ឧកញ៉ាបណ្ឌិត គីម ហ៊ាង ចុះកិច្ចព្រមព្រៀងជាមួយក្រុមហ៊ុន អាសូរ៉ា នៅការិយាល័យលក់ បុរី វិមានសំណាង នាំកម្ពុជាទៅកាន់ពិភពលោក និងនាំពិភពលោកមកកាន់កម្ពុជាវិញ

ឧកញ៉ាបណ្ឌិត គីម ហ៊ាង ស្ថាបនិក បុរី វិមានសំណាង និងជាប្រធាន KW Cambodia ទូទាំងប្រទេសកម្ពុជា កាលពីថ្ងៃទី០៩ ខែឧសភា ឆ្នាំ២០២៤ បានចុះហត្ថលេខាលើកិច្ចព្រមព្រៀងភ្នាក់ងារលក់ រវាងគម្រោង បុរី វិមានសំណាង ជាមួយក្រុមហ៊ុន អាសូរ៉ា ហូលឌីង អិលអិលស៊ី ដើម្បីជំរុញនិងផ្លាស់ប្តូរការទិញលក់ បុរី វិមានសំណាង នៅក្នុងប្រទេសកម្ពុជានិងអ្នកវិនិយោគនៅអាមេរិក និងទីផ្សារបរទេស។

លោកឧកញ៉ាបណ្ឌិត គីម ហ៊ាង បានលើកឡើថា៖ “ពួកយើងកំពុងបន្តបោះជំហ៊ានមួយទៀត ក្នុងការនាំកម្ពុជាទៅកាន់ពិភពលោក និងនាំពិភពលោកមកកាន់កម្ពុជាវិញ! ពួកយើងតែងតែទាក់ទាញឲ្យបរទេសកាន់តែច្រើន យកលុយមកវិនិយោគនៅកម្ពុជា។ ហើយកិច្ចព្រមព្រៀងនេះក៏ជាដំណាក់កាលថ្មី ជាមួយ អាសូរ៉ា ហូលឌីង ដែលនឹងជួយផ្សព្វផ្សាយការលក់ បុរី វិមានសំណាង ទៅកាន់អតិថិជនដែលកំពុងរស់នៅទឹកដីអាមេរិក ហើយមានប្រភពដើមជាជនជាតិអាស៊ី។”

ស្ថាបនិក បុរី វិមានសំណាង បន្ថែមទៀតថា នៅពេលតំណាលគ្នា ប្រសិនបើនៅកម្ពុជាយើងមានអ្នកដែលគាតចាប់អារម្មណ៍ចង់ទិញផ្ទះនៅអាមេរិកក្រុមហ៊ុន អាសូរ៉ា ហូលឌីង ក៏អាចប្រឹក្សាលក្ខខណ្ឌ និងរៀបចំឯកសារជូនពួកគាត់ អាចទិញផ្ទះនៅអាមេរិកបានក្រោមទំហំផ្តល់ប្រាក់កម្ចីពីធនាគាររហូតដល់ទៅ៧០% សម្រាប់រយៈ ៣០ឆ្នាំ ឯណោះ។

លោក Joe Lam ប្រធានក្រុមហ៊ុន អាសូរ៉ា ហូលឌីង អិលអិលស៊ី បានលើកឡើងថា ការចុះហត្ថលេខាលើកិច្ចព្រមព្រៀងនេះ គឺមានគោលបំណងដើម្បីអភិវឌ្ឍន៍ទីផ្សារដ៏អស្ចារ្យទៅកាន់អតិថិជន ដែលជាជនជាតិអាមេរិក និងអតិថិជនសក្តានុពលនៅទូទាំងពិភពលោក។ លោក Joe Lam បន្ថែមថា៖ “ពួកយើងទទួលស្គាល់ថា បុរីរបស់លោកឧកញ៉ាបណ្ឌិត គីម ហ៊ាង ជាបុរីលំដាប់ឈានមុខមួយនៅកម្ពុជា ហើយប្រាកដណាស់អតិថិជននៅអាមេរិកនឹងពេញចិត្តលើឱកាសទិញលក់សម្រាប់វិនិយោគជាមួយ បុរី វិមានសំណាងរបស់គាត់ជាក់ជាមិនខាន។

បុរី វិមានសំណាង របស់ឧកញ៉ាបណ្ឌិត គីម ហ៊ាង និងលោកជំទាវ ឧកញ៉ា គង់ សំណាង គឺជាគម្រោងបុរី លំដាប់មួយ នៅក្នុងប្រទេសកម្ពុជា។ បុរី វិមានសំណាង ជាគម្រោងអភិវឌ្ឍលំនៅឋាន បែបអភិជន ដោយមានការសាងសង់ជាប្រភេទផ្ទះអាជីវកម្ម (Shophouse) រួមទាំងប្រភេទផ្ទះវីឡាប្រណិតៗចំនួន៤ប្រភេទទៀត ដូចជាវីឡាព្រីន (Prince Villa) វីឡាឃ្វីន (Queen Villa) វីឡាឃីង (King Villa) និងវីឡារ៉ូយាល់ (Royal Villa)។

បុរី វិមានសំណាង មានទីតាំងស្ថិតនៅខាងជើងក្រសួងដែនដី២៥០០ម៉ែត្រ សាងសង់លើដី២៥ហិកតា និងកំពុងអភិវឌ្ឍន៍ក្លាយជាសហគមន៍លំនៅឋាន ប្រកបដោយផាកសុខភាព ឯកជនភាព និងសុវត្ថិភាព ស័ក្តិសមសម្រាប់គ្រួសារអភិជនកម្ពុជាក្នុងការរស់នៅ។ បុរី វិមានសំណាង យកចិត្តទុកដាក់ខ្ពស់បំផុតទៅលើផ្ទៃបៃតង និងសុខដុមនៃការរស់នៅរបស់អតិថិជន ។ ក្នុងបុរី មានសួនច្បារ កន្លែងហាត់ប្រាណ កន្លែងលេង កីឡា ផ្លូវធំ ដើមឈើច្រើន និងព្រែកធម្មជាតិស្មើជិត៤០% នៃផ្ទៃដីសរុប ៕

គ្រឹះស្ថានហិរញ្ញវត្ថុរួមចំណែក៣៤០លានដុល្លារវិនិយោគព្រលានយន្តហោះអន្តរជាតិតេជោ

ដោយៈ គង់ ហ្វីអូណា

ភ្នំពេញៈ គម្រោងអភិវឌ្ឍព្រលានយន្តហោះតេជោ ក្រុងតាខ្មៅ ដែលគ្រោងចំណាយប្រាក់ វិនិយោគអស់ប្រមាណ១៥០០លានដុល្លារ ពេលនេះសម្រេចបានជាង៧២ភាគរយហើយ។

ការចំណាយទឹកប្រាក់ដ៏មហាសាល វិនិយោគហេដ្ឋារចនាសម្ព័ន្ធដ៏ធំនេះ ក៏មានចំណែកទុនវិនិយោគពីគ្រឹះស្ថានធនាគារ និងហិរញ្ញវត្ថុដែលបានចូលរួមគាំទ្រ តាមរយៈការទិញសញ្ញាបណ្ណ (មូលបត្របំណុល) ពីក្រុមហ៊ុនអភិវឌ្ឍព្រលាន ក្នុងទំហំទឹកប្រាក់៣៤០លាន ដុល្លារផងដែរ។

លោកស្រី លឹម លីណា អនុប្រធានក្រុមហ៊ុនកាណាឌីយ៉ាគ្រុបបានបញ្ជាក់ថា គម្រោងអភិវឌ្ឍព្រលានយន្តហោះតេជោ ក្រុងតាខ្មៅបច្ចុប្បន្នសម្រេចបាន៧២.៣% ជាមួយនឹងការវិនិយោគសរុបរហូតដល់ ១,០៥២ លានដុល្លារ។

លោកស្រីអះអាងថា ខ្ទង់ចំណាយនេះ ក៏មានការចូលរួមគាំទ្រហិរញ្ញវត្ថុពីគ្រឹះស្ថានធនាគារ និងហិរញ្ញវត្ថុប្រមាណ ៣៤០ លានដុល្លារ តាមរយៈការទិញសញ្ញាបណ្ណ (មូលបត្របំណុល) ពីក្រុមហ៊ុនអភិវឌ្ឍព្រលាន។

ការអភិវឌ្ឍហេដ្ឋារចនាសម្ព័ន្ធ ដែលចាយទុនរហូតខ្ទង់ពាន់លានដុល្លារនេះ បើតាមលោកស្រី លឹម លីណា បានគូសបញ្ជាក់ថា ក្រុមហ៊ុនមានមហិច្ឆិតា ក្នុងការប្រែក្លាយព្រលានយន្តហោះតេជោ ក្រុងតាខ្មៅ ឲ្យក្លាយទៅជាព្រលានយន្តហោះ ដែលធំនិងទំនើបជាងគេនៅតំបន់អាស៊ី។

ទាក់ទងគម្រោងព្រលានយន្តហោះតេជោ ក្រុងតាខ្មៅ អតីតនាយករដ្ឋមន្ត្រីកម្ពុជា សម្តេចតេជោ ហ៊ុន សែន ក៏ធ្លាប់បានអំពាវនាវដល់គ្រឹះស្ថានហិរញ្ញវត្ថុទាំងក្នុង និងក្រៅប្រទេស ជួយទិញមូលបត្របំណុលរបស់ក្រុមហ៊ុន ដើម្បីកាត់បន្ថយនូវការប្រើប្រាស់ទុនពីក្រៅប្រទេស។

សម្តេចតេជោ ហ៊ុន សែន បានគូសបញ្ជាក់ថា ការទិញសញ្ញាបណ្ណ ពីក្រុមហ៊ុនអភិវឌ្ឍព្រលានយន្តហោះថ្មីនេះ គ្រឹះស្ថានហិរញ្ញវត្ថុនឹងទទួលបានផលចំណេញពីអត្រាការប្រាក់ ដោយទទួលបានការធានាផ្នែកហានិភ័យស្មើសូន្យពីរាជរដ្ឋាភិបាល។

ធនាគារ ABA ជាគ្រឹះស្ថានធនាគារដ៏ធំមួយ ដែលបានវិនិយោគទឹកប្រាក់ចំនួន៣០លានដុល្លារអាមេរិក លើការទិញសញ្ញាបណ្ណសាជីវកម្ម ដើម្បីគាំទ្រហិរញ្ញវត្ថុការអភិវឌ្ឍ ព្រលានយន្តហោះអន្តរជាតិតេជោតាខ្មៅ។

លោក Zhiger Atchabarov នាយកប្រតិបត្តិការនៃធនាគារ ABA បានឲ្យកម្ពុជាថ្មីដឹងថា លោកមានទំនុកចិត្តការរួមចំណែករបស់ ABA ក្នុងការគាំទ្រគម្រោងអភិវឌ្ឍន៍ ព្រលានយន្តហោះតេជោតាខ្មៅ នឹងមានឥទ្ធិពលវិជ្ជមាន តាមរយៈការបង្កើតការងារថ្មី និងបង្កើនភាពទាក់ទាញរបស់ប្រទេសកម្ពុជា។

លោកបញ្ជាក់ថា ស្របតាមគោលនយោបាយវិនិយោគរបស់ ABA ការចូលរួមគាំទ្រដំណាក់កាលអភិវឌ្ឍនេះ នឹងប្រែក្លាយព្រលានយន្តហោះតេជោតាខ្មៅថ្មី មិនត្រឹមតែជាគោលដៅទេសចរណ៍ប៉ុណ្ណោះទេ ប៉ុន្តែជាមជ្ឈមណ្ឌលដឹកជញ្ជូនសម្រាប់តំបន់ ដែលនឹងរួមចំណែកដល់កំណើនសេដ្ឋកិច្ច និងការអភិវឌ្ឍរបស់ប្រទេសកម្ពុជា។

ព្រលានយន្តហោះអន្តរជាតិតេជោតាខ្មៅ ត្រូវបានអភិវឌ្ឍសាងសង់ឡើងនៅលើផ្ទៃដីទំហំ២៦០០ ហិកតា ដែលមានទីតាំងស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងមួយផ្នែកក្នុងស្រុកបាទី ខេត្តតាកែវ។

ព្រលានយន្តហោះថ្មីនេះ វិនិយោគដោយក្រុមហ៊ុន OCIC របស់អ្នកឧកញ៉ា ពុង ឃាវសែ ដែលកាន់កាប់ភាគហ៊ុន៩០ភាគរយ និងរាជរដ្ឋាភិបាលកាន់កាប់ភាគហ៊ុន១០ភាគរយ ដោយវិនិយោគទឹកប្រាក់ចំនួន១,៥០០លានដុល្លារអាមេរិក។

អាកាសយានដ្ឋានអន្ដរជាតិភ្នំពេញថ្មី នឹងក្លាយជាអាកាសយានដ្ឋានលំដាក់ថ្នាក់ទី៩ ក្នុងពិភពលោក ដែលគ្រោងបញ្ចប់ដំណាក់កាលទី១ និងដាក់ឲ្យដំណើរការនៅឆមាសទី១ ឆ្នាំ ២០២៥៕

ក្រុមសេដ្ឋវិទូរបស់AMROស្វែងយល់ពីស្ថានភាពនៃលំហូរ FDIមកកាន់កម្ពុជា

ដោយៈ គង់ សូរិយា

ភ្នំពេញៈ លោកបណ្ឌិត សរ សិនិរ៉ា អគ្គលេខាធិការរងគណៈកម្មាធិការវិនិយោគកម្ពុជា បានទទួលជួបជាមួយ ក្រុមគណៈប្រតិភូ អង្គភាពស្រាវជ្រាវម៉ាក្រូសេដ្ឋកិច្ចអាស៊ានបូក៣ ហៅកាត់ជាភាសាអង់គ្លេសថា AMRO ដឹកនាំដោយ លោកបណ្ឌិត JINHO CHOI ប្រធានក្រុមសេដ្ឋវិទូ ដែលធ្វើបេសកកម្មស្វែងយល់អំពី ស្ថានភាពនៃការវិនិយោគផ្ទាល់ពីបរទេសនៅក្នុងប្រទេសកម្ពុជា នាឆ្នាំ២០២៣និងដើមឆ្នាំ២០២៤នេះ។

ប្រតិភូនេះ ក៏ស្វែងយល់អំពីគោលនយោបាយរបស់រាជរដ្ឋាភិបាលកម្ពុជា ក្នុងការទាក់ទាញវិនិយោគផ្ទាល់ពីបរទេស នាពេលបច្ចុប្បន្ននិងទៅអនាគត បន្ថែមទៀត។

លោកបណ្ឌិត សរ សិនិរ៉ា មានមតិស្វាគមន៍យ៉ាងកក់ក្ដៅចំពោះគណៈប្រតិភូ AMRO ដែលបានចាប់អារម្មណ៍ពីប្រទេសកម្ពុជា ហើយមកស្វែងយល់ ដោយផ្ទាល់អំពីស្ថានភាពជាក់ស្តែង ដោយឯកឧត្តមបានជម្រាបជូនគណៈប្រតិភូយ៉ាងពិស្តារ អំពីស្ថានភាពនៃកំណើនរំហូរទុនវិនិយោគមកកម្ពុជា នៅក្រោយវិបត្តិកូវីដ១៩ ជាពិសេសរំហូរទុនដ៏គួរឱ្យកត់សម្គាល់ក្នុងឆ្នាំ២០២៣ ដែលមានគម្រោងសរុបចំនួន២៤៧គម្រោង និងគម្រោងពង្រីកផលិតកម្មចំនួន២១គម្រោង ហើយក្នុងនោះគម្រោងវិនិយោគចំនួន៧១ ត្រូវបានបណ្តាក់ទុនវិនិយោគនៅក្នុងតំបន់សេដ្ឋកិច្ចពិសេស ដែលទុនវិនិយោគសរុបនៃគម្រោងទាំងនេះមានចំនួន៤,៩ ពាន់លានដុល្លារអាមេរិក ដែលមានការកើនឡើងប្រមាណ២២%ធៀបនឹងឆ្នាំ២០២២។

ដោយឡែកក្នុងត្រីមាសទី១នៃឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មី និងគម្រោងពង្រីកផលិតកម្មសរុបចំនួន១០៦គម្រោង ដែលមានទុនវិនិយោគសរុបប្រមាណ២,២ ពាន់លានដុល្លារអាម៉េរិក បង្កើតការងារជាង១០ម៉ឺនកន្លែង។ កំណើននេះបើគិតជាភាគរយធៀបនឹងត្រីមាសទី១ ឆ្នាំ២០២៣គឺស្មើនឹង៦៤៩%។

លោកបន្តថា “កំណើនយ៉ាងគំហុកនេះ ដោយសារការវិនិយោគក្នុងគម្រោងវិស័យហេដ្ឋារចនាសម្ព័ន្ធ វិស័យឧស្សាហកម្ម វិស័យទេសចរណ៍ និងគម្រោងពង្រីកផលិតកម្ម នៃវិស័យឧស្សាហកម្មក្នុងតំបន់សេដ្ឋកិច្ចពិសេស”។

លោកបណ្ឌិតបានបញ្ជាក់បន្ថែមផងដែរថា កត្តាចម្បងដែលធ្វើអោយកម្ពុជា ទទួលបានទំនុកចិត្តពីវិនិយោគិនបរទេស មកបណ្តាក់ទុនវិនិយោគនៅកម្ពុជានាពេលកន្លងមក គឺស្ថេរភាពនយោបាយ,ស្ថេរភាពម៉ាក្រូសេដ្ឋកិច្ច ក្របខណ្ឌគតិយុត្តស្តីពីវិនិយោគមានលក្ខណៈបើកចំហរខ្លាំង និងរបបនៃការលើកទឹកចិត្តវិនិយោគមានលក្ខណៈអំណោយផល ខណៈដែលកម្ពុជាបន្តអភិវន៍ឌ្ឍហេដ្ឋារចនាសម្ព័ន្ធរូបវ័ន្តឥតឈប់ឈរ ដើម្បីប្រសិទ្ធភាពនៃការតភ្ជាប់និងការសម្រួលដល់ប្រព័ន្ធដឹកជញ្ជូន ព្រមទាំងកិច្ចខិតខំប្រឹងប្រែងរបស់រាជរដ្ឋាភិបាលក្នុងការបើកច្រកទីផ្សារថ្មីៗសម្រាប់ទំនិញកម្ពុជា តាមរយៈការចូលរួមក្នុងកិច្ចព្រមព្រៀងពាណិជ្ជកម្មសេរីតំបន់និងទ្វេភាគី ក៏ដូចជាកត្តាដែលកម្ពុជាមានប្រជាជនវ័យក្មេងភាគច្រើន។ល។

ក៏ប៉ុន្តែអ្វីដែលគួរឱ្យចាប់អារម្មណ៍ជាពិសេសនោះ គឺប្រមុខរាជរដ្ឋាភិបាលនីតិកាលទី៧ នៃរដ្ឋសភាបានអនុវត្តសកម្មភាពដើរគោះទ្វារទាក់ទាញវិនិយោគដោយផ្ទាល់ និងជាបន្តបន្ទាប់ នៅបណ្តាប្រទេសជាគោលដៅយុទ្ធសាស្ត្រជាច្រើន នាពេលកន្លងមកដែលការណ៍នេះ ផ្តល់នូវភាពកក់ក្តៅយ៉ាងពិសេសដល់វិនិយោគិន។

ចំពោះគោលនយោបាយទាក់ទាញវិនិយោគ សម្រាប់ពេលអនាគត លោកអគ្គលេខាធិការរង ក៏បានជម្រាបជូនគណៈប្រតិភូអំពីខ្លឹមសារជាសារវ័ន្ត នៃឯកសារគោលនយោបាយ របស់រាជរដ្ឋាភិបាលជាពិសេស យុទ្ធសាស្ត្របញ្ចកោណដំណាក់កាលទី១ (២០២៣) និង ផែនការមេគ្រប់ជ្រុងជ្រោយស្ដីពី ប្រព័ន្ធដឹកជញ្ជូនអន្តរមធ្យោបាយនិងភស្តុភារកម្ម (២០២៣-២០៣៣)។

លោកបណ្ឌិត JINHO CHOI បានសំដែងការសាទរ ជូនចំពោះរាជរដ្ឋាភិបាលកម្ពុជា ចំពោះការសម្រេចបាននូវការស្តារសេដ្ឋកិច្ចឡើងវិញយ៉ាងឆាប់រហ័ស នៅក្រោយវិបត្តិកូវីដ១៩ និងក្នុងបរិបទដែលពិភពលោកកំពុងជួបប្រទះ នូវភាពតានតឹងផ្នែកភូមិសាស្ត្រនយោបាយនិងសង្គ្រាម តាមរយៈការដាក់ចេញនូវវិធានការមុតស្រួច ដើម្បីទាក់ទាញ និងថែទាំវិនិយោគ ដើម្បីកំណើនសេដ្ឋកិច្ចជាតិ និងវិបុលភាពរបស់ប្រជាពលរដ្ឋកម្ពុជា។

ជាក់ស្តែងខ្លឹមសារនៃកំណើនសេដ្ឋកិច្ច របស់ប្រទេសកម្ពុជាក៏ត្រូវបានរំលេចនៅក្នុងរបាយការណ៍ស្ដីពី ស្ថានភាពម៉ាក្រូសេដ្ឋកិច្ច និងហិរញ្ញវត្ថុ របស់កម្ពុជាជារៀងរាល់ឆ្នាំ ជាពិសេសឆ្នាំ២០២៣ កន្លងទៅផងដែរ៕

ចំនួនអតិថិជនបរទេសទិញលំនៅដ្ឋានថ្លៃៗ បានដាំក្បាលចុះយ៉ាងគំហុកនៅក្នុងត្រីមាសទី១

ដោយ: គង់ លាងហួរ

អន្តរជាតិ: ការលក់ផ្ទះប្រណីត នៅក្នុងប្រទេសសិង្ហបុរីបានដាំក្បាលចុះ៥០ភាគរយ ក្នុងត្រីមាសទីមួយ បើធៀបនឹងរយៈពេលដូចគ្នាកាលពីមុន ខណៈផ្ទះភាគច្រើនគឺជាប្រភេទអាផាតម៉ឹន ដែលមានតម្លៃយ៉ាងតិច៥លានដុល្លារសិង្ហបុរី (៣,៧លានដុល្លារអាមេរិក)។

ក្នុងរយៈពេល៣ខែដំបូងដើមឆ្នាំនេះ អាផាតម៉ិនប្រណីតចំនួន៦៦យូនីត ត្រូវបានលក់ចេញ ដោយធ្លាក់ចុះពី១២៨យូនីត ក្នុងរយៈពេលដូចគ្នាកាលពីឆ្នាំមុន។ ចំណែកចំនួនជនបរទេស ដែលទិញអចលនទ្រព្យទាំងនេះ បានធ្លាក់ចុះប្រមាណ៩៨ភាគរយ។

ផ្ទុយទៅវិញ នៅក្នុងត្រីមាសទី១ ឆ្នាំ២០២៣ ជនបរទេសបានទិញអាផាតម៉ិនប្រណីតចំនួន៥២យូនីត។ ប៉ុន្តែចាប់តាំងពីរដ្ឋាភិបាលសិង្ហបុរីដំឡើងពន្ធប្រថាប់ត្រារបស់អ្នកទិញបន្ថែម (ABSD) ក្នុងខែមេសា ឆ្នាំមុន ចំនួនជនបរទេស ដែលទិញផ្ទះប្រណីតបានធ្លាក់ចុះជាលំដាប់។ជុំវិញបញ្ហានៃការធ្លាក់ចុះនេះ ក្រុមអ្នកសង្កេតការណ៍បានលើកឡើងថា “ការដំឡើងពន្ធប្រថាប់ត្រាទ្វេរដង លើអចលនទ្រព្យ បានបង្អាក់ចំណាប់អារម្មណ៍ របស់អ្នកវិនិយោគបរទេសក្នុងការទិញអចលនទ្រព្យលំនៅដ្ឋាននៅក្នុងប្រទេសសិង្ហបុរី”។

កាលពីខែមេសាឆ្នាំមុន ពន្ធប្រថាប់ត្រា (ABSD) ដែលអតិថិជនបរទេសត្រូវបង់នៅពេលទិញលំនៅដ្ឋាន ត្រូវបានដំឡើងពី៣០ភាគរយទៅដល់៦០ភាគរយ ដែលជាផ្នែកមួយនៃវិធានការរបស់រដ្ឋាភិបាលសិង្ហបុរី ដើម្បីរក្សាស្ថិរភាពទីផ្សារ។

ការដំឡើងពន្ធនេះ បណ្តាលឱ្យអ្នកទិញត្រូវបង់ពន្ធខ្ពស់កប់ពពក ក្នុងទំហំទឹកប្រាក់ ប្រមាណ៣លានដុល្លារសិង្ហបុរី ប្រសិនបើពួកគេទិញផ្ទះ ដែលមានតម្លៃ៥លានដុល្លារសិង្ហបុរី ។

លោក Sing Tien Foo សាស្ត្រាចារ្យនៃអគ្គនាយកដ្ឋានអចលនទ្រព្យនៃសាកលវិទ្យាល័យជាតិសិង្ហបុរី(NUS) បានលើកឡើងថា “ជាធម្មតា អតិថិជនបរទេសនិយមចូលចិត្តទិញ អចលនទ្រព្យប្រណីត។ប៉ុន្តែ ចាប់តាំងពីសិង្ហបុរីដាក់ឱ្យអនុវត្តន៍ ពន្ធប្រថាប់ត្រាថ្មីកាលពីឆ្នាំមុន យើងសង្កេតឃើញថា ចំនួនអតិថិជនបរទេសបានធ្លាក់ចុះយ៉ាងគំហុក”៕ប្រភព: CNA៕

ផ្លូវរថភ្លើងល្បឿនលឿនថៃ-ចិនកំពុងសម្រេចបានវឌ្ឍនភាពឆ្ពោះទៅបើកដំណើរការនៅឆ្នាំ២០៣០

ដោយ: គង់ លាងហួរ

អន្តរជាតិ: មន្ត្រីជាន់ខ្ពស់ថៃ បានអះអាងថា ផ្លូវរថភ្លើងល្បឿនលឿនថៃ-ចិន ដែលតភ្ជាប់ពីទីក្រុងបាងកក ទៅកាន់ខេត្ត Nong Khai រួចបន្តភ្ជាប់ទៅកាន់ផ្លូវដែកឡាវ-ចិន កំពុងសម្រេចបានវឌ្ឍនភាពឆ្ពោះទៅបើកដាក់ឱ្យប្រើប្រាស់ ជាសាធារណៈនៅឆ្នាំ២០៣០ខាងមុខ។

ដើមឡើយ ខ្សែរថភ្លើងទាំងមូលគ្រោង នឹងបើកដំណើរការឆាប់ៗនៅឆ្នាំ២០២៨។ ទោះជាយ៉ាងនេះក្តី គម្រោងដ៏ធំ ដែលត្រូវបានគេប៉ាន់ស្មានថា មានតម្លៃទុនវិនិយោគជាង៩,២ពាន់លានដុល្លារនេះ ត្រូវបានញាំញី ដោយសារការពន្យារពេល ដែលបណ្តាលមកពីការខ្វែងគំនិតផ្នែកហិរញ្ញវត្ថុរវាងប្រទេសទាំង២។

លោក Suriya Juangroongruangkit រដ្ឋមន្ត្រីក្រសួងដឹកជញ្ជូនថៃ បានជួបជាមួយលោក Wu Hao ប្រធានគណៈកម្មការកំណែទម្រង់ និងអភិវឌ្ឍន៍ជាតិរបស់ប្រទេសចិន នៅទីក្រុងប៉េកាំង ក្នុងអំឡុងកិច្ចប្រជុំលើកទី៣១ នៃគណៈកម្មាធិការរួមគ្នាលើគម្រោងផ្លូវរថភ្លើងល្បឿនលឿនថៃ-ចិន ចាប់តាំងពីគម្រោងបានចាប់ផ្តើមបើកការដ្ឋានសាងសង់នៅឆ្នាំ២០២០។

ចំណែកកិច្ចប្រជុំលើកទី៣២ នៃគណៈកម្មាធិការរួមគ្នាលើគម្រោងនេះ នឹងរៀបចំឡើងនៅក្នុងប្រទេសថៃ ដោយកាលបរិច្ឆេទមិនទាន់ត្រូវបានប្រកាសនៅឡើយ។

កិច្ចពិភាក្សានេះបានធ្វើឡើង បន្ទាប់ពីភាគីចិន បានអំពាវនាវឱ្យប្រទេសទាំងពីរ ពន្លឿនការសាងសង់ គម្រោងផ្លូវរថភ្លើងល្បឿនលឿនប្រវែង៨៧៣គីឡូម៉ែត្រនេះក្នុងខែមករា បន្ទាប់ពីមានការពន្យារពេលអស់ជាច្រើនឆ្នាំ។

ផ្លូវរថភ្លើងល្បឿនលឿននេះ នឹងតភ្ជាប់ប្រទេសចិន និងប្រទេសថៃ ដោយឆ្លងកាត់តាមប្រទេសឡាវ ដែលជាផ្នែកមួយនៃគំនិតផ្តួចផ្តើមខ្សែក្រវ៉ាត់ និងផ្លូវសកល(BRI)របស់ប្រទេសចិន។

លោក Suriya បានមានប្រសាសន៍ឱ្យដឹងថា គណៈកម្មាធិការរួម បានទទួលស្គាល់វឌ្ឍនភាព នៃការសាងសង់ក្រោមការទទួលខុសត្រូវរបស់ប្រទេសថៃក្នុងដំណាក់កាលទី១ ដោយគ្របដណ្តប់លើខ្សែរថភ្លើងពីទីក្រុងបាងកក ទៅកាន់ខេត្តនគររាជសីមា។ ដំណាក់កាលទី១នេះ ត្រូវបានគេរំពឹងថា នឹងបើកដាក់ឱ្យប្រើប្រាស់នៅឆ្នាំ២០២៨។

លោកបន្តថា កំណាត់ខ្សែរថភ្លើងក្នុងដំណាក់កាលទី២ ដែលតភ្ជាប់ពីខេត្តនគររាជសីមា ទៅកាន់ខេត្តណងខៃ បានឆ្លងកាត់ការវាយតម្លៃផលប៉ះពាល់បរិស្ថាន ខណៈការសាងសង់គ្រោងនឹងចាប់ផ្តើមនៅឆ្នាំក្រោយ។

លោកបានបញ្ជាក់ទៀតថា កំណាត់ផ្លូវរថភ្លើងដំណាក់កាលទី២នេះ នឹងតភ្ជាប់បន្តជាមួយផ្លូវដែកឡាវ-ចិន ហើយនឹងបើកដំណើរការនៅឆ្នាំ២០៣០ ដែលមានន័យថា គម្រោងទាំងមូលនឹងត្រូវបានបញ្ចប់រួចរាល់តែម្តង។

លោក Suriya បានបន្ថែមថា ស្ពានរថភ្លើងល្បឿនលឿនមេគង្គថ្មីមួយ ដែលតភ្ជាប់ខេត្ត Nong Khai ទៅកាន់រដ្ឋធានីវៀងច័ន្ទ ប្រទេសឡាវ នឹងត្រូវបានសាងសង់ ដោយប្រើប្រាស់ថវិកាសារពើពន្ធឆ្នាំ២០២៤របស់រដ្ឋាភិបាលថៃ៕ប្រភព: The Nation៕

ក្រសួងនិងផ្នែកពាក់ព័ន្ឋពិភាក្សាអំពីការសាងសង់ផ្លូវតភ្ជាប់ពីស្ពានព្រែកប្រាមកកាន់ផ្លូវជាតិលេខ១

ដោយៈ គង់ សូរិយា

ភ្នំពេញៈ ក្រុមមន្រ្តី និងផ្នែកឯកជនពាក់ព័ន្ឋបានបើកកិច្ចប្រជុំពិនិត្យការងារសិក្សាគម្រោងផ្លូវតភ្ជាប់ ផ្នែកខាងកើតគម្រោងសាងសង់ស្ពានឆ្លងកាត់ទន្លេបាសាក់ មកកាន់ផ្លូវជាតិលេខ១។

លោកសួង ហេង រដ្ឋលេខាធិការ និងជានាយកគម្រោង បានអញ្ជើញដឹកនាំកិច្ចប្រជុំពិនិត្យការងារ សិក្សាគម្រោងផ្លូវតភ្ជាប់ ផ្នែកខាងកើតគម្រោងសាងសង់ ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) ដោយមានការចូលរួមពី ឯកឧត្តមប្រធាន អនុប្រធាន សមាជិកគម្រោង តំណាងសាលារាជធានីភ្នំពេញ តំណាងអ្នកឧកញ៉ា ប៉េង ហួត ម្ចាស់បុរីប៉េង ហួត បឹងស្នោ ក្រុមហ៊ុនសំណង់សៀងហៃ ព្រមទាំងមន្ត្រីបច្ចេកទេស និងភាគីពាក់ព័ន្ធជាច្រើនរូប។

អង្គប្រជុំបានពិភាក្សា ដោយផ្តោតជាសំខាន់ទៅលើការជ្រើសរើសគន្លងខ្សែផ្លូវ តភ្ជាប់ផ្នែកខាងកើតគម្រោងសាងសង់ ស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) មកទល់នឹងផ្លូវជាតិលេខ១ ធ្វើយ៉ាងណាឱ្យខ្សែផ្លូវថ្មីនេះ មានផលប៉ពាល់តិច ស្របតាមលក្ខណៈបច្ចេកទេស តែមានផលចំណេញខ្ពស់។

ជាលទ្ធផល កិច្ចប្រជុំសម្រេចដាក់ចេញកាលវិភាគ ការងារប្រជុំលើកក្រោយបន្តទៀត និងចុះពិនិត្យដល់ទីតាំងជាក់ស្តែង ដើម្បីសម្រេចកំណត់ទីតាំងខ្សែផ្លូវជាក់លាក់មួយ ដែលជាជម្រើសដ៏ល្អប្រសើរដាក់ជូនថ្នាក់ដឹកនាំពិនិត្យសម្រេច៕

ផ្លូវរថភ្លើងក្រោមទឹកដំបូងគេរវាងទ្វីបអឺរ៉ុប និងអាហ្វ្រិក គ្រោងបើកដំណើរការនៅឆ្នាំ២០៣០

ដោយ: គង់ លាងហួរ
អន្តរជាតិ: ប្រទេសអេស្ប៉ាញ និងប្រទេសម៉ារ៉ុក គ្រោងសាងសង់ផ្លូវរថភ្លើងក្រោមទឹករវាងប្រទេសទាំង២ ដើម្បីកាត់បន្ថយពេលវេលាធ្វើដំណើររវាងទ្វីបអឺរ៉ុប និងអាហ្វ្រិកមកនៅត្រឹមតិចជាង៦ម៉ោង។

ការតភ្ជាប់ផ្លូវដែកលើកដំបូងមិនធ្លាប់មានរវាងទ្វីបទាំងពីរអាចក្លាយជាការពិតនៅក្នុងរយៈពេលត្រឹមតែប៉ុន្មានឆ្នាំទៀតប៉ុណ្ណោះ ខណៈបច្ចុប្បន្ន គម្រោងនេះកំពុងត្រូវបានពិចារណាយ៉ាងល្អិតល្អន់ដោយក្រសួងដឹកជញ្ជូននៃប្រទេសទាំងពីរ។

គម្រោងនេះត្រូវបានពិភាក្សាយ៉ាងបន្ទាន់ និងគ្រោងបញ្ចប់ការសាងសង់នៅឆ្នាំ២០៣០ ដើម្បីអបអរការប្រកួតបាល់ទាត់ពិភពលោក(2030 World Cup) ដែលគ្រោងនឹងរៀបចំឡើងនៅទូទាំងប្រទេសព័រទុយហ្គាល់ អេស្ប៉ាញ និងម៉ារ៉ុក។

ជាក់ស្តែង ក្រុមហ៊ុនជាតិម៉ារ៉ុកសម្រាប់ការសិក្សាតាមច្រកសមុទ្រ (SNED) បានប្រកាសកាលពីសប្តាហ៍មុនថា ខ្លួនកំពុងចាប់ផ្តើមបើកការស្រាវជ្រាវដំបូងលើលទ្ធភាពនៃការស្ថាបនាគម្រោងនេះ រួមទាំងតម្លៃសំណង់ និងថ្លៃឡូជីស្ទីក។ នេះបើយោងតាមរបាយការណ៍ពីសារពត៌មាន The Telegraph។

ផ្លូវរូងក្រោមទឹកនេះនឹងជួយសម្រួលការដឹកជញ្ជូនរវាងប្រទេសអេស្ប៉ាញ និងម៉ារ៉ុក ដោយអ្នកដំណើរអាចឡើងជិះរថភ្លើងក្នុងទីក្រុងម៉ាឌ្រីត ហើយមកដល់ទីក្រុង Casablanca ដោយចំណាយរយៈពេលប្រហែល៥ម៉ោងកន្លះ។

បច្ចុប្បន្ន អ្នកដំណើរត្រូវ ចំណាយ ពេល ជាង១២ម៉ោង ក្នុង ការ ធ្វើ ដំណើរ រវាង ទីក្រុង ទាំង២ តាមរយៈមធ្យោបាយរថយន្ត និង សាឡាង ខណៈ ការធ្វើដំណើរតាមជើងហោះហើរ មាន រយៈពេល ប្រហែល២ម៉ោង។

រថភ្លើងនេះនឹងតភ្ជាប់ទីក្រុង Punta Paloma ក្នុងប្រទេសអេស្ប៉ាញទៅកាន់ ទីក្រុង Malabata ក្នុងប្រទេសម៉ារ៉ុក។ខ្សែរថភ្លើងសរុបរវាងស្ថានីយទាំង២ នឹងមានប្រវែង៤២គីឡូម៉ែត្រ ដោយក្នុងនោះ កំណាត់ផ្លូវប្រវែង២៧,៣៦គីឡូម៉ែត្រ ត្រូវរត់កាត់ផ្លូវរូងក្រោមទឹក។

ប្រសិនបើត្រូវបានសាងសង់មែននោះ ខ្សែរថភ្លើងនេះនឹងក្លាយជាផ្លូវរថភ្លើងផ្ទាល់ដំបូងគេ ដែលតភ្ជាប់រវាងទ្វីបអាហ្រ្វិក និងទ្វីបអឺរ៉ុប ហើយអាចដឹកអ្នកដំណើរបាន១២,៨លាននាក់រវាងទ្វីបទាំង២នេះជារៀងរាល់ឆ្នាំ។

យ៉ាងណាមិញ ដើមទុនវិនិយោគសរុបសម្រាប់គម្រោងនេះនៅមិនទាន់ត្រូវបានគេដឹងច្បាស់នៅឡើយនោះទេ។ ប៉ុន្តែ បើយោងតាមការប៉ាន់ប្រមាណបានបង្ហាញថា គម្រោងនេះអាចមានតម្លៃប្រហែល៧,៥ពាន់លានដុល្លារអាមេរិក៕ប្រភព: Condé Nast Traveler៕

Thailand and Vietnam battle it out for rice export ranking

Thailand and Vietnam are racing for second place as the world’s top rice exporter this year, as India, although still in first place, could see a significant drop in rice exports year on year due to internal policies, the Thai Rice Exporters Association (TREA) said on Tuesday.

Statistics for the first quarter of 2024 revealed that India had exported the most rice at 4.3 million tonnes, a drop of 28.1% year on year, said TREA.

In second place was Thailand with 2.46 million tonnes (19.4% increase YOY), followed by Vietnam with 2.18 million tonnes (17.7% increase YOY), Pakistan with 1.98 million tonnes (68.5% increase YOY), and the United States with 800,000 tonnes (90.5% increase YOY).

India’s rice exports for the rest of the year could see further contraction as the government reportedly plans to impose more restrictions on exports to curb rising domestic prices, said TREA, quoting reports by local Indian media Mint.com.

According to Mint, the average retail price of rice on the domestic market has jumped 13.1% year on year, prompting the government to increase measures to help domestic consumers amidst the general election, the results of which will be announced in June.

Analysts believe that India’s export restriction on white rice and steam rice, currently capped at 25% and 15% of domestic output respectively, could be further reduced to 5% to ensure adequate stock available for domestic consumption.

TREA reported that Thailand’s rice export in Q1 this year fetched 56.73 billion baht, a rise of 49% year on year.

The association estimated rice exports in April at around 800,000 tonnes, most of which will come from contracted purchases of white rice from Indonesia, the Philippines, Malaysia and Japan.

Hom Mali or jasmine rice, meanwhile, is seeing more demand from the US, Canada, Hong Kong, Singapore, and some countries in Europe, TREA said, added that Thai rice has become more attractive in the global markets thanks to weakening baht, although prices are still slightly higher than its competitors.

As of April 30, the price of 5% white rice from Thailand stood at US$599 per tonne, versus Vietnam ($583) and Pakistan ($582).

Thai steam rice is priced at $602 per tonnes, while India rice is at $541 and Pakistan’s at $605 per tonne. Source: The Nation

China property: new stimulus is on the way as Politburo pledges to cut housing inventory, say analysts

A new wave of property stimulus measures is brewing that should fuel a recovery in market sentiment across mainland China as the country’s top decision-makers pledged to tackle housing inventories, according to analysts. However, some observers worried the much-needed support might be too little too late.

China property shares continued to rally on Thursday as industry leaders China Vanke and Shimao jumped as much as 14.7 per cent and 11.1 per cent respectively in intraday trading. The Hang Seng Mainland Properties Index, a gauge tracking 10 home builders listed in Hong Kong, advanced 4.5 per cent to 1,430.88 at the Thursday close, the highest so far this year.

The rally comes as speculation mounts that moves to stimulate the flagging property market are on the way. Top officials at a Politburo meeting on Tuesday said they are assessing comprehensive measures to reduce the housing inventory and boost sales.

“This is a quick, positive policy change, in our view, and we think that policy banks should provide funds to local governments to achieve inventory reduction goals, as was successfully done in China in 2014-2019,” said Raymond Cheng, managing director of CGS International Securities Hong Kong.

He was referring to a strategy that provides the funds for local governments and their platforms to purchase unsold units from developers and use deploy them as social housing.

“It would be a ‘win-win’ for both government and developers if that really happens,” he added. “The move, if implemented, will not only rapidly reduce inventory levels, but improve developers’ liquidity.”

Japanese investment bank Nomura was cautiously optimistic about the supportive messages that came from Tuesday’s meeting.

“We believe the policy stance of the Politburo has turned marginally more supportive to the property sector, given its increased emphasis on resolving the abundant housing inventory issue,” analysts led by Dong Jizhou said in a report on Wednesday. Source: SCMP

Exclusive: Shell in talks to sell Malaysia fuel stations to Saudi Aramco, sources say

SINGAPORE, May 6 (Reuters) – Energy giant Shell is in talks with Saudi Arabia’s state-owned Saudi Aramco to sell its gas station business in Malaysia, the second-largest such network in the country, four industry sources aware of the discussions said, and a deal could be worth up to $1 billion.

Shell said Malaysia is important to the company. “We remain committed to the mobility business in the country,” it said in an updated statement on Tuesday, without elaborating.

London-based Shell (SHEL.L), opens new tab wholly owns around 950 fuel stations across the Southeast Asian country, according to its website, with only Malaysia’s state-owned Petronas operating a bigger network.

Talks began in late 2023 and a deal may be finalised in the coming months, one source said. Two sources briefed on the matter put a potential deal size at roughly 4 billion to 5 billion ringgit ($844 million to $1.06 billion).

In addition to its fuel stations, Shell sells industrial lubricants, produces crude oil and natural gas offshore of Sarawak and Sabah states, and is a joint venture partner in two liquefied natural gas (LNG) ventures.

The sale is part of CEO Wael Sawan’s efforts to focus the company’s operations on the most profitable businesses. Shell has said it would look to divest 500 gas stations this year and next. It is in the process of selling its Singapore refinery and petrochemical complex.

Shell’s effort to sell its Malaysia fuel stations is consistent with its move to sell its refinery on Bukom Island in Singapore, which supplies the network, one of the sources said.

Saudi Aramco does not have fuel stations in Malaysia, although it owns 50% of the 300,000-barrel per day (bpd) Pengerang refinery in Johor in a joint venture with Petronas, which sells fuel domestically and for export. Source: Reuters

1...536537538...3,243 Page 537 of 3,243