ក្រុមហ៊ុនចិន រុស្ស៊ី និងអូស្ត្រាលី ចាប់ផ្តើមបណ្តាក់ទុនវិនិយោគសាងសង់គម្រោងអចលនទ្រព្យនៅក្នុងទីក្រុង Nusantara

ដោយ: គង់ លាងហួរ
អន្តរជាតិ: កិច្ចព្រមព្រៀងសាងសង់តម្លៃរាប់លានដុល្លារអាមេរិករបស់បណ្តាក្រុមហ៊ុនធំៗមកពីប្រទេសចិន រុស្ស៊ី និងអូស្ត្រាលី បានចាប់ផ្តើមដាក់ឱ្យអនុវត្តន៍ជាផ្លូវការនៅក្នុងទីក្រុង Nusantara ដែលជារដ្ឋធានីថ្មីរបស់ប្រទេសឥណ្ឌូនេស៊ី។

គម្រោងទាំងនោះ រួមមានទាំងគម្រោងបដិសណ្ឋារកិច្ច ការអភិវឌ្ឍន៍វិស័យអប់រំ និងគម្រោងអចលនទ្រព្យនានាដូចជាសណ្ឋាគារប្រណីត អាផាតមុិន និងផ្សារទំនើប។

លោក Sandiaga Uno រដ្ឋមន្ត្រីក្រសួងទេសចរណ៍ និងសេដ្ឋកិច្ចច្នៃប្រឌិតឥណ្ឌូនេស៊ី បានសម្តែងសុទិដ្ឋិនិយមចំពោះការវិនិយោគថ្មី ដោយលោកបានលើកឡើងថា គម្រោងទាំងនេះអាចជំរុញការវិនិយោគពីអន្តរជាតិបន្ថែមទៀត ដើម្បីបង្កើតការងារ និងឱកាសអាជីវកម្មកាន់តែច្រើននៅទូទាំងប្រទេសឥណ្ឌូនេស៊ី។

ក្រុមហ៊ុនទេសចរណ៍ និងបដិសណ្ឋារកិច្ចឈានមុខគេរបស់ប្រទេសចិន Delonix Group បានបើកការដ្ឋានសាងសង់គម្រោងអចលនទ្រព្យនៅទីក្រុង Nusantara ក្រោមទុនវិនិយោគប្រមាណ៣២,៥ពាន់លានដុល្លារ។

ក្រុមហ៊ុនគ្រោងសាងសង់គម្រោងប្រើប្រាស់ចម្រុះនៅលើផ្ទៃដីទំហំ២,៤២ហិកតា ដែលនឹងរួមមានសណ្ឋាគារចំនួន២០០បន្ទប់ អាផាតមុិនប្រណីត ផ្សារទំនើប ការិយាល័យ និងទីលានលេងកីឡា។

ជាមួយគ្នានេះ ក្រុមហ៊ុន Magnum Estate International របស់រុស្សី គ្រោងនឹងបើកដំណើរការគម្រោងលំនៅដ្ឋាន និងតំបន់ពាណិជ្ជកម្មនៅលើផ្ទៃដីទំហំ១,៣ហិកតា ក្រោមទុនវិនិយោគប្រមាណ៥០០ពាន់លានរូពី។

លើសពីនេះ ក្រុមហ៊ុន AIS របស់ប្រទេសអូស្ត្រាលី គ្រោងបើកសម្ពោធអគារសិក្សាអប់រំលំដាប់អន្តរជាតិមួយ ដែលមានការអប់រំចាប់ពីថ្នាក់មត្តេយ្យសិក្សាដល់ថ្នាក់កម្រិតវិទ្យាល័យ ក្រោមទុនវិនិយោគចំនួន៩,៨លានដុល្លារអាមេរិក។

បរិវេណសាលារៀនថ្មីនេះនឹងរួមមានមជ្ឈមណ្ឌលសម្តែងសិល្បៈ មហោស្រព និងអាងហែលទឹក បន្ទប់ពិសោធន៍វិទ្យាសាស្ត្រទំនើប និងគ្រឿងបរិក្ខារ STEM ។

ការលេចចេញជារូបរាងឡើងនៃទីក្រុង Nusantara ត្រូវបានគេចាត់ទុកជាកេរដំណែលរបស់លោកប្រធានាធិបតីចាំផ្ទះ Joko Widodo ខណៈអាណត្តិជាប្រធានាធិបតីរបស់លោកនឹងត្រូវបញ្ចប់ជាស្ថាពរនៅត្រឹមថ្ងៃទី២០ ខែតុលាខាងមុខ៕ប្រភព:CNA៕

តើកំពូលមហាសេដ្ឋីរូបណាខ្លះដែលមានទ្រព្យសម្បត្តិចាប់ពី២០០ពាន់លានដុល្លារអាមេរិកឡើងទៅ?

ដោយ: គង់ លាងហួរ
អន្តរជាតិ: ក្នុងចំណោមប្រជាជនជិត៨ពាន់លាននាក់នៅទូទាំងពិភពលោក ក្នុងនោះគេសង្កេតឃើញមានតែមនុស្សចំនួន២.៧៨១នាក់ប៉ុណ្ណោះបានជាប់ឈ្មោះជាមហាសេដ្ឋីមានប្រាក់ខ្ទង់ពាន់លានដុល្លារអាមេរិក។ នេះបើយោងតាមសារពត៌មាន MoneyControl។

ក្នុងចំណោមនោះ គេសង្កេតឃើញមានតែបុគ្គលល្បីៗចំនួន៣រូបប៉ុណ្ណោះ ដែលមានទ្រព្យសម្បត្តិចាប់ពី២០០ពាន់លានដុល្លារឡើងទៅ ដូចជាលោក Elon Musk នាយកប្រតិបត្តិក្រុមហ៊ុន Tesla លោក Jeff Bezos ស្ថាបនិកក្រុមហ៊ុន Amazon និងលោក Mark Zuckerberg នាយកប្រតិបត្តិក្រុមហ៊ុន Meta។

យោងតាមសន្ទស្សន៍មហាសេដ្ឋីរបស់សារពត៌មាន Bloomberg បង្ហាញថា លោក Elon Musk មានទ្រព្យសម្បត្តិចំនួន២៧០ពាន់លានដុល្លារ ខណៈលោក Bezos មានទ្រព្យសម្បត្តិចំនួន២១៥ពាន់លានដុល្លារ និងលោក Zuckerberg មានមានទ្រព្យសម្បត្តិចំនួន២០២ពាន់លានដុល្លារគិតត្រឹមថ្ងៃទី២៦ ខែកញ្ញា ឆ្នាំ២០២៤។

តួលេខនេះបានធ្វើឱ្យលោក Mark Zuckerberg អាចនាំមុខនាយកប្រតិបត្តិក្រុមហ៊ុនបច្ចេកវិទ្យាធំៗផ្សេងទៀត រួមមានទាំងលោក Larry Ellison សហស្ថាបនិកក្រុមហ៊ុន Oracle ព្រមទាំងលោក Bill Gates និងលោក Steve Ballmer ដែលជាអតីតនាយកប្រតិបត្តិក្រុមហ៊ុន Microsoft ។

យោងតាមសារពត៌មាន Fortune រាយការណ៍ថា លោក Zuckerberg មិនត្រឹមតែបានជាប់ឈ្មោះជាមហាសេដ្ឋីមានទ្រព្យសម្បត្តិខ្ទង់២០០ពាន់លានដុល្លារកាលពីពេលថ្មីៗនេះប៉ុណ្ណោះទេ។ ប៉ុន្តែ លោកក៏ជាអ្នកឈ្នះដ៏ធំបំផុតក្នុងបញ្ជីមហាសេដ្ឋីពិភពលោកផងដែរ ខណៈនាយកប្រតិបត្តិក្រុមហ៊ុន Meta រូបនេះប្រមូលបានទ្រព្យសម្បត្តិរាប់សិបពាន់លានដុល្លារក្នុងឆ្នាំ២០២៤។

យោងតាមសន្ទស្សន៍មហាសេដ្ឋី Bloomberg បានឱ្យដឹងថាទ្រព្យសម្បត្តិរបស់បុរសវ័យ៤០ឆ្នាំរូបនេះបានកើនឡើងចំនួន៧១,៨ពាន់លានដុល្លារក្នុងឆ្នាំនេះ។ ទ្រព្យសម្បត្តិភាគច្រើនរបស់លោក Mark Zuckerberg មានប្រភពមកពីចំណែកភាគហ៊ុនរបស់លោកប្រហែល១៣ភាគរយនៅក្នុងក្រុមហ៊ុន Meta Platforms៕ប្រភព: MoneyControl៕

សណ្ឋាគារមួយនៅក្រុងព្រះសីហនុជាប់ឈ្មោះក្នុងចំណោមសណ្ឋាគារល្អបំផុតទាំង៥០ របស់ពិភពលោក

ដោយ: គង់ លាងហួរ
អន្តរជាតិ: សណ្ឋាគារចំនួន៦ មកពីប្រទេសកម្ពុជា ឥណ្ឌូនេស៊ី ហ្វីលីពីន ថៃ និងវៀតណាម បានជាប់ឈ្មោះក្នុងចំណោមសណ្ឋាគារល្អបំផុតទាំង៥០ របស់ពិភពលោក ស្ថិតក្រោមការវាយតម្លៃដោយសារពត៌មាន The Telegraph របស់ប្រទេសអង់គ្លេស។

តួយ៉ាង សណ្ឋាគារ Shinta Mani Wild ក្នុងទីក្រុងព្រះសីហនុនៃប្រទេសកម្ពុជាជាប់ចំណាត់ថ្នាក់លេខ៣៧ក្នុងចំណោមសណ្ឋាគារល្អបំផុតទាំង៥០ របស់ពិភពលោក។

សណ្ឋាគារនេះមានទីតាំងនៅក្នុងព្រៃទឹកភ្លៀង ដោយមានការបោះជំរុំតង់ចំនួន១៥ ដែលមានបន្ទប់គេងបំពាក់ដោយម៉ាស៊ីនត្រជាក់ វត្ថុបុរាណ ព្រមទាំងមានអាងហែលទឹកហ៊ុព័ទ្ធដោយទេសភាពបែបធម្មជាតិ។

លើសពីនេះ ភ្ញៀវទេសចរណ៍អាចហែលទឹកនៅតាមតំបន់ទឹកធ្លាក់ក្បែរៗនោះ ឬអាចចូលរួមក្នុងសកម្មភាពនៃការចុះល្បាតប្រឆាំងការបរបាញ់សត្វព្រៃ។នេះបើយោងតាមការចុះផ្សាយដោយសារព័ត៌មាន The Telegraph។

ចំណែក សណ្ឋាគារ Mandarin Oriental នៅទីក្រុងបាងកក បានទទួលពានរង្វាន់ជាសណ្ឋាគារល្អបំផុតរបស់ពិភពលោកនៅក្នុងកម្មវិធី Telegraph Hotel Awards។

សណ្ឋាគារនេះត្រូវបានសាងសង់ឡើងនៅតាមបណ្តោយដងទន្លេ Chao Phraya ក្នុងទីក្រុងបាងកក ដោយមានភោជនីយដ្ឋានធំៗ និងបុគ្គលិកប្រកបដោយបទពិសោធន៍ ខណៈបុគ្គលិកភាគច្រើនបានធ្វើការនៅទីនោះអស់ជាច្រើនទសវត្សរ៍មកហើយ។ នេះបើយោងតាមគណៈវិនិច្ឆ័យរបស់សារពត៌មាន The Telegraph។

ជាមួយគ្នានេះ សណ្ឋាគារ Nay Palad Hideaway ដែលមានទីតាំងនៅលើកោះ Siargao ក្នុងប្រទេសហ្វីលីពីន បានជាប់ចំណាត់ថ្នាក់ទី១៥ ក្នុងបញ្ជី។ រមណីយដ្ឋាននេះមានផ្ទះវីឡាចំនួន១០ហ៊ុព័ទ្ធដោយសួនច្បារត្រូពិច។

សណ្ឋាគារ Banyan Tree Buahan ដែលមានទីតាំងនៅលើកោះ Bali ក្នុងប្រទេសឥណ្ឌូណេស៊ី បានជាប់ចំណាត់ថ្នាក់ទី១៩។ សណ្ឋាគារនេះមានទីតាំងនៅភូមិ Buahan ជាមួយនឹងរចនាបថ ដែលគ្មានការបិទបាំងដោយជញ្ជាំង និងទ្វារនោះទេ ដើម្បីអនុញ្ញាតឱ្យភ្ញៀវទេសចរណ៍អាចសម្រាកលំហែប្រកបដោយភាពសុខដុមជាមួយធម្មជាតិ។

ចំណែក សណ្ឋាគារ Six Senses Yao Noi នៅប្រទេសថៃ ជាប់ចំណាត់ថ្នាក់លេខ២១ ខណៈសណ្ឋាគារ Zanier Hotels Bai San Ho នៅខេត្ត Phu Yen ភាគកណ្តាលនៃប្រទេសវៀតណាម ជាប់ចំណាត់ថ្នាក់ទី៤៤៕ប្រភព: Vnexpress៕

ក្រុមហ៊ុនយក្ស SpaceX របស់លោក Elon Musk គ្រោងបោះទុនវិនិយោគ១,៥ពាន់លានដុល្លារ ដើម្បីនាំយកអុីនធឺណេត Starlink ទៅកាន់ប្រទេសវៀតណាម

ដោយ: គង់ លាងហួរ
អន្តរជាតិ: ក្រុមហ៊ុនផលិតផ្កាយរណបខ្នាតយក្ស SpaceX របស់សហរដ្ឋអាមេរិកគ្រោងបណ្តាក់ទុនវិនិយោគចំនួន១,៥ពាន់លានដុល្លារក្នុងប្រទេសវៀតណាម ខណៈក្រុមហ៊ុនសម្លឹងឃើញសក្តានុពលក្នុងការអភិវឌ្ឍន៍អុីនធឺណេតតាមផ្កាយរណប។

ក្រុមហ៊ុនផ្កាយរណបរបស់លោកមហាសេដ្ឋី Elon Musk បានចាប់ផ្តើមផ្តល់សេវាអុីនធឺណេត Starlink កាលពី៥ឆ្នាំមុន ហើយចាប់តាំងពីពេលនោះមក ក្រុមហ៊ុនបានបាញ់បង្ហោះផ្កាយរណបចំនួន៦.០០០គ្រាប់ ដែលគ្របដណ្តប់សេវាអុីនធឺណេតស្ទើរតែគ្រប់ប្រទេសនៅលើផែនដីនេះ។

លោកប្រធានាធិបតីវៀតណាម To Lam
បានស្វាគមន៍ចំពោះសំណើនេះ ហើយលោកសង្ឃឹមថា ការវិនិយោគនេះនឹងក្លាយជាការបោះជំហានដំបូងក្នុងភាពជាដៃគូរវាងក្រុមហ៊ុនSpaceX និងប្រទេសវៀតណាម។

លោកបានបន្តថា ការប្រែក្លាយឌីជីថលដើរតួនាទីយ៉ាងសំខាន់ក្នុងការនាំប្រទេសទៅកាន់សករាជថ្មី។ លោកបានមានប្រសាសន៍ថា រដ្ឋាភិបាលវៀតណាមកំពុងសិក្សាសំណើរបស់ SpaceX ដោយលោករំពឹងថា ក្រុមហ៊ុននេះនឹងជួយវៀតណាមក្នុងការឆ្លើយតបនឹងគ្រោះមហន្តរាយធម្មជាតិនាពេលអនាគត។

លោក Tim Hughes អនុប្រធានជាន់ខ្ពស់របស់ក្រុមហ៊ុនផលិតផ្កាយរណបខ្នាតយក្ស SpaceX កាលពីដើមខែកញ្ញានេះ បានបញ្ជាក់ប្រាប់លោកនាយករដ្ឋមន្ត្រី Pham Minh Chinh ថា ក្រុមហ៊ុនរបស់លោកបានត្រៀមខ្លួនរួចជាស្រេចក្នុងការនាំយកអុីនធឺណេត Starlink ទៅកាន់ប្រទេសវៀតណាម។

ក្រុមហ៊ុន SpaceX បានចាប់ផ្តើមផ្តល់សេវាអុីនធឺណេតនៅក្នុងប្រទេសហ្វីលីពីន និងប្រទេសម៉ាឡេស៊ីនៅដើមឆ្នាំ២០២៣ ខណៈក្រុមហ៊ុនក៏គ្រោងឈានជើងចូលទៅកាន់ប្រទេសថៃនាពេលអនាគតផងដែរ៕ប្រភព: Vnexpress៕

តម្លៃមាស និងផ្សារហ៊ុននៅតំបន់អាសុីបានងើបឡើងថ្លៃព្រមគ្នានៅថ្ងៃសុក្រនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានងើបឡើងថ្លៃក្នុងការជួញដូរនៅព្រឹកថ្ងៃសុក្រនេះ ខណៈក្រុមអ្នកវិនិយោគកំពុងរង់ចាំអ៊ុតមើលការចេញផ្សាយទិន្នន័យអតិផរណារបស់សហរដ្ឋអាមេរិក ដើម្បីស្ទាបស្ទង់អំពីគោលជំហរនៃការបញ្ចុះអត្រាការប្រាក់នាពេលខាងមុខ។

តួយ៉ាង តម្លៃមាស Spot Gold បានងើបឡើង០,១៣ភាគរយដល់២៦៧៣,៦៥ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានងើបឡើង០,០១ភាគរយដល់២៦៩៥,៣០ដុល្លារក្នុងមួយអោន គិតត្រឹមម៉ោង១០:៤៥នាទីព្រឹក។

គិតត្រឹមពេលបិទការជួញដូរកាលពីថ្ងៃព្រហស្បតិ៍ម្សិលមិញ តម្លៃមាស Spot Gold បានបិទនៅត្រឹម២៦៧០,២០ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦៩៤,៩០ដុល្លារក្នុងមួយអោន។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាស៥០,៧ភាគរយ ដែលធនាគារកណ្តាលអាមេរិក(Fed) អាចនឹងបញ្ចុះអត្រាការប្រាក់ចំនួន០,៥ភាគរយបន្ថែមទៀតក្នុងកិច្ចប្រជុំគោលនយោបាយប្រចាំខែវិច្ឆិកាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិក ធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានងើបឡើងថ្លៃដល់១០០,៦៧ពិន្ទុនៅព្រឹកថ្ងៃសុក្រនេះ បន្ទាប់ពីបិទការជួញដូរត្រឹម១០០,៥២ពិន្ទុកាលពីថ្ងៃព្រហស្បតិ៍ម្សិលមិញ។

តម្លៃលោហៈធាតុប្រាក់ Spot silver បានធ្លាក់ចុះ០,៣៦%ដល់៣២,២២ដុល្លារ ក្នុងមួយអោន ខណៈតម្លៃផ្លាទីន បានធ្លាក់ចុះ០,៥៤%ដល់១០១៦,៧០ដុល្លារក្នុងមួយអោន ហើយតម្លៃ palladium បានធ្លាក់់ចុះ០,៩៧%ដល់១.០៤១ដុល្លារក្នុងមួយអោន គិតត្រឹមម៉ោង១០:៤៥នាទីព្រឹក។

ចំណែក ផ្សារហ៊ុននៅតំបន់អាសុីក៏បានងើបឡើងថ្លៃផងដែរនៅព្រឹកថ្ងៃសុក្រនេះ ដោយសារការស្ទុះងើបឡើងថ្លៃនៃផ្សារហ៊ុននៅក្នុងប្រទេសចិន បន្ទាប់ពីទីក្រុងប៉េកាំង បានដាក់ចេញកញ្ចប់ជំរុញដ៏ធំមួយ ដើម្បីស្តារសេដ្ឋកិច្ចឡើងវិញ។

តាមរយៈការជួញដូរនៅលើទីផ្សារ សន្ទស្សន៍ផ្សារហ៊ុននៅតំបន់អាស៊ីរបស់ក្រុមហ៊ុនអាមេរិក MSCI នៅក្រៅប្រទេសជប៉ុន បានងើបឡើងថ្លៃចំនួន១,១៣ភាគរយ គិតត្រឹមម៉ោង១០:៥២នាទីព្រឹក។

ជាមួយគ្នានេះ ផ្សារហ៊ុន Nikkei របស់ប្រទេសជប៉ុនបានងើបឡើងថ្លៃ០,១៩ភាគរយ ខណៈពេលសន្ទស្សន៍ផ្សារហ៊ុន Hang Seng របស់ទីក្រុងហុងកុងបានងើបឡើងថ្លៃ៣,៤៦ភាគរយ។

ដោយឡែក សន្ទស្សន៍ផ្សារហ៊ុនបន្ទះឈីបពណ៌ខៀវ CSI300 របស់ប្រទេសចិនបានងើបឡើងថ្លៃ៣,៧៧ភាគរយ ខណៈដែលសន្ទស្សន៍ផ្សារហ៊ុន shanghai Composite បានងើបឡើងថ្លៃ២,១៤ភាគរយ។

រីឯ ផ្សារហ៊ុនរបស់ប្រទេសអូស្ត្រាលី S&P /ASX 200 បានងើបឡើងថ្លៃ០,០៧៨ភាគរយ ខណៈពេលដែលសន្ទស្សន៍ផ្សារហ៊ុន KOSPI របស់ប្រទេសកូរ៉េខាងត្បូងបានធ្លាក់ថ្លៃចុះ០,២១ភាគរយ៕

Chief Bank and American University of Phnom Penh Forge Partnership to Promote Access to Education, Professional Development and ‘Chief Easy’ Digital Lending Platform

Chief Bank and American University of Phnom Penh have entered into a new strategic partnership through a memorandum of understanding (MoU), signed on September 26, 2024. The collaboration focuses on promoting access to education and professional development, as well as ‘Chief Easy,’ a leading digital micro-lending platform aimed at and enhancing financial accessibility in Cambodia.

Chief Easy leverages the growing trend of digital banking in Cambodia. The platform allows users to conveniently apply for loans of up to $5,000 with repayment terms extending up to three years from any location, anytime, and guarantees a response within 24 hours on working days.

Chief Easy exemplifies Chief Bank’s commitment to providing accessible financial services, particularly to the unbanked and underbanked populations in Cambodia. Their collaboration with the American University of Phnom Penh allows them to reach a broader audience and support students and their families in overcoming financial challenges.

American University of Phnom Penh will support the promotion and adoption of Chief Easy among its student body and their families. Special provisions within the partnership enable students, parents, and guardians to access digital micro-loans of up to $5,000, specifically tailored to assist with educational expenses and other financial needs.

This strategic partnership between Chief Bank and AUPP not only addresses immediate financial challenges but also creates opportunities for internships and employment for students.

Together, both institutions are helping to pave the way for a brighter educational and financial future for Cambodian students, while positioning AUPP as a top university in Cambodia. Chief Bank employees will also have the opportunity to continue their professional development through AUPP’s renowned academic programmes.

Find Out More: https://www.chiefbank.com.kh/en/OnlineServices/ChiefEasy

Join Our Telegram Channel: https://t.me/chiefbankcambodia

App Store: https://apple.co/3A1kXzD

Google Play: https://bit.ly/2WrWBkK

☎️ 097 9 900 878

☎️ 089 900 878

☎️ 010 900 878

☎️ 023 900 878 (Head Office)

☎️ 023 900 879 (Local Branch Khan Doun Penh – Sangkat PhsarKandalTiPir)

☎️ 023 212 878 (Local Branch Khan PrampirMeakkakra – Sangkat Veal Vong)

☎️ 023 230 488 (Local Branch Khan ChbarAmpov – Sangkat ChbarAmpovTiPir)

☎️ 023 998 878 (AEON Mean Chey Branch)

លោកឧកញ៉ាបណ្ឌិតគីម ហ៊ាងចាប់ផ្តើមគំរោងថ្មីជាមូយផ្ទះមានតម្លៃសមរម្យ

ដោយៈ គង់ សូរិយា

កណ្តាលៈ លោកឧកញ៉ាបណ្ឌិតគីម ហ៊ាងប្រធានKW Cambodia និងជាអ្នកអភិវឌ្ឍន៍អចលនវត្ថុម្នាក់ បានចាប់ផ្តើមសាងសង់គំរោងថ្មី នៅក្នុងបុរីKS Residence ដែលជាផ្ទះមានតម្លៃសសមរម្យ។

លោកឧកញ៉ាបានមានប្រសាសន៍ឲ្យដឹង តាមបណ្តាញតេឡេក្រាមកាលពីថ្ងៃទី២៦ កញ្ញាថា នេះជាការសាងសង់សាកល្បង ជាមួយបរិមាណផ្ទះប្រមាណ២០០ល្វែង។ លោកបន្តថា ផ្ទះថ្មីនៅបុរីKS Resident មានតម្លៃ២ម៉ឺនដុល្លារ ដែលមានទំហំផ្ទះ៤២ម៉ត្រការ៉េ លើដី៦៧ម៉ែត្រការ៉េ និងមានគ្រឹះរ៉ឹងមាំ ដែលអាចសាងសង់បន្ថែមទៀតបាន។

លោកបញ្ជាក់ថា “ហេតុផលដែលខ្ញុំសាងសង់ផ្ទះ តម្លៃចាប់ពី២ម៉ឺនដុល្លារបែបនេះ ដោយសារមើលឃើញថា អ្នកធ្វើការងារឲ្យគេភាគច្រើន មិនមានលទ្ឋភាពទិញផ្ទះតម្លៃខ្ពស់ៗឡើយ”។លោកបន្តថា “បើអ្នកធ្វើការមានប្រាក់ខែត្រឹម៥០០ដុល្លារ ពួកគេអាចបង់រំលស់ជាមួយធនាគារបាន បើពីរនាក់ប្តី ប្រពន្ឋធ្វើការ ប្រាក់ខែបូកបញ្ចូលគ្នាត្រឹម៥០០ ទៅ៦០០ដុល្លារ អាចបង់រំលស់ជាមួយធនាគារបានហើយ ដោយមួយខែពួកគេបង់ឲ្យធនាគារជាង២០០ដុល្លារប៉ុណ្ណោះ”។

គំរោងKS Residence ដំណាក់ទីពីរនេះ មានទីតាំងនៅកៀនស្វាយ ក្រោយវត្តដូនសរចម្ងាយ២០០ម៉ែត្រ។

លោកឧកញ៉ាបានបន្តថា ផ្ទះរបស់KS Residence ដំណាក់កាលទី២ មានប្លង់រ៉ឹង ហេតុនេះ ពួកគេអាចយកប្លង់ទៅដាក់ធនាគារបាន ប្រសិនជាប្តី ប្រពន្ឋមានប្រាក់ខែបូកបញ្ចូលគ្នាត្រឹម៥០០ទៅ៦០០ដុល្លារ ដែលនេះជាការរួមចំណែកជាមួយរាជរដ្ឋាភិបាល ក្នុងការលើកកំពស់ការអភិវឌ្ឍលំនៅដ្ឋាន តម្លៃសមរម្យសម្រាប់ប្រជាជនកម្ពុជា៕

ធនាគារ ឈីហ្វនិងសាកលវិទ្យាល័យអាមេរិកាំងភ្នំពេញ (AUPP) បានចុះហត្ថលេខាលើអនុស្សារណៈនៃការយោគយល់គ្នាដើម្បីលើកស្ទួយឱកាសការសិក្សា និងការអភិវឌ្ឍជំនាញវិជ្ជាជីវៈជាមួយកម្មវិធីកម្ចីប្រាក់ខ្នាតតូចបែបឌីជីថល ‘Chief Easy’

ធនាគារពាណិជ្ជ ឈីហ្វ (ខេមបូឌា) ម.ក និងសាកលវិទ្យាល័យអាមេរិកាំងភ្នំពេញ (AUPP) បានចុះហត្ថលេខាលើអនុស្សារណៈនៃការយោគយល់គ្នាជាដៃគូយុទ្ធសាស្ត្រ ដែលបានធ្វើឡើងនៅថ្ងៃទី២៦ ខែកញ្ញា ឆ្នាំ២០២៤ ហើយកិច្ចសហប្រតិបត្តិការនេះផ្តោតលើការលើកស្ទួយឱកាសការសិក្សា និងការអភិវឌ្ឍជំនាញវិជ្ជាជីវៈជាមួយកម្មវិធី Chief Easy ជាកម្មវិធីកម្ចីប្រាក់ខ្នាតតូចបែបឌីជីថលដែលជួយបង្កើនភាពងាយស្រួលនៃកម្ចីផ្នែកហិរញ្ញវត្ថុនៅប្រទេសកម្ពុជា។

Chief Easy បង្កើននិន្នាការរីកចម្រើននៃធនាគារឌីជីថលនៅប្រទេសកម្ពុជា និងអនុញ្ញាតឱ្យអ្នកប្រើប្រាស់ស្នើសុំប្រាក់កម្ចីបានងាយស្រួលរហូតដល់ ៥០០០ដុល្លារ ជាមួយនឹងលក្ខខណ្ឌនៃការសងរហូតដល់ ៣ ឆ្នាំពីគ្រប់ទីកន្លែង គ្រប់ពេលវេលា និងធានាការឆ្លើយតបក្នុងរយៈពេល ២៤ ម៉ោងនៃថ្ងៃធ្វើការ។

Chief Easy បង្ហាញពីការប្តេជ្ញាចិត្តក្នុងការផ្តល់សេវាហិរញ្ញវត្ថុទូលំទូលាយ ជាពិសេសដល់ប្រជាជនកម្ពុជាដែលត្រូវការសេវាកម្មហិរញ្ញវត្ថុ។ កិច្ចសហការរបស់ធនាគារ ឈីហ្វជាមួយនឹងសាកលវិទ្យាល័យអាមេរិកាំងភ្នំពេញ (AUPP) អនុញ្ញាតឱ្យយើងផ្ដល់កម្ចីដល់អតិថិជនកាន់តែទូលំទូលាយ ក៏ដូចជាជួយគាំទ្រដល់និស្សិត និងក្រុមគ្រួសាររបស់និស្សិតក្នុងដំណោះស្រាយហិរញ្ញវត្ថុ។

សាកលរិទ្យាល័យ AUPP នឹងគាំទ្រដល់ការផ្សព្វផ្សាយ និងការចាប់យកប្រើប្រាស់ “Chief Easy” អនុញ្ញាតឱ្យសិស្ស, មាតាបិតា និងអាណាព្យាបាលអាចទទួលបានកម្ចីឌីជីថលរហូតដល់ $5,000ដែលត្រូវបានរៀបចំជាពិសេសដើម្បីជួយដល់ការចំណាយលើការសិក្សា និងតម្រូវការហិរញ្ញវត្ថុផ្សេងៗទៀត។

កិច្ចសហប្រតិបត្តិការយុទ្ធសាស្រ្តរវាងធនាគារ Chief និងសាកលវិទ្យាល័យ AUPP មិនត្រឹមតែដោះស្រាយនូវបញ្ហាហិរញ្ញវត្ថុជាបន្ទាន់ទេ ប៉ុន្តែថែមទាំងបង្កើតឱកាសសម្រាប់ការប្រកួតប្រជែងក្នុងក្រុមហ៊ុន និងឱកាសការងារសម្រាប់សិស្សនិស្សិតផងដែរ។ ដោយសហការគ្នា, ស្ថាប័នទាំងពីរកំពុងជួយបង្កើតមាគ៌ាសម្រាប់អនាគតអប់រំនិងហិរញ្ញវត្ថុដ៏ភ្លឺស្វាងសម្រាប់សិស្សនិស្សិតក្នុងប្រទេសកម្ពុជា, ខណៈដែលសាកលវិទ្យាល័យ AUPP គឺជាសាកលវិទ្យាល័យកំពូលមួយនៅក្នុងប្រទេសកម្ពុជា។ បុគ្គលិកធនាគារ Chief ក៏ទទួលបានឱកាសបន្តការអភិវឌ្ឍវិជ្ជាជីវៈរបស់ពួកគាត់តាមរយៈកម្មវិធីសិក្សាដ៏មានសក្ដានុពលរបស់សាកលវិទ្យាល័យ AUPP ផងដែរ។

សម្រាប់ព័ត៌មានបន្ថែម: https://www.chiefbank.com.kh/en/OnlineServices/ChiefEasy

Join Our Telegram Channel: https://t.me/chiefbankcambodia

App Store: https://apple.co/3A1kXzD

Google Play: https://bit.ly/2WrWBkK

☎️ 097 9 900 878

☎️ 089 900 878

☎️ 010 900 878

☎️ 023 900 878 (ទីស្នាក់ការកណ្ដាល)

☎️ 023 900 879 (សាខាខណ្ឌដូនពេញ – សង្កាត់ផ្សារកណ្ដាលទី២)

☎️ 023 212 878 (សាខាខណ្ឌ ៧ មករា – សង្កាត់វាលវង់)

☎️ 023 230 488 (សាខាខណ្ឌច្បារអំពៅ – សង្កាត់ច្បារអំពៅទី២)

☎️ 023 998 878 (សាខាអ៊ីអនមានជ័យ)

គំរោងចំនួន៣០មានទឹកប្រាក់ជិត៦០០លានដុល្លារត្រូវបាន អនុម័តបន្ថែម

ដោយៈ គង់ សូរិយា

ព្រះសីហនុៈ ក្រុមការងារជំរុញការវិនិយោគ ក្នុងខេត្តព្រះសីហនុ បានបើកកិច្ចប្រជុំពិនិត្យ និងសម្រេចជាគោលការណ៍ ផ្តល់ការលើកទឹកចិត្តពិសេស ដល់គម្រោងចំនួន៣០បន្ថែមទៀត មានទុនវិនិយោគសរុប៥៩០លានដុល្លារអាមេរិក។

ក្រុមហ៊ុនដែលទទួលបានការអនុម័ត ពីកិច្ចប្រជុំកាលពីថ្ងៃទី២៦ កញ្ញា ឆ្នាំ២០២៤ មានជាអាទិ៍ រោងចក្រស្ល និងកែច្នៃលោហធាតុ រោងចក្រផលិតសម្ភារៈវេចខ្ចប់ រោងចក្រកែច្នៃស្បែក ផ្សារទំនើប អគារពហុមុខងារ សណ្ឋាគារ និងភោជនីយដ្ឋាន។

បន្ទាប់ពីការប្រកាស ដាក់ឱ្យអនុវត្តន៍ជាផ្លូវការ ដោយសម្តេចមហាបវរធិបតី នាយករដ្ឋមន្ត្រីនៃកម្ពុជា កាលថ្ងៃទី៣១ ខែ មករា ឆ្នាំ ២០២៤ កន្លងមក ក្រុមការងារជំរុញការវិនិយោគ ក្នុងខេត្តព្រះសីហនុ បានទទួលសំណើសុំការលើកទឹកចិត្តចំនួន១៥៧គម្រោង ក្នុងនោះគម្រោងដែលទទួលបាន ការលើកទឹកចិត្តពិសេស មានចំនួន១៣៣គម្រោងហើយ។

នៅដើមខែតុលា ឆ្នាំ ២០២៤ ក្រុមការងារជំរុញការវិនិយោគក្នុងខេត្តព្រះសីហនុ នឹងចុះពិនិត្យ គម្រោងដែលបានស្នើសុំ ១៥បន្ថែមទៀត៕

តើបណ្តាប្រទេសចំនួន៣ដែលបានចាក់ដីទៅក្នុងសមុទ្រដើម្បីពង្រីកផ្ទៃក្រឡាដែនដីគោកសម្រាប់សាងសង់ហេដ្ឋារចនាសម្ព័ន្ធ?

ដោយ: គង់ លាងហួរ
អន្តរជាតិ: ការចាក់បំពេញដីឡើងវិញសំដៅលើដំណើរការនៃការចាក់ដីដើម្បីបំពេញសមុទ្រ ដើម្បីសាងសង់ហេដ្ឋារចនាសម្ព័ន្ធផ្សេងៗ។កន្លងមក បណ្តាប្រទេសមួយចំនួនបានអនុវត្តន៍វិធីសាស្ត្រនេះ ព្រោះប្រទេសរបស់ពួកគេមានផ្ទៃឆ្នេរសមុទ្រធំ ប៉ុន្តែដែនដីគោកមានទំហំផ្ទៃក្រឡាតូច។

ខាងក្រោមនេះជាបណ្តាប្រទេសចំនួន៣ដែលបានចាក់បំពេញដីទៅក្នុងសមុទ្រដើម្បីស្ថាបនាសំណង់អគារ ឬហេដ្ឋារចនាសម្ព័ន្ធសំខាន់ផ្សេងៗ:

ទី១: ប្រទេសម៉ាល់ឌីវ

ម៉ាល់ឌីវ ជាប្រទេសដែលមានកម្ពស់ផ្ទៃដីទាបបំផុតពីកម្រិតនីវ៉ូទឹកសមុទ្រ។ ដោយសារតែសម្បូរទៅដោយប្រជុំកោះ ប្រទេសនេះងាយនឹងរងការលិចលង់ ដោយសារកម្រិតទឹកសមុទ្រត្រូវបានគេរំពឹងថា នឹងកើនឡើងដល់៣០សង់ទីម៉ែត្រនៅឆ្នាំ២០៥០។

លក្ខខណ្ឌនេះបាននាំឱ្យរដ្ឋាភិបាលម៉ាល់ឌីលសម្រេចចាក់ដីបំពេញទៅក្នុងសមុទ្រដើម្បីពង្រីកផ្ទៃក្រឡាដែនដីគោក តាមរយៈការផ្តួចផ្តើមឡើងនូវគម្រោង ResMalé។ គម្រោងនេះត្រូវបានគេចាត់ទុកថា ជាគម្រោងចាក់បំពេញដីធំជាងគេរបស់ប្រទេសម៉ាល់ឌីវក្រោមទុនវិនិយោគប្រមាណ៩១,២លានដុល្លារអាមេរិក។

ទី២: ទីក្រុងម៉ាកាវ ប្រទេសចិន

សាធារណរដ្ឋប្រជាមានិតចិនមានកេរ្តិ៍ឈ្មោះល្បីល្បាញចំពោះការសាងសង់កោះសិប្បនិម្មិតថ្មីៗនៅសមុទ្រចិនខាងត្បូងដើម្បីអះអាងពីដែនអធិបតេយ្យភាពរបស់ខ្លួន។ លើសពីនេះ ប្រទេសចិនគ្រោងនឹងចាក់បំពេញដីបន្ថែមនៅអាកាសយានដ្ឋានអន្តរជាតិម៉ាកាវក្នុងឆមាសទីពីរ ឆ្នាំ២០២៤នេះ។

សារព័ត៌មាន Macao News បានរាយការណ៍ថា គម្រោងនេះនឹងពង្រីកផ្ទៃដីសរុបនៃអាកាសយានដ្ឋានអន្តរជាតិម៉ាកាវដល់ទំហំ១២៩ហិកតា ដើម្បីបង្កើនសមត្ថភាពរបស់អាកាសយានដ្ឋានក្នុងការផ្ទុកអ្នកដំណើរចំនួន១៣លាននាក់ជារៀងរាល់ឆ្នាំ។

ទី៣: ប្រទេសសិង្ហបុរី

អគារ Marina Bay Sands ដ៏ល្បីល្បាញបំផុតរបស់សិង្ហបុរីត្រូវបានសាងសង់នៅលើដីដែលត្រូវបានចាក់បំពេញទៅក្នុងសមុទ្រ។នៅចុងទសវត្សរ៍ឆ្នាំ១៩៩០ តំបន់ Marina Bay បានលាតសន្ធឹងលើផ្ទៃដីសរុបចំនួន៣៦០ហិកតា។

បច្ចុប្បន្ននេះ តំបន់ Marina Bay បានក្លាយជាគោលដៅទេសចរណ៍កំពូលមួយក្នុងទីក្រុងសិង្ហបុរី ដោយទាក់ទាញបានការចូលមកទស្សនាពីភ្ញៀវទេសចរណ៍អន្តរជាតិមកពីជុំវិញពិភពលោក៕ប្រភព: Tempo៕

1...537538539...3,379 Page 538 of 3,379