ដោយ ៖ រ៉ាណេត
កែប ៖ គម្រោងសាងសង់កំពង់ផែទេសចរណ៍អន្តរជាតិខេត្តកែប ដែលស្ថិតនៅកោះទន្សាយមានតម្លៃជាង១លានដុល្លារ ដែលអនុវត្តផ្ទាល់ដោយក្រសួងសាធារណៈការ និងដឹកជញ្ជូន សម្រេចបានជាង៣០ភាគរយ និងគ្រោងបញ្ចប់នៅត្រឹមខែធ្នូ ឆ្នាំ២០២០ឆាប់ៗខាងមុខនេះ ។
តាមការប្រកាសនៅក្នុងអង្គសន្និសីទសារព័ត៌មានស្ដីពីវឌ្ឍនភាព និងលើកទិសដៅអនុវត្តបន្តរបស់រដ្ឋបាលខេត្តកែប នៅទីស្ដីការគណៈរដ្ឋមន្ត្រីនៅព្រឹកថ្ងៃទី៥ ខែឧសភា ឆ្នាំ២០២០នេះ លោក កែន សត្ថា អភិបាលខេត្តកែបបានលើកឡើងថា បច្ចុប្បន្ននេះ គម្រោងសាងសង់ កំពង់ផែទេសចរណ៍អន្តរជាតិ ស្ថិតនៅលើទីតាំងចាស់នៃកោះទន្សាយ បានសម្រេចប្រមាណជាង៣០ភាគរយ ។
លោកបានបញ្ជាក់ថា “ក្រោមគោលនយោបាយលើកកម្ពស់វិស័យទេសចរណ៍នៅទូទាំងខេត្តកែបឱ្យក្លាយជាទីក្រុងអាស៊ានឈានមុខ បច្ចុប្បន្ននេះ ក្រៅពីគម្រោងស្ដារ និងស្ថាបនាហេដ្ឋារចនាសម្ព័ន្ធនៅទូទាំងខេត្ត ក្រុង ទាំងមូល រួមមានផ្លូវថ្នល់ តំបន់ឆ្នេរ និងតំបន់ទេសចរណ៍ធម្មជាតិផ្សេងៗទៀតនៅទាំង១៣កោះ គម្រោងជួសជុល និងសាងសង់លម្អបន្ថែមកំពង់ផែទេសចរណ៍អន្តរជាតិកោះទន្សាយ ដែលមានតម្លៃជាង១លានដុល្លារសម្រេចបានជាង៣០ភាគរយ”។
លោកបានបន្តទៀតថា “គម្រោងអភិវឌ្ឍន៍កំពង់ផែទេសចរណ៍អន្តរជាតិដែលមានទំហំសរុបចំនួន៣៤០០ម៉ែត្រការ៉េនេះ គ្រោងនឹងបញ្ចប់នៅត្រឹមខែធ្នូ ឆ្នាំ២០២០ឆាប់ៗខាងមុខនេះ ក្រោមការយកចិត្តទុកដាក់ដោយក្រសួងសាធារណៈការ និងដឹកជញ្ជូន សហការជាមួយរដ្ឋបាលខេត្តកែប ដើម្បីធ្វើយ៉ាងណាជម្រុញឱ្យសម្រេចបានទៅតាមផែនការដែលបានគ្រោងទុក”។
ជាមួយនឹងលទ្ធផលដែលទទួលបាននៅពេលបច្ចុប្បន្ននេះ រដ្ឋបាលខេត្តមានជំនឿជឿជាក់យ៉ាងមុតមាំថា ក្រោយពីបញ្ចប់ការសាងសង់កំពង់ផែទេសចរណ៍អន្តរជាតិមួយនេះ គួបផ្សំនឹងការកែលម្អនូវហេដ្ឋារចនាសម្ព័ន្ធនានា ខេត្តនៃតំបន់ឆ្នេរមួយដែលមានកេរ្តិ៍ឈ្មោះល្បីល្បាញមួយនេះនឹងកាន់តែមានសក្ដានុពលខ្លាំងក្នុងការទាក់ទាញកំណើនទេសចរជាតិ និងអន្តរជាតិ ជាពិសេសក្រោយវិបត្តិនៃជំងឺ Covid-19 ត្រូវបានបញ្ចប់ ខណៈដែលកាលពីឆ្នាំ២០១៩កន្លងទៅ កំណើននៃចំនួនទេសចរសរុបមានចំនួនរហូតដល់ជិត២លាននាក់រួចទៅហើយ ៕
ប្រភពដែលបន្តថា ការផ្លាស់ប្តូរក្រុមប្រឹក្សាភិបាលថ្មីក្នុងអាណត្តិទី ២ នេះ គឺជាការផ្លាស់ប្តូររចនាសម្ព័ន្ធគ្រប់គ្រងថ្មី និងភាពរឹងមាំ ទៅក្នុងថ្នាក់ដឹកនាំជាន់ខ្ពស់នៃក្រុមហ៊ុនព្រីនស៍ រៀល អ៉ីស្ទេត (ខេមបូឌា) គ្រុប ក៏ដូចជាដើម្បីត្រៀមខ្លួនក្នុងការចុះបញ្ជីក្នុងទីផ្សារនាថ្ងៃអនាគតផងដែរ។
លោក Kuang Yongfu បានបង្ហាញផងដែរថា “ក្នុងនាមជាសមាជិកមួយរូបនៃក្រុមប្រឹក្សាភិបាលថ្មី យើងនឹងខិតខំជួយក្រុមហ៊ុន ព្រីនស៍ រៀល អ៉ីស្ទេត (ខេមបូឌា) គ្រុប បង្កើតស្តង់ដារថ្មី និងបញ្ចូលនូវបែបបទអាជីវកម្មថ្មី ដែលនឹងនាំមកនូវឱកាសថ្មី ក៏ដូចជាបង្កើតនូវផលិតផលថ្មីៗ ដើម្បីក្លាយខ្លួនជាសហគ្រាសឈានមុខគេក្នុងវិស័យអចលនទ្រព្យនៅកម្ពុជា”។
ក្រុមហ៊ុន Prince Real Estate (Cambodia) Group Co.,Ltd. បានបង្កើតឡើងនៅក្នុងឆ្នាំ២០១៥ ដោយបានសាងសាងអគារជាច្រើនប្រភេទ ដូចជាសណ្ឋាគារ អគារស្នាក់នៅ ផ្ទះល្វែង ខុនដូ និងអគារពាណិជ្ជកម្មនៅតាមបណ្តាខេត្ត ក្រុងនានារបស់ប្រទេសកម្ពុជា។ បច្ចុប្បន្នក្រុមហ៊ុននេះមានសាខាចំនួន១៣ទីតាំងនៅក្នុងប្រទេសកម្ពុជា។
អាមេរិកបានអនុម័តថវិកាប្រហែល ៣ ទ្រីលានដុល្លារក្នុងការផ្តល់ជំនួយសង្គ្រោះដែលទាក់ទងនឹងជំងឺ COVID-19 រួមមានថវិកាសុខភាព និងការទូទាត់ប្រាក់ដោយផ្ទាល់។
ការពិភាក្សាកំពុងដំណើរការលើជំនួយបន្ថែមទៀត ទោះបីសមាជិកបក្សសាធារណរដ្ឋខ្លះបានសម្តែងការព្រួយបារម្ភអំពីផលប៉ះពាល់នៃការចំណាយកាន់តែច្រើន ទៅលើបំណុលជាតិដែលកំពុងកើនឡើងយ៉ាងខ្លាំងរបស់ប្រទេសនេះ។
អភិបាលខេត្តកែប លោក កែន សត្ថា បានមានប្រសាសន៍នៅក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្តរបស់រដ្ឋបាលខេត្តកែប កាលពីព្រឹកថ្ងៃទី៥ ខែឧសភា ឆ្នាំ២០២០នេះថា គិតត្រឹមដើមខែឧសភា ឆ្នាំ២០២០ ក្រសួងរៀបចំដែនដីនគរូបនីយកម្ម និងសំណង់ បានធ្វើការចុះបញ្ជីដីធ្លីជូនដល់ប្រជាពលរដ្ឋសរុបចំនួនប្រមាណ៦១ភាគរយហើយ។
លោកអភិបាលខេត្តបានបញ្ជាក់ឱ្យដឹងទៀតថា ក្នុងគោលដៅធានាការគ្រប់គ្រង និងអភិវឌ្ឍន៍ទីក្រុង ខេត្ត ដោយមានការគាំទ្របច្ចេកទេសពីក្រសួងរៀបចំដែនដី នគរូបនីយកម្ម និងសំណង់ បានរៀបចំ និងប្រកាសដាក់ឱ្យប្រើប្រាស់ជាផ្លូវការនូវប្លង់គោលប្រើប្រាស់ដីក្រុងកែប ចក្ខុវិស័យឆ្នាំ២០៣០ ដើម្បីជាមូលដ្ឋានក្នុងការគ្រប់គ្រង និងតម្រង់ទិស អភិវឌ្ឍន៍ដែនដីក្រុងស្របតាមចក្ខុវិស័យ និងគោលនយោបាយជាតិស្ដីពីការរៀបចំដែនដីនៃព្រះរាជាណាចក្រកម្ពុជា និងគោលនយោបាយតាមវិស័យសំខាន់ៗជាច្រើនទៀត៕
សហព័ន្ធសមាគមពាណិជ្ជកម្មខេត្តព្រះសីហនុដែលជាក្រុមអ្នកជំនួញជនជាតិចិនបានប៉ាន់ប្រមាណថាបរិមាណនៃការជួលទ្រព្យសម្បត្តិពាណិជ្ជកម្មនៅខេត្តព្រះសីហនុបានធ្លាក់ចុះចំនួន ៨៥% និងការលក់ដីធ្លី ២៥%។ ជាមធ្យមផ្ទះចំនួន ៦០០ល្វែង ត្រូវបានជួល និង ២០ល្វែង បានទិញលក់ក្នុងមួយថ្ងៃ បើធៀបនឹងបច្ចុប្បន្ន ធ្លាក់ចុះមកត្រឹមក្រោម ២០ល្វែង និង ៩ល្វែងក្នុងមួយថ្ងៃ។
