កម្ពុជា ឡាវ មីយ៉ាន់ម៉ា និងវៀតណាម ប្តេជ្ញាប្រែក្លាយប្រទេសទាំង៤ទៅជាមជ្ឈមណ្ឌលសេដ្ឋកិច្ចរបស់តំបន់អាស៊ាននៅឆ្នាំ២០៤៥

ដោយ: គង់ លាងហួរ
អន្តរជាតិ: មន្ត្រីជាន់ខ្ពស់វៀតណាមបានស្នើឱ្យមានការពង្រឹងកិច្ចសហប្រតិបត្តិការរវាងកម្ពុជា ឡាវ មីយ៉ាន់ម៉ា និងវៀតណាមដើម្បីដោះស្រាយរាល់ឧបសគ្គ និងរបាំងពាណិជ្ជកម្ម ព្រមទាំងសម្រួលដល់សកម្មភាពពាណិជ្ជកម្ម ជាពិសេសវិស័យពាណិជ្ជកម្មតាមប្រព័ន្ធអេឡិចត្រូនិក។

ថ្លែងនៅក្នុងកិច្ចប្រជុំរដ្ឋមន្ត្រីសេដ្ឋកិច្ចកម្ពុជា ឡាវ មីយ៉ាន់ម៉ា និងវៀតណាម លើកទី១៦ (CLMV-EMM 16) នៅទីក្រុងវៀងចន្ទន៍ លោក Nguyen Sinh Nhat Tan អនុរដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម បានទទួលស្គាល់ពីការខិតខំប្រឹងប្រែងរបស់ប្រទេសទាំង៤ក្នុងការជំរុញសកម្មភាពសេដ្ឋកិច្ច ពាណិជ្ជកម្ម និងការវិនិយោគ ស្របពេលសេដ្ឋកិច្ចក្នុងតំបន់ និងពិភពលោកកំពុងបន្តជួបប្រទះបញ្ហាប្រឈម។

លោកបានសម្តែងក្តីសង្ឃឹមថា ប្រទេសទាំង៤ នឹងបន្តសម្របសម្រួល និងគាំទ្រគ្នាទៅវិញទៅមកក្នុងការអនុវត្តន៍ប្រកបដោយប្រសិទ្ធភាពនូវកិច្ចព្រមព្រៀងពាណិជ្ជកម្មសេរីនានា ធ្វើឱ្យប្រសើរឡើងនូវបរិយាកាសវិនិយោគ និងធុរកិច្ច ការអភិវឌ្ឍន៍ និងការដឹកជញ្ជូនថាមពល។

លោកក៏បានស្នើដល់ភាគីកម្ពុជា ឡាវ និងមីយ៉ាន់ម៉ា ឱ្យបង្កើតលក្ខខណ្ឌអំណោយផលសម្រាប់បណ្តាអ្នកវិនិយោគវៀតណាម ដើម្បីអនុវត្តន៍គម្រោងវិនិយោគ និងអាជីវកម្មនៅក្នុងប្រទេសជិតខាងទាំង៣។

រដ្ឋមន្ត្រីក្រសួងឧស្សាហកម្ម និងពាណិជ្ជកម្មឡាវ លោក Malaithong Kommasith បានសង្កត់ធ្ងន់ថា ក្នុងបរិបទនៃស្ថានការណ៍កាន់តែស្មុគស្មាញក្នុងតំបន់ និងពិភពលោក បណ្តាប្រទេស CLMV ត្រូវពង្រឹងសាមគ្គីភាព និងកិច្ចសហប្រតិបត្តិការជិតស្និទ្ធ ដើម្បីដោះស្រាយបញ្ហាប្រឈមនានា។

កិច្ចប្រជុំរដ្ឋមន្ត្រីសេដ្ឋកិច្ចកម្ពុជា ឡាវ មីយ៉ាន់ម៉ា និងវៀតណាម លើកទី១៦ បានបង្ហាញពីការប្តេជ្ញាចិត្តក្នុងការបន្តកិច្ចសហប្រតិបត្តិការ ដើម្បីសម្រេចបាននូវចក្ខុវិស័យរបស់បណ្តាប្រទេស CLMV សំដៅប្រែក្លាយតំបន់នេះទៅជាតំបន់ដែលមានប្រាក់ចំណូលមធ្យមកម្រិតខ្ពស់ និងជាមជ្ឈមណ្ឌលសេដ្ឋកិច្ចរបស់តំបន់អាស៊ាននៅឆ្នាំ២០៤៥។

ទោះបីជាបានឆ្លងកាត់បញ្ហាប្រឈមជាច្រើនយ៉ាងណាក្តី បណ្តាប្រទេស CLMV នៅតែបន្តរក្សាបានកំណើនសេដ្ឋកិច្ច ខណៈទំហំពាណិជ្ជកម្មរបស់ប្រទេសទាំង៤សម្រេចបានទឹកប្រាក់ចំនួន ៧៦៧,៧ពាន់លានដុល្លារក្នុងឆ្នាំ២០២៣ ឬស្មើនឹងចំណែក២១,៦% នៃទំហំពាណិជ្ជកម្មសរុបរបស់តំបន់អាស៊ានទាំងមូល៕ប្រភព: Vietnam Plus៕

Ray Dalio names the top five forces shaping the global economy

SINGAPORE — U.S. billionaire Ray Dalio named the top five forces at the front and center of the world’s economy.

Speaking at the Milken Institute’s Asia Summit in Singapore, the founder of Bridgewater Associates said the five factors are interrelated and often cyclical. Dalio made his remarks Wednesday ahead of the U.S. Federal Reserve’s interest rate decision.

1. Debt, money and the
economic cycle
With uncertainty still circling around what the Fed will do at its meeting this week, Dalio raised concerns about how the country’s debt will be managed.

“We’re going to have a Fed interest rate change, and [what will] that whole dynamic do? What happens to all the debt? How will that be dealt with?” he mused.

The U.S. central bank has kept benchmark rates at their highest level in 23 years, leading the government to allocate $1.049 trillion for debt service — an increase of 30% compared with a year ago.

This is part of an anticipated total of $1.158 trillion in payments for the entire year.

“What is the value of it and as one man’s debts or another man’s assets? How is it as a storehold of wealth? These are important questions that are pressing questions,” he threw the question out to attendees.

“There are irreconcilable differences between the right and the left, prompted by large wealth and value gaps… and they call into question even the orderly transition of power,” he added.

For the first time in the 2024
election cycle, Vice President Kamala Harris is now considered more likely to win than former President Donald Trump, a CNBC Fed Survey released Tuesday showed.
Dalio cited geopolitics as his third concern: namely, the relationship between the U.S.
and China.

Dalio then said “acts of nature” have historically posed a bigger threat to humanity and society than war.

Technology is going to “be fantastic” if one is able to adopt and invest in it appropriately, the billionaire said.

“The potential productivity benefits of that are enormous,” he said, elaborating that technology produces unicorn companies, and when it does — a sliver of the population fares better.

“Whoever wins the
technology war is going to win the military war,” he further said.

As he assessed the five factors on a whole, Dalio concluded that the “surprises are more on the downside than the upside,” he said.

Source: CNBC

តម្លៃផ្ទះថ្មីនៅប្រទេសចិនក្នុងខែសីហាធ្លាក់ចុះយ៉ាងលឿនបំផុតមិនធ្លាប់មាន ចាប់តាំងពីឆ្នាំ២០១៥

ដោយ: គង់ លាងហួរ
អន្តរជាតិ: តម្លៃផ្ទះថ្មីនៅប្រទេសចិនបានធ្លាក់ចុះក្នុងរង្វង់៥,៣ភាគរយកាលពីខែសីហា បើធៀបនឹងខែសីហាដូចគ្នាកាលពីឆ្នាំ២០២៣។ អត្រានេះបង្ហាញពីការធ្លាក់ចុះយ៉ាងលឿនបំផុតមិនធ្លាប់មាន ចាប់តាំងពីខែឧសភា ឆ្នាំ២០១៥។

យោងតាមការគណនារបស់សារព័ត៌មាន Reuters ដោយផ្អែកលើទិន្នន័យពីការិយាល័យស្ថិតិជាតិចិន (NBS)បង្ហាញថា តម្លៃផ្ទះថ្មីនៅក្នុងប្រទេសចិនបានធ្លាក់ចុះអស់រយៈពេល១៤ខែជាប់ៗគ្នា។ នៅខែកក្កដាឆ្នាំ២០២៤ តម្លៃផ្ទះបានធ្លាក់ចុះ៤,៩ភាគរយ។

យោងតាមទិន្នន័យពីការិយាល័យ NBS បានឱ្យដឹងថា ក្នុងរយៈពេល៨ខែដំបូងដើមឆ្នាំនេះ ការវិនិយោគលើអចលនទ្រព្យនៅប្រទេសចិនបានដាំក្បាលចុះ១០,២ភាគរយ ខណៈការលក់ផ្ទះបានដាំក្បាលចុះ១៨ភាគរយ បើធៀបនឹងរយៈពេលដូចគ្នាកាលពីឆ្នាំមុន។

ដើម្បីឆ្លើយតបនឹងបញ្ហាប្រឈមនេះ ក្រុមមន្ដ្រីទទួលបន្ទុកបង្កើតគោលនយោបាយរបស់ប្រទេសចិន បានបង្កើនកិច្ចខិតខំប្រឹងប្រែងនានា រួមមានទាំង ការបញ្ចុះអត្រាការប្រាក់លើប្រាក់កម្ចី និងការលុបចោលលក្ខខណ្ឌទិញផ្ទះមួយចំនួន ដើម្បីស្តារតម្រូវការទិញផ្ទះនៅក្នុងទីក្រុងធំៗឡើងវិញ។

ទោះបីជាយ៉ាងណាក្តី នៅក្នុងចំណោមបណ្តាទីក្រុងចំនួន៧០ ដែលត្រូវបានស្ទង់មតិ ដោយការិយាល័យស្ថិតិជាតិចិន (NBS) គេសង្កេតឃើញមានតែតម្លៃផ្ទះនៅក្នុងទីក្រុងចំនួន២ប៉ុណ្ណោះ ដែលបានកើនឡើងនៅក្នុងខែសីហា។

យោងតាមការស្ទង់មតិរបស់សារព័ត៌មាន Reuters បានព្យាករណ៍ថា តម្លៃផ្ទះនៅប្រទេសចិននឹងធ្លាក់ចុះ៨,៥ភាគរយនៅឆ្នាំ២០២៤នេះ និងបន្តធ្លាក់ចុះ៣,៩ភាគរយនៅឆ្នាំ២០២៥ខាងមុខ ខណៈវិស័យអចលនទ្រព្យចិនកំពុងត្រដាបត្រដួស និងស្វែងរកច្រកចេញពុំទាន់ឃើញនៅឡើយ។

លោក Zhang Dawei អ្នកវិភាគនៅទីភ្នាក់ងារអចលនទ្រព្យ Centaline បានអះអាងថា ទីផ្សារអចលនទ្រព្យរបស់ប្រទេសចិន កំពុងស្ថិតនៅក្នុងដំណាក់កាលនៃការធ្លាក់ចុះយ៉ាងសន្សឹមៗ។ ប្រាក់ចំណូល និងទំនុកចិត្តរបស់អ្នកទិញ ត្រូវការពេលវេលាដើម្បីងើបឡើងវិញ ហើយទីផ្សាររំពឹងថា រដ្ឋាភិបាលចិននឹងដាក់ចេញគោលនយោបាយដែលមានប្រសិទ្ធភាពខ្លាំងជាងនេះបន្ថែមទៀត។

ធនាគារជប៉ុន Nomura បានវាយតម្លៃថា ការថយចុះនៃកំណើនសេដ្ឋកិច្ច ក្នុងឆមាសទី២ ឆ្នាំ២០២៤ នឹងជំរុញឱ្យរដ្ឋាភិបាលទីក្រុងប៉េកាំង ចាប់ផ្តើមបញ្ចេញវិធានការខ្លាំងជាងមុន ដូចជាការផ្តល់ហិរញ្ញប្បទានដោយផ្ទាល់ដល់ម្រោងលំនៅដ្ឋានជាប់គាំងជាដើម។

ដោយឡែក យោងតាមសារព័ត៌មាន Bloomberg បានរាយការណ៍ថា ប្រទេសចិនអាចនឹងទម្លាក់អត្រាការប្រាក់លើប្រាក់កម្ចីក្នុងទំហំលើសពី៥ទ្រីលានដុល្លារអាមេរិកនៅក្នុងខែកញ្ញានេះ៕ប្រភព: Reuters៕

ការជួលការិយាល័យកម្រិត B នៅទីក្រុងបាងកកបន្តធ្លាក់ចុះ ខណៈក្រុមហ៊ុននានាបានងាកទៅរកបទពិសោធន៍ថ្មី

ដោយ: គង់ លាងហួរ
អន្តរជាតិ: ការជួលការិយាល័យកម្រិត B នៅទីក្រុងបាងកក ប្រទេសថៃបានបន្តធ្លាក់ចុះ ខណៈក្រុមហ៊ុននានាបានផ្លាស់ទីតាំងធ្វើការទៅកាន់ការិយាល័យកម្រិត A ប្រកបដោយគុណភាពល្អ និងត្រូវបានបំពាក់ដោយគ្រឿងបរិក្ខារទំនើបជាងមុន។

លោក Nattha Kahapana នាយកគ្រប់គ្រងក្រុមហ៊ុនប្រឹក្សាអចលនទ្រព្យ Knight Frank Thailand បានលើកឡើងថា លំហូរនៃការផ្គត់ផ្គង់ការិយាល័យនាពេលអនាគតគ្រប់កម្រិតទាំងអស់នឹងមានទំហំផ្ទៃក្រឡាសរុប១,៤៦លានម៉ែត្រការ៉េនៅឆ្នាំ២០២៨ ដោយបង្កបញ្ហាប្រឈមសម្រាប់ទីផ្សារការិយាល័យកម្រិត B។

លោកបានបន្តថា “ជាធម្មតា បណ្តុំអគារការិយាល័យកម្រិត B ស្ថិតនៅចំទីតាំងដូចគ្នានឹងការិយាល័យកម្រិត A ។ ហេតុនេះ នៅពេលម្ចាស់អគារការិយាល័យកម្រិត A ប្រកាសផ្តល់ជូនតម្លៃជួលក្នុងកម្រិតមួយដែលប្រកួតប្រជែង និងបំពាក់សម្ភារៈបរិក្ខារទំនើប នោះអ្នកជួលភាគច្រើនមិនស្ទាក់ស្ទើរចិត្តឡើយក្នុងការផ្លាស់ប្តូរទីតាំង។

យ៉ាងណាមិញ អត្រាគ្រប់ដណ្តប់ការជួលការិយាល័យគ្រប់កម្រិតទាំងអស់នៅទូទាំងទីក្រុងបាងកកបានបន្តធ្លាក់ចុះ១,៦ភាគរយធៀបនឹងឆ្នាំមុន មកនៅត្រឹមអត្រាជាមធ្យមប្រមាណ៧៦,៨% នៅត្រីមាសទីពីរឆ្នាំ២០២៤។

ក្នុងចំណោមនោះ អត្រាគ្រប់ដណ្តប់ការជួលការិយាល័យកម្រិត A បានធ្លាក់ចុះខ្លាំងជាងគេបំផុតក្នុងរង្វង់២,៥ភាគរយធៀបនឹងឆ្នាំមុនមកនៅត្រឹម៨០%។ ប៉ុន្តែ ចំនួននេះនៅតែជាកម្រិតខ្ពស់បំផុតនៅលើទីផ្សារ បើធៀបនឹងអត្រាគ្រប់ដណ្តប់ការជួលការិយាល័យកម្រិតផ្សេងទៀត ដូចជាកម្រិតBជាដើម។

ចំណែក ការជួលការិយាល័យកម្រិត A ប្រចាំខែមានតម្លៃចន្លោះពី៩០១បាតទៅ១.៦០០បាត(ប្រហែល២៧ដុល្លារទៅ៤៨ដុល្លារ)ក្នុងមួយម៉ែត្រការ៉េ។

ទន្ទឹមនឹងនេះ អត្រាគ្រប់ដណ្តប់ការជួលការិយាល័យកម្រិត B បានជួបប្រទះការធ្លាក់ចុះតិចតួចបំផុតក្នុងរង្វង់១,២ភាគរយមកនៅត្រឹមកម្រិត៧៥ភាគរយ។ ប៉ុន្តែ ចំនួននេះជាអត្រាគ្របដណ្តប់ការជួលទាបបំផុតនៅក្នុងទីផ្សារ។

រីឯ ការជួលការិយាល័យកម្រិត B ប្រចាំខែមានតម្លៃចន្លោះពី៥៥១បាតទៅ៩០០បាត(ប្រហែល១៦,៥០ដុល្លារទៅ២៧ដុល្លារ)ក្នុងមួយម៉ែត្រការ៉េ។

ចំណែក អត្រាគ្រប់ដណ្តប់ការជួលការិយាល័យកម្រិត C បានជួបប្រទះការធ្លាក់ចុះក្នុងរង្វង់១,៤ភាគរយមកនៅត្រឹមកម្រិត៧៧ភាគរយធៀបនឹងត្រីមាសទី២ ឆ្នាំមុន ខណៈការជួលការិយាល័យកម្រិត C ប្រចាំខែមានតម្លៃចន្លោះពី៣០០បាតទៅ៥៥០បាត(ប្រហែល៩ដុល្លារទៅ១៦,៥០ដុល្លារ)ក្នុងមួយម៉ែត្រការ៉េ៕ប្រភព: Bangkok Post៕

Singapore private home sales plummet to 16-year low in August

Singapore’s private home sales dropped to a 16-year low in August, reflecting weak buyer sentiment, although new launches and anticipated interest rate cuts are expected to drive demand in the coming months.

Developers sold 208 units, down 47% year-on-year, according to Urban Redevelopment Authority data released Monday as cited by The Straits Times.

“This is a record low for the month of August since 325 units were sold in August 2008,” Tricia Song, property consultancy CBRE’s head of research for Southeast Asia, was quoted as saying.

The year 2024 is on track to be the weakest for annual new home sales since 2008, when 4,264 units were sold. Market sentiment has remained cautious since late 2023, Song added.

In the first eight months sales reached 2,668 units, down 49% year-on-year.

Most developers are waiting for home-buyers’ enthusiasm and more risk appetite to return, said Nicholas Mak, the chief research officer at property portal Mogul.sg, as reported by Bloomberg.

Demand is set to be tested in the coming months, as 56.2% of developers anticipate a moderately or significantly higher number of units to be launched in the second half of the year, according to a June quarterly survey of senior executives in Singapore’s real estate and development industry.

Source: Vnexpress

មហាសេដ្ឋីអាមេរិកដ៏មានបទពិសោធន៍ខ្ពស់មួយរូបបង្ហើបកត្តាសំខាន់ចំនួន៥ ដែលអាចកំណត់វាសនាសេដ្ឋកិច្ចពិភពលោក

ដោយ: គង់ លាងហួរ
អន្តរជាតិ: មហាសេដ្ឋីអាមេរិកលោក Ray Dalio ស្ថាបនិកក្រុមហ៊ុន Bridgewater Associates បានបង្ហើបកត្តាធំៗចំនួន៥ ដែលកំពុងកំណត់ជោគវាសនារបស់សេដ្ឋកិច្ចនៅលើពិភពលោក។នេះបើយោងតាមការដកស្រង់ចុះផ្សាយដោយសារពត៌មាន CNBC។

ខាងក្រោមនេះជាកត្តាចំនួន៥ ដែលលោក Ray Dalio បានលើកឡើងនៅឯកិច្ចប្រជុំកំពូលអាស៊ីរបស់វិទ្យាស្ថាន Milken នៅក្នុងប្រទេសសិង្ហបុរី៖

កត្តាទី១: បំណុល

លោក Ray Dalio បានបង្ហាញក្តីបារម្ភអំពីភាពមិនច្បាស់លាស់នៃរបៀបដោះស្រាយទំហំបំណុលជាតិជាង៣៥ទ្រីលានដុល្លាររបស់សហរដ្ឋអាមេរិក ស្របពេលដែលធនាគារកណ្តាលអាមេរិក(Fed) ចាប់ផ្តើមបន្ធូរបន្ថយអត្រាការប្រាក់។

លោកបានចោទជាសំណួរថា តើនឹងមានអ្វីកើតឡើងចំពោះបំណុលទាំងអស់ ហើយតើបញ្ហានេះនឹងត្រូវបានដោះស្រាយដោយរបៀបណា ខណៈភាពមិនច្បាស់លាស់ផ្សេងៗផ្នែកសេដ្ឋកិច្ចនៅតែបន្តកើតមាន?។

កត្តាទី២: សណ្តាប់ធ្នាប់ផ្ទៃក្នុង និងអស្ថិរភាព

លោក Dalio បានសំដៅទៅលើស្ថានភាពនយោបាយរបស់សហរដ្ឋអាមេរិកនៅមុនការបោះឆ្នោត ដែលគណបក្សសាធារណៈរដ្ឋ និងគណបក្សប្រជាធិបតេយ្យមានគោលជំហរខុសគ្នានិងមិនអាចផ្សះផ្សារគ្នាបាន”។

យោងតាមការស្ទង់មតិរបស់សារពត៌មាន CNBC ដែលបានចេញផ្សាយកាលពីថ្ងៃអង្គារ ទី១៧ ខែកញ្ញាបានបង្ហាញថា លោកស្រីអនុប្រធានាធិបតីអាមេរិក Kamala Harris មានឱកាសឈ្នះឆ្នោតខ្ពស់ជាងអតីតប្រធានាធិបតីលោក Donald Trump។

នៅក្នុងវេទិកាជជែកដេញដោលតទល់គ្នាកាលពីពេលថ្មីៗនេះ បេក្ខជនទាំង២បានពិភាក្សាគ្នាអំពីបញ្ហាសិទ្ធិរំលូតកូន ពន្ធគយ និងសំណើគោលនយោបាយផ្សេងៗទៀត។

ទោះបីជាយ៉ាងណាក្តី លោក Ray Dalio ជឿជាក់ថា “មិនថា បេក្ខជនរូបណាជាអ្នកឈ្នះឆ្នោតនោះទេ ក៏របៀបវារៈគោលនយោបាយរបស់ប្រធានាធិបតីនៅតែមានឥទ្ធិពលតិចតួចលើសុខភាពទាំងមូលនៃសេដ្ឋកិច្ចរបស់សហរដ្ឋអាមេរិក។

កត្តាទី៣: ជម្លោះរវាងប្រទេសមហាអំណាច

លោក Dalio បានចាត់ទុកបញ្ហាភូមិសាស្ត្រនយោបាយ និងទំនាក់ទំនងដ៏តានតឹងរវាងសហរដ្ឋអាមេរិក និងប្រទេសចិនជាកង្វល់ដ៏ធំទី៣របស់លោក។

ទំនាក់ទំនងរវាងអាមេរិក និងចិនបានជួបប្រទះភាពតានតឹងជាបន្តបន្ទាប់ ដូចជាបញ្ហាដែនទឹកនៅតំបន់សមុទ្រចិនខាងត្បូង ស្ថានភាពនយោបាយរបស់កោះតៃវ៉ាន់ និងការដំឡើងពន្ធលើការនាំចូលផលិតផលចិន។

កត្ដាទី៤: គ្រោះមហន្តរាយធម្មជាតិ

ត្រង់ចំណុចនេះ លោក Dalio បានគូសបញ្ជាក់ថា គ្រោះមហន្តរាយធម្មជាតិជាប្រវត្តិសាស្ត្របានគំរាមកំហែងដល់មនុស្សជាតិ និងសង្គមច្រើនជាងសង្គ្រាម។ លោកបានកត់សម្គាល់ថា “គ្រោះធម្មជាតិ ដូចជា គ្រោះរាំងស្ងួត ទឹកជំនន់ និងជំងឺរាតត្បាតបានសម្លាប់ជីវិតមនុស្សកាន់តែច្រើន និងទទួលខុសត្រូវចំពោះការផ្លាស់ប្តូរនៃសណ្តាប់ធ្នាប់អន្តរជាតិ”។

កត្ដាទី៥: សង្គ្រាមបច្ចេកវិទ្យា

មហាសេដ្ឋីរូបនេះបានអះអាងថា វិស័យបច្ចេកវិទ្យានឹងវិវត្តន៍ឆ្ពោះទៅមុខកាន់តែអស្ចារ្យ ប្រសិនបើយើងអាចចាប់យក និងបណ្តាក់ទុនវិនិយោគលើវិស័យមួយនេះឱ្យបានត្រឹមត្រូវ។

លោកបានមានប្រសាសន៍ឱ្យដឹងថា “បច្ចេកវិទ្យានវានុវត្តន៍អាចជួយបង្កើនផលិតភាពការងារបានក្នុងកម្រិតមួយដ៏ធំ ហើយប្រសិនបើប្រទេសណាមួយអាចយកឈ្នះសង្គ្រាមបច្ចេកវិទ្យា ដូច្នេះប្រទេសនោះនឹងយកឈ្នះសង្គ្រាមយោធាបានដូចគ្នា”៕ប្រភព:CNBC៕

ក្រុមហ៊ុនផលិតយន្តហោះ Boeing របស់អាមេរិកគ្រោងកាត់បន្ថយការចំណាយ ខណៈកូដកម្មធ្វើឱ្យខ្លួនខាតបង់រាប់លានដុល្លារ

ដោយ: គង់ លាងហួរ
អន្តរជាតិ: ក្រុមហ៊ុនផលិតយន្តហោះ Boeing របស់សហរដ្ឋអាមេរិកគ្រោងកាត់បន្ថយការចំណាយ តាមរយៈការផ្អាកជ្រើសរើសបុគ្គលិកបន្ថែម និងពិចារណាបញ្ឈប់ការងារមួយចំនួនជាបណ្ដោះអាសន្ន ដើម្បីដោះស្រាយបញ្ហាកូដកម្មដ៏រ៉ាំរ៉ៃ។

បច្ចុប្បន្ន ការបន្តធ្វើកូដកម្មរបស់កម្មករជាង៣០.០០០នាក់ កំពុងជះផលវិបាកយ៉ាងធ្ងន់ធ្ងរដល់ក្រុមហ៊ុនផលិតយន្តហោះ Boeing របស់អាមេរិក។

តាមរយៈលិខិតមួយផ្ញើទៅកាន់បុគ្គលិក លោក Brian West ប្រធានទទួលបន្ទុកផ្នែកហិរញ្ញវត្ថុនៅក្រុមហ៊ុន Boeing បានគូសបញ្ជាក់ថា កូដកម្មនាពេលបច្ចុប្បន្ន បានជះផលប៉ះពាល់យ៉ាងធ្ងន់ធ្ងរដល់ដំណើរការស្តារឡើងវិញរបស់ក្រុមហ៊ុន។ លោកក៏បានទាមទារឱ្យមានការចាត់វិធានការចាំបាច់ ដើម្បីការពារដើមទុន និងធានាឱ្យបាននូវអនាគតរបស់ក្រុមហ៊ុនមួយនេះ។

ជាមួយគ្នានេះ ក្រុមហ៊ុន Boeing ក៏គ្រោងផ្អាកការបញ្ជាទិញគ្រឿងបន្លាស់ជាច្រើនសម្រាប់កម្មវិធីផលិតយន្តហោះប្រភេទ Boeing 737 យន្តហោះ Boeing 767 និងយន្តហោះ Boeing 777។

ការផ្អាកការបញ្ជាទិញគ្រឿងបន្លាស់សម្រាប់កម្មវិធីផលិតយន្តហោះភាគច្រើនរបស់ក្រុមហ៊ុន Boeing បានក្លាយជាការសម្រេចចិត្តដ៏កម្រមាន។ ការណ៍នេះនឹងបណ្តាលឱ្យមានបញ្ហាកង្វះយន្តហោះនៅក្នុងឧស្សាហកម្មអាកាសចរណ៍។

កាលពីពេលថ្មីៗកន្លងមក កម្មកររោងចក្រ Boeing Group នៅទីក្រុង West Coast របស់សហរដ្ឋអាមេរិក បានបន្តចុះតាមដងផ្លូវធ្វើកូដកម្មនៅថ្ងៃទី១៣ ខែកញ្ញា ក្រោយពីកម្មករប្រមាណ៩៦ភាគរយនៅទីក្រុង Seattle និងទីក្រុង Portland បានបោះឆ្នោតគាំទ្រកូដកម្មនេះ ជំនួសឱ្យការទទួលយកកិច្ចសន្យាថ្មីរបស់ក្រុមហ៊ុន។

កិច្ចសន្យាថ្មីរបស់ក្រុមហ៊ុនយក្ស Boeing បានចែងពីគោលដៅបណ្តាក់ទុនវិនិយោគបន្ថែមទៀតនៅក្នុងតំបន់ Puget Sound និងការដំឡើងប្រាក់ឈ្នួលចំនួន២៥ភាគរយសម្រាប់កម្មករក្នុងរយៈពេល៤ឆ្នាំ។

យ៉ាងណាមិញ កម្មករភាគច្រើនបានបង្ហាញការមិនពេញចិត្តចំពោះការដំឡើងប្រាក់បៀវត្សរ៍ក្នុងអត្រា២៥ភាគរយ បើធៀបនឹងការស្នើសុំដំឡើង៤០ភាគរយ ហើយកិច្ចសន្យាថ្មីនោះក៏បានលុបចោលផងដែរនូវការផ្តល់ប្រាក់រង្វាន់ប្រចាំឆ្នាំ ។

លោក Chris Olin អ្នកជំនាញនៅក្រុមហ៊ុន Northcoast Research បានលើកឡើងថា ក្រុមហ៊ុន Boeing ប្រហែលជាត្រូវកាត់បន្ថយចំនួនយន្តហោះចន្លោះពី៣៣គ្រឿងទៅ៣៥គ្រឿងចេញពីផែនការផលិតកម្មរបស់ខ្លួន ដោយសារតែកូដកម្មបានបណ្តាលឱ្យក្រុមហ៊ុនខាតបង់ប្រាក់ចំណូលប្រមាណ១០២លានដុល្លារក្នុងមួយថ្ងៃ៕ប្រភព: Fortune៕

តម្លៃដីនៅប្រទេសជប៉ុនកើនឡើងខ្ពស់បំផុតមិនធ្លាប់មាន ចាប់តាំងពីមានវិបត្តិពពុះអចលនទ្រព្យក្នុងឆ្នាំ១៩៩២

ដោយ: គង់ លាងហួរ
អន្តរជាតិ: យោងតាមទិន្នន័យពីរដ្ឋាភិបាលជប៉ុន បានបង្ហាញឱ្យដឹងនៅថ្ងៃទី១៨ ខែកញ្ញាថា តម្លៃដីនៅក្នុងប្រទេសជប៉ុនគិតត្រឹមថ្ងៃទី១ ខែកក្កដា ឆ្នាំ២០២៤ បានកើនឡើងក្នុងរង្វង់ជាមធ្យម១,៤ភាគរយបើធៀបនឹងឆ្នាំមុន។

តួលេខខាងលើបានបង្ហាញសញ្ញានៃការកើនឡើងរយៈពេល៣ឆ្នាំជាប់ៗគ្នា និងជាកំណើនដ៏ខ្ពស់បំផុតមិនធ្លាប់មានចាប់តាំងពីឆ្នាំ១៩៩២ ស្របពេលមានការកើនឡើងនៃវិស័យទេសចរណ៍ និងការវិនិយោគពីបរទេស ដោយសារតែតម្លៃប្រាក់យ៉េនដាំក្បាលចុះ។

តួយ៉ាង តម្លៃដីពាណិជ្ជកម្មបានកើនឡើង២,៤ភាគរយ ហើយតម្លៃដីលំនៅដ្ឋានបានកើនឡើង០,៩ភាគរយ។តម្លៃដីទាំង២ប្រភេទនេះបានកើនឡើងចំនួន៣ឆ្នាំជាប់ៗគ្នាក្នុងល្បឿនលឿនបំផុតមិនធ្លាប់ជួបប្រទះ ចាប់តាំងពីឆ្នាំ១៩៩២មក។

យោងតាមក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុនបានឱ្យដឹងថា ឆ្នាំ១៩៩២ ជាឆ្នាំដែលតម្លៃដីធ្លីនៅប្រទេសជប៉ុនបានដាំក្បាលចុះ ដោយសារពពុះក្នុងវិស័យអចលនទ្រព្យបានផ្ទុះឡើង។

យោងតាមរបាយការណ៍របស់ក្រសួងដដែលបានបញ្ជាក់ថា “បច្ចុប្បន្ន តម្លៃដីកំពុងកើនឡើងជាលំដាប់ ដែលឆ្លុះបញ្ចាំងពីតម្រូវការជាក់ស្តែង និងខុសប្លែកពីការទិញ-លក់រយៈពេលខ្លីក្នុងអំឡុងពេលមានពពុះ”។

បន្ទាប់ពីឆ្លងផុតវិបត្តិហិរញ្ញវត្ថុ ដែលបង្កឡើងដោយការដួលរលំនៃធនាគារ Lehman Brothers Holdings របស់សហរដ្ឋអាមេរិកក្នុងឆ្នាំ២០០៨ និងវិបត្តិជំងឺរាតត្បាតកូវីដ-១៩ គេសង្កេតឃើញថា ទីផ្សារដីធ្លីនៅប្រទេសជប៉ុនមាននិន្នាការកម្រើកកាន់តែខ្លាំង។

តម្លៃដីនៅក្នុងទីក្រុងធំជាងគេទាំង៣របស់ប្រទេសជប៉ុន រួមមាន ទីក្រុងតូក្យូ ទីក្រុងអូសាកា និងទីក្រុងណាហ្គោយ៉ាបានកើនឡើងយ៉ាងគំហុក ខណៈតម្លៃដីលំនៅដ្ឋាននៅតំបន់ទាំងនោះបានកើនឡើងចំនួន៣ជាប់ៗគ្នា ហើយតម្លៃដីពាណិជ្ជកម្មបានកើនឡើងក្នុងរយៈពេល១២ឆ្នាំជាប់ៗគ្នា។

តម្លៃដីនៅម្តុំទីតាំងអគារពាណិជ្ជកម្ម Meidi-ya Ginza ក្នុងតំបន់ផ្សារទំនើប Ginza នៃទីក្រុងតូក្យូ មានតម្លៃខ្ពស់បំផុតចំនួន៤២,១លានយ៉េន ឬ៣០មុឺនដុល្លារអាមេរិកក្នុងមួយម៉ែត្រការ៉េ។ តម្លៃដីនៅទីនោះបានបន្តនាំមុខគេក្នុងបញ្ជីរយៈពេល១៩ឆ្នាំជាប់ៗគ្នា៕ប្រភព: Kyodo News៕

ធនាគារ ហត្ថា និងក្រុមហ៊ុនធានារ៉ាប់រង លី ហួរ អេសប៊ីអាយ អ៊ិនសួរេន ម. ក ពួតដៃគ្នាក្នុងការផ្តល់នូវដំណោះស្រាយទូទាត់តាមបែបឌីជីថលដ៏ទំនើប ដើម្បីបង្កើនបទពិសោធអតិថិជនឱ្យកាន់តែប្រសើរ

ភ្នំពេញ ថ្ងៃទី១៨ ខែកញ្ញា ឆ្នាំ២០២៤៖ ធនាគារ ហត្ថា ដែលជាក្រុមហ៊ុនបុត្រសម័្ពន្ធរបស់ ធនាគារ ក្រុងស្រ៊ី ដែលជាធនាគារពាណិជ្ជធំជាងគេលំដាប់ទី៥ នៅក្នុងប្រទេសថៃ និងជាសមាជិកនៃសម្ព័ន្ធហិរញ្ញវត្ថុអន្តរជាតិ MUFG និងក្រុមហ៊ុនធានារ៉ាប់រង លី ហួរ អេសប៊ីអាយ អិុនសួរេន ម. ក ដែលជាក្រុមហ៊ុនធានារ៉ាប់រងដ៏ល្បីល្បាញមួយ បានប្រកាសនៅថ្ងៃនេះអំពីភាពជាដៃគូយុទ្ធសាស្រ្តតាមរយៈអនុស្សរណៈនៃការយោគយល់គ្នា (MoU)។ កិច្ចសហការនេះមានគោលបំណងពង្រីកសេវាកម្មហិរញ្ញវត្ថុ និងផ្តល់ភាពងាយស្រួលកាន់តែច្រើនដល់អតិថិជន តាមរយៈការរួមបញ្ចូលការទូទាត់បុព្វលាភធានារ៉ាប់រងទៅក្នុងប្រព័ន្ធឌីជីថលរបស់ធនាគារ ហត្ថា។

ក្រោមភាពជាដៃគូថ្មីនេះ អតិថិជនរបស់ក្រុមហ៊ុនធានារ៉ាប់រង លី ហួរ អេសប៊ីអាយ អិុនសួរេន ម. ក អាចទូទាត់បុព្វលាភធានារ៉ាប់រងបានយ៉ាងរលូនតាមរយៈមធ្យោបាយផ្សេងៗ រួមមានកម្មវិធីធនាគារចល័ត ហត្ថា ម៉ូបាល និងហត្ថា អុីនធឺណិតប៊ែងឃីង ដ៏ទំនើប។ លើសពីនេះ អតិថិជនក៏អាចធ្វើការទូទាត់នៅគ្រប់សាខាទាំងអស់របស់ធនាគារ ហត្ថា ទូទាំងប្រទេស ផងដែរ។

លោក Wee Mun Seng អនុប្រធានអគ្គនាយក ធនាគារ ហត្ថា បានសម្តែងការសាទរចំពោះភាពជាដៃគូថ្មីនេះ ដោយមានប្រសាសន៍ថា “តាមរយៈការចូលរួមជាមួយក្រុមហ៊ុនធានារ៉ាប់រង លី ហួរ អេសប៊ីអាយ អិុនសួរេន ម. ក យើងកំពុងអះអាងបញ្ជាក់ជាថ្មីពីការយកចិត្តទុកដាក់របស់យើងក្នុងការផ្តល់នូវសេវាកម្មប្រកបដោយភាពច្នៃប្រឌិត និងផ្តោតលើអតិថិជនជាអាទិភាព។ ភាពជាដៃគូនេះគឺជាសក្ខីភាពមួយចំពោះគោលដៅរួមរបស់យើងក្នុងការធ្វើឱ្យសេវាហិរញ្ញវត្ថុ និងធានារ៉ាប់រងកាន់តែងាយស្រួលប្រើប្រាស់ និងមានប្រយោជន៍សម្រាប់អតិថិជន និងបុគ្គលិករបស់យើងដូចគ្នា”។

អ្នកឧកញ៉ា លី សុភាព នាយកប្រតិបត្តិ ក្រុមហ៊ុនធានារ៉ាប់រង លី ហួរ អេសប៊ីអាយ អិុនសួរេន ម. ក បានមានប្រសាសន៍ថា “ការចុះហត្ថលេខាលើអនុស្សរណៈយោគយល់គ្នាថ្ងៃនេះ ជានិមិត្តរូបនៃជំហានឆ្ពោះទៅមុខយ៉ាងសំខាន់ក្នុងស្មារតីនៃភាពជាដៃគូ ការរីកចម្រើន និងចក្ខុវិស័យរួមគ្នា។ កិច្ចសហការនេះមិនគ្រាន់តែជាកិច្ចព្រមព្រៀងពាណិជ្ជកម្មប៉ុណ្ណោះទេ វាគឺជាការប្ដេជ្ញាចិត្តក្នុងការផ្តល់នូវតម្លៃកាន់តែច្រើន និងសេវាកម្មកាន់តែប្រសើរដល់អតិថិជនទៅវិញទៅមកនៅទូទាំងប្រទេសកម្ពុជា”។

ដូច្នេះហើយ សម្ព័ន្ធភាពជាយុទ្ធសាស្រ្តរវាងក្រុមហ៊ុនទាំងពីរនេះតំណាងឱ្យជំហានឆ្ពោះទៅមុខយ៉ាងសំខាន់ក្នុងការផ្លាស់ប្តូរឌីជីថលនៃសេវាកម្មហិរញ្ញវត្ថុ និងធានារ៉ាប់រងនៅកម្ពុជា។ វារួមបញ្ចូលគ្នានូវភាពរឹងខ្លាំង និងភាពជឿជាក់នៃថ្នាលឌីជីថល និងបណ្តាញសាខាយ៉ាងទូលំទូលាយរបស់ធនាគារ ហត្ថា ជាមួយនឹងការផ្តល់ជូននូវធានារ៉ាប់រងដែលអាចជឿទុកចិត្តបានរបស់ ក្រុមហ៊ុនធានារ៉ាប់រង លី ហួរ អេសប៊ីអាយ អិុនសួរេន ម. ក ដើម្បីផ្តល់នូវបទពិសោធកាន់តែមានប្រសិទ្ធភាព សន្សំសំចៃ និងងាយស្រួលប្រើសម្រាប់អតិថិជនទាំងអស់។ ជាលទ្ធផលចុងក្រោយ វានឹងរួមចំណែកជាវិជ្ជមានដល់ការអភិវឌ្ឍសេដ្ឋកិច្ចរបស់ប្រទេសកម្ពុជា និងសហគមន៍របស់ខ្លួន។

អំពី ធនាគារ ហត្ថា

ធនាគារ ហត្ថា ជាធនាគារពាណិជ្ជដែលមានវត្តមាននៅក្នុងព្រះរាជាណាចក្រកម្ពុជាអស់រយៈកាល៣០ឆ្នាំមកហើយ ផ្តល់ជូនសេវាហិរញ្ញវត្ថុយ៉ាងទូលំទូលាយដល់អតិថិជនរបស់ខ្លួន។ គិតត្រឹមដំណាច់ឆ្នាំ២០២៣ ធនាគារ ហត្ថា កំពុងកាន់កាប់តំណែងជាធនាគារពាណិជ្ជធំជាងគេលំដាប់ទី៤ផ្អែកលើការិយាល័យប្រតិបត្តិការរបស់ខ្លួន។ ធនាគារ ហត្ថា ជាក្រុមហ៊ុនបុត្រសម្ព័ន្ធរបស់ ធនាគារ ក្រុងស្រ៊ី ដែលជាសម្ព័ន្ធហិរញ្ញវត្ថុធំបំផុតលំដាប់ទី៥ នៅក្នុងព្រះរាជាណាចក្រថៃឡង់ដ៍ ដែលមានអាយុកាលអាជីវកម្មជាង ៧៨ឆ្នាំ។ ធនាគារ ក្រុងស៊្រី ជាសមាជិកយុទ្ធសាស្ត្រនៃសម្ព័ន្ធហិរញ្ញវត្ថុអន្តរជាតិ MUFG Financial Group ដែលជាសម្ព័ន្ធហិរញ្ញវត្ថុធំជាងគេនៅក្នុងប្រទេសជប៉ុន និងធំបំផុតមួយនៅក្នុងពិភពលោក។

សូមបញ្ជាក់ថាធនាគារ ហត្ថា បានទទួលការវាយតម្លៃជាស្ថាប័នមានស្ថិរភាពហិរញ្ញវត្ថុរឹងមាំ តាមរយៈការរក្សាបាននូវចំណាត់ថ្នាក់ BBB+ អស់រយៈពេល០៦ឆ្នាំ ជាប់គ្នា ពីក្រុមហ៊ុន TRIS Rating ដែលចំណាត់ថ្នាក់នេះសបញ្ជាក់ឱ្យឃើញថា ធនាគារ ហត្ថា មានដំណើរការមុខជំនួញរបស់ខ្លួនប្រកបដោយស្ថិរភាព និងឈរជើងឈានមុខគេនៅក្នុងទីផ្សារហិរញ្ញវត្ថុកម្ពុជា។ បន្ថែមជាងនេះទៀត ធនាគារ ហត្ថា ទទួលបានការគាំទ្រយ៉ាងពេញទំហឹងពីសំណាក់ធនាគារ ក្រុងស្រ៊ី ដែលជាភាគទុនិករបស់ខ្លួន ដែលរួមចំណែកជំរុញឱ្យធនាគារ ហត្ថា មានធនធានគ្រប់គ្រាន់ និងមានភាពរឹងមាំយ៉ាងខ្លាំងផ្នែកហិរញ្ញវត្ថុ ក្នុងប្រតិបត្តិការអាជីវកម្មរបស់ខ្លួន។

អំពី លី ហួរ អេស ប៊ី អាយ អ៊ិនសួរេន

លី ហួរ អេស ប៊ី អាយ អ៊ិន (LHSBI) គឺជាបុត្រសម្ព័ន្ធមួយនៃក្រុមហ៊ុន លី ហួរ គ្រុប ក្នុងវិស័យហិរញ្ញវត្ថុកម្ពុជា។ លី ហួរ អ៊ិនសួរេន ម.ក ដែលក្រោយមកបានប្តូរនាមករណ៍ជា លី ហួរ អេស ប៊ី អាយ អ៊ិន ដែលកើតចេញពីការរួមបញ្ចូលគ្នានៃ លី ហួរ អ៊ិនសួរេន ម.ក និងក្រុមហ៊ុនជប៉ុន SBI Holdings, Inc. ត្រូវបានបង្កើតឡើងជាក្រុមហ៊ុនមហាជនទទួលខុសត្រូវមានកម្រិត ក្រោមច្បាប់នៃព្រះរាជាណាចក្រកម្ពុជា ចុះបញ្ជីលេខ ០០០២៧៤១៥ ចុះថ្ងៃទី២១ ខែសីហា ឆ្នាំ២០១៧ ដែលត្រូវបានទទួលស្គាល់ថាជាក្រុមហ៊ុន ផ្តល់ជូននូវដំណោះស្រាយធានារ៉ាប់រងដ៏ទូលំទូលាយ។ ក្រុមហ៊ុនបានកសាងកេរ្តិ៍ឈ្មោះដ៏រឹងមាំសម្រាប់ភាពជឿជាក់ និងការយកចិត្តទុកដាក់ចំពោះការពេញចិត្តរបស់អតិថិជន ទទួលបានទំនុកចិត្ត និងការគោរពពីអតិថិជនរបស់ខ្លួន។

ក្រុមហ៊ុន លី ហួរ អេស ប៊ី អាយ អ៊ិនសួរេន គឺជាការរួមបញ្ចូលគ្នានូវកម្លាំង និងគុណតម្លៃរបស់ក្រុមហ៊ុន លី ហួរ គ្រុប និង ក្រុមហ៊ុន SBI Holdings, Inc. ដើម្បីពង្រឹងវិស័យធានារ៉ាប់រង និងបង្កើននូវបទពិសោធន៍ថ្មីជូនដល់អតិថិជន ព្រមទាំងនាំមកនូវយុទ្ធសាស្រ្តសមាហរណកម្ម ដើម្បីធានាបាននូវការផ្លាស់ប្តូរមួយប្រកបដោយភាពរលូននៃសេវាកម្ម និងបទពិសោធន៍ថ្មីជូនអតិថិជនឱ្យកាន់តែប្រសើរឡើង។ ការប្តេជ្ញាចិត្ត ភាពជឿជាក់ និងក្រមសីលធម៌ដែលផ្តោតលើអតិថិជនដោយស្មើភាពដែលដៃគូរអាជីវកម្ម និងអតិថិជនធ្លាប់ស្គាល់និងទទួលបានពី លី ហួរ អ៊ិនសួរេន ម.ក ឥឡូវនេះត្រូវបានបង្កើនសមត្ថភាពរួមបញ្ចូលគ្នារជា ក្រុមហ៊ុន លី ហួរ អេស ប៊ី អាយ អ៊ិនសួរេន ។

ក្រុមហ៊ុន លី ហួរ អេស ប៊ី អាយ អ៊ិនសួរេន ប្ដេជ្ញាក្នុងការរក្សានូវស្តង់ដារវិជ្ជាជីវៈលំដាប់កំពូល សុចរិតភាព និងផ្តោតលើអតិថិជនប្រកបការយកចិត្តទុកដាក់ សង្កត់ធ្ងន់លើការផ្តល់ដំណោះស្រាយ និងសេវាកម្មធានារ៉ាប់រង។

Funds Pour Into Southeast Asia as Easing Cycle Gets Underway

Global funds are snapping up Southeast Asian assets as the prospect of interest-rate cuts and attractive valuations holds out the promise of supersized returns.

Money managers have boosted positions in sovereign bonds in Thailand, Indonesia and Malaysia for the past two months, and have been net buyers of Indonesia, Malaysia and Philippine equities for three months. Those inflows have helped make Southeast Asian currencies the best performers in emerging markets this quarter, while regional stocks have easily beaten their broader EM peers.

Southeast Asian central banks are on the brink of a rate-cut cycle with the Philippines already easing in August, and Indonesia forecast by some economists to follow this week. Real interest rates, or borrowing costs adjusted for inflation, are at historically high levels in the region, creating additional room for policy easing.

“In the medium term, we continue to be positive about Southeast Asian bonds and currencies, particularly in higher-yielding countries,” said Joevin Teo Chin-Ker, head of investment at Amundi Singapore Ltd. “Real rates across Southeast Asian economies are also higher than a year ago, which suggests room to ease, a situation likely to benefit the local bond market.”

Indonesia’s real policy rate is currently 4.1%, which is 1.8 standard deviations above the five-year average, suggesting plenty of room to cut rates. The same gauge for the Philippines is 1.5 standard deviations above the five-year mean. That ranks the two countries in the top four of a Bloomberg survey of emerging-markets worldwide, along with India and South Korea.

BlackRock Inc. intends to use any volatility this month to buy bonds in Asian countries such as the Philippines and Indonesia in a bet that potential rate cuts by the Federal Reserve and local central banks will bolster the region’s debt.

The money manager prefers medium-to-longer maturities in the two nations as their central banks have more room to ease monetary policies, said Neeraj Seth, head of Asian fundamental fixed income at BlackRock in Singapore.

Source: Bloomberg

1...543544545...3,379 Page 544 of 3,379