ដោយវុត្ថា

ភ្នំពេញៈ គម្រោងធ្វើឱ្យប្រសើរឡើង និងលើកកម្ពស់ផ្លូវជាតិលេខ៤៨ប្រវែង១៥០គីឡូម៉ែត្រ ពីផ្លូវបំបែកស្រែអំបិល ទៅទីរួមខេត្តកោះកុង បាននឹងកំពុងដាក់ឱ្យដេញថ្លៃជាមួយនឹងក្រុមហ៊ុនរបស់កូរ៉េ ដើម្បីចាប់ផ្តើមស្ថាបនាពេលខាងមុនេះ។

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងនៅថ្ងៃទី ៧ ខែមិថុនា ឆ្នាំ ២០២០នេះ ឱ្យដឹងថា គម្រោងលើកកម្ពស់ និងធ្វើឱ្យប្រសើរឡើងនូវផ្លូវជាតិសំខាន់ៗ នៅក្នុងប្រទេសកម្ពុជាមួយចំនួន ត្រូវបានស្ថាបនាបញ្ចប់ និងមួយចំនួនទៀត កំពុងស្ថានបនា រួមជាមួយនឹងកំពុងសិក្សា និងសិក្សារួចរាល់  ខណៈដែលគម្រោងធ្វើឱ្យផ្លូវជាតិលេខ៤៨ ត្រូវបានដាក់ដាក់ដេញថ្លៃ។

លោកទេសរដ្ឋមន្ត្រីថ្លែងថា “ផ្លូវជាតិលេខ៤៨តភ្ជាប់ពីផ្លូវស្រែអំបិល ទៅកាន់ខេត្តកោះកុង បាននិងកំពុងដាក់ដេញថ្លៃជាមួយក្រុមហ៊ុនកូរ៉េរួចហើយ។ នៅពេលបញ្ចប់ការដេញថ្លៃ យើងនឹងចាប់ផ្តើមធ្វើនាពេលខាងមុខនេះ”។

លោកស៊ុន ចាន់ថុលថ្លែងថា ផ្លូវជាតិលេខ៤៨នឹងត្រូវលើកកម្រិត ពីផ្លូវកៅស៊ូពីរស្រទាប់ ទៅជាផ្លូវបេតុងកៅស៊ូ AC  និងពង្រីកទទឹងផ្លូវពី១០ម៉ែត្រ មក១១ម៉ែត្រ។ លោក ស៊ុន ចាន់ថុលបន្តថា”សង្ឃឹមថាឆ្នាំ២០២០ យើងនឹងបើកការដ្ឋានពង្រីកផ្លូវនេះទៅ១១ម៉ែត្រដោយប្រើថវិកាកម្ចីពីកូរ៉េ”។

តាមផែនការ ការស្ថាបនាផ្លូវជាតិលេខ៤៨នេះ នឹងត្រូវចំណាយទឹកប្រាក់៧៥លានដុល្លារ ដែលជាកម្ចីពីរដ្ឋាភិបាលកូរ៉េ៦៧លានដុល្លារ និងថវិកាបដិភាគរបស់រដ្ឋាភិបាលកម្ពុជាចំនួន៨លានដុល្លារ។ ផ្លូវជាតិលេខ៤៨នេះ ក៏ត្រូវបានកែលម្អជាបណ្ដោះអាសន្នរួចរាល់ម្តងហើយ សម្រាប់ទទួលការធ្វើដំណើររបស់ប្រជាពលរដ្ឋ ក្នុងឱកាសបុណ្យសមុទ្រនៅខេត្តកោះកុងនាខែធ្នូឆ្នាំ ២០១៩កន្លងមកនេះ៕

ដោយនីតា

ភ្នំពេញៈ ក្រុមហ៊ុនដាយ​ អ៊ិឈិឡាយហ្វ៍ អ៊ីនសួរ៉ិនស៍ (ខេមបូឌា) ម.ក (ក្រុមហ៊ុន “ដាយ អ៊ិឈិ ឡាយហ្វ៍”) បានចុះអនុស្សរណៈយោគយល់គ្នាស្តីពី “បច្ចេកវិទ្យាព័ត៌មានវិទ្យា និងបច្ចេកវិទ្យាឌីជីថលលើវិស័យធានារ៉ាប់រងអាយុជីវិត” ជាមួយក្រុមហ៊ុន វៀតធេល (ខេមបូឌា) ភីធីអ៊ី  អិលធីឌី (មិត្ដហ្វូន)និងក្រុមហ៊ុន អ៊ី–ម៉ាន់នី ផេម៉ិន សឹលូសិន ម.ក (អ៊ី–ម៉ាន់នី)។

លោក អាឡិន ថៃ អគ្គនាយក នៃក្រុមហ៊ុន ដាយ អ៊ិឈិ ឡាយហ្វ៍ (ខេមបូឌា) ម.ក លោក ហ្វុង វ៉ានគឿង អគ្គនាយកនៃក្រុមហ៊ុនមិត្តហ្វូន និងលោក ផាម ស៊ុងគឿង អគ្គនាយក នៃក្រុមហ៊ុន អ៊ី–ម៉ាន់នីបានចូលរួមក្នុងពិធីចុះអនុស្សរណៈ(MOU)រួមគ្នា ដែល តាមរយៈអនុស្សរណៈយោគយល់នេះ នឹងជួយឱ្យក្រុមហ៊ុនទាំងបីសហការគ្នា យ៉ាងជិតស្និទ្ធ ដើម្បីផ្តល់អត្ថប្រយោជន៍ជាវិជ្ជមាន ដល់ជីវិតរស់នៅរបស់ប្រជាជនកម្ពុជា តាមរយៈបច្ចេកវិទ្យាព័ត៌មានវិទ្យា និងបច្ចេកវិទ្យាឌីជីថល។

មិត្ដហ្វូន និងអ៊ី–ម៉ាន់នី នឹងសហការគាំទ្រដល់ ដាយ​ អ៊ិឈិ ឡាយហ្វ៍តាមរយៈបច្ចេកវិទ្យាព័ត៌មានវិទ្យា (អាយស៊ីធី) និងបច្ចេកវិទ្យាឌីជីថល ដើម្បីផ្តល់សេវាកម្មហិរញ្ញវត្ថុ និងផលិតផលធានារ៉ាប់រងដល់ប្រជាជនកម្ពុជា និងធ្វើអោយជីវិតប្រជាជនកម្ពុជាកាន់តែប្រសើរឡើង និងចូលរួមចំណែកក្នុងការអភិវឌ្ឍសេដ្ឋកិច្ច សង្គមនៅក្នុងប្រទេសកម្ពុជា។

លោក ហ្វុង វ៉ាន់ខុង អគ្គនាយក នៃក្រុមហ៊ុន វៀតធេល (ខេមបូឌា)  ភីធីអ៊ិ អិលធីឌី មានប្រសាសន៍ថា ក្រុមហ៊ុនមិត្តហ្វូន និងអ៊ីម៉ាន់នី នឹងផ្គត់ផ្គង់សេវាកម្មប្រមូលបុព្វលាភធានារ៉ាប់រងដែលអតិថិជនបង់ជូនដល់ ដាយ អ៊ិឈិ ឡាយហ្វ៍ តាមរយៈប្រព័ន្ធទូទាត់ឆាប់រហ័សតាមរយៈ អ៊ី–ម៉ាន់នី ឬ គណនីទូរស័ព្ទចល័ត។ អ៊ី–ម៉ាន់នី អាចផ្តល់នូវសេវាទូរទាត់ប្រាក់របស់ក្រុមហ៊ុន ដាយ អ៊ិឈិ ឡាយហ្វ៍ ដើម្បីឱ្យ ដាយ អ៊ិឈិ ឡាយហ្វ៍ ទូរទាត់ប្រាក់ ទៅអតិថិជនរបស់ខ្លួន លើសពីនេះទៀតការផ្សាយពាណិជ្ជកម្ម នូវសេវាកម្មធានារ៉ាប់រងនៅលើកម្មវិធី អ៊ី–ម៉ាន់នី និងកម្មវិធី ម៉ាយមិត្តហ្វូន (My MetFone)។

លោកបន្តថា “ខ្ញុំជឿជាក់ថាក្នុងកិច្ចព្រមព្រៀងនេះ អតិថិជន និងប្រជាជន នឹងទទួលបាននូវការគាំទ្រពីសំណាក់ មិត្តហ្វូន ដាយអ៊ិឈិ ឡាយហ្វ៍ និងអ៊ី–ម៉ាន់នី ក្នុងលក្ខ​ខណ្ឌការផ្តល់ដំណោះស្រាយ និងសេវាកម្មអតិថិជន ដែលជួយសន្សំពេលវេលា និងការខិតខំប្រឹងប្រែងរបស់អតិថិជន តាមរយៈការទទួលបានសេវាធានារ៉ាប់រង ដែលមានភាពងាយស្រួល និងធ្វើឱ្យជីវិតកាន់តែប្រសើរឡើង”។

ជាមួយគ្នានេះ លោក អាឡិន ថៃ អគ្គនាយក នៃក្រុមហ៊ុន ដាយ អ៊ិឈិ ឡាយហ្វ៍ មានប្រសាសន៍ឲ្យដឹងផងដែរថា នេះគឺជាកិច្ចសហប្រតិបត្តិការជាដៃគូ ដ៏ពិសេសមួយ ដែលធ្វើឱ្យ ដាយ អ៊ិឈិ ឡាយហ្វ៍ អាចផ្តល់ជូនសេវា ធានារ៉ាប់រងអាយុជីវិតដែលមានតម្លៃសមរម្យ និងមានភាពប្រកួតប្រជែង ព្រមជាមួយនឹងវិធីសាស្រ្តក្នុងការទូទាត់ប្រាក់ សម្រា​ប់​ប្រជាជនកម្ពុជាយ៉ាង តាមរយៈបណ្តាញយ៉ាងទូលំទូលាយរបស់ក្រុមហ៊ុន មិត្តហ្វូន និងបច្ចេកវិទ្យាទូទាត់តាមរយៈក្រុមហ៊ុន អ៊ី–ម៉ានី។

សេវាកម្មធានារ៉ាប់រងអាយុជីវិត កំពុងតែរីកលូតលាស់យ៉ាងឆាប់រហ័ស នៅក្នុងប្រទេសកម្ពុជា ហើយអតិថិជនបានយល់ដឹងកាន់តែច្រើន អំពីអត្ថប្រយោជន៍នៃបច្ចេកវិ   ទ្យា។ មិត្តហ្វូន អ៊ី–ម៉ាន់នី និង ដាយ អ៊ិឈិ ឡាយហ្វ៍ ជឿជាក់ថាភាពជាដៃគូថ្មីនេះ នឹងក្លាយជាចំណុចស្នូលមួយ ក្នុងការលើកកម្ពស់គុណភាពជីវិត សម្រាប់ប្រជាជនកម្ពុជាទាំងអស់ តាមរយៈការច្នៃប្រឌិតលើបច្ចេកវិទ្យាឌីជីថល និងសេវាកម្មដែលមានគុណភាព។

អំពី ដាយ អ៊ិឈិ ឡាយហ្វ៍​

ក្រុមហ៊ុន ដាយ​ អ៊ិឈិ ឡាយហ្វ៍ អ៊ីនសួរ៉ិនស៍ (ខេមបូឌា) ម.ក (”ដាយ អ៊ិឈិ ឡាយហ្វ៍”)​ គឺជាក្រុមហ៊ុនបុត្រសម្ព័ន្ធរបស់ ក្រុមហ៊ុនដាយអ៊ិឈិ ឡាយហ្វ៍ ហូលឌីង (”DLHD”) ដែលជាក្រុមហ៊ុនធានារ៉ាប់រងអាយុជីវិតឈានមុខគេ នៅក្នុងប្រទេសជប៉ុន អស់រយៈពេលជាង១១៨ ឆ្នាំ​ជាប្រវត្តិសាស្ត្រ។ DLHD ជាក្រុមហ៊ុនដែលបានចុះបញ្ជីនៅលើទីផ្សារភាគហ៊ុន Tokyo Stock Exchange។

ចាប់តាំងពីបានបង្កើតឡើងនៅក្នុងឆ្នាំ ១៩០២ មក DLHD បានបេ្តជ្ញាចិត្តឈរនៅក្បែរអតិថិជនរបស់យើង និងមនុស្សជាទីស្រឡាញ់របស់ពួកគេអស់មួយជីវិត និងខិតខំប្រឹងប្រែងរួមគ្នាក្នុងការផ្តល់ជូន ”ភាពស្ងប់ចិត្ត” ក្រោមទស្សនរបស់យើង ”អតិថិជនជាចម្បង”។ យើងចូលរួមចំណែកជាមួយសហគមន៍មូលដ្ឋាន តាមរយៈការផ្តល់ជូនសេវាធានារ៉ាប់រងអាយុជីវិត និងសេវាកម្មផ្សេងទៀត។

អំពី ក្រុមហ៊ុន វៀតធេល (ខេមបូឌា) ភីធីអ៊ិ អិលធីឌី

ក្រុមហ៊ុន វៀតធេល (ខេមបូឌា)ភីធីអ៊ិ អិលធីឌី (”មិត្តហ្វូន”) គឺជាក្រុមហ៊ុនទូរស័ព្ទឈានមុនគេនៅក្នុងប្រទេសកម្ពុជា ជាមួយនឹងបណ្តាញគ្របដណ្តប់ទូលំទូលាយ គួរឲ្យទុកចិត្តជាងគេនៅក្នុងប្រទេសកម្ពុជា។ មិត្តហ្វូនត្រូវបានដំណើរការដោយជោគជ័យ និងរីកលូតលាស់យ៉ាងខ្លាំងនៅក្នុងប្រទេសកម្ពុជា អស់រយៈពេលជាង១០ឆ្នាំមកហើយ។​ សព្វថ្ងៃនះ មិត្តហ្វូនជាអ្នកផ្តល់សេវាទូរគមនាគមន៍លេចធ្លោមួយ ​នៅក្នុងប្រទេសកម្ពុ​​​​ជា ដែលកំពុងបម្រើសេវាកម្ម ដល់ប្រជាជនជាង៩លាននាក់នៅទូទាំង២៥ខេត្ត។

អំពី ក្រុមហ៊ុន អ៊ី–ម៉ាន់នី ផេម៉ិន សឹលូសិន ម.ក (អ៊ី–ម៉ាន់នី)

ក្រុមហ៊ុន អ៊ី–ម៉ាន់នី ផេម៉ិន សឹលូសិន ម.ក (អ៊ី–ម៉ាន់នី) គឺជាក្រុមហ៊ុនផ្តល់សេវាហិរញ្ញវត្ថុតាមរយៈទូរស័ព្ទចល័តឈានមុខគេមួយ ដែលមានសេវាគ្របដណ្តប់ជាង៨០០០ភ្នាក់​ងារទូទាំងប្រទេស នៅក្នុងប្រទេសកម្ពុជា៕

ដោយ ៖ រ៉ាណេត

ភ្នំពេញ ៖ ប្រសិនបើចង់ឱ្យតម្លៃអចលនទ្រព្យ និងដីធ្លីនៅក្នុងប្រទេសកាន់តែកើនឡើងខ្ពស់ កម្ពុជាគួរតែបង្កើតឱ្យមានតំបន់អចលនទ្រព្យពិសេស ដែលអាចផ្តល់សិទ្ធិគ្រប់គ្រាន់សម្រាប់ជនបរទេសក្នុងការទិញដី ឬអចលនទ្រព្យជាប់ដីធ្វើជាកម្មសិទ្ធិស្របច្បាប់។ នេះបើតាមការលើកឡើងរបស់លោកឧកញ៉ាបណ្ឌិត គីម ហ៊ាង អគ្គនាយកក្រុមហ៊ុនភ្នាក់ងារអចលនទ្រព្យ kw Cambodia ។

លោកឧកញ៉ាបណ្ឌិត គីម ហ៊ាង បានមានប្រសាសន៍នៅថ្ងៃទី៧ ខែតុលា ឆ្នាំ២០២០នេះថា ទីផ្សារអចលនទ្រព្យនៅកម្ពុជានាពេលបច្ចុប្បន្ននៅតែអាចរក្សាបាននូវភាពល្អប្រសើរបើធៀបទៅនឹងបណ្តាប្រទេសមួយចំនួនក្នុងតំបន់អាស៊ី។

លោកឧកញ៉ាបានបញ្ជាក់ថា “នៅក្នុងបរិបថនៃសម័យកាល Covid-19 កម្ពុជាក៏ទទួលរងនូវផលប៉ះពាល់ដូចបណ្តាប្រទេសនានានៅលើសកលលោកដែរ ប៉ុន្តែគ្រាន់តែថា កម្រិតនៃការប៉ពាល់ហាក់ធូរស្រាលជាងគេបន្តបើធៀបទៅនឹងប្រទេសនៅក្នុងតំបន់ ហើយក្នុងនោះវិស័យអចលនទ្រព្យក៏រងនូវឥទ្ធិពលអវិជ្ជមានខ្លះដែរ”។

ពាក់ព័ន្ធទៅនឹងការជួយជំរុញឱ្យវិស័យអចលនទ្រព្យ ជាពិសេសតម្លៃដីធ្លីកាន់តែកើនឡើងខ្ពស់ត្រូវបានលោកឧកញ៉ាបណ្ឌិត គីម ហ៊ាង លើកឡើងថា កម្ពុជា គួរតែបង្កើតឱ្យមានតំបន់អចលនទ្រព្យពិសេសដែលអាចផ្តល់សិទ្ធិដល់ជនបរទេសក្នុងការទិញដីសម្រាប់អភិវឌ្ឍន៍ដោយស្របច្បាប់ ខណៈដែលបច្ចុប្បន្នរដ្ឋាភិបាលបានផ្តល់សិទ្ធិដល់ជនបរទេសក្នុងការកាន់កាន់កម្មសិទ្ធិអចលនទ្រព្យចាប់ពីជាន់ទី១ឡើងទៅតែប៉ុណ្ណោះ ។

លោកឧកញ៉ាបញ្ជាក់ថា “នៅពេលដែលមានការបង្កើតតំបន់អចលនទ្រព្យពិសេសណាមួយដែលអនុញ្ញាតឱ្យជនបរទេសមានសិទ្ធិក្នុងការទិញដី និងកាន់កាប់ជាកម្មសិទ្ធិស្របច្បាប់ ដើម្បីធ្វើការអភិវឌ្ឍផ្សេងៗវានឹងជះឥទ្ធិពលល្អដល់តំបន់ដែលស្ថិតនៅក្បែរ ដែលយ៉ាងហោចណាស់ក៏ស្ថិតនៅក្នុងរង្វង់១០គីឡូម៉ែត្រជុំតំបន់អភិវឌ្ឍន៍នោះដែរ”។ លោកបន្តថា “ជាធម្មតាជនបរទេសដែលមកទិញដី ទិញអចលនទ្រព្យនៅប្រទេសណាមួយគឺជាអ្នកមានលុយ ដូច្នេះនៅពេលប្រទេសណាមួយមានអ្នកមានរស់នៅច្រើន កំណើននៃការអភិវឌ្ឍន៍នឹងកើតមាន ហើយការអភិវឌ្ឍនេះទៀតសោតគឺជាចលករមួយដែលជំរុញឱ្យមានតម្រូវការអចលនទ្រព្យ ដែលនឹងធ្វើឱ្យតម្លៃនៅលើទីផ្សារឡើងថ្លៃដោយស្វ័យប្រវត្តិ”៕

ដោយវុត្ថា

បាងកកៈ រដ្ឋាភិបាលហ្វាំងឡង់ គ្រោងបើកស្ថានកុងស៊ុលកិត្តិយសនៅកម្ពុជា ដើម្បីពង្រឹងទំនាក់ទំនងការទូត និងពង្រីកកិច្ចសហការសេដ្ឋកិច្ចជាមួយប្រទេសកម្ពុជា ឱ្យកាន់​តែប្រសើរថែមទៀត ក្នុងនោះក៏មានត្រូវការពលករបេះផ្លែឈើតាមរដូវកាលផងដែរ ។នេះបើតាមការបញ្ជាក់ពី លោក Jyri Järviaho ឯកអគ្គរដ្ឋទូតហ្វាំងឡង់ថ្មី ប្រចាំព្រះរាជាណាចក្រកម្ពុជា និងថៃឡង់ដ៏។

នៅក្នុងជំនួបជាមួយ លោក អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ កាលពីព្រឹកថ្ងៃពុធ ទី៧ ខែតុលា ឆ្នាំ២០២០នេះ លោកJyri Jarviaho បានបង្ហើបពីគម្រោងផ្តល់ជំនួយបច្ចេកទេស និងសម្ភារៈដល់កម្ពុជា ដើម្បីកសាងសមត្ថភាពគ្រូបង្រៀនតាមប្រព័ន្ធអនឡាញ និងគម្រោងកែឆ្នែសំរាមទៅជាថាមពលអគ្គិសនី(Waste Energy)។

លោកអ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ បានសម្តែងការស្វាគ​មន៍ចំពោះគម្រោងខាងលើ និងបានលើកឡើងពីទំនាក់ទំនងទ្វេភាគី និងកិច្ចសហប្រតិបត្តិការល្អរវាងកម្ពុជា និងហ្វាំងឡង់។

លោកឯកអគ្គរាជទូត បានសន្យាផ្តល់គាំទ្រអស់ពីលទ្ធភាព និងស្នើសុំសមភាគីហ្វាំងឡង់ ជំរុញគម្រោងខាងលើឱ្យបានឆាប់រហ័ស ដើម្បីនាំយកឧត្តមប្រយោជន៍ជូនប្រទេសជាតិ និងប្រជាជន៕