ដោយ ៖ រ៉ាណេត
សៀមរាប ៖ យុទ្ធនាការនៃការពង្រឹងភូមិ ឃុំមានសុវត្ថិភាព ដោយផ្តើមចេញពីការបំភ្លឺអំពូលនៅតាមផ្ទះនីមួយៗនៅទូទាំងស្រុកបន្ទាយស្រី ខេត្តសៀមរាប ចំនួន១ម៉ឺនខ្នង ត្រូវបានចាប់ផ្តើមអនុវត្តជាជំហានដំបូងនៅក្នុងភូមិព្រះដាក់ គ្រោងនឹងបញ្ចប់នៅត្រឹមដំណាច់ខែមករា ឆ្នាំ២០២០ខាងមុខ។
យុទ្ធនាការ “ផ្ទះ១ អំពូល១” ដំណាក់កាលសាកល្បង ដែលមកដល់ពេលនេះក្រុមការងារកំពុងតែសស្រាក់សស្រាំរួសរាន់បញ្ចប់ការបំពាក់អំពូលសូឡាតាមផ្ទះជូនប្រជាពលរដ្ឋនៅក្នុងភូមិគំរូមួយនេះ អោយបានមុនដំណាច់ខែមករាតាមផែនការកំណត់។
លោក ឃឹម ហ្វីណង់ អភិបាលស្រុកបន្ទាយស្រី បានបញ្ជាក់ថា មានរឿងដ៏គួរអោយភ្ញាក់ផ្អើលមួយ ដែលឆ្លុះបញ្ជាំងពីការចូលរួមនិងភាពជាម្ចាស់របស់បងប្អូនប្រជាពលរដ្ឋនៅក្នុងភូមិព្រះដាក់ នោះគឺការចូលរួមគាំទ្រពីសំណាក់អ្នកភូមិ តាមរយះការជួយជីករណ្តៅបង្គោលទម្រអំពូល កាប់មែកឈើដែលបាំងពន្លឺថ្ងៃ និងមានផ្ទះមួយចំនួនធំបានថែមទាំងចេញចំណាយថ្លៃសុីម៉ង់ត៍ ថ្មល្អិត និងខ្សាច់សម្រាប់ចាក់ការពារជើងអំពូលដោយខ្លួនឯងទៀតផង បើទោះជាក្នុងដំណាក់សាកល្បងនេះ ពួកគាត់មិនត្រូវបានតម្រូវអោយចូលរួមអ្វីនោះឡើយ។
លោកបាន បន្តថា
បន្តថា បើទោះជាបញ្ហាមួយចំនួន តែសប្បាយចិត្តពេលដែលអ្វីៗដំណើរការទៅដូចការរំពឹងទុក ប្រភេទអំពូលភ្លឺគ្រប់គ្រាន់ ដងទម្រខ្ពស់និងរឹងមាំសមល្មម ជាពិសេសប្រជាពលរដ្ឋមានការសាទរពេញចិត្តចំពោះយុទ្ធនាការនេះ ដោយមើលឃើញពីអត្ថប្រយោជន៍ផ្ទាល់ដល់ផ្ទះរបស់គាត់ផង ក៏ដូចជាប្រយោជន៍រួមដល់ភូមិទាំងមូលផងដែរ។
ក្រុមការងារជំនាញ នឹងកែសម្រួលបញ្ចប់ការតម្លើងគ្រប់ផ្ទះទាំង ៥១៨ នៅក្នុងភូមិព្រះដាក់ទាំងមូល ត្រឹមដំណាច់ចុងខែមករានេះ ហើយនឹងធ្វើការវាយតម្លៃជារួមលើលទ្ធផលនៃភូមិសាកល្បងមួយនេះ មុននឹងបន្តអនុវត្តនៅក្នុងភូមិនិងឃុំដទៃទៀត។ បើមិនអ្វីប្រែប្រួលទេ ខ្ញុំសង្ឃឹមថា យើងនឹងឈានទៅដល់ការសម្រេចបានផ្ទះទាំង១០០០០ខ្នង នៅទូទាំងស្រុកបន្ទាយស្រីក្នុងឆ្នាំ២០២០នេះ តាមផែនការគ្រោងទុក៕
ក្រោមវត្តមានមន្ត្រីជាន់ខ្ពស់នៃក្រសួងរៀបចំដែនដី នគរូបនីយកម្ម និងសំណង់ ដែលមានលោក សរ សុវណ្ណ រដ្ឋលេខាធិការជាអ្នកតំណាង និងលោក គង់ វិបុល ប្រតិភូរាជរដ្ឋាភិបាលទទួលបន្ទុក ជាអគ្គនាយកនៃអគ្គនាយកដ្ឋានពន្ធដារ ព្រមទាំងមន្ត្រីជំនាញពាក់ព័ន្ធ កាលពីថ្ងៃទី២០ ខែមករា ឆ្នាំ២០២០ ម្សិលមិញនេះ បានដឹកនាំកិច្ចប្រជុំ ស្តីពីការដោះស្រាយបញ្ហាឯកសារកកស្ទះ ក្នុងការងារចុះបញ្ជីដី មានលក្ខណៈជាប្រព័ន្ធ ចំពោះប័ណ្ណកម្មសិទ្ធិ ដែលត្រូវប្រថាប់ត្រាពន្ធស្មើសូន្យ។
ក្រោមការណែនាំពីលោកឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោកឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ និងអគ្គនាយកដ្ឋានសុរិយោដីនិងភូមិសាស្ត្រ នៃក្រសួងរៀបចំដែនដី នគរូបនីយកម្ម និងសំណង់បានពិភាក្សា និងរៀបចំយន្តការដោះស្រាយដូចខាងក្រោម៖
