KFA was awarded From UK as a Leading Company

December 12, 2017

Phnom Penh – Khmer Foundation Appraisal Co, Ltd (KFA) recently received an International Quality Crown Award 2017 for immeasurable contribution to the business world, for high standing and professionalism demonstration by prestigious performance in London in the United Kingdom.

Oknha NUON RITHY, Chairman at Khmer Foundation Appraisal Co.,ltd said that this award is due to the support of customers, efforts of all levels of staffs , especially it is the stability of the economy, maintaining 7% GDP growth under the wise leadership of Samdech Techo Hun Sen prime minister of Cambodia who has been pushing for growth in all sectors, including the construction sector is an important part.

“It is great joy along with the pride for myself and other young Cambodians who always bring honor to the family as well as the whole country” Oknha NUON RITHY said. Without peace in the country, I would not have had the opportunity to get the award.

He continued that behind of his success is struggle and faithful. He has developed his vision according to the context of national and international politics. “We need principles and mission faster than the strategic idea, so we get the desired result” he said “And this point also requires the initial support from family and all levels of staff. So, the company can provide services to customers, because they are financial suppliers to keep us moving forward. ”

Khmer Foundation Appraisals Co., Ltd is new registered company with an international standard services which provide many services such as Asset & Property Appraisals, Property Consultancy for both selling and renting property across key area of Cambodia, Property Investment and Development for families’ residence and community living at affordable price, Property Management and Engineering & Construction.

As a local company of Cambodia, KFA is committed to bring the service to Asian countries and international standard and we are committed to advancing Cambodia’s property market as part of the this vision. Since the dedicated, experience and highly regarded real estate industry professionals deliver this vision. One of its key goals is to ensure the success of the market for investors and end-users alike. Equally important is an aspiration to create a desirable and dynamic city for modern lifestyle.

The business philosophy of KFA is focused on trust, professional, and transparency to create our quality mixed use for developments which are sensitive and complimentary with an existing neighborhood and community fabric.

ការបង់ពន្ធអចលនទ្រព្យសម្រេចបានកំណើន ៩ភាគរយ

December 12, 2017

0

ដោយ ៖ ដួង ចន្ទ្រា

ភ្នំពេញ ៖ មន្ត្រីជាន់ខ្ពស់នៃអគ្គនាយកដ្ឋានពន្ធដាបានឲ្យដឹងថា ការបង់ពន្ធអចលនទ្រព្យឆ្នាំ២០១៧នេះ សម្រេចបានកំណើន៩ភាគរយ ធៀបរយៈពេលដូចគ្នាកាលពីឆ្នាំមុន។

ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានពន្ធដារលោក គង់ វិបុល បានថ្លែងឲ្យដឹងតាមបទសម្ភាសន៍នាព្រឹកថ្ងៃទី១២ ខែធ្នូ នេះថា ការបង់ពន្ធអចលនទ្រព្យកើនឡើងនេះ ដោយសារសកម្មភាពនៃការទិញលក់ដី និងសកម្មភាពសាងសង់នានាកើនឡើង ប៉ុន្តែប្រជាជនមិនទាន់យល់ដឹងពីការបង់ពន្ធនេះឲ្យបានទូលំទូលាយនៅឡើយទេ ហើយរហូតមកទល់ពេលនេះ មានអចលនទ្រព្យប្រមាណ៧៥ភាគរយ នៃអចលនទ្រព្យដែលត្រូវបង់ពន្ធសរុបប៉ុណ្ណោះបានចូលទៅបង់ពន្ធ។

លោកបន្តថា អចលនទ្រព្យនៅតាមបណ្តាខណ្ឌទាំង១២ ក្នុងក្រុងភ្នំពេញនិងអចលនទ្រព្យនៅតាមទីរួមខេត្តនានា បានជាប់ពន្ធទាំងអស់ ប៉ុន្តែអចលនទ្រ ព្យនៅតាមបណ្តាស្រុក ក្រុងទាំងនោះនៅមិនទាន់មានការបង់នៅឡើយទេ។

តាមរយៈនៃកិច្ចសម្ភាសន៍ខាងលើនេះ ក៏បញ្ជាក់ឱ្យដឹងផងដែរថា យ៉ាងយូរបំផុតនៅត្រឹមដើមឆ្នាំ2018ខាងមុខ ការអនុវត្តគោលការណ៍បងពន្ធទៅលើអចលនទ្រព្យនឹងត្រូវចាប់ផ្តើមបើទោះជាម្ចាស់អចលទ្រព្យមិនបានមកធ្វើការចុះបញ្ជីពន្ធក៏ដោយ។

លោក គង់ វិបុល បានសង្កត់ធ្ងន់យ៉ាងដូច្នេះថា ៖ « ចាប់ពីដើមឆ្នាំ2018 ទៅ យើងមាននឹងមានមន្ដ្រីជាប់កិច្ចសន្យាចំនួន 100នាក់ ដើម្បីចុះធ្វើការងារនេះទៅដល់មូលដ្ឋានដែលជាប់ពាក់ព័ន្ធ (ចុះទៅដល់ផ្ទះ) ។ នៅពេលមន្ត្រីការងារចុះពិនិត្យឃើញថា ម្ចាស់អចលនទ្រព្យបានអនុវត្តតាមច្បាប់ត្រឹមត្រូវ នោះគឺជារឿងប្រសើរដែលបានបំពេញកាតព្វកិច្ចជាពលរដ្ឋល្អ ប៉ុន្តែបើពិនិតឃើញថា ម្ចាស់មិនទាន់ចុះបញ្ជី ឬមិនធ្លាប់បង់ពន្ធ នោះមន្ត្រីនឹងជួយបំពេញលិខិតបែបបទនៃការបង់ពន្ធភ្លាមៗតែម្ដង។ ម្យ៉ាងទៀតក្នុងលក្ខខណ្ឌ ម្ចាស់អចលនទ្រព្យមិនធ្លាប់បងពន្ធ ខណៈដែលទ្រព្យអចលនទ្រព្យរបស់ខ្លួនស្ថិតក្នុងកម្រិតត្រូវបង់ពន្ធ នោះម្ចាស់នឹងត្រូវអនុវត្តតាមច្បាប់ ដែលតម្រូវឱ្យបង់ពន្ធ រួមជាមួយនឹងការទទួលពិន័យទៅតាមចំនួនឆ្នាំដែលអាក់ខាន ព្រមទាំងអនុវត្តលើការបង់ការប្រាក់ផងដែរ » ។

លោក គង់ វិបុល បានបន្តទៀតថា ការបង់ពន្ធអចលនទ្រព្យ នៅរាជធានីភ្នំពេញ និងតាមបណ្តាខេត្ត ក្រុងនានា អាចបង់ពន្ធតាមរយៈទូរស័ព្ទដៃបាន ព្រោះអគ្គនាយកដ្ឋានពន្ធដាបានធ្វើកំណែទម្រង់ច្រើន ដើម្បីឲ្យប្រជាពលរដ្ឋមិនខាតពេលវេលា និងជួយសម្រួលដល់ការងារប្រមូលពន្ធឲ្យកាន់តែមានប្រសិទ្ឋភាពខ្ពស់។ ទោះជាយ៉ាងណា លោក គង់ វិបុល មិនបញ្ជាក់ដឹងឲ្យពីចំនួនទឹកប្រាក់សរុបដែលប្រមូលបានពីការបង់ពន្ធលើអចលនទ្រព្យទាំងអស់នោះនៅឡើយទេ៕

ផ្សារ MAKRO ទំនងមិនសូវស្វាគមន៍អតិថិជនរាយនោះទេ

December 12, 2017

0

ដោយ៖ ដែន ចែងចាំង

ភ្នំពេញ៖ ជាមួយនឹងដំណឹងល្អនៃការបើកដំណើការផ្សារ MAKRO អ្នកជំនាញនានាបានលើកឡើងថា ផ្សារមួយនេះទំនងជាមិនសូវស្វាគមន៍ឬផ្តោតលើអតិថិជន ទិញទំនិញរាយនោះទេ។

ផ្សារទំនើបបោះដុំដ៏ធំរបស់ប្រទេសថៃឈ្មោះ MAKRO នឹងបើកដំណើរការនៅថ្ងៃទី១៧ ខែធ្នូ ខាងមុខនេះហើយ ដើម្បីស្វាគមន៍អតិថិជននានា។ ផ្សារទំនើបដែលមានលក់ទំនិញដ៏សម្បូរបែបជាមួយមុខទំនិញចម្រុះ ១៥,០០០ ប្រភេទនេះ នឹងបើកដោយឧកញ៉ា លី យ៉ុងផាត់ អគ្គនាយកក្រុមហ៊ុនលីយ៉ុងផាត់គ្រុប ដែលមានរហ័សនាមជាស្តេចកោះកុង និងដៃគូរបស់លោក។

អ្នកនាង អាន សុធីតា នាយិកាប្រចាំប្រទេសនៃក្រុមហ៊ុន CBRE Cambodia បានថ្លែងឲ្យដឹងកាលពីម្សិលម៉ិញនេះថា ផ្សារទំនើប MAKRO ជាប្រភេទផ្សារបោះដុំ និងទំនងជាមិនផ្តោតអារម្មណ៍ខ្លាំងលើអតិថិជន ទិញទំនិញរាយរងនោះទេ ព្រោះវាជាផ្សារសម្រាប់បោះទំនិញដុំ ឬអតិថិជនចែកចាយបន្ត។

អ្នកនាងបន្តថា “ខ្ញុំគិតថាវាទំនងជាមិនសូវផ្តោតលើអតិថិជនគោលដៅ ដែលជាអ្នកទិញទំនិញរាយរងនោះឡើយ ព្រោះវាជាផ្សារសម្រាប់បោះទំនិញដុំ។អ្នកនាងបន្តថា “យ៉ាងណាក៏អតិថិជនទិញទំនិញរាយ ក៏អាចទៅកាន់ផ្សារនេះនិងទិញទំនិញបានផងដែរ វាមិនមែនមានន័យថា គេមិនលក់ជូននោះទេ។

ប្រធានសមាគមទេសចរណ៍អាស៊ីប៉ាស៊ីហ្វិកលោកធួន ស៊ីណានដែលមានបទពិសោធន៍ចេញចូលប្រទេសថៃច្រើនលើក និងយល់ដឹងពីផ្សារនេះបានយល់ស្របនឹងការលើកឡើងខាងលើ ដោយលោកបានមានប្រសាសន៍ថា “ខ្ញុំក៏គិតបែបនេះ វាទំនងជាមិនចាប់យកអតិថិជនធម្មតានោះទេ ព្រោះវាជាផ្សារដែលមានគោលដៅបោះដុំនូវមុខទំនិញ ទៅអតិថិជនលក់រាយបន្តទៀត។

ក្រុមហ៊ុន ស៊ី.ភី. គ្រុប ដែលមានលោក ថានីន ជារ៉ាវ៉ានុន (Dhanin Chearavanont) បានកាន់កាប់ភាគហ៊ុនចំនួន៧០ភាគរយ និងក្រុមហ៊ុនលីយ៉ុងផាត់គ្រុបកាន់កាប់ភាគហ៊ុនត្រឹម៣០ភាគរយប៉ុណ្ណោះ។

យោងតាមសេចក្តីប្រកាសព៌តមានរបស់ក្រុមហ៊ុនទាំងពីរនេះ បានឲ្យដឹងនាព្រឹកថ្ងៃទី៨ ខែធ្នូនេះថា ផ្សារទំនើប Makroនេះ សាងសង់លើផ្ទៃដីប្រមាណជាង៥ហិកតា ដែលមានកម្ពស់២ជាន់ នៅក្នុងតំបន់អភិវឌ្ឍន៍ទីក្រុងពោងពាយស្ថិតនៅភាគខាងជើងទីក្រុងភ្នំពេញ៕

ទីផ្សារអចលនទ្រព្យនៅសង្កាត់បឹងព្រលឹតមានមានភាពលេចធ្លោ

December 12, 2017

0

ដោយ៖ ដែន ចែងចាំង

ភ្នំពេញ៖ ខណៈអចលនទ្រព្យនៅតំបន់បឹងកេងកង១ កាន់តែមានភាពចង្អៀតពិបាករកទិញ និងមានតម្លៃថ្លៃនោះ បានធ្វើអ្នកវិនិយោគលើវិស័យសំណង់ និងអចលនទ្រព្យកាន់តែច្រើន បានងាកទៅចាប់អារម្មណ៍ ចំពោះអចលនទ្រព្យទៅតំបន់បឹងព្រលឹតវិញ ព្រោះតំបន់ទាំង២ត្រូវបានខណ្ឌដាច់ពីគ្នាត្រឹមតែ១ផ្លូវប៉ុណ្ណោះ។

អគ្គនាយកក្រុមហ៊ុន ស៊ីអិលរៀលធី ខូអិលធីឌីលោក ស៊ា ឆៃលីន បាននិយាយកាលពីពេលថ្មីៗនេះថា បច្ចុប្បន្ននេះតំបន់បឹងព្រលឹត កំពុងវិវត្តន៍ខ្លួនបន្តិចម្តងៗទៅជាកន្លែងមួយដ៏មានសក្តានុពលក្នុងរាជធានីភ្នំពេញ បន្ទាប់ពីតំបន់បឹងកេងកង។ ជាក់ស្តែងនៅក្នុងរយៈពេល២ឆ្នាំចុងក្រោយនេះ នៅក្នុងសង្កាត់បឹងព្រលឹត គេឃើញមានសំណង់ធំៗ និងខ្ពស់ៗ ជាច្រើនបានលេចឡើង ខណៈមួយចំនួនទៀតកំពុងសាងសង់។ លោកបន្តថា បឹងព្រលឹត ជាកន្លែងដែលមានសក្តានុពលខ្លាំង សម្រាប់ការអភិវឌ្ឍវិស័យអចលនទ្រព្យ និងសំណង់ ព្រោះទីនោះស្ថិតនៅចំកណ្តាលរាជធានីភ្នំពេញដែលមានប្រព័ន្ធហេដ្ឋារចនាសម្ព័ន្ធខ្វាត់ខ្វែង មិនលិចទឹក និងជាទីប្រជុំនៃសេវាកម្មចម្រុះជាច្រើនដូចជា សាលារៀន មន្ទីរពេទ្យ ផ្សារអូរឡាំពិក ផ្សារអូរឬស្សី និងវិមានឯករាជ្យជាដើម។

លោកបន្តថា “អចលនទ្រព្យនៅក្នុងសង្កាត់បឹងព្រលឹត នឹងមានសក្តានុពលកាន់តែខ្លាំង ខណៈទីនោះកាលពីមុនជាកន្លែង ដែលជនបរទេសចូលចិត្តមកស្នាក់នៅ រហូតមានមនុស្សមួយចំនួនបានហៅតំបន់នោះថា តំបន់ទេសចរណ៍ដាក់កាដូរទៀតផង។

លោក ស៊ា ឆៃលីន បានអះអាងថាដី និងអចលនទ្រព្យនៅបឹងព្រលឹតនាពេលនេះ មានតម្លៃមិនសូវចាញ់តំបន់បឹងកេងកង១នោះទេ បើទោះបីជានៅទីនោះគេពិបាករកដីដែលមានទំហំធំក៏ដោយ។ នាពេលខាងមុខឆាប់ៗនេះខ្ញុំគិតថា អចលនទ្រព្យនៅសង្កាត់បឹងព្រលឹត នឹងមានភាពទាក់ទាញកាន់តែខ្លាំងបន្ថែមទៀត។

លោក គីម ហ៊ាង អគ្គនាយកក្រុមហ៊ុនខ្មែររៀលអេស្ទេត និងជាប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបាននិយាយថា តំបន់ដែលអចលនទ្រព្យកំពុងកើនតម្លៃច្រើនជាងគេនៅកណ្តាលរាជធានីភ្នំពេញ គឺបឹងព្រលឹត ព្រោះទីនោះជាតំបន់ស្ថិតនៅចន្លោះមហាវិថីព្រះមុនីវង្ស ជាមួយពហុកីឡដ្ឋានជាតិអូឡាំពិក។ ក្នុងឆ្នាំ២០១៥តម្លៃអចលនទ្រព្យតំបន់ខាងលើ មានកើនឡើងប្រហែល៣០ភាគរយ។ លោកបានប្រាប់ទៀតថា កាលពីដើមឆ្នាំ២០១៥ ដីនៅក្នុងសង្កាត់បឹងព្រលឹតក្នុង១ម៉ែត្រការ៉េ មានតម្លៃប្រហែល៣០០០ដុល្លារ ខណៈបច្ចុប្បន្នមានតម្លៃប្រហែល៤០០០ដុល្លារក្នុង១ម៉ែត្រការ៉េ ហើយថែមទាំងពិបាករកដីទិញបានទៀតផង។

លោកបន្តថា “អចលនទ្រព្យតំបន់បឹងព្រលឹតកំពុងមានសក្តានុពលខ្លាំង ហើយសម្រាប់ឆ្នាំ២០១៦ នេះខ្ញុំគិតថា អចលនទ្រព្យនៅទីនោះនឹងកើនតម្លៃច្រើនបន្ថែមទៀត។

មានកត្តាធំៗចំនួន២ ដែលធ្វើឲ្យតម្លៃដីនៅតំបន់បឹងព្រលឹតកើនឡើង ទី១ ការជះឥទ្ធិពលពីគម្រោងអភិវឌ្ឍន៍ Olympia City, Star City, និងគំរោងអភិវឌ្ឍន៍ជាច្រើនទៀត ដែលស្ថិតនៅជុំវិញពហុកីឡដ្ឋានជាតិអូឡាំពិក និងតម្លៃដ៏ខ្ពស់របស់ដីនៅតំបន់បឹងកេងកង១៕

Condo-Tel ទស្សនទាននៃការវិនិយោគថ្មីមួយទទួលបានជោគជ័យ

December 12, 2017

0

ដោយ៖ គង់ សូរិយា

ភ្នំពេញ៖ CondoTel ជាទម្រង់វិនិយោគថ្មីមួយ ដែលប្រែក្លាយខុនដូមកជាសណ្ឋាគារប្រណីតកំពុងទទួលបានជោគជ័យ ក្នុងទស្សនទាននៃការអភិវឌ្ឍន៍ថ្មីសំរាប់ទីក្រុងភ្នំពេញ។

លោក មាស ង៉ែតវាស នាអគ្គនាយកក្រុមហ៊ុន NAKI GROUP ជាក្រុមហ៊ុននាំមកនូវទស្សនទាននៃការវិនិយោគថ្មីនេះ បានថ្លែងឲ្យដឹងកាលពីពេលថ្មីៗនេះថា RESIDIA CondoTel ជាប្រភេទធុរកិច្ចថ្មីមួយ ដែលបាននិងកំពុងចាប់ផ្តើមដំបូងគេនៅរាជធានីភ្នំពេញ តាមរយៈការផ្តល់សេវាកម្ម ពីក្រុមហ៊ុនជំនាញមកពីសហរដ្ឋអាមេរិក ដែលបានចូលរួមសហការ ដើម្បីផ្តល់សេវាកម្មគ្រប់គ្រងប្រកបដោយភាពកក់ក្តៅ និងច្នៃប្រឌិតដល់អតិថិជន។

លោកបន្តថា “សេវា Condo-Tel នឹងជាសេវាមានលក្ខណៈចម្រុះដែលរួមបញ្ជូលនូវសេវាកម្មខុនដូ ដោយក្នុងចំណោមផ្ទះ១១០យូនីត នៅក្នុងអគារ Silver Town នឹងត្រូវប្រើប្រាស់ ៥០ភាគរយជា Condo-Tel និង ៥០ភាគរយជាខុនដូ។

លោកបន្តថា “ខ្ញុំជឿជាក់ថាគម្រោងនេះនឹងទទួលបានជោគជ័យ ដោយយើងផ្តោតសំខាន់លើអតិថិជនជាអ្នក Business Travelling និងអតិថិជន ដែលត្រូវការសេវាស្នាក់នៅមានលក្ខណៈជាឯកជន។

សេវាកម្ម Condo-Tel ជាសេវាមានភាពស្រដៀងគ្នានឹងសណ្ឋាគារ ប៉ុន្តែការរៀបចំសេវាបែបនេះ គឺធ្វើយ៉ាងណាឲ្យភ្ញៀវមានអារម្មណ៍ថា ដូចជាផ្ទះទី២ របស់ពួកគេដោយពួកគេអាចចម្អិនអាហារបានដោយខ្លួនឯង អាចរៀបចំតុបតែងបន្ទប់របស់ពួកគេ និងពួកគេទទួលបានសេវាកម្ម និងការបំពាក់សម្ភារៈប្រើប្រាស់គ្រប់មុខ រួមទាំងកន្លែងហាត់ប្រាណ អាងហែលទឹក សេវាកម្មសម្អាត ភោជនីយដ្ឋាន សេវាម្ហូបអាហាររយៈពេល២៤ម៉ោងជាដើម។

លោក មាស វាសនាដែលទទួលបានការបណ្តុះបណ្តាលពីការបម្រើសេវាកម្ម និងគ្រប់គ្រងអគារពីសហរដ្ឋអាមេរិកបានបន្តថា ការផ្តល់សេវាកម្មគ្រប់គ្រងអគារមានសារៈសំខាន់ណាស់ ព្រោះសេវាកម្ម ជាកត្តាស្លាប់រស់របស់សេវាកម្មខុនដូថែល។ ហេតុដូច្នេះទើបយើងផ្តោតលើការគ្រប់គ្រង និងបម្រើសេវាកម្ម ឲ្យបានល្អឥតខ្ចោះជូនអតិថិជន។

លោកបន្តថា “យើងបានគិតពី ស្តង់ដារ និងរៀបចំទទួលបដិសណ្ឋារកិច្ចភ្ញៀវបែបណា ដើម្បីពេលពួកគេមកដល់ទីតាំងរបស់យើង ពួកគេទទួលបានអារម្មណ៍ កក់ក្តៅ និងប្រកបដោយផាសុខភាពខ្ពស់។

តម្លៃស្នាក់នៅក្នុង Condo-Tel ដែលមានការរៀបចំសេវាកម្មដូចសណ្ឋាគារផ្កាយប្រាំមានតម្លៃបន្ទប់ចន្លោះពី១៤០ទៅ១៥០ដុល្លារក្នុងមួយយប់។
លោកវាសនាបានបន្តថា សេវាកម្ម Condo-Tel បានចាប់ផ្តើមនៅកម្ពុជារួចហើយ ប៉ុន្តែនៅមានតិចនៅឡើយនៅទីក្រុងភ្នំពេញ“ដូច្នេះយើងមិនបារម្ភពីការប្រកួតប្រជែងនោះទេ ផ្ទុយទៅវិញយើងជឿជាក់ថា នឹងទទួលបានជោគជ័យ ព្រោះសេវាកម្មបែបនេះនឹងមានលក្ខណៈល្អប្រសើរនាពេលអនាគត។

លោក ហូ វណ្ឌី អគ្គលេខាធិការសម្ព័ន្ធសមាគមទេសចរណ៍ជាតិកម្ពុជា បានថ្លែងថា សេវាកម្ម Condo-Tel ជាសេវាកម្មថ្មីសម្រាប់កម្ពុជា ប៉ុន្តែវាជាសេវាចាស់នៅប្រទេសរីកចម្រើននានា ប៉ុន្តែសេវាកម្មនេះនឹងមានការរីកចម្រើនខ្លាំងនៅកម្ពុជា ក្រោយពេលគេយល់ច្បាស់ពីវិស័យនេះ ពិសេសពេលកម្ពុជាធ្វើការរៀបចំហេដ្ឋារចនាសម្ព័ន្ធ និងសន្តិសុខបានល្អប្រសើរ នឹងមានភ្ញៀវបុកចូលមកច្រើន ដោយសារការធ្វើសមាហរណកម្មអាស៊ាន។

លោកបន្តថា “សេវាកម្ម Condo-Tel ជាសេវាកម្មស្នាក់នៅរយៈពេលខ្លី និងវែង ដែលមានលក្ខណៈគ្រួសារ ឬជាបុគ្គល ដែលពួកគេអាចចម្អិនអាហារ អាចរៀបចំតុបតែងដាក់រូបថត ឬសម្ភារៈប្រើប្រាស់នៅក្នុងបន្ទប់ស្នាក់នៅរបស់ពួកគេ ប្រៀបបី ដូចជាផ្ទះរបស់ពួកគេបាន ប៉ុន្តែភ្ញៀវមិនអាច ផ្លាស់ប្តូរទម្រង់ដើមនៃបន្ទប់របស់ពួកគេនោះទេ។

លោកបន្តថា “សេវាកម្មនេះទើបចាប់ផ្តើមនៅកម្ពុជា ប៉ុន្តែវានឹងមានការរីកចម្រើនខ្លាំងនាពេលអនាគត ព្រោះការធ្វើសមាហរណកម្មអាស៊ាន អាចមានភ្ញៀវធ្វើដំណើរជាលក្ខណៈគ្រួសារ ឬឯកជន ពួកគេត្រូវការសេវាបែបនេះ”៕

Take a Glance at the Condo Market in 2017

December 12, 2017

0

High-rise buildings in Phnom Penh are growing every day – most are condominium buildings that have gathered investments from national and international investors.

Market experts acknowledge that sales growth have slowed down over the previous years. Some people are still optimistic about the future market, as well as socio-economic conditions and demographic factors. The CBRE Cambodia releases report in Q3, show condo market increase 1 percent compare to last year in same period.

Sorn Seap, founder of Key Real Estate, said recently that condominiums are dominant within the real estate sector and there is a concern that the market may get stuck or have problems in the future: “However, if we see the number of supply and demand of condominiums currently it is not excessive for the market. But for the future, the condo supply is certainly large compared to the demand. But we don’t know what will happen to the market for the next two or three years. What will change over time?”

“The progress of ASEAN integration, economic growth, and the number of urban residents has increased. This causes heavy traffic and makes it difficult to travel. Combine this with the rise in land prices – I think people will live in condominiums in the future,” Seap said.

Experts in this sector raised similar experiences with neighboring counties that are similar to Cambodia such as Thailand, Malaysia, etc. These countries spent between 10 to 20 years to change the mindset of citizens to live in condominiums, and the cause of the change is due to traffic congestion and intensified land and housing prices. This has made people decide to live in condos because condos are more civilized forms of residences and are located near their workplaces.

Michael S. Nhim, member of Investors of SIDO Group, said he thinks the real estate market of luxury buildings — including condominiums – will be in a state of stagnation in 2017 due to a number of issues. First will be the slowdown of the economy in China. There’s also the growth of supply, and the concern from investors regarding the elections in the future.

He added, “I think the luxury property market is in a stupor, the same as 2016, but I think that real demand from the middle-income citizens will increase because Cambodia has a young population and they’ll need to prepare for their future family’s housing.”

Because the market is experiencing a slowdown, Nhim said that there will be some projects that might be completed later than the proposed time limit, and the construction and completion of some projects may be delayed.

Associate director of CBRE Cambodia, Ann Sothida, also said recently that the real estate market in the ASEAN region, not only in Cambodia, has slowed. And some markets in the region have been slowing down as well, with only Vietnam seeing increases in sales.

She continued, “This is the normal cycle of the industry. It’s not alarming because real estate is always decreasing and increasing between markets across countries.”

President of the Cambodia Valuers and Estate Agents Association, Kim Heang, said he thinks

That the condo market will be calm in 2017 and a few projects will be completed. He said that some construction projects may be delayed or cease construction if developers wait for customers’ investment capital to build. But developers with their own budget to build shouldn’t be concerned.

He continued, “The developers with their own capital to build have no fear of succeeding in its plans because the situation is not so serious or there is nothing alarming”.

However, Sear Rithy, CEO of World Bridge Land, which has built The Bridge project and The Peak with nearly $1 billion of investment capital, has been downplaying the issue, saying that the decrease in condominium sales came as a surprise. But, in fact, there are some companies whose sales have increased. But if combined, the figures show that the condo market did not diminish in terms of the speed of sale.

He added, “I think that in 2017 the market will be better because the country’s economy is still seeing strong growth and political stability.

គន្ឋបុប្ឆាបើកមជ្ឈមណ្ឌលព័ត៌មានរំលឹកការចងចាំដល់វីរបុរសកុមារកម្ពុជា

December 11, 2017

0

ដោយ៖ គង់ សូរិយា

ភ្នំពេញ៖ ស្លាកស្នាមអនុស្សាវរីយ៍ សមិទ្ឋិផលការងារ និងការចងចាំមួយដែលមិនអាចបំភ្លេចបាន ត្រូវបានដាក់តាំងបង្ហាញ នៅក្នុងសាលនៃមជ្ឈមណ្ឌលព៌តមានគន្ឋបុប្ឆា ជាសាលមួយដែលឧទ្ទិសសម្រាប់ការពលីកម្ម របស់លោកវេជ្ជបណ្ឌិតBeat Richner ដែលបានលះបង់ពេលវេលាជាងពីរទសវត្សរ៍ ដើម្បីសង្គ្រោះកុមារកម្ពុជា។

“គាត់លែងអាចត្រលប់មកកម្ពុជាវិញហើយ” ដោយសារជំងឺធ្ងន់ធ្ងររបស់លោ ក ប៉ុន្តែកេរ្ត៍ឈ្មោះ និងការលះបង់ដោយគ្មានការនឿយហត់ របស់លោកវេជ្ជបណ្ឌិត Beat Richner ស្ថាបនិក និងជាប្រធានមូលនិធិគន្ឋបុប្ឆាត្រូវបានដាក់បង្ហាញក្នុងមជ្ឈមណ្ឌលនេះ ដែលបើកឲ្យសាធារណៈជនចូលទស្សនាចាប់ពីម៉ោង៨ព្រឹកដល់១១ថ្ងៃត្រង់ និងពីម៉ោង២ដល់៤,៣០នាទីរសៀល ចាប់ពីថ្ងៃច័ន្ទដល់ថ្ងៃសុក្រ និងបើកចាប់ពីម៉ោង៨ព្រឹកដល់១១ព្រឹកសម្រាប់ថ្ងៃសៅរ៍។

ជាអ្នកធ្វើការងារជាមួយលោកវេជ្ជបណ្ឌិត Beat Richner តាំងពីដើមមកលោកវេជ្ជបណ្ឌិតដេនីស ឡូរ៉ង់បានមានប្រសាសន៍ឲ្យដឹងថា មជ្ឈមណ្ឌលព៌តមានគន្ឋបុប្ឆាបានបើកដំណើរការកាលពីថ្ងៃទី៥ ធ្នូកន្លងមកនេះ ក្រោមព្រះរាជធបតីភាពសម្តេចព្រះបរមនាថ នរោត្តម សីហមុនី និងសម្តេចម៉ែ ព្រមទាំងមានការអញ្ជើញចូលរួមពីសម្តេចកិត្តិព្រឹទ្ឋបណ្ឌិតប៊ុន រ៉ានី ហ៊ុន សែនស្ត្រីទី១កម្ពុជា និងជាប្រធានកាកបាតក្រហមកម្ពុជា។

មជ្ឈមណ្ឌលព៌តមាននេះ ស្ថិតក្នុងបរិវេណមន្ទីរពេទ្យគន្ឋបុប្ឆា ខាងជើងវត្តភ្នំ និងស្ថិតនៅចន្លោះមន្ទីរពេទ្យមិត្តភាពកម្ពុជា ជប៉ុន និងអាគារមន្ទីរពេទ្យគន្ឋបុប្ឆា។

លោក ដេនីស ឡូរ៉ង់ បានបន្តថា “សមិទ្ឋិផលរយៈពេល ២៥ឆ្នាំ បានដាក់តាំងបង្ហាញក្នុងមជ្ឈម ណ្ឌលនេះ ដើម្បីរំលឹកនឹកគុណដល់លោកវេជ្ជបណ្ឌិត Beat Richner ដែលបានលះបង់កំលាំងកាយចិត្តសម្រាប់មន្ទីរពេទ្យនេះ។លោកបន្តថា “បច្ចុប្បន្នទោះបីអវត្តមានរបស់គាត់ក៏ដោយ ប៉ុន្តែភាពជាអ្នកដឹកនាំ ការគោរពក្រមសីលធ៌មវិជ្ជាជីវៈរបស់គ្រូពេទ្យនៅទីនេះ រដ្ឋាភិបាលកម្ពុជា និងរដ្ឋាភិបាល ព្រមទាំងប្រជាជនស្វីសនៅតែប្តេជ្ញាគាំទ្រដល់ដំណើរការមន្ទីរពេទ្យនេះ។

ចាប់តាំងពីបើកឲ្យសាធារណៈជនចូលទស្សនាឥតគិតថ្លៃ មានសម្បុរសជនបានបរិច្ចាកទឹកប្រាក់ជាង ៤០០០ដុល្លារហើយ សម្រាប់មន្ទីរពេទ្យនេះ។

លោកដេនីស ឡូរ៉ង់បានបន្តថា ការបើកមជ្ឈមណ្ឌលនេះ ក៏ជាផ្នែកមួយផ្តល់ជូនសាធារណៈជូន សម្រាប់ការយល់ដឹងពីមន្ទីរពេទ្យនេះ និងបានដឹកពីសកម្មភាពរបស់លោកសាស្ត្រាចារ្យ Beat Richner ដើម្បីឲ្យពួកគេចូលរួមចំណែកជួយគាំទ្រជាមូលនិធិបន្ត ដល់មន្ទីរពេទ្យដែលផ្តល់ការព្យាបាលដោយឥតគិតថ្លៃដ៏ធំនេះ។

លោកសាស្ត្រាចារ្យគី សន្ទទីប្រធានមន្ទីរពេទ្យគន្ឋបុប្ឆារាជធានីភ្នំពេញបានថ្លែងថា មានប្រជាពលរដ្ឋមួយចំនួន ចង់ចូលមើលសកម្មភាពក្នុងមន្ទីរពេទ្យនេះ ប៉ុន្តែជាគោលការណ៍មន្ទីរពេទ្យមិនអនុញ្ញាត្តនោះទេ ដោយសារជាកន្លែងព្យាបាលជំងឺ និងមន្ទីរពេទ្យប្រកាន់យកគោលការណ៍គោរពសិទ្ឋឯកជនរបស់អ្នកជំងឺ។

លោកបន្តថា បច្ចុប្បន្នរាជរដ្ឋាភិបាលកម្ពុជា បានផ្តល់ការឧបត្ថម្ភ៦លានដុល្លារក្នុងមួយឆ្នាំ កាកបាតក្រហមកម្ពុជាផ្តល់១លានដុល្លារ និងមូលនិធិបានពីការលក់សំបុ ត្រចូលទស្សនាអង្គប្រមាណជាង៣លានដុល្លារ ព្រមទាំងថវិកាពីរដ្ឋាភិបាលស្វីល៤លានដុល្លារទៀត ហើយមូលនិធិគន្ឋបុប្ឆានៅតែបន្តសកម្មភាព មិនមានសញ្ញាថយចុះនោះទេ៕

TV STAR វិនិយោគជិត១០លានដុល្លារសាងសង់ផ្ទះល្វែងទំនើប

December 11, 2017

0

ដោយ៖ ដួង ចន្ទ្រា

ភ្នំពេញ៖ ក្រុមហ៊ុន TV STAR បានសម្រេចវិនិយោគ១០លានដុល្លារ សាងសង់គម្រោងផ្ទះល្វែងវីឡាទំនើបដំបូងបង្អស់នៅកម្ពុជា និងគ្រោងបញ្ចប់ក្នុងរយៈពេល១៦ខែ។

អគ្គនាយកក្រុមហ៊ុន TV STAR លោកសាំង វាសនាបានថ្លែងក្នុងឱកាសបើកសម្ពោធលក់គម្រោងផ្ទះល្វែងវីឡាទំនើបនាព្រឹកថ្ងៃទី១១ ខែធ្នូឆ្នាំ២០១៧ថា ក្រុមហ៊ុន TV STAR នឹងសាងសង់ផ្ទះល្វែងបែបវីឡាទំនើបចំនួន៨៩ល្វែង និងចែកចេញជា៣ប្រភេទផ្សេងគ្នា។លោកបន្ថែមថា ផ្ទះល្វែងបែបវីឡាប្រណីតនេះ មានងតម្លៃចាប់ពី៦ម៉ឺនដុល្លារអាមេរិកឡើង នឹងទទួលបានផ្ទះប្រណីត ដែលមានទីតាំងនៅក្បែរទីប្រជុំជន និងមានការតុបតែងខាងក្នុងជាលក្ខណៈផ្ទះវីឡាបំពាក់ ដោយសំភារៈទំនើបៗបែបលំដាប់ផ្កាយ ទាំងគុណភាពសំណង់ និងគុណភាពទឹកថ្នាំ សុទ្ធតែមានស្តង់ដាគុណភាពខ្ពស់ និងទទួលបានប្លង់រឹងផងដែរ។ គំរោងនេះស្ថិតក្នុងសង្កាត់ទួលពង្រ ខ័ណ្ឌដង្កោ ក្រុងភ្នំពេញ។

លោក វេង ស៊ីគួរទីប្រឹក្សាជាន់ខ្ពស់ TV STAR បានបញ្ជាក់បន្ថែមថា ផ្ទះល្វែងវីឡាទំនើបនេះធ្វើឡើងសម្រាប់អតិថិជនគោលដៅ ដែលមានកម្រិតជីវភាពមធ្យម ទៅកាន់អតិថិជនមានជីវភាពធូរធារ និងសម្រាប់អ្នកមានប្រាក់ចំណូល ចាប់ពីចន្លោះ៦០០ដុល្លារឡើងទៅ ជាលក្ខណៈគ្រួសារ អាជីវករ អ្នកធ្វើការក្នុងការិយាល័យជាដើម។ លោកបន្ថែមថា អតិថិជនអាចទទួលបានទំនុកចិត្តខ្ពស់ពីក្រុមហ៊ុន TV STAR ដោយក្រុមហ៊ុនធានាជូននូវគុណភាព និងប្លង់រឹងស្របតាមផ្លូវច្បាប់ផងដែរ ហើយគិតត្រឹមមកដល់ពេលនេះ ផ្ទះល្វែងវីឡាទំនើបលក់បានចំនួន៤០ល្វែង។ វាជាជោគជ័យមួយហួសពីការរំពឹងទុក។

លោក អោម សេងបូរ៉ា ជាស្ថាបនិក CEO Master Club និងជាដៃគូរសហការរបស់លំនៅដ្ឋាន ផ្ទះល្វែងវីឡាទំនើប TV STAR ក៏បានបញ្ជាក់បន្ថែមថា ផ្ទះល្វែងវីឡាទំនើបនេះ រូបរាងខាងក្រៅជាផ្ទះល្វែង ហើយខាងក្នុងមានលក្ខណៈជាស ណ្ឋាគារលំដាប់ផ្កាយ ដែលផ្ដល់នូវការពេញចិត្តចំពោះអតិថិជន។ លោកបន្តថា ផ្ទះល្វែងវីឡាទំនើបនេះ នឹងនាំមុខគេ និងជាគំរូផងដែរ៕

កម្ពុជា សឹង្ហបុរី រួមគ្នាវិនិយោគលើប្រព័ន្ធទូទាត់ប្រាក់តាមប្រព័ន្ធឌីជីថលថ្មី

December 11, 2017

0

ដោយ៖ ដែន ចែងចាំង

ភ្នំពេញ៖ ក្រុមហ៊ុនក្នុងស្រុក គឺធនាគារកាណាឌីយ៉ា អ៊ិនវេសមេនហូលឌីង ក.អ និងក្រុមហ៊ុនហ្វុលលើតុន នៃប្រទេសសិង្ហបុរីបានវិនិយោគរួមគ្នាលើប្រព័ន្ឋទូទាត់សាច់ប្រាក់បែបឌីជីថល ជាអ្វីដែលក្រុមហ៊ុនទាំងពីរមើលឃើញភាពវិជ្ជមានក្នុងឧស្សាហកម្មនេះ។

នាយកប្រតិបត្តិជាន់ខ្ពស់ក្រុមហ៊ុន ហ្វុលលើតុន និងជាប្រធានក្រុមប្រឹក្សាភិបាលក្រុមហ៊ុនតារាផេ លោក Loh Niap Juan បានថ្លែងឲ្យដឹង ក្នុងបើកពិធីសម្ភោធក្រុមហ៊ុននាព្រឹកថ្ងៃទី១១ ធ្នូនេះថា សេវាទូទទាត់តាមប្រព័ន្ធឌីជីថល អាចផ្លាស់ប្តូរទិដ្ឋភាពសេវាកម្មហិរញ្ញវត្ថុ នៅក្នុងប្រទេសដទៃទៀតជាច្រើនជាពិសេសនៅប្រទេសចិន។ លោកបន្តថា ប្រទេសកម្ពុជា កំពុងស្ថិតនៅចំណុចបត់បែនមួយក្នុងការអភិវឌ្ឍប្រព័ន្ធទូទាត់តាមប្រព័ន្ធឌីជីថល ប៉ុន្តែយ៉ាងណាក៏ដោយលោកសង្ឃឹមថា តារាផេ នឹងបង្កើតបានភ្នាក់ងារបស់ខ្លូនដល់ទៅ២៦០០ កន្លែងនៅចុងឆ្នាំ២០១៩ខាងមុខ ដើម្បីធានាអតិថិជននឹងទទួលបាន សេវាកម្មកាន់តែរហ័សទាន់ចិត្ត។

នាយកប្រតិបត្តិធនាគាកាណាឌីយ៉ា លោក Quah Boon Leng បានលើកឡើងផងដែរថា ស្របពេលដែលប្រទេសកម្ពុជា កំពុងរីកចម្រើនយ៉ាងលឿន ក្រុមហ៊ុនក៏កំពុងធ្វើការអភិវឌ្ឍខ្លួនឥតឈប់ឈរ ដើម្បីបង្កើតសេវារហ័សទាន់ចិត្ត មានសុវត្ថិភាព ជូនអតិថិជន។ លោកបន្តថា តារាផេ ជាបច្ចេកវិទ្យាថ្មីមួយ ដែលជួយឲ្យប្រជាពលរដ្ឋកាត់បន្ថយការកាន់សាច់ប្រាក់ ដោយផ្ទាល់យកទៅប្រើប្រាស់លើទីផ្សារ វាផ្តល់ភាពងាយស្រួល ទំនុកចិត្ត ឆាប់រហ័ស ដែលអតិថិជនអាច ធ្វើការដកប្រាក់ ដាក់ប្រាក់ បញ្ចូលកាតទូរស័ព ទូទាត់កម្ចីតាមគ្រឹះស្ថានមីក្រូហិរញ្ញវត្ថុ និងទូទាត់ វិក្កយបត្រជាមួយក្រុមហ៊ុនជាដៃគូផងដែរ។

លោកស៊ុំ សន្និសីទទេសាភិបាលរងធនាគាជាតិនៃកម្ពុជាបានថ្លែងថា ការបើកសម្ពោធសេវាថ្មីនេះ ជាជម្រើសថ្មីមួយទៀតសំរាប់អតិថិជន ជាមួយការប្រើប្រាស់បច្ចេកវិទ្យាកាន់តែទំនើប សម្បូរបែប និងធានាបាននូវប្រសិទ្ធិភាព គុណភាព និងតម្លៃសេវាកាន់តែមានភាពប្រគួតប្រជែង។លោកបន្តថា ស្របពេលប្រទេសជាតិមានការរីកចម្រើន វិស័យធនាគាក៏មានការីកច្រើន គួអោយកត់សម្គាល់ផងដែរ និងនៅតែបន្តគាំទ្រសំខាន់សំរាប់ការអភិឌ្ឍសេដ្ឋកិច្ចជាតិ៕

ជប៉ុនវិនិយោគ ៣លានដុល្លារ លើឧទ្យាន Techno Park Poipet

December 11, 2017

0

ភ្នំពេញ៖ ក្រុមហ៊ុន Toyota Tsusho Corporation ដែលមានមូលដ្ឋាននៅប្រទេសជប៉ុន បានបោះទុនវិនិយោគទឹកប្រាក់ចំនួន៣លានដុល្លារ ដែលមានឈ្មោះថា Techno Park Poipet ជាសួនឧទ្យានឈានមុខគេរបស់ប្រទេសជប៉ុនដែលផ្តល់ឱកាសថ្មីសម្រាប់ការងារ និងការផ្លាស់ប្តូរជំនាញរបស់ប្រទេស។

រដ្ឋមន្ត្រីទទួលបន្ទុកនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាលោកសុខចិន្តា សោភា បានស្វាគមន៍យ៉ាងកក់ក្តៅនូវវត្តមានសួនឧទ្យាននេះ ដោយចាត់ទុកវាជាមោធិបតេយ្យមួយ សម្រាប់ការវិនិយោគវិទ្យាសាស្ត្របច្ចេកវិទ្យាជប៉ុនបន្ថែមទៀតនៅក្នុងប្រទេសកម្ពុជា។ លោកបន្តថា ក្រុមហ៊ុន Techno Park Poipet មិនត្រឹមតែធ្វើពិពិធកម្មការវិនិយោគនៅកម្ពុជាប៉ុណ្ណោះទេ ប៉ុន្តែថែមទាំងបង្កើតការងារ និងផ្ទេរជំនាញដល់អ្នកស្រុកផងដែរ ស្របតាមគោលនយោបាយអភិវឌ្ឍន៍ឧស្សាហកម្ម 2015-2025 របស់រដ្ឋាភិបាល។

លោក Takayuki Tatsuta នាយកគ្រប់គ្រងក្រុមហ៊ុន Toyota Tsusho បានឱ្យដឹងថា ការដាក់ឧទ្យានបច្ចេកវិទ្យានៅប៉ោយប៉ែត គឺជាការវិនិយោគល្អបំផុតដោយសារវានៅជិតរាជធានីភ្នំពេញ និងទីក្រុងបាងកកនៃប្រទេសថៃដែលអនុ ញ្ញាតឱ្យមានការដឹកជញ្ជូនទំនិញកាន់តែងាយស្រួល។ លោកបន្តទៀតថា ក្រៅពីការផលិតគ្រឿងបន្លាស់របស់យានយន្ត ឧទ្យាននេះក៏បានបង្ហាត់បង្រៀនឲ្យប្រជាពលរដ្ឋខ្មែរអាចធ្វើការសម្រាប់ឧស្សាហកម្មនេះផងដែរ ហើយរហូតមកដល់ពេលនេះមានក្រុមហ៊ុន៥ ដែលកំពុងប្រតិបត្តិការនៅក្នុងតំបន់បច្ចេកវិជ្ជា ដែលផ្តល់ការងារដល់ប្រជាជនកម្ពុជាជាង១៥០នាក់។

លោកបន្តថា “ប្រទេសកម្ពុជាគឺជាប្រទេសទីបួន ដែលមានសួនបច្ចេកទេសជប៉ុន ដោយរួមមានប្រទេសឥណ្ឌាថៃនិងឥណ្ឌូនេស៊ី។

លោក Horinouchi Hidehisa ឯកអគ្គរាជទូតជប៉ុនប្រចាំកម្ពុជា បានសម្តែងការអរគុណចំពោះប្រទេសកម្ពុជា និងបានអះអាងជាថ្មីម្តងទៀតនូវការប្តេជ្ញាចិត្តរបស់លោក ក្នុងការជួយលើកទឹកចិត្តដល់ការវិនិយោគជប៉ុន ឲ្យមកវិនិយោគនៅ កម្ពុជាកាន់តែច្រើនឡើង។

យោងតាមទិន្នន័យរបស់ CDC បានបង្ហាញថា បច្ចុប្បន្ននេះមានគម្រោងវិនិយោគជប៉ុនចំនួន១១៥ ដែលមានតម្លៃជាង១ពាន់លានដុល្លារ និងបានផ្តល់ការងារដល់ប្រជាជនកម្ពុជាប្រមាណ៣៦,០០០នាក់នៅទូទាំងប្រទេស៕