ប្រទេសថៃព្រមានដល់ជនបរទេស ដែលទិញខុនដូ ដើម្បីដាក់ជួលជាលក្ខណៈសណ្ឋាគារប្រចាំថ្ងៃ

ដោយ: គង់ លាងហួរ
អន្តរជាតិ: រដ្ឋាភិបាលថៃបានធ្វើការព្រមានដល់ជនបរទេស ដែលបានទិញខុនដូនៅក្នុងប្រទេសថៃ ដើម្បីដាក់ជួលជាលក្ខណៈសណ្ឋាគារ ព្រោះសកម្មភាពនេះជាការរំលោភបំពានច្បាប់របស់ប្រទេសថៃ។

ការព្រមាននេះបានកើតមានឡើង ក្រោយពីអាជ្ញាធរថៃរកឃើញមានករណីជាច្រើន ដែលជនជាតិចិនបានជួលបន្ទប់ខុនរបស់ខ្លួនទៅឱ្យភ្ញៀវទេសចរណ៍តាមរយៈកម្មវិធី Airbnb។

អ្នករស់នៅក្នុងអគារខុនដូមួយចំនួន ជាពិសេសនៅតំបន់ Sukhumvit បានត្អូញត្អែរអំពីសំឡេងរំខានរបស់ភ្ញៀវស្នាក់នៅបន្ទប់ជិតខាង ដែលមកស្នាក់នៅក្នុងរយៈពេលខ្លី។

យោងតាមពាក្យបណ្ដឹងពីអ្នករស់នៅក្នុងអគារខុនដូ ដែលត្រូវបានចែកចាយតាមបណ្ដាញសង្គមបានឱ្យដឹងថា ភ្ញៀវទេសចរណ៍បានជួលបន្ទប់ខុនដូសម្រាប់ស្នាក់នៅក្នុងរយៈពេលខ្លី ដោយកក់តាមរយៈប្រព័ន្ធកម្មវិធីអនឡាញ។ខុនដូទាំងនោះ ជាកម្មសិទ្ធិរបស់ជនជាតិចិន។

លើសពីនេះ ភ្ញៀវទេសចរណ៍ ដែលចូលមកស្នាក់នៅខុនដូទាំងនោះមានសិទ្ធិយកកូនសោអេឡិចត្រូនិកសម្រាប់ចូលក្នុងខុនដូ។ កូនសោនោះត្រូវបានដាក់ក្នុងប្រអប់សោរួម ដែលមានលេខកូដសម្ងាត់ឌីជីថល។

ក្នុងករណីនេះ ការិយាល័យគ្រប់គ្រងខុនដូមួយចំនួន បានហាមឃាត់មិនឱ្យម្ចាស់បន្ទប់ខុនដូជាជនជាតិចិនប្រើប្រាស់ប្រអប់សោរួម ព្រោះថា មានតែអ្នករស់នៅក្នុងអគារខុនដូប៉ុណ្ណោះទើបអាចមានសិទ្ធិដឹងពីលេខកូដសម្ងាត់របស់ប្រអប់សោនោះ។

ជនបរទេសដែលទិញខុនដូដើម្បីដាក់ជួលជាប្រចាំថ្ងៃ តាមរយៈកម្មវិធី Airbnb ដោយមិនមានការអនុញ្ញាត ជាការរំលោភបំពានច្បាប់ស្តីពីសណ្ឋាគារឆ្នាំ២០០៤ របស់ប្រទេសថៃ។

ចំណែក អ្នកបំពានច្បាប់នឹងត្រូវទទួលរងការផាកពិន័យក្នុងទំហំទឹកប្រាក់ប្រមាណ៥៩៥ដុល្លារអាមេរិក និងបូកបន្ថែមចំនួន២៩៥ដុល្លារជារៀងរាល់ថ្ងៃ រហូតដល់ជនល្មើសបញ្ឈប់សកម្មភាព៕ប្រភព: The Nation៕

ព្រែកជីកប៉ាណាម៉ាគ្រោងសាងសង់បំពង់បង្ហូរមួយដើម្បីនាំចេញឧស្ម័នមកកាន់តំបន់អាសុី

ដោយ: គង់ លាងហួរ
អន្តរជាតិ: ប្រធានគ្រប់គ្រងប្រតិបត្តិការព្រែកជីកប៉ាណាម៉ា លោក Ricaurte Vasquez បានប្រកាសថា ព្រែកជីកនេះកំពុងពិចារណាសាងសង់បំពង់បង្ហូរមួយ ដើម្បីនាំចេញឧស្ម័នប្រេងរាវ (LNG)ពីសហរដ្ឋអាមេរិកទៅកាន់ប្រទេសជប៉ុន ដែលជាអតិថិជនដ៏មានសក្ដានុពលខ្ពស់ក្នុងការបញ្ជាទិញឧស្ម័ន។

ព្រែកជីកប៉ាណាម៉ាជាច្រកពាណិជ្ជកម្មតាមផ្លូវសមុទ្រដ៏មមាញឹកបំផុតមួយនៅលើពិភពលោក ខណៈអាជ្ញាធរគ្រប់គ្រងព្រែកជីកនេះគ្រោងនឹងធ្វើឱ្យប្រសើរឡើងនូវហេដ្ឋារចនាសម្ព័ន្ធចាំបាច់នានាដើម្បីបង្កើនប្រតិបត្តិការអាជីវកម្មរបស់ខ្លួន។

ជាក់ស្តែង កន្លងមក បញ្ហាគ្រោះរាំងស្ងួតបានកាត់បន្ថយចំនួននាវាឆ្លងកាត់ព្រែកជីកប៉ាណាម៉ា។ បច្ចុប្បន្ន អាជ្ញាធរគ្រប់គ្រងព្រែកជីកប៉ាណាម៉ាគ្រោងសាងសង់អាងស្តុកទឹកនៅតំបន់ក្បែរនោះ ដើម្បីជួយដោះស្រាយបញ្ហាខ្វះខាតទឹកនារដូវប្រាំង។

ប្រទេសជប៉ុនជាប្រទេសប្រើប្រាស់ឧស្ម័នប្រេងរាវ (Liquefied Petroleum Gas) ដ៏ធំជាងគេបំផុតមួយនៅលើពិភពលោក ខណៈប្រទេសជប៉ុនប្រើប្រាស់ថាមពលទាំងនោះសម្រាប់បម្រើដល់វិស័យផលិតកម្ម និងឧស្សាហកម្មក្នុងស្រុកសំខាន់ៗផ្សេងទៀត។

ចំណាត់ការរបស់ព្រែកជីកប៉ាណាម៉ាបានធ្វើឡើង ស្របពេលដែលប្រទេសប៉ាណាម៉ាកំពុងប្រឈមមុខនឹងភាពតានតឹងជាមួយសហរដ្ឋអាមេរិក បន្ទាប់ពីប្រធានាធិបតីអាមេរិក លោក ដូណាល់ ត្រាំ បានបង្ហាញគោលបំណងទាមទារព្រែកជីកប៉ាណាម៉ាឱ្យស្ថិតក្រោមការគ្រប់គ្រងរបស់សហរដ្ឋអាមេរិក។

កាលពីដើមខែមីនានេះ សម្ព័ន្ធក្រុមហ៊ុនមួយ ដែលដឹកនាំដោយក្រុមហ៊ុនអាមេរិក BlackRock បានសម្រេចទិញកំពង់ផែចំនួន២ទីតាំងស្ថិតនៅអមសងខាងព្រែកជីកប៉ាណាម៉ាពីក្រុមហ៊ុនហុងកុង CK Hutchison Holding។កិច្ចព្រមព្រៀងនេះមានទំហំទឹកប្រាក់ចំនួន២២,៨ពាន់លានដុល្លារអាមេរិក៕ប្រភព: Reuters៕

តម្រូវការផ្ទះវីឡា និងផ្ទះ Townhouse នៅក្នុងទីក្រុងហូជីមិញដាំក្បាលចុះ ខណៈអ្នកអភិវឌ្ឍន៍ជាច្រើនលក់មិនចេញ

ដោយ: គង់ លាងហួរ
អន្តរជាតិ: បណ្តាក្រុមហ៊ុនអភិវឌ្ឍន៍អចលនទ្រព្យនានាកំពុងជួបប្រទះស្ថានភាពលំបាកក្នុងការលក់ផ្ទះវីឡា និងផ្ទះ Townhouse នៅភាគខាងត្បូងប្រទេសវៀតណាម ដោយសារតែផ្ទះទាំងនោះមានតម្លៃខ្ពស់កប់ពពក។

ជាក់ស្តែង ក្រុមហ៊ុនប្រឹក្សាអចលនទ្រព្យ DKRA Group បានកត់សម្គាល់ឃើញមានការទិញផ្ទះចំនួន៧៥យូនីតប៉ុណ្ណោះក្នុងចំណោមផ្ទះវីឡា និងផ្ទះប្រភេទ Townhouse សរុប៥.០០០យូនីត ដែលត្រូវបានប្រកាសដាក់លក់នៅទីក្រុងហូជីមិញ និងតំបន់ជុំវិញនោះ។

យោងតាមរបាយការណ៍មួយរបស់វេទិកាចុះបញ្ជីអចលនទ្រព្យ Batdongsan បានឱ្យដឹងថា ទីផ្សារអចលទ្រព្យវៀតណាមបានបង្ហាញសញ្ញានៃការងើបឡើងវិញយ៉ាងខ្លាំងនៅឆ្នាំ២០២៥នេះ ស្របពេលមានកំណើននៃតម្រូវការដីធ្លី និងអាផាតមុិន។ផ្ទុយទៅវិញ តម្រូវការផ្ទះវីឡា និងផ្ទះ Townhouse បានដាំក្បាលចុះ។

ការស្រាវជ្រាវស្វែងរកផ្ទះវីឡា និងផ្ទះ Townhouse (Search)នៅក្នុងទីក្រុងហូជីមិញតាមរយៈវេទិកាចុះបញ្ជីអចលនទ្រព្យ Batdongsan បានគ្របដណ្តប់ចំណែកតិចជាង២ភាគរយនៃចំនួនអ្នកសាកសួរព័ត៌មានសរុប។

លោក Vo Hong Thang អគ្គនាយករងនៃក្រុមហ៊ុនប្រឹក្សាអចលនទ្រព្យ DKRA Group បានវាយតម្លៃថា “ការដាំក្បាលចុះនៃតម្រូវការផ្ទះវីឡា និងផ្ទះ Townhouse បណ្តាលមកពីផ្ទះទាំងនោះគ្មានភាពទាក់ទាញ និងមានតម្លៃខ្ពស់កប់ពពក”។

តួយ៉ាង ផ្ទះវីឡា និងផ្ទះប្រភេទ Townhouse នៅទីក្រុងហូជីមិញមានតម្លៃចាប់ពី៥,៣ពាន់លានដុងដល់៧០០ពាន់លានដុង(ប្រហែល២០៧.៦៤០ដុល្លារទៅ២៧,៤លានដុល្លារ)ក្នុងមួយយូនីត។តម្លៃខ្ពស់កប់ពពកនេះបានធ្វើឱ្យបណ្តាអ្នកវិនិយោគស្ទាក់ស្ទើរក្នុងការទិញ៕ប្រភព: Vnexpress៕

Manhattan apartment rents jump to record as bidding wars spread

Manhattan apartment rents soared to a record high in February amid intense competition, including bidding wars in a more than a quarter of all deals.

New leases were signed at a median of US$4,500 last month, according to appraiser Miller Samuel and brokerage Douglas Elliman. That’s up 6.4 per cent from a year earlier, and US$100 more than the previous record, reached in the summer of 2023.

It’s an eye-opening increase for the middle of winter, a time when the rental market historically was expected to cool. But renters have gotten little relief in the past three years. New lease signings rose annually for the 11th consecutive month in February, and Manhattan’s vacancy rate fell for a fourth time.

Bidding wars have become increasingly common in the hyper-competitive market, cultivated by real estate agents who urge potential tenants to offer to pay more than the asking price. Almost 27 per cent of last month’s new leases were signed after bidding wars, a record share.

source: Bloomberg

សម្តេចតេជោរំលេចពីទំនាក់ទំនងនៃពាណិជ្ជកម្មកម្ពុជា ចិនដែលកាន់តែរីកចម្រើន

ដោយៈ ម៉ាណា

ភ្នំពេញៈ សម្តេចតេជោ ហ៊ុន សែន ប្រធានព្រឹទ្ធសភាកម្ពុជាបានលើកឡើងថា បច្ចុប្បន្ននេះ កម្ពុជានាំទំនិញចូលពីចិនច្រើន ព្រោះកម្ពុជាមានតម្រូវការ នាំវត្ថុធាតុដើមមួយចំនួនពីចិន ដើម្បីយកមកផលិតនៅក្នុងប្រទេសកម្ពុជា ដើម្បីនាំចេញទៅកាន់បណ្ដា ប្រទេសផ្សេងៗលើលោក។

ការលើកឡើងរបស់សម្ដេចតេជោ ហ៊ុន សែន ធ្វើឡើងក្នុងឱកាសសម្ដេចតេជោអញ្ជើញជាអធិបតី ក្នុងពិធីពិសាភោជនាហារសាមគ្គី នៃគ្រួសារសមាគមឧកញ៉ាកម្ពុជានាថ្ងៃទី១៤ ខែមីនា ឆ្នាំ២០២៥។

សម្ដេចតេជោ ហ៊ុន សែន បានថ្លែងឲ្យដឹងថាត្រូវយល់ដឹងឲ្យបានច្បាស់រវាងកម្ពុជា និងចិន កម្ពុជានាំចេញទៅកាន់ប្រទេសចិនមានចំនួនតិចជាង កម្ពុជានាំចូលពីប្រទេសចិនមកវិញ ដោយសារតែនៅកម្ពុជា ត្រូវការប្រើប្រាស់វត្ថុធាតុដើម ដែលនាំចូលពីប្រទេសចិន ពិសេសសាច់ក្រណាត់ ដើម្បីបម្រើឲ្យរោងចក្រកាត់ដេរនៅកម្ពុជា ហើយតាមរយៈរោងចក្រកាត់ដេរទាំងនោះ បានកាត់ដេរវត្ថុធាតុដើម ដែលបាននាំចូលពីប្រទេសចិន ដើម្បីនាំចេញទៅប្រទេសក្រៅ។

សម្ដេចតេជោ ហ៊ុន សែន បានបញ្ជាក់ថា ចិនបានចូលរួមចំណែកដល់កម្ពុជា ដែលបានផ្គត់ផ្គងវត្ថុធាតុដើម សម្រាប់ផលិតកម្មបម្រើឲ្យការនាំចេញ ដូច្នេះអ្នកសេដ្ឋកិច្ចមិនមែនសេដ្ឋកិច្ច ឬអ្នកសេដ្ឋកិច្ចប៉ុន្ដែចូលនិយមនៃ ការបង្អាប់ជនជាតិឯង វាមិនមែនជាមនុស្សទេបើប្រៀបធៀបទៅវាគឺជាសត្វ។

សម្ដេចបានបញ្ជាក់បន្ថែមថា “អ្វីដែលជាគោលដៅធំបំផុតរបស់ខ្ញុំ ខ្ញុំចង់ពន្យល់ប្រជាពលរដ្ឋ១៧លាននាក់ ក្នុងប្រទេសឲ្យយល់ថា អ្វីទៅជាជញ្ជីងពាណិជ្ជកម្ម មូលហេតុអ្វីបានជាតុល្យាភាពពាណិជ្ជកម្មមានការខុសគ្នា រវាងការនាំចេញរបស់កម្ពុជា និងប្រទេសខ្លះ ក្នុងក្របខណ្ឌអាស៊ាន ដោយការនាំចេញពីកម្ពុជា ទៅកាន់ប្រទេសនោះច្រើនជាង ពីការនាំចេញពីប្រទេសនោះមកកាន់ប្រទេសយើង ជាក់ស្ដែងការនាំចេញពីប្រទេសកម្ពុជា ទៅកាន់ប្រទេសម៉ាឡេស៊ី គឺមានចំនួនច្រើនជាងការនាំ ពីម៉ាឡេស៊ីមកកម្ពុជា”។

សម្ដេចតេជោបានបន្ដថា ដូច្នេះនេះហើយជាក្រិតក្រមកម្ពុជា រវាងសេចក្ដីត្រូវការ និងការផ្គត់ផ្គង់ ប្រសិនបើអ្នកឯងមិនយល់អំពីបញ្ហានេះ អ្នកកុំតាំងខ្លួនធ្វើជាបញ្ញាវន្ដសេដ្ឋកិច្ច ឬចង់ក្លាយជាមេដឹកនាំ។ សូមបញ្ជាក់ថា ពីប្រទេសមួយពឹងផ្អែក លើការនាំចូលដើម្បីចញ្ចឹមខ្លួន ក្លាយទៅជាប្រទេសមួយដែលផលិតសម្រាប់ការនាំចេញ។

សម្ដេចតេជោ ហ៊ុន សែន ក៏បានរំលេចអំពីទំហំពាណិជ្ជកម្មរបស់កម្ពុជា សរុបមានប្រមាណ៥៦ពាន់លានដុល្លារ ប៉ុន្ដែទំហំនាំចេញរបស់កម្ពុជា កើនឡើងជាង២៦ពាន់លានដុល្លារ ក្នុងពេលដែលការនាំចូលមាន២៨ពាន់លានដុល្លារ។

សម្ដេចតេជោក៏បានរំលេចផងដែរអំពី ទំហំពាណិជ្ជកម្មកម្ពុជា ជាមួយប្រទេសថៃ ដោយប្រមាណ១០ពាន់លានដុល្លារ ប៉ុន្ដែយើងនាំចូលពីថៃច្រើនជាង នាំចេញពីកម្ពុជាទៅប្រទេសថៃ ដោយសារតែកម្ពុជាមានតម្រូវការ ការផ្គត់ផ្គង់ពីប្រទេសថៃ ចូលមកបំពេញតម្រូវការនៃការសាងសង់ ឬការប្រើប្រាស់នៅកម្ពុជា ដូចជាប្រេងឥន្ទនៈ ឬសំភារៈផ្សេងៗជាច្រើនទៀត។

សម្ដេចតេជោ ហ៊ុន សែន បានបញ្ជាក់បន្ថែមថា ក្នុងនោះទំហំពាណិជ្ជកម្មរវាងកម្ពុជា និងវៀតណាម ឥឡូវនេះមានប្រមាណ១០ពាន់លានដុល្លារ ដោយមានអត្រាប្រហាក់ប្រហែលគ្នាច្រើន ដោយសារតែកម្ពុជាក៏មានសមត្ថភាព នាំចេញទៅប្រទេសវៀតណាម ដែលកាលមុននេះយើងនាំចូលពីវៀតណាម ច្រើនជាងការនាំចេញទៅវៀតណាមច្រើនណាស់ តែឥឡូវនេះដោយសារតែការប្រឹងប្រែង យើងមានតុល្យាភាពស្ទើតែស្មើរគ្នា៕

Global trade war turbulence casts shadow over Thai property sector

Thailand’s real estate sector is bracing for potential turbulence in 2025, as trade war anxieties intersect with a surge in foreign investment, according to analysts at a major industry seminar.

Leading figures from the Thai Development Research Institute (TDRI) and Asia Plus Securities warned of economic headwinds, while highlighting emerging opportunities for developers.

Dr Kirida Bhaopichitr, TDRI’s Economic Intelligence Service Project director, identified US trade policy in the second Trump presidency as the most significant risk to both the Thai and global economies.

The US Trade Representative’s Office (USTR) is expected to announce trade measures on April 2, and Thailand, which enjoys a trade surplus with the US, is likely to be targeted.

“Thailand will need to navigate these trade tensions carefully,” Kirida said. “Increased imports from the US and a reduction in trade barriers may be necessary, potentially opening markets for US agricultural and automotive products.”

Amidst these challenges, the trade war is also driving a significant shift in global production, presenting Thailand with a unique investment opportunity.

Similar to the “Plaza Accord” 40 years ago, which spurred Japanese investment, the current climate is attracting record levels of foreign direct investment, particularly in the Eastern Economic Corridor (EEC).

“The EEC is poised for substantial growth,” Dr Kirida noted, “offering significant potential for real estate development following industrial investment.”

Tourism is also expected to provide a boost, with TDRI projecting up to 40 million foreign tourists in 2025. This influx could stimulate demand for condominiums, mirroring pre-pandemic trends. However, challenges remain.

The assistant managing director of Asia Plus Securities, Therdsak Thaweetheeratham, highlighted the need for developers to reduce existing inventory, accumulated from recent slow sales.

He noted that while new project launches were expected to decrease slightly, ongoing development projects remain substantial.

Source: The Nation

អ្នកជំនាញអន្តរជាតិៈភាពរឹងមាំនៃទីផ្សារអចលនវត្ថុនៅកម្ពុជាពឹងផ្អែកកាន់តែខ្លាំងលើវិនិយោគិនបរទេស

ដោយៈ គង់ សូរិយា

ភ្នំពេញៈ អ្នកជំនាញអន្តរជាតិបានលើកឡើងថា ស្ថានភាពទីផ្សារអចលនវត្ថុនៅកម្ពុជា ទោះមានសញ្ញាប្រសើរឡើងតិចតួចក្តី ប៉ុន្តែឧស្សាហកម្មនេះ ត្រូវពឹងផ្អែកលើវិនិយោគិនអន្តរជាតិកាន់តែខ្លាំង។

នាយកប្រតិបត្តិក្រុមហ៊ុនPropnex Cambodia លោកAlan Neoបានលើកឡើងថា ទីផ្សារបានចាប់ផ្តើមប្រែប្រួល ដែលស្ថានភាពនេះ បានកើតមាននៅជុំវិញពិភពលោក មិនមែនតែកម្ពុជាទេ ដែលការអភិវឌ្ឍនិងការទិញ លក់ក្នុងវិស័យនេះ ត្រូវពឹងផ្អែកលើវិនិយោគិនពីបរទេស និងលំហូរចូលនូវអ្នកវិនិយោគអន្តរជាតិ។

លោកបន្តថា “ទីផ្សារអចលនទ្រព្យនៅកម្ពុជា ក្នុងរយៈពេលពីរ បីឆ្នាំខាងមុខ នៅតែពឹងផ្អែកខ្លាំងលើអ្នកវិនិយោគអន្តរជាតិ”។ លោកបន្តថា “គំរោងខុនដូភាគច្រើន ពឹងផ្អែកលើអ្នកទិញមកពីបរទេស ជាជាងពឹងផ្អែកលើអ្នកទិញក្នុងស្រុក”។

លោកAlan Neoបានបន្តថា នៅឆ្នាំ២០២៥នេះ មានសញ្ញាប្រសើរឡើងតិចតួចពីអ្នកវិនិយោគក្នុងស្រុក ប៉ុន្តែឧស្សាហកម្មដែលត្រូវកាមូលធនដ៏ធំនេះ មិនអាចងាកចេញពីវិធីសាស្រ្ត ទាក់ទាញអ្នកវិនិយោគអន្តរជាតិឡើយ៕

សង្គ្រាមនៃការដេញថ្លៃកំពុងជំរុញឱ្យតម្លៃជួលអាផាតមុិននៅក្នុងទីក្រុងញូវយ៉កកើនឡើងខ្ពស់បំផុត

ដោយ: គង់ លាងហួរ
អន្តរជាតិ: តម្លៃជួលអាផាតមុិននៅសង្កាត់ Manhattan ក្នុងទីក្រុងញូវយ៉ករបស់សហរដ្ឋអាមេរិក បានកើនឡើងដល់កម្រិតខ្ពស់បំផុតកាលពីខែកុម្ភៈ ស្របពេលមានការប្រកួតប្រជែងដ៏ក្តៅគគុក រួមទាំងសង្រ្គាមនៃការដេញថ្លៃ។

តម្លៃជួលអាផាតមុិនជាមធ្យមបានកើនឡើង៦,៤ភាគរយនៅក្នុងខែកុម្ភៈធៀបនឹងឆ្នាំមុនដល់៤.៥០០ដុល្លារអាមេរិកក្នុងមួយខែ។នេះបើយោងតាមក្រុមហ៊ុនវាយតម្លៃអចលនទ្រព្យ Miller Samuel Inc ដែលមានមូលដ្ឋាននៅទីក្រុងញូវយ៉ក។

ទំហំទឹកប្រាក់ខាងលើនេះមានការកើនឡើងចំនួន១០០ដុល្លារ បើធៀបនឹងតម្លៃជួលអាផាតមុិនជាមធ្យមចំនួន៤.៤០០ដុល្លារអាមេរិកក្នុងមួយខែកាលពីអំឡុងរដូវក្តៅ ឆ្នាំ២០២៣ ដែលជាកម្រិតកំណត់ត្រាដ៏ខ្ពស់បំផុតនាពេលនោះ។

ប្រសិនបើគិតអំពីមូលដ្ឋានប្រចាំឆ្នាំ ការចុះកិច្ចសន្យាជួលអាផាតមុិននៅសង្កាត់ Manhattan បានកើនឡើងរយៈពេល១១ខែជាប់ៗគ្នាគិតត្រឹមខែកុម្ភៈ ឆ្នាំ២០២៥ ខណៈដែលអត្រាអាផាតមុិនទំនេរនៅសង្កាត់ដ៏ល្បីល្បាញមួយនេះបានធ្លាក់ចុះជាលើកទី៤។

សង្គ្រាមនៃការដេញថ្លៃបានពុះកញ្ជ្រោលនៅក្នុងទីផ្សារអាផាតមុិន ដែលមានការប្រកួតប្រជែងខ្ពស់ ខណៈទីភ្នាក់ងារអចលនទ្រព្យនានាបានជំរុញឱ្យអ្នកជួលបង់ប្រាក់ខ្ពស់ជាងតម្លៃចរចា(Asking Price)។

យោងតាមទិន្នន័យ ដែលត្រូវបានដកស្រង់ចុះផ្សាយដោយកាសែត Bloomberg បានបង្ហាញថា ចំណែកជិត២៧ភាគរយនៃចំនួនកិច្ចសន្យាជួលសរុបកាលពីខែកុម្ភៈត្រូវបានចុះហត្ថលេខា បន្ទាប់ពីឆ្លងកាត់នូវការដេញថ្លៃយ៉ាងស្វិតស្វាញ។

លោក Jonathan Miller ប្រធានក្រុមហ៊ុន Miller Samuel បានអះអាងថា “នេះជាពេលវេលាដ៏លំបាកបំផុតមួយសម្រាប់អ្នកស្វែងរកជួលអាផាតមុិន ដោយសារការប្រកួតប្រជែងដេញថ្លៃ ខណៈនិន្នាការនេះនឹងបន្តអូសបន្លាយតទៅមុខ”៕ប្រភព: Bloomberg៕

ឥទ្ធិពលនៃសង្គ្រាមពាណិជ្ជកម្មសកលកំពុងគ្របដណ្តប់មកលើទីផ្សារអចលនទ្រព្យក្នុងប្រទេសថៃ

ដោយ: គង់ លាងហួរ
អន្តរជាតិ: វិស័យអចលនទ្រព្យរបស់ប្រទេសថៃកំពុងប្រឈមមុខនឹងភាពមិនប្រាកដប្រជានៅឆ្នាំ២០២៥ ដោយសារសង្គ្រាមពាណិជ្ជកម្មបានដើរទន្ទឹមគ្នានឹងការកើនឡើងនៃលំហូរវិនិយោគផ្ទាល់ពីបរទេសចូលមកកាន់ប្រទេសថៃ។

លោកស្រី Kirida Bhaopichitr អ្នកវិភាគនៅវិទ្យាស្ថានស្រាវជ្រាវការអភិវឌ្ឍន៍ក្នុងប្រទេសថៃ (TDRI) បានចាត់ទុកគោលនយោបាយពាណិជ្ជកម្មរបស់សហរដ្ឋអាមេរិកក្រោមរដ្ឋបាលលោកប្រធានាធិបតី ដូណាល់ ត្រាំ ថា “ជាហានិភ័យដ៏ធំបំផុតសម្រាប់សេដ្ឋកិច្ចថៃ និងពិភពលោក”។

ការិយាល័យតំណាងពាណិជ្ជកម្មអាមេរិក (USTR) ត្រូវបានគេរំពឹងថា នឹងប្រកាសវិធានការពាណិជ្ជកម្មនៅថ្ងៃទី២ ខែមេសាខាងមុខ ខណៈប្រទេសថៃក៏អាចក្លាយជាមុខសញ្ញានៃការដំឡើងពន្ធគយផងដែរ ព្រោះប្រទេសថៃមានអតិរេកពាណិជ្ជកម្មជាមួយសហរដ្ឋអាមេរិក។

ទោះជាយ៉ាងណាក្តី សង្គ្រាមពាណិជ្ជកម្មក៏ជះឥទ្ធិពលវិជ្ជមានមួយចំនួនផងដែរ។ សង្គ្រាមនេះកំពុងជំរុញឱ្យបណ្តាក្រុមហ៊ុនផលិតកម្មនានាផ្លាស់ប្តូររោងចក្រចេញពីប្រទេសចិនទៅកាន់បណ្តាប្រទេសផ្សេងទៀត រួមទាំងប្រទេសថៃ។

ស្ថានភាពនាពេលបច្ចុប្បន្នកំពុងទាក់ទាញលំហូរការវិនិយោគផ្ទាល់ពីបរទេសចូលទៅកាន់ប្រទេសថៃ ជាពិសេសតំបន់ច្រករបៀងសេដ្ឋកិច្ចភាគខាងកើត (EEC) ។

លោកស្រី Kirida បានកត់សម្គាល់ថា “ តំបន់ EEC នឹងទទួលបានសក្តានុពលដ៏សំខាន់ពីការអភិវឌ្ឍន៍អចលនទ្រព្យផ្នែកឧស្សាហកម្ម ដូចជាឃ្លាំង និងរោងចក្រជាដើម”។

វិស័យទេសចរណ៍ក៏ត្រូវបានរំពឹងថា នឹងជួយជំរុញទីផ្សារអចលនទ្រព្យថៃផងដែរ។ វិទ្យាស្ថាន TDRI ព្យាករណ៍ថា ប្រទេសថៃនឹងស្រូបទាញបានភ្ញៀវទេសចរណ៍បរទេសចំនួន៤០លាននាក់នៅឆ្នាំ២០២៥។ ការណ៍នេះអាចជំរុញឱ្យតម្រូវការខុនដូកើនឡើង។

យ៉ាងណាមិញ លោក Therdsak Thaweetheeratham ជំនួយការរបស់នាយកគ្រប់គ្រងក្រុមហ៊ុន Asia Plus Securities បានជំរុញឱ្យអ្នកអភិវឌ្ឍន៍ខិតខំកាត់បន្ថយចំនួនខុនដូដែលនៅសេសសល់ក្នុងស្តុក ខណៈការដាក់ឱ្យដំណើរការគម្រោងថ្មីត្រូវបានគេរំពឹងថា នឹងថមថយចុះបន្តិច៕ប្រភព: The Nation៕

ក្រុមមន្រ្តីពិភាក្សាអំពីការដាក់ឱ្យប្រើប្រាស់មុខងារថ្មីៗនិងការធ្វើបរមភាវូបនីយកម្មប្រព័ន្ធគ្រប់គ្រង គម្រោងវិនិយោគកម្ពុជា cdcIPM

ដោយៈ គង់ សូរិយា

ភ្នំពេញៈ ក្រុមមន្រ្តីបានបើកកិច្ចប្រជុំបច្ចេកទេស ពិនិត្យពិភាក្សា លើការដាក់ឱ្យប្រើប្រាស់មុខងារថ្មីៗបន្ថែម និងការធ្វើបរមភាវូបនីយកម្ម ប្រព័ន្ធគ្រប់គ្រង គម្រោងវិនិយោគកម្ពុជា cdcIPM។

កិច្ចប្រជុំកាលពីថ្ងៃទី១៤ មិនា មានការចូលរួមពីលោកហ៊ាង សុទ្ធាយុត្តិ អគ្គលេខាធិការរង នៃអគ្គលេខាធិការដ្ឋានក្រុមប្រឹក្សាអភិវឌ្ឍន៍កម្ពុជា(ក.អ.ក.) រួមជាមួយ លោកនុត អ៊ុនវ័ណរ៉ាអគ្គលេខាធិការរង នៃគណៈកម្មាធិការវិនិយោគកម្ពុជា(គ.វ.ក.) បានអញ្ជើញជាសហប្រធាន ដឹកនាំកិច្ចប្រជុំបច្ចេកទេសនៃក្រុមការងារប្រតិបត្តិ និងក្រុមការងារអភិវឌ្ឍន៍ ប្រព័ន្ធគ្រប់គ្រងគម្រោងវិនិយោគកម្ពុជា (Cambodia Investment Project Management – cdcIPM) ដោយមានការចូលរួមពីលោកយុន ហេង និងលោកបណ្ឌិតសរ សិនិរ៉ា អគ្គលេខាធិការរង គ.វ.ក. ព្រមទាំងលោក លោកស្រី អ្នកនាងកញ្ញាជាមន្ត្រីពាក់ព័ន្ធសរុបប្រមាណ៣០រូប។

កិច្ចប្រជុំនាព្រឹកនេះ ត្រូវបានរៀបចំឡើងក្នុងគោលបំណង ដើម្បី ពិនិត្យពិភាក្សា កម្រិតបច្ចេកទេសលើការធ្វើបរមភាវូបនីយកម្ម និងការដាក់ឱ្យប្រើប្រាស់មុខងារថ្មីៗ បន្ថែមនៅក្នុងប្រព័ន្ធcdcIPM សំដៅពន្លឿនប្រតិបត្តិការប្រព័ន្ធ ឱ្យកាន់តែមានប្រសិទ្ធភាព សម្រាប់ការផ្តល់សេវាសាធារណៈជូនដល់វិនិយោគិន ដែលជាការឆ្លើយតបទៅនឹងទិសដៅការងារបានដាក់ចេញដ៏ខ្ពង់ខ្ពស់ដោយ សម្តេចមហាបវរធិបតី នាយករដ្ឋមន្ត្រីនៃកម្ពុជា និងជាប្រធាន ក.អ.ក. នៅក្នុងកិច្ចប្រជុំផ្លូវការលើកទី១ របស់ ក.អ.ក. កាលពីថ្ងៃទី២០ ខែធ្នូ ឆ្នាំ២០២៤ កន្លងទៅ៕

1...359360361...3,346 Page 360 of 3,346