ក្រុមហ៊ុនផលិតរថយន្តដឹកប្រេងឥន្ធនៈចាក់យន្តហោះរបស់ថៃ BAFS គ្រោងពង្រីកខ្លួនមកកាន់កម្ពុជា

ដោយ: គង់ លាងហួរ
បាងកក: ក្រុមហ៊ុន Bangkok Aviation Fuel Services (BAFS) ដែលមានជំនាញខាងសេវាកម្មឥន្ធនៈអាកាសចរណ៍ និងហេដ្ឋារចនាសម្ព័ន្ធថាមពលរបស់ថៃគ្រោងពង្រីកខ្លួននៅក្រៅប្រទេស ដែលក្នុងនោះអាកាសយានដ្ឋានអន្តរជាតិថ្មីរបស់កម្ពុជា ជាទីផ្សារគោលដៅបន្ទាប់របស់ខ្លួនក្នុងតំបន់អាស៊ាន។

លោក ML Nathasit Diskul ប្រធានក្រុមហ៊ុន BAFS បានអះអាងថា ក្រុមហ៊ុនកំពុងពង្រីកខ្លួនយ៉ាងសកម្មទៅក្នុងទីផ្សារអន្តរជាតិ ដោយផ្តល់រថយន្តដឹកប្រេងឥន្ធនៈសម្រាប់ចាក់យន្តហោះចំនួន៧គ្រឿង និងរថយន្តជំនួយដល់អាកាសយានដ្ឋានថ្មីរបស់កម្ពុជា ដោយសំដៅលើអាកាសយានដ្ឋានអន្តរជាតិតេជោក្រុងតាខ្មៅ”។

ក្រុមហ៊ុន BAFS បានបើកដំណើរការអាជីវកម្មរថយន្តដឹកប្រេងឥន្ធនៈចាក់យន្តហោះនៅបរទេសតាមរយៈក្រុមហ៊ុនបុត្រសម្ព័ន្ធ Bafs Intech Co.។ក្រុមហ៊ុន BAFS Intech មានជំនាញក្នុងការរចនា ផលិត និងការផ្គុំរថយន្តដឹកប្រេងចាក់យន្តហោះ និងរថយន្តជំនួយសម្រាប់ប្រតិបត្តិការអាកាសយានដ្ឋាន។

ក្រុមហ៊ុនគ្រោងនឹងវាយលុកទីផ្សារអន្តរជាតិឱ្យកាន់តែខ្លាំងក្លា តាមរយៈការផលិតរថយន្តដែលមានសមត្ថភាពខ្ពស់ ស្របតាមតម្រូវការអាកាសយានដ្ឋាននានានៅតំបន់អាស៊ី។ លោក ML Nathasit បានមានប្រសាសន៍ឱ្យដឹងថា “យើងមានបំណងពង្រីកទៅកាន់ប្រទេសវៀតណាម ម៉ាឡេស៊ី ហ្វីលីពីន និងសិង្ហបុរី ក្នុងរយៈពេល៥ឆ្នាំខាងមុខ”។

ក្រុមហ៊ុន BAFS បានដាក់ក្តីរំពឹងថា ការលក់ប្រេងឥន្ធនៈរបស់ខ្លួននៅប្រទេសថៃនឹងកើនឡើង៨ភាគរយ នៅឆ្នាំនេះដល់ចំនួន៥,៤ពាន់លានលីត្រ ដែលនឹងត្រូវបានជំរុញដោយកំណើនរបស់វិស័យទេសចរណ៍ និងភាពល្អប្រសើរឡើងនៃហេដ្ឋារចនាសម្ព័ន្ធនៅតាមព្រលានយន្តហោះ៕

សន្ទុះនៃការលក់ក្នុងទីផ្សារលំនៅដ្ឋាននៅសិង្ហបុរីបង្ហាញសញ្ញានៃការធ្លាក់ចុះ

ដោយ: គង់ លាងហួរ
អន្តរជាតិ: គោលនយោបាយពន្ធគយរបស់សហរដ្ឋអាមេរិកត្រូវបានគេរំពឹងថា នឹងជះផលប៉ះពាល់លើការលក់លំនៅដ្ឋានរបស់ក្រុមហ៊ុនអភិវឌ្ឍន៍ឯកជននៅប្រទេសសិង្ហបុរីនារយៈពេលប៉ុន្មានខែខាងមុខនេះ។ នេះបើយោងតាមរបាយការណ៍ស្រាវជ្រាវនៅខែឧសភាចេញផ្សាយដោយក្រុមហ៊ុន Savills Singapore ។

លោក Alan Cheong នាយកប្រតិបត្តិផ្នែកស្រាវជ្រាវ និងប្រឹក្សាយោបល់នៅក្រុមហ៊ុន Savills Singapore បានលើកឡើងថា “ខណៈសង្រ្គាមពន្ធបានបង្កើនភាពមិនច្បាស់លាស់ដល់បរិយាកាសសេដ្ឋកិច្ច អ្នកទិញផ្ទះអាចមានការប្រុងប្រយ័ត្ន មុនពេលសម្រេចចិត្តទិញផ្ទះ” ។

លោក Alan Cheong បានមានប្រសាសន៍ឱ្យដឹងបន្តថា “ការប្រុងប្រយ័ត្ននេះអាចនឹងនាំឱ្យការលក់លំនៅដ្ឋានរបស់ក្រុមហ៊ុនអភិវឌ្ឍន៍ឯកជនធ្លាក់ចុះនាពេលខាងមុខ”។

សន្ទុះនៃការលក់នៅក្នុងទីផ្សារលំនៅដ្ឋានឯកជនរបស់សិង្ហបុរីបានធ្លាក់ចុះរួចទៅហើយ នៅមុនពេលលោកប្រធានាធិបតីអាមេរិក ដូណាល់ ត្រាំ ប្រកាសអត្រាពន្ធបដិការកាលពីខែមេសា។ តួយ៉ាង ការបើកដំណើរការលក់ផ្ទះថ្មីបានធ្លាក់ចុះ៨,៤ភាគរយក្នុងត្រីមាសទី១ ឆ្នាំ២០២៥ ខណៈពេលដែលការលក់ផ្ទះថ្មីបានធ្លាក់ចុះ១,៣ភាគរយធៀបនឹងត្រីមាសទី៤ ឆ្នាំមុន។

ស្របពេលជាមួយគ្នានេះ ការលក់ផ្ទះប្រភេទទី២ បានថយចុះ២ត្រីមាសជាប់ៗគ្នា ដោយបានធ្លាក់ចុះ៣,២ភាគរយបន្ថែមទៀតក្នុងត្រីមាសទី១ ឆ្នាំ២០២៥។ ក្រុមហ៊ុន Savills បានកត់សម្គាល់ថា ស្របពេលដែលការលក់ផ្ទះថ្មី និងការលក់ផ្ទះប្រភេទទី២បានធ្លាក់ចុះ ការលក់លំនៅដ្ឋានមិនជាប់ដី (Non-landed) ក៏បានធ្លាក់ចុះជាលើកដំបូងផងដែរ បន្ទាប់ពីកើនឡើង៣ត្រីមាសជាប់ៗគ្នា។

ការទិញលំនៅដ្ឋានមិនជាប់ដី ដូចជា ខុនដូ ដោយប្រជាជនសិង្ហបុរីបានធ្លាក់ចុះ២,៦ភាគរយធៀបនឹងត្រីមាសទី៤ ឆ្នាំមុនមកនៅត្រឹម៥.៦៩៩យូនីតក្នុងរយៈពេល៣ខែដើមឆ្នាំ២០២៥ ខណៈការទិញលំនៅដ្ឋានមិនជាប់ដីដោយជនបរទេសបានដាំក្បាលចុះ១៧,៦ភាគរយមកនៅត្រឹមតែ៧០យូនីតប៉ុណ្ណោះក្នុងអំឡុងពេលដូចគ្នានេះ៕ប្រភព: Edgeprop៕

អ្នកវិនិយោគចិនបណ្តាក់ទុនទិញអគារខុនដូនៅក្នុងទីក្រុងដ៏ធំមួយនៅតំបន់មជ្ឈិមបូព៌ា

ដោយ: គង់ លាងហួរ
អន្តរជាតិ: ទីផ្សារអចលនទ្រព្យនៅតំបន់មជ្ឈិមបូព៌ា ជាពិសេសនៅក្នុងទីក្រុងឌូបៃ និងទីក្រុងអាប៊ុយដាប៊ីរបស់ប្រទេសអេមីរ៉ាត់អារ៉ាប់រួម (UAE) កំពុងទាក់ទាញចំណាប់អារម្មណ៍ និងលំហូរដើមទុនវិនិយោគកាន់តែច្រើនពីបណ្តាអ្នកវិនិយោគនៅក្នុងប្រទេសចិន។

ក្រុមហ៊ុន Gaw Capital ដែលមានមូលដ្ឋាននៅទីក្រុងហុងកុងបានបោះទុនជាង១៥០លានដុល្លារអាមេរិកលើអគារលំនៅដ្ឋានមួយកន្លែងក្នុងទីក្រុងអាប៊ុយដាប៊ីកាលពីពេលថ្មីៗនេះ។ក្រុមហ៊ុនចិន Black Spade Capital ក៏បានបោះទុនក្នុងក្រុមហ៊ុនឈ្មួញជើងសារអចលនទ្រព្យ IFCX ដោយផ្តោតលើការអភិវឌ្ឍន៍ទីផ្សារអចលនទ្រព្យ រួមទាំងនៅតំបន់មជ្ឈឹមបូព៌ាផងដែរ។

ទន្ទឹមនឹងនេះ ការសាកសួររបស់អតិថិជនចិនចំពោះការទិញអចលនទ្រព្យនៅប្រទេសអេមីរ៉ាត់អារ៉ាប់រួមបានហក់ឡើង២៨ភាគរយនៅក្នុងត្រីមាសទី១ ឆ្នាំ២០២៥ ធៀបនឹងឆ្នាំមុន។នេះបើយោងតាមទិន្នន័យពីក្រុមហ៊ុនបច្ចេកវិទ្យាអចលនទ្រព្យ Juwai IQI ។

ប្រភពទិន្នន័យខាងលើបានបង្ហាញថា បណ្តាវិនិយោគិនបរទេសបានទិញអចលនទ្រព្យក្នុងទំហំទឹកប្រាក់សរុបជាង២ពាន់លានដុល្លារអាមេរិកក្នុងទីក្រុងអាប៊ុយដាប៊ី (Abu Dhabi) ក្នុងឆ្នាំ២០២៤ ហក់ឡើង១២៥ភាគរយធៀបនឹងឆ្នាំ២០២៣។ ក្រុមហ៊ុន Juwai IQI បានបញ្ជាក់ថា ប្រទេសចិនជាប្រភពដើមទុនវិនិយោគកំពូល រួមជាមួយនឹងសហរដ្ឋអាមេរិក អង់គ្លេស បារាំង កាហ្សាក់ស្ថាន និងប្រទេសរុស្ស៊ី។

ក្រុមហ៊ុន Gaw Capital បានបោះទុនវិនិយោគដើម្បីទិញអគារខុនដូមួយនៅក្នុងគម្រោងមានដង់ស៊ីតេទាប “Mamsha Gardens”ស្ថិតនៅលើកោះ Saadiyat នៅក្នុងទីក្រុងអាប៊ុយដាប៊ី ដែលគម្រោងនេះមានអគារខុនដូសរុបទាំងអស់ចំនួន៧។

លោក Kashif Ansari សហស្ថាបនិក និងជានាយកប្រតិបត្តិក្រុមហ៊ុន Juwai IQI បានអះអាងថា ក្រុមហ៊ុន Gaw Capital បានទិញអគារនោះពីក្រុមហ៊ុន Aldar ដែលជាអ្នកអភិវឌ្ឍន៍ធំជាងគេនៅទីក្រុង Abu Dhabi៕ប្រភព: SCMP៕

តម្លៃហាងឆេងមាសបានស្ថិតក្នុងសភាពទ្រឹងនៅថ្ងៃអង្គារនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានស្ថិតក្នុងសភាពទ្រឹងក្នុងការជួញដូរនៅព្រឹកថ្ងៃអង្គារនេះ ដោយសារការធ្លាក់ថ្លៃចុះរបស់ប្រាក់ដុល្លារ និងការព្រួយបារម្ភលើទស្សនវិស័យសារពើពន្ធរបស់សហរដ្ឋអាមេរិក ខណៈក្រុមអ្នកវិនិយោគកំពុងរង់ចាំមើលទិន្នន័យសេដ្ឋកិច្ចបន្ថែមទៀតរបស់សហរដ្ឋអាមេរិក។

តួយ៉ាង តម្លៃមាស Spot Gold បានស្ថិតនៅទ្រឹងត្រឹមប្រមាណ៣.៣៤២ដុល្លារក្នុងមួយអោន។ ប៉ុន្តែ តម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,៦៦ភាគរយដល់៣៣៤៣,៦០ដុល្លារក្នុងមួយអោនគិតត្រឹមម៉ោង១០:៥៣នាទីព្រឹក។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាសចំនួន៩៤,៤ភាគរយ ដែលធនាគារកណ្តាលអាមេរិក (Fed) នឹងរក្សាទុកអត្រាការប្រាក់ឱ្យនៅថេរដដែលក្នុងកិច្ចប្រជុំគោលនយោបាយនៅថ្ងៃទី១៨ ខែមិថុនាខាងមុខនេះ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិកធៀបនឹយងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះមកនៅត្រឹម៩៨,៩១ពិន្ទុនៅព្រឹកថ្ងៃអង្គារនេះ បន្ទាប់ពីបានបិទការជួញដូរត្រឹម៩៩,១១ពិន្ទុកាលពីថ្ងៃចន្ទម្សិលមិញ។

ចំណែក តម្លៃលោហៈធាតុប្រាក់ Spot silver បានធ្លាក់ចុះ០,៣៥ភាគរយដល់៣៣,៤៩ដុល្លារក្នុងមួយអោន ខណៈតម្លៃផ្លាទីនបានធ្លាក់ចុះ០,៤៧ភាគរយដល់១០៨៣,៣ដុល្លារក្នុងមួយអោន ហើយតម្លៃ palladium បានធ្លាក់ចុះ១,៧៣ភាគរយដល់៩៨៦,៥ដុល្លារក្នុងមួយអោនគិតត្រឹមម៉ោង១០:៥៥នាទីព្រឹក៕

បណ្តាក្រុមហ៊ុនអភិវឌ្ឍន៍ធំជាងគេទាំង៤ នៅហ្វីលីពីនជួយជំរុញការស្ទុះងើបឡើងវិញនៃទីផ្សារអចលនទ្រព្យ

ដោយ: គង់ លាងហួរ
អន្តរជាតិ: ក្រុមហ៊ុន S&P Global Ratings បានអះអាងថា បណ្តាក្រុមហ៊ុនអភិវឌ្ឍន៍អចលនទ្រព្យធំជាងគេទាំង៤ របស់ប្រទេសហ្វីលីពីនកំពុងជំរុញការស្ទុះងើបឡើងវិញនៃទីផ្សារ ដោយងាកទៅសាងសង់គម្រោងលំនៅដ្ឋានថ្លៃៗសម្រាប់លក់ទៅឱ្យអតិថិជន ដែលមានទ្រព្យសម្បត្តិស្តុកស្តម្ភ។

ទីភ្នាក់ងារវាយតម្លៃឥណទានខាងលើបានព្យាករណ៍ថា ក្រុមហ៊ុន Ayala Land Inc ក្រុមហ៊ុន Megaworld Corp ក្រុមហ៊ុន Robinsons Land Corp និងក្រុមហ៊ុន SM Prime Holdings Inc. នឹងបង្កើនការវិនិយោគរបស់ពួកគេនៅក្នុងគម្រោងលំនៅដ្ឋានថ្លៃកប់ពពកក្នុងរយៈពេលពី១ឆ្នាំទៅ២ឆ្នាំខាងមុខ។

ប្រសិនបើបូកសរុបបញ្ចូលគ្នា បណ្តាក្រុមហ៊ុនអភិវឌ្ឍន៍អចលនទ្រព្យខ្នាតយក្សទាំង៤នេះ គ្របដណ្តប់ចំណែក៦០ភាគរយនៃទំហំមូលធនបត្រទីផ្សារសរុបនៃវិស័យអចលនទ្រព្យរបស់ប្រទេសហ្វីលីពីន។នេះបើយោងតាមរបាយការណ៍ ដែលត្រូវបានដកស្រង់ចុះផ្សាយដោយសារព័ត៌មានហ្វីលីពីន Inquirer.Net។

យោងតាមការសិក្សារបស់ក្រុមហ៊ុនភ្នាក់ងារវាយតម្លៃឥណទាន S&P បានឱ្យដឹងបន្តថា ការបង្កើនការវិនិយោគរបស់ក្រុមហ៊ុនទាំងនេះលើការអភិវឌ្ឍន៍គម្រោងលំនៅដ្ឋានលំដាប់ខ្ពស់បានជំរុញឱ្យការវិនិយោគដើមទុនរបស់ពួកគេកើនឡើងដល់កម្រិតមុនផ្ទុះការរាតត្បាតនៃជំងឺកូវីដ-១៩។

ទីភ្នាក់ងារវាយតម្លៃឥណទានបានចាត់ទុកថា នេះជាយុទ្ធសាស្ត្រកំណើន ដែលអាចជួយដោះស្រាយបញ្ហាមួយចំនួនបណ្តាលមកពីការធ្លាក់ចុះនៃតម្រូវការរបស់អ្នកទិញផ្ទះតម្លៃមធ្យម បន្ទាប់ពីរងផលប៉ះពាល់ដោយសារកម្រិតអត្រាការប្រាក់ និងអត្រាអតិផរណាខ្ពស់។

ក្រុមហ៊ុន S&P បានវិភាគបន្ថែមទៀតថា “ផ្នែកដ៏ធំមួយនៃទីផ្សារក្នុងស្រុក ដែលផ្គត់ផ្គង់លំនៅដ្ឋានមានតម្លៃសមរម្យនឹងនៅតែបន្តជួបប្រទះបញ្ហាផ្គត់ផ្គង់លើសតម្រូវការ ជាពិសេសនៅក្នុងរដ្ឋធានីម៉ានីល (Metro Manila) ដែលមានខុនដូជាច្រើននៅទំនេរលក់មិនដាច់៕ប្រភព: Inquirer.Net៕

ឯកអគ្គរដ្ឋទូតចិនចូលរួមផ្សព្វផ្សាយសក្ដានុពលទេសចរណ៍កម្ពុជា

នាល្ងាចថ្ងៃទី២៤ ខែឧសភា ឆ្នាំ២០២៥ ឯកឧត្តម ហួត ហាក់ រដ្ឋមន្រ្តីក្រសួងទេសចរណ៍ រួមជាមួយឯកឧត្តម វ៉ាង វិនពីន (Wang Wenbin) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិនប្រចាំកម្ពុជា បានអញ្ជើញចូលរួមទស្សនាការសម្តែងសិល្បៈជាលក្ខណៈមហាជនរួមគ្នា កម្ពុជា-ចិន ក្នុងឱកាសពិធីបើក «ឆ្នាំទេសចរណ៍ កម្ពុជា-ចិន ២០២៥» នៅផ្លូវថ្មើរជើង (Walk street) តាមបណ្តោយមាត់ទន្លេចតុមុខ រាជធានីភ្នំពេញ។ ឆ្លៀតក្នុងឱកាសនេះដែរ ឯកឧត្តមរដ្ឋមន្រ្តី និងឯកឧត្តមឯកអគ្គរដ្ឋទូតចិន បានជួបសំណេះសំណាល និងថតរូបអនុស្សាវីរិយ៍ជាមួយបងប្អូនអាជិវករ ប្រជាពលរដ្ឋខ្មែរ និងភ្ញៀវអន្តរជាតិចំរុះសាសន៍ដែលមកដើរលេងកម្សាន្តនៅផ្លូវថ្មើរជើង (Walk Street) ដ៏រស់រវើក សកម្មភាពចំរុះ និងមានបរិយាកាសស្រស់ស្រាយក្រោមជំនោរខ្យល់ទន្លេចតុមុខដ៏ត្រជាក់ និងបរិសុទ្ធ ដោយក្តីសោមន្សរីករាយ និងស្និទ្ធិស្នាលដែលជាមិត្តភាពដ៏រឹងមាំមិនអាចបំបែកបានឡើយ។

The other day was about Khmer durians — today, His Excellency Wang Wenbin showed interest in and helped promote the fun, vibrant, beautiful, and safe Walk Street in Phnom Penh to Chinese citizens.

On the evening of May 24, 2025, His Excellency HUOT Hak, Minister of Tourism, together with His Excellency Wang Wenbin, Ambassador Extraordinary and Plenipotentiary of the People’s Republic of China to Cambodia, attended a public Cambodia-China cultural performance held on the occasion of the official opening ceremony of the “Cambodia-China Tourism Year 2025” at Walk Street along the riverside near Chaktomuk River, Phnom Penh.

On this occasion, the Minister and the Chinese Ambassador also took the time to engage in friendly conversations and take commemorative photos with local vendors, Cambodian citizens, and international tourists of various nationalities who were enjoying their leisure time at Walk Street — a lively, multicultural space with a fresh atmosphere under the cool and clean breeze of the Chaktomuk River. The joyful, friendly environment reflected the deep and unbreakable friendship between Cambodia and China.

#Cambodia
#ទេសចរណ៍ដើម្បីទាំងអស់គ្នាទាំងអស់គ្នាដើម្បីទេសចរណ៍
#ទេសចរណ៍រីកលូតលាស់ក្នុងសន្តិភាព
#បគ្គលម្នាក់ៗជាអ្នកផ្សព្វផ្សាយទេសចរណ៍កម្ពុជាម្នាក់
#ទសសនារដូវកាលបៃតងកម្ពុជា
#visitcambodiagreenseason
#ministryoftourismcambodia
#huothak

ខេត្តព្រះសីហនុចាប់ផ្ដើមដំណើរការអភិវឌ្ឍគម្រោងចំណតរថយន្តឆ្លាតវ៉ៃ

នៅរសៀលថ្ងៃចន្ទ ទី២៦ ខែឧសភា ឆ្នាំ២០២៥ សិក្ខាសាលាផ្សព្វផ្សាយ និងពិគ្រោះយោបល់ជាមួយនឹងវិនិយោគិនលើគម្រោងចំណតឆ្លាតវៃក្រុងព្រះសីហនុ តាមយន្តការភាពជាដៃគូរវាងរដ្ឋ និងឯកជន ក្រោមអធិបតីភាពឯកឧត្តម មាស សុខសេនសាន រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងលោក ឯម ភាព អភិបាលរង នៃគណៈអភិបាលខេត្តព្រះសីហនុ ។

គួរបញ្ជាក់ផងដែរថា រាជរដ្ឋាភិបាល នៃព្រះរាជាណាចក្រកម្ពុជា តាមរយៈរដ្ឋបាលខេត្តព្រះសីហនុ និងក្រសួងសេដ្ឋកិច្ច និងហិរញ្ញវត្ថុ បាននឹងកំពុងដំណើរការអភិវឌ្ឍនគម្រោងចំណតរថយន្តឆ្លាតវៃនៅខេត្តព្រះសីហនុ ក្រោមយន្តការភាពជាដៃគូរវាងរដ្ឋ និងឯកជន (PPP)។ គម្រោងនេះមានគោលបំណងដើម្បីផ្តល់ជូននូវដំណោះស្រាយចំណតរថយន្តដែលមានភាពងាយស្រួល មានសុវត្ថិភាព និងទំនើប ដើម្បីបំពេញតម្រូវការកើនឡើងរបស់ប្រជាពលរដ្ឋ និងភ្ញៀវទេសចរនៅក្នុងក្រុងខេត្តព្រះសីហនុ។

គម្រោងនេះបានបញ្ចប់ដោយជោគជ័យនូវដំណាក់កាលសិក្សាដែលអាចអនុវត្តបាន ហើយបច្ចុប្បន្ននេះកំពុងដំណើរការឆ្ពោះទៅរកការដេញថ្លៃប្រកួតប្រជែង ដើម្បីជ្រើសរើសដៃគូឯកជនដែលមានសមត្ថភាពគ្រប់គ្រាន់ក្នុងការដំណើរការគម្រោង។

តាមរយៈសិក្ខាសាលាផ្សព្វផ្សាយនេះក៏មានការធ្វើបទបង្ហាញអំពីប្រធានបទសំខាន់ៗរួមមាន៖
១. ទីក្រុងឆ្លាតវៃ និងបរិយាកាសនៃការវិនិយោគក្នុងខេត្តព្រះសីហនុ
២. ក្របខណ្ឌគ្របគ្រងគម្រោង PPP និងការរៀបចំអភិវឌ្ឍនគម្រោងចំណតឆ្លាតវៃក្រុងព្រះសីហនុ
៣. វីដេអូបង្ហាញអំពីគម្រោងចំណតឆ្លាតវៃ និង
៤.លទ្ធផលនៃការសិក្សាគម្រោងចំណតឆ្លាតវៃខេត្តព្រះសីហនុ។

តើអគារណាខ្លះនៅក្នុងទីក្រុងគូឡាឡាំពួររបស់ប្រទេសម៉ាឡេសុី ដែលមានតម្លៃខុនដូខ្ពស់ជាងគេបំផុត?

ដោយ: គង់ លាងហួរ
អន្តរជាតិ: បណ្តាអគារខុនដូខ្ពស់ៗនៅក្នុងទីក្រុងគូឡាឡាំពួររបស់ប្រទេសម៉ាឡេសុីតំណាងឱ្យប្រណីតភាពនៃការរស់នៅ ដោយរួមបញ្ចូលគ្នានូវទីតាំងសំខាន់ៗជាមួយនឹងសេវាកម្ម និងការប្រើប្រាស់គ្រឿងបរិក្ខារលំដាប់កំពូល។

ខាងក្រោមនេះជាអគារខុនដូថ្លៃជាងគេបំផុតចំនួន៥នៅទីក្រុងគូឡាឡាំពួរ ដោយផ្អែកលើតម្លៃក្នុងមួយហ្វីតការ៉េ គិតត្រឹមខែឧសភា ឆ្នាំ២០២៥៖

ទី១: អគារ ViPod Residences

អគារនេះមានទីតាំងនៅតាមបណ្តោយវិថី Jalan Kia Peng នៅចំកណ្តាលទីក្រុងគូឡាឡាំពួរ។ខុនដូនៅអគារ ViPod Residences មានតម្លៃចំនួន២៧២៣,៧៤រីងហ្គីត(ប្រមាណ៦៤៧ដុល្លារអាមេរិក)ក្នុងមួយហ្វីតការ៉េ។

ដោយសារមានទីតាំងស្ថិតនៅចំកណ្តាលទីក្រុងគូឡាឡាំពួរ អគារ ViPod Residences ផ្តល់នូវរបៀបរស់នៅទាន់សម័យ ស្ថិតនៅជិតមជ្ឈមណ្ឌលអាជីវកម្ម និងកន្លែងកម្សាន្តធំៗ។

ទី២: អគារ The Ritz-Carlton Residences

អគារ The Ritz-Carlton Residences មានទីតាំងនៅតាមបណ្តោយវិថី Jalan Sultan Ismail នៅតំបន់កណ្តាលទីក្រុងគូឡាឡាំពួរ។ខុនដូនៅអគារនេះមានតម្លៃចំនួន២៥៧៩,៥៤រីងហ្គីត(ប្រមាណ៦១៣ដុល្លារអាមេរិក)ក្នុងមួយហ្វីតការ៉េ។

អគារ Ritz-Carlton Residences ផ្តល់ជូននូវសេវាកម្ម និងសេវាកម្មបរិក្ខារលំដាប់ថ្នាក់ពិភពលោកនៅជិតអគារភ្លោះ Petronas Towers ដ៏ល្បីល្បាញប្រចាំទីក្រុងគូឡាឡាំពួររបស់ប្រទេសម៉ាឡេសុី ដែលភ្ញៀវទេសចរណ៍បរទេសប្រាថ្នាមកទស្សនា។

ទី៣: អគារ The Binjai On The Park

អគារនេះមានទីតាំងនៅតាមបណ្តោយវិថី Jalan Binjai ដែលមានតម្លៃខុនដូចំនួន២.២៧៤រីងហ្គីត(ប្រមាណ៥៤០,២ដុល្លារអាមេរិក)ក្នុងមួយហ្វីតការ៉េ។អ្នករស់នៅក្នុងអគារនេះអាចគយគន់ទិដ្ឋភាពអគារភ្លោះ Petronas Towers និងសួន KLCC Park ជាមួយនឹងយូនីតខុនដូធំទូលាយ និងជណ្តើរយន្តឯកជន។

ទី៤: អគារ Rimbun Embassy Row

អគារនេះមានទីតាំងនៅតាមបណ្តោយវិថី Jalan Ampang Hilir ស្ថិតនៅភាគខាងកើតនៃទីក្រុងគូឡាឡាំពួរ ដែលមានតម្លៃខុនដូចំនួន១២៨៦,៦រីងហ្គីត(ប្រមាណ៣០៥,៦ដុល្លារអាមេរិក)ក្នុងមួយហ្វីតការ៉េ។

អគារ Rimbun Embassy Row មានទីតាំងស្ថិតនៅក្នុងតំបន់ដ៏មានកិត្យានុភាពដែលហ៊ុព័ទ្ធដោយស្ថានទូតរបស់បណ្តាប្រទេសនានា។ អគារនេះអាចផ្តល់នូវការរស់នៅដ៏ប្រណិតជាមួយនឹងយូនីតខុនដូធំទូលាយ និងបរិក្ខារពិសេស។

ទី៥: អគារ 18 Madge

អគារ 18 Madge មានទីតាំងស្ថិតនៅក្នុងសង្កាត់ Ampang Hilir ភាគខាងកើតរបស់ទីក្រុងគូឡាឡាំពួរ។ខុនដូនៅអគារនេះមានតម្លៃចំនួន១២៥៣,៩០រីងហ្គីត(ប្រមាណ២៩៨ដុល្លារអាមេរិក)ក្នុងមួយហ្វីតការ៉េ៕

Penthouse atop world’s skinniest skyscraper is now on the market for $110 million

A penthouse of the “supertall” Manhattan building dubbed the world’s skinniest skyscraper has hit the market at $110 million.

The four-story home, or “quadplex,” spans floors 80 to 83 of the 1,428-foot-tall building 111 W 57th Street and overlooks Central Park. With interiors designed by Studio Sofield, the suggested floor plans features an “entertaining suite” on the first floor and a “primary suite” on the third floor, while the proposed layout is topped off by a “crown suite” containing a bar and screening room.
In total, the property features five bedrooms, six bathrooms and two terraces, as well as 360-degree views of New York City.

The building, also known as the Steinway Tower, was completed in 2022 on the site once occupied by the historic Steinway & Sons piano company. Designed by SHoP Architects and Studio Sofield, it is one of the tallest skyscrapers in the Western hemisphere — and the most slender, with a height-to-width ratio of 24:1.

Its design is meant to evoke New York’s Gilded Age of the late 19th century, when the city experienced a period of unprecedented wealth and a subsequent boom in skyscraper construction, according to the architects.
Related article How to build supertall: Designers of the world’s tallest towers share their secrets.

The vertiginous tower’s facade appears to change throughout the day as the color and texture of the terracotta blocks shift in the light. Inside, designers created a sense of opulence with materials such as marble, limestone, blackened steel and velvet used in the common spaces, and artworks by the likes of Pablo Picasso and Henri Matisse adorning the walls.
Its amenities include an 82-foot swimming pool, private dining rooms and a landscaped terrace.

“We’ve all been to very luxurious places, but I wanted to create a building that could not be anywhere else in the world,” Studio Sofield’s founder, William Sofield, told CNN in 2022. “I know so many people might have multiple homes, who will have apartments here.

And I wanted to create a very distinct experience that could only be had in New York.”

Source: CNN

ទីផ្សារអចលនទ្រព្យពាណិជ្ជកម្មក្នុងតំបន់អាសុីប៉ាសុីហ្វិកស្រូបទាញបានទុនវិនិយោគចំនួន៣៦ពាន់លានដុល្លារនៅត្រីមាសទី១

ដោយ: គង់ លាងហួរ
អន្តរជាតិ: ការវិនិយោគទៅលើទីផ្សារអចលនទ្រព្យពាណិជ្ជកម្មនៅក្នុងតំបន់អាស៊ីប៉ាស៊ីហ្វិកបានហក់ឡើងដល់កម្រិតខ្ពស់ថ្មីនៅត្រីមាសទី១ ឆ្នាំ២០២៥។ នេះបើយោងតាមការស្រាវជ្រាវដោយក្រុមហ៊ុនប្រឹក្សាអចលនទ្រព្យ JLL ។

យោងតាមទិន្នន័យរបស់ក្រុមហ៊ុន JLL បានបង្ហាញថា ការវិនិយោគទៅលើទីផ្សារអចលនទ្រព្យពាណិជ្ជកម្មនៅតំបន់អាស៊ីប៉ាស៊ីហ្វិកសម្រេចបានទំហំទឹកប្រាក់សរុបចំនួន៣៦,៣ពាន់លានដុល្លារអាមេរិក កាលពីត្រីមាសទី១ ឆ្នាំ២០២៥ ហក់ឡើង២០ភាគរយបើធៀបនឹងរយៈពេលដូចគ្នាកាលពីឆ្នាំ២០២៤។

ក្រុមហ៊ុនប្រឹក្សាអចលនទ្រព្យ JLL អះអាងទៀតថា គិតត្រឹមត្រីមាសទី១ ឆ្នាំនេះ ការវិនិយោគទៅលើទីផ្សារអចលនទ្រព្យពាណិជ្ជកម្មនៅក្នុងតំបន់អាស៊ីប៉ាស៊ីហ្វិកសម្រេចបានអត្រាកំណើនចំនួន៦ត្រីមាសជាប់ៗគ្នា ដោយផ្អែកលើមូលដ្ឋានប្រចាំឆ្នាំ។

លោក Stuart Crow អ្នកជំនាញអចលនទ្រព្យនៅក្រុមហ៊ុន JLL បានលើកឡើងថា “ការបន្តកើនឡើងនូវការវិនិយោគអចលនទ្រព្យពាណិជ្ជកម្មនៅក្នុងតំបន់អាស៊ីប៉ាស៊ីហ្វិក ជាសក្ខីភាពមួយចំពោះមូលដ្ឋានគ្រឹះដ៏រឹងមាំរបស់តំបន់នេះ ក្នុងការទាក់ទាញមូលធនមកពីជុំវិញពិភពលោក”។

ក្នុងចំណោមនោះ ប្រទេសជប៉ុនបានឈរនៅលេខរៀងទី១ ដោយទទួលបានទុនវិនិយោគចំនួន១៣,៧ពាន់លានដុល្លារក្នុងត្រីមាសទី១ ឆ្នាំ២០២៥ ហក់ឡើង២០ភាគរយបើប្រៀបធៀបនឹងរយៈពេលដូចគ្នាកាលពីឆ្នាំ២០២៤។

ជាមួយគ្នានោះ ប្រទេសកូរ៉េខាងត្បូងជាប់ចំណាត់ថ្នាក់លេខ២ ដោយទទួលបានទុនវិនិយោគចំនួន៦,៨ពាន់លានដុល្លារអាមេរិក ហក់ឡើង៥៨ភាគរយបើធៀបនឹងរយៈពេលដូចគ្នាកាលពីឆ្នាំមុន។

ចំណែក ប្រទេសអូស្ត្រាលីដណ្តើមបានចំណាត់ថ្នាក់លេខ៣ ដោយទទួលបានទុនវិនិយោគចំនួន៣,៩ពាន់លានដុល្លារ ហក់ឡើង៣០ភាគរយបើប្រៀបធៀបនឹងរយៈពេលដូចគ្នាកាលពីឆ្នាំ២០២៤។

រីឯ ប្រទេសសិង្ហបុរីទទួលបានទុនវិនិយោគលើទីផ្សារអចលនទ្រព្យពាណិជ្ជកម្មរបស់ខ្លួនចំនួន២,២ពាន់លានដុល្លារអាមេរិកនៅក្នុងត្រីមាសទី១ ឆ្នាំ២០២៥ ហក់ឡើង១៦ភាគរយបើធៀបនឹងរយៈពេលដូចគ្នាកាលពីឆ្នាំ២០២៤។

លោក Stuart Crow បានព្យាករណ៍ថា បណ្តាវិនិយោគិន ដែលមានចក្ខុវិស័យរយៈពេលវែងនឹងបន្តបោះទុនវិនិយោគលើទីផ្សារអចលនទ្រព្យពាណិជ្ជកម្មនៅក្នុងតំបន់អាសុីប៉ាសុីហ្វិក បើទោះបីជាទីផ្សារអាចមានការប្រែប្រួលរយៈពេលគ្នា ដោយសារការដំឡើងពន្ធគយរបស់សហរដ្ឋអាមេរិកយ៉ាងណាក្តី៕ប្រភព: Edgeprop៕

1...322323324...3,345 Page 323 of 3,345