ថ្នាក់ដឹកនាំនៃគេហទំព័រ Propertyarea.asia មានកិត្តិយស សេចក្ដីសោមនស្សរីករាយ និងបានសម្រេចប្រកាសតែងតាំងឯកឧត្តម ប៊ី សុក្របណ្ឌិត ធ្វើជាប្រធានកិត្តិយសនៃគេហទំព័រមួយនេះ។
សេចក្ដីសម្រេច និងប្រកាសនេះត្រូវបានធ្វើឡើងកាលពីថ្ងៃទី២៣ ខែមីនា ឆ្នាំ២០២០ បន្ទាប់ពីមានការយល់ព្រមពីសំណាក់ឯកឧត្តមដោយផ្ទាល់ ដើម្បីចូលរួមជួយផ្តល់ជាយោបល់ និងការណែនាំល្អៗ ពិសេស ជួយបង្កើនប្រជាប្រិយភាពគេហទំព័រមួយនេះ និងអាចពង្រីកឧត្តមភាពកាន់តែខ្លាំងថែមទៀត ដើម្បីចូលរួមចំណែកជាមួយរដ្ឋាភិបាល ក៏ដូចជាក្រសួងរៀបចំដែនដី នគរូបនីយកម្ម និងសំណង់ កាន់តែមានភាពរីកចម្រើន ហើយអាចផ្សព្វផ្សាយព័ត៌មានបានកាន់តែប្រសើរឡើងថែមទៀតជូនដល់សាធារណៈជន និងអ្នកវិនិយោគជាតិ-អន្តរជាតិ។
នៅក្នុងតំណែងនេះ ដើម្បីជាការលើកទឹកចិត្តក្នុងការផ្ដល់កិត្តិយសរបស់ឯកឧត្តម ថ្នាក់ដឹកនាំនៃគេហទំព័រ Propertyarea.asia បានផ្ដល់ជូននូវភាគហ៊ុនចំនួន២០ភាគរយនៃគេហទំព័រមួយនេះជូនដល់ឯកឧត្តម។
អាស្រ័យដូចបានជម្រាបជូនខាងលើនេះ សូមសាធារណជន ក៏ដូចជាក្រុមហ៊ុនសហការជាដៃគូទាំងអស់មេត្តាជ្រាបជាព័ត៌មាន ។
តំណាងក្រុមធុរកិច្ចចិនបានបង្ហាញពីការអរគុណចំពោះរដ្ឋាភិបាលកម្ពុជា ដែលមានចិត្តស្មោះក្នុងនាមជាមហាមិត្ត កម្ពុជា – ចិន ហើយបណ្តាធុរកិច្ចចិនទាំងអស់ ពិតជាមានមោទនភាពដែលបានមកកាន់កម្ពុជា ហើយនឹងបន្តផ្សព្វផ្សាយ និងជម្រុញអ្នកវិនិយោគចិនជាច្រើនទៀតឱ្យមកបណ្តាក់ទុនវិនិយោគនៅកម្ពុជា ជាពិសេសនៅក្នុងខេត្តកំពតឱ្យដូចគ្នាទៅនឹងខេត្តកំពង់សោម ដែលជាខេត្តមជ្ឈមណ្ឌលពាណិជ្ជកម្មពិសេសរបស់កម្ពុជាផងដែរ៕
