់ពីលោកត្រាំបាននិយាយថា លោកនឹងពន្យាពេលចរចាលើវិធានការគាំទ្រសារពើពន្ធថ្មី រហូតដល់ក្រោយការបោះឆ្នោតនៅសហរដ្ឋអាមេរិកនៅថ្ងៃទី៣ ខែវិច្ចិកានេះ។

លោកត្រាំ បានសរសេរលើបណ្តាញសង្គម Twitter ថា “ខ្ញុំបានណែនាំអ្នកដំណាងរបស់ខ្ញុំ ឱ្យផ្អាកការចរចារ រហូតដល់ក្រោយការបោះឆ្នោត។ នៅពេលភ្លាមៗបន្ទាប់ពីខ្ញុំឈ្នះ យើងនឹងអនុម័តច្បាប់កញ្ចប់ថវិកាជំរុញសេដ្ឋកិច្ច ដែលផ្ដោតទៅលើជនជាតិងាមេរិកដែលខិតខំធ្វើការ និងអាជីវកម្មខ្នាតតូច”។

ប៉ុន្តែលោកត្រាំ បានបង្ហាញការផ្លាស់ប្ដូរគំនិតរបស់លោកប៉ុន្មានម៉ោងបន្ទាប់ ក្រោយលោកជំរុញឱ្យមានជំនួយបន្ថែមទៀតសម្រាប់អាជីវកម្ម និងគ្រួសាររបស់អាមេរិក។

លោកបញ្ជាក់ថា “ប្រសិ​នបើខ្ញុំយល់ព្រមលើច្បាប់នេះ (១,២០០ដុល្លារសម្រាប់ជំនួយដលម្នាក់) មនុស្សជាច្រើននឹងសប្បាយចិត្តសម្រាប់ជំនួយនេះ។ ខ្ញុំត្រៀមរួចរាល់ដើម្បីចុះហត្ថលេខាឥឡូវនេះ”។

ការសរសេររបស់លោកត្រាំបានធ្វើឡើង បន្ទាប់ពីលោកJay Powell ប្រធានសហព័ន្ធចង់ឱ្យការងើបឡើងវិញ នៃសេដ្ឋកិច្ចអាមេរិកពីជំងឺឆ្លង គឺមិនងាយស្រួលនោះទេ។

លោកបានបន្ថែមទៀតថា “ការគាំទ្រតិចតួចពេក នឹងនាំឱ្យមានការងើបឡើងវិញតិចតូច ដែលបង្កើតការលំបាកដល់គ្រួសារ និងអាជីវកម្មទៀតផង”៕

ដោយវុត្ថា

ភ្នំពេញ៖ ក្រុមហ៊ុន Taica Corp. របស់ប្រទេសជប៉ុន បានបើកភោជនីយដ្ឋានយីហោគុយទាវ Marugame Udon ជាលើកទី ២ របស់ខ្លួននៅរាជធានីភ្នំពេញកាលពីថ្ងៃព្រហស្បតិ៍សប្តាហ៍មុន នៅក្នុងពេលនៃកម្ពុជាកំពុងប្រឈមទៅនឹងវិបត្តិជំងឺកូវីដ១៩។

យោងតាមការចុះផ្សាយរបស់គេហទំព័រ mainichi.jp ជាភាសាអង់គ្លេសកាលពីម្សិលមិញនេះឱ្យដឹងថា ក្រុមហ៊ុនបានសំរេចចិត្តបើកទីតាំងភោជនីយដ្ឋានថ្មីនេះ ដើម្បីឆ្លើយតបទៅនឹងការងើបឡើងវិញនៃសេដ្ឋកិច្ចរបស់រាជធានីភ្នំពេញ ដែលជាមជ្ឈមណ្ឌលទេសចរណ៍ដ៏ធំ បន្ទាប់ពីកម្ពុជា បានមានវិធានការទប់ស្កាត់ការរីករាលនៃជំងឺកូវីដ ១៩ ។

ក្រុមហ៊ុន Taicaបានបង្កើតក្រុមហ៊ុនបុត្រសម្ព័ន្ធអាជីវកម្មភោជនីយដ្ឋាននៅខែវិច្ឆិកាឆ្នាំ ២០១៨ និងបានបើកសាខាដំបូងរបស់ខ្លួនគឺភោជនីយដ្ឋាន “Marugame Udon Toul Tompong”” នៅរាជធានីនៃប្រទេសកម្ពុជាកាលពីខែកញ្ញាឆ្នាំ ២០១៩ ។

ក្រុមហ៊ុនបានសម្រេចផ្អាកអាជីវកម្មមួយរយៈខ្លី បន្ទាប់ពីមានការផ្ទុះឡើងនូវជំងឺកូវីដ ១៩ ហើយបានបើកដំណើរការទទួលភ្ញៀវឡើងវិញកាលពីខែសីហាកន្លងមកនេះ បន្ទាប់ពីកម្ពុជាចាត់វិធានការទប់ស្កាត់ចំពោះការរីករាលដាលនៃជំងឺកូវិដ ១៩។

តាមការចុះផ្សាយរបស់ គេហទំព័រ mainichi.jpថា ក្រុមហ៊ុន Taica Fine Dining (Cambodia) Co., ដែលជាក្រុមហ៊ុនបុត្រសម្ព័ន្ធរបស់ខ្លួននៅកម្ពុជា បានបើអជីវកម្មភោជនីយដ្ឋានថ្មីឈ្មោះថា “Marugame Udon 313 Quayside” នៅតាមបណ្តោយមាត់ទន្លេដែលបណ្តុំទៅដោយភ្ញៀវទេសចរ និងកន្លែងកម្សាន្តជាច្រើន ដូចជាព្រះបរមរាជវាំង និង សារមន្ទីរជាតិ៕