កម្ពុជាឈរលេខ១នៅលើតារាងសន្ទស្សន៍ FDI ឆ្នាំ២០២៤

កម្ពុជាបានឈរនៅលើកំពូលតារាងសន្ទស្សន៍ពិភពលោកនាពេលថ្មីៗនេះដែលបោះពុម្ពផ្សាយដោយសារព័ត៌មាន fDi Intelligence ដែលមានមូលដ្ឋាននៅចក្រភពអង់គ្លេស។ កម្ពុជាបានជាប់ចំណាត់ថ្នាក់ជាទីផ្សារដែលកំពុងរីកចម្រើនល្អបំផុតទូទាំងពិភពលោកសម្រាប់ការវិនិយោគបរទេសក្នុងឆ្នាំ២០២៤។

កម្ពុជាបានជាប់ចំណាត់ថ្នាក់លេខមួយក្នុងសន្ទស្សន៍ឆ្នាំ២០២៤ ដោយសារកំណើនដ៏រឹងមាំរបស់ផលិតផលក្នុងស្រុកសរុប អត្រាអតិផរណាទាប និងកំណើនយ៉ាងឆាប់រហ័សក្នុងវិស័យវិនិយោគផ្ទាល់ពីបរទេស (FDI)។

fDi Intelligence ក៏ពិចារណាលើកត្តាដូចជាការអភិវឌ្ឍន៍ហេដ្ឋារចនាសម្ព័ន្ធ ការលើកទឹកចិត្តគោលនយោបាយសម្រាប់អ្នកវិនិយោគ និងសមត្ថភាពរួមនៃទីក្រុង និងតំបន់ក្នុងការទាក់ទាញការវិនិយោគពាណិជ្ជកម្មក្នុងពេលអនាគត។

fDi Intelligence បានស្ទង់មតិក្នុងតំបន់រួមមានអាស៊ីប៉ាស៊ីហ្វិក អឺរ៉ុប អាមេរិកខាងជើង អាមេរិកឡាទីន និងការាបៀន មជ្ឈិមបូព៌ា និងអាហ្វ្រិក និងក្រុមប្រទេស BRICs (ប្រេស៊ីល រុស្ស៊ី ឥណ្ឌា និងចិន) ។

យោងតាមរបាយការណ៍ កម្ពុជានឹងសម្រេចបានGDP ៦,១ ភាគរយនៅឆ្នាំនេះ ជាមួយនឹងអត្រាអតិផរណាទាបត្រឹមតែ៣ ភាគរយប៉ុណ្ណោះ។

ទន្ទឹមនឹងនោះ កម្ពុជាបានមើលឃើញថាមានការកើនឡើង ៣៩៣ ភាគរយនៃការចំណាយមូលធន FDI ក្នុងប្រទេស និងកំណើន ១១០ ភាគរយនៅក្នុងគម្រោង FDI ថ្មី។ របាយការណ៍ក៏បានកំណត់អំពីគោលនយោបាយរបស់ប្រទេសលើការវិនិយោគបរទេសដែលបានជំរុញកំណើននៃ FDI ។

យោងតាមរបាយការណ៍នេះ រដ្ឋាភិបាលកម្ពុជាបានអនុវត្តគោលនយោបាយអំណោយផលជាច្រើន ដើម្បីសម្រួលដល់ការចាប់ផ្តើមធ្វើអាជីវកម្ម ពង្រឹងហេដ្ឋារចនាសម្ព័ន្ធពាណិជ្ជកម្ម ហើយជាទូទៅផ្តល់នូវលក្ខខណ្ឌសមរម្យសម្រាប់អ្នកវិនិយោគឯកជន។

ទីផ្សារទេសចរណ៍ដែលកំពុងរីកចម្រើនរបស់កម្ពុជាក៏ត្រូវបានកត់សម្គាល់ផងដែរថាជាផ្នែកទាក់ទាញនៃទីផ្សារ និងមានសន្ទុះឡើងវិញយ៉ាងខ្លាំងនៅឆ្នាំ២០២៤ ដោយរំពឹងថានឹងបន្តមានសន្ទុះទៅមុខទៀត។

នៅឆ្នាំ២០២៣ ភ្ញៀវទេសចរបានកើនឡើងដល់ ៥ លាននាក់ ហើយមានតែប្រហែល ២០ភាគរយប៉ុណ្ណោះមុនមានជំងឺរាតត្បាត។ ដូច្នេះ វិស័យទេសចរណ៍រួមចំណែកប្រហែល១០ ភាគរយនៃ GDP ហើយរំពឹងថានឹងបន្តកំណើនរបស់ខ្លួននៅក្នុងប៉ុន្មានឆ្នាំខាងមុខនេះ។

fDi Intelligence ក៏បានកោតសរសើរចំពោះការរីកចម្រើនរបស់កម្ពុជាក្នុងការធ្វើពិពិធកម្មសេដ្ឋកិច្ចចាប់តាំងពីឆ្នាំ២០១៩ ជាសញ្ញាល្អដែលថាសេដ្ឋកិច្ចកំពុងកាត់បន្ថយការពឹងផ្អែកខ្លាំងលើវិស័យពាណិជ្ជកម្មប្រពៃណី រួមមានការនាំចេញសម្លៀកបំពាក់ និងស្បែកជើង។

របាយការណ៍នេះបានកត់សម្គាល់ថាការនាំចេញមិនមែនសម្លៀកបំពាក់មានចំនួន១៣ ភាគរយនៃការនាំចេញទាំងអស់គិតត្រឹមឆ្នាំ២០២៣ ដូចជាគ្រឿងបន្លាស់អេឡិចត្រូនិច និងការផលិតគ្រឿងបន្លាស់រថយន្ត។បើប្រៀបធៀបទៅនឹងរយៈពេលមុន ផលិតផលដែលមិនមែនជាប្រពៃណីមានត្រឹមតែ៥ ភាគរយនៃការនាំចេញក្នុងឆ្នាំ២០១៩។

របាយការណ៍បានកត់សម្គាល់ថា ការធ្វើពិពិធកម្មបែបនេះបង្កើនភាពធន់របស់សេដ្ឋកិច្ចដែលបណ្តាលមកពីការផ្លាស់ប្តូរតម្រូវការសកល និងធ្វើអោយប្រសើរឡើងនូវសក្តានុពលទីផ្សារសម្រាប់ការវិនិយោគថ្មីៗ។ ទន្ទឹមនឹងនេះផងដែរ សន្ទស្សន៍នេះបានកត់សម្គាល់ថាសេដ្ឋកិច្ចកម្ពុជាបង្ហាញពីហានិភ័យ និងបញ្ហាប្រឈមដែលអាចកើតមាននាពេលខាងមុខ ជាពិសេសនៅក្នុងវិស័យអចលនទ្រព្យ។

របាយការណ៍បានបន្តថា ប្រសិនបើវិស័យនេះបាត់បង់សន្ទុះ ផលប៉ះពាល់អាចកើតមានឡើងលើវិស័យធនាគារ និងសេដ្ឋកិច្ចទាំងមូល។

ទោះជាយ៉ាងណាក៏ដោយ ការធ្វើពិពិធកម្មនៃនៃការវិនិយោគដើមទុនគួរតែអាចកាត់បន្ថយហានិភ័យទាំងនេះ។
កត្តាទាំងនេះបង្ហាញថា កម្ពុជាគឺជាទីតាំងដ៏មានសក្តានុពលសម្រាប់អ្នកវិនិយោគក្នុងឆ្នាំ២០២៤ និងឆ្នាំខាងមុខ ហើយជាទីផ្សារដែលកំពុងរីកចម្រើនឈានមុខគេ។

ដោយឈរនៅលេខរៀងទី២ ប្រទេសហ្វីលីពីនបានបង្ហាញពីកំណើនផលិតផលក្នុងស្រុកសរុបចំនួន ៥,៩ ភាគរយ ជាមួយនឹងការកើនឡើងចំនួន ៣១២ ភាគរយនៃការចំណាយមូលធនលើ FDI ។

ទីផ្សារដែលកំពុងរីកចម្រើនផ្សេងទៀតនៅក្នុងបញ្ជីកំពូលទាំងដប់របស់សន្ទស្សន៍ រួមមាន កេនយ៉ា អ៊ីរ៉ាក់ ណាមីប៊ី កាហ្សាក់ស្ថាន អាហ្សែបៃហ្សង់ ម៉ារ៉ុក ស៊ែប៊ី និងឥណ្ឌា។

បង្កើតឡើងក្នុងឆ្នាំ ២០០១ និងមានទីស្នាក់ការកណ្តាលនៅទីក្រុងឡុងដ៍ ប្រទេសអង់គ្លេស fDi Intelligence បោះពុម្ពផ្សាយព័ត៌មានអាជីវកម្ម និងការវិនិយោគផ្ទាល់ពីបរទេស (FDI) ដោយផ្តល់នូវព័ត៌មានទាន់ហេតុការនៃសកម្មភាពវិនិយោគសកល។

ការសិក្សាថ្មីបង្ហាញពីស្ថានភាពទីផ្សារអចលនទ្រព្យចិននៅក្នុងឆ្នាំ២០២៤នេះ

ដោយ: គង់ លាងហួរ

អន្តរជាតិ: យោងតាមការស្ទង់មតិរបស់សារពត៌មាន Reuters បានបង្ហាញថា តម្លៃផ្ទះនៅប្រទេសចិន នឹងធ្លាក់ចុះក្នុងល្បឿនកាន់តែលឿននៅឆ្នាំនេះ ខណៈការវិនិយោគ និងការលក់អចលនទ្រព្យដាំក្បាលចុះ។

ការស្ទង់មតិនេះគឺជាការក្រើនរំលឹកមួយ ដល់ក្រុមអ្នកបង្កើតគោលនយោបាយចិន ខណៈដែលពួកគេបានបន្តបង្កើនកិច្ចខិតខំប្រឹងប្រែង ក្នុងការធ្វើឱ្យវិស័យអចលនទ្រព្យស្ទុះងើបឡើងវិញ។

ការស្ទង់មតិថ្មីនេះបានបង្ហាញថា តម្លៃផ្ទះនៅប្រទេសចិននឹងធ្លាក់ចុះ៥% ក្នុងឆ្នាំ២០២៤ បើធៀបនឹងការព្យាករណ៍ពីមុនថា នឹងធ្លាក់ចុះត្រឹមតែ០,៩%។ ចំណែកនៅឆ្នាំ២០២៥ តម្លៃផ្ទះនឹងស្ថិតនៅទ្រឹង បើធៀបនឹងការព្យាករណ៍ពីមុនថា នឹងងើបឡើង០,៥%។

ការស្ទង់មតិនេះ ត្រូវបានធ្វើឡើងនៅចន្លោះថ្ងៃទី១០ ខែឧសភាដល់ថ្ងៃទី១៧ ខែឧសភា ខណៈពេលដែលការប្រកាសរបស់រដ្ឋាភិបាលចិន អំពីវិធានការគាំទ្រទីផ្សារអចលនទ្រព្យ ត្រូវបានយកមកគិតពិចារណាត្រឹមតែផ្នែកខ្លះប៉ុណ្ណោះ។ដើម្បីស្តារវិស័យនេះឡើងវិញ ទីក្រុងប៉េកាំងបានប្តេជ្ញាជួយសម្រួល ដល់ការផ្ដល់មូលនិធិចំនួន១ទ្រីលានយ័ន (ប្រហែល១៣៨ពាន់លានដុល្លារ) ខណៈរដ្ឋបាលក្នុងតំបន់មូលដ្ឋាន បានប្រកាសទិញអាផាតម៉ិនមួយចំនួន ដែលជាប់គាំងលក់មិនដាច់។

បើទោះបីជាយ៉ាងណាក្តី សំណួរនៅតែត្រូវបានចោទសួរឡើងជាបន្តបន្ទាប់អំពីប្រសិទ្ធិភាព នៃវិធានការថ្មីចុងក្រោយ ជាពិសេសការអនុវត្តន៍ និងរបៀបដែលរដ្ឋាភិបាលចិន អាចជួយទិញលំនៅដ្ឋានដែលលក់មិនដាច់ ក្នុងចំនួនដ៏ច្រើនលើសលប់នៅទូទាំងប្រទេស។

ចាប់តាំងពីទីផ្សារអចលនទ្រព្យ បានធ្លាក់ចូលទៅក្នុងវិបត្តិក្នុងឆ្នាំ២០២១ អាជ្ញាធរចិនបានដាក់ចេញវិធានការគាំទ្រ គោលនយោបាយរាប់មិនអស់ ដើម្បីជំរុញតម្រូវការ ប៉ុន្តែវាមានប្រសិទ្ធិភាពតិចតួចប៉ុណ្ណោះ។

ការស្ទង់មតិបានបង្ហាញបន្ថែមថា ការលក់អចលនទ្រព្យនៅប្រទេសចិន នឹងធ្លាក់ចុះ១០% ក្នុងឆ្នាំនេះ បើធៀបនឹងការព្យាករណ៍ពីមុនថានឹងធ្លាក់ចុះ៥% ខណៈការវិនិយោគត្រូវបានគេរំពឹងថា នឹងធ្លាក់ចុះ១០% បើធៀបនឹងការព្យាករណ៍ពីមុនថា នឹងធ្លាក់ចុះ៦,១%៕ប្រភព: Reuters៕

នៅកម្ពុជាមានធនាគារនិងមីក្រូហិរញ្ញវត្ថុកើនដល់១៥៤ស្ថាប័ន

ដោយៈ គង់ សូរិយា

ភ្នំពេញៈ ធនាគារជាតិនៃកម្ពុជា(NBC) បានបញ្ជាក់ថា វិស័យសំណង់ និងអចលនទ្រព្យ ដែលបានទទួលរងឥទ្ធិពលពីវិបត្តិកន្លមក ត្រូវបានព្យាករថានឹងបន្តមានកំណើនទាប។

យោងតាមទស្សនវិស័យ និងទិសដៅការងារឆ្នាំ២០២៤ របស់ធនាគារជាតិនៃកម្ពុជាបានព្យាករថា តម្រូវការសំណង់ប្រណីត ដែលបម្រើដល់អនិវាសនជន ក៏ត្រូវបានរំពឹងថានឹងបន្តមានភាពទន់ខ្សោយ ។ ការងើបឡើងទន់ខ្សោយនៃវិស័យសំណង់ និងការថយចុះតម្រូវការ ក្នុងវិស័យអចលនទ្រព្យ ជាផ្នែកមួយ នៃការប្រឈមនៃសេដ្ឋកិច្ចរបស់កម្ពុជា ក្នុងឆ្នាំ២០២៤នេះ។

របាយការណ៍ដដែលបានឲ្យដឹងថា កំណើនទាបជាងការរំពឹងទុកនៃសេដ្ឋកិច្ច ប្រទេសជាដៃគូសេដ្ឋកិច្ចចម្បងៗរបស់ម្ពុជា ដូចជាប្រទេសចិន ប្រទេសអាមេរិក និងអឺរ៉ុប ដែលអាចប៉ះពាល់ដល់ការវិនិយោគតម្រូវការ សម្រាប់នាំចេញវិស័យទេសចរណ៍ សំណង់ និងអចលនទ្រព្យផងដែរ ស្របនឹងកម្ពុជានៅតែបន្តពឹងលើការវិនិយោគពីវិនិយោគិនក្រៅប្រទេស។

NBCបានបញ្ជាក់ថា “រាជរដ្ឋាភិបាលបាននលើកទឹកចិត្តឱ្យគ្រឹះស្ថានធនាគារ និងហិរញ្ញវត្ថុរៀបចំឥណទានឡើងវិញ ចំពោះវិស័យអចលនទ្រព្យ ជូនអតិថិជនដែលជួបប្រទះ នឹងការលំបាកផ្នែកហិរញ្ញវត្ថុបណ្ដោះអាសន្ន ដោយត្រូវគោរពតាមបទប្បញ្ញត្តិ ដែលមានជាធរមាន”។

អ្នកជំនាញអចលនទ្រព្យនៅក្នុងប្រទេសកម្ពុជា បានបញ្ចេញទស្សនស្រដៀងគ្នាផងដែរថា ការវិនិយោគនៅមានកំណើនទាប មិនទាន់ដូចនឹងមុនគ្រាដែលពិភពលោក និងកម្ពុជាជួបវិបត្តិកូវីដ១៩នោះទេ ប៉ុន្តែបើធៀបនឹងឆ្នាំ២០២១- ឆ្នាំ២០២២ និងឆ្នាំ២០២៣ នៅក្នុងឆ្នាំ២០២៤នេះគឺមានភាពប្រសើរ។

អ្នកនាង គឹម គិនកេសា នាយិកាគ្រប់គ្រងក្រុមហ៊ុន CBRE Cambodia បានឱ្យដឹងថា ឆ្នាំ២០២៤នេះ ជាពេលវេលាដែលត្រូវស្វែងរកអ្នកទិញអចលនទ្រព្យ ដូចជា ខុនដូ អាផាតមិន ផ្សារទំនើបជាដើម ពីព្រោះថាវិស័យសំណង់ និងអចលនទ្រព្យ ក្នុងរយៈពេលប៉ុន្មានឆ្នាំចុងក្រោយ ពោលគឺមុនពេលមានវិបត្តិ ការផ្គត់ផ្គត់លើសតម្រូវការ។ ដូច្នេះក្នុងឆ្នាំនេះ គឺទាមទារស្វែងរកអ្នកមានតម្រូវការ ជាជាងអ្នកផ្គត់ផ្គង់ ។

អ្នកនាងបានគាំទ្រទៅលើរបាយការណ៍ របស់ធនាគារជាតិនៃកម្ពុជា ដែលបានចេញផ្សាយថា ឆ្នាំនេះ វិស័យអចលនទ្រព្យនិងសំណង់ នឹងមានកំណើនទាបដដែល ដោយមិនទាន់អាចកើនឡើងខ្ពស់បានទេ ។

អ្នកនាងកេសាបញ្ជាក់ថា “វិស័យនេះត្រូវការរយៈពេល២ទៅ៣ឆ្នាំទៀត ទើបអាចមានស្ថានភាពវិលទៅរក ស្ថានភាពមុនកូវីដ១៩វិញ “។

ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា លោកយិន លាងគង់បានមានប្រសាសន៍ថា ការងើបឡើងវិញខ្យោយរបស់វស័យនេះ មិនមានអ្វីប្លែកនោះទេ ដោយសារវិបត្តិសេដ្ឋកិច្ចសកល ដោយសារជំងឺកូវីដ១៩ សង្រ្គាមរុស្ស៊ី អ៊ុយក្រែន និងសង្រ្គាមរវាងអ៊ីស្រ្តាអ៊ែល និងក្រុមហាម៉ាស បាននិងកំពុងបន្តអូសបន្លាយ នេះនិយាយជារួម ប៉ុន្តែនិយាយដោយឡែកវិស័យនេះនៅកម្ពុជាបានរងផលប៉ះពាល់រយៈពេលជិត៥ឆ្នាំមកហើយ ហេតុនេះការងើបឡើងវិញរបស់វិស័យនេះ ត្រូវការពេលវេលាច្រើន។

លោកបន្តថា “ការជម្រុញឲ្យវិស័យនេះងើបឡើងវិញ ទាមទារឲ្យមានលំហូរទុនវិនិយោគពីបរទេស ដែលទីផ្សារត្រូវការធ្វើពិពិធកម្មដោយងាកចេញពីការពឹងផ្អែកប្រទេសចិន”។ លោកបន្តថា “ការពឹងផ្អែកប្រទេសចិន ដើម្បីស្រោចស្រង់វិស័យនេះ ហាក់ហួសពេលហើយ ហេតុនេះ រដ្ឋាភិបាលត្រូវពង្រីកការទាក់ទាញទីផ្សារ ពីប្រទេសផ្សេង តាមរយៈការដាក់ចេញគោលនយោបាយថ្មីៗ ដើម្បីលើកទឹកចិត្តអ្នកវិនិយោបរទេស ពិសេសការធ្វើឲ្យបរិយាកាសវិនិយោគ ឲ្យកាន់តែប្រសើរឡើង”។

លោកយិន លាងគង់បានបញ្ជាក់ថា បញ្ហាការិយាធិបតេយ្យនៅក្នុងវិស័យនេះ នៅតែបន្តអ័ព្ទអួរ ដែលបាននិងកំពុងរំខានដល់អារម្មណ៍អ្នកអភិវឌ្ឍន៍ក្នុងស្រុក និងបរទេស៕

មន្រ្តីNBCកំពុងធ្វើការជាមួយIMFដើម្បីពិនិត្យឡើងវិញលើវិធីសាស្រ្តសម្រាប់វាស់តម្លៃលំនៅដ្ឋាននៅទូទាំងប្រទេស

ដោយៈ គង់ សូរិយា

ភ្នំពេញៈ ធនាគារជាតិនៃកម្ពុជា (NBC) កំពុងធ្វើការជាមួយមូលនិធិរូបិយវត្ថុអន្តរជាតិ (IMF) ដើម្បីពិនិត្យឡើងវិញនូវវិធីសាស្រ្តសម្រា ប់វាស់តម្លៃលំនៅឋានទូទាំងប្រទេស ក្រោមសន្ទស្សន៍តម្លៃអចលនទ្រព្យលំនៅដ្ឋាន (RPPI)។

ការពិនិត្យឡើងវិញនេះ ត្រូវបានរៀបចំឡើងក្រោយមានរបាយការណ៍លម្អិត ដែលផ្តួចផ្តើមដោយអង្គការអន្តរជាតិ ក្នុងខែមករា ដែលបានស្នើឱ្យមានការត្រួតពិនិត្យមួយចំនួន នៅក្នុងទិន្នន័យ និងវិធីសាស្រ្ត ដែលត្រូវបានប្រើដើម្បីបង្កើតRPPI ដោយធនាគារជាតិនៃកម្ពុជា ដែលអាចជាការកើនឡើង នៃកំណើនសន្ទស្សន៍ និងការព្យាករណ៍ពីការកើនឡើងតម្លៃផ្ទះ។

RPPI ជាសូចនាករសំខាន់ សម្រាប់កម្រិតអតិផរណា នៅក្នុងសេដ្ឋកិច្ច រួមជាមួយនឹងសន្ទស្សន៍តម្លៃទំនិញប្រើប្រាស់ (CPI)។ ក្នុងទម្រង់ដូចគ្នាដែលCPI ប្រៀបធៀបនិន្នាការតម្លៃអ្នកប្រើប្រាស់តាមកាលកំណត់ RPPI ផ្តល់នូវសន្ទស្សន៍តម្លៃលំនៅឋានជាតិទាំងមូល ដោយផ្អែកលើទិន្នន័យពីប្រាក់កម្ចីទិញផ្ទះ ដែលចេញដោយធនាគារនៅកម្ពុជា។

នៅពេលដែលវិស័យអចលនទ្រព្យ មានសន្ទុះខ្លាំងនៅចន្លោះឆ្នាំ២០១៧ និង២០២១ NBC បានបើកដាក់អោយប្រើប្រាស់ RPPI នៅពាក់កណ្តាលឆ្នាំ២០២២ ដើម្បីផ្តោតជាពិសេសលើការកើនឡើង និងការធ្លាក់ចុះនៃតម្លៃលំនៅឋាន ដែលជាការណែនាំសម្រាប់ការគ្រប់គ្រងកម្រិតអតិផរណានៅទូទាំងសេដ្ឋកិច្ច។

នៅខែមិថុនា ឆ្នាំ២០២២ សន្ទស្សន៍ RPPI ដែលទើបដាក់បញ្ចូលថ្មី បានបង្ហាញពីការកើនឡើង៩ ភាគរយនៃតម្លៃផ្ទះនៅទូទាំងប្រទេស ធៀបនឹងកម្រិតក្នុងឆ្នាំ២០២០ ហើយនៅពាក់កណ្តាលឆ្នាំ២០២៣ RPPI បានកើនឡើង១៦ភាគរយនៃតម្លៃលំនៅដ្ឋាន។

គិតត្រឹមត្រីមាសទីមួយ នៃឆ្នាំ២០២៤ RPPI បានធ្លាក់ចុះបន្តិចម្ដងទៀតដល់១២ ភាគរយ បើធៀបនឹងតម្លៃក្នុងឆ្នាំ២០២០។យ៉ាងណាក៏ដោយ នៅក្នុងរយៈពេលដូចគ្នា អត្រាអតិផរណារបស់កម្ពុជានៅមានកម្រិតទាប បើធៀបនឹងប្រទេសផ្សេងទៀតក្នុងតំបន់។

ជាឧទាហរណ៍ ធនាគារអភិវឌ្ឍន៍អាស៊ី (ADB) បានព្យាករណ៍ថា កម្ពុជា នឹងមានអតិផរណាត្រឹមតែ ២,០ភាគរយនៅឆ្នាំនេះ ខណៈឡាវត្រូវបានគេព្យាករណ៍ថា នឹងមានអតិផរណាប្រមាណ២០ភាគរយ និងមីយ៉ាន់ម៉ាមាន ១៥,៥ ភាគរយ៕

ក្រសួងទេសចរណ៍នឹងរៀបចំព្រឹត្តិការណ៍ជំនួបក្រុមម៉ូតូទេសចរណ៍ Siem Reap Bike Week ក្នុងខេត្តសៀមរាប

ដោយៈ គង់ ហ្វីអូណា

សៀមរាបៈ អភិបាលរងខេត្តសៀមរាប លោកង៉ូវ សេងកាក់បានអញ្ជើញចូលរួមកិច្ច សហការជាមួយក្រុមការងារក្រសួងទេសចរណ៍ ក្នុងការរៀបចំព្រឹត្តិការណ៍ជំនួបក្រុមម៉ូតូ ទេសចរណ៍ Siem Reap Bike Week ក្នុងខេត្តសៀមរាប ចាប់ពីថ្ងៃទី២៤-២៦ ខែឧសភា ឆ្នាំ២០២៤។

កិច្ចប្រជុំនេះ ដឹកនាំដោយលោកគុជ បញ្ញាសា រដ្ឋលេខាធិការក្រសួងទេសចរណ៍ ដោយមានការចូលរួមពីស្ថាប័ន អង្គភាពពាក់ព័ន្ធនានា ក្រុមការងារអាកាសយានដ្ឋាន អន្តរជាតិ សៀមរាបអង្គរ អាជ្ញាធរជាតិអប្សរា គ្រឹះស្ថានអង្គរ មន្ទីរទេសចរណ៍ខេត្តសៀមរាប មន្ទីរព័ត៌មានខេត្តសៀមរាប មន្ទីរវប្បធម៌ និងវិចិត្រសិល្បៈខេត្តសៀមរាប និងមន្ទីរសុខាភិបាល ខេត្តសៀមរាប រដ្ឋបាលក្រុងសៀមរាប ព្រមទាំងមន្ត្រីពាក់ព័ន្ធមួយចំនួនផងដែរ។

ការរៀបចំព្រឹត្តិការណ៍ជំនួបក្រុមម៉ូតូ ទេសចរណ៍ Siem Reap Bike Week ក្នុងខេត្តសៀមរាបនេះ ក្រសួងទេសចរណ៍បានសហការជាមួយអង្គការសប្បុរសធម៌ ហ្វិចឆឺរ៉ាល់ ក្រុមហ៊ុន Clip RV Media និងSalakamreuk Commune រៀបចំព្រឹត្តិការណ៍ជំនួបក្រុមម៉ូតូទេសចរណ៍ Siem Reap Bike Week ដែលប្រមូលផ្តុំម៉ូតូល្បីៗ។

ព្រឹត្តិការណ៍នេះ ជាឱកាសដ៏ល្អក្នុងការជំរុញ បង្កើនការផ្សព្វផ្សាយពីសក្តានុពលទេសចរណ៍ ដ៏សម្បូរបែបរបស់កម្ពុជា ឱ្យកាន់តែទូលំទូលាយទៅកាន់ទីផ្សារអន្តរជាតិ និងផ្សព្វផ្សាយយុទ្ធនាការ “ទស្សនាសៀមរាប ឆ្នាំ២០២៤” “ឆ្នាំនៃការផ្លាស់ប្តូរ ប្រជាជននិងប្រជាជន កម្ពុជា-ចិន ២០២៤” “ឆ្នាំទេសចរណ៍ កម្ពុជា-ឥណ្ឌា លើកទី១” និងជាការជំរុញទេសចរណ៍ ក្នុងស្រុកក៏ដូចជារួមចំណែក ជំរុញប្រសិទ្ធភាពនៃការអនុវត្តយុទ្ធសាស្ត្រ “បង្កើន៥ និងអភិវឌ្ឍ៣” របស់ក្រសួង ទេសចរណ៍៕

តើរដ្ឋាភិបាលព្យាករណ៍ពីស្ថានភាពសេដ្ឋកិច្ចកម្ពុជាដូចម្តេចនៅឆ្នាំ ២០២៥?

ដោយៈ គង់ សូរិយា

ភ្នំពេញៈ យោងតាមផែនការយុទ្ធសាស្ត្រថវិកាជាតិសម្រាប់ឆ្នាំ២០២៥ខាងមុខនេះ រដ្ឋាភិបាលបានព្យាករណ៍អំពី បរិយាកាសសេដ្ឋកិច្ចកម្ពុជាថា ដែលមានទំហំតូចហើយបើកចំហរ និងមានការផ្សារភ្ជាប់កាន់តែខ្លាំងជាមួយ នឹងច្រវាក់ផលិតកម្មក្នុងតំបន់ និងពិភពលោក, សម្រាប់រយៈពេលមធ្យមខាងមុខ ពិសេសសម្រាប់ឆ្នាំ ២០២៥, បាន និងកំពុងហ៊ុមព័ទ្ធដោយហានិភ័យ និងភាពមិនប្រាកដប្រជាដែលបណ្តាលមកពីកត្តាខាងក្រៅរួមមាន៖

១-កំណើនថមថយនៃសេដ្ឋកិច្ចសកល និងចិន,
២-ការបន្តរឹតបន្តឹងគោលនយោបាយរូបិយវត្ថុសកល,
៣-ភាពតានតឹងនៃកត្តាភូមិសាស្ត្រសេដ្ឋកិច្ច ដែលអាចបន្ទច់បង្អាក់ដល់ច្រវាក់ផ្គត់ផ្គង់សកល និងនាំទៅដល់ ការកើននៃថ្លៃទំនិញជាអន្តរជាតិ,
៤-ការបែកខ្ញែកភូមិសាស្ត្រសេដ្ឋកិច្ច និងពាណិជ្ជកម្ម និង
៥-ផលប៉ះពាល់ កាន់តែធ្ងន់ធ្ងរពីការប្រែប្រួលអាកាសធាតុ និងគ្រោះធម្មជាតិ។
ទន្ទឹមនេះដែរ, កម្ពុជាក៏នៅតែបន្តប្រឈមនឹង បញ្ហាជារចនាសម្ព័ន្ធមួយចំនួននៅក្នុងប្រទេសរួមមាន៖

(១)-ល្បឿនយឺតនៃការធ្វើពិពិធកម្មសេដ្ឋកិច្ច,
(២)-ថ្លៃដើម ធ្វើធុរកិច្ចនៅមានកម្រិតខ្ពស់,
(៣)-ភាពមានកម្រិតនៃកិច្ចសម្របសម្រួលពាណិជ្ជកម្ម និងបរិយាកាសធុរកិច្ច,
(៤)-បរិមាណនិងគុណភាពនៃកម្លាំងពលកម្មជំនាញមិនទាន់ឆ្លើយតបនឹងតម្រូវការទីផ្សារ, (៥)-ភាពមានកម្រិត នៃប្រព័ន្ធសុខាភិបាល និងប្រព័ន្ធគាំពារសង្គម, និង
(៦)-ភាពមានកម្រិតនៃចំណេះដឹង និងជំនាញក្នុងការចាប់យក បច្ចេកវិទ្យាឌីជីថល៕

គំរោងសាងសង់ស្ពានថ្មីមួយតភ្ជាប់ផ្លូវក្រវ៉ាត់ក្រុងទី៣ និងផ្លូវល្បឿនលឿនភ្នំពេញ-បាវិត ត្រូវបានលើកយកមកសិក្សា

ដោយៈ គង់ សូរិយា

ភ្នំពេញៈ មន្រ្តីជាន់ខ្ពស់ក្រសួងសាធារណៈការ និងដឹកជញ្ជូនបានបើកកិច្ចប្រជុំពិភាក្សា ពាក់ព័ន្ធនឹងគម្រោងសាងសង់ហេដ្ឋារចនាសម្ព័ន្ធស្ពាន (ដីឥដ្ឋ-ថ្មគរ) ចំណុចតភ្ជាប់ផ្លូវក្រវាត់ក្រុងទី៣ និងផ្លូវល្បឿនលឿនភ្នំពេញ-បាវិត។

លោកសូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន និងជានាយកគ្រប់គ្រងគម្រោង បានអញ្ជើញដឹកនាំកិច្ចប្រជុំពិភាក្សាពាក់ព័ន្ធនឹងគម្រោងសាងសង់ ហេដ្ឋារចនាសម្ព័ន្ធស្ពាន (ដីឥដ្ឋ-ថ្មគរ) ដែលជាចំណុចតភ្ជាប់ពីផ្លូវក្រវាត់ក្រុងទី៣ ទៅកាន់ផ្លូវល្បឿនលឿនភ្នំពេញ-បាវិត។

កិច្ចប្រជុំនាឱកាសនេះ មានការចូលរួមពីតំណាងក្រសួងសេដ្ឋកិច្ច និងហិរញ្ញវត្ថុ ថ្នាក់ដឹកនាំក្រសួង និងមន្ត្រីជំនាញពាក់ព័ន្ធផ្សេងទៀតផងដែរ។

អង្គប្រជុំបានពិនិត្យពិភាក្សាយ៉ាងផុលផុស លើនីតិវិធីក្នុងការអនុវត្តការងារជាអាទិភាពមួយចំនួន សំដៅជំរុញឱ្យគម្រោងសាងសង់ហេដ្ឋារចនាសម្ព័ន្ធស្ពាន (ដីឥដ្ឋ-ថ្មគរ) អាចប្រព្រឹត្តទៅបានដោយរលូន ស្របតាមគោលការណ៍ណែនាំពីថ្នាក់ដឹកនាំ និងស្របតាមប្រតិទិនការងារដែលបានគ្រោងទុក។

យោងតាមកិច្ចប្រជុំកន្លងមក ដែលបានដឹកនាំលោកលឹម ស៊ីដេនីន រដ្ឋលេខាធិការក្រសួងសាធារណការ និងដឹកជញ្ជូន និងថ្នាក់ដឹកនាំក្រុមហ៊ុន Shanghai Construction Group Co,.Ltd.) បានឲ្យដឹងថា យោងតាមលទ្ធផលនៃការសិក្សា សមិទ្ធិលទ្ធភាពបន្ថែមរបស់ក្រុមហ៊ុនសំណង់សៀងហៃ គម្រោងខ្សែក្រវាត់ទី៣ ប៉ែកខាងកើតនេះ មានប្រវែងប្រមាណ៣៣,៤៦ គីឡូម៉ែត្រ ដែលនឹងសាងសង់ជាផ្លូវ៤គន្លង (ពីរគន្លងទៅ ពីរគន្លងមក) ចាប់ពីមហាវិថីឈ្នះឈ្នះ (ចំណុចប្រសព្វផ្លូវជាតិលេខ៦) រហូតដល់ចំណុចប្រសព្វផ្លូវលេខ៧០បេ។

លោកសូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន

ក្រុមមន្រ្តីជួបប្រជុំពិភាក្សាអំពីស្ពានថ្មី តភ្ជាប់ផ្លូវក្រវ៉ាត់ក្រុងទី៣ និងផ្លូវល្បឿនលឿន

ផ្លូវនេះក្រវ៉ាត់ក្រុងទី៣ប៉ែកខាងកើត នឹងត្រូវសាងសង់ ស្ពានឆ្លងទន្លេមេគង្គចំនួនបី ដោយឆ្លងកាត់កោះចំនួនពីរ គឺកោះដាច់ និងកោះតាង៕

ខេត្តកោះកុងត្រៀមរៀបចំវេទិកាផ្គូផ្គងរវាងអ្នកលក់និងអ្នកទិញ

ដោយៈ គង់ ហ្វីអូណា

កោះកុងៈ លោកអន សុធារិទ្ធ អភិបាលរង នៃគណៈអភិបាលខេត្តកោះកុង បានចូលរួមក្នុងកិច្ចប្រជុំពិភាក្សា ត្រៀមរៀបចំវេទិកាផ្គូផ្គង រវាងអ្នកលក់ និងអ្នកទិញ។

វេទិកានេះ ស្ថិតក្រោមគម្រោងអភិវឌ្ឍអាជីវកម្ម និងការទទួលបានទីផ្សារសម្រាប់អ្នកផលិតក្នុង ស្រុក និងM/SMEs និងនាំចេញនៅនឹងកន្លែង នៅខេត្តខាងលើនេះ។

លោកបណ្ឌិត សួង ណយ អនុប្រធានគណៈកម្មាធិការជាតិជំរុញចលនាភូមិមួយផលិតផលមួយ បានអញ្ជើញជាអធិបតីក្នុងកិច្ចប្រជុំនេះ។

កិច្ចប្រជុំនេះធ្វើឡើងក្នុងគោលបំណង ដើម្បីត្រៀមរៀបចំវេទិកាផ្គូផ្គងរវាងអ្នកលក់ និងអ្នកទិញ ដែលគ្រោងធ្វើឡើងនៅថ្ងៃទី១៨ ខែមិថុនា ឆ្នាំ២០២៤ នៅខេត្តកោះកុង ដែលមានរយៈពេល៣ថ្ងៃ ដើម្បីលើកកម្ពស់សក្តានុពលនុពល ផលិតផលក្នុងស្រុក ការស្វែងរកទីផ្សារជូនអ្នកផលិត ការជំរុញចលនាភូមិ១ផលិតផល១ ជាពិសេសដើម្បីចូលរួមអបអរសាទរ ព្រះរាជពិធីបុណ្យចម្រើនព្រះជន្មសម្ដេចព្រះមហាក្សត្រី នរោត្តម មុនីនាថ សីហនុ ព្រះវររាជមាតាជាតិខ្មែរ៕

ក្រុមមន្រ្តីប្រជុំដើម្បីត្រៀមរៀបចំវេទិកាផ្គផ្គងអ្នកលក់ និងអ្នកទិញ

Over one million Filipinos to get P3-B aid

Speaker Ferdinand Martin G. Romualdez, alongside President Ferdinand “Bongbong” R. Marcos Jr., launched the Ayuda sa Kapos ang Kita Program (AKAP) on Saturday, an initiative that will distribute P3 billion in cash aid to more than one million beneficiaries in a single day.

The AKAP Program, spearheaded by the Department of Social Welfare and Development (DSWD) under Secretary Rex Gatchalian, aims to provide immediate financial relief to the poor, “near-poor,” minimum wage earners, low-income earners, and those in financial distress.

The program has been allocated P26.7 billion in the 2024 national budget, a testament to the government’s commitment to support its most vulnerable citizens.“It is my honor to deliver to you today the latest program of our government — the Ayuda sa Kapos ang Kita Program, or AKAP,” said Romualdez, leader of the 300-plus-strong House of Representatives. “Under the directive of President Ferdinand Marcos Jr., we have created this program to assist our poor countrymen affected by rising prices or inflation.”

Today’s launch will see each of the 1,002,000 AKAP beneficiaries across 334 areas nationwide receive P3,000, amounting to over P3 billion in total cash aid distributed in a single day. This effort is part of a broader initiative to distribute over P0.5 trillion in financial aid as approved by Congress and signed by Marcos in the 2024 General Appropriations Act.

“AKAP is for all Filipino families earning minimum wage or less. Its aim is to help them get by every day, especially in purchasing food and other essential expenses,” Romualdez said.

The program aims to provide direct financial assistance for essential needs such as food, hospital expenses, medication, and other medical necessities. Additionally, AKAP offers aid for funeral expenses according to the customs of each family or community.
Source: Inquirer.net

Construction starts on mega undersea link

China’s longest underwater railway tunnel project begins breaking ground

Tunneling operations began at both ends of China’s longest undersea high-speed railway tunnel project on Thursday, according to China Railway’s 14th Bureau Group, which is overseeing its construction.

The Jintang Undersea Tunnel, a critical component of the high-speed railway connecting Ningbo and Zhoushan in Zhejiang province, will span 16.18 kilometers upon completion, with a shielded section 11.21 km long, making it one of the world’s longest undersea railway tunnels. Trains will travel through it at speeds of up to 250 km per hour.

Construction of the tunnel is one of the world’s most ambitious and challenging projects of its kind because of the geological conditions it faces, the immense pressures at depth, and its length, which is nearly 10 km longer than the tunnel on the Hong Kong-Zhuhai-Macao Bridge.

Tunnel boring machines digging simultaneously from Zhoushan and Ningbo are set to meet in the middle of the seabed, delving as deep as 78 meters beneath the water’s surface during construction.

It will traverse the Jintang Channel, a major water transportation route to Zhoushan Port in Ningbo. The channel can accommodate large vessels, and Zhoushan Port is one of the world’s busiest ports in terms of annual freight throughput.

The tunnel will navigate a complex marine environment, passing beneath various risk factors such as oil pipelines, sea walls, docks and shipping lanes.

Hu Hao, an engineer from China Railway’s 14th Bureau Group, underscored the exceptional challenges presented by the project, which include navigating 28 transitions between soft and hard strata.

“The construction complexity, difficulty and risks involved in this process are rarely seen in the world,” he said.

Hu said the team has enhanced the design of the tunnel boring machines specifically for the Jintang Tunnel, enabling them to handle both soft and hard strata.

Upon completion, the tunnel will be the world’s third-longest undersea railway tunnel, trailing the Channel Tunnel linking the United Kingdom and France and Japan’s Seikan Tunnel. However, trains in those tunnels travel at a maximum speed of just 160 km/h.

Zhoushan and Ningbo are currently connected by a cross-sea bridge and ferries, which are subject to disruptions from typhoons, maritime transportation challenges and holiday congestion, resulting in erratic transportation capacities and inconvenience for commuters.
The Jintang Tunnel will be a crucial segment of the 77-km Ningbo-Zhoushan High-Speed Railway, which is expected to be operational by 2028. Source: China Daily