រដ្ឋាភិបាល​បញ្ជាក់​ពី​មូលហេតុ​ដែល​កំណត់​ថ្ងៃ​ឈប់សម្រាក់​នៅ​ថ្ងៃទី១៧-២១ ខែសីហា​ជំនួស​ឱ្យ​ថ្ងៃ​ចូលឆ្នាំ​ខ្មែរ

ដោយៈ វុត្ថា

ភ្នំពេញៈ បន្ទាប់ពី​ទទួលបាន​ការណែនាំ​រប​ស់ស​ម្តេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា អំពី​ការកំណត់​ជ្រើសរើស​ថ្ងៃ​ឈប់សម្រាក ជំនួស​ឱ្យ​ថ្ងៃបុណ្យ​ចូលឆ្នាំថ្មី​ប្រពៃណី​ខ្មែរ​កាលពីពេល​កន្លងទៅ គណៈកម្មការ​គោលនយោបាយ​សេដ្ឋកិច្ច និង​ហិរញ្ញវត្ថុ បានសម្រេច​កំណត់​យក​សប្តាហ៍​ទី៣ នៃ​ខែសីហា ឆ្នាំ២០២០ ក្រោម​ហេតុផលសំខាន់ៗចំនួន៤ ។

យោងតាម​លទ្ធផល​នៃ​កិច្ចប្រជុំ ដែល​បាន​ផ្សព្វផ្សាយ​នៅ​ថ្ងៃទី១៣ ខែកក្កដា ឆ្នាំ២០២០កន្លងមកនេះ តំណាង​មកពី​វិស័យ​ឯកជន បានស្នើ​សុំ​រាជរដ្ឋាភិបាល​កំណត់​យ​ក​ថ្ងៃ​ឈប់សម្រាក​ជំនួស ឱ្យ​ថ្ងៃបុណ្យ​ចូលឆ្នាំថ្មី​ប្រណី​ខ្មែរ​នៅ​ថ្ងៃទី ១៧-២១ ខែសីហា ឆ្នាំ ២០២០ ដោយ​ផ្អែកលើ​ហេតុផល និង​គោលបំណង​សំណងសំខាន់ៗ មួយចំនួន៤ដូច​ជាទី១ ផ្តល់​ពេលវេលា​គ្រប់គ្រាន់​ដល់​រោងចក្រ​សហគ្រាស ជាពិសេស​វិស័យ​កាត់ដេរ និង​ស្បែកជើង ក្នុងការ​បញ្ចប់​សង្វាក់​ផលិតកម្ម និង​ការនាំចេញ​ទំនិញ​តាម​ការបញ្ជាទិញ ដែលមាន​ស្រាប់​ឱ្យបាន​មុន​ថ្ងៃ១២ ខែសីហា ឆ្នាំ ២០២០ ដែលជា​កាលបរិច្ឆេទ​នៃ​ការចូល​ជាធរ​មាននៃ​ការព្យួរ​ប្រព័ន្ធ​អនុគ្រោះ​ពន្ធ លើ​ទំនិញ​គ្រប់យ៉ាង​លើកលែងតែ​សព្វាវុធ (EBA) របស់​សហភាព​អឺរ៉ុប។

ទី២ ជា​កាលបរិច្ឆេទ​មួយ​ដែលមាន​គម្លាត​សមរម្យ (មួយខែ) ពី​ធី​បុណ្យ​ភ្ជុំ​បិ​ណ្យ​ដែល​នឹង​ប្រព្រឹត្តទៅ​នៅ​ថ្ងៃទី ១៦-១៨ ខែកញ្ញា ឆ្នាំ២០២០ ដែល​នឹង​អនុញ្ញាតឱ្យ​ប្រជាជន​ចូលរួម​ជួយ​លើកស្ទួយ​វិស័យ​ទេសចរណ៍​ក្នុងស្រុក តាមរយៈ​ការចំណាយ២ដង​ក្នុងអំឡុងពេល​ឈប់សម្រាក​ដាច់ពីគ្នា។

ទី៣ អាច​អនុញ្ញាតឱ្យ​ម្ចាស់​សណ្ឋាគារ និង​ម្ចាស់ផ្ទះ​សំណាក់​នៅតាម​តំបន់​ទេសចរណ៍សំខាន់ៗ មាន​ពេលវេលា​គ្រប់គ្រាន់ ក្នុងការ​រៀបចំ​បើក​ដំណើរការ​អាជីវកម្មរ​បស់​ខ្លួន​ឡើងវិញ សម្រាប់​ទទួលភ្ញៀវ​ទេសច​រដែ​លម​ក​កម្សាន្ត ក្នុងអំឡុងពេល​ឈប់សម្រាក។ទី៤ កម្មករ និយោជិត​ទទួលបាន​ប្រាក់បៀវត្សរ៍ មុនពេល​ឈប់សម្រាក ដែលមាន​ភាពងាយស្រួល​ក្នុងការ​ធ្វើដំណើរ​កំសាន្ត និង​ចំណាយ​នានា៕

ផលប៉ះពាល់​គ្រោង​ផ្លូវ​ចូល​ព្រលានយន្តហោះ​អន្តរជាតិ​ថ្មី​នៅ​ខេត្តកណ្តាលត្រូវបាន​ដោះស្រាយ

ដោយ វុត្ថា

ភ្នំពេញៈ ក្រសួង​រៀបចំ​ដែនដី នគ​រូ​នីយកម្ម និង​សំណង់​បាន ដោះស្រាយ​ផលប៉ះពាល់​លើ​គម្រោង​សាងសង់ ផ្លូវ​ចូល​ព្រលានយន្តហោះ​អន្តរជាតិ​ថ្មី ខេត្តកណ្តាល​ជូន​ប្រជាពលរដ្ឋ​ចំនួន២៩គ្រួសារ ស្មើនឹង៣១ក្បាលដី។

យោងតាម​របាយការណ៍​របស់​ក្រសួង​រៀបចំ​ដែនដី នគរូបនីយកម្ម និង​សំណង់​បានបង្ហាញ​ក​កន្លងមក​នេះ​ថា ក្រុមការងារ​អន្តរក្រសួង បានផ្តល់​ដោះស្រាយ​គោលនយោបាយ ជូន​ប្រជាពលរដ្ឋ​ចំនួន២៩គ្រួសារ​ស្មើ៣១ក្បាលដី ដែល​រង​ផលប៉ះពាល់​ពី​ការសាងសង់​ផ្លូវ​ចូល​ទីតាំង​ដីឡូត៍​លំនៅឋាន សម្រាប់​រៀបចំ​ជូន​ប្រជា​លប​រដ្ឋ រស់នៅ​បណ្តោះអាសន្ន​ក្នុង​សំណង់​បណ្តោះអាសន្ន ស្ថិតក្នុង​ទីតាំង​គម្រោង​សាងសង់ អាកាសយានដ្ឋាន​អន្តរជាតិ​ភ្នំពេញ​ថ្មី។

របាយការណ៍​ដដែល​ប​ន្ត​ថា ក្រុមការងារ​ក្រសួង ក៏បាន​ចុះ​ស្រង​ជំហរ​របស់​ប្រជាពលរដ្ឋ​ក្នុងការ​ដោះស្រាយ​ក្បាលដី ដែល​រង​ផលប៉ះពាល់ ស្ថិតនៅក្នុង​ទីតាំង​គម្រោង​សាងសង់​អាកាសយានដ្ឋាន អន្តរជាតិ​ភ្នំពេញ​ថ្មី​នេះ​ផងដែរ ស្របតាម​គោលនយោបាយ និង​ផែន​ការដែល​បានដាក់​ចេញ។

លោក​ឧបនាយករដ្ឋមន្ត្រី ជា សុផារ៉ា រដ្ឋមន្ត្រី ក្រសួង​រៀបចំ​ដែនដី នគរូបនីយកម្ម និង​សំណង់ ធ្លាប់បាន​ឱ្យដឹង​កន្លង​មកនេះ​ថា រដ្ឋាភិបាល​បាន​យកចិត្ត​ទុក​ដា​ក្នុងការ​ដោះស្រាយ​ផលប៉ះពាល់​ជូន ប្រជាពលរដ្ឋ​ដែល​ប៉ះ​នឹង​គម្រោង​សាងសង់ អាកាសយានដ្ឋាន​នេះ​តាម​គម្រោង​របស់​រដ្ឋាភិបាល ដែល​បាន​ដាក់ចេញ តម្លៃ​មិន​លើសពី៨ដុល្លារ​ក្នុង​មួយ​ម៉ែត្រការ៉េ​ដី។

អ្នកឧកញ៉ា​ពុង ឃាវ​សែ ម្ចាស់​គម្រោង​អភិវឌ្ឍន៍​អាកាសយានដ្ឋាន​អន្តរជាតិ​ភ្នំពេញ​ថ្មី បាន​សម្តែង​ការ​អរគុណ​ដល់​រាជរដ្ឋាភិបាល​កម្ពុជា ជា​ពិ​សេ​លោក ឧបនាយករដ្ឋមន្ត្រី ជា​សុផារ៉ា ដែល​បាន​យកចិត្តទុកដាក់ ក្នុង​ការសហការ​ដោះស្រាយ​ផលប៉ះពាល់​នេះ ដើម្បី  ឱ្យ​ដំណើរ​ការសាងសង់​ប្រ​ត្តិ​ទៅដោយ​រលូន និង​សម្រេច​តាម​ផែនការ​រហូតមកដល់​ពេលនេះ។

អ្នកឧកញ៉ា​បន្តថា គម្រោង​សាងសង់​ព្រលានយន្តហោះ​អន្តរជាតិ​ថ្មី​នេះ បានផ្តល់​ឱកាស​ការងា​រ​ជូន​ពលរដ្ឋ​ខ្មែរ​រាប់ម៉ឺន​កន្លែង និង​ជា​កន្លែង​សម្រាប់​ផ្តល់​បទពិសោធន៍ និង​សិក្សា​រៀនសូត្រ ដល់​ស្ថា​ត្យ​ករ​ខ្មែរ​ជាច្រើន​ពាន់​នាក់​ពី​គម្រោង​នេះ និង​ជំរុញ​កំណើន​សេដ្ឋកិច្ចជាតិ​ឱ្យមាន​ការរីក​ចំរើនប​ន្ថែ​ម​ទៀត។

គម្រោង​អាកាសយានដ្ឋាន​អន្តរជាតិ​ភ្នំពេញ​ថ្មី ស្ថាបនា​លើដី​ទំហំ​ប្រមាណ២៦០០ ហិកតា មាន​បណ្តោយ​ប្រមាណ៦គីឡូម៉ែត្រ និង​ទទឹង​ប្រមាណ៤គីឡូម៉ែត្រ ។ ដំណើការ នៃ​ការសាងសង់ ព្រលាន​យានដ្ឋាន​អន្តរជាតិ​ភ្នំពេញ​ថ្មី អាច​នឹង​បញ្ចប់​ដំណាក់កាល​ទី១ នៅ​ឆ្នាំ២០២៣ខាងមុខនេះ។ ទុនវិនិយោគ​ព្រលានយន្ដហោះ​មួយ​នេះ មាន​ទំហំ​ទឹកប្រាក់​ប្រមាណ១៥០០លាន​ដុល្លារ ដែលជា​ប្រភេទ 4F អនុញ្ញាតឱ្យ​ប្រភេទ​ព្រលានយន្តហោះ​ធំ Airbus A380-800 និង យន្តហោះ Boeing 747-800 ហោះហើរ​ពី​ឆ្ងាយ​ឆ្លង​ទ្វីប​ចុះចត​បាន៕

អ្នកជំនាញ៖ ឆមាស​ទី២ ឆ្នាំនេះ​ផ្សារ​អចលនទ្រព្យ​កម្ពុជា​នៅតែមាន​ភាព​វិជ្ជមាន

ដោយៈ រ៉ា​ណេ​ត

ភ្នំពេញៈ តាមរយៈ​របាយការណ៍​របស់​ក្រសួង​ដែនដី​បាន​បញ្ជាក់ថា នៅក្នុង​ឆមាស​ទី១ឆ្នាំ២០២០ វិស័យ​អចលនទ្រព្យ​នៅតែ​អាច​រក្សាបាន​នូវ​កំណើន ជាពិសេស​ផ្នែក​សំណង់ ហើយនឹង​តែ​បន្ត​ជំរុញ​ភាព​វិជ្ជមាន នៅក្នុង​ឆមាស​ទី២ឆ្នាំនេះ​ដដែល ដែល​វា​ជា​ឱកាស​សម្រាប់​អ្នកវិនិយោគ។

អគ្គនាយក​ក្រុមហ៊ុន​ភ្នាក់ងារ​អចលនទ្រព្យ​អន្តរជាតិ Century21 Land Station លោក កាង សុធី បាន​មានប្រសាសន៍ប្រាប់​តាម​ទូរស័ព្ទ​កាលពី​រសៀល​ថ្ងៃទី១៣ ខែកក្កដា ឆ្នាំ២០២០កន្លងមក​ថា ផ្អែក​តាម​វិធានការ​របស់​រាជរដ្ឋាភិបាល​កម្ពុជា ក្នុងការ​ទប់ស្កាត់​ការ​រាតត្បាត​នៃ​ជំងឺឆ្លង ជាពិសេស​យុទ្ធសាស្ត្រ​នៃ​ការលើកទឹកចិត្ត ដល់​បណ្តា​អ្នកវិនិយោគ​ទាំង​ក្នុង និង​ក្រៅប្រទេស សម្រាប់​វិស័យ​អចលនទ្រព្យ​នៅ​កម្ពុជា នៅតែ​អាច​រក្សាបាន​នូវ​ស្ថាន​ភាពល្អ​ដដែល ឬ​អាច​កើនឡើង​លើសពី​ឆមាស​ទី១តិ​តតួ​ច។

លោក​បញ្ជាក់ថា “និយាយ​ជារួម​នៃ​វិស័យ​អចលនទ្រព្យ បើ​ប្រៀបធៀប​ទៅនឹង​វិស័យ​ដទៃទៀត គឺ​នៅតែមាន​ភាពល្អប្រសើរ ជាពិសេស ការវិនិយោគ​ទៅលើ​វិស័យ​ដីធ្លី ដែល​នៅតែ​ផ្តល់ឱកាស​ចំណេញ​ច្រើនជាង​វិស័យ​លំនៅដ្ឋាន” ។ លោក​បន្តថា“យើង​ទទួលស្គាល់ថា ទោះជា​ស្ថិតនៅក្នុង​ដំណាក់កាល​នេះ ដែល​កំពុង​ប្រឈម​នឹង​វិបត្តិ​សេដ្ឋកិច្ច​សាកល ប៉ុន្តែ​សម្រាប់​ការអភិវឌ្ឍ វិស័យ​លំនៅដ្ឋាន​នៅតាម​គម្រោង​បុរី​នានា ទាំង​នៅក្នុង​ក្រុង និង​នៅ​ជាយក្រុង គឺ​នៅតែ​បន្តសកម្មភាព​ដូចគ្នា ដើម្បី​បញ្ចប់​ទៅតាម​ផែនការ​របស់ខ្លួន​ដែល​បានគ្រោង​ទុក” ។

លោក​កាង សុធី​បាន​មានប្រសាសន៍ថា “ទីផ្សារ​លំនៅដ្ឋាន យើង​ឃើញថា​មាន​ភាព​ពុះ​ក​ញ្ច្រោ​ល​ខ្លាំង ប៉ុន្តែ​វា​ល្អ​សម្រាប់តែ​ចំពោះ​អ្នក ដែលមាន​តម្រូវការ​ស្នាក់នៅ​ជាក់ស្ដែង​តែប៉ុណ្ណោះ ព្រោះ​មាន​ជម្រើស​ច្រើន​ក្នុង​ការទិញ ប៉ុន្តែ​ចំពោះ​អ្នក​ដែលមាន​បំណង​ទិញ​ទុក​វិនិយោគ​យកចំណេញ ហាក់​មានឱកាស​តិច​រួច​បំផុត ដោយសារតែ​លំនៅដ្ឋាន​ភាគច្រើន​ត្រូវបាន​ក្រុមហ៊ុន​អភិវឌ្ឍ តម្លើង​តម្លៃ​ដល់​កម្រិត​ទីផ្សារ​រួចទៅហើយ” ។

ក្នុងដំណាក់កាល​នេះ​ឬ​បន្តទៅ​ថ្ងៃ​ខាងមុខ អ្នកវិនិយោគ​ដែល​វៃឆ្លាត​គឺ​គេ​តម្រង់​ទិសដៅ​ទៅលើ​ការវិនិយោគ​ដីធ្លី ដែល​នៅតែ​មានឱកាស​ចំណេញ​ច្រើន។

នាយិកា​ប្រចាំ​ប្រទេស​ក្រុមហ៊ុន​ភ្នាក់ងារ​អចលនទ្រព្យ​អន្តរជាតិ CBRE Cambodia លោកស្រី អាន សុធី​តា បាន​មានប្រសាសន៍ថា រាល់​ការវិនិយោគ​នៅក្នុង​វិស័យ​អចលនទ្រព្យ​ក្នុងដំណាក់កាល​នេះ មិន​ថា​ផ្នែក​សំណង់​លំនៅដ្ឋាន​ឬ​ផ្នែក​ដីធ្លី​នោះទេ គឺមាន​ឱកាស​ចំណេញ​ដូចគ្នា ប្រសិនបើ​រាល់​អចល​ទ្រព្យ​វត្ថុ​ទាំងអស់នោះ ត្រូវបាន​ដាក់លក់​ក្នុងតម្លៃ​ទាប​ជាង​ទីផ្សារ។

លោកស្រី​បញ្ជាក់ថា “សកម្មភាព​នៃ​ការទិញ លក់​ក្នុង​ពេលនេះ មាន​ភាពស្ងប់ស្ងាត់​បន្តិច​បើ​ប្រៀបធៀប​ទៅនឹង​ដើមឆ្នាំ ឬ​អំឡុងពេល​ត្រីមាស​ទី១ ប៉ុន្តែ​សម្រាប់​តម្លៃ​វិញ​គឺ​មិនមាន​ការធ្លាក់ចុះ​នោះទេ។ លោកស្រី​បន្តថា“នៅក្នុង​ឆមាស​ទី២នៃ​ឆ្នាំនេះ តម្លៃ​ទីផ្សារ​អាច​នឹងមាន​ភាព​ល្អប្រសើរ​ឡើងវិញ​បន្តិចបន្តួច ក្រោម​វិធានការ​របស់​រាជរដ្ឋាភិបាល ដែល​អនុញ្ញាតឱ្យ​ផ្នែក​មួយចំនួន​បើក​ដំណើរការ​ឡើងវិញ” ។

ទោះជា​យ៉ាងណា ទីផ្សារ​អចលនទ្រព្យ​ទាំងមូល​អាច​វិលត្រឡប់ ទៅរក​សភាព​ដើម​ដូច​ចុងឆ្នាំ២០១៩ អាច​ត្រូវការ​ពេលវេលា​យូរ​បន្តិច​យ៉ាង​ហោ​ស​ណាស់១ឆ្នាំ ឬ​អាច​លើសពីនេះ” ៕

ក្រុមអ្នកវិភាគ​អន្តរជាតិ៖ សេដ្ឋកិច្ច​ចិន​បាន​វិលត្រឡប់​ទៅរក​កំណើន​ឡើងវិញនៅក្នុង​ត្រីមាស​ទី២

ដោយ៖ ប៊ី

អន្តរជាតិៈ សេដ្ឋកិច្ច​របស់​ប្រទេស​ចិន​បាន​វិលត្រឡប់ ទៅរក​កំណើន​ឡើងវិញ​នៅក្នុង​ត្រីមាស​ទី២ បន្ទាប់ពី​ជំងឺ Covid-19 បានធ្វើឱ្យ​ប្រទេស ដែលមាន​សេដ្ឋកិច្ច​ធំ​លំដាប់​ទី ២ នៅលើ​ពិភពលោក​នេះ ធ្លាក់ចុះ​ជា​លើកដំបូង​ក្នុង​ប៉ុន្មាន​ទសវត្សរ៍​នេះ។ នេះ​បើ​យោងតាម​ការស្ទង់មតិ​នៃ​សារព័ត៌មាន AFP របស់​ក្រុមអ្នកវិភាគ​ជាច្រើនរូប។

ការស្ទង់មតិ​របស់​អ្នកវិភាគ​មកពី​ស្ថាប័ន​ចំនួន១១ បាន​វាយតម្លៃ​ខ្ពស់​ចំពោះ​កំនើនសេដ្ឋកិច្ច​របស់​ចិន ក្នុង​កម្រិត១,៣ភាគរយ ដែលជា​ការកើនឡើង​យ៉ាងខ្លាំង ហើយ​ស្ថិតក្នុង​ស្ថានភាព​ប្រសើរ​ជាង​បណ្តា​ប្រទេស​ដទៃទៀត ដែល​កំពុង​ដោះស្រាយ​បញ្ហា​ឆ្លង​រាលដាល​នៃ​ជំងឺ Covid-19 នេះ។

ជំងឺ Covid-19 ដែល​កើតឡើង​ដំបូង នៅក្នុង​ខេត្ត​ហ៊ូ​ប៉ី​ភាគ​កណ្តាល នៃ​ប្រទេស​ចិន​កាលពី​ចុងឆ្នាំ​មុន បានធ្វើឱ្យ​អាជីវកម្ម​ជាច្រើន​នៅ​ទូទាំង​ពិភពលោក​បិទទ្វារ និង​មនុស្ស​ជាច្រើន​លាន​គ្មាន​ការងារ​ធ្វើ។

ប៉ុន្តែ​ក្រុមអ្នកវិភាគ​បាន​ព្យាករណ៍​ថា ប្រទេស​ចិន​នឹង​ក្លាយជា​ប្រទេស​សេដ្ឋកិច្ច​ដ៏​ធំ​តែមួយគត់ ដែល​ទទួលបាន​កំណើន​វិជ្ជមាន​នៅ​ឆ្នាំនេះ ពីព្រោះ​ប្រទេស​នេះ​ត្រូវបាន​វាយប្រហារ​ខ្លាំង ដោយ​ជំងឺ Covid-19 ហើយ​ដូច្នេះ​ជា​ប្រទេស​ដំបូង បាន​ស្តារ​សេដ្ឋកិច្ច​ឡើងវិញ។

ប្រទេស​ចិន​ត្រូវបាន​រំពឹងថា នឹងមាន​កំណើនសេដ្ឋកិច្ច១,៧ភាគរយ សម្រាប់​រយៈពេល​ពេញ​មួយឆ្នាំ។ ទិន្នន័យ​កំណើន​សម្រាប់​ខែមេសា ដល់​ខែមិថុនា នឹងត្រូវ​ផ្សព្វផ្សាយ​នៅ​ថ្ងៃ​ព្រហស្បតិ៍​ខាងមុខ។

រដ្ឋាភិបាល​ចាំបាច់​ត្រូវ​បិទទ្វារ​ប្រទេស អស់​រយៈពេល​ជាច្រើន​ខែ ដើម្បី​គ្រប់គ្រង​ជំងឺ​រាតត្បាត​នេះ ដោយ​ផ្អាក​ដំណើរ​រោងចក្រ និង​រឹតបណ្តឹង​ការធ្វើដំណើរ។

ប៉ុន្តែ​សកម្មភាព​បានចាប់ផ្តើម​ឡើងវិញ នៅពេលដែល​ប្រទេស​ចិន​បាន​គ្រប់គ្រង​បាន​ការរីក​រាលដាល​នៃ​ជំងឺ​រាតត្បាត និង​បានបញ្ចប់​ការបិទទ្វារ​ទីក្រុង​ហ៊ូ​ប៉ី និង​ទីក្រុង​វូ​ហាន​របស់ខ្លួន​កាលពី​ខែមេសា។

អាជ្ញាធរ​ក៏​អាច​ក៏​គ្រប់គ្រង​បានការ​ផ្ទុះឡើង នៃ​ជំងឺ​នៅក្នុង​ទីក្រុង​ប៉េកាំង កាលពី​ខែ​មុន ដោយ​មានការ​រឹតត្បិត​តិចតួច​បំផុត។

លោក Xu Xiaochun អ្នកវិភាគ​ប្រចាំ​ក្រុមហ៊ុន Moody’s បាន​និយាយថា ការធ្វើតេស​ត្ត​រក​ជំងឺ​ទ្រង់ទ្រាយ​ធំ និង​ការបិទទ្វារ​តាម​គោលដៅ បានធ្វើ​ឱ្យមាន​ការរំខាន​តិច​តូច​បំផុត​ដល់​សេដ្ឋកិច្ច ដែល​ផ្តល់ឱ្យ​វិនិយោគិន​នូវ​ទំនុកចិត្ត​ស្ងប់ស្ងាត់​ថា ប្រទេស​ចិន​បាន​ត្រៀមខ្លួន​រួចជាស្រេច ដើម្បី​ការពារ​ការឆ្លង​រាលដាល​នៃ​រលក​ទី​ពីរ៕

ចំណេះដឹង! តើ​នីតិវិធី​នៃ​ការធ្វើ​បែបបទ​នាវា​ចូល​ត្រូវធ្វើ​ដូចម្តេច?

ដោយ ​វុត្ថា

ភ្នំពេញៈ ការ​នាំចូល​ទំនិញ​តាមផ្លូវ​សមុទ្រ/ផ្លូវ​ទន្លេ ត្រូវអនុវត្ត​តាម​នីតិ​វិធី​មួយចំនួន ដូចជា​ការធ្វើ​បែបបទ​នាវា​ចូល​ការងារ​ឃ្លាំង និង​នីតិវិធី​បំពេញបែបបទ​បញ្ចេញ​ទំនិញ​ពី​គយ​តាមច្បាប់​និង​បទ​ប្បញ្ញត្តិ​ជា​ធរមាន។

នីតិវិធី​នៃ​ការធ្វើ​បែបបទ​នាវា​ចូល ដូចខាងក្រោម៖

១. ពេល​នាវា​មកដល់​ចំនុចសូន្យ ភ្នាក់ងារ​នាវាចរ ត្រូវ​ជូនដំណឹង​ដល់​មន្ត្រី​គយ​ទទួលបន្ទុក​ធ្វើ​បែបបទ​នាវា​ជាមុន។

២. ពេល​នាវា​ចូល​ចត​នៅ​កំពង់ផែ​ហើយ មន្ត្រី​គយ​ទទួលបន្ទុក​ធ្វើ​បែបបទ​នាវា និង​សមត្ថកិច្ច​ពាក់ព័ន្ធ រួមមាន​កំពង់ផែ​ស្វយ័ត នគរបាល​អន្តោប្រវេសន៍ ច​ត្តា​ឡី​ស័​ក្ត ភ្នាក់ងារ​នាវាចរ និង​តំណាង​ក្រុមហ៊ុន ដឹកជញ្ជូន​ឡើង​ធ្វើ​បែបបទ​លើ​នាវា។

៣. ឯកសារ​ដែល​ត្រូវ​បង្ហាញជូន​សមត្ថកិច្ច​ពា​ក់​ព័ន្ធ ដែល​ឡើង​ធ្វើ​បែបបទ​លើ​នាវា​រួមមាន៖

  • របាយការណ៍​នាវា
  • និវេទន៍ប័ណ្ណ​ទំនិញ
  • និវេទន៍ប័ណ្ណ​សំភារៈប្រើប្រាស់​របស់​នាវិក
  • បញ្ជី​ឈ្មោះ​នាវិក
  • បញ្ជី​ផ្ទេរ​ទំនិញ
  • បញ្ជី​ឈ្មោះ​អ្នកដំណើរ
  • អ​ញ្ញត្តិ​ប័ណ្ណ
  • កិច្ចសន្យាជួល​នាវា
  • វិញ្ញាបនបត្រ​ចុះបញ្ជី​នាវា និង​ឯកសារ​ដទៃទៀត​តាម​ការតម្រូវ​របស់រ​ដ្ឋ​បាល​គយ ដើម្បី​អនុវត្ត​វិធានការ​គយ។

៤. នៅពេល​មន្ត្រី​គយ​ពិនិត្យ​រួច គ្មាន​ភាពមិនប្រក្រតី​ទេ មន្ត្រី​គយ​បញ្ចប់​ការធ្វើ​បែបបទ ដោយ​ការចុះ​ថ្ងៃខែ​ឆ្នាំ​ចុះហត្ថលេខា និង​បោះត្រា​លើ​និវេទន៍ប័ណ្ណ រួច​បញ្ជូនទៅ​ផ្នែក​ទទួល​និង​គ្រប់គ្រង​និវេទន៍ប័ណ្ណ​ទំនិញ៕

ខេត្តព្រះសីហនុ ប្រមូលពន្ធបានជាង ១៥លានដុល្លារ

ដោយ ៖ រ៉ាណេត

ព្រះសីហនុ ៖ នៅត្រឹមរយៈពេល៦ខែ ដើមឆ្នាំ២០២០កន្លងទៅនេះ តាមរយៈលទ្ធភាពនៃការប្រមូលពន្ធសរុបនៅទូទាំងខេត្តព្រះសីហនុ ទទួលបានចំនួន ៦១ពាន់លានរៀល ស្មើនឹងប្រមាណ ១៥ ២៥០ ០០០ ដុល្លារ ហើយនឹងអាចបង្កើនចំនួនសរុបប្រមាណ ១០០ពាន់លានរៀល ស្មើនឹងប្រមាណ ២៥ ០០០០០០ដុល្លារ។

លោក គួច ចំរើន អភិបាលខេត្តព្រះសីហនុ នៅល្ងាចថ្ងៃទី១៣ ខែកក្កដា ឆ្នាំ២០២០ ក្នុងកិច្ចប្រជុំផ្សព្វផ្សាយសារាចរណែនាំស្ដីពីការរៀបចំផែនការយុទ្ធសាស្ត្រថវិការាជធានី-ខេត្តសម្រាប់ឆ្នាំ២០២១-២០២៣ និងនីតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិសម្រាប់ការគ្រប់គ្រងឆ្នាំ២០២១ បានលើកឡើងថា តាមលទ្ធភាពនៃការប្រមូលពន្ធរបស់សាខាពន្ធដារខេត្តព្រះសីហនុរយៈពេល ៦ខែ ប្រមូលចំណូលពន្ធបាន ៦១ពាន់លានរៀល ហើយនៅឆ្នាំ២០២០នេះ សាខាពន្ធដារអាចប្រមូលថវិកាបាន ១០០ពាន់លានរៀល ។

កិច្ចប្រជុំផ្សព្វផ្សាយសារាចរណែនាំស្ដីពីការរៀបចំផែនការយុទ្ធសាស្ត្រថវិការាជធានី-ខេត្តសម្រាប់ឆ្នាំ ២០២១-២០២៣ និងនីតិវិធីបច្ចេកទេសនៃការរៀបចំគម្រោងថវិការបស់រដ្ឋបាលថ្នាក់ក្រោមជាតិសម្រាប់ការគ្រប់គ្រងឆ្នាំ២០២១ ត្រូវបានអនុវត្តស្របតាមចរាចរណ៍លេខ ០៤-០៥ របស់ក្រសួងសេដ្ឋកិច្ចហិរញ្ញវត្ថុ ។

លោក គួច ចំរើន បានបញ្ជាក់ថា “ដោយសារវិបត្តិកូវីដ-១៩ រាជរដ្ឋាភិបាលបានកាត់កញ្ចក់ថវិកាសម្រាប់ការអភិវឌ្ឍខេត្តព្រះសីហនុសម្រាប់ឆ្នាំ២០២០ នៅសល់ត្រឹមតែ ៦៧ពាន់លានរៀល ហើយសម្រាប់ឆ្នាំ២០២១ ខេត្តមានថវិកា៧២ពាន់លានរៀល។ តាមលទ្ធភាពនៃការប្រមូលពន្ធរបស់សាខាពន្ធដារខេត្តព្រះសីហនុរយៈពេល ៦ខែ ប្រមូលចំណូលពន្ធបាន ៦១ពាន់លានរៀល ហើយនៅឆ្នាំ២០២០នេះ សាខាពន្ធដារអាចប្រមូលថវិកាបាន ១០០ពាន់លានរៀល”។

លោកបន្តថា “កិច្ចការដែលយើងត្រូវធ្វើមានច្រើន ក៌ប៉ុន្តែពេលវេលារបស់យើងខ្លី ស្នើក្រុង ស្រុក មន្ទីរ អង្គភាពពាក់ព័ន្ធ ចូលរួមរៀបចំគម្រោងផែនការសកម្មភាពអភិវឌ្ឍ ដោយមានការចូលរួមពីមន្ត្រីគ្រប់ផ្នែក គ្រប់ថ្នាក់ ធ្វើការងារជាក្រុមច្របាច់បញ្ចូលគ្នា រៀបចំផែនការយុទ្ធសាស្ត្រឱ្យចំគោលដៅ។ ម្យ៉ាងទៀតមកដល់ពេលនេះ ថវិកាឆ្នាំ២០២០មិនទាន់បានអនុវត្តបានពេញលេញ ក្នុងគម្រោងទាំង១៣ ដូច្នេះយើងត្រូវរួមគ្នាជម្រុញផែនការប្រើប្រាស់ថវិការបស់យើងបំរើអត្ថប្រយោជន៍ និងគុណប្រយោជន៍ក្នុងខេត្តព្រះសីហនុរបស់យើង”។

ទន្ទឹមនេះលោកអភិបាលខេត្តព្រះសីហនុ ក៏បានណែនាំឱ្យសមត្ថកិច្ចពាក់ព័ន្ធ ត្រូវយកចិត្តទុកដាក់ខិតខំកៀរគរបង្កើនកញ្ចប់ថវិកាឆ្នាំ២០២១ ដើម្បីផ្សាភ្ជាប់ទៅនឹងផែនការអភិវឌ្ឍរយៈពេល៥ឆ្នាំរបស់រដ្ឋបាលខេត្ត ដោយរៀបចំជាគម្រោងសកម្មភាពអភិវឌ្ឍខេត្តសម្រាប់ឆ្នាំ២០២១ ស្របតាមកម្មវិធីវិនិយោគ៣ឆ្នាំរំកិល (២០២១-២០២៣) ផងដែរ ៕

រដ្ឋាភិបាលបញ្ជាក់ពីមូលហេតុកំណត់ថ្ងៃឈប់សម្រាក់នៅថ្ងៃទី ១៧-២១ ខែសីហាជំនួសឱ្យថ្ងៃចូលឆ្នាំខ្មែរ

ដោយ ៖ វុត្ថា

ភ្នំពេញ ៖ បន្ទាប់ពីទទួលបានការណែនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាអំពីការកំណត់ជ្រើសរើសថ្ងៃឈប់សម្រាកជំនួសឱ្យថ្ងៃបុណ្យចូលឆ្នាំថ្មីប្រពៃណីខ្មែរកាលពីពេលកន្លងទៅ គណៈកម្មការគោលនយោបាយសេដ្ឋកិច្ច និងហិរញ្ញវត្ថុ បានសម្រេចកំណត់យកសប្តាហ៍ទី៣ នៃខែសីហា ឆ្នាំ២០២០ ក្រោមហេតុផលសំខាន់ៗចំនួន៤។

យោងតាមលទ្ធផលនៃកិច្ចប្រជុំដែលបានផ្សព្វផ្សាយនៅថ្ងៃទី១៣ ខែកក្កដា ឆ្នាំ២០២០នេះ តំណាងវិស័យឯកជនបានស្នើសុំរាជរដ្ឋាភិបាលកំណត់យកថ្ងៃឈប់សម្រាកជំនួសឱ្យថ្ងៃបុណ្យចូលឆ្នាំថ្មីប្រណីខ្មែរនៅថ្ងៃទី ១៧-២១ ខែសីហា ឆ្នាំ ២០២០ ដោយផ្អែកលើហេតុផល និងគោលបំណងសំណងសំខាន់ៗ មួយចំនួន ៤ ដូចតទៅ៖

ទី១) ផ្តល់ពេលវេលាគ្រប់គ្រាន់ដល់រោងចក្រសហគ្រាស ជាពិសេសវិស័យកាត់ដេរ និងស្បែកជើង ក្នុងការបញ្ចប់សង្វាក់ផលិតកម្ម និងការនាំចេញទំនិញតាមការបញ្ជាទិញដែលមានស្រាប់ ឱ្យបានមុនថ្ងៃ១២ ខែសីហា ឆ្នាំ ២០២០ ដែលជាកាលបរិច្ឆេទនៃការចូលជាធរមាននៃការព្យួរប្រព័ន្ធអនុគ្រោះពន្ធ លើទំនិញគ្រប់យ៉ាងលើកលែងតែសព្វាវុធ (EBA) របស់សហភាពអឺរ៉ុប។

ទី២) ជាកាលបរិច្ឆេទមួយដែលមានគម្លាតសមរម្យ (មួយខែ) ពីធីបុណ្យភ្ជុំបិណ្យដែលនឹងប្រព្រឹត្តទៅនៅថ្ងៃទី ១៦-១៨ ខែកញ្ញា ឆ្នាំ២០២០ ដែលនឹងអនុញ្ញាតឱ្យប្រជាជនចូលរួមជួយលើកស្ទួយវិស័យទេសចរណ៍ក្នុងស្រុក តាមរយៈការចំណាយ២ដង ក្នុងអំឡុងពេលឈប់សម្រាកដាច់ពីគ្នា។

ទី៣) អាចអនុញ្ញាតឱ្យម្ចាស់សណ្ឋាគារ និងម្ចាស់ផ្ទះសំណាក់នៅតាមតំបន់ទេសចរណ៍សំខាន់ៗ មានពេលវេលាគ្រប់គ្រាន់ក្នុងការរៀបចំបើកដំណើរការអាជីវកម្មរបស់ខ្លួនឡើងវិញ សម្រាប់ទទួលភ្ញៀវទេសចរដែលមកកម្សាន្តក្នុងអំឡុងពេលឈប់សម្រាក។

ទី៤) កម្មករ-និយោជិតទទួលបានប្រាក់បៀវត្សមុនពេលឈប់សម្រាក ដែលមានភាពងាយស្រួលក្នុងការធ្វើដំណើរកំសាន្ត និងចំណាយនានា៕

រដ្ឋាភិបាល កំពុងសិក្សាពីលទ្ធភាពក្នុងការបើកច្រកព្រំដែននៅរតនៈគីរី

ដោយ ៖ រ៉ាណេត

រតនៈគីរី ៖ ក្នុងគោលបំណង់បង្កើននូវកិច្ចទំនាក់ទំនង និងពង្រីកវិស័យពាណិជ្ជកម្មក្នុងតំបន់ បច្ចុប្បន្ន រដ្ឋបាលខេត្តរតនៈគីរី បានដាក់សំណើរជូនថ្នាក់ដឹកនាំរដ្ឋាភិបាលកម្ពុជា សិក្សាលម្អិតពីលទ្ធភាព ដើម្បីឈានទៅបើកច្រកទ្វារព្រំដែនកម្ពុជា-ឡាវថ្មីមួយទៀត ស្ថិតក្នុងខេត្តរតនគិរី។

អភិបាលខេត្តរតនគិរី លោក ថង សាវុន បានមានប្រសាសន៍នៅក្នុងសន្និសីទសារព័ត៌មានស្ដីពីវឌ្ឍនភាព និងទិសដៅការងារបន្ត នៅទីស្ដីការគណរដ្ឋមន្ត្រី នាព្រឹកថ្ងៃទី១៣ ខែកក្កដា ឆ្នាំ២០២០ថា រហូតមកដល់ពេលនេះ ខេត្តរតនគិរី មិនទាន់មានផ្លូវ ឬច្រកទ្វារព្រំដែនផ្លូវការជាមួយប្រទេសឡាវនោះទេ ហើយខេត្តកំពុងស្នើសុំគោលការណ៍រាជរដ្ឋាភិបាល ដើម្បីបើកច្រកនេះ។

លោកបានបញ្ជាក់ថា “សម្រាប់ខេត្តរតនគិរី មិនទាន់មានផ្លូវណាមួយ ឬច្រករបៀងណាមួយ តភ្ជាប់ជាមួយ ប្រទេសឡាវនោះទេ ហើយកាលដែលស្នើសុំ ទៅកាន់ប្រមុខរាជរដ្ឋាភិបាល ក៏ដូចជារដ្ឋាភិបាលនៃប្រទេសទាំងពីរ (កម្ពុជា-ឡាវ) គឺចង់បាននូវការបើក ច្រកទ្វារទ្វេរភាគីមុន។ ដោយឡែក ខេត្តរតនគិរី មានផែនការដើម្បីបើកច្រកទ្វារទ្វេរភាគីមួយ ដែលកំពុងតែសុំគោលការណ៍រាជរដ្ឋាភិបាល ដើម្បីសិក្សាមើល តើយើងនឹងរៀបចំច្រកណាមួយ ដែលផ្ដល់នូវសារសំខាន់ខេត្តទាំងពីរ ប្រជាជននៅជិតខាងប្រទេសទាំងពីរ”។

ជាមួយគ្នានេះ លោកអភិបាលខេត្តបានបង្ហាញនូវក្ដីរំពឹងខ្ពស់ នៅពេលច្រកទ្វារព្រំដែនទ្វេរភាគីមួយនេះបើកដំណើរការ នឹងអាចចូលរួមលើកម្ពស់ និងពង្រីកពាណិជ្ជកម្មបានប្រសើរជាងសព្វថ្ងៃ ដោយហេតុថា ខេត្តរតនគិរី ជាខេត្តមួយដែលមានសក្ដានុពល អំណោយផលដល់ការដាំដុះដំណំា ពិសេសដំណំាកសិ-ឧស្សាហកម្ម និងការចិញ្ចឹមសត្វ។ ម៉្យាងទៀត ប្រសិនបើច្រកទ្វារព្រំដែនមួយនេះបើកដំណើរការ ឬក៏ត្រឹមតភ្ជាប់ផ្លូវពីស្រុកសៀមប៉ាង ខេត្តស្ទឹងត្រែង មកស្រុកវ៉ើនសៃ ខេត្តរតនគិរី និងបន្ដមកក្រុងបានលុងនោះ នឹងផ្ដល់សារៈសំខាន់ខ្លាំងណាស់ ព្រោះជាផ្លូវដែលតភ្ជាប់ពីច្រកទ្វារព្រំដែនអន្ដរជាតិត្រពាំងក្រៀល ដែលមានសក្ដានុពលខ្លាំងក្នុងការជំរុញកំណើនសេដ្ឋកិច្ច៕

លោកស្រី អាន សុធីតា ៖ វិបត្តិ Covid-19 មិនសូវប៉ះពាល់ដល់គម្រោងសាងសង់ខុនដូធ្ងន់ធ្ងរនោះទេ

ដោយ ៖ វុត្ថា

ភ្នំពេញ ៖ វិបត្តិនៃការរីករាលដាលនៃជំងឺ Covid-19 មិនបានធ្វើឱ្យប៉ះពាល់ធ្ងន់ធ្ងរដល់ការសាងសង់សំណង់គម្រោងខុនដូនៅក្នុងប្រទេសកម្ពុជាពេកនោះទេ ខណៈដែលខុនដូតម្លៃធម្យមបានក្លាយជាគោលដៅរបស់ប្រជាពលរដ្ឋនៅក្នុងស្រុក។

 

លោកស្រី អាន សុធីតា នាយិកាប្រចាំប្រទេសនៃក្រុមហ៊ុនភ្នាក់ងារអចលនទ្រព្យ CBRE Cambodia បានឱ្យដឹងនៅថ្ងៃទី១៣ ខែកក្កដា ឆ្នាំ២០២០នេះ ថា បើទោះបីមានវិបត្តិជំងឺ Covid-19 តែគេសង្កេតឃើញថា ការសាងសង់គ្រោងអគារខុនដូនៅក្នុងប្រទេសកម្ពុជាហាក់ពុំមានការធ្លាក់ចុះនោះទេ ពោលគឺសកម្មភាពសាងសង់គម្រោងជាច្រើននៅតែបន្តមាន ហើយក៏មានការដាក់បញ្ចូលទៅក្នុងទីផ្សារលក់ផងដែរ។

លោកស្រីថា “គម្រោងសាងសង់គឺមិនផលប៉ះពាល់ពេកនោះទេ តែមានគម្រោងមួយចំនួនត្រូវបានពន្យា ចាប់ពី ៦ខែ – ១ឆ្នាំ ហើយនេះជារឿងធម្មតា ដោយសារការនាំចូលនូវសម្ភារៈសំណង់មានភាពយឺតយ៉ាវ តែសម្រាប់វិបតិ្តនៃជំងឺ Covid-19 គឺមិនមានការប៉ះពាល់ទេដល់ការសាងសង់ ហើយពេលថ្មីៗនេះ មានគម្រោងថ្មីចំនួនបានបានដាក់លក់ក្រោយសាងសង់បានបញ្ចប់”។

ទោះជាយ៉ាងណា សម្រាប់ទីផ្សារលក់ត្រូវបានលោកស្រីថា “វិស័យខុនដូ គឺមានផលប៉ះពាល់បន្តិចបន្តួច បើធៀបទៅនឹងទីផ្សារជួលលក់រាយ និងសណ្ឋាគារ ដែលវិស័យទាំងពីរនេះ រងផលប៉ះពាល់ខ្លាំង ប៉ុន្តែអ្វីដែលយើងមើលឃើញ គឺមានការធ្លាក់ចុះនូវចំនួនអ្នកទិញ ចន្លោះពី ៣០ – ៤០ ភាគរយ វាអាស្រ័យទៅលើគម្រោង”។

លោកស្រីបន្ថែមថា “ចំពោះគម្រោងដែលបញ្ចប់ហើយ និងគម្រោងដែលកំពុងដាក់លក់ គឺមានលក្ខណៈខុសគ្នា ដោយសារគម្រោងដែលបានបញ្ចប់ គឺនៅតែមានការគាំទ្រពីអតិថិជននៅក្នុងស្រុក ប៉ុន្តែសម្រាប់គម្រោងដែលបានដាក់លក់គឺមានការថយចុះ។ នៅក្នុងកាលទេសៈនៃវិបត្តិជំងឺ Covid-19 នេះ អ្នកអភិវឌ្ឍន៍ និងទិញ បានចាប់អារម្មណ៍ទៅលើគម្រោងដែលបាបញ្ចប់រួចហើយ ទី១ គឺពួកគាត់អាចទទួលបានកម្ចីពីធនាគារ តែសម្រាប់គម្រោងដែលកំពុងសាងសង់អាចទទួលបានកម្ចីពីធនាគារបន្តិចបន្តួចប៉ុណ្ណោះ ព្រោះក្នុងវិបត្តិនៃជំងឺ Covid-19 បានប៉ះពាល់ដល់ចរន្តសាច់ប្រាក់ ដោយមិនអាចយកសាច់ប្រាក់ទៅវិនិយោគបាននោះទេ”។

ជាមួយនឹងការលើកឡើងខាងលើនេះ លោកស្រីក៏បានលើកឡើងផងដែរថា សម្រាប់ទីផ្សារជួលខុនដូទៅឱ្យជនបរទេសគឺមានការធ្លាក់ចុះប្រមាណ ៣០ – ៥០ ភាគរយ នៅក្នុងវិបត្តិនៃជំងឺ Covid-19 នេះ ដោយសារតែជនបរទេសមួយចំនួនបានវិលទៅកាន់ស្រុកកំណើតរបស់គាត់វិញ ហើយមិនអាចត្រឡប់មកកម្ពុជាវិញបាន ប៉ុន្តែទោះជាយ៉ាងណា តម្លៃនៃការជួលរបស់ខុនដូនៅក្នុងប្រទេសកម្ពុជាមានភាពល្អប្រសើរច្រើន និងទទួលបានប្រាក់ចំណេញខ្ពស់ បើបៀបធៀបទៅការជួលខុនដូនៅតាមប្រទេសមួយចំនួននៅក្នុងតំបន់អាស៊ាន”។

នៅក្នុងរយៈពេលប៉ុន្មានឆ្នាំកន្លងមកនេះ គម្រោងសាងសង់ខុនដូនៅក្នុងប្រទេសកម្ពុជា មានសន្ទុះរីកចម្រើនយ៉ាងខ្លាំង ដោយសារមានការគាំទ្រពីប្រជាជននៅក្នុងស្រុក ជាពិសេសយុវជនជំនាន់ក្រោយ ឬប្រជាជនដែលទើបរៀបការថ្មីថ្មោងដែលបានទិញសម្រាប់ធ្វើការរស់នៅ។ យោងរបាយការណ៍របស់ក្រុមហ៊ុនអចលនទ្រព្យអន្តរជាតិ CBRE Cambodia បានឱ្យដឹងថា រហូតមកមកដល់ពេលនេះ កម្ពុជាមានបន្ទប់ខុនដូ ជាង ២ម៉ឺនយូនីត ដែលបានដាក់លក់នៅលើទីផ្សារ និងគម្រោងបញ្ចប់ ៦០ គម្រោង៕

ក្រុមប្រឹក្សាខេត្តស្រះកែវ ស្នើឱ្យបើកព្រំដែនកម្ពុជា-ថៃដើម្បីបន្តធ្វើពាណិជ្ជកម្ម ទ្វេរភាគីឡើងវិញ

ដោយៈ ប៊ី

ភ្នំពេញៈ អនុប្រធានក្រុមប្រឹក្សាខេត្តស្រះកែវ ប្រទេសថៃ បានស្នើឱ្យបើកច្រកព្រំដែនAranyapratheឡើងវិញ ដើម្បីធ្វើពាណិជ្ជកម្មតាមព្រំដែនឡើងវិញ។

លោកThongwara Maksakhon អនុប្រធានក្រុមប្រឹក្សាខេត្ត បានមានប្រសាសន៍ឲ្យដឹងថា លោកសូមស្នើដល់អាជ្ញាធរពាក់ព័ន្ធ មេត្តាបញ្ជាក់ឱ្យបានច្បាស់ថា តើពេលណាការឆ្លងដែននឹងបើកឡើងវិញ ពីព្រោះអាជ្ញាធរកម្ពុជាអនុញ្ញាត ឱ្យអាជីវករខ្មែរយកទំនិញរបស់ពួកគេពីភាគីថៃត្រឡប់ទៅទីក្រុងកម្ពុជាវិញ តាមច្រកប៉ោយប៉ែតនៅថ្ងៃទី ១៥ ខែកក្កដាខាងមុខនេះ។

លោកបានថ្លែងថា “កូវីដ១៩ បង្កការព្រួយបារម្ភ ប៉ុន្តែខេត្តក្បែរនោះដូចជា ខេត្តច័ន្ទបូរី ទទួលអាជីវករខ្មែរ ហើយពង្រាយមន្ត្រីជាច្រើននាក់ មកពិនិត្យសុខភាពរបស់ពួកគេ”។ លោកបន្តថា “យើងអនុញ្ញាតឱ្យប្រជាជនក្នុងតំបន់ ធ្វើអាជីវកម្មទាំងនៅលើដីថៃ និងកម្ពុជា។ ខ្ញុំចង់ឲ្យខេត្តស្រះកែវធ្វើតាមលំនាំនេះដែរ”។

លោកលោកThongwara Maksakhonបានបន្តថា “ទោះបីមានការបិទព្រំដែនជាផ្លូវការក៏ដោយ ក៏ប្រជាជនកម្ពុជាមូយចំនួន ឆ្លងដែនខុសច្បាប់ទៅស្រះកែវ ដោយមិនមានការត្រួតពិនិត្យទេ។ ប្រសិនបើច្រកព្រំដែនបើកទ្វារវិញ ប្រជាជននឹងត្រូវត្រួតពិនិត្យ។ ប្រកា​រនេះគួរអនុវត្តចំពោះខេត្តស្រះកែវ”។

លោកបាននិយាយថា ប្រជាជន និងអាជីវករខេត្តស្រះកែវ ដែលរកស៊ីទំនិញពីផ្សាររ៉ុងក្លឿ បានគាំទ្រការបើកច្រកព្រំដែននេះឡើងវិញ។ ខេត្តស្រះកែវ មិនមានសញ្ញាពីកូវីដ១៩អស់រយៈពេល២ខែមកហើយ។ ប្រសិនបើច្រកព្រំដែនបើកទ្វារវិញ ប្រជាជនអាចរកស៊ីចិញ្ចឹមជីវិតបាន៕