ស្ថាប័នចំនួន៤សហការគ្នារៀបចំពិព័ណក្រោមប្រធានបទ” ផ្កាអ័រគីដេនៃអង្ករវត្ត”នៅប្រទេសសឹង្ហបុរី

ដោយៈ គង់ សូរិយា

សឹង្ហបុរីៈ ក្រសួងវប្បធម៌ និងវិចិត្រសិល្បៈ សហគមន៍ និងយុវជនរបស់ប្រទេសសិង្ហបុរី និងក្រសួងអភិវឌ្ឍន៍សង្គម និងគ្រួសារនៃប្រទេសអូស្ត្រាលីបានរៀបចំពិព័ណដ៏ទាក់ទាញមួយ នៅឧទ្យានGardens By The Bay នៅប្រទេសសឹង្ហបុរី។

Gardens by the Bay ជាឧទ្យានដ៏ល្បីល្បាញក្នុងប្រទេសសិង្ហបុរី បានក្លាយជាទីតាំងពិព័រណ៍រស់រវើកនៃបេតិកភណ្ឌ និងសាកវប្បកម្មកម្ពុជា ក្រោមប្រធានបទ “ផ្កាអ័រគីដេនៃអង្គរវត្ត”។

ភាពទាក់ទាញបំផុតនៃពិព័រណ៍នេះ ប្រាង្គប្រាសាទអង្គរវត្តចម្លងកម្ពស់៣,៥ ម៉ែត្រ ដែលហ៊ុំព័ទ្ធដោយដើមត្នោត ជាដើមឈើតំណាងជាតិកម្ពុជា និងផ្កាផ្កាកេសរកូល ឬអ័រគីដេចម្រុះពណ៌ជាច្រើន។

ភ្ញៀវទេសចរក៏អាចទស្សនា ទិដ្ឋភាពខ្លោងទ្វារចូលប្រាសាទអង្គរធំ ដែលមានទេវតា(ព្រះ) បើកផ្លូវដើរ ខណៈរូបចម្លាក់ចម្លងតំណាងឱ្យស្ថាបត្យកម្ម និងវប្បធម៌ខ្មែរបុរាណ ហ៊ុំព័ទ្ធដោយផ្កាកេសរកូលពណ៌ស និងលម្អងពណ៌ លឿង និងពណ៌ទឹកក្រូច បង្កើតភាពចម្រុះ ខុសពីផ្កាកេសរកូលប្រពៃណីពណ៌ស្វាយ។

ទស្សនីយភាពវប្បធម៌ជួបធម្មជាតិ ដ៏គួរឱ្យចាប់អារម្មណ៍នេះបានបើកនៅថ្ងៃទី១៧ ខែឧសភា ដែលជាកិច្ចសហការរវាងស្ថានទូតកម្ពុជាប្រចាំប្រទេសសិង្ហបុរី និង Gardens by the Bay គាំទ្រដោយក្រសួងវប្បធម៌ និងវិចិត្រសិល្បៈកម្ពុជា ក្រសួងកសិកម្ម និងរុក្ខាប្រមាញ់ និង ក្រសួងវប្បធម៌ សហគមន៍ និងយុវជនរបស់ប្រទេសសិង្ហបុរី ក៏ដូចជា ក្រសួងអភិវឌ្ឍន៍សង្គម និងគ្រួសារនៃប្រទេសអូស្ត្រាលី។

យោងតាមហ្វេសប៊ុកក្រសួងវប្បធម៌ និងវិចិត្រសិល្បៈ បានដកស្រង់សម្ដីលោក សុខ ខឿន ឯកអគ្គរាជទូតកម្ពុជាប្រចាំសិង្ហបុរី បានថ្លែងថា “ព្រឹត្តិការណ៍ដ៏មានសារ:សំខាន់នេះ រៀបចំក្នុងគោលបំណងលើកកម្ពស់ការយល់ដឹងពីប្រទេសកម្ពុជា និងបង្ហាញប្រទេសកម្ពុជាឱ្យភ្ញៀវទេសចរអន្តរជាតិកាន់តែស្គាល់ ក៏ដូចជាជំរុញភាពរឹងមាំនៃទំនាក់ទំនងរវាងប្រទេស កម្ពុជា-សិង្ហបុរី និងទំនាក់ទំនងប្រជាជន និងប្រជាជននៃប្រទេសទាំងពីរ”។

លោកបានឱ្យដឹងថា ប្រាសាទអង្គរវត្តរបស់ប្រទេសកម្ពុជា និងសួនកម្សាន្ត Gardens by the Bay របស់សិង្ហបុរី គឺជាកន្លែងពីរក្នុងចំណោមកន្លែង ដែលមានអ្នកទស្សនាច្រើនបំផុត នៅអាស៊ីអាគ្នេយ៍ ដោយប្រាសាទអង្គរវត្តជាប់លេខ១ ហើយGardens by the Bay ជាប់លេខ២។

លោកសុខ ខឿន បានថ្លែងថា ការតាំងពិព័រណ៍នេះ នឹងទាក់ទាញភ្ញៀវទេសចរនៅ Gardens by the Bay ហើយក៏នឹងមានភ្ញៀវទេសចរជាច្រើនទៀត នឹងមកទស្សនាប្រាសាទអង្គរវត្តពិត របស់កម្ពុជា។

ពិព័រណ៍នេះបើកពីថ្ងៃទី ១៧ ឧសភា រហូតដល់ថ្ងៃទី ៨ ខែកញ្ញា ឆ្នាំ ២០២៤ បង្ហាញពីសួនផ្កាកេសរកូលកម្ពុជាជាង៥០ប្រភេទ រួមទាំងផ្កាអ័រគីដេកម្រ និងVandachostylis។

ផ្កា Dendrobium Adastra ស្រដៀងនឹង “ទឹកធ្លាក់ផ្កា” គឺជាចំណុចលេចធ្លោមួយទៀត ដែលបង្ហាញពីជីវចម្រុះដ៏សម្បូរបែបនៃប្រទេសកម្ពុជា។

នាយកប្រតិបត្តិក្រុមហ៊ុន Gardens by the Bay លោក Felix Loh ត្រូវបានដកស្រង់សម្តីដោយសារព័ត៌មានថា ប្រាសាទអង្គរវត្តជាកន្លែងទាក់ទាញមួយ ក្នុងចំណោមតំបន់ទេសចរណ៍ ដែលមានអ្នកទស្សនាច្រើនបំផុតនៅអាស៊ី ហើយយើងមានកិត្តិយស ដែលបានចាប់ដៃគូជាមួយស្ថានទូតកម្ពុជា ប្រចាំប្រទេសសិង្ហបុរី ដើម្បីបង្កើតឡើងវិញនូវទីតាំងដ៏អស្ចារ្យនេះនៅ Gardens by the Bay។ ទន្ទឹមនឹងនោះ យើងក៏បានណែនាំភ្ញៀវទេសចរ ឱ្យស្គាល់មរតកផ្កាកេសរកូលដ៏សម្បូរបែបរបស់កម្ពុជា៕

តើអ្នកជួលនិងមានអចលនទ្រព្យជួលគួរសិក្សាលើកត្តាអ្វីខ្លះ?

ដោយៈ គង់ សូរិយា

ភ្នំពេញៈ ម្ចាស់អចលនទ្រព្យសម្រាប់ជួល និងអ្នកជួលត្រូវសិក្សាស្វែងយល់ពីគ្នាទៅវិញទៅមក ទាក់ទងតម្លៃ ប្រាក់កក់ និងសេវាកម្មចាំបាច់ដទៃទៀត ដើម្បីបញ្ចៀសហានិភ័យនានា។

វាមានសារៈសំខាន់ណាស់ ក្នុងការមានបញ្ជីត្រួតពិនិត្យគុណភាព ដែលអ្នកស្វែងរកនៅក្នុងអ្នកជួល ដែលមានសក្តានុពល ប៉ុន្តែកុំកំណត់ការរំពឹងទុកខ្ពស់ដែលមិនសមហេតុផល។

អ្នកជួលគ្រប់រូបមានបុគ្គលិកលក្ខណៈ និងតម្រូវការ និងផាសុកភាពផ្ទាល់ខ្លួនរបស់ពួកគេ ដូច្នេះយកល្អ គួរស្វែងរកនរណាម្នាក់ដែលមានឆន្ទៈក្នុងការសហការ ហើយជាអ្នកដែលមានការពិចារណាចំពោះអ្នក និងទ្រព្យសម្បត្តិ និងពេលវេលារបស់អ្នកផងដែរ។ ស្វែងយល់ពីតម្រូវការរបស់ពួកគេ និងឱ្យពួកគេដឹងពីតម្រូវការរបស់អ្នក ហើយបង្ហាញនូវអ្វី ដែលអ្នករំពឹងពីពួកគេ ហើយសួរពួកគេពីអ្វីដែលពួកគេរំពឹងពីអ្នក។ ដូច្នេះវានឹងជួយកំណត់ព្រំដែន និងការរំពឹងទុកមួយចំនួន ហើយមានន័យថា វាអាចនាំឱ្យទំនាក់ទំនងកាន់តែមានភាពប្រសើរ។ប្រសិនបើអ្នកជួបបញ្ហា យ៉ាងហោចណាស់អ្នកដឹងថា តើនរណាជាអ្នកទទួលខុសត្រូវ និងថាតើដំណើរការនោះជាអ្វី។

អត្រាការជួលភាគច្រើន មិនរាប់បញ្ចូលការគិតថ្លៃបន្ថែមប្រចាំខែដូចជាការថែទាំ (ភាគច្រើនអនុវត្តចំពោះខុនដូ) ថ្លៃសំរាម ថ្លៃឧស្ម័ន ថ្លៃទឹក និងថ្លៃអគ្គិសនី។ល។

ទាំងនេះគួរតែត្រូវបានបង្កើតឡើង នៅក្នុងកិច្ចសន្យាជួលមុនពេលម្ចាស់និងអ្នកជួលចុះហត្ថលេខា។ វាក៏ជួយឱ្យអ្នកជួលដឹងពីមធ្យោបាយនៃការទូទាត់ផងដែរ ដូច្នេះហើយនៅក្នុងប្រទេសកម្ពុជាឥឡូវនេះអាចធ្វើទៅបាន តាមរយៈកម្មវិធីទូរទាត់របស់ធនាគារ (banking apps) ហើយយ៉ាងហោចណាស់នៅក្នុងទីក្រុងភ្នំពេញ ប៉ុន្តែក៏អាចធ្វើបាន នៅក្នុងមជ្ឈមណ្ឌលទីក្រុងផ្សេងទៀត អ្នកអាចបង់ថ្លៃទឹក ភ្លើង និងបង់ថ្លៃវិក្កយបត្រ ប្រើប្រាស់ស្ទើរតែទាំងអស់ តាមរយៈកម្មវិធីទូរទាត់នោះ។

វាក៏អាចអនុវត្តទៅបានដូចគ្នា សម្រាប់បង់ថ្លៃជួលដែលអាចត្រូវបានទូទាត់ពីធនាគារមួយ ទៅឱ្យធនាគារមួយ តាមរយៈកម្មវិធីដែលពាក់ព័ន្ធដោយភាពងាយស្រួល និងឆាប់រហ័ស។ ការបង្កើតកាលបរិច្ឆេទទូទាត់ច្បាស់លាស់ និងការផ្លាស់ប្តូរព័ត៌មានមានសារៈសំខាន់។ កម្មវិធី Telegram និង WhatsApp ក៏ក្លាយជាវិធីសាស្ត្រសាមញ្ញផងដែរ ក្នុងការទំនាក់ទំនងរវាងអ្នកជួលនិងម្ចាស់ផ្ទះ។

តាមការណែនាំ ថ្វីត្បិតតែវាប្រែប្រួលពីសង្កាត់មួយ ទៅសង្កាត់មួយទៀត និងអាស្រ័យលើអចលនទ្រព្យក៏ដោយ ក៏ថ្លៃអគ្គិសនីអាចមានតម្លៃចាប់ពី១០០០ រៀល/០.២៥ដុល្លារ ក្នុងមួយគីឡូវ៉ាត់ ថ្លៃទឹកនិងថ្លៃប្រមូលសំរាម មានតម្លៃពី២ទៅ៥ដុល្លារក្នុងមួយខែ និងថ្លៃបន្ថែមសម្រាប់ទូរទស្សន៍ខ្សែកាប និងការតភ្ជាប់អ៊ីនធឺណិត (ប្រសិនបើរួមបញ្ចូល) ប្រហែលជាត្រូវអនុវត្តន៍។

ការកើនឡើងចំនួនជនបរទេសនានា ក៏កំពុងផ្លាស់ប្តូរទៅកាន់ទីក្រុងនានាដូចជាទីក្រុងភ្នំពេញពីតំបន់ និងអន្តរជាតិ ដោយសារឱកាស និងក្នុងករណីខ្លះ បណ្តាលមកពីការផ្លាស់ទីលំនៅ ដោយកត្តាភូមិសាស្ត្រនយោបាយ។ ការប្រើប្រាស់កម្មវិធីភាសា អាចមានប្រយោជន៍ក្នុងការប្រាស្រ័យទាក់ទងគ្នា ប្រសិនបើអ្នកមិនចេះភាសាដូចគ្នា។

ស្វែងរកអ្នកជួលដែលល្អនៅកម្ពុជា
ការស្វែងរកអ្នកជួលត្រឹមត្រូវ អាចជាកិច្ចការដ៏លំបាក ប៉ុន្តែមិនមានអ្វីអាក្រក់ជាង ការមានអ្នកជួលមិនល្អ ដូច្នេះចាប់ផ្តើមជាមួយនឹងជំហានមូលដ្ឋានមួយចំនួន ឬជួលភ្នាក់ងារដើម្បីដោះស្រាយជាមួយអ្នកជួលអាចជាដំណោះស្រាយជំនួសមួយផ្សេងទៀត។

ការជួលអាផាតម៉ិន អាចជាជម្រើសដែលអាចធ្វើទៅបាន ប្រសិនបើទីផ្សារអចលនទ្រព្យមានភាពយឺតយ៉ាវ ហើយជាពិសេសនៅពេលដែលយើងចូលដល់រដូវទេសចរណ៍ធ្លាក់ចុះ វាអាចនឹងមានអ្នកធ្វើការងារបណ្តោះអាសន្ន និងអ្នកធ្វើការរយៈពេលខ្លីផ្សេងទៀតដែលកំពុងស្វែងរកសណ្ឋាគារ និងផ្ទះស្នាក់បណ្តោះអាសន្ន។

ពាក់កណ្តាលឆ្នាំជាធម្មតា គឺជារដូវកាលមួយក្នុងចំណោមរដូវកាលនានា ដែលសាលាអន្តរជាតិ ឈប់សម្រាកវិស្សមកាលយូរបំផុតរបស់ពួកគេ ហើយគ្រូបង្រៀនបរទេស មួយចំនួនអាចនឹងចាកចេញ ខណៈខ្លះទៀត ដែលឈប់សម្រាករហូតដល់ ៦-៧ សប្តាហ៍អាចកំពុងស្វែងរកការជួលបន្តរបស់ពួកគេ ឬធ្វើការសម្រេចចិត្តផ្លាស់ប្តូរទីតាំង។

តើម្ចាស់ដីមានទំនួលខុសត្រូវអ្វីខ្លះនៅកម្ពុជា
ទោះបីជាមិនមែនជាតម្រូវការ បទបញ្ញត្តិគតិយុត្តិក៏ដោយ ក្នុងនាមជាម្ចាស់ផ្ទះ អ្នកអាចព្យាយាមរកនូវព័ត៌មាន មូលដ្ឋានអំពីអ្នកជួលដែលមានសក្តានុពល ប៉ុន្តែមានមនុស្សតិចតួចណាស់ ដែលធ្វើដូច្នេះនៅក្នុងប្រទេសកម្ពុជា។

ការជួបអ្នកជួលច្រើនដង ដើម្បីស្គាល់ពួកគេឱ្យកាន់តែច្បាស់ គឺត្រូវបានណែនាំយ៉ាងខ្លាំង។ វាជួយអ្នកអាចវាយតម្លៃថា តើអ្នកនឹងធ្វើការជាមួយគ្នាបានល្អក្នុងនាមជាម្ចាស់ផ្ទះ និងអ្នកជួលដែរឬទេ”។

តើគេធ្វើការងារអ្វី ស្ថានភាពគ្រួសាររបស់ពួកគេយ៉ាងដូចម្តេច ហើយថា តើនេះជាការជួលលើកដំបូងរបស់ពួកគេ ក្នុងប្រទេសកម្ពុជាឬ (តើពួកគេត្រូវការជំនួយអ្វីខ្លះ?)។ល។

ប្រសិនបើពួកគេមិនធ្លាប់ ជួលអចលនទ្រព្យពីមុនមកទេ អ្នកអាចព្យាយាមយកនិយោជករបស់ពួកគេ ធ្វើជាអ្នកធានា(reference) ដូច្នេះអ្នកអាចស៊ើបអង្កេតពីភាពជឿជាក់ និងលទ្ធភាពរបស់ពួកគេក្នុងការបង់ថ្លៃជួល។

អ្នកក៏គួរព្យាយាមនិយាយជាមុនអំពីបញ្ហាសំឡេង ឬការសាងសង់ដែលអាចកើតមាន (ដែលជារឿងដែលតែងតែកើតមានឡើងនៅក្នុងទីក្រុង) និងរក្សាទំនាក់ទំនងស្មោះត្រង់ ជាមួយអ្នកជួលរបស់អ្នក។

“បន្ទាប់ពីចុះហត្ថលេខា លើកិច្ចព្រមព្រៀងជួល គេបានផ្ដល់ការណែនាំឱ្យពិនិត្យមើល អចលនទ្រព្យរួមគ្នាជាមួយអ្នកជួល ដើម្បីកត់សម្គាល់ពីគុណវិបត្តិ ឬការខូចខាតសំខាន់ៗ។

ការថតរូបទុកជាភ័ស្តុតាង ជាមួយនឹងការកត់ត្រាពេលវេលាគឺមានប្រយោជន៍សម្រាប់ភាគីទាំងពីរ។ នេះជាការណែនាំជាមួយបញ្ជីត្រួតពិនិត្យសម្រាប់ការជួលនៅក្នុងប្រទេសកម្ពុជា។

ការទូទាត់ជាមុនលើការជួល
មិនមែនអ្នកជួលទាំងអស់ នឹងសុខចិត្តបង់ប្រាក់ជាមុន និងកក់ប្រាក់ សម្រាប់កិច្ចព្រមព្រៀងជួលប្រចាំឆ្នាំ នៅក្នុងប្រទេសកម្ពុជាទេ ដូច្នេះអ្នកនឹងត្រូវចរចារប្រាក់កក់មុន ដោយស្មើភាពជាមួយនឹងរយៈពេល ៤-៨ សប្តាហ៍ជាស្តង់ដារសម្រាប់ការជួលមួយឆ្នាំ។

ការដែលឱ្យអ្នកជួលបង់ប្រាក់ជាមុន នាំឱ្យម្ចាស់អចលនទ្រព្យអារម្មណ៍សុវត្ថិភាព គឺថា ប្រសិនបើអ្នកជួល មិនអាចបំពេញតាមកាលកំណត់នៃការទូទាត់ប្រចាំខែ ឬធ្វើឱ្យខូចខាតទ្រព្យសម្បត្តិនោះ ប្រាក់បញ្ញើអាចត្រូវបានយកប្រើ ដើម្បីទូទាត់សងសម្រាប់ការធ្វេសប្រហែស ឬមិនប្រយ័ត្នរបស់ពួកគេ។

ទោះបីជាកិច្ចព្រមព្រៀង ដែលមិនត្រូវបានសរសេរក៏ដោយ វាជារឿងធម្មតាទេដែលប្រាក់កក់ ត្រូវបានទូទាត់ពីការទូទាត់ថ្លៃជួលកាលពីខែមុនរបស់អ្នកជួល នៅពេលដែលមានការជូនដំណឹងជាមុន ប៉ុន្តែវាគួរតែត្រូវបានបញ្ជាក់នៅក្នុងកិច្ចសន្យា ឬនៅពេលដែលទំនុកចិត្តត្រូវបានបង្កើតឡើង។

ប្រព័ន្ធគ្រប់គ្រង វត្តមានជនបរទេសក្នុងព្រះរាជាណាចក្រកម្ពុជា
ប្រព័ន្ធគ្រប់គ្រង វត្តមានជនបរទេសក្នុងព្រះរាជាណាចក្រកម្ពុជា ត្រូវបានអគ្គនាយកដ្ឋានអន្តោប្រវេសន៍ ដាក់ឱ្យប្រើប្រាស់ក្នុងប្រទេសកម្ពុជា ដើម្បីកត់ត្រាទិន្នន័យជនបរទេស ដែលកំពុងរស់នៅ និងចូលមកទស្សនាកម្ពុជាក្នុងឆ្នាំ២០២០ ហើយវាជាការទទួលខុសត្រូវរបស់ម្ចាស់សណ្ឋាគារ ផ្ទះសំណាក់ ខុនដូ ហើយផ្ទះឬខុនដូ នឹងត្រូវបំពេញតាមកម្មវិធីទូរស័ព្ទ(app) ឬអនឡាញអំពីជនបរទេសស្នាក់នៅក្នុងអចលនទ្រព្យ៕

តើមូលហេតុអ្វីទើបនាំឱ្យតំបន់អាស៊ានមានបំណងលុបបំបាត់ការប្រើប្រាស់ប្រាក់ដុល្លារនៅក្នុងការដោះដូរពាណិជ្ជកម្ម?

ដោយ: គង់ លាងហួរ

អន្តរជាតិ: បណ្តាប្រទេសជាសមាជិក សមាគមប្រជាជាតិអាស៊ីអាគ្នេយ៍ (អាស៊ាន) កំពុងខិតខំជំរុញការប្រើប្រាស់រូបិយប័ណ្ណក្នុងស្រុក សម្រាប់ដោះដូរពាណិជ្ជកម្ម និងកាត់បន្ថយប្រាក់ដុល្លារអាមេរិកក្នុងប្រតិបត្តិការឆ្លងព្រំដែន។

សមាគមអាស៊ានមានប្រទេសសមាជិកចំនួន១០ ហើយសេដ្ឋកិច្ចរបស់តំបន់នេះ ក៏កំពុងមានការអភិវឌ្ឍន៍យ៉ាងលឿនបំផុតផងដែរ។ ទន្ទឹមនឹងនេះ បណ្តាប្រទេសកំពុងអភិវឌ្ឍន៍មួយចំនួន រួមទាំងប្លុកអាស៊ាន គ្រោងបញ្ចប់ការពឹងផ្អែកលើប្រាក់ដុល្លារអាមេរិក។

បណ្តាប្រទេសសមាជិកអាស៊ានទាំង១០ រួមមានប្រទេសប្រ៊ុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។

យោងតាមតួលេខចុងក្រោយ ពីមូលនិធិរូបិយវត្ថុអន្តរជាតិ (IMF) បង្ហាញថា បច្ចុប្បន្ន GDP របស់ប្រទេសអាស៊ានទាំង១០មានទំហំទឹកប្រាក់សរុបបញ្ចូលគ្នាប្រហែល៤ទ្រីលានដុល្លារ។

ប្រសិនបើប្លុកអាស៊ាន ចាប់ផ្តើមប្រើប្រាស់រូបិយប័ណ្ណក្នុងស្រុកទាំងស្រុង សម្រាប់ដោះដូរពាណិជ្ជកម្ម នោះប្រាក់ដុល្លារអាមេរិកនឹងច្បាស់ជាស្ថិតក្នុងគ្រោះថ្នាក់មិនខានឡើយ។ ជាពិសេស ឥណ្ឌូនេស៊ី គឺជាប្រទេសមួយ ដែលខិតខំយ៉ាងសកម្ម ក្នុងការជំរុញបដិដុល្លារូបនីយកម្ម ខណៈលោកប្រធានាធិបតីJoko Widodo កំពុងជំរុញឱ្យប្លុកនេះងាកឱ្យបានឆាប់រហ័ស ពីប្រាក់ដុល្លារអាមេរិក ហើយចាប់ផ្តើមងាកទៅប្រើប្រាស់រូបិយប័ណ្ណក្នុងស្រុក។

ចំណាត់ការនេះ នឹងជួយពង្រឹងសេដ្ឋកិច្ច ព្រមទាំងលើកកម្ពស់កិត្យានុភាពរូបិយប័ណ្ណក្នុងស្រុក របស់បណ្តាប្រទេសអាស៊ានទាំង១០ នៅក្នុងទីផ្សារប្តូរប្រាក់បរទេសទូទាំងពិភពលោក។

ជាមួយគ្នានេះ បណ្តាប្រទេសកំពុងអភិវឌ្ឍន៍ជាច្រើន ព្រួយបារម្ភថា ទំហំបំណុលរបស់សហរដ្ឋអាមេរិក ចំនួន៣៤,៤ទ្រីលានដុល្លារអាចបង្កផលប៉ះពាល់ដល់សេដ្ឋកិច្ច និងអាជីវកម្មក្នុងស្រុករបស់ពួកគេ។ ដូច្នេះ ដំណោះស្រាយតែមួយគត់ ដើម្បីទប់ស្កាត់មិនឱ្យបំណុលរបស់អាមេរិក ជះផលអាក្រក់មកលើប្រទេសរបស់ខ្លួន គឺត្រូវធ្វើយ៉ាងណាឱ្យបណ្តាប្រទេសអាស៊ាន ងាកមកប្រើប្រាស់រូបិយប័ណ្ណក្នុងស្រុក។

ម្យ៉ាងទៀត ការដាក់ទណ្ឌកម្មរបស់សហរដ្ឋអាមេរិក ទៅលើបណ្តាប្រទេសកំពុងអភិវឌ្ឍន៍មួយចំនួន ក៏ជាមូលហេតុ និងជាការដាស់ តឿនដ៏សំខាន់ ដែលជំរុញឱ្យតំបន់អាស៊ាន ខិតខំកាត់បន្ថយការពឹងផ្អែកលើប្រាក់ដុល្លារផងដែរ៕ប្រភព: Watcher Guru៕

30% less freight cost, 40% less time: How Chabahar port can help India to expand global trade

Over two decades after India first proposed to operate the Chabahar port – located on Iran’s southeastern coastline – New Delhi has sealed the pact with the Iranian authorities to operate the commercial port for 10 years. The move marks a diplomatic success for India, and can play a significant role in expanding the country’s global trade footprint, industry bodies and experts said.

The contract for the operation of Chabahar port, located 170 km away from Pakistan’s Gwadar port, was inked between Indian Ports Global Ltd (IPGL) and the Port & Maritime Organisation of Iran. As part of the pact, IPGL will invest $120 million, whereas a debt amounting to $250 million would also be raised.

The port, located on the Gulf of Oman, allows India to bypass arch-rival and neighbour Pakistan while enhancing trade ties with an array of landlocked countries located in central and western Asia, experts pointed out.

Also Read: India’s trade deficit narrows to $15.6 billion in March; monthly exports highest in FY24 | Key things to know

The operationalisation of the port will connect India with the International North-South Transport Corridor (INSTC), a 7,200 km transportation route that aims to connect the South Asian economies with Eurasia and Europe.

The corridor is seen as a promising alternative to the Suez Canal – the main maritime trade route between Europe and Asia – which is vulnerable to geopolitical impacts. Presently, insurance charges for trading through Suez Canal have jumped in view of the attacks carried out by Yemen’s Houthi militants against western-flagged vessels as a mark of protest against the US and its allies’ support to Israel for its offensive in Gaza.
Chabahar port to cut freight cost, transportation time

An alternative to the Suez Canal will bring down freight charges and transportation time while exporting goods to Europe, according to the Federation of Indian Export Organisations (FIEO). The Chabahar port, in particular, will allow India to diversify its trading routes and gain enhanced access to the markets of Russia, Eurasia and Europe, apart from Iran and Afghanistan, it pointed out.

Through the operationalisation of INSTC, Indian goods will land at Iran’s Chabahar port via the sea-route, and will subsequently be taken through vehicles to another Iranian port located on the edge of Caspian sea. From there, the goods will be sent to Russia via the sea route, and subsequently to other markets of Europe through the Russian railways, explained Ajay Sahai, the Director General of FIEO.

“The movement of cargo through this route is expected to save cost by 30% and transportation time by 40%, ensuring quick turnaround at competitive cost,” news agency PTI quoted Sahai as saying.

According to Global Trade Research Initiative (GTRI), the corridor will bring down the time to transport goods to Europe to 25 days, from around 45 days taken through the Suez Canal. The freight costs, the industry body claims, will be lowered by around 30%.
Source: Upstox

ហ្វីលីពីនប្រកាសមហិច្ឆិតាប្រែក្លាយខ្លួនទៅជាមជ្ឈមណ្ឌលផលិតកម្ម និងដឹកជញ្ជូននៅតំបន់អាស៊ីប៉ាស៊ីហ្វិក

ដោយ: គង់ លាងហួរ

អន្តរជាតិ: ប្រធានាធិបតីហ្វីលីពីន លោក Ferdinand Marcos Jr បានថ្លែងថា ប្រទេសហ្វីលីពីនមានគោលដៅ ប្រែក្លាយខ្លួនទៅជាមជ្ឈមណ្ឌលផលិតកម្ម និងដឹកជញ្ជូននៅតំបន់អាស៊ីប៉ាស៊ីហ្វិក។នេះបើយោងតាមការចុះផ្សាយដោយសារពត៌មាន Bloomberg។

ការថ្លែងបែបនេះ របស់លោកប្រធានាធិបតីMarcos បានធ្វើឡើង ស្របពេលដែលទីក្រុងម៉ានីល កំពុងព្យាយាមស្វែងរកអត្ថប្រយោជន៍ផ្នែកសេដ្ឋកិច្ច ពីទំនាក់ទំនងកាន់តែជិតស្និទ្ធរបស់ខ្លួន ជាមួយទីក្រុងវ៉ាស៊ីនតោន។

នៅក្រោមរដ្ឋបាលដឹកនាំបច្ចុប្បន្ន របស់លោកMarcos ហ្វីលីពីនបានបង្កើនការចូលរួមផ្នែកការពារជាតិ និងសេដ្ឋកិច្ចជាមួយទីក្រុងវ៉ាស៊ីនតោន។ តួយ៉ាងកាលពីខែមុន សហរដ្ឋអាមេរិកបានប្តេជ្ញាជួយពន្លឿនការវិនិយោគ លើហេដ្ឋារចនាសម្ព័ន្ធដឹកជញ្ជូន ថាមពលស្អាត និងខ្សែសង្វាក់ផ្គត់ផ្គង់ semiconductor នៅក្នុងប្រទេសហ្វីលីពីន តាមរយៈច្រករបៀងសេដ្ឋកិច្ច Luzon ។

លោក Marcos បានថ្លែងនៅឯវេទិកាធុរកិច្ចឥណ្ឌូ -ប៉ាស៊ីហ្វិកលើកទី៦ នៅទីក្រុងម៉ានីល កាលពីថ្ងៃអង្គារថា “គំនិតផ្តួចផ្តើមទាំងនេះ នឹងលើកកម្ពស់សេវាកម្មដឹកជញ្ជូនទំនិញ និងការឈានចូលទៅកាន់តំបន់សេដ្ឋកិច្ចសំខាន់ៗ ព្រមទាំងធានាបាននូវនិរន្តរភាពនៃអាជីវកម្ម និងប្រែក្លាយហ្វីលីពីន ទៅជាមជ្ឈមណ្ឌលក្នុងតំបន់សម្រាប់កសិ-ពាណិជ្ជកម្ម និងភស្តុភារនៅតំបន់អាស៊ីប៉ាស៊ីហ្វិក”។

លោក Marcos បានបន្ថែមថា “កម្មវិធីហេដ្ឋារចនាសម្ព័ន្ធ ដែលរួមមាន គម្រោងអាទិភាពចំនួន១៨៥ ដែលទាមទារដើមទុនវិនិយោគប្រមាណ១៦៣ពាន់លានដុល្លារ នឹងជួយប្រែក្លាយប្រទេសជាតិរបស់យើង ទៅជាមជ្ឈមណ្ឌលដឹកជញ្ជូនថ្មីបន្ទាប់នៅតំបន់អាស៊ី”។

សេចក្តីប្រាថ្នាប្រកបដោយមហិច្ឆិតានេះ នឹងតម្រូវឱ្យហ្វីលីពីន ត្រូវខិតខំប្រឹងប្រែងប្រកួតប្រជែង ជាមួយបណ្តាប្រទេសជិតខាង ដូចជាប្រទេសវៀតណាម និងប្រទេសឥណ្ឌូនេស៊ីជាដើម។

ជាមួយគ្នានេះ បណ្តាប្រទេសផ្សេងទៀតនៅតំបន់អាស៊ាន ដែលសម្បូរទៅដោយធនធានមនុស្ស ក៏កំពុងប្រកួតប្រជែងគ្នាផងដែរ ដើម្បីទាក់ទាញចំណែក នៃការវិនិយោគរាប់ពាន់លានដុល្លារ ស្របពេលដែលក្រុមហ៊ុនពហុជាតិសាសន៍នានា កំពុងខិតខំកាត់បន្ថយហានិភ័យ តាមរយៈការធ្វើពិពិធកម្មចេញពីប្រទេសចិន៕ ប្រភព: Bloomberg៕

រដ្ឋាភិបាលជប៉ុនគ្រោងបង្កើតប្រព័ន្ធដឹកជញ្ជូនទំនិញស្វ័យប្រវត្តិរវាង ទីក្រុងតូក្យូ និងទីក្រុងអូសាកា

ដោយ: គង់ លាងហួរ

អន្តរជាតិ: នាពេលនេះ ប្រទេសជប៉ុន កំពុងបង្កើតផែនការជាក់លាក់មួយ ដើម្បីបង្កើតប្រព័ន្ធដឹកជញ្ជូនទំនិញ ដែលគេហៅថា “ផ្លូវលំហូរស្វ័យប្រវត្តិ”ឬ Autoflow road ដើម្បីធ្វើការតភ្ជាប់ទីក្រុងតូក្យូ និងទីក្រុងអូសាកា។

ប្រព័ន្ធដឹកជញ្ជូនទំនិញដោយស្វ័យប្រវត្តិនេះ នឹងប្រើប្រាស់យានយន្តគ្មានមនុស្សបើក និងមធ្យោបាយដឹកជញ្ជូនផ្សេងទៀត។ នេះបើយោងតាមការចុះផ្សាយដោយ ទីភ្នាក់ងារសារពត៌មានជប៉ុន NHK World។

ជាមួយគ្នានេះដែរ គណៈកម្មាការនៃរដ្ឋាភិបាលជប៉ុន កំពុងសម្លឹងសិក្សាមើលលទ្ធភាព ប្រើប្រាស់សួនពុះចែកទ្រូងផ្លូវ ល្បឿនលឿន ឬផ្លូវក្រោមដីសម្រាប់ដំឡើង ហេដ្ឋារចនាសម្ព័ន្ធដឹកជញ្ជូនស្វ័ យប្រវត្តិ ដែលអាចនឹងបញ្ចប់រួចរាល់ជាស្ថាពរ ក្នុងរយៈពេល១០ឆ្នាំខាងមុខ។

ការរៀបចំកសាងប្រព័ន្ធដឹកជញ្ជូន ស្វ័យប្រវត្តិពីលើដី(Above ground) ត្រូវបានគេប៉ាន់ប្រមាណថា ត្រូវចំណាយទុនវិនិយោគក្នុងទំហំទឹកប្រាក់ជាង២៥ពាន់លានយ៉េន ក្នុងប្រវែង១០គីឡូម៉ែត្រម្តង ឬស្មើនឹង១៦០,៥៧លានដុល្លារអាមេរិក។

ចំណែកឯ ការរៀបចំប្រព័ន្ធដឹកជញ្ជូនស្វ័យប្រវត្តិ នៅផ្លូវក្រោមដី អាចនឹងត្រូវចំណាយទុនវិនិយោគ ពីរដ្ឋាភិបាលជប៉ុនក្នុងទំហំទឹកប្រាក់ជាង៥០០លានដុល្លារអាមេរិក។ ចំណាត់ការនេះ គឺជាផ្នែកមួយនៃកិច្ចខិតខំប្រឹងប្រែង ដើម្បីដោះស្រាយវិបត្តិការងារ នៅក្នុងឧស្សាហកម្មដឹកជញ្ជូន។

ជាក់ស្តែង បណ្តាក្រុមហ៊ុនភ័ស្តុភារនានា កំពុងពង្រឹងភាពជាដៃគូ ដើម្បីរក្សាសេវាកម្មដឹកជញ្ជូន ស្របពេលមានការព្រួយបារម្ភអំពីកង្វះខាតនៃអ្នកបើកបរឡានដឹកទំនិញ ដោយសារបទប្បញ្ញត្តិថ្មី ដែលកាត់បន្ថយការបន្ថែមម៉ោងធ្វើការរបស់អ្នកបើកបរ។

ស្ថានភាពបុគ្គលិកនៅក្នុងឧស្សាហកម្មភស្តុភារ ត្រូវបានគេរំពឹងថា នឹងវិវត្តន៍កាន់តែអាក្រក់នៅក្នុងឆ្នាំនេះ ខណៈបច្ចុប្បន្ននេះ ការបន្ថែមម៉ោងធ្វើការ(OT) សម្រាប់អ្នកបើកបររថយន្ត ត្រូវបានកំណត់ត្រឹម៩៦០ម៉ោងប៉ុណ្ណោះក្នុងមួយឆ្នាំ។

ឆ្លើយតបនឹងបញ្ហានេះ ក្រសួងហេដ្ឋារចនាសម្ព័ន្ធ និងដឹកជញ្ជូនជប៉ុនបានអះអាងថា ការបង្កើតប្រព័ន្ធលំហូរទំនិញស្វ័យប្រវត្តិ នឹងអាចគ្រប់គ្រងទំនិញ បានចំនួន២៦ភាគរយ នៃទំនិញដែលដឹកដោយរថយន្តដឹកទំនិញ និងយានយន្តផ្សេងទៀតរវាងទីក្រុងតូក្យូ និងទីក្រុងអូសាកា។

រដ្ឋាភិបាលជប៉ុន មានបំណងជ្រើសរើសផ្លូវជាក់លាក់មួយ និងចងក្រងផែនការមូលដ្ឋាន នៅពាក់កណ្តាលឆ្នាំនេះ ដើម្បីពន្លឿនការចាប់ផ្តើមកសាងប្រព័ន្ធដឹកជញ្ជូនទំនិញស្វ័យប្រវត្តិនេះ៕ប្រភព: NHK៕

នៅកម្ពុជាមានធនាគារនិងមីក្រូហិរញ្ញវត្ថុកើនដល់១៥៤ស្ថាប័ន

ដោយៈ គង់ ម៉ាលីនណា

ភ្នំពេញៈ វិស័យហិរញ្ញវត្ថុកម្ពុជាកំពុងរីកចម្រើន ព្រមគ្នាជាមួយហានិភ័យ ដោយគ្រឹះស្ថាបធនាគារ និងមីក្រូហិរញ្ញវត្ថុបានកើនដល់១៥៤ស្ថាប័ន ដែលចំនួននេះមិនទាន់រាប់បញ្ចូល នូវស្ថាប័នតូចៗដទៃទៀតនៅឡើយ។

យោងតាមរបាយការណ៍ត្រួតពិនិត្យប្រចាំ ២០២៣ របស់ធនាគារនៃកម្ពុជា ដែលបានចេញផ្សាយ កាលពីខែមេសា ឆ្នាំ២០២៤ កន្លងទៅនេះ បានឱ្យដឹងថា ប្រព័ន្ធធនាគារនៅកម្ពុជា រួមមាន ធនាគាពាណិជ្ជ៥៨ ធនាគារឯកទេស៩ គ្រឹះស្ថានមីក្រូហិរញ្ញវត្ថុ ទទួលប្រាក់បញ្ញើ៤ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើ៨៣ គ្រឹះស្ថានភតិសន្យាហិរញ្ញវត្ថុ១៦ គ្រឹះស្ថានឥណទានជនបទ១១៤ អ្នកដំណើរការតតិយភាគី៦ គ្រឹះស្ថានផ្តល់សេវាទូទាត់សងប្រាក់៣៣ ក្រុមហ៊ុនចែករំលែកប្រព័ន្ធព័ត៌មានឥណទាន១ ការិយាល័យតំណាងធនាគារបរទេស៥ និងអាជីវកម្មប្តូរប្រាក់២៩២៨។

របាយការណ៍ដដែលបានឱ្យដឹងថា ទ្រព្យសកម្មរបស់ប្រព័ន្ធធនាគារមានកំណើន៩,០ភាគរយ កើនដល់ទឹកប្រាក់៣៤៥,១ ទ្រីលានរៀល (៨៤,៥ប៊ីលានដុល្លារអាមេរិក) ក្នុងនោះឥណទានអតិថិជន បានកើនឡើង៥,០ភាគរយ ដល់២៣៦,២ទ្រីលានរៀល (៥៧,៨ ប៊ីលានដុល្លារអាមេរិក)។

របាយការណ៍ដដែលបានឲ្យដឹងទៀតថា ប្រាក់បញ្ញើអតិថិជនមានកំណើន១៣,៩ភាគរយ ដល់ ១៩៧,២ ទ្រីលានរៀល(៤៨,៣ ប៊ីលានដុល្លារអាមេរិក) និងដើមទុនមានកំណើន៥,៣ភាគរយ ដល់ ៦៦,៧ ទ្រីលានរៀល (១៦,៣ប៊ីលានដុល្លារអាមេរិក)៕

តម្លៃហាងឆេងមាសបានបន្តធ្លាក់ថ្លៃចុះនៅល្ងាចថ្ងៃពុធនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានបន្តធ្លាក់ថ្លៃចុះ នៅល្ងាចថ្ងៃពុធនេះ បើធៀបនឹងតម្លៃ ក្នុងពេលបិទការជួញដូរកាលពីថ្ងៃអង្គារម្សិលមិញ ខណៈក្រុមមន្ត្រីធនាគារកណ្តាលអាមេរិកអះអាងថា ខ្លួននឹងរង់ចាំមើលទិន្នន័យជាច្រើនខែទៀត ដើម្បីធានាថា អតិផរណាពិតជាអាចត្រលប់ទៅកាន់គោលដៅ២% មុនពេលខ្លួនចាប់ផ្តើមកាត់បន្ថយអត្រាការប្រាក់។

តួយ៉ាង តម្លៃមាស Spot Gold បានធ្លាក់ចុះ០,១៩%ដល់២៤១៦,៨៩ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,២៣ភាគរយដល់២៤២០,៤០ដុល្លារ ក្នុងមួយអោន គិតត្រឹមម៉ោង៤:០៨នាទីល្ងាច។

គិតត្រឹមពេលបិទការជួញដូរកាលពីថ្ងៃអង្គារម្សិលមិញនេះ តម្លៃមាស Spot Gold បានស្ថិតនៅត្រឹម២៤២១,៦៤ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានស្ថិតនៅត្រឹម២៤២៥,៩០ដុល្លារ ក្នុងមួយអោន៕

China’s home prices to drop faster with worsening sales slumps this year

The poll showed new home prices would fall 5.0% in 2024, versus a 0.9% decline tipped in a previous survey in February. Prices are likely to remain unchanged in 2025, compared with a 0.5% gain forecast in February.

The poll was conducted between May 10 and May 17, and is likely to have only partially taken into consideration Friday’s government announcement of support measures to stabilise the property market.

Beijing pledged to facilitate up to 1 trillion yuan ($138 billion) in funding and to ease mortgage rules, with local governments set to buy “some” apartments, which many analysts said marked the government’s strongest moves yet to turnaround the sector.

However, questions remain about the latest measures, especially over execution and how the government could help clear trillions of housing inventory.

Since the property market plunged into crisis in 2021, Chinese authorities introduced waves of policy support measures to shore up demand with little effect.

The poll showed property sales likely shrank 10.0% in 2024, steeper than the 5.0% slump forecast in the previous survey, while investment was expected to fall 10.0% from the 6.1% decline tipped in the earlier poll.

“There’s still high possibility for more supportive policies aimed at stimulating sales in the short run, which will help ease the decline in property sales,” said Xingping Wang, Senior Analyst of Corporates, Fitch Bohua. Source: Reuters

ក្រុមហ៊ុនApple ប្រកាសលក់បញ្ចុះតម្លៃចំនួនជាង៣០០ដុល្លារសម្រាប់ម៉ូដែលទូរស័ព្ទiPhone នៅប្រទេសចិន

ដោយ: គង់ លាងហួរ

អន្តរជាតិ: ក្រុមហ៊ុនយក្ស Apple បានចាប់ផ្តើមយុទ្ធនាការមួយនៅលើគេហទំព័រផ្លូវការ Tmall របស់ខ្លួននៅក្នុងប្រទេសចិន ដោយផ្តល់ ជូននូវការបញ្ចុះតម្លៃចំនួន២.៣០០យ័ន (៣១៨ដុល្លារ) លើការលក់ម៉ូដែលទូរស័ព្ទ iPhone មួយចំនួន។

ការបញ្ចុះតម្លៃនេះធ្វើឡើង ខណៈដែលក្រុមហ៊ុនបច្ចេកវិទ្យាខ្នាតយក្សរបស់សហរដ្ឋអាមេរិកមួយនេះ កំពុងខិតខំការពារចំណែកទីផ្សារស្មាតហ្វូនរបស់ខ្លួននៅក្នុងប្រទេសចិន ខណៈក្រុមហ៊ុនApple ប្រឈមនឹងការប្រកួតប្រជែងកាន់តែខ្លាំង ពីដៃគូប្រជែងដ៏ធំក្នុងស្រុកដូចជា ក្រុមហ៊ុន Huawei ជាដើម។

យុទ្ធនាការថ្មីនេះ ចាប់ផ្តើមដំណើរការពីថ្ងៃទី២០ ដល់ថ្ងៃទី២៨ ខែឧសភា ឆ្នាំ២០២៤ បន្ទាប់ពីក្រុមហ៊ុន Apple ធ្លាប់បានប្រើប្រាស់យុទ្ធសាស្ត្របែបនេះ កាលពីខែកុម្ភៈកន្លងទៅ។ ប៉ុន្តែកាលនោះ ក្រុមហ៊ុន បានបញ្ចុះតម្លៃត្រឹម១.១៥០យ័នតែប៉ុណ្ណោះ។ការបញ្ចុះតម្លៃក្នុងអត្រាដ៏ខ្ពស់បំផុតនេះ អនុវត្តន៍ចំពោះម៉ូដែលទូរស័ព្ទ iPhone 15 Pro Max 1TB ខណៈម៉ូដែលផ្សេងទៀតក៏ទទួលបានការបញ្ចុះតម្លៃគួរឱ្យកត់សម្គាល់ផងដែរ។

សម្ពាធនៃការប្រកួតប្រជែង បានធ្លាក់មកលើក្រុមហ៊ុន Apple កាន់តែខ្លាំងឡើង បន្ទាប់ពីក្រុមហ៊ុន Huawei កាលពីខែមេសា បានដាក់ចេញស្មាតហ្វូនស៊េរីខ្ពស់របស់ខ្លួន ដែលមានឈ្មោះថា Pura 70 បន្ទាប់ពីបានចេញលក់សេរ៊ីទូរស័ព្ទMate60 កាលពីខែសីហា ឆ្នាំមុន។

យ៉ាងណាមិញ កិច្ចខិតខំប្រឹងប្រែងផ្នែកយុទ្ធសាស្ត្រ លក់បញ្ចុះតម្លៃពីមុនរបស់ក្រុមហ៊ុនApple នៅក្នុងខែកុម្ភៈ ក៏ហាក់ដូចជាបានជួយដល់ក្រុមហ៊ុនអាមេរិកមួយនេះ ក្នុងការកាត់បន្ថយការធ្លាក់ចុះនៃការលក់ទូរស័ព្ទរបស់ខ្លួន នៅក្នុងប្រទេសចិនផងដែរ។

ជាក់ស្តែង ការលក់របស់ក្រុមហ៊ុន Apple នៅក្នុងប្រទេសចិនបានកើនឡើង១២% នៅក្នុងខែមីនា បន្ទាប់ពីដាំក្បាលចុះ៣៧%ក្នុង រយៈពេលពីរខែដំបូងនៃឆ្នាំ២០២៤។ នេះបើយោងតាមការគណនារបស់សារពត៌មាន Reuters ដោយផ្អែកលើទិន្នន័យពីបណ្ឌិត្យសភាបច្ចេកវិទ្យាព័ត៌មាន និងទំនាក់ទំនងចិន(CAICT)៕ប្រភព: Reuters៕