The Asia Foundation in Cambodia Provides Important Technical Assistance to the Ministry of Tourism

By, MoT

Phnom Penh, H.E. Huot Hak, Minister of Tourism, received Ms. Meloney C. Lindberg, Country Representative of The Asia Foundation in Cambodia, and her senior colleagues for a courtesy call and working discussion on the progress of cooperation between the Ministry of Tourism and The Asia Foundation, particularly regarding the provision of significant technical assistance for the project entitled “Cambodia International Visitors’ Survey (CIVS)” at the Ministry of Tourism.

During this important meeting, Ms. Meloney C. Lindberg briefed H.E. the Minister on the activities and past cooperation between The Asia Foundation and the Ministry of Tourism, especially the Foundation’s support for research, capacity building, and sustainable tourism development. She also presented the Cambodia International Visitors’ Survey (CIVS) project, which aims to study and better understand the experiences and satisfaction levels of international tourists, particularly those from Cambodia’s key tourism markets.

Through digital technology-based surveys, the project will provide important data on aspects such as tourists’ length of stay, preferred activities, expenditure patterns, and other relevant information.

The data collected will assist the Ministry of Tourism and relevant stakeholders in monitoring market trends, identifying popular tourism products and activities, and formulating policies and strategies that are more responsive to the actual needs and expectations of tourists.

On this occasion, both parties agreed on the importance of utilizing data and research as a foundation for policymaking and tourism development in Cambodia. They also held in-depth discussions on the effective implementation of the Cambodia International Visitors’ Survey (CIVS) through close coordination and cooperation between The Asia Foundation and the Ministry of Tourism.

In response, H.E. the Minister expressed his appreciation and high regard for The Asia Foundation as a longstanding and important partner of the Royal Government of Cambodia and the Ministry of Tourism in supporting tourism development, as well as promoting Cambodia’s cultural heritage and UNESCO World Heritage sites to the international community. He also assigned relevant technical teams to closely coordinate and cooperate with The Asia Foundation to ensure the successful and effective implementation of the project, contributing to the development of the tourism sector, which is regarded as a vital pillar of the national economy under the visionary leadership of Samdech Moha Borvor Thipadei Hun Manet, Prime Minister of the Kingdom of Cambodia.

ក្រុមមន្រ្តីជាន់ខ្ពស់កិច្ចសន្ទនាលើកទី៤ រវាងរដ្ឋ និងវិស័យឯកជនកម្ពុជា-សហភាពអឺរ៉ុប

ដោយៈ ចំណាន

ភ្នំពេញៈ ក្រុមមន្រ្តីជាន់ខ្ពស់កម្ពុជា និងសហភាពអឺរ៉ុបបានបើកកិច្ចសន្ទនាលើកទី៤ រវាងរដ្ឋ និងវិស័យឯកជនកម្ពុជា សហភាពអឺរ៉ុប ដើម្បីពង្រឹងទំនុកចិត្តបន្ថែមទៀត។

កិច្ចប្រជុំនេះធ្វើឡើង ក្រោមអធិបតីភាពលោកស៊ុន ចាន់ថុល ឧបនាយករដ្ឋមន្រ្តី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា ដោយមាន តំណាងក្រសួង-ស្ថាប័នពាក់ព័ន្ធ វិស័យឯកជន និងមន្ត្រីជំនាញជាច្រើនរូប។

កិច្ចសន្ទនានេះ ត្រូវបានរៀបចំឡើងក្នុងគោលបំណងពង្រឹង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ព្រមទាំងធ្វើឱ្យប្រសើរឡើង នូវទំនាក់ទំនងសេដ្ឋកិច្ច និងកសាងជំនឿទុកចិត្តពីសំណាក់សហគមន៍ធុរកិច្ចអឺរ៉ុប សំដៅជំរុញការវិនិយោគបន្ថែមនៅកម្ពុជា។

កិច្ចសន្ទនាលើកទី៤ រវាងរដ្ឋនិងវិស័យឯកជន កម្ពុជា-សហភាពអឺរ៉ុប បានប្រព្រឹត្តទៅដោយរលូនតាមរបៀបវារៈ ដែលបានគ្រោងទុក ដោយបានលើកយកប្រធានបទជាអាទិភាព មកពិភាក្សាយ៉ាងផុសផុលពាក់ព័ន្ធនឹងបរិយាកាសវិនិយោគ និងការធ្វើធុរកិច្ចនៅកម្ពុជា របស់វិនិយោគិនអឺរ៉ុប និងការឯកភាពនូវជំហានបន្តបន្ទាប់ ដើម្បីប្រាកដថាបញ្ហាដែលបានលើកឡើង នឹងត្រូវបានដោះស្រាយដោយវិជ្ជមាន៕

ស្ថាប័នថ្នាក់ជាតិ និងថ្នាក់ក្រោមជាតិចំនួន៣រួមគ្នាដោះស្រាយភាពរាំងស្ទះលំហូរឯកសារដីធ្លីរបស់ប្រជាពលរដ្ឋ

ដោយៈ ម៉ាលីនណា

កណ្តាលៈ មន្រ្តីជាន់ខ្ពស់ថ្នាក់ជាតិ និងថ្នាក់ក្រោមជាតិបានបើកកិច្ចប្រជុំរួមគ្នា ដើម្បីដោះស្រាយការរាំងស្ទះទាំងឡាយ ដែលធ្វើឱ្យមានភាព យឺតយ៉ាវដល់លំហូរឯកសារដីធ្លីរបស់ប្រជាពលរដ្ឋ។

កិច្ចប្រជុំកាលពីព្រឹកថ្ងៃទី២៣ ខែមិថុនា ឆ្នាំ២០២៦ មានការចូលរួមពីលោកគង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ លោកឈឿន ប៊ុណ្ណារ័ត្ន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់ និងលោកគួច ចំរើន អភិបាល នៃគណៈអភិបាលខេត្តកណ្តាល បានដឹកនាំកិច្ចប្រជុំពិនិត្យ ដោះស្រាយ និងពន្លឿនលំហូរឯកសារវិស័យដីធ្លី ក្នុងភូមិសាស្ត្រខេត្តកណ្តាល។

លោកគួច ចំរើន អភិបាល នៃគណៈអភិបាលខេត្តកណ្តាល បានលើកឡើងថា ខេត្តកណ្តាល គឺជាខេត្តដែលមានសក្តានុពល សេដ្ឋកិច្ចខ្ពស់ ប្រជាពលរដ្ឋច្រើន និងមានភូមិសាស្ត្រព័ទ្ធជុំវិញរាជធានីភ្នំពេញ ដែលធ្វើ ឱ្យចរន្តនៃការអភិវឌ្ឍ ការវិនិយោគ និងជាពិសេសការទិញ-លក់ ផ្ទេរកម្មសិទ្ធិ ក៏ដូចជា ការស្នើសុំសេវាចុះបញ្ជីដីធ្លី តែងតែមានបរិមាណច្រើន និងមានភាពមមាញឹកយ៉ាងសកម្មជាប្រចាំ។

លោកបញ្ជាក់ថា “ភាពមមាញឹកនេះ បានឆ្លុះបញ្ចាំងពីកំណើនសេដ្ឋកិច្ច ប៉ុន្តែទន្ទឹមគ្នានេះ វាក៏បានបង្កើតនូវសម្ពាធ និងបញ្ហាប្រឈមមួយចំនួនពាក់ព័ន្ធនឹងភាពរាំងស្ទះ និងការយឺត យ៉ាវនៃលំហូរឯកសារ រវាងអង្គភាពអនុវត្ត មានជាអាទិ៍អង្គភាពច្រក ចេញចូលតែមួយខេត្ត សាខាពន្ធដារខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និង ការិយាល័យរៀបចំដែនដី នគរូបនីយកម្ម សំណង់ និងភូមិបាលនៃរដ្ឋបាលក្រុង-ស្រុក”។

លោកបន្តថា កិច្ចប្រជុំនេះ គឺរៀបចំឡើង ដើម្បីពិនិត្យស្ថានភាពជាក់ស្តែង រកឱ្យឃើញនូវចំណុចខ្វះខាត ចំណុចរាំងស្ទះ និងមូលហេតុដែលធ្វើឱ្យឯកសារដីធ្លី របស់ប្រជាពលរដ្ឋមានភាពយឺតយ៉ាវ។ ដោះស្រាយបញ្ហាប្រឈម ដោយស្វែងរកយន្តការរួមមួយ រវាងមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត និងសាខាពន្ធដារខេត្ត ព្រមទាំង ការិយាល័យរៀបចំដែនដី នគរូបនីយកម្ម សំណង់ និងភូមិបាល នៃរដ្ឋបាលក្រុង-ស្រុក ដើម្បីកាត់បន្ថយនីតិវិធីស្មុគស្មាញដែលមិនចាំបាច់ និងពន្លឿនលំហូរឯកសារ ដោយដាក់ចេញនូវវិធានការមុតស្រួច និងយន្តការច្បាស់លាស់ ដើម្បីធានាថាឯកសារនីមួយៗហូរស្របតាមកាលបរិច្ឆេទកំណត់ និងមិនមានការកកស្ទះនៅមន្ត្រីណាម្នាក់ឡើយ។

ក្នុងឱកាសនោះដែរ លោកអភិបាលខេត្តកណ្ដាល បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែង របស់ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ទាំងអស់ ដែលបានយកចិត្តទុកដាក់ ជំរុញការផ្តល់សេវាជូនប្រជាពលរដ្ឋ ជាពិសេសក្នុងកិច្ចខិតខំប្រឹងប្រែងចុះបញ្ជីដីធ្លីមាន លក្ខណៈជាប្រព័ន្ធ ដែលសម្រេចបានលទ្ធផលគួរជាទីមោទនៈ ក្នុងការចែកវិញ្ញាបនបត្រ សម្គាល់ម្ចាស់អចលនវត្ថុជូនប្រជាពលរដ្ឋបានរហូតដល់២,០០០បណ្ណជាងក្នុងមួយថ្ងៃ។

គិតមកដល់បច្ចុប្បន្ន ខេត្តកណ្ដាលបានធ្វើការចែកសរុបចំនួន ៤៩៧,៧០១ បណ្ណ ក្នុង១២២ ឃុំ-សង្កាត់ ហើយនាពេលដ៏ខ្លីខាងមុខនេះ ខេត្តកណ្ដាលនឹងឈានទៅធ្វើការចែកបណ្ណបញ្ចប់ ទូទាំងខេត្ត នៅស្រុកខ្សាច់កណ្តាល នាពេលខាងមុខ ដែលនេះគឺជាសមិទ្ធផល ដ៏ធំធេងដែលកើតចេញពីស្មារតីទទួលខុសត្រូវ និងកិច្ចខិតខំសហការគ្នា របស់ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ទាំងអស់។

ក្នុងកិច្ចប្រជុំនេះដែរ លោកគង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានមានប្រសាសន៍ថា រាជរដ្ឋាភិបាលកម្ពុជាបានដាក់ចេញនូវ យុទ្ធសាស្ត្របញ្ចកោណ ដំណាក់កាលទី១ ក្រោមបាវចនា “កំណើន ការងារ សមធម៌ ប្រសិទ្ធភាព និងចីរភាព” និងអាទិភាពគន្លឹះ៥ “មនុស្ស ផ្លូវ ទឹក ភ្លើង និងបច្ចេកវិទ្យា” ព្រមទាំងបន្តជំរុញការអនុវត្តគោលនយោបាយ កំណែទម្រង់នានា ជាពិសេសការកែទម្រង់រដ្ឋបាលសាធារណៈ ក្នុងគោលដៅលើកកម្ពស់ គុណភាព តម្លាភាព និងប្រសិទ្ធភាពនៃការផ្តល់សេវាសាធារណៈ ជូនប្រជាពលរដ្ឋ ស្របតាមអភិក្រម “ការបម្រើសេវាសាធារណៈល្អ ប្រជាជនស្រឡាញ់”។

លោកគង់ វិបុល ណែនាំដល់អង្គភាពច្រកចេញចូលតែមួយខេត្ត សាខាពន្ធដារខេត្ត មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវសហាការគ្នាធ្វើយ៉ាងណា ឱ្យលំហូរឯកសារបានយ៉ាងល្អប្រសើរ ត្រូវចាត់ទុក បញ្ហារបស់ប្រជាពលរដ្ឋ ជាបញ្ហារបស់ខ្លួនដែលត្រូវតែដោះស្រាយឱ្យខានតែបាន ក្នុងស្មារតី រួបរួមសហការគ្នា ប្រកបដោយភាពប្រទាក់ក្រឡា និងស៊ីសង្វាក់ ស្របតាមអភិក្រម “ជវភាពនៃប្រព័ន្ធតួអង្គតែមួយ” សំដៅធ្វើយ៉ាងណាឱ្យការផ្តល់សេវាវិស័យដីធ្លីក្នុង ខេត្តកណ្តាល ក្លាយជាគំរូនៃភាពជោគជ័យ៕

មន្រ្តីពិភាក្សាជាមួយក្រុមហ៊ុនជប៉ុន លើលទ្ធភាពនៃកិច្ចសហប្រតិបត្តិការលើការអភិវឌ្ឍវិស័យផ្លូវដែក ការដឹកជញ្ជូនទំនិញ

ដោយៈ ចំណាន

ភ្នំពេញៈ មន្រ្តីជាន់ខ្ពស់ក្រសួងសាធារណការ បានជួបពិភាក្សា ការងារជាមួយក្រុមហ៊ុន MK Co., Ltd. នៃប្រទេសជប៉ុន លើលទ្ធភាពនៃកិច្ចសហប្រតិបត្តិការ លើការអភិវឌ្ឍវិស័យផ្លូវដែក ការដឹកជញ្ជូនទំនិញ និងការគ្រប់គ្រងភស្តុភារកម្មនៅកម្ពុជា។

ព័ត៌មាននេះត្រូវបានលើកឡើង ក្នុងឱកាសលោកជំទាវ កុយ សុដានី រដ្ឋលេខាធិការប្រចាំការ ក្រសួងសាធារណការ និងដឹកជញ្ជូន បានទទួលជួបពិភាក្សាការងារជាមួយ លោក Kazuki Matsukawa តំណាងក្រុមហ៊ុន MK Co., Ltd. នៃប្រទេសជប៉ុនកាលពីថ្ងៃទី២៣ មិថុនាកន្លងមកនេះ។

ជំនួបនេះត្រូវបានរៀបចំឡើង ក្នុងគោលបំណងដើម្បីពិភាក្សាផ្លាស់ប្តូរយោបល់ និងស្វែងយល់អំពីបទពិសោធន៍របស់ក្រុមហ៊ុន MK Co., Ltd. ក្នុងវិស័យដឹកជញ្ជូន និងភស្តុភារកម្ម ព្រមទាំងពិភាក្សាអំពីលទ្ធភាពនៃកិច្ចសហប្រតិបត្តិការ លើការអភិវឌ្ឍវិស័យផ្លូវដែក ការដឹកជញ្ជូនទំនិញ និងការគ្រប់គ្រងភស្តុភារកម្មនៅកម្ពុជា សំដៅលើកកម្ពស់ប្រសិទ្ធភាព សុវត្ថិភាព និងនិរន្តរភាពនៃប្រព័ន្ធដឹកជញ្ជូន៕

ចំណេះដឹងៈតើអ្វីទៅជាផែនការវិនិយោគផ្ទាល់ខ្លួន?

ដោយៈ ម៉ាណា

ភ្នំពេញៈ ផែនការវិនិយោគផ្ទាល់ខ្លួន គឺជាផែនទីបង្ហាញផ្លូវ និងជាយុទ្ធសាស្ត្រហិរញ្ញវត្ថុ ដែលត្រូវបានរៀបចំឡើង ដើម្បីចាត់ចែងសាច់ប្រាក់ ធនធាន ឬពេលវេលា។

ការធ្វើបែបនេះ ដើម្បីឆ្ពោះទៅរកគោលដៅហិរញ្ញវត្ថុជាក់លាក់ ក្នុងរយៈពេលកំណត់ណាមួយ ដើម្បីកាត់បន្ថយហានិភ័យ និងបង្កើនឱកាសទទួលបានផលចំណេញត្រលប់មកវិញ (Return)ឱ្យបានកាន់តែប្រសើរ។

តើហេតុអ្វីត្រូវរៀបចំផែនការវិនិយោគផ្ទាល់ខ្លួន?

ការរៀបចំផែនការវិនិយោគផ្ទាល់ខ្លួន គឺជាផ្នែកសំខាន់មួយនៃការគ្រប់គ្រងហិរញ្ញវត្ថុ ផ្ទាល់ខ្លួនឱ្យមានប្រសិទ្ធភាព ដែលធ្វើឱ្យយើងមានទិសដៅច្បាស់លាស់ ក្នុងការប្រើប្រាស់សាច់ប្រាក់ និងអាចសម្រេចគោលដៅហិរញ្ញវត្ថុនាពេលអនាគត បានយ៉ាងមានប្រសិទ្ធភាព ដែលបៀបដូចជា ត្រីវិស័យហិរញ្ញវត្ថុ ដែលជួយឱ្យអ្នកដឹងថា តើកំពុងវិនិយោគដើម្បីអ្វី? តើត្រូវវិនិយោគរយៈពេលប៉ុន្មាន? តើអ្នកអាចទទួលយកហានិភ័យកម្រិតណា?។

ការឆ្លើយសំណួរទាំងអស់ខាងលើនេះ នឹងជួយឱ្យអ្នកជ្រើសរើសយុទ្ធសាស្ត្រ និងឧបករណ៍វិនិយោគ ដែលសមស្របទៅនឹងគោលដៅ និងស្ថានភាពហិរញ្ញវត្ថុរបស់ខ្លួន៕

តើអ្នកវិនិយោគដែលមានទំហំទុនចន្លោះពី៥០ម៉ឺនទៅ១លានដុល្លារគួរវិនិយោគលើអចលនទ្រព្យប្រភេទណាក្នុងបរិបទបច្ចុប្បន្ន?

ដោយៈ ចំណាន

ភ្នំពេញៈ នៅក្នុងយុទ្ធសាស្ត្រជោគជ័យធម្មតា ខណៈទីផ្សារកំពុងមានភាពមិនច្បាស់លាស់ ហានិភ័យពិតមានច្ពស់សម្រាប់អ្នកវិនិយោគក្នុងវិស័យអចលនទ្រព្យ។

តើអ្នកវិនិយោគគួរផ្តោតលើអចលនទ្រព្យបែបណា ប្រសិនជាមានលុយចាប់ពី១លានដុល្លារឡើងទៅ? ការសិក្សានិងវិភាគបានបង្ហាញថា វិនិយោគិនដែលមានប្រាក់ ចាប់ពី៥០០,០០០ដុល្លារ ដល់១លានដុល្លារអាចពិចារណា លើសូចនាករមួយចំនួនដូចជា ទី១ទិញដី ឬអចលនទ្រព្យដែលមានការបញ្ចុះតម្លៃ។

ទី២. ជួសជុល ឬអភិវឌ្ឍវាទៅជាទ្រព្យសកម្មសម្រាប់ជួល។ ទី៣. បង្កើតផលចំណេញត្រលប់ពីការជួលប្រចាំឆ្នាំ ក្នុងចន្លោះពី៦ទៅ១០ភាគរយ។ ទី៤. រង់ចាំវដ្តសេដ្ឋកិច្ចបន្ទាប់ ដើម្បីនាំមកនូវការកើនឡើងនៃដើមទុន។

យោងតាមប្រវត្តិសាស្ត្រ ទ្រព្យសម្បត្តិអចលនទ្រព្យដ៏ធំបំផុតច្រើនតែត្រូវបានបង្កើតឡើងដោយវិនិយោគិន ដែលទិញក្នុងអំឡុងពេលដ៏លំបាក ហើយរក្សាទុករហូតដល់ទីផ្សារងើបឡើងវិញ មិនមែនដោយការទិញនៅចំណុចកំពូលនៃការរីកចម្រើននោះទេ៕

ក្រុមហ៊ុនយក្សម៉ាឡេស៊ី Genting Group ប្រកាសពីគម្រោងទីក្រុងឆ្លាតវៃតម្លៃ ២០ ពាន់លានដុល្លារនៅរដ្ឋ Johor

ដោយ: សហសេវិក
អន្តរជាតិ: ក្រុមហ៊ុនយក្ស Genting Group របស់ប្រទេសម៉ាឡេស៊ី បានប្រកាសពីគម្រោងទីក្រុងឆ្លាតវៃតម្លៃ ២០ ពាន់លានដុល្លារនៅរដ្ឋ Johor ក្នុងគោលបំណងប្រែក្លាយជាមជ្ឈមណ្ឌលដ៏សំខាន់សម្រាប់បញ្ញាសិប្បនិម្មិត បច្ចេកវិទ្យា និងនវានុវត្តន៍។

គម្រោងនេះមានឈ្មោះថា «Johor Tech Smart City» គ្របដណ្ដប់លើផ្ទៃដី៩,៣ គីឡូម៉ែត្រការ៉េក្នុងទីក្រុង Kulai ជិតអាកាសយានដ្ឋានអន្តរជាតិ Senai និងក្នុងតំបន់សេដ្ឋកិច្ចពិសេស Johor-Singapore។

លក្ខណៈពិសេសសំខាន់មួយនៃគម្រោងនេះគឺ Knowledge AI Campus ដែលជាមជ្ឈមណ្ឌលស្រាវជ្រាវ និងអភិវឌ្ឍន៍បញ្ញាសិប្បនិម្មិត (AI)។ ដៃគូរួមមានក្រុមហ៊ុនបច្ចេកវិទ្យាចិន Huawei Technologies និងក្រុមហ៊ុនមនុស្សយន្តចិន Agibot Innovation Technology។

ការអភិវឌ្ឍនេះក៏នឹងរួមបញ្ចូលផងដែរនូវកសិដ្ឋានឆ្លាតវៃដំណើរការដោយ AI ដើម្បីបង្កើនផលិតភាពកសិកម្ម តំបន់លំនៅឋានសម្រាប់ការស្នាក់នៅរយៈពេលវែង ទីលានវាយកូនហ្គោល និងការរចនាគ្រឿងបរិក្ខារដើម្បីទាក់ទាញអ្នកជំនាញអន្តរជាតិ អ្នកស្រាវជ្រាវ និងសហគ្រិន។

ក្រុមហ៊ុន Genting ប៉ាន់ប្រមាណថា គម្រោងនេះនឹងចំណាយទុនវិនិយោគចំនួន ៨០ ពាន់លានរីងហ្គីត (ប្រមាណ១៩,៧ ពាន់លានដុល្លារ) និងបង្កើតការងារប្រហែល ១០.០០០ កន្លែងនៅពេលបញ្ចប់។

គម្រោងនេះគាំទ្រដល់ផែនការចក្ខុវិស័យឆ្នាំ ២០៣០ របស់រដ្ឋ Johor ដើម្បីក្លាយជាមជ្ឈមណ្ឌលឈានមុខគេក្នុងតំបន់សម្រាប់ការវិនិយោគ បច្ចេកវិទ្យា នវានុវត្តន៍ និងការអភិវឌ្ឍទេពកោសល្យ។

រដ្ឋ Johor ទទួលបានអត្ថប្រយោជន៍ពីការវិនិយោគដ៏រឹងមាំលើបច្ចេកវិទ្យា AI និងទំនាក់ទំនងសេដ្ឋកិច្ចកាន់តែជិតស្និទ្ធជាមួយប្រទេសសិង្ហបុរី។

សេដ្ឋកិច្ចរបស់រដ្ឋនេះបានកើនឡើង៦,៤ភាគរយក្នុងឆ្នាំ២០២៥ លឿនជាងអត្រាកំណើនសេដ្ឋកិច្ចថ្នាក់ជាតិរបស់ប្រទេសម៉ាឡេស៊ី (៥,២ភាគរយ) ខណៈ
តំបន់សេដ្ឋកិច្ចពិសេស Johor-Singapore បានទាក់ទាញការវិនិយោគចំនួន៦៨ពាន់លានរីងហ្គីតក្នុងរយៈពេល៩ខែដំបូងកាលពីឆ្នាំ២០២៥៕

សម្តេចធិបតីនឹងអញ្ជើញចូលរួមសម្ពោធកំណាត់ផ្លូវជាតិលេខ៧នៅដើមខែកក្កដាខាងមុខ

ដោយៈ ចំណាន

ភ្នំពេញៈ ក្រុមមន្រ្តីបានបើកកិច្ចប្រជុំ គណៈកម្មការរៀបចំពិធីសម្ពោធបើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ខេត្តកំពង់ចាម។

ព័ត៌មាននេះត្រូវបានលើកឡើង ក្នុងឱកាសលោកលឹម ស៊ីដេនីន រដ្ឋលេខាធិការ និងជាប្រធានគណៈកម្មការ បានអញ្ជើញដឹកនាំកិច្ចប្រជុំ គណៈកម្មការរៀបចំពិធីសម្ពោធ បើកឱ្យប្រើប្រាស់ជាផ្លូវការកំណាត់ផ្លូវជាតិលេខ៧ ប្រវែង៤៥,៥០គីឡូម៉ែត្រ ចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ខេត្តកំពង់ចាម ក្រោមក្របខណ្ឌហិរញ្ញប្បទានសម្បទាន ពីរដ្ឋាភិបាលនៃសាធារណរដ្ឋប្រជាមានិតចិន។

កិច្ចប្រជុំនេះ មានការអញ្ជើញចូលរួមពីថ្នាក់ដឹកនាំក្រសួង សមាជិក សមាជិកាគណៈកម្មការ អនុគណៈកម្មការត្រៀមរៀបចំពិធីសម្ពោធ មន្ត្រីជំនាញបច្ចេកទេសពាក់ព័ន្ធជាច្រើនរូបផងដែរ។

កិច្ចប្រជុំរៀបចំឡើង ដើម្បីពិនិត្យទៅលើវឌ្ឍនភាពការងារ នៃការរៀបចំរបស់ អនុគណៈកម្មការទទួលបន្ទុកនីមួយៗ ដែលបានត្រូវចាត់តាំងឱ្យបំពេញភារកិច្ចរៀងៗខ្លួន សំដៅធានាធ្វើយ៉ាងណាឱ្យដំណើរការរៀបចំពិធីសម្ពោធនេះ ប្រព្រឹត្តទៅដោយរលូន និងទទួលលទ្ធផលខ្ពស់តាមផែនការដែលបានគ្រោងទុក។

លោកលឹម ស៊ីដេនីន បានស្នើឱ្យថ្នាក់ដឹកនាំទទួលបន្ទុកគណៈកម្មការ និងអនុគណៈកម្មការនីមួយៗ និងមន្ត្រីបច្ចេកទេសពាក់ព័ន្ធយកចិត្តទុកដាក់ និងមានការទទួលខុសត្រូវខ្ពស់ ក្នុងការបំពេញតួនាទីភារកិច្ចរបស់ខ្លួន ដោយសហការជាមួយបានស្ថាប័នពាក់ព័ន្ធ ឱ្យបានល្អ ច្បាស់លាស់ និងសហការគ្នាឱ្យបានជិតស្និទ្ធ ជាមួយគ្រប់ភាគីពាក់ព័ន្ធទាំងអស់ ដើម្បីឱ្យថ្ងៃដំណើរការកម្មវិធី នាពេលខាងមុខមានសណ្ដាប់ធ្នាប់ របៀបរៀបរយ និងប្រព្រឹត្តទៅបានដោយរលូន ប្រកបដោយសុវត្ថិភាពនិងប្រសិទ្ធភាពខ្ពស់។

កំណាត់ផ្លូវជាតិលេខ៧ ប្រវែង៤៥,៥០គីឡូម៉ែត្រ ចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ខេត្តកំពង់ចាម គ្រោងនឹងសម្ពោធបើកឱ្យប្រើប្រាស់ជាផ្លូវការ នាថ្ងៃទី៧ ខែកក្កដា ឆ្នាំ២០២៦ ខាងមុខនេះ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា៕

ផ្លូវជាតិលេខ៧ ចាប់ពីរង្វង់មូលស្គន់ ដល់រង្វង់មូលស្ពានគីហ្សូណា ខេត្តកំពង់ចាម។

ទីក្រុងតូក្យូកំពុងជំរុញការសាងសង់លំនៅឋានមានតម្លៃសមរម្យនៅតំបន់កណ្តាលក្រុង

ដោយ: សហសេវិក
អន្តរជាតិ: ទីក្រុងតូក្យូកំពុងជំរុញការសាងសង់លំនៅឋានដែលមានតម្លៃសមរម្យនៅតំបន់កណ្តាលក្រុង ដោយផ្តល់ការលើកទឹកចិត្តដល់ក្រុមហ៊ុនអភិវឌ្ឍន៍ ប្រសិនបើពួកគេសាងសង់អាផាតមិនដែលមានតម្លៃជួលទាបជាងតម្លៃទីផ្សារប្រហែល២០%។

ក្រោមកម្មវិធីលើកទឹកចិត្តនេះ បណ្តាអ្នកអភិវឌ្ឍន៍អាចសាងសង់គម្រោងធំៗ ដោយទទួលបានការដំឡើងសមាមាត្ររវាងទំហំផ្ទៃក្រឡា សរុបនៃអគារ និងទំហំដីឡូតិ៍ (FAR)។

តួយ៉ាង ក្រុមហ៊ុន Sumitomo Realty & Development គ្រោងសាងសង់អគារអាផាតមុិនចំនួនពីរនៅក្នុងតំបន់ Tsukiji នៅឆ្នាំ ២០៣២ និងគ្រោងបង្កើតលំនៅឋានមានតម្លៃសមរម្យប្រហែល៥០យូនីត។ សមាមាត្រ FAR នឹងកើនឡើងពី៦០០ភាគរយដល់ប្រហែល ១៣៥០ភាគរយ។

ទីក្រុងតូក្យូក៏កំពុងពិចារណាលើកម្មវិធីលើកទឹកចិត្តស្រដៀងគ្នានេះសម្រាប់គម្រោងខុនដូ ហើយបានដាក់ឱ្យដំណើរការមូលនិធិសាធារណៈ-ឯកជនតម្លៃជាង ២០ ពាន់លានយ៉េន (១២៤លានដុល្លារ) ដើម្បីផ្គត់ផ្គង់លំនៅឋានមានតម្លៃសមរម្យចំនួន ៣៥០ យូនីត។

ចំណាត់ការនេះកើតឡើង ស្របពេលដែលតម្លៃជួលបន្តកើនឡើង។ តម្លៃជួលខុនដូជាមធ្យមទូទាំងសង្កាត់ចំនួន២៣ នៃទីក្រុងតូក្យូបានកើនឡើងប្រហែល៨ភាគរយធៀបនឹងឆ្នាំមុនក្នុងខែឧសភា ដល់ ៥.០៧៨ យ៉េនក្នុងមួយម៉ែត្រការ៉េ។

រដ្ឋាភិបាលជប៉ុនក៏កំពុងលើកទឹកចិត្តដល់ការជួសជុលផ្ទះទំនេរដែលស្ថិតនៅឆ្ងាយពីកណ្តាលទីក្រុងតូក្យូ ដើម្បីជួយបង្កើនការផ្គត់ផ្គង់លំនៅឋាន និងបន្ធូរបន្ថយសម្ពាធនៃការជួល៕ប្រភព: Nikkei Asia៕

តើធ្វើដូចម្តេចទើបអាចទាក់ទាញលំហូរ FDI ចូលមកក្នុងវិស័យអចលនទ្រព្យកម្ពុជាឡើងវិញ? រដ្ឋាភិបាលគួរធ្វើអ្វី?

ដោយៈ ស៊ីវ ម៉េង

ភ្នំពេញៈ ដើម្បីទាក់ទាញការវិនិយោគផ្ទាល់ពីបរទេស (FDI) កាន់តែច្រើន ចូលទៅក្នុងវិស័យអចលនទ្រព្យរបស់ប្រទេសកម្ពុជា អ្នកវិភាគភាគច្រើនយល់ស្របថា រដ្ឋាភិបាលគួរតែផ្តោតលើការស្តារទំនុកចិត្តរបស់វិនិយោគិនឡើងវិញ ជាជាងគ្រាន់តែផ្តល់ការលើកទឹកចិត្តបន្ថែមទៀត។

តើរដ្ឋាភិបាលគួរធ្វើអ្វី និងរៀបចំផែនការយុទ្ឋសាស្រ្តបែបណា យើងគួរសិក្សាចំណុចមួយចំនួនដូចខាងក្រោម។

១. កែលម្អតម្លាភាព និងភាពប្រាកដប្រជាផ្នែកច្បាប់

អ្នកជំនាញលើកឡើងថា រដ្ឋាភិបាលត្រូវពង្រឹងការចុះបញ្ជីកម្មសិទ្ធិដីធ្លី និងការដោះស្រាយវិវាទ បង្កើនល្បឿនការអនុម័ត និងកាត់បន្ថយការពន្យារពេលរបស់រដ្ឋបាល។ ធានាការអនុវត្តច្បាប់ និងបទប្បញ្ញត្តិឱ្យស៊ីសង្វាក់គ្នា។ វិនិយោគិនឱ្យតម្លៃ លើការព្យាករណ៍ច្រើនជាងការលើកទឹកចិត្តពន្ធ។

២. ដោះស្រាយបញ្ហាផ្គត់ផ្គង់លើសនៅក្នុងផ្នែកអចលនទ្រព្យមួយចំនួន

នៅរាជធានីភ្នំពេញ និងក្រុងព្រះសីហនុ នៅតែមានស្តុកខុនដូ និងគម្រោងដែលមិនទាន់បានបញ្ចប់ច្រើន។ វិនិយោគិនចង់បានភស្តុតាងដែលបង្ហាញថា តម្រូវការអាចស្រូបយកការផ្គត់ផ្គង់ ដែលមានស្រាប់មុនពេលចាប់ផ្តើមគម្រោងថ្មីៗ។

៣. ធ្វើឱ្យប្រសើរឡើងនូវហេដ្ឋារចនាសម្ព័ន្ធ

ការអភិវឌ្ឍវិស័យហេដ្ឋារចនាសម្ព័ន្ធ ការដឹកជញ្ជូន ភស្តុភារ សេវាប្រើប្រាស់ និងការរៀបចំទីក្រុងកាន់តែប្រសើរឡើង បង្កើនតម្លៃដីធ្លី និងទាក់ទាញវិនិយោគិនរយៈពេលវែង។

ធនាគារពិភពលោក និង ADB បានបង្ហាញម្តងហើយម្តងទៀតអំពីហេដ្ឋារចនាសម្ព័ន្ធថា ជាកត្តាសំខាន់សម្រាប់ការប្រកួតប្រជែង។

៤. ពង្រីកការធ្វើពិពិធកម្មសេដ្ឋកិច្ច

ពិតហើយ ទីផ្សារអចលនទ្រព្យដើរតាមកំណើនការងារ និងអាជីវកម្ម។ ការផលិត បច្ចេកវិទ្យា ភស្តុភារ ទេសចរណ៍ និងសេវាកម្មកាន់តែច្រើនបង្កើតតម្រូវការសម្រាប់ការិយាល័យ លំនៅដ្ឋាន និងអចលនទ្រព្យឧស្សាហកម្ម។

៥. គាំទ្រដល់ស្ថិរភាពហិរញ្ញវត្ថុ

វិនិយោគិនតាមដានសុខភាពវិស័យធនាគារ បំណុលគ្រួសារ និងលក្ខខណ្ឌនៃការផ្តល់ប្រាក់កម្ចីអចលនទ្រព្យយ៉ាងដិតដល់ ខណៈលក្ខខណ្ឌហិរញ្ញប្បទាន ដែលមានស្ថិរភាពជួយស្តារទំនុកចិត្តឡើងវិញ។

តើអ្នកវិភាគកំពុងនិយាយបែបនេះចំពោះអ្នកណា? ធនាគារពិភពលោកសង្កត់ធ្ងន់ លើការកែទម្រង់បរិស្ថានអាជីវកម្ម ហេដ្ឋារចនាសម្ព័ន្ធ ការអភិវឌ្ឍជំនាញ និងស្ថាប័នឱ្យកាន់តែរឹងមាំ។

ចំណែកធនាគារអភិវឌ្ឍន៍អាស៊ី បានគូសបញ្ជាក់ពីកំណើនដែលដឹកនាំដោយវិស័យឯកជន ការវិនិយោគលើហេដ្ឋារចនាសម្ព័ន្ធ និងការធ្វើពិពិធកម្មសេដ្ឋកិច្ច។

ទីប្រឹក្សាផ្នែកច្បាប់ និងវិនិយោគនៅDFDL កត់សម្គាល់ថា ការធ្វើទំនើបកម្មបទប្បញ្ញត្តិ និងការការពារវិនិយោគិន គឺមានសារៈសំខាន់សម្រាប់ការទាក់ទាញដើមទុនអន្តរជាតិ។

អ្នកវិភាគអចលនទ្រព្យក្នុងស្រុកដូចជា ហ៊ឹម សីហា និងឧកញ៉ានួន រិទ្ធី បានលើកឡើងជាយូរមកហើយថា ទីផ្សារហិរញ្ញវត្ថុដែលមានសុខភាពល្អ តម្រូវការអ្នកប្រើប្រាស់ចុងក្រោយពិតប្រាកដ និងកំណើនទីក្រុងប្រកបដោយចីរភាព គឺមានសារៈសំខាន់ជាងការទិញដោយប្រថុយប្រថាន។

តើអ្វីអាចនាំFDI ត្រឡប់មកវិញលឿនបំផុត?

ប្រសិនបើកម្ពុជាចង់បានការកើនឡើង គួរឱ្យកត់សម្គាល់នៃ FDI អចលនទ្រព្យក្នុងរយៈពេលចន្លោះពី៣ ទៅ៥ឆ្នាំខាងមុខ ការរួមបញ្ចូលគ្នាដ៏ខ្លាំងក្លាបំផុតរួមមានដូចជា ទី១. គម្រោងហេដ្ឋារចនាសម្ព័ន្ធធំៗ។
ទី២. ការងើបឡើងវិញនៃវិស័យទេសចរណ៍ជាបន្តបន្ទាប់ ទី៣. ការវិនិយោគលើផលិតកម្ម និងភស្តុភារកម្មកាន់តែច្រើន។ ទី៤. ដំណោះស្រាយចំពោះគម្រោងដែលជាប់គាំង និងទី៥. ភាពប្រាកដប្រជាផ្នែកច្បាប់កាន់តែរឹងមាំសម្រាប់វិនិយោគិនបរទេស។

តាមប្រវត្តិសាស្ត្រ ប្រភពសំខាន់ៗនៃការវិនិយោគផ្ទាល់ពីបរទេសទាក់ទងនឹងអចលនទ្រព្យរបស់ប្រទេសកម្ពុជា គឺជាវិនិយោគិនមកពីប្រទេសចិន កូរ៉េខាងត្បូង ជប៉ុន ថៃ និងវៀតណាម។

ការកសាងទំនុកចិត្តឡើងវិញ ក្នុងចំណោមក្រុមទាំងនេះទំនងជានឹងកំណត់ថា តើទីផ្សារជួបប្រទះ នឹងការងើបឡើងវិញយ៉ាងខ្លាំងឬអត់? យ៉ាងពិតប្រាកដ៕