ដោយស៊ីវ ម៉េង

        ភ្នំពេញៈ ផ្សារទំនើបលំដាប់អន្តរជាតិAEON MALL3ស្ថិតនៅលើមហាវិថីសម្តេចតេជោហ៊ុន សែននាយករដ្ឋមន្រ្តីនៃកម្ពុជា បានបើកការដ្ឋានសាងសង់ជាផ្លូវការហើយនៅព្រឹកថ្ងៃទី៧ តុលានេះ។

អភិបាលរាជធានីភ្នំពេញ លោកឃួង ស្រេងបានមានប្រសាសន៍ក្នុងពិធីបើកការដ្ឋាន​សាងសង់ជាផ្លូវការនូវផ្សារទំនើបAEON MALL3ថា ការសម្រេចចិត្តរបស់ក្រុមហ៊ុន អ៊ីអន ម៉ល ខេមបូឌា ខូ អិលធីឌី ដែលបានបណ្ដាក់ទុនបន្ថែមសាងសង់ផ្សារទំនើបគម្រោងទី៣ នៅរាជធានីភ្នំពេញនាពេលនេះ គឺជាការសម្រេចចិត្តវិនិយោគដ៏ត្រឹមត្រូវ ព្រោះថាផ្អែកតាមប្លង់គោលប្រើប្រាស់ដី រាជធានីភ្នំពេញឆ្នាំ២០៣៥ តំបន់ភាគខាងត្បូងរាជធានីភ្នំពេញត្រូវបានកំណត់ថា ជាតំបន់អភិវឌ្ឍន៍ថ្មីសម្រាប់ទទួលបានគម្រោងសំណង់អគារខ្ពស់ៗ ស្ថាបត្យកម្មប្រណីតៗ និងការអភិវឌ្ឍន៍ទីក្រុងរណប ដើម្បីធានាដល់ការប្រើប្រាស់ដីធ្លី និងសក្កានុពលដែលមានស្រាប់ក្នុងទីក្រុងប្រកបដោយប្រសិទ្ធភាពខ្ពស់។

លោក ម៉ាសាហ៊ីរ៉ូ មិកាមិ (MASAHIRO MIKAMI)ឯកអគ្គរដ្ឋទូតវិសាមញ្ញនិងពេញសមត្ថភាពជប៉ុនប្រចាំកម្ពុជាបានមានប្រសាសន៍លើកឡើងផងដែរថា ផ្សារទំនើបអ៊ីអន ម៉លជាក្រុមហ៊ុនរបស់ជប៉ុន បានដាក់ទុនរកស៊ីនៅស្រុកខ្មែរ ហើយតាមរយៈ អ៊ីអន ម៉ល ទី១និងទី២ក្នុង១ខែៗ ផ្សារទំនើបនីមួយៗ បានទទួលអតិថិជនបានប្រមាណ១លាននាក់។

លោកបានបញ្ជាក់ថា “ការរីករាលដាលនៃជំងឺកូវី–១៩ វាពិតណាស់ថា បានធ្វើឲ្យប៉ះពាល់ដល់សេដ្ឋកិច្ច មិនដូច ការរំពឹងទុករបស់យើងនោះទេ”។ លោកបន្តថា “ប៉ុន្តែទោះបីជាយ៉ាងណាក្តីក្រុមហ៊ុនជប៉ុនមួយនេះ នៅតែបន្តនូវវគម្រោងទី៣របស់ខ្លួននៅក្នុងការកសាងនៅផ្សារទំនើបអ៊ីអនម៉លគម្រោងទី៣នេះថែមទៀត”។

លោកជឿជាក់ថា គម្រោងកសាងផ្សារទំនើបអ៊ីអនម៉លគម្រោងទី៣នេះ គ្រោងនឹងរួចរាល់នៅក្នុងឆ្នាំ២០២២ ហើយក្រោយពីបើកអោយដំណើរការ វានឹងមានអតិថិជនប្រមា​ណជា១២លាននាក់ក្នុងមួយឆ្នាំ៕

ដោយវុត្ថា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានប្រកាស សាងសង់ប្រព័ន្ធហេដ្ឋារចនាសម្ព័ន្ធផ្លូវចំនួន ៣ គម្រោង បន្ថែមទៀត រួមមានផ្លូវលេខ៤១ តភ្ជាប់លេខ៤ ទៅកំពត ផ្លូវលេខ៣១ និងផ្លូវលេខ៣៣ នៅខេត្តកំពត។

សម្តេចតេជោ ហ៊ុន សែន នៅក្នុងពិធីសម្ពោធមជ្ឈមណ្ឌលកម្សាន្ត «ព្រីនស៍ ម៉ាណ័រ» ស្ថិតឃុំដីឥដ្ឋ ស្រុកកៀនស្វាយ ខេត្តកណ្តាលនាថ្ងៃទី ៧ ខែកញ្ញា ឆ្នាំ ២០២០នេះ ឱ្យដឹងថា គម្រោងសាងសង់ផ្លូវទាំង ៣ ខ្សែនេះ នឹងត្រូវស្នើសុំកម្ចីថវិកាពីរដ្ឋាភិបាលចិន។

សម្តេចតេជោ ថ្លែងថា “នៅថ្ងៃម្សិលមិញនេះសម្តេចបានសម្រេចឱ្យសាងសង់ផ្លូវចំនួន៣គម្រោងទៀត រួមមានផ្លូវលេខ៤១ តភ្ជាប់លេខ៤ ទៅកំពត ផ្លូវលេខ៣១ និងផ្លូវលេខ៣៣ នៅខេត្តកំពត”។ សម្តេចតេជោបន្តថា “គម្រោងទាំងនេះនឹងសុំខ្ចីថវិកាពីរដ្ឋាភិបាលចិន”។

ទាក់ទិននឹងការស្នើសសុំកម្ចីពីរដ្ឋាភិបាលចិននេះ សម្ដេចបានថ្លែងថា មានអ្នកខ្លះឃើញចិនមកជួយធ្វើផ្លូវ និងផ្ដល់ជាជំនួយឥតសំណង ផ្ដល់ជាប្រាក់កម្ចីឲ្យកម្ពុជា ដើម្បីសាងសង់ហេដ្ឋារចនាសម្ព័ន្ធនានានៅក្នុងប្រទស បែជាគេចោទថា កម្ពុជារណបចិន ជ្រើសរើសយកចិន ហើយចោលមហាអំណាចនេះ មហាអំណាចនោះ ។

សម្តេចតេជោបន្តថា “ខ្ញុំចង់សួរត្រឡប់ទៅវិញថា បើផ្លូវហ្នឹងស្ពាននឹងចិន មិនបានធ្វើទេតើអ្នកមកធ្វើជំនួស? ពិតមែនហើយយើងក្រឡេក ទៅមើលមានផ្លូវស្ពាន មួយចំនួនជប៉ុនកំពុងធ្វើ ដូចជាស្ពានអ្នកលឿង ប៉ុន្តែដល់តភ្ជាប់ចេញពីភ្នំពេញ ចេញពីស្ពាន ព្រែកក្តាមចិនជាអ្នកធ្វើ (ផ្លូវលេខ៥) និងផ្លូវជាតិលេខ៦ទៅទល់នឹងខេ ត្តសៀមរាបចិនជាអ្នកធ្វើ ទាំងស្ពានព្រែកតាមាក់ និងផ្លូវលេខ៨ បនិងផ្លូវតភ្ជាប់គ្នាជារ ឡេមួយចំនួនទៀត” ។

សម្តេតេជោបន្តទៀតថា “តើសួរថាបើចិនមិនជួយធ្វើ តើអ្នកណាជួយសូមឆ្លើយមក បើ អ្នកឯង ឆ្លើយជាមួយខ្ញុំបាន ខ្ញុំអាចនិយាយបានថាគួរចុះចេញពីតំណែង។ ឲ្យតែអ្នកឯក និយាយថា អ្នកនេះធ្វើបាន! អ្នកនោះធ្វើបាន ប៉ុន្តែពួកគេបានតែត្រឹមថា តែពួកគេបានប្រើ ប្រាស់ផ្លូវដែរ គេមិនបាននិយាយដល់ទេ។ គេលើកតែយករឿងអាក្រក់ជា មួយចិ នប៉ុណ្ណោះ ថាកម្ពុជាទៅជាមួយចិន”។

តែយ៉ាងណាក៏ដោយ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា មិនបញ្ជាក់ពីទំហំទឹកប្រាក់ដែលត្រូវស្នើកម្ចីពីរដ្ឋាភិបាលចិនចំនួនថវិកាប៉ុន្មាននោះទេក្នុងការយកមកកសាងផ្លូវទាំង ៣ គម្រោងនេះ ហើយសុំណើរនេះបានចុះហត្ថលេខារួចហើយដោយលោកបណ្ឌិតសភាចារ្យ អូន ព័ន្ធមុន្នីរ័ត្ន ទេសរដ្ឋមន្រ្តី រដ្ឋមន្រ្តី ក្រសួងសេដ្ឋកិច្ច និងហិរញ្ញវត្ថុ និង លោក ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន៕

ដោយវុត្ថា
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបញ្ជាក់សារជាថ្មី ថា នឹងអញ្ជើញទៅបើកការដ្ឋានសាងសង់ផ្លូវទាំង ៣៨ ខ្សែនៅក្នុងក្រុងសៀមរាប នៅក្នុងអំឡុងខែវិច្ឆិកា ឆ្នាំ ២០២០នេះ ខាងមុខនេះខណៈដែលរដ្ឋបានខេត្តបាននឹងកំពុងសម្របសម្រួលជាមួយប្រជាពលរដ្ឋដែលមានសំណង់ប៉ះពាល់ពីគម្រោងសាងសង់ផ្លូវទាំង ៣៨ខ្សែ។

សម្តេចតេជោ ហ៊ុន សែន នៅក្នុងពិធីសម្ពោធមជ្ឈមណ្ឌលកម្សាន្ត ខ្នាតយក្សដំបូងគេនៅកម្ពុជា «ព្រីនស៍ ម៉ាណ័រ» នៅស្រុកកៀនស្វាយ ខេត្តកណ្តាល នាថ្ងៃទី៧ ខែតុលា ឆ្នាំ២០២០ឱ្យដឹងថា ការបើករដ្ឋានស្ថាបនាផ្លូវទាំង ៣៨ ខ្សែនៅក្នុងក្រុងសៀមរាបនាពេលខាងមុខនេះ ដើម្បីផ្តល់ឱកាសការងារដល់ពលរដ្ឋកម្ពុជាដែលបានបង់ការងារដែលបង្ករឡើងដោយជំងឺកូវីដ ១៩។

សម្តេចតេជោ ថ្លែងថា រាជរដ្ឋាភិបាលសម្រេចទម្លាក់កញ្ចប់ថវិកាប្រមាណ ១៥០ លានដុល្លារអាមេរិក ដើម្បីកែលម្អហេដ្ឋារចនាសម្ព័ន្ធ នៅក្នុងខេត្តសៀមរាប ដើម្បីលើកកម្ពស់សោភណភាពខេត្តទេសចរណ៍កាន់តែទាក់ទាញបន្ថែមទៀត។

សម្តេចតេជោបន្ថែមថា ជាមួយនឹងការបើករដ្ឋានសាងសង់ផ្លូវនេះ គឺផ្តល់ឱកាសការងារជូនពលរដ្ឋ ហើយទទួលបានចំណូលពីថវិកា ១៥០ លានដុល្លាររបស់រាជរដ្ឋាភិបាល ដើម្បីយកទៅលើកកម្ពស់ជីវភាពកាន់តែប្រសើរនៅក្នុងអំឡុងពេលនៃការរីករាលដាលនៃជំងឺកូវី ១៩ ខណៈជំងឺនេះ ស្ថិតនៅក្នុងភាពមិនប្រកដប្រជា។

រដ្ឋបាលខេត្តសៀមរាបបាននឹងកំពុងសម្របសម្រួលជាមួយបងប្អូនប្រជាពលរដ្ឋ ព្រមទាំងធ្វើការវាយតម្លៃខ្ពស់អំពីផែនការប្រវត្តិសាស្ត្ររបស់ខេត្តសៀមរាប ដែលទទួលបានផ្លូវ៣៨ខ្សែ ដែលសម្រេចដោយអន្តរក្រសួង ក្រោមការផ្តល់កញ្ចប់ថវិកាពីប្រមុខរាជរដ្ឋាភិបាល ហើយក៏ជាឱកាសសម្រាប់ខេត្តប្រវត្តិសាស្ត្រធ្វើកិច្ចអភិវឌ្ឍលើហេដ្ឋារចនាសម្ព័ន្ធផ្លូវថ្នល់ក្នុងពេលដែលនៅលើ ពិភពលោកបានកំពុងជួបនូវវិបត្តិកូវីដ១៩។

រដ្ឋបាលខេត្តសៀមរាបឱ្យដឹងថា ម៉ក្រោយការរៀបចំហេដ្ឋារចនាសម្ព័ន្ធនេះរួច ក្រុងសៀមរាបនឹងកាន់តែមាននូវ សោភណ្ឌភាពស្រស់ត្រកាល ក្នុងការទាក់ទាញដល់អារម្មណ៍ភ្ញៀវទេសចរជាតិ អន្តរជាតិចូលមកទស្សនាកម្សាន្ត ព្រមទាំងបាន ជំរុញដល់ក្រុមការងារកំណត់ជើងម៉ែត្រ ធ្វើការពិនិត្យឲ្យបានត្រឹមត្រូវជូនប្រជាពលរដ្ឋ ។

លោក ទៀ សីហា អភិបាលខេត្តសៀមរាប ថា ផ្លូវទាំង៣៨ខ្សែនេះ គឺផែនការប្រវត្តិសាស្ត្ររបស់ខេត្តសៀមរាបមួយ ក្រោមការឧបត្ថម្ភគាំទ្រនិងការផ្តល់នូវកញ្ចប់ថវិការបស់សម្តេចនាយករដ្ឋមន្ត្រី ដើមី្បធ្វើការអភិវឌ្ឍន៍នូវហេដ្ឋារចនាសម្ព័ន្ធផ្លូវ ថ្នល់ ក្នុងទីក្រុងទេសចរណ៍ប្រវត្តសាស្ត្រ ឲ្យកាន់តែមានសោភណ្ឌភាពស្រស់ត្រកាលឡើង ក្នុងការទទួលស្វាគមន៍ភ្ញៀវទេសចរជាតិ អន្តរជាតិ។

លោកអភិបាលខេត្តបានបញ្ជាក់ថា ក្រៅពីគម្រោងស្ថាបនាផ្លូវ៣៨ខ្សែ ខេត្តក៏មានលើក នូវគម្រោងស្ថាបនាផ្លូវមួយចំនួនទៀតក្នុងក្រុងសៀមរាប ហើយចំពោះគម្រោងផ្លូវនៅថ្នាក់ស្រុក ដែលស្ថិតនៅក្នុងដែនសមត្ថកិច្ចរបស់ អាជ្ញាធរអប្សរាគ្រប់គ្រង គឺជាភារកិច្ចរបស់អាជ្ញាធរជាតិអប្សរា ៕

ដោយវត្ថា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញបើកការដ្ឋានសាងសង់ស្ពានតភ្ជាប់រវាងទីក្រុងកោះពេជ្រ និងទីក្រុងកោះនរាហ៍នៅថ្ងៃទី ២៦ ខេតុលា ឆ្នាំ ២០២០ខាងមុខនេះ ។

សម្តេចតេជោ ហ៊ុន សែន នៅក្នុងពិធីសម្ពោធមជ្ឈមណ្ឌលកម្សាន្ត ខ្នាតយក្សដំបូងគេនៅកម្ពុជា «ព្រីនស៍ ម៉ាណ័រ» នៅស្រុកកៀនស្វាយ ខេត្តកណ្តាល នាថ្ងៃទី៧ ខែតុលា ឆ្នាំ២០២០នេះ ឱ្យដឹងថា នៅថ្ងៃទី ២៦ខែនេះ ថា “ខ្ញុំនឹងទៅបើកការដ្ឋានស្ថាបនាស្ពានតភ្ជាប់រវាងទីក្រុងកោះពេជ្រ និងទីក្រុងកោះនរាហ៍ ដើម្បីសម្រួលចរាចរណ៍ពីស្រុកគៀនស្វាយទៅកាន់ទីក្រុងភ្នំពេញ”។

លោក ទូច សំណាង អគ្គនាយករងក្រុមហ៊ុនOCIC ធ្លាប់បានឱ្យដឹងដែរថា “គម្រោងស្ពានឆ្លងកាត់ទន្លេ និងតភ្ជាប់ពីក្រុងរណបកោះពេជ្រ និងក្រុងរណបកោះនរាហ៍ មានទំហំធំជាងស្ពានដែលតភ្ជាប់ពីផ្លូវជាតិលេខ៥ ទៅក្រុងរណបជ្រោយចង្វារ”។ លោកបន្តថា “ស្ពាននេះជាប្រភេទស្ពានយោងដោយខ្សែកាបមានប្រវែងប្រមាណ៥០០ម៉ែត្រ និងទទឹង២៤,៥ម៉ែត្រ ដែលគ្រោងចំណាយពេលសាងសង់៣២ខែ ដោយប្រើថវិកាប្រមាណជាង៥០លានដុល្លារ ហើយស្ថាបត្យកម្មស្ពាននេះធ្វើឡើងតាមរចនាបថបែបខ្មែរ ”។

លោកបន្តថា ស្ពាននេះក្រៅពីតភ្ជាប់រវាងទីក្រុងរណបទាំង២នេះ នឹងមានការតភ្ជាប់ជាមួយផ្លូវជាតិលេខ១ ដើម្បីអនុញ្ញាតឱ្យប្រជាពលរដ្ឋធ្វើដំណើរឆ្លងកាត់ កាត់បន្ថយវិបត្តិកកស្ទះចរាចរណ៍ ដែលតែងកើតមាននៅលើផ្លូវជាតិលេខ១ ជាពិសេសចំណុចស្ពានព្រះមុនីវង្សច្បារអំពៅ។

លោក ទូច សំណាង ក៏បានបញ្ជាក់ផងដែរថា សម្រាប់ការចរាចរណ៍ឆ្លងកាត់ស្ពានមួយនេះនឹងត្រូវបានកំណត់ប្រភេទរថយន្ត ដោយអាចនឹងមិនអនុញ្ញាតប្រភេទរថយន្តធុនធំ ឬដឹកទំនិញធ្ងន់ឆ្លងកាត់នោះឡើយ ប៉ុន្តែករណីនេះកំពុងសិក្សា។

លោកបន្តថា តាមផែនការពីដំបូង ក្រុមហ៊ុនមានជម្រើសពីរក្នុងការសាងសង់ស្ពានតភ្ជាប់រវាងទីក្រុងកោះពេជ្រ និងទីក្រុងកោះនរា ដោយជំរើសទី១សាងសង់ស្ពានក្រោមទន្លេ និងជម្រើសទី២សាងសង់ស្ពានលើទឹក ប៉ុន្តែការសម្រេចចុងក្រោយគឺជ្រើសរើសស្ពាននៅលើទឹកជំនួសវិញ ដែលស្ពាននេះមិនត្រឹមតែសម្រួលចរាចរណ៍នោះទេ តែក៏ជាផ្នែកមួយលើកកំពស់សោភ័ណភាពរាជធានីភ្នំពេញផងដែរ៕

ដោយស៊ីវ ម៉េង

ភ្នំពេញ អចលនទ្រព្យទីក្រុងបាវិត ខេត្តស្វាយរៀងបាននិងកំពុងកំរើកឡើងបណ្តើរហើយ ខណៈផែនការមេនៃការសាងសង់ផ្លូវល្បឿនលឿន កំពុងវិវត្តន៍ទៅមុខជាមួយនឹងសកម្មភាពសេដ្ឋកិច្ចនឹងរើបឡើងវិញនៅចុងឆ្នាំនេះ។

ក្រុមហ៊ុនអភិវឌ្ឍន៍គំរោងដ៏ធំមួយ ដែលមានប្រភពមកពីប្រទេសចិនEmpire World Group បានចុះហត្ថលេខាភាពជាដៃគូ ជាមួយក្រុមហ៊ុន Enterpreneur Reality Partners(Cambodia) Co., Ltd & ក្រុមហ៊ុន Alpha City Co., Ltd លើគំរោងទីក្រុងរណបថ្មីមួយដ៏ធំជាងគេ លើទឹកដីក្រុងបាវិត ខេត្តស្វាយរៀង។ ដោយមានការចូលរួមពី Mr. Chew Teck Kong (Business Consultant) & Mr. Eric Loo (CEO) នៃក្រុមហ៊ុន Empire World Group ផងដែរ។

ប៉ុន្តែយ៉ាងណាក៏ដោយគំរោងនេះបានពន្យាពេល ដោយសារវិបត្តិសេដ្ឋកិច្ចសាកល ដែលបណ្តាលមកពីជំងឺCovid-19។

លោកNguyen Phoung Hoang (Jay) តំណាងរបស់ Empire World Group បានមានប្រសាសន៍ឲដឹងថា គំរោងនេះសរុប៨០៣ហិចតា ប៉ុន្តែសម្រាប់ជំហ៊ានដំបូងគឺយើងចាប់ផ្តើមពី៥០ហិចតាសិន ដោយក្នុងនោះមានជា ទី១ Creative Park (មានដូចជា ផ្សារទំនើប អាហារដ្ឋាន ហាងនំ ហាងកាហ្វេ ជាដើម) ទី២ OBC (Online Business Concept) អគារសម្រាប់លក់ ឬជួល ទី៣ Technology Park អគារបណ្តុះបណ្តាលផ្នែកបច្ចេកវិទ្យាធំជាងគេនៅតំបន់អាស៊ីអាគ្នេយ៍  ទី៤ E-Sports Stadium កន្លែងកីឡាផ្សេងៗ ទី៥ Apartment អគារស្នាក់នៅទំនើបប្រណិត។

ទី៦ Casino & Hotel កាស៊ីណូអូតែលដ៏ធំ។គំរោងនេះចាប់ផ្តើមដំណើរការពីពេលនេះនិងបញ្ចប់ក្នុងរយះពេល៤ទៅ៦ឆ្នាំខាងមុខ។

ក្រុមហ៊ុនChina Road and Bridgeរបស់ប្រទេសចិនកាលពីពេលថ្មីៗនេះ បានបង្ហាញពីលទ្ឋផល នៃការសិក្សាផ្លូវល្បឿនលឿន ជូនថ្នាក់ដឹកនាំក្រសួងសាធារណៈការ និង​ដឹកជញ្ជូនរួចហើយ ដោយផ្តល់ជំរើសចំនួន៣ដល់រដ្ឋាភិបាលពិនិត្យ និងសម្រេចយកជំរើសណាមួយ។

ទីប្រឹក្សាសមាគមអចលនទ្រព្យសាកល លោកយិន លាងគង់ បានមានប្រសាសន៍ថា ទីក្រុងបាវិតស្ថិតក្នុងផែនការមេអភិវឌ្ឍន៍របស់រដ្ឋាភិបាល ដើម្បីប្រែក្លាយទីក្រុងនេះជាមជ្ឈមណ្ឌលពាណិជ្ជកម្ម និងឧស្សាហកម្ម ក្នុងគោលនយោបាយអភិវឌ្ឍន៍វិស័យឧស្សា​ហកម្ម។ វាជាទីក្រុងមួយក្នុងចំណោមទីក្រុងចំនួន៣ ដែលបានដាក់បញ្ចូលក្នុងគោលនយោបាយនេះ ហើយជាលទ្ឋផលទីក្រុងទាំងនេះទទួលបានភាពរីកចម្រើនយ៉ាងឆាប់រហ័ស។

ទីក្រុងចំនួនបី ដែលបានដាក់បញ្ចូលក្នុងផែនការមេអភិវឌ្ឍន៍ រួមមាន ទីក្រុងបាវិត ទីក្រុងប៉ោយប៉ែត និងក្រុងព្រះសីហនុ។

លោកយិន លាងគង់បានបន្តថា “ទីក្រុងបាវិតប្រៀបដូចជាកូនក្រមុំស្រស់ស្អាតម្នាក់កំពុងចូលម្លប់ ដែលចាប់ផ្តើមបង្ហាញសម្រស់បណ្តើរៗ ព្រោះទីក្រុងនេះស្ថិតនៅក្នុងផែនការអភិវឌ្ឈត្បូងៗរបស់អាស៊ាន និងប្រទេសក្នុងតំបន់”។លោកបន្តថា “លក្ខខ័ណ្ឌអំ ណោយផលនៃភូមិសាស្រ្ត ក្នុងការសម្រួលដល់លំហូរពាណិជ្ជកម្ម ជាមួយប្រទេសវៀតណាម និងក្រុងភ្នំពេញមានចម្ងាយជិត និងមានសក្តានុពលខ្លាំង បើធៀបនឹងទីក្រុងប៉ោយប៉ែត”៕