ទីផ្សារក្នុងស្រុកបានក្លាយជាកម្លាំងស្នូលក្នុងការជំរុញវិស័យអចលនទ្រព្យនៅកម្ពុជា

ដោយ៖ ម៉ាណេត

ភ្នំពេញ៖ អ្នកជំនាញអន្តរជាតិបានអះអាងថា ទីផ្សារក្នុងស្រុកបានក្លាយជាកម្លាំងស្នូល ក្នុងការជំរុញវិស័យអចលនទ្រព្យនៅកម្ពុជា អំឡុងពេលដែលម្ពុជាប្រឈមវិបត្តិកូវីដ១៩។

លោក James Hodge នាយកក្រុមហ៊ុន CBRE Cambodia បានមានប្រសាសន៍កាលថ្មីៗនេះថា ទីផ្សារអចលនទ្រព្យ បានជួបការលំបាកក្នុងឆ្នាំ២០២០ ប៉ុន្តែទីផ្សារស្រុកបានដើរតួនាទីយ៉ាងសំខាន់ ក្នុងការជំរុញសកម្មភាពទិញ-លក់អចលនទ្រព្យនៅកម្ពុជា។

លោកបានថ្លែងថា “តម្រូវការអចលនទ្រព្យគ្រប់ប្រភេទត្រូវបានធ្លាក់ចុះ ហើយមានវិស័យជាច្រើនទៀតបានរងផលប៉ះពាល់ ដោយសារវិបត្តិកូវីដ១៩ ក៏ពិតមែន តែទីផ្សារក្នុងស្រុកបានក្លាយជាកម្លាំងស្នូលនៃវិស័យលំនៅដ្ឋាន ពិសេសដោយសារតែផ្សារបូរី បានចាក់គ្រឹះយ៉ាងរឹងមុំា ក្នុងរយៈពេលប៉ុន្មានទសវត្សចុងក្រោយនេះ”។

ទោះយ៉ាងណា គ្រប់វិស័យទាំងអស់ បានទទួលយកគំនិតថ្មីៗ និងសម្របខ្លួនទៅនឹង “ការរស់នៅតាមគន្លងថ្មី” ជាពិសេសយើងបានឃើញថា កញ្ចប់លើកទឹកចិត្តថ្មីៗជាច្រើន ត្រូវបានបង្កើតឡើង ដូចការទទួលយកដំណោះស្រាយបច្ចេកវិទ្យាកាន់តែស៊ីជម្រៅ ការប្រើប្រាស់ទីភ្នាក់ងារជំនាញវិជ្ជាជីវៈកាន់តែទូលំទូលាយ គំនិតទីផ្សារច្នៃប្រឌិត ការបង្កើនភាពបត់បែននៅក្នុងលក្ខខណ្ឌនៃការទូទាត់ ការផ្តល់ជូននូវដំណោះស្រាយហិរញ្ញប្បទាន និងការបញ្ចុះតម្លៃកាន់តែច្រើន ក្នុងកំឡុងពេលចរចាជាដើម។

លោក James Hodge បានថ្លែងថា “ក្នុងរយៈពេលប៉ុន្មានខែចុងក្រោយនេះ មានសញ្ញាកើនឡើង សម្រាប់វិស័យមួយចំនួន ជាពិសេសនៅក្នុងវិស័យអចលនទ្រព្យបែបពាណិជ្ជកម្ម និងការវិនិយោគ យើងសង្កេតឃើញមានការកើនឡើងនូវសកម្មភាពពីអ្នកជួល និងអ្នកវិនិយោគ បើទោះអ្នកមកពីបរទេស ដែលមានគម្រោងធ្វើដំណើរមកប្រទេសកម្ពុជា បានពន្យាពេលធ្វើដំណើររបស់គេក្នុងរយៈពេល១២ខែ ចុងក្រោយនេះ”។

វិស័យ ដែលពឹងផ្អែកយ៉ាងខ្លាំងលើជនបរទេស ឬភ្ញៀវទេសចរ នៅតែរងផលប៉ះពាល់ខ្លាំងបំផុត ហើយបញ្ហានេះហាក់ដូចជាមិនមានភាពធូរស្បើយទេ រហូតដល់ការធ្វើដំណើរត្រឡប់មកភាពប្រក្រតីឡើងវិញ។

លោកបានបន្តថា “រហូតដល់ពេលនេះ យើងមិនអាចកំណត់បានថា តើពេលណាវិស័យអចលនទ្រព្យទាំងមូល នឹងវិលត្រឡប់ទៅភាពដើម ដូចមុនវិបត្តិកូវីដ១៩នោះទេ ដោយយើងគ្រាន់តែអាច មើលឃើញថា ផ្នែកមួយចំនួននៅក្នុងវិស័យនេះ នឹងកើនឡើងលឿនគេ”៕

លោកឃាង ពុទ្ធីៈវិស័យអចលនទ្រព្យកម្ពុជាអាចរីកចម្រើន និងអភិវឌ្ឍន៍បានគឺអាស្រ័យទៅលើកត្តាសំខាន់ចំនួន២

ដោយៈ រ៉ាណេត

ភ្នំពេញៈ គ្រាន់តែចាប់ផ្តើមចូលដល់ដើមឆ្នាំ២០២១ភ្លាម បណ្តាអ្នកជំនួញ ក៏ដូចជាអ្នកអភិវឌ្ឍន៍ នៅក្នុងវិស័យអចលនទ្រព្យកម្ពុជាភាគច្រើន សុទ្ធតែបានបង្ហាញពីភាពសុទិ​ដ្ឋិនិយម ជាមួយនឹងការជឿជាក់ថាទីផ្សារអចលនទ្រព្យ នឹងអាចងាកទៅរកស្ថានភាពល្អប្រសើរវិញជាបណ្ដើរៗ ខណៈដែលភាពប្រឈមនឹងវិបត្តិសាកល ត្រូវបានធូរស្រាលបន្តិចម្ដងៗ។

ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា លោក ឃាង ពុទ្ធី បានមានប្រសាសន៍នៅព្រឹកថ្ងៃទី១១ ខែមករា ឆ្នាំ២០២១នេះថា ជាទូទៅទីផ្សារអចលនទ្រព្យអាចមានស្ថានភាពល្អប្រសើរ និងមានភាពរីកចម្រើនបានគឺអាស្រ័យទៅលើកត្តាសំខាន់ៗចំនួន៥ដែលកើតឡើងព្រមគ្នា។

លោកបានបញ្ជាក់ថា “ជាទូទៅវិស័យអចលនទ្រព្យអាចមានការរីកចម្រើន និងអភិ​វឌ្ឍបានគឺត្រូវពឹងផ្អែកលើកត្តាចំនួន៥ព្រមគ្នា ដែលក្នុងនោះរួមមានដូចជា ផ្នែកហិរញ្ញវត្ថុ ហេដ្ឋារចនាសម្ព័ន្ធ សង្វាក់ផលិតកម្ម ដង់ស៊ីតេប្រជាជន រួមជាមួយនឹងកត្តាសន្ដិសុខសង្គម និងស្ថិរភាពនយោបាយ”។

លោកបន្តថា ដោយឡែកសម្រាប់តែប្រទេសកម្ពុជា កត្តាដែលចម្បងនៅក្នុងការជំរុញឱ្យវិស័យអចលនទ្រព្យមានភាពរីកចម្រើនខ្លាំង និងការអភិវឌ្ឍគឺមានចំនួន២ រួមមានទី១ កត្តាសន្ដិភាព សន្ដិសុខសង្គម និងស្ថិរភាពនយោបាយ ទី២ ហេដ្ឋារចនាសម្ព័ន្ធ។

លោកឃាង ពុទ្ឋីបានបន្តថា “បើគ្មានសន្តិភាពទេ គឺគ្មានការវិនិយោគ គ្មានការអភិវឌ្ឍន៍ដែលជាឆ្អឹងខ្នងនៃសេដ្ឋកិច្ចនោះទេ ហើយនៅពេលដែលគ្មានការអភិវឌ្ឍតម្លៃដីក៏មិនអាចឡើងបានដូចពេលបច្ចុប្បន្ននោះដែរ”។

កត្តាទី២ ដែលមានលក្ខណៈខុសពីបណ្តាប្រទេសមួយចំនួន នៅលើសាកលលោកនោះគឺកត្តាហេដ្ឋារចនាសម្ព័ន្ធ។ បច្ចុប្បន្ន រាជរដ្ឋាភិបាលខិតខំសាងសង់យ៉ាងសកម្ម ដែលក្នុងនោះរួមមានដូចជាផ្លូវគោក ផ្លូវដែក ផ្លូវអាកាស រួមជាមួយនឹងការសម្រួលដល់ការដឹកជញ្ជូនតាមរយៈផ្លូវទឹក ការតភ្ជាប់បណ្តាញអគ្គិសនី រួមជាមួយនឹងបណ្តាញទឹកស្អាតផងដែរ ហើយនៅពេលដែលបណ្តាញហេដ្ឋារចនាសម្ព័ន្ធ មានភាពល្អប្រសើរ វានឹងជំរុញឱ្យការអភិវឌ្ឍន៍ផ្សេងទៀតកើតមានជាបន្តបន្ទាប់។

លោកឃាង ពុទ្ធី បានបន្តទៀតថា “នៅក្នុងឆ្នាំ២០២១នេះ សម្រាប់ទីផ្សារអចលនទ្រព្យនៅកម្ពុជា យើអាចនិយាយបានថា វាកំពុងតែងាកទៅរកស្ថានភាពល្អប្រសើរវិញជាបណ្តើរៗ ដោយផ្តើមចេញពីអ្នកអភិវឌ្ឍន៍ក្នុងស្រុក រួមជាមួយនឹងតម្រូវការជាក់ស្ដែងរបស់ប្រជាជនខ្មែរផងដែរទៅលើផ្នែកលំនៅដ្ឋាន ប៉ុន្តែសម្រាប់វត្តមាននៃវិនិយោគិនអន្តរជាតិហា​ក់នៅមិនទាន់មានសន្ទុះខ្លាំងឡើងវិញនោះទេ ដែលវាតម្រូវការពេលវេលាយូរទៀត”៕

Le Condé BKK1 សម្រេចការលក់បាន ២២,៤៥០,០០០ ដុល្លារ ក្នុងឆ្នាំ២០២០

បរិមាណនៃការលក់គឺជាភស្តុតាងបញ្ជាក់យ៉ាងច្បាស់ពីភាពជោគជ័យ និងភាពល្បីល្បាញអំពីគម្រោងអចលនទ្រព្យ។ ក្នុងឆ្នាំ​២០២០ មានគម្រោងជាច្រើនត្រូវបានជៈឥទ្ធិពលអវិជ្ជមានយ៉ាងខ្លាំងពីកូវីដ១៩ ប៉ុន្តែគម្រោង Le Condé BKK1 ដែលជាគម្រោងលំនៅឋានបែបប្រណិតមួយក្នុងទីក្រុងភ្នំពេញបានធ្វើរឿងដ៏អស្ចារ្យមួយ ជាមួយនឹងការបំបែកកំណត់ត្រាលក់ដល់ទៅ ២២,៤៥០,០០០ដុល្លា ក្នុងរយៈពេល៥ខែ។

លទ្ធិផលនេះប្រហែលជាគួរឲ្យភ្ញាក់ផ្អើលសម្រាប់មនុស្សទូទៅ ប៉ុន្តែតាមយោបល់របស់អ្នកជំនាញអចលនទ្រព្យ ជាក់ស្តែងវាស្ថិតក្នុងការរំពឹងទុករបស់យើង។ ស្ថិតនៅទីតាំងដ៏ល្អបំផុត បូករួមជាមួយបរិក្ខាដ៏ទំនើបជាច្រើន ជាមួយនឹងការរចនាដ៏ស្រស់ស្អាតផ្នែកខាងក្នុង គម្រោង Le Condé BKK1 ពិតជាសាកសមសម្រាប់ភាពជោគជ័យនេះ។

 

Le Condé BKK1 ប្រហែលជាគម្រោងដែលបានអនុវត្តបានយ៉ាងល្អបំផុត ក្នុងការប្រើប្រាស់យុទ្ធសាស្ត្រអាជីវកម្ម សម្រាប់ប្រជាជនក្នុងតំបន់។ ៨៤% នៃអតិថិជនគឺជាប្រជាជនខ្មែរ។ លទ្ធផលនេះបង្ហាញយ៉ាងច្បាស់ថា ពីការមើលឃើញរបស់អ្នកអភិវឌ្ឍគម្រោង ទៅលើតម្រូវការរបស់អតិថិជនក្នុងស្រុក។ នៅពេលដែលទីផ្សារខុនដូភាគច្រើនមានលក្ខណៈដូចៗគ្នា Le Condé BKK1 បានសម្រេចចិត្តផ្តល់នូវអ្វីដែលខុសប្លែកអ្វីដែលធ្លាប់មានតាំងពីដើមមក។ ឧទាហរណ៍ជាក់ស្តែង សួនច្បារអាកាស ដែលមានតម្រូវការជាច្រើន ប្រាថ្នាចង់បានសួនច្បារផ្តល់ម្លប់ដែលមិនធ្លាប់មាន នេះហើយជំរុញឲ្យ Le Condé BKK1 បង្កើតឲ្យមានសួនច្បារអាកាសក្នុងអគារដែលមានទំហំធំទូលាយដល់ទៅ ១០០០ ម៉ែតការ៉េ ធំដំបូងគេនៅរាជធានីភ្នំពេញ។ នេះសបញ្ជាក់យ៉ាងច្បាស់ពីទស្សនៈនៃការអភិវឌ្ឍគម្រោងរបស់ Le Condé BKK1 ដើម្បីអភិវឌ្ឍសមស្របទៅនឹងតម្រូវការជាក់ស្តែងរបស់ប្រជាជន។

សម្រាប់ Le Condé BKK1 រង្វាន់ដ៏ល្អប្រសើរ ពីការតាំងចិត្តក្នុងការបង្កើតគម្រោងដ៌អស្ចារ្យចំកណ្តាលក្រុងភ្នំពេញនោះគឺ អតិថិជនជាច្រើនចូលទស្សនាការិយាល័យលក់ឥតឈប់ឈរ។ តាំងពីការបើកគម្រោងដំបូងមក អតិថិជនជាច្រើនបង្ហាញពីចំណាប់អារម្មណ៍ និងស្រលាញ់គម្រោងយើង។ មកដល់ពេលនេះ ការិយាល័យលក់ Le Condé BKK1 នៅតែជាកន្លែងសំខាន់មួយ​ សម្រាប់អ្នកដែលចង់ទិញផ្ទះប្រភេពទំនើប។

ដើមឆ្នាំនៃឆ្នាំថ្មីនេះ, Le Condé BKK1 បានដាក់ចេញនូវគោលការណ៍បញ្ចុះតម្លៃពិសេស ដើម្បីបង្ហាញពីការដឹងគុណទៅកាន់សហគមយើង និងអតិថិជនផងដែរ។ សម្រាប់អ្នកដែលកំពុងស្វែងរកលំនៅឋានបែបទំនើប ស៊ីវីល័យស្ថិតនៅកណ្តាលក្រុងរាជធានីភ្នំពេញ នេះប្រហែលជាឱកាសល្អបំផុតសម្រាប់អ្នកហើយ។

កិច្ចព្រមព្រៀងពាណិជ្ជកម្មសេរីអាស៊ាន-ហុងកុងនឹងចូលជាធរមាននៅខែក្រោយ

ដោយ៖ ប៊ី

ភ្នំពេញ៖ កិច្ចព្រមព្រៀងពាណិជ្ជកម្មសេរីអាស៊ាន-ហុងកុង និងកិច្ចព្រមព្រៀងវិនិយោគគ្រោងនឹងចូលជាធរមាននៅថ្ងៃទី១២ ខែកុម្ភៈ ឆ្នាំ២០២១។ នេះបើយោងតាមនាយកដ្ឋានពាណិជ្ជកម្ម និងឧស្សាហកម្មហុងកុងចេញផ្សាយកាលពីថ្មីៗនេះ។

អ្នកនាំពាក្យមួយរូបដែលសុំមិនបញ្ចេញឈ្មោះ បានថ្លែងនៅក្នុងសេចក្តីប្រកាសព័ត៌មានថា កម្ពុជានឹងក្លាយជាប្រទេសចុងក្រោយ នៅពេលដែលកិច្ចព្រមព្រៀងទាំងពីរចូលជាធរមាន បន្ទាប់ពីប្រទេសឥណ្ឌូនេស៊ីបានចូលរួមនៅថ្ងៃទី៤ ខែកក្កដា ឆ្នាំ២០២០ និងព្រុយណេនៅថ្ងៃទី២០ ខែតុលា ឆ្នាំ២០២០។

លោកបាននិយាយថា “សហគ្រាស និងអ្នកផ្តល់សេវាកម្មហុងកុងនឹងអាចទទួលបានអត្ថប្រយោជន៍ពេញលេញដូចដែលបានប្តេជ្ញាចិត្តដោយរដ្ឋជាសមាជិកអាស៊ានទាំង១០ ក្រោមកិច្ចព្រមព្រៀងទាំងពីរនេះ។ ឱកាសអាជីវកម្មរបស់ពួកគេនៅក្នុងទីផ្សារអាស៊ាននឹងមានកាន់ច្រើន”។

លោកបានបន្តថា ហុងកុងបានបង្កើតកិច្ចព្រមព្រៀងពាណិជ្ជកម្មសេរី (FTA) និងកិច្ចព្រមព្រៀងជាមួយអាស៊ានក្នុងឆ្នាំ២០១៧ ហើយកិច្ចព្រមព្រៀងបានចូលជាធរមានជាបណ្តើរៗ ចាប់តាំងពីខែមិថុនាឆ្នាំ២០១៩។

កិច្ចព្រមព្រៀងមានលក្ខណៈទូលំទូលាយក្នុងវិសាលភាព រួមទាំងពាណិជ្ជកម្មទំនិញ ពាណិជ្ជកម្មសេវាកម្ម វិនិយោគ កិច្ចសហប្រតិបត្តិការសេដ្ឋកិច្ច និងបច្ចេកទេសយន្តការដោះស្រាយវិវាទ និងវិស័យពាក់ព័ន្ធដទៃទៀត៕

តើ​ក្រុងព្រះសីហនុ​កំពុង​វិវត្តន៍​ខ្លួន​ដូច​ក្តាម​កំពុង ”សក” ឬ​យ៉ាងណា?

ដោយ​គង់ ម៉ា​លីន

ភ្នំពេញៈ រយៈពេល​ត្រឹម៣ឆ្នាំ ក្រុងព្រះសីហនុ​បាន​ផ្លាស់ប្តូរ​មុខមាត់ ស្ទើរ​មិនគួរ​ឲ្យ​ជឿ សំណង់​អាគារ​ពាណិជ្ជកម្ម លំនៅដ្ឋាន ខុន​ដូ លូត​ទៅលើ​អាកាស​ដូច​គេ​ជប់ ប៉ុន្តែ​ភាព​អ៊ូអរ​បាន​ប្រែជា​ស្ងប់ស្ងាត់​យ៉ាង​ស្រងេះស្រងោច។

ទីក្រុង​នេះ ត្រូវបាន​រដ្ឋាភិបាល​ដាក់បញ្ចូល ក្នុង​គោលនយោបាយ​អភិវឌ្ឍន៍​វិស័យ​ឧស្សាហកម្ម​ឆ្នាំ២០១៥ ២០២៥ ដើម្បី​ប្រែក្លាយ​ទឹកដី​តំបន់ឆ្នេរ ដែលមាន​ហេ​ដ្ឋា​រចនា​ស​ម្ព័​ន្ឋ​ផ្លូវទឹក ផ្លូវអាកាស និង​ផ្លូវគោក​នេះ​ទៅជា​តំបន់ឧស្សាហកម្ម​ពេញលេញ ប្រៀប​ដ​ដូចជា​កូនក្រមុំ​ទើប​ពេញវ័យ១៨ឆ្នាំ​ចឹ​ង។

យ៉ាងណាក្តី ទីក្រុង​ដែល​ពោរពេញ​ដោយ​កាស៊ីណូ​យ៉ាង​ព្រោងព្រាត និង​ការបិទ​ឧស្សាហកម្ម​ល្បែង​នេះ​យ៉ាង​តក់ក្រហល់ ពិសេស​ការមកដល់រ​បស់ Covid-19 បានធ្វើ​ឲ្យ​ទីក្រុង​នេះ​ប្រែ​ព៌​ណ​យ៉ាង​លឿន។

សម្តេច​តេ​ជោ​ហ៊ុន សែន​នាយករដ្ឋមន្ត្រី​នៃ​កម្ពុជា ក្នុង​ឳ​កាស​ចុះ​ពិនិត្យ​វឌ្ឍនភាព​នៃ​ការស្ថាបនា​ផ្លូវ​ទាំង ៣៤ខ្សែ នៅ​ក្រុងព្រះសីហនុ កាលពីដើម​សប្តាហ៍​មុន​បាន​មានប្រសាសន៍ថា សម្តេច​នឹង​ប្រែក្លាយ​ទីក្រុង​នេះ ជាទី​ក្រុង​ពហុ​បំណង ដោយ​រៀបចំ​ហេ​ដ្ឋា​រចនា​ស​ម្ព័​ន្ឋ និង​ដាក់ចេញ​នូវ​គោលនយោបាយ​នានា ដើម្បី​ធ្វើយ៉ាងណា​ប្រែក្លាយ​ទីក្រុង​នេះ​ជាទី​ក្រុង​ប្រកបដោយ​ថាមពល​សំរាប់​សេដ្ឋកិច្ច និង​ពោរពេញ​ដោយ​ភាព​ស៊ី​វិ​ល័យ។

ជាមួយគ្នានេះ សម្តេច​តេ​ជោ​បាន​ជំរុញ​ឲ្យ​មិត្ត​ជប៉ុន ជួយ​ព​ន្លឿ​ន​ការសាងសង់​កំពង់ផែ​ទឹក​ជ្រៅ ដែលមាន​តែមួយគត់​សំរាប់​ប្រទេស​នេះ​ឲ្យ​បាន​ឆាប់រហ័ស។

លើសពីនេះ ព្រលានយន្តហោះ​អន្តរជាតិ​កងកេង ខេត្ត​ព្រះសីហនុ​នឹង​ពង្រីក​ផ្លូវ​រត់​ប្រវែង​រហូតដល់ ៣៨០០ម៉ែត្រ ដែល​យន្តហោះធំៗឆ្លង​ទ្វីប​អាច​ចុះចត​បាន។

ផ្លូវ​ល្បឿន​លឿន​ភ្នំពេញ ព្រះសីហនុ​ក៏​បាននិងកំពុង​សាងសង់​យ៉ាងសកម្ម ហើយ​វា​ជា​ផ្លូវ១ដែល​ចារ​ក្នុង​ប្រវត្តិសាស្ត្រ​កម្ពុជា ចិន ក្នុង​ភាពជា​ដៃគូ​យុ​ទ្ឋ​សាស្ត្រ​គ្រប់​ជ្រុងជ្រោយ​និង​ប្រទេស​ពីរ​រួម​វាសនា​តែ១ ។

ជាមួយនឹង​កំសួល​ដូច​ពពុះ​សាប៊ូ នៃ​កំនើន​ការវិនិយោគ​ក្នុងស្រុក និង​លំហូរ​ទុនវិនិយោគ​ពី​បរទេស បានធ្វើ​ឲ្យ​ក្រុងព្រះសីហនុ​សព្វថ្ងៃ មាន​វត្តមាន​អាគារខ្ពស់ៗកប់​ពពក​រាប់រយ ស្របពេល​លំហូរ​ទុនវិនិយោគ​ក្នុង​វិស័យ​សំណង់ និង​អចលន​ទ្រព្យ​មាន​ទំហំ​ទុន​ជាង១០០០លាន​ដុល្លារ​ចាប់ពី​ឆ្នាំ២០១៨ ដល់​ឆ្នាំ២០១៩កន្លងមកនេះ។

ត្រលប់មក​មើល​ស្ថានភាព​អចលនទ្រព្យ ពិសេស​តម្លៃ​ដីធ្លី​នៅ​ក្រុងព្រះសីហនុ នាពេល​បច្ចុប្បន្ន លោក​ច្រឹ​ក សុខ​នី​ម​ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា​បាន​មានប្រសាសន៍ថា តម្លៃ​អចលន​​ទ្រព្យ​ពិសេស​ដីធ្លី​នៅ​ក្រុងព្រះសីហនុ បាន​ឈាន​មកដល់​ដំណាក់កាល​មួយ​ថ្មី ដោយ​តម្លៃ​អចលនទ្រព្យ​មាន​ភាពសមស្រប​នឹង​ទំហំ​សេដ្ឋកិច្ច​របស់​ប្រជាពលរដ្ឋ ឬ​របស់​ប្រទេស​ឡើងវិញ វា​មិន​ឡើង​ខ្ពស់​ដូច​ពីមុន​ពេក​នោះទេ។

លោក​បន្តថា “ការឈាន​មកដល់​ដំណាក់កាល​បែបនេះ​ជា​រឿង​ប្រសើរ ព្រោះ​តម្លៃ​អាច​ចុះ និង​មាន​ភាពសមស្រប​នឹង​បរិបទ​សង្គម និង​សេដ្ឋកិច្ចកម្ពុជា” ។

អ្នកតាមដាន​ព៌​ត​មាន និង​ដំណើរ​វិវត្តន៍​នៃ​អចលនទ្រព្យ​កម្ពុជា លោក​យិន លាង​គង់​សហ​ស្ថាបនិក និង​ជា​អគ្គនាយក​នៃ​គេហទំព័រ Propertyarea.asia បាន​មានប្រសាសន៍ថា តម្លៃ​និង​ស្ថានភាព​ទូទៅ​នៅ​ក្រុងព្រះសីហនុ មាន​សភាព​ដូច​ក្តាម​សក​អញ្ចឹង​នាពេលនេះ ដែល​ធម្មតា​នៅពេល​វា​ឡើង​ធំ​ដល់​កម្រិត វា​នឹង​សក​ស្នូក​ចាស់​ចេញ ដើម្បី​ផ្លាស់ប្តូរ​ស្នូក​ថ្មី ដែល​ផ្តល់​ឲ្យ​ក្តាម​នូវ​ទំហំ​ខ្លួន​ធំ​ជាង​មុន។លោក​បន្តថា នៅពេល​រង់ចាំ​ស្នូក​រ៉ឹង​ឡើងវិញ វា​ត្រូវការ​ពេលវេលា​មួយរយៈ ដើម្បី​ឲ្យ​ក្តាម​មានខ្លួន​រ៉ឹង និង​មាន​ថាមពល​អាច “វា” ឡើងវិញ​បាន​លឿន។

លោក​បន្តថា “ដូចគ្នានេះដែរ ក្រុងព្រះសីហនុ នឹង​ត្រូវការ​ពេលវេលា​ដើម្បី​បន្ត​នូវ​ថាមពល​ឡើងវិញ ខណៈ​រដ្ឋាភិបាល​ត្រៀម​បញ្ចប់​ហេ​ដ្ឋា​រចនា​ស​ម្ព័​ន្ឋ​ទាំង៣៤ខ្សែ និង​ដាក់ចេញ​គោលនយោបាយ​ថ្មី ដើម្បី​លើកទឹកចិត្ត និង​ទាក់ទាញ​ការវិនិយោគ​បន្ថែមទៀត” ។លោក​បន្ថែមថា “ពេលវេលា​នឹង​នាំមក​នូវ​ថាមពល​ថ្មី ជាមួយនឹង​វត្ត​មាននៃ​ធុរជន​ចិន ព្រោះ​ពួកគេ​នឹងមិន​រត់ចោល​កម្ពុជារ​ហូត​នោះទេ។

លោក​យិន លាង​គង់​បាន​បន្ថែមថា “ក្រោយពេល​ភ្លៀង​មេឃ​នឹង​ស្រឡះ ហើយ​ក្រោយពេល​ក្តាម​មាន​ស្នូក​រ៉ឹង​ឡើងវិញ វា​នឹងមាន​ទំហំ​ទំ និង​រត់លឿន​ជាង​មុន” ៕

អ្នកជំនាញ៖ ឆ្នាំ២០២១ ជា​ពេលវេលា​ល្អ​សម្រាប់​ការវិនិយោគ និង​អភិវឌ្ឍន៍ក្នុង​វិស័យ​អចលនទ្រព្យ

ដោយៈ រ៉ា​ណេ​ត

ភ្នំពេញៈ បន្ទាប់ពី​ទទួលរង​នូវ​ផលប៉ះពាល់​យ៉ាងដំណំ ពី​វិបត្តិ​សេដ្ឋកិច្ច​សាកល​ដែល​បណ្តាលមកពី​ជំងឺឆ្លង​នៅក្នុង​ឆ្នាំ២០២០ សម្រាប់​ឆ្នាំ២០២១នេះ អ្នកជំនាញ​នៅក្នុង​វិស័យ​អចលនទ្រព្យ​បាន​អះអាងថា វា​គឺជា​ពេលវេលា​ដ៏​ល្អ​មួយ ចំពោះ​អ្នក​ដែលមាន​លុយ​គ្រប់គ្រាន់​វិនិយោគ ក៏ដូចជា​ធ្វើការ​អភិវឌ្ឍ​គម្រោង​របស់ខ្លួន​បាន​យ៉ាង​ល្អប្រសើរ​បំផុត។

ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុ​កម្ពុជា លោក​ច្រឹ​ក សុខ​នី​ម បាន​មានប្រសាសន៍​នៅ​ល្ងាច ថ្ងៃ​ចុង​សប្ដាហ៍​កន្លងទៅនេះ​ថា ឆ្នាំ២០២១ គឺជា​ពេលវេលា​មួយ​ដែល​ស័ក្ដិសម​បំផុត សម្រាប់​អ្នក​ដែលមាន​ដើមទុន និង​ចរន្ត​សាច់ប្រាក់​គ្រប់គ្រាន់​ក្នុងការ​វិនិយោគ ឬ​ចាប់ផ្តើម​អភិវឌ្ឍន៍​គម្រោង​របស់​ខ្លួន សម្រាប់​ដាក់បញ្ចូល​ទៅក្នុង​ទីផ្សារ​នៅ​អំឡុង​ចុងឆ្នាំ២០២១ ឬ​ដើមឆ្នាំ២០២២ បន្ទាប់ពី​វិបត្តិ​នៃ​ជំងឺ​ត្រូវបាន​បញ្ចប់​ក្រោយ​មានការ​ប្រើប្រាស់​វ៉ាក់សាំង​ជា​សាកល។

លោក​បន្តថា “ពេលនេះ​នៅតាម​បណ្តា​ប្រទេសធំៗមួយចំនួន ចាប់ផ្តើម​ប្រើ​វ៉ាក់សាំង​ជាបណ្តើរៗ ហើយនឹង​បន្ត​នាំ​ចែកចាយ​ទៅតាម​បណ្តា​ប្រទេសផ្សេងៗ ដែល​ក្នុងនោះ​កម្ពុជា ក៏​ត្រៀម​នឹង​នាំយកមក​ប្រើប្រាស់​នៅក្នុង​ប្រទេស​ដែរ។លោក​បន្តថា“ដូច្នេះ​ក្រោយពេល​មានការ​ប្រើប្រាស់​វ៉ាក់សាំង​ជា​សាកល និង​មាន​ប្រសិទ្ធភាព​ខ្ពស់ ពេលនោះ​ដំណើរការ​នៃ​ចរន្ត​សេដ្ឋកិច្ច​នឹង​ចាប់ផ្តើម​ឡើងវិញ ហើយ​ទីផ្សារ​អចលនទ្រព្យ​ក៏​នឹង​ផ្តើម​វិល​ទៅរក​ភាពល្អប្រសើរ​វិញ​ដែរ” ។

លោក​សុខ​នី​ម​បាន​បន្តថា នៅក្នុង​ឱកាស​នេះ​សម្រាប់​អ្នក​លុយ​គ្រប់គ្រាន់ គួរ​ទិញ​ដី ឬ​ផ្ទះ​ទុក លក់ ឬ​ជួល​យកចំណេញ​ក្រោយពេល តម្លៃ​ចាប់ផ្តើម​ឡើងថ្លៃ​នៅ​ឆ្នាំក្រោយ ឬ​ឆ្នាំ​បន្ទាប់។ ដោយឡែក​សម្រាប់​អ្នក​ដែលមាន​លុយ​ជា​កញ្ចប់ គួរ​ទិញ​គម្រោង​ខុន​ដូ​ដែលមាន​តម្លៃ​សមរម្យ និង​ស្ថិត​ទីតាំង​ល្អ ព្រោះ​ខុន​ដូ​បាន​ផ្តល់ឱកាស ក្នុង​ការបង់​រំលស់​រយៈពេល​យូរ ហើយ​ក្រោយ​ការបញ្ចប់​គម្រោង អាច​លក់​ចេញ​វិញ​បាន​តម្លៃ​ថ្លៃ ឬ​អាច​ជួល​បាន​ក្នុងតម្លៃ​ខ្ពស់។ ប៉ុន្តែ​មុនពេល​ទិញ​ត្រូវ​ប្រាកដថា ទិញ​ពី​ក្រុមហ៊ុន​អភិវឌ្ឍន៍​គម្រោង​ដែលមាន​កេរ្តិ៍​ល្អ​ត្រឹមត្រូវ ជៀសវាង​ទិញ​ចំ​គម្រោង​ស្អុយ មិន​ដំណើរ​រលូន ដែល​អាច​បង្ក​ជាការ​ខាតបង់។

នាយក​ប្រតិបត្តិ​ក្រុមហ៊ុន​អចលនទ្រព្យ   Key Real Estate លោក សន សៀ​ប បាន​មាន​លើកឡើងថា នៅក្នុង​ឆ្នាំ២០២១នេះ សម្រាប់​ខេត្ត​ដែលមាន​សក្ដានុពល​ក្នុង​ទិញ​ដី​វិនិយោគ ឬ​អភិវឌ្ឍន៍​គម្រោងផ្សេងៗ គួរ​សម្លឹង​ទៅកាន់​ខេត្ត​ជាប់មាត់​សមុទ្រ​ចំនួន២ គឺ​ខេត្តកំពត និង​ខេត្ត​កែប ដែលមាន​សក្ដានុពល​ផ្នែក​ទេសចរណ៍។

លោក​បាន​បន្តថា “ខេត្ត​កែប និង​ខេត្តកំពត បាន​ក្លាយជា​តំបន់​គោលដៅ​ទេសចរណ៍​ដ៏​មាន​ប្រជាប្រិយភាព ពី​សំណាក់​ទេសចរ​ក្នុងស្រុក ជាពិសេស​ក្រោយពេល​ផ្លូវជាតិ​លេខ៣ ត្រូវបាន​បញ្ចប់​ការសាងសង់​នោះ វា​នឹង​កាន់តែ​ជំរុញ​ឱ្យ​ទេសចរ​ធ្វើដំណើរ​ទៅកាន់​តំបន់​កម្សាន្ត​នានា នៅក្នុង​ខេត្ត​ជាប់មាត់​សមុទ្រ​ទាំងពីរ​នេះ” ។

លោក​បន្តថា សម្រាប់​ការវិនិយោគ ក្នុង​វិស័យ​ដីធ្លី​នៅក្នុង​ខេត្ត​ទាំង២នេះ គឺ​នៅ​មានឱកាស​ទទួលបាន​ចំណេញ ដោយសារតែ​វិសាលភាព​នៃ​ដី​ទំនេរ​នៅមាន​ច្រើន ហើយ​តម្លៃ​ក៏មាន​ទាន់​ឡើង​ខ្ពស់​ខ្លាំង​នោះដែរ ដូច្នេះ​ឱកាស​វិនិយោគ នៅតែមាន​ជាពិសេស​ដី​ដែល​ស្ថិតនៅតាម​តំបន់​ជិត​ភ្នំ តំបន់​ជាប់​ព្រែក ដែល​ស័ក្ដិសម​នឹង​ការអភិវឌ្ឍន៍​ជា​តំបន់​កម្សាន្ត ឬ​លំនៅដ្ឋាន​លំហែរ។ ប៉ុន្តែ​សម្រាប់​ការទិញ​ដី​ទុក ក៏​មិនសូវ​ទទួលបាន​ផល​ច្រើន ដែល ទាល់តែ​ទិញ​សម្រាប់​គម្រោង​អភិវឌ្ឍ ទៅជា​តំបន់​ទេសចរណ៍​កែច្នៃផ្សេងៗ ទើប​អាចមាន​សក្ដានុពល​ល្អ” ៕

វិភាគ៖ តើ​អាមេរិក និង​ចិន​ចាប់ផ្ដើម​សង្គ្រាម​ពាណិជ្ជកម្ម​ជាថ្មី ឬ​យ៉ាងណា ខណៈ​ចិនចាប់ផ្តើម​វាយបក​ទណ្ឌកម្ម​អាមេរិក

ដោយៈ​សុខុម

ប្រទេស​ចិនៈ មនោគមវិជ្ជា​សេរី និង​កុ​ម្មុយ​ស​នី​ស្ត​ប៉ះគ្នា នឹងធ្វើ​ឲ្យ​ពិភពលោក​រង​ការ​រង្គោះរង្គើរ និង​បញ្ហា​សេដ្ឋកិច្ច​ថ្មី​បាន​លេចឡើង ដែល​ផ្តល់​ការខាតបង់​ច្រើនជាង​ចំណេញ​សំរាប់​ពិភពលោក ពិសេស​ប្រទេស​ក្រីក្រ​នានា។

ជាមួយនឹង​ការ​ផ្តោតលើ​ផលប្រយោជន៍ អាមេរិក​ក្រោម​រដ្ឋបាល​លោក​ដូ​ណា​ល់ ត្រាំ ដែល​ជិត​ផុត​អាណត្តិ​នេះ បាន​បន្សល់​នូវ​ពពក​ខ្មៅ​ជាច្រើន​សំរាប់​ចិន និង​មេដឹកនាំ​នានា​របស់​ពិភពលោក។ ជាក់ស្តែង​កាលពី​ថ្ងៃ​សៅរ៍ ទី៩ ខែមករា ចិន បានចេញ​បទបញ្ជា​ថ្មី​មួយ​ដែលមាន​ប្រសិទ្ធភាព​អនុវត្តន៍ភ្លាមៗ ដើម្បី​ហាមប្រាម​ក្រុមហ៊ុន​នានា មិនឱ្យ​គោរព​តាមច្បាប់​បរទេស ដែល​ដាក់​បម្រាម​មិន​ឱ្យធ្វើ​ពាណិជ្ជកម្ម​ជាមួយ​ក្រុមហ៊ុន​ចិន និង​បុគ្គល​ជនជាតិ​ចិន។ នេះ​បើ​យោងតាម​កាសែត South China Morning Post ចុះផ្សាយ​ក្នុង​ថ្ងៃ​ដដែល។

យោងតាម​ក្រសួងពាណិជ្ជកម្ម​ចិន​បានឱ្យដឹងថា “វិធាន​ស្ដីពី​ការទប់ស្កាត់​ការអនុវត្ត​ក្រៅ​ដែនដី​ដោយ​មិន​ត្រឹមត្រូវ​នូវ​ច្បាប់ និង​វិធានការ​នានា​របស់​បរ​ទេស” (Rules on Counteracting Unjustified Extraterritorial Application of Foreign Legislation and Other Measures) ខាងលើនេះ​អនុវត្ត​ចំពោះ​កាលៈទេសៈ​ដែល “ហាមប្រាម ឬ​រឹតបន្តឹង​ដោយ​មិន​ត្រឹមត្រូវ” លើ​បុគ្គល ក្រុមហ៊ុន និង​ស្ថាប័ន​ចិន ក្នុង​ការធ្វើសកម្មភាព​សេដ្ឋកិច្ច ពាណិជ្ជកម្ម និង​សកម្មភាព​ពាក់ព័ន្ធ​ជា​ប្រក្រតី​ជាមួយ​ភាគី​ពី​ប្រទេស​ទី៣” ។

ក្រសួង​នេះ​បញ្ជាក់ថា “(វិធាន​ថ្មី​នេះ) ដើម្បី​ការពារ​ផលប្រយោជន៍​ជាតិ បញ្ចៀស ឬ​សម្រាល​ផលប៉ះពាល់ មកលើ​បណ្ដា​ក្រុមហ៊ុន​សហគ្រាស​ចិន និង​ដើម្បី​រក្សា​សណ្ដាប់ធ្នាប់​សេដ្ឋកិច្ច និង​ពាណិជ្ជកម្ម​អន្តរជាតិ​ជា​ប្រក្រតី” ។

ក្រោម​ច្បាប់​វិធាន​ថ្មី​នេះ បុគ្គល​ឬ​ស្ថាប័ន​ចិន​នានា ត្រូវ​រាយការណ៍​ទៅ​ក្រសួងពាណិជ្ជកម្ម​ក្នុង​រយៈពេល៣០ថ្ងៃ អំពី​អាជីវកម្ម​របស់ខ្លួន ដែល​រង​ផលប៉ះពាល់​ដោយសារ​ការអនុលោម​តាមច្បាប់​បរទេស។

យោងតាម​វិធាន​នេះ ប្រសិនបើ​គោរព​បាន​តាម​លក្ខខណ្ឌ​ត្រឹមត្រូវ ក្រសួង​នឹង​ចេញ​អធិបញ្ជា (សេចក្ដី​បង្គាប់) ប្រឆាំង​ការទទួលស្គាល់ ការអនុវត្ត និង​ការអនុលោម​តាមច្បាប់ និង​វិធានការ​នានា​របស់​បរ​ទេស។ ហើយ​ដំណើរការ​រាយការណ៍​នេះ នឹង​រក្សា​ទុកជា​ការសម្ងាត់ ប្រសិនបើ​ចាំបាច់។

មាត្រា៨ នៃ​វិធាន​នេះ​បញ្ជាក់ថា បុគ្គល និង​អង្គភាព​នានា​អាចដាក់​ពាក្យ​ទៅ​ក្រសួង​ដើម្បី​សុំ​ការលើកលែង​ពី​អធិបញ្ជា​នេះ ហើយ​សេចក្ដីសម្រេច​លើ​ការអនុវត្ត​នេះ ត្រូវធ្វើឡើង​ក្នុង​រយៈពេល៣០ថ្ងៃ។

ទន្ទឹមនេះ​រដ្ឋាភិបាល​ចិន ក៏​អាច​នឹង​ចាត់វិធានការ​តបត​វិញ​ផងដែរ ប្រសិនបើ​ចាំបាច់។

វិធាន​នេះ​គឺជា​ចំណាត់ការ​ចុងក្រោយ នៃ​កិច្ចប្រឹងប្រែង​ជា​បន្តបន្ទាប់​របស់​ចិន ដើម្បី​ប៉ះប៉ូវ​ផលប៉ះពាល់​បង្កឡើង ដោយសារ​ចំណាត់ការ​ពាណិជ្ជកម្មរ​បស់​សហរដ្ឋអាមេរិក។ ក្នុង​ឆ្នាំ២០១៩ រដ្ឋាភិបាល​ក្រុង​ប៉េកាំង ក៏បាន​បញ្ចេញ​បញ្ជីខ្មៅ នៃ​បណ្ដា​អង្គភាព​ដែល​មិនអាច​ទុកចិត្តបាន​ផងដែរ។

សហរដ្ឋអាមេរិក​កាលពី​សប្តាហ៍​កន្លងទៅ បាន​គំរាម​ដាក់ទណ្ឌកម្មថ្មីៗលើ​ក្រុង​ហុងកុង និង​ចិនដីគោក (ចិន​ប៉េកាំង) ដោយសារ​ការចាប់ខ្លួន អ្នកនយោបាយ​បក្សប្រឆាំង​ជាង ៥។

មជ្ឈដ្ឋាន​មួយចំនួន​បាន​ប៉ាន់​ស្មានថា សហរដ្ឋអាមេរិក ក៏​អាច​នឹង​រឹតបន្តឹង​ការ​រៃអង្គាស​មូលនិធិ​ជា​រូបិយប័ណ្ណ​ដុល្លារ សម្រាប់​បណ្ដា​ក្រុមហ៊ុន​ចិន នៅ​ក្រុង​ហុងកុង​ផងដែរ​ក្នុង​រយៈពេល​ប៉ុន្មាន​ថ្ងៃ​ចុងក្រោយ នៃ​ការ​កាន់អំណាច​ក្រោម​រដ្ឋការ​របស់​ប្រធានាធិបតី ដូ​ណា​ល់ ត្រាំ។

ក្រុមអ្នកវិភាគ​និយាយថា វិធាន​ថ្មី​របស់​ក្រសួងពាណិជ្ជកម្ម​ចិន នេះ​នឹង​រឹតបន្តឹង​បណ្ដា​ក្រុមហ៊ុន​ពហុ​ជាតិ​សាសន៍ ដែល​ធ្វើឱ្យ​ពួកគេ​ពិបាក​សម្រេចចិត្ត មិនដឹងថា​គួរ​គោរព​តាម​បទបញ្ជា​របស់​រដ្ឋាភិបាល​ក្រុង​វ៉ាស៊ីនតោន ឬក៏​រដ្ឋាភិបាល​ក្រុង​ប៉េកាំង។

លោក Nick Marro ប្រធាន​អ្នកវិភាគ​ផ្នែក​ពាណិជ្ជកម្ម​ពិភពលោក​នៅ Economist Intelligence Unit មាន​មូល​ដ្ឋា​នៅ​ក្រុង​ហុងកុង ដែលជា​ផ្នែក​មួយ​នៃ​ក្រុមហ៊ុន​ប្រព័ន្ធ​ផ្សព្វផ្សាយ Economist Group មាន​ទីស្នាក់ការ​កណ្ដាល​នៅ​ក្រុង​ឡុង​ដ៍ ប្រទេស​អង់គ្លេស និយាយថា វិធាន​នេះ​នឹង​បង្ក​ការលំបាក​ក្នុងការ​អនុវត្ត ព្រោះ​សហរដ្ឋអាមេរិក នៅតែ​ជាទី​ផ្សារ​ដ៏​សំខាន់ សម្រាប់​ក្រុមហ៊ុន​ភាគច្រើន ហើយ​ក្រុម​អ្នកធ្វើ​គោលនយោបាយ ក៏​បានដឹង​ច្បាស់​ពី​ចំណុច​នេះដែរ។

លោក​បាន​បន្ថែមថា “ប៉ុន្តែ​វិធានការ​ថ្មី​របស់​ក្រសួងពាណិជ្ជកម្ម​នេះ​បង្ហាញថា ការគិត​ជា​យុទ្ធសាស្ត្រ ប្រហែលជា​កំពុង​ផ្លាស់ប្តូរ​មកដល់​ចំណុច​មួយ ដែល​ក្រុមមន្ត្រី​កាន់តែ​ងាយស្រួល ក្នុង​ចាប់បង្ខំ​ឱ្យ​ក្រុមហ៊ុន​នានា​ជ្រើសរើស​ភាគី​ខាង​ណាមួយ” ។

លោក Henry Gao សាស្ត្រាចារ្យ​រង​ផ្នែក​ច្បាប់​នៅ​សកល​វិទ្យាល័យ​គ្រប់គ្រង​សិង្ហ​បុរី (Singapore Management University) បាន​លើកឡើងថា វិធាន​ថ្មី​នេះ​ធ្ងន់ធ្ងរ​ជាង​អ្វីដែល​លោក​រំពឹងទុក​ឆ្ងាយ​ណាស់។

លោក​រំពឹងថា “ក្រុមហ៊ុន​អាមេរិក​ជាច្រើន​ក៏​នឹងរង​ផលប៉ះពាល់​ដែរ ព្រោះ​ក្រោម​មាត្រា៩នៃ​វិធាន​នេះ​ចែងថា ក្រុមហ៊ុន​ណាមួយ​ដែល​អនុវត្តន៍ តាម​ទណ្ឌកម្ម​ដាក់​លើ​អង្គភាព​នានា​របស់​ចិន អាច​នឹងរង​ពាក្យបណ្ដឹង​ទាមទារ​សំ​ជំងឺ​ចិត្ត នៅក្នុង​ប្រទេស​ចិន” ។ លោក​បន្ថែមថា “ក្រុមហ៊ុន​នានា​នឹងត្រូវ​បង្ខំចិត្ត​ធ្វើការ​ជ្រើសរើស” ។

ក្នុង​ឆ្នាំ​កន្លងទៅ រដ្ឋាភិបាល​ក្រុង​វ៉ាស៊ីនតោន បានដាក់​ទណ្ឌកម្ម​ជាប​ន្ត​បន្ទាប់ លើ​ម ន្ត្រី និង​ក្រុមហ៊ុន​ចិន ដីគោក និង​ក្រុង​ហុងកុង ដោយ​អាច​ដាក់ទោស​ស្ថាប័នហិរញ្ញវត្ថុ​នានា​ដែល​ធ្វើ​ពាណិជ្ជកម្ម​ជាមួយ​ពួកគេ​ទៀតផង។ អ្នក​ដែល​ត្រូវបាន​កំណត់​គោលដៅ​ទាំងនោះ​រួមមាន​ទាំង​លោកស្រី Carrie Lam Cheng Yuet-ngor ជា​មេដឹកនាំ​ក្រុង​ហុងកុង ដែល​ត្រូវបាន​ដាក់ទណ្ឌកម្ម រួមជាមួយ​មន្ត្រីកំពូលៗមួយចំនួនទៀត កាលពី​ខែសីហា ឆ្នាំ២០២០ផងដែរ ចំពោះ​តួនាទី​របស់​ពួកគេ ក្នុងការ​រឹតត្បិត​សេរីភាព​នយោបាយ​ក្នុង​ក្រុង​នេះ។

កាលពី​ខែ​មុន សហរដ្ឋអាមេរិក ក៏បាន​ដាក់ទណ្ឌកម្ម​លើ​សមាជិកសភា​ចិន ចំនួន ១៤ រូប​ផងដែរ​ចំពោះ​តួនាទី​របស់​ពួកគេ ក្នុងការ​ធ្វើ​សេ​ក្ដី​ព្រាង​ច្បាប់​ស្ដីពី​សន្តិសុខ​ជាតិ​សម្រាប់​ក្រុង​ហុងកុង។

ក្រុម​និយ័ត​ករ​វិស័យ​ហិរញ្ញវត្ថុ​របស់​ប្រទេស​ចិន កាលពី២សប្ដាហ៍​មុន​បាន​អះអាងថា ទណ្ឌកម្ម​របស់​សហរ​ដ្ឋ​អាមេរិក លើ​បណ្ដា​ក្រុមហ៊ុន​ឬ​បុគ្គល​ជា​ជនជាតិ​ចិន គ្មាន​មូល ដ្ឋា​ន​ច្បាប់​នៅ​ក្រុង​ហុងកុង ឬ​ចិនដីគោក​ឡើយ។

សហរដ្ឋអាមេរិក ក៏បាន​ចុះបញ្ជី​ខ្មៅ​ក្រុមហ៊ុន​ចិនធំៗជាច្រើន​ទៀត រួមទាំង​ក្រុមហ៊ុន​ផលិត​បន្ទះ​ឈី​ប​ធំ​បំផុត SMIC និង​ក្រុមហ៊ុន​ផលិត​ដ្រូ​ន DJI ផងដែរ។ បណ្ដា​ក្រុមហ៊ុន​អាមេរិក ត្រូវបាន​រឹតបន្តឹង​ក្នុង​ការលក់​ផលិតផល ទៅឱ្យ​ក្រុមហ៊ុន​ទាំងនេះ​ដោយ​សំអាង​លើ​ហេតុផល​សន្តិសុខ​ជាតិ។

ក្រុមហ៊ុន​បច្ចេកវិទ្យាធំៗរបស់​ចិន រួមមាន​ក្រុមហ៊ុន Huawei ក្រុមហ៊ុន ByteDance ក្រុមហ៊ុន Alibaba និង​ក្រុមហ៊ុន Tencent ក៏បាន​ជាប់ផុង​ក្នុង​សង្គ្រាម​បច្ចេកវិទ្យា រវាង​សហរដ្ឋអាមេរិក និង​ប្រទេស​ចិន​នេះ​ផងដែរ។

សហរដ្ឋអាមេរិក​បាន​រឹតបន្តឹង​ក្រុមហ៊ុន Huawei ធ្វើយ៉ាងណា​ឱ្យ​ក្រុមហ៊ុន​នេះ​ពិបាក​ទទួលបាន​បន្ទះ​ឈី​ប​ពី​អាមេរិក​កាលពី​ឆ្នាំមុន ខណៈ​ក្រុមហ៊ុន​មាន​មូលដ្ឋាន​នៅ​ក្រុង​ប៉េកាំង ByteDance ដែល​កាន់កាប់​ក្រុមហ៊ុន TikTok បាន​បំពាន​ឱសានវាទ​ដែល​សហរដ្ឋអាមេរិក បានកំណត់​ត្រឹម​ថ្ងៃទី៤ ធ្នូ ឱ្យ​ដកចេញ Platform វីដេអូ​ខ្លី​របស់ខ្លួន ខណៈ​កិច្ចព្រមព្រៀង​របស់ខ្លួន ជាមួយ​ក្រុមហ៊ុន​អាមេរិក Oracle សម្រាប់​កាន់កាប់​ភាគហ៊ុន​មួយផ្នែក កំពុង​ស្ថិតក្រោម​ការពិនិត្យ​ពិច័យ​ដោយ​ភាគី​ទាំងពីរ។

យោងតាម​សេចក្ដីរាយការណ៍​ថា រដ្ឋការ​របស់លោក ដូ​ណា​ល់ ត្រាំ កំពុង​ពិចារណា​ហាមឃាត់​ពលរដ្ឋ​អាមេរិក មិនឱ្យ​វិនិយោគ​លើ​ក្រុមហ៊ុន Alibaba និង​ក្រុមហ៊ុន Tencent ដែល​ទាំងនេះ សុទ្ធតែជា​ក្រុមហ៊ុន​ចិន​ចុះបញ្ជី​ជា​សាធារណៈ ដែលមាន​តម្លៃ​បំផុត​នៅក្នុង​សហរដ្ឋអាមេរិក។ តាម​ការ​បញ្ជាក់ថា ក្រុមហ៊ុន Alibaba ជា​ម្ចាស់​កាសែត South China Morning Post ។

ផ្សារភាគហ៊ុន​សហរដ្ឋ​អាមេរិក New York Stock Exchange កាលពី​ថ្ងៃ​ពុធ ទី៦ មករា បាន​គូសបញ្ជាក់​ជាថ្មី​ថា ខ្លួន​នឹង​បន្ត​ផែនការ​លុប​ក្រុមហ៊ុន​ចិន​ចំនួន៣ រួមមាន​ក្រុមហ៊ុន China Telecom ក្រុមហ៊ុន China Mobile និង​ក្រុមហ៊ុន China Unicom ចេញពី​បញ្ជី​ផ្សារភាគហ៊ុន​នៅ​សហរដ្ឋអាមេរិក ដើម្បី​អនុលោម​តាម​បទបញ្ជា ដែល​ចុះហត្ថលេខា​សម្រេច​ដោយ​ប្រធានាធិបតី ដូ​ណា​ល់ ត្រាំ ក្រោយ​ប្រកាស​បានតែ២ថ្ងៃ​ថា ខ្លួន​នឹង​លុបចោល​ផែនការ​នេះ។

បទបញ្ជា​នេះ​បាន​ហាម​ក្រុមហ៊ុន និង​ពលរដ្ឋ​អាមេរិក មិនឱ្យ​វិនិយោគ​លើ​បណ្ដា​ក្រុមហ៊ុន ដែល​រដ្ឋការ​របស់លោក ដូ​ណា​ល់ ត្រាំ​បាន​អះអាង​ដោយ​គ្មាន​មូលដ្ឋាន និង​មិន​សម​ហេតុផល​ថា មាន​ទំនាក់ទំនង​ជាមួយ​យោធា​ចិន៕

ទីផ្សារ​ដីធ្លី​ស្រុក​បន្ទាយស្រី​កំពុង​ទាក់ទាញ​ការវិនិយោគ ខណៈ​គម្រោង​អភិវឌ្ឍន៍​ជាច្រើន​ចាប់ផ្តើម​ដំណើរការ

ដោយៈ រ៉ា​ណេ​ត

សៀមរាបៈ ស្រុក​បន្ទាយស្រី​ដែល​ល្បីឈ្មោះ ក្នុងនាម​ជា​តំបន់​អភិវឌ្ឍន៍​លើ​វិស័យ​ទេសចរណ៍​បែប​សហគមន៍ និង​លំនៅដ្ឋាន​មាន​សុវត្ថិភាព កំពុងតែ​បង្ហាញ​ពី​សក្ដានុពល និង​ភាព​ទាក់ទាញ​ពី​ការវិនិយោគ​ក្នុង​វិស័យ​ដីធ្លី​ស្រប​ពេលដែល​គម្រោង​អភិវឌ្ឍន៍​ហេដ្ឋារចនាសម្ព័ន្ធ​របស់​រដ្ឋបាលខេត្ត និង​ស្រុក​បានចាប់ផ្តើម​ដំណើរការ​យ៉ាងសកម្ម។

នៅក្នុង​ឆ្នាំ២០២១នេះ រដ្ឋបាល​ស្រុក​បន្ទាយស្រី បាននិងកំពុង​បន្តសកម្មភាព​អភិវឌ្ឍន៍​នៅក្នុង​សហគមន៍ និង​ភូមិ ឃុំ​ជា​បន្តបន្ទាប់ ជាពិសេស​លើ​ផ្នែក​ហេដ្ឋារចនាសម្ព័ន្ធ​រូ​ម​មាន​ផ្លូវថ្នល់ បណ្តាញ​អគ្គិសនី​ជាដើម ខណៈដែល​កំណើន​នៃ​ចំនួន​ប្រជាសាស្ត្រ​ចូលទៅ​សាងសង់​លំនៅដ្ឋាន​រស់នៅ​កាន់តែច្រើនឡើងៗក្នុង​រយៈពេល​ដ៏​ខ្លី។

អភិបាលស្រុក​បន្ទាយស្រី លោក ឃឹម ហ្វី​ណង់ បាន​មានប្រសាសន៍​កាលពី​ថ្ងៃ​ស  ប្ដា​ហ៍​កន្លងទៅនេះ​ថា នៅក្នុង​ស្រុក​បន្ទាយស្រី​រួមមាន​ចំនួន៣៦ភូមិ ដែល​ភូមិនីមួយៗសុទ្ធ​តែមាន​គម្រោង​អភិវឌ្ឍន៍​ទាំងអស់ ហើយ​ត្រូវបាន​ធ្វើឡើង​ទៅតាម​លំដាប់លំដោយ។ ជាក់ស្ដែង​ពេលនេះ ដំណើរការ​នៃ​ការអភិវឌ្ឍ ការរៀបចំ​សណ្ដាប់ធ្នាប់​ល្អ​ត្រូវបាន​ដំណើរការ​ដល់​ភូមិ​ទី១៤ ហើយនឹង​បន្ត​ដំណើរការ​នេះ​ទៅមុខទៀត។

តាម​ផែនការ​របស់​រដ្ឋបាល​ស្រុក នឹងធ្វើ​យ៉ាងណា​ឱ្យ​ស្រុក​បន្ទាយស្រី​ក្លាយទៅជា​ទីប្រជុំជន ដ៏​មាន​សក្ដានុពល​បំផុត​ក្នុង​វិស័យ​ទេសចរណ៍ និង​ពាណិជ្ជកម្ម​ក្នុង​តំបន់ ឬ​អាច​នឹង​ឈានទៅរក​ការអភិវឌ្ឍន៍​ជាទី​ក្រុង​ថ្មី​មួយ ចំណុះ​រដ្ឋបាល​ខេត្តសៀមរាប។

ជាមួយនឹង​ល្បឿន​នៃ​ការកែលម្អរ ផ្នែក​ហេដ្ឋារចនាសម្ព័ន្ធ​របស់​រដ្ឋបាល​ស្រុក ស្រប​ពេលដែល​មានការ​ចូលរួម​វិនិយោគ និង​អភិវឌ្ឍន៍​ពី​វិស័យ​ឯកជន​ផង​នោះ បច្ចុប្បន្ននេះ​បានធ្វើឱ្យ​ការទិញ-លក់​ដីធ្លី​ចាប់ផ្តើម​មាន​ទីផ្សារ​ឡើងវិញ​ឡើងវិញ​គួរឱ្យកត់សម្គាល់។

ជាមួយគ្នានេះ លោកស្រី ជិន លក្ខិណា តំណាង​ក្រុមហ៊ុន​អភិវឌ្ឍន៍​ដី​ឡូ​តិ៍ និង​អចលនទ្រព្យ​បន្ទាយស្រី​បាន​មានប្រសាសន៍ថា នៅក្នុង​ស្រុក​បន្ទាយស្រី​មាន​គម្រោង​អភិវឌ្ឍន៍​ជាច្រើន ជាពិសេស​ផ្នែក​ហេដ្ឋារចនាសម្ព័ន្ធ​នានា ដែល​កាន់តែ​ជំរុញ​វិស័យ​ដីធ្លី​នៅក្នុង​តំបន់​មាន​តម្រូវការ និង​កើន​តម្លៃ​ជា​បន្តបន្ទាប់ ខណៈ​ដែលមាន​អ្នកវិនិយោគ​មួយចំនួន​ចាប់ផ្តើម​ចុះ​ធ្វើ​សកម្មភាព​ទីផ្សារ​ទិញ​លក់​យកចំណេញ។

លោកស្រី​បាន​បន្តថា “ការទិញ​លក់​ដីធ្លី​នៅក្នុង​ស្រុក​បន្ទាយស្រី ដែល​កំពុងមាន​ការអភិវឌ្ឍ​នៅពេលនេះ ភាគច្រើន​ជា​គម្រោង​ដី​ឡូ​តិ៍​សម្រាប់ សាងសង់​លំនៅដ្ឋាន​លក្ខណៈ​បណ្តុំ” ។ លោកស្រី​បន្តថា “តម្លៃ​ដី​ឡូ​តិ៍​ពេលនេះ​គឺ​នៅមានកម្រិត​ទាប​នៅឡើយ ដែល​ផ្តល់ឱកាស​ចំណេញ​ដល់​អតិថិជន ដែលជា​អ្នកទិញ​សម្រាប់​សាងសង់​លំនៅដ្ឋាន​សម្រាប់​ស្នាក់នៅ​ជា​កម្មសិទ្ធិ ក៏ដូចជា​អ្នកទិញ​សម្រាប់ធ្វើ​ការវិនិយោគ​បន្ត នៅពេល​ខាងមុខ​ផងដែរ” ។

លោកស្រី​ជិន លក្ខិណា បាន​បញ្ជាក់ថា អ្នកទិញ​ដី​ឡូ​តិ៍​នៅពេលនេះ​គាត់​អាច​ចំណេញ​បាន​ច្រើន ជាក់ស្ដែង​ដូចជា គម្រោង​ដី​ឡូ​តិ៍​អចលនទ្រព្យ​បន្ទាយស្រី នៅពេល​បច្ចុប្បន្ននេះ គឺ​ត្រូវបាន​លក់​នៅលើ​ទីផ្សារ​ត្រឹម៣០០០ដុល្លារ​ក្នុង​មួយ​ឡូ​តិ៍ ហើយ​ថែមទាំង​មានការ​បញ្ចុះ៥០០ដុល្លារភ្លាមៗ សម្រាប់​អតិថិជន​ដែល​ទិញ​ដោយ​ការបង់​ផ្តាច់ ហើយ​ជាពិសេស​ជាងនេះទៅទៀត គឺមាន​ការផ្តល់ជូន២០០ដុល្លារ​បន្ថែមទៀត សម្រាប់​អ្នកទិញ​ដែល​មក​ផ្ទាល់​ដោយ​ខ្លួនឯង​មិន​តាមរយៈ​ភ្នាក់ងារ។

ទីតាំង​គម្រោង​អភិវឌ្ឍន៍​ដី​ឡូ​តិ៍​អចលនទ្រព្យ បន្ទាយស្រី​មាន​ទីតាំងនៅ​ភូមិ ខ្នារ ឃុំ​ខ្នារ​សណ្តាយ ស្រុក​បន្ទាយស្រី ខេត្តសៀមរាប មិន​ជាប់​ពាក់ព័ន្ធ​នឹង​តប​ន់​អប្សរា និង​ប៉ះពាល់​តំបន់​អភិរក្ស​ធម្មជាតិ​នោះទេ ពោលគឺ​មានច្បាប់​ត្រឹមត្រូវ​នៅជាប់​ផ្លូវធំ​ហាយ​វេ៦៦ និង​មាន​ផ្លូវរដ្ឋ​ទំហំ១៥ម៉ែត្រ នៅជាប់​ចំហៀង​គម្រោង​ដី​ឡូ​តិ៍​ងាយស្រួល​ក្នុងការ​ធ្វើដំណើរ មាន​ចម្ងាយ​ត្រឹម៣គីឡូម៉ែត្រ​ពី​រង្វង់​មូល ដែល​បំបែក​ទៅកាន់​តំបន់​ទេសចរណ៍​កម្សាន្តផ្សេងៗ ដូចជា ភូមិ​ព្រះ​ដាក់ តំបន់​ប្រាសាទបន្ទាយស្រី ភ្នំ​គូ​លេន តំបន់​រមណីយដ្ឋាន​ក្បាលស្ពាន ដែលមាន​សួនសត្វ​ជាច្រើន​ប្រភេទ និង​មាន​ចម្ងាយ​ត្រឹម៧គីឡូម៉ែត្រ​ពី​ផ្លូវ​ឆ្ពោះទៅ​ព្រលានយន្តហោះ​ថ្មី ក៏ដូចជា​ចេញទៅ​តាម​បណ្តា​ខេត្ត​នានា​ផងដែរ។

សម្រាប់​ព័ត៌មាន​លម្អិត​សូម​ទាក់ទង​តាមរយៈ​ទូរស័ព្ទ 016 999 995 / 017 812 345 / 097 8 123 456 ៕

ចំណេះដឹង! តើ​ការគ្រប់គ្រង​អាជីវកម្ម​អភិវឌ្ឍន៍​អចលនវត្ថុ​ធ្វើឡើង​ដើម្បី​អ្វី ?

ដោយ រ៉ា​ណេ​ត

ភ្នំពេញៈ ក្រសួង​សេដ្ឋកិច្ច និង​ហិរញ្ញវត្ថុ បានចេញ​សេចក្តីប្រកាស​ថ្មី​មួយ​ស្តីពី ការគ្រប់គ្រង​អាជីវកម្ម​អភិវឌ្ឍន៍​អចលនវត្ថុ សំដៅ​ធានា​ប្រសិទ្ធិភាព​នៃ​ការគ្រប់គ្រង និង​ការអនុវត្តន៍ ត្រួតពិនិត្យ​អាជីវកម្ម​អភិវឌ្ឍន៍​អចលនវត្ថុ និង​ជំរុញ​ឱ្យ​អ្នក​អភិវឌ្ឍ​គោរព​តាមផ្លូវ​ច្បាប់។

តាម​សេចក្តីប្រកាស​របស់​ក្រសួង​សេដ្ឋកិច្ច និង​ហិរញ្ញ ដែល​បានចេញ​កាលពី​កន្លងមកនេះ​បានឱ្យដឹងថា ការគ្រប់គ្រង​អាជីវកម្ម​អភិវឌ្ឍន៍​អចលនវត្ថុ ទទួលបាន​ផលប្រយោជន៍សំខាន់ៗចំនួន៥ រួមមាន ទី១ ធានា​ប្រសិទ្ធិភាព​នៃ​ការគ្រប់គ្រង និង​ត្រួតពិនិត្យ​អាជីវកម្ម​អភិវឌ្ឍន៍​អចលនវត្ថុ ទី២ ធានា​សមធម៌ និង​តុល្យភាព​នៃ​ផលប្រយោជន៍ រវាង​អ្នក​អភិវឌ្ឍន៍ រវាង​អ្នកត្រួតពិនិត្យ និង​អ្នកប្រើប្រាស់ ទី៣បង្កា​ទប់ស្កាត់​ហានិភ័យ​ហិរញ្ញវត្ថុ ក្នុង​វិស័យ​អចលនវត្ថុ។

ទី៤ ធានា​ចីរភាព​នៃ​ការអភិវឌ្ឍ​អចលនវត្ថុ សំដៅ​បង្កើន​ជំនឿ​ទុកចិត្ត ដើម្បី​ជំរុញ​កំណើនសេដ្ឋកិច្ច និង​ទី៥ រួមចំណែក​ទប់ស្កាត់​សកម្មភាព លាង​សំអាត​ប្រាក់​ក្នុង​វិស័យ​អាជីវកម្ម​អភិវឌ្ឍន៍​អចលនវត្ថុ។

នៅក្នុង​ការគ្រប់គ្រង​អាជីវកម្ម​អចលនវត្ថុ​នេះ​ផងដែរ  ប្រសិនបើ​ម្ចាស់​គម្រោង​មិនមាន​អាជ្ញា​បណ្ណ​នោះទេ បញ្ជាក់ថា​គម្រោង​នោះ​គឺជា​គម្រោង​ខុសច្បាប់ ហើយ​សាធារណជន​មិនគួរ​ទិញ​លំនៅឋាន​ពី​គម្រោង​នោះទេ។ ជាមួយគ្នានេះ នៅពេលដែល​លោកអ្នក​ដែលមាន​បំណង​ចង់​ទិញ ត្រូវ​សួររក​អាជ្ញា​បណ្ណ​អភិវឌ្ឍ​អចលនវត្ថុ ដែល​ចេញ​ដោយ​ក្រសួង​សេដ្ឋកិច្ច និង ហិរញ្ញវត្ថុ​ដើម្បី​កុំឱ្យ​មានការ​ខាតបង់​ប្រយោជន៍៕

ឆ្នាំថ្មី !!! ទទួលបានទូរសព្ទ័ iPhone 12 pro max មួយគ្រឿងភ្លាមៗ ដោយមិនចាំបាច់ផ្សងសំណាង…

ដោយ ៖ គង់ ម៉ាលីន

(ភ្នំពេញ)៖​ ជាមួយទំនុកចិត្ត និងគុណភាពនៃការរចនាម៉ូតផ្ទះ ទំនើប ស៊ីវិល័យ ទាន់សម័យកាលរបស់

គម្រោងបុរី ប៊ុន​ លី ដែលទទួលបានការគាំទ្រ និងស្រឡាញ់ពេញចិត្តពីសំណាក់អតិថិជនជាច្រើន លើភាពជឿជាក់ កក់ផ្ទះ និងមានគម្រោងស្វែងរកកក់ផ្ទះគ្រប់ប្រភេទរបស់បុរីយើងខ្ញុំបានផ្តល់ជូននូវប្រម៉ូសិនជាពិសេសសម្រាប់កាដូឆ្នាំថ្មី។

សម្រាប់ដើមឆ្នាំ២០២១នេះ​ ផ្តល់ជូនអតិថិជនទាំងអស់រាល់ការកក់ផ្ទះគ្រប់ប្រភេទរបស់បុរី ​ប៊ុន លី ចាប់ពីថ្ងៃទី៩ ដល់ថ្ងៃទី៣០ ខែមករា ឆ្នាំ​២០២១ លោកអ្នកនឹងទទួលបានកាដូរឆ្នាំថ្មី ( ​ទូរសព្ទ័ iPhone 12 pro max) មួយគ្រឿងភ្លាមៗ។ អតិថិជនដែលអញ្ជើញមកកក់​មុន នឹងទទួលបានមុន ការផ្តល់ជូននេះ មានចំនួនកំណត់ត្រឹមតែ ៨ ផ្ទះដំបូងប៉ុណ្ណោះ !! សូមប្រញាប់ឡើង កុំឲ្យប្រម៉ូសិនពិសេសនេះកន្លងផុតឲ្យសោះ ។

ចាប់ផ្តើមជីវិតរស់នៅបែបស៊ីវិល័យជាមួយ បុរី ប៊ុនលី !! ជាមួយបទពិសោធន៍រស់នៅប្រកបដោយផាសុកភាព សុវត្ថិភាព ភាពកក់ក្តៅ នៅក្នុងគ្រួសារជាមួយសួនច្បាលំហែ កម្សាន្ត កន្លែងក្មេងលេង និងផ្សារទំនើប។ គម្រោងរបស់បុរី ប៊ុន លី នឹងក្លាយជាលំនៅឋានដ៏ល្អប្រណិត និងស៊ីវីល័យ​ដល់អតិថិជនដែលស្ថិតនៅតំបន់ពាណិជ្ជកម្មអភិវឌ្ឍន៍ ជឿនលឿនដែលជាតម្រូវការប្រជាជនក្នុងតំបន់ ដែលជាកាលានុវត្តភាព​ក្នុងការបើកអាជីវកម្មខ្នាតតូច និងមធ្យម ឬអាជីវកម្មលក្ខណៈគ្រួសារ។

សម្រាប់ព័ត៌មានបន្ថែមសូមទាក់ទងតាមរយៈលេខ៖ 010/068/077 22 77 89

ឬតាមអាសយដ្ឋាន ផ្លូវបឹងតាម៉ាត សង្កាត់ដង្កោ ខណ្ឌ័ដង្កោ រាជធានីភ្នំពេញ។

បុរី ប៊ុនលី ស៊ីវិល័យតាមសម័យកាល!